<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының сол жағалауында жаңа автовокзал ғимаратының іргетасын қалау рәсімі өтті.Облыс әкімі Нұрлыбек Нәлібаев жерлестерін заманауи нысан құрылысының басталуымен құттықтады.<blockquote>«Ел Президенті мен Үкіметтің жан-жақты қолдауының арқасында аймақта тың жобалар өркен жайып, жаңа нысандар салынуда. Оның ішінде, көлік инфрақұрылымын дамыту бойынша да ауқымды жоспарымыз бар. Біз өткен жылдан бері аймағымыздың негізгі қақпасы саналатын әуежай, теміржол вокзалы, автовокзал инфрақұрылымын дамытуға басымдық бердік. Соның нәтижесінде әуежай алаңы жаңарып, жаңа автовокзалдың құрылысы басталуда. Осы жылдың наурыз айында ел ағаларымен бірге жерлесіміз Болат Өтемұратовтың қолдауымен құны 15 млрд. теңге болатын «Қорқыт Ата» әуежайының жаңа терминалының іргетасын қаладық. Бүгінде терминал құрылысы қарқынды жүруде. 2024 жылдың мамыр айында ел игілігіне табыстаймыз.Енді жолаушылар мен тасымалдаушыларға қызмет көрсететін, барлық стандарт талаптарына сәйкестендірілген заманауи үлгідегі жаңа автовокзал ғимаратының іргетасы қаланбақ. Бұл кешен жолаушыларға қызмет етіп, жол қатынасының реттелуіне негіз болады. Мұнда тек автовокзал ғана емес, ірі сауда және қоғамдық тамақтану, тұрмыстық қызмет көрсету орындары, қоймалар, автокөлік жөндеу цехтары да жұмыс істейді. Бәрі де жолаушыларға қолайлы, қауіпсіз әрі ыңғайлы болады», – деді аймақ басшысы.</blockquote>Рәсімде жерлестерін Жалағаш ауданы және Қызылорда қаласының құрметті азаматы Қожахмет Баймаханов құттықтап, Қазақстанның еңбек сіңірген қайраткері Қорғанбек Қайруллаұлы бата берді.Жаңа автовокзал пайдалануға берілгеннен кейін барлығы 55 автобус маршруты (124 рейс) ұйымдастырылады. Мұнан бөлек, Ташкент қаласына 1 халықаралық рейс, 46 ауданаралық, Астана, Алматы, Шымкент, Жезқазған, Түркістан, Сарыағаш, Жібек жолы (Черняевка), Ақтөбе және тағы басқа қалаларға 8 маршрут жолға шығады. Нысан жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Құны 975 млн. теңгені құрайтын жаңа автовокзал құрылысы жыл соңына дейін аяқталып, халық игілігіне қызмет етпек.Айта кетейік, аймақта жолаушылар тасымалының сапасы жылдан-жылға артуда. Осыдан бірнеше жыл бұрын «Батыс Еуропа – Батыс Қытай» күре жолы қайта жаңғыртылып, аймақ экономикасының өркендеуіне оң ықпал етті. Көлік инфрақұрылымына деген сұраныс артқанын ескеріп, облыс орталығындағы жолаушылар тасымалдау қызметін жақсарту үшін өткен жылы заманауи 150 жаңа автобус сатып алынды. Биыл да шаһардағы қоғамдық көлік мәселесін түбегейлі шешу мақсатында қосымша 150 автобус әкелінбек.<figure class="image"><img src="https://knadmin.beoblood.kz/uploads/347590385_571293425191906_884661602357881113_n_94cbaf0bad.jpg" alt="347590385_571293425191906_884661602357881113_n.jpg"></figure>&nbsp;<figure class="image"><img src="https://knadmin.beoblood.kz/uploads/347404760_571293745191874_8114002499827774949_n_628b11ef99.jpg" alt="347404760_571293745191874_8114002499827774949_n.jpg"></figure>&nbsp;<figure class="image"><img src="https://knadmin.beoblood.kz/uploads/347394788_571296238524958_2882576801971879157_n_baee8e98bd.jpg" alt="347394788_571296238524958_2882576801971879157_n.jpg"></figure>&nbsp;<figure class="image"><img src="https://knadmin.beoblood.kz/uploads/347404977_571296138524968_388206453642955024_n_15fabfdf5e.jpg" alt="347404977_571296138524968_388206453642955024_n.jpg"></figure>

Қызылордада жаңа автовокзалдың іргетасы қаланды

<a href="https://kyzylorda-news.kz/">Kyzylorda-news.kz.</a>&nbsp; Қазгидромет ел аумағында 4 шілдеде болатын қауіпті метеорологиялық құбылыстарға болжам жасады.Атмосфералық фронтальды бөлімдердің өтуімен еліміздің басым бөлігінде найзағай ойнап, жаңбыр жауады деп күтілуде. Республика бойынша желдің күшеюі, оңтүстік-батыста, оңтүстік-шығыста шаңды дауылмен, күндіз солтүстік-батыста, солтүстікте, орталықта - бұршақ, түнде және таңертең солтүстікте тұман болады деп күтілуде.«Алматы, Атырау, Батыс Қазақстан, Ақтөбе, Солтүстік Қазақстан, Жетісу облыстарының басым бөлігінде, Маңғыстау облысының оңтүстігінде қатты ыстық күтіледі.Түркістан, Қызылорда, Маңғыстау, Жамбыл облыстарының басым бөлігінде, Ақтөбе, Қарағанды, Қостанай, Алматы, Ұлытау облыстарының оңтүстігінде, Жетісу облысының солтүстік-батысында, Атырау облысының батысында, Павлодар облысының солтүстігінде, батысында төтенше өрт қаупі сақталады.Алматы, Солтүстік Қазақстан, Жетісу облыстарының басым бөлігінде, Батыс Қазақстан облысының оңтүстік-батысында, Абай облысының солтүстік-батысында, оңтүстігінде жоғары өрт қаупі сақталады», - деп жазды синоптиктер.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Бүгінде ауылдарды дамыту бойынша мемлекет тарапынан түрлі бағдарламалар іске асырылып, жүйелі жұмыстар атқарылып жатқаны анық. Иә, тынымсыз тіршілікке толы ауыл тынысы қазір біршама өзгерген. Мәселен, ауызсу, жол, жарық сынды күрделі мәселелер шешімін тауып, тұрғындар тілегі орындалып келеді. Бүгінгі тақырыбымызға арқау болып отырған аудан орталығынан шалғайда орналасқан Беларан ауылдық округінің тыныс-тіршілігі жайында айтпақпыз. &nbsp;Яғни, аудан орталығы мен ауыл арақашықтығы 270 шақырым жерді құрайды. Атаулы округте 60 тұрғын үй, 372 адам бар. Халық қалап алған ауыл әкімі бүгінде ауылдың тынымсыз шаруасына кірісіп, бүгінде ел ризашылығына бөленіп отырған жайы бар.2021 жылы қыста қардың, көктемде жауын-шашын мөлшерінің шамадан тыс аз мөлшерде түсуі, жайылымдық жерлердегі шөптің шығымына кері әсерін тигізбей қоймағаны белгілі. Осы қиындықтың салдарынан қуаңшылық жағдайы орын алып, жеке қожалықтар мен шаруа қожалық иелеріне қиындықтар туғызып, мал шығыны орын ала бастаған болатын. Ауыл тұрғындарының бір бөлігі біршама малдарын Шалқар, Ырғыз аудандарына апарып бақса, енді бір бөлігі ағайын-туыстарына апарып уақытша бағуға жұмыс жасауға мәжбүр болды. Сонымен бірге малдарын, оның ішінде жылқы малын төмен бағада сатқан еді. Осы ретте, облыс, аудан әкімдігі тарапынан шұғыл шаралар қабылданып, төтенше жағдайдың салдарын жою бағытында бірқатар жүйелі жұмыстар жүргізілді. Оның ішінде ауыл шаруашылығы жануарларының жайылымдық жерлерін суландыру мақсатында ауылдың батыс беткейінен су ұңғымасы қазылды. Сонымен қатар қолда бар ауыл шаруашылығы жануарларының басын аман алып қалу мақсатында Б.Өтемұратов қорынан 22 тонна бидай кебегі және 16 тонна шөп тұрғындарға тегін таратылды. Бұдан бөлек, мал азығына қолжетімді болу үшін шөп тасымалдаған автокөліктердің жанар-жағар май шығындарына төтенше жағдайлар есебінен 3500 тонна жанар май қаржысы жұмсалып, 176,5 тонна шөп тасымалданды. Биыл қысқы қардың, көктемгі жауын-шашынның мол болуынан жайылымдық алқаптарға шөп шығып, ауыл тұрғындарының қуанышында шек жоқ.Сонымен бірге көркейту-көгалдандыру мақсатында елді мекендегі мемлекеттік мекемелердің аулаларына арнайы тал көшеттері отырғызылып, күтімге алынған. Атап айтсақ, № 77 білім ордасында 210 түп сыр талы мен қара тал, ауылдық клубқа 40 түп, ауыл әкімшілігі мен балалар ойын алаңына 100 түп тал көшеттері отырғызылды.Ауыл халқының негізгі тіршілігі – мал шаруашылығы екендігі белгілі. Округ бойынша 7 шаруа қожалығы мен 6 дара кәсіпкер тіркеліп жұмыс жасауда. Мал басы осы жылдың 1 шілдесіне түйе –1994 бас, жылқы – 1419 бас, мүйізді ірі қара – 524 бас, уақ мал 521 басты құрап отыр.Былтыр екі дара кәсіпкер түйе малын өсіру үшін 10 млн 200 мың теңге несие алса, бір &nbsp;шаруа қожалығы жылқы малын өсіруге10 млн теңге несие алып, кәсібін жандандыруда. Биыл бір дара кәсіпкер түйе малын өсіру үшін 3 млн 500 мың теңге несие алып, жұмысын жасауда.Құланды елді мекенінен Бейнеу-Шымкент газ құбыры жанындағы автожолға дейінгі 35 шақырым автожолға тас төсеп, жол салу жұмыстарын жүргізу керек болған. Ауыл тұрғындарының ұсыныс-пікірлерін ескере отырып, «ҚазТрансГаз Өнімдері» ЖШС-не &nbsp;жолды тегістеу жұмыстарын жүргізуге ықпал жасау жөнінде ұсыныс жолданған. Жолданған ұсынысқа сәйкес бүгінде Құланды елді мекенінен Бейнеу-Шымкент газ құбыры жанындағы автожолға дейінгі 35 шақырымды «ҚазТрансГаз Өнімдері» ЖШС арқылы ескі жолдың жанынан жаңадан жол тегістеу жұмыстары жүргізіліп, толықтай аяқталды. Сонымен бірге демеушілердің есебінен ауыл көшелерінің түнгі жарық шамдарын ауыстыру жұмыстары жүргізілді.

Ауыл тіршілігі жанданып келеді

<a href="https://kyzylorda-news.kz/">Kyzylorda-news.kz.</a> Өткен жылы облыста ауыл шаруашылығы саласы бойынша үздік атанып, көш бастаған Сырдария ауданы биыл 35692 гектар жерге егін еккені мәлім. Сырдың негізгі дақыл күріш – 23500 гектарды құрайды. Сондай-ақ қалған 12192 гектарға жаздық бидай, жүгері, жоңышқа мен мақсары, картоп, көкөніс, бақша дақылдары құнарлы жерге орналастырылған. Бұларға әдеттегідей шаруашылық құрылымдарындағы ақ егісті де қосуға болады. Қазір уақытта Сырдария ауданында күріштің бірнеше сорты толықтай себіліп, суға бастырылған.Былтыр барлық ауданда да су тапшылығы шаруаларға қиындық туғызды. Осыған байланысты ауқымды жұмыс атқарылғаны жасырын емес. Былтыр Сырдария ауданында бюджеттен 198 млн теңге бөлініп, алты каналдың 56 шақырымнан астамы тазартылған болатын. Қосымша 19 су насосы алынғаны мәлім. Соның нәтижесі болар, &nbsp;диқандар жоғары өнім жинады.Осы жылы да аталған жұмыстар тоқтаған емес. Екі каналды тазартуға және 4 су насосын алуға облыстық бюджеттен қаржы бөлінгенін айта кетейік. Қазір Тереңөзек кентіне екі электрлі, А.Тоқмағанбетов ауылдық округіне екі дизельді насос қондырғысы жеткізілгені мәлім.Осыдан төрт жыл бұрын Сырдариядағы аудандық жастар ресурстық орталығының бастамасымен жастардың еңбек бригадалары құрылып, өз жұмыстарын бастағанын жақсы біулеміз. Қазір аудан әкімдігінің қолдауымен Шіркейлі, Айдарлы, А.Тоқмағанбетов, Аманкелді, Бесарық, Жетікөл және Қоғалыкөл елді мекендерінде құрылған талаптылар қатарында жұмыссыз, NЕЕТ санатындағы және пробация есебінде тұратындар еңбек етіп жүргені көңілге медеу сыйлайды.Тұрғындар әлеуметтік маңызы бар картоп, көкөніс, бақша өнімдерімен өзін-өзі қамтамасыз ету үшін былтыр аудан басшылығы 210 гектар қосымша жер ашып берсе, биыл оған 105 гектар қосылып, барлығы 315 гектар жерге бақша егу жоспарланған секілді. Осы күні 359 гектар жер дайындалған болатын, Тереңөзек кенті мен ауылдық округтер бойынша 1100-ден астам адам егін егумен айналысуда.Негізінен, Сырдария ауданында әлеуметтік маңызы бар азық-түлік бағасын тұрақтандыру мақсатында жәрмеңке тұрақты түрде ұйымдастырылып келеді. Бағасы да базардан 10-15 пайыз төмен. Сондай-ақ биыл «Байқоңыр» әлеуметтік кәсіпкерлік корпорациясы арқылы Тереңөзек кентінде екі әлеуметтік дүкен ашылғандығын айта кетейік. &nbsp;

Сырдарияда мыңнан астам шаруа егін егуде

<a href="https://kyzylorda-news.kz/">Kyzylorda-news.kz.</a> Облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Каримова Қаламқас Арыстанқызы, облыстық әйелдер кеңесінің төрайымы Байназарова Райкүл Мансұрқызы және «Сенімен болашақ» республикалық қоғамдық бірлестігінің психологы Абдрахманова Сымбат Нұртазақызы жұмыс сапарымен ауданға келді.&nbsp;Облыстан келген топ алдымен аудан әкімдігінде отбасы саясаты мәселелері бойынша қоғамдық қабылдау жүргізді. Содан соң аудандық әйелдер істері және отбасылық-демографиялық саясат жөніндегі комиссия жұмысымен танысу, алдағы жұмыстарды талқылау мақсатында комиссия мүшелерімен, кенттік, қалалық, ауылдық әйелдер кеңестерінің төрайымдарымен, отбасы саясатына қатысы бар үкіметтік емес ұйымдардың өкілдерімен және қоғамдағы белсенді әйел-аналармен кездесті.&nbsp;Кездесу барысында көптеген мәселелер қозғалып, қатысушылар тарапынан ұсыныстар айтылды. Алдағы уақытта атқарылатын жұмыстар мен міндеттер талқыланды.&nbsp;Дәл осы уақытта аудандық орталық кітапхананың Коворкинг орталығында «Сенімен болашақ» РҚБ-нің психологы С.Абдрахманова мүгедек балалары бар және көп балалы мемлекеттік қызметшілерге психологиялық тренинг өткізді.&nbsp;Одан соң жұмыс тобы Р.Бағланова атындағы мәдениет орталығында өткен «Қоғам. Тұлға. Отбасы» атты аудандық отбасы форумына қатысты.

Отбасы саясаты мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев өңiрге жұмыс сапарымен келген ҚР Парламенті Сенатының депутаты Руслан Рүстемов пен Мәжілістегі "AMANAT" партиясының фракция мүшелері Мархабат Жайымбетов және Мұрат Ергешбаевпен кездесті.Кездесуде алдағы уақытта облыста атқарылатын жұмыстар талқыланды.Айта кетейік, осы уақытқа дейін депутаттар Сырдария ауданының Айдарлы, Амангелді, Қалжан ахун ауылдарында болып, аудан орталығы Тереңөзек кентінде жеке қабылдау өткізді.Ертең Жалағаш және Қызылорда қаласында болып, сәрсенбі күні Шиелі ауданына аттанбақ.<figure class="image"><img src="https://knadmin.beoblood.kz/uploads/347394363_571244638530118_7767609147802900473_n_73d24670ca.jpg" alt="347394363_571244638530118_7767609147802900473_n.jpg"></figure>

Облыс әкiмi Парламент депутаттарымен кездесті

<a href="https://kyzylorda-news.kz/">Kyzylorda-news.kz.</a> Қайырымдылық – ізгіліктің көрінісі. Ол көмекті қажет етушілерге білдірілетін сүйіспеншілік пен қол ұшын беру екені рас. Қайырымдылық жасау үшін асып-тасыған бай болу міндетті емес. Ең бастысы мейірімді жүрегің мен таза ниетің болса жеткілікті. Біреулер жаны жабырқап жүргендерді жұбата отырып күлкі сыйласа, бірі қиын сәтте қол ұшын беріп, көмек жасайды. Бүгінде сондай игі істер, қайырымдылықты өмірлік мақсат еткен жомарт жандардың саны жылдан-жылға артып келеді.Сондай жаны жайсаң, жүрегін тек жылылыққа арнаған, айналасындағылардың өміріне бей-жай қарамай, оларды өз бауырындай көріп, қолдап жүргендердің бірі – жосалылық &nbsp;Бақыт Төребаева.Қай ортада қайырымдылық жайлы сөз қозғалғанда міндетті түрде Бақыт Арыстанқызының есімі де айтылып қалады. Бірінші кезекте оның көмекке &nbsp;мұқтаж жандарға көрсеткен көмегін &nbsp;ризашылықпен айтады. Оған себеп, қай жерде қайырымдылық іс болып жатса, сол жерде Бақыттың кентіміздегі өзі сияқты қайырымды жандармен бірге жүргенін көреміз.Тіпті, кейде &nbsp;ауданда онсыз мұндай іс-шаралар өтпейтіндей &nbsp;көрінеді де.&nbsp;Оған дәлел ретінде қосарымыз, жақында 7 баласы бар, жары өмірден өткен жас келіншек оқыс оқиғаға тап болып, оның балалары, ағайындары не істерін білмей қалғанда, осы мезетте Бақыт Арыстанқызы өзінің елге қайырымдылық жасап жүрген әріптестерімен бірге &nbsp;жан-жақты көмектесті. Ойда-жоқта болған қайғыданабдырап &nbsp;қалған ағайындар осындай жаны жайсаң жандардың қасынан табылып, қолдау тапқандарына &nbsp;ризалықтарын &nbsp;білдіргенін &nbsp;көрдік.Иә, қазақ атам баласы қай кезде де бір үзім нанды өзгелермен бөлісіп жеген. Естеріңізде болар, сонау Ұлы Отан соғысындай зұмат жылдарда елімізге Кеңестер Одағының солақай саясатымен жер аударылып келген өзге ұлт өкілдеріне нанын бөліп берген, қонақжайлылығын көрсеткен қазақ халқы жер жүзіне танылғанын жақсы білеміз.Міне, осындай атадан-балаға &nbsp;жалғасып келе жатқан салт-дәстүрді өміріне серік еткен Бақыт Арыстанқызы өзі тұратын Тайшық би көшесінің төрайымы ретінде де көптеген іргелі де үлгілі істерімен танылған жан.Рас, бұл көшеде де, кенттің өзге аумағында тұратын тұрмысы төмен, көпбалалы, жалғысбасты тұрғындар жетерлік. Олардың арасында бұл кісіге өтініші айтып жататындарын көрдік. Тіпті, &nbsp;көше тазалығына да көз қырын салып жүреді.<blockquote>«Қайырымдылық &nbsp;деп өзіңдегі бар жақсылықты, бақытты өзгемен риясыз көңілмен бөлісу, бастысы шын ниетпен көрсетілген &nbsp;қолдау деп білемін. Бұл игі іс қайтарымсыз негізде көрсетілетін көмекке мұқтаж жандардың қажетін өтеудегі ізгіліктің нақты көрінісі екенін мен жақсы түсінемін. Қайырымдылық – адам баласы бойындағы асыл қасиеттің бірі. Себебі, &nbsp;қазақ халқы көмекке мұқтаж әрбір адамға қолдау көрсетіп, қайырымдылық жасауды, қарттарды аялауды, мүгедектерді қолдап-қорғауды адамгершілік борышы деп есептейді. Рас қоғамымызда түрлі себептерімен тағдыр тәлкегіне түскен, көмекке зәру жандар, ауыр сырқатқа шалдыққан үлкен кісілер мен балалар бар. Соларды қолдау – &nbsp;менің басты мақсатым. Менің бақытым халқымның алғысымен бағаланады», – дейді жүрегі жайсаң &nbsp;кейіпкеріміз.</blockquote>Осы ретте, ел құрметтісінің өнегелі өмір жолына тоқталсақ, Жосалы кентінде дүние дидарын ашқан ол алғашқы еңбек жолын механикалық зауытта бастап, жылдар өте аспазшы ретінде &nbsp;№183 орта мектепте жалғастырады. Және сол білім ордасынан құрметпен зейнеткерлік демалысқа шығады. Бақыт Арыстанқызы аудандағы қоғамдық жұмыстарға белсене араласып, &nbsp;кент тұрғындарының әлеуетінің артуына өзіндік үлес қосып жүрген &nbsp;ардақты жан. Ел алдындағы елеулі еңбегі үшін ол бірнеше рет аудан, облыс әкімдерінің Алғыс хатына, құттықтауларына ие болды. Өмірлік жары Амантай Жанұзақұлымен бірге ұл-қыз тәрбиелеп, немере сүйді. Олардың қоғамнан өз орнын сайлап алуына еңбек сіңірген бақытты ана.&nbsp;Сөз соңында «Қайырымдылық жасасаң – &nbsp;қайырын өзің көресің» дегендей, &nbsp;кейіпкеріміз Бақыт Төребаева сынды басқа да қайырымдылық ісімен &nbsp;ел жүрегінен орын алған, атап айтқанда Орынбасар Төлепов, Бекир Нәбиев сынды шаруашылық басшылары, &nbsp;Әділет Айбытов, Әсем Мерекова, Сағдат Нұрмағамбет пен басқа да аудандағы көптеген ардақты жандардың ұйымдастырушылық еңбектерін &nbsp;ерекше айта отырып, олардың қайырымды іспен айналысып жүрген сауапты істегі қажыр-қайраты мұқалмасын дейміз.

Қармақшыдағы қайырымды жан

<a href="https://kyzylorda-news.kz/">Kyzylorda-news.kz.</a>&nbsp; Қорқыт Ата атындағы Қызылорда университеті Kyzylorda Hub &nbsp;бизнес-инкубаторы ITeachMe 7.0 жобасының аясында ақпараттық кампания өткізді.&nbsp;Ақпараттық кампанияның мақсаты – &nbsp;жоба туралы толық ақпараттандыру, өтінім беру кезеңдері, шарттары мен ережелерін таныстыру.2 мәрте ұйымдастырылған кездесуде &nbsp;digital мамандықтар, оқыту курстарынан кейінгі мүмкіндіктер мен табысты маман атану тақырыптары қозғалды.Жиын барысында &nbsp;Kyzylorda Hub &nbsp;бизнес-инкубаторының жетекшісі Жанарыс Алтынбекұлы &nbsp;ITeachMe 7.0 жобасында тегін білім алу үшін 120 гранттық орын бөлінгеніне ерекше тоқталды.Айта кетейік, аталмыш жоба Chevron компаниясы және &nbsp;ITeachMe қоғамдық қорының ұйымдастыруымен &nbsp;жыл сайын өткізілетін аукымды жоба. Өтінім берудің &nbsp;3 кезеңінен &nbsp;өткен қатысушыларға мобилография, графикалық дизайн, SMM, motion design, UI/UX дизайн мамандықтарын толық меңгеріп, курс аяқтағаннан кейін жұмысқа орналасу мүмкіндігі беріледі. Сонымен қатар Астана, Алматы қалаларына дағдыларды дамыту лагеріне жолдама берілетін болады.&nbsp; &nbsp;<figure class="image"><img src="https://knadmin.beoblood.kz/uploads/357700497_786744116528456_1468456858876239438_n_01696262cc.jpg" alt="357700497_786744116528456_1468456858876239438_n.jpg"></figure>

IteachMe бағдарламасының ақпараттық жұмыстары  аяқталды

<a href="https://kyzylorda-news.kz/">Kyzylorda-news.kz.</a>&nbsp; Ел тірегі еңселі Елордамыздың көкке құлаш сермеп, орталыққа айналуы – Тәуелсіздігіміздің жарқын көрінісі. Астана қаласы – қазіргі таңда тұрғындарының саны миллионнан асатын ірі мегаполистердің бірі. Сарыарқа төрінде бой көтерген шаһар күн өткен сайын жанданып, жасарып, үздіксіз дамып келеді.Әр жылдың 6 шілдесі Қазақстанда Елорда күні атап өтіледі. Айтпақшы, 2006 жылға дейін елорда күні 10 маусымда тойланған. Кейінірек парламент депутаттары заңға тисті түзетулер енгізіп, мемлекеттік мерекені 6 шілдеге ауыстырған. 1991 жылы ел егемендікке қол жеткізгеннен кейін ел астанасын оңтүстіктен орталыққа қарай көшіру мәелесі күн тәртібіне енгізілген. Елбасының тапсырмасымен елдің жаңа астанасы деп жариялауға жан-жақты оңтайлы қаланы таңдау үшін көп жұмыс атқарылғаны анық. Арнайы зерттеу жұмыстары жүргізіліп, қаланың географиялық орнынан бастап климаты, жер жағдайы барлығы саралана келіп елорданы Сарыарқа төріне ауыстыру туралы шешім шығарылады. Сол сәтте Елбасы Нұрсұлтан Назарбаев «Бұдан былай және ғасырдан-ғасырға осында – ұлан-байтақ елдің кіндігінде халық тағдыры үшін өмірлік маңызы бар шешімдер қабылданатын болады. Отанымыздың жүрегі енді осы жерде соғады. Осы жерден Қазақстан үшінші мыңжылдықтың табалдырығында өзінің тарихи тағдырын айқындайтын болады» деп үлкен сенім артты. Ал Мемлекет басшысы Қасым-Жомарт Тоқаевтың «Тұңғыш президентіміз Нұрсұлтан Назарбаевтың астананы көшіру туралы бірегей шешімі халқымыз үшін аса маңызды тарихи оқиға болды» деуі елдіктің маңызын еселей түскені айқын.Бас шаһардың төл мерекесі биыл 25 рет аталып өтіледі. Осы уақыт аралығында елордамыз өзінің кейпін ғана өзгертіп қоймады, атауы да бірнеше мәрте ауыстырылды. 1998 жылы астанамыз Алматыдан Ақмолаға ауысып, қаланың аты «Астана» болып бекітілді. Тұңғыш Президент Жарлыққа қол қойған уақыт 1997 жыл болса, сол жылы Ақмола қаласы ресми түрде «Елорда» деп жарияланды. Ал 1998 жылы 6 шілде күні қалаға жаңа атау беру жөнінде Жарлық қабылданды. Бұл туралы Елбасы «Бір жолы түнде, дәлірек айтсам, сағат түнгі екіде Астана деген атау ойыма сап етіп, көкейіме қона кеткені. Астана дегеніміз астана! Қазақша әдемі естіледі. Қысқа да нұсқа, әуезді. Орысша да, ағылшынша да солай естіледі. Бұл атауда батылдық, мығымдық және айқындық реңк бар. Астана! Біздің жалпы көңіл ауанымызды және астананы көшіруден күтерімізді бейнелейтін өте ауқымды әрі қысқа ұран сияқты. Бірақ бұл атауды қазақша пайдаланудың жаңылтпаш сияқты өзіндік ерекшелігі болғалы тұр. Мысалы, астанамыз – Астана! Бірақ, әлемдік тәжірибеде мұндай да мысалдар жетіп артылады. Мысалы, Бразилияның астанасы Бразилиа. Міне, осылай! Сөйтіп, түн ортасында келген ой – Қазақстан астанасының жаңа атауы Астана көкейге біржолата ұялады» деп жазады өз еңбегінде. Одан кейін 2019 жылы Парламенттің қолдауы¬мен Қасым-Жомарт Тоқаев қала атауын өзгерту туралы Жарлыққа қол қойды. Бұл елордамыздың жаңа бір белесі болып тарихта қалды. Кейін көпшіліктің қолдауымен қала атауы тағы өзгертіліп, Астана атауымен қайта қауышты. Тарихи маңызы бар шешім 2022 жылы қабылданып, ел Президенті Жарлыққа қол қойды. «Астана» атауының өзіндік мәні мен мағынасы зор. Себебі бұл сөз «алып тайқазан» мағынасына саяды. Ал қазан ұғымының қазақ танымында аса киелі, елді бірлікке, бір оралыққа жинау деген мағынасы бар. Бұл туралы аңыз әңгіме де кездеседі. Астана қаласы әлемнің ең жас астанасы болғанымен, Еуразия кеңістігінің орталығы саналады. Сондай-ақ тек әкімшілік орталық қана емес, өндірісі өрлеп, экономикасы еселенген орталық.Елордамыз талай ақынның жырына, әншінің әніне арқау болған. Сұлу қала ақынның шабытын шырқау шыңға жеткізбей қоймасы анық. Көпшілік біле бермес, елордамыз туралы алғаш жазылған ән – ақын Амангелді Жұмабектің сөзіне жазылған Ескермес Иманбайдың «Ақмола – бас қалам» әні. Бұл ән кезінде елорданың халықаралық тұсаукесерінде шырқалыпты. Ақмола қаласы астана болып жарияланған тұста қала жайлы үздік ән байқауы жарияланып, сонда осы ән жеңіске жеткен. Десек те, әннің ғұмыры ұзаққа бармаған сыңайлы. Жаңа әндер дүниеге келгеннен кейін шығарма ұмыт болып қалғанымен, тарихта елорда туралы алғашқы ән болып қалары анық. Ресми астананың болуы да сенімділікті арттырып, ел егемендігінен хабар беретіндей. Әлемде талай қызық бар, елу мыңға жетер-жетпес халқы бар Андорра, Лихтенштейн, Сан-Марино, Монако сияқты шағын елдердің астанасы болғанда, 8,5 миллион халық тұратын Швейцарияның бұл күнге дейін ресми асатанасы жоқ екенін біреу білсе, бірі білмес. Тәуелсіздігін сонау 1499 жылы жариялаған Швейцарияда ешқашан ресми астана болмаған. 1848 жылға дейін астана «көшпелі» болды: билік бірде Цюрихке, бірде Люцернге, бірде Баденге «көшіп» жүрді. Ал ХІХ ғасырдың ортасында Парламент Берн қаласын «тұрақты» астана ретінде бекітті. Бірақ 131 мың халқы бар қаланың астаналық мәртебесі заң жүзінде бекітілген жоқ.Өз кезегінде Астана қаласында тұратын жерлесіміз елорда туралы өз ойын ортаға салды.&nbsp;Ал біздің елордамызға биыл – жиырма бес жыл. Тарих толқынына көз жүгіртсек, бергі жиырма бес жылдың арғы жағында талай тарих жатыр.<blockquote>– Сарыарқа төсінде қарқынды құрылыс дүмпуімен бой көтерген жас шаһар халықаралық озық қалалардың үлгісімен үздіксіз дамып келеді. Елордаға әр жылда қыдырып бара қалсаңыз, қаланың жыл жылжыған сайын жаңарып, жасарып, қарқындап келе жатқанына көз жеткізесіз. Бүгінде Сарыарқа төрінен орын алған бас қаламыздың ке¬лешегі кемел, болашағы жарқын деп сеніммен айта аламыз. Елорда – тұтас еліміздің ертеңге деген үкілі үміті мен сенімінің айнасы, арманы мен тілегінің көрінісі. Бас қала – жалынды жастардың ордасы. Жарқын болашаққа апарар жол да осы қаладан бастау алып жататындай көрінеді. Елордамыздың еңсесі биіс болсын, – дейді Сырдария ауданының тумасы, бүгінде бас қалада ел болашағы үшін өнімді еңбек етіп жүрген шалғайда жүрген сырдариялық түлек Айгүл Бакирова.&nbsp; &nbsp;</blockquote>

Айгүл Бакирова: Астана –Тәуелсіздіктің бірегей жетістігі

<a href="https://kyzylorda-news.kz/">Kyzylorda-news.kz.</a>&nbsp; Сеул Ұлттық Ғылым және технологиялар университеті (СеулТех) мен Қорқыт Ата атындағы Қызылорда университеті арасындағы ынтымақтастық аясында "Халықаралық ынтымақтастық бойынша жетекші университеттік жоба" (LUPIC) жүзеге асырылуда. Жоба бойынша Қорқыт ата атындағы Қызылорда университетінде жасанды интеллект мектебі құрылып, жасанды интеллект (AI), киберқауіпсіздік (CS) және информатика (CS) мамандары даярланады.Еске салсақ, Сеул Ұлттық Ғылым және технологиялар университетінің (СеулТех) филиалына қатысты бастама Президент Қасым-Жомарт Тоқаевтың Қазақстанда жетекші шетелдік жоғары оқу орындарының филиалдарын ашу туралы тапсырмасына орай қолға алынған.Бүгін облыс әкімінің бірінші орынбасары Серік Қожаниязов Сыр өңіріне жұмыс сапарымен келген СеулТех университетінің делегациясымен кездесіп, өзара әріптестік мәселелерін талқылады.Профессор және директор Часу Ким мен оның орынбасары Сунггон Ким бастаған LUPIC жобасының өкілдері 9 шілдеге дейін Қорқыт Ата атындағы Қызылорда университетінде зертханаларды орналастырудың кеңістіктік аспектілерін және бизнес-инкубация орталығын (BIC) құруға қатысты мәселелерді зерттеп, талқылайды.Еске салсақ, мамыр айында Қызылорда облысының әкімі Н.Нәлібаев Сеул Ұлттық Ғылым және технологиялар университетінің президенті Ли Донг Хун мырзамен кездесуде оқу орнының филиалын ашу туралы ұсынған болатын. Аймақ басшысы өңірде осы жобаны табысты іске асыруға жан-жақты қолдау көрсетілетінін, білім алушыларға жыл сайын облыс әкімдігі, сондай-ақ Ғылым және жоғары білім министрлігі гранттар беретінін айтты. Мұнан бөлек, Қызылорда облысының даму бағдарламасының бюджетіне кампус пен технопарк құрылысын енгізу жоспарлануда.<figure class="image"><img src="https://knadmin.beoblood.kz/uploads/357571606_571163908538191_5429591129370394881_n_4bc568bac5.jpg" alt="357571606_571163908538191_5429591129370394881_n.jpg"></figure><figure class="image"><img src="https://knadmin.beoblood.kz/uploads/358090008_571164101871505_4595684431298243862_n_656a7c5c6e.jpg" alt="358090008_571164101871505_4595684431298243862_n.jpg"></figure>

Қызылорда облысында Сеултех университетінің жасанды интеллект мектебі ашылуда

Асқар Мереков: Үлкендік жасқа қарамайды

<a href="https://kyzylorda-news.kz/">Kyzylorda-news.kz.</a>&nbsp; Шын мәнінде, сырдария ауданының &nbsp;ауданының бюджеті 13 млрд теңгені құраған болатын. Ал осы жылдың бірінші жартыжылғындағы қаржысы 10,7 млрд теңгеге жеткені мәлім. Өткен жылы бюджеттің 73 пайызы білім саласына бағытталса, биылғы қаржының 23,5 пайызы әлеуметтік сала мен тұрғын үй және коммуналдық шаруашылық, көлік және коммуникацияны дамытуға бөлінгені жасырын емес.Аудан экономикасына тікелей ықпал ететін өнеркәсіп саласында оң динамика бар екені анықталды. Өнеркәсіп өндірісі 6,1 есеге ұлғайса, ауыл, орман және балық шаруашылығының жалпы өнім көлемі 1,5 пайызға артқаны байқалады. Инвестиция 2,2, құрылыс жұмыстарының көлемі 3,1 есеге, тұрғын үй тұрғызу 36,9 пайызға ұлғайған.&nbsp;<blockquote>– Жалпы, аудан құрылыс жұмыстары қарқынды түрде жүзеге асуда. Шын мәнінде, аудан бюджетінің ұлғаюына байланысты тың бастамалар жүзеге асырылуда. Негізгі міндетіміз ауылдың &nbsp;және аудан орталығы Тереңөзектің әлеуетін арттыру болып табылады. Негізінен, ауданның экономикалық бағытын айқындай отырып, инвестиция тарту – маңызыд рөл ойнайды. Біз қашанда аудан бюджетін тиімді жоспарлап, ауқымды жобаларды жүзеге асыруға барымызды саламыз. Себебі, ауданның даму динамикасы жоғары деңгейде, – деді аудандық экономика және қаржы бөлімінің басшысы Ерлан Ахетов. &nbsp;</blockquote>&nbsp;&nbsp;

Қазақстан және Қызылорда облысының жаңалықтары