<a href="https://kyzylorda-news.kz/">Kyzylorda-news.kz.</a> Қармақшы ауданында спорт саласының өсіп-өркендеуіне сүбелі үлесін қосқан азаматтар жетерлік. Өзі жоқ болса да көзі тірі кезінде елеулі еңбектерімен елге танылған, талай рет түрлі деңгейдегі дүбірлі жарыстарда аймақ, республика намысын қорғап, мерейі үстем болған аудан спортының нар тұлғалары Жарболсын Құндақбаев, Аманкелді Ерекешов, Қорғанбек Манасов, Зейнуллла Жәкеев, Сұлтанбек Омаров, Әділбек Серікбаев сынды атпал азаматтармен бірге бүгінде аудан спортының қара нарлары атанған Төленді Мырзабаев, Еркін Атабаев, Әлжан Төремаханов және басқалардың есімдері құрметпен аталады.Ауданымызда қазақ күресі, самбо, дзюдо, бокс, жеңіл, ауыр атлетика, волейбол, қол добымен қатар, футбол да жақсы дамыған. Осы спорт түрлерінен жерлестеріміз түрлі деңгейде өткізіліп жүрген байрақты, дүбірлі жарыстарда жүлделі орындардан көрінуде. Жерлес спортшылардың спорт аренасында жасындай жарқырап жүргендері әрине, сала мамандарының жемісті еңбегі. Осындай дарын иелерінің бірі – ауданда футбол, волейбол спортының дамуына сүбелі үлесін қосқан майталман маман, ұлағатты ұстаз, марқұм Сағат Бұқпанов. Оның өнегелі өмір жолы көпшілікке жақсы таныс.&nbsp;1953 жылы Жосалы кентінде өмірге келіп, Шоқан Уәлиханов атындағы №26 орта мектепті тәмамдаған, бала жасынан спортқа, оның ішінде футболға үйір болып өскен Сағат Мұсаұлы спорттық жоғары білімін жетілдіруде Алматы қаласындағы Қазақтың Мемлекеттік спорт институтына оқуға түседі. Жоғары білім ордасында оқи жүріп, институттың құрамасы сапында талай дүбірлі жарыстарға қатысып, жүлделі орындардан көрінеді. Тіпті, «Қайрат» командасының қосалқы құрамында біршама жыл ойнап, нағыз футболшы екенін дәлелдейді. Көптеген марапатқа да ие болады. Бірақ, жылдар өте туған елге оралып, аудан орталығындағы №26 орта мектепке денешынықтыру пәнінің мұғалімі болып қызметке орналасады. Сондай-ақ, елге оралған соң ұстаз Үміт Әбдіжәлелқызымен &nbsp;шаңырақ көтеріп, ұрпақ өсіріп, олардың қоғамнан орындарын сайлап алуына еңбек сіңіреді. Ол аудан спортының дамуына елеулі үлес қосқан азамат. Оның жаттықтырумен көптеген жас спорт деген сырылы өнерден өз орнын алып, үлкен жетістіктерге қол жеткізді. Аудан құрамасына басшылық жасап, облыстық, республикалық жарыстардың көшінен көрінді. Тіпті, шәкірттері арасында «Қайсар» командасы сапында облыс намысын қорғағандар да бар. Сондай-ақ, оның өмірлік жары Үміткүл Әбдіжәлелқызы да &nbsp;саналы өмірін білім саласына арнаған. Ол Қызылорда қаласындағы Н.Гоголь атындағы педагогикалық институтын тәмамдаған соң №26 орта метепте алғашқы еңбек жолын бастап, өмірінің соңына дейін сол білім ордасында еңбек етті. Талай дарынды шәкірттерінің адами қалыптасуына еңбек сіңірді.&nbsp;«Орнында бар оңалар», – дегендей, бүгінде ерлі-зайыпты ұлағатты ұстаздардың ұрпақтары да аудан экономикасын дамытуда еңбек етіп жүр. Барлығы да отбасылы, түрлі мамандық бойынша еңбек етуде. Қайраты аудандық мәслихатта бөлім басшысы болса, келіні Мөлдір ұстаз, Талғаты №121 орта &nbsp;мектепте директордың ғылыми-әдістемелік жөніндегі орынбасары, оның жары Алмагүл №27 орта мектепте бастауыш сынып мұғалімі, ал кенжесі Қуаныш №30 орта мектепте педагог-психолог, жары Маржан №26 орта мектепте шет тілі пәні мұғалімі.Осындай талант иелерінің туғанына биыл 70 жыл толды. &nbsp;Осы ретте, &nbsp;ұлағатты ұстаз Сағат Бұқпановтың 70 жылдық мерейтойын атап өтуде аудандық мәдениет және спорт бөлімінің қолдауымен &nbsp;№26 орта мектеп ұжымы мен демеушілердің ұйымдастыруымен &nbsp;№27 орта мектептің спорт алаңында жасөспірімдер арасында шағын футболдан аудандық жарыс өтті. Оған Жосалы кентіндегі орта білім беру мекемелерінен 8 команда қатысып, ұстаз атындағы жүлдені сарапқа салды.Жарыстың &nbsp;ашылу салтанатында аудандық мәслихаттың төрағасы Әділ Үсенов, аудандық ардагерлер кеңесінің төрағасы Асқар Мереков, туысқандары атынан Болат Есетовтер Сағат Мұсаұлының өнегелі өмір жолынан естелік айтып, жас футболшыларға сәттілік тіледі.&nbsp;Одан әрі командалар өзара ойын өрнегін көрсетіп, оның нәтижесімен №26 орта мектеп құрамасы жарыс жеңімпазы атанса, жүлделі ІІ және ІІІ орындарды №27 орта мектеп пен №183 орта мектеп құрамалары өзара бөлісті. Ал, үздік ойындарымен көрермен көзайымы атанған №27 орта мектеп құрамасының ойыншылары Арман Әбитай «Үздік ойыншы», Нұржан Жақсылық &nbsp;«Үздік шабуылшы», &nbsp;№26 орта мектебінің ойыншылары Аслан Жұманов «Үздік ойыншы», Ернұр Кәдірбеков «Үздік қақпашы», &nbsp;№183 орта мектептің шәкірті Дамир Шағалаев «Үздік сұрмерген» номинациясымен марапатталса, №121 орта мектептің спортшылары Нұрсұлтан Сағындық арнайы грамотамен, Жалғас Сұлтан қаржылай сыйлыққа ие болды. Жарыс соңында жүлдегер командалар мен номинация иегерлері аудандық мәдениет және спорт бөлімінің мадақтамаларымен, жарыс демеушілерінің сый-сияпатымен мадақталды. Жарыс соңында ұлағатты ұстаз Сағат Бұқпанов пен Үміт Әбжәлиеваға арнап ас берілді.

Қармақшыда жасөспірімдердің аяқдоп жарысы өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Евразия» спорт кешенінде қазақ күресінен облыстық «Алтын белбеу» жарысы өтті. Аймағымыздың барлық өңірінен әр жастағы аудандық, қалалық «Алтын белбеу» жарысы жеңімпаздарының басын қосқан дүбірлі шарада қармақшылық боз кілем шеберлері де бақ сынасты.&nbsp;Нәтижесінде 2008-2009 жылы туған жасөспірімдер арасында 55 келіде А. Абитай І орынды, 75 келіде Б.Ерғалиев ІІ орынды, ал 46 келіде Т.Қожахметов, 60 келіде Б.Бақытжанұлы, 75 келіден жоғарыда Д.Мүтәлов ІІІ орынды жеңіп алса, 2006-2007 &nbsp;жылы туғандар арасында 46 келіде М.Ібіраш жарыс жеңімпазы, Д.Камал, 80 келіде А.Сейдалыұлы ІІ орын, 50 және 60 келі салмақтарда Қ.Темірбекұлы, Д.Сәбитов жүлделі ІІІ орын иегері атанды. &nbsp;Ал, жастар арасында өткен белдесулер нәтижесімен 55 келіде Әділет Жүніс, 66 келіде Рахатәлі Сартай ІІ орынды иемденсе, 84 келіде Саят Төлес, Әділет Үбайділда 100 келіден жоғары салмақта жүлделі ІІІ орынға ие болды. Сонымен қатар, ересектер арасындағы белдесулерде 74 келі салмақта Дінмұхаммед Алтай ІІ орынға, 55 келіде Шыңғыс Мұқанғалиев, 66 келіде Арман Жалғасбекұлы, 82 келіде Ерлан Жақсыбеков, 90 келіде Ринат Тоғысов ІІІ орынға көтеріліп, аудан абыройын асқақтатты.Келесі кезекте ересектер арасындағы түйе палуандар белдесуінде Айбек Серікбаев ақтық белдесуде жерлесіміз Еламан Ерғалиевті жеңіп, Сыр барысы атанды. Нұрым Сәлімгереев жүлделі ІІІ орынды иемденді.&nbsp;Айта кетерлік жайт, жыл сайын шілде айында Астана қаласында өтетін дәстүрлі республикалық «Қазақстан барысы» жарысына биыл Сыр бойы өңірінің намысын қорғауға Айбек Серікбаев, Еламан Ерғалиев, сонымен қатар «Қазақстан барысы &nbsp;– 2022» жеңімпазы, жерлесіміз Мақсат Исағабылов өзінің жеңімпаздық атағын қорғайтын болады.&nbsp;Сөйтіп, биылғы жылғы «Қазақстан барысы-2023» республикалық жарысына ауданымыздың үш палуаны қатысады. Бұл қармақшылық спортсүйер қауым үшін үлкен мақтаныш. Жерлестерімізге сәттілік тілейміз.

Айбек Серікбаев «Сыр барысы» атанды 

<a href="https://kyzylorda-news.kz/">Kyzylorda-news.kz.</a>&nbsp;Биыл аса қауіпті деп танылған 14 жұқпалы ауруға қарсы республикалық бюджеттен 6973,5 мың доза ветеринариялық препарат бөлінді. Сәйкесінше, бұл екпе көлемі былтырғы жылмын салыстырғанда 1 млн дозаға артып отыр. Ал өңірге бөлінген 4492,3 мың доза ветеринариялық екпе қоры аудандарға таратылып берілді. Сондай-ақ, осы жылға бекіткен 4 ай бойынша 1579,3 мың доза алдын ала егіліп, нақты көрсеткіш 100 пайызға орындалды. Бұл жөнінде Өңірлік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев хабарлады.<blockquote>«Жергілікті жерлерде аса қауіпті жұқпалы ауруларға қарсы алдын алу шаралары мен диагностикалық тексеру жұмыстары тұрақты әрі сапалы жүргізіліп келеді. Осының нәтижесінде Дүниежүзілік жануарлар денсаулығы ұйымы үстіміздегі жылдың наурыз айында таза аймақ мәртебесін қайта растады. Бұл аймағымыздағы ветеринария саласындағы үздіксіз еңбектің жемісі. Қазіргі таңда жануарлар мен адамзатқа ортақ жұқпалы аурулардың алдын алу мақсатында 2183,5 мың мал басына диагностикалық зерттеу жұмыстары жүргізілуде. Сонымен қатар осы жылы облыстық бюджеттен бөлінген қаржыға 6 түрлі энзоотиялық ауруға қарсы 707,4 мың доза ветеринариялық препарат сатып алынды. Бұдан бөлек, ауыл шаруашылығы жануарларын бірдейлендіру барысында мамыр айына дейін 1514 мың мал басы ақпараттық жүйеге енгізілді. Нәтижесінде, өткен жылдың осы уақытымен салыстырғанда жалпы мал саны 3,8 пайызға өсті», - деді басқарма басшысы Шахмардан Қойшыбаев.&nbsp;</blockquote>Басқарма басшысы брифинг барысында ветеринар мамандардың айлық жалақысына байланысты да арнайы тоқталып өтті.Жалпы аймақта 8 ветеринариялық станция және 139 ветеринариялық пунктте барлығы 800-ге жуық маман бар. Олардың еңбекақысын көбейту мақсатында биыл республикалық бюджеттен тиісті қаржы қаралып, 635 ветеринар маманның айлық жалақыларына 50 пайыздық үстем ақы қосылды. Басқарма басшысы осының арқасында кадрлық тұрақтылық сақталғаның атап өтті.&nbsp;

Шахмардан Қойшыбаев: Екі мыңнан астам мал басына диагностикалық зерттеу жұмыстары жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында «Мен кәсіпкер» жобасы жүзеге аспақ. Жоба аясында биыл 600-ге жуық азаматқа қызмет көрсетіледі. Бұл туралы Өңірлік коммуникациялар қызметінің ақпараттық алаңында өткен брифингте Қызылорда облысы кәсіпкерлер палатасының директоры Пірмұхаммед&nbsp;Сыздықов мәлімдеді.<blockquote>«Биыл кәсіпкерлікпен айналысамын деген азаматтарға, кәсіпкерлерге жақсы мемлекеттік қолдау тетіктері енгізіліп жатыр. Қаржылай қолдау тетіктеріне 2,5 пайызбен жастарға берілетін несиені және «Ауыл аманаты» бағдарламасын айтуға болады. Ал қаржылай емес қолдау тетігіне биыл басталған «Мен кәсіпкер» жобасын атап өткім келеді», - деді Пірмұхаммед Айтбайұлы.&nbsp;</blockquote>Брифингте сала мамандары «Мен кәсіпкер» – жобасы бірнеше саланы қамтитынын және негізгі екі бағытын атап өтті.&nbsp;<blockquote>«Негізгі екі бағыты бар. Олар әйелдер кәсіпкерлігін дамыту орталығы және кәсіпке бағыт. «Әйелдер кәсіпкерлігін дамыту орталығы» бағытына тек қана қыз-келіншектер ғана қатыса алады. Ал «Кәсіпке бағытқа» ер азаматтар да, әйелдер де қатыса алады. Негізгі талабы – кәсіпкер болуы керек, соның ішінде ауыл шаруашылығы саласында қызмет көрсететін кәсіпкерлерге басымдық беріледі.«Әйелдер кәсіпкерлігін дамыту орталығы» бағыты аясында Кәсіпкерлер палатасының кеңесшілері кеңес беріп, олардың қажеттіліктерін анықтайды. Одан кейін сұранысын анықтап, соған сәйкес қыз-келіншектерді оқытады. Бұл &nbsp;бағытқа тек қана қыз-келіншектер ғана қатысады. Бұған қоса, қатысушылар өтінім беріп, оқитын бағыттарын анықтап алады. Ары қарай оқытатын салалық сарапшылар пулын қалыптастырады. Олар жобаға қатысушы кәсіпкерлердің біліктілігін арттырып, олардың кәсіптерін алты ай сүйемелдейді», - деді Қызылорда облысы кәсіпкерлер палатасының бөлім басшысы Алушаева Әсел.</blockquote>Облыстық Іскер әйелдер кеңесінің төрайымы Наталья Мишукова бұл жоба былтыр бірнеше өңірде пилоттық жоба ретінде жүзеге асқанын айтады.<blockquote>«Бір ауыл - бір өнім» жобасы «Әйелдер кәсіпкерлігін дамыту орталығы» бағыты аясында іске асады. Бұл қыз-келіншектерге арналған жоба. Оның шартының бірі - шикізат жергілікті өнім болуы керек. Негізі бұл жоба пилоттық тұрғыда төрт облыста жүзеге асқан. Атап айтқанда, былтыр Батыс Қазақстанда, Жамбыл, Қостанай, Маңғыстау облыстарында іске асты. Сол себепті, идеясы бар немесе жобасы дайын, қалай жүзеге асыруға болады деген қыз-келіншектерге қолдау көрсетеміз», - деді Наталья Мишукова.</blockquote>

Қызылордада «Мен кәсіпкер» жобасы жүзеге асады

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында Қазақстан мұсылмандары діни басқармасы &nbsp;облыстық өкілдіктің ұйымдастыруымен «Исламдағы сопылық ілімі: мәні мен маңызы» атты республикалық ғылыми-танымдық конференция өтті.Іс-шара қасиетті Құран оқумен басталып, кейін Діни басқарманың атқарған жұмысын көрсеткен бейнесюжет тарту етілді. Айтулы конференцияға Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы, Қызылорда облысы әкімінің орынбасары Нұрымбет Сақтағанов, Шәмшәдин Керім, Досай Кенжетай сынды ғалымдар қатысып тұщымды ойларын ортаға салды. Ең алдымен кіріспе сөз алған Бас мүфти Наурызбай қажы Тағанұлы сопылық ілімінің сырына тоқталып, мәнін ашса, конференцияда баяндама жасаған ҚМДБ Ғұламалар кеңесінің мүшесі Шәмшәдин Керім ишандық мектептің тарихы, кеңестік кезеңдегі мектептің жоғалуына тоқталды. Сонымен қатар Талғат Жолдасұлы Кеңестік кезеңдегі сопылық, Батыржан Мансұров «Сопылық – тәрбие мектебі», Досай Кенжетай Ясауи ілімін айтса, Бағдат Кәрібозов сопылық мектепті жаңғырту тақырыбында дайындалған тың деректерімен бөлісті.<img class="image_resized" style="width:750px;" src="https://imgs.muftyat.kz/orig/092c9398-041d-446b-99a0-490022f0fbfc.jpg" alt=""><img class="image_resized" style="width:750px;" src="https://imgs.muftyat.kz/orig/b745e9fa-f5a7-4131-8e70-f48cbe0f7c83.jpg" alt=""><img class="image_resized" style="width:750px;" src="https://imgs.muftyat.kz/orig/2098cb16-1d6b-478e-99ef-5a736aa0fc35.jpg" alt=""><img class="image_resized" style="width:750px;" src="https://imgs.muftyat.kz/orig/4bc56d44-bb95-4675-980b-6087a920ec5e.jpg" alt=""><img class="image_resized" style="width:750px;" src="https://imgs.muftyat.kz/orig/73f2f330-46fb-4ee3-b922-d3e5bc859b52.jpg" alt=""><img class="image_resized" style="width:750px;" src="https://imgs.muftyat.kz/orig/9b238c72-6fe6-45a7-bfef-0b0eca47aef6.jpg" alt=""><img class="image_resized" style="width:750px;" src="https://imgs.muftyat.kz/orig/5eed9a41-3f12-4f88-9ea2-c4444808efb3.jpg" alt=""><img class="image_resized" style="width:750px;" src="https://imgs.muftyat.kz/orig/222f57ee-0a1a-47f8-b2a7-0e16f5b4cb28.jpg" alt=""><img class="image_resized" style="width:750px;" src="https://imgs.muftyat.kz/orig/17e7d632-cf2a-4b38-ae76-aed0dd4cc937.jpg" alt=""><img class="image_resized" style="width:750px;" src="https://imgs.muftyat.kz/orig/b2b240ae-64c9-4323-a4b7-896b34d07a8d.jpg" alt=""><img class="image_resized" style="width:750px;" src="https://imgs.muftyat.kz/orig/349146f9-db01-42c4-abc2-5b0cad953292.jpg" alt=""><img class="image_resized" style="width:750px;" src="https://imgs.muftyat.kz/orig/f9f22a20-f9e1-477f-aeb4-c24c12959f37.jpg" alt=""><img class="image_resized" style="width:750px;" src="https://imgs.muftyat.kz/orig/f1213f09-4b8b-48b6-8512-4200008e02d2.jpg" alt=""><img class="image_resized" style="width:750px;" src="https://imgs.muftyat.kz/orig/876d0240-ca5c-4da4-bc56-b06409ce2b36.jpg" alt=""><img class="image_resized" style="width:750px;" src="https://imgs.muftyat.kz/orig/b56b477e-f754-4eb1-9c7c-e0637b525a7c.jpg" alt="">

Сыр өңірінде «Исламдағы сопылық ілімі: мәні мен маңызы» атты республикалық ғылыми-танымдық конференция өтті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен актив отырысында Қызылорда облыстық полиция департаментінің жаңа басшысы тағайындалды.Жиынға ҚР Ішкі істер министрінің бірінші орынбасары Марат Қожаев арнайы қатысып, департаменттің жаңадан тағайындалған бастығын таныстырды.Бүгіннен бастап облыстық полиция департаментінің бастығы лауазымына Аблазимов Махсудхан Нұғманұлы тағайындалды.Аймақ басшысы Махсудхан Нұғманұлын құттықтап, оның жоғары білімі мен мол тәжірибесін атап өтті.<blockquote>«Мемлекет тұтастығын сақтау, қоғамдық қауіпсіздікті күшейту – аса маңызды әрі жоғары жауапкершілікті талап етеді. Президентіміз Қасым-Жомарт Кемелұлы полиция қызметінің пәрменін күшейту арқылы ел ішінде тұрақтылықты қамтамасыз ету қажеттігін баса айтқан болатын. Қоғамның бел ортасынан табылатын, аса жауапты да маңызды міндетті иыққа артқан полиция органдарына жүктелген міндет күрделі. Осыны ескеріп, біз тиісті жағдай жасаудамыз. Соңғы 3 жылдың өзінде құқық бұзушылықтардың алдын алу үшін полиция органдарының материалдық-техникалық базасын жақсартуға облыстық бюджеттен 6 млрд.теңгеге жуық қаражат бөлінді. Асқан жауапкершілікті талап ететін күрделі саланың тізгінін ұстаған Махсудхан Нұғманұлы жоғары білімі мен мол тәжірибесін аймақтың игілігіне арнап, қоғамдық қауіпсіздікті күшейтуге зор үлес қосады деп сенеміз», - деді Нұрлыбек Машбекұлы.</blockquote>Департаменттің жаңа бастығын полиция органдарының құрметті қызметкері Әмірбек Шаймағанбетов те құттықтап, жаңа қызметіне сәттілік тіледі.Махсудхан Аблазимов 1962 жылы туған. Қазақ политехникалық институтын «Инженер», Орталық Азия университетін «Заңгер» мамандығы бойынша бітірген.Еңбек жолын 1989 жылы Маңғышлақ және Гурьев облыстары ІІБ МАИ-ның қатардағы инспекторы болып бастаған. 1990 жылы Маңғышлақ облысы ІІБ МАИ ЖПҚ 4-ші мотовзводының аға инспекторы болды. Содан кейін Маңғышлақ облысы МАИ ӨЭО бөлімінің іздестіру жөніндегі инспекторы лауазымын атқарды. 1992-2007 жылдары жол полициясы ротасы командирінің орынбасары және Маңғыстау облысы ІІБ жол полициясы басқармасының штаб бастығы, Маңғыстау облысы ІІД бастығының орынбасары болды. 2007- 2009 жылдары Маңғыстау облысының ІІД-ін басқарды. Содан кейін 2010-2014 жылдары ҚР ІІМ орталық аппаратында әртүрлі лауазымдар атқарды. 2014-2016 жылдары Ақтөбе облысы ІІД бастығы болды. 2016 жылдың тамыз айынан БҚО полиция департаментінің бастығы қызметін атқарып келді.<figure class="image"><img src="https://knadmin.beoblood.kz/uploads/345877489_614683213663112_2852025575610847032_n_061619d4e6.jpg" alt="345877489_614683213663112_2852025575610847032_n.jpg"></figure>

Облыстық полиция департаментінің бастығы тағайындалды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 12 мамырда ел өңірлерінде қалыптасатын күн райына болжамын жариялады.«Атмосфералық фронталды бөліктердің өтуімен Қазақстанның басым бөлігінде жаңбыр мен найзағай күтіледі.Күндіз еліміздің батысында бұршақ жауады.Республика бойынша жел күшейіп, солтүстік-батыста, солтүстікте тұман болжанады.Ақмола, Солтүстік Қазақстан және Павлодар облыстарының солтүстігінде, Қостанай облысының шығысында 2 градус үсік күтіледі.Қызылорда облысында төтенше өрт қаупі сақталады.Түркістан облысының солтүстігі мен орталығында төтенше өрт қаупі болжанады», - делінген синоптиктер мәліметінде. &nbsp;

12 мамыр күнгі ауа райы болжамы

Kyzylorda-news.kz. Бүгін «AMANAT» партиясы Қызылорда облыстық филиалы жанындағы «Talqylau» диалогтық &nbsp;алаңында «Miras» аймақтық қоғамдық кеңесінің кеңейтілген отырысы өтіп, онда &nbsp;ұрпақ тәрбиесі талқыланды. &nbsp;Басқосуға «Мирас» кеңесінің мүшелері, аймақтағы ата-аналар комитеті өкілдері, Қызылорда қаласындағы мектеп директорларының тәрбие ісі жөніндегі орынбасарлары мен жергілікті атқарушы және құқық қорғау органдары өкілдері қатысты.Диалог алаңындағы кездесуді ашқан партия филиалының Атқарушы хатшысы &nbsp;Ләйлә Төрешова күн тәртібіндегі өзекті мәселеге қатысты ортақ жүйелі жұмысты қолға алып, нақты жоспарлы жұмыс бастау туралы ұсынысын айтты.Баланың тұлға болып қалыптасуындағы қоғамның рөлі төңірегінде «Miras» аймақтық қоғамдық кеңесінің төрағасы, философия ғылымдарының докторы Б.Қожамберлиев, балалардың тәрбиесіндегі қазіргі әлеуметтік &nbsp;желілер мен БАҚ рөлі жайында «Ақмешіт ақшамы» газетінің бас редакторы, кеңес төрағасының орынбасары С.Бихожаева, бала тәрбиесіндегі отбасының оның ішінде әкелердің рөлі туралы облыстық әкелер кеңесінің төрағасы, «Отбасы және халықты әлеуметтік қорғау» мәселелері жөніндегі аймақтық кеңесінің мүшесі Е. Есенбаев, балалар тәрбиесінде ұлттық тәрбие, салт-дәстүрдің рөлі журналист, кеңес мүшесі А.Шалғынбаева, мектептердегі психологтардың рөлі туралы психолог, 100 жаңа есім жобасының жеңімпазы, «Сенімен Болашақ» қоғамдық бірлестігі Қызылорда облыстық филиалы психологы С.Абдрахманова, балалар тәрбиесіндегі мектеп пен ұстаздардың рөлі Серәлі Лапин атындағы №261 мектебінің директоры Қ. Әбдірахманова хабарламалар жасап, өз пікірлерін білдірді.Отырыста көптеген өзекті мәселе талқыланып, ұсыныстар берілді. Сондай-ақ партия филиалының да арнайы дайындаған ұсыныстары айтылып, хаттамаға енгізіліп, республикалық кеңеске және жергілікті атқарушы органдардың назарына ұсынылады. Көтерілген мәселелер партия филиалының әрдайым бақылауында болады.<img src="https://knadmin.beoblood.kz/uploads/IMG_20230511_WA_0003_a0bc047cb7.jpg" alt="IMG-20230511-WA0003.jpg"><img src="https://knadmin.beoblood.kz/uploads/IMG_20230511_WA_0002_2905c09953.jpg" alt="IMG-20230511-WA0002.jpg">

«Talqylau»: «Ел болашағы – тәрбиелі ұрпақ» тақырыбы талқыланды

<a href="https://kyzylorda-news.kz/">Kyzylorda-news.kz.</a> Қазалы аграрлы-техникалық колледжінде 15 мамыр – Халықаралық отбасы күніне орай отбасындағы әке мен ер азаматтың рөлі мен мәнін ұғындыру мақсатында «Қазақ отбасындағы әкенің рөлі» тақырыбында дөңгелек үстел өткізілді. Шараға колледжде құрылған «Ер ардагерлер» құрамы Қ.Саниязов, Қ.Нұртаза, «Шипагер» қалалық емханасының терапевт – дәрігері Ә.Таубай, қалалық емхана психологы Ж.Сағымбай, колледжішілік «Қамқоршылық» кеңесі мен «Әкелер» кеңесінің мүшелері және білім алушылардың әкелері қатысты.Шараны колледж директоры А.Мусаев ашып беріп, бүгінгі дөңгелек үстелдің мақсаты мен тақырыбының ең өзекті екендігіне тоқталды.Шара барысында колледж педагог – психологы Е.Баекеев «Қазақ отбасындағы әкенің рөлі», «Қамқоршылық» кеңес мүшесі, ата - ана Д.Салмурзаев «Жасөспірімдер арасындағы құқықбұзушылықтың алдын алуда колледж бен отбасы - серіктестер», «Шипагер» қалалық емханасының терапевт – дәрігері Ә.Таубай «Зиянды әдеттерден аулақ болайық!» тақырыптарында баяндама жасаса, «ер ардагерлер» Қ.Саниязов, Қ.Нұртаза тақырып аясында өз пікірлерін, ойларын жеткізіп, отбасылық тәжірибелерін ортаға салды.&nbsp;Одан әрі әкелердің ой-пікірлерін білу мақсатында бала тәрбиесіне қатысты жағдаяттық сұрақтар беріліп, жауаптары дөңгелек үстел басында талқыланды.&nbsp;Шара аясында «Атаңа не қылсаң, алдыңа сол келеді» тақырыбында бейнеролик көрсетіліп, әкелерге жадынамалар таратылып, әсем әндер шырқалып, қалалық емхана психологы Ж.Сағымбай әкелерге бала тәрбиесіне қатысты кеңестерін ұсынды. Дөңгелек үстелді директордың тәрбие жұмыстары жөніндегі орынбасары Г.Жаңылова қорытындылап, келген қонақтар мен әкелерге ризашылығын білдірді.

 Қазалыда «Қазақ отбасындағы әкенің рөлі» тақырыбында дөңгелек үстел өтті

<a href="https://kyzylorda-news.kz/">Kyzylorda-news.kz.</a> Бүгін Сыр жұртшылығының алдында «Muftiyat» баспасынан жарық көрген «Сопылық сыры» кітабының танытым рәсімі өтті. ҚМДБ Төрағасы, Бас мүфти Наурызбай қажы Тағанұлы жаңа кітаптың мазмұнына тоқталып, тарауларын таныстырды.«Жаңа кітап оқырманның дүниетанымын байытып қана қоймай, түйсігін жақсылыққа өзгертіп, тұлабойына тәрбиенің алтын дәнін егеді деп ойлаймын. Осы тұрғыдан келгенде қолыңызға тиген бұл еңбек сіз бен біздің жандүниемізге үлкен рухани азық болады.Бұл еңбекте құлшылықтағы ықылас мәселесіне баса назар аударылған. Өйткені, құлшылықтың қабыл болуында шынайы ықыластың орны айрықша. Ғұламалар қырық күн шынайы ықыласпен құлшылық еткен адамға даналық нығметі берілетінін айтқан. Шынайы ықылас риядан сақтайды.Қорыта айтқанда, қолыңыздағы кітап иманды күшейтуге әсер етіп, құлшылыққа бағыттайды деген сенімдемін. Сондықтан ықыласпен оқуға кеңес беремін» деді.Айта кетейік, жаңа кітап Қызылорда қаласында өткен «Исламдағы сопылық ілімі: мәні мен маңызы» атты республикалық ғылыми-танымдық конференция аясында қалың жұртшылыққа таныстырылды. Діни басқарманың сараптама бөлімінен оң қорытынды алған кітап жуық арада оқырманға жол тартады. Құнды еңбектің танытым рәсіміне Ардагерлер кеңесінің төрағасы Серік Дүйсенбаев, мемлекет және қоғам қайраткері Бақберген Досманбетов және аудан, қала имамдары қатысты.<a href="https://www.facebook.com/photo/?fbid=2845528198910811&amp;set=pcb.2845529315577366&amp;__cft__[0]=AZUikNap6hlQ5WvH02y5qnPkeCbmff-RE_-PkECwQmoFJRJUF9-y5WHJGyA0GIWBtQBzXgzjaLOftd-t8FvF_iOoeXGj9Ik6cKJZomXo-fIMRWrD_dJmhgUfeB-kYqOBmEhUy0kVRPdUvyozvZlNqU4R3vpB73XYeOAa1l9NuG5HGg&amp;__tn__=*bH-R"><img class="image_resized" style="width:373.913px;" src="https://scontent.fala6-1.fna.fbcdn.net/v/t39.30808-6/345894280_3472878646333433_2019441279684616545_n.jpg?stp=dst-jpg_p600x600&amp;_nc_cat=107&amp;ccb=1-7&amp;_nc_sid=8bfeb9&amp;_nc_ohc=EvBatQs5f2gAX9D_7Ba&amp;_nc_ht=scontent.fala6-1.fna&amp;oh=00_AfDE2QDk0cxLAlU-vuqqtSfYXia7fsNgj4OQVYX2Qbuntw&amp;oe=6463F9D0" alt=""></a><a href="https://www.facebook.com/photo/?fbid=2845528282244136&amp;set=pcb.2845529315577366&amp;__cft__[0]=AZUikNap6hlQ5WvH02y5qnPkeCbmff-RE_-PkECwQmoFJRJUF9-y5WHJGyA0GIWBtQBzXgzjaLOftd-t8FvF_iOoeXGj9Ik6cKJZomXo-fIMRWrD_dJmhgUfeB-kYqOBmEhUy0kVRPdUvyozvZlNqU4R3vpB73XYeOAa1l9NuG5HGg&amp;__tn__=*bH-R"><img class="image_resized" style="width:373.913px;" src="https://scontent.fala6-1.fna.fbcdn.net/v/t39.30808-6/346101981_252412430647371_2776524608760788246_n.jpg?stp=dst-jpg_p600x600&amp;_nc_cat=101&amp;ccb=1-7&amp;_nc_sid=8bfeb9&amp;_nc_ohc=jQ5yIOujR4gAX8w52Ct&amp;_nc_ht=scontent.fala6-1.fna&amp;oh=00_AfDKnTq_Wh9L7bsuV7jmyL_bMKpngkz-lpaQGN-Rh-sbyw&amp;oe=64629C40" alt=""></a><a href="https://www.facebook.com/photo/?fbid=2845528245577473&amp;set=pcb.2845529315577366&amp;__cft__[0]=AZUikNap6hlQ5WvH02y5qnPkeCbmff-RE_-PkECwQmoFJRJUF9-y5WHJGyA0GIWBtQBzXgzjaLOftd-t8FvF_iOoeXGj9Ik6cKJZomXo-fIMRWrD_dJmhgUfeB-kYqOBmEhUy0kVRPdUvyozvZlNqU4R3vpB73XYeOAa1l9NuG5HGg&amp;__tn__=*bH-R"><img class="image_resized" style="width:249.275px;" src="https://scontent.fala6-1.fna.fbcdn.net/v/t39.30808-6/346047076_975962737152380_930770854714835545_n.jpg?stp=dst-jpg_p600x600&amp;_nc_cat=103&amp;ccb=1-7&amp;_nc_sid=8bfeb9&amp;_nc_ohc=kytjp5T7Y-gAX930z9h&amp;_nc_ht=scontent.fala6-1.fna&amp;oh=00_AfAk7jWAZoaOv6sqcqrhgNMuBtrm90WKR3_TZ2GPIlc-DQ&amp;oe=6463E1F3" alt=""></a>&nbsp; &nbsp;

Бас мүфтидің қатысуымен «Сопылық сыры» кітабының таныстырылымы өтті

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аққұм ауылының тұрғыны Жасұлан Бисембаев өз ауласынан кілем жуу орталығын ашып, тұрмысын түзеп отыр. Жігіт ағасы кәсіп көзін бастауда өз қаражатын пайдаланып, өз еңбегіне арқа сүйепті. Ешқандай қайтарымсыз грант, несие алудың орайы келмеді деген кәсіп иесі жұмыс орнымен де таныстырып шықты.Жалпы Жасұлан Қуандықұлы кілем жуу орталығын үйінің ауласынан ашыпты. Аядай ғана орталықта қажетті құрал-жабдықтар да табылады. Бастысы халықтың сұранысын өтеуге, сапалы қызмет көрсетуге мүмкіндік бар. Дегенмен әлі де қуаттылығы күшті аппараттар алу керек. Қазіргі жұмыс істеп отырған аппаратының қуат күші 220 вольт болса, енді соларды 380-дік вольтқа ауыстыру қажет. Сонда жұмыс өнімділігі де артып, күніне жуылатын кілемдердің де санын арттыруға болады. «Бұл кәсіпті өз қаражатыммен бастадым. Ешқандай қайтарымсыз грант немесе төмен пайызбен несие алуға мүмкіндігім болмады. Әйтеуір екі қолға бір күрек тауып, отбасымның несібесіне қарай нәпақамды айырып отырмын. Негізі кәсіпті кеңейту ойда бар. Қуаттылығы күшті аппараттар алсам деймін. Қазір күніне 4-5 кілем жуамын. Егер жаңа аппараттар алатын болсам онда өнімділік екі есе ұлғаяр еді. Ауылдастарымның көзқарасы өте жақсы, барлығы риза болып, осы кәсіпті қолға алғаныма қуанғандарын жасырмады. Өйткені бір ауылға осындай орта¬лықтың керегі анық» дейді кәсіп иесі.&nbsp;Орталықтағы барлық қажетті аппараттардың атқаратын қызметімен де, жұмыс барысымен де таныстық. Кәсіп иесі бір кілемді бір сағатта жуады екен. Бірақ 380-дік қуат күштілігі бар аппарат болса 15 минут уақыт қана кететінін айтады кейіпкеріміз. Ал жуылған кілемдерді кептіру үшін суын сорғытып алады да күн көзіне жайып алады. Демек Жасұлан Бисембаевтың орталығына әлі де бірқатар аппараттарды әкелу қажет. Кілемді жуатын аппараттардың өнімділігі жоғарысы, кілемдерді сығатын сияқты аппараттардың да бірнешеуін керек етеді. Егер мұндағы қажетті аппараттар сапалы әрі жұмыс өнімділігі жоғары болса кәсіпкер қасына жұмысқа адам алуды да көздеп отыр.&nbsp;Айта кету керек, кәсіпкер кілем жууды орташа есеппен алғанда әуелі 300 теңгеден бастапты. «Ауылдағы ағайынға айды аспаннан бір-ақ шығармайын деп осындай төмен бағамен бастадым» деген ол қазірдің өзінде сол бағаны ұстап тұрғанын жасырмады. Ары кетсе 300-350 теңгенің көлемінде кілеміңізді жуып, кептіріп, қайтадан тазалап, түктерін ретке келтіріп береді. Қысқасы Жасұланның ұсынған қызметінен көңіліңіз қалмайды. Кәсіп иесінің қызметіне сұраныс көрші ауылдардан да түседі екен. Алайда аппараттардың тапшылығынан ауыл арасында ғана тапсырыс қабыдап жүргенін айтады. Бұл да болса азаматтың қолын байлап тұрған көрінеді. Өйткені аппараттар жеткілікті болса жанына тұрақты жұмысқа адам да алар еді, тапсырыс көлемі де артып, ауыл былай тұрсын көрші ауылдардың да сұранысын өтей алар еді. Бастысы бала-шағасының несібесі молайып, отбасының ел қатарлы өмір сүруіне де жағдай жетеді. Әңгіме барысында үш баласы бар екенін, келіншегі Ақмарал Жұмабаева екеуі төртінші перзенттерін күтіп жүргенін де жасырмады. Бірақ жас отбасының уайымы да бар, кіші ұлдары ерекше күтімді қажет етеді. Оның ем-домының өзі, Алматы қаласына қатынау жағы да үлкен шығынды талап етеді. Ал аққұмдық азаматтың табысы кейде баланың еміне жетпейтін көрінеді. Ба-ланың емінен бөлек, азық-түлік, балалардың киім-кешегі, тұрмыстық қажеттілік мұның бәрі отағасының мойнына жүк болып отыр. Ағынан жарылған азаматтың еңбекқорлығына, ашық мінезі мен табандылығына қайран қалдық. Әрине ауылда отырып, тәуекел етіп, өз қаражатымен осындай кәсіпті бастаған Жасұлан Қуандықұлына қолдау қажет.&nbsp;Негізі елдегі жұмыссыздық деңгейін азайтудың бірден-бір жолы кәсіпкерлік саласына серпін беру. Бұл тұста салаға дем беріп отырған мемлекеттік бағдарламалардың тиімділігін айтпай кете алмаймыз. Енді қолға алынып жатқан «Ауыл аманаты» жобасы да талай жастарға қолдау болмақ. «Ауыл аманаты» жобасын іске асыру ауылдық елді мекендерде жаңа жұмыс орындарын құруға, мал мен құстың санын көбейтуге, шағын кәсіпкерлік ашуға және азық-түлік қауіпсіздігін қамтамасыз етуге мүмкіндік беретінін білеміз. Жобаның тұрғындар үшін ең ұтымды тұсы – үйлерін кепілдікке қойып, 2,5 пайызбен жеңілдетілген несие ала алады. Біздің кейіпкеріміз Жасұлан Бисембаев та аталған жобаға қажетті құжаттарын дайындау үстінде екен. Құдай сәтін салса, төмен пайыздық несиеге қол жеткізіп, кәсібінің көкжиегін кеңейткісі келеді. «Болар баланың бетін қақпай, белін буған» халықпыз ғой, ауылда отырып кәсіптің сұранысқа ие түрін қолға алған Жасұланға қолдау мен көмек болады деп сенеміз.

Кәсіптің көзін тапқан азамат

<a href="https://kyzylorda-news.kz/">Kyzylorda-news.kz.</a> Әр адамның өмірде өз жолы бар. Соған қарай тұлғасы қалыптасып, бейнесі бекемделе түседі. Адамды өсіретін де, өшіретін де оның істеген ісі. Адал еңбекпен табысқа жеткен жанның әркез мерейі үстем, еңсесі биік болмақ. Рас, ол ешкімнің ақысын жеп, ала жібін аттаған емес. Ұрпағына да сондай қасиетті сіңірді. Талай белестен өтті. Өмірдің тәттісін де, кермегін де татты. Жоққа болысты. Сүрінгенді сүйеді. Бүгін ел танитын, құрмет тұтатын азаматқа айналды. Біз кәсіпкер Жансерік Ұзақов туралы айтып отырмыз. Бүгінгі мақаламыз да осы азаматтың өмір жолына бағытталмақ.Жансерік Ұзақов – кәсіпкерлік саласында ғана емес, ауданның даму жолында да айшықты бейнесін қалыптастырған жандардың бірі. Ол 1961 жылы Арал ауданында қарапайым отбасында өмірге келеді. Мектеп қабырғасында жүргенде-ақ өзінің жан-жақтылығымен танылған шәкірт ұстаздарының назарына ілікті. Жастар кеңесінің мүшесі болады. 1979 жылы қаладағы №14 орта мектепті бітірген соң, ұрпақ тәрбиесіне үлес қосты. Бір жылға жуық уақыт №64 мектепте жастармен жұмыс жасап, оларды қоғамдық жұмыстарға баулыған.Ердің даңқын еңбек шығарады<blockquote>– &nbsp;Ол кезде қазіргідей жоғары оқу орнына бірден түсіп кету сирек кездесетін еді. 1980 жылы Алматы халық шаруашылығы институтына оқуға түстім. 1984 жылы оқу орнын экономист мамандығы бойынша бітіріп шықтым. Оқуды бітіріп келген соң Арал ұн тарту мекемесіне есепші болып жұмысқа тұрдым. Бұдан соң қызмет жолым сабақтасып кетті. Нан шығаратын зауытта аға есепші болып жұмыс істедім. Бірде аудандық комсомол комитетінің бірінші хатшысы Өмірзақ Айтжановпен кездесіп қалдым. Ол кісі мені оқушы кезімнен жақсы танитын еді. Сөйлесе келе мені жұмысқа шақырды. Осылайша аудандық комсомол комитетіне нұсқаушы болып жұмысқа орналастым. Ауданның жастарымен жұмыс істедім. &nbsp;Сонан кейін қызметім өсіп, ұйымдастыру бөлімі басшысының орынбасары болдым. Кейіннен Арал аудандық балықшылар тұтыну одағына кадр басшысының орынбасары болып қызметке келдім. Осы еңбек еткен жылдарымда мен ізгі жанды басшылардан өнеге алдым. Олар Өмірзақ Айтжанов, Тілес Бохаев ағаларым еді. Өмірзақ аға өте мәдениетті, сауатты, жұмысты үйлестіре білетін іскер жан еді. Ал Тілес ағамыз жұмысқа адал берілген адам. Өте шыншыл болды. Таза жұмыс жасағанды жақсы көретін. Осы кісілерден тәрбие алдым. Бұл жандардың алған өнегем кейін өзімнің басшылық қызметімде қолданып, жетістікке жеттім, &nbsp;– деді ол.</blockquote>Тоқырау жылдары басталып, халық басынан ауыртпашылық жылдарын өткеріп жатқанда Жансерік Ұзақов елге болысты. Еңбекақысыз &nbsp;қызмет еткен кездері де болды. Ал ел егемендік алып, еңсе тіктеген шақта барлық сала жаңа бетбұрыс жасады. Сол кезде аудан әкімдігінің экономика бөлімінің бас маманы болып қызмет жасайды. Осыдан соң көп қызметті өткеріп, әр салада өзінің іскерлігін дәлелдей бірген &nbsp;қызметкерге аудандағы тоқырау құрсауынан шыға алмай жатқан өнер мектебінің басшысы болу тапсырылады.<blockquote>&nbsp;Бұл кезде өнер мектебінің халі тым мүшкіл еді. Қызметкерлері көптен айлық алмаған, ғимарат азып-тозған. Өзіме үлкен жауапкершілік жүктегенін сездім. Сөйттім де, іске кірісіп кеттім. Ең алдымен, кабинеттерді ретке келтіру керек болды. Қызметкерлермен бірлесіп демалыс күндерге жөндеу жүргіздік. Ішін жылытып, жайлы етіп қойдық. Мұнан соң біртіндеп келетін оқушылардың қатары 20-дан 120-ға дейін көбейді. Бірақ мен бұл жұмысты ұзақ жасай алмадым. Себебі менің дипломым мектеп басқаруға сәйкес келмейтін еді.</blockquote>Кәсіптен тапқан нәсіпӨнер мектебінің басшылық кызметінен кеткен соң, Жансерік Ұзақов кәсіпкерлікке ден қойды. «БатырТұран-Транс» ЖШС құрып, &nbsp;мұнай, газ құбырларын жүргізуге үлес қосты. 2014 жылы Қазақстан экономикасының дамуына үлес қосқаны үшін берілетін «Еңбек жұлдызы» орденімен марапатталады. Одан бөлек, табанды еңбегі үшін бірнеше мәрте төсбелгі тақты.– Өзіңіз жақсы білесіз, біздің аудан күре жолдың бойында орналасқан. Осы жол бойында бір кездері жолаушылар тамақтанатын асхана сирек кездесетін. Содан алғаш Арал қаласына кіреберіс тұстағы өткелдің бойынан тамақтану орнын аштық. Бұл отбасылық кәсібіміз еді. Мұның бәрінде марқұм әйелім Мариям үйлестіріп жүргізді. Кейіннен ел экономикасы көтеріліп, халықтың әл-ауқаты жақсара түскен шақта кәсіпкерлік нысанды заман талабына сай кеңейту керек болды. Осыдан кейін «Шымкент комплекс» сервистік қызмет көрсету орталығын аштық. Қазіргі таңда мұнда 30 адам жұмыс істейді, – деген кәсіпкер өзінің кәсіп ашудағы тәжірибесімен бөлісті. Әрине қай салада болмасын бәсекелестік орнаса, даму байқалады. «Шымкент» сервистік орталығында жолаушыларға қажеттінің бәрі қамтылған. Көлік жөндеу орны, май құю бекеті, тамақтанатын асхана, жатын орындар, тіпті намазхана мен жуынуға да жағдай жасалған. Кәсіпкердің сөзінше, аспаздар арнайы мамандығы бар, сырттан келген жандар. Ал қалған қызметкерлердің бәрі жергілікті жердің тұрғындары екен.Бір өкініш, бір жұбанышЖансерік Ұзақовтың бүгінгі жеткен жетістіктерінің бәрінің басында әркез қолдау көрсетіп отырған өмірлік жолдасы Мариям болды. Бір өкініштісі, 37 жыл оттасқан жарынан осыдан тура бір жыл бұрын қапыда ажырап қалған ағамыздың жүрек жарасы әлі де жазылмаған.<blockquote>&nbsp;Мариям менің өміріме нұр болып келген жан еді. Ол жанымда болғанда, көңілім тыныш болды. Бірақ тағдырдың осы бір сынағы мені бір сәт есеңгіретіп тастады. Оның қазасынан кейін мен өзімді жоғалтып алдым. Мен әлі күнге оның мәңгілікке кеткеніне көндіге алмай жүрмін. Ол менің қолдаушым болды. Қазіргі жеткен жетістіктеріміздің бәрінде Мариямның еңбегі көп. &nbsp;Ол өзінің ерекше талғамымен кез келген нәрсені жайнатып жіберетін. Жүрегі жомарт еді. Бәріне көмектесіп отыратын. Не қажет екендігін айтқызбай түсінетін. Бір өкінішім, жан жарымның өмірден ерте кеткені. Шынымды айтсам, қанатым қайырылып қалғандай болды, – деген Жансерік Ұзақов жүрек түкпіріндегі сырымен бөлісті.</blockquote>&nbsp; Олар жарасымды жанұя болды. Өмірге 3 перзент әкеліп, бәрін де азамат етіп өсірді. "Ағаш жапырағымен, адам ұрпағымен мың жасайды" демекші, бүгінде балалары үмітін ақтаған. Бәрі де отбасын құрып, өздерінің кәсіптерін дамытып отыр.<blockquote>Біз балаларды алдымен адалдыққа үйреттік. Онан соң еңбекқорлыққа баулыдық. Олар кішкентай күнінен Мариям екеуміздің қалай еңбектеніп, нан тапқанымызды көріп өсті. Негізі, баланың ең бірінші үлгі алатын адамы ол – ата-анасы. Жаман өнеге көрсеткен жоқпыз деп ойлаймын. Қазір балаларым – қанатым. Бәрі де бізге жаман атын келтірмей, өздерінің еңбек жолдарын қалыптастырып отыр. Үлкен ұлым Батыржан аудандық мәслихат депутаты болып сайланды. Өзінің жеке кәсібі бар. Онан соң кіші ұлым Батырхан ол сервистік қызмет көрсету орнының жұмысын жүргізіп отыр. Атырау қаласында тұратын қызым Әйкерім де жеке кәсіпкер. Қазір үш баладан өрбіген 7 немеренің атасы болып отырмын, – деді.</blockquote><blockquote>Қайырымдылық – ізгі қасиет</blockquote>Кәсіпкер отбасы қайырымды істен де алшақ емес. Бірақ онысын көпке жариялап жатпайды. Кешегі карантин кезінде біршама отбасын өз қамқорлығына алған. Одан бөлек, аудан спортшыларына да қаржылық жағынан демеушілік жасап отырады. Футболға құмар аудан жастарынан құралған өздерінің командалары да бар. Бұл команданың да барлық қажеттіліктерін қамтамасыз етіп отыр. &nbsp;Қайырымдылықпен айналысатын қорларға да тұрақты түрде қаражат бөліп отырады. Және жақында ғана медресенің құрылысына да үлес қосқан.<blockquote>&nbsp;Бар болып тұрса, мұқтаж жанға болысқанға не жетсін! Біз де қайырымды істі тұрақты жасауды әдетке айналдырғанбыз. Көбіне балаларым ел арасынан естіген көмекке зәру адамдарды тауып, соларға көмектесіп жатады. Кейде өздері қоңырау шалып, көмек сұрайды. Мұндайда ешқашан бас тартып көрген емеспіз. Бұл – әрбір азаматтың парызы, – деді Жансерік Ұзақов.</blockquote>&nbsp;Талай жылдарға шегініс жасап, өткенін салмақтап, бүгінгі күнді бағамдап, болашақтан тек жақсылық күткен Жансерік Ұзақов бүгінгі жеткен жетістіктерінің бәрін таразылады. Адам баласы адамгершілік, жомарттық, табандылық сынды ізгі қасиеттерден айнымайтын болса, өмірі нұрлы болмақ. Ол барлық салада өзін сынап көрді. Талай адаммен жүздесті. Бірімен шын дос болды. Досы қасқа айналды. Адамдардың алауыздығын да көрді. Десе де мойыған жоқ. Алға қойған мақсатына жету жолында ең жақын жандары қолдау көрсетті. Сұхбат барысында ішкі ойын бүкпесіз айтқан жан шынайы келбетін анық аңғартты.

Қазақстан және Қызылорда облысының жаңалықтары