<a href="https://kyzylorda-news.kz/">Kyzylorda-news.kz.</a>&nbsp; Азамат жастайынан дала төсінде еркін өсіп, ат құлағында ойнап өскен жігіт. Әке тәрбиесінде ширалып, шаруашылықта артылған сенімге нұқсан келтірмей, жайлау мен жұрттың арасында өскен бозбала келешек өмірін әскери саламен байланыстырамын деп ойламаса керек-ті. Десе де дәм-тұз қай жерден қалай бұйыратынын кім білген? Ирек жол тәрізді бұралаң өмір Шора мен Алтыншаш әулетінің тұла бойы тұңғышы болған Азаматты ақыры әскери салаға әкеп орнықтырды. Қазір ол Ақтау қаласындағы әскери-теңіз күштерінің жасақ командирі.&nbsp;Кейіпкеріміз 1990 жылдың күзінде ауданға қарасты құм қойнауындағы Қарақұмның Ерімбетжаға ауылында дүниеге келген. Ауыл мектебінде білім алды. Жазғы демалыста Тоғызтабанды бетке алып, әкесі отырған малды ауылды шарлаумен өскен баланың ауыл өмірі, оның ішінде ата кәсіп мал шаруашылығынан алыс болмағанын түсіну әсте қиын емес. Осылай жүріп бала арманмен үлкен қаланы бетке алған жас балада барлығы бірден жақсы болып кете қойған жоқ. Алғашында ел қатарлы білім алу ниетімен Аралдағы №2 көпсалалы колледжінде оқыды. Дей тұрғанмен, мұндағы қалыпты тіршілік ырғағы бір сарынмен жалғасып жатты. Демалыс болса ауылды бетке алатын Азаматтың әскер қатарына шақырылғандағы әсері тіптен бөлек болатын. Бәлкім, сол сәттен ол өз өмірінің басқа арнаға бұрыларын сезгендей. Солай болды да.&nbsp;2009 жылы 19 жастың көжесін ішкен Азаматты ауданның әскери бөліміндегілер әскер қатарына қосылуға жарамды деп тауып, облысқа аттандырды. Өзі қарайлас жігіттермен аймақтық іріктеуден өткен ол көп ұзамай еліміздің солтүстік өңірі Көкшетауды бетке алды. Сонда қарулы күштер сапында Отан алдындағы әскери борышын өтеп келген сарбаз әкесіз өмірге бейімделуіне тура келді. Тағдыр талайы сол болды. Ендігі әулеттің баскөтерері өзі екенін түсінген кейіпкеріміз ел қатарлы еңбекке араласты. Алғашында әртүрлі жұмыстар істеп елден жырақ жүрген жігіт араға 4 жыл салып, 2014 жылы әскери келісімшарт негізінде Ақтау қаласындағы әскери- теңіз күштерінің №29011 әскери бөліміне қызметке қабылданады. Міне, осылай басталған әскери өмір бас старшина Азамат үшін әсте бағалы еді. Ел жастарына осындай мүмкіндік ашқан Тәуелсіз Қазақстанның ендігі тыныштығы үшін өзіне жүктелген міндетті абыроймен атқарып келеді.<blockquote>&nbsp;Өткенге көз жүгіртсем бәрі ертегі тәрізді. Өмір өз ағынымен жалғаса береді екен. Әкем өмірден өткенде қамалым құлағандай болғаны рас. Жалғыз шешем мен бауырларымды жетектегенде қайда барамын. Мұндай қиын сәттерде бізге демеу болған әкемнің бауырлары еді. Осылай анам мен бауырларымды қалаға орнықтырып, Ақтауды бетке алғанда алдымда не күтіп тұрғаны белгісіз болды. Өзге орта, жаңа тәртіп. Алғашында бір қалыпқа түсу қиындау болды. Дегенмен өмір өз дегеніне үйретеді екен. Елден жырақ жүріп бір жылдан соң 2015 жылы Тастақтың қызымен отау құрдық. Ауыртпашылық өзіме түсерін білсем де, барлығын осы қаладан бастағым келді. Солай еттім де. Алғашында баспана мәселесінде қиындықтар болды. Жалдамалы үй, үлпілдеген үміт. Жолдан шығып, жаңылыс бассаң, егіліп елге қайтудан өзге жол жоқ. Шүкір, бәрі жаймен ретке келді. Алланың қалауымен өткен жылы «Әскери баспана» бағдарламасы шеңберінде баспаналы болдым. Осындай жетістіктердің барлығы осы әскери салаға келгенімнің арқасында болды. Қазір отбасыммен, балаларыммен осы қалада тұрып жатырмыз, – дейді аралдық Азамат Әшімов.&nbsp;</blockquote>Отан қорғау үшін сап түзеп шекарада немесе арнайы бекеттерде тұру маңызды емес. Ұлан-ғайыр атыраптың бір шеті сонау Каспий теңізі арқылы Иран және Әзірбайжанмен шектеседі. Бұл маңда да шекара және қарт Каспийдің қауіпсіздігі үшін толассыз жүргізіліп жатқан жұмыс бар. Қалыпты жұмыс ырғағы бір сәтке бұзылмаған өңірдің бүгінде тыныштығына жауапты кейіпкеріміз Азамат Шораұлының Отан қорғау ісінде қолтаңбасы айрықша. Қатардағы бас старшинаны біз мерейлі мерекесімен құттықтаймыз.

Теңіз күштерінің командирі: Аралдықтар отан қорғауда озық үлгі көрсетіп жүр

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбектің төрағалығымен аппараттық мәжіліс отырысы болып өтті. Мәжілісте 2 мәселе қаралды. Жиынға кент, ауылдық округ әкімдері мен мекеме, бөлім басшылары қатысты.Бірінші мәселе бойынша Қармақшы ауданында көркейту-көгалдандыру және санитарлық тазалық жұмыстары қаралып, аудан әкімі барлық мекеме басшыларына тазалық мәселесі басты назарда ұстау керектігін қадап айтты.Күн тәртібіндегі екінші мәселе бойынша аудандық ауылшаруашылығы мен жер қатынастары бөлімінің басшысы Әсет Омаров кент, ауылдық округтерде бақша өнімдерін егуге ниетті тұрғындар үшін әкімдік және шаруашылықтар демеушілігімен әзірленіп жатқан бақшалық жерлердің дайындық барысы туралы хабарлама жасады.Биылғы жылы тұрғындардың бақша өнімдерін егу үшін аудан бойынша 392 гектар жер жыртылып, оған 736 отбасы көкөніс, картоп және басқа да бақша өнімдерін егу межеленіп отыр.Жиын соңында аудан әкімі жоғарыда көтерілген мәселелердің жоғары деңгейде ұйымдастырылуына байланысты кент, ауылдық округ әкімдері мен тиісті сала басшыларына нақты тапсырмалар жүктеп, жұмыстардың сапалы орындалуын қатаң бақылауда ұстау қажеттілігін атап өтті.

Қармақшыдағы аппараттық мәжілісте маңызды мәселелер талқыланды

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы М.Сужиков атындағы №6 орта мектебінің ұжымымен кезектен тыс пед кеңес өткізді.&nbsp;Кеңесте бөлім басшысы мұғалімдердің сағат бөлінісін дұрыс бөлу, оқушыларға жайлы жағдай жасау, мектеп бітіру кешіне ақша жиналмау керегін қатаң ескертті. Сонымен қатар, оқушылардың білімді, өнерлі болуы білікті ұстаздың қолында екенін жеткізді.&nbsp;Жиында мектеп директоры Асылхан Әміржанұлы атқарылған жұмыстар мен мектептің даму жоспары жайында баяндама жасады.Жалпы 2022-2023 оқу жылында мектепте 914 оқушы білім алуда. Мұғалімдердің біліктілік санаты бойынша педагог-зерттеуші-38, педагог-сарапшы-30, педагог-модератор-31, 1-санат-1 мұғалім оқушыларға білім беруде. «Елбасы медалі» жобасының күміс медалін Тілеуберген Еркебұлан иеленді.&nbsp;Кеңес Одағының Батыры Т.Бигельдиновтің 100 жылдығына орай алғашқы әскери дайындық &nbsp;пәні мұғалімдері арасында әскери-қолданбалы спорт түрлерінен өткізілген қалалық және облыстық сайыста АК-74 оқу қаруының оқжатарын патрондармен жарақтау бойынша жүлделі І орын Жұмахметов Сейітқасым марапатталды.&nbsp;<blockquote>«Әуезовтану» олимпиадасының қалалық кезеңінен 9-сынып оқушысы ІІІ орын иеленді. Республикалық турнирден №6 орта мектеп оқушысы Сәулетбай Айлана, Каратэ-до шотокан спорт түрінен жүлделі І орын иеленді. Жалпы білім беру ұйымдарының 7-8 сынып оқушылары арасында 6 оқушы жүлделі орынға ие болды. Ал, 9-11 сынып оқушылар арасында 10 оқушы жүлделі орыннан көрінді. Математика пәнінен «Алтын сақа» олимпиадасының қалалық кезеңінде оқушылар жүлделі орындарға қол жеткізді», – мектеп директоры.&nbsp;</blockquote>Жиында Ерлан Теңізбайұлы мұғалімдер еңбек демалысына жаңа оқу жылындағы сағатынан хабардар болып кету керектігін де назардан тыс қалдырмады. Бөлім басшысына мектеп ұстаздарымен кері байланыс жасап,ұсыныс-пікірлерін білдірді.<img src="https://knadmin.beoblood.kz/uploads/343641287_578951227683204_7894917129414596566_n_9ad553be94.jpg" alt="343641287_578951227683204_7894917129414596566_n.jpg"><img src="https://knadmin.beoblood.kz/uploads/344449636_539553838383821_9198263325358764761_n_c93fb4cbce.jpg" alt="344449636_539553838383821_9198263325358764761_n.jpg">

Білім сапасы - білікті ұстаздың қолында

<a href="https://kyzylorda-news.kz/">Kyzylorda-news.kz.</a>&nbsp;Ұлы Отан соғысының отты жылдары еліміз үшін де өте ауыр қасірет әкелді. Сұм соғыстан біреу¬дің жары, біреудің жалғыз ұлы, тағы біреудің әкесі қайта оралмай, ұрыс даласында мерт болды. &nbsp;Бүгінде елге оралып, Ұлы жеңісті туған жерде тойлап, бақытқа бөленген қанды көйлек жауынгерлерден де санаулысының ғана көзі тірі.Соның бірі – Әбдірахман Бәйтіков. Мереке қарсаңында Отан үшін от кешкен майдангерге сәлем беріп, өткен күннің естелігін айтып беруін өтіндік. &nbsp;1943 жылдың жазында болған Курск түбіндегі майдан тарихта ең қанды шайқас ретінде есте қалды. Сан мыңдаған адам оққа ұшты. Тек Курск иініндегі шайқастағы ерлігі үшін 123 қазақстандық Ұлы Отан соғысы Батыры атағына ие болды. Курск майданында қызылордалық Әбдірахман Бәйтіков те жауынгерлік міндетін абыроймен атқарып, Отан қорғауда алғы шептен көрінді.Ұлы Отан соғысының ардагері &nbsp;қан майданға &nbsp;18 жасында аттанды. 1942 жылы Ашхабад жеріне әскерге аттанған сарбаз алдымен офицерлер дайындайтын курстан өтеді. 1943 Курск шайқасына қатысады. Жас сарбаз майдандастарымен бірге неміс басқыншыларына қарсы шабуылға аттанады. Немістердің атқан оғы қанды жорықтағы қаруластарды баудай түсіріп ажал оғын себелеп жатты. Қадам басса жараланып, ыңырсыған дауыстар шығып жатты. Оған қарауға ешкімнің шамасы келмей жатты. Өйткені жау тұтқиылдан шабуыл жасады.<blockquote>«Таң енді атып келеді айнала тып-тыныш. Жаудың қарасы көрінбейді деп бейқам жатқан тыныштығымызды тағы да жаудың шабуылы бұзды. &nbsp;Оқ жауып тұр. Ажалың жетсе бір өлім ғой деп, &nbsp;Отан үшін басымызды бәйгеге тігіп, дұшпанды тізе бүктіруді мақсат еттік. &nbsp;Бір кезде қаңғыған оқтың бірі менің қолыма тиді. Қан судай ағып жатыр. Жауынгерлердің қатарынан шығып, госпитальға жаттым. &nbsp;Сүйегім аман екен, тек тамырлары қиылып кеткен. Содан қолыма ота жасалды», – деді қарт майдангер.</blockquote>Соғыс ардагері 1944 жылы елге оралған.<blockquote>«Қаншама қасірет пен қайғы әкелген сұм соғыс тоқтаусыз жүріп жатты. Госпитальдан шыққаннан кейін мені Новосібір қаласына жіберді. 1943 жылдың желтоқсан айында комиссияға түсірді. II топ мүгедектігін алып елге қайтарды. Ауыр жарақаттан жазылу оңайға соқпады. Ұзақ емделдім. 1944 жылы елге оралдым. Туған жерде бейбіт еңбекке араластым. Соғыс жылдары елде де өте қиын, ауыр жылдар болды. Сол тауқыметті жас кезімізде біз де көтердік. Біздің бар арманымыз жеңіске жетіп, фашистердің күлін көкке ұшыру еді. Қаруластарымыздың бірталайы сол соғыстың құрбаны болып, ажал құшты. Біздің көретін жарығымыз бар екен. Елге оралып, бейбіт еңбекке араластық. Биыл Ұлы Жеңістің 78 жылдығын қарсы алайын деп отырмыз. Маған осындай бақ бұйырғанына Аллаға ризамын. Мамыражай өмірдің қызығын көріп жатырмыз. Ең бастысы, соғыс болмасын. Біздің көрген қиындығымызды кейінгі ұрпақ көрмесін. Ұрпақтарға бақытты өмір бұйырсын», – дейді соғыс ардагері.</blockquote>

Қызылордалық соғыс ардагері Курск үшін шайқасқан

<a href="https://kyzylorda-news.kz/">Kyzylorda-news.kz.</a> Баланың даму жолында өз қатарластарынан артта қалу сынды жағдайлар жиі кездеседі. Дегенмен бұл соншалықты алаңдайтын дүние емес. Себебі мемлекет мұнымен күресудің жолдарын қарастырып қойған. Бүгінде дамуында кешеуілдеу байқалатын балалардың интелектуалды қабілетін артттырып, олардың өмірге әлеуметтік және физикалық тұрғыда бейімделуіне мүмкіндік беретін түзету сыныптары жұмыс жасайды.Сондай сыныптардың бірі аудандағы Ж.Жабаев атындағы №234 орта мектеп базасында қарастырылған. Түзету сыныбы 2005-2006 оқу жылындағы ПМПК қорытындысына сәйкес «Психикалық дамуы тежелген» диагнозындағы балалар үшін ашылған. Мұнда ерекше білімді қажет ететін балалар дені сау қатарластарымен бірге білім алады. Олар өз ата-анасынан алшақтамай, яғни арнайы мектеп-интернаттарда тұрып оқуға мәжүр болмай, тұрғылықты жерден мектепке қатынайды. Соның арқасында олар қоғаммен біте қайнасып, әлеуметтік жағынан бейімделуде. Ал ата-аналар балаларының дамуы мен тәрбиесіне белсене араласа алады.Мектеп директорының тәрбие ісі жөніндегі меңгерушісі Рабиға Игілікованың айтуынша, биылғы оқу жылында 13 сыныпта барлығы 93 оқушы, ал денсаулығына байланысты үйден оқитын 25 оқушы дәріс алып жатыр.<blockquote>«Түзету сыныбында оқитын балалармен жұмыс арнайы бағдарлама негізінде жүзеге асады. Мұнда балаға оқу процесі баспалдақ негізінде ұйымдастырылады. Яғни тапсырмалар ең қарапайым жаттығулардан басталып, күрделіге қарай ауысып отырады. Бұл оқушылардың төменнен жоғары қарай сатымен көтерілуіне мүмкіндік береді. Осындай жұмыстардың аясында түзету сыныбында оқитын тәрбиеленушілеріміз оң нәтиже көрсетіп, білім де де, өнер де, спортта да жетістіктерге жетіп жүр», – дейді Рабиға Игілікова.</blockquote>Расымен, түзету сыныбында оқитын балалардың шыққан шыңдары аз емес. Арнайы педагикалық-спихологиялық қолдаудың арқасында олар аудандық, облыстық «Бәрімен бірдей», «Шексіз әлем», «Біздің қолымыздан бәрі келеді», «Жұлдызай» сынды байқаулардың жеңімпаздары атанған.Жұлдызай – 2022» ұлттық инклюзивті ойындарында «Асық ату» бағамы бойынша 8 сынып оқушысы Ерқанат Нұржан облыстық кезеңде I орын алып, республикалық байқауға жолдама алды. Кейін республикалық кезеңде де топ жарып, I орын иеленді. «Жұлдызай – 2023» республикалық балалар шығармашылық байқауының аудандық кезеңіне «Хореография» бағамы бойынша 4 «д» сынып оқушысы Арай Ерғалиева Арай I орын иемденді. Облыстық кезеңде III орынды қанжығалап, байқаудың республикалық кезеңіне жолдама ұтқан. Иә, бұл мектеп ұжымының жеткен жетістіктердің бір парасы десек болар. Ал сондай жетістіктерге жетелеп, балалардың жан-жақты дамуына барынша күш салып жүрген педаогтар екені даусыз. Мұндағы мұғалімдер өз мамандығына шын берілген жандар. Олар үнемі ізденісте үстінде, білімдерін тұрақты жетілдіріп жүр. Түзету сыныбында дәріс беретін ұстаздар облыстық, республикалық курстарынан өткен. Соның нәтижесінде арнайы психологиялық, педагогикалық, коррекциялық жұмыстар бірізділікке түскен.Ерекше білім беруді қажет ететін сыныптарда кәсіптік бағдар беру жұмысы да жолға қойылған. Мұғалімдер кәсіптік бағдар беру қоғамның қажеттілігіне қарай, әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесіп келеді. Соның нәтижесінде 2019-2020 оқу жылында 7 оқушы, 2020-2021 оқу жылында 7 оқушы, 2021-2022 оқу жылында 8 оқушы кәсіптік-техникалық колледждерге қалаған мамандықтары бойынша оқуға түскен. Сонымен қатар мектепте «Жас қолөнершілер», «Жас тігіншілер» үйірмелері жұмыс жасайды.Мамандардың қолжетімді еңбек етуі үшін мектепте кабинет қарастырылған. 2021-Арнайы оқу кабинеті 2022 оқу жылында облыстық өңірлік «Жол картасы» аясында «Ерекше балаларға – ерекше қолдау» мақсатында пайдалануға берілген. Сынып оқу әдістемелік, сондай-ақ қажетті құралдармен жабдықталған. Сонымен бірге түзету сыныбында оқитын балаларды мектепке тасымалдайтын арнайы көлік те қарастырылған. Айта кеткен жөн, жуырда ғана Оқу ағарту министрі Ғани Бейсенбаевтың Қазалы ауданына сапары кезінде түзету сыныптарында оқитын оқушылар үшін заманауи үлгідегі жаңа автобус табыс етілді.Ерекше білімді қажет ететін балаларға қолдау қашан да маңызды. Балаларға қолайлы орта қалыптастырып, қабілетін шыңдауды мақсаты санайтын білім ордасының жұмысы одан әрі жанданса, мұнда білім алатын шәкірттер қоғамда өзіндік мүмкіндіктерін жан-жақты көрсетіп, тұлға болып шығары анық.

Ерекше бала ескерусіз емес

<a href="https://kyzylorda-news.kz/">Kyzylorda-news.kz.</a> Жалағаш ауданының кәсіпкерлері мен ауылдық округ әкімдері мемлекеттік бағдарлама аясында кәсіпкерлік мақсатта берілетін несиені алуға кепіл мүліктің төмен бағалануы кедергі екенін жеткізді. Бұл туралы Қызылорда облысы кәсіпкерлер палатасы Өңірлік кеңесінің төрағасы Ерлан Райымов пен кеңес мүшелерінің ауданға сапары барысында өткен кездесуде айтылды.Өңірлік кеңес мүшелері сапар барысында «Қарабура» шаруа қожалығының күріш ақтау зауытымен, бронды кеудеше мен әскери каска жасайтын «Өркен Әлем» ЖШС филиалының жұмысымен танысты. Бұл кәсіпкерлік нысандарында 90-ға жуық адам еңбек етуде.Бұдан кейін кеңес төрағасы Ерлан Райымов аудан әкімі Асқарбек Есжановпен кездесіп, ауданда кәсіпкерлікті дамыту үшін қабылданатын шараларды талқылады. Әрі қарай кеңес мүшелері ауылдық округ әкімдерімен кездесті. Облыстық Іскер әйелдер кеңесінің төрайымы Наталья Мишукова «Атамекен» Ұлттық кәсіпкерлер палатасының «Мен кәсіпкер» жобасымен, оның бағыттарымен, жоба бойынша атқарылатын жұмыстармен таныстырды.<blockquote>«Мен кәсіпкердің» аясында «Бір ауыл - бір өнім» жобасын да жергілікті атқарушы органмен бірге жүзеге асырамыз. Өнім шығаруға әзір қыз-келіншектерді оқытуға, әдістемелік көмек көрсетуге дайынбыз. Осы ақпараттарды ауыл тұрғындары арасында кеңінен таратсаңыздар», – деді Наталья Мишукова.</blockquote>Кәсіпкерлер мен ауылдық округ әкімдері биыл жастарға және ауыл азаматтарына берілетін 2,5 пайыздық несиені алып, кәсіп бастауға ниетті азаматтардың жеткілікті екенін атап өтті. Алайда кепілге қойылатын мүліктің төмен бағалануы, несие тарихының дұрыс болмауы мемлекеттік қолдауды пайдалануға кедергі болып тұрғанын айтып, көмек сұрады.Өңірлік кеңес төрағасы бұл мәселемен жауапты ұйымдарға ұсыныс беретінін жеткізді.Атап өту керек, Жалағаш ауданында жыл басынан жалпы құны 840,4 млн теңгені құрайтын 54 жоба қаржыландырылған. Қазір ауданда 3061 кәсіпкерлік субъектісі халыққа қызмет көрсетуде. &nbsp;<img src="https://knadmin.beoblood.kz/uploads/vvv_a2cf735085.jpg" alt="ввв.jpg">

Өңірлік кеңес мүшелері Жалағаш ауданының кәсіпкерлері және әкімдерімен кездесті

<a href="https://kyzylorda-news.kz/">Kyzylorda-news.kz.</a> Қазалы ауданында жастар арасындағы құқық бұзушылық пен топтық төбелестің алдын алу мақсатында түрлі шаралар қолға алынып келеді. Бүгін соның жалғасы Әйтеке би кенттік мәдениет үйінде жалғасын тапты.&nbsp;Қазалы аудандық қоғамдық даму бөлімінің «Жастар ресурстық орталығының» ұйымдастыруымен өткен «Мен сарбазбын» атты әскери жиында аудан әкімінің орынбасары Дәурен Тілеумбетов сөз алып, Отан алдындағы борышын өтеу әрбір жастың парызы екенін еске салды.&nbsp;Жиынды жүргізіп отырған «Жастар ресурстық орталығының» директоры Нұрбек Ақпанбетов келесі сөзді Қазалы аудандық қорғаныс істер жөніндегі бөлім бастығы Нұрлан Құрманғалиұлына берді. Мұнан бөлек, басқосудаға келген өскіндер ауған соғысының ардагері Күмісбай Серікбайұлы мен тәжік-ауған соғысының ардагері Руслан Әбдусаттарұлына өз сауалдарын қойып, пікір алмасты.&nbsp;Кездесу барысында аудан әкімінің орынбасары Дәурен Оңғарбайұлы әскерден келгеніне 1 ай болған жас сарбаз Ақниет Жылқайдар мен Қуантқан Мырзағалимен тілдесіп, сарбаздар өздерінің әскердегі қызықты сәттерімен бөлісті.&nbsp;Айта кеткен жөн, тағылымы мол шарада 10-ға жуық жасөспірім өзінің әскерге деген ынтасы ашылып, Отан алдындағы борышын өтеуге асығатынын айтты.&nbsp;<img src="https://knadmin.beoblood.kz/uploads/343093113_777041587323652_2512957052229290251_n_85ffdc5a7d.jpg" alt="343093113_777041587323652_2512957052229290251_n.jpg">

Қазалыда «Мен сарбазбын» шарасы өтті

<a href="https://kyzylorda-news.kz/">Kyzylorda-news.kz.</a> Қазалы ауданының кәсіпкерлік көкжиегі кеңейіп, күн санап дамып келеді. Мұндағы ел экономикасына зор үлес қосып жүрген кәсіпкерлердің өзіндік танымал брендтері де бар. Бір қызығы, брендке айналған тауарлар аумақтан асып, еліміздің шет-шетінде Қазалының беделін арттырып жүр. Солардың бірі – «РЗА» сүт өнімдері мен «Қазалы» кәмпиті болса, енді бірі өткен жылы қатарға қосылған «Қазалы» сабыны.Көпті разы еткен «РЗА»Елде Самұрат Имандасовтың бастамасымен құрылған «РЗА»-ны білмейтін жан кемде-кем. Себебі аталған орын бірнеше жылдан бері бүкіл Қазақстан аумағын сүт өнімдерімен қамтамасыз етіп келеді.Кәсіпкер сонау Венгриядан алты жүзден астам голштиндік-фриздік асыл тұқымды сиырларды Қазалы ауданына жеткізген. Мал шаруашылығының кешені заманауи еуропалық жабдықпен жабдықталған. Кешеннің барлық процестері автоматтандырылған. Сүт сататын дүкен тұтастай компьютерлік жүйеге құрылған, тіпті оның өнімділігі жоғары болуы үшін сиырларға Моцарт пен Вивальдидің классикалық музыкасын да қосып қоятын көрінеді. Естуімізше, асыл тұқымды жануарлар музыканы ұнатады деседі.Осылайша, біртіндеп шаруа қожалығында малдың саны артты, қазіргі кезде шаруа қожалығы іс жүзінде шаруа қожалығын құруымен бірге қалыптасқан «Рза-Сүт» ЖШС сүт өңдеу кешенін ұсынады.Мұнда неміс және итальяндық желілер орнатылған. Кешенде «Дәмді» тауар белгісімен пастерленген, ультрапастерленген сүт, айран, қаймақ, сүзбе, сары май, ірімшік шығарылады. Кәсіпорын дәстүрлі қазақ құртымен де танымал. Сонымен қатар аталған маркамен йогурт, ряженка, брынза және балмұздақ өндіру жоспарланған.Аймақты 90 процент сүт өнімдерімен қамтамасыз етіп отырған кәсіпорында 85 адам жұмыспен қамтылған. Өнім Маңғыстау, Атырау, Ақтөбе, Батыс Қазақстан облыстарына жеткізілетін болады. Мемлекеттік қолдау шаралары аясында шаруашылыққа жем-шөп қорын даярлау үшін 1233 гектар жер учаскесі табысталған. Сондай-ақ «Бизнестің жол картасы – 2020» бағдарламасы аясында республикалық бюджеттен қаражат бөлініп, «Электрмен жабдықтау» жобасы жүзеге асырылған.Таңдай қақтырар тәттіЕліміздің қай бұрышында жүрсек те, танысқан жанға қазалылық екеніңді айтсаң, «Қазалы кәмпиті» жайлы сұрай кетуі қалыпты жағдай. Бүгінде қазақтың бай дастарқанында небір әлемдік брендтермен қатар қойылатын «ащы кәмпитті» ұнатпайтын, аңсары ауып іздемейтін қазақ жоқ. Бұны еліміздің басқа қалаларында «Қазалы кәмпиті» деп іздесе, қазалылықтар «ащы кәмпит», кей әжелеріміз «мұз кәмпит» деп те атап жатады.Шет мемлекеттерге танылып үлгерген «Қазалы кәмпитін» алғашқылардың бірі болып өндіруді Қазбергеновтер бастаса, бүгінгі күні кәсіпкер Сандуғаш Әбілқасымқызы да цех ашып, өз алдына бизнесін жандандырып отыр.2018 жылы тек жалбыз, барбарис, бор кәмпит, аралас кәмпит түрлері жасалса, жаңа цех оның 8 түрiн шығарады. Дәлірек айтсақ, жалбыз, pоkс, барбарuс, coлoмкa, лuмон, шоколад, апельсuн, дюшеc секілді түpлерімен қатары толыққан. Бүгінде тәттіге сұраныс артып, Қазақстанның өзге қалаларына да таралуда. Аталған цехта тәулігіне 150 келі кәмпит дайындалады екен. Сұраныс артқан сайын өнім көлемі де артуда. Брендке айналған кәмпит әр қазақтың үйінен табылады.«Қазалы» сабыныАуданның атын көпке танымал етіп жүргендер қатарына өткен жылы «Қазалы сабыны» да қосылды. Қазалыдағы сабын өндіру кәсібінің негізін қалаушы қазалылық – Руслан Бөлекбаев. Ол біраз уақыт арнайы курстарды оқып, оны тек теориялық тұрғыда емес, тәжірибе жүзінде де іске асырып көрген. Сонан соң, Орал қаласынан Ресейде жасалған ең сапалы құрылғыны ауданға алып келді. Одан бөлек кір сабынның бұл түрін пайдалану адамға зиянсыз екендігін айқындау үшін арнайы орыннан сертификат алған. Себебі «Қазалы сабыны» 7 түрлі табиғи заттан жасалады. Яғни, ешбір химиялық қоспа жоқ.Қазіргі таңда 170, 200, 250, 300 және 350 граммдық сабыннан тәулігіне 3 мың дана шығарып жатыр. Сабынның бағасы да тұрғындар үшін әлдеқайда қолжетімді. Ал сабын сұранысына келер болсақ, бүгінде Қазалының түкпір-түкпірінен және ауданнан тыс аймақтардан да кең көлемді тапсырыстар түсіп жатқан көрінеді.Кәсіпкер мұнымен тоқтамай, Ресей елінен арнайы дәретхана қағазы, қағаз майлық және қағаз сүлгі шығаратын құрылғыларға тапсырыс берді. Русланның айтуынша, ісі оңынан басса, бұл құрылғымен жұмыс жасауға 10-15 жанды жұмыспен қамтуға болады екен. Алдағы уақытта Русланның жаңа бастамалары да «Қазалы брендіне» айналады деп сенеміз.

Қазалының брендтері Қазақстанға таныс

&nbsp;<a href="https://kyzylorda-news.kz/">Kyzylorda-news.kz.</a>&nbsp; Тарихы терең Сырдария ауданы республика көлеміне өлкеден шыққан белгілі тұлғалармен танылған. Сондай тұлғалардың бірі ақиық ақын Асқар Тоқмағамбетов – мақтанышпен айтар тау тұлғалардың бірі және бірегейі.&nbsp;Қазақ әдебиетіндегі сатиралық поэзияның негізін қалаушы ақын қасиетті Сырдария жерінде дүниеге келіп, ақындығымен республикаға танымал болды. Оның атын мәшһүр еткен дарындылығы өзі туып-өскен топырақтан дарығаны белгілі. Сол себепті қазір ақынның өскен ауылы, сондағы мектеп А.Тоқмағамбетов атымен аталады. Сондай-ақ, ауылдық мәдениет үйінде ақиық ақынның музейі жасақталып, халыққа рухани қызмет көрсетіп келеді.Ауылдағы мәдениет ошағында орналасқан музей қорында белгілі жазушының өмір белестерін айқындайтын суреттер қоры жасақталған. Музейге кірген бетте ел мақтанышының қолына кітап ұстап тұрған үлкен суретін көресіз. Ал оның екі жағында А.Тоқмағамбетов туралы қазақ ақын-жазушыларының тұғырлы тұлғалары Ә.Тәжібаев пен М.Әуезовтың пікірлері жазылып қойылған.&nbsp;Алғашқысы «Асқардың өмірбаяны – республикамыздың өмірбаяны. Ақын осы өмірдің әр дәуірін жырымен баяндап отырғанда, өз сезімі мен жүрек күйін де сол жырларында қалтқысыз көрсетіп келген. Ол біздің ең белсенді, ең ұшқыр ақындарымыздың бірі» десе, «Абай жолын» жазған жазушы: «...Тіл жөнінен бұрынғының қорынан қарбытып отыратын, анық асыл тіл байлығы бар екі ақынды бөліп айтар едім, олар – Асқар мен Ғали. Асқар – қырғи тілді ақын» деп керемет баға берген.Мұндағы суреттер қорына тоқталар болсақ, алдымен, ақынның отбасы, немерелерімен түскен фотобаяндары көзге түседі. Одан кейін жұмыс үстелі көненің көзіндей сақтаулы тұр. Жұмыс барысындағы әріптестерімен, қарымды қаламгерлермен, атақты адамдармен кездескен, шет елге шыққан сапарлары бейнеленген суреттері қойылған.&nbsp;Атап айтқанда, төргі жақта 1975 жылы ақиық ақынның 70 жылдық мерейтойына келген Т.Әлімқұлов, Ә.Қоңыратбаев, М.Бәйділдаев, Ж.Бектұров секілді көптеген қазақ қаламгерлерімен түскен суреттері қойылса, осы қатарда ғарышкер-ұшқыш, Кеңес Одағының батыры Г.Титовпен, әлемге танымал жазушы Ш.Айтматовпен, қазақ әдебиетінің көрнекті өкілдері З.Шүкіров, Т.Ахтанов, Ғ.Мұстафин, З.Жарқынбаев, С.Шаймерденов, Ғ.Мүсірепов, М.Әлім¬баевтармен кездескен шағы ілулі. Бұдан бөлек, республикалық «Ара», «Балдырған» журналы, «Ленин жолы» газеті редакциясындағы, еңбек адамдарымен, жастармен, шәкірттерімен жүздесудегі естелік суреттері де бар. Сондай-ақ, музейдің төргі жағында ақынның бас киімі мен өзі пайдаланған теру машинкасы тұр.Ақын музейі қорында тарихтан сыр шертетін суреттер қатары көп десек, оның ішінде жүз жасаған Жамбылмен кездескен суретті ерекше атап өту керек. А.Тоқмағамбетовтың жас шағында бір топ қаламгерлермен қазақ жырауын ортаға алып, сұқбаттасуы ғажап кезең екені сөзсіз. Сонымен қатар, мұнда қазақ драматургиясына көп үлес қосқан жазушының С.Қожықовпен бірігіп жазған «Маржан» (орысшасы «Если бы каждый из нас») атты сценарийі бойынша «Қазақфильм» киностудиясы кино түсіре бастағандығы жөнінде айғақты материалдар бар.&nbsp;Жалпы, ақиық ақынның музейінен көпшілік рухани азық жинап, Сыр еліне, оның ішінде тарихы шежірелі Сырдария (Тереңөзек) ауданына табан тіреген ақын-жазушылар жөнінде көптеген мағлұмат алады. Сондықтан ақиық ақын Асқар ауылына жол түссе, міндетті түрде музей қорымен таныссаңыз болады. &nbsp;

Ақиық ақын Асқар Тоқмағамбетовтың ауылдағы музейі

<a href="https://kyzylorda-news.kz/">Kyzylorda-news.kz.</a> Қазіргі таңда әскери борышын өтеген азамат өз қалауымен әскери мансап жолын бастауына болады. Ол – Отан алдындағы міндетін одан әрі атқарғысы келетін, патриот жанға туған керемет мүмкіндік. Осы бастаманы қолдаған азаматтың бірі – Құттымұратов Ерғали Құттымұратұлы.Ерғали 1996 жылы 27 маусымда Арал ауданының Жақсықылыш кентінде дүниеге келген. Бала кезде балалықпен түрлі мамандық иесі болғысы келген оның ойын әкесінің әскер қатарындағы суреттері мен әңгімелері қызықтырған екен. Сол себепті мектеп жасынан түрлі спорттық жарыстарға қатысқан. Дегенмен отбасылық жағдайларға байланысты 9 сыныптан кейін Қызылорда қаласындағы гуманитарлық-заң және техникалық колледжіне «Жанармай станцияларын салу, жөндеу және пайдалану» мамандығы бойынша оқуға түседі. Оқуын 2015 жылы жақсы аяқтап, ауылдағы тұз өндіру цехына жұмысқа тұрады.&nbsp;Бала арманы санасына орныққан Ерғали 2017-2018 жылдары қазіргі Жамбыл облысы, Қордай ауданындағы Ұлттық қауіпсіздік қызметінің 2038 әскери шекара бөліміне Отан алдындағы борышын өтеуге барады. Онда «Кіші тексеруші» шенінде қызметін абыройлы атқарып, борышын өтеп, елге оралады.Әскери қызметін атқарып келген соң, мамандығы бойынша Атырау қаласына жұмысқа орналасады. Осылай жүріп, отбасының қолдауымен әскери қызметкер болу мақсатында ҚР ҰҚК «Шекара қызметі Ақтөбе облысы департаментіне" құжаттар тапсырады. Арнайы емтихандар мен медициналық тексеруден сәтті өтіп, 2020 жылдың 24 қыркүйегінде, ҚР ҰҚК Ақтөбе облысы бойынша «Ақырап» шекара бөлімшесінің 3-ші мобильдік тобының аға барлаушысы қызметіне тағайындалады.<blockquote>Әрбір жұмыстың өз қиындығы мен қызығы қатар жүреді. Сол секілді шекара қызметінің де қиындықтары мен өз ерекшеліктері бар. Бастысы – жауапкершілік. Әрбір сәт сайын өзіңнің Отан алдындағы жауапкершілігіңді сезініп, борышыңды өтесең, барлығы жақсы болады. Өз ісін сүйетіндер үшін шекара қызметі абыройлы міндет, – дейді Ерғали Құттымұратұлы.</blockquote>Бүгінде Ерғали Құттымұратұлы бақытты отбасының отағасы, бір қыздың әкесі. Өзінің кәсіби міндетімен қатар отбасына да көңіл бөліп, уақыт табады. Әулетінің, жары мен қызының мақтанышы – Ерғали алдағы уақытта өз ісінің майталманы болуды мақсатқа айналдырған.

Әскери қызмет: Отан алдындағы қызметін жалғастыруға ниетті жастарға мүмкіндік көп 

<a href="https://kyzylorda-news.kz/">Kyzylorda-news.kz.</a>&nbsp; Ұлы Отан соғысының 78 жылдығы қарсаңында Қызылорда облысы бойынша экономикалық тергеп-тексеру департаментінің басшысы Бақыт Қайшыбеков «Мәңгілік алау» мемориалының алдына соғыс жылдарында шайқаста қаза болған жауынгерлерді еске алу құрметіне гүл шоқтарын қойды. Онан соң соғыс ардагері Әбдірахман Бәйтіковтің отбасына барып, Жеңіс күнімен құттықтады.Кездесу барысында департамент басшысы Бақыт Қайшыбеков соғыс ардагерін келе жатқан Жеңіс күні мерекесімен құттықтап, мықты денсаулық тілеп, қазақы дәстүрмен шапан жапты.Өз кезегінде ардагер Әбдірахман Бәйтіков өзінің өмірлік тарихымен бөлісіп, сұрапыл соғыс жылдарындағы қиыншылықтар мен бірге жүрген қаруластарының ерліктері туралы айтты және департамент ұжымына ризашылығын білдіріп, батасын берді.Ардагерлердің соғыс жылдарында көрсеткен жанкешті ерлігі-бүгінгі және болашақ ұрпақ үшін үлкен рухани мұра. Осы ретте, департаменттің жас мамандары да облыстық музейде болып, соғыс ардагерлеріне арналған естеліктеліктермен, жасаған ерліктерімен танысты. Ешкім де, ешқашан ұмытылмайды.<figure class="image"><img src="https://knadmin.beoblood.kz/uploads/c87ae00f_3752_4648_9d2e_ead5e1d54478_8188364946.jpg" alt="c87ae00f-3752-4648-9d2e-ead5e1d54478.jpg"></figure>

Қызылорда облысы бойынша экономикалық тергеп-тексеру департаментінің басшысы соғыс ардагерін құттықтады

<a href="https://kyzylorda-news.kz/">Kyzylorda-news.kz.</a> &nbsp; «AMANAT» партиясы Теміржол &nbsp;филиалына қарасты «Локомотив пайдалану &nbsp;депосы» &nbsp;бастауыш партия ұйымының мүшелері &nbsp;партияның «Еңбек адамы» және «Ардагерлерді ардақтайық» жобалары аясында сала ардагерімен кездесу &nbsp;ұйымдастырды.&nbsp;Кездесуге &nbsp;келген сала ардагері Олжабай Қошанов өзімен 65 жыл отасқан жары Нағима әжеймен келді. &nbsp;Бүгінде &nbsp;бір әулеттің &nbsp;мәуелі бәйтерегі болып отырған &nbsp;қос &nbsp;қария әлі &nbsp;тың, қос ғасырдың куәгері болып, &nbsp;ұжым құрметіне &nbsp;бөленіп отыр. Олжабай ақсақал &nbsp;84 жасқа толса, &nbsp;Нағима әже &nbsp;82 жасқа келген. Бүгінде 5 &nbsp;перзенттен өрбіген 15 немере, 17 шөбере көріп отырған ардагерлер зейнеттерінің &nbsp;нанын 29 жыл бірге жеп келеді.&nbsp;Ардагер ақсақалымыз өзінің қызмет еткен мекемесіне келіп, &nbsp;машинист &nbsp;әріптестеріне ақыл кеңесін берді. Кейінгі ұрпақты адал, таза еңбек етуге шақырды.<blockquote>«Қазақта еңбектің наны тәтті»,- деген керемет тәмсіл бар.Әрбір азамат өз ісін адал, таза істесе, еліміз көркейіп, дами түседі. Таза жұмыс жасаған азамат қашанда құрметті болады. Еңбек адамына деген ешқашан толастамайды»,- деді ардагер.</blockquote>Кездесу барысында ардагер локомотив цехында болды.Өткен &nbsp;еңбек жолдарындағы естеліктермен бөлісті. Мекеме ауласындағы ҰОС қатысқан теміржолшыларға арналған мемориалда гүл шоқтарын қойды.Олардың ерлігіне тағзым етіп, сұрапыл жылдарды бір сәт еске алды.&nbsp;«Біздің бала шағымызды аты өшкір соғыс ұрлады. Ел басына күн туғанда мен 2 жаста,соғыс біткенде 6 жаста едім. Соғыстан киінгі қиын жылдарда анама көмек беру үшін &nbsp;ерте есейіп, &nbsp;жұмысқа араластым. Осы депоға келіп жүк және жолаушылар поезының тепловоз машинисі болдым. Еңбекпен шыңдалдым. Осы жасқа келіп, тың әрі құрметті жүруімнің сыры да адал еңбектің арқасы ғой деймін,- &nbsp;деді ақсақал.Саналы ғұмырының 30 жылында &nbsp;басшылық тарапынан ешбір &nbsp;ескерту алмай темір тұлпарды тізгіндеген Олжабай ақсақал &nbsp;мекеме мұражайнда тұрған сонау 1975 жылы мінсіз адал &nbsp;еңбегіне берілген «Селеверство» атындағы сыйлығын көрсетті. Расында өмір жолы өнеге, еңбек жолы үлгі болған ардагерден аларымыз көп. Тек тілеріміз амандық пен саулық &nbsp;деп кездесуде &nbsp;естелік сыйлықтарды табыстаған партияның «Теміржол» филиалының төрағасы, облыстық мәслихаттағы «AMANAT» партиясы депутаттық фракциясының мүшесі Батырхан Базарбаев бүгінгі шараның маңыздылығына тоқталды. &nbsp;<blockquote>«Еңбек адамына құрмет көрсету төңірегінде Президент өзінің халыққа арнаған Жолдауында ерекше атап өтті. &nbsp;Партия осы бағытта «Еңбек адамы» жобасын іске қосып, жоба аясында еңбек адамдарын құрметтеу, олардың еңбегін кейінгі ұрпаққа насихаттау, жастарды адал еңбекке шақыруда көпшілікке үлгі болып келеді. Бүгінгі іс –шара соның бір көрінісі»,- деді ол. &nbsp; &nbsp;</blockquote>Тағылымы мол кездесу барысында көрсетіліп жатқан &nbsp;құрметке риза болған &nbsp;ардагерлеріміз "AMANAT" партиясына жылы лебізін білдіріп, &nbsp;ақ батасын берді. &nbsp;<figure class="image"><img src="https://knadmin.beoblood.kz/uploads/3879412e_fff2_492d_a266_2d90542e6ec6_d530c9b4da.jpg" alt="3879412e-fff2-492d-a266-2d90542e6ec6.jpg"></figure>&nbsp;<figure class="image"><img src="https://knadmin.beoblood.kz/uploads/6aa36c22_42c4_4c08_ac17_7c0ff1517eb6_a9a9a8cdc2.jpg" alt="6aa36c22-42c4-4c08-ac17-7c0ff1517eb6.jpg"></figure>

Қазақстан және Қызылорда облысының жаңалықтары