<a href="https://kyzylorda-news.kz/">Kyzylorda-news.kz.</a> Шаһарда 2020 жылдан бастап барлық коммуналдық мәселелер бойынша қала тұрғындары мен қонақтарының өтініштерін қабылдайтын «109 – Бірыңғай байланыс орталығы» жұмыс істейді. &nbsp;Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы әкімі аппаратының цифрлық технологиялар бөлімінің басшысы Сәбит Ибадулла мәлімдеді.<blockquote>«Бүгінгі таңда байланыс орталығы 62 мекемемен тығыз байланыста. Орталықтың басты артықшылығы - көптеген мәселелерді қашықтықтан шешеді. Инспектор-операторлар халықтан өтінімдерді тәулік бойы қабылдап, тиісті мекемеге жолдайды, орындалуын қадағалап, тұрғынмен кері байланыс орнатады. Тұрғындар 109 номеріне қоңырау шалу арқылы өзінің тұрмыстық өтініштерін жеткізе алады», - деді Сәбит Ибадуллаұлы.</blockquote>Бүгінде байланыс орталығында тұрғындардың өтініш жібере алатын құралдар ауқымы кеңейтілді. Атап айтсақ, Call-орталық 109; көмек-109 мобильді қосымшасы (AppStore / Playmarket); WhatsApp +7 (771) 700 01 09: Telegram-бот: @kyzylorda109_user_bot, Instagram: qyzylorda_109, Facebook желілері арқылы өтінім қабылдайды.<blockquote>«109 – Бірыңғай байланыс орталығы» &nbsp;веб-браузер арқылы өтінімдерді қабылдайды және өңдейді. Сондай-ақ, аймақтағы жедел жағдайды бақылайды. Байланыс орталығы осы уақытқа дейін 400 мыңнан аса қоңырау қабылдап, тиісті мекемелерге жіберген. Облыс тұрғындары тарапынан «109 – Бірыңғай байланыс орталығы» &nbsp;қызметіне келіп түсетін өтінімдердің тез және сапалы орындалуын қамтамасыз ету мақсатында қала, аудан әкімдігінің дербес бөлімдеріне әдістемелік оқыту жұмыстары жүргізілген болатын. Атқарылған жұмыстар оң нәтижесін беруде. «109 – Бірыңғай байланыс орталығы» қызметінің мақсаттарының бірі тұрғындардың мәселелерін шешуде нақты бағдар беру болып табылады, - деді «Қызылорда облысы әкімі аппаратының «Жедел әрекет ету орталығы» &nbsp;КММ-і директорының міндетін атқарушы Руслан Бүркітбаев.</blockquote>

Қызылорда: «109» байланыс орталығы 24/7 жұмыс істейді

<a href="https://kyzylorda-news.kz/">Kyzylorda-news.kz.</a> Сыр өңірінде Қазақстан Ұлттық ғылым академиясының академигі, математик, профессор Асқар Жұмаділдаев атындағы жас математиктер арасындағы халықаралық байқау басталды. Білімділер додасына еліміздің және көршілес Ресей, Қырғызстан, Өзбекстан мемлекетінен келген 20 мен 27 жас аралығындағы 100 математик бақ сынамақшы. Бүгін Өңірлік коммуникациялар қызметінің ақпарат алаңында белгілі математик Асқар Жұмаділдаев БАҚ өкілдеріне аталмыш байқаудың негізгі талаптарын түсіндіріп өтті.<blockquote>«Халықаралық байқаудың мақсаты – жас математик мұғалімдердің кәсіби шеберлігі мен &nbsp;білім алушылардың қабілетін дамытуға бағытталады. Бұл білімділер байқауы 2014-2018 жылдар аралығында Қызылорда қаласының жас математиктері арасында өтікізіліп келген. Ал 2019 жылы бұл байқау тұңғыш рет халықаралық деңгейде ұйымдастырылды. Биыл облыс әкімі Нұрлыбек Машбекұлы Нәлібаевтың қолдауымен аталмыш байқауға қатысушылар саны артып, сайыстың жоғары деңгейде ұйымдастырылуына ықпал етті. Жалпы біздің Сыр елі тек қасиетті өнердің ғана емес білімділердің де ортасы. Біздің өңірде талайды таңдай қақтырған мықтылар шыққан. Солардың ізін жалғастыру үшін біздің жастар білім мен ғылымға бет бұруы керек. Бүгін бастау алатын халықаралық олимпиада нағыз метематиктерді анықтауға және жас ғалымдардың атын шығаруға үлкен мүмкіндік болмақ. Білімділер додасында 7 күрделі есеп болады. Берілген есептер тек біздің ғана байқауға арнайы дайындалған. Сондай-ақ, биылғы байқаудың бір ерекшілігі – қатысушыларға өзім ойластырған бір есепті қоятын боламын. Қатысушы жастарға сәттілік тілеймін», - деді Асқар Серқұлұлы.</blockquote>Брифинг барысында физика математика ғылымдарының докторы, Қазақстан Математика пәні мұғалімдер қауымдастығының Президенті, Халықаралық Жәутіков олимпиадасының негізін қалаушы Қайрош Мақышов халықаралық байқау туралы өз пікірін жеткізді.<blockquote>«Өздеріңіз білетіндей, жалпы жаратылыстану бағыты өте күрделі болып келеді. Оның ішінде математика бағытын кез келген білім алушы терең меңгеріп, күрделі есептерді шығара алмайды. Математиканы жақсы меңгеру үшін ұшқыр ойлап, логикалық қабілетті дамыту керек. Сондықтан бүгін басталғалы отырған халықаралық байқауға еліміз бен көршілес мемлекеттерде өз білімімен көзге түскен жастар қатысайын деп отыр», - деді Қайрош Бексейітұлы.&nbsp;</blockquote><blockquote>«Екінші мәрте ұйымдастырылған халықаралық байқау мектеп оқушыларын математикалық сұрақтарға дайындауға және білім деңгейін арттыруға, жастардың арасындағы өзара достық қарым-қатынасты қалыптастыруға өз септігін тигізеді деп ойлаймын. 2022 жылы аймақ басшысы белсенді жастармен кездесу барысында аталмыш сайысты облыстық деңгейде және халықаралық сипатта өткізу туралы шешім қабылдады. Байқаудың өткізілуіне қолдау білдірген Асқар Жұмаділдаев пен «Қазақстан Математика пәні мұғалімдері қауымдастығының» ұжымына алғыс айтамыз», - деді облыстық қоғамдық даму басқармасының басшысы Алмасбек Есмаханов.</blockquote>Байқаудың жалпы жүлде қоры – 3 млн.600 мың теңге. 1 орынға – 1млн,теңге, &nbsp;2 орынға – 500 мың теңге, (2 жеңімпазға), 3 орын – 300 мың теңге (2 жеңімпазға), Сондай-ақ, белсенділік танытқан 10 қатысушыға 100 мың теңгеден ынталандыру сыйлығы табысталатын болады.

Асқар Жұмаділдаев атындағы жас математиктер арасындағы халықаралық байқау басталды

<a href="https://kyzylorda-news.kz/">Kyzylorda-news.kz.</a> Ердің атын еңбек шығарады. Әр азамат ерен еңбегінің арқасында ғана абыройлы болып, биік белестерді бағындырады. Ал қазыналы Еңбекші елді мекенінен елі үшін қызмет еткен талай дарынды тұлғалар шыққан. Солардың бірі – бабадан қалған дәстүрді дәріптеп, шопан ата таяғын ұстап, ауылы – алтын бесігін өркендеткен Ерғали Ишанқұлов.Әкенің қаны, ананың сүтімен дарыған тектілік, еңбекқорлық оны адастырмады. Атакәсіпті меңгеріп, шыңына шығып, өмірден ойып тұрып өз орнын алуға септігін тигізді. Кеңес Одағының тұсында қаракөл қойнының басын көбейтіп, асылдандырып, рекорд орнатқан құрметті шопан. Оның абыройлы жұмысы ұшан теңіз, еңбегі ұрпаққа үлгі. Арда ақсақалдың «Етті мал – елге құт» дегеніне 60 жылдан асты.<blockquote>«Ауылды көркейту, мал санын көбейту осы күннің негізгі шаруаларының бірі. Бірақ бүгінгі қой бағып жүрген шопандардың барлығы дерлік үлкендер. Сол қазыналы қарияларымыздың шаруашылықтағы тәжірибесін үйреніп, ақылын көкейге түю соңымыздан ерген ізбасарларға міндет. Сондықтан мал шаруашылығына ¬жастар көптеп баруы керек», – дейді.</blockquote>Ерғали ақсақал 1937 жылы дүниеге келген. Бұл қазақ тарихында ұжымдастыру саясаты елдің еңсесін басып, «Ұлы жұт» атауымен жадыда қалған кезең еді. Тар заманның тауқыметін тартқан кейіпкеріміз тез есейіп, оқуда озат, шаруаға бейім болады. Әйтсе де тағдыр салған қиындыққа қарамай, еңбекке деген құлшынысының арқасында ол үлкен өмірге белсене араласады. ¬Жастайынан жігерін жаныған қайсар бала қайтсем де ауыл шаруашылығы саласын түлетем, үйренем деп алдына мақсат қояды. Сөйтіп, Алматы зоотехникалық мал дәрігерлік институтынының дипломын қолға алып, кіндік қаны тамған жерге келеді. Ауылға табанын тірей сала бірден шаруашылыққа білек сыбана кіріседі.Ерғали Ишанқұлов бүгінде тамыры терең, жапырағы жайқалған бәйтерек іспетті. Ошақтың отын бірге тұтатқан ¬зайыбы Бахира апамен 8 ұл, 6 қыз сүйіп, мол тәрбиесін беріп, барлығын жоғары білімді азамат етіп шығарды. Балаларының бәрі өмірде өз орнын тапқан, бір-бір шаңырақ иелері. Бүгінде 55 немеренің, 70 шөбере мен 8 шөпшектің сүйікті ата-әжесіне айналып үлгерді.«Өнегелі отаудың – өрісі кең» демекші, осындай өмірден өз орнын тауып, бір-бір шаңырақтың иесі атанған балаларына қарап, Иншақұловтар әулеті – сыйластығы мол, ауызбіршілігі берік орныққан Өотбасы деген тұжырымға келдім. Иә, өмір жолы бәріне бірдей тақтайдай тегіс бола бермейді. Біле білсек, адамның тағдыры да өз қолымен жасалады. Ең бастысы өмір жолында, тағдыр жазуында кездескен қиындықтарға мойымаған адам аңсаған арманы мен көздеген мақсатына жетеді. Бүгінгі әңгіме арқауына айналып отырған Ерғали Ишанқұлов – өмірдің ыстығы мен суығын, бейнеті мен зейнетін қатар көріп, Құдай қосқан қосағымен бірге немере-шөбере сүйіп, шөпшегінің қолынан май жеп, берекелі де мерекелі ғұмыр кешіп отыр.2014 жылы «Мерейлі отбасы» байқауы жарияланған-тын. Содан бері жыл сайын дәстүрге айналып, үзіліссіз өтіп келеді. Ұлттық құндылықтарды жаңғыртуға, ¬отбасы мәртебесін арттыруға бағытталған байқаудың 2018 жылы республикалық кезеңнің жеңімпазы атанған болатын.

Ұлы мұратқа ұмтылған әулет

<a href="https://kyzylorda-news.kz/">Kyzylorda-news.kz.</a> Бүгінде өз кәсібін ашып, берекелі тұрмыс кешіп отырған жандардың қатары қалың. Мемлекет тарапынан да бұл бағыттағы жұмыстарға жасалып жатқан қолдау жоғары. Төмен пайызды несиелер мен қайтарымсыз гранттар тағайындалуда. Аудандағы кәсіпке бет бұрған ағайын да мұндай жеңілдіктің шарапатын сезінуде. Әсіресе ауыл тұрғындары мал шаруашылығын дамытуда. Айталық, Мергенсай ауылдық округіндегі Әлімбетовтер отбасы – жылқы малын өсіріп, өз кәсібін дамытып отырған жандардың бірі.Жылқы малын қасиет тұтқан қазақ халқы қай кезде де Қамбар ата тұқымын мінсең – көлік, жесең – ас, ішсең шипалы сусын беретін өзіндік ерекшелігімен жоғары бағалаған. Бұл текті жануар қазірдің өзінде қасиетін жоғалтпай келеді.&nbsp;<blockquote>&nbsp;Өзім ұзақ жылдар колхозда көлік жүргізуші болдым. Кейіннен Кеңес үкіметі құлағанан кейін бұл жұмыс та тоқтады. Арагідік әртүрлі жұмыстар істеп, балаларды өсірдім. Кейіннен мемлекет тарапынан жеңілдетілген несие беріліп, кәсіп ашам деушілерге қолдау көрсетіліп жатқандығын естіп, отбасы болып жылқы малын өсіреміз деп шештік. Жолдасым Қалыгүл кәсіпкерлер дайындайтын курста оқып, өткен жылы 3 млн теңге несие алдық. Сол қаражатпен өзіміздің кәсібімізді бастап кеттік, – дейді отағасы Айбазар аға.</blockquote>Ауылдың маңы жылқы бағуға ыңғайлы деген Айбзар аға су ішетін құдығы мен қора-жайын дайындап, мал басын көбейтуге шындап кіріскен. Қазір балалары көмекші. Оларға да баптаудың ерекше әдістерін үйретіп, болашақта кәсібін кеңейтуді қолға алған.<blockquote>&nbsp;Мал өсіру – қазақ халқына бұрыннан белгілі ата кәсіп. Сол үшін де бұл кәсіп түрімен кез келген адам айналысып, табыс таба алады. Шағын және орта бизнестің гүлденуі еліміздегі орташа әлеуметтік санат үшін қолжетімді кәсіп көзі мен табысты жұмыс орны ретінде маңызға ие болып отыр. Бұл тұрғыдан алғанда, мемлекет өз ісін ашуға ынта білдіргендерді қолдап, іскерлік әліппесін үйрету мен қаржылай қолдаудан бөлек, кәсіп түрлерінің дамуына қолайлы орта туғызып отыр. Бұл біз секілді кәсіпкерлер ісінің өркен жаюына жол ашатындығы сөзсіз, – дейді ол.Қандай істі болмасын шын көңілмен, адал ниетпен қолға алсаң, берекесіне кенелесің. Өзім жастайымнан балаларды адал еңбекке баулыдым. Соның арқасында балалар өздері қалаған мамандықпен жұмыс жасап, маған қолғанат болып отыр, – деді.</blockquote>Алдағы уақытта өздерінің отбасылық ісін одан әрі дамытып, жылқыдан бөлек, асыл тұқымды сиыр малын көбейтуді де жоспарлап отыр.

Мемлекет қолдауымен жылқы шаруашылығын дамытқан азамат

<a href="https://kyzylorda-news.kz/">Kyzylorda-news.kz.</a> Жыл сайын 15 мамыр – Отбасы &nbsp;күніне арналған аудандық іс-шаралар жоспары бекітіліп, түрлі жиындар ұйымдастырылады. Әсіресе «Мерейлі отбасы» ұлттық конкурсының әр жылдардағы жеңімпаздарының қатысуымен отбасылық құндылықтарды, насихаттау мақсатында кездесулер өткізу дәстүрге айналған.Одан бөлек биыл мереке қарсаңында жас отбасылар мен әйел-аналарға арналған білікті мамандардың семинар-тренингтері ұйымдастырылды. Сондай-ақ барлық білім беру ұйымдарында тәрбие сағаттары, оқушыларға отбасының адам өміріндегі маңыздылығын түсіндіру, ата-аналарға, үлкендерге құрмет көрсету мақсатында «Менің отбасым» атты сурет байқауы, мектепке дейінгі білім беру ұйымдарында «Біз бақытты баламыз!» ұранымен эстафеталық сайыстар өткізілді. Психологтардың қатысуымен ата-аналардың педагогикалық сауаттылығын арттыру мақсатында кездесулер, танымдық шаралар да өз кезегінде ұйымдастырылуда. Бұл туралы кеше аудан әкімінің орынбасары Б.Ысмағұлов брифинг барысында баяндады.<blockquote>«Отбасы – сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Әр жылы өтетін «Мерейлі отбасы» байқауында еліміздің ең үлгілі отбасылардың өмірі насихатталып, түрлі айтулы марапатқа ие болуы да елімізде дәстүрге айналды. 2016 жылы облыстық кезеңнен Ноғайбаевтар отбасы 3 орынды иеленсе, 2017 жылы Исламхановтар отбасы облыстан бас жүлдеге ие болып, республикалық ақтық мәреде елордамыздың төрінде өткен ұлттық байқауда сертификатпен марапатталды. 2018 жылы Ишанқұловтар отбасы облыстан бірінші орынды иеленіп, республикалық кезеңнің дипломанты атанды. Мемлекет басшысының атынан Ишанқұловтар отбасына «Нива – Шевролет» көлігінің кілті табысталса, 2019 жылы Қиянбековтер отбасы республикалық байқауда үздік деп танылса, 2021 жылы Әбілдашевтар отбасы «Мерейлі отбасы» ұлттық конкурсының облыстық кезеңінен бас жүлдені иеленді. 2022 жылы ауданымыздан Рыспембетовтер, Байжановтар отбасы жеңімпаз атанып, республикадан Байжановтар отбасы мерейімізді үстем етті. «Мерейлі отбасы – 2023» ұлттық конкурсын өткізу жайлы Шиелі ауданының қоғамдық даму бөлімі, Жастар ресурстық орталығы фейсбук әлеуметтік парақшаларында ақпараттандырылды. Конкурсқа қатысуға ниет білдірген отбасыларға өтінімді және құжаттарды дайындау бойынша мағлұматтар беріліп, тиісті жұмыстар жасалуда, – деді Б.Ысмағұлов.&nbsp;</blockquote>Айта кетейік, қазір аудан бойынша 3776 көпбалалы ана бар. Оның 967-сы «Алтын алқа», 1575-і «Күміс алқа» иегерлері.

Шиеліде 3776 көпбалалы ана бар 

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Арал ауданына жұмыс сапары аясында ауданның әлеуметтік-экономикалық дамуы жөніндегі кеңейтілген мәжіліске қатысып, түйткілді мәселелер мен маңызды міндеттерді талқылады.Еске салсақ, аймақ басшысы өткен жылдан бері Президент Қасым-Жомарт Кемелұлы Тоқаевтың Жарлығына сәйкес халықпен кездесулер ұйымдастырып, өзекті мәселелер бойынша тұрақты түрде қоғамдық қабылдаулар өткізуде.Жиында облыс әкімі ел Президентінің сайлауалды бағдарламасында көрініс тапқан азаматтардың табысын арттырып, өмір сапасын жақсартуға баса назар аудару туралы тапсырмасын еске салды.<blockquote>«Мемлекет басшысының сайлауалды бағдарламасында айтылғандай, тұрғындардың мұң-мұқтажын тыңдап, мәселелерін шешу әкімдер атқаратын жұмыс нәтижесімен тікелей байланысты болмақ. Бұл бағытта облыста тиісті шаралар қабылданып, нақты жұмыстар атқарылуда. Оның ішінде Арал ауданында да оң өзгерістер бар. Өткен жылы аудандар мен Қызылорда қаласы бөлінісіндегі негізгі макроэкономикалық көрсеткіштер бойынша Арал ауданының өсу динамикасы тұрақты деңгейде сақталды. Негізгі капиталға салынған инвестициялар 16,7 млрд. теңгені құрап, бюджет қаражатына деген тәуелділік төмендеді. Ауданның өз кірісі 2023 жылы 3,2 млрд. теңгеге өскен. Сонымен бірге, жұмыс жасап тұрған шағын және орта бизнес субъектілерінің, құрылыс көлемінің артуы есебінен жоғары көрсеткіштерге қол жеткен. Арал ауданы аудандар бөлінісінде бірінші орында. Бұл бағыттағы жұмыстарды одан әрі жүйелі түрде жалғастыру қажет», – деді облыс әкімі.</blockquote>Дегенмен, өңірдегі ең ірі ауданда «Ауыл – ел бесігі» жобасы аясында 4 тірек елді мекен ғана тіркелген. Нұрлыбек Машбекұлы облыстық экономика және қаржы басқармасымен бірлесіп, қосымша кемінде 3 елді мекенді тірек ауылдар қатарына енгізуді тапсырды. Халық табысын арттыруға бағытталған «Ауыл аманаты» жобасына қатысуда да жайбараттық байқалады. Барлық аудан әкімдеріне кемінде 2 млрд. теңгеге жоба ұсыну міндеттелгенмен, жұмыс қарқыны төмен.Сонымен қатар, аймақ басшысы өнім өндіруге, қызмет көрсетуге бағытталған жобаларды қаржыландыруға басымдық беру, кәсіпкерлікті дамытып, жұмыссыздық мәселесін шешу, азық-түлік өнімдерін өндіру, баға тұрақтылығын сақтауға қатысты тапсырмалар берді.Облыс әкімі былтыр аудандағы барлық ауылдық округтерде қылмыс көрсеткіші өскенін атап өтті. Аудандық полиция бөлімінің бастығы Н.Шегебаевқа 1 ай ішінде қылмысты ашу, оның алдын алу бойынша тиісті шаралар қабылдау міндеті жүктелді. Бұл орайда ардагерлер және қоғамдық кеңестердің әлеуетін пайдалану ұсынылды.Аудандағы Қамбаш көлінің туристік әлеуеті, артықшылығы әлі де ескерусіз қалып келеді. Аймақ басшысы алдағы оқушылардың жазғы демалысында, суға шомылу маусымында қауіпсіздікті барынша күшейтуді тапсырды. Облыстық білім басқармасы, төтенше жағдайлар департаменті, қала, кент және ауылдық округ әкімдері осы бастан ата-аналармен, балалармен, ауыл тұрғындарымен түсіндірме жұмыстарын күшейтілген режимде жүргізуі керек. Әсіресе, балаларға рұқсат етілмеген орындарға суға шомылуға болмайтынын қатаң ескерту қажет. Тұрғындардың, балалардың демалысын өткізуге Қамбаш көлі, тағы басқа қауіпсіздік талаптары сақталған су айдындары барынша пайдаланылғаны жөн.<figure class="image"><img src="https://knadmin.beoblood.kz/uploads/347254192_2527292777423409_2044498045408403094_n_5ad9111f0e.jpg" alt="347254192_2527292777423409_2044498045408403094_n.jpg"></figure>&nbsp;<figure class="image"><img src="https://knadmin.beoblood.kz/uploads/347405216_886754163071428_6536239778944611436_n_1600c727bf.jpg" alt="347405216_886754163071428_6536239778944611436_n.jpg"></figure>

Нұрлыбек Нәлібаев Арал ауданына жұмыс сапары аясында маңызды міндеттерді талқылады

<a href="https://kyzylorda-news.kz/">Kyzylorda-news.kz.</a> Жыл сайын 15 мамыр - халықаралық отбасы күні мерекесін атап өтудеміз. Бұл – жаңа отау көтерген жас шаңырақтың іргесін бекітіп, үлгілі отбасын үлгі ететін айтулы күн. Осы мереке күні кешкі сағат 18:00-ге дейін Шиелі ауданаралық ауруханасының перзентхана бөлімінде 2 сәби дүниеге келді.Алғашқысы Гүлсім Нұрғиса есімді ана таңертең сағат 09:30-да салмағы 2910 гр, бойы – 51 см болатын қыз баланы дүниеге әкелсе, тура бір сағаттан соң аудан тұрғыны Гүлжазира Бағдатқызы 4 келі, 56 см болатын ұл босанды. Қос сәбидің де есімі әлі қойылған жоқ, жағдайлары қалыпты.Бұл дүниеде бар бақытымыз да, қызығымыз да, күйбең тіршіліктің көлеңкелі сәттерін ұмыттыратын да балаларымыз екені даусыз. Қазақ байлығын қорасындағы малымен емес, бауырындағы баласымен өлшейтіні де содан болар. Бала көбейсе, бұл бір отбасының құт-берекесі ғана емес, күллі елдің байлығы, ұлт демографиясына дем берер жемісі. Осыны ескерген аудан басшылығы Отбасы күні мерекесінде сәбилі болған ақ жаулықтыларды құттықтауды да назардан тыс қалдырмады. Нақтырақ айтар болсақ, аудан әкімінің орынбасары Б.Ысмағұлов, аудандық әйелдер кеңесінің төрайымы Н.Палымбет, қоғамдық даму бөлімінің басшысы К.Есенбаев қос ананы перзентханаға барып құттықтап, сыйлықтарын табыстады. Сәбиін бауырына аман-есен басқан жас аналар ақ халаттылар мен аудан әкімдігіне алғысын білдірді.Отбасы – тәрбиенің бастау бұлағы десек, баланы өмірге бейімдеуде ана мен әкенің рөлі басым. Қазақы дәстүрдің қалыбына үйлестіре айтатын болсақ, әйел-ана ежелден ер-азаматтың сенімді серігі, аяулы жары мен жөн сілтер ақылшысы болып құрметтеледі. Отбасындағы бала тәрбиесіне әйел-ана араласпай тіршіліктің тағы да ажары мен аспаны ашылмаған. Көшпелі дәуірдің дәстүрінде бала бағу, яғни оның бес жасқа дейінгі өсіп-жетілуі ананың ақ сүті мен аялы алақан жылуымен жүзеге асса, одан кейінгі кезеңдегі тәрбиесінде әке мен жалпы қоғамның атқарар міндеті орасан зор деп есептелген. Сондықтан да халқымыз: «Әке – айдын, шеше – ұя», «Әке көрген – оқ жонар, шеше көрген – тон пішер» деп ұл-қызының тәлім-тәрбиесі мен өнегелік мектебіне әке мен ананың бірдей жауапты екендігін ескерткен.

Шиеліде отбасы күнінде қос сәби дүниеге келді

<a href="https://kyzylorda-news.kz/">Kyzylorda-news.kz.</a> Аудан өнерпаздары Астанада «Жырдың елі» атанған Сыр елінің атын асқақтатты. Жақында еліміздің бас қаласында өткен І халықаралық «Жас талант» өнер байқауынан үш бірдей бас жүлдені жеңіп алған жерлестеріміз аудан ғана емес, облыс мерейін үстем етті.Барлығы екі жүзден аса талант қатысқан халықаралық байқау бас қаладағы Бейбітшілік және келісім сарайында өтті. Жас таланттардың бағын сынап, өнерін өрге жүздірген байқауды «Қазақ академия» өнер орталығы өткізген. Өнер бәйгесі өнердің барлық жанры бойынша ұйымдастырылған. Яғни қатысушылар аспапта ойнау, көркемсөз, хореография, вокал, театр салалары бойынша бақ сынаған. Біздің өнерпаздар дүбірлі додаға вокал номинациясы бойынша қатысып, Астана төрін әсем әуенмен әуелеткен.Осы сайыста Сырдария аудандық мәдениет үйі жанындағы мәдени-демалыс кешенінің көркемдік жетекшісі, «Дала дидары» халықтық үгіт бригадасының, аудандық халық театрының, «Оңаша» әзіл-сықақ отауының, «Ритм» вокалды-аспапты ансамблінің солисті, жас әнші Динара Жакешова 18-25 жас аралығындағы өнерпаздар қатарынан үздік шығып, бас жүлдені қанжығаға байлады. Жас әнші әрі кішкентай өнерпаздардың жетекшісі Динара жергілікті композитор Рамазан Таймановтың «Қазақ қызы» әнін орындап, тыңдарманның жүрегіне жол тапты. Бұған дейін талай сайыста топ жарып, Сыр елін әсем әнмен көмкеріп жүрген күміс көмей, жезтаңдай өнерпазымыз бүгінде шәкірт тәрбиелеу ісін қолға алған. «Ұстаздан шәкірт озар» демекші, осы сайысқа Динараның қос шәкірті де қатысып, екеуі бірдей бас жүлдені иеленген.Айзере Тасболат пен Ақерке Азатқызы – ән өнеріне кішкентайынан бейімделген өнерпаздар. Ұстаздары Динара Жакешовамен талантын шыңдап, бұған дейін де талай сайыстарда озық шыққан қос бүлдіршіннің бағы тағы жанды. Байқауда Айзере «Туған жер» әнін орындаса, Ақерке «Крылатые качели» әнін нақышына келтіре әуелетті. Олар халықаралық байқауға 10-13 жас аралығындағы өнерпаздар арасынан қатысып қос бірдей бас жүлдеге қол жеткізген. Кішкентай әншілердің даусына, орындау шеберлігіне тәнті болған қазылар алқасы Сыр елінен келген қос өнерпазды бөліп-жармай, екеуін де бас марапатқа лайық деп тапқан.Биыл бірінші рет өткізілген халықаралық «Жас талант» байқауына Құрмет орденінің иегері, Қазақстанның жарық жұлдызы, әнші Өмірқұл Айниязов, Құрманғазы атындағы ҚҰК ұстазы Қаламқас Қадырбаева, сондай-ақ өнер майталмандары әділ төрелік етті.Сайыс нәтижесі бойынша үш бірдей бас жүлдені қоржынға салған таланттарға арнайы диплом, кубок пен мойындарына жарқыраған естелік-медаль тағылды. Сонымен қатар кішкентай өнерпаздарды бастап барған Динара Жакешоваға «Үздік ұстаз» номинациясы беріліп, арнайы «Алғыс хатпен» марапатталды.Ән өнерінде өзіндік ізін қалыптастырып, үлкен сахналарда Сыр елінің намысын қорғап, атын асқақтатып жүрген өнер иелерін кезекті жеңістерімен құттықтай отырып, бағындырар белестерінің әлі де алда екенін нық сеніммен айта аламыз. &nbsp;

Сырдариялық өнерпаздар елорда төрінде топ жарды

<a href="https://kyzylorda-news.kz/">Kyzylorda-news.kz.</a> Ауыл – берекенің құтты ордасы. Бұрындары қаланың мүмкіндігі көпті қызықтырғаны жасырын емес. Ал қазір ауылдан береке тапқысы келетіндер қатары артқан. Ел Президенті Қасым-Жомарт Кемелұлы биылғы жылы халыққа арнаған Жолдауында ауылдың әлеуетін толық пайдалануды, кәсіпкерлік пен ауыл шаруашылық саласын дамытуды ерекше атап көрсеткен болатын. Бұл ретте Арал ауданына қарасты Жетес би ауылының тұрғыны Ербол Жолмырзаев мал басын көбейтіп, өз кәсібін дамытып отырған жандардың бірі. &nbsp;Балықшы отбасында өмірге келсе де, Ербол ырыс-несібенің бәрі малда екендігін ерте ұқты. Содан да болар, жастайынан мал бағуға құмартып өсті. Өзге бауырларына ұқсап білім алып, мамандық алуды ойлап жатпаған Ербол орта білімді аяқтаған соң, бірден мал бағу ісіне дендеп кірісті.<blockquote>&nbsp;Әкем балықшы еді. Бізді көлден маржан сүзіп, нәпақа тауып, адам етіп өсірді. Бірақ мен балық аулауға аса қызыққаным жоқ. Бала күнімнен үйдегі азын-аулақ малдың бабын жасау маған жүктелді. Өзімнің де көксегенім сол еді. Содан мал шаруашылығына жақын болып өстім. Әкеден туған 8 ағайындымыз. Менен өзгесінің бәрі жоғары оқу орнында оқып, мамандық алды. Қазір мемлекеттік мекемелерде абыройлы жұмыс істеп жатыр. Мен 2013 жылдан бастап кәсіпкер болып тіркелдім. Ірі қара сиыр малын өсіруді қолға алдым. Өзімнің 15 бас сиырым болған. Соған асыл тұқымды қазақтың ақ бас бұқасын сатып алып, мал басын ірілеттім, – деген Ербол шаруашылықты қалай бастағаны туралы айтып берді.</blockquote>Бұдан бөлек малдың азығын да өзі дайындайды. Шөп шабуды қосалқы кәсібіне айналдырған ол өзін ғана емес, өзгелерді де мал азығымен қамтамасыз етіп отыр.<blockquote>&nbsp;Қазір кәсіп ашам дегенге үкіметтің қолдауы көп. Мен де сол қолдаулардың арқасында өз шаруашылығымды дамытып отырмын. Бұдан бөлек шөп шабу ісіне де дендеп кірістім. Биылдың өзінде 7 мың бау шөп шаптым. Өзімнен артылғанды сұраушыларға қолайлы бағада сатып отырмын, – дейді.</blockquote>Әрине қазір Ербол ағаның жұмысы ауқымды. Жұмысшы да қажет. Тұрақты жұмысшы болмаса да, ауылдағы жастарды маусымдық жұмысқа алып отыр. Одан бөлек, ұлым да қолғанатым болуға жарап қалды дейді.<blockquote>Қазақ халқы "мал баққандікі" деп бекер айтпаса керек. Біреулер үшін бұл оңай болып көрінуі мүмкін. Бірақ шындығында әр істің өзіне жетерлік қиындығы бар. Малдың бабын тауып, шын ниетіңмен қарасаң ғана беркесін береді. Ал олай болмаса, бар ісің кері кетеді. Бұл – менің ғана емес, отбасымның ризық-несібесі. Өзім мамандық алмаған соң, балаларымның нәпақасын осылай тауып отырмын, – дейді ол.</blockquote>Ербол ағаның алға қойған мақсаттары да көп. Ол осы шаруашылығын одан әрі дамытып, асыл тұқымды сиыр басын молайтуды жоспарлап отыр. Тірліктің көзін тапқан жанның қазіргі тіршілігі көпке үлгі боларлық. Жұбайы Әсем екеуі алты баланы өмірге әкелген үлгілі отбасы.

Мал шаруашылығын дамытуға үлес қосқан кәсіпкер

<a href="https://kyzylorda-news.kz/">Kyzylorda-news.kz.</a> Бүгінде кім-кімнің де қолынан келетін кәсіппен айналысуына мол мүмкіндік бар. Үкімет тарапынан түрлі бағдарлама бойынша қолдау мен көмек те мол. Арнайы курстарды оқу арқылы бизнестің қыр-сырын білуге болады. Осындай мүмкіндікті пайдалана білген жандардың бірі – Зинат Яумадин.Зинаттың мамандығы – фельдшер. Он саусағынан өнері тамған анасының қасында кішкене кезінен тігін тігіп, құрақ құрап үйренген қыз өсе келе, өзінше іздене жүріп, қолөнер бұйымдарының түр-түрін тігуге құмартты. Қазалының қызы Қосжар елді мекеніне келін болып түскеннен кейін ауыл тұрғындарының қажетін өтеу мақсатында тігін машинасын сатып алып, қолөнерін дамытуды ойлады. Оңтайлы жолын сұрастыра келе, ауыл әкімдігінен «Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы арқылы қайтарымсыз несиеге қол жеткізуге болатынын білді. Сөйтіп, «Атамекен» кәсіпкерлік палатасында «Бастау-Бизнес» курсында кәсіпкерлік бойынша білім алып, нәтижесінде бизнес жоспарын қорғап, қайтарымсыз несиеге қол жеткізді.<blockquote>Мұндай мүмкіндік маған үлкен күш берді. Алдымен тігін машинасын сатып алдым. Одан кейін ине-жіптен бастап барлық керек-жарақтар мен маталардың түр-түрін таңдап алуға қол жеткіздім. Қазір ақпараттық техниканың заманы ғой. Әлеуметтік желі арқылы қолөнер бұйымдарын, атап айтқанда, көрпе-жастықтан бастап, сәнді әшекейлер, тойға қажетті жабдықтар мен қоржын-қалталар, сондай-ақ қазақы ою-өрнектермен көмкерілген сөмкелер тігіп, арнайы парақшамда көрсеткенде, тапсырыс берушілер қатары көбейді. Тіккен киімдерім мен қолымнын шыққан қолөнер бұйымдарының сұранысқа ие болуының басты себебі, барлығында ұлттық ою-өрнек элементтерінің қолданылуы.Бүгінде еліміздің барлық қалаларынан тапсырыс алып, қалаған бұйымдарын тігудемін. Керек материалдардың барлығын Ташкент қаласынан арнайы алдырамын. Ұлтымыздың қолөнері ауыз толтырып айтарлықтай бай. Оның қаншама түрі сақталған. Оюмен хат жазған халықпыз ғой. Сондықтан кәсібімді ары қарай дамытсам деген жоспарым бар, – дейді Зинат Дүкенбайқызы.</blockquote>Ісмер келіншек ауыл мектебінде қолөнер үйірмесін ашып, шәкірттерді бірнеше ай бойы тігін өнеріне баулығанын айтады. Алған тапсырыстарына байланысты қасына бір-екі тігінші алғысы келгенімен, талаптанған жанды таба алмаған.Иә, «Өнерлінің қолы көпке ортақ» дегендей, шағын ғана Қосжар ауылының өнерлі келіні Зинаттың қолынан шыққан бұйымдар еліміздің аймақтарына тарауда. Алдағы уақытта арнайы тігін шеберханасын ашып, Аралға келген қонақтарға ұлттық нақышта безендірілген қолөнер бұйымдарын ұсынсақ, қандай қеремет болар еді.

Мемлекет қолдауымен зергерлік бұйымдар кәсібін бастаған

&nbsp;<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Арал ауданына жұмыс сапары кезінде теміржол көпірінің іргетасын қалау рәсіміне қатысты.Аймақ басшысы аралдық ағайынның ұзақ жылдан бері қордаланған басты мәселесінің бірінің оң шешілгені үлкен жетістік әрі зор қуаныш екенін атап өтіп, аудан тұрғындарын құттықтады.<blockquote>«Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек» – деген болатын. Президентіміз бен Үкіметтің Сыр өңірін ерекше қолдауының арқасында аймағымызда ауқымды жобалар жүзеге асуда. Ерекше атап өтуіміз қажет, 2023 жылға облыс бюджеті 520,7 млрд. теңге болып бекітілген еді. Сәуір айындағы нақтылаудан кейін оның көлемі 593 млрд. теңгеге ұлғайды. Бұл 2022 жылғы бюджет көлемімен салыстырғанда 230 млрд. теңгеге немесе 1,7 есеге артық. Оның ішінде Арал ауданының бюджеті 18,4 млрд. теңгеге жетті. Бұл ауқымды қаражат ең өзекті деген мәселелерді шешуге, облыс тұрғындарының өмір сүру сапасын арттыруға жұмсалады», – деді Нұрлыбек Машбекұлы.</blockquote>Арал ауданының құрметті азаматы Кішкене Айбосынов та жерлестерін көпір құрылысының басталуымен құттықтады.Айта кетейік, қазір бұл тұстағы теміржолдан пойыз өткенде өткел жабылып, көлік кептелісі бірнеше шақырымға созылады. Арал қаласын бөліп жатқан теміржолдың бергі бетінде 17 мың, арғы бетінде 20 мыңдай халық қоныстанған. Жалғыз өткел осы болғандықтан, кейде жедел жәрдем мен өрт сөндіру техникалары да межелі жеріне уақытылы жете алмайды. Енді тарихи шаһар тұрғындарының сұранысы қанағаттандырылып, көлік қатынасы жеңілдемек. Нысанға республикалық және жергілікті бюджеттен қаржы бөлінді. Мердігер мекеме «РИТМ» жауапкершілігі шектеулі серіктестігі құрылыс жұмыстарын екі жыл ішінде аяқтауды жоспарлауда. Құны 3,1 млрд. теңге болатын көпірдің ұзындығы 940 метрді құрайды. Аспалы көпірдің екі жағынан қосымша жаяу жүргіншілер жолы мен түнгі жарық шамдары орнатылады. Жақын жерде орналасқан тұрғындарға келеңсіздік тудырмас үшін дыбыс басқыш құрал-жабдықтарымен қамтылады.<figure class="image"><img src="https://knadmin.beoblood.kz/uploads/347266980_1273353756885060_8923480197279993577_n_710c189f38.jpg" alt="347266980_1273353756885060_8923480197279993577_n.jpg"></figure>&nbsp;<figure class="image"><img src="https://knadmin.beoblood.kz/uploads/347229270_1077762566515697_9016413456969340887_n_9ba048d901.jpg" alt="347229270_1077762566515697_9016413456969340887_n.jpg"></figure>&nbsp;<figure class="image"><img src="https://knadmin.beoblood.kz/uploads/347223078_221319417369614_6140847799860450389_n_4b1f4beb16.jpg" alt="347223078_221319417369614_6140847799860450389_n.jpg"></figure>&nbsp;<figure class="image"><img src="https://knadmin.beoblood.kz/uploads/346886929_243234714921187_8715914738345178745_n_7c812478ff.jpg" alt="346886929_243234714921187_8715914738345178745_n.jpg"></figure>

Арал ауданында теміржол көпірінің іргетасы қаланды

<a href="https://kyzylorda-news.kz/">Kyzylorda-news.kz.</a> Мемлекет тарапынан білім беру саласын дамыту бағытында нақты қолдаулар көрсетілуде. Соның негізінде мұғалімдердің кәсіби біліктілігі артып, шығармашыл ұстаздардың саны артуда. Қаламыздағы №2 Абай атындағы дарынды балаларға арналған мектептің көркем еңбек пәні мұғалімі Айдана Өмірзақова – оқушыларға білім берумен қатар, шығармашылық жұмыстармен де айналысатын жоғары білікті маман.Ол бала күнінен сурет салуға бейім болып өседі. №235 Қ.Қаракөзов атындағы орта мектебінде білім алып ол болашақта суретші болуды армандайтын. Бала күнгі арманына қол жеткізу үшін 2008 жылы М.Мәметова атындағы Қызылорда педагогикалық колледжіне құжат тапсырады. Мұнда бейнелеу өнері және сызу мамандығы бойынша Ұлжан Қалиева, Кенже Бабасова, Индира Шәмшатова секілді білікті оқытушылардан білім алып, кейін Қорқыт ата атындағы университетте оқуын жалғастырады. Жоғары оқу орнын қызыл дипломға тәмамдаған Айдана Болатқызы еңбек жолын Абай атындағы дарынды балаларға арналған мектепте бастаған.<blockquote>«Мұғалімдік қызметке кіріскен күнім әлі көз алдымда. Жұмысымды ерекше тебіреніспен, жүрексініп бастадым. Уақыт өте келе білікті басшы Жанат Сәдуақасова басқаратын бірлігі бекем педагогикалық ұжымға сіңісіп кеттім. Қазір мектепсіз, оқушыларсыз бір күнімді де елестете алмаймын. «Ұстаз бақыты – шыңға шыққан шәкірті» демекші, халықаралық, республикалық сурет салу, сызу байқауларында топ жарған оқушыларым көп. Олар ата-аналарының ғана емес, мектебіміздің де мақтанышы», – дейді Айдана Өмірзақова бізбен әңгімелесу барысында.</blockquote>Ізденісті серік еткен білімді ұстаз бейнелеу өнері бойынша тың тәсілдерді меңгеруді жолға қойған. Ол оқушыларға үйрете жүріп өзінің де кәсіби біліктілігін жетілдіріп келеді. Өзі де түрлі шығармашылық байқауларға қатысып, бақ сынап жүр. Сол еңбегі еленіп, 2019 жылы республикалық деңгейдегі жас мамандар байқауында «Үздік жас маман» төсбелгісімен марапатталған. Сонымен қатар облыстық білім басқармасының, қалалық білім бөлімінің бірнеше рет Құрмет Грамотасы мен Алғыс хатын иеленген. Түрлі қоғамдық ұйымдар мен білім беру орталықтарынан алған марапаттары да бір төбе. Бұл марапаттар жас маман үшін жетістіктердің бастауы екені анық.<blockquote>«Әр жетістікке жеткен сайын маған білім берген ұстаздарымның еңбегін жоғары бағалаймын. Университет қабырғасында өз ісінің шебері атанған Айдана Әләйдарова мен Тұрсынбек Омаровтан білім алдым. Бізге сурет өнерінің қыр-сырын, әр бояудың өзіндік орны, қолданылатын реті бар екенін үйретті. Қазір білімімізді оқушыларға үйретіп, бағыт-бағдар беріп келеміз. Мектебімізде шығармашылыққа бейім, өнерге икемді оқушыларға барлық жағдай жасалған. Басшымыз Жанат Мылтықбайқызы педагогтердің кәсіби шеберлігін арттыруға ерекше мән береді және оқушыларды ынталандыру шараларын ұйымдастыруға көңіл бөліп, қолдау көрсетіп келеді», – дейді жас маман.</blockquote>Халық даналығында «Ұстазы жақсының – ұстамы жақсы» деп бекер айтылмаған. Айдана Өмірзақованың шәкірттері де ұстазы секілді белсенді. Олар әр оқу жылында жақсы жетістіктерге қол жеткізіп келеді. Облыстық білім басқармасының қолдауымен өткізілген «Суретшілер салтанаты», «Қызықты сызу әлемі», «Менің қалам – Қызылорда», «Рухани жаңғыру – ұлтты ұлықтаудың ұлы жолы», «Түстер әлемі» атты облыстық, қалалық байқауларда топ жарған өнерлі оқушылардың қарасы қалың. Ең маңыздысы, ұстаз әр оқушыға ерекше көңіл бөліп, бос уақытының бәрін шәкірттерінің талабын шыңдауға арнап келеді.<blockquote>«Ел ертеңі – озат оқушылар. Біз бүгінде жас ұрпаққа сапалы білім, саналы тәрбие беру арқылы болашақтың негізін мықтап қалап жатырмыз. Сондықтан өз мамандығымды мақтаныш етемін. Мерей Оңдалы, Аминат Жомарт, Мадилана Егенбергенова, Ақбота Сәрсеналиева секілді болашағынан көп үміт күттіретін оқушыларым көп. Оқушыларымның ата-аналарына алғысымды айтқым келеді. Сіздердің қолдауларыңыз білімнің биік шыңын бағындыруымызға жол ашып, жаңа серпіліс сыйлайды деп сенемін», – дейді Айдана Өмірзақова.</blockquote>Ұзақ жылдар білім беру саласында жемісті еңбек еткен анасы Ботагөз Дабылованың жолын қуған жетістігі көп шығармашыл ұстаздың ізденісі мен белсенділігін үйінің төрінде, сынып бөлмесінде ілініп тұрған Алғыс хаттар мен сертификаттардан аңғаруға болады. А.Болатқызының «Заманауи білім беру тенденциялары, педагогикалық шеберлік» тақырыбындағы зерттеу жұмысы &nbsp;мұғалімдерінің тәжірибелік жинақ кітабында енген. Болашақта оқушыларының туындыларынан көрме ұйымдастыруды жоспарлап жүр.&nbsp;

Қазақстан және Қызылорда облысының жаңалықтары