<a href="https://kyzylorda-news.kz/ru">Kyzylorda-news.kz.</a> Шиелі аудандық қоғамдық кеңестің жаңартылған құрамы жұмыстың жүйелі жоспарын түзіп, қоғамдағы өзекті мәселелерді шешуде бақылаушылық, ұсынымдық сипаттағы ауқымды жұмыстарды атқарып келеді. Кеңесті билік пен азаматтық қоғам арасын байланыстырушы буын деп білетін көпшілік кейде шешімін таппаған, түйінді түйіткіл осы ортадан тарқалады деп те сенім білдіріп жатады.Қабілеш Бекішев төрағалық ететін қоғамдық кеңес кент және ауылдық округтердегі құрылған қауымдастықтармен де етене тығыз байланыс құра білген. Қоғамдық кеңестің негізгі қызметі – қоғамның өзекті мәселелерін көтеру. Көтерілген өзекті мәселенің шешімін атқарушы билікке ұсыну. Сонымен қатар кеңестің бюджет жобасын, оның орындалуы туралы есепті, стратегиялық даму жоспарларын, азаматтардың құқықтары мен бостандықтарын қозғайтын нормативтік-құқықтық актілерді талқылау өкілеттігі бар екендігін ескерген жөн. Мәслихат мақұлдап, әкімдік бекітпестен бұрын қоғамдық кеңестің алдынан бір өтіп, ұсынысын тыңдау жергілікті атқарушы биліктің дәстүріне айналғанына да көп уақыт бола қойған жоқ. Десе де, демократиялық ашық қоғам қағидатына бет бұрған біздің еліміз үшін азаматтық қоғам институттарымен осылайша ашық жұмыс істеу бір жүйеге түскендей. Жуырда аудандық қоғамдық кеңес отырысында осы айтылған мәселелердің айна қатесіздігіне тағы да бір рет көз жеткіздік.Шиелі кентіндегі Ардагерлер үйінде өткізілген кеңестің кезекті отырысында белгіленген күн тәртібі төмендегіше өрбіді.&nbsp; Бірінші болып аудандық экономика және қаржы бөлімі басшысының міндетін атқарушы М.Жұмаділдаев – 2023 жылдың 6 айының қорытындысы бойынша аудан бюджетінің атқарылуы туралы есепті баяндамасын жасады. Сала басшысының көрсеткен цифрлі мәліметі бойынша, жыл басында аудандық бюджет несиелерді қоса есептегенде 10 млрд 754 млн теңге көлемінде бекітілген.Оның ішінде аудандық бюджеттің өз кірісі 4 млрд 298 млн теңгені құраған. Осы ретте айта кету керек М.Жұмаділдаевтің жасаған баяндамасынан ұққанымыздай өткен жылы өз кірісіміздің жоспары 3 млрд 597 млн теңге болса, орындалуы 4 млрд 515 млн теңгені құрап 125,5 процентке көтеріліп, 919 млн теңгеге артық орындалған. Ауданда бюджетті көтеру бағытында өсу динамикасы қалыптасқандықтан болар 2023 жылдың 1 шілдеге түзетілген бюджет 12 млрд 984 млн теңге көлемінде бекітілген. Осылайша, жыл басынан бекітілген бюджет пен түзетілген бюджет арасындағы айырма 2 млрд 169 млн теңгені құраған. Корпоративтік және жеке, әлеуметтік табыс салықтарынан, жарнама объектілерін орналастырудан, аукцион арқылы жер учаскелерін сатудан бюджетке 611 млн теңге жоспардан тыс қосымша кіріс түскен. Аталған бөлім жыл соңына дейін кірісті қосымша 400-500 млн теңгеге жеткізуді жоспарлап отырғанын да бүкпесіз жайып салды. Кеңес мүшелері «бәрекелді» десіп, сала жұмысына оң бағасын берді. 2023 жылдың І жарты жылдығына аудан бюджетінің шығыстары 4 млрд 803,7 млн теңгеге жоспарланып, &nbsp;6 айдың қорытындысымен 99,8 пайызға орындалған.Күн тәртібіндегі екінші мәселе бойынша ауыл шаруашылығы және жер қатынастары бөлімінің басшысы М.Әшірбеков – конкурсқа шығарылатын жер учаскелерінің тізімі туралы хабарлама жасады.Қоғалы, Бәйтерек, Қарғалы, Ақмая, Телікөл, Иіркөл, Майлытоғай, Ортақшыл, Тартоғай,Тұран ауылдық округтері бойынша 32 жер телімі, барлығы 2 646 гектар жер конкурсқа ұсынылатындығы хабарланды. Кеңес барысында кейбір жер телімдері ауылдық округтердегі қауымдастық мүшелерінің келісімінсіз конкурстық тізімге енгізілгені белгілі болып, барлық 32 жер телімі қоғамдық кеңестің оң шешімін алмастан кері қайтарылды.Қоғамдық кеңестің күн тәртібіндегі кезекті мәселелер бойынша аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің, мүгедектермен және ардагерлермен жұмыс істеу секторының меңгерушісі А.Сейтжаппарова, Сұлутөбе ауылдық округі әкімдігінің заңгері О.Файзуллаевтар хабарлама жасады.Кеңес мүшелері А.Абдрахманов, Т.Бабасов, Ғ.Есімов, Б.Күлімбет, М.Салқынбаев, И.Бәйкенжеев, Н.Палымбет, Ж.Баймұратовалар сала мамандарына жасаған хабарламаларына сәйкес, өзекті мәселе төңірегінде тұщымды ой қозғап, ұсыныс-пікірлерін білдірді.Иә, қоғамдық кеңес пен оның мүшелері білімі мен өмірлік жиған тәжірибесіне сүйене отырып, осындай диалог алаңдарында ешкімнен айылын жыймай қоғамда орын алған һәм алуы ықтимал мәселені ашық көтеріп, түйіткілді тарқату жолын жоғарғы билікке жеткізіп, ұсынып, халық пен билік арасындағы алтын арқауға айнала білсе, қоғамдық кеңес – қоғамдық сенімнің бастауы болмақ.

Қоғамдық кеңес – сенім бастауы

<a href="https://kyzylorda-news.kz/ru">Kyzylorda-news.kz.</a> Ауылдағы ағайынның басты табыс көзі – төрт түлік пен егін шаруашылығы. Мемлекет басшысы Қасым-Жомарт Тоқаевтың елді мекендердің еңсесін көтерудегі биылғы бастамалары ауылдағы ағайынға әл беретіні ақиқат. Президент тапсырмасынан кейін көп істің көші түзеліп, шалғайдағы ағайынның шаруасы оңалады деген ойдамыз. Өйткені қысы-жазы төрт түлігінің қоңын қамдап, басын көбейтуді мақсат тұтқан шаруа қожалықтарына, егін егетін шаруаларға «Ауыл аманаты» жобасы жақсы жағдай жасамақ. Бірақ аудан көлемінде бұл жоба ақсап тұр. Неге?Осыған байланысты сәрсенбі күні мәжіліс залында аталған жобаның жай-күйі талқыланды. Аудан әкімінің орынбасары Ерсұлтан Әпетовтің төрағалығымен өткен жиынға ауыл әкімдері мен дербес бөлім басшылары қатысты. Алғаш болып сөз алған Ерсұлтан Амантайұлы:«Ауыл аманаты» жобасы негізінен ауыл шаруашылығы тауарларын өндірушілерді жан-жақты қолдауға, ауыл тұрғындарын аграрлық бизнеске барынша тартып, азық-түлік қауіпсіздігін және азаматтардың өмір сүру сапасын жақсартуға байланысты мәселелерді шешуге бағытталған. Осыған дейін бір емес, бірнеше рет жиналыс өтті. Сонда «538 млн теңге бізге жетпейді. 1 млрд теңге қаралсын» деген ұсыныс та айтылды. Оны біз облысқа жеткіздік. Жеме-жемге келгенде аудан 538 млн теңгенің өзіне жоба әзірлей алмай жатыр. Шиелі ауданының ешқандай құжаты өтпей, нөл көрсеткіш көрсетіп отыр. Сонда біз өзге аудандардың істей алғанын істей алмаймыз ба? Не кедергі?» – деді. &nbsp; &nbsp;Кімнің ағаттығы екендігі де беймәлім. Әрине, таяқтың екі ұшы барын білеміз. Алайда қаржы тартудың тиімді тетіктерін таба алмаған ауыл әкімдерінің осалдығы ма дерсің? Ауылға әл беретін жобаға салғырттық танытып жүрген жауапты сала мамандарының немқұрайлылығынан ба деген ой да келеді. Бір айта кетерлігі, ауылдық аумақтарды дамыту тұжырымдамасына сәйкес, 2025 жылы спутникті ауылдарды қаржыландыру тоқтауы бек мүмкін.«Ауыл аманаты» жобасына қатысушыларға 2,5 пайызды құрайтын төмендетілген шағын несие беру көзделген. Оны жүзеге асыру үшін облысқа 3 млрд теңге бөлініп, жобаға қатысатын 25 пилоттық ауылдық округ анықталған.Осыған дейін басылым бетінде бұл жобаға қатысты бірнеше мақала жарық көрді. Таяуда ғана №55 санда ««Ауыл аманаты»: 652 жоба әзір» деп те мақала жариялап, «бөркімізді аспанға атқандай» едік.Осы жоба аясында және бағдарламаны іске асыру мақсатында Шиелі ауданында құны 3 млрд теңгені құрайтын 652 жоба әзірленді. Қазіргі таңда жобаның құжаттары дайын. Жалпы барлық елді мекендерден 1,7 млрд теңге көлеміндегі 409 жоба ұсынылған. Атап айтар болсақ, Шиелі кентінде 35 жобаның құжаттамасы дайындалып, оның барлығы – 175 млн теңгені құрап отыр. Ал Ақмая ауылдық округінде 7 жоба 28 млн теңге, Алмалы ауылында 24 жоба 96 млн теңгеге ұсынылған. Дәл осы тізімде Ақтоғанда 10 жоба 16 млн теңге, Бәйгеқұм ауылында 17 жоба 68 млн теңге, Бәйтерек ауылдық округіндеде 54 жоба 216 млн теңге, Еңбекші елді мекенінде 10 жоба 40 млн теңге, Жөлекте де 2 жоба 8 млн теңге, Иіркөл ауылдық округінде 13 жоба 52 млн теңге, сондай-ақ Керделіде 40 жоба 160 млн теңгеге жоба даярлаған. Қарғалы ауылы 3 жоба 12 млн теңге, Сұлутөбе елді мекені 7 жоба 28 млн теңге, Тартоғай ауылы 10 жоба 40 млн теңге, Талаптан ауылы 16 жоба 64 млн теңге, Телікөл ауылында 10 жоба 40 млн теңгелік жоба да бар. Бұдан бөлек Тұран тұрғындарына 16 жоба 64 млн теңге, Ортақшыл ауылына 9 жоба 36 млн теңге, Қоғалы ауылдық округіне 3 жоба 12 млн теңге, Майлытоғай ауылына 3 жоба 12 млн теңге, Бестамда 8 жоба 32 млн теңге, Жаңатұрмыс елді мекенінде 7 жоба 28 млн теңге, Жуантөбе ауылына 11 жоба 44 млн теңге, Жиделіарықта 9 жоба 36 млн теңгеге бағдарлама әзірленген. Біздің қолымызда дәл осындай мәлімет бар. Сонда бұл тек көзбояушылық па?Осы тұста ақын Төлеген Айбергеновтің «Әкім болу оңай деймісің, қарағым, Аузында болу бұл өзі сыздаған барлық жараның...» жыр-шумақтарының алғашқы тармағын сәл бұрып, мақалаға тұздық етіп алдық. Мұны әбестік санай көрмеңіз. Жасыратын несі бар, ауылда шешімін таппай, бітеу жара сияқты сыздап жатқан мәселенің, көптен бітпей тұрған көң шаруаның бір ұшы әкімге келіп тиері сөзсіз. Бұрындары ауыл әкімдері ертегідегі «тоғыз тоңқылдақ, бір шіңкілдектің» күйін кешіп келген. Осы олқылықтың орнын толтыру үшін жергілікті өзін-өзі басқаруды жетілдірудің жаңа жүйесін қалыптастыратын реформа керек болды. Біртіндеп бұл іс те қолға алына бастады. Екі жылдан бері ауыл тұрғындары әкімдерін өздері сайлап алатын болды. Нәтижесінде, жұрттың жалпыға ортақ іске жанашырлығы оянып, белсенділігі артты.<blockquote>«Мемлекет басшысы Қасым-Жомарт Тоқаев ауыл әкімдеріне қаржы бөлінуі керек. Ауылдық округ әкімдері аудан басшысына емес, халыққа жұмыс істеуі керек деген еді. Сол қаржы қашан бөлінеді екен? Бізге күрегі мен көтергіші бар бір арнайы техника, бір жүк көлігі болса болды, басқа ештеңенің керегі жоқ», – дейді аты-жөнін айтудан бас тартқан ауыл тұрғыны.</blockquote>Бұл тек бір ғана тұрғынның пікірі. Мұнан өзге кәсіп бастасам, қойма тұрғызсам, алма бақ орнатсам деген қаншама жан бар. Ауылды түлетуге, көркейтуге құлшынысы артып тұрған тұрғынға ауыл әкімі өз тарапынан қолдау беріп, демеп, заң талаптарына сәйкес әр есікті кәсіпкермен қатар жүріп ашып, қажетті құжаттарын әзірлеуге септігін тигізу керек-ақ. Бәріңізге мағлұм, жыл соңында аудан әкімдігінің аппарат басшысы қоғамдық даму бөлімімен бірлесіп тиісті ауылдық әкімінің жұмысына мониторинг, әлеуметпен сауалнама ұйымдастыру арқылы әкімнің жұмыс қабілетіне тиісті баға беріліп, сол арқылы рейтингісі анықталады. Сол үшін «Тағайындалған 4 жыл қашан бітеді» деп, құр уақыттың өтуін күтіп жүрмей, ауылдың әлеуметтік-экономикалық дамуына ден қоятын уақыт жетті.

Шиелі: «Ауыл аманаты» жобасы ақсамасын

<a href="https://kyzylorda-news.kz/ru">Kyzylorda-news.kz.</a> Алматы орталық клиникалық ауруханасының директоры Нариман Табынбаев үш науқас ВИЧ індетін жұқтырған соң қызметінен босатылды. Бұл туралы Алматы қалалық қоғамдық денсаулық сақтау басқармасының басшысы Иран Шәметеков айтты, деп хабарлайды <a href="https://kaz.zakon.kz/kogam-tynysy/6029044-almaty-ortaly-aurukhanasyny-basshysy-tabynbaev-yzmetnen-bosatyldy.html">Zakon.kz</a>.Иран Шәметеков 28 шілдеде өткен брифингте Орталық клиникалық аурухананың директоры қызметінен босатылғаны туралы ақпаратты айтты. Ол аурухананың тағы бірнеше қызметкерінің де қызметтерінен босатылғанын жеткізді.<blockquote>«Қазіргі жағдайды ескере отырып және комиссияның қорытындысы негізінде қалалық аурухананың бас дәрігері Нариман Табынбаев жұмыстан шеттетілді. Бас дәрігердің эпидемиология жөніндегі орынбасары, реанимация бөлімінің меңгерушісі, аурухананың бас медбикесі және реанимация бөлімінің бас медбикесі жағымсыз себептермен жұмыстан босатылды», - деді Иран Шәметеков.</blockquote>Процессуалдық шешім қабылдау және әрбір қызметкердің жауапкершілік шарасын белгілеу үшін комиссия жұмысының қорытындысымен материалдар мен анықтамалар қалалық ПД-на жолданды.<blockquote>«Қазіргі таңда АИТВ-инфекциясын жұқтырған үш науқас ЖИТС орталығына тіркелді, жеке емдеу режимі бойынша антиретровирустық препараттармен қамтамасыз етілді, оларға жергілікті бюджет есебінен барлық қажетті медициналық-психологиялық көмек көрсетілуде», - дейді Алматы қалалық қоғамдық денсаулық сақтау басқармасының басшысы Иран Шәметеков.</blockquote>Ауруханадағы науқастарға ВИЧ індетін жұқтыруға кім кінәлі екені бұған дейін белгілі болған еді.

Орталық аурухананың басшысы Табынбаев қызметінен босатылды

Kyzylorda-news.kz. «Қызылорда жылу электр орталығында» облыс әкімі Нұрлыбек Нәлібаевтың төрағалығымен алдағы жылу беру маусымына дайындық мәселелері талқыланған көшпелі штаб отырысы өтті. Отырысқа облыс әкімінің орынбасарлары, басқарма және жауапты мекеме басшылары, бейнебайланыс арқылы аудан әкімдері қатысты.Аймақ басшысы жылу беру маусымына дайындық Мемлекет басшысының тікелей бақылауында екенін атап өтті.<blockquote>«Үкімет &nbsp;дайындық жұмыстарына барынша қолдау көрсетті. Сұратылған қаржы толықтай бөлінуде. &nbsp;Атап айтқанда, &nbsp;биыл жылу жүйелерін жаңғыртуға республикалық бюджеттен 8,2 млрд.теңге берілді. Мұндай көлемдегі қаржы бұрын-соңды бөлінбеген. &nbsp;Ал әлеуметтік нысандардың қазандықтарын жаңғыртуға &nbsp;300 млн.теңге қаржы қаралды. Енді осы қомақты қаржыны тиімді, уақытылы және сапалы игеруіміз керек. Жылу беру маусымының басталуына санаулы ай қалды. Әлеуметтік нысандардағы жұмыстар 25 қыркүйекке дейін, инфрақұрылымдық жобалар 1 қазанға дейін толықтай аяқталып, 100 пайыз іске қосылуы қажет. &nbsp;Алдағы жылу беру маусымы еш кедергісіз басталуы тиіс екенін қатаң ескертемін», - деді Нұрлыбек Машбекұлы.</blockquote>Жиында облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов жауапты маусымға дайындық барысы туралы баяндады. Әрі қарай мекеме басшылары мен аудан әкімдері атқарылған жұмыстар бойынша жеке-жеке хабарлама жасады.Қорытындысында барлық бюджеттік бағдарлама әкімшілері, басқармалар &nbsp;мен аудан, қала әкімдеріне, коммуналдық мекеме басшыларына жоспарланған жөндеу жұмыстарының мерзімінде, сапалы орындалуын бақылауға алу жүктелді. 10 қазанға дейін барлығы дайын болуы, &nbsp;жоспарланған қатты және &nbsp;сұйық отын жоспарға сәйкес жеткізілуі керек.«Қызылорда жылу электр орталығы» басшылығы газотурбиналық қондырғыларды жөндеу, жылу желілерін қайта жаңғырту жұмыстарын мерзімінде аяқтауды қатаң бақылауға алуы тиіс. Вокзал аумағындағы жылу жүйелерін жаңғырту жұмыстарын кәсіпорын есебінен бастауды қамтамасыз ету бойынша міндет қойылды. Ал «Қызылорда электр тарату тораптары компаниясы» бюджеттен бөлінген қаржыға электр жүйелерін жаңғырту жұмыстарының сапалы жүргізілуін, мерзімінде аяқталуын қадағалауы керек. Облыстық білім басқармасы білім нысандарын &nbsp;жөндеуді 1 қыркүйекке дейін, қазандықтарды жөндеуді 10 қазанға толық аяқтауды қамтамасыз етуі тиіс. Жылу беру маусымына дайындыққа тікелей жауапты облыстық энергетика және тұрғын үй-коммуналдық шаруашылық басқармасына жылу жүйелерін жаңғыртуға республикалық бюджеттен бөлінген қаржының мерзімінде әрі толық игерілуін қамтамасыз ету жөнінде тапсырма берілді.

Қызылордада жылу маусымына дайындық барысы пысықталды

Kyzylorda-news.kz. Атмосфералық фронттардың ықпалымен еліміздің басым бөлігінде тұрақсыз ауа райы сақталады, деп хабарлайды Қазгидромет.&nbsp;Жаңбыр мен бұршақ жауады, найзағай жарқылдап, дауыл тұрады.Тек республикамыздың оңтүстігінде жауын-шашын жоқ, күн ашық.Ел бойынша жел күшейеді.Күндіз Алматы, Қызылорда, Батыс Қазақстан, Маңғыстау, Ақтөбе, Жетісу, Ұлытау облыстарында, Қостанай облысының оңтүстігінде, Атырау облысының шығысында 35-41°С қатты ыстық болады.

Қызылордада қатты ыстық болады 

<a href="https://kyzylorda-news.kz/ru">Kyzylorda-news.kz.</a>&nbsp; Президент Қасым-Жомарт Тоқаев « Мен сайлауалды сөздерімде ауылды өркендету ісіне баса назар аудардым. Бүгінде Қазақстан халқының 40 пайызға жуығы ауылда тұрады. «Ауыл – ел бесігі» деп халқымыз бекер айтқан жоқ. Сондықтан ауылдағы жағдайды жақсарта алмасақ, бәрімізге сын. Сол үшін мен бүгін ауылды дамыту мәселесі туралы Жар¬лыққа қол қоямын. Осы құжат арқылы Үкі¬метке ауылды дамытудың 5 жылға арналған нақты жоспарын әзірлеуді тапсырамын. Бұл менің жаңа президенттік мерзімдегі бірінші Жарлығым болады. Үкімет ауылды дамытуға арналған барлық жобаны жүйелі түрде реттеп, жинақтауға тиіс. Содан кейін мақсатты түр¬де тиімді жұмыс жүргіземіз», – деген болатын.Осы ретте Арал ауданынан шалғайда орналасса да тынымды тірлік кешіпотырған Жаңақұрылыс ауылы туралы айтатын боламыз. Ауылдық округтің жалпы жер көлемі 25912 гектарды құрайды. Негізінен, мал жайылымы мен шабындыққа бағытталған. Жеке тұрғындардың малдары біршама көбейіп, бірнеше шаруа қожалықтары құрылды. Жоғарыда айтқандай, Жаңақұрылыстың басым бөлігі мал шаруашылығымен айналысады. Оны ауылға кіреберістегі далада жайылған төрт түліктерге қарап біле беріңіз. Мемлекет тарапынан да ауыл шаруашылық саласын дамытуға өз- өзін қамтамасыз еткісі келетіндерге, жұмыс орнын ашамыз деушілерге қолдау қарқынды жүргізілуде. Тәуелсіздік алған жылдан бері қарай жеке тұрғындардың малдары біршама көбейгені көңіл көншітеді. Айталық, ірі қара 1512, қой &nbsp;1175 басқа, ешкі 1384 басқа, жылқы &nbsp;1633 басқа, түйе 20 басқа көбейген. Өндірістік кооператив тарағаннан кейін, 11 шаруа қожалығы құрылса, жеке кәсіптерін әртүрлі мал өсіру үшін, яғни жылқы, мүйізді ірі қара малдарын сатып алып, оны дамытуға 6 кәсіпкер мемлекеттен қаржылай ақша алып, кәсіптерін дамытып, әрқайсысы 2-3 адамнан жұмысшы алып, жұмыссыздық санын азайтып отыр. &nbsp;Мұхтар Амангелдіұлы "Соркөлді" тоғандап, оны суландырып, біпнеше балық түрлерін өсірумен айналысып, &nbsp;жастарға үлгі болып отыр.Қайтарымсыз грант есебінен 2019 жылдан бері қарай 7 адам 250 мың теңгеден 555 мың теңге қаржылай көмек алып, бірі монша салса, бірі құс, балық, мал шаруашылығын құрып, кәсіптерін дамытуда. Шалғайда жатқан шағын ғана Жаңақұрылыс ауылында тәуелсіздік жылдары қаншама шаруа қожалықтары құрылып, әртүрлі кәсіпкерлік нысандар ашылған. Әрине бұл ауыл ішіндегі жұмыссыздықты азайтып, әрбір адам өзінің әлеуметтік-тұрмыстық жағдайын жақсартуға бет бұрғандығын байқатады.Жаңақұрылыс елді мекені 1992 жылы Қазалы ауданынан Арал ауданына қарады. Аудан көлеміндегі совхоздарға шөп дайындайтын совхоз болып құрылды. Нағыз қиын кез, зейнетақы, балалар жәрдемақысы, жұмысшылардың еңбекақысы 3-4 айлап берілмейтін. Сонда да ауыл тұрғындары еңсесін түсірмей, ата-бабасының туған жерінен көшпей, еңбек ете білді. «Еңбек етсең, емерсің» деген. Егісін егіп, шөбін дайындап, аудан көлемінде алдыңғы шаруашылықтардың бірі болды. Жылдан-жылға халық саны көбейіп, әлеуметтік-тұрмыс жағдайлары жақсара бастады. Ауыл басшылары мен ауыл ақсақалдары бірлесе отырып, қиын кезеңдерден шыға білді. Осындай елдің ауызбірлігінің арқасында халыққа қызмет жасайтын әлеуметтік нысандар күрделі жөндеуден өтіп, жаңадан салына бастады. Тарихты қашанда адамдар жасайды. Тарихтың тірек тұтар тұлғасы да иесі де – адамдар. Сондықтан сол қиын кезеңде совхоз жұмысының алға басуына тамшылата төккен тері мен өздерінің лайықты үлесін қосып, қиын кезеңнен шыға білген сол кездегі совхоз директоры марқұм Құлмырза Тілеуов, ауылдық кеңес төрағасы Елшекен Қуанышбаевтың ерен еңбектерін айтуымыз керек. Бұл азаматтар Жаңақұрылыс халқы үшін тарихи тұлға болып қала береді. Тәуелсіздік алғаннан кейінгі 5-6 жыл ішінде Жаңақұрылыс халқы қандай жетістіктерге жетті? Алдағы уақытта қандай жетістіктерге жетеді, халық үшін қандай жұмыстар атқарылады? сұрақтар төңірегіне ойыссақ.Ауыл әкімі Елшекенов Елнұр айтуынша, қазіргі таңда бірлігі жарасқан ауылда 163 отбасы мамыражай өмір сүруде. Мыңға жуық тұрғын бар. Осы уақытқа дейін бірқатар ауқымды жұмыстар істелген. Атап айтқанда, әрбір үйде ауызсу кіргізіп берілген.&nbsp;2015 жылы 2 қабатты жаңа мектеп бой көтеріп, жаңадан фельдшерлік- акушерлік пункт салынса, балабақша, клуб жөндеуден өткен. Ауыл малдарын емдейтін ветеринариялық пункт ашылса, өткен жылдың желтоқсан айында ауыл орталығынан ауыл тұрғындарының көптен күткен ұялы байланыс желісі орнатылып, халық игілігіне берілді. Ауыл тұрғындарының ұйымшылдығының арқасында 2019 жылы ауыл орталығынан жаңадан «Өтеш ахун» мешіті салынды. Биыл мешіт жанынан садақа берілетін 100 орындық асхана салынып жатыр. "Өлі риза болмай тірі байымайды" дегендей, Ұлы Жеңістің 76 жылдығына орай Ұлы Отан соғысынан оралмағандарға "Тағзым" және "Жастар" алаңын салу жоспарланып отыр. Бүгінгі таңда ең өзекті мәселе автожол болып отыр. Қашықты жақындататын да, жақынды қашықтатын да, халықтың әлеуметтік тұрмысын жақсартатын, кәсіпкерлікті дамытатын да – жол ғой. Көптен бері күрмеуі толық шешілмей келе жатқан Жаңақұрылыс-Бекарыстан би аралығындағы 22 шақырым жол және Бекарыстан биден Жаңақұрылыс шекарасына дейінгі 13 шақырым Қазалы ауданына қарайтын жолдың да қаражаты шешілді. Аманшылық болса, биыл халық игілігіне беріледі деп отырмыз.&nbsp;Бала – біздің болашағымыз. Келешекте еліміздің тұтқасы болар ұрпағымыз сапалы білім, саналы тәрбие алу үшін олардың ең бірінші ұстазы мығым, білім алатын мектебі заман талабына сай болуы керек. Ата-ана мен баланың көптен күткені жаңа оқу орны еді. Көптің тілегі қабыл болып, сол кездегі облыс әкімі Қырымбек Елеуұлы бір сапарында Жаңақұрылысқа келіп, өз қолымен жаңа мектептің кірпішін қалап, 2015 жылдың 1 қыркүйегінде жаңа мектептің ашылу салтанатына қатысып, өз қолымен лентасын қиып тұрып:<blockquote>–Жаңақұрылыстықтар, жаңа мектептерің құтты болсын, балаларыңыз білімді болып, жылда мектеп бітіруші балаларыңыз ҰБТ-ны ойдағыдай тапсырып, омырауларына алтын тақсын,– деп батасын бердген еді.</blockquote>«Батаменен ел көгерер, жауынменен жер көгерер» деген. Бата қабыл болып, сол жылдан бері жыл сайын мектеп бітіруші түлектер "Алтын белгі" алып келсе, биыл 3 оқушы "Алтын белгіге" үміткер. Дуалы ауыздан шыққан дуалы сөздің қабыл болғаны емес пе?! Бұл да тәуелсіздігіміздің 30 жылдығына тартуы деп білеміз.&nbsp;Осы №74 мектепте биология пәнінің мұғалімі Темірбек Сүйеубаев ауданаралық биология пәнінен өткен олимпиада жарысында бас жүлдені ұтып алып, жеңіл көлік иесі атанды. Алдағы уақытта да мектебіміздің жарқын істері жалғаса береді деген сенімдеміз. Мектеп бітірген түлектер ауыл орталығына автобус аялдамасын салып, оның айналасына тал егіп абаттандырса, бірде орталықтағы "Өтеш ахун" мешітіне кілем сыйлап, жаңа темір есік салып, кейінгі жастарға үлгі болуда. Жақында ғана ауылдың кіреберіс жеріне орнатылған «Туған өлкем Жаңақұрылыс» деген жазуы алыстан көз тартады. Әсіресе түнге қарай жарық шамдары мен мұндалап, ауылға үлкен мән беріп тұрады. Ауыл жастарының берекелі істеріне ел ризашылығы шексіз.&nbsp;Ауыл тұрғындары толықтай электр энергиясымен қамтылып, 5 көше түнгі жарықпен қамтамасыз етілген. Бұл қыстыі қараңғы күндері күндері мектепке баратын оқушылар үшін жақсы болды. Ата-ананың, оқушылардың қуанышында шек жоқ. Әсіресе жоғарыда айтқандай, ауылдың кіреберісіне ауыл жастарының бірлесуімен «Туған өлкем Жаңақұрылыс» жазуы мен мұндалап, алыстан көз тартады. Әрине түнгі жарықты ұстап тұру шығындарына аудандық бюджеттен қаржы бөлінген. Міне, осындай жұмыстар ауыл ажарын ашып, сәнін келтіруде. "Тазалық табалдырықтан басталады", "Ауылына қарап, азаматын таны" дегендей, жалпы ауыл тұрғындары күз, көктем айларында көркейту-көгалдандыру жұмыстарына белсене араласып, бір-біріне үлгі бола білуде. Тазалыққа аудандық бюджеттен бөлінген 200 мың теңгені тұрмысы төмен отбасылардың күл-қоқысын шығарумен қатар, қоқыс төгетін шұңқырларын қазып, аяқ су жүретін арық іші тазалануда. «Жолаушылар» бағдарламасының жүзеге асырылуы бағытында проблемалар толық шешімін тапқан. Қазалы ауданына күнделікті, Арал ауданына аптасына 3 рет қатынайды. Бұл да кәсібіміздің &nbsp;кеңейтіліп, тұрмысымыздың жақсара түскендігін көрсетеді.Ауылдық округ орталығының 19,6 пайыздан астамын жастар құрайды. Мұндағы жастар қоғамдық жұмыстарға тартылып, мемлекеттік саясаттан кеш қалмай, өздерін жан-жақты дамытуға және ауылдың көркеюіне атсалысып келеді. Ауыл жастары спорт саласында жоғары көрсеткіштерге жетіп келеді. Жастар, жасөспірімдер гір тасынкөтеру, волейболдан үйірмелер ұйымдастырып, аудан, ауыларалық жарыстарда жеңімпаз атанып жүр. Әр жылғы мектеп бітірушілер ауылды көркейтуді, жоғарыда айтылған игі жұмыстарды жасауды үрдіске айналдырды.&nbsp;Өткенге көз тастап, ойлана қарасақ, қаншама тоқырау жылдарына қарамай, бір ғана Жаңақұрылыс ауылында ел қуанатындай игі жұмыстар атқарылған. Әрине біз жасалған жұмыстарға ризашылық білдіре отырып, алдағы уақыттарда атқарылатын жұмыстардың әлі де бар екендігін білеміз. Мәселен, балабақша мен клубтың құрылысы, Жаңақұрылыс-Бекарыстан би аралығындағы автожол, Ақбасты, Қаракөл көлдерін суландырып, шабындық пен жайылымдарды көбейту үшін "Нұралы" жармасына шлюз орнату, шаруа қожалықтарын көбейтіп, тұрақтандыру үшін "Қараарық" каналдарын тазарту жұмыстары жүргізіледі деп күтілуде. "Жақсының жақсылығын айт, нұры тасысын" деген сөзді орайы келгенде айта кеткен жөн. Аудан әкімі Мұхтар Оразбаевтың Жаңақұрылыс халқына жан-жақты жасап жатқан игі істеріне халық, ауыл тұрғындарының ризашылықтары баспасөзде де жарияланған. Алдағы уақытта да Жаңақұрылыс &nbsp;халқының игі істерінің жалғасуына ықпал жасайды деген сенімдеміз. Жоғарыда айтқанымыздай, тәуелсіздігіміздің арқасында шалғайдағы Жаңақұрылыс елді мекенінде қаншама жұмыстар атқарылды. Халыққа қызмет жасайтын әлеуметтік мекемелер мен жарық, байланыс үздіксіз жұмыс жасап тұрса, бұл тәуелсіздігіміздің арқасы. Еліміздің бірлігі, заманымыздың тыныштығы деп білеміз.

Жаңақұрылыс ауылы түнгі жарық шамдармен қамтылды

<a href="https://kyzylorda-news.kz/ru">Kyzylorda-news.kz.</a> Бүгін жұмыспен қамту әлеуметтік бағдарламалар және азаматтық хал актілерін тіркеу бөлімінің ғимаратында Шиелі ауданы көлеміндегі кәсіпорындармен мен жеке кәсіпкерлер қатарынан 12 жұмыс беруші мекеменің және жұмыс іздеуші 90-ға жуық азаматтардың қатысуымен «Бос жұмыс орындарының жәрмеңкесі» өтті.Шараға орай аудан әкімі Нұржан Ахатов бөлімге барып, қызметкерлерімен кездесті. Кездесу барысында қызметкерлер жеке және жұмыс барысына қатысты сауалдарын қойып, тиісті жауаптар алды.Ал, бос жұмыс орындары жәрмеңкесіне аудан көлеміндегі кәсіпорындармен, атап айтқанда «Ай-Мар» тігін фабрикасы, «Шиелі Жолшы» жауапкершілігі шектеулі серіктестігі «САС Казахстан» жауапкершілігі шектеулі серіктестігі мен жеке кәсіпкерлер тарапынан ұсынылған 30 бос жұмыс орындарына жұмыс іздеуші 14 азамат, сондай-ақ, 2021-2025 жылдарға арналған кәсіпкерлікті дамыту жөніндегі ұлттық жобасының үшінші бағыты жастар тәжірибесіне 50-ге жуық &nbsp;азаматтарға жолдамалар берілді.&nbsp;Сонымен қатар, 25-ке жуық азаматтың түйіндемелері әңгімелесуден өткізу үшін қабылданды. Бос жұмыс орындары жәрмеңкесінің қорытындысы бойынша жұмысқа орналыстырылған азаматтар туралы ақапараттар жұмыс беруші мекемелермен азаматтар арасындағы әңгімелесу (собеседование) өткізілгеннен кейін ұсынылады.Қазіргі таңда, жұмысшы табылмаған мекемелерге атап айтқанда, «Quicline», «Best-service LTD», «Honeymood-Балдай», «Шиелі Жолшы» жауапкершілігі шектеулі серіктестігі тарапынан ұсынылған бос жұмыс орындарына «Жүк көлігінің жүргізушісі», «Тракторист-механизатор», «Дәнекерлеуші», «сатушы» «тәрбиеші» «азпазшы», «Кладовщик», «Бағдарламашы» болып жұмыс жасайтын азаматтар қажет.Толық ақпарат алу үшін Шиелі кенті Мұстафа Шоқай №53 мекен-жайында орналасқан аудандық мансап орталығына жүгіну қажет немесе 8724-32-4-32-36 байланыс телефоны арқылы білуге болады!

Шиелі ауданында бос жұмыс орындары жәрмеңкесі өтті

<a href="https://kyzylorda-news.kz/ru">Kyzylorda-news.kz.</a> Кәсіпкерлікті дамыту – қашаннан халықтың ахуалын жақсарту мақсатындағы негізгі бағыттардың бірі. Бүгінгі мемлекеттік саясаттың, стратегиялық бағдарламалардың бірқатары кәсібін дөңгелетемін дегендерге қолдау білдіруге бағытталып отыр. Мұндағы мақсат – өзін-өзі жұмыспен қамтығандар мен жұмыссыздар арасында жаппай кәсіпкерлікті дамыту. Бұл қазіргі таңда бір жүйеге түсті. Оған өзіміздің аудандағы кәсіп иелеріне қарап-ақ көз жеткізуге болады.Екі мыңыншы жылдардың басында отағасына демеу болып, отбасылық кәсіпті бірге бастаған Дариға Мәмбетова әлі күнге дейін еңбектен қол үзген емес. 75-ті еңсерген ардагер апамызға отбасылық кәсіптің бүгінгі тынысы хақында бір-екі сауал жолдағанбыз. Алғы сөзді шаруашылық тарихына бұрған кейіпкеріміз әңгімені әріден бастады. Жарылқасын Қайырманов пен Дариға Мәмбетова – білім саласында қажырлы еңбек еткен ардагер ұстаздар. Екі мыңыншы жылдарға дейін Аламесек ауылдық округіндегі №124 орта мектепте мұғалім болған олар уақыт өте кәсіп бастауға бел буған. Бұл – жеке шаруашылықтардың енді құрылып жатқан кезі. Ауылда инженерлік жүйеге келсе де, әлі де игерілмей жатқан жерлер шаш-етектен. Осыны қаперге алған Жарылқасын Қайырманов Аламесекте жеке шаруашылық ашып, ауыл шаруашылығы саласында бақ сынауға бел буады.&nbsp;– Біз шаруашылық құрған жылдар өте ауыр кезең болатын. Қаржы тапшылығы ол тұста барлық отбасын айналып өтпеді. Ал біз өндіретін негізгі өнімге келсек, күріштің де нарықтағы бағасы тым төмен болды. Тіпті ол жылдары қазір жанармайға, күрішке, техникаға, тыңайтқышқа берілетін субсидияның бірі де болмады. Осы тығырықтан шығу үшін біз талай бейнетті жолдасым екеуміз еңсердік. Темір өткізіп, одан түскен қаражатқа жанармай, артылғанына тұқым сатып алған күндер де болды. Екі-үш жылдан кейін бақша дақылына да жер ашып, одан шыққан өнімді шаруашылық ұжымы ас-аухат ретінде тұтынды. Ол тұста ұн сатып алудың өзі қарапайым халыққа қиын болды. Біз тағы да жер ашып, бірнеше гектар бидай ектік. Одан шыққан өнімді өзіміз, шаруашылық ұжымы ауылдағы диірменге түйіп, тұрмыста тұтындық. Міне, біз осындай қиын шақта шаруашылық құрдық. Кейін азын-аулақ қаражат қолға тиісімен бір-екі техника сатып алдық. Ол тұста қазіргідей заманауи техникалар біздің ауыл шаруашылығы саласына келе қоймаған. Ескі-құсқы техниканың өзіне қол жеткізу бізге оңай болған жоқ.Шаруашылықтың бүгінгідей дәрежеге жетуі сол жылдарда еңсерген бейнетіміздің өтеуі деп білемін, – дейді Дариға апай.&nbsp; 2002 жылы шаруашылық жұмысын 110 гектар жерге дән себумен бастаған. Оның 40 гектарына күріш егілсе, 70 гектар алқапқа жоңышқа орналастырылыпты. Бірақ енді жұмысын бастаған шаруашылық шаруасының ширауына техника мәселесі қолбайлау болған көрінеді. Бір қызығы, Жарылқасын Қайырманов бұл жерлерді 5 жыл бойы жалдамалы техникамен игерген. Шаруашылық құрылған жылы оның техникалық базасында бірде-бір көлік болмапты. «Жаңарық» ШҚ алғашқы жылдары Сыр салысының «Ақмаржан» сұрпын сепкен. Бастапқыда күріштен межелеген өнімге қол жеткізе алмаса да, жоңышқа орналасқан алқаптың әр атызынан 17-18 мың тонна мал азығын жиған. Дариға Мәмбетова алғашқы жылдары тіпті жұмысшылардың өзіне жалақы тауып беру де үлкен мәселе болғанын айтады. 5 жылдан кейін шаруашылық көршілес Бұқарбай батыр мен Аққұм ауылдық округтерінен ауыл шаруашылығына қажетті бірнеше техника сатып алды. Алайда «Жаңарықтың» жұмысы енді жанданады дегенде, отағағсы Жарылқасын Қайырмановтың денсаулығы сыр берген. Ол тұста үлкен ұлы Ғалымжан Қайырманов аудан орталығындағы ішке істер саласында полиция бөлімі басшысының орынбасары болып жұмыс жасайтын. Ол қызметте жүрсе де, әкесі бастаған кәсіптің тұраламауы үшін қолы қалт еткенде қолғабыс етуді жадынан шығарған емес. Тіпті жыл сайынғы еңбек демалысының 25 күнін көктемде, 20 күнін күзде алып, науқан кезінде әрбір күнін атыз басында өткізіпті.&nbsp;Жұмыста жиған тәжірибесімен көзге түскен Ғалекеңнің зейнетке шығуына да мүмкіндік болған. Тәжірибелі маманнан бөлім басшысының да айырылғысы жоқ. Десе де отбасылық кәсіптің ертеңі өзіне қарап тұрғандықтан ол зейнеткерлікке шығып, атакәсіптің алға басуына жұмыс жасауды жөн деп тауыпты.Ғалымжан Жарылқасынұлы өзі төрағалық еткен алғашқы жылдары да шаруашылық жұмысына техника мәселесі қолбайлау болғанын айтады. Салаға қажетті бірнеше техникаға қол жеткізгенімен көне көлік бұзылмай тұрмайтыны тағы бар. Десе де інісі, «Жаңарықтың» қазіргі инженер-механнигі Рахымжан Қайырмановтың арқасында бұл тығырықтан да шығар жол табылған. Тәжірибелі маман істен шыққан комбайн-тракторлардың ахауын қайта қалпына келтіріп, жұмыстың тұраламауына үлкен еңбек сіңіріпті.&nbsp;– Одан кейінгі жылдары бізде мұндай мәселе болған емес. Жыл сайын күріштен мол өнім жиып, Сыр салысының сапасы жақсы болғандықтан өнімді ойдағыдай бағаға өткіздік. Кейін тіпті демеуші де табыла кетті. Сол уақыттан бері біз облыс орталығындағы «Абзал и К» компаниясының демеушілігімен кәсібімізді дөңгелентіп отырмыз. Солардың арқасында «Жаңарықтың» техникалық базасы бүгінде заманауи әрі соңғы үлгідегі трактор-комбайндармен жарақталды. Қазір де бұрыннан келе жатқан көне көліктер жоқ емес. Бірақ шаруашылықтың техникалық базасы 80-85 пайызға жаңарып отыр, – дейді төраға Ғалымжан Қайырманов.&nbsp;Жарылқасын Қайырманов іргетасын қалаған шаруашылықта бүгінде кенже ұлы Шаншархан Жарылқасынұлы күрішші болып еңбек етеді. Бастапқыда 35-40 гектар Сыр салысының шығымына жауапты болған ол да бүгінде даңғайыр диқандардың ізбасарына айналған. Қазірде Шәкеңе күріштің күтіміне қажетті амалдардың ешқай-сысы таңсық емес. Ал Дариға Мәмбетованың 2 келіні – «Жаңарықтың» бүгінгі тәжірибелі аспазшысы.&nbsp;– Күріш деген дүниеге келген сәби секілді. Пісіп-жетілгенше көп күтімді қажет етеді. Баланы қырқынан шығарғанша қалай күтесің, күріш те сол секілді. Жерге себілгеннен 40 күн бойы оны ерекше күтіп-баптау қажет. Алғашқыда оны салқын суда ұстап тұруға болмайды. Бұрын күзге таман басы салбыраған сабаққа қарап, мол өнім болады деп болжайтын едік. Мұның қате пікір екенін кейін білдік. Суды да әр жиырма күн сайын өзінің беретін деңгейі болады. Сол межеде ғана күрішті суда ұстау қажет. Қазір суды басып, орақ салып жатырмыз. Алдағы айдың онына дейін күзгі науқанды аяқтаймыз. Шығымын көріп тұрсыздар. Бұйыртса, биыл 70 центнерден өнім жинаймыз деп межелеп отырмыз, – дейді диқан Шаншархан Жарылқасынұлы.&nbsp; Қайырмановтар әулетінен бөлек шаруашылық бүгінде ауылдағы 20 адамды жұмыспен қамтып отыр. Төраға былтыр аяқ су мәселесінің салдарынан межелеген өнімге қол жеткізе алмағанын айтады. Былтыр «Жаңарық» ұжымы Сыр салысының әр гектарынан 45 центнерден өнім жиыпты. Десе де Ғалымжан Қайырманов 2012 жылдан бері ұжымдастарына жалақыдан бөлек қосымша сыйақы үлестіру дәстүрінің желісін үзбеген. Биыл оның көлемі артпаса, кемімейтіні тағы да анық. Себебі диқандардың жүзінде қуаныштың белгісі бар, төрағаның да көңілі тоқ.&nbsp;Күріштің күтіміне қызылордалықтар қанық болғанымен өнімнің бұл түрін баптау өзге аймақтар халқы үшін таңсық болуы әбден мүмкін. Иә, Сыр салысы жерге себілгеннен ораққа ілінгенше үлкен күтімді қажет ететіні рас. «Жаңарықтағы» диқандардың 9 айлық еңбегіне қатысты сырына құлақ түрсең, өнімнің бұл түріне қатысты қажетті деректерге қанығасыз.&nbsp; Негізінен Сырда егілетін күріштің қай сұрпын алып қарасаңыз да оның пісіп-жетілу уақытында, күтімінде айтарлықтай айырмашылық жоқ. Бірақ біздегі шаруашылықтардың көбісі қазір «Лидер» сұрпына басымдық беріп отыр. Себебі өнімнің бұл сұрпына сұраныс жоғары көрінеді. Бір қиыны қазір Сырдың суы тартылып, ала жаздай шім-шіме болатын «Шіркейлі» каналы да маусымында орта белге түсіп тұр. Ал күріш жерге себілгеннен масақ басындағы дәндер толық піскенше суда тұратынын ескерсек, бұл жергілікті шаруашылықтар үшін үлкен мәселеге айналғанын аңғарамыз. Өнім бітік болу үшін күрішті суда 90 күн бойы ұстап тұру орынсыз. Себебі атыздағы суды да ауыстырып тұратын өз уақыты бар. Әсіресе Сыр салысын себілгеннен 40 күн бойы жылы суда ұстау қажет. Одан кейін де суды ауыстырып тұратын өз уақыты тағы бар. Қазір біздегі тәжірибелі диқандар алқаптағы дақылды өл¬шеуіш құралымен суаруға көшкен. Ал оған берілетін тыңайтқыштарды себу тәсілі өз алдына бір әңгіме. Тағы бір айта кететін жағдай, күріш егілетін алқапта ротацияның сақталуы маңызды. Бұл сіздің ала жаздай күтіп-баптаған өніміңіздің сапасына тікелей әсер етеді. &nbsp; &nbsp;&nbsp;Айта кетейік, биыл «Жаңарық» шаруа қожалығы 200 гектарға жуық алқапқа егіс орналастырған. Оның 153 гектарына күріштің «Лидер» сұрпын сеуіпті. Бұған дейін «Янтар», «Новатор» сынды Сыр салысының бірнеше сұрпын егумен айналысқан шаруашылық ішкі және сыртқы сұранысты қамтамасыз етуде өтімді болғандықтан 7 жылдан бері «Лидер» сұрпын егуді қолға алыпты. Төраға Ғалымжан Қайырманов бүгінде шаруашылықтың 500 гектар жерді игеруге қауһары барын айтады. Алайда ауылда қазір жер мәселесі қат екен. Міне, бастапқыда 70 гектар алқаптағы өнімді күтіп-баптау мұң болған «Жаңарықтың» бүгінде осындай жағдайға жетіп отырғаны көңіл қуантады.Айтпақшы Ғалымжан Қайырманов басшылық ететін бұл ұжым елді мекендегі мерекелік шараларға демеушілік етуді, ардагерлерге сыйақы таратуды да дәстүрге ай-налдырған. Былтыр Ғалымжан Қайырманов аудан әкімімен меморандумға отырып, Аламесек ауылдық округіне кіреберіс жолдың қос бетін абаттандыруға келісім алды. Бұйыртса, күзгі науқан жұмыстары бітісімен шаруашылық ұжымы осыған кіріседі. Төраға жолдың бір бетіндегі бос жатқан жерден саябақ ашып, оны ардагер ұстаз, шаруашылықтың негізін қалаған Жарылқасын Қайырмановтың атына беруді жоспарлап отыр.

Отбасылық кәсіпті дөңгелетіп отыр

<a href="https://kyzylorda-news.kz/ru">Kyzylorda-news.kz.</a> &nbsp;Қай &nbsp;қоғамда &nbsp;болмасын &nbsp;адамзат &nbsp;үшін &nbsp;ең &nbsp;қажетті &nbsp;мамандықтың &nbsp;бірі &nbsp;– &nbsp;ол &nbsp;ұстаздық. &nbsp;Білікті &nbsp;ұстаз бүгінгі &nbsp;заманның &nbsp;талабы. &nbsp;Тәлім-тәрбие &nbsp;мен &nbsp;қоса, &nbsp;оқу-білімді &nbsp;де &nbsp;қатар &nbsp;үйрететін &nbsp;де &nbsp;ұстаз. &nbsp;Білімді &nbsp;ұрпақ &nbsp;елдің &nbsp;ертеңі, ұлт &nbsp;айнасы &nbsp;десек &nbsp;те &nbsp;болады. &nbsp;Ұрпақ &nbsp;білімді &nbsp;болса, &nbsp;мемлекетіміз &nbsp;әлемнің &nbsp;алпауыт &nbsp;елдерімен &nbsp;иық &nbsp;тіресіп, &nbsp;бәсекеге қабілеті &nbsp;жоғарылай &nbsp;түседі. &nbsp;Осындай &nbsp;саналы &nbsp;ұрпақты &nbsp;тәрбиелейтін &nbsp;сіздердің &nbsp;еңбектеріңіз &nbsp;ұшан-теңіз. &nbsp; &nbsp;Тынымсыз еңбегі мен білімі қатар ұштасқан осындай аяулы жандардың бірі де бірегейі – Мария Айтбайқызы. Ол 1961 жылы Жалағаш ауданындағы Ақсу ауылында туып-өскен. Мектеп қабырғасында жүргенде зерек те алғыр қыз 1973 жылы Артек пионер лагеріне жолдама алады. Туған ауылындағы №116 орта мектепті жақсы бағамен бітіріп, 1978 жылы алғашқы еңбек жолын Жалағаш аудандық Оқушылар сарайында үйірме жетекшісі болып бастайды. 1983 жылы Қызылорда Н.В.Гоголь атындағы педагогика институтын қазақ тілі және әдебиеті мамандығы бойынша бітіреді. Қызылорда қаласында тұңғыш ашылған Ақмешіт қазақ-түрік қыздар лицей директорының орынбасары қызметін атқарады. Білім ордаларында ұстаздық қызмет атқарып жүрген уақытта Мария Айтбайқызын жас ұрпақтың болашағы үнемі толғандыратын. Өмірден өз жолын жаңылмай табуына ұстазының ықпалы басым болатыны жадында ұялап тұратын. Сол себепті де өз жұмысына асқан жауапкершілікпен қарауына тиісті екенін өзіне ескертіп отыратын. Сонымен бірге үнемі ізденумен, жаңа нәрсені білуге ұмтылумен, талпынумен ғана оқушылардың сеніміне ие болатынын ұмытқан емес. Осындай қасиеттерімен дараланған ұстаз республикалық «Елім-ай» эстетикалық бағдарламасы бойынша Тірек мектебі жұмыстарының негізін қалады. 1993 жылы Ақтөбе қаласында өткен ІІ республикалық шығармашылықпен жұмыс жасайтын мұғалімдер слетінің делегаты болды. Өмір атты шексіз әлемнің күн сәулесі секілді шәкірт жүзіне нұр сеуіп, санасына білім сіңіруден шаршамаған ізденімпаз ұстаз 1996-1998 жылдары Қызылорда қалалық білім бөлімінде қазақ тілі мен әдебиеті пәнінің әдіскері қызметін атқарды. 1998 жылдың қаңтар айынан бастап «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтында әдіскер, кабинет меңгерушісі, аға оқытушы, деңгейлік бағдарламалар орталығының тренері, инновациялық білім беру және ақпараттық технологиялар кафедрасының аға оқытушысы болып абыройлы еңбек етті.&nbsp; Мария Айтбайқызы 1998-2005 жылдары Сорос-Қазақстан қорының, Қазақстан Оқу ассоциациясының білім гранттарын жеңіп алды. Жалағаш, Қармақшы, Арал аудандары және Қызылорда қаласы мектептері мұғалімдерін RWCT бағдарламасының гранты бойынша оқытуға қол жеткізді. Грант аясында Арал ауданы мұғалімдері орталығына компьютер сыйлады. Облыстың 5000-нан аса мұғалімі мен Қорқыт Ата атындағы Қызылорда мемлекеттік университеті ғалымдарын халықаралық «Оқу мен жазу арқылы сын тұрғысынан ойлауды дамыту» бағдарламасы аясында жаңа оқыту технологиялары бойынша біліктілігін арттырды. Қаншама мұғалімнің жаңашылдықпен жұмыс жасап, республикаға танылуына үлесін қосты. Тек қана облыс мұғалімдері емес, Алматы, Оңтүстік Қазақстан облысы мұғалімдеріне біліктілік арттыру курстарын жүргізіп отырды. Облысымыздың 1998 жылғы тарихында есімі ең алғашқы білім саласында білім грантын иеленген ұстаз ретінде қалды. Тек қана ұстаздардың емес, оқушылардың да түрлі байқауларда, ғылыми жоба жарыстарында топ жарып, жүлделі орындардан көрінуіне атсалысты. Ақын Қасым Аманжоловтың: «Мектепті сыйлағандықтан, мамандығын жан-тәнімен сүйгендіктен, мұғалім ең алдымен өзінің интелектісін көтеруі керек, дүниеге деген көзқарасын биіктетуі керек» деген сөзі дәл Мария Айтбайқызы сынды ұстаздарға арналғандай. Аға оқытушының қазақ тілі мен әдебиеті пәні мұғалімдеріне арналған «Диктанттар жинағы», «Мектеп оқушыларына арналған қазақ тілі мен әдебиеті пәні бойынша олимпиадалық тапсырмалар жинағы», «Сыр қойнауы» аймақтық өлкетану тәрбие бағдарламасы», «М.Өтемісұлы шығармаларын оқыту» облыстық жинақ, «М.Өтемісұлы шығармаларын оқыту» республикалық жинақ тағы басқа да еңбектері баспа беттерінде жарық көрді.&nbsp;Ал «Білім беру мазмұнын жаңарту жағдайында орта мектепте «Қазақ тілі» мен «Қазақ әдебиеті» пәндерін оқыту әдістемесі» атты әдістемелік құралы республика көлемінде таратылды. Әдістемелік құралды студенттер мектеп тәжірибесінде қолдануда. Мұғалім еңбегі өлшеусіз. Еткен еңбек жеміссіз қалмайды. Халықаралық RWCT тренері Мария Айтбайқызы Қазақстан Республикасы Білім және ғылым министрлігінің, облыстық білім басқармасының “Құрмет” грамо-таларымен, Білім және ғылым қызметкерлері кәсіподағының облыстық комитетінің алғыс хаттарымен марапатталған. Үш баланың анасы, бес баланың әжесі атанып отырған ұстаз – отбасының ұйытқысы. «Өзіңді қарапайым жылы лебізіңмен сыйлата білмесең, құр қаталдықтан түк те шықпайды» дейді Лев Толстой. Иә, Мария Айтбайқызы күлімсіреп жүретін жылы жүзімен, еңбек етуден шаршамайтын жігерлі қасиетімен, шындықты айтудан тайсалмайтын өжеттілігімен курс барысында ұстаздар қауымын өзіне тез баурап алатын. Өзім де қазақ тілі мен әдебиеті пәнінің мұғалімі болғандықтан, ол кісінің алдында бірнеше рет тәлім алдым. Курс барысында үйретері көп ұстаздың әрбір дәрісін қызыға тыңдап отыратынмын. Отбасы мен қызметтің жүгін қатар алып, абыроймен еңбек етіп жүрген Мария Айтбайқызының әрбір ісі өзгелерге үлгі болары хақ. Білім &nbsp;шыңына &nbsp;шыға &nbsp;алған &nbsp;мемлекет &nbsp;қана &nbsp;әлемдік &nbsp;деңгейде &nbsp;еркін &nbsp;самғап, &nbsp;өз &nbsp;бағытын &nbsp;дұрыс &nbsp;таңдай &nbsp;алады. &nbsp;Сондықтан елдің &nbsp;келешек &nbsp;тұтқасын &nbsp;ұстар &nbsp;ұрпақтың &nbsp;білімді &nbsp;де &nbsp;білікті &nbsp;болуы &nbsp;ең &nbsp;алдымен &nbsp;ұстазға &nbsp;байланысты. Біз осындай жастарға таудай талап беретін ұстаз атты мәртебелі мамандық иелерінің жұмыстарына жеміс тілейміз.

Білікті ұстаз – биік мәртебе

<a href="https://kyzylorda-news.kz/ru">Kyzylorda-news.kz.</a> ҚР Президентінің жанындағы Ұлттық ғылым академиясының &nbsp;делегациясы өңірлік ғылымды дамыту мақсатында Қорқыт ата атындағы Қызылорда университетінің жетекші ғалымдарымен, облыстық басқарма басшыларымен кездесті.Делегация құрамы алдымен білім ордасының материалдық-техникалық базасын көріп, ғылыми инфрақұрылымын аралады.&nbsp; Алдымен «Физика-химиялық талдау әдістері» инженерлік бейіндегі зертханадағы коммерцияландыруға дайын үздік жобалармен танысты. Қазір ғалымдар мұнда гранттық қаржыландыру аясында «Жануарлар мен адамдардың әртүрлі ауруларының терапиясында потенциалды белсенді симметриялық және симметриясыз типтегі жаңа орынбасқан каркасты фосфонаттарды жасау» жобасын жүзеге асыруда. Сондай-ақ, ғалымдар полифункционалды биологиялық белсенді заттар синтезімен айналысуда.Мұнан кейін «Мұстафа Шоқай» ғылыми орталығын аралады. Орталықта гранттық қаржыландыру аясында «Мұстафа Шоқай мұрасындағы қолжазбалардың тарихи-деректік құндылығы», «М. Шоқайдың мемлекеттілік мұраттары: тарих сабақтары, идеялық сабақтастық» жобалары бойынша зерттеу жүргізілуде.Делегация «Aрхеология және этнография» ғылыми орталығының жұмыстарымен де танысты. Орталықта гранттық қаржыландыру аясында «Шығыс Арал маңының археологиялық мұраларын өзектендіру (Хорезм археологиялық-этнографиялық экспедициясының жаңа архивтік деректерін жүйелеу)» бойынша жұмыстар іске асырылуда. Сонымен қатар, ортағасырлық Жанкент қаласының орнында археологиялық қазба жұмыстары биыл да жалғасты.Академия өкілдері Т.Д.Қуанышбаев атындағы химия-биологиялық зерттеулер ғылыми-білім беру орталығы, А.Тапалова атындағы «Жалпы және бейорганикалық химия» оқу-зерттеу лабораториясы, А.Саданов атындағы микробиологиялық ғылыми-зерттеу орталығы, К.Сәдуақасқызы атындағы химиялық білім беру ғылыми-әдістемелік орталығы, ҚР еңбек сіңірген гидротехнигі М.Нәлібаев атындағы су шаруашылығы музейімен танысты.Жиында ҚР ҰҒА Ғылым департаментінің директоры Руслан Нұрлыбаев өңірлік мәселелерді шешуде ғылымның өте маңызды екенін айтты.<blockquote>«Академия өңірдегі ғылымға айрықша көңіл бөліп отыр. Шараға атқарушы мемлекеттік орган өкілдерін арнайы шақырдық. Ұлттық ғылым академиясы салаға қатысты мәселелерді шешу үшін ғалымдармен бірлесіп жұмыс істейді. Сол арқылы біз ғылымға да, ғалымға да кең жол ашып береміз», – деді Руслан Ерғалиұлы.</blockquote>Сондай-ақ, академия делегациясы өңірлік коммуникациялар қызметінде өткен баспасөз конференциясына қатысып, ғылымды дамыту бағытында атқарылатын жұмыстарды баяндады.Айта кету керек, Қорқыт ата атындағы Қызылорда университеті QS рейтингі бойынша Азияның үздік университеттерінің ТОП-551-600 (570-орын), сондай-ақ Қазақстан Республикасының ТОП-10 үздік университеттерінің қатарында 8-ші орында.&nbsp;Биыл университет QS–2024 халықаралық рейтингтік агенттігінің талдауы бойынша жаһандық рейтингтің ТОП-1200-1400 еніп, алғаш рет әлемдік тұғырға көтерілді.&nbsp;Бүгінде университетте 26 ғылым докторы, 193 ғылым кандидаты, 43 PhD докторы, «Болашақ» халықаралық бағдарламасының 40 түлегі, 25 шетелдік оқытушы жұмыс істейді.2022 жылы университеттің 6 оқытушысы «Болашақ» бағдарламасының «500 ғалым» жобасында жеңімпаз атанып, АҚШ, Германия, Ресей және Беларусь елдерінің жетекші ғылыми орталықтарында тағылымдамадан өтті. 2023 жылы 14 үміткер «500 ғалым» жобасының жеңімпазы атанды.Университетте ғылыми-зерттеу жұмыстары гранттық қаржыландыру бойынша түрлі жобалар, жергілікті атқарушы органдар мен кәсіпорындардың тапсырыстары, халықаралық келісімдер аясында жүзеге асырылады.2022 жылы жалпы сомасы 191 млн теңгеге 17 ғылыми жоба жүзеге асырылды. 2022 жылы ғылымнан түскен табыс 2020 жылмен салыстырғанда 76%-ға өсті.Ал, биыл ҚР ҒЖБМ 9 &nbsp;жоба жеңімпаз атанды, жобалардың жалпы сомасы 528 710 мың теңге. Университетте ғылыми-техникалық қызмет нәтижелерін коммерцияландыру аясында 1,5 млрд теңге сомасына «Инновациялық технологияларды қолдану арқылы мұнай қалдықтарын өңдеу» жобасы жүзеге асырылуда.&nbsp;<figure class="image"><img src="https://knadmin.beoblood.kz/uploads/3d0f00c3_856f_4dc4_9aa5_35debcc1b5cd_2f9cf61cad.jpg" alt="3d0f00c3-856f-4dc4-9aa5-35debcc1b5cd.jpg"></figure>&nbsp;<figure class="image"><img src="https://knadmin.beoblood.kz/uploads/e1941929_df98_4587_ab2d_5bd95ace153b_c2e839ec14.jpg" alt="e1941929-df98-4587-ab2d-5bd95ace153b.jpg"></figure> &nbsp;<figure class="image"><img src="https://knadmin.beoblood.kz/uploads/IMGL_4027_e2241df62f.JPG" alt="IMGL4027.JPG"></figure>&nbsp;<figure class="image"><img src="https://knadmin.beoblood.kz/uploads/IMGL_3890_17e2ddfdc5.JPG" alt="IMGL3890.JPG"></figure>

ҚР Ұлттық ғылым академиясының делегациясы университеттің ғылыми әлеуетімен танысты

<a href="https://kyzylorda-news.kz/ru">Kyzylorda-news.kz.</a> Ерекше мамандық иесі, кенттің төл перзенті Дидар Құланбаевты нәзікжандылар жақсы біледі. Өйткені Дидар қанша жылдан бері аудандағы ең әдемі сән салонында қас жасайды. Бұл мамандықтың да сан қыры бар. Тек қолың епті болу керек. Оған кәсіби білік керек. Бүгінде біздің кейіпкеріміз Дидар – қас жасаудың хас шебері. Бұл кәсіпке келу себебін Дидардың өз аузынан естігенді жөн көрдік.«Алдымен әңгімені өз өмірбаянымнан бастағаным жөн болар. Мен 1991 жылы Жалағаш кентінде дүниеге келдім. Кенттегі №31 орта мектепте тоғызыншы сыныпқа дейін оқып, 2007-2011 жылдары Қызылорда қаласындағы «Болашақ» колледжін қызыл дипломмен бітіріп, мұнай-газ маманы болып шықтым. 2011-2013 жылдары Қорқыт ата университетінде сырттай (қашықтан оқыту) мұнай газ мамандығымен оқуымды жалғастырдым. 2011-2013 жылдары НТС компаниясында бұрғылаушының көмекшісі, 2013-2014 жылдары СПМК компаниясында оператор, 2014-2017 жылға дейін СПМК компаниясында инженер болып қызмет жасадым.&nbsp;Ер азаматтардың мойын бұрып, бара бермейтін бұл мамандыққа келуімнің себебі сол, 2013 жылы Сандуғаш есімді өрімдей бойжеткенмен қазіргі жарыммен танысып, екеуміз отау құрғаннан кейін басталды. Екеуміз танысқан күндерді еске алсам, 2015-2016 жылдары Сандуғаш «Амина» салонында жалға бір бөлмені алып, тырнақ мастері болып жұмыс жасады. &nbsp;2016 жылы кенттен бір ғимаратты жалға алып, «Гламур» деп салон ашты. 2017 жылы Сандуғаш «Бастау» бизнес жобасымен мемлекеттен 4 миллион теңге несие рәсімдеп, жанына жұмысқа 4 қыз алды. Мен ол кезде Құмкөлде вахтада жұмыс жасайтынмын. 2017 жылы Сандуғаш екеуміз шаңырақ көтердік. Салонға жиі бас сұғып, осы мамандыққа қызыға бастадым. Менің қызыққанымды жұбайым да сезген болу керек, маған «қыркүйек айында Қызылорда қаласында Динара Алмусаева өз академиясында оқытуға конкурс жүргізіп жатыр, соған барсай» деп өз ойын айтты. &nbsp;Мен болсам Динара Алмусаеваның &nbsp;кім екенін де білмейтінмін. Сандуғаш сол салонда жарты жылдай тырнақ, макияж мастері болып жұмыс жасаған еді. Сол себептен Динараны жақсы танитын. Жұбайым «қатысып көрсей, ол жақта ер балдар да жұмыс жасайды» дегенде күлетінмін, жүрейін енді қас бояп» деп. Ал ол болса, «Дидар оның оқуы тегін, ештеңең кетпейді. Ал ақылы оқысаң, 400-500 мың теңге тұрады. Бір апта оқысаң жарайды» деді. Ол соншама не оқу бір жылдық оқудың ақшасымен тең деп таң қалдым да, барып өз көзіммен көруді шештім.Осылайша Динара Алмусаева салонының әкімшісіне жолығып, өзімнің қас жасау шебері болуды үйренгім келетінін айттым. Екеуміз Динараның жұмыс жасайтын бөлмесіне кірдік. &nbsp;Динара татуаж жасап жатыр екен. Әкімшісі мені нұсқап, менің келген мән-жайымды басшысына жеткізді. Сол кезде ол &nbsp;маған &nbsp;жалт бұрылып қарап жымиды да, «Не үшін татуаж оқығың келеді? Қызығушылығың бар ма?» деп таңырқай қарады. Мен тосыннан қойылған сауалға сасып қалдым да, лезде өзімді жинап алып, «әрине бар, осы кәсіп қызықтырып жүр» дедім күлімсіреп.Міне, сол сәттен бастап татуажға деген қызығушылығым оянып, ғаламтордан да осы мамандықтың қыр-сырын қарай бастадым. Қазір әйтеуір бір жақсысы осы қас жасау жайлы ақпаратпен тегін кеңестен көз сүрінеді. Еңбектенсең, табысқа жетесің. Мамандықтың үлкен-кішісі, жақсы-жаманы болмайды. Тынымсыз ізденіс пен шеберлік кәсіптің мүмкіндігін молайтады. Сенің кәсібилігіңе қызығып, тұрақты тұтынушылар саны көбейеді. Осылайша, жұбайымыз екеуміз тынбай еңбектеніп, кәсіпті дөңгелентіп әкеттік.&nbsp;Алғаш Сандуғаш жұбайым қолға алып бастаған осы кәсіппен айналыс-қанымызға да биыл 6 жыл болыпты. Отбасылық кәсібімізді одан әрі дамытпақ ниетпен 2018 жылы Жалағаш кентіндегі Үркімбаев көшесінен ғимарат сатып алып, өзіміздің салонымызды аштық. Оның да атын «Гламур» деп қойдық. Аллаға шүкір, қазір салонда біраз адам тұрақты жұмыс жасайды. Барлығы да өз ісін шебер орындайды. Білмеген жерлерін түрлі курстарға жіберіп үйретеміз. Сән әлеміндегі жаңалықты, заманауи үлгілерді тәжірибемізге пайдаланып жүрміз. 2020 жылға дейін Динара Алмусаеваның салонында &nbsp;қас мастері болып қатынап жұмыс жасадым. Кентке келіп қасқа татуаж жасауға шынын айтсам, ұялып жүрдім. &nbsp;Себебі ол кезде қалада ер балалар татуаж, шаш, макияж жасай береді де, ал ауылда ондай кәсіпті &nbsp;жасауды ер балалар ар санайтын. Сөйтіп жүргенде 2017 жылы Айзере есімді үлкен қызымыз дүниеге келді. Оның артынан 2019 жылы кішкентай бөбегіміз Медина өмір есігін ашты. Қос балапанымнан, отбасымнан алыста жүрмейін деген ниетпен, тәуекелге бел буып, 2020 жылдан бастап өз салонымызда қас мастері болып жұмыс жасап келемін. Қазір бұрынғыдай емес, тұтынушылардың ер мастерге көздері үйреніп қалды. Өзімді арнайы іздеп келіп, тұрақты менің қызметіме жүгінетіндер көп.&nbsp;Бүгінде осы жұмысқа намысымды жеңіп, келгеніме қуанбасам, өкінбеймін. Себебі жаны нәзік, өздері әдемілікке құмар әйел қауымының бақытты болғанын, қуанғанын көру – мен үшін бақыт. «Әйел қуанса, әлем қуанады» демей ме? Ендеше әйел затына ғажап көңіл күй сыйлап, ажарына ажар қосып, нұрландыру ерлер қауымына &nbsp;ауадай қажет қасиет деп ойлаймын. Сондықтан жердің көркі, елдің ажары, табиғаттың ғажап туындысы, отбасымыздың берекесі нәзікжандыларға баршамыз қолымыздан келгенінше көтеріңкі көңіл күй мен шабытты сәт сыйлағанымыз жөн» дейді ол.Иә, шынында іске де, сөзге де шебер жігіттің ой орамдары, парасаты қандай мықты десеңізші. «Болса ғой жігіттердің бәрі осындай» &nbsp;деп тамсанып, қас шеберімен қимай қоштастық. Ол шынында қас жасаудың хас шебері екен. Әйелдердің әсемдік әлеміне жол тартқан өнерлі азаматтың отбасылық кәсіптің көкжиегін кеңейту де жоспарында бар.

Ерекше мамандық иесі

<a href="https://kyzylorda-news.kz/ru">Kyzylorda-news.kz.</a> Талантты жандар қандай ортада болмасын табылады. Бойдағы өнер ертелі-кеш жарыққа шығады. Жуырда Сырдария ауданы әкімдігінің мен аудандық мәдениет және спорт бөлімі және аудандық мәдениет үйінің ұйымдастыруымен талантты өнерпаздардың орындаушылық шеберліктерін шыңдауына қолдау көрсетіп, насихаттау, ән әлемінің өзіндік құпиясын бойларына сіңірту, өз тарихын,бояуын жоғалтпаған халық әндерін жаңғырту,қос дауыста ән салушылардың тәжірбие алмасуына жұмыс жасау мақсатында дәстүрлі “Жұлдыз like 2023” облыстық телевизиялық жобасы өткізілді.&nbsp;Байқауға Қызылорда қаласы Қызылжарма ауылдық мәдениет үйі, Сырдария ауданы, Арал, Жаңақорған, Қармақшы аудандарынан 5 жұп додаға түсіп, өзара бақ сынасты. Қатысушы талапкерлер 2 кезең бойынша өнерлерін ортаға салды. Бірінші кезеңде халық және халық композиторларының әндерін орындаса, 2 кезеңде кинофильмдерге жазылған әлемдік немесе Қазақстан композиторларының саундтректерінен бір ән орындады. Байқауға Қазақстан Республикасының Еңбек сіңірген қайраткері, композитор «Құрмет» орденінің, «Шапағат» медалінің иегері, Қызылорда қаласының, Сырдария ауданының Құрметті азаматы Рамазан Тайманов, Қызылорда қалалық «Өнер» мектебінің «Балбұлақ» /үлгілі/ халықтық би ансамблінің жетекшісі, Қазақстан хореографтар одағының мүшесі, мәдени-тынығу жұмыстарының ғылым магистрі Асел Идирисова, Нартай Бекежанов атындағы Қызылорда облыстық-академиялық музыкалық театрының актері, облыс әкімінің «Сыр үміті», «Тұран» сыйлығының иегері, Еркін Берікболатұлы, облыстық Қызылорда телеарнасының бас продюсері Дәулетхан Мұратұлы, Сырдария аудандық жастар ресурстық орталығының директоры, Сырдария аудандық мәслихатының депутаты, облыс әкімінің «Жыл волонтері» сыйлығының иегері Нұрман Мүсілімұлы қазылық жасады.&nbsp;Байқау қорытындысы бойынша қармақшылық қос өнерпаз жеңіс тұғырынан көрінді. Азамат Алтай мен Айжан Қыдырбек байқаудың бас жүлдесін иеленіп, 150000 мың теңге қаржылай сыйлыққа ие болды. Ал жүлделі І орынға Сырдария ауданынан қатысушы Нұрбол Тұранов пен Динара Жакешова жайғасып, 100000 мың теңге қаржылай сыйлықпен марапатталды. Жүлделі ІІ орынды Арал ауданының өнерпаздары Қайрат Алмағанбетов пен Айгерім Серікова иеленіп, 80000 мың теңге қаржылай сыйлыққа ие болды. Қызылорда қаласының Қызылжарма ауылдық мәдениет үйінің өнерпаздары Дулат Сағад пен Мейрамбек Көшеков байқаудың ІІІ орын иегерлері атанып 70000 мың қаржылай сыйлықпен марапатталды. Жаңақорған ауданының өнерпаздары Аманжол Сламов пен Айсауле Қияс байқаудың Алғыс хатымен марапатталып 50000 мың қаржылай сыйлық иеленді.

Қазақстан және Қызылорда облысының жаңалықтары