<a href="https://kyzylorda-news.kz/">Kyzylorda-news.kz.</a>&nbsp;11 мамыр күні күн райының бұзылуына байланысты бірнеше өңірде ескерту жарияланды, деп хабарлайды Қазгидромет.Еліміздің батысында тұман түсіп, найзағай жарқылдайды. Солтүстік өңірлерде жаңбыр жауады деп күтілуде.&nbsp;Ал Қызылорда облысында төтенше өрт қаупі сақталады.

11 мамырға арналған ауа райы болжамы

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен мәжілісте облыс аумағының санитарлық тазалық жағдайы талқыланды.Жиында аймақ басшысы облыс аумағындағы санитарлық тазалық мәселесі күн тәртібінен түспегенін атап өтті.<blockquote>«Облыс әкімі аппаратының инспекторлары апта сайын облыс аумағында мониторинг жұмыстарын жүргізуде. Қорытындысы бойынша маған ақпарат ұсынылып, қала және аудан әкімдеріне тиісті тапсырма беріліп келеді. Алайда, айтарлықтай нәтиже жоқ. Тексеріс жұмыстары жүргізілген елді мекендердің барлығының дерлік тазалығы көңілден шықпайды. Елді мекендердің іші мен айналасы қоқысқа толы, демалыс саябақтары қираған, ойын алаңдары тозған», - деді Нұрлыбек Машбекұлы.</blockquote>Облыс әкімі аппаратының басшысы Шахмардан Байманов өңірдегі елді мекендер мен мекеме, ұйымдардың сыртқы келбетi мен санитарлық жай-күйін баяндады. Тексерілген елді мекендердің барлығының санитарлық тазалығында, бірқатар мекеменің &nbsp;сыртқы қасбеттерiнде кемшіліктер анықталған.Жиын қорытындысымен аймақ басшысы қала, аудан әкімдеріне көрсетілген кемшіліктерді шұғыл түрде қалпына келтіруді тапсырды. Оның ішінде, жазғы лагерьлердің санитарлық жағдайын тез арада жақсарту, темір жол және автовокзалдың тазалығына ерекше назар аудару керектігін &nbsp;ескертті. Салынғанына аз уақыт болған нысандардың &nbsp;тозығы жетсе, мердігер мекемелер оларды жөндеп, қалпына келтіруi тиiс. Мұнан бөлек, облыс әкімі барлық басқарма, департамент және аумақтық инспекция басшыларына қарамағындағы мекемелердің жағдайына күнделікті бақылау жүргізуді міндеттеді.<img src="https://knadmin.beoblood.kz/uploads/IMG_20230510_WA_0008_9f3eb4ee9b.jpg" alt="IMG-20230510-WA0008.jpg">

Қызылорда: Тазалық мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp;Сыр еліндегі казақ және корей халықтары арасындағы ашық әрі сенімді достық қарым-қатынастың бекігеніне 80 жылдан астам уақыт өтті. Кеңес заманында Қызылорда облысына депортацияланған корейлердің біршама ұрпақтары қоныстанып, тату-тәтті өмір сүруде.&nbsp;Бүгін облыс әкімінің орынбасары Нұрымбет Сақтағанов Сыр өңіріне арнайы жұмыс сапарымен келген &nbsp;Корея мәдени орталығының бас хатшысы Джонг Гён Вон бастаған делегация мүшелерін қабылдап, аймақ үшін маңызды бірлескен жобаларды жүзеге асыру мәселелерін талқылады.&nbsp;<blockquote>«Облысымызда 29 кәріс ұлтының өкілі КСРО Социалистік Еңбек Ері атағын алған болатын. Бұл кәріс халқының өте еңбекқор екендігінің бір дәлелі. Біздің халқымызбен кәріс жұртының ұқсайтын бір қасиеті – үлкенді сыйлау. Кореяның азаттығы үшін күрескен бірегей тұлға, нағыз батыр Хон Бом Доны ерекше атап өткім келеді. Ол өмірінің соңғы жылдарын Сыр елінде өткізген болатын. Батырдың құрметіне Қызылорда қаласында мемориал тұрғызылып, оның есімімен қала көшесінің бірі аталды. 2021 жылы ҚР Президенті Қасым-Жомарт Кемелұлының Корея Республикасына барған іс-сапарында Кореяның ұлттық батыры Хон Бом До сүйегін тарихи Отанына қайтару рәсімі мақұлдасқан болатын. Бұл – Қазақстанның корей жұртына деген шынайы ықыласы мен зор құрметінің белгісі. Былтыр &nbsp;Кореяның 100 студенті Сыр елінде болып, &nbsp;Хон Бом До және Ге Бон У корей халқының батырларының тарихымен танысты. Бұл ортақ келісімнің дамуының айқын көрінісі. Мұнан өзге, алдағы уақытта Тэчжон қаласымен және Чоллабук-до провинциясымен дамыған ауыл шаруашылығы саласымен ынтымақтасу жоспарлануда. Бүгінгі таңда осы бағыттар бойынша жұмыстар жүргізілуде»,-деді Нұрымбет Аманұлы.</blockquote>Кездесу аясында мәртебелі меймандар өңірлік корей этномәдени бірлестігінің де атқарып жатқан ауқымды жұмысы, Корея және Қазақстан арасындағы үлкен дәрежедегі достықты, жан-жақты байланысты сөз етіп, бұл сапар ынтымақтастық бағытындағы екіжақты әріптестікті одан әрі нығайтуға мүмкіндік беретінін айтып, алғысын жеткізді.<img src="https://knadmin.beoblood.kz/uploads/345435399_966682264459983_3569089252390776124_n_e61e3f3067.jpg" alt="345435399_966682264459983_3569089252390776124_n.jpg">

Сыр елінде Кореямен әріптестік аясы кеңейе түспек

<a href="https://kyzylorda-news.kz/">Kyzylorda-news.kz.</a> Қазалы көлік-техникалық жоғары колледжі кітапханасында кітапханашы Сәуле Сүгірованың ұйымдастыруымен «Оқуға кұштар колледж» іс-шаралар жоспарына сәйкес «Тамыры терең, тарихы кенен – Қазалым» тақырыбында таным сағаты өтті.&nbsp;Бұл шараның мақсаты – студенттердің туған жерге, туған ауылға деген сүйіспеншілігін арттыру, туған ѳлкенің байлығы, алуан түрлі табиғаты туралы түсінік беру. Отанынды қорғай білуге, табиғатты аялауға, таланты ақындардың ѳлеңдері мен ата-бабаларымыздың ѳнеге етіп қалдырған даналық сѳздері арқылы студенттерді ұлтжандылыққа, атамекенін кѳздің қарашығындай сақтай білуге тәрбиелеу.<blockquote>«Сыр елінің экономикасы мен әлеуметтік дамуында Қазалы ауданының алар орны ерекше. Астарына үңілсең көптеген деректі кезіктіресіз. Ұлан байтақ қазақ даласында мұндай қастерлі орындар көп. Қазақылықтың қаймағы бұзылмаған Сыр бойында осындай жер-су атаулары жетерлік. Мәселен, өзіміз тұратын аудан туралы «Тарихы терең, тамыры кенен – Қазалы», «Қасиетті Қазалы», «Қазыналы Қазалы» деген тіркестерді жиі қолданамыз. Қазалы атауына байланысты мына бір болжам да аракідік айтылып қалады. Ол көне Жанкент шаһарына қатысты. Бұл қаланың тарихы жайлы айтылар әпсана аз емес. Солардың бірі – Бегім сұлу оқиғасы. Бегім – Жанкенттің билеушісі Санжардың әйелі. Көрікті жарын қызғанған Санжар оның бір қолы мен бұрымын қырқып тастайды. Бегім сұлудың ақтығы дәлелденіп, қолы мен бұрымы бұрынғы қалпына қайта келген екен. Қызының жазықсыз зәбір көргеніне көзі жеткен Қарабура әулие күйеу баласы Санжарға налиды. Жазықсыз жабылған жаладан әйеліне опасыздық жасаған ханның қаласына жыландар шабуыл жасайды. Қайғылы оқиға салдарынан қаза болғандар көп болған екен. Сондықтан бұл аймақ Қазалы аталып кеткен деседі», – деп кітапханашы Сәуле Сүгірова сутденттерге туған өлке тарихынан сыр шертетін бірнеше деректерді тілге тиек етті.&nbsp;</blockquote>Таным сағаты кезінде студенттер арнайы жасақталған көрмені тамашалап,жергілікті ақын-жазушылардың кітаптарымен танысты. Қойнауы құтқа оранған қасиетті топырақ туралы көнекөздерден қалған естелік сөздерді тыңдады.&nbsp;

Туған жерді дәріптеуге арналған таным сағаты

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен актив отырысында кадрлық өзгерістер хабарланды.&nbsp;2015 жылдан бастап ҚР Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментінің басшысы қызметін атқарып келген Мариям Баекеева ротация тәртібімен Ұлттық статистика бюросы Ақпараттық технологиялар департаментінің Ақпараттық жүйелерді үйлестіру және интеграциялау басқармасының басшысы қызметіне тағайындалды.&nbsp; Аймақ басшысы Мариям Жәдігерқызын құттықтап, жаңа қызметінде сәттілік тіледі.<blockquote>«Мариям Жәдігерқызы – статистика саласында мол тәжірибе жинап, қызметте сатылап өскен өз ісінің майталман маманы ретінде Сыр өңіріне белгілі. &nbsp;Қызылорда облысының статистика басқармасында қарапайым экономистен бастап, жоғары басшылық лауазымға дейінгі жолдан өтті. Өңірдің мемлекеттік статистикасын дамыту мен жетілдіру ісіне елеулі үлес қосқан білікті кадрлардың бірі. Өзіне сеніп тапсырылған жұмысты абыроймен атқарып, тұрақтылығы мен тиянақтылығының арқасында өз саласында жемісті қызмет атқаруда. Қызметті үйлестірумен қатар жауапты салада шәкірт тәрбиелеу ісімен орны қалыптасқан бірегей кадр. Статистика органдарында 33 жылдан аса қызмет атқарған кезеңде қажымай еңбек етіп, білікті кадрлар тәрбиелеуге айтарлықтай үлес қосты», - деді Нұрлыбек Машбекұлы.</blockquote>Статистика саласында атқарған еңбегі үшін Мариям Жәдігерқызы Сыр жұртшылығы атынан Қызылорда облысының Құрмет грамотасымен марапатталды.Актив отырысында облыстық мәслихат төрағасы Наурызбай Байқадамов Мариям Баекееваға жаңа қызметте сәттілік тіледі. Өз кезегінде, Мариям Жәдігерқызы әріптестеріне көрсетілген құрмет үшін ризашылығын білдірді.Мариям Жәдігерқызы аймақтағы статистикалық деректерді қалыптастырумен қатар тіркелімдерді цифрландыруға бағытталған тың жобалардың жүзеге асырылуына дәнекер болды. Оның бастамасымен департамент аумақтық статистика органдары арасында бірінші болып есептерді «Бір терезе» қағидаты бойынша қабылдауға көшті. Мемлекеттік органдардың қызметін бюрократиядан арылтуға бағытталған ауқымды шараларды атқарды. &nbsp;2010 және 2016 жылдары еліміздің әлеуметтік-экономикалық жағдайын анықтауға бағытталған ЮНИСЕФ-тің «Мульти-индикаторлық класттерлік зерттеу» халықаралық жобалары өткізілді. Жоба аясында еліміз үшін маңызды ұлттық мақсаттар мен жаһандық міндеттерді орындауға бағытталған деректер жинақталды. &nbsp;Шаруашылықтардың есепке алу кітаптары электрондық форматқа көшіріліп, нақты статистикалық деректерге онлайн қолжетімділік артты. 2009 және 2021 жылдары өткізілген ел тарихындағы елеулі оқиғалардың бірі - Ұлттық халық санағы өңірімізде сапалы және жоғары деңгейде өткізіліп, сәтті жүзеге асты. Өңірдегі статистика департаментінде атқарған көп жылғы жемісті еңбегі үшін Мариям Жәдігерқызы «Ерен еңбегі үшін» медалі (2018 ж.) және «Статистика үздігі» төсбелгісімен (2013 ж.) марапатталды.<img src="https://knadmin.beoblood.kz/uploads/IMG_20230510_WA_0001_9ab356f120.jpg" alt="IMG-20230510-WA0001.jpg"><img src="https://knadmin.beoblood.kz/uploads/IMG_20230510_WA_0003_e996e2affd.jpg" alt="IMG-20230510-WA0003.jpg">

Әріптестері Мариям Баекееваны жаңа қызметке шығарып салды

<a href="https://kyzylorda-news.kz/">Kyzylorda-news.kz.</a> Дәрігер мамандығының өзге салаға қарағанда рөлі басым. Алдымен сол жолды таңдау үшін үлкен жүрек керек. Ақ халатты абзал жан адам өмірінің арашасы екенін білуі әрі түйсінуі тағы бар. &nbsp;Иә, дәрігер &nbsp;халыққа қызмет етуге өмірін арнайтын абзал мамандық. Ауыртпалық жүгін қорықпай арқалаған &nbsp;көпбейінді облыстық балалар ауруханасының неонатологы &nbsp;Мереке Алтынбекова 5 жылдан бері науқастар жанына араша болуда. Күтімді қажет ететін нәрестерлерді айықтырып, ата-анасына аман-сау қауыштыратын тәжірибелі маманмен әңгімеліскен едік.– Мереке, өкінішке қарай қазір белгілі бір ақаумен дүниеге келетін сәбилердің саны күрт көбейді. Статистиканың өзі мұны растап тұр. Мұның алдын алу үшін жүкті әйелдер қандай шаралар атқаруы тиіс?– Жүкті әйел ең бірінші жергілікті емхана есебінде тіркелу қажет. Егер анасында қауіп тобы бар болса, қосымша бақылау есебінде тұрған жөн. Дені сау ұрпақ болуы үшін жүктілік мерзімінде дұрыс күтіну, рационалды құнарлы тамақтану, күйзеліске туспеу қажет.– Түрлі аурумен немесе күтімді қажет ететін сәбилермен жұмыс істеу қаншалықты жауапкершілікті жүктейді?– Дүниеге сәби келіп, халықтың саны көбейгені қуаныш. Бірақ өкінішке қарай нәрестелердің кейбірі ақаумен туылады. Мұндай жағдайда тек ата-аналарға ғана қиындық тумайды, біз үшін де үлкен жауапкершілік жүгі артылады. Сондықтан 24/7 режимі бойынша қызмет көрсетіп, артылған сенімді ақтауға тырысамыз.– Науқастың диагнозын дөп басып анықтау медицина мамандары үшін маңызды рөл атқарады. Десек те кей сәтте қойылған диагноз дұрыс болмай, ауру асқынып жатады. Диагнозға байланысты күтпеген кезеңдер орын алды ма?– Енді медицина болған соң түрлі жайттар орын алады. Бір нәрестенің өзінде қосымша көптеген диагноз кездесіп жатады. Бөлімшеге түскен әрбір науқасқа толыққанды зерттеу жұмыстары жүргізіледі. Біздің деңгейден аса күрделі асқынулар шыққан жағдайда республика деңгейіндегі мамандармен кеңес жүргізіп, қосымша еміне нұсқаулар аламыз.– Жаңа туған нәрестенің дені төспен емуге қабілетсіз болуда. Бұл мәселеден қалай айығуға болады?– Мұндай мәселе сәбилердің арасында белең алды. Басым көпшілігі мерзімде туған нәрестелерде кездеседі. Себебі шала туған нәресте ағзасы толыққанды дамып үлгермейді. Бұндай нәрестелерде жұтыну рефлекстері өте төмен болғандықтан, асқазан зонды арқылы ана сүтін қажетті мөлшерде беріп, уақыт өте сору ему рефлекстері қалыптаса бастаған жағдайда ана омырауына беру жұмыстары жүргізіледі.– Бүгінде жаңа туған сәбилер арасында қандай аурулар белең алды?– Жаңа туылған нәрестелер &nbsp;көптеген қосымша ақаумен туылып жатыр. Ол туа пайда болған ақаулар, яғни ондай аурулар ұрық болып қалыптасу кезеңінде пайда болады.–“Сары уыз өзегі &nbsp;толық облитерацияланбауы” диагнозы біздің өңірде алғаш рет тіркеліпті. Науқасты емдеп шығу қиынға соқпады ма?– Жұмыс барысында бұл диагноз бірінші рет кездесті. Алғаш рет кездесуіне байланысты абдырап қалғанымыз жасырын емес. Сондықтан науқастың әрбір зерттеу жұмыстары тыңғылықты жүргізілді. Мықты мамандар Болат Маханбетияров, Серік Нүсіпқожаев, Мағжан Абытов, анестезиолог Әбілғазы Жұмасейтұлы, неонатолог-реаниматолог Ольга Хегай сынды дәрігерлермен бірге &nbsp;барлығы сәтті өтті.– Неонатологтар біздің өңірде жеткілікті деп ойлайсыз ба?– Қазір еліміз бойынша медицина мамандарының жетіспеуі үлкен мәселенің біріне айналып отыр. Бұл халыққа көрсетілетін қызмет сапасына да әсер ететіні белгілі. Неонатолог маманы мерзімінен ерте, түрлі ақаумен туылған нәрестелермен айналысатын маман болғандықтан сұраныс жоғары. Біздің өңірде бұл маман жеткіліксіз деп ойлаймын, себебі медицинаны 9 жыл оқыған адам сол үлкен қалалардың бірінде қалғанды жөн санайды. Біздің өңірде де маман тарту, оны тұрақтандыру бағытында жұмыстар жасалып жатыр. Дегенмен де медицинаның жыл сайын дамып келе жатқан сала екенін ұмытпаған жөн. Сондықтан да ондағы кадр даярлауға, аймақтардың дәрігерлермен қамтылуына облыс басшылығы жете мән беруі керек. Әйтпесе, маман тапшылығы үлкен мәселе болып қала береді.– Маманның жұмыста жетілуі үшін шеберлік дәрістерінің рөлі басым. Осы салада қандай білікті дәрігерлерден кеңес аласыз?– Әрине, алға жылжу үшін тәжірибемізді толықтырып жатамыз. Көпбейінді балалар ауруханасында білікті мамандар көп. Соның бірін айтайын, неонатальды хирургия және интенсивті терапия бөлімінің меңгерушісі, білікті неонатолог Ольга Хегайдың ақыл-кеңестерін жиі тыңдаймын.– Жұмысыңыздың шырайлы сәтін қалай бағалайсыз?– Жұмыс барысында түрлі жағдаймен бетпе-бет келуге тура келеді. Қиын сәттерде күрделі жағдайдан шыға білу – тапқырлықтың белгісі. Әйтпесе сенімсіздіктің кесірінен шалыс басуың бек мүмкін. Сол себепті сабырлы шешім қабылдай білудің маңызы зор. Әрине, еңбек жолында есте қаларлық сәттер көп. Алайда, мен үшін сәбилердің өмірін арашалап қалуға жанталасқан оқиға дер едім. Біздің жұмыс науқастың жанын қинаған азапты жеңуден тұрады. Бойыңдағы қайсар мінез – дәрігердің басты қаруы. Яғни алдында қандай қиын іс күтіп тұрса да, бәріне бірдей төтеп беруге дайын болуымыз керек. Сондай-ақ адам өмірінің арашашысы шешімді тез қабылдап, жауапкершіліктен жалтармауы керек. Өйткені қай жерің ауырса, жаның сол жерде. Ақ халатты абзал жандар да шаршайды. Бірақ артқан үмітті ақтап, науқас сәбилерді аман-есен ата анасына қауыштырған шаршауды басады.– Әңгімеңізге рақмет.

Өңірде неонатолог маманы жеткілікті ме?

<a href="https://kyzylorda-news.kz/">Kyzylorda-news.kz.</a> Жасы ұлғая келе кейбір адамдардың есте сақтау қабілеті нашарлап, ұмытшақ бола бастайды. Қарапайым өмірде елей бермейтін бұл ауру медицинада Альцгеймер ауруы деп аталады. Ал Паркинсон – ересек адамдардың орталық жүйке жүйесіндегі немесе орта мидағы нейрондардың бүлініп немесе өліп қалуынан пайда болатын созылмалы ауру. Бір өкініштісі, 200 жылдан бері аталған аурулардың толық емі табылмай келеді, бірақ зерттеулер тоқтаған емес. Маңызды мәселенің шешімін Horizon-2020 бағдарламасы бойынша Еуропалық Одақтың грантын жеңіп алған қазақтандық ғалымдар іздестірген еді. Жоба жайында толығырақ білу үшін химия ғылымдарының кандидаты Нұрғали Икрамұлымен әңгімелестік.‒ Нұрғали, осыған дейін Альцгеймер және Паркинсон ауруларына қарсы дәрілер қолданыста болды ма және олардың тиімділігі қандай еді? Аурудың осы түрлеріне ем іздеулеріңізге не әсер етті? Жалпы елде осы ауру түрімен тіркелген науқастар көп пе?‒ Иә, бұл ауруға қарсы дәрілер бұрыннан қолданыста бар, өйткені ауру түрі ХІХ ғасырдан бері зерттеліп келеді. Алайда осы кезге дейінгі шыққан дәрілер ауруды толықтай жаза алмауда, себебі дәрінің күші тек аурудың бастапқы сатысын емдеуге қауқарлы. Біздің елде де Альцгеймер және Паркинсон ауруларымен науқастар тіркелген, көп жағдайда осы дерт түріне 55-60 жастан асқан адамдар шалдығады.‒ Дәрілік препарат үшін түйежантақ өсімдігі пайдаланылады екен. Бұл шөптің пайдалы екенін қалай білдіңіздер? Түйежантақтан қандай биологиялық заттар алынады? Оның адам ағзасына әсері қандай?‒ Осыған дейін Қорқыт ата атындағы Қызылорда университетінің «Физика-химиялық талдау әдістері» инженерлік бейіндегі зертханасында гранттық қаржыландыру негізінде жоба орындалды. Соның нәтижесінде түйежантақтың құрамындағы пайдалы қосылыстар болып саналатын флавониодтарды бөліп алып және одан атеросклероздың алдын алатын дәрілік қосылыстар бөлініп алынды. Осы алынған қосылыстарды біз әрмен қарай модификациялау арқылы &nbsp;Альцгеймер және Паркинсон ауруын тежейтін препараттар жасауды жалғастырдық. Ал препараттың адам ағзасына әсері жайлы қазір нақты айта алмаймыз, тек клиникалық зерттеулерден кейін толық білетін боламыз. Сондай-ақ зерттеу қорытындысы Web of Science, Scopus базасындағы жоғары рейтингілі журналдарда жарияланады.‒ Дәрілік препарат шетел ғалымдарымен бірлесіп жасалатынынан хабардармыз. Жалпы осы жұмыс барысындағы қазақстандық ғалымдар жайлы айтып беріңізші… Зерттеу жұмыстары қайда жүргізілуде? Осыған дейін де дәрілік заттар жасап шығардыңыздар ма?‒ Жоба Португалия, Нидерланды, Дания, Ресей, Беларусь және Украина ғалымдарымен бірлесіп дайындалады. Дәрілік препаратты алу, оның физика-химиялық қасиетін анықтау ‒ біздің жауапкершілігімізде. Қазір бұл жұмыстарды университет зерханасында жүргізіп жатырмыз. Қазақстандық ғалымдардың құрамында жоба жетекшісі, химия ғалымдарының кандидаты, профессор Нұрбол Орынбасарұлы, техника ғылымдарының магистрі Рахметулла Өмірбекұлы, Қазан ұлттық зерттеу технологиялық университетінің магистранты Баурат Мәлікұлы бар. Бұл зерттеуге дейін микробтар мен зиянды саңырауқұлақтарға қарсы биологиялық қасиеті жоғары органикалық қосылыстар алдық.‒ Клиникалық зерттеулер қай кезде басталуы мүмкін? Дәрілік зат толық мақұлданса, өз елімізде өндіріле ме?‒ Келісімшарт бойынша жобаның зерттелу уақыты төрт жыл деп белгіленген. Біз қазір дәрілік қосылыс алу мақсатында зерттеу жұмысын жүргізіп жатырмыз. Алынған қосылыстардың биологиялық жоғары қасиеті белгілі болса, біз оны клиникалық зерттеуге жібереміз. Ал дәрілік зат толық мақұлданған жағдайда, өз елімізде өндіру жоспарымызда бар.‒ Сұхбатыңызға рақмет!

Нұрғали Икрамұлы: Альцгеймер ауруының емі іздестірілуде

<a href="https://kyzylorda-news.kz/">Kyzylorda-news.kz.</a>&nbsp;Биыл Ұлы Отан соғысының Жеңіспен аяқталғанына 78 жыл толып отырғаны баршаға аян. Әрбір адам үшін Жеңіс күнінің маңызы ерекше. Әсіресе, ұрпағына бейбіт өмір сыйлаған ардагерлерді ардақтау – перзенттік борыш. Бүгінгі бақытты өмірге жеткеніміздің өзі – сол аға буынның арқасы екені мәлім. &nbsp;Осы жолда «Бәрі де майдан үшін, бәрі де жеңіс үшін» деп тылда бел жазбай тер төккен жандардың да еңбегі ерлікпен пара-пар болғаны жасырын емес. Ұлы Жеңіс мерекесі қарсаңында білім бөлімінің басшысы Берік Жәнібеков пен &nbsp;аудандық білім саласы қызметкерлерінің кәсіподақ комитетінің төрағасы, аудандық мәслихат депутаты Алмас Есназар тыл ардагерлері Әбутәліп Есенов пен Рақымжан Бәйменовті мерекемен құттықтап, арнайы сый-сияпат жасады.<blockquote>«Біз қашанда майдангерлермен қатар, тыл ардагерлерін назардан тыс шығармауымыз тиіс. Олар еңбек майданында есейіп, жоқшылықтың кермек дәмін татты. Талай жылдар бойы майдан даласына көмек жіберу үшін аянбай еңбек еткен ардагерлерге құрмет көрсетілгені жақсы. Біздің ардагерлеріміз қызметте де, абырой биігінен көріне білді. Өз кезегінде ардагерді мерекемен құттықтауды жөн санадық. Олардың тағылымды әңгімесі бізге ғибрат сыйлайды. Жыл сайын ардақты ардагерлердің өлшеусіз еңбегін жас ұрпаққа кеңінен дәріптей береміз», – деді аудандық білім бөлімінің басшысы Берік Жәнібеков. &nbsp;</blockquote>&nbsp;&nbsp;&nbsp;&nbsp;&nbsp;

Тыл ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы №285 мамандандырылған мектеп-лицей-интернатында «Әке – асқар тау» тақырыбында волейболдан жарыс өтті.&nbsp;Жобаның мақсаты білім алушылардың отбасылық және әлеуметтік құндылықтары мен құзыреттерін қалыптастыруда отбасы, мектеп, әлеуметтік серіктестердің өзара ынтымақтастығын орнатуға жағдай жасау, балалар тәрбиесінде отбасы рөлін көтеру.Мектеп-лицей-интернат директоры Балзия Абдуллаева жарысқа қатысушыларға сәттілік тілеп жобаның маңызы зор екенін атап өтті.Жарысқа 4 команда қатысып, ойын қызықты, тартысты өтуіне ат салысты. «Әкелер академиясы» жобасы аясында ұйымдастырылған турнир соңында I орынды 7 «А» сыныбының «Қыран» әкелер командасы, II орынды 8 «А» сыныбының «Көк бөрі» әкелер командасы, III орынды 7 «Ә» сыныбының «Тұлпар» әкелер командасы иеленді. Алғыс хатпен 8 «Ә» сыныбының «Достық» командасы марапатталды және сайыста ерекше ойын тактикасымен көзге түскен Бауыржан Баймаханға «Үздік ойыншы» номинациясы берілді.

«Әкелер академиясы»: Мамандандырылған мектепте волейболдан жарыс өтті

Шиелі ауданының әлеуметтік-экономикалық саласы дамып келеді

<a href="https://kyzylorda-news.kz/">Kyzylorda-news.kz.</a> Қармақшылық оқушылар Қазақстан Республикасы Ішкі істер министрінің алғыс хатымен марапатталды.Қармақшы ауданы Жосалы кенті Шоқан Уәлиханов атындағы №26 орта мектептің оқушылары Мадияр Ақназарұлы, Дамир Бекбергенұлы Жақсылықов, Тоқтарқызы Әбдіқадыр Назерке Республикалық «Бала және бағдаршам» жобасына қатысып, жобаның қорытындысы бойынша Қазақстан Республикасы Ішкі істер министрі полиция генерал-полковнигі Марат Мұратұлы Ахметжановтың «Алғыс хатымен» марапатталды. &nbsp;Өз кезегінде оқушылар полиция қызметкерлерімен бірге, балаларға жол қозғалысының қауіпсіздік негіздерін насихаттау және аудан көшелерінде қауіпсіз әрекет дағдыларын үйретуде белсенділік танытты. Қазақстан Республикасы Ішкі істер министрінің «Алғыс хатын» оқушыларға Қармақшы ауданының Полиция бөлімінің бастығы полиция полковнигі Бақытбек Зейнуллаұлы Жаркинбаев табыстады.Қармақшыда турнир өттіЖастар ресурстық орталығы және «QADAM QARMAQSHY» қоғамдық бірлестігінің ұйымдастыруымен "Білім шыңындағы жастар" атауымен турнир өткізілді. Турнир барысында жастар арасындағы өзекті мәселелер бойынша тақырыптар ұсынылып, қатусышалар арасында пікірталас жүргізілді.Сайысқа аудан орталығында орналасқан мектептерден 6 фракция қатысты. Турнир қорытындысы бойынша I орын 250 мектеп лицейі, II орын 26 орта мектебі, III орын 27 орта мектептері марапатталды және үздік спикер алғыс хатымен 105 мектеп Нұргүл Сейітбекқызы, үздік оратр алғыс хатымен 183 мектеп Данил Әбдіқадыров, үздік қарсыласшы алғыс хатымен 30 мектеп Қуатбек Дилназ алғыс хаттармен жәнеде бағалы сыйлықтармен марапатталды.<img src="https://knadmin.beoblood.kz/uploads/346077078_291308519992982_1478981876471102254_n_70fce558bc.jpg" alt="346077078_291308519992982_1478981876471102254_n.jpg">

Қармақшылық оқушылар министрдің алғысына ие болды

<a href="https://kyzylorda-news.kz/">Kyzylorda-news.kz.</a> Бұрын қалада ғана дәм тататын түрлі жеңіл-желпі тағам қазір бізге де келді. Анда-санда қалта қомпайғанда тапсырыс беріп, жеткізу қызметімен үйден шықпай-ақ ұртымызды томпайтамыз. Бірақ кейде өзің қалаған фаст-фуд түрін таба алмай жататын кездер де болады. Ондайда «бізде неге үнемі осылай?» деп іштей күбірлейтініміз бар. Қош. Аудан орталығы былай тұрсын, ауылдағы фаст-фуд «house-ты» естіп пе едіңіз?Іс сапармен Қармақшы ауданына қарасты Ақтөбе ауылына жолымыз түсті. Әдеттегі қалпымызбен жаңалыққа асықтық. Осыдан бірнеше ай бұрын кәсібін бастап, оны дөңгелетіп отырған келіншек барын естіп, үйіне аттандық. Арнайы тағамдар әзірлеуге арналған асханасы мұнтаздай таза. Қайнап жатқан тіршілік. Амандық-саулық сұрасқан соң аңқылдай сөйлеген ол бізді үстел басына жайғастырды. Ауылдың қарапайым келіншегі. «Аузын ашса, жүрегі көрінеді» дейтін бе еді? Сол теңеу осы келіншектің бойына құйып қойғандай. Жолдың «ұрып» тастаған шаршаңқы күйінен соң бұл кездесу бір рахат сезімге бөлегені жасырын емес. Айтылған ашық әңгіме, әзіл-қалжыңды орағытып, жауап бере жүріп екі қолымен тарсылдата ас әзірлеуі бізді тәнті қылмай қоймады. Ол – 32 жастағы ауыл мативаторы Айзат Шамшатова еді. Бұрыннан-ақ үйде отырып кондитерлік өнімдер пісіріп, «тәтті-пәттісіне» тапсырыс алған ол сол кезден-ақ кәсіп ашуға деген ынтасы артқан. Уақыт өте Шымкентке оқуға аттанады. Онда бір айлық курстан өтіп, нағыз тез әзірленетін тағамдардың мастері атанған. Солай ерте жастан тәуекел еткен ол осыдан бірер жыл бұрын «Бастау Бизнес» жобасы бойынша грант жеңіп алады. Бүгінде ауыл ішінде нан өнімдерінен бөлек, донер, КФС, пиццаларды тегін жеткізу қызметімен жіберіп отыр. Ең қызығы, жапонның тағамы сушидың түр-түрін әзірлейді.– Неге ашпасқа? Неге аз да болса талпынып көрмеске? Адамға алдымен тәуекел керек. Одан соң соған бейімі, ынтасы, жігері ұштасса қай кәсіпті болса да дөңгелетіп әкетеді. Ойлана келе, ауылда не жоқ деген сауалға жауап іздедім. Енді міне, нәтижесі өздеріңіз көргендей. Қазір тұрақты тұтынушыларымның қатары артты. Түнгі 00.00-ге дейін тапсырыс қабылдаған соң үлгермеймін. Осындайда қасымда жұбайым көмектеседі, әрі 1 адамды жұмыспен қамтыған жайымыз бар, – дейді жас кәсіпкер Айзат Сәбитқызы.Талапты жастың алға қойған мақсаты көп. Ендігі нысананы дөп басса, бастаған кәсібін одан әрі көркейтіп, дамытпақ ниетте. Ал ауылға ауыздан дәмі кетпес өнімдерді ұсынған келіншекке тұрақты тұтынушылары да дән риза.– Тапсырыс қабылдау басталғалы тұрақты клиент болдық. Тағамдары дәмді. Құдды қаладан алып жегендейсің. Ауылдан осындай кәсіп ашып, тұрғындарға дәмді ас ұсынып отырған аспазымызға рақметімізді айтамыз. Бағасы да қалтаға қонымды, асы да асқазанға сіңімді, – дейді ауыл тұрғыны Гауһар Құлмырзаева.Жақсы әңгімеге ойысқан сұқбатымыз осымен тәмам. Жаңа әзірленген донерінен ыстық күйінде ауыз тиіп, жөнімізбен кеттік. Сондағы ойға оралған жалғыз сөз, «Ауылдағы «doner house» барлық жерге де керек-ақ».

Қазақстан және Қызылорда облысының жаңалықтары