<a href="https://kyzylorda-news.kz/">Kyzylorda-news.kz</a>&nbsp; Қазақстанда сот жүйесін дамытуда және тиімді жұмыс жасауда реформалар тоқтаған емес. Оның ішінде, соттағы татуласу институттарының орны бөлек. Себебі, бүтіндей сот жүйесі дауласқан тараптардың өзара ымыраға келгенін құп көреді. Қазақта «Ашу дұшпан ақыл дос, ақылыңа ақыл қос» деген даналы сөз бар. Ашу адастырады, ақыл жолға салады деген ұлт ұстанымы ұлылықтың бастауы. Ел болған соң сол ашуға беріліп те, ерегісіп те қалып жатады. Кейде түсініспей, не төрелік іздеп, өзін дәлелдегісі келіп төрешілік іздейтін де сәт туады. Осындай қызуқандылықты үстінде үкім кесіп жіберетін сотқа бару түбі жағымсыздыққа әкелетін білген соң ел билігі татуластыру орталықтарын ашып, ата жолға қайта мойын бұрдық. Қазірде ашуға беріліп кеткендер сотқа жүгініп ара¬ны ашшыламай, бітімгерлерге барып, түсінісіп жатыр. Бұл мемлекет үшін де, қоғам үшін де, ең бастысы, ағайын, таныс үшін де, тиімді болып отыр. Себебі, сот тәжірибесі көрсетіп отырғандай, дауды татуластыру рәсімдері арқылы шешу азаматтық іс жүргізудің субъектілеріне тиімді және оң тұстары жетіп артыла-ды.&nbsp; – Біріншіден, дауды татуласты¬ру рәсімдері арқылы реттеу сот шешіміне қарағанда тараптардың бітімге келуіне ықпалды, екіншіден, көп жағдайларда дау тараптардың заң нормаларын дұрыс түсінбеуінен туындап жатады. Ал, сол нормаларды соттың тиісті түрде түсіндіруі аталған рәсімдерді жасауға ықпал етіп, дауласушы та¬рапты ымыраға келтірері сөзсіз, үшіншіден, татуласу рәсімдері тараптар арасындағы дауға ортақ келісіммен соңғы нүкте қоюдың алғы шарты, ал сот шешімі бір тарапты ғана қанағаттандыра алуы мүмкін, төртіншіден, бұл соттың және тараптардың уақытын, қаржысын үнемдейді. Бұл ретте айта кетерлігі татуластыру рәсімдері арқылы шешімін тапқан іс бойынша төленген мемлекеттік баж салығы тараптарға қайтарылады. Тағы бір тиімділігі, сотпен бекітілген қандай да бір келісім ерікті түрде орындалмаған жағдайда, тараптар атқару парағы арқылы мәжбүрлі түрде орындату туралы мәселені көтеруге құқығы бар, – дейді Қазалы аудандық сотының судьясы Серік Мұратбайұлы. Мінекей, осылайша, ата-бабамыздың байсалды, байыпты болмысы ұрпақтары, бізді және бізден кейінгі қоғамды тату-тәтті ұстап отырары анық. Ал, ең ба¬стысы, дауласпауға, түсіністікпен қарап, ашуға берілмеуіміз керек. Ел амандығы – ел бақыты. Қазалы аудандық сотының судьясы Серік Бертайдың айтуынша, қазақ аталы сөзге тоқтап, әділ билердің төрелігіне бағынған халық. Бірде Төле би шідер ұрлап қолға түскен бір ұрыға ұрланған шідердің үш тармағын үш аттың аяғына салдырып, «енді осы үш атты үш жаққа ұрып айда, егер, аттар шідерді үзіп босанып кетсе, айыптан азатсың, ал шідер үзілмесе, үшеуін біріктіріп ұстаса, ер ердің қызметін атқарғаны. Онда бір тармағы үшін бір бесті айып төлейсің» деген үкім айтады. Ұры бірден келісті, әрекет жасап көрді. Əрине, мықты қайыстан жұмыр¬лап өрілген шідерді аттар үзіп кете алмайды, ұры бір шідер үшін үш ат төлеп құтылады. Төленің бұл билігін қазақтар да, кейін қазақтың əдет заңын зерттеген орыс оқымыстылары да «даналық шешім» деп бағалайды. Иә, бұл сол заманның қазіргі тілмен айтқанда медиаторлары. Дау-дамай, кикілжіңдерді шешіп, елдегі ынтымақты, бірлікті сақтауда бір ауыз сөзі жеткілікті болатын. Осы жасалынған жаңашылдықтар дауды мейлінше, азайтуға, қоғамда татуластық пен тұрақтылық орнатуға бағытталғанын ескерген жөн. Сотқа дейінгі татуласу – дауды шешудің ең тиімді әдісі. &nbsp;Фото: Н.Нұржаубай

Серік Бертай: Сот жүйесі дауласқан тараптардың өзара ымыраға келгенін құп көреді

<a href="https://kyzylorda-news.kz/">Kyzylorda-news.kz.</a> Ол өзінің білімі мен меңгерген мамандығын кәсіпке айналдырған жан. Қиындығы мен жауапкершілігі жоғары екендігін білсе де &nbsp;сөйлеу тілінің кеш дамып, зейіні тұрақсыз балаларға қолдау көрсетуді өзінің міндетіне балап, кәсібіне айналдырған Арал қаласындағы логопедиялық түзете–дамыту орталығының негізін қалаған кәсіпкер, логопед-дефектолог Елеубаева Назерке Бауыржанқызымен сұхбаттасқан едік.– Өзіңіздің меңгерген мамандығыңызды кәсіпке айналдыру идеясы сізге қайдан келді?– Мен жоғары оқу орнын бітіріп келген соң «Ұмай» мүмкіндігі шектеулі балаларды қолдау орталығында еңбек жолымды бастадым. Өзіңіз жақсы білесіз, ол жерде әртүрлі диагнозы бар балалар келеді. Бастапқыда ерекше баламен жұмыс істеу қиын болды. Бірақ мен өз мамандығымды жақсы көрдім. Ылғи ізденіс үстінде жүрдім. Кейіннен қаладағы «Балдырған» балабақшасына жаңа қызметке орналастым. Мемлекеттік мекемеде жұмыс істей жүріп, мүмкіндігі шектеулі, ерекше балаларға арналған жеке кабинет ашқан болатынмын. Содан бері де 8 жыл уақыт өтіпті. Бұған ең бірінші түрткі болған ауданның экологиялық ахуалы салдарынан ДЦП, дауын, сынды дәрігерлер тұжырым жасаған балалардың көптігі. Бұған қоса қазір дұрыс сөйлей алмайтын емес, мүлде сөйлемейтін балалар саны артып келеді. Ата-аналар баласын облыс орталығы, ірі қалаларға апарып, артық қаражат сарп етіп жатады. Сондықтан неге біз де осындай орталық ашпасқа деп ойладым. Және сол ойымды жүзеге асырдым.– Түрлі диагнозы бар балалармен жұмыс жасау үшін білім мен біліктілік қатар жүруі керек. Сіз өзіңіздің кәсібилігіңізді қалай шыңдадыңыз?– Ешқашан ізденуді тоқтатқан емеспін және тоқтапаймын да. Республика көлемінде өткен түрлі курстар, семинар-тренинг, форумдарға қатысып отырамын. Барлық нәрсе адамға тәжірибемен келеді. Алдыма келген әрбір балаға ең алдымен толық сараптама жасаймын. Қазіргі таңда сөйлемейтін, тілінде мүкісі бар балаларға қарағанда түсінігі аз, мүлде сөйлей алмайтын, зейіні тұрақсыз балалар көбейіп отыр. Мұндай балалар логопед-дефектолог маманға келмес бұрын бейімделген спорт арқылы ми клеткаларындағы дамуы баяулаған жасушаларды жандандыру керек. Жуырда ғана Алматыда өткен республикалық форумға қатыстым. Бұл маған үлкен тәжірибе алаңы болды. Соның нәтижесінде АФК яғни, бейімделген спорт арқылы бейімдеу, массаж кабинеттерін аштым.– Бұл дегеніміз сіздің орталық үлкейіп, қызмет аясы кеңейіп жатқандығын білдіреді ғой. Орталыққа қанша бала келеді?– Иә, орталық кеңейді. Тұрақты түрде келіп ем алып жүрген 30 бала бар. Оларға диагнозіне қарай 5 маман қызмет көрсетеді. Ең алдымен балалар бейімделген спорт кабинетінде маманның түрлі жаттығулары арқылы ем-шара алады. Сонан соң балаға қайта сараптама жасалып, кейінгі белестерге өте беретін болады. Негізінен балаланың зейіні тұрақсыз болуы, сөйлей алмауы, денесі жетілгенімен, ой-өрісі мен сөйлеу аппаратының өз жасынан бірнеше жасқа кейін қалуын емдеудің ең оңтайлы жолмен жұмыстар жасау. Бұл жерде медицина мен педогогика біріге жұмыс істейді. Ең алдымен невропатолог тұжырымдама жасайды. Логопед-дефектолог соған сай жұмыс жүргізеді.– Бір баланы толық емдеп шығуға қанша уақыт кетеді?– Негізі бұл тікелей бізге байланысты деп қарастыру қате пікір. Біздің орталыққа келетін балалармен мамандар аптасына 5 күн, 45 минут жұмыс жүргізеді.Қалған уақытта біз ата-аналарға жаттығу кестесін ұсынамыз. Осы бойынша үйде қайталау керектігін ескертеміз. Бірақ өкінішке орай, кейбір ата-аналар орындамай жатады. Мұндай балалар үнемі жаттығуда болғанда ғана нәтижеге жету жақындай береді. Және бір ескеретіні, тоққа салып емдеудің қажеті жоқ. Казір көбі бірден нәтиже береді деген сеніммен көрші мемлекеттерге барып түрлі аппараттарға түсіп, екпе алып келіп жатады. Мұны уақытша жетістік дер едім. Жоғарыда айтқандай, балаға жаттығу жасау &nbsp;арқылы сатылап дамытқанда ғана тұрақты нәтиже болады.– Өз мамандығыңызды толық меңгеріп, нәтижеге жетіп отырған маман ретінде алдағы уақытта шәкірт тәрбиелеу ойыңыз бар ба?– Әрине университет теориялық білім береді. Ал мамандықтың шыңына шығу үшін еңбек жолында кездескен әрбір ерекше баланың қажеттілігіне қарай іздену арқылы тәжірибе жинақтайсың. Жақында жұмыспен қамту бөліміне логопед-дефектолог мамандығы бойынша дипломы бар жастар болса қоғамдық негізде жұмысқа қабылдап, бар білгенімді үйретемін деп ұсыныс бердім. Егер ата-аналар мен қызығушылығы бар жастар тарапынан ұсыныстар түссе, қуана-қуана білгеніммен бөліскен болар едім.– Сөйлеу тілі кеш дамып жатқан балалары бар ата-аналарға маман ретінде қандай кеңес берер едіңіз?– Бізде бала жасына сәйкес сөйлей алмай жатса оны «ой, еркеліктен» деп қабылдаймыз. Кешеуілдеп жатқан болар, кейін сөйлеп кетеді деп қараймыз. Бұл қате пікір. Қалыпты бала жасына сай сөйлей алуы керек. 1 жаста бала 10 сөз айта алуы қажет. Осылай көп ата ана уақытты кешіктіріп алады. Көпшілік ата-ана баланы 5-6 жасқа толған кезінде алып келеді. Бала сөйлеу үшін ең алдымен оның түсінігін дамыту керек. Эмоциясын орынды және дене мүшелерін мақсатты түрде қолдана алу қажет. Және көп ата-аналар тұрмыстық қажеттіліктен болар бәлкім, баланы жасқа толмай жатып жұмысқа қосылып кетіп қасында бола алмайды. Бала нағыз дамитын кезінде телефон мен теледидар қарап отырады. Осы кезде орыс, ағылшын, басқа да тілдегі бағдарлама, мультфильмдерді қарау арқылы санасында қабылдау тетігі сараланбай сансырап қалады.– Алда қандай жоспарларыңыз ба?– Орталықта әлі де жетіспейтін дүниелер бар. Соларды толықтырып, бар мүмкіндікті қарастырсам екен деймін. Нейропсихолог, интегративті педиатр сияқты мамандар қосқым келеді. Біздің қызметімізге мұқтаж бүлдіршіндерді дамыту ол маған үлкен шабыт әкеледі.Осы кезге дейін қаншама баланы қалыпты қатарластарына қосылып кетуіне қолдау көрсеткенім үшін қуанамын. Аралдың балалары алысқа шабылмай бар қызметті бір жерден ала-алатындай орталық ашуды жоспарлап отырмын.– Мемлекеттік мекемедегі қызмет, кәсіп, отбасы &nbsp;- шаршамайсыз ба?– Ет пен сүйектен жаралған пенде болған соң шаршау – заңдылық. Бірақ мына жақта менің көмегіме мұқтаж жандар қиналып жатса, оларды қалай түзетуді біліп тұрып қолдау көрсетуден бас тартып жатсам ол адамгершілікке жата ма? Менің негізгі мақсатым – бұл орталықтан табыс көзін табу емес, елдің алғысын алу. Ал қаражат еңбектің өтеуі, қажеттілік үшін ғана. Өзім көмектескен балалардың қуанышты жүзін көргенде, ата-аналарының алғысын естігенде, өзім де қуанышқа бөленіп шаршағанымды да ұмытып кетемін. Егер адам қаласа жұмысты да, кәсіпті де игеріп отбасында да бақытқа кенеле алады.– Әңгімеңіз үшін рахмет, еңбекте табысты болыңыз!Фото: Нұрболат Нұржаубай&nbsp;

Аралдық жас логопед мамандығын кәсіпке айналдырып отыр

Kyzylorda-news.kz. Қызылорда қаласында жол бойындағы талға соғылған жеңіл көлік толығымен жанып кетті. Бұл туралы Қызылорда облыстық ТЖД баспасөз қызметінен мәлім етті, деп хабарлады Azattyq Rýhy.Оқиға облыс орталығындағы Сүлейменов көшесі №37 тұрғын үйдің тұсындағы жол бойында бүгін, сағат 2.25 шамасында болған.Жол бойындағы талға соғылған «Lada Largus» маркалы жеңіл автокөлігі толығымен жанды. Өрт сағат 2.39 минут өткенде толық сөндірілді, - деп мәлім етті Қызылорда облыстық төтенше жағдайлар департаментінен.Оқиға орнында ТЖД-нен 5 қызметкер 1 техникамен жұмыс жасады.Сондай-ақ жергілікті полиция қызметі бөлімі, жедел жәрдем бригадасы, Қызылорда электр тарату торабынан мамандар қызмет атқарды.Фото: depositphotos.com

Қызылордада талға соғылған көлік жанып кетті

<a href="https://kyzylorda-news.kz/">Kyzylorda-news.kz</a>. Көктемде адамның тәбеті тартпай, әлсіреп, бойын мазасыздық билейді, деп хабарлайды EL.kz ақпарат агенттігі.Дәрігерлер ол иммунитеттің түсуінен дейді. Оған жол бермес үшін, мына қарапайым белгілерге мән бергеніңіз абзал:Стресстен аулақ болыңызСтресс иммунитеттің төмендеуіне және аурулардың дамуына айтарлықтай ықпал етеді.Ұйқы және демалу режимін сақтаңызҰйқы қанбау режимнің болмауы және артық күш жұмсау организмді әлсіздендіреді және қорғансыз күйге түсіреді.Көбірек дәрумен қабылдаңызРациондағы әртүрлілік және көкністер мен жемістерді көп мөлшерде пайдалану денсаулықты нығайтуға және ас қорыту жүйесінің жұмысын жақсартуға көмектеседі.Серуендеу және жаттығуКүн сайын отыз минут дене шынықтыру немесе таза ауада серуендеу инфекцияларға төзімділікті арттырады және тонусты көтереді.Су ішіңізСу метаболизм процестерін жақсартады және зиянды заттарды шығарып, пайдалы заттары сіңіруге көмектеседі.Фото: Нұрболат Нұржаубай

Көктемде иммунитетті күшейтудің оңай жолы қандай?

Фото:ашық дерекөзKyzylorda-news.kz. Денсаулық сақтау министрі Ақмарал Әлназарова учаскелердегі дәрігерлерді өзіне тән емес функциялардан босатып, олардың еңбегін ынталандыру шарттарын қайта қарау қажет екенін айтты, деп хабарлады inbusiness.kz.Министр Қарағанды облысына жұмыс сапарымен барып, облыс халқымен кездесуінде жалпы практика дәрігерлеріне жағдай жасау керек екенін айтты.<blockquote>Денсаулық сақтау жүйесіндегі біздің міндетіміз – медициналық қызметтердің көлемін арттыру ғана емес, ең алдымен олардың сапасын қамтамасыз ету. Біз емханалардағы жалпы практика дәрігерлеріне жүктеме көтерілмейтінін көріп отырмыз, пациентті емдеуге аз уақыт қалады, оны өзіне тән емес функциялардан босатып, учаскелердегі дәрігерлердің еңбегін ынталандыру шарттарын қайта қарау қажет, - деп атап өтті ол.</blockquote>

Денсаулық сақтау министрі дәрігерлерге қатысты мәлімдеме жасады

Kyzylorda-news.kz. Көктемнің көркем мерекесі 8 наурыз – Халықаралық әйелдер күні қарсаңында Қызылордада мерекелік кеш өтті.Салтанатты іс-шараға Халықаралық «ТҮРКСОЙ» ұйымының бас хатшысы Сұлтан Раев, ҚР Мәдениет және ақпарат министрі, Президент жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева, комиссия мүшелері, белгілі қоғам қайраткерлері, өңірлерден келген делегациялар, облыстың зиялы қауым өкілдері, еңбек ардагерлері, қоғамдық ұйымдар қатысты.<blockquote>«Мемлекет басшысы Қасым-Жомарт Кемелұлы «Әйелдердің қоғамдағы рөлін кеңейте түсу – мемлекетіміздің алдында тұрған негізгі міндеттің бірі» деген болатын. Тәуелсіз Қазақстанның толағай табыстары мен Сыр өңірінің бүгінгі қол жеткен жетістіктерінің барлығында әйелдер-аналардың, қыз-келіншектердің қолтаңбасы бар. Ардақты аналарымыздың рухынан күш, ұлағатынан тәлім түйген аруларымыз экономикамыздың барлық саласында табысты еңбек етіп келеді. Аймағымызда мемлекеттік қызметшілердің нақты саны 3233 адам болса, оның 1493-і немесе 46,2%-ы әйелдер, 36 мыңнан астам көп балалы аналардың 17 мыңнан астамы – алтын және күміс алқалы Батыр аналар. Құрметті аналар, қыз-келіншектер! Қоғам мен мемлекет дамуына белсене араласып, туған жеріміздің берекесі артуына, келбетінің көркеюіне әрдайым &nbsp;үлес &nbsp;қосып келесіздер. Сіздерге мың алғыс!», – деді аймақ басшысы.</blockquote>Іс-шарада Халықаралық «ТҮРКСОЙ» ұйымының «Үздік мәдени өңір» номинациясына Сыр өңірі лайық деп танылғаны жарияланып, ұйымның бас хатшысы Сұлтан Раев марапатты облыс әкіміне табыстады.Ерекше атап өтетін жайт, бұл номинация «ТҮРКСОЙ» &nbsp;шеңберінде екі адамға ғана берілген. Оның бірі «Нобель» сыйлығының иегеріне, ал екіншісі танымал әнші Димаш Құдайбергенге табысталған. Үшіншісі түркі руханиятының алтын қазығы қағылған Сыр өңіріне келді. &nbsp;Символикада алтын жалатылған пырақ бейнеленген.Бүгінде аймақтың мәдениет және өнер саласында жағымды жаңалық жетерлік. Осыған дейін өңірде «Анаға тағзым», «Отбасы орталығы» ашылып, халыққа қызмет көрсетіп келсе, бүгін 1000 орындық «Өнер орталығы» пайдалануға берілді. Мүмкіндігі шектеулі өнерпаздардың «Инклюзивті театры» құрылды, бұған дейін 10 жылға жуық үйірме ретінде жұмыс жасап келген «Жастар театры» кәсіби ұжым болып өнер көрсетуде.Елордада Астана қаласының 25 жылдығына орай «Сұлу Сырдан – ару Астанаға» атты Қызылорда облысының өнер күндері жоғары деңгейде өткізілді. Халықтың ыстық ықыласы мен қошеметіне бөленген шара сәуір айында Алматы қаласында да ұйымдастырылады.Мәдениет және өнер, әдебиет өкілдерін қолдау мақсатында өткен жылдан бері тағайындалған «Тұран» сыйлығын табыстау дәстүрге айналмақ. Ұлыстың ұлы күні – Наурыз мейрамы қарсаңында «Жыраулар үйі» ашылады. Облыстық өлкетану музейінің құрылысы басталды. Жеті ауданда заманауи «Руханият орталықтары» салынуда. Жақын күндері балалар мен жасөспірімдерді өнерге баулып, &nbsp;шығармашылығын шыңдайтын «Шығармашылық академиясы» бой көтереді.Аймақ басшысының бастамасымен айтулы мерекелерде еліміздің, туған жеріміздің &nbsp;әлеуметтік-экономикалық, мәдени-рухани дамуына айрықша еңбек сіңірген тұлғаларға «Қызылорда облысының Құрметті азаматы» атағы табысталып келеді. Бұл дәстүр бүгін де жалғасын тауып, құрметті атақ белгілі композитор Рамазан Таймановқа берілді. Сондай-ақ, Сыр өңірінің руханияты мен өнеріне ерекше үлес қосқан мәдениет майталмандары облыстың ең жоғары наградасы – Қызылорда облысының Құрмет грамотасымен марапатталды. Салтанатты іс-шара көңілді концерттік бағдарламамен аяқталды.<img src="https://knadmin.beoblood.kz/uploads/FB_IMG_1709414878447_a7a665dc8f.jpg" alt="FB_IMG_1709414878447.jpg"><img src="https://knadmin.beoblood.kz/uploads/FB_IMG_1709414852938_e24fb2176c.jpg" alt="FB_IMG_1709414852938.jpg"><img src="https://knadmin.beoblood.kz/uploads/FB_IMG_1709414850058_812bc68f59.jpg" alt="FB_IMG_1709414850058.jpg"><img src="https://knadmin.beoblood.kz/uploads/FB_IMG_1709414887702_95376e9773.jpg" alt="FB_IMG_1709414887702.jpg"><img src="https://knadmin.beoblood.kz/uploads/FB_IMG_1709414867155_ca5c70e837.jpg" alt="FB_IMG_1709414867155.jpg"><img src="https://knadmin.beoblood.kz/uploads/FB_IMG_1709414859184_2e2754b2c1.jpg" alt="FB_IMG_1709414859184.jpg">

«ТҮРКСОЙ» ұйымының «Үздік мәдени өңір» номинациясына Сыр өңірі лайық деп танылды

<a href="https://kyzylorda-news.kz/">Kyzylorda-news.kz</a>. Бүгін Қызылордада «Анаға тағзым» республикалық Аналар форумы өтті. Іс-шараға ҚР Мәдениет және ақпарат министрі, Президент жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева, ҚР Парламенті Сенатының депутаты Руслан Рүстемов, Мәжіліс депутаты Мархабат Жайымбетов, аталған комиссияның мүшелері, белгілі қоғам қайраткерлері, өңірлерден келген делегациялар, еңбек ардагерлері, мәслихат депутаттары, көп балалы аналар, ұстаздар, облыстың зиялы қауымы, қоғамдық ұйым өкілдері қатысты.Облыс әкімі Нұрлыбек Нәлібаев форум жұмысына сәттілік тілеп, қоғамдағы аналардың рөлін ерекше атап өтті.<blockquote>«Өткен жылы өңірімізге жұмыс сапарымен келген Мемлекет басшысы Қасым-Жомарт Кемелұлы жаңадан ашылған «Анаға тағзым» орталығында болды. Мұндай орталықтардың жастарға тәлім-тәрбие берудегі маңызын айтып, жоғары бағасын берді. Сонымен қатар, бүкіл еліміздің аналары бас қосатын тәжірибе алмасу алаңының жұмысын үйлестіруді тапсырды. Президент жанындағы әйелдер істері және отбасылық-демографиялық саясат жөніндегі Ұлттық комиссиямен бірлесіп, өткен жылдың қараша айында алғаш рет «Анаға тағзым» республикалық форумын ұйымдастырдық. Шара қонақтары бұл жиынды дәстүрлі түрде өткізуді ұсынды. Алты Алаштың анасы – қасиетті Сыр өңіріндегі тағылымды шараның жалғасын табуының, дәстүрге айналуының өзіндік символдық мәні бар деп білеміз. Бүгінгі форум Ұлттық комиссиямен бірлесіп ұйымдастырылды. Мақсаты – үйдегі берекені сақтаушы, қоғамдық-саяси үдерістерге белсенді қатысушы әйел-ананы ардақтау, ерекше мәртебесін құрметтеу сияқты мызғымас дәстүрлі құндылықтардың төңірегіне қоғамды топтастыру. Ұлы Даланың ұлы аналарының ізгі жолын дәріптеп, жас ұрпаққа рухани-адамгершілік тәрбие беру. Өткеннің тағылымын жаңа дәуірдің талабымен сабақтастырып, бүгінгі қазақ әйелінің үлгілі бейнесін қалыптастыру», – деді аймақ басшысы.</blockquote>Іс-шарада ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева әйел-аналардың ел дамуы мен өркендеуіне қосқан зор үлесін атап өтті. Олардың қоғамдағы орнын, құқықтары мен мүмкіндіктерін кеңейту мемлекеттік саясаттың басым бағыты болып қала беретінін айтты. Бүгінде отбасы және гендерлік теңдік институтын дамытудың қазақстандық моделі айқындалған 2030 жылға дейінгі Тұжырымдаманы іске асыру жалғасуда. Мемлекет басшысы белгілеген басымдықтарға сәйкес, оның қызметі әйелдер мен балалардың құқықтарын қорғаудағы өзекті мәселелерді пысықтауға шоғырланған.Жиында Қазақстанның еңбек сіңірген қайраткері, тіл жанашыры Асылы Осман, Қазақстан халқы Ассамблеясы жанындағы республикалық Аналар кеңесінің төрағасы Назипа Шанаи, республикалық «Әкелер одағы» қоғамдық бірлестігінің төрағасы Мақсұтбек Айтмағанбет, «AMANAT» партиясы әйелдер қанатының төрағасы Шолпан Каринова және жерлестеріміз, белгілі тележүргізушілер Қымбат Досжан, Дана Нұржігітова, Қазақстанның еңбек сіңірген қайраткерлері Елена Әбдіхалықова, Елмұра Жаңабергенова, Жеңіс Ысқақова, Ұлжан Байбосынова сөз сөйледі.Форумда Аида Балаева отбасы құндылықтарын үнемі насихаттап, әйелдер істері және отбасылық-демографиялық саясатты белсенді іске асыруға атсалысқан қыз-келіншектерді марапаттады.Айта кетейік, Сыр өңірінде бұл бағытта ауқымды жұмыстар атқарылуда. Демеушілердің қолдауымен 1 млрд 700 млн теңгеге «Анаға тағзым» орталығы салынып, халық игілігіне берілді, «Отбасы орталығы» өз қызметін бастады.Жыл басы және жаңару мезгілі – Наурыздан бастап, ұлттық құндылықтарымызды дәріптеп, салт-дәстүрлерімізді насихаттау мақсатында 2024 жыл – «Руханият жылы» деп жариялануда. Атаулы жылда тек мәдени-көпшілік шаралар ғана емес, ауқымды жобалар жүзеге асырылады. Клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары ашылады. Онда балалар мен жасөспірімдерге қосымша білім, тәрбие беріледі. Сыр өңірінің руханият кеңістігіндегі бұл бастамалар Мемлекет басшысы ұсынған, әділетті мемлекет пен біртұтас қоғамның берік негізі саналатын «Адал адам» тұжырымдамасын жүзеге асыруға зор үлесін қосады.Биыл 7 ауданда неке қию залы, кітапхана, музей, архив, жастар орталығы, ардагерлер мен аналар үйін біріктіретін «Руханият» орталықтары бір мезетте салынады. Ол үшін облыстық бюджеттен 11 млрд 500 млн теңге қаржы жоспарлануда. Орталықтарда аға буын мен жастар бірлескен жобаларды жүзеге асырады, жас буын үлкендердің ақылын тыңдап, тәжірибе алмасады.Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы» салынуда.Облыс әкімі жанындағы әйелдер істері және отбасылық-демографиялық саясат жөніндегі комиссия кешенді шаралар атқаруда. Өткен жылы комиссия мүшелері барлық аудандарды аралап, тұрғындармен кездесті, психологтардың қатысуымен тренингтер өткізді. Аналарды қолдау және адал еңбекті насихаттау мақсатында Ауыл әйелдерінің форумы ұйымдастырылды. Әкелер одағы құрылып, ер бала тәрбиесіне қатысты жүйелі шаралар атқарылуда. Облыстық Әкелер форумының қорытындысында белсенді азаматтардың пікір алаңы қалыптасты. Барлық мектептерде Әкелер, Аналар кеңестері белсенді жұмыс жасауда. Ұлттық комиссияның тапсырмасына сәйкес облыс әкімінің отбасы және әйелдер істері жөніндегі уәкілі тағайындалды.Фото: Қызылорда облысы әкімінің баспасөз қызметі

 Қызылордада «Анаға тағзым» республикалық Аналар форумы өтті

&nbsp;<a href="https://kyzylorda-news.kz/">Kyzylorda-news.kz</a>. &nbsp;Оқу-ағарту министрінің 2024 жылы 21 ақпандағы бұйрығымен Отбасы және балалар саласында мемлекеттік қызметтер көрсету қағидаларына өзгерістер енгізілді. Бұл туралы<a href="https://stan.kz/mektep-okushilarina-karzhilay-komek-korsetiledi-kimderg-396390/"> Stan.kz</a> ақпарат агенттігі хабарлайды.Ереженің жаңа редакциясында мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек көрсету тәртібін айқындайтыны көрсетілген:мемлекеттік атаулы әлеуметтік көмек алуға құқығы бар отбасы балалары; жан басына шаққандағы орташа табысы күнкөріс деңгейінен төмен мемлекеттік атаулы әлеуметтік көмек алмайтын отбасы балалары; отбасында тұратын жетім және ата-анасының қамқорлығынсыз қалған балалар; төтенше жағдайлар нәтижесінде шұғыл көмекке мұқтаж отбасылардан шыққан балалар; білім беру ұйымының алқалы органы айқындайтын білім алушылар мен тәрбиеленушілердің басқа санаттары.Қамқоршылық кеңес білім беру ұйымының алқалы басқару органы."Мемлекеттік білім беру ұйымдарының оқушылары мен тәрбиеленушілеріне қаржылық және материалдық көмек көрсету" мемлекеттік қызметін алу үшін білім беру ұйымына келесі құжаттарды қосып, өтініш беру қажет:жеке басын куәландыратын құжат (жеке басын сәйкестендіру үшін қажет); баланың (балалардың) электрондық нысандағы туу туралы куәлігі немесе оның қағаз жеткізгіштегі көшірмесі, "АХАЖ тіркеу пункті" ақпараттық жүйесінде (АХАТ АЖ) немесе Қазақстаннан тыс жерде туған жағдайда; некеге тұру немесе некені бұзу туралы куәліктің көшірмесі (АХАЖ бөлімінде ақпарат болмаған жағдайда); уәкілетті органның қорғаншылықты (қамқоршылықты) белгілеу туралы, патронаттық тәрбиеге және патронаттық отбасына беру туралы шешімінің көшірмесі; табиғи және техногендік сипаттағы төтенше жағдайларға әкеп соқтырған жағдайлардың, апаттардың себептерін зерттеу актісі.Білім беру ұйымында өтініштерді қарау үшін білім беру ұйымының бірінші басшысының шешімімен жауапты тұлға бекітіледі. Көрсетілетін қызметті беруші құжаттарды алған күннен бастап бір жұмыс күні ішінде ұсынылған құжаттардың толықтығын тексереді. Көрсетілетін қызметті алушы құжаттардың толық емес топтамасын немесе қолданылу мерзімі өтіп кеткен құжаттарды ұсынған жағдайда, көрсетілетін қызметті беруші құжаттарды алған күннен бастап бір жұмыс күні ішінде өтінішті қабылдаудан бас тартады.Бұл ретте көрсетілетін қызметті алушының жеке басын, баланың тууын, некені немесе некені бұзуды растайтын құжаттар туралы, жұмыссыз ретінде тіркеу туралы, көрсетілетін қызметті алушының (отбасының) мемлекеттік атаулы әлеуметтік көмек алушыларға тиесілігі туралы, мемлекеттік әлеуметтік көмек алмайтын адамдардың табыстары, жан басына шаққандағы орташа табысы ең төменгі күнкөріс деңгейінен төмен болса, көрсетілетін қызметті беруші қорғаншылыққа немесе қамқоршылыққа алынған жетім балалар мен ата-анасының қамқорлығынсыз қалған балалар, патронаттық тәрбиешілер және патронаттық отбасылар туралы ақпаратты тиісті мемлекеттік ақпараттық жүйелерден алады.Көрсетілетін қызметті берушілер бір реттік парольді жіберу немесе портал хабарламасына жауап ретінде қысқа мәтіндік хабарламаны жіберу арқылы порталда тіркелген пайдаланушының ұялы телефон нөмірі арқылы берілген құжат иесінің келісімі бойынша цифрлық құжаттама қызметінен цифрлық құжаттарды алады. Құжаттарды тексеру нәтижелері бойынша көрсетілетін қызметті беруші үш жұмыс күні ішінде мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек бөлу туралы хабарлама дайындайды.Патронаттық тәрбиеге алынған балаларға қатысты, қамқоршылық кеңес отбасының материалдық жағдайын зерттеудің қорытындысы бойынша материалдық көмекке мұқтаждықты анықтайды.Қорытындыға қамқоршылық кеңестің мүшелері қол қояды және қарау үшін өтініш берушіге, ол болмаған жағдайда – куәландыру жүргізілген отбасының кәмелетке толған әрекетке қабілетті мүшесіне ұсынылады.Көрсетілетін қызметті алушының, ал ол болмаған жағдайда отбасының кәмелетке толған әрекетке қабілетті мүшелерінің бірінің материалдық жағдайына сауалнама жүргізуден бас тартуы қорғаншылық кеңес мүшелері қол қоятын қорытындымен ресімделеді.Қамқоршылық кеңес отырысының нәтижелері бойынша көрсетілетін қызметті беруші үш жұмыс күні ішінде мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек бөлу туралы хабарлама дайындайды.Қаржылық көмек көрсетуден бас тарту негіздері:ұсынылған құжаттардың немесе олардағы деректердің сенімсіздігін анықтау; көрсетілетін қызметті алушының немесе мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің белгіленген талаптарға сәйкес келмеуі; отбасының материалдық-тұрмыстық жағдайын зерттеу нәтижелері бойынша дайындалған қамқоршылық кеңестің қорытындысы бойынша материалдық және материалдық көмекке мұқтаж емес; өтініш берушінің мемлекеттік қызметті көрсету үшін қажетті шектеулі дербес деректерге қол жеткізуге келісімінің болмауы.Мемлекеттік қызметті көрсетуден бас тартылған жағдайда, көрсетілетін қызметті беруші мерзім аяқталғанға дейін үш жұмыс күнінен кешіктірмей өтініш берушіге бас тарту туралы алдын ала шешім, сондай-ақ істі қарау уақыты мен орны туралы хабарлама жібереді.Мемлекеттік қызметті көрсету нәтижелерімен келіспеген жағдайларда көрсетілетін қызметті алушы сотқа жүгіне алады.Бұйрық 2024 жылғы 10 наурыздан бастап күшіне енеді.Фото: Нұрболат Нұржаубай

Қазақстандық кейбір мектеп оқушыларына қаржылай көмек көрсетіледі

<a href="https://kyzylorda-news.kz/">Kyzylorda-news.kz</a>. Жедел жәрдеммен ауруханаға жеткізілген бала жансақтау бөліміне жатқазылған.Аталған жағдай бойынша Түркістан облысы полиция департаменті өз-өзіне қол жұмсауға дейін жеткізу фактісі бойынша қылмыстық іс қозғады,&nbsp;деп хабарлайды&nbsp;<a href="https://sn.kz/sn-akparat-agyny/110496-turkistan-oblysynda-okushy-kyz-3-kabattan-sekirip-ketti">Skifnews.kz</a>&nbsp;ақпарат порталы.<blockquote>«Жағдайы ауыр болатын. Бірден жансақтау бөліміне жатқыздық. Тексеру нәтижесінде бас ми&nbsp;жабық жарақаты, жамбас және омыртқаның жабық сынығы анықталды. Алғашқы көмек көрсетіп, емдедік. Қазір сынық-сырқат бөлімінде ем&nbsp;қабылдап жатыр»,&nbsp;— деді дәрігер-травматолог Абдусамат Утамуратов.</blockquote>Аталған жағдай бойынша Түркістан облысы полиция департаменті өз-өзіне қол жұмсауға дейін жеткізу фактісі бойынша қылмыстық іс қозғады.Болған оқиғаның бүкіл мән-жайы анықталып жатыр.<blockquote>«Сараптама тағайындалды. Тергеу барысы полиция департаменті басшылығының бақылауында» делінген Түркістан облысы полиция департаментінің баспасөз қызметі ұсынған ақпаратта.</blockquote>Фото: Нұрболат Нұржаубай

Түркістан облысында оқушы 3-қабаттан секіріп кетті

Семейде ер адам кішкентай қызды аңдып, оны құтқармақ болған полицейге үш рет пышақ сұққан. &nbsp;Бұл туралы<a href="https://stan.kz/semeyde-er-adam-13-zhasar-kizdi-andip-artinsha-policeyd-396402/">&nbsp;Stan.kz</a>&nbsp;ақпарат агенттігі хабарлайды.29 ақпанда полицейлерге 13 жасар қызды белгісіз ер адам аңдып жүргені туралы хабарлама түскен. Бала 102 операторына дүкенде күтіп тұрғанын, сыртқа шығуға қорқатынын айтып, қоңырау шалған.Жергілікті полиция қызметкерлері оқиға орнына барып, күдіктіні байқап, мән-жайды анықтауға тырысты. Алайда&nbsp;қолына пышақ ұстаған жігіт тәртіп сақшыларына шабуылдай бастаған.<blockquote>"Полиция қызметкерлері ер адамның дүкеннен әрі алып кету&nbsp;керек екенін түсінді, өйткені ол жолда тұрғындарға шабуылдауы мүмкін еді. Агрессивті ер адамның назарын аударып, полиция қосымша күштерді сұрады, оқиға орнына дереу патрульдік полиция бригадасы келді", –&nbsp;делінген хабарламада.</blockquote>Пышақ ұстаған ер адам патрульші Асхат Ахатовқа шабуыл жасап, оны жарақаттаған. Полицей қоян-қолтық ұрыс дағдыларын қолданып, әріптестерімен бірге қаскөйдің пышағын тартып алды.Полицей басынан үш жарақат алып, ауруханаға жеткізілді.Күдікті уақытша ұстау изоляторына қамалды. Оның үстінен полиция қызметкерінің өміріне қастандық жасау фактісі бойынша қылмыстық іс қозғалды.Фото: видеодан скриншот

Семейде ер адам 13 жасар қызды аңдып, артынша полицейді пышақтаған

&nbsp;<a href="https://kyzylorda-news.kz/">Kyzylorda-news.kz</a>.&nbsp; Бүгін Қызылордада жаңадан салынған «Өнер орталығының» салтанатты ашылу рәсімі өтті. Іс-шараға ҚР Мәдениет және ақпарат министрі, Президент жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева және комиссия мүшелері, белгілі қоғам қайраткерлері, өңірлерден келген делегациялар, облыстың зиялы қауымы, еңбек ардагерлері, қоғамдық ұйымдар өкілдері қатысты.Облыс әкімі Нұрлыбек Нәлібаев қызылордалықтарды жаңа нысанның ашылуымен құттықтады.<blockquote>«Мемлекет басшысы Қасым-Жомарт Кемелұлы «Ұлт мәдениеті – халық өмірінің айнасы. Еліміздің рухани дамуы ұлттық рухқа тікелей байланысты. Азаматтарымыздың рухы әрқашан биік болуы үшін мәдениетімізге, яғни руханиятымызға баса мән бергеніміз жөн» деген болатын. Сыр өңірі – шежіре тұнған, халықтың асыл мұралары сақталған алтын көмбелі мекен, қазақ театрының алғашқы қазығы қағылған жер. Аймағымыздың киелі сахнасынан мәдениет майталмандары мен өнер тарландары түледі.Қызылордада осындай өнер ордасына қажеттілік заман үдерістері мен көрермен талғамына сәйкес туындады. Аз ғана уақыттың ішінде құрыш қолды құрылысшыларымыздың кәсіби шеберлігі арқасында көз алдарыңызда сәні мен сәулеті келіскен «Өнер орталығы» бой көтерді. Ғимараттың салтанатты ашылуын әйел-аналарымыздың құрметіне, Сыр сұлуларының мерекесіне арнаудамыз. «Өнер орталығы» еліміздің рухани қазынасын толтыруға, мәдениеті мен өнерін асқақтатуға қызмет ете берсін!», – деді аймақ басшысы.</blockquote>Іс-шарада ҚР Мәдениет және ақпарат министрі Аида Балаева, Қазақстанның еңбек сіңірген қайраткері Алмас Алматов сөз сөйледі.Мұнан әрі қонақтар жаңа орталықты аралап, «Сыр өңірі өнер тұлғаларының экспозициялық картинасы» және «Сыр өңірі – Түркі өркениетінің бесігі» атты көрмені тамашалады. Еске салсақ, 2022 жылдың қыркүйек айында Қызылордада 1000 келушіге арналған орталықтың іргетасы қаланды. Құны 3,7 млрд. теңгені құрайтын зәулім ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізіледі. Айта кету керек, Сыр өңірінің мәдениет пен өнер саласында көптеген жағымды жаңалық бар. Бұған дейін облыстық филармонияның құрамында ұлт аспаптар оркестрі, камералық оркестр жұмыс жасаса, концерттерді көрермен талғамына сай, кәсіби әрі жанды дауыста ұсыну үшін тұңғыш рет симфония оркестрі құрылды. Облыстың мәдениет мекемелерінің мамандары Италия, Белорусь елдерінде біліктілігін арттырды. Алдағы уақытта Еуропадағы белгілі концерттік залдардың озық тәжірибелері енгізілмек. &nbsp;Сырдың төрінде еліміздің барша аналарына арналған перзент сыйы &nbsp;– «Анаға тағзым» орталығы, жас отбасылардың бақыт мекеніне айналған «Отбасы орталығы» өз қызметін бастады. Мүмкіндігі шектеулі өнерпаздар шығармашылығын шыңдап, өнерін насихаттауға арналған «Инклюзивті театр» құрылды. &nbsp;Бұған дейін 10 жылға жуық үйірме ретінде жұмыс жасап келген «Жастар театры» өз алдына кәсіби ұжым болып өнер көрсетуде. Елордада Астана қаласының 25 жылдығына орай «Сұлу Сырдан – ару Астанаға» атты Қызылорда облысының өнер күндері жоғары деңгейде өткізілді. Халықтың ыстық ықыласы мен қошеметіне бөленген шара сәуір айында Алматы қаласында да ұйымдастырылады.Мәдениет және өнер, әдебиет өкілдерін қолдау мақсатында өткен жылдан бері тағайындалған «Тұран» сыйлығын табыстау дәстүрге айналады. Ұлыстың ұлы күні – Наурыз мейрамы қарсаңында «Жыраулар үйі» ашылады. Облыстық өлкетану музейінің құрылысы басталды. Жеті ауданда заманауи «Руханият орталықтары» салынуда. Жақын күндері балалар мен жасөспірімдерді өнерге баулып, &nbsp;шығармашылығын шыңдайтын «Шығармашылық академиясы» бой көтереді.<img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_2_4382c73306.jpg" alt="Центр искусств открылся в Кызылорде 2.jpg"><img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_3_bfc5415703.jpg" alt="Центр искусств открылся в Кызылорде 3.jpg"><img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_4_bfdc26fd1a.jpg" alt="Центр искусств открылся в Кызылорде 4.jpg"><img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_5_28c46b18a7.jpg" alt="Центр искусств открылся в Кызылорде 5.jpg"><img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_1_54ba28d5ef.jpg" alt="Центр искусств открылся в Кызылорде 1.jpg"><img src="https://knadmin.beoblood.kz/uploads/Czentr_iskusstv_otkrylsya_v_Kyzylorde_7_f14c853733.jpg" alt="Центр искусств открылся в Кызылорде 7.jpg"> Фото: Қызылорда облысы әкімінің баспасөз қызметі

Қызылордада Өнер орталығы ашылды

&nbsp; &nbsp; &nbsp;«Адам ұрпағымен мың жасайды» деген&nbsp; халық даналығында тағылымы мол, мән-мағынасы өте терең сөз бар. Иә, шынында да ұлағатты ұл мен қыз өсіріп, оларға білім мен тәрбие нәрін беріп, кейіннен сол ұрпағыңның жақсы жетістіктерін көруден артық жақсылық, қуаныш бар ма! Сексен жастың сеңгіріне қадам басқан Аманкелді Шәкірұлын сондай тұлғалар санатынан десек қателеспейміз. Ардақты ардагер 80 жасқа зор абыроймен, қуанышпен жетіп отыр деп айтуға болады.&nbsp; &nbsp; &nbsp;Ардақты ардагер Тереңөзек ауданына қарасты Үлгі ауылында өмірге келген. Әкеден жастай айырылып, тұрмыстың тауқыметін тартқан ол отбасында төрт ағайынды болған. Бізге өзінің өткен өміржолы туралы әңгімелеуді осыдан бастаған Аманкелді Шәкірұлы өткен күндерін ой елегінен өткізді.&nbsp; &nbsp; &nbsp;– Әкем Шәкір 1949 жылы қайтыс болды. Ол кезде арамыздағы үлкеніміз Мұхамедияр 13 жаста, апам Бибажар 8 жаста, мен 6 жаста, ал інім Өтеген алты айлық болатын, – деді ардагер.&nbsp;&nbsp; &nbsp; &nbsp;А.Шәкірұлының айтуынша, әкесінің өмірден өткені ол кезде кішкентай болса да есінде сақталып қалған екен. Ол уақытта әлі тоқшылық заман болмаған кез екен. Десе де қасиетті қарашаңырақтан қонақ үзілмейтін. Әкесі тірі кезде де, өмірден өткен соң да ауылға келген уәкілдер, қонақтар Шәкір ақсақалдың шаңырағына жиі бас сұғып, қонақ болатын. Бұл отбасының қонақжайлылығын, кісі жатырқамайтын қасиетінің өте жоғары деңгейде бағалайтынын осыдан-ақ белгілі сияқты. Айта кету керек, бұл жақсы қасиет ұрпақтарына да сіңісті болып, осы уақытқа дейін жақсы дәстүр лайықты жалғасып келеді. Ардагер бізбен әңгіме барысында өмірлік жолындағы ұстаздары, алғашқы еңбек жолының басталуы, қызмет бабындағы әріптестері мен достары, достары, жетістіктері жөнінде айтып берді.&nbsp;&nbsp; &nbsp; &nbsp;– «...аудандық ауылшаруашылық басқармасы бөліміне техника қадағалау инспекторының көмекшісі болып орналастым. Бұл жұмысты алты ай атқардым. Одан кейін мені аудандық партия комитетінің үгіт-насихат бөлімінің меңгерушісі К.Наурызбаевтың шақыртуымен, аудандық ДОСААФ ұйымының төрағасы қызметіне орналасу жөнінде ұсыныс айтылып, бағыт-бағдар берді. Аудандық ДОСААФ ұйымының төрағасы аудандық партия комитетінің бюросында бекітілуі керек екен. Бірінші хатшы Қонысбек Қазантаев іс-сапарда болғандықтан бюроны аудандық партия комитетінің үшінші хатшысы Көбейсін Исаев жүргізді. Сөйтіп, менің ДОСААФ ұйымын 13 жыл 4 ай басқардым. Ұйымда қызмет атқарған оқытушы нұсқаушылар мен техник қызметкерлердің барлығын ілтипатпен еске аламын» , – дейді Аманкелді Шәкірұлы.&nbsp; &nbsp; &nbsp;Бір айта кететіні бұл туралы кейіпкеріміз өзінің «Өмір иірімдері» атты ғұмырбаяндық кітабында да кеңінен жазған. Ол туралы біз өткен жылы жергілікті басылымда жазған болатынбыз. Сол туындысында қазыналы қария қызмет бабында аудандық партия комитетінің үшінші хатшысы Көбейсін Исаев пен аудандық спорт мектебінің директоры Кеңес Иноятовтың ақыл-кеңес бергеніне, өмірлік мол тәжірибесімен бөліскеніне аса назар аударып, дәстүрлі қой төлдету науқанының өзіндік қиыншылығын қарапайым тілмен суреттейді. Бұл сол кезеңдегі қызмет пен қоғамдық жұмыстардың қарқынды түрде қатар жүргізілгенін аңғартады. Сонымен қоса бірлесе отыра атқарған жұмыстардың нәтижесінде А.Шәкірұлы басқарған ұйымдағы штат саны 16 бірлікке ұлғайғанын, 3 жүк көлігі, 1 жеңіл автокөлік, 10-ға жуық жол және спорт мотоциклдері сатып алынғанын, 1974-1987 жылдары ұйымның аудандағы іргелі мекемеге айналғанын атап өтуіміз қажет. Сондай-ақ А.Шәкірұлы 1968-1969 жылдары Жалағаштағы №150 кәсіптік-техникалық училищеде спорт нұсқаушысы қызметін де атқарған. Мұнан соң, яғни 1969-1973 жылдары аудандық дене шынықтыру және спорт комитетінің төрағасы ретінде қызмет етті. 1988-2007 жылдары Сырдария аудандық мемлекеттік техника қадағалау инженер-инспекторы қызметтерін атқарғанын, қызметте елге белгілі азаматтармен әріптес, сыйлас, сапарлас, замандас болғанын да айтып өткеніміз абзал. Ең бастысы, қай қызметті атқарса да тапсырылған жұмысқа тиянақты болған кейіпкеріміз жақсы нәтижелерге де қол жеткізе білген. Бұл А.Шәкірұлының ыждағаттылығын және әр іске мұқият қарайтынын білдіреді.&nbsp; &nbsp; &nbsp;Сексен жасқа сергек жеткен ардагердің әңгімесінен және біз толық оқып шыққан кітаптағы анасы Рахила жайлы жазған естелігінен әулеттің тектілігін, қонақжайлылығын аңғаруға болады. Сондай-ақ, А.Шәкірұлының бауырларына, достарына, көршілеріне құрметі мен ықыласы өте ерекше. Оның ішінде, жары Орынкүл Жәркенова екеуі бағып-қағып өсірген ұлағатты ұрпақтарына деген көңілі тіптен ерекше. Әр баласының жетістігін, еңбектегі нәтижелі істерін үлкен мақтанышпен айтатын қария шыққан тегі мен бабалар шежіресіне, оны ұрпақтар санасына сіңіруге жіті мән береді.&nbsp; &nbsp; &nbsp;– Шығыс даналығында «Өмір – теңіз, жүзем онда демеңіз, ізгіліктен жасалмаса кемеңіз» деген сөз тағылымы мол сөз бар екен. Меніңше, ізгілік деген – адал еңбек, ұлағатты ұрпақ, ағайын-туысқа қамқорлық. Кім болсаң да, қандай қызмет атқарсаң да отбасы құндылығын ұмытпау керек деп есептеймін. Мәселен, қызмет – уақытша берілетін мүмкіндіктердің бірі. Оны дұрыс пайдаланып, жақсы жетістікке жете білгенде ғана сыйлы, құрметті боласың. Өзім еңбек жолыма да, өмір жолыма да өте дән ризамын. Қызмет бабымен талай азаматтармен кездесіп, сұхбаттастым, сырластым, сапарлас болдым. Мәселен, ДОСААФ мекемесінің орталық ұйымының басшысы, генерал-майор Б.Байтасовпен кездесуім әлі күнге дейін есімде. Жақсы естеліктер жадымда біршама. Бәріне шүкір деймін, – дейді Аманкелді Шәкірұлы.&nbsp; &nbsp; &nbsp;Ардақты ардагер ұзақ жылғы қажырлы еңбегі үшін түрлі марапаттарға да ие болған. Атап айтқанда, «Сырдария ауданына – 90 жыл», ҚР Ауыл шаруашылығы министрлігі Агро­өнеркәсіптік кешендегі мемлекеттік инспекция комитетінің аумақтық басқармасының құрылғанына – 20 жыл, «ДОСААФ Орталық комитетінің құрылғанына – 50 жыл, 90 жыл» медальдарымен, «Ауыл шаруашылығы саласының ардагерлері» қоғамдық бірлестігінің «Құрметті ардагер» төсбелгісімен, аудан әкімдерінің алғыс хатымен марапатталған. Ауданымызда мемлекеттік техника қадағалау инспекторы қызметінде адал қызмет жасап, абыроймен зейнетке шыққан қария «Жаным – арымның садақасы, арым – жанымның садақасы» деген қағидамен өмір кештім» дейді.&nbsp; &nbsp; &nbsp;Бүгінгі таңда қарияның ұл-қыздары өсіп, жетілген. Балалары түрлі салада еңбек етіп жүр. Үйдің үлкені әрі тұңғышы Қайрат облыстық табиғи ресурстар басқармасына қарасты «Табиғат» мекемесінде басшының орынбасар болса, ал Бақыткүл аудандық аурухананың дәріхана меңгерушісі қызметінде. Кенже ұлы Нұрлыбек көп жылдар бойы салық органдарында басшылық лауазымдарда еңбек етті, қазіргі кезде салық салу бойынша консалтингтік қызметтерін көрсететін «NUR CONSULT KZ» ЖШС директоры. А.Шәкірұлы мен О.Жәркенова ұл-қыздарынан 15-тен астам немере, 10-ға жуық шөбере сүйіп отырған жайы бар. Немере-шөберелер де ата-әжелерінің, әке-аналарының сенімі мен үмітін&nbsp; ақтап, бас қаламыз Астанада, өңірімізде еңбек етіп, оқуларын үздік оқып жүр.&nbsp; &nbsp; &nbsp;Айтары бар ақсақалмен сөйлесіп, пікірлесу, әңгімелесу арқылы адам өмірінің қызықты да қуанышты, сынақты да сындарлы сәттері мен ұмытылмас кезеңдері жөнінде көп ой түйдік десек болады. Сексенге келсе де қолынан қаламын тастамаған қария қызметтегі адалдық пен ізденісті, азаматтар арасындағы сыйластық пен бауырмалдылықты насихаттауды азаматтық парызы деп санайды.&nbsp;

Қазақстан және Қызылорда облысының жаңалықтары