<a href="https://kyzylorda-news.kz/">Kyzylorda-news.kz.</a> Қазақ әдебиетінің жанрлық аталымдарының ішінде балалар әдебиетінің орны бір бөлек. Өйткені баланың жан дүниесімен үйлесім табатын тақырыпты таба біліп, оны көркем туындыға айналдыру қажет. Сондай-ақ, шығарманың тәлім-тәрбиелік мәні болуы міндетті. Маңыздысы сол, баланың санасы тез қабылдайтын, жаттап алатын, ойы ұшқыр, тілге жеңіл туындылар шығармашылыққа бейімі бар балдырғанды мектеп жасынан, тіпті балабақша қабырғасында жүргенде-ақ айқындап, қабілетін ұштай түседі.Жарты ғасырлық ұстаздық жолында бала тәрбиесіне бағытталған бірнеше әдістемелік құралдар мен шығармашылық еңбектер жазған, педагогика ғылымдарының докторы, ҚР&nbsp; Білім және ғылым министрлігінің Ы.Алтынсарин төсбелгісінің иегері, Қазақстан Жазушылар одағының мүшесі Рахат Наурызбаеваның есімі Сыр жұртшылығына ғана емес, республика көлемінде белгілі. Саналы ғұмырын жас ұрпаққа білім мен тәрбие беру ісіне арнаған ардагер ұстаздың балалар әдебиетіне еткен еңбегі бір төбе. Ғалым ұстаз биыл 80 жасқа шықты. Осыған орай мерейтой иесін облыс әкімі Н.Нәлібаев құттықтап, Қызылорда облысының Құрмет грамотасын табыстап, лайықты сый-сыяпат көрсетті.Ол аймақ басшысының құрметіне алғысын білдіріп, бұл – шәкірт тәрбиелеу жолында аянбай тер төгіп жүрген барша ұстаздардың еңбегіне берілген баға деп қабылдайтынын атап өтті.Ұстаздың өмір жолына зер салсақ, Қазалы стансасында дүниеге келіп, қарапайым отбасында тәрбиеленген ол ұлттық әдет-ғұрып, салт-дәстүрді бойына сіңіріп өсті. Сол жердегі №420 мектептің 7-сыныбын бітірісімен, облыс орталығындағы М.Мәметова атындағы қыздар педагогикалық училищесіне түсіп, білім алады. Ал 1961-1965 жылдар аралығында Алматыдағы Абай атындағы мемлекеттік педагогикалық институтында оқып, қазақ тілі мен әдебиеті пәнінің мұғалімі мамандығын иеленді. Осылайша өмірінің мәніне айналған ұстаздық міндеттің зор жауапкершілігін арқалай жүріп, жас ұрпаққа білім берумен қатар, жан-жақты тәрбиеге баулуда өзіндік ізін қалыптастырды.Шындығында, ол қатардағы көп мұғалімнің бірі емес,&nbsp; әйгілі ағартушы Ы.Алтынсаринше айтқанда, шәкірт жүрегіне шамнан шырақ жаққан шынайы ұстаз болуды мақсат етті. Сол мақсатына жету жолында аянбай еңбек етті. Әр жылдары облыс, аудан мектептерінде, М.Мәметова атындағы педагогикалық училище (қазіргі жоғары колледж), Қорқыт ата атындағы Қызылорда университеті, «Сейхун» академиясы, тағы басқа оқу орындарында дәріс беріп, шәкірт тәрбиеледі.<blockquote>– Ұстаздық етумен қатар, шығармашылық жұмыстармен шұғылдандым. Әсіресе, орта мектептерде мұғалім болып жүрген кезімде балалардың білімге деген ынтасын арттыру үшін әр күн сайын жаңа сабағыма көрнекі құралдар әзірлейтінмін. Әйтсе де ол жеткіліксіз сияқты. Ойлана келе, бойымдағы білім мен тәжірибемді шығармашылықпен ұштастырып, тәрбиелік мәні бар дүниелер жазуды ұйғардым. Осылайша қолыма қалам алып, балалар әдебиетіне бет бұрдым.Әдебиет деген өзінше бір телегей теңіз әлем ғой. Оған тосыннан келіп қосыла кету оңай емес. Осы орайда 1978 жылы қазіргі «Сыр бойы» (бұрынғы «Ленин жолы») газетінде әйгілі ақын А.Тоқмағамбетов шығармашылығыма ақ жол тілеп, сенім білдіргені мен үшін ерекше қолдау болғанын айтар едім. Сол уақыттан бастап балалар әдебиетіне арнап жазған туындыларым мерзімді басылым беттерінде, журналдарда тұрақты жарияланып жүрді.Ең алғаш 1980 жылы «Жалын» баспасынан «Бастау» атты жыр жинағым жарыққа шықты. Араға жылдар салып, «Аққозы», «Сергек Серік» атты көркем шығармаларым жас оқырманмен қауышты. Бұдан бөлек, «Ана тілі» баспасынан «Үй ішімізбен қазақша үйренейік» қосымша оқулығым жарық көрсе, «Атамұра» баспасынан шыққан 2-3-сыныптарға арналған «Музыка» пәні оқулығына&nbsp; «Жыл басы кім болады?», «Аңдардың айтысы» атты музыкалық ертегім мен сюжетті шығармам енгізілді. Сондай-ақ «Алақаныңда алтын бар»&nbsp; атты жантану іліміне көмекші оқу құралым, «Алма берсем аласың ба?» атты балаларға арналған суретті кітабым жарық көрді. Бұл еңбектерім сол уақытта үлкен сұранысқа ие болып, облыс мектептерінде бастауыш сынып балаларын оқытуда кеңінен қолданылды, – дейді Рахат апай.</blockquote>Иә, жылдар өте «Білім» баспасынан «Ақ батамен өс, балам!», «Мектептегі сахна сабақтары», «Бастауыш мектепте халықтық тәлім-тәрбие берудің шығармашылық жолдары», «Ғылым ордасы» баспасынан «Сүйімбикенің қоштасу дұғасы», «Әуен әлемінде» сияқты туындылары жарыққа шығып, жас мұғалімдердің тәжірибесін толықтыруына игі ықпал етті. Автордың айтуынша, «Балалар мен жасөспірімдердің өзіне қол жұмсауының алдын алуда педагогтің&nbsp; рөлі», «Балалар мен жасөспірімдерді эвристикалық әдістермен көркемдік-шығармашылыққа баулу», «Ғажайып әлем» атты кітаптары да әлі күнге дейін тәрбиелік мәнін жойған жоқ. Расында, баланы кішкентай кезінен бастап, қоғамның толыққанды мүшесі болғанға дейін үздіксіз дамытып отыру үшін қиял әлемінде қанаттандырып, арман-мақсатына жетелейтін шығармашылық ойлау мен іс-әрекеттің маңызы зор.Сонау 1990 жылдардың басында облыстық радиода «Кел, қазақша үйренейік!» атты арнайы хабар беріліп, онда бағдарлама бойынша сабақ жүргізілетін. Сол жылдары білікті ұстаз Рахат Наурызбаева өңірде қызмет ететін өзге ұлы өкілдеріне, ынталы азаматтарға «Білім» қоғамының лекторы ретінде қазақ тілінен сабақ берді. Бұдан бөлек, радио арқылы педагогикалық тақырыпта «Тәрбие туралы толғаулар» атты хабар да жүргізді.Әрбір мұғалім жоғары білімді маман болса да әрдайым ізденісте жүруі тиіс. Заманауи үдерістерге дайын, шығармашылығын үздіксіз дамытып отыруы қажет. Алдына осындай мақсат қойған Рахат Наурызбаева Қазан университеті жанындағы «Біліктілікті жетілдіру» факультетінде бірнеше рет дәріс алып, біліктілігін арттырып, тәжірибесімен ұштастырды. Соның нәтижесінде, 1994-1997 жылдар&nbsp; аралығында аталған университеттің «Татар тілі» мен «Педагогика» кафедраларында ғылыми-зерттеу жұмысымен айналысып, 1997 жылы «Жеке тұлғаны шығармашылық бағытта ұрпақтар сабақтастығын қамтып тәрбиелеу» тақырыбында кандидаттық диссертация қорғады. Ал 2009 жылы осы университеттің педагогика кафедрасында «Оқушыларды халық өнері арқылы көркемдік-шығармашылық іс-әрекетке эвристикалық оқытудың педагогикалық жүйесі» тақырыбын сәтті қорғап, педагогика ғылымдарының докторы атанды.Аймақтың оқу-ағарту саласында өзіндік өрнекті қолтаңбасын қалдырған&nbsp; ұстаз қоғамдық ортаның белді мүшесі бола жүріп, рухани құндылықтарымызды нығайтуға да зор үлесін қосты. Айталық, Ә.Тәжібаев атындағы облыстық әмбебап ғылыми кітапханасы жанындағы «Рауан» шығармашылық орталығының құрметті мүшесі, Қызылорда гуманитарлық университетінің «Шамшырақ» шығармашылық үйірмесінің көркемдік кеңесшісі ретінде жас өркенді шығармашылыққа баулуда жемісті еңбек етті.Иә, кешегі кеңес өкіметінің тұсындағы білім беру, тәрбиелеу қағидалары еліміздің тәуелсіздік жылдарында түгелге жуық қайта жаңарды. Десек те мемлекет саясатында идеологияның басты бағыты болғандықтан, білім мен тәрбие беру ісі әркез қоғамның назарында. Сондықтан саладағы тың бастамалар ұдайы талқыға салынып, таразыланып отырады. Айталық, ертеңгі ұрпақты оқытуда ел тарихын терең танытып, ұлттық құндылықтарымызды ұлықтау мәселесі&nbsp; басты орынға шықты. Осынау екі дәуірдің тоғысында өз мойнына алған мәртебелі міндетті абыроймен атқарып, ұрпақ тәрбиесі жолында ұлан-ғайыр еңбек еткен Рахат Наурызбаева сынды ұстаздың өмір жолы өнеге деп білеміз.&nbsp;

Рахат Наурызбаева: Балалар әдебиеті бәрінен ерекше

<a href="https://kyzylorda-news.kz/">Kyzylorda-news.kz.</a> Бір ауыз сөздің жан тетігін табатыны рас.&nbsp;Музыканың құдіреті де одан кем емес. Ал ән мен сөздің үйлесімінен жүректерді қозғай алатын жанды дүние туындайды. «Тілге жеңіл, жүрекке жылы тиетін, айналасы теп-тегіс, жұмыр келген» туындылар қазір аз. Кейде әдемі әуен жүректің қылын шерте алмай жатады. Осындайда ұлы Абайдың әнге қатысты сөзін «әншінің де естісі бар, есері бар» деп өзгертсек жарасатындай. Сырбойылық Нұртас Омаров – өнердің өз баласы. Эстрада номинациясы бойынша «Дарын» сыйлығының иегері, қазақ вокал өнерінің дамуына қосқан үлесі үшін Күләш Байсейітова атындағы төсбелгімен марапатталған әншімен әңгімелесудің сәті түскен еді.– Осыдан екі жыл бұрын «Дарын» мемлекеттік сыйлығының иегері атандыңыз. «Дарын» өміріңізге, өнеріңізге әсер етті ме?– Иә, 2022 жылы сол кездегі Ақпарат және қоғамдық даму министрлігі шешімімен ҚР Үкіметінің «Дарын» мемлекеттік жастар сыйлығының лауреаты атандым. Қазір 35 жасқа дейін деп ұзартылған сыйлық ол кезде 29 жасқа дейінгі әр саланың үздіктеріне берілетін. Үш жыл қатарынан конкурсқа қатысып, бақ сынадым. Соңғысында бұйырды.Аталған сыйлық – еліміздегі саф өнердің саңлақтары арқалап жүрген атақ. Өнерге әркімнің таласы болғанымен, бұл марапат бәріне тегіс бұйырып жатқан жоқ. Сол себепті лайық деп танылып, марапатталған сәтте қуанышқа кенелдім. Шығармашылық саласындағылар көңіл-күй мен сезімнің адамы болғандықтан жылы сөз бен алғыс естігенде бір жасайтынымыз рас.– Туған жерге оралу ойда жоқ па?– Иә, менің туған топырағым – Арал ауданына қарасты «Жаңақұрылыс» елді мекені. Осы топырақтың құдіретімен бойымызға өнер дарып, бала арманның жетегімен кәсіби өнер иесі атандық. Арман қуып арнайы орта білімді Ақтөбе қаласынан, жоғары білімді Астана қаласындағы Қазақ Ұлттық өнер университетінен алдым. Ақтөбе қаласына шақыртумен келіп қызмет етіп жүргеніме 7 жылға жуықтаған екен. Ұстазым, ақылшым – Қызылорданың тумасы, қазір әлем таныған Димаш бауырымыздың ұстазы, Қазақстанның еңбек сіңірген қайраткері Марат Әйтімов. Ақтөбеге келіп облыс мәдениетіне, біліміне үлес қосуыма бірден-бір себепкер болған осы адам.Туған жерге деген құрметім ерекше. Бозбала күнімізде кеткен соң байланысымыз аздау. Жыр тұнған Сыр елі өнерлі перзенттерге өте бай. Қызылордадан арнайы білім алып, сол жерде қызмет жасап жүргендер бар. Әрине, маман тапшы болып, туған жерден шақырту келіп жатса, қызмет жасауға дайынбыз. «Қыр баласы қол созады аспанға» демекші халықтың ыстық ықыласына ие болып, әлде де болса өнеріммен танылсам, дамыта түссем деймін.– Әншілік – саф өнер. Дегенмен кейінгі кезде кімнің ақшасы бар, клип түсіріп, кімнің аудиториясы бар, ән жазып кетті. Шын өнерді бағамдап, таразыға салатындар қатары аз. Бұл жолды таңдауыңызға не түрткі болды?– Өнер жолын таңдау – бала күнгі арманым. Өнер жолына келуіме ата-анам, бауырларым қолдау білдірмесе, қарсы болмады.Ән – көңіл-күйден, сезімнен туындайтын шығарма. Ал әнді орындау барысында соның басты кейіпкері бола білуің, автордың сезімін сезінуің керек. 2007-2009 жылдары мектеп жасымда ақын, сазгер қазір дүниеден озған Дархан Оразымбетов деген ағама шәкірт әрі іні болып ізінен ердім. Бүгінде халықтың сүйікті әндеріне айналған Төреғали Төреәлінің орындауындағы «Ағама», Нұрболат Абдуллиннің орындауындағы «Анама» әндері дүниеге келгенде қасында болдым. Сол әндерді орында деп ұсынғанда әннің мәтіні менің ішкі күйіме, сезіміме сәйкес келмейді деп айтпай қойдым. Мүмкін, балалық шығар. Әннің құрылымынан бөлек мәтіннің мазмұндылығы мен сәйкестігіне мән беремін.– Жақында әншілердің әні тойханада қосылса да гонорар төленуі тиіс деген тақырыпты көпшілік біраз талқыға салды. Гонорар мәселесіне қалай қарайсыз?– Бұл – үлкен мәселе. Себебі тойда қосылған әр әнге гонорар төлену керек болса, онда тойда өнер көрсетіп, гонорар алып отырған әншілер де салық төлеу керек болады. Ол жағы заңдастырылмағаннан кейін тойда қосылған әнге гонорар сұрау артықтау секілді.Әншілердің гонорары танымалдығынан бұрын әннің хит болуына байланысты болып тұр. Себебі ертеректе танымал болып, қазір хит шығара алмай жүрген әншілердің гонорары кеше ғана бір әнмен танымалдыққа ие болып, хит болып тұрған әншінікінен төмендеу, яғни тойдағы әншілердің гонорар мәселесі құбылмалы.Өз басым бұған оң көзбен қараймын. Әр нәрсенің рақметі, қошеметі болу керек. Әр әнші танымалдыққа, хит әнге жеткенше қажырлы еңбегі мен ұйқысыз түндерін, қыруар қаржысын жұмсайды. Соның қайтарымы деп білемін.– Алдағы жоспарларыңызды бөліссеңіз…– Жоспарым көп. Бастысы – өзіндік қолтаңбасы бар өнер иесі атану. Халық ықыласпен қарсы алып, зор қошеметіне бөлесе, жоспарымның жартысы орындалғаны. Қазіргі талғамды ескере отырып құлдырауға ұшырамай сапалы дүниелерді де халық назарына ұсынып отыру – мақсат. Ел мәдениетінің өркендеуіне, ұлттық ән-жырымыздың қайта жаңғыруына жұмыстану да – жеке шығармашылығымның бір бөлігі.&nbsp;

Өмірін өнермен байланыстырған

<a href="https://kyzylorda-news.kz/">Kyzylorda-news.kz.</a> Былтыр жыл аяғында &nbsp;денсаулық сақтау министрлігі сала қызметкерлеріне арнап &nbsp;жақсы бір шара өткізді. «Altyn shipager» Ұлттық медициналық сыйлығын тапсыру салтанатында біздің аймағымыздан да бірнеше ақ халатты қатысып, марапат төрінен көрінді. &nbsp;Олардың ішінде Қармақшы аудандық ауруханасының жалпы тәжірибе дәрігерлері бөлімшесінің меңгерушісі Динара Жүсiпова да бар. Ол «Медициналық-санитариялық алғашқы көмектің үздік дәрігері» номинациясы бойынша «Altyn shipager» жүлдесінің жеңімпазы атанды.Динара Мырзабекқызы С.Асфендияров атындағы Ұлттық медицина университетін аяқтаған соң, туған жері Қармақшыға келіп, аудандық ауруханада аймақтық дәрігер болып еңбек жолын бастады. Төрт жыл ішінде Динара өзін ұйымдастырушылық, іскерлік қырынан көрсете білді. Біліктілігінің, жан-жақтылығының арқасында ұжымда құрметке бөленді. 2016 жылы жалпы тәжірибе дәрігерлері бөлімінің меңгерушісі қызметіне тағайындалды. Осы жауапты қызметін күні бүгінге дейін абыроймен атқарып келеді.Қай саланың болмасын өзіне тән қиындығы мен жауапкершілігі бар. Ал дәрігерлік мамандықтың жүгі тіпті ауыр екені айтпаса да белгілі. Адам жанының арашашысы аталатын ақ халатты абзал жандардың еңбегі қандай құрметке де лайықты. Динараның да қызмет барысында еңбегі бағаланып жүр. Ол бірнеше рет аудандық, облыстық, республикалық деңгейдегі марапаттарға ие болған. Соның ішінде былтыр жыл аяғында Астана төрінде өткен медицина мамандарына арналған ауқымды іс-шарада марапат төрінен көрініп, «Медицина үздігі-2023» сайысында «Үздік медициналық-санитариялық алғашқы көмектің үздік дәрігері» номинациясы бойынша «Altyn shipager» сыйлығына ие болуы Динараны ерекше бақытқа бөледі. &nbsp;Еңбектің еленгені, лайықты бағаланғаны кімді болсын қуантатыны сөзсіз.<blockquote>Марапат мен үшін сенім мен жауапкершілік салмағын еселей түсті дер едім. Бұл тек менің жеңісім емес, тұтас ұжымның еселі еңбегінің жемісі, ортақ марапат деп білемін. Әсіресе ауыл медицинасына берілген сенім мен құрмет деп ойлаймын. Жыл өткен сайын қоғамның барлық саласы уақыт ағымына сай дамып келеді. Біздің медицина саласы тіпті жаңарып, дамып жатыр десем қателеспеймін. Озық технологиялардың көптеп енуі, емдеу әдіс-тәсілдерінің өзгеруі дәрігерлерден жан-жақты ізденісті, терең білімді талап етуде. Осы орайда ауыл медицинасы заман үдерісінен қалып қоймауы керек. Сондықтан біз секілді жастар ерінбей, талмай білімімізді жетілдіріп, біліктілігімізді арттырып отыруымыз шарт. Кәсіби біліктілігімізді шыңдауда осындай сайыстардың, түрлі білім жарыстарының көп болғаны дұрыс, – дейді Динара.</blockquote>Бүгінде Динара жолдасы Нұрлыбек екеуі 3 қыз 1 ұл тәрбиелеп, өсіріп отыр. Кәсібіне адал, мамандығының майталманы Динараға біз де әрдайым абырой биігінде болуды тіледік. «Еңбек түбі – береке» деген осы болса керек. &nbsp;

Қызылордалық дәрігер «Altyn shipager» жүлдесінің жеңімпазы атанды

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Ардақ Ибраимов аудан ардагерлерімен кездесіп, ұсыныс-пікірлерін тыңдады. Кездесуде Ардақ Ибраимов ардагерлердің және тұрғындардың айтылған ұсыныс-пікірлерін ескере отырып, атқарылатын жұмыстардың іс-шаралар жоспары бекітіліп, бірқатар маңызды мәселелер оң шешімін тапқандығын жеткізді. Сонымен қатар, аймақ басшысының қолдауымен және бірлескен жұмыстардың нәтижесінде ауданда ауқымды жобалар жүзеге асырылып, тіректі салаларда серпінді қадамдар жасалғандығын айтты.«Биылғы жылы да ауданда бірқатар жобаларды жүзеге асыратын боламыз. Атап айтқанда, Ақсу, М.Шәменов елді мекендерін газдандыру жұмыстарына 2023 жылы облыстық бюджеттен 83,0 млн. теңге, 2024 жылға 236,3 млн. теңге бөлінді. Қазіргі таңда мердігер мекеме құрылыс-монтаждау жұмыстарын жүргізуде.&nbsp;Сонымен қатар, үстіміздегі жылы Мырзабай ахун, Т. Жүргенов және Есет батыр елді мекендерінде электр желілерін қайта жаңғырту жұмыстары жүргізіліп, 3 аудандық маңыздағы жол және 3 елді мекеннің 26 көшесі күрделі жөндеуден өткізіледі.Оған қоса Есет батыр ауылынан жалпы құны 388,1 млн. теңгеге ауыз жүйесін жаңғырту және кеңейту жұмыстары жүргізілеті болса, аудан орталығындағы 2 көппәтерлі тұрғын үй қайта жаңғыртылып, халықтың әлеуметтік жағынан осал топтарына тұрғын үй сатып алу жоспарлануда.Ағымдағы жылы ауданда екі ірі жоба «Жайлы мектеп» Ұлттық жобасы аясында салынатын 300 орындық мектеп пен жалпы құны 1,6 млрд. теңгені құрайтын «Руханият орталығы» ғимаратының құрылыстары басталатын болады.Музей, кітапхана, мұрағат, неке қию залы, ардагерлер және аналар кеңесі, жастар орталығы, азаматтық қоғам өкілдері мен тарихи-мәдени, рухани ұйымдарын біріктіретін типтік үлгідегі «Руханият орталығы» ғимаратының биыл құрылысы басталып, жыл соңына дейін пайдалануға берілсе, мектеп құрылысы келесі жылы ел игілігіне берілу көзделуде»,-деді Ардақ Ибраймов.Биыл ауданымыздың 85 жылдық мерейтойын кең көлемде атап өтіп, мерейтой аясында жаңа нысандардың халық игілігіне пайдалануға берілетіні туралы жоспарлар бар екендігі айтылды. Алдағы уақытта да ардагерлеріміздің ақыл-кеңестері арқылы ауданымыздың өркендеп, дамуы жолында қарқынды жұмыстар жалғасын табатын болады

Жалағаш ауданының әкімі ардагерлермен кездесті

<a href="https://kyzylorda-news.kz/">Kyzylorda-news.kz.</a> Жаңақорғанда буын аруымен &nbsp;шағымданып &nbsp;күніге 25-30 адам келіп қаралса, ревматоидный артритпен диспансерлік есепте 150 адам, балалар артритімен 11 жасөспірім есепте тұрады. ХХІ ғасыр індеттерінің бірі буын аурулары. Бұрын жасы үлкен ата-әжелеріміздің қол-аяғы сырқырап, буындары мазаласа, қазір алпысты алқымдамақ түгілі, қырықтың қырқасына ілінбестен аяғы ақсап, буын ауруынан зардап шегіп жүргендер аз емес. Мамандардың айтуынша, буын сырқаты қазір бүкіл аурудың алдын орап, алдыңғы қатарға шыққан. Үлкендердің көпшілігі аяғын баса алмайтынын, түнде аяқ-қолы сырқырап ұйықтай алмайтынын, күндіз тізесі бастыртпай ауыратынын жиі айтады. Тіпті белі көтертпей, таяққа сүйеніп жүретіндер бар.&nbsp;Қазақстанда 200 мыңға жуық адам буын ауруының зардабын тартып келеді. Ал әлем халқының 2 миллионы осы дерт бойынша арнайы тізімге алынған. Бұрын аталмыш дертке алпыс жасқа аяқ басқандар шалдығатын болса, бүгінгі статистикаға зер салсақ, 10-15 жастағы жеткіншектің де буыны ауыратынын дәрігерлер алға тартып отыр. Алаңдатарлық жағдай. Біз көпшілікті мазалаған сұрақтың жауабын білу үшін аудандық емхана ревматологы Мадалиева Нұрбану Раушанбекқызымен тілдескен едік.<blockquote>– Ия, ауру жасарып бара жатыр. Тіпті отызға толмаған жастардың жамбас, тізе буындарына ота жасалып жүр. Ревматология бойынша буын ауруы ревмотойный ортрит және остеотроз болып екіге бөлінеді. Көпшілігі осы екеуін ажырата алмай жатады. Остеотроз тізе буындарының зақымдануынан болса, ревмотойный ортрит буындардың ісінуімен болатын ауру. Остеоартроздың даму себептері: вирустық, инфекциялық аурулардан кейін, жарақаттан кейін, артық салмақтан кейін, әйелдердің постменапаузалық кезең, яғни етеккір тоқтағаннан кейін организмде зат алмасу бұзылуына байланысты пайда болады. Бұл ауру дендегенде мүмкіндігінше артық салмақ қоспау қажет. Балық, холодец, сәбіз, асқабақ өнімдерін тұтынған дұрыс. Адамның сан сүйегінің төмен бөлігі мен ортан жіліктің тізеге бекіген қос сүйектің ортасында буындардың қозғалысын ұстап тұратын сұйықтық болады. Жылдан-жылға ол да тозып, ауыр салмақтан бір жағына қарай ығысып, шеміршек жалаңаштанып қалады. Ұстап тұрған сұйықтық болмағаннан кейін шеміршек қажала бастайды. Тізе ауруы аяққа түгел беріліп, отырып-тұрған сайын сырқырап, күшейе түседі. Аурудың алғашқы кезеңінде, яғни күш-қуаты барында әркім бұған аса мән бермейді. Әрі мұның өзі де өмірге қауіпті емес. Алайда уақыт өте келе адам аяқтан қалып, өмір сапасын қиындатады. Кесел кеулеп, үшінші кезеңіне өткенде ота жасайды. Аурудың пайда болу себебі әртүрлі. Көп жағдайда адамның аз қимылдауы, суық тию, экология, кальцийдің жетіспеуінен туындайды. Адам 25 жасқа дейін-ақ кальцийді өз ағзасынан шығара алады. Ал 25 жастан кейін міндетті түрде ағзаның кальций қорын толықтырып отыру керек. Сондықтан әр азамат өз денсаулығына аса үлкен жауапкершілікпен қарауы керек. Бізге келетін науқастардың жас ерекшеліктері әртүрлі. Жастар келгенде жанымыз ауырады. Дегенмен қолдан келген бар мүмкіндікті жасап, аяқтан тұруларына көмектесу міндетіміз. Бұл дерт бүгінгі күннің басты мәселесіне айналғандай. Себебі дәл осы дертке шалдыққандардың саны күн санап артуда, – дейді ол.</blockquote>«Ауырып ем іздегенше, ауырмайтын жол ізде» деп ата-бабамыз бекер айтпаса керек. Мәселен, бізде көбі дәрігерге өз еркімен көрінбейді. Ауру жанына батқанда немесе төсек тартып жатқанда ғана ақ халаттылар еске түседі. Уақытылы емделмейді. Соның салдары дерттің асқынуына әкеп соқтырады.Дәрігердің айтуынша, аурудың алдын алмаса, соңы мүгедектікке соқтыруы мүмкін. Аурудың қауіптілігі де осында. Буындардағы шеміршекаралық майдың таусылуы, сүйектердің қисық бітуі, жарақат салдарынан сынған сүйектердің дұрыс бітпеуі, ревматологиялық аурулар түрлі буын сырқатына әкеліп соғады. Артық салмақ және жейтін ас, ішетін судың сапасыздығы да ауруға соқтырады. Мәселен, остеоартроз, коксартроз, остеохондроз секілді аурулар кезінде адам жүре алмайды. Жамбас, тізе буындағы буынаралық шеміршек майы азайып, екі сүйек бір-біріне қажалады. Алғашқыда аздаған ауырсынуды адам елемей, жүре беруі мүмкін. Кейде ауыр жұмыс істегенде, көп жүргенде, бір жерде ұзақ отырғанда, баспалдақпен жоғары көтерілгенде адамның буынбуыны сырқырап, бел мен жамбас сүйектерде ауырсынулар болады. Бірақ демалғаннан кейін ауырғаны басылады. Осылай жалғаса береді. Бірақ сүйектер қажалған сайын ауырсыну күшейіп, адам тізесін бүге алмайды, ақсаңдап жүретін болады. Бірте-бірте ауру үдеп, тіпті қарыс қадам жүрудің өзі мұңға айналады. Аурудың соңғы сатысында дәрі-дәрмек те, жақпа май да көмектеспейді. Тек қана буын ауыстыру, яғни эндопротез салу керек екен. Сонымен қатар тізе сыр бергенде емдік жаттығулардың пайдасы көп екен. Егер күмән болса, емханадағы реабилитолог-дәрігерге көрініп, тиісті жаттығуларға машықтанып, аяқтың бұлшық еттерін сауықтыруды жиі қайталап, күнделікті әдетке айналдырған жөн. Жаттығудың ең қарапайым түрі – шалқасынан жатып екі аяғын велосипед айдағандай айналдыруы тиіс екен.Осы ретте кент орталығыныңдағы «Әмина» емдеу орталығының дәрігері Қамажай Мұратқызының да ойын білген едік.<blockquote>– Бүгінде буын ауруларының ішінде ең жиі кездесетіні ортроз десек болады. Бұл біздің елімізде ғана емес, бүкіл жаһан жұртын алаңдатып отырған өзекті мәселе. Ол адам ағзасындағы қан айналымы бұзылған кезде буындардағы зат алмасу процесінің өзгеріске ұшырауынан туындап жатады. Яғни, шеміршектегі өзгерістің салдарынан дерт дендей бастайды. Бұрындары бұл ауру көп емес еді. Өйткені біздің ата-бабаларымыз құнарлы тамақтанып, қимыл-қозғалысқа ерекше мән берген. Оның үстіне, бүгінгі күні экологиялық ахуал нашар, ішіпжеген тағамдарымызда химикаттар, жасанды дүниелер басым. Бұл дерт біздің ағзамызға қажетті элементтер жетіспегенде туындайды. Салдарынан денсаулығы сыр беріп, дерті дендегеннен кейін көпшілігі ота жасатып жатыр. Осы тұста дәрігер ретінде кеңесімді бергім келеді. Күнделікті ішер асыңызға мән беріп, түрлі газды сусындардан бас тартқан абзал. Байқаймын, жасы үлкені де, кішісі де кола, пепси сынды сусындарды ішіп жатады. Бұл ағзадағы калий, натрий, магний сынды элементтерді сыртқа шығарып тастайды. Егер адам тамақтануға мән бермесе, қанша жерден ем қабылдаса да ол емнің әсері болмайды. Негізі, дұрыс тамақтану мен салауатты өмір салтын сақтау арқылы көп дерттің алдын алуға болады. Сонымен қатар жас ұлғайған сайын ерекшелігіне қарай комплексті дәрумендерді қабылдау қажет. Әсіресе, коллаген, кальций, д3, омеганы жылына бір рет тұтынған жөн. Егер ағзада барлық элементтер жеткілікті әрі дұрыс тамақтанатын болсақ, отаға жүгіне қоймас едік. Біздің «Әмина» емдеу орталығында еммен қоса тамақтануды да жүйелі жүргіземіз. Қандай ауру болсын алдын алған жөн. Ол үшін жыл сайын жоспарлы тексеруден өтіп, керекті анализдерді тапсырып, әркім өз денсаулығына мән берсе, көп қауіпті дерттің алдын алатын еді, – дейді Қамажай Мұратқызы.</blockquote>Расында, денсаулықтың қадірін кеш біліп жатамыз. Деректерге сүйенсек, әлемде әрбір үшінші адам буын ауруына шалдығады екен. Ең қиыны, аталмыш аурулар кең тараумен қатар талай жандардың мүгедек болуына тікелей ықпал етіп отыр. Осы жағынан да алдыңғы орында тұрмыз. Ал әлемдік статистикаға келсек, жер бетіндегі бүкіл адамзаттың 25%-ы, буын ауруларымен ауырады екен. Буын ауруларына көпшілік мән бермегенімен, жер бетіндегі ең көп тараған ауру түрлерінің бірі болып отыр. Ол – ағзадағы зат алмасу процесі бұзылғанда, қатты травма алғанда пайда болады. Өйткені қатты соққыдан тізе майы ағып кетеді де, тізенің өзінің май шығару қабілеті төмендейді. Салдарынан, майы жоқ екі сүйек өзара жақындап, бірін-бірі қажай бастайды. Көпшіліктің осы аурумен ауыратынын байқадық. Еуропа елдерінде бұл сырқаттың алдын алу, оны емдеу үшін түрлі әдіс-тәсілдер қарастырылған. Кейінгі жылдары заманауи емдеу әдістері отандық медицинаға енгізіліп жатыр. Медициналық орталықта пышақ тигізбей, инвазитті емес әдіспен емдеу тәсілдері жиі қолданыла бастады. Мәселен, бұрын тізе буын аурулары кезінде тізені кесіп, содан кейін барып қана нақты диагноз қойылатын. Ал соңғы әдіс бойынша, дәрігер үшкір құралмен тізені тесіп, арнайы аппаратпен қарайды. Бұндай әдісті артроскопия деп атайды. Артроскопияның бір тиімді жері, бір сәтте нақты диагнозды анықтауға және буын ішіндегі кейбір ісіктерді емдеуге мүмкіндік береді. Қорыта айтқанда, адам өміріндегі ешбір байлықтың құнына тең келмейтін асыл қазына – денсаулық.Деннің саулығы, жанның тазалығы ұзақ өмірмен жарқын күндердің себепшісі болып табылады. Шыны керек, денсаулықтың қадірін жете бағалаған біздің атабабаларымыз халал асты тұтынып, нашар әдеттен бойды аулақ ұстаған. «Басты байлық – денсаулық» деп, бекер айтып кетпеген болар.

Жаңақорғанда 150 адам диспансерлік есепте тұрады

Қасиетті Рамазан айының бірінші күні 11 наурызға тура келеді.Қазақстан мұсылмандары діни басқармасының хабарлауынша, биыл Рамазан айы 30 күнге созылады. 11 наурыз алғашқы күні болса, 9 сәуір – соңғы күні. 10 сәуірде ораза айты мерекесі басталады. Сәуірдің 5-сінен 6-сына қараған түні – Қадір түні.&nbsp;<img src="https://knadmin.beoblood.kz/uploads/FB_IMG_1710062894178_a0ad750343.jpg" alt="FB_IMG_1710062894178.jpg">Биыл пітір мөлшері 640 теңге болып белгіленді. Пітір садақаның мөлшері Қазақстан бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады.Ораза ниеті:&nbsp;Алла Тағаланың разылығы үшін таң атқаннан күн батқанға дейін Рамазан айының оразасын ұстауға ниет еттім. Ауызашар дұғасы: Уа, Жаратқан Ием! Сенің разылығың үшін ораза ұстадым, Саған иман келтірдім, Саған тәуекел еттім, Сен берген ризықпен ауыз аштым. Уа, кешірімді Алла! Менің алдыңғы және соңғы күнә-кемшіліктерімді кешір!<figure class="image"><img src="https://knadmin.beoblood.kz/uploads/65e57caa9605c_041e5468ad.png" alt="65e57caa9605c.png"></figure><img src="https://knadmin.beoblood.kz/uploads/IMG_20240310_WA_0046_1a9365c16f.jpg" alt="IMG-20240310-WA0046.jpg"><img src="https://knadmin.beoblood.kz/uploads/IMG_20240310_WA_0043_9086c91906.jpg" alt="IMG-20240310-WA0043.jpg"><img src="https://knadmin.beoblood.kz/uploads/IMG_20240310_WA_0038_3f21590789.jpg" alt="IMG-20240310-WA0038.jpg"><img src="https://knadmin.beoblood.kz/uploads/IMG_20240310_WA_0042_90666ebaec.jpg" alt="IMG-20240310-WA0042.jpg"><img src="https://knadmin.beoblood.kz/uploads/IMG_20240310_WA_0041_caa34bd116.jpg" alt="IMG-20240310-WA0041.jpg"><img src="https://knadmin.beoblood.kz/uploads/IMG_20240310_WA_0040_a075cdaa17.jpg" alt="IMG-20240310-WA0040.jpg"><img src="https://knadmin.beoblood.kz/uploads/IMG_20240310_WA_0045_0ca2db7c81.jpg" alt="IMG-20240310-WA0045.jpg">

Қызылорда: Ораза кестесі

<a href="https://kyzylorda-news.kz/">Kyzylorda-news.kz.</a> Жеке тұлғалар арасында берешегі бар адамдардың қаржылық сауатын арттыруға бағытталған «Қарызсыз қоғам» жобасы биыл барлық өңірде жүргізіле бастады. Еліміздегі 17 өңір мен 3 республикалық маңызы бар қаланы қамтитын бұл жобада қаржы сарапшылары халықты оқытатын болады.&nbsp;Мемлекет басшысы Қасым-Жомарт Тоқаев «Әділетті Қазақстанның экономикалық бағыты» Қазақстан халқына арнаған Жолдауында «AMANAT» партиясының «Қарызсыз қоғам» жобасының тиімділігін атап өтіп, оның игілігін бүкіл ел көруі үшін ауқымын кеңейтуді тапсырған болатын. Осы орайда 2024 жылдың 5 ақпанынан бастап «Қарызсыз қоғам» жобасы аясында қаржылық сауаттылықты арттыру курсы басталды. Жеке тұлғалар арасында проблемалық берешегі бар адамдардың қаржылық сауатын арттыру мақсатындағы жобаның алғашқы оқу күні Жалағаш ауданындағы «Руханият орталығында» өтті.Аталған жобаның мақсаты мен міндеттері туралы «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева сабақ барысында тілге тиек етті. Сондай-ақ қаржы сарапшысы, оқытушы Жанна Умарова жобаға қатысушыларға қаржылық мәселелердің қалай туындайтынын, несиелік қарыздардың санын азайтудың жолдарын, алаяқтық әрекеттерді қалай анықтауға болатынындығы жөнінде түсіндірді.Қаржы саласының мамандары жыл бойы 150 мың қазақстандыққа қаржылық сауаттылық &nbsp;курсын өткізеді. Әсіресе, онда несие мерзімі 90 күннен асып кеткен азаматтарға басымдық беріледі. Жоба аясында қаржы сарапшысы Жанна Умарова 50 адамды 5 күн бойы оқытып, оқу соңында сертификат табыстайтын болады.<blockquote>– Бұл жоба ауылдық елді мекендердің тұрғындары үшін ең өзекті жоба. Себебі кей тұрғындар қаржылық сауаттылықтарының аздығынан қарызға белшеден батып, өз бетінше құтыла алмай жүреді. Қазіргі кезде көп адам өздерінің шығынын несиемен өтеуге құмар. Сол себепті де көбінің шығыны кірісінен асып түседі. Тіпті кейде адамдар алған несиесінің қарызын екінші бір несие алып, жауып жатады. Соған байланысты елімізде өткен жылдан бастап «Қарызсыз қоғам» жобасы іске қосылды. Бұл жоба мемлекет басшысынан қолдау тауып, биыл да өз жалғасын тапты, – &nbsp;деді қаржы сарапшысы, оқытушы Жанна Умарова.&nbsp;</blockquote>Айта кетейік, «Қарызсыз қоғам» жобасы – «AMANAT» партиясы мен Halyk Bank-тің бірлескен бастамасы. Аталған жобадан несие бойынша берешегі бар және борышкерлер тізімінде тұрған тұрғындар, қарызы бар және оның мерзімін өткізіп алған азаматтар, мемлекеттен жеңілдікпен несие алуға үміткер кәсіпкерлер оқудан өте алады.Жоба аясында ауылдық елді мекендердің 80 мыңға жуық тұрғынын қамту жоспарланған. Қатысушылар оқу барысында өз қаражатын тиімді басқаруды және шығынды оңтайландыруды, қаржыға қатысты қандай да бір мәселе пайда болғанда оның шешімін табуды үйренетін болады.&nbsp;«AMANAT» партиясының бастамасымен жүзеге асып жатқан жоба шеңберінде 2023 жылы республикамыздың 8 өңірінде 65 мың тұрғын қаржылық сауаттылық курсын оқып шыққан. Сонымен қатар қазіргі таңда жоба аясында еліміздегі барлық жоғары оқу орындарда, колледждерде және мектептерде қаржылық сауат бойынша білім беру платформасы іске қосылып, қаржылық сауат курсы енгізілетін болады.&nbsp;

«Қарызсыз қоғам» қалай құрылады?

Kyzylorda-news.kz. Қызылордада ҚМДБ “Зекет және қайырымдылық” қорына қарасты Zeket Hub орталығы ашылды.Игі шараға Бас мүфти кеңесшісі Кенжетай Байкемелұлы, қор директоры Мақсатбек Мақсотұлы, Сыр өңірінің бас имамы Дастан Жанасұлы бастаған дін қызметкерлері қатысты.Орталықтың негізгі қызметі жұмыссыз немесе жаңа кәсіп үйренгісі келетін қыз-келіншектерге, мүмкіндігі шектеулі жандарға арналған тігін, кілт жасауды үйрету курстарын ұйымдастыру болып табылады.Сонымен қатар ашылу рәсімінен соң Zeket Hub орталығы мен облыстық Отбасыны қорғау орталығы өзара меморандумға отырды.Алдағы уақытта осы меморандум аясында жаңа мамандық меңгерген сырбойылықтардың мемлекеттік грантқа қатысып, кәсіп бастап кетуілеріне толықтай көмек көрсетілетін болады.<img src="https://knadmin.beoblood.kz/uploads/FB_IMG_1710052360825_c4175e278e.jpg" alt="FB_IMG_1710052360825.jpg"><img src="https://knadmin.beoblood.kz/uploads/FB_IMG_1710052376259_35872997fa.jpg" alt="FB_IMG_1710052376259.jpg">

Ерекше кәсіп: Қызылордада Zeket Hub орталығы ашылды

Kyzylorda-news.kz. Рамазан бұл ораза және Құран айы, шыдамдылық, рақымдылық және кешірім уақыты.Рамазан – рухани мектеп, жыл бойына қуатталатын аялдама. Адам осы айда болмаса, қашан есін жиып, ойланып, түсініп, өзгереді?!&nbsp;Рамазан – Жаратушы Алланың заңдарына қайшы келген іс-әрекетімізді, мінез-құлқымызды өзгертетін мезгіл.&nbsp;Алла Тағала қасиетті Құранда:&nbsp;«Расында (Алла) қандай да бір қауым өз ішінде өзгермейінше, Алла ол қауымды өзгертпейді. ...» («ар-Ра'д» сүресі, 11 аят), деп ескертеді.Ораза бойымызға сабырлық, жанкештілік және қанағатшылдық сияқты ұстанымдарды сіңіреді. Ораза ұстау арқылы, жоқшылық пен аштықтың не екенін сезініп, бұл қиындықтарға табандылықпен төтеп беруді үйренеміз.&nbsp;Рамазан айы сияқты сынақ кезеңінде ғана біз бұл өмірдегі мұқтаж адамдардың қандай жағдайда өмір сүріп жатқанын шынымен түсіне аламыз.Алла Тағала бізге мейірімін бөледі деген үмітпен, біз де бұл мезгілде ерекше мейірімділік танытуымыз керек. Рамазан айында мұсылмандарға жүктелетін пітір, підия және зекет әлеуметтік жағдайы төмен жандардың мұң-мұқтажын түсініп, оларға шынайы жанашырлық танытудың бірден-бір жолы.&nbsp;Рамазан оразасы бізге салауатты бейімделу және уақытты басқару өнерін меңгеруге мүмкіндік береді. Осы өзгерістерді енгізу арқылы адамдар табиғи түрде жаңа жүйеге, жаңа кестеге бейімделіп, жаңа ережелер бойынша өмір сүреді.Бұл ай бізге шынайы сүйіспеншілік сезімін ұялатады, өйткені біз Аллаға деген терең сүйіспеншіліктің нәтижесінде ораза тұтамыз.&nbsp;Аштық – Рамазан айында бастан кешіретін ең күшті фактор. Шамадан тыс тамақтану, аз тамақтану немесе зиянды тағамдарды ішіп-жеу арқылы біз оразаның күші туралы көп білмейміз. Адам өзінің қалаған нәрсесінен әдейі бас тартқан кезде, ол санасын тәнінен, ақыл-ойы мен ерік-жігерін құмарлықтардан жоғары қояды.&nbsp;Өз қалауларына үстемдік ететін, оларды өз қалауынша жұмыс істеуге мәжбүрлейтін адам кемелдікке ие болады.Рамазан айын адамгершілік пен рухани өсудің құралы ретінде пайдалану керек. Ең көп пайда алу үшін бұл айды алдын ала жоспарлау маңызды. Күніне 5 уақыт намазды бірге оқуға саналы түрде күш салып, нәпіл (қосымша) намаздарды оқуға, түнгі намаздарда (тарауық) сергек тұруға және пайдалы, құнарлы тағамдарды жеуге тырысуымыз қажет.&nbsp;Рамазанды барлық жаман әдеттерімізді тастап, шыншылдық, адалдық, өзгеге сыйластық, құрбандық пен жомарттық арқылы мінез-құлқымызды жақсартуға тырысатын мезгілге айналдыруымыз керек.Ораза кезінде қарапайым адами қажеттіліктерден және әсіресе шектен шығудан толық бас тарту мұсылмандарға иманының беріктігін растауға, өзін-өзі бақылауды үйренуге және рухани тазаруға ықпал етеді деп саналады.Табандылық – табыстың кілті. Сол себепті, жұмыс, үй шаруасы немесе өзге де міндеттеріңізге зиян келтірмей, Рамазан айын барынша тиімді өткізіңіз.Қорыта келе ораза жанымызды, сезімімізді, санамызды тәртіпке келтіріп қана қоймай, өміріміздің әртүрлі аспектілерін жан-жақты өзгертуге мүмкіндік береді.Алла Тағаладан келе жатқан Рамазан айын баршамыз үшін берекелі әрі пайдалы етуді сұраймыз. Әмин!&nbsp;Ислам МАРАТҰЛЫ,Байқоңыр қалалық «Жәрімбет»мешітінің бас имамы

Рамазан - өзгерістер мезгілі

Kyzylorda-news.kz. "112" құтқару қызметіне 9 наурызда сағат 22-ден 14 минут өткенде Қызылорда қаласындағы, Сырдария шағын ауданындағы 2 в тұрғын үйде өрт шыққаны туралы хабарлама келіп түсті.&nbsp;Оқиға орнына жедел келген өрт сөндірушілер барлау жұмыстарының нәтижесінде 4 қабаттағы ауданы 3х3 шаршы метр пәтердің өртеніп жатқанын хабарлады.&nbsp;Мамандардың &nbsp;жедел әрекет ету нәтижесінде сағат 22-ден 44 минут өткенде өрт толығымен сөндірілді. 35 адам эвакуацияланды.&nbsp;<blockquote>"Автосатымен және &nbsp;баспалдақ арқылы 3 адам құтқарылды. 1 адам күйік жарақатын алып, облыстық ауруханаға жеткізілді. Қызылорда облысы ТЖД жеке құрамының 22 адамы және 5 бірлік техникасы жұмылдырылды", делінген Қызылорда облысы ТЖ департаментінің хабарламасында.</blockquote>

1 адам ауруханаға жеткізілді: Қызылордада пәтер өртеніп кетті

Аралда заман талабына сай жабдықталған мектептер саны артуда 

<a href="https://kyzylorda-news.kz/">Kyzylorda-news.kz.</a> Аудан қазіргі таңда республикамызға белсенді жастарымен танылған бірден-бір аймақ ретінде белгілі. Әсіресе соңғы жылдары жастар арасында түрлі деңгейдегі өткен шараларда бой көрсетіп, өзіндік қолтаңбаларын танытып келеді. Соның ішінде еріктілердің ерліктерін айтпаса да түсінікті.Осындай ел игілігі үшін ерінбей еңбек етіп келе жатқан еріктілердің басын жиі қосып, бірлесе жұмыс істеуге бағытталған шаралар облыста да көптеп өтеді. Мәселен биыл 25-26 қыркүйекте Астана қаласында өткен екі күндік басқосуда бағдарламаға сәйкес еріктілер «Волонтерлік бастамалар: тәсілдері және тәжірибесі» тақырыбында панельдік пікірталаста ой бөліскен болатын. Сонымен қатар «Жыл волонтері» байқауының таныстырылымы өтіп, соның аясында еріктілер 5 номинация, яғни «Үлкендерге жанашырлық», «Балаларға қамқорлық», «Табиғатты қорғау», «Қоғам мен ортаның дамуы», «Спорт және денсаулық» аталымдары бойынша марапатталатыны айтылған. Топтарға бөлініп, түрлі тақырыптарда тренинг, тимбилдингтерге, ойындарға қатысып жатқан жастардың волонтерлік мектебінен үлкен әсерде екені байқалып тұрды.Міне осы азаматтардың қатарында өзінің білімі мен білігін танытып, қызметтік жетістіктен бөлек сан қырымен танылып жүрген азамат, «Сексеуіл локомотив пайдалану депосы» бастығының өндіріс жөніндегі орынбасары, аудандық мәслихат депутаты, газет жанашыры Еркебұлан Аяғанов «Жыл волонтері» байқауының қорытындысымен «Үлкендерге жанашырлық» номинациясы бойынша жүлделі І орынға ие болды және марапатын «ҚТЖ» ҰК» АҚ Басқарма Төрағасы Қанат Алмағанбетов табыстады. Сонымен қатаржерлесіміз Қызылорда облыстық сыйлығының «Үздік волонтер» номинациясын иеленді.Иә, «Үлкенге қамқорлық» номинациясы аясында қарттардың қадірін арттырып, оларға барынша жанашырлық көрсетіп, қолдаудан қол үзбеген азамат 2020-2021 жылдары аралығында «Жеңіс» республикалық жобасының Қызылорда облысы, Арал ауданы бойынша аймақтық координаты болған. Ұлы Отан соғысы мен тыл ардагерлеріне арналған «Жеңіс» жобасы аясында Арал ауданының 9 ауылы бойынша 150-ден астам рейд ұйымдастырылды. 1700 шақырым жол жүрілді.Ал биыл Сексеуіл кентінің 20 ардагеріне аудандық «Толқын» газетіне тегін жазылу жұмысын ұйымдастырды. Мұнан бөлек, бірнеше қарттардың отбасын көмірмен қамтамасыз етіп, зейнеткерлерге мұқтаждығына қарай дәрі-дәрмек, азық-түлікпен көмек көрсетті. 18-22 желтоқсан аралығында өткен еліміздің барлық өңірлерінен ең белсенді және талантты деген 250 қатысушы жиналған Елордадағы «ҚТЖ» ҰК» АҚ-ның ХІІ республикалық жастар форумында болып, жыл сайын дәстүрлі түрде өтетін шарада Сексеуіл кентінің жастары қатысты. Жас қызметкерлердің зияткерлік әлеуетін көтеру, оларды басым міндеттерді шешуге тарту, сондай-ақ кәсіби, әлеуметтік және мәдени байланыстарды нығайту мақсатындағы форумда «100 жас есім», «Жас үздік маман» байқауының қатысушылары, Президент жанындағы Компанияның жастар ісі жөніндегі кеңесі, «ҚТЖ Лигасы» КВН ойындарының финалистері, «Корпоративтік волонтерлік мектебі» байқауының қатысушылары және тағы басқа ұйым жастары қатысты. Бизнес тренер әрі сарапшы Мақсат Жансейітов «ҚТЖ Лигасы» КВН ойындарының финалистері мен Президент жанындағы Компанияның жастар ісі жөніндегі кеңесіне арнап «Қоғамдық орында сөйлеу» тақырыбында тренинг өткізді. Форумға қатысып жатқан келешекте басқарушы бұл талантты жастар жеке біліктілігін арттыру, кез келген жағдайға бейімделе білудің маңыздылығын үйренді.&nbsp;Міне, Елорда төрінде қаншама жастың арасынан топ жарып, үздік болып танылған Еркебұлан Бауыржанұлы – қарттарды қадірлеумен қатар елдің сөзін сөйлеп келе жатқан азамат. Қазіргі уақытта халық саны бойынша аудан орталығы Аралдан кейінгі екінші кезектегі Сексеуіл кентінде көптеген маңызды мәселелер шешімін табуда. Осы мәселелерді қажетті кезде көтеріп, оң шешімін табу жолында қозғаушы рөлді атқарып жүрген жанның жастарға да қаншалықты қолдау танытатынын сексеуілдіктер ғана емес, аудан халқы жақсы біледі.

Қазақстан және Қызылорда облысының жаңалықтары