<a href="https://kyzylorda-news.kz/">Kyzylorda-news.kz.</a> Сырдариялық Мөлдір Жандарбек пен Низара Әубәкірова №11 Сырдария ауданының олимпиадалық резервтің мамандандырылған балалар-жасөспірімдер мектебінің тоғызқұмалақ үйірмесінің спортшылары болып табылады. Олардың үйірмеге қатысып жүргеніне 4-5 жыл уақыт болған. Кішкентайынан ұлттық спортқа қызығушылық танытқан қыздар бүгінде чемпиондық атаққа жетіп, ел абыройын асқақтату үстінде.Әдетте спортпен айналысатындардың жігері мен ойлау қабілеті жүйрік болады. Спортшылардың қиындықты жеңуге деген құлшынысы мен алға қойған мақсатына жетуге деген ынтасы ерекше зор. Сырдария ауданы өзінің сайыпқырандарын қашанда мақтан етеді. Әсіресе, ұлттық ойын – тоғызқұмалақтың кіші отанына айналған спорттың осы түрімен шұғылданушылар қатары артуда.Жас жеткіншектер Мөлдір Жандарбек пен Низара Аубакирова №11 Сырдария ауданының олимпиадалық резервтің мамандандырылған балалар-жасөспірімдер мектебінің тоғызқұмалақ үйірмесінің тоғызқұмалақшылары. Олардың үйірмеге қатысып жүргеніне 4-5 жыл уақыт болған. Кішкентайынан ұлттық спортқа қызығушылық танытқан қыздар бүгінде чемпиондық атаққа жетіп, ел абыройын асқақтатуда. Жас спортшыларды тоғызқұмалаққа кәсіби түрде Қазақстанның еңбегі сіңген жаттықтырушысы Білімжан Елеусін, жоғары санатты жаттықтырушы Мұхтар Әбжаппаров, халықаралық дәрежедегі спорт шебері Бексұлтан Бостандықов жаттықтыруда. 9 жасында Ақтөбе қаласында өткен ел чемпионатында чемпион, 11 жасында Павлодар қаласында өткен жасөспірімдер чемпионатында екінші мәрте чемпион, 2021 жылы Азия чемпионы атанған 14 жастағы Мөлдірдің жетістіктері аза емес. Бұл үшін жас спортшы тоғызқұмалақ үйірмесіне ең алғаш ертіп келген әжесі Мейрамкүлге алғысын жеткізеді. Өсіп келе жатқан жас буынның ойлау қабілетін, есепке жүйріктігін шыңдау мақсатында қосымша тоғызқұмалақпен айналысуын жөн көрген Мейрамкүл әжесі осы күні немересінің жетістігіне қуанышты.<blockquote>«Менің қатарларым көбіне "Тоғызқұмалақ та спорт түрі ме?" деп сұрақ қоятыны бар. Оларға менің берер жауабым: Спорт – дене тәрбиесі мәдениетінің бір бөлігі. Спорт дегеніміз белгілі бір ережелерге сәйкес адамдардың физикалық және интеллектуалдық қабілетін салыстыру үшін өтетін іс-шаралар, іс-әрекеттер, жарыстар. Спорттың мақсаты – адамдардың физикалық-психикалық қабілетін жетілдіру, денсаулығын жақсарту еді. Тоғызқұмалақ ойынында адамға түсетін ауырпалық басқа да спорт түрлерінен кем емес. Мысалы, Талдықорған қаласында өткен ауыл жасөспірімдерінің ІҮ – спартакиадасының соңғы ойынында Алматы облысының өкілімен кездестім. Бұл шешуші ойын еді. Қазіргі уақытқа дейінгі жаттығуда жасалған жұмыстың, ағайлардың үйреткен еңбектерінің нәтижесінде жеңіске жеттім. Командамыз чемпион атанды. Спартакиададағы қиыншылықты, ауыртпалықты айтып жеткізу қиын. Жеңіс қуанышы ғана бәрін ұмыттыратыны сөзсіз. Сондықтан спорт түрлерінің, мейлі ол ой спорт болсын немесе қозғалыс спорты болсын өзіне тән ерекшеліктері болады деп ойлаймын. Спорттық жарысқа қатысудың өзі батырлық. Ал өз еліңнің намысын қорғап, жеңіске жету – үлкен абырой. Сол себепті барлық спортшыларға ерекше сыйластықпен қараймын», – дейді ерекше тебіреніспен 14 жасар чемпион қыз, спорт шеберіне үміткер Мөлдір Жандарбек.</blockquote>11 жаста спорт шеберлігіне үміткер атанып, талай дүбірлі додадаларда дара шыққан 13 жасар чемпион Низара Аубакирова құрбысы секілді еліміздің көптеген қалаларында болған. Жақында Қостанай облысы Лисаков қаласында Қазақстан Республикасының жасөспірімдер арасындағы өткен командалық чемпионаттың сапында өнер көрсеткен Низара мен Мөлдір облыстың чемпион атануына ықпал етті. Биылғы жылы өткен ауыл жасөспірімдерінің ІҮ – спартакиадасында қос спортшы облыс командасының жеңіске жетуіне ерекше еңбек сіңірді.Атап өту керек, төрт жылда бір рет өтетін ауыл жасөспірімдерінің спартакиадасында өнер көрсеткен 6 спортшының барлығы сырдариялық тоғызқұмалақшылар.<blockquote>«Отбасымда ата-анамның кенже қызымын. Әкем Еркін, анам Ақсәуле, әжем Мырзакүлдің қамқорлығының, қолдауының, жаттықтырушыларымның еңбегінің арқасында жетістіктерге жеттім. Ең алғаш рет 3 сыныпта оқып жүргенімде тоғызқұмалаққа қатысуыма тәтем Гүлстан себепші болды. Қазір жаттықтыруышы ағайлардың арқасында тоғызқұмалақ ойынының қыр-сырын үйреніп, жарыстарға шығып жүрмін. Тоғызқұмалақтың ерекшелігі көп. Зияткерлік ойынды қазақтың ұлы ғұламалары ойнаған. Қарсыласыңды жеңуге мықты дайындығың, ойлау қабілетіңнің жүйріктігі көмектеседі. Есепке негізделген спорттың түрі менің мінезіме жақын. Сабырлылыққа, қарсыласыңды құрметтеуге, әділ болуға үйрететін спортпен шұғылданғаныма қуаныштымын. Әлі талай жарыста бағымызды сынайтын боламыз. Туған жердің тұғырын биік етіп, үлкен мінберлерде тұрып еліміздің Әнұранын шарықтату үлкен абырой, патриоттық сезім сыйлайтын қуанышты сәт. Сондықтан атыма сай жарқыраған жұлдыз болып жанатыныма сенемін», – дейді сырдариялық жас спортшы Низара Аубакирова.</blockquote>Низараның өткен жылы жеткен жетістіктерінің өзі бір төбе. ҚР 13 жасқа дейінгі қыздар арасындағы жекелей чемпионатында, жекелей облыс біріншілігінде, ҚР әйелдер арасындағы командалық чемпионатында жүлдегер атанды. Низара мен Мөлдір – жылдың үздік спортшысы қатарында.Өткен жылы қос спортшының жаттықтырушысы Білімжан Елеусін Мөлдір мен Низара әлем чемпиоантына жолдама алғанын хабарлғңан болатын. Жасөспірім шағында әлемдік деңгейде бәйгеге қатысқан сырдариялық тоғызқұмалақшылардың шығар тұғыры биік болсын. Жеңіс жалауын көкке көтеріп, ел абыройын асқақтата беруіне тілектеспіз!&nbsp;

Сырдарияның мерейін асырған спортшылар

<a href="https://kyzylorda-news.kz/">Kyzylorda-news.kz.</a> &nbsp;Облыс әкімі Нұрлыбек Нәлібаев Қармақшы ауданына жұмыс сапарымен барып, «Ауыл – ел бесігі» жобасы аясында салынған дене шынықтыру-сауықтыру кешені ғимаратының ашылу рәсіміне қатысты.Аймақ басшысы Жосалы кентінің тұрғындарын жаңа нысанның ашылуымен құттықтады. Спорт кешенінің тұрғындар бұқаралық спортпен айналысу үшін жиналатын тәрбие ошағы болуына тілектестік білдірді.<blockquote>«Мемлекет басшысы Қасым-Жомарт Кемелұлы өз Жолдауында «Денсаулық кепілі – дене шынықтыру. Халықтың спортпен шұғылдануына барлық жағдай жасалуы қажет» деген болатын. Өңірде спорт инфрақұрылымын дамытуға ерекше мән беріліп келеді. Қазіргі таңда облыс бойынша 10 дене шынықтыру және спорт кешенінің құрылысы жүргізілуде. Оның бірін бүгін пайдалануға берудеміз. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарланған. Жанашыр жерлестеріміздің, демеуші азаматтарымыздың арқасында аймағымызда көптеген жаңа нысанның құрылысы жүргізілуде, алдағы уақытта да ауқымды жоспарларымыз бар. Жергілікті «Қайсар» футбол клубы үшін заманауи жабық стадион салу жұмыстары демеуші есебінен атқарылуда. Былтыр «Балалар жылы» аясында демеушілер 1,6 млрд. теңгенің 80 спорт-ойын алаңын балдырғандарымызға тарту етті», – деді Нұрлыбек Машбекұлы.</blockquote>Салтанатты шарада Қармақшы аудандық ардагерлер кеңесінің төрағасы Асқар Мереков те жерлестерін құттықтап, ақ батасын берді.Жалпы аумағы 1500 шаршы метрден асатын спорт кешенінде тренажер, фитнес және әмбебап залдар бар. Мердігер мекеме «Сапақ» өндірістік кооперативі құрылысты 2021 жылдың қазан айында бастап, жуырда аяқтады.Айта кетейік, биыл Қармақшы ауданында бірқатар әлеуметтік нысанның құрылысы басталмақ. «Жайлы мектеп» ұлттық жобасы аясында аймақта осы жылы 10 мектептің құрылысы басталса, оның 2-уі Қармақшы ауданынан салынады. «Ауылда денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны бой көтермек. Осы жоба бойынша Дүр Оңғар, Тұрмағанбет, Ақжар ауылдарында дәрігерлік амбулатория салынбақ. Ал, ІІІ Интернационал және Дүр Оңғар ауылдарында спорт кешенінің құрылысы басталады.«Ауыл – ел бесігі» бағдарламасы шеңберінде ауданда жалпы құны 580 млн. теңгені құрайтын, ұзындығы 17,5 шақырымдық 21 көше орташа жөндеуден өтіп, 225,4 млн теңгеге 24 көше жарықтандырылады. Облыстық бюджет есебінен Самара-Шымкент жолынан Ақжар, Тұрмағанбет, Көмекбаев ауылдарына дейінгі жолдың 27 шақырымы орташа жөндеуден өтеді. Бұл жұмыстарға 503,4 млн. теңге қаралды. Көмекбаев, Қармақшы, Алдашбай ахун ауылдарындағы су қабылдайтын құрылғыны қайта жаңғыртуға 774,3 млн. теңге бөлінген. Ақай ауылы мен Төретам кентіне 654,5 млн теңгеге газ тарту жұмыстары жүруде.

Қармақшы ауданында спорт кешені ашылды

<a href="https://kyzylorda-news.kz/ru">Kyzylorda-news.kz.</a> ҚР мәдениет қайраткері, күйші-сазгер Орақ Баубековтің шығармашылығы жайында әңгіме өрбіткен болатынбыз.&nbsp;– «Өнерді – өмірім» деп таныған дарын иесі ретінде сізді қазалылықтар құрметтейді. Осы сырлы да, киелі шығармашылыққа толы әлемге қалай келдіңіз?– Аралдың көне Бөген деген жерде балалық шағым өтті. Бізбен көршілес жазушы, ақын, күйші-жырау, домбырашы Зейнолла Шүкіров тұрды. Алты жастан бастап осы ағамыздан домбыраны тарту өнерін үйрендім. Кейін Карл Маркс совхозына қоныс аудардық. Кетерде З.Шүкіров арнайы шақырып алды. Ол кітапты көп оқитын. Келсем, газет пен кітаптың ортасында отыр екен. Бетімнен сүйіп: «Айналайын, көшкелі тұрсыңдар саған бір шумақ өлеңімді арнадым. Жазып ал», – деді.Аралда бір мекен бар Бөген деген, Айналасын шағыл құммен шегендеген. Сол жерде келді бір қара бала дүниеге, Алты жастан бастап өнерді көгендеген» деп сөзін тоқтатты. Карл Маркс совхозында орта білімді толық алдым. Ауылға Роза Бағланова келді. Алпыс жасқа келген кезі болуы керек. Оның құрметіне мектепте екі-үш киізүй тігіп, домбыра ансамблімен бірге концерт бердік. Роза апамыз өнерімізге риза болғаны соншалық бәріміздің бетімізден сүйді. Мектептен соң Мәдениет үйіне ҚССР-нің мәдениетіне еңбегі сіңген қызметкер атағын алған Кеңес Асанбаев жұмысқа үйірме жетекшісі ретінде қабылдады. Махамбет Әуезов ұлттық аспаптар оркестрін басқаратын сол кезде мені де құрамына алды. Бұл жерде 2 жыл қызмет етіп, Алматыдағы консерваторияға жолдамамен бардым. Емтиханнан кеш қалып, бірнеше күн үлкен қалада сандалып жүрдім. Ауылға қайтуға намыс жібермеді. Сонымен ойлана келе, Ахмет Жұбановпен жолықтым. Ол болған жайтты мұқият тыңдап, күй тартуымды сұрады. Өнеріме риза болып оқуға қабылдануыма көмектесті. Ахмет Жұбанов менің оң қолымның жүйрік, ал сол қолым әлсіз екенін ескертіп, көп ізденіп машықтануымды тапсырды. Сонда ғана танымал күйші болатынымды айтты. Себебі Құрманғазының оң, ал Динаның сол қолы жүйрік болған. Сол үшін де дарыныңды оқумен ұштастыр деп тапсырды да, бірден ректорға хабарласып: «Аралдан келешегінен зор үміт күттіретін бала келген екен. Емтиханнан кешеуілдеп қалған. Қабылдауыңа барса, қызметкерлерің кіргізбепті. Сынақтан мен өткізіп отырмын. Менің емтиханымнан өтті. Оқу орнына қабылдасаң болады», – деді.Сөйтіп консерваторияда екі жыл оқып, барлық жарыстарға қатыстым. Бастапқы кезде тұратын жер болмай Ахмет Жұбановтың үйінде бір ай тұрдым. Осылайша керемет өнер иесінің жанында жүріп бата алғанмын. Кейін жанарым шаншып ауыра бастады. Бала кезде шалалықпен темір тиіп, зақымдап алғандықтан оның әсері екінші жағына ықпал етті. Көру қабілетім төмендей бастады. Жаны ашыған ұстаздарым ректорға ертіп барып, өнерімнің жалғасуына көздегі жарақат кедергі жасап тұрғанын жеткізді. Ол бірден мамандарға телефон шалды. Сол жайсаң жандардың арқасында жолдамамен Одессада көзімді емдеттім. Қазалыға келген соң Әбен Жолтаев теміржол клубының директоры кезінде оркестр ұйымдастырып, сонда қызметке тұрдым. Оркестрдің құрамында жүргенде үлкен концерт қойып, облыста жүлделі орынға ие болдық.Әлі есімнен кетпейді 1974 жылы Әбен Жолтаев салтанатты түрде дирижерлық істі тапсырды. Содан бастап дирижер болып зейнетке шықтым. Кейін Қазалы оркестрі халықтық атаққа ие болды. Оған дейін облыстық, республикалық лауреат атандық.– Сіздің күйшілік талантыңызды ашу жолында кімдер үлес қосты?– Ең әуелі Зейнулла Шүкіровтың ықпалы зор. Кейін Карл Маркске көшіп келгеннен соң Әнуарбек Алпысбаев деген сынып жетекшім өнерімді шыңдауға әсер етті. Ол ән-әуез сабағының мұғалімі болған керемет адам еді. Бертін келе Нәби Жәлімбетов шығармашылығымды шыңдады.Сонымен қатар оқу орнында жүргенімде алғашында саусақтарымның жіңішкелігіне байланысты қобыз аспабында машықтандым. Маған өнер жолында күйші-қобызшы, композитор Жаппас Қаламбаев көпті үйретті. Ол шебер орындаушы әрі дирижер, көп қырлы, бір сырлы талант иесі еді. Әйгілі күйші композитор, дирижер, дәулескер домбырашы НұрғисаТілендиевтен де сабақ алдым. Оның ән, күй, романс, увертюра, поэма, контата, опера, балет сынды мол мұрасының жанрлық аясы қайран қалдырады.Құрманғазы атындағы қазақ академиялық халық аспаптар оркестрінде домбырашы, кейіннен концертмейстер, жеке домбырашы және дирижер қызметтерін атқарғанҚаршыға Ахмедияровтан да дәріс алдым. Оның қазақ музыка мәдениетінде, орындаушылық саласында өзіндік ерекше мектеп қалыптастырған күйшілік өнері, көптеген тамаша күй шығарған композиторлығы, әлденеше күй жинағының авторлығы, халықаралық, республикалық сайыстардың жүлдегерлерін, бүгінде қалың жұртшылыққа танымал шәкірттер дайындаған ұлағатты ұстаздығы мені әлі күнге тәнті етеді. Міне, осындай атағы дүрілдеген мықты таланттардан алған ілімім маған өмір бойы шабыт беріп, күйшілік өнерімді тоқтатпадым.– Өзіңіздің төл күйлеріңізді атап шықсаңыз. Оның тарихына тоқталып өтсеңіз…– Мектеп бітіргеннен кейін оқуға барсам ба, консерваторияға түсе алам ба? деген -сауалмен жүргенімде «Ойлану» күйін шығардым. 1961 жылы 4 маусым күні Байқоңыр қаласының мерекелік алаңында алғашқы ғарышкерлер Юрий Гагарин мен Герман Титовқа арналған әскери парад болды. Салтанатты түрде шерудің соңында ғарышкерлерге арналған мерекелік концерт өтті. Менің Төретамда тұратын нағашы ағам әскери капитан Әпсаттар ағай мені домбырамен сахнаға алып шықты. Орыстың халық музыкасы Коробейникийді орындадым. Оған қос ғарышкер мені аспанға үш рет көтеріп бетімнен сүйіп, гүл берді. Әпсаттар ағай жүгіріп келіп, ғарышкерлермен бірге естелікке суретке түстік. Ол кезде Арал ауданы Бөген орта мектебінде 6 сыныпты бітіріп, 7-ге көшкен кезім. Жырау кемпір атанған Балшым әжем мен каникулға шықан соң, Төретамға қыдырып барғанбыз.Ғарышкер Герман Титовтың бойы ұзындау болатын. Салмақты, іріденелі, жай сөйлейді. Ал Юрий Гагариннің бойы орташа, денелі келген. Ақкөңіл, қарапайым, халыққа ағынан жарылып сөйлеп, көрермендерді қайта-қайта қол ұрғызды. Ғарышкерлердің бейнесі әлі көз алдымда. Содан «Байқоңырдан ғарышқа» деген Ю.Гагаринге арналған арнау шығардым.1976 жылы қыркүйек айында Байқоңыр телевидениесінен Людмила Константина деген орыс қыз хабарласып, телеарнаға түсіруге ертіп барды. Онда ғарышкер Юрий Гагарин мен Герман Титовпен кездескенімді айттым. Домбырамен 4-5 музыка орындап бердім. Кейін ел егемендігіне «Тәуелсіздік ұраны» күйін сыйға тарту еттім. Халық қаһарманы Бақытжан Ертаевқа арналған «Қаһарман жауынгер» деген күй шығардым. Сондай-ақ атам Баубек Мамбетовке «Қуғын-сүргін құрбаны» атты күйім шықты. Атам өте бай 150-дей жылқы, 60-70-тей түйе, 200 шақты сиыр баққан. Рақаш әкем 7 кластық біліммен ауыл советтің хатшысы, кейін кеңестің төрағасы болды.Әндер жинағым да бар. 1973 жылы Грузияның Абастумание курортында Тбилиси филормониясының әншісі Налия Сулугадзе ханымға «Асыл арман» әнін арнадым. Сөзі ақын Балтабай Тәжімбетовтікі, кейін сөзін Насыр Байекеев жазды. Одан соң «Дүние саған не дейін?» әні жарық көрді. Сөзі айтыскер ақын Бекұзақ Тәңірбергеновтікі.Мұнымен қоса, «Жүрегім» сазын халыққа ұсындым. Сөзі ақын, жазушы Сейіл Боранбаевтікі, ҚР мәдениетінің үздігі, әнші Ғалия Оспанова орындаған. Бұдан бөлек тағы басқа да әндер жинағы мен күйлерім жетерлік.– Қазір кенттік клубтың атаусыз тұрғанына біраз уақыт болды. Қазалыдан шыққан атақты адамдар баршылық. Мәселен, К.Дүйсекеев, Р.Бағланова, М.Ералиева сынды тұлғалар бар. Оған лайықты адамдар табылмағаны ма?– Өнер – халықтың рухани азығы. Кезінде Сыр өңіріне мәлім есімдердің бірі, әнші Мәдина Айымбетова ол жайлы айтқанда толғанбай тұру мүмкін емес.Ол қазіргі Жанқожа батыр атындағы мектепте оқыған. Мектепте жүргенде-ақ Роза Бағлановаға әннен сабақ берген Қобылаш Жаймұратовтан музыка сабағын үйренген. Кейін Роза апасының шақыртуымен 2 жыл жанында болып тәрбиесін алған. Роза Мәдинаны Қазақ концертке жұмысқа орналастырады. Әрдайым өзімен бірге Алматыда, Ташкентте және Бұқара, Самарқант, Нүкіс қалаларында өнер көрсетіп, көрермендердің ықыласына бөленген. Дегенмен Мәдинаның әкесі дүниеден озып, ол ауылға оралады. Мұнда аудандық мәдениет үйінде әдіскер, әнші болып жұмыс істейді.Жетпісінші жылдары теміржол клубының директоры Әбен Жолтаевтың оркестрімен Мұхан Төлебаевтың «Қайран жүрек» әнін шебер орындағаны үшін облыстық байқауда лауреат атағы берілді. «Құрдастар» ансамблінің құрамында жүріп, тыңдармандарға кеңінен танылды. Аудан басшысы Елеу Көшербаевтың ұсынысымен, Тереңөзек, Жалағаш және Сырдария ауданының басшыларының шақыруымен Мәдина өнерпаздармен концерт берді. Сол кезде Елеу аға Мәдинаның кездесу өнер кешін облыстық дәрежеде атап өтуді жоспарлағанда Мәдина дүниеден озып кетті. Өкінішті, тағдырға амал қанша? Сондықтан өнердегі еңбегін қалай ұмытуға болады.Бүкілодақтық өнер байқауының лауреаты, жезтаңдай әнші Мәдина Айымбетованың ерекше еңбегін бағалап, Әйтеке би кенттік клубы кенттік мәдениет үйі болған жағдайда Мәдина Айымбетованың аты берілсе құба-құп болар еді.– Әңгімеңізге рахмет!

Күйші-сазгер Орақ Баубеков: Өнер – халықтың рухани азығы

<a href="https://kyzylorda-news.kz/ru">Kyzylorda-news.kz.</a> Мәдениет және өнер қызметкерлері күніне орай Бекарыстан би ауылдық мәдениет Үйінің ұйымдастыруымен жерлесіміз, ҚР мәдениет саласының үздігі, «Жадыра – Жайна» продюсерлік орталығының директоры, Қазақстан Республикасы Ішкі Әскер «Жадыра – Жайна» би тобының жетекшісі, өнерлі жастардың демеушісі, ауылымыздың мақтанышы Күлшар Айдаулетқызымен «Қайсар ғұмыр» атты кездесу кеші болып өтті.Кездесу кешінде Күлшар Айдаулетқызына өмір жолынан сұрақтар қойылып, өнер әлеміне қадам басқалы жатқан жастарға бірқатар кеңестер айтылды. Көрермендер тарапынан да сұрақтар қойылды және де ән үйірмесінің мүшелері ән айтып кештің көркін қыздырды. Кеш соңында Майдакөл ауылдық округі әкімі Қ. Құрманбаев кеш иесін құттықтап, аудан әкімі М.Оразбаевтың алғыс хатымен марапаттады.Мұнан соң медицина саласының ардагері, Қазалы ауданының құрметті азаматы Болат Садуов ағамыз, ауылдық әйелдер кеңесінің төрайымы Бекжанова Құралай апайымыз ел халықтың атынан, қазақы дәстүрмен сый-сияпатын көрсетіп, бата тілектерін білдірді.Кеш иесі Күлшар Айдаулетқызы өз алғысын білдіріп, ауылдық мәдениет үйіне сахналық көйлектер сыйға тартты.

Қазалыда ҚР Мәдениет саласының үздігі Күлшар Айдаулетқызымен кездесу кеші өтті

<a href="https://imagesratel.kz/cdn/innermain/i/2020/July/10/cec1dd9fedb3571080586fa31eaa01b873de30b9.jpg">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қызылорда облысында 17 мың балаға қатысты 243,7 млн теңге алимент қарызы өндірілмей отыр. Облыс бойынша жыл басынан бері 18 400 балаға қатысты алимент өндіру туралы 12 575 атқарушылық құжат болса, оның ішінде 446 балаға қатысты 308 құжат бойынша 379,8 млн теңге берешек болып, бүгінгі күнге 1 025-і аяқталған (728 - орындаусыз кері қайтарылған, 213 - тоқтатылған, 84 - толық орындалған).Облыс прокуроры Нұрлан Бижановтың төрағалығымен алимент өндіру бағытында атқарылған жұмыстарға қатысты ведомствоаралық мәжіліс өткізілді. Кәмелетке толмаған балалардың пайдасына алимент өндіру сот орындаушылары мен уәкілетті органның тікелей міндеттерінің бірі болып табылады.Қазіргі уақытта 17 мың балаға қатысты 11 550 атқарушылық құжат қалдықта, 291 балаға қатысты 208 құжат бойынша 243,7 млн теңгеге қарыз өндірілмей отыр.Яғни, жыл басынан бері берешек тек 136,1 млн теңгеге азайған (Қызылорда – 88 млн, Байқоңыр – 16 млн, Қазалы – 9,7 млн, Арал – 8,6 млн, Қармақшы – 2,4 млн, Жалағаш – 12,1 млн, Сырдария – 7,2 млн, Шиелі – 7,1 млн, Жаңақорған – 6,8 млн).Тексерумен алимент өндіру туралы қаулыны борышкердің жұмыс орнына уақытылы жолдамау, борышкердің ел аумағынан шығуын уақытша шектемеу, борышкерлерді әкімшілік жауапқа тартпау, оның есепшоттарына және мүлкіне тыйым салмау сияқты 389 заң бұзушылықтар анықталды.Мәжілісте Қызылорда облысы Әділет департаменті басшысының орынбасары Ұ.Оразгелді және Жеке сот орындаушыларының өңірлік палатасының басшысы К.Десятниченко атқарылған жұмыстар мен орын алған заң бұзушылықтар бойынша есеп берді. Одан бөлек облыс прокуроры полиция мен аумақтық прокурорларға қаскөй борышкерлерді Қылмыстық кодекстің 139-бабымен жауаптылыққа тарту бағытында нақты шаралар атқаруды тапсырды. &nbsp;Ведомствоаралық мәжіліс нәтижесімен уәкілетті органдар мен сот орындаушыларға нақты тапсырмалар беріліп, олардың орындалуы жөнінде 6 айдың қорытындысымен тыңдалатындығы, заңсыздықтар мен кемшіліктер жойылмаған жағдайда қатаң шаралар қолданылатындығы ескертілді. Қазіргі таңда бұл бағыттағы жұмыстар күшейтіліп, өз жалғасын табуда. &nbsp;

Алимент өндірілу жағдайы облыс прокуратурасының бақылауында

<a href="https://kyzylorda-news.kz/">Kyzylorda-news.kz.</a> Адам өмірі үшін байланыс саласының мәні ерекше. Ыбырай атамыз «Айшылық алыс жерлерден, көзіңді ашып-жұмғанша жылдам хабар алғызды» деп заманның болашағын болжап кеткен ғой. Кезінде алыстағы жақынынан апталап, айлап хабар ала алмаған халық, қазір еш кедергісіз байланыс желісі арқылы алыстағы туғанының даусын естіп, қолындағы телефон арқылы бейнесін көретін мүмкіндікке ие болды. Бұл саланы сөз қылуымыздың да жөні бар.&nbsp;Себебі, 17 мамыр – Байланыс және ақпараттандыру қызметкерлерінің кәсіби мерекесі. Ауданымызда байланыс саласын соның ішінде телекоммуникация жүйесін дамытуға үлес қосқан жандар баршылық. Соның бірі – қажырлы еңбегімен елге еленген майталман маман Нұрлыбек Тойбазаров. Былайғы жұрт бұл кісіні жүрген жерінде Нұрлан деп шақырады. &nbsp;Олай аталуының да өзіндік хикаясы бар. Оны мақала барысында айтатын боламыз, асықпаңыз... Жастайынан радио, магнитафон сынды техникалардың тілін білген ағамыз 1979 жылы 10 сыныптық білімді тәмамдаған соң жұмыс іздеп байланыс мекемесіне барады. Сол жылдың желтоқсан айында қабылдаудан өтіп, радиомонтер болып жұмысқа тұрады. Үш-төрт жыл сол орында жүріп, кейін бригадамен бірге ауылдардың желісін қарауға атсалысады. Ержігіт болғасын Отан алдындағы борышты өтеу бар ғой. 1980 жылы әскерге аттанып, сол жақта да радио-байланысшы болады. Екі жылғы борышты өтеп елге оралған соң қайтадан сол жұмысқа станса кезекшісі болып қабылданады. Кейін бекет, ауылдардың телефонын бақылайтын инженер қызметіне ауысып, уақыт өте жұмысы жоғарылайды. Ел егемендік алғанға дейін байланыс саласының жағдайы сын көтермегені белгілі. Осы тұста біршама қиындықтар туындайды. «Ел басына күн туғанда ер сыналар» демекші, ел арасында байланыс жүйесі үзіліп, кедергілер орын алғанда ағамыз уақытпен санаспай жұмысқа бел шеше кіріскен.<blockquote>«85-90-жылдары ел тоқырауға ұшыраған кез. Халық күн көру үшін бәріне барды. Ауылдардағы стансаның барлық желі сымдарын ұрлады. Сол кезде амалдап әр ауылға бір сымнан бір-бір телефоннан орнатып бердік. Кейін өз қолыммен АТС жинап, телефон нөмірін көбейтіп бердім. Қазір бәрі цифрлы жүйеге ауысты ғой. Ол уақытта күннің ыстығы мен суығына да қарағанымыз жоқ. Шеткі ауылдардың құлаған бағанасын тұрғызып, желісін құрып бердік талай. Көлігіміздің жанармайы таусылып жолда да қалдық. Әйтеуір өзіме міндеттелген жұмысты бітірмей келмейтінмін. Бір жылдары жол апатынан аяғым сынып, үйден шыға алмай қалдым. Сол кезде Тұрмағамбет ауылында АТС өртеніп, 1 апта байланыс болмады. Марқұм инженер Марат деген жігіт менен көмек сұрап, жүре алмасам да көлігіне абайлап отырғызып, жолда жай жүріп апарды. Менің айтуым бойынша ол сымдарды жалғап, байланысты қалпына келтірді. Міне сөйтіп те жұмыс істедік, бірақ еш міндетсінбедік», – дейді майталман маман.</blockquote>Нұрлыбек ағамыздың әкесі Жұмабай жол бойындағы байланыста жұмыс істеп, аты шыққан. Одан тараған ұрпақтары да осы саладан алыс болмапты. Ал кейіпкеріміздің ұлы бүгінде әкеден қонған өнерді жалғастырып жүр. Енді Нұрлыбектің не үшін Нұрлан аталуына келсек. Ағамыз өмірге келерде күн райы бұзылып, аспан бұлттанып, жаңбыр тоқтамай жауыпты. Содан туылғанда жауын тоқтап, аспан шайдай ашылыпты. Бұл құбылысқа таңданған ағамыздың атасы «Немерем келгенде күннің жадырап, нұланғанын көрмейсің бе? Есімін «Нұрлан» қойыңдар» депті. Сөйтіп баланың туу туралы куәлік құжатына атын жаздырып, алдыру керек болыпты. Ол кезде қоныс ауданға жақын 1 разъезде болса керек. Ауылдық кеңес Қызылтамда екен. Сол ауылға бара жатқан монтерлердің біріне құжатты ала келуін өтініп, аты-жөні мен тегін ауызша айтып жіберіпті. Бірақ әлгі монтер барар жеріне жетем дегенше ұмытып қалыпты. Содан баланың есімін есіне түсіре алмай Нұр..., Нұр... деп тұрып алыпты. Құжат беруші маман «Нұрлыбек емес пе?» десе «І-і-і, дәл өзі» деп туу туралы куәлікке солай жаздырып алыпты. Осылайша сол құжатпен екінші есімді қатар алып жүр қазір.Майталман маманның осы саладан қол үзбей қызмет істегеніне 44 жылдан асқан. Қызметте жүріп шәкірт те тәрбиелеген. Қазір зейнет демалысында. Адал қызметінің арқасында еңбегі еленіп, түрлі марапаттан кенде болмаған. Соның бірі – «Қазақтелеком АҚ – 25 жыл» мерейтойлық төсбелгісін кеудесіне таққан.

Қармақшылық қарапайым қызметкер

<a href="https://kyzylorda-news.kz/">Kyzylorda-news.kz.</a> Қармақшы ауданында қадір-қасиетімен, сыйластығымен Сыр бойы халқына танылған өнегелі отбасы жетерлік. Солардың бірі – &nbsp;Ұлы Отан соғысының ардагері, журналист Сапабек Махмутов пен ауданның Құрметті азаматы, «Ғасыр кәсіпкері» Шынар Махмутованың жанұясы.Халықаралық отбасы күніне байланысты «Аналар ізімен» жобасы аясында Төретам кенті клуб үйінің ұйымдастыруымен Махмутовтар әулетінің перзенті, еңбек ардагері, көпбалалы ана, іскер әйел – Шолпан Махмутованың өнегелі өмірін тұрғындарға кеңінен насихаттаған кеш өтті.Ол ауданымыздың алғашқы кәсіпкерлерінің бірі. Кәсіпті тоқсаныншы жылдардың басында сауда саласында бастап, 2005 жылы &nbsp;Төретам кентінде автостанса ашып, өңірімізде жолаушы тасымалы бойынша жұмыс істеп келеді. Кәсіпкер бүгінде өзінің тындырымды ісімен Төретам кентінен мына жағы Қазалы, Арал, мына жағы Жосалы кенті арқылы облыс орталығына үзіксіз жолаушылар тасымалын жолға қойған. Өткен жылы ол Жосалы кентінен «Шынар ана» автостансасын ел игілігіне пайдалануға беріп, ауданда жолаушылар тасымалының өркен алуына үлкен үлесін қосты.Ал, осындай өнегелі де, іскер ананың жеке басына тоқталар болсақ, ауданда құрылыс саласы бойынша өзінің қолтаңбасын қалдырған, заман талабына сай көптеген құрылыстардың &nbsp;бой көтеруіне жұмыс істеген атпал азамат, өмірлік жары Құрамысбек &nbsp;ағамызбен бірге 7 ұл-қыз тәрбиелеп өсірді. Балалары Марат, Қанат, Қайрат ана жолын жалғастырған кәсіпкер болса, Ләззаты Байқоңыр қаласында ресейлік мекеменің қызметкері, Жанары Қызылордада адвокат, кіші баласы Алматы Елордадағы &nbsp;ішкі істер органында қызмет етеді. Бүгінде шаттыққа толы шаңырақтың отанасы Шолпан Сапабекқызы отбасынан өрбіген ұл-қызынан 17 немере сүйіп отыр.Апайымыз еліміздегі демографиялық ахуалды дамытуда «Алтын алқа» иегері атанса, сонымен қатар, елге еткен еңбегінің жемісі үшін «Еңбек ардагері», ҚР Коммуникациялар және даму министрлігінің «Құрметті автокөлікші» &nbsp;төсбелгілерімен, аудан, облыс әкімдерінің, министрліктің бірнеше рет Құрмет грамотасымен, Алғыс хатымен марапатталды.Айтыскер ақын Сырым Әділбековтің аналарға арнауымен шымылдығы түрілген фестивальдің ашылу салтанатына облыс әкімінің орынбасары, Қазақстан Республикасы «Байқоңыр» кешеніндегі арнаулы өкілі Қайрат Нұртай қатысып, шараға қатысушыларды отбасы күні мерекесімен &nbsp;құттықтап, жүрекжарды жылы лебізін білдірді. Өңірдегі демографиялық ахуал бойынша атқарылған жұмыстарды саралап, тыныс-тіршілігі әңгімеледі. Сонымен бірге, кәсіпкер жанның өмір жолына тоқталып, қазақы салт-дәстүрмен сый-құрмет көрсетті.Шара барысында аудандық мәслихат, ардагерлер, қоғамдық кеңес төрағалары Әділ Қошалақов, Асқар Мереков, Әбдірахман Құлдүйсенов, сондай-ақ аудандық әйелдер кеңесінің төрайымы Гүлжауһар Раева, Төретам кенті ардагерлер кеңесінің мүшесі Әмидулла Нағмадинов, Байқоңыр қалалық аналар кеңесінің мүшесі Гүлсара Көшкінбаева, &nbsp;кәсіпкер Үрзада Бекмұрзаева және басқалар құттықтау сөз сөйлеп, ыстық ықыластарын білдірді. Шарада &nbsp;құрметке бөленген Шолпан Сапабекқызы осындай тағылымды іс-шараны ұйымдастырушыларға, арнайылып келген қонақтарға ізгі тілектері үшін алғаусыз алғысын айтып, ризашылығын жеткізді.&nbsp;Өнегелі отбасы – &nbsp;тәлім-тәрбиесі қалыптасқан, береке-бірлігімен, қадір-қасиетімен өзгеге үлгі болар шағын мемлекет. Отан – отбасынан басталатынын ескерсек, алдымен Отанды құрайтын отбасы мықты болуы тиіс. Ол үшін отбасылық құндылықты мемлекеттік деңгейде жандандыру, насихаттау керек.Талғам мен талантты бір арнаға тоғыстырған өнегелі отбасы өзгелер үшін &nbsp;қашанда үлгі. &nbsp;Мерекелік шара одан әрі «Отбасы – ұлт тірегі» тақырыбында &nbsp;ұйымдастырылған фестивальге ұласты. Онда &nbsp;шалқар шабытпен еңбек етіп, ел құрметіне бөленген Төлебаев, Емамабетов, Тоқбергенов, Құлмұратовтар отбасы сахна төрінде отбасылық өнерін паш етіп, көрермендер қошеметіне бөленді.Сахна төрінде бірі – ән салып, би билеп, бірі – ұлттық салт-дәстүрді дәріптеп, жиналған қауымға көтеріңкі көңіл-күй сыйлады. Тәрбиелік мәні зор болып өткен іс-шараны кент өнерпаздары концерттік бағдарламамен айшықтады.Әрбір нәзік жанның басты мақсаты – ол ана бақытын иелену. &nbsp;«Тектіден текті туады» демекші, Шолпан Сапабекқызы үкілеп өсірген ұрпағының бақытына, туған халқының құрмет шуағына шомылған ардақты жан. Өмір құрсақтың әлди үнін әуелеткен, жер бетіндегі тіршіліктің өзегін келешекке жалғаған, өсер ұрпағына құндақтағы шағынан ізгіліктің дәнін еккен ана адамзат баласы үшін қадірлі де құрметті десек артық айтқандық емес.

Қармақшыдан шыққан алғашқы кәсіпкер

<a href="https://kyzylorda-news.kz/">Kyzylorda-news.kz.</a> 15 мамыр – Халықаралық отбасы күніне байланысты байқоңыр қаласындағы « Жастар ресурстық орталығы» мен облыстық &nbsp;«Самғау» қоғамдық бірлестігінің бірлесе ұйымдастыруымен «Отан – отбасынан басталады» &nbsp;атты жас отбасылар байқауы өтті. &nbsp;&nbsp;Байқаудың мақсаты өскелең ұрпақтың адамгершілік-рухани дамуында отбасылық құндылықтардың рөлін нығайтуды, ұрпақтар сабақтастығын, отбасылық қарым-қатынастар мәдениеті мен салттарын сақтау.Байқауда оған қатысушы жас отбасылар әділқазылар қойған шарртар бойынша «Менің отбасым» &nbsp;өзін-өзі таныстыру, «Өнерлі жанұя» отбасылық өнер, «Жанұя бірлігінің құпиясы атты түрлі ситуациялық сұрақтарға жауап беру кезеңдері бойынша өзара бақ сынға түсті.Байқау барысында оған қатысушылардың бірі өлең арқылы өзі мен жанұясын таыстырса, енді бірі – қолөнер шебірлігем, ас дайындау, сонымен бірге басқа да үлгілі істерімен өнерлерін паш етті.Қызықты да көңілді сәттерге толы болып өткен байқау нәтиижесінде І орынды «Каликеевтер» отбасы &nbsp;жеңіп алса, &nbsp;ІІ орынды «Таласбаевтар» отбасы, ал жүлделі ІІІ орынды «Қанибековтер» отбасы иемденді. Байқау соңында жүлдегерлер мен оған қатыфсушылар арнайы дипломдармен марапатталып, сый-құрментке бөленді.

Байқоңырда жас отбасылар  байқауы өтті

<a href="https://kyzylorda-news.kz/">Kyzylorda-news.kz.</a> Ауылшаруашылығы саласы экономиканың негізгі драйвері екені сөзсіз. Егін шаруашылығы мен төрт түліктен түсетін табыс шағын және орта бизнестің бірегей бастамасы бола алады. Бұл біздің ауданның кәсіпкерлік саласында әлдеқашан дәлелденген. Өйткені, Жаңақорған ауданының негізгі кіріс көзі аграрлы саланың дамуында жатыр. Әсіресе, Сыр беткейдегі ауылдар ерте көктем мен ала жаздай егін шаруасын ширатса, күз бен қыста төрт түлігін түгендейді. Сондықтан жыл сайын егіс көлемін ұлғайтып, мал шаруашылығына дем беру ісі қолға алынуда. Ендігі мақсат инвестиция тарту мәселесі.Сыр елі күріш көлемін кемітпей, қайта көсегесін кеңейтіп, мол өнім алуға жақсы жұмыс жасауда. Одан бөлек, әртараптандыру бағытына да басымдық берілуде. Қазір бақша өнімдеріне сұраныс артып, базар нарығында баға да қомақты болып тұр. Осыны ескерген дала диқандары дән себуді биыл ерте бастап, жақын күндері өнімдерін экспорттауға кіріседі. Бүгінге дейін Сырдың 15 мың тоннадан астам өнімі әлемнің 18 еліне экспортталып үлгеріпті. Оның басым бөлігі күріш өнімі екеніне дауа жоқ. Дегенмен қой шаруасына да сұраныс аз емес. Қой демекші, қойдың жүнінен, өзге малдың терісінен шикізат ғана, дайын өнім өңдеу идеясы қайта көтерілуде. Аудан кәсіпкерлері осы мәселені қолға алуда.Арал ауданында қой жүні мен түйе терісінен дайын өнім шығаруды айналымға еңгізіпті. Бұл да өндіріс саласына тың серпін береді. Осы бағытта жаңақорғандық шағын бизнес өкілдері жоба дайындап, жыл соңына дейін іргетасын қалауды межелеуде. Оны да алдағы уақыттың еншісіне қалдырайық. Жалпы биылғы жылы облыс бойынша барлығы 195,6 мың гектарға ауыл шаруашылығы дақылдарын орналастыру болжануда. Оның ішінде: дәндi дақылдар – 96,4 мың гектар, майлы дақылдар – 5,7 мың гектар, мал азықтық дақылдар – 73,7 мың гектар, картоп, көкөнiс, бақша – 19,8 мың гектар. Негізгі дақыл күрiштің көлемі 83,9 мың гектарды құрайды. Біздің ауданда мал азық дақылдары, әсіресе, шөп өнімі көбірек егіледі. Нарықтағы саудасы көңіл қуантады, өзге өңірлерге экспорт та қомақты. Сондықтан егіс көлемін кеңейту күн тәртібінен түспейді.<blockquote>«Азық-түлік қауіпсіздігін сақтау мақсатында қосымша жерлер ашылып ұжымдық түрде 295 гектарға картоп, көкөніс, бақша дақылдарын орналастыру бағытында жұмыстар атқарылуда. Нақтырақ айтқанда, 845 адам отбасылық егістікпен айналысып, нәтижесінде әлеуметтік маңызы бар азық-түліктермен өзін-өзі қамтитын болады. Бүгінгі таңға шаруашылық жетекшілерінің демеуімен 295 гектарға жуық егістік алқаптары шеңгел, жусандардан тазартылып, қоршалануда. Бұл жұмыстар мамыр айының аяғына дейін жалғасатын болады», – деді ауданның бас агрономы Талғат Зейдалиев.</blockquote>Айта кететіні, өткен апта соңында ҚР Премьер-Министрі Әлихан Смайыловтың төрағалығымен өткен инвестициялық штаб отырысында өткен 4 айдағы негізгі капиталға салынған инвестициялар бойынша нысаналы индикаторлардың орындалуы талқыланды.Штаб отырысынан кейін облыс әкімінің міндетін атқарушы Серік Қожаниязов мәжіліс өткізіп, биылға 424,2 млрд. теңге инвестиция тарту индикаторы бекітілгенін айтты. Алда өткен жылғы оң тәжірибені қайта жүзеге асыру міндеті тұр.<blockquote>«Премьер-Министр өткен жылғы өңірге іссапары кезінде құны 1 млрд. теңгеден асатын 5-6 жобаны іске асыруды тапсырды. Сәуір айындағы актив отырысында облыс әкімі Қызылорда қаласының әкіміне 1 млрд. теңгеден асатын 1 жобаны, әр ауданның әкіміне 500 млн. теңгеден асатын 2 жобаны биыл іске қосуды тапсырған болатын. Оның орындалуы Мемлекет басшысының тапсырмасымен әзірленген Жалпыұлттық жобалар пулы аясында бақыланады», – деп ескертті Серік Салауатұлы.</blockquote>аудандық ауылшаруашылығы саласында жаңалық көп. Мал шаруасы мен құс бағытындағы жұмыстар жетерлік. Әсіресе, төрт түліктің төлін көбейтіп, өнім өндіруде ілгерілеу бар. Соның бір ғана көрінісі шұжық шығаратын зауытты айтуға болады. Сол секілді биыл егін шаруасы да ширай түсуде. Бүгін біз осы бағыттағы атқарылып жатқан жұмыстарды жүйелеп, тағы бір пысықтап алсақ.Биыл егіспен айналысатын 485 шаруашылық 37 781 гектар дән тастауды жоспарлап отыр. Соның 8346 гектары күрішке арналады. Жыл сайын әртараптандыру бағытына басымдық беруді көздеп отырған диқандар жөнінде толығырақ таразылауға тырыстық.<blockquote>«Азық-түлік қауіпсіздігін сақтау мен бағаны тұрақтандыру мақсатында қосымша жерлер ашылып ұжымдық түрде 295 гектарға картоп, көкөніс, бақша дақылдарын орналастыру бағытында жұмыстар атқарылуда.Нақтырақ айтқанда 845 адам отбасылық егістікпен айналысып, нәтижесінде әлеуметтік маңызы бар азық-түліктермен өзін-өздері қамтитын болады.Бүгінгі таңға шаруашылық жетекшілерінің демеуімен 150 гектарға жуық егістік алқаптары шеңгел,жусандардан тазартылып, 90 гектары қоршаланып дайындалды», – деді бас аграном Дәурен Абибуллаев.</blockquote>Иә, ауданның ауыл шаруашылығы құрылымдары биылғы жылдың егісі үшін &nbsp;3151 гектар күздік бидай егуді және 7300 гектар сүдігер айдауды қамтамасыз етіпті. Сонымен қатар ағымдағы жылы бірқатар шаруашылықтар тарапынан тамшылатып суару әдісі мен жаңбырлатып суару жүйесіне көшуге басымдық берілуде.Тамшылатып суару технологиясымен Талап ауылдық округінде «Қызылорда Агроплюс» ЖШС-де 5 гектар қызанақ егуді жоспарлауда. Жаңбырлатқыш суару технологиясымен Қожакент ауылдық округіне қарасты «Береке» шаруа қожалығы 30 гектар малазықтық дақылдарды егуді мақсат етіп отыр.Жалпы біздің ел әлемнің 123 еліне 800-ден астам тауар түрін экспорттайды. Тауарлардың 65 пайызы Қытай, ЕАЭО және ЕО елдеріне жеткізіледі. Сарапшылардың айтуынша, қазақ тауарларының экспорттық әлеуетін көтеретін мүмкіндіктердің алғышарты енді қалыптасты.Оның негізі осы салада жатыр. Мәселен, біздегі қарбыз, жүгері сусыны мен шұжық өнімі осының бастауы деп білеміз. Егер бақша өнімін көбейте беретін болсақ базар нарығын өзіміз-ақ реттейтін боламыз.<blockquote>«Аудан бойынша 2023 жылдың егісі үшін шаруашылық құрылымдарының қолында 2087 тонна күріш тұқымы бар. Сонымен қатар, 2023 жылдың егісіне қажет 50 тонна жоңышқа тұқымы толығымен дайын, ал 50 тонна мақсары тұқымы дайындалды. Биылдың егісіне қажетті минералдық тыңайтқыштардың көлемі 4462 тонна, оның ішінде 4226 тоннасы – азотты, 236 тоннасы фосфорлы тыңайтқыштар болса, қажетті гербицидтердің көлемі 3113 литрді құрайды. Қазіргі таңда шаруашылықтар тарапынан минералдық тыңайтқыштардың 4220 тоннасы (94,6%) және 1005 кг/л (32,3%) гербицид сатып алынды», – деді жауапты маман.</blockquote>Техника және жанар-жағар майдың да жайы алаңдатады. Аудан бойынша көктемгі дала жұмыстарына 1 422 тонна дизель отыны бөлінген. «Жібек Жолы LTD и К»ЖШС – 524 тонна, «Жаңақорған ОiI» ЖШС – 898 тоннаны жауапкершілігіне алыпты. Қазіргі таңда аудан бойынша 10 шаруашылық құрылымы бойынша «Жаңақорған ОiI» ЖШС-нен 150 тоннаға жуық дизель отыны алынған.Көктемгі дала жұмыстарына 207 трактор, 38 соқа, 28 дән сепкіш, 21 автомашина, 52 трактор тіркемесі толығымен дайын екен.– Ауданда &nbsp;2023 жылы межеленген егіс көлемдеріне сәйкес, көктемгі дала және егіс егу жұмыстарына қажетті қаржы көлемі 615 млн теңгені құрайды. Осы қажет қаржыдан шаруашылықтардың өз есебінен 197 млн теңге, инвесторлар тарапынан 160 млн теңге, басқа көздер арқылы арқылы 140 млн теңгеге қаржыландыру жоспарланды. Сонымен қатар, «Қамқоршы» несие серіктестігі арқылы «Кең-Дала» бағдарламасымен 14 шаруашылық құрылымдары 82,3 млнтеңге несие несие берілді, – деді бас аграном.Сонымен биылғы жылы көктем ерте шығып, аудан шаруашылық құрылымдары көктемгі дала және егін егу жұмыстарына аяқтап, санаулы күннен кейін дән тастап бітеді. Бүгінгі таңға аудан бойынша 1700 гектар жаңа жоңышқа егу, &nbsp;2100 гектар күздік бидай және ескі жоңышқаның 6400 гектарына тырмалау жұмыстары жүргізіліп, көктемгі дала және егін егу жұмыстары жалғасуда.Міне, аудандағы аграрлы саладағы серпілістің бір келбеті осылай реттелуде. Бұл дегеніміз отандық өнімнің өрісін кеңейту, сонда ғана нарықты өзгелер емес, өзіміз-ақ реттейтін боламыз. Халықтың негізгі тұрмыс-тіршілігі ауылшаруашылығы саласымен тығыз байланысты болғандықтан осы бағытта атқарылар жұмыс ауқымды. Әсіресе, ауылдағы ағайын егін мен мал шаруасынан жыл он екі ай нәпақасын тауып отыр. Бұйырса биылғы егіс мол өнім береді деп күтілуде. Ол үшін күтім мен аяқ су уақытылы берілсе болғаны. Қалғаны уақыттың еншісінде.Бір сөзбен айтқанда, аграрлы салаға инвестиция көбірек керек. Әсіресе, егін ша-руасына инвесторларды тартып, аудандағы бақша, көкөніс өнімдерін импорттауды азайтып, қайта экспорт көлемін кеңейту керек. Бұл оңай шаруа емес, дегенмен, шағын кәсіптің көсегесін кеңейтудің бұл да бір тетігі.

Жаңақорғанда 845 адам отбасылық егістікпен айналысуда

Қармақшыдағы аграрлы-техникалық колледжде 203 студент білім алуда

<a href="https://kyzylorda-news.kz/">Kyzylorda-news.kz.</a> Қызылорда облысының әкімінің бастамасымен бүгін Арал ауданында өткен шара Қазалы ауданында жалғасты. Қызылорда облысы Полиция департаментінің бастығы &nbsp;полиция генерал-майоры &nbsp;Аблазимов Махсудхан Нұғманұлы Қазалы өңірінің тұрғындарын жеке мәселелері бойынша қабылдады.Қабылдауға түрлі түйіткілдерімен бірқатар азаматтар келді. Полиция департаментінің бастығына арыз-шағымдарын тікелей бетпе-бет жеткізуге мүмкіндік алғандар өздерінің жеке мәселелерін жеткізді.Әр түрлі себептермен қиын жағдайда тап болғандар жәрдем сұрады, кеңес алды. Кейбір азаматтардың мәселелері сол мезетте шешіліп жатса, тағы бірі арыз жазып, өтінім хат қалдырды. Шешімі уақытты қажет ететіндерін бақылауға алып, &nbsp;ал орындалуы заңға қайшы талап иелеріне түсіндірме жұмыстары жүргізілді.Жалпы, бүгінгі Полиция департаменті бастығының жеке қабылдауына 11 аудан тұрғыны алдын ала жазылған болатын. Мәселен, Әйтеке би кентінің тұрғыны жұбайының шетел автокөлігін заңдастыру мәселесімен жүгінді. Полиция департаментінің бастығы полиция генерал-майоры Аблазимов Махсудхан Нұғманұлы шетел автокөлігін заңдастыруды «Электронды өтініш» порталы арқылы немесе Арнайы авто халыққа қызмет көрсету орталығына жүгінуге болатындығын, сонымен қатар, &nbsp;көлікті есептен шығарып, есептен шыққан соң Қазақстанда есепке қоюға болатындығын жіті түсіндіріп берді.Жалпы, жеке қабылдауда департамент бастығы көтерілген мәселелер заң тәртібімен және кезең - &nbsp;кезеңімен шешілетініне ден қойып, жауапты сала басшыларына бірқатар тапсырмалар жүктеді.Сонымен қатар Махсудхан Нұғманұлы Қазалы ауданына жұмыс сапары барысында аудандық полиция бөлімінде болып, жұмыс барысымен танысты.Полиция департаментінің бастығы &nbsp;полиция бөлімінің негізгі қызметін бақылаумен қатар, ондағы қызметкерлермен жеке кездесіп, өзекті мәселелерін талқылады. Аудандық полиция бөлімінің ғимаратында болып, Мемлекет басшысының тапсырмасына сәйкес, полиция қызметкерлерінің халыққа мейлінше жақын болуы мен учаскелік инспекторлардың тұрғындармен ашық диалог құра білу қажеттілігіне тоқталды.Полиция департаментінің бастығы &nbsp;полиция генерал-майоры &nbsp;Аблазимов Махсудхан Нұғманұлы ІІМ-де жүзеге асырылып жатқан жобалар, атап айтқанда жұмыстың сервистік моделі, “Халық үніне құлақ асатын мемлекет” тұжырымдамасы және “қолжетімді полиция” қағидаты, цифрландыру мәселелерін тілге тиек етті.

Қызылорданың бас тәртіп сақшысы Қазалы аудандық полиция бөлімінің жұмысымен танысты

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Қазалы ауданына жұмыс сапары кезінде аудан халқымен кездесіп, құқық қорғау органдары басшыларымен бірге тұрғындарды жеке қабылдады.Қабылдауға барлығы 70-тен астам азамат келіп, өтініш-тілектерін білдірді. Тұрғындарды негізінен баспана алу, денсаулық, білім салаларының, жұмысқа орналасудың түйткілдері, т.б. толғандырады. Барлық ұсыныс-пікірлерді тыңдаған соң аймақ басшысы жауапты тұлғаларға әр мәселе бойынша тиісті тапсырмалар берді. Қабылдауға келген тұрғындардың ой-пікірлері, көтерген мәселелері жан-жақты зерттеліп, тиісті шешімдер шығарылады.Құқық қорғау органдары басшыларының қабылдауына келген тұрғындар да өздерін толғандырған мәселелердің жай-жапсарының заңдық негізі жайлы сауалдарына толыққанды жауап алды. Оларға мәселелерін заң шеңберінде шешу жолдары түсіндірілді.<blockquote>«Аймақ басшысының ауданымызға жұмыс сапары туралы хабардар болған соң, қабылдауына жазылдым. Кездесуде Бозкөл ауылына типтік жобадағы балабақша қажет екеніне тоқталдым. Облыс әкімі бұл мәселенің алдағы уақытта оң шешім табуына ықпал жасайтынын айтты», - деді Қазалы ауданы, Бозкөл ауылының тұрғыны, еңбек ардагері Жанұзақ Келімбет.</blockquote>«Келінімнің орыс тілі пәнінің мұғалімі мамандығы бойынша дипломы бар. Бірақ жұмысқа орналаса алмады. Бүгін ауданға жұмыс сапарымен келген облыс әкімі Нұрлыбек Машбекұлының қабылдауында болып, осы мәселені көтердім. Облыс әкімі тиісті сала басшыларына заңнамаға сәйкес көмек көрсетуді тапсырды», - дейдi аудан тұрғыны Айгүл Жұбан.Жеке қабылдаудан бөлек аймақ басшысы аудан орталығы Әйтеке би кентіндегі «LCI-MK» ЖШС темірбетон зауытының жұмысымен танысты. Кәсіпорын жылына 10000 текше метр темірбетон бұйымдарын және конструкцияларды өндіруге бейімделген. Бүгінде 18, 21, 24 метрлік балкаларды стандарттарға сәйкес дайындап, республика аумағындағы жол, көпір құрылыстарын қажетті материалмен қамтамасыз етуде. Мұнда 67 адам тұрақты жұмыспен қамтылған. 2013 жылы мекеме үдемелі индустриялық-инновациялық бағдарлама аясында жалпы құны 30,0 млн. теңгені құрайтын «Жоғарғы кернеулі электр бағаналарын шығару» жобасын іске асырды.Еске салсақ, Қазалы ауданына сапары барысында Нұрлыбек Машбекұлы ауданның әлеуметтік-экономикалық дамуы жөніндегі кеңейтілген мәжіліске қатысты, ақсақалдармен кездесіп, пiкiрлестi.Осындай форматтағы жеке қабылдаулар алдағы күндері барлық ауданда өткізілмек.<figure class="image"><img src="https://knadmin.beoblood.kz/uploads/331066414_2952132241584598_973101772381150902_n_da17435e95.jpg" alt="331066414_2952132241584598_973101772381150902_n.jpg"></figure>&nbsp;<figure class="image"><img src="https://knadmin.beoblood.kz/uploads/347232654_1276632826569528_8233324356407631684_n_17c2c0c6cd.jpg" alt="347232654_1276632826569528_8233324356407631684_n.jpg"></figure>

Қазақстан және Қызылорда облысының жаңалықтары