<a href="https://kyzylorda-news.kz/">Kyzylorda-news.kz.</a> Баланы ұрпақ жалғастырушы, елдің болашағы деп айтамыз. Ал бүгінгі балдырғандардың денсаулығы қалай? Және балалар бөлімінің тыныс-тіршілігі қандай қалыпта? Осы сан сауалдарға жауап іздеп көрген едік.Түнеукүні Шиелі аудандық көпбейінді аурухананың балалар бөлімшесіне табан тіредік. Әуелі бөлімше меңгерушісі, тәжірибелі мамандардың бірі Сәуле Исмайлова өз жұмысына тоқтала кетті.<blockquote>– Шиелі аудандық көпбейінді орталық ауруханасының аудандық аурухана бөлім ғимараты 2019 жылы жаңадан берілді. Ғимарат типтік нысанда салынған, барлық жаңа медициналық аппараттар және құрал-жабдықтармен толықтай қамтылған. Жаңа аурухана 150 төсек орыннан, 14 бөлімнен құралған. Соның бірі біздің – балалар бөлімі. Балалар бөлімшесі арнайы жабдықталған 25 төсек орнынан, 2 бекеттен тұрады. Бөлім ішінде 2емшара бөлмесі, 3 интенсивті палатасы, 2 ординаторлық бөлме, ойын бөлмесі, демалу бөлмесі, асхана, мүгедек балаларға арналған арнайы жабдықталған дәретхана және себезгі бөлмелерден құралған.Мұнда барлығы 37 адам еңбек етеді. Білікті дәрігерлер, медбикелер, кіші қызметкерлер және техникалық қызметкерлер жұмыс істейді. Кадрлардың ауысуы жоқ, әркім өз жұмысын бағалап, қатаң тәртіп сақтайды. Балалардың денсаулығы үшін бәрін жасаймыз. Кішкентайлардың өмірін арашалап қалуда мамандарымыз қолдан келгенді аямайтыны анық. Оған қызметкерлердің біліктілігі де, мекеменің техникалық базасының қуаты да жетеді, – деп сөз өрбітті.</blockquote>Балалар бөлімшесі 14 жасқа дейінгі балаларды жоспарлы және шұғыл түрде емдейді. Бөлімшеге бүлдіршіндер тыныс алу жолдары, қан айналымы жүйесі, орталық жүйке жүйесі, асқазан-ішек жолдары сынды әртүрлі диагноздармен келеді. Әрине, балаларды диагностикалау және емдеу ересектерге қарағанда әлдеқайда қиын. Бірақ, Шиелі аудандық көпсалалы ауруханасының балалар бөлімі қызметкерлерінің кәсіби шеберлігі мен сүйікті ісіне деген сүйіспеншілігінің арқасында мыңдаған бала сапалы әрі дер кезінде ем-дом алуда.Кішкентай сәбидің, естияр баланың саулығын білу үшін сезімталдық қасиет керек. Ал өмір үшін күреске толы мамандықты игеруге екінің бірі келмейтіні анық.&nbsp;

Сәуле Исмайлова: Балалардың денсаулығы үшін бәрін жасаймыз

<a href="https://kyzylorda-news.kz/">Kyzylorda-news.kz.</a> Аралқұм ауылында 1300–ге жуық халық тұрады. Ауылдың қақ ортасын теміржол бөліп жатыр. Ал шығысында «Батыс–Европа-Батыс-Қытай» көлік дәлізі. Ауыл халқы осы өңірлік логестиканың игілігін көріп отыр. Себебі мұнда жұмыссыз жатқан адам жоқ. Бәрі қорадағы малын сауып, балығын ыстап пойызға шығып, жол бойындағы өздері жасап алған шағын дүңгіршекке апарып сатып, нәпақасын тауып жүр.Дұрыс-ақ, Әсіресе Аралқұмнің ысталған балығының керемет болатындығын аралдықтар тегіс мойындайды. Тіл үйіретін тәтті балықты сүйсініп жесек те оның жасалу жолын көбіміз біле бермейміз. Аралқұмдық кәсіпкер Айжан Әбдірова бізге ысталған балықтың жасалуы туралы мол ақпарат берді.Оның ауласында тізбектеліп ілінген балықтың сан-алуан түрін көзге ілмей кету мүмкін емес. Тыста келген тосын адамға да ең бірінші көзге шалынатын сол шығар. Және аулада қара бөшке, жанында көне табақ тұрды. Бізді ілтипатпен сәлем беріп қарсыалған Айжан әңгімесін бастап кетті.<blockquote>– Мен балық ыстауды ең алғаш енемнен үйренгенмін. Қазір тұрмыста болғаныма 20 жыл болды. 3 балам бар. Келін болып түскен күнен бастап, үйдегі айнымас тіршілігімнің бір бөлігі осы балық ыстау болатын. Бұл біздің отбасымызбен істейтін жұмысымыз. Жалғыз біздің отбасы емес, Аралқұмдағы әрбір үшінші отбасы балық ыстаудың технологиясын жақсы біледі, - деген Айжан балық ыстауды көрсетуге кірісті.</blockquote>Ысталған балық жасау үшін арнайы балық түрі керек емес. Кез –келген балықтан жасай беруге болады. Әсіресе ақ балық, шортан, сазан сынды балық түрлері ысталғанда дәмі ерекше болып шығады екен. Айжан өнімге керекті шикізатты Арал қаласы мен Қамыстыбас ауылының балықшыларынан алады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<blockquote>– Ең алдымен балықты жон арқасынан түзу етіп тіліп, әбден тұздап, 5 күн тұзда қалдырамыз. Сонан кейін тұзға піскен балықты екі-үш мәрте жақсылап таза сумен жуып, жайып тастаймыз. Қағу желдің өтінде екі күн тұрған балықты ыстауға дайындаймыз. Көпшілікке «бөшке» деп айтсам түсінікті болар осы ыдыстың үстіңгі ашық бөдігіне балықтарды бас жағынан сымға өткізіп, қаз қатар кәуәп секілді тізбектеп іліп шығамыз. Енді балықты ыстау үшін картон қағаз бен ағаштың майда үгіндісі керек. Оны табақша ыдыстың ішіне жағып алып, бөшкенің астыңғы тесік бөлігінен ішке енгіземін. Сонан соң, аузын жақсылап қымтап, байлап 20 минутқа қалдырамыз. Бұл енді күн ырайына байланысты. Жаз мезгілінде 20 минутта ыс алып кетсе, қыста 40 минутқа дейін созылуы мүмкін, - деп түсіндіріп берді Айжан Толыбайқызы.</blockquote>Ешқандай қоспасын, табиғи таза өнімнен, үй жағдайында дайындалған мұндай тағамның адам денсаулығына пайдасы да мол. Өнімге сұраныс та жоғары. Аудан аумағынан бөлек Алматы, Шымкент қаласынан да тапсырыс беріп алдыратын адамдар бар. Бағасы балықтың көлеміне қарай &nbsp;қойылып отырады.<blockquote>– «Әркімнің өз несібесі бар» дейді ғой қазақ. Сол сияқты біздің де бұйырған нанымыз бар. &nbsp;Шаруасы көп болас да, отбасымызбен істейтін болған соң қиындығы көп байқалмайды. Әрі 20 жылдан бері істеп кел жатқандықтан бұл менің күнделікті үйреншікті жұмысыма айналып кеткен, - дейді кейіпкеріміз. &nbsp;</blockquote>Аралдан алысқа қыдыра барсаңыз немесе сырттан келген қонақ ең бірінші сұрайтын ысталған балық осындай әдіспен жасалады. Бір ескере кететіні бұл өнім өзінің құнарын көпке дейін сақтай алатын ерекше қасиетке ие. Тез бұзылып кетпейді. Сондықтан алыс сапаға шықсаңыз еш қорықпай алып жүрсеңіз болады.

Аралдық тұрғын 20 жылдан бері ысталған балық дайындап табысқа кенеліп отыр

<a href="https://kyzylorda-news.kz/">Kyzylorda-news.kz.</a> Жалағаш ауданындағы дарынды балаларды тәрбиелеп, шәкірттерді үздік жетістіктерге жетелеуде Темірбек Жүргенов атындағы №123 мектеп-лицейдің алатын орны айрықша. Әрине шәкірттің үздік болуы білікті ұстазға байланысты екені анық. Қазіргі уақытта мектептің дамуында, оқушылардың үлкен дәрежеде көрінуінде, жалпы аудан білімін жоғары деңгейде көрсетуде мектептің қазақ тілі мен әдебиеті және ағылшын тілі пәні мұғалімі Салтанат Орынтайқызының ерең еңбегін ерекше айтуға болады. &nbsp;Салтанат Қосжанова 1983 жылы 28 маусымда Жалағаш ауданында дүниеге келіп, 2000 жылы бүгінде өзі оқушыларына білім беріп жатқан Темірбек Жүргенов атындағы №123 мектепті тәмәмдаған. 2000-2005 жылдары аралығында «Қорқыт ата» атындағы мемлекеттік университеттің үздік түлегі атанып, сол жылдан бастап өз мамандығын жақсы көрген ұстазға айналған.Ұстаздық жолын сонау 2005 жылы Астана қаласынан &nbsp;бастаған &nbsp;Салтанат Орынтайқызы қазіргі таңда Темірбек Жүргенов атындағы №123 мектеп-лицей директорының тәрбие ісі жөніндегі орынбасары қызметін атқаруда. Осы жылға дейін өзінің ізденімпаздығы мен еңбекқорлығының арқасында тек қазақ тілі мен әдебиеті пәнінің мұғалімі ғана емес, сонымен қоса ағылшын пәнінің де мұғалімі қызметін атқарған. Иә, расында мұғалімге жеті өнер де аз! Осы ұранды ұстанған ұстазымыз Салтанат Қосжанова қандай жетістіктерге жеткенін білесіз бе?Он сегіз жыл бойы қаншама шәкірттің бойындағы шамын жаққан, шәкірттерін қаншама жетістікке жеткізген ұстазымыздың да жетістіктері аз емес. Атап айтсақ, «Педагогикалық идеялар фестивалі – 2020» республикалық байқауының жеңімпазы, 2020 жылдың қорытындысы бойынша облыс әкімі тағайындаған &nbsp;«Қызылорда облысының білім беру саласын дамытудағы еңбегі үшін» төсбелгісімен марапатталған.2021 жылы шығармашыл мұғалімдердің облыстық тәжірибе алаңында көрсеткен үздік жұмыстары мен жоғары кәсіби шеберлігі үшін Қызылорда облысы педагогтерінің біліктілігін арттыру орталығының «Құрмет» &nbsp;грамотасымен, «Пәндік олимпиада – дарындылар додасы, ғылымның алғашқы баспалдағы» тақырыбында облысқа шебер сынып көрсеткені үшін Қызылорда облыстық оқу орталығының сертификатымен, 24-31 наурыз аралығында Анталия қаласында өткен халықаралық семинарға «Қазақстан педагогтар қауымдастығы» атынан қатысып, Trends in the development of Turkish – Kazak modern education» атты халықаралық конференцияда баяндама жасап, арнайы сертификатын, Ы.Алтынсарин атындағы ұлттық білім академиясы мен Шымкент қаласы білім басқармасы ұйымдастырған «Заманауи білім беру парадигмасындағы Алтынсарин ілімі» атты аймақтық форумда «Ы.Алтынсарин шығармаларындағы рухани-мәдени құндылықтар» тақырыбында баяндама жасап, алғыс хатпен, Халықаралық қазақ тілі қоғамының Құрмет грамотасымен, Қазақстан Республикасының Оқу-ағарту министрлігі ұсынған «Арман-ПВ» баспасынан шыққан жалпы білім беретін мектептің 8,10,11 сыныптарға арналған «Абайтану» кешенді оқулықтары авторының бірі болып, &nbsp;осынша марапат иесі атанып, жыл соңын &nbsp;«Үздік педагог – 2022» атағының иегері дәрежесін алып, 3 млн теңге сыйақымен марапатталды.Сонымен бірге, аудан әкімінің «Жыл ұстазы 2022» номинациясының иегері атағымен 2022 жылды үздік нәтижеде аяқтады.Биыл Қызылорда облысының тілдерді оқыту орталығының алғысымен, Жалпы білім беретін пәндер бойынша облыстық олимпиада жеңімпазын дайындағаны үшін облыстық білім басқармасы басшысының алғысымен, жалпы білім беретін пәндер бойынша республикалық &nbsp;олимпиада жеңімпазын дайындағаны үшін облыстық білім басқармасы басшысының алғысымен, «Үздіксіз ізденіс жаңашылдыққа жетелейді» тақырыбында қазақ әдебиетінің классигі Ғабит Мүсіреповтің 120 жылдығына орай өткен облыстық семинарда шебер сынып көрсетіп, арнайы сертификатпен марапатталған. Астана қаласында өткен қазақ тілі мен әдебиеті пәні мұғалімдерінің республикалық тұңғыш сьезінің қатысушысы атанды. Сонымен қатар &nbsp;жақында ғана аудан педагогтары ішінде ең алғашқы «педагог-шебер» санатындағы ұстаз атағын иеленді.Осы орайда Әзілхан Нұршайықовтың «Егер ертең шәкірттеріңе үлгілі ұстаз боламын десеңдер, еңбекшіл болыңдар» деген сөзі еріксіз еске түседі. Білікті мұғалімнен білімді оқушы шығары анық. Ахмет атамыз секілді ұлт ұстазы бола білген, Ыбырай Алтынсарин секілді балаларды оқуға шақырып, Мағжан секілді жастарға сенген Салтанат Орынтайқызы ұстаздарға өз ойын жеткізді.&nbsp;<blockquote>– Ең бірінші, әрбір мұғалімнің бойында ыстық қайрат, нұрлы ақыл жылы жүрек болуы керек. Екіншіден, кез келген мұғалім ізденісте жүрсе, &nbsp;өз білімін үздіксіз дамуда ұстап, жетілдіріп отырса ғана нағыз шыңдалған, кәсіби мұғалім болып шығары анық. Бірақ &nbsp;ең маңыздысы, әр адам өз мамандығын жақсы көруі тиіс. &nbsp;Маған мамандығым қатты ұнағаны сонша үйде жатқан кезде емес, оқушыларға сабақ беру кезінде демаламын. Нағыз ұстаз уақытпен санаспай, күндіз-түні еңбектенсе ғана ол мұғалімнен нәтиже шығады. Қазақта «ауруын жасырған өледі» деген сөз бар, қазір қоғамда кітап оқитын оқушылар да, тіпті ұстаздар да жоқтың қасы. Абай атамыздың керемет бір сөзі бар, артық білім кітапта, ерінбе оқып көруге. &nbsp;Ұстаздарға айтар ақыл-кеңесім кітап оқитын ұрпақ тәрбиелеу қажет. Ал ол үшін мұғалімнің өзі кітап оқуы керек. Ауданда оқырмандар конференциясын ұйымдастыруды ұсынар едім. Сол арқылы ұстаздардың да, оушылардың да, жалпы қоғамның кітап оқуға деген махаббатын аша алатын секілдіміз, – деді Салтанат Қосжанова.&nbsp;</blockquote>Тоқсан ауыз сөздің тобықтай түйіні, ұстаз – ұлы есім. Ұлт ұстазы болған Ахмет Байтұрсынов та «мектептің жаны – мұғалім. Мұғалім қандай болса, мектеп сондай болмақ. Яғни мұғалім білімді болса, ол мектептен балалар көбірек білім алып шығады. Солай болған соң ең әуелі мектепке керегі – білімді, педагогика, методикадан хабардар, жақсы оқыта білетін мұғалім» дейді. Адамның адамшылдығы жақсы ұстаздан, батыр да, ақын да, басшы да, қосшы да осы ұстаздан тәлім-тәрбие алады. Әрбір ісіңіз жеңіске жетіп жатса, оның артында ұстаздың бір тамшы болса да еңбегі барын есте сақтаңыз.&nbsp;

Жалағаштық ұстаз дарынды балаларды тәрбиелеуде

&nbsp;<a href="https://kyzylorda-news.kz/">Kyzylorda-news.kz</a>.Еліміздің оңтүстігіндегі бес облыс тұрғындарының табысы ең төмен, деп хабарлайды El.kz&nbsp;ақпарат агенттігі.Finprom.kz мәліметінше, 2023 жылғы үшінші тоқсанда қазақстандықтардың табысы 298,2 мың теңгені құрады, бұл жан басына шаққанда 2022 жылғы сәйкес кезеңмен салыстырғанда 21,5% артық.2023 жылғы екінші тоқсанмен салыстырғанда тұрғындардың табысы 5,1% өскен.Салыстыру үшін: бір жыл бұрын тұрғындардың табысы жылына 16,5%, тоқсанына 3,1% құраған.Сонымен бірге 2023 жылдың үшінші тоқсанындағы инфляция деңгейі жылдық мәнде 12,9% және алдыңғы тоқсанмен салыстырғанда 1,7% құрады.Ел бойынша орташадан жоғары кірістер Қазақстанның 20 өңірінің 9-ында тіркелді. Ең жоғары көрсеткіш Астанада: жан басына шаққанда орташа есеппен 430,3 мың теңге — бір жыл бұрынғыға қарағанда 27% артық.Екінші орынды Алматы иеленді, онда халықтың табысы бір жылда бірден 34,1% өсіп, 392,1 мың теңгені құрады. Қарағанды облысы алғашқы үштікті қорытындылады: бір адамға 379,7 мың теңге, бір жылдағы өсім – 14,2%. Үздік бестікке Шығыс Қазақстан (361,4 мың теңге) және Ұлытау (353,3 мың теңге) облыстары кірді.Халықтың ең аз табысы Түркістан облысында атап өтілді: жан басына шаққанда 212,5 мың теңге, алайда 2022 жылдың үшінші тоқсанына қарағанда 35,8% артық. Одан кейін Жамбыл облысы (213,7 мың тг), Шымкент (221,8 мың тг), Қызылорда (226,3 мың тг) және Жетісу (227,9 мың тг) облыстары тұр.

Қызылордалықтардың табысы еліміздегі ең төмен облыстардың қатарында

<a href="https://kyzylorda-news.kz/">Kyzylorda-news.kz.</a> Қазіргі таңда ауылшаруашылығына көңіл бөлу басты назарда. Ол туралы мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында: «Ет, сүт, астық өнімдерін терең өңдеу және өндірістік жылыжай шаруашылықтарын дамыту сияқты біз үшін болашағы зор бағыттарға басымдық берген абзал» деп айрықша атап өткен болатын. Осы бағытта жылыжай салу жұмыстары қаламыздағы білім ордаларында да жалғасын тапқан. Сол жылыжайлардың бірі – Ж.Әбдірашев атындағы №62 мектеп-лицейіндегі жылыжай.Жалпы мектеп тарихы 1986 жылдан бастау алады. Сол уақыттан бері мектеп ішінде өз жұмысын жасап келген жылыжай тоқырау жылдарында өз жұмысын тоқтатқан болатын. Оған сол бір қиын шақта жылудың, жарықтың жетіспеушілігінен апаттық жағдайға түскендігі себеп болған. Дегенмен сол бір жұрнағы бар жылыжайды қайта дамыту ісінің биылғы жыл басында сәті түскен. Осылайша аудандық білім бөлімінің басшысы Санира Нұрқожақызының бастамасымен мектеп оқушыларының экология, биология сабақтарындағы теориялық білімін жетілдіруге әрі оларды еңбексүйгіштікке, табиғат қорғаны болуға баулу мақсатында жоба қолға алынды.Жобаға облыстық Білім басқармасынан 8 миллионға жуық қаржы бөлініп, мамыр айында мемлекеттік сатып алу жұмыстары өтті. Нәтижесінде 5млн. 300 мың теңге көлемінде жергілікті кәсіпкер Мұстафаева Құндыз жеңімпаз атанып, жобаны иеленді. Жоба жұмыстары маусым айында басталып, шілде айында өз мәресіне жетті. Дегенмен ауа-райының ыстық әрі құрғақ болуы себепті ол уақытта жылыжайды пайдалану мүмкіндігі болмады. Шілде-тамыз айлары толықтай дәнді дақылдарды өңдеп, күтумен кетіп, қыркүйек айында алғаш рет жылыжайға егу жұмыстары жүргізілді.<blockquote>– Қыркүйек айында алғашқы жұмыстар басталды. Оған оқушылар, мұғалімдер мен техникалық қызметкерлер атсалысты. Қазіргі таңда жылыжайда қияр, қызанақ, асқабақ, сарымсақ, саңырауқұлақ салат жапырақтары, аскөк сынды көкөністер мен құлпынай жемісі және түймедақ пен раушан гүлдері өседі. Сонымен қатар биология сабағындағы практикалық жұмыстар жүргізіліп отыр. Өткен аптада алғаш рет жылыжайда өскен аскөк пен салат жапырақтарынан бастауыш сынып оқушылары мен ыстық тамақпен қамтамасыз етілген оқушылар мектеп асханасынан дәм татты. Алдағы уақытта мектеп жылыжайынан алған көкеністерді де асханаға пайдалану ойда бар, – деді мектеп директоры Жасұлан Маханбетұлы.</blockquote>Бүгінде жылыжайдағы көкөністерді, гүлдерді баптау, егу, арам шөптен тазалау жұмыстары Аида Қыпшақбайқызының мойнында.<blockquote>– Өзім жастайымнан ата-анамның гүл баптағанын, жеміс өсіргенін көріп өскем. Сондықтан бұл жұмыстар маған қиындық тудырмайды. Қыркүйек айынан бері апта сайынғы тазалық жұмыстарын жүргіземін. Жылыжайда тамшылатып суару жүйесі жұмыс жасайды әрі жылыжай іші ылғалды. Сол себептен өте күтімді қажет ететін өнімдерді өсіру де оңайырақ. Бүгінде балалардың сабақ үлгеріміне, табиғатты қорғау мақсатында жұмыстар жүргізіліп отыр. Күзгі демалыс күндерінде №260, №13 орта мектеп оқушыларына да арнайы экскурсия ұйымдастырылған болатын. Солардың бәрі мен үшін қуаныш. Алдағы уақытта жыл аяғына дейін тағы бір мәрте егу жұмыстарын жүргізетін боламыз, – дейді маман сұхбат барысында.</blockquote>

Аралдағы мектеп жанындағы жылыжайда өсірілген көкөністер мектеп асханасын қамтамасыз етіп отыр

<a href="https://kyzylorda-news.kz/">Kyzylorda-news.kz.</a> Шиелі ауданындағы Жаңатұрмыс ауылынан Германияға қамыс экспортталатын болады. Бұл туралы Жаңатұрмыс ауылдық округінің әкімі Б.Шәкіртаев айтты.Баспасөз орталығында Б.Шәкіртаев ең бірінші ауылдан шығып жатқан қамысты Германияға экспорттау жайын сөз етті. Жалпы қамыс – ауылдың бренді десек те болады. Тұрмыс тынысын түзеген бұл ауыл күн санап қанатын кеңге жайып келеді. «Өсер елдің керегесі кең болар», – демекші ауылдың әлеуметтік әлеуетінен бастаған ауыл әкімі ауылда бұрын соңды 185 тұрғын үй болса, болашақта 200 тұрғын үй салынатынын тілге тиек етті.<blockquote>– 2020 жылы ауылға тұрғын үй құрылысын салуға 62 га жер телімі қосымша берілді. Биыл мамыр айында жоба сметалық құжаттары мен сараптамадан өтуге аудандық бюджеттен 12 млн 156 мың теңге қаржы қаралды. Байсын ауылына 9 жаңадан көше қосылатын болады. Аталған 200 үйлік жер телімдері Шиелі кентінде тұрғын үй құрылысы үшін жер кезегінде тұрған тұрғындарға табысталу жоспарда бар. Биыл 3 көшеге орташа жөндеу жұмыстарын жүргізуге және 3 көшеге қиыршық тас төсеуге жоба сметалық құжаттары мен сараптамадан өткізуге 2 млн 416 мың теңге қаржы бөлініп, қазіргі таңда конкурс өткізу тәсілімен жұмыстар жасалуда, – деді ауыл әкімі.</blockquote>Б.Тұрсынбайұлының мәліметіне сүйенсек, ауылдағы ауыл шаруашылығы саласының негізін «Байсын» шаруа қожалығы құрайды. Шаруашылық мал және егін егумен айналысады. Биыл 850 гектар жерге күріш суға бастырылса, ауыл тұрғындарының азық-түлік бағасын тұрақтандыру мақсатында шаруа қожалық жерінен ауылдың 91 отбасына 115 гектар жерге, әлеуметтік маңызы бар картоп, көкініс, бақша өнімдерін егу жұмыстары жүргізілді. Байсын ауылында бақша өнімдерінің 80 пайызы тамшылатып суару әдісімен егілгенін де айта кетейік. Сонымен қатар, Байсында 250 орындық жаңа типтік жобадағы мектеп пайдалануға беріледі.<blockquote>– Әр ауыл өзінің жазушылары мен ақындарымен мақтанса, Байсын ауылында Мемлекет және қоғам қайраткері, жазушы Оразбек Сәрсенбаймен мақтанады. Биыл ҚР Мемлекеттік сыйлығының лауреаты, аса көрнекті жазушы Оразбек Сәрсенбаевтың 85 жылдығын жоғары деңгейде атап өтіп, қазан айында облыстық жазба ақындар мүшайрасын өткізу, Оразбек Сәрсенбай атындағы көшенің ашылу салтанатын өткізу жоспар да бар. Тағы бір мақтанатын дүниеміз барша оқулықтың атасы болған «Әліппе» кітапбының авторы Ә.Жұмабаева біздің ауылдың тумасы, – деді ауыл әкімі.</blockquote>Ауыл әкімінің ауқымды жобаларды жүзеге асырып жатқаны ауыл тұрғындарына серпін беріп, болашақта жаңа Байсын ауылы бой көтермек. «Елу жылда ел жаңа» демекші, жаңашылдыққа жақын Жаңатұрмыстан көп жаңалық күтуге болады.

Шиелі: Жаңа тұрмыстың қамысы Германияға экспортталмақ

<a href="https://kyzylorda-news.kz/">Kyzylorda-news.kz</a> Мемлекеттік бағдарламалардың әрбірінің өз ерекшелігі бар. Мысалы, кейбірінде жас шамасына қарай шарт қойылса, кейбірінде төмен пайызбен жеңілдетілген несие беру арқылы ықпал етеді. Енді бірінде тағдырдан опық жеген азаматтар мен мүмкіндігі шектеулі жандар, жастар, сондай-ақ көпбалалы аналарға бағытталып отыр. Мұндай қолдаулар – елімізде жұмыссыздық мәселесінің азаюына септігін тигізсе, көптеген жанның отбасында отырып ақ кәсібін жүргізуге мүмкіндік беруде.Қармақшы ауданы Жаңажол ауылдық округінде осындай мемлекет тарапынан ұсынылып жатқан қайтарымсыз грант үміткер ретінде құжат тапсырғанның бірі – Әсел Зәріпханова. Ол өткен жылдың маусымында 1 380 мың теңге көлемінде гранттың жеңімпазы атанып, ұлттық бағдарламаның игілігін көруде. Мүйізді ірі қара өнімін, оның ішінде сүт және сүт өнімдері бағыты бойынша жеңіп алған қаржысына 3 бұзаулы сиыр сатып алып, кәсібін бастаған.<blockquote>Ауылдың қызымын. Мал маған таңсық емес. Жолдасым Айдос Сәркенов те осы ауылдың азаматы. 2015 жылы көңіл жарастырып, отбасын құрдық. Грант туралы айтқанымда отбасымызда бәрі қолдады. Ұсақ малымыз болғанымен, құрт-ірімшікке Зеңгі бабаның тұқымы керек болатын. Әдепкіде жүрексіндім. Комиссияның алдында жобамды жан-жақты қорғап шығуым керек болды. Сұрақтарына жауап беріп, кейіннен жобамды сәтті қорғағаным жайында айтты. Өте қуаныштымын. Жас аналарға айтарым, талап қылыңыздар, ең бастысы – бизнес жоспарды жақсылап қорғаңыз. Әрбір деталіне дейін мән беріп қараңыз. Жұмсалатын қаржы мен табатын өнімнің есебін шемішкіше шағып тұрыңыз. Оған қорқудың қажеті шамалы, – дейді жас кәсіпкер өз замандастарына.</blockquote>Негізі кәсібін ұршықша иіріп әкеткен кәсіпкерлердің сөзіне қарасақ, солардың көбісі аз қаражатпен бастап, кейін келе күш алған. 5-6 құтымен шемішкі май, 5-6 келімен әк сатып-ақ әлеуетті кәсіп иелеріне айналған. Мұндай деректер көп-ақ. Әселдің де келешекте кәсібін кеңейте түсуге мақсат, жоспары бар.Ә.Әуезханқызы жан жарымен 4 бала тәрбиелеп отырған бақытты ана. 2 баласы орта мектепте білім алып жүрсе, 2-еуі әлі кішкентай. Мектеп жасындағылары ата-анасының жұмсауына жарап қалған. Кәсіп ашқанына көп бола қоймаса да, осы кезге дейін оның тұрақты тұтынушылары біршамаға жеткен.<blockquote>Мамандығымды теміржол саласы бойынша бітіргенмін. Оған ауылда жұмыс жоқ. Үйде үй шаруасынан бөлек, бос қарап отыруға болмайды. Оның үстіне жаспыз. Еңбек ету керек. Ауыл мал ұстауға қолайлы жер. Сүтін сатсам, құрт, ірімшік жасап, айран піссем. Сары майын алсам. Осының бәрін ұқсата білсеңіз, табыс көзі емес пе? Ата-анамыз, күйеуім менің талабымды қолдады. Оларға көптен-көп алғыс білдіремін. Үйде малға жабылып қараймыз. Үлкен кісілер де, жолдасым да малдың жайын жақсы біледі. Бұл мен үшін үлкен қолдау деп есептеймін, – дейді ол.</blockquote>Көпбалалы ана өнімдерін жарнамалап ауылдың «Ауыл жаңалықтары» деген чатына салып отырады. Тұрақты қалыптасқан тұтынушылары бар. Олардың Әселдің өнімін таңдаудағы талабы – кәсіпкердің тазалығы мен қызмет көрсетудегі мәдениеті деп түсіндіреді. Құрт, сары майдың келісін 4 мың теңгеден ұсынса, сүттің литрін 350 теңгеге сатып отыр. Сөз соңында жас кәсіпкер «Бағдарлама мен сияқты үйде отырған аналарға қолайлы. Бала-шағамен отырып, тірлігіңді жасай бересің. Бұл жерде ескеретіні – мемлекеттің сүйемелдеуімен нәпақа тапқан соң оның қайтарымы да болу керек., яғни салығын уақытында төлеп отыруға тиіспіз. Кеңейтіп әкетуге де пейілдіміз» дейді ол жауапкершілік жүгін сезініп.Фото: Н.Нұржаубай

Қармақшылық кәсіпкер ұлттық бағдарламаның игілігін көруде

&nbsp;<a href="https://kyzylorda-news.kz/">Kyzylorda-news.kz</a>.&nbsp;Актер Килиан Мерфи "Оппенгеймер" фильміндегі үздік ер адам рөлі үшін кино саласындағы ең жоғары марапат – алтын "Оскар" мүсіншесін алды, деп хабарлайды <a href="https://kaz.zakon.kz/alem/6039589-zdk-er-adam-rl-nominatsiyasynda-oskar-syylyyn-km-alany-belgl-boldy.html">Zakon.kz.</a> Мерфи Кристофер Ноланның эпикалық драмасында атом бомбасының әкесі Роберт Оппенгеймерді бейнеледі.РИА Новости агенттігінің хабарлауынша, бұл фильмді түсірген Нолан да марапатқа ие болды."Оппенгеймер" фильміндегі рөлі үшін "Оскар" кіші Роберт Дауниге берілді, оның үстіне бұл оның алғашқы Оскары (сонымен қатар Мерфи үшін).Лос-Анджелесте 96-шы Оскар марапаттау рәсімі өтіп жатқанын және оның аяқталуға жақын қалғанын бұған дейін жазғанбыз. Барлық дерлік 23 номинация бойынша жеңімпаздар анықталды.Сурет: kinopoisk.ru

Үздік фильм – “Оппенгеймер”: "Оскар 2024" жеңімпаздары анықталды

<a href="https://kyzylorda-news.kz/">Kyzylorda-news.kz</a> Қармақшы ауданы Жосалы ауылдық округінде 10 шаруа қожалық жұмыс істейді. Шаруа қожалықтар күріш егумен қатар көкөніс, бақша дақылдарын егеді және мал өсірумен шұғылданады.&nbsp;Үй шаруашылықтарында 25 гектарға бақша, 5 гектарға көкөніс, 10 гектарға картоп егілді. көкөніс, бақша дақылдарын еккен 52 үйге бақшалық жер «Дәуіт» шаруа қожалығы арқылы дайындалып, берілді. Округтегі шаруақожалықтары бойынша 170 гектарға күріш, 55 гектарға мақсары, 70 гектарға бақша, 22 гектарға көкөніс, 18 гектарға картоп егілді. 2023 жылғы жағдай бойынша мүйізді ірі қара малы – 825 бас, қой -459 бас, ешкі – 617 бас, жылқы – 191 бас болып саналды. Барлық 93 отбасының 66 отбасы мал ұстайды. Барлық құс саны – 345 дана.&nbsp;Ауылдық округтегі шағын және орта кәсіпкерлік саласының дамуына тоқталсақ. Жосалы ауылдық округі, Төребай би ауылы бойынша халық саны – 465, Тіркелген кәсіпкерлер саны – 39. Жалпы халық санына шаққандағы кәсіпкерлердің үлесі – 8,3 пайызды құрайды. Жұмыс жасап тұрған кәсіпкерлік субъектілерінің саны – 33. Жұмыс жасап тұрған кәсіпкерлер үлесі – 84,7 пайыз.<blockquote>– Өткен жылы Ұлттық жоба» бағдарламасы шеңберінде «Іскер» бағдарламасы бойынша 2 ауыл тұрғыны несие алып, өз кәсіптерін бастады. Атап айтқанда, Гаухар Әбдікәрімова. «Мүйізді ірі қара өсіру» жобасы бойынша «Өңірлік инвестиция орталығынан» (РИЦ) 4 000 000 теңге несие алып, кәсібін бастап кетті. Нағашыбай Өтемұратов. «Мүйізді ірі қара» өсіру» жобасы бойынша «Өңірлік инвестиция орталығынан» (РИЦ) 2 500 000 теңге несие алып, кәсібін дөңгелентіп жатыр.«Ұлттық жоба» бағдарламасы бойынша 2023 жылға 2 адамға грант алып беру жоспары қойылды. Жоспар толығымен орындалып 2 адам грант жеңімпазы болды. Атап айтқанда Амангелді Өтемұратов (көпбалалы, жәрдемақы алушы) «Мүйізді ірі қара өсіру» жобасымен 1 380 000 теңге алып, кәсібін бастады. Рахым Есетов (көпбалалы, жәрдемақы алушы) «Тоғанда балық өсіру» жобасымен 1 380 000 теңге алып, кәсібін бастады.Қаржы және салық саласына келсек, ауылдық округ бойынша жеке тұлғалардың мүлік, жер, көлік салықтары &nbsp;ауылдық округ әкімі аппаратының дербес қолма-қол есеп айырысу шотына түсіріледі. 2023 жылғы салық түсімдері жер салығы бойынша – 21мың теңге, мүлік салығы бойынша – 59 мың теңге, көлік салығы бойынша - 900 мың теңге, табыс салығы – 463 мың, заңды көлік салығы – 98 мың теңге, жер учаскелерін пайдаланғаны үшін төлем-3500 теңге, коммуналдық мүлікті жалға беру – 168мың теңге,бірыңғай жер салығы – 10 мың, мемлекет меншігіндегі мүлікті сатудан түсетін түсім – 246 мың теңге, жыл көлемінде барлығы – 1 млн 968 мың 500 теңге жоспарланып, ол толығымен жиналды,– дейді ауыл әкімі Владимир Жақсылықұлы. .&nbsp;</blockquote>Білім беру саласы бойынша аылдағы 200 орындық №199 орта мектеп 2006 жылы пайдалануға берілген. Онда қазіргі уақытта 89 бала білім алуда. 2022-2023 оқу жылында 11 сыныпты 3 оқушы бітіріп, одан 2 оқушы ҰБТ-ға қатысып, мемлекеттік грант иегері болды. Жалпы орташа балл – 79,5 құрады. Мектепте 26 мамыр-17 маусым аралығында «Жазғы мектеп» жұмыс жасап, онда 40 оқушы демалса, сыртқы лагерлерге 10 оөушы жіберілді. Мектеп бойынша анықталған әлеуметтік көмекті қажет ететін 31 оқушыға түрлі әлеуметтік көмектер берілсе, 1-4 сыныптар аралығындағы 38 оқушыыстық тамақпен қамтылды.Жаңа үлгідегі №15 «Ақ көгершін» бөбекжай-бақшасы 2018 жылы салынып пайдалануға берілген, ондағы «Жұлдыз» ересектер тобында 25 бала, «Балапан» кіші тобында 20 бала, барлығы 45 бала қамтылған. Бөбекжай - бақшадағы 25,75 &nbsp;штаттық жүктемеде 9 педагогикалық, 18 техникалық қызметкер жұмыс жасайды.Ауылдық клубта барлығы 35 іс-шара өткізілді. 7 үйірме,1үгіт бригада жұмыс жасайды. Ән, би, әзіл-сықақ, мәдени үгіт бригадасы барлығы 10 мүше тартылған.&nbsp;Жастардың бос уақытын тиімді пайдалану және бұқаралық спортты дамыту мақсатында № 199 орта мектептің спорт залында волейбол, теннис спорт түрлерімен &nbsp;шұғылдануларына толықтай жағдай жасалған. Ауылдан шыққан спортшылар да аудандық турнирлерден жүлдегер атануда.Құрылыс жөндеу және абаттандыру жұмыстары бойынша өткен жылы инфрақұрылым бойынша 9 млн 436 мың 210 теңгенің балалар ойын және спорт алаңы салынды. Мердігер «Энергиянұр» жауапкершілігі шектеулі серіктестігі. «Жеңіс көшесіне күрделі жөндеу жұмысын жүргізу», «Жеңіс көшесіне светодиодты жарық шамдарын орнату», Пахреддин Байшораұлы көшесін жарықтандыру және қиылыс 1 көшені жарықтандыруға жоба сметалық құжаттарын жасатуға қаржы бөлініп, аталған жұмыстардың жоба сметалық құжаттары жасалды.<blockquote>Жұмыссыздықты азайту бағытында атқарылған нақты жұмыстар жетерлік. Өткен жылы «Ұлттық жоба» аясында елді мекенде қоғамдық &nbsp;жұмысқа 30 адам, жастар тәжірибесіне 3 адам, әлеуметтік жұмыс 1 адам, Күміс жас жобасы бойынша 2 адам қабылданды. Сондай-ақ шаруа қожалықтарда маусымдық жұмысқа қоғамдық негізде 10 жұмыссыз ретінде тіркелген адам қамтылды.Биылғы жылы ауылдық округте бірнеше жоба қолға алынғалы жатыр. Соның ішінде көшелерге жөндеу жұмыстарын басты назарға алып отырмыз. Жоба сметалық құжаттары дайын болған Жеңіс көшесіне орташа жөндеу жұмыстарын жүргізу жұмыс құны 84 млн 989 мың теңге бөлініп отыр. Сонымен қатар Пахреддин Байшораұлы көшесіне заманауи үлгідегі светодиодты жарық шамдар орнату жұмыс құны 30 млн 985 мың теңге, Жеңіс көшесін жарықтандыру жұмыс құны 26 млн 998 мың 842 теңге, 2 қиық көшеге жарық шамдар орнату жұмыс құны 52 млн 137 мың 888 теңге атқарылады деп жоспарлануда, – дейді ауыл әкімі.</blockquote>

«Ұлттық жоба»: Жосалы ауылдық округіндегі 30 тұрғын жұмыспен қамтылды 

<a href="https://kyzylorda-news.kz/">Kyzylorda-news.kz.</a>&nbsp; Жаңақорған - кәсіпкерлік саласы дамыған аудандардың бірі. Бүгінде онда 6 985 бірлік шағын және орта кәсіпкерлік субъекті тіркелген. Оның 361-і заңды тұлғалар болса, 2 464-і шаруа қожалықтары, ал, 4 160-і жеке кәсіпкер. Өңірлік коммуникациялар қызметінде өткен брифингте Жаңақорған ауданының әкімі Мұрат Тлеуімбетов саладағы игі бастамалар тізбектеп, жемісті жобалардың нәтижесін айтты.<blockquote>- Аудан бойынша өткен жылы барлық қаржы көздерінен 164 жобаға қолдау көрсетілді. Ал, “Ауыл аманаты” бағдарламасы аясында 74 жоба несиелендірілді. Жыл басынан бері “Мансап” орталығына 6 800 адам жұмыс іздеп хабарласса, соның 5 487-сі тұрақты жұмыспен қамтылды. Жалпы, өткен жылы ауданда барлығы 3 370 жаңа жұмыс орны ашылды. Бұдан бөлек, ауданда бірнеше білім ордалары да пайдалануға берілді. Мәселен, Жаңақорған кенті «МАИ бекетіндегі» мектеп құрылысы былтыр аяқталып, биыл 15 қаңтарда пайдалануға берілді. Сондай-ақ, былтыр Жаңақорған кентіндені 600 орындық, Жаңарықтағы 300 орындық, Байкенжедегі 150 орындық мектептің құрылысы басталған болатын. Осы мектептердің құрылысы толық аяқталған соң аудандағы білім беру ұйымдарының ғимараттарына қатысты проблемалық мәселе толық шешімін табатын болады, - деді Мұрат Жолкелдіұлы.</blockquote>2023 жылы әлеуметтік-экономикалық өсім бойынша Жаңақорған ауданы жақсы нәтиже көрсетті. Әрбір салада серпін, даму байқалды. Әлеуметтік сала болсын, инвестиция, инфрақұрылым, әсіресе кәсіпкерлік көкжиегі кеңейіп, үздік көрсеткіш көрсеттік. Биыл да осы бағытта атқарылар шаруа шаш етектен. Бұл жөнінде облыс орталығында БАҚ өкілдеріне брифинг берген аудан әкімі Мұрат Тілеуімбетов толықтай түсіндіріп, былтырғы мен биылды бағдарлап берді. Аудан басшысының брифингтегі баяндамасы мен болашақтағы жоспарын жүйелеп көрдік.Макроэкономикалық көрсеткіштер бойынша өсім қамтамасыз етілген ауданның өнеркәсіп өнімдерін өндіруде ілкімді істер бар. 2023 жылы өнім көлемі 140 млрд теңге болып, 2022 жылмен салыстырғанда 124,2 пайызға жеткен. Өңдеу өнеркәсібі өткен жылы 92,8 млрд теңгені құрап, салыстырмалы кезеңмен 140,6 пайызға орындалды.2024 жылдың 1 қаңтарына тіркелген шағын және орта кәсіпкерлік субъектілер саны 6985 бірлікті құрады. Аудан бойынша өткен жылы барлық қаржы көздерінен 315 жобаға 4 млрд 501,1 млн теңге несие, 164 жобаға 229 млн теңгенің мемлекеттік гранты жеңіп алынды. Қызылорда «Өңірлік Инвестициялық Орталығы» микроқаржы ұйымы арқылы құны 372,1 млн теңге болатын 51 жоба несиемен қаржыландырылған. Аграрлық Несие Корпорациясы» АҚ Қызылорда облыстық филиалы арқылы құны 842,4 млн теңгені құрайтын 80 жоба, 2,5%-пен құны 290,6 млн теңге болатын 63 жоба несиемен қаржыландырылды.2021-2025 жылдарға арналған кәсіпкерлікті дамыту жөніндегі ұлттық жоба бағдарламасы шеңберінде пайыздық мөлшерлемені субсидиялау арқылы құны 2461 млн теңге болатын 47 жоба несиемен қаржыландырылса, инновациялық жобаға мемлекеттік гранттар беруге байланысты құны 5 миллион теңгені құрайтын 1 жоба грантты жеңіп алды. «Қамқоршы» несие серіктестігі арқылы 23 жобаға 316,2 млн теңге несие берілді. «Ауыл аманаты» бағдарламасы аясында «Байқоңыр» әлеуметтік кәсіпкерлік корпорациясы арқылы 535 млн теңге болатын 74 жоба несиелендірілді.Жыл басынан жұмыс іздеуші ретінде «Мансап» орталығына 6800 азамат хабар¬ласса, жұмыссыздықтан әлеуметтік қорғау шараларымен қамтылған азаматтардан 5487 адам жұмысқа орналастырылған. 2024 жылдың 1 қаңтарына жұмыссыздар саны 1549 адамды құрып, жалпы жұмыссыздық деңгейі 5 пайыз болды. «Бастау-бизнес» жобасына оқуға жолданғандар 899-ды құраса, «Күміс жас» жобасына қатысқандар саны 79-ға жеткен. 2023 жылы 3370 жаңа жұмыс орны құрылды.Сонымен қатар, Жаңақорған ауданында ерекше кәсіппен айналысушылар қатары уақыт өткен сайын артып барады. Әсіресе, мемлекеттік бағдарламалардың көмегімен қайтарымсыз грант алып, өз ісін дөңгелетіп отырған азаматтар баршылық. Жалпы ауданда шағын және орта кәсіпкерлік саласында 7 мыңнан астам кәсіпкер тіркелген. Бұл өткен жылмен салыстырғанда 22,5 пайызға ұлғайып отыр. Тиісінше бұл саладағы белсенділік көрсеткіші 96,8 пайызды құрады. Бұл туралы Жаңақорған ауданының әкімі Мұрат Тлеумбетов былай дейді.<blockquote>–Өздеріңіз білетіндей, Жаңақорған ауданы кез келген кәсіппен айналысуға ыңғайлы аймақтың бірі. Осы себепті жыл сайын ауданымыздың кәсіпкерлер қатары көбейіп, шығарған өнімдері басқа өңірлерге де жөнелтілуде. Аудан бойынша жыл басынан бері барлық қаржы көздерінен 230 жобаға 1 млрд.599 млн теңгенің қаржылай қолдауы көресетілген. Мәселен, 2021–2025 жылдарға арналған кәсіпкерлікті дамытуға арналған Ұлттық жоба шеңберінде жұмыспен қамту орталығы арқылы 100,6 млн теңгені құрайтын 73 жоба грант жеңіп алса, 131 жобаға 1 млрд.200 млн теңгенің несиесі берілді. Сондай-ақ «Ауыл аманаты» бағдарламасы аясында несие алуға 3 млрд.400 млн теңгені құрайтын 505 жоба іріктелді. Ал бөлшек сауда көлемі 3 млрд.405 млн теңгеге жетіп, өткен жылдың есепті кезеңімен салыстырғанда 111,9 пайызды құрады, – деді аудан әкімі Мұрат Тлеумбетов.</blockquote>Бұл Жаңақорған ауданының кәсіпкерлік саласының біл жыл ішінде атқарған шаруасы. Алдағы уақытта бұданда биік белестерді бағындырып, өңірдегі көш басшылық көрсеткішті сақтап қалады деген сенім мол. Ең бастысы – халықты жұмыспен қамту мәселесін кәсіпкерлікті дамыту, оқыту және &nbsp;басқа да белсенді шаралар арқылы шешуге ықпал ете отырып, жұмыссыздар мен өзін-өзі жұмыспен қамтыған тұрғындарды пайдалы еңбекпен &nbsp;барлық мемлекеттік, салалық және өңірлік бағдарламалардың мүмкіндіктерін пайдалану арқылы қамтамасыз етуге ілкімді істерді жалғастырса игі.

Жаңақорғанда кәсіпкерлік сала жандануда

Мемлекет басшысы Қасым-Жомарт Тоқаев Рамазан айының басталуымен құттықтады, деп хабарлайды <a href="https://el.kz/halqymyz-ushin-qasietti-orazanyn-man-manyzy-ayryqsha-toqaev_110409/">El.kz </a>ақпарат агенттігі.<blockquote>Қымбатты отандастар!Сіздерді Рамазан айының басталуымен құттықтаймын! Халқымыз үшін Қасиетті оразаның мән-маңызы айрықша.Бұл – қоғамда имандылық, адалдық, жанашырлық, мейірімділік сияқты мызғымас құндылықтарға барынша мән берілетін кезең. Бүкіл мұсылман қауымының ынтымағы артып, бір-біріне бауырмалдығы айқын көрінетін мезгіл.Ораза айы рухани тазаруға, мұқтаж жандарға көмек қолын созып, қайырымдылық жасауға үндейді. Сол арқылы барша адамзаттың береке-бірлігі нығая түсуіне ықпал етеді.Дін мен дәстүр сабақтастығын берік ұстанатын ел татулығын, тұрақтылығы мен тыныштығын сақтап, кез келген сын-қатерден сүрінбей өте алады. Мен Қазақстан халқының әрдайым рухани үндестікте өмір сүріп, болашаққа нық қадам басатынына сенемін.Ораза қабыл болсын!Баршаңызға зор денсаулық, амандық, толайым табыс тілеймін!Фото: Ақорда</blockquote>

Тоқаев қазақстандықтарды Рамазан айының басталуымен құттықтады

&nbsp; <a href="https://kyzylorda-news.kz/">Kyzylorda-news.kz.</a> &nbsp;Қазақстан мұсылмандары діни басқармасының төрағасы, Бас мүфти Наурызбай қажы Тағанұлы мұсылман қауымын Рамазан айының басталуымен құттықтады, деп хабарлайды <a href="https://el.kz/bas-mufti-musylman-qauymyn-ramazan-ayynyn-bastaluymen-quttyqtady_110402/">El.kz </a>ақпарат агенттігі.<blockquote>Аса қамқор, ерекше Мейірімді Алланың атымен бастаймын!Құрметті мұсылман бауырлар, отандастар!Баршамызды қасиетті Рамазан айына аман-есен жеткізген Алла Тағалаға сансыз шүкірлер болсын. Сіздерді берекелі Рамазан айының келуімен құттықтаймын!Рамазан – он екі айдың сұлтаны, берекелі де кешірімі мол ай. Күнделікті тіршілік қамымен жүретін пенденің жүрегіне бұл айда иман нұры құйылады. Өйткені ораза адамды тақуалыққа тәрбиелейді. Сабырлық, қайырымдылық, мейірімділік, бауырмалдық секілді адамдық асыл қасиеттер артып, иман күшейеді. Рамазан – Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген қасиетті ай. Бұл – Жаратушы Иеміздің ұлы сыйы әрі нығметі. Рамазанның қадірін жақсы түсінген сахабалар оразаға алты ай қалған сәттен бастап: «Раббымыз, бізді Рамазан айына аман-есен жеткізе гөр!» – деп дұға еткен.Сауаптар еселеніп жазылатын айда жасалған қайырлы істің қайтарымы адам баласы үшін құпия-сыр. Тіпті ауыз бекіткен адамға берілетін сый мен сауап, құрмет пен марапат пайғамбарлар мен періштелерге де беймәлім. Құдси хадисте Алла Тағала: «Ораза – тек Мен үшін. Оның сыйын (сауабын) Өзім ғана беремін...» – деп, оразаның қадірі мен қасиетін, мәні мен маңызын баяндаған.Демек шарапаты мен шапағаты мол айда сауап жинауға, ішкі дүниемізді тазартуға, Жаратушының разылығын алуға асыққан абзал. Пенденің осы айда ұстаған оразасы, Аллаға ұнамды барлық құлшылықтары, өзгелерге жасаған қайырымдылығы, сауапты амалдары еселеніп жазылады.Ораза – күндіз тек ішіп-жеуден өзін шектеу деген сөз емес. Ораза – рухтың азығы, тәннің шипасы. Рамазан жан мен тәнді рухани тазартатын, мұсылман үшін үлкен сабыр мектебі. Аузы берік жандар өзіне дөрекілік көрсеткен кейбір кісілерге: «Мен оразамын», – деген бір ауыз сөзбен көркем мінездің керемет үлгісін көрсетеді. Нәпсісіне тоқтау салып, сабыр сақтайды. Ал сабыр иесіне берілетін сый – жәннат.Денсаулығына байланысты немесе кәрілік жетіп ораза ұстауға шамасы жетпеген адамдар ауыз бекіткен кісілерге ауызашар берсе, ол да – үлкен сауап. Пайғамбарымыз Мұхаммед (оған Алланың салауаты мен сәлемі болсын): «Алла Тағала ең болмаса бір түйір құрма, тіпті бір ұрттам сумен болса да қамқорлық жасағанға сауап жазады…» – деген.Мен осы ретте барша отандастарымды қасиетті айда жүзеге асатын қайырымдылық іс-шараларға үлес қосуға шақырамын. Кәсіпкерлерді әлеуметтік маңызы бар азық-түліктердің бағасына жеңілдік жасауға үндеймін. Қоғамдық тамақтану орындарында ауызашар мәзірін халыққа ыңғайлы бағамен ұсыну да – сауапты істің бірі. Дүкендерде күллі жамандықтың бастауы болған арақ-шарап сатылмаса деген тілегімізді жеткіземіз. Сонымен қатар барша халықтың ортақ игілігі үшін салынып жатқан жол, көпір, мектеп, мешіт, медресе, балабақша, спорт кешені сынды маңызды ғимараттарға аз да болса үлес қосып, белсенділік танытуға шақырамын. &nbsp;Рақым айы – Рамазан құтты болсын! Қасиетті айда ұстаған оразамыз, жасаған дұға-тілектеріміз, құлшылық-ғибадаттарымыз, әрбір қайырлы амалдарымыз қабыл болғай! Алла Тағала отбасымызға амандық, жұмысымызға береке нәсіп еткей! Тәуелсіздігіміз тұғырлы, мемлекетіміздің мерейі әрқашан үстем болғай! Әмин!Фото: ҚМДБ</blockquote>

Қазақстан және Қызылорда облысының жаңалықтары