<a href="https://kyzylorda-news.kz/">Kyzylorda-news.kz.</a> Қазақтың салт-дәстүрін, әдет-ғұрпын берік ұстанып, сәні мен салтанаты жарасқан қазақ келіндерін насихаттау мақсатында партияның «Ұлттық мұра» жобасы аясында бастауыш партия ұйымдарының нысаналы трансферт есебінен «AMANAT» партиясы Жалағаш аудандық филиалы мен «Еңбек ауылдық округі» БПҰ-ның ұйымдастыруымен партияның аудандық филиалына қарасты бастауыш партия ұйымдары арасында «Ісмер келін» сайысы өтті. Аталған шараға ақылына көркі сай, он саусағынан өнер тамған, партия мүшелігіндегі және 18-35 жас аралығындағы келіндер қатысып, өзара сынға түсті.Шараның басты мақсаты: қазіргі жас келіндер арасына ежелден ұмыт болған ата -дәстүр салтымызды қайта жаңғыртып, қазақ келінінің бойынан табылуы керек игі қасиеттерді қайта жандандыру, өнер әлеміне жетелеу, ежелден қазақ келіндеріне тән әдемілік пен ізеттілік, инабаттылық сияқты асыл қасиеттерді насихаттау. Сонымен қатар, ақылды да, үлгілі келіндерді елге таныстыру.«Ісмер келін» сайысын «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева ашып, қазақ келіндеріне тән қасиеттер, салт-дәстүрлерді дәріптеу туралы айтып, барлық қатысушыларға сәттілік тіледі.&nbsp;Жас ұрпақтың бойына ұлттық салт-дәстүріміз, әдет-ғұрыптарымыз, адамгершілік пен имандылықты бойларына сіңіртіп, ұлтжандылыққа баулып, ата-бабаларымыздан қалған бай мұрамызды жаңғырту, мейірімді, зерделі, тәрбиелі болып өсуге баулу баршамыздың міндетіміз – деді Қаншагүл Мұстафаева.Сайыстың ерекшелігіне сәйкес қатысушылар опа-далапсыз, қазақ келініне тән қарапайым отбасылық киім үлгісінде болу, сахна мәдениетіне, сөйлеу мәнеріне баса назар аударылды.Ұйымдастырылған сайысқа қатысушылар негізгі 3 кезең бойынша өз өнерлерін ортаға салды. 1-кезең « Салт-дәстүрді білесіз бе»?. Қатысушылар жартылай дайындалған қолөнер бұйымдарын ұсынады. 2-кезең «Сұрақ-жауап». Бұл кезеңде қатысушы келіндер ұлттық салт-дәстүрге байланысты сұрақтарға жауап береді. 3-кезең «Үй тапсырмасы». Яғни, қазақтың ұмыт болып бара жатқан қазақтың ұлттық тағамдарын дайындау жөнінде видеоролик әзірлейді және дайын тағамдарды арнайы дайындалған орынға орналастырады.Сайысқа әділ бағасын беруге Сырдария ауданының "Құрметті азаматы, облыстың Құрметті ардагері, Сырдария аудандық әйелдер кеңесінің төрайымы - Жаналиева Ұлмекен, ардагер ұстаз, облыстық «Парасатты Әже», облыстық «Мерейлі отбасы» сайысының жеңімпазы, аудандық «Әжелер» ансамблінің мүшесі, «Наурыз шапағаты» өнер фестивалінің 10 дүркін лауреаты - Жалғасбаева Балкүл және жерлесіміз, жыршы, ҚР мәдениет қайраткері, фольклортанушы Саймағанбетов Берік қазылық жасады.Ұйымдастырылған сайысқа 11 келін қатысты. Сайыс қорытындысы бойынша «Инабатты келін» номинациясы бойынша «Жаңадария ауылдық округі» БПҰ атынан қатысқан Хамитова Айжан, «Ибалы келін» номинациясымен «Қаракеткен ауылдық округі» БПҰ-нан Ізімбет Манура, «Шебер келін» номинациясымен «Мақпалкөл ауылдық округі» БПҰ атынан Қыпшақбай Айдана және «Көрікті келін» номинациясы бойынша «Мырзабай ахун ауылдық округі» БПҰ атынан қатысқан Тайжан Айсұлу марапатталды.&nbsp;Жүлделі 3 орынға «Аққыр ауылдық округі» БПҰ-нан Оразымбет Қымбат, «Аққұм ауылдық округі» БПҰ-нан Абажанова Ақмарал және «Мәдениет ауылдық округі» БПҰ-нан Рахметова Арайлым марапатталды. Кезекті 2-орынға «Ақсу ауылдық округі» БПҰ атынан қатысқан Көлжанова Назгүл мен «Бұқарбай батыр ауылдық округі» БПҰ-ның қатысушысы Жұмабаева Гаухар иеленді. Үш кезеңді қамтыған сайыс барысында барлығынан өзінің өнерімен оза шапқан «Еңбек ауылдық округі» БПҰ қатысушысы Нұрмағанбет Ағжан жүлделі 1 орынға ие болды. Қаншама күнгі дайындық, қарбалас осы кезеңдердің барлығынан өтіп көптің көңілінен шыға білген «Таң ауылдық округі» БПҰ атынан қатысушы Мейірманова Зарина «Ісмер келін» сайысының Бас жүлдесін жеңіп алды. Барша қатысушылар «AMANAT» партиясының арнайы дипломдары мен қоса бағалы сыйлықтарымен марапатталды.Бүгінгі сайысқа қазылық жасаған төрешілер «AMANAT» партиясы Жалағаш аудандық филиалының Атқарушы хатшысының арнайы «Алғыс» хаттарымен марапатталды.&nbsp;Сайыстың жоғары деңгейде өтуіне атсалысқан «Еңбек ауылдық округі» БПҰ төрағасы Жаманов Мейрамбекке, ауыл әкім Қалданов Қайруллаға, ауыл әкімдігі, ауылдық дәрігерлік амбулаториясына, ауылдық мәдениет Үйі және М.Байділдаев атындағы №232 орта мектеп ұжымына алғысымызды білдіреміз. Шара соңында барлық қатысушылар мен көрермендер тың идеяға толы тағылымды шараға бастама болған «AMANAT» партиясына өз алғыстарын жеткізді.<figure class="image"><img src="https://knadmin.beoblood.kz/uploads/347397785_817387733077253_285715949344585548_n_f1527d8bdb.jpg" alt="347397785_817387733077253_285715949344585548_n.jpg"></figure>

«Ұлттық мұра» партиялық жобасы аясында өткен келіндер сайысы мәресіне жетті

<a href="https://kyzylorda-news.kz/">Kyzylorda-news.kz.</a> Темірбек Жүргенов Қараұлы – Қазақстандағы мәдениет, әдебиет, өнер саласының талантты ұйымдастырушыларының бірі, республиканың көрнекті мемлекет және қоғам қайраткері.Темірбек Қараұлы Жүргенов есімі тек қана қазаққа ғана емес, иісі түркі жұртына мәлім, Орта Азия мен Қазақстанға ортақ тұлға, аса көрнекті қоғам және мемлекет қайраткері, қаламы қарымды сыншы-көсемсөз иесі саналады.Қызылорда облысы Жалағаш ауданының Жаңаталап ауылында дүниеге келген. Тұрмағамбет Ізтілеуов ұстаздық еткен ауыл мектебінде сауат ашып, кейін Аламесектегі орыс-қазақ мектебінде, Перовскідегі (қазіргі Қызылорда) Суханский атындағы училищеде бастауыш білім алған. 1917 жылы Уфа жер шаруашылығы училищесіне оқуға түседі. Осында оқып жүріп қоғамдық өмірге белсене араласады, студент жастардың әлеуметтік қозғалыстарына қатысады. 1918 жылы «Қазақ мұңы» газеті редакциялық алқасының құрамына енді, Торғайдағы кеңестер съезін шақыру бюросының мүшесі болды. 1919 жылы Ырғыз уезі Кенжеғара болысы революциялық комитетінің төрағасы қызметіне тағайындалған. 1920 жылы БК(б)П қатарына өтіп, Ырғыз уездік революциялық комитетінің, уездік жұмысшы, солдат және шаруа депутаттары атқару комитетінің төрағасы болып сайланды. 1921-1923 жылдары Орынборда жұмысшы факультетінде оқиды. 1923 жылы Ташкенттегі Орта Азия мемлекеттік университетінің құқық факультетіне оқуға жіберіледі. Осында оқып жүріп, ол Қазақ АКСР-інің Түркістан Республикасындағы толық өкілетті өкілі болып тағайындалады, Қазақ АКСР-і мен Түркістан Республикасының Орталық Атқару комитеттеріне мүше болып сайланады, өлкелік және республикалық партия ұйымдарының конференциялары мен пленумдарына қатысады. Орталық Азияда құрылған республикалар аумағының ұлттық-территориялық межеленуіне ат салысады. Бұл мәселе төңірегінде «Еңбекші қазақ», «Советская степь» газеттеріне мақалалары жарияланды. 1926 жылы Ташкенттің Қазақ педагогикалық институтының директоры болып тағайындалады. Институтқа академик В.В.Бартольд, профессор С.Е.Малов секілді ғалымдарды шақыртып, институт жұмысын жандандыруға күш салды. Жоғары оқу орындарына арналған саяси экономия және құқықтану пәндері бойынша оқу құралдарын қазақ тіліне аударды. Қазақ термелерінің жинағын құрастыруға ат салысты. 1929-1930 жылдары - Тәжікстан үкіметінің қаржы комиссары. 1930-1933 жылдары - Өзбекстан үкіметінің халық ағарту комиссары. 1933-1937 жылдары Қазақстан үкіметінің халық ағарту комиссары қызметтерін атқарды. Ол Қазақстанның Халық ағарту комиссариаты жұмысына С.Аспандияров, Қ.Жұбанов, Ғ.Мүсірепов сияқты қайраткерлерді тартты. Жүргеновтің тікелей ат салысуымен «Қазақстанда мектеп жүйесін реттеу және қазақ орта мектептерін көбейту туралы» қаулы қабылданып, қазақ орта мектептерінің саны артуына негіз қаланды. Жүргенов Халық ағарту комиссариатын ұлттық мәдениетті өркендету штабына айналдырды. Ол 1934 жылы Алматыда өткен Бүкілқазақстандық халық өнерпаздарының 1-слетін, 1936 жылы Мәскеудегі Қазақстан өнері мен әдебиетінің онкүндігін негізгі ұйымдастырушылардың бірі болды. Онкүндік кезінде республикамыздың өзге де мәдениет қайраткерлерімен бірге Еңбек Қызыл Ту орденімен марапатталды.Т.Жүргенов – ұлттық мәдениет пен өнер саласы мамандарын даярлауға көп көңіл бөліп, қазақ жастарының КСРО-ның орталық қалаларындағы оқу орындарында білім алуына көмек көрсетіп отырды. М.Әуезов, Ж.Шанин, Ә.Қастеев, т.б. қайраткерлердің шығармашылық жұмыспен айналысуына жағдай жасады. Т.Жүргенов Қазақстанда алғашқы музыка театрын (қазіргі Қазақ опера және балет театры) ұйымдастыруға үлкен үлес қосты. Қазақ әндері туралы А.В.Затаевичке көптеген мәліметтер берді. 1937 жылы КСРО Жоғарғы Кеңесіне депутаттыққа кандидат ретінде ұсынылды. Т.Жүргенов 30-жылдардың басында әдеби сын мақалалар жазуға, соның ішінде театр сынына көбірек көңіл бөлген. Бұл өреде Б.Майлиннің «Шұға» пьесасының алғашқы қойылымына арналған «Ушуга» рецензиясын (Казахстанская правда, 1934, 21 маусым) атап айту жөн. Автордың пайымдауынша, ендігі жерде әдебиетке Меруерт тәрізді шарасыз бейнелер емес, Шұға сынды сындарлы, рухты, кесек образдар қажет. Халық Ағарту комиссары екі тілде бірдей жазған алғашқы қайраткер-қаламгерлеріміздің бірі болды. Тілді жазушы еңбегінің құрылыс материалы ғана емес, мәдениеттің, білімнің іргетасы деп білген ол тіл туралы айтыстан шет қалмай, сол өредегі білікті де салмақты пікірлерін көп талқысына салып, ең бастысы, практикалық басшылық саласына көшіріп отырған. Қайраткердің қазақ тілінің түсініктілігі, мәдениеттілігі, тазалығы туралы ойлары, әсіресе терминологияға қатысты ұсыныс-пікірлері әлі күнге маңызын жойған жоқ. Жүргенов тіл қолданушыларды, әсіресе зиялы қауымды қазақ әдеби тілінің бұзылып көпшілікке түсініксіз болуынан сақтандырды. Осы тақырыпты «Қазақ тіліндегі терминология мәселелері», «Қазақ әдеби тіліндегі келеңсіз жағдайлар» атты мақалаларында өрбіткен ол 20 жылдары А.Байтұрсынов бастаған термин жасаудың ғылыми принциптерінен ауытқымауды, яғни термин сөздерді метаморфалау, морфологиялық және синтаксистік тәсілмен қазақтың төл сөздері мен ұғымдарынан жасау әдісін жалғастыруды, сонымен бірге аударуға келмейтін, қазақша барабар (адекват) мағынасы жоқ халықаралық аталымдарды өзгеріссіз алуды ұсынды. Т.Жүргеновтің ана тілге деген сүйіспеншілігі мен қамқор көзқарасын белгілі композитор Е.Брусиловский өзінің «Дүйім дүлдүлдер» атты мемуарлық кітабында төмендегідей сүйсіне еске алады: «Жүргенов өз кабинетінде мәжіліс өткізбек болды.Шамамен алғанда отыз шақты кісі жиналды, ішінде тек екі адам – қарағандылық Б.Н.Орлов және мен – орыс жұртынан едік. Наркомның өзі де, басқа сөйлеушілер де тек қазақ тілінде сөйлеп отыр. Бір кезде Борис Николаевич орнынан тұрды да Жүргеновтен қазақша сөйлемеуін өтінді, мұнда не жайында әңгіме болып жатқанын өзі ұқпай отырғанын, сөйлеушілерді ол түсінетіндей болуы үшін орысша сөйлеу жөн екенін айтты. Бір кезде Жүргеновтің қара көздері ұшқындап кетті... Жұрттың бәрі бүкшие түсіп, тым-тырс бола қалды. «Сіз қайда отырсыз, Орлов жолдас!» Ашу найзағайы үрейлене бүгжиген қайраткерлердің үстінен ойқастай шапшыды. «Сіз қайда жүрсіз, өзіңіз!» – деп Жүргенов дауысын бұрынғыдан бетер қатайта сөйледі: «Сіз Қазақстанға келдіңіз екен, егерде мұнда жұмыс істегіңіз келсе, сіз республиканың мемлекеттік тілін білуге міндеттісіз! ...Сіз қазақ әндерін де орыс тілінде зерттемекшісіз бе?» - деп өзге ұлттан қазақ тілін құрметтеуді талап етті». Апырым-ай, ұлт намысы дегенде жанып кетер сондай батылдық бүгінгі қандас шенеуніктердің бойында болса ғой деп ойлайсың. Өкініштісі, басқа ұлттың бірлі-жарым өкілі отырса болды-ақ: «Бәрімізге түсінікті тілде сөйлейін», - деп, орысша сайрай жөнелетін дерттен біз әлі де арыла алмай жүрміз-ау. Жүргеновтің қылышы жалаңдап тұрған сол 30-жылдардағы мәрттігі осы ұрпаққа зор тағылым. «Бүкіл дүниежүзілік мәдениетке өз ана тілімізді жақсы білгенде, соны үйренгенде ғана жетуге болады», – деген Темірбек Қараұлының сөзі бүгін өз көкейкестілігін жоғалтқан жоқ.Темірбек Жүргенов - ойы ұшқыр, қаламы қарымды публицист. Оның көсемсөз мұрасы бастауын үш нәрседен: жеке басының бұйдагерлік (лидерлік), саясаткерлік және ұйымдастырушылық үздік қабілетінен алады. Бұған оның «Қазақстандағы мәдениет революциясы», «Қазақстандағы сауатсыздықты жою» кітаптары, «Саяси экономия» оқулығы, «Орта Азиядағы қазақ халқының күйлері», «Қазақ педагогикалық институтын құру», «Қазақ халқының ақындары мен жыршылары», тағы басқа очерктер мен мақалалары жатады. Қазақстандағы мәдениет, әдебиет, өнер саласының талантты ұйымдастырушыларының бірі, республиканың көрнекті мемлекет қайраткері Темірбек Қараұлы Жүргенов өмірінің соңғы күндеріне дейін қазақ халқына, еліне адал қызмет етті, қалың жұртшылық арасында үлкен құрметке, зор беделге ие болды.1937 жылы 3 тамызда «халық жауы» деген жалған айыппен ұсталып, РКФСР Қылмыстық кодексінің 58-бабының 10-, 11-тармақтары бойынша ату жазасына кесілді. Қайраткердің зайыбы, Қазақ ССР-нің еңбек сіңірген дәрігері, Ленинмен кездескен тұңғыш қазақ Әлімхан Ермековтің қарындасы Дәмеш Ермекова Темірбек Қараұлы атылған күні абақтыға жабылған, 18 жыл ғұмырын АЛЖИР-де өткізген. Күйеуінің де, өзінің де жазықсыз жазаланғандығы жөніндегі ақтау қағазын алғаннан бері 30 жылдан астам уақыт бойы ол бар күш жігерін игілікті іске - Темірбек Қараұлының халқына сіңірген еңбегін кейінгі ұрпаққа жеткізу ісіне сарп етумен келді. Айнымас адал жарының қажырлы ізденістері нәтижесінде Жүргеновтің екінші, мәңгілік өмірі басталды. 1957 жылы КСРО Жоғары сотының әскери коллегиясы Т.Жүргеновті толық ақтағасын, Дәмеш Ермекова жарының адал есімін халқына жаңғыртам деп фольклорист М.Байділдаевпен көп шаруа тындырды. Қайраткердің туғанына 80, 90, 100-жылдық мерейтойды атап өту тұрғысында естелік-әңгіме, кітап шығарып, ерінің еліне істеген ерен еңбегін жұртшылыққа жариялап жүріп, өзі де өмірден өтті.1993 жылы Алматыдағы Қазақ ұлттық өнер академиясына Т.Жүргеновтің есімі берілді. Алматы, Қызылорда қалаларында, Ақтөбе облысының Ырғыз ауданы мен Қызылорда облысының Жалағаш аудандарында Т.Жүргенов есімімен аталатын мектептер мен көшелер бар. 1998 жылы Жүргеновтің 100 жылдығы республика көлемінде аталып өтті. Туған жері Жалағаш кентінде ескерткіш орнатылды. 2008 жылы 14-15 қарашасында туған жері Қызылорда, алғаш қызметін бастаған Ақтөбе облыстарында қайраткер-қаламгердің 110-жылдығы жоғары деңгейде аталып өтілді. Ғылыми-танымдық конференциялар мен фестивальдар ұйымдастырылып, әр түрлі мәдени шаралар өтті. &nbsp;

Ұлтын ардақтаған ұлтжанды тұлға

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қазақ халқы қолөнердің қыр- сырына ежелден қанық болып, бойына сіңірген. Киіз үйдің бір өзін- ақ көркіне көз тартатын жауһар дерсің. Ондағы белдік, кереге таңғыш, басқұр, бәрі-бәрі өз алдына бір шежіре.Киіз үйлерді Наурыз мерекесінде ғана көретін қазіргі күні жастардың көбі қолөнердің осы бір түрін біле бермейді. Осы орайда, назардан тыс қалып жатқан құндылықтарды қайта оралту мақсатында Шөмішкөл ауылының тұрғыны Гүлнар Әнәпияева жан-жақты ізденіп, жұмыс жасап келеді. Білім саласында 40 жылға тарта ұстаз болып қызмет жасаған Гүлнар Жүсіпқызы зейнет демалысына шыққан соң анасы мен әжесінен үйренген алаша тоқу өнеріне шындап кірісті.<blockquote>&nbsp;Мен осы өнерге ден қойғанда, ауылдағы үлкен апалар қатты қуанды. Өздерінің бар білгендерін айтып, өрмек ағаштарын беріп, қолдау танытты. Жас қыз-келіншектер де қызығушылық танытып, жіп иіріп, жүн түтіп, бояу жұмыстарында қол көмектерін көрсетті,–деген Гүлнар апа ауылдастарының да еңбегін де ерекше атап өтті.</blockquote>Шебердің айтуынша, алаша тоқудың–шым теру, ара теру, қорасан теру, теріс бұтақ сынды түрлері бар екен. Асқан ыждағаттылықты талап ететін тоқу өнерінде қарапайым кереге таңғышты тоқу үшін кем дегенде 2- 3 күн уақыт жұмсаса, басқұрды тоқуға 1-1,5 ай кететін көрінеді. Гүлнар Жүсіпқызы алаша тоқу ісіне кіріскен шақтан бастап, шеберлігін одан әрі шындап келеді. Облыс, аудан көлемінде өткен шеберлік сабақтарына қатысып, өз өнерімен танылып жүр. Аз уақыттың ішінде көптің ықыласына бөленген шебер өз жетістіктерін қуана әңгімеледі.<blockquote>Облыс бойынша тоқыма өнерімен айналысатын екі-ақ адам бар. Оның бірі–Қармақшы ауданында тұрса, екіншісі–мен. &nbsp;ЭКСПО көрмесі аясында өткен «Қорқыт және Ұлы дала сазы» атты фестивальге бұйымдарымды апардым. Түрлі өрнектермен тоқылған алашаларым келушілердің ерекше назарын аудартты. Тіпті, Шымкент, Ақтөбе, Алматы облысынан келген қонақтар мұражайларға қоюға арнайы тапсырыс беріп, тоқытып алды. Жан-жақтан келген қолөнер шеберлерінің басын құраған бұл фестиваль менің біліктілігімді арттыруыма септігін тигізді. Онан соң, Алматы қаласында өткен «Шебер–2017» көрмесіне қатысып, қоғамдастық төрайымы Айжан Бекқұлованың ықыласына бөлендім. Жақында ғана «Қауышу» күніне орай, Қызылорда қаласында «Қобыз үні» деген атпен көрмеге қатысып, ІІ орынды еншіледім. 26 наурыз– Арал теңізі күніне байланысты болған көрмеде арнайы Алғыс хат иелендім,– деп, Гүлнар апа жетістіктерімен бөлісті.</blockquote>Қазіргі күні алаша тоқудан басқа, киізден түрлі кәде-сый дайындап жүрген Гүлнар апаның өнеріне қызығушылық танытатындар көбейген. Әсіресе, ауылдағы жас келіншектер мен оқушы қыздар шеберлік сабағын алып жүр. Алдағы уақытта шеберхана ашуды ойға алған ісмер апа шикізат көзі мол болғанымен, қаржы жағы қолбайлау болып отырғандығын айтты.Біздің өңірдегі мал терісінен алынған жүн өнімдері қатты болып келеді. Осынысымен де ол бұйым жасауға икемді. Ал, жүннен жасалған бұйымдар ыстық, суық өткізбейтін қасиетімен ерекшеленсе, денсаулық үшін де пайдасы көп. Гүлнар Жүсіпқызы алдағы уақытта да қолөнердің қыр-сырын жетік меңгеріп, жетістіктерін еселеп, бұйымдарын молайтуды мақсат етіп отыр.

Ұмыт болған өнерді кәсіпке айналдырған жан   

<a href="https://kyzylorda-news.kz/">Kyzylorda-news.kz.</a>&nbsp; &nbsp;Облыс әкімі Нұрлыбек Нәлібаев Қазалы ауданына жұмыс сапары кезінде аудан халқымен кездесіп, құқық қорғау органдары басшыларымен бірге тұрғындарды жеке қабылдады.Қабылдауға барлығы 60-тан астам азамат келді. Олардың өтініш-тілектері негізінен баспана алу, денсаулық, білім салаларының, жұмысқа орналасудың мәселелеріне, т.б байланысты болды. Тұрғындарды толғандыратын ой-пікірлерге орай аймақ басшысы жауапты тұлғаларға тиісті тапсырмалар берді. Көтерілген мәселелердің әрқайсысы жіті зерделеніп, жан-жақты талданады. Содан кейін заң аясында шешім қабылданбақ.Тұрғындар құқық қорғау органдары басшыларының қабылдауына негізінен өздерін толғандырған мәселелердің заңдық тұрғыда қалай шешілетінін білуге келеді. Бүгінгі қабылдауда олар барлық сауалдарына толыққанды жауап пен маман кеңесін алды.<blockquote>«Аймақ басшысының қабылдауында болып, ұзақ жылдар бойы өзім қызмет еткен білім саласындағы жаңалықтарды, өзімді қызықтыратын сұрақтардың жауабын білдім. «Жайлы мектеп» ұлттық жобасы бойынша жаңа білім ордалары салынатынына қуандым», – деді аудан тұрғыны, ардагер ұстаз Роза Қыпшақбаева.«Облыс әкімінің жеке қабылдауында «Жосалы-Жалағаш» ішкі жолының жағдайы туралы айттым. Өткен жылы Сырдария өзенінде су деңгейі көтеріліп, жолды шайып кеткен болатын. Аймақ басшысы тиісті тапсырмалар беріп, жолды жөндеуге қаржы бөлінгенінен хабардар етті», – дейдi аудан тұрғыны Қуаныш Төреев.</blockquote>Осындай форматтағы жеке қабылдаулар алдағы күндері барлық ауданда өткізілмек.<figure class="image"><img src="https://knadmin.beoblood.kz/uploads/347235419_554040100255437_292532162267591498_n_a117742ef0.jpg" alt="347235419_554040100255437_292532162267591498_n.jpg"></figure>&nbsp;<figure class="image"><img src="https://knadmin.beoblood.kz/uploads/347133194_205937732299229_8978232108377153456_n_2bae99269d.jpg" alt="347133194_205937732299229_8978232108377153456_n.jpg"></figure>

Облыс әкімі Қармақшы ауданының тұрғындарын жеке мәселелермен қабылдады

<a href="https://kyzylorda-news.kz/">Kyzylorda-news.kz.</a> Статистикаға сенсек, қара жолдың ­бойында қаншама жанның өмірін қиған жол көлік оқиғаларының басым көпшілігі жолаушы тасып, жүйткіп жүрген жеңіл көліктердің салдарынан болған екен. Жасыратын несі бар, ауданға қарасты ауылдарға қатынайтын таксилердің қызметіне күнделікті жүгінеміз. Сөйте тұра, ауылға апаратын автобус жоқ деп шығамыз. Бұл әлі де майшаммен қаралатын мәселе.Әріден бастайық. Естеріңізде болса, басылымның №31 санында «Қоғамдық көліктің күрмеуі шешіле ме?» атты мақала жарық көрген еді. Онда халықтың базынасын жеткізуге тырысып бақтық. Тиісінше белгілі бір ауылдарға қоғамдық-көлік қатынамаудың себебі мен салдарын зерттедік. Бұл әрине, күн тәртібенен түспей тұрған мәселелердің санатында. Бетке қатталған мақаланың әсерінен болар, жауапты мамандар аталған олқылықтың орнын түзетуге тырысты. Нәтиже бар. Бүгінде Еңбекші елді мекеніне жүйелі түрде автобус жүріп, жолаушылардың көңілі жайланып отыр. Еңбекшіге бекітілген автобус таңғы 8:00-де қозғалып, күніне 4 рет бағыт алады. Бұған ауыл тұрғындарының дені дән риза. Бірақ... Бірақ «Алақай деп, аспанға бөрік лақтыруға» ертелеу секілді. Себебі бұл қоғамдық көліктерге бөлінетін субсидияға байланысты толық шешімін таппапты. Ойда-жоқта ауылға қатынаған автобустың тоқтап қалауы бек мүмкін.&nbsp; Осыған байланысты аудандық тұрғын үй-коммуналдық шаруашылығы, жолаушылар көлігі және автомобиль жолдары бөліміне хабарластық. «Ауылішілік автобус қатынастарын көбейтуге тоз-тозы шыққан жол ғана емес, сол автобусқа отыратын адамдардың жоқтығы кедергі болып тұр. Автобус қызметіне жүгінетін жолаушы аз, жол шығынын ақтамайды. Бұл мәселе әлі де қаралу үстінде. Мемлекеттен субсидия берудің жолын қарастырып жатырмыз» деген жауап естідік. Иә, әлеумет қоғамдық көлікке мінбегеннен кейін ауылдарға автобус жіберу тиімсіз екенін ұғынуға болады. Адам аяғының аздығына байланысты жүргізушілердің құлшынысы жоқ. Себебі тиімділігі шамалы. Ешкім де шығынмен жұмыс істегісі келмейді. Бұл мәселе әлі болсын оңтайлы шешімін табады деген сенім бар.

Түйіткілге толы қоғамдық көлік

<a href="https://kyzylorda-news.kz/">Kyzylorda-news.kz.</a> 17 мамыр — Халықаралық пульмонологтар күні. Адам өмірінде тыныс алу қаншалықты маңызды болса, пульмонолог дәрігерлер сол тыныс алу жолдарын емдеуші мамандар.Бүгінде қалада білікті пульмонологтар жетерлік. Соның бірі - көпбейінді Қызылорда қалалық ауруханасының білікті пульмонолог дәрігері Сейтмамбетова Іңкәр Қалмырзақызы туралы айтқымыз келеді.Жастайынан дәрігер болуды армандаған Іңкәр Қалмырзақызы мектеп бітірген соң, 1980 жылы Ақтөбе мемлекеттік медицина институтына оқуға түседі. Институт қабырғасынан 1987 жылы «Емдеу ісі» мамандығы бойынша білім алып, сол жылы алғашқы еңбек жолын бастайды.&nbsp;Ал 2004 жылдан бастап қалалық көпбейінді ауруханада терапевт, пульмонолог дәрігері қызметін атқаруда.&nbsp;<blockquote>«Жаны қысылып, шипа іздеп алдыңа келген науқастың көңілін аулап, диагнозын дұрыс тауып, қажетті ем-шарасын жасау кез келген дәрігердің міндеті. Біз сол үшін Гиппократ антын бердік. Мамандығымды шексіз жақсы көремін. Науқастардың емделіп, ауруынан айығып шыққаны маған қуаныш сыйлайды. Осы үшін мамандығымды мақтан тұтамын. Тыныс алу жолдары, өкпе адам өмір сүруінің негізгі бөлігі ғой. Сондықтан елге пайдамыз тисе қуанамыз», – дейді дәрігер пульмонолог Іңкәр Сейтмамбетова.</blockquote>Өзіне жүктелген міндетті жауапкершілікпен атқаратын кейіпкеріміздің мамандығына деген адалдығы оны абырой биігінен көрсетуде. Ол халықтың ризашылығына бөленген ардақты дәрігер.

Бүгін - халықаралық пульмонологтар күні

&nbsp;<a href="https://kyzylorda-news.kz/">Kyzylorda-news.kz.</a>&nbsp; Жан-жақты белсенді, ұдайы жеңіске, алға қадам басуға ұмтылатын жалынды жастар барда елдің ертеңі жарқын, болашағы кемел. Піржан Төлеген – осындай жалынды жастардың бірі. Қашан көрсең қоғамға белсене араласып жүреді. Бүгінде өзінен кейінгі буынға ұстаздық етіп, шәкірт тәрбиелеу ісін қолға алған ол – Аманкелді ауылының тумасы.Білікті маман жақында ғана республикалық «Жаңа мектепке – жаңашыл ұстаз» байқауының облыстық кезеңінен бірінші орынды жеңіп алған. Осы сайыстың республиалық турында да топ жарып, «ENERGIZER ҰСТАЗ» номинациясын иеленді. Сонымен қоса Қазақстан бойынша ТОП-10 мұғалімнің қатарына еніп, аудан, облыс мерейін үстем етті. Көкшетау қаласында өткен республикалық кезеңде 57 қарсыластың арасынан топ жарған Піржан Ержанұлы жеңіс тұғырынан көрінді. «Талаптыға нұр жауар» демекші, жас маман бүгінде талай биік белестерді бағындырып үлгерген. Үздіксіз жасалған жұмыс пен еңбектің нәтижесінде республика бойынша үздік он ұстаздың қатарына енуі – үлкен мәртебе.&nbsp;Жас ұстаз бұған дейін де аудан әкімінің, облыстық бөлім басшысының Құрмет грамоталарына ие болған. Сондай-ақ «Жас ғалым – 2022» республикалық байқауында 1 орынды жеңіп алып, «Үздік жас маман – 2022» облыстық байқауында да топ жарған. «Педагогикалық идеялар панорамасы» республикалық байқауының аймақтық кезеңінде жүлделі II орын иеленгені және бар. Сонымен қатар шығармашыл мұғалімдердің облыстық тәжірибе алаңында көрсеткен үздік жұмыстары мен жоғары кәсіби шеберлігі үшін «Құрмет грамотасын» иеленіп, республикалық «Дарынды балаларға талантты ұстаз» байқауының 3-орынын жеңіп алған.&nbsp;Білімімен мыңды жыққан жас маман Қорқыт ата атындағы Қызылорда университетінде білім алған. Жоғарғы білімнен кейінгі бөлімді де үздік тәмамдап, «Педагогика ғылымдарының магистрі» атағын абыроймен қорғап шыққан. Университет қабырғасында да өз белсенділігімен, біліктілігімен көзге түсіп, жоғарғы оқу орны студенттерінің арасында химия пәнінен республикалық пәндік олимпиаданың жеңімпазы атанған. Және ҚР ЖОО арасында, кейін ТМД елдері бойынша «Үздік студент» номинациясын жеңіп алған. Сондай-ақ екінің біріне бұйыра бермейтін Президенттік шәкіртақыға да лайық деп танылған.&nbsp;2020 жылдан бастап өзі білім алған Аманкелді ауылындағы Қ.Баймағанбетов атындағы мектеп-лицейде мұғалім болып қызмет атқарып, өзінен кейінгі буынды тәрбиелеу мақсатында жұмыс жасап келеді. Өзі белсенді жас ұстаздың оқытқан шәкірттері де білімді әрі талай сайыста топ жарып жүр. Атап айтар болсақ, үздік ұстаздың үздік шәкірттері Асылзат Шайзатова, Жазира Әбдиева, Ерген Исабайұлы, Арайлым Орман, Назым Өмірзақ, Нұржайна Жұбатқан, Ақжан Есіркепқызы, Ұлпан Тұрмағанбетқызы, Шаттық Матжан және Кәусар Жарылқасын республикалық, халықаралық пән олимпиадаларында үздік шығып, тәжірибелерін шыңдап келеді. Сондай-ақ қызметке кіріскен жылдардан бастап 11 сыныптықтарды Ұлттық бірыңғай тестілеуге дайындаған ұстаз шәкірттерінің алды бүгінде еліміздегі ең беделді жоғарғы оқу орындарының студенті атанып үлгерген. «Менің басты мақсатым – ауыл балаларын дамыту, көтермелеп, ғылымға деген қызығушылығын арттыру» дейді жас ұстаз.&nbsp;Сұхбат барысында Піржан өзінің бала күнгі арманын да айтып қалды.&nbsp;<blockquote>&nbsp;Кішкентай кезімде мұнайшы болуды армандағанмын. Жоғары сыныпқа көшкенде химия пәні қосылды. Алғашқыда қиын деп ойлағанмын. Бірақ пән мұғалімі Зейнұр Жаманқұлов ағайымыз бірінші күннен пәнге еліктіріп әкетті. Тереңдеп қарасам, түпсіз терең, қызық сала екен. Ағайдың тақырыпты түсіндіруі, шеберлігі, тазалығына қатты қызықтым. Бүгінде химия пәнінің мұғалімі болуыма Зейнұр мұғалімнің ықпалы зор болды. Сол кісіге қарап бет түзеп, болмасам да ұқсап бағуға тырыстым. Қазіргі таңда ұстазыммен бір ұжымда қызмет етемін. Ол кісіні білім саласында ғана емес, өмірдегі ұстазым деп санаймын. Жалпы өмірдегі жеткен әр жетістігімнің артында ата-анамнан кейін ұлағатты ұстаздарымның еңбегі өлшеусіз деп білемін, – дейді жас ұстаз.&nbsp;</blockquote>«Ұстазы жақсының – ұстамы жақсы» деген осы болса керек. Осыдан аз ғана жылдар бұрын өзі де мектеп партасында отырып, талай қиялға батқан еді. Міне, талап пен еңбектің арқасында бүгінде алға қойған мақсаттары біртіндеп жүзеге асып келеді. Кезінде өзі ұстаздарына еліктеп өскен жас маман бүгінде кейінгі ұрпаққа үлгі-өнеге болып жүрген жайы бар. Ендеше біз де жас ұстазға сәттілік тілей отырып, ұдайы абырой биігінен көріне беруіне тілектестік білдіреміз.&nbsp;

Сырдариялық ұстаз республикада жеңімпаз атанды

&nbsp;<a href="https://kyzylorda-news.kz/">Kyzylorda-news.kz.</a> Айдынды Арал қаласындағы тұңғыш кәсіби білім ордасы – Арал индустриалды-техникалық колледжінің құрылғанына 95 жыл. Бұл 95 жыл – жай жылдар жиынтығы емес, ізденіс пен еңбектің, талпыныс пен табыстың, үйрену мен үйретудің жылдары болды. Ұлт мүддесіне айналған мұратқа жетуде кәсіби мамандарды даярлап келе жатқан Арал индустриалды-техникалық колледжінің орны ерекше. Бұл облыста кәсіби-техникалық мамандар дайындайтын ең байырғы оқу орындарының бірі.1925 жылы барлық балық шаруашылығына қатысты ұжымдарды біріктіретін «Арал мемлекеттік балық тресі» құрылып, осы саланың жергілікті жерде өркендеуіне, дамуына байланысты балық кәсіпшілігінің түрлі мамандарын дайындау қажеттілігі туындады. Нәтижесінде 1927 жылы Аралдағы тұңғыш кәсіби мектеп – «Балық аулау оқу артелі» құрылған болатын. Мұнда жергілікті тұрғындардан балықшылар бригадирлерін, ау құралдарын септеп-тоқу мамандарын даярлады. Тұтынушылардың сұранысын қанағаттандыру үшін 1937 жылы жас жеткіншектерді кішкентайынан кеме және оның мамандықтары бойынша даярлау мақсатында «Юнга» мектебі атты жаңа топтар құрылып, оған 11-12 жасынан бастап балаларды оқуға тартты. Және олардан осы оқу орнында кіші қайықтарға матрос, мотористер дайындады. Балықтарды аулап, оны өңдеп СССР-дың басқа қалаларына, облыстарға сатуға және ішкі рыноктың сұранысына сәйкес мектеп 1943 жылы ФЗО (фабрично-заводское обучение) мектебі болып аталып, қайық радистерін, бөшке жасау мамандарын, кіші қайық матростарын, мотористерін даярлады.1955 жылы қолөнер училищесі болып қайтадан құрылып, ағаш, темір ұсталарын, қайықтың матрос, мотористерін даярлауды іске асырды. Арал теңізінің жағалауынан аса қашықтықтан балық аулау мақсатында 1963 жылы №68 қалалық кәсіптік-техникалық училищесі (ГПТУ-68) болып өзгеріп, балық өсіруші, өңдеуші, кеме жүргізуші, кеме механигі, электромонтажшылар мамандықтарын даярлауды бастады. 1984 жылы мектеп №4 орта кәсіптік-техникалық училищесі (СПТУ-4) болып аталып, сол жылдан бастап токарь, электромонтажшы, тігінші, слесарь-жөндеуші, құрылысшы мамандықтарын әзірледі. Арал теңізінің тартылуына байланысты және білім саласындағы оңтайландыру кезеңінде кәсіптік-техникалық мектеп өзінің байырғы мамандықтарын: кеме жүргізуші, кеме механигі, балық өсіруші, өңдеуші мамандықтарын дайындауды тоқтатты. 1996 жылы №4 кәсіптік-техникалық мектеп болып өзгеріп, мектепте токарь, электромонтажшы, тігінші мамандықтары бойынша мамандар әзірледі. 1997 жылдан бастап №16 кәсіптік-техникалық мектеп болуына байланысты мектеп қаланың өндіріс орындарына, кәсіпорындарға токарь, тігінші, құрылысшы, электромонтажшы, газбендәнекерлеуші мамандықтарын даярлап келеді. 1998 жылы №16 кәсіптік мектебі тігінші, токарь, слесарь-жөндеуші даярлады. 2003 жылы №16 кәсіптік мектеп тігінші, слесарь-электрмонтажшы, электргазбен пісіруші, теңіз өнімдері мен балықтарды өңдеуші мамандықтарын даярлады.2008 жылғы 25 желтоқсандағы №238 қаулысы және Қызылорда облыстық білім басқармасының «Қайта тағайындау туралы» 2009 жылғы 9 қаңтардағы №07 бұйрығы негізінде №16 кәсіптік мектептің атауы №16 кәсіптік лицей болып өзгертілді. Арал индустриалды-техникалық колледжі мемлекеттік мекемесінің Қызылорда облысы әкімдігінің (кейбір мемлекеттік білім беру мекемелерін қайта ұйымдастыру туралы) 18.08.2012 №527 қаулысының «Арал индустриалды-техникалық колледжі» болып қайта құрылды.Осынау 95 жыл ішінде бұл білім ошағы тәуелсіздік тұғырын нығайтып, заман талабына сай құрылған жаңа оқу бағдарламалары арқылы мемлекетіміздің ертеңгі келешегі, өскелең ұрпақты жан-жақты тәрбиелеп, білікті мамандар қатарын нығайтуға өз үлесін қосып келе жатқан ең іргелі оқу орнына айналды.Кәсіптік салаға керек жұмысшы мамандарға керек алғашқы біліктілікті үйретуден бастаған білім ұясы еліміздің өндірістік-экономикалық дамуына байланысты атауы бірнеше мәрте өзгере отырып, мыңдаған жастарды өндіріс орындарына қанат қақтырды. Ғасырға жуық тарихы бар, бүгіндері қара шаңырақ аталатын Арал индустриалды-техникалық колледжі осы жылдарда 17 мыңға жуық жұмысшы кадрларын оқытып, еліміздің түкпір-түкпіріне еңбек етуге жіберген екен. Осы оқу орны түлектерінің арасынан кейін есімдері елімізге мәлім еңбек майталмандары, мемлекет және қоғам қайраткерлері мен шығармашылық иелері шықты. Сол ел мақтанышына айналған түлектердің қатарында қоғам қайраткері Әлсейіт Жұбаниязов, Арал өңірінің еңбек қырандарының бірі, Социалистік Еңбек Ерлері Ұштап Өтеулиева, Төлеген Әлімбетұлы, халықтың арда азаматы атанған Алданыш Халықұлов пен ақын Шөмішбай Сариев бар. Бүгінде олар колледждің ғана емес, туған жерінің де нағыз мақтаныштарына айналған.Арал индустриалды-техникалық колледжінің 95 жылдық тарихы жылдар бойы қалыптасудан, дамудан тұрды. Еліміз тәуелсіздік алған жылдардан бері кәсіптік және техникалық мекемелерде оқытылатын кәсіптер мен мамандықтардың түрленуіне аса көңіл аударылып, нарық заманының сұраныстарына сай мамандар даярлау бірінші кезекке қойылды. Қазіргі таңда колледжде «Тiгiн өндiрiсi және киiмдердi үлгілеу», «Токарьлық іс және металл өңдеу», «Дәнекерлеу ісі» (түрлері бойынша), «Балық өндірісі», «Үйлер мен ғимараттарды салу» (түрлері бойынша), «Электромеханикалық жабдықтарға техникалық қызмет көрсету, жөндеу және пайдалану» (түрлері және салалары бойынша), «Автомобиль көлігіне техникалық қызмет көрсету, жөндеу және пайдалану», «Есептеу техникасы және ақпараттық желілер» мамандықтары бойынша мамандар даярланады. Мемлекеттік білім беру тапсырысы негізінде 2022-2023 оқу жылында 250 студент колледж қабырғасынан білім алып, жаңа өмірге бейімделуде. Негізгі басты міндетіміз– білім алушыларға өнегелі тәрбие, сапалы білім беру мен білікті маман кадрларын дайындау.Қазір елімізде кәсіптік-техникалық білім беру тегін жүргізілуде. Білім іздеп қалаға келген ауыл жастарына мемлекет мейлінше көмек көрсетуге дайын. Білім алушыларға төленетін шәкіртақыдан бөлек әлеуметтік аз қамтылған отбасыдан шыққан студенттерге ыстық тамақ есебінен қаржылай көмек пен жолақысына дейін ақша бөледі.Колледжде дуалды оқыту жүйесі оқу үрдісіне енгізілді. Теорияны өндіріспен ұштастыру мақсатын көздеген білім беру жүйесі бойынша көптеген әлеуметтік әріптес мекемелермен шарт жасалды. Олардың қатарында АҚ «Аралтұз»,ЖШС «Agrofish 2020» балық өңдеу зауыты, ТОО «Айдарлым», ДК «Келжанова А» тігін цехы, ДК «Ай ару» тігін цехы, ДК «Батыр» тігін цехы, ДК «Құлыбаева С», ДК «Шүкіров Т», ТОО «Арал құрылысы», ТОО СЗЦ «Қарашалаң», ДК «Інжу-балық», ДК «Қараев Ж», ДК «Қошқарбаев С», "Қызылорда Электржелістік Тарату Компаниясы" АҚ Арал аудандық филиал, ДК «Нысанов М», ДК «Н.Дуйсенов», ДК «Хусайнов», ДК «Нұрмағанбетов Т», ДК «Сейтов А», Оңтүстік аймақтық телекоммуникация дирекциясы «Қазақтелеком» АҚ филиалы бар.Білім ұясының материалдық-техникалық базасы да жыл өткен сайын жаңарып, жаңғыруда. Әуел баста түбегейлі жақсарту мақсатында облыс, аудан әкімшілігінің басшылығымен КМК «Арал вагон жөндеу зауытына» қарасты «Сауда орталығы –Асхана» және «Электр цехы» ғимараттары колледж балансына қайтарымсыз алынған болатын. Бұл ғимаратқа 2020 жылы күрделі жөндеу жұмыстары жүргізіліп, 12 теориялық оқу кабинеттері, 5 оқу шеберханасы, 3 зертхана, спорт залы, медпункт, кітапхана, әдістемелік кабинеттер түгелдей жаңартылды. Оқу кабинеттері мен оқу шеберханалары білім беру стандарттарына сай жабдықталып, студенттерге заман талабына сай білім алуға жағдай жасалды. Тағы бір көңіл толатын жағдай, колледж 2021жылы«Жас маман» жобасы аясында материалдық-техникалық базамен жабдықталды. Осы арқылы тігінші және электргазымен дәнекерлеуші мамандықтары бойынша білім алатын студенттердің практикалық жұмысқа ден қоюына басымдық берілді.Бүгінгі күні колледждің негізгі материалдық-техникалық базасы жасақталып, оқытушылар ұжымы тәжірибелі, мамандықтарына қарай кәсіпорындарда тәжірибе жинақтаған инженер-педагогтардан құралған. Яғни, оқу орнының Нұралы Әбішов бастаған басшылық құрамы мен арнайы пән мұғалімдері, өндірістік оқу шеберлерінің өздеріне артылған үлкен сенімді абыроймен атқарып жүр. Ұдайы аудандық іс-шараларға белсене атсалысып жүрген қоғам дамуының бір бөлшегі іспетті ұстаздарымыздың мерейлі жеңістері, білім алушылардың жетістіктері бұл да көптеген жылдар бойы қалыптасқан білім беру ісіндегі өзіндік бай дәстүр сабақтастығы екені сөзсіз.Заман көші алға жылжыған сайын елімізде кәсіптік білімге деген талап күн сайын өсіп келеді. Осы ретте, кадр мамандарды оқытып, даярлау, тәрбиелеу қашанда өзекті мәселе екенін ескерсек, 95 жылдық ұлағатты тарихы бар Арал индустриалды-техникалық колледжі осы деңгейден табылуда. Осындай ауқымды істер атқару мен ұйымдастыру әріптестер арасындағы өзара ынтымақтастық пен сыйластықта, ауызбіршілікте екені даусыз. Колледж ұжымы ел экономикасын дамытуда сапалы бәсекелестікке қабілетті жас мамандар дайындап, болашаққа нық қадам басып келеді.

95 жылдық белес: Тарихы терең білім ордасы

<a href="https://kyzylorda-news.kz/ru">Kyzylorda-news.kz.</a> Қазіргі таңда Қазалы ауданында орта мектептермен қатар үш мектеп-лицей оқушыларды білім нәрімен сусындатып, шәкірттерді шыңдап келеді. Солардың бірі де, бірегейі №266 мектеп-лицей.Білім ошағының тарихы тым тереңде. 1906 жылы Қазалы станциясының 5 квартал бетінен, қазіргі Михайлюк, бұрынғы Северная көшесіндегі №10 үйден мектеп ашылып, онда 7 бала оқыды және мектеп жанынан интернат ғимараты тұрғызылған. Бұған дейін 1903 жылы бұрынғы Привокзальная, қазіргі Счастнов көшесінің бойындағы Ташкент пен Орынбордан келген ұсталар салған ғимараттан бастап жұмыс істеді деген дерек те бар.1906-1917 жылдар аралығында Қазалы станциясының аумағы кеңіп, мекемелер ашылып, Қазалы тораптық станцияға айналады. 1910 жылы оқушылар санының көбеюіне байланысты интернаттың жанынан мектеп ғимаратының негізі қаланды. Жаңадан ашылған мектепте 120 шәкірт білім алып, меңгерушілікке Петр Крылов бекітілген. Жергілікті шенеунік Короленко 1912 жылы өз үйінен 4 сыныптық мектеп ашқан. Крылов мектебі 1917 жылы бастауыш училище болып ұйымдастырылып, «Фабрика-зауыт» жетіжылдық мектеп болып қайта құрылған.1918 жылы қарашада Қазалы жұмысшы-солдат депутаттарының Кеңесі 4 кластық орыс-қазақ мектебін ашуды қолға алды. 1918 жылы қыркүйекте Қазалы станциясынан №66 (беріректе Счастнов атындағы №249 орта мектебі) мектеп ашылды. Төрт кластық мектептер Мойнақта, Үргіндіде, Аралда, Жосалыда болған.1918 жылы қазанда Қазалыда уездік білім бөлімі ашылып, оның басшылығына Алексей Павлович Аницкий тағайындалады. Кеңес үкіметінің шешімімен Қазалы станциясындағы ауқатты Чумак үйі мектептің пайдалануына беріледі және 1923 жылы мектеп ғимаратына №11,12 үйлердің қосылуы нәтижесінде білім ордасының аймағы кеңейтілген. Сол жылы мектеп ішінен қазақ сыныптары ашылып, 1927 жылға дейін аралас мектеп болып жұмыс жасайды.1930 жылдың 25 шілдесінде ВКП(б) ОК «Жалпыға бірдей міндетті бастауыш оқыту» туралы қаулы қабылдады. 1931 жылы 5 қыркүйекте «Бастауыш және орта мектеп туралы», 1932 жылы 25 тамызда осы мектептердің оқу бағдарламалары туралы, 1934 жылы 16 мамырда «КСРО-дағы бастауыш және орта мектептің құрылымы» туралы қаулылар қабылдап, КСРО-ның аграрлы елден индустриялы елге айналуы үшін алғы шарттарын белгіледі. Осы қаулылар негізінде 1935 жылы 1 қыркүйекте №66 орыс мектебінен Қазақ бөлімі бөлініп шығып, 7 жылдық №67 (қазіргі Жанқожа батыр атындағы №70 мектеп) мектеп ашылып, оның бірінші директоры Әли Рысдәулетов болды.Ұлы Отан соғысы кезінде «Жалпыға бірдей жетіжылдық білім алуға көшу» ісі кідіріп қалды. Оқушылар, мұғалімдер еңбек майданына (труд армия) тартылды. Тұңғыш өмірге енген «Жас тимуршылар» командасы осы мектептен бастау алып соғыста өлгендер мен мүгедектер отбасына жүйелі көмек ұйымдастырды. 6 жыл бұрын ғана бөлініп шыққан №67 мектеп әскери госпитальға айналды.Ұлы Отан соғысы салған жараны жазу, шаруашылықты қалпына келтіру, мәдениет пен білімге келтірілген олқылықты толтыру, оңайға соқпады. 1946 жылы Қазақстан Компартиясы Орталық комитеті мектеп туралы арнайы қаулы қабылдап, нақты іс-шараға көшті. Ауданда 51 мектеп болып, онжылдықтар саны өсті. 1940-1950 жылдар аралығында №266 бастауыш жетіжылдық орыс мектебінің директорлығын көрнекті ұстаз Петр Иванович Макрыдин басқарды. Ол ерен еңбек жасағаны үшін мемлекеттік ең жоғары награда Ленин орденімен марапатталған. 1950-1982 жылдары мектепті Василий Тимофеевич Демин басқарып, 32 жыл абыройлы еңбек етті. 1965 жылы Ұлы Жеңістің 20 жылдығында мектепке, мектеп түлегі В.М.Счастновтың аты берілді. 1977 жылы Батыс Қазақстан теміржолының құрылуына байланысты №16 теміржол орыс мектебі болып өзгертілген. 1950-1960 жылдары отызға жуық мұғалім сабақ беріп, 500 оқушы білім алған.Мектептен республикаға, облысқа, ауданға танымал тұлғалар шыққан. Олардың қатарында Кеңес Одағының батырлары: В.М.Счастнов, Я.Д.Михайлюк, соғыс және еңбек ардагерлері: А.Елфимов, В.Т.Мишенина, Н.М.Мальцев, Ауған соғысының ардагері: Қ.Ибраймов, ғалымдар: П.Т.Мәтжанова, А.Елеуов, А.Қ.Рысбаева, А.Сайлыбаева, С.Тұрмаханов, А.Өтегенова, Д.Қ.Бердібекова, құрметті теміржолшы: С.Розметов, мемлекеттік қызметкерлер: Б.Пұсырманов, Р.Ш.Загидуллин, Т.Мадияров, Н.Бабажанов, Б.Әбдіриев, Ж.Сәдуақасова, заң қызметкері: М.Н.Жұбанғанов тағы басқалар бар.Аталмыш мектепте әр жылдары М.Дәуқараев, Д.Сабырбаева, В.Шин, Л.Дубровина, Қ.Ршымбет, С.Бердібекұлы, Ғ.Бәймішев, Ш.Алтынбай, З.Жүсіпова, Л.Ізбасарлар директор болып қызмет атқарған.Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт ғана табысқа жетеді. Міне, осы ұстанымды ұстанған біздің ұжым әлі талай жетістіктерге жету жолында аянбай еңбек ете бермек.

Қазалыдағы ғасырлық тарихы бар мектеп шәкірттерін шыңдап келеді

<a href="https://kyzylorda-news.kz/">Kyzylorda-news.kz.</a> Республикалық газ саласы ардагерлерінің кеңесі қоғамдық бірлестігі 2015 жылы бастамашы азаматтардың жалпы жиналысының шешімімен құрылды. Ардагерлер кеңесі еліміздің 3 қаласында – Астана, Алматы, Шымкент және 7 облыста – Ақтөбе, Атырау, Жамбыл, Батыс Қазақстан, Қостанай, Қызылорда, Маңғыстау филиалдарын құра отырып, республикалық мәртебеге ие болды.Бұл салалық бірлестіктің негізгі мақсаты – ардагерлерді белсенді қоғамдық өмірге тарту, әлеуметтік-тұрмыстық мәселелерді шешуге жәрдемдесу, тәжірибе және кәсіби дағдылар алмасу.2016 жылдың сәуір айында бірінші құрылтай конференциясы өтті. Онда бірлестіктің Қызылорда облысы бойынша филиалы құрылды, Алқа мүшелері сайланды. Филиалдың бірінші директоры болып Саттар Пікірбеков сайланды. Бірлестіктің мүшелері – газ саласының ардагерлері, газ саласында көп жылдық тәжірибе және өндірістік тәжірибесі бар жоғары білікті мамандар. Бүгінде бірлестік филиалының қатарында 130-дан астам мүше бар.2021 жылғы сәуірде ардагерлер кеңесінің жалпы жиналысында төраға болып Ерқанат Темірханов, сол жылдың қыркүйек айында кезектен тыс конференцияда осы жолдардың авторы Қызылорда облысы бойынша филиалдың директоры болып сайланды.Филиал сала ардагерлермен күнделікті жұмыс жүргізуге, олардың әрқайсысымен тұрақты байланысты қамтамасыз етуге бағытталған өз қызметін жылдан жылға жандандырып келеді. Ардагерлер тұтынушыларды «көгілдір отынмен» үздіксіз жабдықтау, магистральдық және таратушы газ құбырларын апатсыз пайдалануды қамтамасыз ету жөніндегі жауапты міндеттерді табысты шешуге ықпал ете отырып, өздерінің бай өндірістік тәжірибелерін қазіргі газ қызметкерлерінің буынына беруде. «Қараөзек», «Арал», «Қорқыт Ата» компрессорлық станцияларын пайдалануға беру, &nbsp;Байқоңыр қаласының объектілерін табиғи газға қосу рәсіміне қатысты.&nbsp;«Қауіпсіз еңбек-2022» еңбек қауіпсіздігі және еңбекті қорғау жылында &nbsp;өткізілген іс-шаралардың да белсенді қатысушысы болды. Жоғары, арнаулы оқу орындары студенттерімен және мектеп түлектерімен кездесулер дәстүрге айналды.«QazaqGaz» ҰК АҚ компаниялар тобының еңбек ұжымдарымен бірлесіп, балаларға өз жылуы мен мейірімінің бір бөлігін сыйға тарту мақсатында «Атамекен» отбасылық үлгідегі балалар ауылының» тәрбиеленушілеріне арналған «Тілектер шыршасы» акциясына қатысып, сыйлықтар табыс етілді.Сала ардагерлерінің қажырлы еңбегі назардан тыс қалмайды. Қазақстан мұнайының 120 жылдығы қарсаңында ардагерлерге Энергетика министрлігінің «Қазақстан мұнайына 120 жыл» мерейтойлық медальдары табысталды. Бірлестік комитетінің тарихында алғаш рет республикалық газ саласы ардагерлері кеңесінің төрағасы Е. Темірхановтың бастамасымен біздің ардагерлеріміз &nbsp;С.Пикирбеков пен Ө. Алданов «Мұнай-газ саласының еңбек сіңірген қызметкері» және «Мұнай-газ кешенін дамытуға қосқан үлесі үшін» бейінді министрлік наградасына ие болды.Сонымен қатар, «Самұрық-Қазына» ҰӘҚ АҚ және «ҚазМұнайГаз» ҰК АҚ Құрмет грамоталарымен марапатталғандар қатары артты.Ақпан айында Қызылорда облыстық тарихи-өлкетану музейінде республика бойынша газ саласының үшінші бұрышының салтанатты ашылуы өтті.Сол күні филиалдың белсенді мүшелеріне «Qazaqgaz ардагері» төсбелгісі табысталды. Бірлестік филиалы ардагерлерінің бос уақытын ұйымдастыру мәселелеріне ерекше назар аударады.&nbsp;Кәсіби шеберлікті жетілдіру, еңбектің озық әдістері мен тәсілдерін анықтау және тарату өте маңызды. Жұмыскерлердің апатсыз, жоғары өнімді жұмысты және газ тасымалдау жүйесінің жоғары техникалық сенімділігін қамтамасыз етуге моральдық және материалдық қызығушылығын күшейту үшін «Интергаз Орталық Азия», «Қызылорда» магистральдық газ құбырлары басқармасы &nbsp;филиалы «Үздік маман» дәстүрлі жұмысшылардың кәсіби шеберлігі конкурсын өткізді. Оның турының салтанатты ашылуына газ саласының ардагерлері қатысты.&nbsp;Бұдан басқа, кеңес төрағасының бастамасымен Қызылорда облысы мен Қазақстанның газ саласы ардагерлері туралы деректі фильм түсіру жұмыстары жүргізілуде. Сонымен қатар, қазіргі уақытта Қазақстанның газ саласының ардагерлері туралы «Алтын кітапты» басып шығару үшін ақпарат пен мұрағаттық құжаттарды жинау бойынша дайындық жұмыстары басталды. &nbsp;

Еңбек ардагерлерінің еңбегі елеулі

<a href="https://kyzylorda-news.kz/">Kyzylorda-news.kz.</a> Биыл төрт айда Қызылорда кәсіпкерлер палатасының кеңесшілері жалпы құны 1,2 млрд теңгені құрайтын 157 жобаға бизнес жоспар әзірлеп берді. Оның ішінде 290 млн теңгенің 37 жобасын түрлі қаржы институты қолдап, қызылордалықтар кәсібін бастап кетті.Кәсіпкерлер палатасының директоры Пірмұхаммед Сыздықов жылдың алғашқы тоқсанында кәсіп ашуға бет бұрғандардар құс, мал шаруашылығы,ойын-сауық, денсаулық сақтау, жиһаз жасау, жүк тасымалдау қызметі, синтепон, құрылыс заттарының өндірісі бағыттарын таңдағанын атап өтті.<blockquote>«Біз «2021-2025 жылдарға арналған кәсіпкерлікті дамыту жөніндегі» ұлттық жоба аясында шағын және орта бизнес өкілдеріне және кәсіпкерлік бастамасы бар азаматтарға қаржылай емес қолдау көрсетеміз. Биыл шамамен 5,5 мыңнан астам кеңес береміз деп жоспарлағанбыз. Кәсіпкерлер палатасының кеңесшілері төрт айдың өзінде облыстың мыңнан аса тұрғынына 3,3 мың рет кеңес берді. Осыдан-ақ біздің қызметтерімізге сұраныстың жоғары екенін аңғаруға болады. Ең бастысы – барлық қызметімізді тегін көрсетеміз. «Атамекен» – кәсіпкерлерге қаржылай емес қолдау көрсетуге арналған ұйым. Біз грант, несие бермейміз», – дейді палата басшысы.</blockquote>Кәсіпкерлер палатасының кеңесшілері жыл басынан 352 кәсіпкерге 373 сервистік қызмет көрсетті. Нақтырақ айтқанда, 85 кәсіпкердің бухгалтерлік есебін тапсырып, 67 кәсіпкерге заң сұрақтары бойынша кеңесберді.Оның ішінде рұқсат құжаттарын алуда сүйемелдеп, жеке кәсіпкерлікті ашу, келісім-шарт жобаларын жасауға көмектесті.Қаржылай емес қолдау қызметтерін алғысы келетін, кәсіп ашуға ниетті азаматтар мен кәсіпкерлерді Палата кеңесшілеріне жүгінуге шақырамыз. Кәсіпкерлер палатасының барлық ауданда филиалы бар. Кәсіпкерлер палатасының байланыс нөмірі 8 /7242/ 40-09-81, 40-02-02.

Қызылордада Кәсіпкерлер палатасының мамандары 157 жобаға бизнес жоспар әзірлеп берді

<a href="https://kyzylorda-news.kz/">Kyzylorda-news.kz.</a> М.Мәметова атындағы Қызылорда педагогикалық жоғары колледжінің мәжіліс залында &nbsp;облыстық ұйымның Кеңес отырысы болып өтті.&nbsp;Кеңес мүшелері өткен жылғы Кәсіподақ қызметінің қорытындыларын талқылап, алдағы кезеңге арналған міндеттерді айқындады. Алқалы жиында&nbsp;«2022 жыл біз үшін нәтижелі жұмыс жасалған жыл болды. Облыстық кеңес пен мүшелік ұйымдардың тәжірибелік жұмысы жоспарланған іс-шараларды орындауға, оның ішінде сала қызметкерлерінің еңбек және әлеуметтік-экономикалық мәселелерін шешуге, кәсіподақ мүшелерін жан-жақты қолдауға бағытталды. Осы ретте бірлескен табысты жұмыстарымыз үшін кәсіподақ активіне және әлеуметтік &nbsp;әріптестерімізге ризашылығымды білдіремін. Біздің алдымызда кәсіподақ қызметінің тиімділігін одан әрі арттыру бойынша бірқатар міндеттер тұр. Кеңес отырысының негізгі мақсаты - осы жұмыстағы басымдықтарды талқылау мен айқындау» деп бірлескен жұмысты әрі қай дамытуға шақырды», - деді комитет төрағасы Гүлнар Есқалиева.&nbsp;Әрі қарай комитет төрағасы Кәсіподақ ұйымы қызметіндегі Қазақстан Республикасының «Педагог мәртебесі туралы» Заңын іске асыру жұмысыны туралы хабарлама жасады.&nbsp;Облыстық кәсіподақ ұйымы мен Қызылорда облыстық білім басқармасының Бірлескен шешіміне сәйкес педагогтардың кәсіби әлеуетін арттыруға арналған шаралардың жүзеге асырылу &nbsp;барысы туралы облыстық білім басқармасының әдістемелік &nbsp;оқу орталығының директоры Асқаров Сырым мен Аймақтық дене тәрбиесі методикалық &nbsp;орталығы спорт және ұйымдарастыру бөлімінің басшысы Танмамбетов Бағлан толығырақ баяндады.Кәсіподақ қызметінің басым бағыттары бойынша атқарылған жұмыстар есебі тыңдалған соң Кеңес мүшелері сөз сөйлеп, пікірлерін ортаға салды. Сөз алғандар саладағы түйткілді мәселелерді қозғай отырып, ұсыныстарын жеткізді. Барлық талқыланған мәселелер бойынша кеңес мүшелері Кеңес отырысы қаулысының жобасын бірауыздан қолдады.&nbsp;

Қазақстан және Қызылорда облысының жаңалықтары