Жосалы обаға қарсы күрес бөлімінің жұмысы жүйелі

<a href="https://kyzylorda-news.kz/ru">Kyzylorda-news.kz.</a> Сырдарияның теңізге құяр сағасында Қаратерең деген ауыл бар. Теңізге етене орналасқан ауылдың ата кәсібі қашаннан балық шаруашылығы болған. Бір кездері теңіздің табаны құрғап, күрт тартылып кеткен уақыттарда өзегі талған бұқара халықты да көздері көрген. Тіршіліктен күдері үзілгендей болып, үдере көшкен азаматтардың бүгінде елге қайта оралып жатқаны да жиі жаңғырық беріп келеді. «САРАТС» ғасыр жобасы жүзеге асқалы ауылдың іргесіне теңізі қайта оралып, тіршілігі жанданып-ақ қалды. Балық шаруашылығын өрге жетелеген жергілікті азаматтардан бөлек, мал шаруашылығымен де айналысып отырғандар да жеткілікті.&nbsp;Міне, бұл Қаратерең жайындағы бірер ауыз сөзіміз ғана. Ел экономикасының өркендеп, өріс алуына елеулі үлес қосып келе жатқан осы ауылдың тыныс-тіршілігі редакция ұжымын да елең еткізбей қоймады. Көптен бері көңілде жүрген істі тындыру үшін сәрсенбінің сәтті күні қойнауына құт қонған ауылды арнайылап барып, өз көзімізбен көріп қайтуды мақсат қылып, жолға шықтық.Тақтай түзу жолмен жүйткіп келеміз. Астымыздағы темір тұлпарымыз да тікесінен тартып, Қамыстыбас ауылының тұсынан өтіп барамыз. Көктем, қыс кездерінде Бөген мен Қаратерең ауылдары арасындағы қара жолдың қиындығы бізге таныс еді. Бірақ, бұл жолғы сапарымда сол таныс жолды көре алмадық. Жөндеуден өтіп, жүргіншілерге жеңілдік тудырып-ақ тұр.Ауылға кіреберістен көзімізге ілінген жағдай да жол мәселесінің шешімін табуы болды. Ақлақ бөгетінен Қаратерең ауылына дейінгі жарты шақырымдық жолды жөндеу жұмыстары жүріп жатыр екен. Қажеттілікке сай барлық техникалармен қамтамасыз етілген жұмысшылардың жұмыс барысымен танысып, тілдесіп те алдық. Жұмыс барысын барынша түсіндіріп өткен жұмысшы топ орташа жол жөндеу жұмыстарын көрсетілген уақыт ішінде толықтай аяқтайтындарын айтты. Мердігер «Строй модуль - Астана» ЖШСның жұмысына көңіліміз толды.&nbsp; Одан кейінгі көздеген нысанымыз Баян каналын тазарту жұмыстары еді. Сапарымыздың сәтіне қарай аталған жұмыстың да жай-жапсарымен танысып, көзімізбен көріп қайттық. Мердігер «Сыр маржаны» ЖШС-ның тарапынан жасалып жатқан жұмыстарға бас бармақпен баға берерліктей.Аталған каналдың атауының өзінде үлкен тарих жатыр дейді. Қаратерең ауылындағы «Баян» көліне құятын каналдың жұмыстары жүргізілгенін жергілікті халық қуанышпен қабылдады. Себебі, тарихтан сыр шертіп, өзіне тән құпиясы бар Баян көлінің бүгінгі жағдайы көңілді күпті етерліктей еді. Ендігі жерде бұл канал арқылы көлдің де арнасы толып, ажары кірері сөзсіз.Баян каналын тазарту, қалпына келтіруге бүгінде үлкен күш салынып, жауапкершілікпен атқарылуда. Жерді тынымсыз төңкеріп жатқан 6 ауыр техниканың қозғалысына қарап-ақ елдің қуанышы еселеніп, басталған жұмыс аз уақытта нәтиже беретініне көзіміз айқын жетті.&nbsp; Одан соң Қамыстыбас балық өсіру питомнигінің Қаратерең ауылдық округі, Тастақ елді мекеніндегі бөлімшеде болып, уылдырық шашу маусымындағы қызу тіршілікті көріп қайттық. Көп жылдық тарихы бар мекеменің бүгінгі жайын айтпай тұрып, тарихына тоқтала кетуді жөн санадым. Сонау 1972 жылдан бастап 1987 жылға дейінгі Арал балық зауытына қарасты болған бұл нысан қазірдің өзінде іргелі мекеме ретінде баршаға белгілі. 1947 жылы іргетасы қаланған Қамыстыбас балық өсіру питомнигінің Тастақ елді мекеніндегі бөлімшесі бір кездері арнайы бекіре де өсірген. Бекіренің тұқымын ұшақпен алдырып, оларды Арал теңізіне үйреткен кездерін әлі күнге дейін мақтанышпен айтады. Міне, бүгінде осы ұжымда 32 адам тұрақты түрде жұмыс жасап келеді. Көз алдымызда уылдырық алудың қыр-сырын көрсеткен жұмысшылардың әр қимылынан өз ісіне деген махаббатты анық байқадық. Аталған мекемеде 28 жыл жұмыс жасаған ұжымның бригадирі Бауыржан Құрманбаев жылым тартып жатқандарға қарап тұрып:<blockquote>Бұл жұмыс біздің басты міндетіміз. Сондықтан әрбіріміз асқан жауапкершілік танытамыз. Алғаш рет уылдырық алу үшін тоғандағы балықтарды жылым салып сүзген кезде оларды ұстау қиындық тудырмайды. Бірақ, олар да үйренісе бастайды. Шоршып қашып шығатын да кездері болады. Сонымен қатар балықтың уылдырық шашуға дайын, дайын еместігін де жұмысшылар өте жақсы біледі, – деп, еңбектің қаншалықты бағалы екенін көрсетті.&nbsp;</blockquote>Десе дегендей, жылымнан қашып, шоршып секірген балықтардың судың бетін көбікке айналдырып жатқан сәті көрсе көз қызықтырардай. Жылымға түскен балықты арнайы тасымалдайтын жәшікпен питомник ішіндегі су толы үлкен жәшікке салып жатқан сәтіне де куә болдық. Бірақ, бұл қадам да қарапайым ғана орындала салмайды. Әр балықтың салмағы мен кеудесін өлшеп барып жасалатын жұмыс.&nbsp; Бұл жайында бөлімше басшысы Асылхан Дүйсенғалиев:<blockquote>Өлшеу жұмыстары міндетті түрде орындалуы керек. Себебі, балықтар өздігінен уылдырық шаша салмайды. Судың арнайы температурасы болады. Балықтарды да біз жәшік ішінде ұзақ уақыт ұстай алмаймыз. Сол себепті белгіленген уақыт ішінде уылдырық алу үшін дәрі береміз. Міне, өлшеу жұмыстары сол үшін керек. Дәрі салмаққа байланысты беріледі. Бұл жұмыстың барлығы түстен кейінгі уақытта орындалады. Ал түске дейін біз арнайы тостағанға уылдырық шаштырып аламыз. Содан соң балықтарды тоғандарға жібереміз, – дейді.&nbsp;</blockquote>Жазғы уақытта жалпы аумағы 46,2 гектарды құрайтын 23 жазғы тоған бар. Бұл тоғандарда балықтардың еркегі мен ұрғашысы бөлек ұсталады. Күн жылып, судың температурасы қалыпқа келген кезде бірге жүрсе, балықтар уылдырық шашып қояды. Сондай-ақ тоғандарға су айдау насосы арқылы дариядан келген судың жолына бірнеше сүзгі де қойылған. Бұл сүзгілер дариядан келетін жыртқыш балықтарды ұстап қалуға арналған.&nbsp;Бұл–питомниктің жазғы маусымдағы жұмысы ғана. Уылдырық алу маусымында тостағаншаға алынған уылдырық құрылғыларға салынып, су ішінде шайқалады. Осылайша майда шабақтарға айналады. Сондай-ақ мекеме басшысының айтуынша:&nbsp;<blockquote>Сол майда шабақтар 20 грамға жеткенде теңізге жіберіледі. Жалпы, күзде 4 млн шабақты біз теңізге жібереміз. Бүгінгі таңда толстолобик, беломор және карп балықтарының уылдырығын алумен айналысамыз. Қазірде карптан уылдырық алудың жоспарын орындап болдық. Тағы бір айта кетерлігі, біздің мекеме Қазақстан Республикасы бойынша алғашқы болып беломор өсірумен айналысып келеді, – дейді.&nbsp; Ал қыс мезгілінде 5 қысқы тоғанға балықтарды жіберіп, оларды күтіп, баптайды.&nbsp;</blockquote>Қаратерең ауылында балық өсірумен айналысатын жалғыз мекеме бұл ғана емес. Алдағы уақытта тағы бір нысан балық өсірумен айналысады деп күтілуде. Ескі дарияның арнасын кәсіпкерлік бағытта ұтымды пайдалануды көздеген жандар бүгінде өз жұмысын бастауға толықтай дайын тұр.&nbsp;Бұл жайында «Арал теңізі» қоғамдық бірлестігінің басшысы Айнагүл Баймаханова:<blockquote>&nbsp;Қазірде «Арал теңізі» қоғамдық бірлестігі тарапынан Аралды құтқару, өркендету бағытында көптеген жұмыстар жасалып жатыр. Міне, солардың бірі–шарбақтап балық өсіру жобасы. Бұл жоба аясында Қаратерең ауылындағы «Қуаныш» ЖШС-ның директоры Батырхан Прекеев бізге серіктес болып отыр. Осы уақытқа дейін балық шаруашылығымен айналысып келген азаматтың тәжірибесі мол. Сол себепті серіктестік танытуға келісім беріліп, Ғаламдық Экологиялық қордан қайтарымсыз қаржы берілген болатын. Міне, сол жоба бүгінде толыққанды өз жұмысын бастауға дайын тұр. Негізгі мақсат шарбақтап балық өсіру арқылы Ұлы теңізге кетіп жатқан майда балықтарды осында өсіріп, теңізге жіберу болып отыр, – дейді.</blockquote>

Балық шаруашылғын басты кәсіп еткен ауыл

<a href="https://kyzylorda-news.kz/">Kyzylorda-news.kz.</a> Бүгінде жеке кәсібін ашып, күнкөріс көзіне айналдырып отырған жандар жетерлік. Еңбекпен табыс тауып, ниеттенсең болғаны емес пе? Осы ретте Қармақшы ауданына қарасты Жосалы кентінің тұрғындарын түрлі тәттілерімен қуантып жүрген Жаңыл Қосжанованы айтпай кетуге болмай.Жосалы кентінің орталығында орналасқан «Тәтті өнімдер» дүкеніне жергілікті тұрғындар жиі бас сұғады. Қай кезде барса да, күлімдеген жүзімен, ақжарқын мінезімен, бар тәттісі дайын тұратын Жаңылды көріп қуанамыз дейді олар. Әрбір тұтынушыға деген рия­сыз көңілі өзіне баурайды. Осындай ерекше көңілмен, шын ниетпен дайындалғандықтан болар, әрбір өнімі сүйсініп жеуге тұрарлық.Жаңыл осы Жосалы кентінің тумасы. №121 мектепте тәлім алып, колледжде білімін жетілдіреді. Алайда мамандық бойынша жұмыс істегеннен гөрі, тәтті дайындауды сүйгендіктен, осы уақытқа дейін кент мейрамханаларында ұзақ жылдар бойы түрлі тәтті дайындаған. Ал бұл кәсіпті ақпан айынан бастап қолға алған. Ашылғанына көп уақыт болмаса да, дүкеннің тұрақты тұтынушылары қалыптасқан. Кәсібін өз қаражатымен бастаған кәсіпкер алдағы уақытта мемлекет ұсынған мүмкіндікті пайдаланып, көкжиегін кеңейтуге ниетті.<blockquote>«Мен бала кезден тамақ, тәтті өнімдер әзірлегенді жақсы көремін. Асты түрлі етіп дайындауды жеңгелерімнен көріп, қызығушылығым артты. Сосын өзім де жасап көре бастадым. Әрдайым дәмді етіп ас дайындау, түрлі тәтті пісіру екінің бірінің қолынан келе бермейді. Оған да ерекше ептілік пен икем керек. Алғаш ас дайындағанымда ата-анам мен бауырларым дәмді екенін айтқан. Сол кезден бас­тап оларды қуантуға тырысатынмын. Балалық қызығушылықпен бойыма сіңген қасиет бүгінде өмірімнің мәніне, тірлігімнің көзіне айналып отыр. Қазір де әрбір тәттіні ерекше махаббатпен дайындаймын», – дейді кәсіпкер.</blockquote>Расында да, асты дәмді ету кез келген­нің қолындағы іс емес. Сондықтан тағамы тәтті асханалар мен өнімі ерекше дүкендерді тұрғындар бекер іздемесе керек. Кез келген өнім дайындайтын орынның мол табыс табуы сондағы аспаздың ерекше ептілігіне тікелей байланыс­ты.Осы ретте Жаңылдың тәттілеріне күмән келтіруге болмайды. Оның қолынан шыққан самса, чебуреки, тәтті тоқаштар бүгінде үлкен сұранысқа ие. Дүкенге келушілердің де, той-жиынға арнайы тапсырыс берушілердің де қатары көп. Осындай дәмді тағамдар жасайтын Жаңыл күнделікті табысына көңілі толатынын айтады.<blockquote>«Жеке кәсіп ашып, көпшілікке тәтті тағамдар түрін ұсынып, олардан алғыс алып отырғаныма қуаныштымын. Осы уақытқа дейін жеке кәсіп иесі болуды армандаған едім. Бүгінде оған қол жеткіздім. Әлі де алға қойған мақсатым көп. Жеке кәсібімді жылдар өте ұлғайтқым келеді. Санаулы тағам түрлерімен шектеліп қалмай, олардың санын арттыру да жоспарда бар. Алдағы уақытта заманауи торттардың түрін меңгеріп, мәзірге оны да қоспақпын. Тәтті пісіруге ешқашан ерінген емеспін. Керісінше бұл іс мені шабыттандырады. Өзімнің сүйікті ісіммен асханада таңнан кешке дейін жүре беруге дайынмын. Тек тапсырыс берушілер мен дүкен тұтынушыларының көңілінен шығуды ойлаймын», – дейді ол.</blockquote>Үйренсем, білсем деп талпынған жанның жетер асуы асқақ. Алдына үлкен мақсат қойған жан сол жолдан таймаса, биіктерге жетері хақ. Кәсібін жақында ашып, сол мақсатта тапжылмай еңбек етіп жүрген жанның несібесі де мол болмақ.

Жосалылық кәсіпкердің тәтті өнімдері сұранысқа ие

<a href="https://kyzylorda-news.kz/">Kyzylorda-news.kz.</a> Облыс әкімі Н.Нәлібаевтің төрағалығымен Жалағаш ауданының әлеуметтік-экономикалық дамуы жөніндегі кеңейтілген мәжіліс өтті.Мәжілісте аудан әкімі А.Есжанов 2022 жылы атқарылған жұмыстар мен ағымдағы жылғы жоспарлар туралы хабарлама жасады. Аудан әкімі әлеуметтік саланы дамытуға, экономикалық өсуді қамтамасыз етуге, әлеуметтік проблемаларды шешуге бағытталған жұмыстар үзіліссіз жүргізіліп, нәтижесінде экономикада тұрақты өсім қалыптасқанын жеткізді.Қазіргі таңда Жалағаш ауданы барлық бағыттар бойынша өсу динамикасын жалғастырып, өткен жылдың сәйкес кезеңімен салыстырғанда барлық негізгі әлеуметтік-экономикалық даму индикаторларына қол жеткізгендігін айтты. Атап айтқанда, ауданымызда Өнеркәсіп өнімдерін өндіру 5,4 есеге артып, 13,3 млрд. теңгені құрады. Оның ішінде, өңдеу өнеркәсібі 2,4 есеге артып, 4 млрд. 846 млн. теңгенің өнімдері өндірілген.Негізгі капиталға тартылған инвестиция көлемінің де аяқ алысы жақсы. Бүгінде инвестиция 5 млрд. 966 млн. теңгені құрап, 5,6 есеге артты. Ал, ауыл шаруашылығы өнімінің көлемі 2,2 млрд. теңгеге орындалып, өсім 101,9 пайызды көрсетті. Қазіргі таңда құрылыс жұмыстарының жүру қарқыны да жоғарылап, көлемі 1,8 млрд. теңгеге орындалған. Ол, 174,3 пайызды құрап отыр.Өздеріңізге хабардар еткендей 2023 жылғы аудан бюджеті 9,2 млрд. теңге болып бекітілген болатын. Дегенмен де бізді қуантатыны нақтыланған аудан бюджеті жыл басында бекітілген бюджетпен салыстырғанда 1,1 млрд. теңгеге ұлғайып, 10,3 млрд. теңгені құрап отыр, - деді аудан басшысы. Аудан әкімі А. Есжанов өткен жылы ауданның барлық елді мекендерін аралап, тұрғындармен жүздесіп, халықтың талап-тілегін тыңдап, ауданды одан әрі дамыту мақсатында «Жалағаш ауданын дамытудың 2023-2025 жылдарға арналған перспективалық іс-шара жоспары» әзірленіп, бекітті. Іс-шара жоспарына елді мекендерде іске асырылатын жалпы құны 17,6 млрд. теңгені құрайтын 120 жоба енгізілді. Бекітілген жоспар аясында ағымдағы жылы бюджет есебінен 32 жобаны іске асыруға 4,8 млрд. теңге бөлінді.Жүйелі жоспарлар мен нақты істердің арқасында ауыл халқының да арманының ауылы алыс емес. Биылғы жылы облыстық бюджеттен Ақсу және М.Шәменов елді мекендеріне газ желісін тарту жұмыстарын бастауға 40,0 млн. теңге бөлінді. Қазіргі таңда мемлекеттік сатып алу рәсімдері жүруде. Облыс әкімінің тапсырмасына сәйкес аудан бойынша азық-түлік бағаларын тұрақтандыру мақсатында картоп, бақша дақылдарын орналастыруға шаруашылықтардың демеушілігімен жаңадан 500 гектар жер дайындалды. Оның 235 гектарына картоп, 265 гектарына басқа да бақша дақылдары орналастырылатын болады.Бұл жерлер 610 отбасыға үлестіріп берілді. Мемлекет басшысының тапсырмасына сәйкес, ауданда «Ауыл Аманаты» жобасын іске асыру жұмыстары да өз деңгейінде жүргізілуде. Жоба аясында жалпы құны 2 млрд. теңгені құрайтын 409 жоба жүзеге асырылатын болады. Бүгінгі күнге қаржыландыру үшін құны 677,5 млн. теңгені құрайтын 110 жобаның құжаттары дайын.&nbsp;<blockquote>«Ауданның әлеуметтік - экономикалық даму бағытындағы тиісті жұмыстар кезең-кезеңімен жоспарлы түрде жүзеге асырылатын болады. Біздің негізгі міндетіміз - халықтың әл-ауқатын арттыру. Алдағы уақытта да атқарылатын жұмыстар халықтың игілігіне бағытталатын болады» - деді А. Есжанов</blockquote>

Облыс әкімі Жалағаш ауданында кеңейтілген мәжіліс өткізді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев жұмыс сапары барысында Жалағаш ауданының халқымен кездесіп, құқық қорғау органдарының басшыларымен бірге жергілікті тұрғындарды қабылдады.Азаматтардың құқықтарын қорғап, олардың өтініштері &nbsp;мен ұсыныс-пікірлерін &nbsp;жедел және сапалы қарау мәселесі полиция қызметіндегі маңызды бағыт.Азаматтардың өтініштерін уақтылы қарап, оңтайлы шешімін табу халықтың полицияға деген сенімін арттыратыны белгілі. Бұл бағыттағы жұмыстар Қызылорда облысы полиция департаменті басшылығының үнемі бақылауында.Қызылорда облысы полиция департаментінің бастығы &nbsp;полиция генерал-майоры Аблазимов Махсудхан Нұғманұлы жұмыс сапары барысында Жалағаш ауданының тұрғындарын жеке қабылдады. Қабылдау барысында ауыл тұрғындарының өздерін мазалаған мәселелері бойынша сауалдары және азаматтардың қауіпсіздігін қамтамасыз етіп, құқық бұзушылықтар мен қылмыстардың алдын алу мақсатындағы ұсыныс-пікірлері тыңдалды.Жалағаш ауданы Мәдениет ауылының тұрғыны, аудандық полиция бөлімінің Ардагерлер кеңесінің төрағасы Нұржанов Болат Нұржанұлы полиция генерал-майоры Аблазимов Махсудхан Нұғманұлын жаңа қызметке тағайындалуымен құттықтап, қиындығы мен қызығы қатар жүретін қызметіне сәттілік тіледі. Ардагер темірдей тәртіпті сақтап, ел тыныштығын сақтау жолында аянбай еңбек етуде полиция қызметкерлеріне жүктелер жауапкершілік жүгін арқалау да оңай емес екендігін атап өтті.Жеке қабылдауға &nbsp;шағым, ұсыныстарымен келген тұрғындарды Махсудхан Нұғманұлы мұқият тыңдап, заң аясында кеңес беріп, түсіндіру жұмыстарын жүргізді. Әр сауалды назарға алып, тиісті жұмыстар жүргізу үшін сала басшыларына нақты тапсырмалар берді.​Департамент бастығы аудандық полиция бөлімдерін аралауды жалғастырды. Жалағаш ауданы көлемінде тәртіп пен қауіпсіздікті қамтамасыз ету бойынша жұмыс барысын тексеріп, материалдық-техникалық базасын көрді. Жеке құраммен сөйлесіп, жас мамандармен пікір алмасты. Сонымен қатар, &nbsp;жедел-қызметтік жұмыс көрсеткіштерін жақсарту, қызметтік тәртіпті бұзуға жол бермеу, халықтың полицияға деген сенім деңгейін арттыру бойынша нақты міндеттер қойды.

Қызылорда облыстық полиция департаментінің бастығы Жалағаш ауданының тұрғындарын қабылдады

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайылов орталық мемлекеттік органдар, Бас прокуратура, БҚДА, ҚМА және тағы басқа ведомство басшыларының қатысуымен Экономиканы демонополизациялау жөніндегі комиссияның кезекті отырысын өткізді.Денсаулық сақтау саласындағы ақпараттық қызметтерді көрсету нарығында бәсекелестікті дамыту шаралары қарастырылды. Бүгінде нарықтың 80%-дан астамын «Даму» АТО» ЖШС-іне тиесілі «Damumed» жүйесі қамтиды. Республикалық деңгейде медициналық ақпараттық жүйелер арасында деректер алмасудың толыққанды тетігінің болмауы нарықта бәсекелестікке жатпайтын жағдайлар туғызып, салдарынан қазақстандық медициналық ұйымдар бір медициналық ақпараттық жүйеден басқасына ауысқанда қиындықтарға кезігіп отыр.Осыған байланысты «Даму» АТО» ЖШС-і Экономиканы демонополизациялау жөніндегі комиссияның биылғы жылдың 27 сәуіріндегі тапсырмасын орындау аясында «Е-Денсаулық» жүйесі базасында бірыңғай республикалық медициналық деректер қорын құру және медициналық ұйымдар арасында ақпарат алмасу үшін «Damumed» деректер қорын Денсаулық сақтау министрлігіне берді. Бұл үшінші тараптағы қызмет ұсынушылардың медициналық ұйымдарға бәсекелестік негізде тиісті қызметтер көрсетуіне мүмкіндік береді.Әлихан Смайылов «Е-Денсаулық» жүйесін құру бойынша жұмысты жеделдету және осы саладағы реттеудің тиімділігін арттыру үшін заңнамалық түзетулер дайындау қажеттігін атап өтті.Кеңеске қатысушылар отын-энергетика кешеніндегі монополияға қарсы шараларды жүзеге асыру барысын да талқылады. &nbsp;

«Damumed» деректер қоры Денсаулық сақтау министрлігіне берілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының әкімі Нұрлыбек Нәлібаев Жалағаш ауданына жұмыс сапары кезінде аудан халқымен кездесіп, құқық қорғау органдары басшыларымен бірге тұрғындарды жеке қабылдады.Қабылдауға барлығы 60-тан астам азамат келіп, өтініш-тілектерін жеткізді.Тұрғындар баспанаға мұқтаждық, денсаулық, білім салаларының, жұмысқа орналасудың түйткілдерін айтты. Аймақ басшысы қабылдауға келген кісілердің мәселесі бойынша жауапты тұлғаларға тиісті тапсырмалар берді. Әрбір сауалдың туындау себеп-салдарын мамандар жан-жақты зерттеп, жауабы нақтыланады. Шешімі заң аясында қарастырылады.Құқық қорғау органдары басшыларының қабылдауына келген азаматтардың да мәселелері тыңдалды. Олардың әрқайсысына қойған сауалының заңдық негізі түсіндірілді.Қабылдауға келген бір топ аналардың тұрғын үй мәселесі бойынша өтініштері оң шешім тапты. Олар жаңа кәсіп ашуға көмектескені үшін аймақ басшысына және аудан әкіміне алғыс білдірді. Сондай-ақ аудан тұрғыны Еркінбай Ақшабаев әлеуметтік осал топ санаты байынша тұрғын үй кезегінде тұрғанын айтты. Облыс әкімі кезектілікті сақтай отырып, баспана алуға жәрдемдесетінін жеткізді.Айта кетейік, осындай форматтағы жеке қабылдаулар барлық ауданда өткізілмек.<figure class="image"><img src="https://knadmin.beoblood.kz/uploads/347436647_932828164642008_1004707177638503209_n_3fc9f78f31.jpg" alt="347436647_932828164642008_1004707177638503209_n.jpg"></figure>&nbsp;<figure class="image"><img src="https://knadmin.beoblood.kz/uploads/347439124_169473215784035_8672835925522960561_n_34c158a64b.jpg" alt="347439124_169473215784035_8672835925522960561_n.jpg"></figure>

Облыс әкімі Жалағаш ауданының тұрғындарын жеке мәселелермен қабылдады

<a href="https://kyzylorda-news.kz/">Kyzylorda-news.kz.</a>&nbsp; Қазақстанның 14 облысында 18 мамырда қолайсыз ауа райына байланысты ескерту жарияланды.Күндіз Ақмола облысының батысында, оңтүстігінде жаңбыр жауады деп күтіледі. Облыстың батысында, оңтүстігінде найзағай ойнап, бұршақ жаууы мүмкін. Облыстың оңтүстігінде, солтүстік-батысында шығыстан соққан желдің екпіні 15-20 м/с құрайды. Түнде облыстың солтүстік-шығысында топырақ беті қатып, сынап бағаны -2 градусқа дейін төмендейді, үсік жүреді деп болжанады. Астанада шығыстан 15-20 м/с, Көкшетауда таңертең және түстен кейін шығыстан 15 м/с жылдамдықпен жел соғады деп күтіледі.Атырау облысының солтүстігінде, оңтүстігінде, шығысында найзағай ойнайды деп күтіледі. Облыстың солтүстігінде, батысында солтүстік-шығыстан соққан желдің екпіні - 15-20 м / с.Күндіз Алматы облысының&nbsp;батысында, оңтүстігінде, таулы аймақтарында қатты жаңбыр жауып, найзағай ойнайды, бұршақ та түседі деп күтіледі. Облыстың оңтүстігінде, шығысында, таулы аудандарында солтүстік-шығыстан соққан желдің екпіні 18-23 м/с, кей тұста 30 м/с дейін жетіп, тіпті одан да асады деп болжанады. Алматыда күндіз найзағай ойнап, жаңбыр, бұршақ жауады деп күтіледі. Күндіз солтүстік-шығыстан соққан желдің екпіні 18-23 м/с құрайды. Қонаевта күндіз найзағай ойнайды деп күтіледі. Солтүстік-шығыстан соққан желдің екпіні 18-23 м/с, күндіз 30 м/с және одан да көп болады деп болжанады.Қостанай облысының басым бөлігінде жаңбыр жауады, түнде&nbsp;облыстың орталығында, оңтүстігінде қатты жаңбыр жауады. Облыстың оңтүстік жартысында найзағай ойнап, бұршақ түсуі мүмкін. Күндіз облыстың шығысында шаңды дауыл тұрады. Күндіз облыстың солтүстігінде, шығысында солтүстік-шығыстан, шығыстан соққан желдің екпіні 15-20 м/с,&nbsp; кей тұста 23 м/с құрайды. Облыстың оңтүстігінде өрт қаупі жоғары. Қостанайда солтүстік-шығыстан, шығыстан 15-20 м/с жылдамдықпен жел соғады деп күтіледі.&nbsp;Жетісу облысының оңтүстігінде, шығысында, орталығында, таулы аудандарында найзағай ойнайды деп күтіледі. Күндіз облыстың батысында, оңтүстігінде солтүстік-шығыстан соққан желдің екпіні 17-22 м/с,&nbsp; кей тұста 30 м/с және одан да көп болады. Талдықорғанда күндіз найзағай ойнайды. Солтүстік-шығыстан соққан желдің найзағай кезіндегі екпіні - 15-20 м/с.Түнде&nbsp;Батыс Қазақстан облысының оңтүстігінде, күндіз өңірдің шығысында найзағай ойнайды деп күтіледі. Облыстың оңтүстігінде, шығысында солтүстік-шығыстан соққан желдің екпіні 15-20 м/с құрайды.Таңертең және түстен кейін&nbsp;Қызылорда облысының орталығында, солтүстігінде найзағай ойнайды деп күтіледі. Облыстың орталығында, солтүстігінде оңтүстіктен соққан желдің екпіні - 15-20 м/с. Өңірде төтенше өрт қаупі сақталады. Қызылордада оңтүстіктен соққан желдің екпіні 15-20 м/с құрайды, қалада төтенше өрт қаупі сақталады.Күндіз Маңғыстау облысының орталығында жаңбыр, бұршақ жауады деп күтіледі. Облыстың орталығында, батысында найзағай ойнайды деп болжанады. Облыстың батысында, оңтүстігінде солтүстік-батыстан 15-20 м/с жылдамдықпен жел соғады. Ақтауда күндіз және түнде күн күркіреп, найзағай ойнайды. Солтүстік-батыстан соққан желдің екпіні - 18 м/с.Күндіз Қарағанды облысының батысында қатты жаңбыр жауып, найзағай ойнайды деп күтіледі. Облыстың шығысында, солтүстігінде шығыстан соққан желдің екпіні 15-20 м/с құрайды. Облыстың солтүстігінде, шығысында өрт қаупі жоғары.Түнде Ақтөбе облысының солтүстік-шығысында қатты жаңбыр жауады, облыстың оңтүстігінде, шығысында найзағай ойнап, күндіз облыстың солтүстігінде бұршақ жауады. Облыстың солтүстігінде,&nbsp;шығысында, батысында шығыстан, солтүстік-шығыстан соққан желдің екпіні 15-20 м/с құрайды. Ақтөбеде түнде солтүстік-шығыстан 15-20 м/с жылдамдықпен жел соғады деп күтіледі.&nbsp;Түнде Шығыс Қазақстан облысының шығысында сынап бағаны -2 градусқа дейін төмендеп, үсік жүреді деп болжанады.&nbsp;Түркістан облысының таулы аймақтарында қатты жаңбыр жауады деп күтіледі. Облыстың солтүстігінде, оңтүстігінде, батысында, таулы аудандары мен тау бөктерінде найзағай ойнап, дауыл болады, бұршақ жауады деп болжанады. Облыстың солтүстігінде, оңтүстігінде, батысында, таулы аудандары мен тау бөктерінде оңтүстік-батыстан 15-20 м/с, кей тұста 23 м/с жылдамдықпен жел соғады .Шымкентте найзағай ойнап, дауыл тұрады деп күтіледі. Оңтүстік-батыстан соққан желдің екпіні - 15-20 м/с. Түркістанда&nbsp; найзағай ойнайды, дауыл тұрады деп күтіледі. Оңтүстік-батыстан соққан желдің екпіні 15-20 м/с құрайды.Күндіз Павлодар облысының басым бөлігінде шығыстан 15-20 м/с жылдамдықпен жел соғады, түнде облыстың солтүстігінде сынап бағаны -3 градусқа дейін төмендеп, үсік жүреді деп болжанады. Павлодарда күндіз шығыстан соққан желдің екпіні - 15-20 м/с. Түнде топырақ беті қатып, сынап бағаны -2 градусқа дейін төмендейді деп болжанады.Түнде Жамбыл облысының солтүстігінде, оңтүстік-батысында, таулы аудандарында қатты жаңбыр жауады. Түнде және таңертең облыстың таулы аймақтарында тұман түседі. Таразда түнде және таңертең қатты жаңбыр, бұршақ жауады, найзағай ойнайды деп күтіледі. Түнде және таңертең солтүстік-батыстан оңтүстік-батысқа ойыса соққан желдің найзағай кезіндегі екпіні 15-20 м/с, кей тұста 23 м/с дейін жетеді деп болжанады.

Ауа райына байланысты ескерту жарияланды

Қызылордалық ару «ORKEN’S» сұлулық студиясын дамытуда

<a href="https://kyzylorda-news.kz/">Kyzylorda-news.kz.</a> Әуе қатынасы – облыстың әлеуметтік-экономикалық әлеуетіне тікелей әсер ететін негізгі саланың бірі. Осыған орай, ”Болат Өтемұратов Қорының” демеушілігімен Сыр өңірінде Қорқыт ата әуежайының жаңа терминалының құрылысы қарқынды жүргізіліп жатыр. Құны 33 млн АҚШ долларын құрайтын заманауи үлгідегі жаңа нысанның жалпы аумағы - 3,9 гектарды құрайды. Жаңа терминалда жолаушыларға халықаралық стандарт талаптарына сай барлық жағдай қарастырылған. Жоба бойынша аталмыш нысан 2024 жылдың мамыр айында ел игілігіне беріледі деп жоспарлануда.&nbsp;<blockquote>«Жаңа әуежай терминалының құрылысы биылғы жылдың ақпан айында басталған болатын. Қазіргі таңда аталмыш нысанның құрылыс жұмыстары жоспарға сәйкес орындалуда. Ауқымды жобаға тапсырыс беруші – Болат Өтемұратов Қоры жеке қорының қайырымдылық қаржыландыру есебінен «Accent Deleopment Solutions» ЖШС. Ал жобаның бас мердігері – «Elite Insaat» және «Ava Construction» ЖШС мекемесі. Бұл әуежай терминалы Қызылорда облысының экономикалық және инвестициялық жағдайын көтеруге оң әсерін тигізеді деп ойлаймыз. Жаңа терминалдың құрылыс жұмыстары аяқталғаннан кейін әкімшілік балансына толықтай берілетін болады. Әуежай көлемі – 7,5 мың шаршы метр болса, терминалдың өзі &nbsp;2 қабатты болып құрылады. Сондай-ақ, бұл нысанда жолаушыларға жоғары сапалы қызмет көрсету үшін соңғы үлгідегі құрал-жабдықтармен жабдықталады. Жалпы жаңа әуежай терминалы сағатына 250 жолаушыны қабылдауға қауқарлы. Сонымен қатар мұнда халықаралық және жергілікті рейс қатынайды», - деді Болат Өтемұратов қорының жоба жетекшісі Абай Нұрмұханов.</blockquote>Жаңа терминалдың құрылыс жұмыстары кезінде 300 адам жұмыспен қамтылады. Ал жоба толығымен аяқталғаннан кейін 64 жаңа тұрақты жұмыс орны ашылады деп жоспарлануда. Жаңа ғимарат пайдалануға берілген кезде көлік саласының көрсеткіштері бірнеше есеге артпақ.&nbsp;<blockquote>«Жаңа жолаушылар терминалының ғимараты Қызылорда қаласындағы қолданыста тұрған &nbsp;әуежайдың аумағына жақын орналасқан. Аталмыш ғимарат ерекше көрікті архитектуралық стильде жасақталды. Сонымен қатар әуежайдағы бірінші қабаттың биіктігі шамамен - 8.0 метрді, ал екінші қабаты - 6 метрді құрайды. &nbsp;Ғимараттың қаңқасы металл құрылымдарымен жабдықталған. Бұдан бөлек, жаңа әуежай терминалында тіркеу орнының аймақтары, жалпы күту залы, билет &nbsp;кассаларының дүңгіршектері, қоғамдық тамақтану орындары, дербес тіркеу тіректері, намазхана, ана мен бала бөлмесі, трансферлік жолаушыларға арналған зал болады», - деді жоба меңгерушісі Алпай Өздемир.</blockquote><img src="https://knadmin.beoblood.kz/uploads/347422211_620009263116494_1926311781844252369_n_93443bdcc3.jpg" alt="347422211_620009263116494_1926311781844252369_n.jpg">

Қызылорда облысында жаңа әуежай терминалының құрылысы салынуда

<a href="https://kyzylorda-news.kz/">Kyzylorda-news.kz.</a> Енді бірер аптадан соң оқу жылы аяқталып, оқушылар жазғы демалысқа шығады. Бұл балалардың суға түсуге асығатын кезеңдері. Осы орайда қалалық білім бөлімі мен Төтенше жағдайлар басқармасы «Су айдындарындағы қауіпсіздік» тақырыбында мектеп басшылары мен тәрбие орынбасарларына семинар өткізді.Семинарға Қызылорда қаласы бойынша білім бөлімінің басшысы Ерлан Теңізбайұлы мен Төтенше жағдайлар басқармасының бастығы подполковник Жасұлан Түйменов қатысты.Жиында мамандар су айдындарындағы қауіпсіздік, балалардың қауіпсіздігі, ата-аналармен және тиісті сала мамандарымен бірлесіп атқаратын жұмыстар туралы түсіндірілді. Сондай-ақ жаз мезгілінде балаларды үлкендердің қарауынсыз өзенге, каналға жібермеу, балаларға су айдынындағы қауіпсіздік ережелерін үйрету қажеттілігі, балаларды қауіпті жағдайлардан қорғау керектігін айтты.<blockquote>«Қызылорда қаласы Төтенше жағдайлар басқармасы ұжымының атынан сіздерден, барлық оқытушыларға күнделікті мектеп оқушыларына белгіленбеген аймақтарда суға шомылуға болмайтындығы жөнінде және судағы қауіпсіздік ережелерін қатаң сақтау туралы үнемі сабақ өткізуді және оқытушылар, WhatsАрр немесе Instagramm әлеуметтік желілері арқылы оқушылардың ата-аналарымен тікелей байланыс ұстап балаларды қараусыз қалдырмау жөнінде түсіндіру бойынша тапсырма берулеріңізді сұраймыз», – деді басқарма басшысы.</blockquote>Сонымен қатар «Суға шомылу ережелері» бұрышы ұйымдастырылып, құтқару ережесі мен алғашқы дәрігерлік көмек беру тәртібі туралы жедел құтқару жасағы мен «Апаттар медицинасы» орталығының мамандарының қатысуымен де түсіндірме жұмыстары жүргізілді.

Қызылордада су айдынындағы қауіпсіздік семинары өтті

<a href="https://kyzylorda-news.kz/ru">Kyzylorda-news.kz.</a> &nbsp;Қоршаған орта мен тіршілік иелерін қорғау – алты жасар баладан алпыстағы қартқа дейін әрбір адамға парыз. Осы орайда Қорқыт Ата атындағы Қызылорда университетінің аға оқытушысы, географ-эколог ғалым Оразхан Айдаровпен 1 сәуір – халықаралық құстарды қорғау күніне орай әңгіме өрбіткен едік.– Адамзат баласы табиғатпен тікелей байланыста. Табиғат-ана дейтініміз де содан. Алайда ашкөздігі мен санасын билеген тұрмыстың салдарынан тіршілік иелеріне түрлі зиян келтіретін де – адам. Өңірдегі құстардың хәлі қалай?– Құстардың адамдар өміріндегі, табиғаттағы ерекшелігі мен қасиеттерін білген адамзат 1868 жылы Австрияның Венасында алғаш рет құстарды қорғау туралы ресми шешім қабылдаған. Халықаралық «Қызыл Кітапқа» құстардың 209 түрі мен 83 түр тармағы енсе, елімізде 56 түрі енгізілген. Сырдың сол жағалауындағы үлкен көлемді тың жерлердің ауыл шаруашылығына игерілуі, Жаңақорған, Қызылорда, Қазалы массивтерінің пайда болуы көптеген түз жануарларының өміріндегі биологиялық ырғақты бұзды. Суды ауыл шаруашылығында ысырапсыз пайдалану су тапшылығы мәселесіне әкеп тіреді. Көптеген тоғайлықтар кесіліп-өртеніп, ондағы құстар, жан-жануарлар мекенін солтүстікке, Қызылқұмға қарай жылжытуға мәжбүр болды. Әсіресе, су құстары көл айдындарының тарылуына байланысты Ақтөбе облысы, Торғай өңіріне қарай қоныстана бастады. Көпжылдық шаруашылық әрекеттің салдарынан өңірдің жануарлар әлемі жұтаңдап кетті, олардың көбісі қорғауды, көбейтуді қажет етеді. Тіпті, біразыҚазақстанның «Қызыл кітабына» енгізілді. Соның ішінде құстардан – алакөз сүңгуір, жыланжегіш қыран, дала қыраны, қарақұс, бүркіт, аққұйрықты субүркіт, жорға дуадақ, қарабауыр бұлдырық, ақбауыр бұлдырық, қылқұйрық бұлдырық, қоңыр кептер, үкі, қызғылт бірқазан, бұйра бірқазан, сары құтан, кіші аққұтан, қалбағай, қарабай, қара ләйлек, сұңқылдақ аққу, дуадақ, ителгі, ақтырна, ақбастырна аталған тізімге енген. 1997-2005, 2007-2014 жылдар аралығында жүргізілген бақылау бойынша Сырдарияның жағалауындағы және төменгі ағысындағы су айдындарында бұл өңірде сирек кездесетін құстар тіркелді. Олардың қатарында бірқазан, су құзғыны, құтан (ақ, сары), безгелдек, дуадақ бар. Ал қызғылт бірқазан, кіші аққұтан, сары құтан, мәрмәр шүрегей 80 жылдары ғана Қамыстыбас, Бөген, Телікөл көлдерінде кездескен болса, қазір бұлар туралы ешқандай мәлімет жоқ. Тарихи күнделікке көз жүгіртсек, Жалбағай соңғы рет 1986 жылы Телікөл-Шиелі каналдарының бойынан тіркелген. 1982 жылы Сарысу өзенінің төменгі ағысында «Злиха» метостанциясы маңында ләйлек құсы кездестірілген. Ол – біздің өңірге таңсық құс.Облыс аумағында аң-құстардың санағын жүргізіп отыратын 11 аңшылық шаруашылық пен 3 қорғалымды аумақ жұмыс істейді. Субүркіт те соңғы 20 жыл ішінде сиреп кетті. Ал дуадақ болса шөл және шөлейт жердің өте сирек кездесетін құсына жатады. Облыс аумағында жорға дуадақ Қаратау мен Сырдария аралығындағы жазықта, Қызылқұмда аздап кездеседі. 1989 жылы Қызылқұмда жорға дуадақтың көп екендігі анықталса, қазір өте сирек кездеседі. Соңғы жылдары Аралдың құрғап кетуіне байланысты жануарлар мен құстар мекенін солтүстікке, Торғай даласына қарай өзгертуде. Өңірде құстардың түрлері 319-дан 168 түрге дейін азайды. Ұялайтын жерлердің азаюына байланысты, Сырдарияның атырау тұсында 38 түрі ғана қалған деген мәлімет те бар. Олардың өзі қорғауды қажет етеді.Көктем – құстардың ұя салып, жұмыртқалайтын кезі. Осы кезде оларды атуға тиым салынады. Бірақ құсты қорғау онымен ғана шектеліп қалмау керек… Олардың тыныштығын бұзбауды да ойластыру қажет. Өйткені күн жылысымен тоғай іші мен дария жағасындағы алқаптарда бау-бақшалыққа жер ашу жұмыстары жүргізіліп кетеді. Адамдардың іс әрекетінің салдарынан тоғайлықтардың ағаштары кесіледі, өрт болады. Міне, осыны қатты бақылауға алу қажет.– Ата-бабаларымыз ауа-райын құстар арқылы ажырата білген. Сыры неде? Табиғат апаттарын алдын ала ескертетін де құстар екен…– Мұның сыры, тіршілік иесін қорғау идеяларының туындауы қазақ халқының әлімсақтан, өте ертеден табиғатпен етене байланысып келуінде. Асан Қайғы бабамыз Сыр бойына келгенде «Е, Сыр жағаң жар екен, әр бұтаның түбінде бір асым етің бар екен» деген екен. Яғни, Сыр бойы тоғайының, өзен-көлінің аң-құсқа бай екендігін осы суреттеуден-ақ көруге болады. Сондықтан баршамыздың парызымыз – табиғат байлығын сақтап, оның қорын молайтып, болашақ ұрпаққа аман есен жеткізу.Қыста торғайлар ұясына мамық тасыса, күн кенеттен қатты суып кетеді. Қыстыгүні әтеш бір аяғын көтеріп тұрса, аяз басталады. Үйрек бір аяғымен тұрып, басын қанатының астына тықса, аяз болады. Аязды күні қанатын желпінсе, аяз басылады, құстардың ерте келгені, көктемнің жылы болғаны, құстар ұясын күн беткейге салса – жаз салқын болады, құстар күзде төмен ұшса, қыс суық, жоғары ұщса, қыс жылы болады. Құр, шіл қардың астына тығылса, ұзамай боран басталады деген болжам бар. Қырғауыл мазасызданып, қатты айқайласа, жер сілкінетін көрінеді. Қыста қаздар қаңқылдаса, күн жылиды, аяғын бауырына тығып жатса, күн суытады немесе боран ұйытқиды.Кешегі Түркиядағы жер сілкінуден кейін еліміздің кей аймақтарында да күтпеген жерден белгілері байқалды. Осы жер сілкіну нышандарын аң-құстардың мына мінездерінен аңғаруға болады. Жер сілкінетін кезде құстар қым-қиғаш ұшып-қонып, улап-шулап дәйексізденеді, құмырсқалар илеуінен безеді, қыңсылап, кейде мезгілсіз ұлып мазасызданады, мысықтар жер тырналап, мияулап үйден қашып шығуға тырысады, жыландар топтанып өзге жаққа көшеді, кесірткелер өз мекенінен жедел қоныс аударады, атжалмандар мен тышқандар інін тастап, топ-топ жиналып әбігерге түседі, ерсілі-қарсылы жүгіріп, кейде өзара таласады, жылқы оқыранып, сиыр мөңіреп, қой маңырап, шошқа мен үй қояндары безек қағып, тыным таппайды. Демек табиғат анамен түсінісетін құстардың өз тілі бар.– Сұқбатыңызға рақмет!

Қазақстан және Қызылорда облысының жаңалықтары