Қазақ – ұстазын сыйлап, құрметтеген ел. «Ұстазы жақсының ұстанымы &nbsp;жақсы» деген баға да мұғалім мәртебесін айшықтап тұрғандай. Жас та болса, бас бола білген Айсана Қанатқызы қазіргі таңда Жалағаш ауданындағы Темірбек Жүргенов атындағы №123 мектеп-лицейіндегі жаңашыл ұстаздар қатарында. Оның өзінің де, шәкірттерінің де жетістігі көп.&nbsp;Айсана Намурадин Жалағаш ауданында дүниеге келген. Мектепті 2002-2011 жылдары бүгінде өзі білім беріп жатқан Темірбек Жүргенов атындағы №123 дарынды балалар мектебінде оқыды. Кейін Мәншүк Мәметова атындағы педагогикалық колледжінің «Негізгі мектептің шетел тілі» пәні мұғалімі мамандығына түсіп, 2015 жылы үздік бітіріп, Алматы қаласындағы Абай атындағы Қазақ Ұлттық педагогикалық университетінің «екі шет тілі» мамандығын тәмамдаған. Сол жылы өзі оқыған Темірбек Жүргенов атындағы №123 мектеп-лицейге ағылшын тілі пәні мұғалімі болып еңбек жолын бастады.&nbsp;Қазіргі кезде түрлі шаралар мен қоғамдық жұмыстардың белсенді мүшесі. Атап айтатын болсақ, 2021 жылы «Үздік ағылшын пәні мұғалімі – 2021» сайысында ІІ орын иеленді. Сондай-ақ биыл «Тәуелсіздік ұрпақтары» жобасының медиа бағыты бойынша 3 млн теңге грантын жеңіп алды. Облыстық білім басқармасы, білім кәсіподағының «Жыл үздігі – 2021» номинациясына ие болған. Мағжан сенген жастардың алды болған Айсана Қанатқызы халықаралық «Қазақстан педагогтері» ассоциациясының «Құрмет» грамотасымен марапатталды. «Жастар көшбасшысы» номинациясы бойынша ҚР Ақпарат және Қоғамдық даму министрінің алғыс хатын иеленіп, Қызылорда облысы әкімінің «Үздік жастар жобасы» номинациясының иегері атанған. Айта берсек, жетістігі таусылмайтын ұстаздың біліктілігін растайтын мұнан өзге де сертификаттары баршылық.&nbsp;Оның ерекше тоқталып өтуге болатын жетістігі – елорда төріндегі Ақ ордадан алған марапаты. Анығырақ айтсақ, Айсана Намурадин Ел Тәуелсіздігінің 30 жылдығына орай өткен «Медиа» – жаңа медиа-жобаларды, оның ішінде жастар үшін танымдық, пайдалы, қызықты контентті құру жөніндегі жобаларды іске асыру бағыты бойынша 3 млн теңге грант жеңімпазы атанды. Үздіктер арасынан оза шауып, грант иегері атанған жастарды Президент Қасым-Жомарт Тоқаев елорда төрінде өзі марапаттады.&nbsp;Елдегі барлық жастарға арналған гранттың негізгі мақсаты белсенді шығармашыл жастардың жобаларын, бастамаларын іске асыру, қолда бар жобаларды дамыту, ғылыми және қолданбалы зерттеулер жүргізу және жастарды оқытуға бағытталған. Ереже бойынша гранттарды үлестіру жаңа идеялар мен бастамаларды іске асыру үшін конкурстық негізде ұйымдастырылды. 30 грант, 3 млн теңгеден 5 бағыт бойынша табысталды. Жаңашылдықты талап ететін үлкен жобадан өзінің білімі мен білігін дәлелдей алған жас маман тек Жалағаш ауданының емес, облысымыздың мерейін асырып, абыройын асқақтатты десек те артық айтқанымыз болмас.&nbsp;Білікті ұстаздың жемісі – әрине оның шәкірті. Ұстаздың жеңіс төріне жетелеп жүрген шәкірттері де баршылық. &nbsp;Мәселен, 6-8 сынып оқушылары арасында «Мен талантты оқырманмын ба? (Am I a talent reader?)» тақырыбында өткізілген аудандық ағылшын тілінен эссе байқауында Айсана Қанатқызы жетекшілік еткен 8-сынып оқушысы Мархабай Оралхан І орын иеленді.&nbsp;Үздіксіз білім алу, оқушыларды жан-жақты, креативті тұлға қылып өсіру, қоғамға өз үлесін қосу, ата-анасының үмітін ақтауды мақсат еткен кейіпкеріміз Айсана – қазіргі таңда ұстаздықпен қатар ҚР Президенті жанындағы жастар саясаты жөніндегі кеңестің мүшесі. Кейіпкеріміздің осы кезге дейінгі жеткен жетістіктері жастарға үлгі болары анық.

Жалағаштық жаңашыл ұстаз 

<a href="https://kyzylorda-news.kz/">Kyzylorda-news.kz.</a> Қазіргі қоғам дамуының басты тетігі білім саласын дамыту екені анық. Заңғар жазушы Мұхтар Әуезовтің сөзімен айтар болсақ, халық пен халықты, адам мен адамды теңестіретін – білім, адамдықтың тепе-теңдігі болатын алтын таразы мектеп екені хақ. Осы салада аянбай еңбек етіп жатқан Жалағаш ауданындағы қоғам қайраткері Темірбек Жүргенов атындағы №123 мектеп-лицей ұжымының үлгілі жұмысы көп.&nbsp;«Бүгінгі күн – келешегіңнің жемісі, ертеңгінің болмысы» дейді дана халқымыз. Білім бәйгесінде биіктен көрініп жүрген алтын ұя 1962 жылы құрылып, 1999 жылы 21 сәуірде ҚР Үкіметінің №441 қаулысына сәйкес қоғам қайраткері Темірбек Жүргеновтің есімімен аталған. 2015 жылы мектеп-лицей болып құрылған. Есімі елге танылған тұлға, туған жері мен халқына елеулі қызмет жасаған, саналы ғұмырында Қазақстандағы мәдениет, әдебиет, өнер саласының талантты ұйымдастырушыларының бірі, басқа да абыройлы әрі жауапты қызметтерді атқарған Темірбек Жүргенов атындағы білім ордасының ойы озық, шығармашылығы жоғары, ізденісі ілгері ұстаздары сол алғашқы жылдардан-ақ &nbsp;талабы мен таланты, пейілі мен зейіні озық, таза жүректі жас түлектерді өмірдің ұлы жолына қадам бастырып келеді.&nbsp;Бүгінде 857 оқушы білім алатын мектеп-лицейде барлығы 108 ұстаз сабақ беріп, еліміздің келешегін қалыптастыру жолында тынымсыз еңбек етіп келеді. Солардың ішінде 17 білім-ғылым магистрі, 25 педагог-зерттеуші, 29 педагог-сарапшы, 22 модератор және 1 педагог-шебер мәртебесін иеленген мұғалім бар және 1 мұғалім доктарантурада білімін жалғастыруда. Білім мен тәрбиенің алғашқы баспалдағы – бастауыш сынып. Бастауыш саты білім, дағды, іскерліктің қалыптасуының бастамасы болып табылады. Келешекте жалпы білім алу мен кез келген арнаулы мамандықтарға талпынудың іргетасы осы бастауыш сыныпта қаланады. Жаңа оқу жылында мектепке бірінші сыныпқа 99 бала қабылданған. Білім ордасының тыныс-тіршілігімен танысуға барғанда &nbsp;оқушылардың жеткен жетістіктерінен бөлек, ұжымның да салаға айтарлықтай еңбек сіңіріп жатқанын аңғардық. Оған мектеп кіреберісіндегі ілулі тұрған марапаттар дәлел.Ұжымның облыстық білім басқармасы және облыстық кәсіподақ ұйымымен бірлескен «Үздік әлеуметтік әріптес – 2020» номинациясын 5 жыл қатарынан иеленгенін, жыл сайын білім саласындағы жетістіктері үшін берілетін аудан әкімінің «Үздік білім беру ұйымы» номинациясына ие болып жүргенін ерекше айтуға болады. «Білім өркениеті» ұлттық-инновациялық ғылыми-зерттеу орталығының ұйымдастыруымен өткен «ҚР Педагогтарының Алтын кітабы» республикалық байқауында мектептен үш мұғалім І дәрежелі дипломмен және «Үздік педагог» төсбелгісімен марапатталған. Аталған мектеп жыл сайын түрлі номинациялардың иесі атанып келеді. Мәселен, білім берудегі жаңашыл, шығармашыл, нәтижелі еңбегі, жоғары жетістіктері мен білім саласын дамытуға қосқан үлесі үшін биыл арнайы «Білім шыңы» номинациясының иегері атанып, 4 млн теңге қаржылай сыйақымен марапатталды. Бұдан бөлек білім саласын дамытуға және педагог кадрлардың әлеуетін арттыруға қосқан үлесі үшін «Білім бәйтерегі» номинациясын иеленді. Сонымен қатар «Үздік инновациялық мектеп» номинациясымен марапатталып, 1 млн теңге жүлде иегері атанған. Сондай-ақ қайраткер атындағы алтын ұя – еліміз бойынша үздік 100 мектептің қатарына енген үлгілі білім ордасы.Мектептің жүрегі болған мұғалімдердің шығармашылықты шыңдап, ізденісті ілгерілету, білім сапасын жақсарту, мектеп мәртебесін көтерудегі, ең бастысы бәсекеге қабілетті маман болу жолындағы атқарып жатқан істері тындырымды. Мектеп оқушыларының пәндік олимпиада, ғылыми жобаларға қатысуда да қарқыны жоғары. Олар – білікті мамандармен бірлесе отырып, тыңғылықты дайындықтың нәтижесінде үздіктер қатарынан көрініп жүрген озат оқушылар.Былтырғы оқу жылында 48 түлек алтын ұямен қоштасып, оның 47-сі ұлттық бірыңғай тестілеуге қатысқан. Нәтижесінде 43 түлек мемлекеттік грант иегері атанып, 4-еуі ақылы оқуға түскен. Екі білім алушы пәндік олимпиада нәтижесінде Қорқыт ата атындағы Қызылорда университетінің білім грантының жеңімпазы атанған.&nbsp;Биыл 31 түлек мектеп бітіреді. Қазіргі таңда барлығы ұлтық бірыңғай тестілеуге дайындалып, қатысуға ниетті. Олардың қатарында Наргиз Нұрбек АҚШ Мемлекеттік департаменті толығымен қаржыландыратын 3 турдан тұратын Future Leaders Exchange (FLEX) бағдарламасының жеңімпазы атанды.&nbsp;Наргиз 2023 жылдың тамызынан 2024 жылдың мамыр-маусым айларына дейін американдық отбасында тұрып, американдық мектепте 1 жыл бойы тегін білім алу мүмкіндігіне ие болған. «Алтын белгі» мен «Үздік аттестат» иелерінің артуы, олимпиада сынды білім бәсекелерінде топ жарған балалар, оқушылар мен мұғалімдердің аудан, облыс, республика көлемінде білім, өнер, спорт додаларында биіктен көрінуі – адал еңбек, нақты мақсат, жүйелі істің нәтижесі. Ең озық, айтулы білім ордаларымен иық теңестіріп тұрған алтын ұяның ел ертеңі жастарды білім мен тәрбие негізінде шыңдап, тұлға етіп қалыптастырудағы еңбегі орасан.

Жалағаштағы Т.Жүргенов атындағы алтын ұя салаға серпін беруде

<a href="https://kyzylorda-news.kz/">Kyzylorda-news.kz.</a> Мұғалім шәкірттерімен мақтанады. Себебі салаға сіңірген еңбегі де шәкіртімен ақталады. Жалағаш ауданындағы қайраткер атындағы алтын ұяда үздік оқушы Шерхан Әдіс оқуда озат болып, ата-анасының да, ұстаздарының да сенімін ақтап келеді. Небары 17 жастағы үлгілі оқушының жеткен жетістіктері көп. Өйткені ол – білім алуда еңбекқор оқушы.Оқушылардың ақыл-ой қабілетін жетілдіру, дарынды балаларды оқыту мен дамыту, тәрбиелеуде мұғалімдер қарап қалмайды. Расында мұғалімнің жемісі үздік оқушыны қалыптастыруда жатыр. «Білімді шәкірт – мектеп мақтанышы» деп аталатын мектеп тақтасында &nbsp;суреті орын алған Шерханның да жетістігі мол.&nbsp;Ол – қазіргі таңда Темірбек Жүргенов атындағы №123 мектеп-лицейдің 10 сынып оқушысы. Мектепке 8 сыныпта ауысып келгелі бері біраз білім бәйгелерінен үздік атануда.&nbsp;Мектеп – кеме, білім – теңіз, ал толқынында жүзушілер – шәкірттер. Осы &nbsp;мектептің &nbsp;намысын қорғап жүрген &nbsp;Шерханның оқушылар арасында да беделі жоғары. Былтыр мектеп оқушылары арасында президент болып, биыл дебат қозғалыс министрі ретінде сайланған.&nbsp;Кейіпкеріміз – тек білімді оқушы ғана емес, шығармашыл, салауатты өмір салтын ұстанатын спортшы. Оған дәлел ақиық ақын Мұқағали Мақатаевтың мерейтойына арналған «Мұқағали – мәңгілік ғұмыр» атты поэзия кешінде белсенділік үздіктер қатарынан көрінуі. Ілияс Жансүгіров, Абай &nbsp;оқуларына да қатысып, аудандық кезеңінен ІІ, ІІІ орын &nbsp;иегері &nbsp;атанған. Сондай-ақ Жақсыбай Сарбалаұлының 80 жылдығына орай аудандық кітапхананың ұйымдастыруымен өткен «Жыр-жұлдыз» мүшәйрасында үздік өнер көрсетіп, І орын иеленіп, 25 000 теңге қаржылай сыйақымен марапатталған.Жігітке жеті өнер де аз. Спортта да мектеп дәрежесін асқақтатып жүрген Шерхан футболдан өткен «Былғары доп» облыстық сайысында аудан құрамасына капитан болып, команда ІІ орын иеленген. Сонымен қатар осы жарыста «Үздік жартылай қорғаушы» номинациясымен марапатталған. Аудандағы үздік оқушы ретінде «Балдәурен» оқу-сауықтыру орталығының жаздық ауысымына шақырту алып, ол жерде де өзінің белсенділігін көрсеткен. Орталықта «Ауысым президенті» атағын алған.Шынында, баланың білімге құштарлығы мен қызығушылығы мектептен бастау алатыны сөзсіз. Мектеп қабырғасынан бастап баланың жан-жақты ашылып, оның білімге деген қызығушылығы оянады. Қазіргі таңда Шерхан секілді үздік оқушылардың жетістігі – осының дәлелі. Олар осы көрсеткіштері арқылы болашақта ел дамуының жарқын үлгісі мен келелі ой, салиқалы пікір айтып, батыл шешімдер қабылдай алады. Мұғалімнің атқарған еңбегінің жемісі де осында.– Шерхан – оқу үздігі. Өзіне берілген тапсырмаларды тиянақты орындайды, мектепте өтетін іс-шараларға белсене араласады, берілген қоғамдық жұмыстарға жауаптылықпен қарайды. Сынып ішінде, оқушылар арасында беделді, өзінің білімімен жан-жақты оқушы екенін көрсетіп, кішілерге қамқор болып, үлкендерге құрмет көрсетеді. Әдеби кітаптар оқығанды ұнатады. Мен Шерханмен мақтанамын, – дейді сынып жетекшісі Самал Ерғали.&nbsp;Осынша жетістікке жеткен Шерхан өзінің артында ұлы тұлға ұстаздары тұрғанын айтты. Оқушының әр сөзінде білімге деген құштарлығы &nbsp;мен ұстаздарға деген махаббаты ерекше көрінді. Әр жарыстар мен мүшәйрадағы &nbsp;қызықтарымен бөлісіп, алғысын да білдірді.&nbsp;<blockquote>– Ұстаз – оқушының тәрбиешісі. Оны үлкен өмірге тәрбиелейтін де осы ұстазы. Оқушының үлкен белесті бағындыруы – тек ата-ананың ғана емес, ұстазының да арқасы. Менің де осындай жетістіктерге жетуім ұстаздарымның арқасы деп білемін. Осы орайда мен Қосжанова Салтанат, Серік Жасұлан, Ахметов Айдос ағай-апайларыма үлкен алғысымды &nbsp;білдіремін. Жетістікке жеткенім де осы ұстаздарымның арқасы деп білемін. &nbsp;Олар маған әрқашан кеңес беріп, үлкен додаларда жеңіске жетуіме көмектесіп, қабілетімнің ашылуына себепші &nbsp;болды. Ал &nbsp;қабілет – іс-әрекеттің белгілі бір түрін ойдағыдай нәтижелі етіп орындауда көрінетін адамның жеке қасиеті. Менің бойымдағы қабілетімді ашып, әркез жарыс-бәйгелерде сенім артып жүрген ұстаздарыма мың алғыс айтамын, – дейді мектеп мақтанышы.</blockquote>Қазіргі кезде әрбір оқушының қабілеті көз ілеспес жылдамдықпен дамуда. Мектептегі жаңа бағдарламалар күн сайын емес, ай сайын жаңаруда. Білімді бәрінен биік қоятын ұлт қана табысқа жетеді. Қазіргі кезде білім алуда Шерхан айтпақшы, әр адамның бойындағы қабілеті маңызды. Себебі оқушының білім сапасы мен деңгейін анықтап, салыстырмалы мониторингтер жасауға көмектеседі. Сондықтан әр баланың өз бойындағы қабілетін ашып, он дамыту – әр ұстаздың міндеті.

Жалағаштық оқушы ұстаздар үмітін ақтап келеді

&nbsp;<a href="https://kyzylorda-news.kz/">Kyzylorda-news.kz.</a> 2024 жылдың қаңтар-ақпан айларындағы елдің әлеуметтік-экономикалық даму қорытындысы бойынша Қызылорда облысы бірінші орында. Бұл туралы Премьер-министрдің орынбасары – Ұлттық экономика министрі Нұрлан Байбазаров баяндады.Вице-премьердің айтуынша, Сыр өңірі негізгі капиталға тартылған инвестициялардың көлемі бойынша көш басында.<blockquote>«Негізгі капиталға тартылған инвестициялардың өсу қарқыны 7,9%-ды құрады. Инвестициялар көлемі құрылыста 2,7 есе, білім саласында 56%-ға, көлік және қоймалауда 47%-ға өсті. Өңірлер бойынша ең жоғары инвестициялық көрсеткіштер Қызылорда, Түркістан, Жетісу облыстарында, сондай-ақ Астанада байқалды», – деді Н.Байбазаров.</blockquote>Вице-премьер экономикалық өсуді одан әрі қамтамасыз етуде баса назар аударылуы тиіс шараларды да атап өтті. Олардың қатарында жеке инвестиция тарту, жұмыс істеп тұрған өндіріс орындарын кеңейту, жаңасын іске қосу және т.б. бар.Үкімет басшысының орынбасары Қызылорда облысы өңдеу өнеркәсібінің өсімі бойынша бірінші, құрылыс секторындағы өсім бойынша екінші орында екенін атап өтті.Үкімет отырысынан кейінгі арнайы мәжілісте облыс әкімі Нұрлыбек Нәлібаев бірқатар тапсырма беріп, қазіргі жоғары даму қарқынын сақтауды ескертті.2024 жылғы қаңтар-ақпан айларының қорытындысымен Қызылорда облысы өңдеу өнеркәсібінің өсімі бойынша бірінші орында.&nbsp;<blockquote>«Өңдеу өнеркәсібі жедел даму тенденциясын көрсетуде. Өндірістің өсу қарқыны 7,4 пайызға жоғарылады. Көрсеткіш өсімі 16 өңірде тіркелді, оның ішінде Қызылорда, Ақтөбе, Шығыс Қазақстан, Батыс Қазақстан облыстары бар», – деді Н.Байбазаров.</blockquote>Мұнан бөлек, Үкімет басшысының орынбасары Қызылорда облысы негізгі капиталға инвестиция тарту бойынша бірінші, құрылыс секторындағы өсім көрсеткіші бойынша екінші орында екеніне тоқталды.Үкімет отырысынан кейінгі арнайы мәжілісте облыс әкімі Нұрлыбек Нәлібаев бірқатар тапсырма беріп, қазіргі жоғары даму қарқынын сақтауды ескертті.<img src="https://knadmin.beoblood.kz/uploads/431777132_708309674823613_6703021053024888515_n_b0016d7f02.jpg" alt="431777132_708309674823613_6703021053024888515_n.jpg"><img src="https://knadmin.beoblood.kz/uploads/431777064_708308578157056_7932495765746825286_n_4333805564.jpg" alt="431777064_708308578157056_7932495765746825286_n.jpg">

Қызылорда облысы негізгі даму көрсеткіштері бойынша бірінші орында

Талайлы Досымова: Туған топыраққа келіп қызмет қылу мен үшін үлкен абырой 

<a href="https://kyzylorda-news.kz/ru">Kyzylorda-news.kz</a> Аудандық мәдениет үйінде ҚМДБ-ның Қызылорда облысы бойынша өкілдігі, Шиелі аудандық орталық мешітінің ұйымдастыруымен «Әлемнің рахым нұры» атты облыстық сира сайысы өтті.Қатысушылар адамзаттың асыл тәжі болған, пайғамбарлардың падишасы Мұхаммед (с.ғ.с.) пайғамбардың өмірбаянына құрылған сұрақтар бойынша жарысқа түсті.Аталған сайыстың мақсаты – жамағат арасында діни сауатты арттыру және Алланың ең сүйікті құлы болған Пайғамбарымыздың (с.ғ.с.) өмірінен ғибрат алуға шақыру. Тәлімі мол тағылымды шарада Сырдария, Байқоңыр, Жалағаш, Қармақшы, Арал, Қазалы, Жаңақорған, Шиелі аудандарынан және Қызылорда қаласынан 18 ер, 2 әйел адам бақ сынады. Олар соңғы елшіміздің теңдессіз пәк өмір жолынан сыр шертіп, бар білгенін ортаға салды.Шара басында Қызылорда облысы «АқмешітСырдария» мешітінің наиб имамы, қари Мұқан ұстаз Абжалиев Құран оқыды.Кіріспе сөзді Шиелі аудандық қоғамдық даму бөлімінің басшысы Кенжехан Есенбаев алып, қонақтарды кешегі өткен көктемнің шуақты мерекесі – Алғыс айту күнімен құттықтады.– Өздеріңізге белгілі, пайғамбарымыз Мұхаммедтің (с.ғ.с.) өнегелі өмірін зерттеу, одан ғибрат алу – кейінгі ұрпақтың, осында отырған барлық азаматтың парызы. Бүгін осы ойды жүзеге асыру мақсатында Шиелі ауданында «Әлемнің рахым нұры» атты діниағартушылық сайыс өткізгелі тұрмыз. Аталған сайысқа қатысу үшін сонау айдынды Аралдан жайқалған Қаратаудың етегіндегі Жаңақорғанға дейінгі аймақтардың арасынан үміткерлер келіп отыр. Сайыскерлерге сәттілік тілеймін! – деді ол.Сайысқа Қызылорда облысы «Ақмешіт-Сырдария» мешітінің наиб имамы, облыстың бас ұстазы Мұқан ұстаз Абжалиев, Қызылорда облысы, Шиелі кенті «Шәйзында» мешітінің бас имамы Ержан ұстаз Пірімбетов, Қызылорда облысы, Арал аудандық орталық мешітінің ұстазы Айболат ұстаз Теміров төрелік етті.Алла Расулының (с.ғ.с.) риясыз өмір жолынан сыр шерткен сауапты сайыс үш кезеңге созылды. 1-кезеңде қатысушылар тақырыпқа сәйкес берілген 25 сұраққа смартфон арқылы жауап берді. Нәтижесінде, 20 сайыскердің 10-ы келесі кезеңге өтті.2-кезең 6 бөлімнен тұратын ұяшықтағы сұрақтар бойынша жүргізілді. Жоғары ұпай жинаған 5 қатысушы соңғы кезеңге жолдама алды.Финалдық кезеңде танымал ұстаздар сайыскерлерге видеосұрақ жолдады. Бұл жолы ұпай санын қазылар алқасы тағайындады.Шара барысында қонақтарға да бірқатар сұрақтар қойылып, пікірталас ұйымдастырылды. Сондай-ақ көрермендер ұстаз бен шәкірт айтысына, Мәдениет үйінің қызметкерлері ұсынған шағын көрініске куә болды.Қонақтарды мол ақпаратқа қанық қылған сайыстың нәтижесінде, 3-орынды (100 мың теңге) Арал ауданының қатысушысы Санжар Серікұлы, 2-орынды (200 мың теңге) Жалағаш ауданының қатысушысы Ғаламат Сәндібекұлы, 1-орынды (Умра қажылығы) Қармақшы ауданының қатысушысы Индира Қарашолақова иеленді. Сондай-ақ барлық қатысушыларға бағалы сыйлықтар берілді.– Әсерімді сөзбен айтып жеткізе алмаймын. Бұл – менің күштілігімнен емес, Алланың қалауымен болған жеңіс. Аллаға шүкір! – деді жеңімпаз.

Шиеліде сира сайысы өтті

<a href="https://kyzylorda-news.kz/">Kyzylorda-news.kz.</a> Қазалы ауданында Р.Бағланова атындағы аудандық мәдениет үйінің ұйымдастыруымен, жас таланттар асыға күтетін «Шабыт қанатында» атты IV республикалық шығармашылық конкурсы өтті. Аталған байқауға еліміздің түкпір-түкпірінен 300-ге жуық жас өнерпаз қатысты. Олар көркем сөз, аспапта ойнау, оркестр және ән салу бағыты бойынша өнерлерін ортаға салды. Жүзден жүйрік, мыңнан тұлпар шыққан таланттарға, арнайы дипломдар табысталып, халықаралық байқауға жолдама берді.Өнерімен көпті тәнті етіп халық қошеметіне бөленіп, әділқазы алқасының оң бағасына ие болған Шиелі ауданының өнерлі жастары бас жүлдені еншіледі. Қазақтың қоңыр үнді домбырасымен «Аспапта ойнау» бағыты бойынша Мәди Сейсенбай мен Нұрайым Бұлтыңбай жеңіс тұғырынан көрініп, Алматы қаласында және Өзбекстан елінде өтетін байқауда бақ сынайтын болады. Шәкірт жеңісі, ұстазының мерейін өсіретіні анық. Осы жарысқа оқушыларын дайындап, үздік жетекші атанған Бала би ауылы,«Inzhu-group» өнер мектебінің ұстазы Бекзатхан Сәулебайдың еселі еңбегінің жемісі деп білеміз.&nbsp;<blockquote>– Жарыс өте жоғары деңгейде өтті. Жарысқа апарған қос шәкіртімнің жеңісі, алғашқы баспалдағы деп ойлаймын. Алдағы уақытта халықаралық байқауда бұдан да жақсы нәтиже көсетеді деп сенемін. Байқауға қатысуымызға қолдау білдірген «Inzhu-group» өнер мектебінің меңгерушісі Жанар Қабылбайқына алғысымды білдіремін, – деді Бекзатхан Сәулебай.&nbsp;</blockquote>Иә, сонымен жерлестеріміздің жеңісіне біз де қуанып, сіздермен бөлісуді жөн санадық.&nbsp;

Шиелілік шәкірттер "Шабыт қанатында" шалқыды

&nbsp;<a href="https://kyzylorda-news.kz/">Kyzylorda-news.kz.</a>&nbsp; Кредит алаяқтары әлеуметтік инженерия мен IT-технологиялар әдістерін пайдаланып банктер, микроқаржы ұйымдары клиенттерінің дербес деректерін қолға түсіруге тырысады. &nbsp;Қазақстанда қаржылық қылмыстардың санын төмендету мақсатында одан қорғанудың арнайы тетігі әзірленді, оның шеңберінде әрбір азамат жаңа кредиттер алуға тыйым салуды дербес енгізе алады. Оны қалайша іске асыру жөнінде&nbsp;Fingramota.kz&nbsp;айтып береді. &nbsp;Қарыздар беруге дербес тыйым салу («Стоп кредит»&nbsp;немесе «6 айға банктік қарыздар, микрокредиттер алудан ерікті бас тарту») – бұл адамның банктерден, микроқаржы ұйымдарынан (МҚҰ) жаңа кредиттер алудан ерікті бас тартуы. &nbsp;Мұндай тыйым салуды тек қарыз алушының өзі белгілей алады. Аталған &nbsp;опцияны пайдаланған кезде қарыз алушының кредиттік тарихында оның кредиттер алудан &nbsp;уақытша бас тартқаны жөнінде белгі пайда болады. Кредиттік ұйым кредиттік бюролардан деректерді сұрақтан кезде шектеу жөнінде осындай белгіні көреді және автоматты түрде клиентке қарыз бермеу туралы шешім қабылдайды. Бұл ретте шектеу ломбардтарға, сондай-ақ өз клиенттерінің кредиттік тарихына баға бермейтін ұйымдарға қолданылмайды.&nbsp;Назар аударыңыз: егер кредиттер ресімдеуге дербес тыйым салу белгіленгеннен кейін адамның атына ол білмейтін қарыз ресімделсе, берешек автоматты түрде жойылады.&nbsp;&nbsp;«Стоп кредит» қызметін қалай пайдалануға болады«6 айға банктік қарыздар, микрокредиттер алудан ерікті түрде бас тарту» &nbsp;кредиттік алаяқтардан қорғау болып табылады және оған egov.kz сайтында, &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;е-GOV mobile қосымшасында қол жеткізуге болады. Бұл сервиске азаматтардың ұсыныстарына сәйкес өзгерістер енгізілетін болады.&nbsp;Қызметті компьютер арқылы пайдалану үшін: &nbsp;логин мен құпиясөзді пайдалана отырып, ЭЦҚ-ның көмегімен egov.kz сайтына кіру; сайттың басты бетінде «Сервистер» - «6 ай мерзімге банктік қарыздар, микрокредиттер алудан ерікті түрде бас тарту» - «Қызметтерге онлайн тапсырыс беру» бөлімін таңдау; барлық міндетті жолдарды толтыру және ЭЦҚ арқылы өтінімге қол қою қажет.<img src="https://knadmin.beoblood.kz/uploads/tempsnip_kz_cad0cbfb7f.png" alt="tempsnip kz.png"> Бұл қызметті телефоннан да қосуға болады:ЭЦҚ, қысқа код немесе Face ID/Touch ID арқылы е-GOV mobile қосымшасына кіріңіз; «Қызметтер» бөліміне өтіңіз, әрі қарай «Салықтар және қаржы» бөлімін таңдау керек; мәзірде «6 ай мерзімге банктік қарыздар, микрокредиттер алудан ерікті түрде бас тарту» бөлімін таңдау қажет; ЭЦҚ-кілттің көмегімен қызметті ресімдеуге келісім беретініңізді растап қол қойыңыз.<img src="https://knadmin.beoblood.kz/uploads/photo_01_kaz_09ee5fc740.jpeg" alt="photo 01 kaz.jpeg"><img src="https://knadmin.beoblood.kz/uploads/photo_02_kaz_57f1c0801a.jpeg" alt="photo 02 kaz.jpeg"> Назар аударыңыз: «Банктік қарыз, микрокредит алудан 6 айға ерікті түрде бас тарту» қызметінен кез келген уақытта бас тарта аласыз. &nbsp;Өзіңіздің ЭЦҚ-кілтіңізді бөгде адамдарға бермеу маңызды!Цифрлық гигиенаны сақтаңыз!Fingramota.kz &nbsp;қауіпсіздіктің қарапайым шараларын ұстаныңыз, олар қаржылық алаяқтық тұзағына түспеуге көмектеседі: &nbsp;жасалатын операцияны (төлемдерді, аударымдарды және т.б.) растау үшін SMS-коды хабарламаңыз; интернет-банкингтегі жеке кабинетіңіздегі құпиясөзді хабараламаңыз; банктік картаңыздың артқы жағындағы CVV/CVC-кодтарды хабарламаңыз; бөгде мобильді қосымшалар, оның ішінде қондырғыларға қашықтан кіру қосымшаларын да орнатпаңыз; қаржылық аккаунттар үшін бірегей және күрделі құпиясөздер қолданыңыз; қосымша қорғау үшін екі факторлық бірдейлендіруді қосыңыз; электрондық поштадағы қосымшаларды, әсіресе бөгде жөнелтушілерден келетін қосымшаларды ашу кезінде сақ болыңыз; күдікті интернет-ресурстарға (сайттарға) кірмеңіз; банктік операцияларды қоғамдық WI-FI арқылы жүзеге асырмаңыз. Егер сіз өзіңіздің дербес деректеріңіз не өзіңіздің деректеріңіз туралы ақпаратты абайсызда жария еткен болсаңыз, үшінші тұлғаларға мәлім болса, онда өз карталарыңызды бұғаттаңыз және банктік қосымшада жеке кабинетіңіздің, электрондық поштаның, әлеуметтік желілердегі аккаунттарыңыздың құпиясөздерін ауыстырыңыз. Сондай-ақ, егер алаяқтар сіздің шотыңыздан ақша алып үлгерсе, міндетті түрде өз банкіңізге, сондай-ақ құқық қорғау органдарына жүгініңіз. Банк карточканы бұғаттайды және жаңасын қайта шығарады.Сіздің қауіпсіздігіңіз өз қолыңызда. Fingramota.kz-пен бірге қаржылық сауатты болыңыз!&nbsp;

Кредиттерден ерікті бас тарту: іс-қимыл алгоритмі  

&nbsp;<a href="https://kyzylorda-news.kz/">Kyzylorda-news.kz.</a>&nbsp;<span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;"> Прокурор сот отырысы барысында маңызды деректерді айтты. Оның сөзінше, қазір айыпталып отырған бұрынғы шенеунік тіпті жұбайын жалаңаш күйде видеоға түсірген.&nbsp;<blockquote><span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">"Ол Нүкенова жалаңаш көрінетін видео түсіріп, бұл оған кепіл болатынын айтты. Өз кезегінде Нүкенова үрейленіп, Бишімбаевтың іс-әрекетінен қорқып, өз еркіне қарсы осы талапты орындап, өзін мәжбүрлі түрде киімсіз видеоға түсіруге рұқсат етті", - деді прокурор.</blockquote>Прокурордың айтуынша, кісі өлтірілген күні Қуандық Бишімбаев пен Салтанат Нүкенова концертте барған. Сол жерде жұп арасында жанжал басталады. Концерт біткен соң, олар бірге мейрамханаға барады - жанжал сонда жалғасады. Бойжеткен Бишімбаевты тастап кеткісі келетінін айтқан, бұл туралы ағасына жазған хабарламасында белгілі болады.&nbsp; &nbsp; Бишімбаев мас күйінде Нүкенованың басынан қатты ұрған. Осыдан кейін ол оны тепкілей бастады. Бойжеткен бөлмелердің біріне құлыптап алған, бірақ Бишімбаев есікті сындырып кіріп, тағы да ұрған.&nbsp; &nbsp; Мемлекеттік айыптаушы атап өткендей, Нүкенова бірнеше рет есін жиғанымен, экс-министр оны ұра берген. &nbsp;Фото: inbusiness.kz

 Прокурор: "Бишімбаев Салтанатты кепілдік үшін жалаңаш видеоға түсірген" 

&nbsp;<a href="https://kyzylorda-news.kz/">Kyzylorda-news.kz.</a>&nbsp; Атырауда келіншек жаңа туған екі сәбиін&nbsp;бірнеше жұпқа&nbsp;сатып жіберген. Бұл туралы <a href="https://stan.kz/atiraulik-kelinshek-balalarin-tort-ret-satip-zhibergen-396822/">Stan.kz</a> ақпарат агенттігі.&nbsp;Ол жүкті кезінде тағы&nbsp;бірнеше адамнан&nbsp;“баламды беремін” деген желеумен ақша алады.&nbsp;Ақшаны алған келіншек ізін жасырған. Нәтижесінде ана да, оның төрт клиенті&nbsp;де сот алдында жауап берді.Іс материалдарынан анықталғандай, әйел жүкті кезінде ерлі-зайыптылармен сөз байласып, жаңа туған нәрестені&nbsp;бірден сатып жіберген. Ол осылайша қаржылық жағдайын жақсартпақ болыпты.Екінші рет жүкті болған әйел бұл баласын да сатамын деп&nbsp;шешім қабылдаған. Бірақ бұл жолы ол бірден екі ерлі-зайыптыны&nbsp;баласын сатамын деп сендірген. Олар&nbsp;әйелге&nbsp;2,3 миллион теңге көлемінде ақша берген. Ақшасын алған келіншек, көп ұзамай ізін суытқан. Ал екінші сатып алушылар әйелдің шотына үнемі ақша аударып отырған. Артынша нәресте туған кезде келіншек баланы соларға табыстаған."Осылайша, жаңа туған нәрестелерін ақшаға сатып алған жұптардың ерлері баланың әкесі ретінде танылып,&nbsp;туу туралы куәлігіне өздерінің есімін жазған", –&nbsp;делінген іс материалында.Келіншек балаларды сатқаны және сондай-ақ бірнеше рет алаяқтық жасағаны үшін 8 жылға бас бостандығынан айырылды. Сәбилерді сатып алған екі жұп&nbsp;та үш жылға шартты түрде сотталды.<blockquote>"Бесеуі де аппеляциялық шағым түсіріп, онда Атырау облысының кәмелетке толмағандардың істері жөніндегі ауданаралық сотының үкімін жойып, ақтау үкімін шығаруды сұраған. Бүгін қылмыстық істер жөніндегі сот алқасы апелляциялық шағым бойынша бірінші үкімді қарап, өзгеріссіз қалдырды. Алқа тараптардың өтініштерін зерделей келе, үкімді өзгертуге немесе жоюға негіз таппады. Осыған байланысты қылмыстық істер жөніндегі сот алқасының қаулысымен бірінші сатыдағы соттың үкімі өзгеріссіз қалды.&nbsp;Апелляциялық шағымдар қанағаттандырылған жоқ", –&nbsp;деп хабарлайды Атырау облыстық сотының баспасөз қызметі.</blockquote>Фото:&nbsp;pixabay.com &nbsp;

Атыраулық келіншек балаларын сатып жіберген

<a href="https://kyzylorda-news.kz/">Kyzylorda-news.kz.</a> Өнер – халықты эстетикалық мәдениет пен адамгершілікке тәрбиелеудің аса маңызды құралы. Кез келген ел өнерімен бағаланып, сараланады десек, қателеспейміз. Жауқазын жастармен қатар үлкендер де, соның ішінде ақ жаулықты аналардың өнерге деген риясыз махаббатын көргенде тамсанасыз. Әсіресе, ақ кимешек киген әжеге қарап, бір көңілің жібіп қалады. Міне, сондай өнегелі көрініс Көкшоқы мөлтек ауданында болды.Шиелі ауданы әкімдігінің қолдауымен, «Арман» мәдениет үйінің ұйымдастыруымен «Әжелер салған ән қандай!» атты әжелер ансамблінің республикалық байқауы өтті. Шараға 6 ансамбль қатысып, бақ сынады. Еліміздің түкпір-түкпірінен келген әжелер, тамылжыта ән шырқап, көпшілікті тамсандырды. Әуелі республикалық әжелер ансамблінің байқауын ашып беру үшін аудан әкімінің орынбасары Болатбек Ысмағұловқа сөз берілді.&nbsp;– Иә, ана бір қолымен бесік тербетсе, бір қолымен әлемді тербетеді. Ал ұлттың алтын қоры – ана мен бала. Олай болса, 8 наурыз – Халықаралық әйелдер күні мерекесіне орай ұйымдастырылған бұл байқау көпке үлгі деп білемін. Өйткені әжелер салған дана жолда ұрпақтар өседі, жақсы тәлім-тәрбие алады, – деді.&nbsp;Ән – бүкіл сана-сезіміңді баурап алып жеткізе алатын құдіретті қасиетке ие. Ал әжелердің салған әндері мүлдем бөлек болды. Бұлбұлдай сайрап, гүлдей құлпырған ақ жаулықтылар сахнаның сәнін келтіріп тұрды. Шынында, еліміздің өсіп-өркендеуіне, халқымыздың бейбіт өмір кешуіне үлес қосқан ардагер аналарымыздың қоғамдағы беделін көтеру – оларға қолдау көрсету, ұлттық өнерді насихаттау, ұлттық моральдық тазалықты жастардың бойына сіңіру арқылы жан-жақты үйлесімді дамыған тұлғаны тәрбиелеу.&nbsp;Ендігі кезекте байқаудың шарттары қандай болды? Соған қарай ойыссақ. Ансамбльдің құрамы 8-10 адамнан кем болмады. Қатысушы әжелердің жас ерекшеліктері 55 жастан жоғары болды. Сонымен қатар әндер кәсіби өңделген немесе түрлі музыкалық аспаптардың сүйемелдеуімен жанды ¬дауыста орындалды. Сайыс екі кезең бойынша өтті. Бірінші кезеңде бүгінгі күні ұмыт болып бара жатқан қазақтың халық әнінен бір ән орындалса, екінші кезеңде қазақ композиторларының бір әнін әуелетті.&nbsp;Айта кетейік, байқауға дәстүрлі әнші, қазылар алқасының төрайымы Ақмарал Ноғайбаева, аудандық өнер мектебінің баян және хор сыныбының мұғалімі Әнипа Мұсабаева мен қоғамдық даму бөлімінің басшысы Кенжехан Есенбаев төрелік етіп, әжелерге ыстық ықыласын білдірді. Байқаудың нәтижесінде Павлодар облысынан келген, Қуат Әбусейітов атындағы мәдениет үйі «Сағым жылдар» әжелер ансамблі бас жүлдені жеңіп алса, І орынды Ұлытау облысы, Жезқазған қаласы «Ақ әжелер» ансамблі, ІІ орын Түркістан облысы «Асыл әжелер» ансамблі мен Шиеліден «Арман – Асыл аналар» ансамблі қанжығалады. Ал ІІІ орынға Алматы облысы, Қарасай ауданының Ұмтыл ауылдық округі мәдениет үйінің «Парасат» ардагерлер хоры әжелер тобы мен Қызылорда облысы «Ақниет» әжелер ансамблі лайықты деп танылды.&nbsp;Осылайша, байқауда әжелер әуенді әндерді нақышына келтіре орындап, саз өнерінің иірімін ұштастырды.

Шиеліде әжелер ән салды

&nbsp;<a href="https://kyzylorda-news.kz/">Kyzylorda-news.kz.</a>&nbsp; ҚР Еңбек сіңірген қайраткері, жазушы Жұмабай Шаштайұлы 74 жасқа қараған шағында өмірден өтті.Жұмабай Шаштайұлы - ҚР Президентінің стипендиаты, Халықарарық Жамбыл және "Алаш" сыйлықтарының лауреаты, Қазақстан Жазушылар одағының мүшесі атанған.Ол "Коммунизм жолы", "Лениншіл жас", "Социалистік Қазақстан", "Жас Алаш" газеттерінде, "Жалын" журналында еңбек етті. Халықаралық "Заман-Қазақстан" газетінің және "Қазақ әдебиеті" газетінің бас редакторы, сондай-ақ Қазақ радиосының бас редакторы қызметін атқарды.Жазушының "Қызын қар", "Жала мен нала", "Жыр жолбарыс", "Біздің заманның Аяз биі", "Жаңғырық" атты жинақтары мен романдары оқырманның жүрегінен орын тапты .ҚР Мәдениет және ақпарат министрлігі өз заманының қарымды қаламгері Жұмабай Шаштайұлының отбасы мен жақындарына көңіл айтады. Сурет: Қазақстан Республикасының Мәдениет және ақпарат министрлігі

Қазақстан және Қызылорда облысының жаңалықтары