&nbsp;Ұстаз мәртебесін көтеру, лайықты сый-құрмет көрсету – білім беру саласын ілгерілетудің бірден-бір жолы. Мұны егемендік алғалы әлеуметтік мәселесі мәз болмаған мұғалімдер қауымы жақсы біледі. Жалақы аз, кадр тапшы болған кезді де бастан өткерді. Тек соңғы бесжылдықта «Педагог мәртебесі» туралы Заң күшіне еніп, еңбекақы да біршама өскен. Осылайша, ұстаздарды қаржылай демеу, сапалы жұмыс істеуге ынталандыру үзілмей келеді. Қала әкімінің үздік педагогтарға сыйақы беруі де сол үрдістің жалғасы еді. Осы орайда құрмет төрінен көрінген Мөлдір Дәуренбекқызымен сұхбаттасқан едік.– Мөлдір Дәуренбекқызы, саладағы еңбегіңіз ескеріліп, өткен жылы марапат төрінен көрінген едіңіз. Сіз үшін марапаттың мән-маңызы қандай?&nbsp;&nbsp;&nbsp;&nbsp;&nbsp;– Әрбір белес қажырлы еңбекті талап етеді. Аталған байқаудың жеңімпазы атану да осы ұстаным нәтижесінде қол жеткен жетістік. Әріптестерімнің ұсынысы бойынша «Үздік педагог» байқауына қатыстым. Жеткен жетістік, шәкіттерімнің білім көрсеткіші ескеріліп, сайыс жеңімпазы атандым. Жылдар бойы жинаған тәжірибе, шәкірттерімнің түрлі конкурс, олимпиада мен ғылыми жобалардан алған марапаты және қала, облыс, республика көлеміндегі кәсіби байқаулардағы нәтижем жеңіске жетеледі десем, артық емес. Осылайша, Қызылорда қаласы әкімінің сыйақысын иеленуге мүмкіндік туды. Әрбір педагог байқау үшін ғана емес, кәсіби қабілетін шыңдау үшін де үнемі ізденіс үстінде болуы қажет. Жаңа бағдарламаларды меңгеру, басылымдарға мақала беру, тәжірибе алмасу қашанда оң өзгеріске бастайды. Байқаудың жеңімпазы атануым ұстаздық жолымда оқушыларыма сапалы білім беріп, ұстаздық ұстанымды дәріптегенімнің жемісі деп білемін.&nbsp;– Педагогикалық, ғылыми жетістіктеріңізді айта кетсеңіз.&nbsp;– Бәрі кәсіби білімнен басталады. Сондықтан алған білімім алға жетеледі. Салада сапалы жұмыс істеу мақсатында педагогика ғылымдарының магистрі дәрежесін иелендім. Ғылыми айналымға үлес қосу мақсатында ІІ томдық ІТ сыныптарға арналған үйірме бағдарламалары (көмекші) оқу-құрал шығардым. «Жасыл мектеп» жобасын іске асыруға бағытталған әдістемелік ұстанымдар мен нұсқауларды да дайындадым. Оған қоса, «ONLINE MEKTEP» жобасы аясында информатика пәнінен телесабақтардан түсірілім жасағанымды да баса айтқым келеді. Телесабақтар Ы.Алтынсарин атындағы ұлттық білім академиясының сараптама қорытындысымен мақұлданған.&nbsp;Сондай-ақ байқауларға қатысып, керекті мағлұмат пен тәжірибе жинағанды ұнатамын. Мәселен, жуырда «Педагогикалық идеялар» республикалық конкурсының жеңімпазы атансам, «Үздік информатика пәні мұғалімі» қалалық байқауынан бас жүлде иелендім.&nbsp;– Ұстаздың басты жетістігі – шәкірт нәтижесі. Байрақты бәсекелерде топ жарған қай шәкіртіңізді атар едіңіз?&nbsp;– Оқушыларым жыл сайын пәндік олимпиадалар мен ғылыми жобалар конкурстарына қатысып келеді. Ерекше бәсекелерде топ жарған шәкіртім – Евгений Демиденко. Евгений Корей мемлекетінде халықаралық «Жас ғалым» ғылыми сайысынан алтын медаль, Алматы қаласында өткен халықаралық «Infomatrix Asia» ғылыми сайыстарының күміс медаль, Ресей федерациясы Мәскеу қаласында өткен «АдамЖер-Ғарыш» ғылыми конкурсының І орын иегері атанды. Н.Назарбаев Қорының оқушылар арасындағы байқау жеңімпазы. Қалалық «Мультимедиалық фестивалінің» жеңімпазы. Қазақстан-Британ техникалық университетінің грант иегері. Ал Думан Әскербек – информатика пәнінен қалалық, облыстық пәндік олимпиада жеңімпазы. Білімбілігінің нәтижесінде Сүлеймен Демирел университетінің грант иегері атанды. Осы екі шәкіртімді ерекше атағым келеді.&nbsp;– Ұстаз болудың қиындығы мен қызығы неде?&nbsp;– Ұстаз таудан арқырай аққан тау өзені секілді. Айналасына қуат беріп, жолындағыны нәрлендіріп, таудай қиындықты тастай домалатып, білім даласында тыныштық орнатады. Ұстаз – Жер деген әлемнің бетін көркейткен, шәкірттеріне шуақ төккен Күн-Ана. Ұстаз – ақылдың тозбайтұғын асылы. Қасиетті мамандық иелерінің ішіндегі жауһары. Өзге мамандық атаулысы түр-сипатын мың құбылтып жатса, бәз баяғы қалпында адамгершілік қасиет еккен диқаншы. Қиындығы мен қызығы мол мамандықты бала күнімнен армандадым. Адам баласына көмектесу игілікті істердің бастамасы деп білемін. Мамандығыңды шын сүйсең, оның еш қиындығы жоқ деп ойлаймын.&nbsp;– Ата-анамен байланыс орнату үшін қандай әдіс тиімді? Бүгінгі ата-ана-ұстаз-шәкірт үштігінің байланысы қай деңгейде деп ойлайсыз?&nbsp;– Замануи технологиялар дамыған заманда ана-ұстазшәкірт үштігінің байланысы маңызды. Ақпараттық ағымның көптігінен оқушылар пайдалы ақпарат пен зиян ақпаратты сүзгілемейді. Салдарынан оқуға ынтасы болмай, әлеуметтік желілерге көп уақыт бөледі. Ата-ана мұғаліммен әрдайым байланыс орнатып, баланың оқуы мен дамуындағы өзгеріске хабардар болса, бәрі оңалар еді. Ата-ананың мектеп шарасына қатысуы да балаға пайда әкеледі. Мұғалім ата-ананы баланың білімі мен тәрбиесі жайында хабардар етуі тиіс. Сонда ғана үштіктің тиімді байланысын ұйымдастыруға болады. Сондықтан білімді де саналы ұрпақ тәрбиесі ата-ана, ұстаз байланысына тәуелді екенін ұмытпаған жөн. Абай атамыздың: «Ақырын жүріп анық бас, еңбегің кетпес далаға. Ұстаздық еткен жалықпас, үйретуден балаға», – деген қасиетті қағидасы әрқашан ұстаздың жүрегінде ұстайтын ұстанымы болса екен.&nbsp;– Әңгімеңізге рақмет!&nbsp;

Мөлдір Дәуренбекқызы: Кәсіби қабілетін шыңдау үшін де үнемі ізденіс үстінде болуы қажет 

Командалық айтыс қайта жаңғырады

<a href="https://kyzylorda-news.kz/">Kyzylorda-news.kz.</a> Бүгінде қап шығаратын зауыт өніміне сұраныс жоғары. Отандық өнімнің әлеуетін арттырғысы келетін кәсіп иелерінің басты мақсаты – сырттан келетін тауарларды ығыстырып, өнімнің қолданыс аясын кеңейту.Жергілікті кәсіпкер Рүстем Құдабай “Ауыл аманаты” жоба аясында “Құдабай” ауыл шаруашылығы өндірістік кооперативін құрып, өндіріс саласымен жеңілдетілген 2.5 пайызбен несие алып, өз жұмысын бастады.Қазіргі таңда зауыт негізгі ауыл шаруашылығы өндірушілердің сұранысына сәйкес әр түрлі пішінде қаптарын дайындауда. Өндіріс ошағы күніне 10 мың қап тоқиды. Аталған цех қазіргі таңда 4 адамды тұрақты жұмыспен қамтуда.Жалпы ауданда &nbsp;қаржы институттары арқылы 4,8 млрд. теңге тартылып, 206 жоба қаржыландырылды.Қолдау шараларының негізінде 207 жаңа жұмыс орны ашылды.&nbsp;Жалағаш кентінен жалпы құны 200,0 млн. теңгені құрайтын 120 орындықтиптік жобадағы «Жеті-қазына» жеке балабақшасы пайдалануға беріліп, 18 жаңа жұмыс орны ашылған болатын. &nbsp;Құны 200 млн. теңгені құрайтын жеке кәсіпкерлік«Далида», «Мега планета» сауда орталықтары да &nbsp;аудан экономикасына үлкен үлес қосып тұр. Өңірде өндірістік жобаларға да басымдық беріліп келеді. Атап айтқанда, 2023 жылы өңдеу өнеркәсібіне бағытталған инвестициялық жобалар пулы аясында 1 млрд. теңгені құрайтын екі жоба іске асырылды.Біріншісі: «Бағдаулет-57» фермер қожалығының жалпы құны 530,0 млн. теңгені құрайтын «100 бас ірі қара малына арналған сүт фермасы». Қазіргі таңда ферма құрылысы толық аяқталып, Чехия мемлекетінен 96 бас «Симентал» тұқымды сүтті ірі қара малдары алынды. Жоба тәулігіне 3000 литр сүт өңдеп, өнім шығарады. Жоба аясында 10 жаңа жұмыс орны ашылатын болады.Екіншісі: «АВ-AGRO» ЖШС-нің құны 500,0 млн. тенгені құрайтын тәулігіне 30 тонна күріш ақтау және жем өндіру зауыты. Жоба толықтай іске қосылды. Тәулігіне 30 тонна ақ күріш шығарып, 5 тонна жем өндіруде.

Жалағаш ауданында қап шығаратын зауыт іске қосылды

<a href="https://kyzylorda-news.kz/">Kyzylorda-news.kz.</a> Амал − ұлттық дәстүрлерді жаңғыртатын мереке. Бұл күні елдің бірлігін, халықтың берекесін арттырып, жұрттың көңілін көтеру мақсат етіледі. Осы мереке арқылы мемлекеттің тұтастығын сақтау, түрлі ұлттар мен ұлыстарға қазақ халқының дәстүрін, өркениеті мен өнерін, тарихы мен түп тамырын таныту көзделеді.Мерекені Қызылорда облыстық Қазақстан халқы ассамблеясы жанындағы «Ассамблея жастары» ұйымының белсенділері дәл осылай қарсы алды. Олар бұл күні «Naman Ata» спорттық кешенінде қазақтың ұлттық ойындарын дәріптеп, сайысқа түсті.Сайысты “Қоғамдық келісім” КММ директорының орынбасары Айбек Дайрабай ашып, барша қатысушаларға сәттілік тіледі.<blockquote>− Мемлекет басшысы Қасым-Жомарт Кемелұлы «Біз қазіргі заманның жақсы қасиеттерін бойға сіңіре отырып, ұлттық болмысымызды жаңғыртуға тиіспіз» деп атап өткен болатын. Осы ретте мереке қарсаңында өңірлік “Ассамблея жастар” ұйымы − ұлттық болмысты жаңғыртуға үлес қосуда. Ұлттық ойындардың бірі садақ атуды дамыту, ұлт руханияты мен саулығына жанашырлық деп білеміз. Жалпы Ұлыстың ұлы күні Әз-Наурыз бүгіннен басталды және он күн көлемінде тойланады. Әр күннің өз атауы бар. Қайырымдылық, салт-дәстүр, бата беру, ұлттық киімді дәріптеу, тазалық акциясын өткізу жоспарға енгізілген, − деді ол.</blockquote>Шара барысында &nbsp;«Ассамблея жастары» ұйымының белсендісі Вероника Русланова садақ атудың денсаулыққа пайдасының зор екендігін баса айтты. Сондай-ақ бұл спорт түрі − омыртқаны шынықтырып, оның түрлі дертке шалынуының алдын алатынын, өзінің де осы ұлттық ойын түрінен бірнеше рет жарысқа қатысып, жүлделі орындарға ие болғанын жеткізді.Сайысқа оннан аса этнос жастары қатысты. Садақшылар 10 метрден 25 метрге дейінгі қашықтықта мергендік шеберліктерін танытты. Айта кету керек, этнос жастары садақ атудан бөлек арқан тарту, асық ойнаудан да жарысқа түсті.Жарыста үздік шыққан мергендерге арнайы дипломдар мен сыйлықтар табысталды. &nbsp;<img src="https://knadmin.beoblood.kz/uploads/8f858b21_12ae_4c77_82ca_e89bae98eaaa_0b504794d8.jpg" alt="8f858b21-12ae-4c77-82ca-e89bae98eaaa.jpg"><img src="https://knadmin.beoblood.kz/uploads/7de85154_d2c2_4f5a_a1d9_d0e17aa0dc36_5da4a8865e.jpg" alt="7de85154-d2c2-4f5a-a1d9-d0e17aa0dc36.jpg">

Амал мерекесінде жастар сайысты

<a href="https://kyzylorda-news.kz/">Kyzylorda-news.kz.</a> Тұма тарихы бар қазақ музыкасының бір саласы – ән өнері.&nbsp;Әнге деген сүйіспеншілік – қазақтың ұлттық қасиеті. Кәсіби білім алып әнші болуды, ұлтымыздың өнерін асқақтатып, еліне қызмет қылуды арман еткен жастар аймақтағы оқу орындарында оқып, кейін әлемнің үлкен сахналарында өнер көрсетіп жүр. Тыңдаушының көңілінен шығатын әуен орындау – өнердің биік көрсеткіші. Осы бір өнер тармағының ішінде операны өзіне сенімді жастар ғана таңдап жатады.Әуелден опера – теориялық тұрғыда театр, поэзия, би, музыканы біріктіретін синтетикалық өнер түрі.&nbsp;Ал рухани жағынан алсақ, классикалық өнер һәм адам жанының емшісі. Оны театр сахнасынан үздік қойылым тамашалағанның бәрі сезіне алады. Бастысы, сахна төріне жоғары деңгейдегі дайындықтан өткен туындыны алып шығу керек. Сонда өмірінде бірінші рет операға барған адамның өзі міндетті түрде оған қайта оралатын болады.Бізге бұл жайында бүгінгі кейіпкеріміз Нұрай Шалман айтып берді. Ол 2000 жылы Қызылорда қаласында дүние есігін ашқан. Қазанғап атындағы Қызылорда музыкалық жоғары колледждің түлегі. Қасиетті өнер шаңырағында білім алған соң 2019 жылы Италияның Пезаро қаласында Дж.Россини атындағы консерваторияға «Вокалдық өнер» факультетіне оқуға түседі.2021 жылы Модена қаласында Паваротти-Френи атындағы театрдың опералық студиясына қабылданады.&nbsp;Опера майталмандары, атақты Мариелла Девиа, Хосе Каррерас, Леоне Маджиерадан мастер класс алады. Биыл әлемге танымал Дж.Россини атындағы Пезаро қаласында өткен Россини опера фестиваліне қатысып, жоғары деңгейде өнер көрсетеді. Бұл – қазақтың бұлбұл қызының әлем сахналарын бағындырудағы алғашқы баспалдақтары.<blockquote>– Опера – үлкен өнердің топтастырылған күрделі жанры. Ол музыка ғана емес, бүтін театр яғни, біртұтас драмалық қойылым. Ең алғаш опера XVI-XVII ғасырларда Италияда пайда болған. Итальяндық композитор Клаудио Монтеверди операға күрделі ариялар, вокалдық ансамбльдер, хор ұжымы мен оркестр сүйемелін енгізеді. Ол үшін театрлар салынды, тез дамып, халықтың аңызы мен жырларының тарихын негізге алды. Басты рөлде орындаушы әншілер, балет артистері, хор ұжымы болды. Осындай тарихи мекенде білім алып, өнер жетілдіру мен үшін де бір мәртебе, – дейді Нұрай Мырзабайқызы.</blockquote>Мемлекеттік сыйлықтың лауреаты Бибігүл Төлегенова: «Сыр елінде опера рухына қызмет етуші жас әншілердің саны жылдан жылға көбейіп, өнерін жоғары дәрежеде дүние жүзіне паш етіп жүр.&nbsp;Талантты жас орындаушылар қатарымызға қосылып жатқандығы қуантады. Опера дамып, жас артистер халықаралық деңгейде өнер көрсетіп, классикалық әнге өзіндік үлесін қосқаны жан жылытады» деген еді. Қазанғап атындағы Қызылорда музыкалық жоғары колледжі «Ән салу» бөлімі ұстаздарының жас әншіні тәрбиелеуде өзіндік методикасының қалыптасқанын еліміздің өнер майталмандары айтып жүр. Осы бөлімнің түлегі Нұрай да болашақта туған жерге ту тігіп, Сыр өнерінің беделін биіктеткісі келетінін жеткізді.<blockquote>– «Қазір ел опера тыңдай ма? Театрға көбіне қандай адамдар келеді?» деген сауалдар маған жиі қойылады. Тыңдайды. Өйткені адамдар қай кезде де рухани нәр алуға мұқтаж. Сондықтан жан байлығын, биік өнерді іздеген адам опера залынан табылады. Бес саусақ бірдей емес. Театр табалдырығын алғаш аттағанда жанына азық ала алмайтын сапасыз спектакльге тап болса, қайта оралмауы мүмкін. Италиядағы театрда қойылымдар өте жоғары талғаммен, асқан дайындықпен сахнаға шығарылады. Сондықтан жыл өткен сайын көрермендеріміз көбейе түсуде. Театрға келген адамдарды бөліп-жарып қарамаймыз, – деді Нұрай Шалман.</blockquote>Өнер – өміртанудың бір мектебі. Көркем, сұлу мектеп. Көпшіліктің қолы жете бермейтін, бірақ көрермен бола алатын, сол арқылы көңілі сезіп, жаны сусындайтын мектеп. Өнердің мазмұны шексіз болғанымен түбі ұлт қасиетіне табан тірейді. Ұлтына қызмет ету арқылы, яғни, елдің жан-дүниесін әсемдеу, ізгілендіру арқылы адамзат көшін көрікті етеді.<blockquote>– Бала күнімнен түрлі байқауға қатысып, ән айтуды жақсы көргенмен, опера әншісі боламын деп ешқашан ойлаған жоқпын.&nbsp;Инаят Жарылқанов ағаймыздың бағыттауымен операны жақсы көріп кеттім. Ұстазымның білімі шетелде оқуға түсуіме үлкен септігін тигізді. Тіл мәселесі, шетелде тұру, сырт жерде жалғыз өмір сүру қыз балаға ауыр. Бірақ жастар білім жолында ештеңеден қорықпаса екен деймін.</blockquote>Осы тұста тағы бір мәселе айтқым келеді. Қалада жүзге жуық тойхана бар шығар. Сыртқы келбеті опера сарайына ұқсайтындары да жетерлік. Бірақ, бірде-бір опера театры жоқ. Біз жастар Қызылорда қаласынан опера театрын көргіміз келді. Жалпы Қазақстанда опера театры аз. Үш-ақ қалада бар. Әр шаһарда өнер сарайы болса, бұл көркем жанрды көрермендер жіті түсінер еді. Әрі оқу бітірген жастар қызмет жалғастырып, шәкірт тәрбиелеуге мүмкіндік алады, – дейді ол.Расымен, өнер – адам баласының жасампаздығының дәлелі. Ол – сұлулықты сезіну, дүниенің ғажайыбын түйсіну. Өнердегі нәзіктік пен шеберлік рухани тереңдіктен нәр алады. Таласбек аға: «Өнер деген – сұлулықта ояну» дейді, яғни опера өнері де – адам баласын біріктіретін, жанын әсемдейтін, кемелдендіретін жанр.&nbsp;&nbsp;

Классикалық өнер адам жанының емшісі

<a href="https://kyzylorda-news.kz/">Kyzylorda-news.kz.</a> Халық арасында жол сапасына қатысты наразылық көп. Әсіресе, ай аспай аударылып жататын асфальт пен жыл өтпей шұрық-тесік күйге түсетін көшеден мезі болған. БАҚ өкілдері мен қоғкам белсенділері аталған мәселені күн тәртібіне көтеріп, жолдың сапа деңгейіне қадағалау қажетін айтып келеді. Тек 2019 жылы мәселе нәтижеге бастап, Үкімет «Жол активтерінің ұлттық сапа орталығы» РМК құруға қаулы шығарды. Арада 4 жыл уақыт өткенде бұл шешімнің оң қадам екеніне көз жетіп, жосықсыз жасалған жолдарды тиюға мүмкіндік туды.Расында, «Жол активтерінің ұлттық сапа орталығы» жұмысын бастағалы республикадағы ғана емес, аймақтағы жол сапасы айтарлықтай түзелген. Оны қалыпқа келтерген мекеме емес, оның айтқан сыны, келтірген дерегі, сынама қорытындылары. Орталық негізгі мақсаты да осында жатыр. Мердігер мекемелердің жол құырылыс жұмыстарын бақылап, тиісті тексеріс жүргізу. Оған қоса жол белгілерінің талапқа сай орналасуы да назарға алынады. Бәрін рет-ретімен тарқатайық.Айтып өткеніміздей, «Жол активтерінің ұлттық сапа орталығы» жөндеуден өтіп жатқан немесе жаңадан салынған автожолдың сапасын сараптайды. «Қабылданған құжатқа сай ма?», «Асфальт құрамы қаншалықты талапқа сай келеді?», «Битум бітімі қалай?» деген сауалдарға зертханалық тексеріс жүргізіп, нәтиже шығарады. Егер жол құрылысын бақылау үшін алынған сынамадан сын табылса, тапсырыс беруші мекеме мен мердігер компанияға арнайы хат жолдайды. Сәйкесінше, мердігер олқылықты мойнымен көтеріп, түзетуге мерзім белгіленеді. Ал әлдеқашан салынып біткен жолдан жүйесіздік байқалса, кепілдік бойынша мердігер мекеме жауапкершілігіне алады. Міне, осындай тиімді шешім аясында жұмыс істейтін орталық жол инфрақұрылымының дамуына септігін тигізуде.Сөзіміз дәйекті болу үшін мысал келтіре кетейік. Бүгінге дейін аймақтағы 150 нысан тексеріліпті. Нәтижесінде сала мамандары 1373 сынама алып, оның 460-ы нормативке сәйкес келмеген. Аталған кемшілікті көзге көрсету арқылы 32,5 млн теңгеге қайта қалпына келтіру жұмыстары жүргізілген екен. Жалпы, жыл басынан бері орталықтық облыстағы филиал мамандары жолдың 2190 шаршы метр астыңғы қабатынан, 11681 шаршы метр жол жабындысынан және 2259 тонна инертті материалдардан ақау тапқан. Саладарынан 205 млн 473 мың теңге шығын келген.Демек, тексеріс ғана емес, тиісті мекемеге хат жолдау, олқылықты қалпына келтіруді талап ету де жүйелі жүруде. Мысалы, өткен жылы облыстық бақылау жөніндегі басқармаға 10 жол нысанына қатысты хат жіберіліп, бір техникалық қадағалаушыға 180 айлық есептік көрсеткіш (551 мың 340 теңге) айыппұл салынған. Тіпті, жарты жылға лициензиясынан айырылған.Талап қою үшін тексеріс сапасы көңілден шығу қажет. Осы мақсатта орталық өзінің материалдық базасын жасақтауға көңіл бөлуде. Мәселен, былтыр «Жол активтерінің ұлттық сапа орталығы» РМК облыстық филалының ғимараты күрделі жөндеуден өтті. Оған қоса заманауи зертхана жабдығы толықтырылып, 50-ден астам құрал-жабдық сатып алынған екен.Есте болса, Мемлекет басшысы жол инфрақұрылымын дамытуға қатысты тапсырма берген болатын:<blockquote>«Мен 2025 жылға дейін жергілікті жолдардың кемінде 95 пайызын жақсарту жөнінде тапсырма бердім. Үкімет бұл мәселені тікелей бақылауға алсын. Жол құрылысындағы заңсыздықтарды анықтау қажет. Бұл жұмыстан нақты нәтиже шығару керек. Бізде әлі күнге дейін битум тапшы. Бұл – ірі көлемде мұнай өндіретін ел үшін, тіпті, ұят жағдай. Үкімет осы мәселені түбегейлі шешуге тиіс», – деген еді.&nbsp;</blockquote>Демек, алдағы бірнеше жылда жол құрылысы қарқын алмаса, бәсеңдемесі анық. Ал ол жолдардың сапа деңгейін бағамдау аталған мекеменің негізгі міндетінің бірі. Асфальт құрамына толыққанды тексеріс жүргіп, жөнсіз жасалған жұмысты дәлелдесе, жүйелі жоспардың оң өзгеріс әкелері белгілі. Салаға маман тарту ісі де мекеме назарынан тыс қалмаған. Жастарды салаға шақыру, жол саласын насихаттау мақсатында «2000 мектеп» жобасы бастау алған. Орталық мамандары Қазақстанның әр аймағын аралап, мектеп оқушылармен кездесу ұйымдастыруда. Басқосуда жол саласының қыр-сыры айтылып, жас өрендердің қызығушылығын оятатын насихат айтылады. Мысалы, өткен жылы облыстық филиал қызметкерлері Арал, Қазалы, Жалағаш, Сырдария аудандарында болып, 54 мектепті аралаған. Оған қоса онлайн форматтағы кездесу де жетерлік.Студенттермен де жұмыс жүйелі. Мамандардың салаға жанашырлығы әрі еңбек нарығын бағамдай білуінің арқасында Қызылорда қаласындағы &nbsp;И.Әбдікәрімов атындағы аграрлық-техникалық колледжінде жаңа мамандық ашылды. «Автомобиль жолдары мен аэродромдар құрылысы және пайдалану» деп аталатын мамандыққа жыл сайын 25-ке жуық студент оқуға түседі екен.Былтыр жол инфрақұрылымына қатысты республикалық және облыстық бюджеттен барлығы 36 млрд теңгеге жуық қаржы бөлінген. Бұл – 2022 жылға қарағанда екі есе көп сома. Бұған ұзындығы 569 шақырым автожол, көшелер және көпірлер жөнделуде. Егер қаржы толық игеріліп, өңірдегі биыл бітуі тиіс жол құрылыстары уақытында аяқталса, облыс пен аудандық маңыздағы жолдардың индикаторлық көрсеткіші 87,5 пайыз болмақ.&nbsp;Сонымен, жол құрылысы жандануда. Қызылорда облысындағы жобалар да көңіл қуантады. Мәселен, жақында «Батыс Еуропа-Батыс Қытай» автобанындағы көлік айрығының құрылысы аяқталса, «Қызылорда-Жезқазған» жолы қарқынды жалғасып келеді. Осындай сындарлы сәтте «Жол активтерінің ұлттық сапа орталығы» РМК секілді мекеменің ықпалы мен нәтижесі жол инфрақұрылымына айтарлықтай ілгерілеу әкелеріне сенім мол.&nbsp;Фото: Сыр бойы&nbsp;

 Жол құрылысы жандануда

<a href="https://kyzylorda-news.kz/">Kyzylorda-news.kz.</a> Әлеуметтік желілер мен мессенджерлерде Таиландта қазақстандық балалардың жоғалып кететіні туралы хабарламалар пайда болды, деп хабарлайды <a href="http://ulysmedia.kz./">Ulysmedia.kz.</a>Қазақстаннан балалар ұрланатынын репродуктолог-дәрігер Иван Мельников хабарлады.<blockquote>"Біздің қазақстандықтар Тайландта балаларын жоғалтады. Әйелім екеуміз Таиландқа баратын едік, бірақ естігеннен кейін, әрине, балалармен бармаймыз деп шештік. Бұл оқиға менің кейбір таныстарыма қатысты емес. Бірінші оқиға - менің әріптестерімнің таныстары, ал екіншісі - әйелімнің таныстары. Бірінші жұп Таиландқа 5 және 2 жастағы екі баламен барған. Балалар ұйықтап жатып, 20 минут ішінде жоғалып кеткен. Әке-шешесі келіп балаларын таппай қалған", - дейді блогер өз парақшасында.</blockquote>СІМ ресми өкілі Айбек Смадияров Таиландта балаларды ұрлау туралы жаңалықтар жалған екенін айтты.<blockquote>"Бұл жаңалық жалған әрі ескі ақпарат. Ол мезгіл-мезгіл ТМД елдеріндегі ақпараттық өрісте пайда болады. Биыл соңғы үш айда біреу осы "жаңалықты" белсенді түрде таратып жатыр", - деді Смадияров.</blockquote>&nbsp;Фото: pixabay.com

Қазақстандық балаларды ұрлап жатыр: желіде қорқынышты хабар тарады

<a href="https://kyzylorda-news.kz/">Kyzylorda-news.kz</a>&nbsp; Гүлзат Шынтасова – педагогика ғылымдарының магистрі, Қызылорда қаласындағы химия-биологиялық бағыттағы Назарбаев Зияткерлік мектебінің қазақ тілі мен әдебиеті пәнінің мұғалімі.&nbsp;Ол білім беру ісінде үздік нәтиже көрсетіп, түрлі байқауда топ жару арқылы кәсіби шеберлігін көрсетуде.&nbsp;Ұлағатты ұстазбен сұхбаттасып, мамандық турасында әңгіме өрбіткен едік.–&nbsp;Гүлзат Бурабайқызы, алғашқы сауалды ұстаздық жолға келуіңізден бастасақ. Неліктен мұғалім болуды таңдадыңыз?<blockquote>– Мектеп қабырғасынан бастап шығармашылыққа, көркем әдебиетке жақын болдым.&nbsp;Белсенділігім де осы тұста анық аңғарылатын. Түрлі сайыстар, олимпиадалар осы мамандыққа келуіме жетелеген қозғаушы күш десем артық айтқандығым емес. Оның үстіне мінезім, қалпым мұғалім имиджіне сай келетін). Мектеп бітірген соң ойланбастан осы жолды таңдадым, оған еш өкініш жоқ. Жаныңа жақын, сүйетін ісіңмен айналысқанда әр адамның шабыты ашылады. Сондықтан оқушылардың жұлдызын жағып, елдің болашағына үлес қосатын абыройлы ісім– өмірдегі қатесіз таңдауым деп айта аламын.</blockquote>– Балаға жаттанды жолмен білім үйрету нәтиже бермесі анық.&nbsp;Жаңа тәсіл, ерекше көрнекілік пайдаланудың уақыты келді. Сіз сабақ барысында қандай ерекше әдістемені қолданасыз? Өзіндік білім беру моделіңіз бар ма?<blockquote>– Осы сұраққа үнемі «3Ж» деп жауап беретін едім: жауапкершілік, жан-жақтылық, жаңашылдық.&nbsp;Бұл да менің кішігірім моделім шығар. Себебі,мұғалімге тек білімді болу жеткіліксіз. Әрбір сабаққа жауапты дайындалып, шығармашылықпен өту арқылы ғана баланың білімін арттыра аламыз. Дәстүрлі әдістемені жоққа шығара алмаймыз, біз шетелдік модель деп жүргеніміздің бәрі өзіміздің зиялылардың еңбектерінен бастау алады. Тек соны заманына лайықтап, жаңашылдықпен құбылту мұғалімнің шеберлігін қажет етеді. Ахмет Байтұрсынұлының жеті қағидатын үнемі басшылыққа аламын, бұл қазіргі таңда қолданылып жүрген «Блум токсономиясының» нақ өзі. Сондықтан оқушыға өз ойын қазіргі заманмен байланыстыруына, алған білімін тәжірибеде қолдануына жағдай жасауым, яғни функционалдық сауаттылығын арттыруым – жасанды әрі жаттанды білімге жол бермеудің басты әдісі.</blockquote>–&nbsp;Саладағы жетістігіңізбен бөліссеңіз…<blockquote>– Облыста Назарбаев Зияткерлік мектебі ашылғалы осы оқу ордасында жұмыс жасап келем.&nbsp;10 жылдық тәжірибемде шәкірттерім арқылы, өз білігімді шыңдап отырған ортам арқылы түрлі жетістіктерге қол жеткіздім. Солардың ең маңыздыларының бірі – 2018 жылы республикалық байқауда «Жаңашыл мұғалім» атанып, бес жүз мың теңге сыйақыға ие болуым. Республика көлемінде сабақ беру әдісіммен бөлісіп, мыңдаған ұстаздың арасынан үздік көріну, әрине, мен үшін әрі қарай дамуыма шабыт берді. Осыдан кейін бірнеше облыстық байқауларда қазылық еттім. Бұл да үлкен тәжірибе болды. Әдістемелеріммен бөлісу арқылы 2022 жылы Ахмет Байтұрсынұлының 150 жылдығына орай өткізілген республикалық панорамалық сабақтар байқауында жеңімпаз атандым. Мұнда ұлт зиялысының ұлы еңбектерін насихаттап, сабақта қолдану әдістеріммен бөлістім. Жетістікке жету жасқа қарамайды. Жас болып жүріп-ақ бас болуға болады. Ол үшін ең бастысы үздіксіз ізденіс, зерттеу және еңбек қажет.</blockquote>– Шәкірт жетісігі — ұстаз еңбегі. Әдеби, пәндік сайыстардан олжалы оралып жүрген оқушыларыңыз туралы айта кетсеңіз.<blockquote>– Ұстаздың бағын да, бабын да келтіретін ол – шәкірттері.Оқушының бойындағы отты маздатып, өшіріп алмау – ұстаздың тікелей міндеті.&nbsp;Ол оқушыларды сабақтан тыс уақытта дайындық жүргізіп, сайысқа дайындап, олимпиадаларға қосып жатамыз. Нәтиже де жаман емес. Мәселен, 2021 жылы мектебіміздің 10-сынып оқушысы Мұхитқызы Ханшайым желілік олимпиадада екінші орынды жеңіп алып, Өскемен қаласында өткен «Қанипа Бітібаева атындағы қазақ тілі мен әдебиетінен республикалық олимпиадаға» қатысып келді. 11-сынып оқушысы Сұлтанаева Үміт деген оқушым желілік байқау жеңімпазы атанды. 8-сынып оқушысы Ерланқызы Торғын облыстық эсселер байқауында топ жарды. Айта берсек, мұндай сайыстар көп. Ең бастысы – оқушыға дұрыс бағыт беріп, мүмкіндіктеріне жол ашу. Ана да, дана да, ақын да, батыр да ұстаз алдын көрген, ұстаз соңынан ерген деп жатады ғой. Осындай оқушыларға үлгі болып, болашағын қалыптастыруына кішігірім үлес қоссақ та мақсатымыздың орындалғаны деп білеміз.</blockquote>– Тәжірибе алмасуға қаншалықты көңіл бөлесіз?<blockquote>– Тәжірибе алмасу, тәжірибеңмен бөлісу оқу үдерісінде үздіксіз жүріп отырады.&nbsp;Себебі онсыз мұғалім дамымайды. Өзім жас ұстаздардың қатарынан болғандықтан, бірлестікте әріптестерімнің әдістемелерінен сабақ алып, білгенімді ол кісілермен бөлісіп отырамын. Назарбаев Зияткерлік мектебінің тәжірибе таратуда орны ерекше. «Жас ұстаз: табысқа апарар жол» облыстық форумында өз тәжірибеммен бөліскен болатынмын. Әсіресе, жаңа, тың бағыттағы әдістерді әрбір мұғалім өз қоржынына қосуға асық. Сондықтан мен де даму үшін, өз біліктілігімді арттыру үшін тәжірибе алмасуға үнемі көңіл бөліп отырамын.</blockquote>– Бүгінде ұстаз мәртебесі артып, жалақы жайы оңалды. Сондықтан болар, мұғалім болуға талпынған талапкер саны көбеюде. Бұл үрдіс мамандық келешегіне қалай әсер етеді деп ойлайсыз?<blockquote>– Жалпы, ұстаздың қоғамдағы орны қашан да жоғары болған.&nbsp;Әрине, әлеуметтік жағдайдың жақсы болғаны, жастардың мұғалімдікті таңдауы қуантады. Десе де, материалдық құндылыққа басымдық беріп, осы саланы таңдаған талапкердің болашағы жарқын болады дегенге сену қиын. Өз мамандығын сүйіп, қыр-сырына қанықпайынша, оқушы алдында ұлағатты ұстаз бола алмайды. Соның әсерінен білімсіз ұрпақтың көбеюіне, ұстаздың мәртебесінің төмендеуіне өзіміз жол беріп қоюымыз әбден мүмкін. Сол себепті мұғалім болуға талаптанған жас өз қабілетін мамандығын толыққанды меңгеруге жұмсаса деймін. Бар мәселені білектің емес, білімнің күшімен шеше алатын ұрпақты тәрбиелеу – басты мақсат екенін ұмытпаған абзал.</blockquote>– Әңгімеңізге рақмет!

Гүлзат Шынтасова: Дәстүрлі әдістемені жоққа шығара алмаймыз

<a href="https://kyzylorda-news.kz/">Kyzylorda-news.kz.</a> &nbsp;Бүгінде денсаулығына қатысты шағым айтатын жандар қоғам өмірінде баршылық. Жекелеген диагноздарына қатысты ем-шара жүргізумен қатар науқастарға тегін медициналық кепілдік көлемі берілген шеңберінде тегін дәрі-дәрмек тағайындалатыны жасырын емес. Өз кезегінде Сырдария аудандық ауруханасының мамандарымен жолығып, аталған мәселеге қатысты жан-жақты пікірлескен едік.Негізінен, мемлекет тарапынан бөлінетін тегін дәрі-дәрмек диспансерлік есепте тұратын науқасқа берілетіні анық. Өз кезегінде&nbsp; белгіленген санат бойынша дәрі-дәрмек берілетін науқастардың диагнозын нақтылап алуды жөн көрген болатынбыз. Созылмалы дерті бар жандар&nbsp; аймақтық дәрігердің нұсқауымен тегін медициналық көмектің кепілдендірілген көлеміне қол жеткізе алады. Бұл ретте, аудандық емхананың «Жалпы тәжірибелік» бөлімінің меңгерушісі Ақтоты Жақсылықова тегін дәрі-дәрмектің берілу тәртібі мен дәрігерлік есепте тұратын азаматтардың диагнозына шолу жасап, толықтай мәлімет берді.– Жалпы, жергілікті халық тегін дәрі-дәрмекті тұрақты түрде аймақтық дәрігерге тексерілу арқылы алып келеді. ҚРДСМ&nbsp;05.08.2021 жылдың №75 бұйрығына сәйкес, аудандық емханада жекелеген нозология бойынша амбулаториялық деңгейде тегін дәрі-дәрмек науқасқа беріледі. Бұл ретте, артериалдық гипертензия, жүректің ишемиялық аурулары, аритмия, созылмалы жүрек жеткіліксіздігі, бронхиалды астма, созылмалы обструктивті бронхит, қант диабеті, ревматоидты артрит, глаукома, эпилепсия, эндокринді секілді ауруларға дәрі тағайындалып келеді. Сонымен қатар ерте жастағы баладағы рахиттің алдын алу үшін ДЗ тамшылары, антианемиялық дәрілер, негізгі&nbsp; көрсеткішіне қарай жасанды сүт қоспасын көпшілік ала алады. Өз кезегінде&nbsp; аудан көлемінде ағза алмастырған 3 науқасқа&nbsp; ай сайын жеткілікті деңгейде дәрі-дәрмек үйлестірілуге мүдделеміз. Тағы бір айта кететін жайт, асқазан, 12 елі ішек ойық жара сырқаты бар науқастар ауруының өршу &nbsp;кезеңіңде тегін дәріні тұтынып келеді. Ал соңғы 2 жыл көлемінде туу жасындағы әйелдерге жатыр мойны эндометриоз аурулары анықталған жағдайда біздің тарапымыздан арнайы көмек ұсынылады, – деді бөлім меңгерушісі.Аудан көлемінде 21 дәрігерлік аймаққа&nbsp;қарасты 4000-ға жуық адам тегін дәрі-дәрмекке қол жеткізуде. Бір ғана артериалды гипертензиямен дәрігерлік есепте тұратын 3552 науқастың 60-70 пайызға жуығы медициналық көмекке жүгінеді. Өз кезегінде жыл басынан дәрі-дәрмек алудың&nbsp; негізгі қағидатына сүйене отырып, тиісті жұмыстар атқарылған. Аудандық аурухананың дәріхана меңгерушісі, провизор Бақыт Шакирова осы бағытқа байланысты биыл қаралған қаражат көлемі мен жұмыс барысын таразылап айтып берді.– Жыл басынан бері жергілікті халықтың сұранысын қанағаттандыру мақсатында тегін дәрі-дәрмекті сатып алу жұмысы жүргізілді. Негізінен, ТМККК шеңберінде 2024 жылы 253 175 534,80 теңгеге,&nbsp;МӘМС ересектер санаты негізінде&nbsp; 2 425 997,88 теңгеге, МӘМС балалар санаты бойынша 10 303 713,24 теңгеге дәрі-дәрмек алу үшін біріңғай дистрибьютор СК Фармация ЖШС-не өтінім берілді. Дәрілік тауарлар кестеге сәйкес ай сайын жеткізіледі. Қаңтар айының дәрі-дәрмек қоры қоймада бар. Қажеттілікке сай дәрі-дәрмекті аудан тұрғындары&nbsp; аймақтық дәрігердің нұсқауымен&nbsp; уақытылы алуына болады, – деді дәріхана меңгерушісі.Фото: Нұрболат Нұржаубай

Сырдарияда тегін  дәрі дәрмек тұрғындарға үйлестірілуде

&nbsp;<a href="https://kyzylorda-news.kz/">Kyzylorda-news.kz.</a> Аудан орталығынан шалғайда орналасқан Айдарлы ауылында 50 жылдан бері балалар мен жастарға арналған спорттық үйірмелер ашылмаған.Өз кезегінде аудандық мәслихат депутаты, Ғафурдин Жанұзақов атындағы ауылдық клуб үйінің директоры Анар Қалдыбаеваның демеушілігімен 2023 жылдың қараша айынан бастап, «Нұр-сәби» балабақшасының ескі ғимаратын спорт залға лайықтандыру үшін күрделі жөндеу жұмыстары жүргізіліп, бүгін ашылу рәсімі өтті.Спорт зал ашылуына Сырдария ауданы әкімінің орынбасары Талғат Нұртазаев, аудандық мәслихат депутаты Ақтөре Ибрагимұлы арнайы келіп қатысты.– Бүгін ел-халықтың қуанышын көріп, марқайып отырмыз. Аудан орталығынан шалғайда орналасқан Айдарлы ауылында жаңа спорт залының пайдалануға берілуі – керемет. Шын мәнінде, ауыл балалары&nbsp; алдағы уақытта спортпен тұрақты түрде шұғылданатын болады. Ауданның, облыстың намасын қорғайды леп сенеміз, – деді аудан әкімі менің орынбасары.&nbsp;Бүгінде жаңа спорт зал шахмат, еркін күрес, теннис үйірмесіне лайықтандырылды.Спорт залға аудандық мәдениет және спорт бөлімінің басшысы Бағдат Есеновтің қолдауымен 55 татами әкелінді. Сонымен бірге 300 мың теңгеге татамиге төселетін төсеніш тіктірілді. Шахмат бөлмесіне арнайы 7 дана парта сатып алынды. Айдарлы ауылының халқы спорт залды жабдықтау үшін 169 мың теңге қаражат жинап берді. Бұл ретте, 10 терезеге жалюзи тіктірілді. Едендерге арнайы төсеніштер алынған болатын.Қазіргі уақытта спорт залда 1 еркін күрес жаттықтырушысы, 1 тәрбиеші, 1 медбике, 1 еден жуушы, 1 аула сыпырушы жұмыс жасауда.&nbsp;Шахмат пен теннис үйірмесін №139 орта мектептің дене шынықтыру пәнінің мұғалімдері жүргізеді.&nbsp;Ал еркін күрестен балаларға жаттықтырушы Болат Мәмбетов дәріс береді. Ғимараттың бір бұрышынан қол өнер шебері Салтанат Абдраманова жетекшілік жасайтын тектілігі төл бойынан табылған асыл аналар клубы ашылды. Аудандық мәдениет және спорт бөлімінің басшысы Бағдат Есеновпен бастамасымен алдағы уақытта дзюдо үйірмесін ашу жоспарлануда.&nbsp;&nbsp;

Айдарлыда спорт залы ашылды 

<a href="https://kyzylorda-news.kz/">Kyzylorda-news.kz.</a>&nbsp; Тереңөзек кентінде жоба құны 204,5 млн.теңгені құрайтын Ғ.Мұратбаев көшесі, Ш.Құндызбаев көшесі, О.Абдулпаттаев көшесі, Тоғанас батыр көшесі, Қазақ көшесі, И.Тоқтыбаев көшесі бойындағы су құбыры желісінің құрылысы» бойынша 2023 жылға құрылыс жұмыстарын бастауға республикалық және облыстық бюджеттен 101,6 млн.теңге қаржы бөлініп, «Жаңарту» ЖШС-мен құрылыс жұмыстары жүргізіліп келеді.&nbsp; 2024 жылға құрылыс жұмыстарын аяқтауға 87,5 млн. теңге қаржы бөлінді. Ауыз су құбырының жалпы ұзындығы – 3396 метрді құрайды Қазіргі уақытта құрылыс жұмысы қарқынды жүргізілуде. Мердігер мекемелер су тарту жүйесін уақытылы және сапалы орындауға үлес қосуда. Аталған жұмыстар аудан әкімі Берік Сәрменбаевтың тікелей бақылауында.&nbsp; Сонымен қатар, жоба құны 103,4 млн. теңгені құрайтын «Тереңөзек кентінің А.Құнанбаев көшесі, Жамбыл көшесі, Жеңістің 50 жылдығы көшесі, А.Алиакбаров көшесі бойындағы су құбыры желісінің құрылысы» бойынша 2023 жылға құрылыс жұмыстарына республикалық және облыстық бюджеттен 76,0 млн. теңге қаржы бөлініп, «Жаңарту» ЖШС-мен құрылыс жұмыстары жүргізілді және 2024 жылға құрылыс жұмыстарын аяқтауға 20,9 млн. теңге бөлінді.&nbsp; Барлық жұмыстар ағымдағы жылы толық аяқталып, пайдалануға берілетін болады.&nbsp; &nbsp;

Сырдарияда ауыз су жүйелері жаңартылуда

<a href="https://kyzylorda-news.kz/">Kyzylorda-news.kz</a>&nbsp; Қоғам пікірін дөп басу, айтылған сынды түзегуге септесу &nbsp;–депутатқа артылған жүктің бірі. Халықтардың қалаулысы аталған бағытта жұмыс жасау арқылы мемлекеттің дамуына, жергілікті биліктің тиімді жұмыс істеуіне септесері анық. Сыр өңірінде де жемісті нәтиже көрсетіп, әлеуметтік мәселені көтеруде белсенді жас депутаттар аз емес. Аудандық «Тіршілік тынысы» газетінің редакторы, Сырдария аудандық мәслихатының депутаты Ақтөре Ибрагимұлы сол белсенді азамат қатарында. Жуырда депутатпен сұхбаттасып, өзекті мәселелер&nbsp;төңірегінде ой-пікірін білген едік.– Ақтөре Ибрагимұлы, қоғам үшін маңызды әлеуметтік мәселелерді шешуде депутаттық мандаттың нендей көмегі бар деп ойлайсыз?<blockquote>– Бұл сұраққа жауап беру үшін, әуелі депутат ұғымының анықтамасы қандай екеніне тоқталу керек шығар. Меніңше, депутат – халық сенім білдірген және өзі де белсенді жұмыс істеуге ынталы адам. Сондықтан мандат иесі үшін сенім, оның ішінде халықтың сенімі маңызды рөл атқарады.Өзіңізге белгілі, депутаттардың жұмысы заңмен реттеледі. Құқығымен қатар міндеттері де бар. Сырдария аудандық мәслихатының VII және VIII шақырылымдағы депутаты ретінде бірнеше жылдық тәжірибеме сүйеніп, депутаттық мандатқа ие болу&nbsp; үлкен жауапкершілік жүктейтінін айтқым келеді. Мен депутаттық мандатымды – сайлауалды бағдарламада айқындалған жоспарлар мен халық алдында берілген уәделерді орындау үшін берілген мүмкіндік деп есептеймін. Бұл бағытта аянып қалып жатқан жоқпыз. Аудандық мәслихаттағы әріптестерімізбен бірге түрлі мәселелерді көтеріп, тұрақты комиссия отырыстары мен сессияларда ұсыныстар айтып, пікір білдіріп, депутаттық сауалдар жолдап келеміз. Жергілікті атқарушы орган біз ұсынған мәселелердің бірде бірін назардан тыс қалдырған емес. Мұны атқарушы орган мен өкілді орган арасындағы үйлесімді әріптестік байланыстың көрінісі деуге болады.</blockquote>– Қызметтік сапармен&nbsp; ауылдарды жиі аралайсыз, тұрғындармен тілдесесіз. Ауыл тұрғындарының басты мәселесі қандай? Ауылдағы ағайынға ең керегі қандай көмек?<blockquote>– Мемлекет басшысының саяси реформаларының іске аса бастағанының нәтижесінде бұл жолғы мәслихат депутаттарының сайлауы ерекшелікке толы болды. Біз өткен шақырылымда праймериз арқылы сайлансақ, бұл жолы бір мандатты сайлау округінен сайлауға түстік. Яғни, әр сайлау округінде белгіленген көшелер болады. Сол көшелердің тұрғындары ғана дауыс береді. Мен Тереңөзек кентінің №3 сайлау округінен түстім. Нақтырақ айтқанда, Тереңөзек кентінің Ғ.Мұратбаев, Сырдария, М.Әуезов, И.Тоқтыбаев, Ә.Молдағұлова, М.Мәметова, К.Байсейітова, Д.Керейтбаев, Қ.Дәдікбаев, С.Усабаев, О.Әбілпаттаев, Тоғанас батыр, А.Оразбаева, Қ.Қазантаев, Ш.Құндызбаев, Қ.Асанов көшелері мен тұйықтарының тұрғындары дауыс берді. Яғни, менің сайлауалды бағдарламам осы аумақтың, осы көшелердің мәселелерін шешуге арналды.Жеке және заңды тұлғалардың өкілдеріне арналған қабылдауымда тұрғындар бірінші кезекте жол жөндеу жұмыстарын жүргізу, «Майжарма» каналын абаттандыруды, балалар ойын алаңын салу, көркейту-көгалдандыру, жұмысқа орналасу және кәсіпкерлікті дамыту бағытындағы түрлі мәселелер көтереді. Оны шешу жолын екіге бөліп қарастырамын. Біріншісі – жергілікті жерде шешілетін мәселелер. Оны аудан әкіміне ұсынып, тиісті бөлім, мекемелермен зерделеп шешеміз. Екіншісі – ауданның мүмкіндігі жетпейтін, көп қаржы талап ететін мәселелер. Оны облыстық мәслихаттың депутаттарымен, облыстық басқарма, департамент басшыларының ауданға жасаған жұмыс сапарларында кездесу арқылы шешіп келеміз. Жалпы, қазір тұрғындар үшін аса өзекті мәселелер жұмыссыздық пен кәсіпкерлік саласын дамыту бағытында мемлекеттік қолдау шаралары.</blockquote>– Өзіңіз басылым редакторысыз. Өзекті мәселені газет бетіне жариялауда қалыс қалған кезіңіз жоқ. Депутаттық міндеттің бір ұстыны да – мәселені тиісті органға жеткізе білу. Екі саланың өзге қандай ортақ тұсы бар?<blockquote>– Журналистика қай кезеңде де саясаттан тысқары болған емес.&nbsp;Сондықтан да журналистердің біразы саясатта төбе көрсетіп келеді. Бұл бұрыннан бар үрдіс, қазір де жалғасып келеді. Өйткені, екі саланың ұқсастығы көп. Мен де бірінші журналист ретінде танылып, халықпен тығыз байланыс орнатып, ашықтық, жариялылық қағидатын жұмысымның басты негізі еттім. Кейін сол белсенді еңбегім депутаттық қызметпен ұштасты.Ел тарихында депутат болып сайланып, халыққа көп көмегін тигізген журналистер аз емес. Журналист-депутаттың басқа депутаттан жөні бөлек. Себебі журналист-депутат өзіне сенім білдірген халықтың жайына басқалардан бетер алаңдайды. Оның дәлелі – кешегі Ш.Мұртаза, Ф.Оңғарсынова, М.Шаханов, Ж.Сүлейменов, Қ.Сұлтанов, секілді қабырғалы қаламгерлердің еңбегі. Журналист-депутаттар өз ұсыныстарын тек айтып қана шектелмейді, оны&nbsp;сараптап жазып, зерттеулер жүргізеді, шығармаларына арқау етеді. Сондықтан депутат&nbsp;та, журналист те – халық пен билік арасындағы алтын көпір. Ал, Сыр өңірінде депутаттық міндетін адал атқара білген Ш.Әбдікәрімов, А.Оңғарбаев, С.Бихожа секілді аға-апаларымыздан үлгі алсақ&nbsp;болады.</blockquote>– Депутатқа деген халық сенімі туралы не айтар едіңіз? Депутаттар «сенім лимитін» қаншалықты тиімді пайдалануда?<blockquote>– Бұл сұрақ депутаттардан гөрі сайлаушыларға бағытталғаны дұрыс секілді. Өйткені, депутаттардың тәжірибесі, еңбек ету қабілеті, белсенділігі, жұмыс өнімділігі бірдей емес. Әрқайсысы түрлі саланың өкілі. Сондықтан сенім лимитін қай депутат қаншалықты ақтап жүргеніне халық баға беруі қажет. Халықтың ұсынысы, тілегі орындалса, сайлауалды бағдарлама уақытылы жүзеге асса, сол сенім лимиттің ақталғаны деп білемін. «Халық айтса, қалт айтпайды» демекші, халықтан асқан сыншы да, әділ таразы да жоқ. Сондықтан әріптестерімнің халық сенімін ақтау жолындағы еңбегіне сәттілік тілеймін.</blockquote>– Жастардың белсенділікке, еріктілікке ұмтылысына қандай баға берер едіңіз?<blockquote>– Сырдариялық жастар түрлі салада белсенді еңбек етіп жүр. Олардың белсенділігі елімізде пандемия болғанда көрінді. Еріктілер індет жұқтырған халыққа жан-жақты көмек көрсетіп, көптің алғысына бөленді. Сонымен қатар, ауданда жалғызбасты жандарға, көпбалалы отбасыларға, мүмкіндігі шектеулі адамдарға, төтенше жағдайға түскен отбасыларға көмек көрсету жұмыстары да жүргізілуде. Осы тұста, ауданда құрылған жастар бригадасының қолдауын атап айту қажет. Мәселен, Айдарлы ауылындағы жастар бригадасы елді мекенде тұрғын үй салып беруді жүзеге асырды. Бұл жұмыстарға «Жастар рухы» жастар қанатының белсенділері де атсалысуда. Түйіндей айтқанда, ерікті болу – жүректің ісі. Сондықтан волонтерлік жастардың өмір салтына айналуы керек деп есептеймін.</blockquote>– Әңгімеңізге рақмет!

Қазақстан және Қызылорда облысының жаңалықтары