<a href="https://kyzylorda-news.kz/">Kyzylorda-news.kz</a>&nbsp; &nbsp; Президент Қасым-Жомарт Тоқаев Ұлттық құрылтайдың үшінші отырысында сөйлеген сөзінде ақпараттық технологияның пайдалы жағын алып, зиянды жағынан сақ болу керек екенін ескертті.&nbsp;<blockquote>«Тек ақпараттық технологияның пайдалы жағын алып, зиянды жағынан сақ болған жөн. Ашығын айтсақ,&nbsp; бала тәрбиесіне теріс ықпал етіп жатыр. Бұл – өкінішке қарай, ақиқат. Балалар түгілі, ата-аналар да әлеуметтік желідегі мағынасыз контентке тым әуес. Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз. Тәуелсіздік кезеңінде елімізде кітапхана ісі кенжелеп қалды. Тоқсаныншы жылдардағы аласапыран уақытта мыңдаған кітапхана жабылды. Миллиондаған кітап қорынан айырылдық. Соңғы жылдары жағдайды түзеу үшін әрекет жасалып жатыр. Кітапхана – мемлекеттің, ұлттың негізгі жады. Еліміз үшін құнды тарихи деректер мен материалдардың дені кітапханада сақталады. Сондықтан кітапхана ісін дамытуға бей-жай қарауға болмайды. Кітап оқырманға қолжетімді болуы керек. Өздеріңізге мәлім, мен былтыр Түркістанда өткен құрылтайда елімізде тәулік бойы жұмыс істейтін заманауи кітапхана салу туралы айттым. Ондай кітапханалар көптеген елде бар. Менің тапсырмаммен Алматыда және Астанада көп ұзамай осындай тамаша ғимараттар бой көтермек. Жалпы бұл саланы жетілдіру үшін басқа да ауқымды шараларды қолға алу қажет», - деді Қасым-Жомарт Тоқаев.&nbsp;</blockquote>Өз кезегінде Президент депутаттардың Ұлттық кітап күнін белгілеу туралы ұсынысын қолдайтынын жеткізді.&nbsp;<blockquote>«Алматыда кейбір кітапханалар заман талабына сай жаңғыртылды. Онда жастардың шығармашылықпен айналысып, білімін ұштауына толық мүмкіндік бар. Облыс әкімдері осы жақсы тәжірибені жалғастыруы керек. Кітапқұмарлық – жақсы қасиет. Мысалы, көптеген мемлекет Ұлттық кітап күнін атап өтеді. Бөріхан Нұрмұхамедов, Айдос Сарым, Данияр Әшімбаев бастаған құрылтай мүшелері осындай бастама көтерді. Мен олардың Ұлттық кітап күнін белгілеу туралы ұсынысын қолдаймын. Бірақ оны мазмұнды етіп өткізу қажет. Мысалы, түрлі іс-шаралар ұйымдастырып, арнайы жәрмеңкелер өткізу қажет. Шын мәнінде, озық ойлы ұлт болудың ең төте жолы – кітап оқу. Сондықтан кітап оқу мәдениетін қоғамда барынша орнықтыруымыз керек», - деді Мемлекет басшысы».&nbsp;</blockquote>Фото: avdet.org

Президент интернетті талғамсыз пайдалану бала тәрбиесіне кері әсер ететінін айтты

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен Ж.Қизатов атындағы №23 мектеп-лицейінде «Біртұтас тәрбие бағдарламасы: Ұлттық тәрбие-ел болашағы» тақырыбында қалалық семинар өтті.&nbsp;Бұл алқалы басқосуға Қызылорда қаласы бойынша білім бөлімінің бас маманы Самат Алашбайұлы, қала мектептерінің директорларының тәрбие ісі жөніндегі орынбасарлары мен сынып жетекшілері және мектеп психологтары қатысты.&nbsp;Қалалық білім бөлімі тәрбие бөлімінің бас маманы Күнқожаев Самат Алашбайұлы: Тәрбие – ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Дәл осы өскелең ұрпағымыз ұлттың сапасын құрайды. Сондықтан да қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу маңызды. Ұрпақ тәрбиесіне барлығымыз жауаптымыз, - деп өз пікірін білдірді.Семинар барысында «Төрт тоқсан төрт өнер» жобасы аясында «Ұлттық өнер» көрмесі, «Ұлттық тағамдар» көрмесі, «Ата-аналарды педагогикалық қолдау орталығы» кабинетінің ашылу салтанаты, «Тоғыз айға тоғыз іс-шара жобасы» аясында Ұлттық аспаптар оркестрінің өнері, «Әлем балалар көзімен» сурет көрмесі, «Ерлікке тағзым» Жәлел Қизатов мұражайының таныстырылымы, «Өзін-өзі басқару»мектеп парламенті және Жас Ұлан ұйымы жұмыстары, кофе-брейк сергіту сәттері ұйымдастырылды.&nbsp;Ал мектеп театры жобасында «Сахналық қойылымдар арқылы оқушыларды жан-жақты тәрбиелеу және тұлға қалыптастыру» тақырыбы сараланды. Сонымен қатар «Ұлттық лига жобасы» бойынша волейбол спорт түрінен шеберлік сағаты өткізілсе, «Төрт тоқсан – төрт өнер» жобасы аясында «Ұлттық спорт – ұлттық құндылықтарымыз» асық ату және бес асық ойындарын насихаттау, «Оқуға құштар мектеп» жобасы аясында «Кітап оқуды дамыту:әдістер мен идеялар» тақырыбы қамтылды.&nbsp;Өскелең ұрпаққа саналы тәрбие беру бағытындағы жаңашыл жоспарлар қызу талқыланып, сарапшы мамандар тарапынан пайымды пікірлер мен ұтымды ұсыныстар айтылды.

«Ұлттық тәрбие – ел болашағы» тақырыбында қалалық семинар өтті

Соңғы кезде ата-бабасының, жерлесінің есімін ұлықтауды сұрап, ұжымдық хат жазу әдетке айналып барады. Мұндай ұстанымдар еліміздің біртұтас идеологиялық кеңістігіне зиян келтіреді. Бұл туралы Мемлекет басшысы Қасым-Жомарт Тоқаевтың Ұлттық құрылтайдың үшінші отырысындағы сөзінде айтты, деп хабарлайды Ақорданың баспасөз қызметі.&nbsp;<blockquote>«Әрбір қазақ ата-бабасын құрметтейді, рухына тағзым етеді. Сондықтан, шежіре біздің мәдени кодымыздың ажырамас бөлігіне айналған. Бірақ біз тек қана осы түсінікпен шектеліп қалмауымыз қажет. Ең бастысы, бұл мәселені ешқашан саясатпен араластыруға болмайды. Соңғы кезде ата-бабасының, жерлесінің есімін ұлықтауды сұрап, ұжымдық хат жазу әдетке айналып барады. Атасына ескерткіш қоюды, көшеге атын беруді өтінетіндер көбейді. Бұл&nbsp;— жағымсыз жағдай. Мұндай ұстанымдар еліміздің біртұтас идеологиялық кеңістігіне зиян келтіреді. Ұрпақ тәрбиесіне кесірін тигізеді. Тіпті, шетелде бізді көне заманға және кеңестік кезеңге қатысты монументтер қаптаған „Ескерткіштер елі“ деп айтатын болды»,&nbsp;— деді ҚР Президенті. Сондай-ақ, Мемлекет басшысы ономастика саласында белгілі тарихи тұлғалармен қатар, жалпыұлттық құндылықтар да&nbsp;назардан тыс қалмауға тиіс екенін атап өтті.</blockquote>«Тәуелсіздік, Республика, Бірлік сияқты мемлекеттілігіміздің басты тұғыры саналатын негізгі ұғымдарға баса мән беру керек. Елдігімізді сақтаймыз, мықты мемлекет боламыз десек, осының бәрін естен шығармаған абзал.&nbsp;«Шын мәнінде, жеке мүддесін емес, ел мүддесін бәрінен биік қоятын азаматтар ұрпаққа үлгі болуы қажет. Әсіресе, қазіргі геосаяси жағдайда бұл міндет аса маңызды екенін ұмытпаған жөн», — деді Қасым-Жомарт Тоқаев.Осы орайда, Президент әйгілі қаламгер, көрнекті мемлекет қайраткері Әбіш Кекілбаевты айрықша атап өтті.<blockquote>"Ол – руханият саласында, мемлекеттік қызметте ерекше қолтаңбасын қалдырған біртуар тұлға, классик жазушы. Мен Әбекеңмен қызметтес болдым, жақын араластым. Әбіш Кекілбайұлы нағыз тау тұлғалы азамат еді. Ол ішкі мәдениеті өте жоғары жан болатын. Ешқашан біреуді біреуге қарсы қоймайтын, бәріне сүйіспеншілікпен қарайтын. Әр аймақтан өзіне сәлем беруге келген азаматтарға есігі қашанда айқара ашық еді. Онымен тілдескен адамдар рухтанып, қанаттанып шығатын. Әбекең ұсақ-түйек әңгімеге берілмейтін, жалпы адамзатқа ортақ мәселелер туралы ойланып, толғанатын. Бір сөзбен айтсақ, Әбіш Кекілбаев нағыз зиялы адам, кемеңгер тұлға болды. Сондай-ақ бүгін ортамызда Құрылтай мүшесі, аса көрнекті мәдениет қайраткері, Қазақстанның Еңбек Ері Ілия Жақанов отыр. Ілекең де – нағыз мемлекетшіл тұлға, зиялы қауым ішіндегі аса беделді ағамыз. Әрдайым салмақты ой, салиқалы пікірімен елге сыйлы болып жүрген ардақты азамат. Біз халқымыздың осындай перзенттерін, олардың өмір жолын жан-жақты дәріптеуіміз керек, лайықты құрмет көрсетуіміз қажет», - деді Мемлекет басшысы.&nbsp;</blockquote>Фото: Ақорда

Ата-бабасын ұлықтауды сұрап ұжымдық хат жазу әдетке айналып барады - Президент

Атырауда Президенттің төрағалығымен Ұлттық құрылтайдың үшінші отырысы өтіп жатыр, деп жазады &nbsp;<a href="https://egemen.kz/">Egemen.kz</a>.Президент өз сөзін Атырау облысының тарихи мәні мен стратегиялық маңызын түсіндіруден бастады.«Ұлы Жібек Жолының бойында тұрған қала бір кездері айрықша геостратегиялық рөл атқарған. Батыс пен Шығыстың экономикалық, саяси, мәдени қарым-қатынасына ерекше ықпал еткен. Атақты хандарымыз осы жерге ордасын тігіп, ел билеген. Бірқатары Сарайшықта мәңгілік мекенін тапқан. Тарихшылардың пайымдауынша, Қазақ хандығын қуатты мемлекетке айналдырған Қасым хан осында жерленген. Бір сөзбен айтсақ, Сарайшық – төл шежіремізде айрықша орны бар киелі шаһар», деді Қасым-Жомарт Тоқаев.Мемлекет басшысы Ұлттық құрылтай жиындарында түйіткілді мәселелер көтеріліп, шешімін табу жолында іс атқарылып жатқанын атап өтті. Ұлт болу жолында ұлттық құндылықтар жүйесін қалыптастыруға назар аударды.«Құрылтай – ешқашан той тойлап, әңгіме-дүкен құратын жиын болған емес, келешекте де ондай болмайды. Алдыңғы екі отырыста елімізді дамытуға қатысты маңызды бастамалар көтерілді. Оның біразы орындалды. Жалпы өзгерістер барлық салада болып жатыр», деді Президент.Фото: Ақорда

Құрылтай – той тойлап, әңгіме-дүкен құратын жиын болған емес - Президент

<a href="https://kyzylorda-news.kz/">Kyzylorda-news.kz</a>&nbsp;Бүгін Қызылорда облыстық қоғамдық даму басқармасының «Қоғамдық келісім» КММ және "Арнаулы әлеуметтік қызметтер көрсету балалар орталығы” мекемесінің ұйымдастыруымен Талсуат оңалту орталығындағы ерекше жандарға арналған «Қош келдің, әз Наурыз!» атты қайырымдылық іс-шарасы өтті.Іс-шараны облыстық қоғамдық даму басқармасының «Қоғамдық келісім» КММ директоры Бақытжан Камалов пен облыстық Қазақстан халқы ассамблеясының жанынан құрылған волонтерлар орталығының белсенді мүшесі Ғани Бұрханов ашып, Ұлыстың ұлы күні мерекесімен құттықтады. Орталықта ем алушы жандарға мықты денсаулық, дертіне шипа беріп, қалыпты өмір дағдыларына оралуына тілегін білдірді.Мерекелік іс-шара қазақтың салт-дәстүріне сай орталықта ем алушы екі егіз баланың тұсау кесер рәсімімен басталды. Егіздердің тұсауын “Қоғамдық келісім” КММ директоры Бақытжан Камалов пен Талсуат оңалту орталығының директоры Ерлан Қалымбетов кесіп, «Қадамы оң болып, жолдары ашық болсын!» деп ақ тілектерін жаудырды. Айта кететіні, егіздер Ринат пен Санат Сайран 2016 жылдан бастап осы орталықта ем алып жүр. Олар орталықтағы емін аяқтап, енді үлкен өмірге қадам баспақшы. Осы ретте егіздердің ата-аналары барша орталықтың ұжымы мен қолдау білдірген кәсіпкерлерге аналық алғысын жаудырды.Мұнан соң ұлттық ойындардан тартысты сайыс басталды. Ем алушы жеткіншектер Теңге алу, Асық ату, Қол күрес, Садақ ату, Арқан тарту сайыстарына бірге белсенді қатысты.Қайырымдылық іс-шараға облыстық Қазақстан халқы ассамблеясының жанынан құрылған волонтерларорталығының белсенді мүшесі Ғани Бұрханов қолдау білдірді. Жеңімпаздар мен барлық қатысушыларға денені шынықтыруға арналған спорттық заттарды сыйға тартты. Сондай-ақ, «Қоғамдық келісім» КММ директоры атынан дипломдар табысталды.Ал, Талсуат оңалту орталығының директоры Ерлан Қалымбетов қайырымдылық шараны қорытындылап, бірлесіп атқарылған игі жұмыстар үшін “Қоғамдық келісім” КММ директоры Бақытжан Камалов пен Волонтерлар орталығының үйлестірушісі, «Қоғамдық келісім» КММ аға сарапшысы Нұргүл Ақсақаловаға ризашылығын білдіріп, Алғыс хат табыстады.<img src="https://knadmin.beoblood.kz/uploads/431904063_3695961740722979_8405718612385088109_n_1d6cbee5fa.jpg" alt="431904063_3695961740722979_8405718612385088109_n.jpg"><img src="https://knadmin.beoblood.kz/uploads/432654304_3695961777389642_8207077427942407454_n_94bf936e60.jpg" alt="432654304_3695961777389642_8207077427942407454_n.jpg">

«Қош келдің, әз Наурыз!» қайырымдылық іс-шарасы өтті

<a href="https://kyzylorda-news.kz/ru">Kyzylorda-news.kz</a> &nbsp; &nbsp;Атырауда Ұлттық құрылтайдың үшінші жиыны басталды. Оған Президент Қасым-Жомарт Тоқаев және құрылтай мүшелері қатысып отыр деп хабарлайды <a href="https://kaz.inform.kz/news/atirauda-ulttik-kuriltaydin-ushnsh-zhiini-bastaldi-0970bb/">kaz.inform.kz.</a>&nbsp;Бұған дейін құрылтайдың алғашқы жиыны ұлт ұясы - Ұлытауда өтті. Былтыр түркі әлемінің алтын бесігі Түркістанда жалғасқан еді.Фото: Сарайшық музей-қорығы

Атырауда Ұлттық құрылтайдың үшінші жиыны басталды

&nbsp;Бүгін Атырауда Ұлттық құрылтайдың үшінші отырысы шеңберінде жұмыс секцияларының мәслихаттары өтті <a href="kaz.inform.kz">kaz.inform.kz</a> хабарлады.Түске дейін ҚР Президентінің көмекшісі Руслан Желдібайдың модераторлық етуімен «Азаматтық қоғам» секциясы, сондай-ақ Мәдениет және ақпарат министрі Аида Балаеваның модераторлығымен «Мәдениет. Өнер. Руханият» секциясы жұмыс істеді.Ал түстен кейін Премьер-Министрдің орынбасары Тамара Дүйсенованың жетекшілігімен «Әлеуметтік-экономикалық және аймақтық даму» секциясының, Ғылым және жоғары білім министрі Саясат Нұрбектің модераторлық жасауымен «Білім және ғылым» секциясының отырысы өтті.Жалпы алғанда, төрт секцияның жұмысында Ұлттық құрылтайдың 70-ке жуық мүшесі сөз сөйлеп, 100-ден аса ұсыныс пен бастама көтерілді.Секцияларда айтылған ұсыныстардың басым бөлігі қоғам бірлігін одан әрі нығайтуға, жалпыұлттық құндылықтарды дәріптеуге, елдің ғылыми әлеуетін көтеруге, мәдениет саласын қолдауға, жергілікті өзін-өзі басқару жүйесін дамытуға, көші-қон мәселесін реттеуге және қоғамдағы өзге де өзекті мәселелерге қатысты жасалды.Ұлттық құрылтай мүшелерінің мұндай белсенді қызметі аталған азаматтық институттың қоғам мен мемлекет арасында тиімді диалог алаңына айналғанын көрсетеді.Фото: Ақорда

Ұлттық құрылтай: жұмыс секцияларының мәслихаттарында қандай мәселелер қаралды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы әкімі Жандос Еркінбектің төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі және құқық бұзушылық профилактикасы жөніндегі ведомствоаралық комиссия отырыстары өткізілді.Қармақшы ауданы әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырысында 2 мәселе қаралды. Аудандық тұрғын үй-коммуналдық шаруашылық, жолаушылар көлігі және автомобиль жолдар бөлімі бойынша сыбайлас жемқорлыққа қарсы іс-қимыл бағытындағы атқарған шаралар туралы Рустам Ефенов, аудандық құрылыс, сәулет және қала құрылысы бөлімі бойынша сыбайлас жемқорлыққа қарсы іс-қимыл бағытында атқарған шаралар туралы Ербол Исаев баяндама жасады.Комиссия мүшелері баяндамашыларға күн тәртібіндегі мәселелер бойынша сұрақтар қойып, сала бойынша атқарылып жатқан жұмыстарды пысықтады.Аудан әкімдігі жанындағы құқық бұзушылық профилактикасы жөніндегі ведомствоаралық комиссия отырысында 3 мәселе қаралды. Аудан көлемінде қылмыстардың және топтық төбелес қылмыстық құқық бұзушылықтың алдын алу жұмыстарының барысы, мүліктік қылмыстар, оның ішінде алаяқтық қылмыстарға және өткен жылы өсім алған қылмыс түрлеріне терең талдау жасап, оларды болдырмауға бағытталған жұмыстар, есірткінің заңсыз айналымына қатысты қылмыстарды, есірткіні тасымалдау жөнелту жолдарын анықтау және заңсыз есірткі алқаптарын еккен тұлғаларды анықтау жұмыстары туралы Аудандық полиция бөлімі бастығының міндетін атқарушы Мерей Өмірбекұлы баяндама жасады.Комиссия мүшелері баяндамашыны толық тындап, атқарылып жатқан жұмыстарды күшейтуді тапсырды. Қармақы ауданы әкімі Жандос Еркінбек күн тәртібінде көтерілген мәселелер өзекті екенін жеткізіп, тиісті сала басшыларына бірқатар тапсырмалар жүктеді.

Қармақшы: Кезекті комиссия отырысы өткізілді

&nbsp; <a href="https://kyzylorda-news.kz/">Kyzylorda-news.kz</a>&nbsp; Кеше 14 наурыз – көрісу күніне орай «Амал» мерекесі қала көлемінде тойланды. Соның бірі – А.Тоқмағамбетов атындағы мәдениет үйінің жанындағы «Достық» аллеясында өтті.&nbsp; Аллея аумағы Наурыз нақыштарымен безендіріліп, мерекеге сай ажарлана түсті. Киіз үй тігіліп, келушілерге ұлттық дәм ұсынылды. Жігерлі жігіттер арасында ұлттық ойындардан сайыс ұйымдастырылды. Кимешек киген кейуаналар мен ұлттық киімі жарасқан жастар сызылта ән салса, жиналған жұрт ұйымшылдықпен тал отырғызды.&nbsp; Көпшілікпен бірге қала әкімі Серік Қожаниязов шараға қатысып, Амал мерекесімен құттықтады. «Ұлт ойшылы Мәшһүр Жүсіптің өзі 14-ші наурызды көктемнің алғашқы күні деп, «Наурызнама» мейрамының тойлануын жазған. Бізде де биылғы жылы еліміз бойынша 14-23 наурыз аралығында Наурызнаманың онкүндігі аталып өтіледі. Осы уақыт аралығында әр күнге ерекше атау беріліп, салт-дәстүріміз, әдет-ғұрпымыз жан-жақты дәріптеледі және ол дәстүрге айналады. Міне, бүгін сол дүбірлі тойдың беташар сәті» – дей келе, «Оразамыз қабыл болып, Амалдан амалға аман-есен жете берейік!» – деген тілегін жеткізді. Бұл шараға қалалық мәслихаттың төрағасы Ибадулла Құттықожаев, Ы.Жақаев атындағы Қазақ күріш шаруашылығы ғылыми зерттеу институты басқармасының төрағасы Сұлтанбек Тәуіпбаев және қала ардагерлері арнайы қатысты. Өнерпаздардың концерттік бағдарламасымен қатар бүлдіршіндердің тұсаукесер рәсімі жасалып, қала әкімінің атынан қос бөбекке тарту-таралғы ұсынылды. Қоғам қайраткері Болатбек Пұсырман елдіктің асыл мұраттарын асқақтату, елжанды қасиетті құрметтеу туралы тағылымды ой айтып, батасын берді.

Шаһарда «Амал» мерекесі тойланды

<a href="https://kyzylorda-news.kz/">Kyzylorda-news.kz.</a> Сыр өңірінде шағын және орта бизнесті дамыту, құрылыс екпінін қарқындату, индустриялық-инновациялық жұмыстарды қолдау бағытында бірқатар жұмыстар атқарылуда. Осы ретте индустриялық бағыттағы жұмыстар да облыс экономикасының дамуына серпін беретінін айта кеткен жөн. Әсіресе «Индустрияландыру картасы» аясында атқарылып жатқан жұмыс аз емес. Бұл бағытта бір ғана Қызылорда қаласының өзінде 12 жоба жүзеге асырылып жатыр.Қызылорда қаласында&nbsp;«Индустрияландыру картасы» аясында жоба құны 63.9 млрд. теңгені құрайтын 12 жоба жүзеге асырылуда. Бүгін нақты қандай жобалардың қолға алынғанын саралайтын боламыз.&nbsp;Қала әкімдігінің ресми сайтына жарияланған деректерге жүгінсек, қолға алынған жобаның бірі – «Қызылорда қаласында қуаттылығы жылына 197 100 тонна табақша шыны шығару және өңдеу зауыты құрылысы». Бұл жобаны «Orda Glass LTD» ЖШС жүзеге асырады. Қолда бар деректерге жүгінсек, зауыт іске қосылып, қазіргі таңда тұрақты өнім шығарылуда.Тізімге енген жобаның бірі – &nbsp;«Нұр Орда жолы» ЖШС ұсынған асфальт-бетон зауыты. Ұсынылған жоба қолдау тауып, Қызылорда қаласына қарасты «Оңтүстік» өндірістік аймақ пен Белкөл кентінің аумағынан 4 гектар жер телімі берілген. Мемлекеттік қолдау шарасы ретінде 4 гектар жер телімін алған зауыт бүгінде тұрақты жұмыс жасауда.Индустрияландыру картасында «Вега Пром» ЖШС-ның «Қызылорда қаласында құрғақ құрылыс қоспаларын шығару» жобасы да бар екенін айта кетейік. Жобаны жүзеге асыру үшін Белкөл кентінен 2,9 гектар жер телімі берілген. Қызылорда қаласы әкімдігінің ресми сайтындағы мәліметке қарағанда бұл жоба да тұрақты түрде жұмыс жасап тұр.Ақпарат көзерінде «ТриМо» серіктестігінің «Қуаттылығы жылына 500 тонна екіокись молибден ұнтағын үшокись молибден ұнтағына техникалық айналдыру өндірісін ұйымдастыру» жобасы жайлы бірнеше мәрте жазылған болатын. Жобаны жүзеге асыру мақсатында өндіріске орналастырылған қондырғылардың технологиялық процеске сәйкес келмеуіне байланысты жаңадан термотөзімділігі &nbsp;және химиялық төзімділігі жоғары басқа қондырғы сатып алу қажеттілігі туындаған. Бұл жабдықты жобалауға, дайындауға, монтаждауға және сынақтан өткізуге Ресейден арнайы мамандар шақыртылуда.Аймақтың аграрлы өңір екенін назарға алсақ, егінмен қатар мал шаруашылығымен айналысатындардың да кәсібін дамытқысы келетіні түсінікті. Әсіресе ет бағытында жұмыс істейтіндер білегін сыбана жұмысқа кіріскені қашшан. Әйтсе де олардың көбі малды сойып, етін өткізумен ғана шектелетіні жасырын емес. Бұл олқылықтың орнын толтыру үшін облыс орталығында арнайы ет комбинаты ашылуы керек-ақ. Қызылордада бұл бағыттағы жұмыс та қолға алынған. «Ет комбинаты» &nbsp;жобасының су мен газға және электр желісіне байланысты сыртқы инженерлік жүйелердің жобалық құжаттары мемлекеттік сараптамадан өткен. «Бизнестің жол картасы – 2025» бағдарламасы аясында 2019-2020 жылдары облыстық бюджеттен су жүйесін жүргізуге &nbsp;49,5 млн. теңге бөлініп, құрылыс жұмыстары аяқталды. Сонымен қатар, электр желісін тартуға өткен жылы 13,8 млн. теңге бөлініп, қаржы толық игеріліп, жобаға қажетті электр энергиясы жеткізілді. Қаңтар айындағы деректер бойынша қаржы мәселесінің туындауына байланысты комбинаттың құрылысы тоқтап тұр.Қазіргі уақыт үшін таптырмас кәсіптің бір түрі ретінде мотор майларының өндірісін атап өтуге болады. «Кызылорда Рефайнэри» жауапкершілігі шектеулі серіктестігі дәл осы жобаны қолға алған. Нақтырақ айтсақ, «К4, К5 экологиялық кластағы мотор майларын өндіру» жобасы бойынша тұрақты электр қуатымен, газбен жабдықтауға, телекоммуникация желілерін тартуға және «Батыс Еуропа - Батыс-Қытай» автокөлік магистраліне түйісетін жолға техникалық шарттар алынған. Бүгінгі күні жобаның сыртқы инженерлік инфрақұрылымын жүргізу мақсатында техника-экономикалық негіздеме жоба бастамашысының өз қаражаттары есебінен әзірленіп жатыр.Бүгінде Қазақстанның кез келген аймағында құрылыс қарқын алған. Сол құрылысқа қажетті заттың бірі кәдімгі арматура екенін жақсы білеміз. «Pump Trade KZ» ЖШС осы жобаны қолға алып, «Қызылорда қаласында «КОМАЗ» шағын арматура зауытын салу» жобасымен айналысуда. Бүгінде жерді қоршау жұмыстары аяқталған. Әкімшілік және бақылау-өткізу бекетінің құрылыс жұмыстары басталған. Дегенмен қаржы мәселесінің туындауына байланысты жобаның құрылыс жұмыстары тоқтаған.Кейінгі кезде төрт түліктің терісі де, жүні де пұл болмай қалды деп жатамыз. «Orda TEXC» жауапкершілігі шектеулі серіктестігі «Түйе жүнін өңдеу және төсеніш көрпе өндіру цехы» жобасын ұсынған. Тіпті «Өндіріс» индустриялық аймағынан 2,2 гектар жер телімін беру туралы шешім де қабылданған. Қазіргі таңда жерді рәсімдеу жұмыстары аяқталды. Әйтсе де қаржылық жағдайға байланысты жоба бастамашысы инвестор қажет етеді.Құрылыс материалы ретінде күйдірілген қыштың да өзіндік орны бар. «Ақселеу» ЖК «Күйдірілген қыш шығару шағын зауыты» жобасын әзірлеген. Мемлекеттен қолдау шарасы ретінде «Өндіріс» индустриялық аймағынан 5 гектар жер телімі берілді. Қазіргі таңда жоба тұрақты жұмыс жасауда.Индустриялық картадағы жобаның бірі – «Шыны талшықты және композитті материалдарды өндіру зауыты». Бұл ісіті «Қызылорда композиттік материалдар зауыты» ЖШС қолға алған. &nbsp;Мемлекеттік қолдау шарасы ретінде «Өндіріс» индустриалық аймағынан 15 гектар жер телімі берілді. Бүгінгі күні инженерлік-инфрақұрылым жеткізу үшін жобалық-сметалық құжаттамалары әзірленіп, мемлекеттік сараптамадан өтуге тапсырылуда.«Айғасар» ЖШС-ның «Ерекше балаларға арналған иппотерапия» жылқылы-сауықтыру клубын ашу және бие сүтін өңдеу цехын салу» жобасы да ерекше жобаның қатарына жатады. Мемлекеттік қолдау шарасы ретінде 10 гектар жер телімі берілген. Қазіргі таңда жоба тұрақты жұмыс жасауда.Қызылорда қаласына арнайы жабдықталған құс фабрикасы керек-ақ. «Кәусар» ШҚ ұсынған «Құс фабрикасының құрылысы» жобасына Қызылорда қаласынан 1,3 гектар жер телімі рәсімделді. Қала әкімдігінің ресми сайтындағы мәліметке қарағанда қаржы мәселесін шешу жұмыстары жүргізіліп жатқан сыңайлы.&nbsp;Айта кетейік, материал Қызылорда қаласы әкімдігінің ресми сайтындағы мәліметтер негізінде әзірленді.&nbsp;Қызылордада әлеуметтің әлеуетін арттыру бағытында атқарылған &nbsp;бұдан да басқа тірліктер жетіп артылады.&nbsp;Облыста құрылыс қарқын алуда. Әсіресе тұрғын үй құрылысы көптеп салынып, өңіріміз бұл бағытта республикадағы көшбасшылар қатарына қосылды.&nbsp;Жақында ғана өткен Үкімет отырысында Қызылорданың негізгі макроэкономикалық көрсеткіштер бойынша бірінші орында екені де айтылды.&nbsp;Осы бағытпен Сыр еліндегілер әлі талай белесті бағындырары сөзсіз.Ә.ЖҰМАДІЛДӘҰЛЫФото: Freepik

Қызылорда қаласында индустриялық бағыт бойынша 12 жоба жүзеге асуда

&nbsp;<a href="https://kyzylorda-news.kz/">Kyzylorda-news.kz</a>&nbsp; Халқымыз қой үстіне бозторғай жұмыртқалаған мамыражай кезде де, ел басына күн туса да, бала көңілін бірінші орынға қойған. Оны шаттыққа бөлеу, риясыз күлкісін тамашалау – ең сауапты іс емес пе? Қолдың қысқалығы мен қалтаның жұқалығы жақсы өмір сүруге кедергі келтіретіні рас. Жаны жомарт, қайырымды жандардың көмегінсіз тұрмысы төмен, қолдаушысы мен сенері жоқ адамдардың қазіргідей баспана бағасының аспандап тұрған шағында жеке меншік шаңыраққа өз күшімен ие болуы екіталай. Алайда бақыттың күтпеген жерден келетіні сынды, аяқ астынан қол ұшын созып, көмекке мұқтаж жандардың тілегін орындайтындар да өмірде кездейсоқ кездесуі бек мүмкін. Міне, осындай қамқор жандар үйі жоқ жаңақорғандық Бекзат Шымтеміров пен Жақсыгүл Құлмаханованың отбасын қуанышқа кенелтіп, құтты қонысына кіргізді.Аудандағы көп балалы отбасы Бекзат Шынтеміров пен Жақсыгүл Құлмаханова бірнеше жылдан бері тұрмыстың тауқыметін тартып, отағасы мен ортаншы қызы сырқаттанып, үлкен сынақтан өтіп келеді. Өзім әлеуметтік қызметкер ретінде бұл отбасыны қанша жерге апарып, біршама басшылықтың алдынан өткіздім. Әрқайсысы шама шарқы жеткенше көмек қолын созып, демеу көрсетіп жүрді. Жаңақорған аудандық «AMANAT» партиясының төрағасы Арман Мажитовке де бұл отбасыны апардым, арнайы үйіне де барып көрді, қолынан келген көмегін аямады. Арман Әбілпейісұлы қалайда осы отбасыға үй әперуге ниеттеніп бір емес, бірнеше азаматтарға хабарласып, осы отбасын аяққа тұрғызудың жайын ойлап, біраз жүгірді. Содан елімізге белгілі блогер Рысбала Икрамбайға мән-жайды айтып қолқа салған екен. Армандай азаматтың өтінішін жерге тастамай үлкен үй әперді. «Келісті атаның жолы – кейінгіге үлгі» – демекші, жақсы істі жаңғыртып, жалпының жанын жадыратқан белгілі блогер Рысбала Икрамбайдың жобасы ағайынның арасын нығайтуға, әлсізді демеуге үлкен себепкер, ел арасына тың ой салған игілікті іс болғаны анық.Қыстың көзі қырауда құтты қоныс бұйырып, қуанған Бекзат пен Жақсыгүлдің қуанышымен Арман да бөлісті. Жылы ұяға жайғасқанына ең әуелі Жаратқанға шүкіршілік етеді. Әрине, ауылдың ардақты азаматтары да әрдайым қолғабыс етіп, қызының еміне, үйдің керек-жарағына жәрдем етіп келеді. Атап айтсам, Қоғамбек Бисенбиев, Ұланбек Тәжденов сынды азаматтар үнемі қолдап жүргенін айтпасқа болмайды.Міне, қиындығы көрген түстей. Бүгін көрсе көз тоятынтай үлкен үйі бар. Үйдің іші толықтай соңғы үлгідегі жиһаздармен жабдықталған, барлық керек-жарағымен қамтамасыз етіпті. Төрт баласының бөлмесі кең, арнайы кереуеттері бар, сабақ оқуларына да ыңғайлап қойыпты. Бірнеше жылдан бері тағдырдың тауқыметін тартып отырған отбасы енді көңілдері жайланып, көз жастарына ерік берді. Әрине, куаныштың көз жасы бұл. Қуанбай қайтсін, Алла сәтін салып, балаларының несібесіне баспаналы болып, қуаныштары еселеніп жатыр. Тіпті, отанасы Жақсыгүл әлі түсім секілді дейді. Осы күнді ұзақ күткен үй иесінің қуанышында шек жоқ.<blockquote>– Әр отбасының басында баспанасы болса – бақытты. Менде осы бақытты сезініп отырмын. Баспаналы болуыма жағдай жасап, арманымның орындалуына жәрдем еткен барша халыққа, осы үйді алуға атсалысып жатқан ағаларымызға-апаларымызға көп-көп рахмет! Бүгінде баспанаға ие болып отырғаным осы көрінген төрт баламның несібесі болар деп шексіз қуанып тұрмын. "Не берсе де, берекесімен берсін" дейтін халықпыз ғой. Шынымды айтсам, қатты толқып тұр¬мын. Өте қуаныштымыз, балаларымның жүздеріндегі күлкіні көріп, көңілім орнына келді. Біздің жағдайымызды түсініп, жөн сілтеген өз¬деріңізге және Арман Мәжитов ағама алғысым шексіз. Үйге келген сайын бізді демеп, қолдап, барынша көмектесті. Одан біздің жайымызды қаншама жерге жеткізді, қаншама қорды үйге алып келді. Әр келген сайын «Ең әуелі Алла ғой, тек Алладан ғана көмек күтіңдер, үміт етіңдер, күндіз-түні дұғада болыңдар. Алла өзі-ақ үйлеріңе ертіп келеді» дейтін. Расымен Рысбала Икрамбай үйге кіріп келгенде, өз көзіме өзім сенбедім. Арман ағамның жүгіруімен, Рысбала әпкемнің қолдауымен, көптің тілегімен үйлі болып жатырмыз, алғысым шексіз, – дейді көпбалалы ана.</blockquote>Иә, осы отбасының үйлі болуына барша халық риясыз қуанып, ата-енесі, туған-туыстары мен көрші қолаңы түгел тілеулестік білдіруде. Әсіресе, аналары Венера Шынтемірованың алғаусыз ақ тілегі көңілге қуаныш сыйлады.<blockquote>– Халқымыздың осындай кең пейіліне, көпшіліктің қамқорлығына ризашылығым шексіз. Арман балам осы перзенттерімнің жағдайына қарасып, қаншама есікті қақты, бәрін білемін. Енді міне Рысбала қызыма қолқа салып, қайта-қайта айтып жүріп, үлкен баспанаға кіруіне себепші болып жатыр. Өзіне рахметтен басқа айтарым жоқ, жақсылығы Алладан еселеп қайтсын. Ақ жаулықты ана ретінде әрдайым тілекшімін, – деп көзінің жасына ерік берді.</blockquote>Ананың қуанышы орынды. Ізгі іске ұйытқы болған азаматтар баспаналы болған отбасына жақсы тілектерін айтып, қуаныштарымен бөлісті. Белсенділік танытқан жақсы адамдардың арқасында талай жыл пәтер жағалап жүрген отбасының енді өз баспанасы бар. Елдің алдында жүрген Рысбала Икрамбай еліміздің барлық аймақтарында қайырымдылық ісімен белсенді айналысып келеді. Әлі де талай отбасының қуанышына ортақтасарымыз анық. Рысбаланың командасы республика бойынша мұқтаж отбасыларды анықтап, жан-жылуын сыйлап жүр.

Рысбала Икрамбай Жаңақорғандық азаматқа үй алып берді

<a href="https://kyzylorda-news.kz/">Kyzylorda-news.kz</a> Нұрбол Жұмабеков 1989 жылы туған. Қорқыт Ата атындағы Қызылорда университетін «Агроинженерия» мамандығы бойынша тәмамдаған. Еңбек жолын 2010 жылы «КСМ және К» мекемесінде слесарь ретінде бастаған. Әр жылдары аймақтың жеке сектордағы жобалаушы мекемелерінде жауапты инженерлік қызмет атқарған. 2015-2023 жылдар аралығында Қызылорда облысының ауыл шаруашылығы басқармасының бас маманы, Сырдария ауданы әкімі аппараты ұйымдастыру және инспекторлық жұмыс бөлімінің бас инспекторы, аудандық ауыл шаруашылығы бөлімінің басшысы, аудандық ауыл шаруашылығы және жер қатынастары бөлімінің басшысы қызметтерін атқарды.Елімізде саясат сахнасында жүрген жас кадрлар жетерлік. Бойдағы қуаты мен ойдағы арманын туған елді түлетуге арнаған азаматтар атқа қонса, қазақ тайлы-тұяғы қалмай қуанады. Таяуда ғана Сырдария ауданына қарасты Айдарлы ауылының әкімі қызметіне тағайындалған Жұмабеков Нұрбол Баянәліұлы – осы қатарда. Сәті түсіп, сұхбаттасуды жөн санадық.– Нұрбол Баянәліұлы, көптен бері мемлекеттік қызметте екеніңізді білеміз. Біршама сатыдан өттіңіз. Мемлекеттік қызмет деген ұғымды жалпы қалай түсінесіз?<blockquote>– Мемлекеттік қызмет – жай әншейін қызмет емес, елге қызмет ету, жақсы із қалдыра білу, адамның басына біткен бақ.&nbsp;Мен еңбек жолымды «КСМ және К» компаниясында слесарь болып бастадым. Зауыттың жұмысы ауыр. Кейде екінші ауысымға қалуға тура келеді. Түнгі сағат 2-3 тің шамасында сынып кеткен бетон араластырғыш машиналардың ішіндегі қатып қалған бетонын алып, қосалқы бөлшектерін ауыстырып жатқанда маған әріптестерім «Қызыл дипломды слесарь» деп күлетін. Мен сол кезде оларға «Ертең Алла бұйыртса, әкім болған кезімде осы сәттерді айтып отырамын» дейтінмін. Иә, менің мемлекеттік қызмет саласында жұмыс істеу арманым кішкентайымнан қалыптасты. Қаншама ұлылар, президенттер еңбек жолын қарапайым жұмысшыдан бастады. Елдің арасында өсті. Тіпті, аймақты басқарған Еркін Әуелбековтей қарапайым болуды үлгі еттім. Қызмет жолында ең төменінен бастап көтеріліп, өмір мектебінен, қызмет сатыларының бәрінен өтуді қаладым. Иә, осы бағытым дұрыс та болды. Адамда екі сұрақ қана болады: «Кім? Не істеді?» деген. Осы екі сұраққа лайықты жауап болса екен деймін. Мемлекеттік қызметтің халыққа қызмет екенін, халыққа қолайлы жағдай жасап, елге еңбек ету керек екенін түсіну керек. Міне, мемлекеттік қызметтің түп төркіні осында жатыр.</blockquote>– Ұстаз ұғымы кең ғой. Осы ұғым аясына тоқтала кетейік. Өмірлік ұстаз, мемлекеттік қызметтегі ұстаз деп кімді атар едіңіз?<blockquote>– Мемлекеттік қызметті ауыл шаруашылығы саласынан бастадым. Өзімнің қызығушылығыммен осы саланы таңдадым. Ауыл шаруашылығы басқармасында Бақыт Жаханов, Сейілбек Нұрымбетовтен көп нәрсе үйрендім. Кез келген қиындықты сабырмен, ақылмен жеңуді көрсетті. Сырдария ауданы әкімі болған Руслан Рүстемовті ұстаз ретінде ерекше айтамын. Ол кісіден кітап оқуды үйрендім. «Болашақта компьютер білетіндерді кітап оқитындар басқарады» деген бар. Талғат Дүйсебаевтан қарапайымдылықты сіңірдім. Мәжіліс депутаты Мұрат Нәлқожаұлынан талап қоюды үйрендім. Оның әр салада өзінің маманы отыру керек деген ұстанымы алға жетеледі. Мұрат Нәлқожаұлының жетекшілігімен аудандағы ауыл шаруашылығы саласындағы күрделі мәселелерді шештік. Иә, қызметтегі басшылардың әрбірінен бір-бір жақсы қасиеттен үйренсем де, маған өмірлік сабақ қатарына енеді. Сондықтан, менің өмірімдегі кез келген жан – менің ұстазым.</blockquote>– Әрбір басшы өзі басқарып отырған уақытта ел есінде қалу үшін тыңнан түрен салуды қалайды. Жоғарыда өзіңіз айтып өткен артына із қалдыру дегенге саяды. Бұл ретте өзіңіз не айтар едіңіз? Қандай іс атқардым деп айта аласыз?<blockquote>– Өзім кәсіппен де айналысып көрдім. Сол уақыттарда мемлекеттік мекемелердің бюрократиясына көңілім толмайтын. Сол кезде алға «мемлекеттік қызметке барамын, сол кезде мұны өзгертемін» деген мақсат қойдым. Ауданға қызметке келгенде&nbsp; ауыл шаруашылығы, кәсіпкерлік және жер қатынастары салаларына жетекшілік еттім. Міне, сонда кәсіпкерлік саласында әр бағдарлама бойынша қанша құжат жиналу керек, оны кімнен алады, неше күнде дайын болады, бағдарлама шарттары тәрізді мәселелерді жинақтап, «шпаргалка» жасаттым. Қарапайым халыққа түсінікті болатындай еттік. Әрбір ауыл әкімдеріне таратып, қолжетімді етуді қолға алдық. Әрине, кішкентай жұмыс. Бірақ, елге әжептәуір септігі тиді. Ал ауыл шаруашылығы бөліміне барғанда сала бойынша берілетін субсидиялар мен көмектерді де осы жүйемен түсінікті тілде дайындап, оны да халыққа қолжетімді еттік. Келушілердің қолына ұстатып жібердік.Шаруашылықтарға жететіндей етіп, оларды соңғы жаңалықтармен қамтамасыз етіп отырдық. Техника, тұқым, шикізат көздерімен кәсіпкерлерді қамтамасыз ету үшін жарғақ құлағымыз жастыққа тимеген сәт көп. Жетікөлге 80 гектар жерге жаңа сортты күріш ектік. Сол күріштің авторы – &nbsp;шетелдік ғалым Володимир Дудченко. Бұл да бір жаңашылдық. Отыз жыл игерілмеген жерді қайта игерудің өзі неге тұрады? Әлбетте, Алатауды арқалап әкелдім деп айта алмаймын, бірақ осылайша елге оңтайлы етіп, жағдай жасауға тырыстық. Мұндай сан алуан жұмыс бар. Әрине, төреші – халық. Бағасын ел береді.</blockquote>– Сіздің ойыңызша, мемлекеттік қызметте адамға ең алдымен қандай қасиет керек?<blockquote>– Дінмұхаммед Ахметұлы Қонаевты құрметтеймін. Мен сол кісінің айтып кеткен сөздерін өмірлік ұстанымға айналдырдым. Халықтың бел ортасында, елмен етене жұмыс істеп, халқына пайдасы тиген Қонаевтай қайраткер болғым келеді. Міне, бір сөзбен айтқанда мемлекеттік қызметкер қандай болу керек десе, мен Дінмұхаммед Қонаевтай болу керек дер едім. «Елге қызмет ету – білімнен емес, мінезден» деп ұлт ұстазы Ахмет Байтұрсынұлы айтқандай, ең бірінші мінез керек. Мінездің ар жағында көп нәрсе бар. Алға қойған мақсат пен арманды қағазға түсіремін. Ал қағазға түскен нәрсе міндетті түрде орындалады. Әрбір жеткен мақсат пен орындалған арманнан ләззат аламын. Облыста алған тәжірибемді ауданға, ауданнан алған сабағымды ауылда пайдаланғым келді. Міне, ауылға келгенде осы мақсатыма жеттім.</blockquote>– Хакім Абай «Өзіңе сен, өзіңді алып шығар, ақылың мен қайратың екі жақтап» деген екен. Өзіңізге қаншалықты сенесіз?<blockquote>– Әуелі Құдай, сосын өзіме сенемін. Армандаймын, мақсат қоямын. «Егер де армандай білсең, бүкіл әлем сенің арманыңның орындалуына жұмыс істейді» деген бар. Әкемнің «Балам, абыройға жұмыс істе. Абырой саған жұмыс істейді» деген керемет сөзі бар. Сол сөзі менің өмірлік ұстанымыма айналған. Елдің бағасы ердің мерейін өсіреді. Ал өзіне сенімді адам қай кезде де мықты екенін дәлелдейді.</blockquote>– Уақыт тауып, сұқбаттасқаныңыз үшін алғыс білдіреміз.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қазақстан және Қызылорда облысының жаңалықтары