<a href="https://kyzylorda-news.kz/ru">Kyzylorda-news.kz.</a> Аралда соңғы жылдары кәсіпкерлік көкжиегі кеңейіп келеді. Түрлі нысан бой көтеріп, сапалы қызмет түрлері ұсынылып жүр. Өйткені мемлекет тарапынан кәсіпкерлерге жасалып жатқан қолдау жоғары. Бұл көңіл қуантады. Десе де кәсіпкерлік саласына талай жылдар бұрын бет бұрып, бүгінде аудан халқына түрлі салада сапалы қызмет ұсынып жүрген кәсіпкерлер де бар. Солардың бірі – Айжан Төремұратова.Қым-қуыт тіршіліктен әркім өзіне бұйырған несібесін алып қалуға тырысады. Сол үшін еңбектеніп, тер төгеді. Айжан Бердімұратқызы да – өз еңбегімен балаларын бағып отырған аяулы ана. Ол еңбек жолын сонау 1980 жылдардан бастаған. Алғашында қалалық тұтынушылар қоғамында жұмыс істеген ол 1996 жылдан бастап жеке кәсіпке бет бұрады.&nbsp;<blockquote>&nbsp;Жоғары оқу орнын бітіріп келсем де, мамандығым бойынша жұмыс істеген емеспін. Өйткені мен бір орында отыра алмайтын адаммын. Үнемі қозғалыста, қарбаласта жүріп жұмыс істеген өзіме ұнайды. Кәсібімді ауданға ұн өнімдерін әкеліп сатудан бастадым. Алғаш болып макарон цехын аштым. Бұл бастама маған табыс әкелді. Бұған қоса азық-түлік сататын көтерме сауда дүкенім болды. Бір нәрсемен шектеліп қалуды аса қаламаймын. Әр салада бағымды сынап көргенді жақсы көремін. Сөйтіп наубайхананы іске қостым. Бұларға қосымша ауданға табиғи газ келмей тұрған кездері тұрғындарды газ баллондарымен қамтамасыз еттім, – деген Айжан апа кәсіпкерлік жолдары жайлы әңгімеледі.&nbsp;</blockquote>Бастамалары табыс әкеле бастаған кәсіпкер мұнымен тоқтап қалған жоқ. Бұл кезде ауданда тойхана жетіспеушілігі сезіліп тұрған шақ еді. Болса да шағын болатын. Содан сыйымдылығы жоғары «Сәтті» тойханасын ашады. Заманауи жабдықталған. Іші кең, жайлы қонақ күту орны халықтың көңілінен шықты. Аралдықтар қуанышын осы тойханада тойлауға асық болды. Мейрамхана ісінде тәжірибе жинақтаған кәсіпкер көпшіліктің сұрауы бойынша мешіт жанынан асхана ашты. Бұл да бүгінгі таңда сапалы қызметімен халық игілігіне жұмыс істеп тұр. Бұлардың бәрінде қаншама адам жұмыспен қамтылып отыр.&nbsp;<blockquote>Мен тазалықты, ұқыптылықты, жауапкершілікті жақсы көремін. Жұмысшыларды қабылдарда осыны талап етемін. Өзімді қатал басшымын деп ойламаймын. Көбіне қарапайым жандар жұмыс сұрап келеді. Олардың меселін қайтармауға тырысамын. Не нәрсенің да сапалы болғандығы ұнайды, – деген кәсіпкер өзінің жұмысшыға қояр талаптары туралы айтты.&nbsp;</blockquote>Кәсіпкерлік – бәсекелестік ортасы болғандықтан, халыққа жасалар қызметтің сапасы да жоғары болуы шарт. Айжан апа да мұны ерекше назарда ұстайды. Тұтынушылармен берік қарым-қатынас орнатқан. Тойдан соң міндетті түрде тапсырыс берушімен хабарласып, қызметтің сапасына қояр сыны мен пікірін білуді әдетке айналдырған.&nbsp;<blockquote>&nbsp;Біз халық үшін қызмет етеміз. Сондықтан олардың пікірімен санасуымыз керек. Бізге жұрттың сыны мен жұмысымызға деген көзқарасы маңызды. Бәрін зерделеп отырмасаң, ісің де алға жүрмейді, кәсібің де өнбейді. Талай жылдық тәжірибемде соны ұқтым. Өзгертуге келмейтін қатып қалған баға да жоқ. Кейбір жандардың жағдайына, көңіліне қарап той иесіне тиімді бағада келісімге келіп жатамыз, – деді ол.&nbsp;</blockquote>Табандылықпен 25 жылға жуық кәсіпкерлікпен айналысқан Айжан апа талай адаммен араласып, тұз-дәмдес болды. Көппен араласа жүріп досты да, бәсекелесті де кездестірді. Мұның бәрі – өмір заңдылығы. Өмірден түйгені мол жан ешкімнің көңіліне келіп, көкірек көтеруді қаламайды. Бәрімен жақсы қарым-қатынас орнатады.&nbsp;<blockquote>&nbsp;Менің түсінгенім, ешкімді дұшпан, дос деп ажыратуға болмайды. Көрместей болған адамың бір күні досыңа айналуы, жан досым деп жүрген адамның суып кетуі әбден мүмкін. Өйткені бұл – өмір. Мен намысшыл адаммын. Артыма ізгі амалым мен жақсы атым қалғанын қалаймын. Кәсіппен де бір мол табысқа кенелем деп айналысып жүрген жоқпын. Халықтың сұранысын қанағаттандыратын, бүгінгі бәсекелестікке түсе алатын сапалы дүние жасағым келеді, – дейді кәсіпкер.&nbsp;</blockquote>Айжан Бердімұратқызы алдағы уақытта халық қажетін қамтамасыз ететін үлкен сауда үйін ашуды жоспарлап отыр. Тіпті құрылыс жұмысы да басталып кетті. Адал еңбек етіп, үнемі қарбаласта жүретін жан шаршағанда күш-қуатты қос ұлынан алады. Солардың болашағы жарқын, саналы азамат болуы үшін еңбектің үлгісін, қамқорлықтың тәрбиесін көрсетуді басты мақсат еткен.

Айжан Төремұратова: Аудандағы кәсіпкерлік саласын бәсекеге қабілетті етуге үлес қосу мақсатым

Жетікөлде егіс көлемі артады

<a href="https://kyzylorda-news.kz/">Kyzylorda-news.kz.</a> Бүгін атмосфералық фронттардың әсерінен Қазақстан аумағының басым бөлігінде ауа райының тұрақсыз сипаты сақталады, деп хабарлайды Қазгидромет.Осыған байланысты жаңбыр жауып, найзағай жарқылдайды. Республика бойынша күшті жел, батыста және оңтүстікте – шаңды дауыл соғады.

23 мамырға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Гүлді баптап өсіру, күтімін жасау екінің бірінің қолынан келетін іс емес. Себебі гүл көп нәрсені ұната бермейді. Тіпті гүл қоятын орынды да алдын ала таңдап алу керек. Суды көп ішпейтінін, салқын жерді ұнатпайтынын жапырағындағы өзгерістен бірден аңғаруға болады. Жалпы гүл өсірудің қияметін мамандардан біледі. Олар тіпті қай гүл аса күтімді қажет етеді, қай гүл көлеңке жерде тұра береді, соның бәрін біліп тұрады. Ал үйдегі қырық шақты гүлден бөлек гүл өсіру ісін кәсіп қылу қиынның қиыны. Одан да өзге кәсіп түрін таңдаған тиімді ме дерсіз. Қай іске де махаббат керек.Қызылордалық Салтанат Қылышбекқызы он жылдан бері гүл өсіру, гүлмен әрлеу, көркемдеу саласында еңбек етеді. Бұл бизнесте сұраныстың жоғары екенін байқаған Салтанат гүл дүкенін ашу мақсатында Кәсіпкерлер палатасынан кеңес алады, «Бастау» жобасын онлайн оқып, бизнесте біліктілігін арттырады. Осылайша «Еңбек» бағдарламасы аясындағы гранттық конкурсқа қатысып, қайтарымсыз қаржыға қол жеткізеді.<blockquote>– «Бастау» жобасын онлайн бітіріп алғаннан кейін жобамды гранттық комиссия алдында қорғадым. Осылайша 555 600 грант ұтып алдым. Бұл кезге дейін Қызылорда қаласының орталығында жұмыс істеп келдім. Арманым гүлдер дүкеннін ашу еді. Оқудың арқасында өз бизнесімді аштым. Қазір «Шұғыла» мөлтек ауданында дүкенім бар. Тұтынушылар риза, қуанышты. Табысым да, шүкір, жақсы, – дейді жас кәсіпкер Салтанат Қылышбекқызы.</blockquote>Кәсіпкер бүгінде «Бастау» жобасында алған біліктілігін бизнесте қолданып, қызмет көрсету сапасын жетілдіре түсуде. Сыйлық түрлерін жоғары талғаммен жасайды. Бұл жерде оның бейнелеу өнері мамандығы бойынша алған кәсіби білімі де көмектесуде.«Шұғыла» мөлтек ауданынан ашылған гүл дүкеніне келушілер қарасы да басым. Әр тұтынушының көңілінен шығу Салтанат үшін де жоғары мәртебе. Қызылордалықтарға кәсіпкер түрлі раушан гүлдерімен қоса, лала, экзотикалық гүлдерді де ұсынуда. Алдағы уақытта үй жағдайында өсірілетін гүл түрлерінің көлемін арттыруды жоспарлауда.<blockquote>– Бүгінде үй жағдайында өсірілетін гүлдерге сұраныс жоғары. Барлығының да талғамы бөлек. Тұтынушылар гүлдің кішісін емес, үлкенін алғысы келеді. Ал ол гүлді өсіру оңай болмасы анық. Әрі қарайғы жұмыс та шаш етектен. Күтімді ерекше қажет ететін гүл түрлері көп. Уақыт тауып, гүлмен сөйлесіп тұрған да артық болмас еді. Тұрғындардың гүлге сұранысы жоғары екенін дүкенді ашқан кезде аңғардым. Болашақта гүл санын көбейту жоспарда бар, – дейді кәсіпкер.</blockquote>Айта кетейік, биыл Қызылорда облысында 2181 азамат «Бастау» жобасы бойынша онлайн біліктілігін жетілдірді. Оқыған азаматтардың 42 пайызының жобасы, нақтырақ айтқанда, жалпы құны 515,9 млн теңгені құрайтын 914 жоба қаржыландырылды. Басым бөлігі «Еңбек» бағдарламасы аясында қайтарымсыз қаржыға ие болған.

Қызылордалық кәсіпкер гүл сататын дүкен ашты

<a href="https://kyzylorda-news.kz/">Kyzylorda-news.kz.</a>&nbsp; Мәдениет – &nbsp;адамзатты тұлға деңгейінде қалыптастыратын негізгі құрал болса, өнер – мәдениеттің алтын қазынасы. &nbsp; &nbsp; Қашан да мәдениеттің мәйегі &nbsp;– мәдениет үйі екені белгілі, бұлбұл дауысты әнші де, мың бұралған биші де, ақиық ақын да, құдіретті күйші де, тіпті танымал әртістер мен режиссерлар да осы мәдениет үйлерінің киелі сахнасынан шығады. &nbsp;Осындай қиын да қызықты саланың тізгінін ұстап, халық шығармашылығын дамыту мен ұлттық өнерімізді насихаттауда халыққа мәдени қызмет көрсететін мәдениет ошақтары болып табылады.Осы жылдың 4 айында Сырдария ауданы бойынша мәдениет үйлері мен клуб кәсіпорындары жанында барлығы 101 үйірме жұмыс жасап, оған 1303 өнерпаз тартылған. Оның ішінде, 14 халықтық атағы бар ұжымдар, вокалды аспапты ансамблі, 1 ұлт аспаптар оркестрі, 1 үгіт бригада, 2 халық театры, 3 би топтары, 2 отбасылық ансамблі, 1 әзіл-сықақ отауы, 3 әжелер ансамблі бар. &nbsp;Өз кезегінде өнер сүйер қауымға 16 ән үйірмесі, 7 драма үйірмесі, 9 домбыра үйірмесі, 11 би үйірмелері, 3 вокалды аспапты ансамблі, 1 этно рок ансамблі, 1 халықтық ұлт аспаптар оркестрі, 2 халықтық отбасылық ансамбль, 2 халық театры, 3 мәдени үгіт бригадалары, 15 көркемсөз үйірмесі, 10 әжелер &nbsp;ансамбльдері, 2 ардагерлер үйірмесі, 2 әзіл-сықақ отауы, 4 қолөнер үйірмесі, 3 жазба ақындар үйірмесі, 1 қобыз үйірмесі, 1 жыр-терме үйірмесі, 3 сурет үйірмесі, 1 дәстүрлі ән, 1 фото-видео үйірмесі, 1 квн үйірмесі, 1 флейта үйірмесі, 1 келіндер ансамблдер халыққа мәдени қызмет көрсетеді.Өткен жылы Сырдария ауданы бойынша мәдениет үйлері мен клуб кәсіпорындары жанында &nbsp;97 үйірме жұмыс жасап, оған &nbsp;1275 өнерпаз тартылса, биыл мәдениет үйлері мен клуб кәсіпорындары жанынан жаңадан үйірмелер қосылып және өзгерген үйірмелер бар. Атап айтар болсақ, аудандық мәдениет үйі жанынан Домбыра үйірмесі, Кент клубы жанынан «Би» үйірмесі, Бесарық ауылдық мәдениет үйі: «Шырайлы» &nbsp;келіндер ансамблі,Аманкелді ауылдық мәдениет үйі жанынан &nbsp;«ВлокФлейта», «Фото-видео» , «Жайдарман» , «Үгіт бригада» үйірмелері ашылды. Үстіміздегі жылдың 5 айында мәдениет үйлері мен клуб кәсіпорындарының байқауға қатысу көрсеткіштеріне тоқталатын болсақ. Сырдария ауданы бойынша өткізілген аудандық 17 &nbsp; байқауға, облыстық 15 байқауға, республикалық &nbsp;16 байқауға, халықаралық деңгейдегі &nbsp;5 байқауға қатысқан өнерпаздар 23 бас жүлде, &nbsp;27 І орын , 6 ІІ орын, 6 ІІІ орын иелеген.&nbsp;<blockquote>Мәдениет қызметкерлері түрлі деңгейдегі мазмұнды да маңызды шараларды ұйымдастыру арқылы халыққа мәдени қызмет көрсете отырып, &nbsp;әрқашанда өнер саласындағы аға буын өкілдерінің өмірлік бай тәжірибелерін жас өнерпаздарға үлгі етіп тапнытуымыз қажет. Осындай игі шараларды ұйымдастыру мен өткізуде бір-бірімізбен тығыз байланыста болып, біріге қызмет атқарсақ мәдениет пен өнер саласында талай шыңдарды бағындырарымыз сөзсіз, – дейді аудандық мәдениет үйінің әдіскері Ақбота Талғатова.</blockquote>&nbsp;

 Сырдарияда 101 үйірме жұмыс істейді 

<a href="https://kyzylorda-news.kz/ru">Kyzylorda-news.kz.</a> Техниканың дамыған тұсында смартфонның түр-түрі бар. “Бұл қандай, мынаның функциясы қалай?” деген сан-түрлі сұрақтың орын алатыны жасырын емес. Апта сайын әртүрлі маркалар шығуда. Олар сатылымда алғашқы орында екені айтпаса да белгілі. Несиеге алсақ та, соңғы үлгідегі смартфон ұстағанды ұнатамыз. Бүгінде телефон сататындардың барлығы жастар. Олар смартфоның қайсысы сапалы, қайсысы ұстауға болады сол жөнінде кеңес береді. Десе де жаңа қалта телефонның ерте бұзылып қалатыны тағы бар. Осындайда “Жайна” сауда орталығына қарай бағыт аламыз. Ал аралдықтар енді телефон жөндету үшін қалаға асықпайды. Себебі жас кәсіпкер бұл істі бизнеске айналдырған. Телефонның экранын ауыстыру, сынған жерін жөндеу сынды жұмыстар Төлеген үшін түк емес. Тапсырысты қабылдап алып қоймай, оны келіскен уақытта сапалы өткізу кәсіпкердің басты мақсаты.“Кәсіппен айналыссаң ешкімге тәуелді болмайсың”. Бұл &nbsp;аралдық жас кәсіпкер Төлеген Қабыловтың пікірі. Рас бүгінде біреуге тәуелді болмаудың бірден-бір жолы өз алдына кәсіпкер болу. Жастардың да кәсіпке бет бұрып, ісін дамытып жүргеннің себебі де осы.<blockquote>– “Қандай іспен айналыссам болады?” деген сауалдың біраз уақыт маза бермегені жасырын емес. Қалай болады, қайтсек біреуге тәуелді болып жұмыс істегенді доғарамын деп те ойладым. Бір сөзбен айтқанда, “өзім би, өзім қожа болғым келді” ал мұның бірден бір жолы себебі жеке кәсіпкер болу. Сөйтіп қолымнан келген іске білек сыбана кірістім. Бір айта кетерлігі, “Бастау” жобасының тиімділігі мол екен, – дейді кәсіпкер. &nbsp;іреуге тәуелді болып жұмыс істегенді доғарамын деп те окөріп, осы салада жұмыс жасау туралы шешім қабылдадым», – дейді кәсіпкер.</blockquote>Кейіпкеріміз бұл уақытқа дейін біршама жерлерде жұмыс істеген. Мәселен, құрылысшы, күзетші болған. Жұмысына көңілі толмаған жас басқа салада дамуды көздейді. Сәті осы кәсіпкерлік бағытқа түседі.<blockquote>«Бірде Алматы қаласында тұратын ағам ұялы телефондардың аксессуарларын алып-сатумен неге айналысып көрмейсің деді. Ағамның ұсынысы ұнап қалды. Нарықты зерттеп көріп, осы салада жұмыс жасау туралы шешім қабылдадым», – дейді кәсіпкер.</blockquote>Ол алғашында алып-сатумен ғана айналысып жүреді. Уақыт өте келе ұялы телефондарды жөндеуге машықтанып, бұл саланы да игерген. Бүгінде телефонның жиі бұзылатыны белгілі. Сол сәтте таныс-тамырға жүгінеміз. Себебі телефон жөндеткенде сапалы істей ме, сапасыз істей ме деген ойдың қылаң беретіні жасырын емес. Сосын да қасында қарап тұруға мәжбүрміз. Ал Төлегенге сұраныс көп. Бір жөндеткен адамның екінші шағымданған сәті болған емес.<blockquote>«Алғаш телефондарды жөндеуді қолға алғанымда біраз қиналдым. Бастапқыда дұрыс жөндей алмай, тапсырыс берушіге жаңадан ұялы телефон алып берген кездерім де болды. Тәжірибені қателесіп жүріп жинадым. Қазір, шүкір, қызметіме сұраныс жоғары», – дейді кәсіпкер.</blockquote>Төлеген ұялы телефондарды жөндеуді кәсіпке айналдыруды жоспарлап жүргенінде ауылдастарынан «Бастау» жобасы туралы естиді. Жоба жөнінде Кәсіпкерлер палатасының аудандық филиалынан жан-жақты кеңес алып, 2019 жылы «Бастаудың» оқу курсынан өтеді.<blockquote>«Жоба аясында біліктілігімді жетілдіргеніме қуаныштымын. Себебі «Бастаудың» арқасында салықтық есеп тапсыруды үйрендім. Жеке кәсіпкер ретінде тіркелуді арнайы бір жерге барып жасау деп түсінетін едім. Өзім тіркеп, оны уақытша тоқтатып қоюды да осы курстың арқасында білдім», – дейді ол.</blockquote>Төлеген Қабылов өткен жылы тамыз айында гранттық комиссия алдында бизнес-жоспарын қорғап, 555 мың теңге қайтарымсыз қаржыға қол жеткізеді. Аталмыш грантқа өзінің жеке қаржысын қосып, Қытайдан ұялы телефондарды жөндеуге арналған арнайы құрылғылар сатып алып, бүгінде Арал ауданының тұрғындарына сапалы қызмет көрсетуде. Ал алдағы уақытта ұялы телефонға арналған қаптамаларды Аралда шығарғысы келеді. Ол үшін бүгінде келіссөздер жүргізіп жатыр.

Аралдық жас ұялы телефон жөндеуді кәсіпке айналдырған

<a href="https://kyzylorda-news.kz/ru">Kyzylorda-news.kz.</a> Балалық шағымызда анамыз бәрімізге тоқымадан шұлық тоқып беретін. Бір күні жемпір, бір күні жейде тоқуды әдетке айналдырған. Анамыздың қолдан тоқыған киімімен қыс бойы жылы жүруші едік. Қазір де немерелеріне шұлық пен қолғап тоқып береді. Анамыздан үйренген біз қолымыз босаған сәтте тоқыма жіпті қолымызға аламыз. &nbsp;Оны тоқу әсте оңай емес. Теріс, оң болып тоқылатын кезде қайта сөкпеу үшін қателеспеген абзал. Одан қалды күртенің жеңін шығару, етегі, белі бар. Сондай-ақ шұлықтың өкшесін шығару да бір ғанибет.Қазір базарға бара қалсаңыз, қолдан тоқылған киімдердің бағасы асқақтап тұр. Мәселен, шұлықтың бағасы 2000 теңге. Бір шұлықты сатып алсаңыз, қыс бойы аяғыңыз жылы жүреді. Ал тоқымадан тоқылған жемпір мен қалпақтың бағасын өзіңіз пайымдай беріңіз. “Неге қымбат?” деп те сұрай алмаймыз, себебі бұл таза еңбек. Адамның көз майын тауысып жасалатын жұмыс. Зейнетінен бейнеті көп. Ең қиыны, көзді ауыртады. Ал осы жұмысты кәсіп қылып отырғандарды көргенде риза боласыз. Себебі ілмешекті &nbsp;алып, тоқыма тоқып отырғандарды сирек кездестіреміз. Соның бірі қызылордалық – Гүлнұр Борбасова. Бастапқыда хобби ретінде айланысып, кейін бұл істі қолға алды.Ол – «Бастау» жобасының 2019 жылғы түлегі. Негізгі мамандығы IT саласымен тікелей байланысты Гүлнұр Алматы қаласындағы елімізге белгілі банктердің бірінде жұмыс жасаған. Тұрмыс құрып, балалы болғаннан кейін бала күтіміндегі кезеңді босқа өткізбейін деген жас ана тоқыма тоқуды әдетке айналдырады. Бұйымдарды тоқуды виртуалды курстардан үйренген Гүлнұр уақыт өте келе тоқыған өнімдерін табыс көзіне айналдыруды көздейді. Анасынан «Бастау» жобасы туралы естіген ол Кәсіпкерлер палатасынан кеңес алып, жоба аясында біліктілігін жетілдіреді.<blockquote>«Тоқыма тоқығанды ұнатамын. Көп уақыт алатыны белгілі. Дегенмен бастаған ісің аяқталып, ойдағыдай шықса, барлық шаршағаныңды ұмытасың. Оның үстіне тоқыма киімдер сәннен түспейді. Адамдардың көбісі қыс мезгілінде тоңып қалмас үшін тоқыма киімдерге құмар. Кәсіппен айналысамын деген адам ең алдымен осыны меңгерсе болады. Бастау» жобасын 2019 жылы оқыдым. Ол кезде курс оффлайн жүргізілді. Бизнес-тренер Наталья Мишуковадан сабақ алдым. Бизнесті бастаудың алғышарттарымен танысып, салықтық және өзге де есептіліктерді тапсыруға қатысты құнды ақпараттарға қанық болдым. Осылайша қызығушылықтан басталған тірлігімді теңгеге айналдырудамын», – дейді жас кәсіпкер Гүлнұр Борбасова.</blockquote>«Бастау» жобасынан сертификатын алған соң, курста әзірлеген бизнес-жоспарын «Еңбек» мемлекеттік бағдарламасы аясындағы гранттық комиссия алдында қорғап, 530 мың теңге қайтарымсыз қаржыға қол жеткізеді. Бүгінде Гүлнұр қолдан әр мезгілге арналған бас киімдерді, шарфтарды, сөмкелердің түр-түрін тоқиды. Енді кеудешелерді тоқуды қолға алуда.&nbsp;<blockquote>«Тоқитын өнімімде жіптің сапасына ерекше мән беремін. Қазір итальяндық жіптерді қолданып жүрмін. Арнайы тапсырыспен алдырамын. Таза, меринос қойының жүнінен әзірленген. Табиғи өнім болғандықтан бұл жіптен тоқылған бас киімдерді жаңа туылған сәбиге де кигізуге болады, терлетпейді. Бас киім, шарфтарды тоқып болған соң жуып, арнайы тәсілмен кептіріп барып тапсырыс берушіге ұсынамын», – дейді кәсіпкер.</blockquote>Ал гранттық қаржыға жақында тоқыма машинасын сатып алыпты.<blockquote>«Тоқыма машинасы еңбек өнімділігі үшін маңызды. Бұйымдарды қолдан тоқу барысында біршама уақыт кетіп қалады. Кей бұйымды 2-3 күнде әзірлеймін, күрделілеріне 1 аптаға дейін уақыт кетеді. Ал тоқыма машинасы бұл олқылықтың орнын толтырады деп үміттенемін. Себебі өнімнің санының артуы табысқа да әсер етері сөзсіз», – дейді Гүлнұр Борбасова.&nbsp;</blockquote>Гүлнұр жас аналарға, өзі секілді жастар мен қыз-келіншектерге қолынан келетін қабілеті кәсіпке айналдыруға кеңес берді.<blockquote>«Тоқыма тоқығысы келетін жастарға кеңес беруге дайынмын. Оң, теріс тоқып үйретуге, әрі қарайғы жұмыстарды да көрсетуге дайынмын. Бастысы, адамның өзінің құлшынысы, қызығушылығы болса болады. Бүгінде кімнің немен айналысқысы келсе де тоқтау жоқ. Қай сала болсын, мүмкіндік жеткілікті. Бастысы, &nbsp;сол мемлекеттің қолдау тетіктерін тиімді пайдалану керек. «Бастау» жобасын осындай тиімді құрал дер едім. Өте ыңғайлы бағдарлама», – дейді жас кәсіпкер.</blockquote>

Жерлесіміз қайтарымсыз қаржы арқылы кәсібін бастады

<a href="https://kyzylorda-news.kz/ru">Kyzylorda-news.kz.</a> Бүгінде жиһаз бағасы аспандап тұр. Оны дүкенге кіргенде бірден аңғаруға болады. Сосын дұрысы ескіні жаңалаған тиімді ме деп ойлайсыз. Расында бұрынғы дүниені жөндетер болсаң, жаңа дүниеден ешқандай айырмашылығы болмайды. Сапалы, тартымды етіп істеуге бүгінде кәсіпкерлер машықтанған.Аралдық Сәуле Елемесова да осы іспен айналысып келеді. Оның жұмысына тұрғындар дән риза. Ол тұтынушылардың көңілінен шығу үшін қанша уақыт қажет болса да, алған тапсырысты тындырымды жасауды мақсат еткен. Бүгінде оның тұтынушылары өте көп. Біз бір дүниені жасасақ, жан-жаққа хабарласып, сүйінші сұрауға асығамыз ғой. Істеген жұмысы көңілінен шықса, кәсіпкерге тұтынушыны да өзіміз тауып береміз. Міне, Сәуленің көп тұтынушылары осылай пайда болған. Ол «Бастау» жобасы аясында кәсібін дөңгелетіп отыр.<blockquote>«Бүгінде ескі дүниені жаңалауға тұрғындар үйреніп келеді. Бұрын жаңасын сатып алатындар көп еді, бүгінде қайта қалпына келтірушілер саны артқан. Тұтынушылар біреу арқылы хабарласып тұрғанын айтқанда қуанып қаламын. Тұтынушыны іздеп әуре болмаймын, бір-екі жерге барсам, үш-төрт тұтынушының өздігінен шығатыны жақсы. Сондықтан да әр ісімді тиянақты жасауға асығамын» , – дейді кәсіпкер.</blockquote>Сәуле тігіншілікті анасынан үйренген. Өзі Аралдағы шағын тігін шеберханасында жұмыс істеп, тәжірибесін жетілдіреді. Кейін өзі тұратын сол өңірде жиһаз әзірлейтін кәсіпорында жөндеуді, оларға қаптама жасауды үйренеді.<blockquote>– 2019 жылы таныс келіншектер «Бастау» жобасында оқып, қолынан келетін тірліктерін кәсіпке айналдырып жатқанын айтты. Мен де қызығып кеттім. Шүкір, қолымнан тігін тігу де, жиһаз жөндеу де келеді. Сонымен ойлана келе хоббиімді кәсіпке айналдырмаққа бекіндім. «Бастау» жобасын оқып, кәсіпті бастау, жүргізуге қатысты құнды ақпараттар алдым. Білім көкжиегімді кеңейттім», – дейді Сәуле Елемесова.</blockquote>«Бастау» жобасының көпшілік үшін тигізген пайдасы көп. Қайтарымсыз қаржыны жастар да игілігіне жұмсауда. Курсты оқып, бизнесті жалғастыруды Сәуле секілді жастар тым жақсы меңгеріп кетті. Ол бизнес-жоспарын сәтті қорғап шығып «Еңбек» мемлекеттік бағдарламасы арқылы қайтарымсыз грантқа қол жеткізіп, 530 мың теңге қолдау алады.<blockquote>– Кәсібімді бастайтын кезең өткен жылғы пандемия, карантин шектеулері уақытына сай келді. Дегенмен, карантин талаптары жеңілдетілген кезде көрші облыстан кәсібіме қажетті тігін машинасы, құрал-жабдықтар алып, қызметімді бастап кеттім», – дейді кәсіпкер.</blockquote>Алғашқы тапсырысын жиһазға қаптама тігуден бастаған Сәуле кей жағдайда сынған мүліктерді жөндеуге де тура келгенін айтады.<blockquote>– Бірінші кезде кей азаматтар тапсырысты орындай алатыныма күмәнмен қарады. Себебі ескі жиһаздардың кейбірі сынық болып келеді. Қолға ара алып, өзім жөндей салатынмын. Қаптамасын әзірлеу барысында да күшті қажет ететін сәттер жеткілікті. Сол жағынан әйел адам жасай алмайды ғой деп тартыншақтағандары болды. Бірақ жұмысымның нәтижесін көргеннен кейін алғысын айтып, ризашылығын білдіруде», – деп Сәуле Елемесова қызмет көрсету кезіндегі қиындықтарымен де бөлісті.</blockquote>Бүгінде Аралда кәсіпкердің қызметіне сұраныс жоғары. Сәуле алдағы уақытта кәсібін кеңейту үшін жеңілдетілген несие алып, киімдер тігуді қолға алуды жоспарлауда. Ал өзі секілді кәсіп бастағысы келген жандарға мемлекет тарапынан беріліп жатқан мүмкіндіктерді тиімді пайдаланып, шағын болса да кәсіп ашып, еңбек етуге шақырады.Осындайда оңай жұмыстың жоқ екеніне көзің жетеді. Әйтпесе ер баланың көмегі қажет ететін жиһазды Сәуле өзі жасап келе жатқаны да құптарлық іс. Кәсіпті бастады, өзі алып кете алатынына көзі жетті. Бүгінде «сенің қолыңнан келе ме?» деген күмәнды сейілтіп, қыз баланың қолынан да біраз істің келетінін дәлелдеп бағуда.Айта кету керек, Қызылорда облысы кәсіпкерлер палатасының берген ақпараты бойынша, «Бастау» жобасы аясында биылғы жылдың өзінде облыста 1-лекке 693 азамат оқуға қабылданып, 380-і «оқуды аяқтағандығы» туралы, 6-ауы «қатысқандығы» жөнінде сертификат алып үлгерді. 252 қызылордалықтың бизнес-жоспары қаралуда. Ал 55 азамат оқуға қатыспағандықтан немесе қорытынды тестілеуде тиісті балды жинай алмағандықтан оқудан шығарылған.

Аралдық кәсіпкер ескі жиһазды қалпына келтіреді

<a href="https://kyzylorda-news.kz/ru">Kyzylorda-news.kz.</a> «Жастар театрға бармайды» деген сөзді жиі естиміз. Дегенмен де бұл пікірге «Жастар» театрының жас актрисасы келіспейді. Себебі сахна қашанда киелі. Жастардың өнерін тамашалап келетіндер қатары күн санап артуда. Адамның жан дүниесін тыныштандырып, керемет сезімге бөлейтін театр ұжымының жұмысы ерен. Жас актер мен актрисалардан құралған өнер ордасы бүгінде біршама табысқа жетті. Қанша спектакль көрерменге жол тартты. Білікті де білімді мамандар театр ұжымында қызмет етуде.Бірде «Жастар» театрының «Алғашқы махаббат» қойылымын көргенім бар. Сахнадағы жастардың барлығы өз жұмысын жақсы көріп, образдарын орындап жүргеніне риза болдым. Ол уақыттан бері қаншама дүние сахналанды. Ал Айша Әбдірахманның есімі театр есігін жиі ашатын көрерменге танымал. Ол қатысқан қойылымдар көп. Мәселен «Алғашқы махаббатта» – мектеп директоры, «Қызылорданың қыздарында» – Мәрия, «Қыз қасқырда» – Құртқа, «Қалың елім, қазағым, қайран жұртымда» – бас шайтан, «Неге» қойылымында – Әлима рөлдерін сомдады.<blockquote>– Бала кезден театрға жиі барушы едім. Содан да болар актриса болу арманыма айналды. Сахнадағы өнер адамдарын көріп, әр қимылына ден қойып отыратынмын. Рөлді қалай алып шыққанын, қойылымнан кейін зерттеу менің күнделікті жұмысыма айналды. Мына жерде қателесті, мына жерде былай ойнаса әдемі шығар ма еді деген ойдың жетегінде жүріп өзімде сахнадан бір-ақ шықтым. Одан қалды әдеби кітаптарды жиі оқыдым. Ізденісті де көбейттім. Нағыз маман болуға талпындым. Нәжижесінде әріптестеріммен бірге өнер көрсетудемін, – дейді Айша Қайратқызы.</blockquote>Кейіпкеріміз 1993 жылы 10 қарашада Шымкент қаласында дүниеге келген. №213 мектептің табалдырығын аттап, №8 П.Д.Осипенко &nbsp;атындағы қазақ-орыс мектебін аяқтады. Мәншүк Мәметова атындағы Қызылорда гуманитарлық жоғары колледжіне оқуға түсіп, актер өнері мамандығында білім алды. Сондай-ақ Қорқыт ата атындағы Қызылорда мемлекеттік университетінде журналистика мамандығында оқыды. Театр саласы бойынша «Үздік әйел адам» номинациясын иеленді. «ТТТ» халықаралық театрлар фестивальнің лауреаты. А.Тоқмағанбетов атындағы мәдениет үйіндегі «жастар» театры жанынан ашылған «Бастау» театр үйірмесінің жетекшісі. Үйірме мектеп оқушыларынан құралған. Олар шағын рөлдермен сахнаға шығып жүр. Театр күніне орай ұйымдастырған кеште «Жастар» театрының репертуарындағы «Қыз қасқыр» қойылымынан үзінді көрсетті.<blockquote>– «Театр – өнер мешіті» деген теңеу бар. Десе дегендей, театр – мәдениеттілікке, имандылыққа бастайтын баспалдақ, алтын көпір екені даусыз. Осы орайда маған театр қатты ұнайды. Аурасы бөлек, ұжымның ауызбіршілігі, сыйластығы ерекше. Қыздар мен жігіттердің барлығы өнерлі. Биге де, көркем сөз оқуға да талапты, қай рөлді берсе, соны орындап шығуға барынша атсалысады. Бізге ізденіс керек, көп уақытымыз кітапханада өтетінін жасыра алмаймыз. Шығарманы бастан-аяқ оқып, әр сөйлеміне мән беріп, өзімізше талдау жасаймыз. Бұл біздің қойылымды ойдағыдай алып шығуға үлкен септігін тигізеді» – дейді Айша.</blockquote>«Театр – тәрбие мектебі, театр – тәлім, рухани азық алар орда» деп ұлы жазушылар айтып кеткендей, театр көрінгеннің ермегі емес, ол – еңбек. Мұны өз ісімен дәлелдеп жүрген жастардың бар екені бізді ерекше қуантты.

«Жастар театры» бүгінде біршама жетістікке жетті

<a href="https://kyzylorda-news.kz/ru">Kyzylorda-news.kz.</a> Бүгінде той-думан әнші, бишілерсіз өтпейді. Ол үй болсын, мейрамхана болсын. Оның үстіне “менмін” деген әншілерді емес, жанды дауыста ән шырқайтындарды шақыруды әдетке құп көреміз. Соған қарағанда халық жасанды дауыстан ығыр болғандай. Мен де осы жайттың куәгері болдым. Бірде сыныптастарымның отырысы өтті. Бұл отырыстың көркін 24 жастағы жігіт қыздырды. Нағи Әбдіқадырдың дауысын естігенде таңданып қалғаным рас. Қай тілде болса да емін-еркін айтады. Ұйып тыңдап кеткеніміз соншалықты уақыттың қалай өткенін аңғармай да қалыппыз. Өзім жастардың насихаттаушысы болған соң ба, бірден Нағиды сөзге тарттым.<blockquote>– Гитараны қолға алғаныма көп уақыт болды. Тіпті бала кезден әуеспін десем болады. Өзіме ұнаған әндерді шырқап жүріп үйрендім. Гитара тарту оңай емес, дегенмен бір үйреніп алсаңыз әрі қарай ауырлық етпейді. Ал әндерді бірте-бірте жаттай бердім. Балалық шақтағы арманым әнші болу еді. Үлкен сахналарда өнер көрсетпесем де, байқауларға қатысып, жеңімпаз атанған кездерім бар. Бүгінде достарымның арасында ән айтамын. Бұл сөз тойға шығып, ақша табады дегенді білдірмейді. Бірден айтайын, мен тойға шықпаймын. Тек жақындарымның өтінішін орындап айтатыным болмаса. Сіз де осындай сәтке кезігіп қалдыңыз. Жалпы қолдан келген істі жасаған дұрыс қой. Мен өнерді жоғары бағалайтын адаммын. Сондықтан да өнер үлкен сахналарда бағалануы керек. Ал менің арманым сол үлкен сахналардан бой көрсету, – дейді Нағи әңгімесінде.</blockquote>Нағидың орындауындағы әндердің бәрі жүректі тербетеді, адамға әдемі көңіл күй сыйлайды. Қуандық Рахымның “Мен қазақпын” деген әнін Нағидың аузынан естідік. Шынымен-ақ қазақтың жігіттері осындай болу керек.<blockquote>– Мен көбіне Әбдіжаппар Әлқожананың әндерін ұнатамын. Ғазизхан Шекербеков әндерін көбіне гитарамен айтады, сондықтан да болар соған еліктеймін. Оның барлық әндерін ұнатамын. Сосын соларды жаттауға тырысамын. Ішінен “Еркекпін мен”, “Қайдан ғана жолықтың”, “Көзіме қара” өлендері жаныма жақын. Бұйырса, арманым орындалар күн алыс, – дейді Нағи.</blockquote>Өнерлі жігіттердің бірі домбыра ұстап ән шырқаса, енді бірі баянмен өнер көрсетеді. Ал біздің кейіпкеріміз гитарамен ән айтады. Өзім бала кезден гитара үйренгім келді, сондықтан да гитара тартқандарды ютуб арқылы қарап жүрдім. Бірақ “былай ұста, былай тарт” деп отырған адам болмаған соң да үйреніп кету оңайға соқпады. Міне, енді Нағидың қолындағы гитараны көріп, балалық арманым еске түсті. Нағидың “Мен өнерді жоғары бағалаймын” деген сөзі қатты ұнады. Шынында бір-екі ән айтып, танымал болып жатқандар бар. Ауылдан шыққан қаншама талант иесі жарқ етіп көріне алмай жүр…

Жерлесіміз гитарамен ән айтып танымал болды

<a href="https://kyzylorda-news.kz/ru">Kyzylorda-news.kz.</a> Жақсы сценарий – жарты кино. Бір ғана диалог немесе оқиғаның шешімі арқылы адамды басқа әлемге әкетіп, санасын селт еткізетін картиналарда сценаристің ұйқысыз түндері, үздіксіз ізденісі мен көпке елеусіз еңбегі жатыр. Қазақ көрерменіне тың тақырыптарды әкелген сценарист, редактор, продюсер Перизат Мырзахметпен сценаристика, кино жайлы сұқбаттасқан едік.– Кино әлеміне, сценаристикаға қашан келдіңіз? Осы саладағы өз тарихыңызбен бөліссеңіз…– Жалпы телевизия саласына 2010 жылы келдім. Онда 8 жыл бойы телешоулар түсіріп, республикалық, халықаралық деңгейдегі шоу бағдарламаларын дайындайтынбыз. Бірақ сол кезде сериал не үлкен көлемдегі дүниелерді түсіргім келетін еді. Тіпті, компания идеямды құптап, «Тергеушілер» деген сериал түсірдік. Алайда бұл басшылыққа ұнамады. Бұдан гөрі шоу түсірген қызығырақ екенін айтты. Сонымен 2018 жылы бұл жұмыстан кеттім.Фрилансер болып жүргенімде «Оралман из Питера» деген фильмнің атқарушы продюсері болып жұмыс істедім. Сол кезде маған кино әлемі қызық, ауқымды әрі мазмұнды көрінді. 2019 жылы мені «Salem social» компаниясы продюсер ретінде жұмысқа шақырды. Алғашқыда бағдарлама түсіріп жүрдік те, қайтадан бұрынғы жұмысқа келдім бе деп көңілім толмай жүргені рас. Аз уақыттан соң веб-сериалдар түсіретін болдық. Сол сәтте қатты қуандым. Осылайша нағыз өзім қалаған, жаным сүйетін әлем 2019 жылдан басталды.– «Salem social» арқылы қазақ киносы түрлі жанрда эксперимент жасап көруде. Бізде неге детектив, драма, боевик пен шытырман оқиғалы фильмдер жоқ немесе аз?– Иә, біздің компания барлық бағытта тәжірибе жасап көріп жатыр. Қуанышқа орай кино ұсынатын аудиторияны, нарықты зерттеудің арқасында барлық эксперимент жақсы нәтиже көрсетуде. Мысалы, бізде фантастика жанры жоқ. Неге десеңіз, біріншіден, қазақ аудиториясы әлі қазақ тіліндегі фантастиканы қабылдай алмайды. Екіншіден, ол үлкен қаржыны қажет етеді. Ал басқа жанрлар қамтылып жүр. Әрине, олардың сапасына сұрақ қоюға болады. Дегенмен шорт кесіп, бізде мына жанр жоқ деп қара аспанды төндіру қате. Нарық енді дамып жатқандықтан болашақта барлық жанрда фильм түсіріледі.Өкінішке қарай «Қазақфильм» сияқты тарихи киностудиямыз болғанмен қанша жыл бойы жан-жағымызға жалтақтап келдік. Ал қазір кино саласында еркіндік бар, өзімізге өзіміз жұмыс істейміз. Әрі шетелдерде біздің кинодағы жетістіктерімізді мойындауда. Демек, болашағымыз әлі алда.– Хичкоктың бір сөзі бар еді ғой. «Ұлы фильм түсіру үшін үш-ақ нәрсе қажет: сценарий, сценарий және сценарий». Сіздіңше жақсы кино тудыру үшін не керек?– Жақсы фильмге нақты мыналар ғана керек деп айту қателік. Ол үй сияқты, үйдің тек кірпіші, іргетасы немесе шатыры ғана маңызды дей алмаймыз. Жақсы оқиға болмаса, жақсы сценарий болмайды. Жақсы актер болмаса, жақсы режиссердің қолынан түк те келмейді.– «Жайна +» сериалын рахаттанып көрдім. Тақырыптық жағынан біздің қоғамда туғаннан бастап санаға сіңіретін «қыз мұраты – кету» деген ұстанымның жай ғана стереотип екенін дәлелдеп, әсіресе, үлкен буынның санасын сілкіп тастайтындай-ақ дүние. Сонымен қыз мұраты қайда кету?– «Жайна +» аз аудиторияны қамтыды. Өйткені уақыт тығыздығы болды: бір айда шешім қабылданып, бір айда сценарий жазылып, 8 күннің ішінде түсіріліп, аз уақытта монтаждалып бітті. Сондықтан аз-кем олқылықтың бары рас. Дегенмен айтар ойын көрсетті, аша алды. Меніңше, қыз мұраты – ешқайда кету емес, өзін, өзінің мақсатын табу. Қыз көрінгеннің жетегінде кете беретін басында ноқтасы бар бұзау емес. Бірақ біздің қоғамда әйел адамға жалғыз жүру қиын деген стереотип бар. Дегенмен сериал арқылы қазіргі қазақ қызына «ең бастысы өзіңді таңда» деген ой сала алдық.– Сіз үшін топ-3 фильм және сценарист-режиссер?– Топ-3 деп тізгім келмейді. Себебі критерийге қарай керемет туындылар көп. Үздік деп қайталап көрген фильмдерімді айтсам болатын шығар. «Малышка на миллион» деген фильмді бірнеше рет көрдім. «Мулен руж» – мен үшін махаббат туралы әдемі туынды. «Список Шиндлера» фильмі де әлемді қабылдауды өзгертетін кино секілді. Ал режиссерлардан стилі жағынан қатты ұнайтыны – Квентин Тарантино. Ешкімге, ештеңеге қарамай, цензура деп жалтақтамай түсірген фильмдері ерекше. Кристофер Ноланның фильмдері де ұнайды.– Қазақ киносы той мен ауыл тақырыбынан әрі аса алмай жүр. Бұл режиссер өресінің тарлығы ма әлде көрермен сұранысы ма?– Өкінішке қарай көрерменнің сұранысы сондай. Әйтпесе, шетелге фестивальға шығып жүрген, айтары бар, көпке мойындалған фильмдер жеткілікті. Бірақ оларға өзіміздің қазақтың сұранысы жоқ. Бәрі кинотеатрда ұсынылған киноларды ғана көреді.Біржағынан фестивальден жүлделі болып жүрген режиссерлар өз туындысын ұсынып, насихаттамайды. Жүлдемен оралған соң, олар туралы екі-үш жерде жазады. Әрі қарай өздері жарнамалап, ұсынуға әрекет етпейді. Фильмге обал. Оны халыққа көрсету керек. Сондықтан бұл мәселеде екі жақтан да қателік бар.– Ким Ки Дук, Вонг Кар Вай, Раджкумар Хиранидің фильмдері ерекше әсер сыйлайды. Неге біз осы «Көктем, жаз, күз, қыс және тағы да көктем», «Пикей», «Любовное настроение» сынды кино түсіре алмаймыз?– Сіз айтып отырған режиссерлар бұл фильмдерді неше жасында түсіргенін ескеру керек. Бізде ондай режиссерлар жоқ, енді қалыптасып келеді. Себебі фильм түсіру өмірді көрген, шекері мен тұзын татқан адамның ғана қолынан келеді. Жастық шақта ондай терең, сұлу фильмдерді түсіру – өте сирек кездесетін құбылыс. Әрине, әлі уақыт көрсетеді. Қазақ киносының жаназасын шығарудың қажеті жоқ.– Жиырма бірінші ғасырдың қазағы ретінде қандай мәселе толғантып жүр? Кинода қандай тақырыптарды қозғап жүрсіз?– Гуманист ретінде адам құқығын бірінші орынға қоямын. Адамның өмірімен ойнауға болмайды. Ол әйел ме, бала ма, ер азамат па, кезбе ме, депутат па бәрібір, кез келген адамның өмір сүруге, өз ойын айтуға құқығы бар. Бақыты үшін күресуге құқылы. Өзім жазған сценарийлерде соны айтқым келеді. Барлығын бір таптаурынға салып тастап, осылай ғана өмір сүру керек деген ойды жойғым келеді. Мен жалғыз емеспін. Таптаурындардан таяқ жеген адамдардың әрқайсысы сонымен күрескісі келеді. Мені осы мәселе толғандырады.– Біраз уақыттан бері «ойжеткен» деген хэштегпен кітап оқу байқауын ұйымдастырып жүрсіз. Тіпті, жеңген адамға ақшалай жүлде беруді қолға алдыңыз. Бұл идея қайдан туды?– Бұл 5-6 жылдан бері ойымда жүрген дүние еді. Біраз уақыт бұрын неге кітап оқу байқауын ұйымдастырмасқа деген ой келді. Орыс клубтарына қарап, қатты таңғалушы едім. Олар өзара клуб құрып, буктрейлер жасайды, әртүрлі кітап оқу жарыстарын өткізеді. Қашан біз осындай дүние жасаймыз? Қашан өзіміздің туындыларды насихаттай аламыз? Санамда осы сұрақтар туындайтын.Өйткені біздің жастар кітап оқығанмен, барлығы қазақ әдебиетінің шығармалары емес. Әлеуметтік желіден көргенім де, қолына ұстағандары да – шетелдік авторлар. Қазақ ешқашан кітап жазбағандай, әдебиет болмағандай әсер қалдырады. Бізде қазақша туындылар жайлы тек үлкен ғалымдар ғана пікір айта алатындай. Мысалы,ешкімге Мұхтар Әуезовтың романына сын айтуға болмайтын сияқты. Оған ешкімнің рецензия жазуға құқығы жоқтай көрінеді. Сонымен қазақ оқырманын қазақша кітаптармен табыстырудың әдісі осы болды. Шынымды айтсам, аяқ астынан басталып кетті. Біртіндеп шарттарын ретке келтірдім. Қазір тұрақты түрде өткізіп жүрмін.– Әдемі әңгімеңізге рақмет, Перизат!

Перизат Мырзахмет: Жақсы актер болмаса, жақсы режиссердің қолынан түк те келмейді

<a href="https://kyzylorda-news.kz/">Kyzylorda-news.kz.</a> Бүгінде ауыл шаруашылығы саласын дамытуға мемлекет тарапынан қолдау көп. Соның бірі – 2001 жылы құрылған «Аграрлық несие корпорациясының» активтері 1 трлн. теңгеден асады. Осы уақытқа дейін 79 мың азаматқа өз кәсіптерін ашу үшін қолдау көрсеткен аталмыш несие корпорациясы ауыл шаруашылығы саласының 80 пайызын несиелендіруде. Ал биыл «Аграрлық несие корпорациясы» Қызылорда облысында ауыл шаруашылығы саласымен айналысуға ниетті азаматтарға 9 млрд. теңге бөлуді қарастырып отыр. Бұл жөнінде Өңірлік коммуникациялар қызметінің баспасөз алаңында «Аграрлық несие корпорациясы» АҚ басқарма төрағасының орынбасары Айдын Досқараев хабарлады.<blockquote>«Аграрлық несие корпорациясы кәсіпкерлерге бірнеше бағытта қаржылай қолдау көрсетеді. Мәселен, аталмыш саламен айналысқысы келетін жандарға тікелей және екінші деңгейлі банктер арқылы несиелендіреміз. Бұдан бөлек, біздің корпорация несиелік серіктестіктермен қатар микроқаржылық ұйымдармен тығыз байланыста. Ал Қызылорда облысында 8 несиелік серіктестік қызмет етеді. Биыл Сыр өңіріне ауыл шаруашылығын дамыту мақсатында 9 млрд.теңге бөлінсе, оның 5 млрд.теңгесі игерілді. Ал жыл соңына дейін қалған 4 млрд.теңге жоспарға сәйкес игеріледі. Сондай-ақ, несие алушыларға тиімді жағдай жасау мақсатында мобильді қосымша енгізуді қолға алып жатырмыз. Бұл әсіресе ауылдық елді мекендерде тұратын жандарға тиімді болмақ. Жыл соңына дейін несиелік шарттарды онлайн тіркеу жүргізілетін болады. Сонымен қатар кепіл мүліктерді арнайы платформа арқылы нарықтық бағада сәйкестендіретін боламыз. Бұл өз кезегінде ауыл тұрғындарының кепіл мүліктерін арзандатуға жол бермейді», - деді басқарма төрағасының орынбасары Айдын Еділханұлы.</blockquote>Бүгінде «Аграрлық несие корпорациясы» 4 бағдарлама негізінде жұмыс істейді. Атап айтқанда, «Кең дала», «Агробизнес», «Іскер» және осы жылы іске асқан «Жастарға арналған микроқаржыландыру» бағдарламасы өз жұмысын бастады.<blockquote>«Көктемгі егін және өнім жинау жұмыстарына арналған «Кең дала» бағдарламасының жылдық пайызы - 5 процент. Ал «Агробизнес» бағдарламасы ауыл шаруашылығы саласының кез келген бағытын қаржыландырады. Жылдық пайызы – 6 процент. Үшінші «Іскер» бағдарламасы кәсібін енді бастап жатқан азаматтарға арналады. Бұл бағдарламаның жылдық пайызы – 6 пайызбен 7 жыл мерзімінде беріледі. Ал биыл басталған жаңа жоба «Жастарға арналған микроқаржыландыру» бағдарламасы 21-35 жас аралығындағы кәсіпкерлерге 2,5 пайызбен жеңілдетілген несие қарастырылған. Жылдық мерзімі – 5-7 жылды құрайды», - деді «Аграрлық несие корпорация» АҚ Қызылорда облысы бойынша филиалының директоры Маханбет Тұрмаханов.&nbsp;</blockquote>Айта кеткен жөн, «Аграрлық несие корпорациясы» Қызылорда облысы бойынша жыл сайын 10 млрд.теңгеге жуық қаражатты игеруде. Соның негізінде мыңнан астам кәсіпкер қаржылай қолдауға ие болды. Бұл жұмыстар алдағы уақытта да өз жалғасын табатын болады.

Қазақстан және Қызылорда облысының жаңалықтары