<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының ұйымдастыруымен «Құқықтық көмек» партиялық жобасы аясында «Тұрмыстық зорлық-зомбылықтың алдын алу» тақырыбында қабылдау өткізілді.Қабылдауды Жергілікті полиция қызметі басқармасының аға инспекторы, полиция майоры Баймағанбетова Светлана Құдиярханқызы және Жергілікті полиция қызметі бөлімінің аға инспекторы, полиция капитаны Ерболат Айгерім Ерболатқызы жүргізді.Қабылдауға келушілер тұрмыстық зорлық-зомбылық фактілері үшін қаралған жауапкершілік түрлері, зорлық-зомбылық жағдайы орын алғанда қайда хабарласуға болатыны туралы кеңес сұрады.Полиция қызметкерлері аталмыш бағытта атқарылап жатқан жұмыстарға тоқталып, келушілердің сұрақтарына жауап берді. Зорлық-зомбылыққа ұшыраған отбасылармен профилактикалық жұмыстарға, жәбірленушілердің қауіпсіздігін қамтамасыз ету бойынша атқарылып жатқан шараларға тоқталды.Есепті мерзімде тұрмыстық жанжалдар туралы 1556 өтініш қаралып, 64% (1 109) материал бойынша әкімшілік іс қозғалған. Әкімшілік қамауға алынған адамдардың саны өткен жылмен салыстырғанда 2 есеге артқан. Сотта 300-дей отбасы татуласты. Сонымен қатар, жандандырды. Жәбірленушілердің қауіпсіздігін қамтамасыз ету мақсатында 2023 жылы 1556 қорғау нұсқамасы шығарылды және құқық бұзушының мінез-құлқына 177 ерекше талаптар белгіленген.Келушілерге тұрмыстық зорлық-зомбылық мәселелерін шешу құқық қорғау және мемлекеттік органдарға ғана емес, Қазақстан Республикасының әрбір азаматына тиесілі екені түсіндірілді.Тұрмыстық бағытта заңбұзушылық орын алғанын байқасаңыз тәулік бойы полиция желісі «102» және «111», «150» жедел желісінің телефондары жұмыс істейтіні, оларға әрбір қоңырау шалған адам тиісті кеңес немесе қолдау алуға мүмкіндігі бар екені түсіндірілді.

Тұрмыстық зорлық-зомбылықтың алдын алу мақсатында тақырыптық қабылдау өткізілді

Өндірісті өңір

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаевтың төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штабтың отырысы өтті, деп хабарлайды Ақорда.<blockquote>– Биылғы қарғын су ауқымы жағынан соңғы 30 жылдағы ең ірі су тасқыны саналған 2012 және 2017 жылдардағы деңгейден асып кетті. Бұл нені білдіреді? Болжам жұмыстары мүлдем болмаған. Жағдай салалық мамандардың тапшылығынан туындап отыр. Егер әкімдіктер жыл сайын су тасқынына қарсы жоспарланған барлық іс-шараны тиісті деңгейде жүзеге асырғанда, ауа-райы жағдайын ескергеннің өзінде, апаттың салдары мен ауқымы мұншалықты болмас еді. Соған қарағанда, әкімдіктер бұл жұмыстармен айналыспаған. Қазір су тасқынынан төнетін қауіп сейілді деуге келмейді. Сондықтан Ішкі істер министрлігінің, Ұлттық ұланның, Қарулы Күштердің, Ұлттық қауіпсіздік комитетінің барлық күші мен құралын, оның ішінде кадрлық және техникалық ресурсын барынша жұмылдыру қажет. Сонымен қатар еріктілерді, жәрдем бергісі келетін азаматтарды тарту керек. Алайда, ең бастысы – мемлекеттік органдар. Ахуал кез келген сәтте ушығып кетуі мүмкін. Қазіргі басты міндет – адам шығынына жол бермеу. Бұл орайда жіберілген қателіктер мен олқылықтарды ескеруіміз қажет, – деді Президент.</blockquote>Қасым-Жомарт Тоқаев Үкіметке, құзырлы мемлекеттік органдарға және облыстардың әкімдеріне бірқатар тапсырма берді.<blockquote>– Су тасқынынан зардап шеккен адамдарға тиісті барлық көмек көрсетілсін. Бұл мақсатқа Үкіметтің және әкімдіктердің резервін ғана емес, «Қазақстан халқына» қорының қаржысын да пайдалану қажет. Осындай жауапты сәтте еліміздегі бизнес өкілдерін халыққа қол ұшын созуға шақырамын. Апаттан зардап шеккен азаматтарға және аймақтарға барынша қолдау көрсету керек. Бұл – дәл қазіргі кезеңде баршаға ортақ міндет. Қарғын судан қатты шығынға ұшыраған батыс аймақтарда ірі кәсіпорындар көп. «Самұрық-Қазына» қорына қарасты компаниялар, жер қойнауын игерушілер бар. Олар халыққа жәрдем беріп, бүлінген инфрақұрылымды қалпына келтіруге атсалысады деп сенемін, – деді Мемлекет басшысы.&nbsp;</blockquote><img class="image_resized" style="width:730px;" src="https://akorda.kz/public/assets/media/uploadMedia/1711958635_KZ1_9758_2.jpg">Президент су басқан аймақтарда әлеуметтік маңызы бар қызметтер мен азық-түлік бағасының өсуіне жол бермеу мәселесіне Үкімет назарын аударды.<blockquote>– Су тасқыны мен өртке қатысты жағдай жыл сайын қайталанады. Жауапты органдар мен салалық қызметтердің (Қазсушар, Қазгидромет) жобалау, сараптама жасау жұмыстары нашар ұйымдастырылған. Тиісті шаралар, негізінен, жағдай орын алғаннан кейін немесе толыққанды болжам жасалмай қабылданады. Сондықтан бізге дағдарыс жағдайларын болжаудың нақты тетігі өте қажет. Цифрлық даму министрлігі Экология, Су ресурстары және Төтенше жағдайлар министрліктерімен бірлесіп жыл соңына дейін барлық ықтимал төтенше жағдайларды (су тасқыны, өрт және т.б.) модельдеуге, тиісті болжамдар, ұсынымдар мен іс-қимыл жоспарын жасауға мүмкіндік беретін ақпараттық жүйе әзірлеуге тиіс. Айтпақшы, Үкімет пен жергілікті атқарушы органдар, ең алдымен, облыстардың әкімдері жазғы маусымға да дайын болуы қажет. Өрт немесе басқа да табиғи апаттардың болуы әбден мүмкін. Қазіргідей қамсыз отырмай, алдын ала әрекет ету керек. Су тасқынын көргенде, көктен түскендей абдырап қалдыңыздар. Осы ретте еліміздің шығыс өңірлеріндегі су тасқынын модельдеу жөніндегі ТЖМ мен «Қазақстан Ғарыш Сапары» ұлттық компаниясының бірлескен жұмыс тәжірибесін қолдануға болады, – деді Қасым-Жомарт Тоқаев.</blockquote>Президент қарғын суды ауыл шаруашылығы қажетіне жарату үшін жоспар әзірлеу және пәрменді шаралар қабылдауды тапсырды. Оның айтуынша, әкімдіктер еріген қар суын елді мекендерден өзен арналарына немесе тоғандарға бұру жұмыстарын жүргізуі керек.Мемлекет басшысы Үкімет бекіткен Су ресурстарын басқару жүйесін дамытудың 2030 жылға дейінгі тұжырымдамасын сынға алды. Оның пікірінше, тұжырымдаманы жүзеге асыру жөніндегі іс-қимыл жоспары декларативтік сипатқа ие. Құжат су тасқыны салдарынан болатын шығынның алдын алу және азайту мәселесін кешенді түрде шешуге мүмкіндік бермейді. Сондықтан тұжырымдаманы қайта қарау жөнінде міндет жүктелді.<blockquote>– Құзырлы мекемелер, яғни әкімдіктер, Төтенше жағдайлар министрлігі, Су ресурстары министрлігі бірлесіп жұмыс жасамайды. Жауапкершілік алудан қашады. Жұмысты бір-біріне сілтеп отырады. Жағдай осылай жалғасатын болса, тиісті қызметкерлерді лауазымынан босату қажет. Ең басты критерий – мемлекеттік қызметшілердің тиімділігі. Мемлекеттік органдар және әкімдіктер арасында нақты әрі тұрақты байланыс алгоритмі жоқ. Тиісті министрлік еліміздің табиғи апаттарға дайындығын қадағалап отыруы қажет. Бұл – министрліктің негізгі мақсаты. Осы мәселеге баса назар аудару керек. Министрлік гидротехникалық және басқа да маңызды нысандардың жағдайын тексеріп, шынайы мәлімет беріп отыруға тиіс, – деді Президент.&nbsp;</blockquote>Мемлекет басшысы су тасқыны мәселесі бойынша халықаралық тәжірибені, өзге елдердің қарғын суды қалай игеретінін мұқият зерттеу қажет екенін айтты.Жиын барысында Қасым-Жомарт Тоқаев елімізде су ресурстары, ирригация салалары бойынша техникалық мамандардың тапшылығына назар аударды. Осыған қатысты Үкіметке шұғыл түрде шешім қабылдауды тапсырды.<blockquote>– Тағы да қайталап айтамын. Тасқынның алдын алу ісіне әрбір лауазым иесі тікелей жауап беруге тиіс. Сіздердің жұмыстарыңызды немқұрайлы және кәсіби міндетке сай келмейді деп бағаладым. Соның салдарынан азаматтарымыз үлкен материалдық шығынға ұшырады. Олар денсаулығы мен әл-ауқатына зиян келтіретін тұрмыстық қолайсыздықтарға тап болды. Әрине, мемлекет шығынды өтеу үшін шаралар қабылдайды. Азаматтарға айтарым, алаңдамаңыздар. Мемлекет, сондай-ақ кәсіпкерлер барлық шығынды өтеп береді. Бірақ қаржылық және саяси шығындар орасан зор. Оны да ескеру керек. Сондықтан Үкіметке жүктелер жұмыс көп. Қысқасы, талап қатаң болады, – деді Президент.</blockquote>Отырыс барысында Премьер-Министр Олжас Бектенов, Төтенше жағдайлар министрі Шыңғыс Әрінов, Ақтөбе облысының әкімі Асхат Шахаров, Батыс Қазақстан облысының әкімі Нариман Төреғалиев, Қостанай облысының әкімі Құмар Ақсақалов, Шығыс Қазақстан облысының әкімі Ермек Көшербаев, Қарағанды облысының әкімі Ермағанбет Бөлекпаев, Ақмола облысының әкімі Марат Ахметжанов, Солтүстік Қазақстан облысының әкімі Ғауез Нұрмұханбетов, Ұлытау облысының әкімі Берік Әбдіғалиұлы және Абай облысының әкімі Нұрлан Ұранхаев баяндама жасады.<img class="image_resized" style="width:730px;" src="https://akorda.kz/public/assets/media/uploadMedia/1711958635_KZ2_3272_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1711958614_KZ1_9325_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1711958650_KZ2_3556_2.jpg">

Мемлекет басшысы Республикалық штабтың отырысын өткізді

Энергетика – экономиканың басты тірегі

<a href="https://kyzylorda-news.kz/">Kyzylorda-news.kz</a> Арал теңізінен жылына 6-7 мың тонна балық ауланады. Дарияның құярлығындағы ірілі-ұсақты көлдерде мамыр-маусым айында балық біткен уылдырық шашатын. Бұл – теңіз қорының табиғи сақталуына себеп. Ал одан басқа тоғандарда шабақ өсірумен айналысатын «Қамыстыбас» балық питомнигі 1966 жылдан бері жұмыс істеп тұр.Осы питомникке қарасты «Қосжар» бөлімшесінде 10 жазғы балық өсіру, 11 жайылым және 3 қыстық тоған бар. Ал Қаратерең ауылындағы «Тастақ» бөлімшесінде 23 тоған жұмыс істейді. Жыл сайын 14 миллионнан астам бір жаздық және 420 мың екі жаздық балық шабақтары өсіріледі. Мұнда тұқы, ақ амур және дөңмаңдай деп аталатын түрлері бар. Арнайы бағылған балық теңіз бен «Қамыстыбас» көліне күз айларында жіберіліп жүр. Біздің «Еңбек адамы» айдарының кезекті кейіпкері жас та болса да осы саланың жүгін көтеріп келеді. Адай Ерәлиұлы – Қосжар ауылында орналасқан питомниктің балық өсірушісі. 26 жастағы жігіт 6 жылдан бері осы жұмысқа өз үлесін қосып келеді.<blockquote>– 2014 жылы мектепті бітіріп, мамандық алу үшін Батыс Қазақстан облысына жол тарттым. Сол өңірде инженерлік-технологиялық колледжге оқуға түстім. Ол кезде оңтүстік өңірлерден келген түлектерді «Ветеринария» және «Балық шаруашылығы» мамандығы бойынша «Серпін-2050. Мәңгілік ел жастары – индустрияға» бағдарламасы бойынша жинап жатқан. Аталған бағдарламаның ықпалымен қазіргі мамандықты игердік. Рас, әу баста басқа саланы таңдасам да, кейін өкінбедім. Өйткені, теориядан көрі, арнайы машықтанудан өткен кезде балық шаруашылығына деген қызығушылығым арта түсті. Үш жылдық оқу мен тәжірибелік жұмыстар маман болып шығуыма септігін тигізді, – дейді Адай.</blockquote>Оқуды тәмамдаған соң ол «Қамыстыбас балық питомнигі» мекемесіне балық өсіруші болып жұмысқа қабылданады. Кәсіпорында жүріп аға буыннан көп дүние үйренеді.<blockquote>– Жасанды жолмен аналық балықтан уылдырық алып, уылдырықтан дернәсіл, дернәсілден бір жаздық шабақ деңгейіне жеткізу үлкен шыдамдылық пен қырағылықты қажет етеді. Сенің жасаған бір қателігің миллиондаған шабақтың жойылуына әкеліп соғуы мүмкін. Сондықтан, балық өсіру маусымында түн ұйқыңды төрт бөліп, олар дамығанша ұдайы бақылайсың. Питомникте қай қызметкер болсын, өз саласына жауапты. Соның арқасында кәсіпорын жыл сайын мемлекеттік тапсырыс шеңберінде миллиондаған балықты арнайы тоғандарда өсіріп, күзде Кіші Арал теңізі, Сырдария өзені мен Қамыстыбас көліне жібереді, – дейді жас балық өсіруші.</blockquote>Адайдың айтуынша, алдағы уақытта кәсіпорында ірі жобалар іске аспақ. Солардың бірі – «Қызыл кітапқа» енген Арал қаязын көбейту. Расымен де уақытында теңіз көркіне айналып, қазір жойылу қаупінде тұрған балық түрлері көбейгені дұрыс. Сондай-ақ, питомникте теңізде жойылып кеткен, тек Балқаш көлінде тұқымы кездесетін Арал пілмайы деп аталатын балық та келешек өнім алу үшін қосымша өсіріліп жатқан көрінеді.<blockquote>– Арал теңізінің байырғы байлығы – жоғалып немесе азайған балық тұқымдарын қайта қалпына келтірсек деймін. Екіншіден, өз қатарластарыма айтарым, балық өсіруші дегеніміз ұялатын мамандық емес. Қайта біз ел байлығын көбейтуге сеп болып келеміз. Бұрынғыдай емес, қазір мемлекет балық шаруашылығына көңіл бөліп, осы саланы дамытамын деген адамға барлық жағдайды жасауда. Бұл – қуанатын нәрсе. Балықтың бел ортасында жүрсек те, уақытында осыны дамытып өсіріңдер деп үйретіп, қызықтырған, жетелеген адам болмады. Сондықтан кейінгілерге осы саланың маңыздылығын түсіндіріп, мектеп бағдарламасында тәжірибелік сабақтар ұйымдастырсақ екен. Балық шаруашылығында сонда ғана мықты мамандар пайда болары анық, – дейді тағы бір сөзінде Адай.</blockquote>Арал ауданына қарасты Қызылжар ауылында туған Адай жұмыспен қатар білімін шыңдап отырады. Қосымша «Эколог» біліктілігін алған ол балық өсірудегі тәжірибесін ұдайы жетілдіріп келеді. Жас та болса мамандығы арқасында жетістікке жеткен ол 2021 жылы «Арал-Сырдария» облысаралық бассейндік балық шаруашылығы инспекциясы басшысының Алғыс хатымен, ал былтыр ҚР Экология, геология және табиғи ресурстар министрінің Құрмет грамотасымен марапатталды.&nbsp;

Адай Ерәлиұлы: Балық өсіру шыдамдылықты қажет етеді

<a href="https://kyzylorda-news.kz/">Kyzylorda-news.kz</a> Бүгін кент әкімі Айдын Маратұлы өнерлі жастардың бірі, Сәбира Майқанова атындағы мәдениет Үйінің «Дарын» ән үйірмесінің шәкірті Жанерке Қалмағанбетті &nbsp;қабылдап, Әзербайжан астанасы Бакуде өткен өнер сайысынан жеңісті оралуымен құттықтады. Кездесу барысында кент әкімі Сыр елінің, тіпті түгелдей Қазақ елінің даңқын асырып, өнерімізді шет ел төрінде танытып жүрген талант иесіне ерекше ризашылығын білдірді. Сондай-ақ Жанеркеге білім мен өнерді қатар үйретіп отырған №11 мектеп-лицейінің және С.Майқанова атындағы мәдениет Үйінің басшылығына, оның өнер жолындағы ұстазы Асхат Таңатаровқа және өнерлі жұлдыздың ең басты жанкүйері, осындай дарын иесін тәрбиелеп отырған анасы Нұргүл Үсеноваға алғысын жеткізді. Еске сала кетейік, наурыз айының 28-жұлдызында бауырлас Әзербайжан елінде өткен өнер додасында Жанерке эстрада жұлдызы Жанар Дұғалованың репертуарындағы «Ізін көрем» атты өлеңін шырқап, дүйім жұртты таң қалдырған болатын.<img src="https://knadmin.beoblood.kz/uploads/433926324_3583867068544178_2860911115833008532_n_b426d3332d.jpg" alt="433926324_3583867068544178_2860911115833008532_n.jpg">

Қызылордалық өнерпаз Бакуде өткен өнер сайысынан жеңіспен оралды

<a href="https://kyzylorda-news.kz/">Kyzylorda-news.kz</a> Бүгінгі таңда қазақ күресінің дәурені жүріп, ұлттық спортымыз төрге озып, әлем елдерінің алдында бой түзеді. Текті қазақ халқының атын төрткүл дүниеге танытып жүрген спортшыларымыз да аз емес. Соның ішінде белбеу күресі кең өріс алып келеді. Байрақты бәсекелерде асыл қасиетті бойына сіңірген балуандарымыз байрағымызды көкке желбіретіп, рухымызды асқақтатып, әнұранымызды шырқатуы – өз алдына үлкен жетістік.Бала күнінен «балуан болсам, әлем елдерінің алдында топ жарып, күллі қазақ жұртын қуантсам» деп армандап, қазір сол мақсаты орындалған жас балуанның бірі, шиелілік – Жандос Әбубәкір. Ол 2001 жылы 10 қаңтарда Шиелі ауданында көпбалалы отбасында дүниеге келген. Мектеп табалдырығында білім ала жүріп, дюздо үйірмесіне қатысады. Баланың қабілетін байқаған жаттықтырушысы Бақытжан Молдабаев оны жарыстарға шығарып, болашақ Әлем чемпионының дарынын шыңдап дамытады. Жас өрен, алғашында, самбо, дзюдомен шұғылданып, кейін қазақша күрес, белбеу күресінен де бағын сынап көреді. Бүгінде еткен еңбек, төккен тердің арқасында облыстық, республикалық додаларда топ жарып, жеңіс тұғырынан көрініп жүр.&nbsp;Қазіргі жаттықтырушы-ұстазы Райымбек Рантаевтың еселі еңбегі мен мол тәжірибесін үйретуінің нәтижесінде, 2019 жылы Астана қаласында және 2022 жылы Өзбекстан мемлекеті Наманган қаласында жастар арасында өткен Әлем чемпионатында 57 келі салмақ дәрежесінде додаға түсіп, қарсылас шақ келтірмей, алтын медальді қанжығалады.&nbsp;Жандос түрлі бәсекелерде жеңіс пен жеңілісті қатар көре жүріп, табандылықты қажет ететін спорттан бір кездері мүлде бас тартқысы келген сәттер болғанын да жасырмады.&nbsp;<blockquote>– Спортта үнемі дайындықты пысықтап, кез келген уақытта жарысқа сақадай сай тұру керек. Мектепті аяқтаған шағымда басқа мамандықты таңдағым да келді. Себебі артылған сенімді ақтап, күресті әрі қарай дамыта аламын ба деген қорқыныш болды. Дегенмен, жаттықтырушым мен отбасымның қолдауымен 2018 жылы Алматы қаласындағы спорт және туризм академиясына оқуға түсіп, 2022 жылы жақсыға аяқтадым. Оқу орнында білім алумен қатар өткізілген байрақты бәсекелерде бақ сынап, жеңіс тұғырынан көріндім. Биыл, 2024 жылы Моңғолияда өтетін Әлем чемпионатына жолдама алдым. Бұйырса, үшінші рет Әлем чемпионы атанып, еңбек сіңірген спортшы ретінде жеңіспен ораламын деген сенімдемін, – дейді спортшы.&nbsp;</blockquote>Спорт академиясын аяқтаған Жандос Шәкенұлы қазіргі таңда Шиелі ауданындағы орталық спорт мектебінде қазақша күрестен жаттықтырушы болып жұмыс істейді. Күніне 2 топта 30-дан аса шәкірт дайындап отыр. Қатысушы оқушылармен өзі де бірге жаттығып, тәжірибесімен бөлісіп, өз тарапынан жіберген қателіктерді шәкірттерінің қайталамауын басты назарда ұстайды.

Шиелі: Белбеу күресінен 2 дүркін әлем чемпионы

&nbsp;<a href="https://kyzylorda-news.kz/">Kyzylorda-news.kz</a> &nbsp; Су тасқынынан зардап шеккен аймақтардағы мектептер онлайн форматқа көшеді. Бұл туралы <a href=" Kyzylorda-news.kz ">Stan.kz </a>ақпарат агенттігі хабарлайды.Бұл жөнінде оқу-ағарту министрлігінің баспасөз қызметі мәлімдеді.Су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штаб жұмысының аясында 88 білім беру ұйымы төртінші тоқсанды қашықтықтан оқыту форматында бастайды деп хабарлайды ҚР Оқу-ағарту министрлігінің баспасөз қызметі.Қашықтықтан оқыту су тасқыны қаупі сақталған аумақтардағы 56 мектепте, сондай-ақ эвакуациялық пункттер ретінде айқындалған 32 мектепте ұйымдастырылуда.<blockquote>"Осы дүйсенбіден бастап 3 миллионнан астам қазақстандық оқушы үшін 2023-2024 оқу жылының төртінші тоқсаны басталады. Бұл ретте су тасқыны жағдайы сақталған өңірлердегі оқушылар қашықтықтан оқуға көшіріледі. Жергілікті жерлерде Оқу-ағарту министрлігінің аумақтық білім беру саласында сапаны қамтамасыз ету департаменттері мен өңірлік білім басқармалары жұмыс жасауда. Эвакуациялық пункттердегі балаларға қажетті көмек көрсету үшін психологиялық қызметтер іске қосылды. Балалар қашықтықтан оқу үшін қажетті оқу құралдарымен, киім-кешекпен және техникалық құралдармен қамтамасыз етілді. Эвакуацияланған 1-4 сынып оқушыларын тамақтанумен қамту мәселесі бойынша жұмыстар жүргізілуде”, - деп атап өтті ведомствоның ресми өкілі – баспасөз хатшысы Мереке Амангелдіқызы.</blockquote>Оқу-тәрбие процесі мемлекеттік жалпыға бірдей білім беру стандарттарына сәйкес ұйымдастырылады. Сондай-ақ, тәуекелдерді азайту және төтенше жағдайда білім беру процесін жалғастыруды қамтамасыз ету үшін Ақтөбе облысындағы колледждер қашықтықтан оқыту форматына ауыстырылды.Фото: Нұрболат Нұржаубай

Қазақстанда 100-ге жуық мектеп қашықтан оқуға көшеді

&nbsp;<a href="https://kyzylorda-news.kz/">Kyzylorda-news.kz</a> &nbsp;"Қазақстан халқына" қоры еліміздегі су тасқынынан зардап шеккендерге 5 млрд теңге бөледі. Бұл қаражат үй салуға жұмсалады. Бұл туралы <a href="https://stan.kz/kazakstan-halkina-kori-su-taskininan-zardap-shekkenderg-397696/">Stan.kz </a>ақпарат агенттігі хабарлайды.Бұл туралы фондтың Telegram-арнасында жазылды.Ақпаратқа қарағанда,&nbsp;31 наурызында "Қазақстан халқына" Қоғамдық қорының төрағасы Болат Жәмішев пен су тасқынына қарсы іс-шараларды үйлестіру және су тасқыны кезеңінің салдарын жою жөніндегі республикалық штабтың төрағасы Олжас Бектеновтың кездесуі өткен.<blockquote>“Тұжырымдамаға сәйкес Қордың мақсаттарының бірі төтенше жағдайлар кезінде зардап шеккен халыққа көмек көрсету болып табылады. Осыған байланысты Қор Қазақстанның бірқатар өңірлерінде жалпы сомасы 5 млрд теңгеге су тасқыны салдарынан зардап шеккен үйлердің құрылысына қолдау көрсететін болады”, –&nbsp;делінген ақпаратта.</blockquote>Қайырымдылық көмек көрсетудің негізгі талабы жергілікті атқарушы органдардың объективті тексеріс жүргізуі және тиісті сараптама ұйымдарының ауылдық тұрғын үйді жарамсыз деп тану фактісі болып табылады.<blockquote>“Сондай-ақ, Қор тарапынан 2022 жылдың сәуір айында Батыс Қазақстан облысының Қаратөбе ауданында көрсетілген қайырымдылық көмек тәжірибесіне сүйеніп, ауылдық елді мекендердегі су тасқынынан зардап шеккен осындай 200 үй салуға болады деп пайымдайды.&nbsp;"Қазақстан халқына" қоры ҚР Президенті Қ. Тоқаев пен Қазақстан үкіметінің су тасқыны жағдайын тұрақтандыруға бағытталған барлық шараларын қолдайды”, –&nbsp;делінген мәліметте.</blockquote>Фото: Нұрболат Нұржаубай

"Қазақстан халқына" қоры су тасқынынан зардап шеккендерге 5 млрд теңге бөледі

<a href="https://kyzylorda-news.kz/">Kyzylorda-news.kz</a> «Апат айтып келмейді» деген бар. Әсіресе, жанартау, зілзала, дауыл, қар көшкіні, сел, топан су тәрізді табиғи апаттарды дәл болжау оңай емес әрі алдын алу да қиын. Сөз жоқ, түрлі зерттеулер, бақылаулар арқылы жер бетінде болатын табиғи апаттар қаупін алдын ала болжауға болады. Кейде қар көшкінін жарылыс арқылы қолдан жасап, алдағы уақытта болуы мүмкін апаттың зардабын жоюға, арнайы бөгеттер әзірлеп, су тасқынына қарсы даярлық жасайды. Бірақ Табиғат-Ана тосын мінез танытқанда төрткүл дүниені дүрбелеңге салып қоятыны бар.26 наурыз күні Батыс Қазақстан облысында тоқтаусыз жаңбыр жауып, бір тәулік ішінде бір айлық мөлшер – 25,6 мм жауын-шашын түсті. Яғни Орал қаласында және облыстың 9 ауданында тоқтаусыз жауған жаңбыр қарды ерітіп жіберді. Салдарынан Ақжайық, Бөрлі, Бәйтерек, Қазталов, Қаратөбе, Сырым, Тасқала, Теректі және Шыңғырлау аудандарын тасқын су басу қаупі туды. Қар мен жаңбыр суы арықтар мен кәріздерге толып, 3 әлеуметтік нысанның және көпқабатты 5 үйдің жертөлесіне құйылып, 298 жекеменшік үйдің ауласын басты. Қарғын су автокөлік жолдарына да қауіп төндіріп жатыр. Күрежолдардың 19 жерінде осындай жағдай тіркелген. Республикалық және облыстық дәрежедегі 2 жолдың, аудандық дәрежедегі 17 жолдың үстінен су өтіп кеткен. Ақжайық, Жәнібек, Теректі, Сырым және Қаратөбе аудандарындағы су басқан жолдарға кезекшілік қойылып, арнайы белгілер орнатылуда екен.&nbsp;Кейінгі мәліметтерге қарағанда, облыс аумағында 131 616 текше метр су сорылып, құм салынған қапшықтың 5 730 данасы қауіпті жерлерге төселген. Бір мезгілде түрлі қызметтен 990 адам, 222 техника, 153 мотосорғы тасқынның бетін қайтаруға жұмылдырылғанын жазуда ақпараттық агенттіктер. Айта кетейік, құтқару жұмыстарының алғы шебінде әскери бөлім сарбаздары да жүр. Қазіргі таңда қарғын судың құрсауында қалған Батыс Қазақстан облысына әр облыстан көмек қолдары баруда.&nbsp;САҚТЫҚТА ҚОРЛЫҚ ЖОҚЖауын-шашынның мөлшері жылдағыдан көп екенін тек батыстықтар емес шиеліліктер де аңғаруда. Бұрын тамшылап жауған жаңбырды жер әп сәтте жұтып қоюшы еді. Алайда бұл жолғы жауын тұрғындарды біршама әбігерге салды. БҚО-дағы ахуалдан хабардар халықтың көкейін үрей билемесін деп, біз де Шиелі аудандық Төтенше жағдайлар бөліміне хабарласқан болатынбыз. Су басу қаупі бар аймақтар қыс басталған уақыттан бастап, қар ерігенше төтеншеліктердің қатаң бақылауында екен. Су тасқынының алдын алу бойынша әзірлік те қызу. Оны сала маманының өз аузынан естідік.&nbsp;<blockquote>– Сырдария өзенінің ұзындығы аудан аумағында 260 шақырымды құрайды. Қорғаныс бөгетінің жалпы ұзындығы – 71,6 шақырым. Су алуы мүмкін аймаққа өзен жағасында орналасқан 5 елді мекен (Жөлек, Ортақшыл, Қоғалы, Тартоғай, Қарғалы) кіреді. Онда 7 540 тұрғын тіршілік етеді. Сырдария өзені бойындағы қорғаныс бөгеттерінің 5 қауіпті учаскесі бекітілді. Атап айтқанда, «Шиелі» каналының бас сағасы – «Бақтысай» қорғаныс бөгеті, «Ақ қала», «Ақтам-Мешеулі», «Жөлек», «Жіңішке көл» қорғаныс бөгеті. Қазіргі таңда аталған аймақтарға жауапты 13 мекеме бекітілген. Су тасқынына қауіпті кезеңде 52 техника, 169 адам жұмылдырылатын болады. Бұған қоса, Сырдария өзенінде 1 қалқымалы өткел, 3 қалқымалы көпір бар.</blockquote>Ал Шиелі ауданы көлемінде 15 шаруашылық канал, 32 гидротехникалық құрылыс, 6 қашыртқы, 9 қорғаныс бөгеті бар. Уақытылы қабылданған алдын алу шаралары су тасқыны кезеңінде елді мекендер мен нысандарды су басуына жол бермеуге мүмкіндік берді. Аудан бойынша кез келген төтенше жағдайларға байланысты эвакуациялау үшін 16 жинақтау, 23 қабылдау эвакуациялық пункт орналасқан, – дейді Шиелі ауданы Төтенше жағдайлар бөлімінің бас маманы, азаматтық қорғау аға лейтенанты Әділет Нұрмантаев.&nbsp;Білгеніміздей, материалдық-техникалық қорда 4 тонна дизель, 5 тонна бензин жанармайы, 20 тонна қой тас, 2000 қамыс бауы мен 5000 қап жиналған. Қоса кеткен жөн, өткен жылға жергілікті бюджет қорынан Төтенше жағдайлар резервінде 2 миллион теңге, шұғыл шығындарға арналған резервтік қорда 8 миллион теңге қаржы қаралыпты. Айта кетейік, Сырдарияда 2023 жылдың 15 желтоқсанынан бастап мұз ұстасу байқалса, 5 наурызда Шиелі ауданы бойынша барлық мұз еріп, қауіп сейілген. Десек те, төтеншеліктер сақтық шараларын күшейтіп, су деңгейін қатаң бақылауда ұстап отыр.

Шиелі табиғаттың тосын мінезіне әзір ме?

&nbsp;<a href="https://kyzylorda-news.kz/">Kyzylorda-news.kz</a> Танымал спортшы, ауыратлет Илья Ильин "Алғашқы" <a href="https://www.youtube.com/watch?v=Ham-sF6dEck">бағдарламасына</a> үлкен қызымен қарым-қатынасы туралы айтып, көзіне жас алды, - деп хабарлайды <a href="https://massaget.kz/">Massaget.kz</a>.Спортшының қызы Милана Ильина әкесі туралы айтты.<blockquote>"Кішкентайымнан мақсатқа жету үшін аяғына бейін бару керек деп айтатын. Менің әкем - өте жақсы адам. Ол анам екеуі ажырасқаннан кейін кінәсін жуып-шаю үшін бәрін істеді. Себебі мен кішкентай болғанда біз шетелге көп шығатынбыз. Мүмкіндігі болғанда мені өзімен алып жүретін. Сол сәттерді қатты сағындым. Мен жазбайынша, ол да жазбайтын болды. Біз жиі көрісіп, араласпаймыз. Көбіне ол Татьянаның жанында, үйінде не кездесулерде болады. Анаммен қарым-қатынасымыз жақсы. Әкемнен кешіріп сұрап, жиі араласайық, бірге уақыт өткізейік дедім. Ол келісіп, көрейік деді. Бірақ арамыз жақын болмады. Әкем дұрыс көңіл бөлмейді", - деді ол.</blockquote>Спортшы қызының бейнесін көріп, көңілі толқып кеткенін жасырмады.<blockquote>"Иә, не дерімді білмеймін. Қызымды қатты жақсы көремін, сағынамын. Әке ретінде қолымнан келгеннің бәрін істеймін. Қазір Айли дүниеге келді. Оған қабылдау қиын. Жас ерекшелігіне байланысты өзгеріс. Мен үшін де ауыр. Оның психологиялық жағдайы алаңдатады. Мен өмір бойы оның жанында боламын. Өзгерістерді тезірек қабылдаса екен деймін. Ол үшін менен жақын ер адам болмайды", - дейді Илья Ильин.&nbsp;</blockquote>

Илья Ильин үлкен қызы туралы айтып, көзіне жас алды

<a href="https://kyzylorda-news.kz/">Kyzylorda-news.kz</a> Ағымдағы жылғы 29 наурызда Қызылорда облысы бойынша сыбайлас жемқорлыққа қарсы іс-қимыл департаментінің бастамашылығымен облыстық әкімдікте сыбайлас жемқорлыққа қарсы іс-қимыл жөніндегі комиссияның кезекті отырысы өтті.Отырыста аймақтың бірқатар өзекті мәселелері көтерілді.Мәселен, облыстың спорт саласына жүргізілген сыбайлас жемқорлық тәуекелдеріне сыртқы талдау нәтижелері қаралып, салада қаржылық жоспарлаудағы, «Қайсар» футбол клубы қызметіндегі бірқатар жүйелі тәуекелдер мен проблемалық мәселелер талқыланды.<figure class="image"><img src="https://knadmin.beoblood.kz/uploads/2e4d7a225f5c9f8f731280c62dec2adc_1280x720_7906dc3bf2.jpg" alt="2e4d7a225f5c9f8f731280c62dec2adc_1280x720.jpg"></figure>Жалпы, спорт саласында анықталған тәуекелдерді жою және алдын алу мақсатында Қызылорда облысы бойынша сыбайлас жемқорлыққа қарсы қызметімен әкімдікке 12 ұсыным енгізілген.Сонымен қатар, ауыл шаруашылығы мақсатына арналған субсидиялар мен жерлерді бөлу кезінде сыбайлас жемқорлық көріністеріне қарсы зерделеу жұмыстарының нәтижесімен, анықталған тәуекелдердің алдын алу бойынша нақты шаралар қабылдау қажеттілігі жеткізілді.Бұдан бөлек, «Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасын іске асыру аясында ҚР Үкіметінің 2022 жылғы 31 желтоқсандағы №1147 қаулысымен бекітілген «Әртүрлі нысаналы топтар деңгейінде декомпозицияланған ақпараттық жұмыс жүргізу жөніндегі іс-шаралар жоспарының» орындалу барысы мен білім беру саласында бюджет қаражатын жоспарлау және игеру процестерінде жемқорлық тәуекелдерін алдын алу мәселелері қаралды.<figure class="image"><img src="https://knadmin.beoblood.kz/uploads/f17acf32dc6414aa3ea4c030e348b821_1280x720_03bf09b01a.jpg" alt="f17acf32dc6414aa3ea4c030e348b821_1280x720.jpg"></figure>Отырыс қорытындысы бойынша, облыс әкімі Н.М.Нәлібаев күн тәртібіндегі мәселелер бойынша ұсынымдарды қолдап, жергілікті атқарушы органдардың тиісті басқарма басшыларына және қала, аудан әкімдеріне сыбайлас жемқорлықтың алдын алу және орын алған бұзушылықтарды жою жөніндегі шараларды шұғыл қабылдап, Заңның дәл және біркелкі орындалуы туралы тапсырмалар берді.

Қазақстан және Қызылорда облысының жаңалықтары