<a href="https://kyzylorda-news.kz/">Kyzylorda-news.kz</a> Жақында Шиелі ауданына Ауыл шаруашылығы вице-министрі Ербол Тасжүреков арнайы жұмыс сапарымен келді. Ол «Ауыл аманаты» жобасы аясында мемлекеттік қолдау шараларының негізінде арзан пайызбен несие алып, бүгінде кәсібін дөңгелетіп отырған азаматтармен танысты.Шыны керек, «Ауыл аманаты» жобасы жұмыс істегелі бері ауылдарда кәсіппен айналысқысы келетін жандардың қатары көбейді. Негізгі мақсаты да түсінікті. Ауылдық жерлердегі халықтың табысын арттырып, тұрмысын жақсарту. Бұл жоба тұрғындарға өте қолайлы. Әсіресе, қора-жайы, егістік жері бар, бірақ қаржысы жетіңкіремейтін халықтың өз кәсібін бастауына оң ықпал етеді. Сондай-ақ аталған жобаға кез келген ауыл тұрғыны қатысып, өсімдік шаруашылығына, құс өсіруге, сүт, ет өнімдерін өңдеуге және шағын бизнес саласында қызмет көрсететін көптеген кәсіп түрлерін дамытуға несие алып, жұмыстарын жүргізе алады. Міне, осы айтылған дүниелерді Ербол Тасжүреков өңірге келіп, кеңінен бағамдап шықты.&nbsp;Бағыт, ең алдымен, киелі өлкедегі Иіркөл ауылдық округінен басталды. Бұнда жеке кәсіпкер Мұрат Убайдулланың жылыжайы бар. Кәсіпкердің бұл іспен айналысқанына 10 жылға жуық уақыт болған. Жалпы жылыжай аумағы 28 соттықты құрайды. Осы көлемді жерге Мұрат 2 000 түп қызанақ пен 8 000 түп қияр еккен. Жылына 16 000 мың көшет отырғызады. Піскен өнімдерді Шиеліден бөлек, Алматы қаласына да тасымалдайды екен.&nbsp;<blockquote>– Баптай білсең, жер деген, шіркін, жомарт қой. Мол өнім алу үшін аянбай тер төгу керек. Таңның атысы, күннің батысы осы жердің топырағын қопсытып, арамшөптерін жұлып, суғарамыз. Жылыжайдың іші он екі ай жылы тұруға тиіс. «Еңбек етсең, емерсің» демекші, жолын таба білгенге қай кәсіпте де пайда көп, – деді еңбек адамы.&nbsp;</blockquote>Вице-министр өнімдерді бағдарлай жүріп, іскер азаматтың кәсібіне риза болды.&nbsp;Иіркөл елді мекенінен соң, Ербол Тасжүреков бастаған топпен бірге аудан әкімінің орынбасары Болат Ысмағұлов Бәйтерек ауылдық округіне жол тартты. Иә, Бидайкөл десек, есімізге бірден қызанақ пастасы түседі. Естеріңізге салсақ, 2023 жылы ауыл азаматы Қанат Мұсаев «Ауыл аманаты» жобасының игілігін көріп, тәулігіне 2 тонна қызанақ пастасын шығаратын цех ашқан. Жоба аясында 27 млн теңге несие алып, «Barly Bai &amp; K» өндірістік кооперативін құрып, кәсібін үлкейте түсті. Бағдарлама арқылы алынған қаражатқа көршілес Ресей мемлекетінен құрал-жабдықтар сатып алып, іске қосып, қазіргі таңда әртүрлі өнімдер алуда. Бұл жобаның жалпы құны 48 млн теңгені құрады.&nbsp;Әңгіме барысында кәсіпкер алдағы жоспарларымен бөлісіп, өндірісті кеңейткісі келетінін тілге тиек етті. Жаз айларында 12 адамды жұмыспен қамтып, істі әрмен қарай дамытпақшы. Осы орайда ұлы Абайдың «Әуелі, Құдайға сыйынып, екінші, өз қайратыңа сүйеніп, еңбегіңді сау, еңбек қылсаң, қара жер де береді, құр тастамайды» деген даналы сөзі ойға оралады.&nbsp;<blockquote>– Бұның барлығы оңай іс емес. Десе де, диқан еңбектеніп, тер төксе, жер қайтарады. Тұқымды бір жерге отырғызып, сол жерден өнімді ала салмаймыз. Бірінші, жәшіктерде жылытылған топыраққа егіп алып, шыққан жасыл желекті қағаздан жасалған шағын стақан іспетті ыдысқа көшіреміз. Содан кейін ғана көшеттер егістік даласына жол тартады. Бұның бәрі уақытылы суғару, тыңайтқыш беру секілді көзге көрінбейтін тірліктерден құралады. Сондай-ақ бізде баубақша жақсы дамығандықтан, қауыннан, қызанақтан тосап шығарып, өнім түрін 10-15-ке жеткізгелі отырмын, – деді Қанат Барлыбайұлы.&nbsp;</blockquote>Осылайша, кәсіпкерлермен өткен жүздесу барысында вице-министр тиісті бағдарлама аясын кеңейтіп, шағын жобаларды мейлінше ұлғайтуға байланысты нендей мәселелер бар екенін көзбен көріп, ауыл шаруашылығы саласындағы іскер азаматтардың кәсібіне деген ризашылығын білдірді.

Ауыл шаруашылығы вице-министрі Ербол Тасжүреков Шиеліге келді

&nbsp;<a href="https://kyzylorda-news.kz/">Kyzylorda-news.kz</a> &nbsp;Соңғы бір айда "Байқоңыр" ғарыш айлағынан екі ғарыштық ұшырылым жүзеге асырылды, деп жазады&nbsp;<a href="https://inbusiness.kz/kz">inbusiness.kz&nbsp;</a>сайты.Кеше сағат 14:36-да ғарыш айлағының №31 алаңынан №4 Жерді қашықтықтан зондтау "Ресурс - П" ғарыш кемесі бар "Союз-2.1б" зымыран тасымалдағышы ұшырылды.Роскосмос телестудиясы мамандарының ұшыру алаңынан жүргізген тікелей эфирі 13 сағат 50 минутта басталып, ғарыш кемесі орбитаға шыққанға дейін жүргізілді.Ұшыру қалыпты режимде өтіп, зымыран тасымалдағыштың сатыларын бөлу белгіленген уақытта жүзеге асырылды және ұшырылғаннан кейін 10 минуттан соң ғарыш кемесі Жер орбитасына шығарылды.Ресейлік Жерді қашықтықтан зондтау спутнигі планетамыздың табиғи ресурстарын зерттейді, қоршаған ортаның ластануын бақылайды, пайдалы қазбалардың кен орындарын іздейді, мұз жағдайын және төтенше жағдайларды бақылайды.

Байқоңырдан Ресейдің Жерді бақылайтын ғарыш кемесі ұшырылды

<a href="https://kyzylorda-news.kz/">Kyzylorda-news.kz</a> &nbsp;Қосымша қажеттілік туындаған жағдайда қаржыландыру үкіметтің резервінен қарастырылады.Үкімет су тасқынынан зардап шеккендерге келтірілген шығынды өтеуге қажетті қаржыландыру көздерін талқылады, деп хабарлайды <a href="https://sn.kz/sn-akparat-agyny/111313-su-taskyny-zardap-shekkenderge-keltirilgen-shygyndar-kalai-oteledi">Skifnews.kz</a> ақпарат порталы.Үкіметтің баспасөз қызметінің мәліметінше, су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штабтың отырысы өтті.Штаб жұмысы аясында премьер-министрдің орынбасары – ұлттық экономика министрі Нұрлан Байбазаров табиғи сипаттағы төтенше жағдайлардан зардап шеккендерге келтірілген зиянды өтеуге қаражат жергілікті атқарушы органдар (ЖАО), яғни әкімдік резервінде көзделгенін баяндады.Залалдың алдын ала мөлшерін ЖАО, өнеркәсіп және құрылыс, сондай-ақ төтенше жағдайлар министрліктері айқындайды. Қосымша қажеттілік туындаған жағдайда қаржыландыру үкіметтің резервінен қарастырылады.Іс-әрекет алгоритмі: материалдық зардап шеккендер ТЖ туындаған күннен бастап күнтізбелік 30 күн ішінде ЖАО-ға материалдық залалды өтеу туралы өтініш береді.ЖАО өтініш тіркелген күннен бастап 10 жұмыс күні ішінде келтірілген залалдың мөлшерін бағалауды ұйымдастырады. Тұрғын үйі қауіпті деп танылған зардап шеккен азаматтардың тізімін жергілікті әкімдіктер қалыптастырады.&nbsp;Фото: tobolinfo.kz

Су тасқыны: Зардап шеккендерге келтірілген шығындар қалай өтеледі?

&nbsp;<a href="https://kyzylorda-news.kz/">Kyzylorda-news.kz</a> &nbsp;Жексенбіде Қызылорда өңірінде шығып қалған мәслихат депутатының орнына сайлау ұйымдастырылды, деп хабарлады&nbsp;Қызылорда облысының аумақтық сайлау комиссиясы.Сайлау тек №15, №14, №1 округте ғана, яғни облыстық мәслихат пен Арал, Жаңақорған аудандық мәслихаты депутатын таңдау үшін өткізілді. 3 округ бойынша 37 мыңнан аса сайлаушы дауыс беруге құқығы бар.Мұнда барлығы 27 учаске жұмыс жасады. Кешкі сағат 20.00-де учаскелерде дауыс беру аяқталды. Комиссия мүшелері заң талабына сәйкес дауыстарды санау процесіне кірісті. Сайлау процесін байқаушылар мен кандидаттың сенім білдірген адамы бақылады.Жалпы 3 округ бойынша 211 азамат үйден дауыс беріп, өз таңдауларын жасады. Оларға комиссия мүшелері тасымалданатын жәшіктерді апарып, дауыс беруді ұйымдастырды. Айта кету керек, сайлауда 3 округте 10 азамат кандидат ретінде үміткер. Олардың 9-ы өзін-өзі ұсыну тәртібі бойынша, 1-і саяси партия атынан сайлауға түсті.Еске салайық, сайлаушылар үшін «Өзіңді сайлаушылар тізімінен тексер» атты сервис қолжетімді болды. Мұнда округ аумағында тұратын сайлаушылар ЖСН нөмірін теру арқылы өз учаскесін оңай анықтай алды.

Мәслихаттардың шығып қалған депутаттарының орнына сайлауда дауыс беру аяқталды

Kyzylorda-news.kz. Төтенше жағдайлар министрлігі 31 наурыз күні кешке елдегі су тасқыны жағдайына қатысты ақпарат берді. Бұл туралы Stan.kz ақпарат агенттігі хабарлайды.Су тасқыны Қазақстанның 12 облысында – Ақтөбе, Қостанай, Батыс Қазақстан, Ақмола, Атырау, Қарағанды, Солтүстік Қазақстан, Түркістан, Алматы, Павлодар облыстарында, сондай-ақ Ұлытау және Абай облыстарында тіркелді.Бұл аймақтардан 12 701 адам, оның ішінде 4 728 бала эвакуацияланғаны айтылады.Су тасқыны кезеңі басталғаннан бері ТЖМ және әкімдіктердің күшімен 4,2 млн. &nbsp;астам м3 еріген қар суы (тәулігіне 474 мыңнан астам &nbsp;текше метр) сорылды, 263 мыңнан астам қапшық (тәулігіне 38 мыңнан астам) және 403 мың тонна инертті материал (тәулігіне 6 мыңнан астам) төселген.Су шайған 39 автожол, оның ішінде 1 көпір және 38 жол төсемі бақылауда.“Батыс Қазақстан, Ақтөбе, Ақмола, Қостанай, Шығыс Қазақстан, Ұлытау, Абай облыстарында жергілікті атқарушы органдар халықпен байланыс орнатып, қажетті азық-түлік және дәрі-дәрмек қорларын құрған 53 елді мекен көлік қатынасынсыз қалды”, – делінген ақпаратта.Авариялық-құтқару жұмыстарына ТЖМ, ІІМ, ҚМ, жергілікті атқарушы органдардың, ұйымдардың 6 930 адам, 1 895 техника, 772 су айдау құралы және 68 жүзу құралы, 8 әуе кемесі жұмылдырылған. "Жедел желі" телефондарына 592 қоңырау келіп түсті, 20 өңірде республикалық және облыстық жедел штабтар жұмысын жалғастыруда.Еске салайық, осы аптада Қазақстанда су тасқыны болды. Елдің алты облысында төтенше жағдай жарияланды. Үкімет бұл Қазақстандағы соңғы жылдардағы ең ірі су тасқыны екенін мәлімдеді. Өңірлерде халықты эвакуациялау жұмыстары жүріп жатыр. ҚР төтенше жағдайлар министрлігі сенім телефондарын іске қосты.Фото: ТЖД

Қазақстан облыстарының жартысынан көбі тасқын судың астында қалды

Kyzylorda-news.kz. Ақтөбе облысының Ырғыз &nbsp;ауданындағы су басқан Нұра ауылында әйел жүктіліктің 36 аптасында мерзімінен бұрын босанды, деп хабарлайды денсаулық сақтау министрлігінің баспасөз қызметі.Ауыл аудан орталығынан 90 км қашықтықта орналасқан. Тасқынның салдарынан жол жабық.Облыстық денсаулық сақтау басқармасының &nbsp;жіберген акушер - гинеколог, анестезиолог-реаниматологтан құралған бригада межелі жерге дейін бара алмады.Ауыл дәрігерлері ананы өз беттерінше босандыруына тура келді. &nbsp;Жүкті әйел дәрігерлік амбулаторияға жеткізілді. Жалпы тәжірибелік дәрігер мен медбикенің қатысуымен әйел сәтті босанды. &nbsp;Салмағы 2800 г және 3050 грамм болатын екі қыз дүниеге келді.Қазіргі уақытта ана мен жаңа туған нәрестелердің жағдайы жақсы. Олар қажетті медициналық көмекпен қамтамасыз етілген. &nbsp;Қорғаныс министрлігің тікұшағы ана мен баланы аудан орталығындағы ауруханаға жеткізді.

Су басқан ауылда егіз сәби дүниеге келді

Kyzylorda-news.kz. Бүгін Қызылорда өңірінде мәслихаттардың шығып қалған депутаттарының орнына сайлау өтуде.&nbsp;Аймақта сайлау науқаны 3 округ бойынша (№15,№14,№1) Қызылорда қаласында және Арал, Жаңақорған аудандарында ұйымдастырылуда. Барлық округ бойынша 37 мыңнан аса сайлаушы дауыс беруге құқылы.Сайлау науқанында дауыс беру учаскелеріне келе алмаған азаматтар үйден дауыс беруге өтініш қалдыра алады. Сайлау туралы конституциялық заңға сәйкес үйден дауыс беруге өтініш берген азаматтар бюллетеньді тасымалданатын жәшікке салып, өз таңдауын жасайды.&nbsp;Сайлауда барлық 3 округтің аумағында тұратын 211 сайлаушы үйден дауыс берді.Айта кетейік, дауыс беру кешкі 20.00-ге дейін жалғасады.<img src="https://knadmin.beoblood.kz/uploads/FB_IMG_1711894604643_7154d9a3f6.jpg" alt="FB_IMG_1711894604643.jpg"><img src="https://knadmin.beoblood.kz/uploads/FB_IMG_1711894601473_5542af8324.jpg" alt="FB_IMG_1711894601473.jpg">

211 сайлаушы үйден дауыс беруге өтініш қалдырды

Kyzylorda-news.kz. Көкшетау әкімдігі ақпан айында су тасқынымен күресуге 49 миллион теңге жұмсаған. Бұл туралы Stan.kz ақпарат агенттігі ҚазТАГ сайтына сілтеме жасап хабарлайды.Өткен жылдың желтоқсан айында "Көкшетау қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі" ММ 2024 жылға арналған "Су тасқынына қарсы іс-шараларды өткізу бойынша қызметтер" байқауын өткізген. Лоттың жеңімпазы "Көкше Тазалық" ЖШС болған, онымен ақпан айында 49 миллион теңге сомасына келісім жасалған.Шарт бойынша жеткізуші су тасқыны кезінде еріген судың өтуі үшін инертті материалды дайындауға, нөсер ағындарын, арықтарды, су өткізгіштерді ыстық сумен шайып, су басқан жерлерден күн сайын қарды шығаруға міндетті болған.Келесі кезекте жеткізуші Қылшықты мен Шағалы өзендерінің деңгейіне зерттеу жүргізіп, мониторинг жүргізуге тиіс болған. Су тасқыны басталмай тұрып, еріген судың өтуі үшін көпірлердің алдынан қалың бұталарды шауып, өзен арналарын дайындауға міндеттелген.<blockquote>“Жеткізуші Қылшақты және Шағалалы өзендерінің арналарында жару жұмыстарын жүргізуге келісім-шартты, су өткізгіш құбырларды шаю мақсатында ыстық суға келісім-шартты ұсынады”, – делінген техникалық құжатта.</blockquote>Алайда 28 наурызда Көкшетау стансасының аумағын еріген қар суы басқан. Оның бір себебі – теміржол көпірінің алдында мұз кептеліп қалған. Мұны Көкшетау қаласы әкімдігінің ресми хабарламасы да растайды.<blockquote>"Дәл қазір Абай көшесіндегі көпір алдындағы кептелген мұз тазартылуда", - делінген әкімдіктің 28 наурыздағы хабарламасында.</blockquote>Сонымен қатар, конкурстың техникалық спецификациясында жеткізуші төтенше жағдайлардың ықтимал салдарын болдырмауға және жоюға міндетті екендігі көрсетілген. Алайда Ақмола облысы Төтенше жағдайлар департаментінің құтқарушыларына Көкшетаудағы су тасқынының салдарын жоюға тура келді.Айта кетейік, "КөкшеТазалық" мекемесінің директоры Олег Топорков Көкшетау қалалық мәслихатының депутаты. Сондай-ақ Қылшақты өзенінде жарылыс жұмыстары жүргізілгені белгісіз.

Әкімдік ақпан айында су тасқынымен күресуге 49 миллион теңге жұмсаған

Kyzylorda-news.kz. Композитор Қалдыбек Құрманәлі «Adal Adam» YouTube арнасына берген сұхбатында &nbsp; мемлекет және қоғам қайраткері Заманбек Нұрқаділовтің құпия хаттары мен құжаттары туралы айтты.<blockquote>«Нұрқаділов бірнеше хат берген. Хаттың ішінде не жазылғаны осы күнге дейін жұмбақ. &nbsp;Бір хатты Асанәлі Әшімовке берді. Сырты жабылған. Қара фламастермен өз қолымен әрі хатқа «Асанәлі Әшімовке», «Мұхтар Шахановқа», «Амалбек Тшановқа» деп жазған. Ашуға болмайды. Сонда не жазылғанын білмеймін. Шаханов маған хатты аша бер деген. Мен “жоқ, жабылған нәрсені аша алмаймын” дедім», — деді композитор. Сонымен қатар, Қалдыбек Құрманәлі Заманбек Нұрқаділов шетелге құжаттарды өзі апарып, жасырып қойғанын айтты.&nbsp; «Шетелде құпия материалдар салынған жәшік бар. Оны ашатын құпия нөмірлерді Зәкең ғана біледі. Пәлен жыл сақталып тұрады», - деді композитор.</blockquote>

«Заманбек Нұрқаділов құпия құжаттарды шетелге жасырып қойған» — Қ.Құрманәлі

Kyzylorda-news.kz. Қызылорда өңіріндегі 3 округте шығып қалған мәслихат депутаттарының орнына сайлау өтуде. Науқан Қызылорда қаласында, Арал және Жаңақорған аудандарында ұйымдастырылды. Сайлау науқанында халық белсенді дауыс беруде.Таңсәріден бері дауыс беруге асыққан азаматтардың ішінде алғаш рет дауыс берген жастар да бар. Олар бірінші рет бюллетень алып, өз таңдауларын жасап көрді. Солардың бірі қала тұрғыны Ботагөз Болатқызы №101 мектеп-лицейде орналасқан учаскеге келіп, таңдауын жасады.<blockquote>Біздің отбасы мемлекет үшін маңызды әрбір саяси науқандардан ешқашан қалған емес. Бұрын ата-анам барып өз таңдауларын жасаса, енді міне өзім де алғаш рет сайлаушы ретінде дауыс беруге мүмкіндік алдым. Негізінен, дауыс беру - үлкен жауапкершілік. Себебі өзіміз тұратын өлкенің дамуы, оның болашағы ең алдымен өзімізге керек. Ал, сол аумақтағы мәселенің уақытылы билік өкілдеріне жетуіне депутаттар дәнекер болады. Сондықтан өзім тіркелген учаскеге барып, таңдауымды жасадым,- дейді жас сайлаушы Ботагөз Болатқызы.</blockquote>Дауыс беру күні қала және аудандарда барлығы 27 сайлау учаскесі жұмыс істеуде. Мұнда 37 &nbsp;мыңнан аса сайлаушы дауыс беру құқығына ие.<img src="https://knadmin.beoblood.kz/uploads/FB_IMG_1711881119957_09e62f6f45.jpg" alt="FB_IMG_1711881119957.jpg">Сайлау процесін байқаушылар мен кандидаттардың сенім білдірген адамдары бақылауда. Облыс бойынша 13 қоғамдық бірлестік аккредиттациядан өткізілді. Сондай-ақ, 3 округ бойынша кандидаттардың сенім білдірген 144 адамы тіркелген.Айта кету керек, сайлауда 3 округте 10 азамат кандидат ретінде үміткер. Олардың 9-ы өзін-өзі ұсыну тәртібі бойынша, 1-і саяси партия атынан сайлауға түсуде.

Ботагөз Болатқызы: Дауыс беру - үлкен жауапкершілік

Kyzylorda-news.kz. Бүгін ҚР Премьер-министрі Олжас Бектеновтің төрағалығымен өткен Су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штабтың отырысынан кейінгі мәжілісте &nbsp;облыс әкімі Нұрлыбек Нәлібаев жауапты сала басшыларына су тасқынына қарсы жұмыстарды күшейтуді тапсырды.Адам қауіпсіздігі бірінші кезектегі мәселе болғандықтан, бұл бағыттағы жұмыстар қатаң бақылауда ұсталуы тиіс.<blockquote>"Мемлекет басшысы Қасым-Жомарт Кемелұлы &nbsp;барлық өңірде су тасқынына қарсы жұмыстарды күшейту, ең бастысы, азаматтардың қауіпсіздігін қамтамасыз ету жөнінде тапсырма берді. Жағдайды қалыпқа келтіріп, &nbsp;шұғыл шаралар қабылдау үшін Республикалық штаб құрылды. Осы жылдың 6 &nbsp;наурызынан бері Қызылорда қаласы аумағында мұз жүре бастады. Атап айтсақ, "Жетікөл-жарма" каналының сағасынан төмен 15 шақырым жерден бастау алды. 22 наурыздан бері облыс аумағындағы Сырдария өзенінің беті мұздан толықтай тазарды. Елді мекендерді су басу қаупі жоқ. Бұған дейін бірнеше мәрте мәжіліс өткізіліп, мемлекеттік органдарға тиісті тапсырмалар берілді. Су деңгейін әуеден бақыладық. Дегенмен, апат айтып келмейді. Барлық жағдайға дайын болуымыз қажет. Соңғы күндері жаңбыр молынан жауды. Сол себепті су тасқынының алдын алу жұмыстарын қатаң бақылауда ұстау қажет", - деді Нұрлыбек Нәлібаев.</blockquote>Мәжілісте облыстық жұмылдыру дайындығы басқармасына су тасқынына қарсы іс-шаралардың «Жол картасына» енгізілген 5 ірі жоба бойынша республикалық бюджеттен қаржы бөлу жұмыстарын пысықтау міндеті жүктелді. «Қазсушар» Қызылорда филиалы &nbsp;теңгеріміндегі су қоймаларының техникалық жағдайына қатысты зерттеулер қорытындысына сүйеніп, қауіпсіздікті қамтамасыз етуге &nbsp;жауапты болмақ.Ал, облыстық табиғи ресурстар және табиғат пайдалануды реттеу басқармасына Жаңақорған ауданы әкімдігімен бірлесіп, "Қыраш" және "Көлтоған" су қоймаларының қауіпсіздігін қатаң бақылауға алу, "Бесарық" су қоймасынан түсетін суды қабылдауда "Манап" су қоймасының су қабылдау қауіпсіздігін қамтамасыз ету тапсырылды.Сонымен қатар Жаңақорған ауданының әкімі Мұрат Тілеуімбетовке тау бөктерінен түсетін қарғын суды тиімді пайдалану үшін жасанды су қоймаларын салу жолдарын зерделеп, ұсыныс енгізу, Арал ауданының әкімі Аманжол Оңғарбаевқа су тапшылығының жылдан-жылға күрделенуіне байланысты «Құмсай» су қоймасын тиімді пайдалану шараларын қарастыру міндеті қойылды.Сондай-ақ, облыстық ветеринария басқармасы мал басын өзектендіру жұмыстарын күшейтуі, &nbsp; облыстық ауыл шаруашылығы және жер қатынастары басқармасы жем–шөпті жеткілікті мөлшерде қамтамасыз ету жұмыстарын қолға алуы керек. Облыстық төтенше жағдай департаментінің, облыстық табиғи ресурстар және табиғат пайдалануды реттеу басқармасының мамандары ертең облыс аумағындағы барлық су қоймаларының жағдайын зерделеп, қажет болса ұсыныстар енгізуі тиіс.<img src="https://knadmin.beoblood.kz/uploads/FB_IMG_1711874279583_c1edb4bfe3.jpg" alt="FB_IMG_1711874279583.jpg"><img src="https://knadmin.beoblood.kz/uploads/FB_IMG_1711874283693_d2d0134901.jpg" alt="FB_IMG_1711874283693.jpg">

Аймақ басшысы су тасқынына қарсы жұмыстарды күшейтуді тапсырды

Kyzylorda-news.kz. Арал ауданының әкімі Аманжол Оңғарбаев ауданға жұмыс сапарымен келген Халықаралық Аралды құтқару қоры дирекциясының өкілдерімен кездесті.&nbsp;Жиынға мекеме, үкіметтік емес ұйымдарының басшылары мен табиғат пайдаланушылар қатысты.&nbsp; Алдымен аудан басшысы Арал теңізінің қазіргі жағдайы мен Кіші Теңізді сақтап қалу бағытындағы теңіз ұлтанына сексеуіл егу, жергілікті халықтың жағдайын жақсартуға бағытталған қордың атқарған жұмыстарына тоқталып өтті. Сонымен қатар, Арал теңізінің ахуалы мемлекет басшысының назарында екендігін айтып, ауданға қарасты «Тұщы» және «Домалақ» көлдерінде тоғанда балық өсіру жобалары қолға алынатындығын жеткізді.Одан соң жиында Халықаралық Аралды құтқару қорының Қазақстан Республикасындағы атқарушы дирекциясының директоры Серікәлі Мұхаметкәрімұлы сөз алып, алдағы уақытта теңізге қатысты су мәселелерін шешу, тұрғындардың әлеуметтік жағдайын көтеруге арналған жобаларды қаржыландыруға қолдау білдіретіндігін айтты. Кездесуде балық шаруашылығы саласының ардагерлері Ә. Әйімбетов, З. Ермаханов және «Арал теңізі» қоғамдық бірлестігінің төрайымы А. Баймаханова өңірдегі балық шаруашылығының даму барысы мен жоспарланған жобалардың тиімді тұстары туралы ойларын ортаға салды.&nbsp; Жиында барысында қатысушылар тарапынан қор басшылығына бірнеше елді мекендердегі құм көшкінінің алдын алу, шалғай орналасқан ауылдарға жедел жәрдем көлігі, мүмкіндігі шектеулі балалардың білім алуына арналған инклюзивті сыныптардағы білім алушылардың және Қамыстыбас елді мекеніндегі интернат оқушыларының &nbsp;тасымалына көлік қажеттігі айтылып, түйе жүнін өңдеу, тұрмыстық қалдықтарды өңдеу сынды бірнеше жобаларды қаржыландыру мәселесі ұсынылды. Кездесу соңында аудан әкімі &nbsp;Халықаралық Аралды құтқару қорына бұдан басқа да бірқатар жобалар ұсынылатындығын айтып, ортақ мәселелерді шешу мақсатында келген қор өкілдерінің жұмыстарына сәттілік тіледі.Бұдан бөлек, Аралды құтқару қорының өкілдері аудан жастарымен бірге ағаш көшеттерін отырғызып, үкіметтік емес ұйым мүшелерімен кездесіп, ұсыныс-пікірлерін тыңдады. Атап өтейік, еліміз биылғы жылдан бастап Халықаралық Аралды құтқару қорына төрағалық ететін болады.<img src="https://knadmin.beoblood.kz/uploads/FB_IMG_1711814144457_3888c4adb5.jpg" alt="FB_IMG_1711814144457.jpg"><img src="https://knadmin.beoblood.kz/uploads/FB_IMG_1711814146778_83a804c502.jpg" alt="FB_IMG_1711814146778.jpg"><img src="https://knadmin.beoblood.kz/uploads/FB_IMG_1711814135971_a001181dbc.jpg" alt="FB_IMG_1711814135971.jpg">

Қазақстан және Қызылорда облысының жаңалықтары