<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудандық Қоғамдық кеңесінің кезекті отырысы өткізілді.&nbsp;Жиынға аудандық Қоғамдық кеңес төрағасы М.Еспенбетов төрағалық етіп, күн тәртібінде негізгі алты мәселе қаралды.Бірінші мәселе мемлекеттік көрсетілетін қызметтердің сапасына арналды. Екі бөлімнің есебі тыңдалып, алдымен аудандық ауылшаруашылығы және жер қатынастары бөлімінің бас маманы Ж.Ұзақбаева баяндама жасады. Оның айтуынша, биылғы жылдың 3 айында бөлім тарапынан 292 мемлекеттік қызмет көрсетілген. Былтыр 16 мерзім бұзушылық анықталып, жауапты орындаушыларға айыппұл салынып, тәртіптік жазалар қолданылыпты. Сала жұмысын жүйелеуде мәселелер де жоқ емес. Атап айтқанда, «Е-лицензиялау» ақпараттық жүйесінде түзетуді қажет ететін тетіктер бар.<blockquote>– «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу» мемлекеттік көрсетілетін қызметінің бірінші кезеңі бойынша өтініш тиісті аудан немесе ауылдық округ әкіміне түседі. Табысталуға жататын кез келген нысаналы мақсаттағы жер учаскесіне құқық табыстау үшін аудандық жер комиссиясының оң немесе теріс қорытынды қабылданған хаттамалық шешімі толтырылады. Жүйеде тиісті хаттамалық шешім жер қатынастары жөніндегі уәкілетті органмен толтырып, тиісті ауылдық округ әкіміне жолданады. Электронды толтырылған хаттамалық шешімге комиссия төрағасының орнына ауыл әкімі қол қойып шығаруда. Осыған байланысты, толтырылған хаттамалық шешімнің аудандық жер комиссиясының төрағасының электронды сандық қолтаңбасына түсуін жүйеде қалпына келтіруі ұсынылады. Себебі электронды шығарылған хаттамалық шешім жерге орналастыру жобасын дайындауға негіз болатын аса маңызды құжат болып есептеледі. Сонымен қатар «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу» мемлекеттік көрсетілетін қызметтің бірінші кезеңі бойынша тиісті аудан немесе ауылдық округ әкіміне түскен өтінішті қағидаға сәйкес жер қатынастары жөніндегі және сәулет және қала құрылысы саласындағы уәкілетті органға жолдайды. Алайда жүйеде тек бір уәкілетті органға жолдаумен шектелген. Біз бір мезетте жүйеде екі органға жолдауды қарастыруды ұсынамыз. Жоғарыда аталған қызметтің екінші кезеңі бойынша жерге орналастыру жобасы бекітілгеннен кейін бұйрық негізінде аудан, кент және ауылдық округі әкімдері үш жұмыс күні ішінде жер учаскесін табыстау туралы шешім қабылдайды. Бұл шешімді жер қатынастары жөніндегі уәкілетті орган толтырады. Жүйеде ауыл әкімінің шешімі өкім ретінде басылып шығуда. Тиісті қателікке түзету енгізу қажет деп есептейміз. Мұнан бөлек «Жер учаскесін алу үшін кезекке қою» мемлекеттік көрсетілетін қызметі бойынша қазіргі «E.GOV» порталы арқылы азаматтардан өтініш беру тоқтаусыз түсуде. Қағида талаптарына сәйкес, өтінішті қарауға 12 жұмыс күні берілген. Алайда электронды үкімет порталы арқылы жер учаскесін алуға кезекке тұру жүзеге асырылып жатыр. Яғни, өтінішті қарау мерзімін қысқарту керек. Құқық нормаларының коллизиясы бойынша «Жер учаскелерін қалыптастыру жөніндегі жерге орналастыру жобаларын бекіту» мемлекеттік қызметін көрсету қағидасындағы мемлекеттік қызмет көрсету тәртібінде «Мемлекеттік көрсетілетін қызметті облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдары көрсетеді» делінген. Алайда осы мемлекеттік көрсетілетін қызметті жер қатынастары саласындағы уәкілетті орган көрсетеді. Осыған байланысты да қағидаға өзгеріс енгізу ұсынылады, – деді Ж.Ұзақбаева.</blockquote>Мұнан соң аудандық тұрғын үй коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Н.Омаров есеп берді. Ол бөлім тарапынан көрсетілетін қызметтердің барлығы электронды форматқа көшірілгенін айтып, жұмыстардың зая аясында жүргізілуі қатаң бақылауда екенін жеткізді. Кеңес мүшелері екі баяндамашыға да бірқатар сұрақ қойып жауап алды.Кеңес отырысында тұрмыстық қатты қалдықтарды жинауға, тасымалдауға, сұрыптауға және көмуге арналған тарифті бекіту бойынша мәслихаттың 2022 жылғы 20 қазандағы №165 шешіміне өзгеріс енгізу мәселе қаралды. Бұл бойынша аудандық тұрғын үй коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Н.Омаров түсініктеме берді.Күн тәртібіндегі үшінші мәселе «Әлеуметтік көмек көрсетудің, оның мөлшерлерін белгілеудің және азаматтардың жекелеген санаттарының тізбесін айқындаудың қағидаларын бекіту» туралы аудандық мәслихаттың 2023 жылғы 4 қыркүйектегі №54 шешіміне өзгеріс енгізуге арналды. Аудандық жұмыспен қамту және әлеуметтік бағдарламалар бөлімі басшысының орынбасары А.Өмірзақов баяндады. Төртінші мәселе Конго-Қырым геморрагиялық қызбасы жайлы өрбіді. Әуелі аудандық санитарлық-эпидемиологиялық бақылау басқармасының басшысы С.Өмірбаевтың хабарламасы тыңдалды. Кеңес төрағасы М.Еспенбетов күн тәртібіндегі мәселенің өзектілігін айта келе атқарылатын жұмыстардың сапасын арттыру қажеттігіне назар аударды.<blockquote>– Конго-Қырым қызбасы – ауа райы жылығанда кене арқылы кең тарайтын індет. Өткен жылы облыста осы аурумен 48 адам тіркелген екен. Зертхана қорытындысымен оның 13-інен Конго-Қырым қызбасы анықталған. Індеттің алдын алу үшін облыстық бюджеттен қажетті қаржы бөлініп, көктем және күзгі маусымда залалсыздандыру жұмыстары жүргізіліп жатқаны белгілі. Бұл мәселе осы аптада облыс әкімінің төрағалығымен де кеңінен талқыланды. Сондықтан биылғы профилактикалық жұмыстарды белгіленген уақытта бастауды қатаң бақылауда ұстау керек. Мал қоралар таза болмаса, кенеге қарсы залалсыздандыру жұмыстарының сапасына кері әсер етеді. Сондықтан залалсыздандыруды бастамас бұрын елді мекендердегі мал қораларды механикалық тазалаудан толық өткізу қажет, – деді Марат Еспенбетов.</blockquote>Өз кезегінде аудандық санитарлық-эпидемиологиялық бақылау басқармасының басшысы С.Өмірбаев кенеге қарсы залалсыздандыру бекітілген кестеге сәйкес жүргізілетінін айтты. Бесінші мәселеде аудандық ветеринариялық инспекциясының 2023 жылғы атқарылған жұмысы мен 2024 жылға арналған жоспары тыңдалды. Бұл бойынша мекеме басшысы Ғ.Садықов баяндама жасады. Инспекцияның негізгі міндеті, функциясы, құқығы жөнінде айтып өткен ол былтыр 13 түрлі індетке қарсы ветеринариялық-профилактикалық жұмыстардың жоспары бекітілгенін жеткізді. Мал сою алаңдарының сапасы жөнінде де талқыланды. Соңғы мәселе аудандық ветеринариялық стансаның жұмысына арналды. Мекеме басшысының орынбасары Б.Бегімқұлов энзоотиялық ауруларға қарсы жүргізілген іс-шаралардың және ауылшаруашылығы жануарларын бірдейлендіру жұмыстарының қорытындысымен таныстырды. Иесіз жүрген ит-мысықтарды аулау бойынша да айтты. Кеңес мүшелері көшелерде жүрген иесіз иттердің қауіптілігі туралы айта келе 2021 жылы қабылданған «ҚР жануарларға жауапкершілікпен қарау» туралы заңды басшылыққа алу керектігін ұсынды. Кеңес соңында күн тәртібіндегі мәселелер бойынша тиісті шешімдер қабылданып, кеңес мүшелерінің ұсыныс-пікірі ескеріле отырып мақұлданды.

Қоғамдық кеңес: күн тәртібінде 6 мәселе қаралды

<a href="https://kyzylorda-news.kz/">Kyzylorda-news.kz</a> Белгілі саясаттанушы Досым Сәтбаев әйелі Салтанат Нүкенованың өлтірді деп айыпталған Қуандық Бишімбаевқа қатысты пікір білдірді. Бұл туралы ол өзінің Facebook парақшасында жазды, деп хабарлайды <a href="https://sn.kz/sn-akparat-agyny/111468-dosym-satpaev-bishimbaev-siiaktylar-memleketti-baskargysy-keldi">Skifnews.kz</a> ақпарат порталы.Оның жазуынша, Бишімбаевтың көріпкелге хабарласу оқиғасы оған Оңтүстік Корея тарихындағы үшінші президент Пак Кын Хенің түрмеге отырған прецендентін еске салған.<blockquote>"Ол сыбайлас жемқорлық жасады деп айыпталды. Сонымен қатар, ол сыртқы және ішкі саясат туралы ақымақ шешімдерін көбінесе көріпкелдермен, бақсылармен және көріпкелдермен кеңесіп қабылдағаны белгілі болды, сондай-ақ олардың бірі оның ең жақын досы болды.Оңтүстік Кореяның бұрынғы президенті 24 жылға бас бостандығынан айырылды және сыбайлас жемқорлық, парақорлық және бопсалау үшін 16,8 миллион АҚШ доллар айыппұл төледі. Егер ол оған қоса басқа біреуді өлтірсе, онда ол 1997 жылдан бері қолданылмаса да, жойылмаған өлім жазасына кесілуі мүмкін еді, - дейді ол .</blockquote>Оның айтуынша, Тұңғыш Президенттің тұсында Бишімбаев сияқтыларға &nbsp;жаңа саяси "элита" ретінде белсенді түрде пиар жасалған. Шетелде бюджет есебінен оқытылып, лауазымдар мен медальдар берілді.<blockquote>"Ал Бишімбаев сияқтылар оған қоса мемлекетті басқаруға тырысты. Тұңғыш Президенттің тұсында ол сияқтыларды жаңа саяси "элита" ретінде, елдің қандай да бір кадрлық резерві ретінде белсенді түрде пиар жасады.Онда мұндай мизантроптар конвейердегідей өсірілді. Олар қажет болды. Ар-ұждансыз және ар-намыссыз. Қандай да бір біліммен, бірақ мораль мен моральдық құндылықтарсыз. Өздерін қол тигізбейтін деп санап, бастарын таптап өтуге дайын.Шамасы, барлығы жақсы болды. Қара магиямен айналысты. Кристалды шарлар сатып алды. Көріпкелдердің тізімін жасады.Дипломдармен және жалған интеллектуалды келбеттерімен, бірақ "жүректің орнына тесік" тағы қанша шенеунік кабинеттерінің көлеңкесінде қалды? Кейбіреулері өзінен төмен кез келген адамды қорлауға дайын…Олардың бір ғана инстинкті бар. Ол ешбір өкінішсіз кез-келген жолмен аман қалу", - деп қорытындылады саясаттанушы.</blockquote>Коллаж: sn.kz

Досым Сәтбаев: Бишімбаев сияқтылар мемлекетті басқарғысы келді

<a href="https://kyzylorda-news.kz/">Kyzylorda-news.kz</a>&nbsp; Аптаның сейсенбісінде өтетін Үкімет отырысынан кейін аудан әкімі Б.Сәрменбаевтың төрағалығымен жиналыс өткізілді.&nbsp;Күн тәртібіндегі негізгі мәселелер талқыланғаннан кейін қосымша мәселелер де қаралды. Аудандық мәслихат төрағасы Е.Әжікенов көршілес өңірлердегі су тасқыны апаты туралы айта келе қоғам болып жұмылып, көмек көрсету бастамасын көтеріп, ұсыныс тастады. Орынды ұсынысқа жиынға қатысушылар қолдау білдіріп, игі іс аясында аз уақытта жүйелі жұмыстар атқарылды.««AMANAT» партиясының аудандық филиалының төрағасы Ержан Ертарғынұлының ұсынысы орынды. «Апат айтып келмейді» деп бекер айтылмаған. Сондықтан аудан әкімінің орынбасары Т.Нұртазаев пен аудан әкімі аппаратының басшысы Р.Шайхиевке тиісті ұйымдастыру жұмыстарын пысықтауды тапсырамын. Халыққа дұрыс ақпарат жеткізудің де маңызы зор. Жергілікті газет пен әлеуметтік желілер арқылы атқарылып жатқан жұмыстарды ақпараттандыру керек. Бұл бастамаға кәсіпкерлер, шаруашылықтар және ерікті жастар өз үлесін қосады деп сенемін» деді аудан әкімі Берік Әбдіғаппарұлы.Жиыннан кейін ерікті жастардың ұйытқы болуымен аудандық қоғамдық даму бөліміне қарасты жастар ресурстық орталығының жанынан арнайы гуманитарлық көмекті қабылдау пункті ашылды. Гуманитарлық көмекті қабылдау пунктіне аудан әкімінен бастап аудандағы мемлекеттік қызметшілер өз үлесін қосты. Игі істен аудандық мәслихат депутаттары, мәслихат ұжымы, «AMANAT» партиясының аудандық филиалы және «Жастар рухы» жастар қанатының мүшелері де тыс қалмады. Күнделікті тұрмысқа қажетті азық-түлік өнімдері партияның аудандық филиалына жиналып, жастар ресурстық орталығының жанынан ашылған арнайы гуманитарлық көмекті қабылдау пунктіне өткізілді.Айта кету керек, аудан жұртшылығы бұған дейін де қайырымдылық көмек көрсетуде үлгі-өнеге көрсетіп келеді. Ал су тасқынынан зардап шеккен өңірге жөнелтілген көмектің орны бөлек. Қай кезде де тату тірлікті, бекем бірлікті ту еткен аудан халқы су тасқынына қарсы шараларды үйлестіру және қарғын су жүру кезеңінің салдарын жою жөніндегі Мемлекет басшысының шешімдерін қолдайды.<img src="https://knadmin.beoblood.kz/uploads/c3ebec02_fd3c_4804_97e9_043e4f39a14f_f7148300d5.jpg" alt="c3ebec02-fd3c-4804-97e9-043e4f39a14f.jpg">Фото: qaz365.kz

Сырдариялықтар су тасқынынан зардап шеккендерге көмек жіберді

<a href="https://kyzylorda-news.kz/">Kyzylorda-news.kz</a>&nbsp; Соңғы жылдары Сыр өңірінде театр саласы жанданып, жаңа есімдер ел жадында сақталуда.&nbsp;Әсіресе, шығармашылық еркіндік пен кәсіби шеберлік арқылы күрделі образды ашуға жүрексінбейтіндер жетерлік. Солардың бірі – Нартай Бекежанов атындағы облыстық қазақ академиялық музыкалық драма театрының әртісі Жауһар Еркінова. Ол жуырда «Raiymbek Fest» I республикалық театр фестиваліне қатысып, «Ең үздік әйел бейнесі» номинациясын еншіледі. Осы орайда талантты жаспен тілдесіп, театр төңірегіндегі ой-пікірін сұраған болатынбыз.<h2 style="margin-left:0cm;text-align:center;">«Жанар – күрделі бейне»</h2>Өнер тарланы Райымбек Сейтметовтің есімі театр саласында құрметке ие. Тұлғаның атына Түркістан төрінде өткізілген фестивальге қатысуды құп көріп, өнер көрсетуге де ол кісінің шығармашылық жолы шабыт берді. «Raiymbek Fest» I республикалық театр фестиваліне қырғыз драматургы Сұлтан Ыбырайымовтың «Ақ Ләйлек» лирикалық драмасын сахналадық. Мен Жанар рөлін ойнап, сыншылар шешімімен «Ең үздік әйел бейнесі» деген номинацияны иелендім. Көрермендер де образдың ашылуы мен спектакль мазмұнына оң баға берді. Бұл – менің ғана емес, театрдың ортақ табысы. Жалпы, мен сомдаған Жанар образы – күрделі бейне. Болмыс-бітіміме ұқсас та, жат та тұсы көп. Әсіресе қойылымның екінші бөлігінде кейіпкерім күрт өзгеріске ұшырап, психологиялық бейнесі күрделене түседі. Ішкі арпалыс, жан айнасы құбылады. Кейіпкерді ұға білу маңызды. Міне, сондай түрленген бейнені қатар сомдау қиынның қиыны.<h2 style="margin-left:0cm;text-align:center;">«Әріптестердің көмегі зор»</h2>Өнер жолындағы жемісті жолым Нартай Бекежанов атындағы Қызылорда облыстық қазақ академиялық музыкалық драма театрымен тығыз байланысты. Мұндағы ұжым мен алдыңғы буын әріптестердің ықылас-ниеті, ақыл-кеңесі өмірде де, өнерде де бағдар болды.Театрға келгеніме 2-3 жыл болса да жетекші әртістерден өнеге алдым. Сол аралықта Қазақстанның еңбек сіңірген қайраткері Хұсейін Әмір-Темір, Зәлипа Төлепова секілді тәжірибе мен білім тоғыстырған ұстаздар және Алмагүл Артықбаева, Ақтолқын Төлеуова сынды білікті мамандардан үйренгенім көп. Олар шеберлік шыңдап, кәсіби жетілуге барынша қолдау білдіргенін айта кеткен жөн. Ке­йіп­кердің мі­нез-құлқын ашуға септесіп, шынайы эмоцияны дөп басуға ықпал ете білді. Фестиваль барысында сахналаған қойылымды жоғары дәрежеде өткізуге де жәрдем етті.<h2 style="margin-left:0cm;text-align:center;">«Жастар театрға бармайды деген жалған сөз»</h2>Сыр жастарының өнерге көзқарасы қуантады. Театр құра­­мының жас өнер­паздармен толығуы сөзімізге дәлел болары анық. Әрбірі өзіндік жолын қа­лыптас­тырып, көрер­менін та­уып, ке­йіп­кер бейнесін ашуда жемісті еңбек&nbsp;етуде.Көрермендерге келер болсақ, ондағы жас ерек­шелік құ­был­малы. Алайда соңғы уақытта ЖОО студенттерінің қойылымға келуі үдеді. Сыр жастары театрға бармайды деген жалған сөз. Бір қуанарлығы, мұғалімнің тапсырмасы емес, өз еркімен өнер тамашалауға қызығатын буын қалыптасты. Тіпті топтастармен жиналып, қойылымды бірге талқылайтын жас көп. Бұл театр өнерінің болашағын айқындары сөзсіз.

Сырбойылық «Ең үздік әйел бейнесі» номинациясының иегері атанды

<a href="https://kyzylorda-news.kz/">Kyzylorda-news.kz</a>&nbsp;Биыл елімізде қасиетті Қадір түні 5 сәуірден 6 сәуірге қараған түнге түсіп отыр. Бұл түні жасалған ғибадат мың айға, яғни сексен үш жылға тең деседі. Мұсылмандардың қасиетті түнді қалай өткізгені жөн? Бұл туралы толығырақ Алматы қаласы Ибраһим мешітінің бас имамы Ермек Көкірекбаев El.kz ақпарат агенттігінің тілшісіне айтып берді.<h3 style="margin-left:0px;text-align:center;">Қадір түні қалай белгіленеді?</h3>Ермек Көкірекбаевтың айтуынша, көптеген ғалымдар Пайғамбардың&nbsp;(с.ғ.с.)&nbsp;хадисіне сүйене отырып, Қадір түні деп әр Рамазан айының 26-сынан 27-сіне қараған түнді белгілеген. Десе де Қадір түнінің дәл қай түн екені нақты белгісіз.<blockquote>Қадір түнін барша мұсылман асыға күтеді. Олар түннің қасиетіне сеніп, құлшылық етумен болады. Пайғамбарымыз (оған Алланың салауаты мен сәлемі болсын) «Кімде-кім осы түнде Аллаға иман келтіріп, сауабынан үміттеніп, құлшылық ететін болса, Алла Тағала оның бұрынғы істеген барлық күнәсын, кемшіліктерін, қателіктерін кешіреді» деген. Бұл түні періштелер жерге түсіп, береке орнайды, – деді ол.</blockquote>Бас имамның сөзінше, Қадір түнінің өзіне тән бір белгілері болады.<blockquote>Хадистерде Қадір түнінің бірнеше белгісі бар екені айтылған. Біріншіден, Пайғамбарымыз (оған Алланың салауаты мен сәлемі болсын) «Қадір түнінде аспан ашық болады. Ыстық та, суық та болмайды. Күн қызыл болып шығады» деген. Ол түні ай ерекше жарық болып, қоңыр салқын, жағымды жел соғып тұрады. Екіншіден, Қадір түні – мұсылмандардың жүрегінде тыныштық орнайтын түн. Оған қоса олардың жаны рахатқа бөленеді, – дейді Ермек Көкірекбаев.</blockquote><h3 style="margin-left:0px;text-align:center;">Қадір түнін неліктен тағдыр түні деп атайды?</h3>Қадір түнінің тағдыр түні деп аталу себебі – дәл осы түнде Алланың белгілі бір періштелерге келесі тағдыр түніне дейін не болатыны жайлы білім беруінде.<blockquote>Қасиетті түні адам Құдайға ерекше сыйынып, шын жүректен дұға тілейтін болса, оның тағдыры өзгеруі мүмкін. Тағдыр түні «Алла, менің тағдырымды жақсы жағына өзгертші, маған жақсы тағдыр нәсіп етші» деп өлгеннен кейін де жағдайымыздың жақсы болуын сұрасақ, Аллам тағдырдың сыйын, жақсылығын береді, – деді бас имам.</blockquote><h3 style="margin-left:0px;text-align:center;">Қасиетті түнді қайда және қалай өткізу керек?</h3>Ермек Көкірекбаев Қадір түні басталғанға дейін мұсылмандардың толық дәрет алып, теріс ойлардан жаны мен жүрегін аулақ ұстауы қажет екенін айтады.<blockquote>Қадір түнін мүмкін болса мешітте жамағатпен өткізу керек. Алланың разылығы үшін ғибадат жасап, намаз оқып, дұға тілеген жөн. Көпшілікпен жасаған құлшылық ерекше болады. Сонымен қатар Құран кәрімді оқып, уағыз-насихат тыңдаған дұрыс, – деді имам.</blockquote>Қасиетті түнді мұсылмандар Құдайға тәубе етумен, кешірім сұраумен, Мұхаммед пайғамбарға салауат айтумен өткізуі тиіс. Қадір түні құлшылық жасап, сауапқа кенелетін ең қолайлы уақыт болып саналады.<h3 style="margin-left:0px;text-align:center;">Әйелдерге қадір түнін мешітте қарсы алуға бола ма?</h3>Ислам діні әйелдерге мешітке баруға тыйым салмайды, десе олардың өз үйінде жасаған құлшылығы абзал болады.<blockquote>Егер әйел Қадір түнінде мешітке ағасымен, күйеуімен барса, оның еш әбестігі жоқ. Ал егер қасында жақыны болмаса, түнді үйінде өткізгені дұрыс. Себебі әйелдердің мешіті – өзінің үйі, бөлмесі, – дейді Ермек Көкірекбаев.</blockquote><h3 style="margin-left:0px;text-align:center;">Имамдар Қадір түнін қалай өткізеді?</h3>Ибраһим мешітінің бас имамы қасиетті түнді имамдардың қалай өткізетінін айтып берді.<blockquote>Кешке мешітте ауыз ашамыз. Одан кейін құптан намазын, сосын тарауих намазының 20 рәкатын оқимыз. Мешіт жамағатымен отырып, су ішіп, құрма жеп алғаннан кейін уағыз тыңдау уақыты келеді. Онда Қадір түнінің қадір-қасиеті жайлы айтылады. Кейін түнгі тәһәжүд намазы басталды. Оны оқыған соң әркім өзі жеке құлшылық жасап, дұға тілейді, – деді ол.</blockquote>Ермек Көкірекбаевтың айтуынша, Қадір түнінде имамдар мешітте мұсылмандардың арасында сұрақ-жауап ұйымдастырады. Сұрақтарға дұрыс жауап бергендерге жайнамаз, тәспі, құран кітап сияқты арнайы сыйлық беріледі.<blockquote>Сұрақ-жауаптан кейін кофе-брейк ұйымдастырылады. Сосын имам уағыз айтады, құранның барлық, яғни 114 сүресін оқиды. Сәресі уақытында тамақтанып, таң намазын оқып, үйімізге қайтамыз, – деді имам.</blockquote><h3 style="margin-left:0px;text-align:center;">Қадір түні не істеуге болмайды?</h3>Қадір түнінде зиянды іс-әрекеттерден аулақ болу қажет.<blockquote>Дінде рұқсат етілмеген дүниелерді істеуге болмайды. Темекі шегіп, ішімдік ішуге рұқсат етілмейді. Уақыт өткізу мақсатында карта, нарды ойнамап, сериал қарамау керек. Ұрысып, бос әңгіме айтуға болмайды. Қадір түні құлшылаққа арналуы тиіс, – дейді имам.</blockquote><h3 style="margin-left:0px;text-align:center;">Қасиетті түнде қандай дұғаларды оқу керек?</h3>*Ықылас сүресін – 100 рет&nbsp; Бисмилләһир рахмәнир рахим. Қуль һу уаллаһу аһаді. Аллаһус самаді. Ләм иәлиді, уә ләм иуләді. Уә ләм иәкуль ләһу куфууән ахаді. Ықлас сүресінің қазақша мағынасы: «Алла біреу ақ. Алла мұңсыз. (әр Нәрсе Оған Мұқтаж). Ол тумады да туылмады. Әрі Оған ешкім тең емес».&nbsp; *Қадыр сүресі – 100 рет&nbsp; Бисмилләһир рахманир рахим. Иннә әңзәлнәһу фи ләйләтил қадыр. Уә мә әдракә мә ләйләтул қадыр. Ләйләтул қадри хайрум минәл фи шәһр. Тәнәззәлул мәләикәту уәр руху фи һә биизни раббиһим мин кулли әмр. Сәләмун һиә хатта мәт ләғил фәжр. Қадір сүренің қазақша мағынасы былай болып келеді: «1. Біз оны (құранды) қадір түні түсірдік. 2. Қадір түнінің не екенін білесің бе? (Аллаһ Тағала білдірмесе) қайдан білесің? 3. Қадір түні мың айдан да артық. 4. Ол түні Аллаһтың рұқсатымен кез-келген іс үшін Рух пен періштелер түседі. 5. (әсіресе ол түнді ғибадатпен өткізгендер үшін) таң атқанға дейін Аллаһтың рақымы мен есендігі жауады». *Тілді кәлимаға келтіріп, шәхәдәні&nbsp;&nbsp;– 100 рет Лә иләһә иллаллаһ, Мухаммәдур расулуллаһ Қазақша мағынасы: Алладан басқа Тәңір жоқ, Мұхаммед оның елшісі. *Әшһәду әллә иләһә иллаллаһ, уә әшһәду әннә Мухаммәдән ғабдуһу уә расулуһ –&nbsp;100 рет. Қазақшасы: Алладан басқа ешбір тәңір жоқ және Мухаммед Оның Елшісі және құлы екендігіне куәлік беремін. *Астәғфируллуһ –&nbsp;500 рет.Қазақша мағынасы: «Алладан кешірім сұраймын» *Лә иләһә иллаллаһ уахдәһу лә шарикәләһ, ләһул мулку уә ләһул хамду, уә һуә ғалә кулли шәйин қадиир – 100 рет. Айта кетейік, Қадір түнінде бір рет қадір сүресін оқу, басқа уақытта құран кәрімді хатым еткеннен де артық сауап. Қадір түні бір рет «Субханалла», бір рет «Әлхамдулилла», бір рет «Лә илаһа иллалла» деп айту 700 мың тәсбих, тахмид және тәһлилден құнды болады. Бұл түні қой сауымындай уақыт (аз уақыт) намаз оқу, ғибадат ету бір ай барлық түндерді таңға дейін ғибадат етуден де құнды.<h3 style="margin-left:0px;text-align:center;">Кімдердің дұғасы қабыл болмайды?</h3>Пайғамбарымыз (с.ғ.с) «Қадір түнінің жақсылығына құлшылық қылған барлық адамдар бөленеді, бірақ, осы төрт түрлі адам Қадір түнінің жақсылығынан құр қалады» деп ескертіп кеткен.<blockquote>Бірінші, ата-анасына қарсы келген, ата-анасының көз жасына қалған, ата-анасының ашуына ұшыраған адам. Екінші, туған-туыстарымен байланысын үзген адам. Үшінші, Алла тағаланың тиым салғанына қарамастан, арақ ішіп, маскүнем болған адам. Төртінші, ызақор, кек сақтап, араз болып жүрген адамның құлшылығы қабыл болмайды, – деп атап өтті Ермек Көкірекбаев.</blockquote><h3 style="margin-left:0px;text-align:center;">Қадір түні қанша уақытқа жалғасады?</h3>Қадір түні ауыз ашқан сəттен бастап, таң ататын уақытқа дейін жалғасады.

Қадір түнін қалай дұрыс өткізу керек?

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Экология және табиғи ресурстар бірінші вице-министрі Нұркен Шарбиевпен бірге Арал, Қазалы аудандарына іссапармен барып, Арал теңізінің құрғаған ұлтанындағы сексеуіл егу жұмыстарымен танысты. Делегация құрамында «ҚазМұнайГаз» ҰК АҚ басқарма төрағасы Мағзұм Мырзағалиев бар. «ҚазМұнайГаз» компаниясы теңіз табанына сексеуіл көшеттерін егуге қаржы бөлуде.Алдымен аймақ басшысы мен вице-министр құрғаған ұлтанның № 98, 99, 100, 103, 104, 105 орамдарын тікұшақ арқылы әуеден бақылады. Жүргізілген фитоорманмелиорациялық жұмыстармен стенд арқылы танысып, сексеуіл көшетін отырғызды.Мемлекет басшысы 2021-2025 жылдар аралығында Арал теңізінің құрғаған ұлтанына 1,1 млн. гектар сексеуіл екпелерін егу жөнінде тапсырма бергені белгілі. Тапсырма кезең-кезеңімен орындалып, 2021 жылы 101 мың гектар, 2022 жылы 250 мың гектар, былтыр 193 мың гектар жерге сексеуіл егілді. 2024-2025 жылдарға 556,2 мың гектар жерге фитоорманмелиорациялық жұмыстар жүргізу жоспарланған. Биыл құрғаған ұлтанның 50 мың гектарына 15 млн. сексеуіл көшетін отырғызу, 50 мың гектарына қарабарақ, сексеуіл тұқымын себу жұмыстары межеленуде. Агротехникалық талаптарға сәйкес, сексеуілді көшеттен отырғызу наурыз бен сәуір айларында, ал тұқымнан себу күз мезгілінде, яғни қазан мен желтоқсан айлары аралығында жүргізіледі.Бүгінгі күнге 12,2 млн. көшет қазылып, құрғаған ұлтанның 39 мың гектарына отырғызылды. Сондай-ақ, теңіз табанындағы 150 мың гектар жердің топырағын зерттеу және жобалау жұмыстарына облыстық бюджеттен 58,4 млн. теңге бөлінді. Күз мезгілінде 50 мың гектар жерге сексеуіл тұқымын себу үшін 180 тонна орман ағаштарының тұқымы жиналады.Республикалық орман-селекциялық тұқым өсіру орталығы кепкен ұлтандағы 15 мың гектар жерге 4,4 млн. көшет сатып алып, 7000 гектарға отырғызылды. 2021-2023 жылдары орман шаруашылығы мекемелерінің материалдық-техникалық базасын нығайтуға облыстық бюджеттен 1 млрд. 806 млн. теңге бөлініп, 102 арнайы техника және қажетті құрал-саймандар сатып алынды. Ал, 2024 жылға 77 млн. теңге қаралған.<img src="https://knadmin.beoblood.kz/uploads/434769387_722081696779744_8199893684966987883_n_948a28a096.jpg" alt="434769387_722081696779744_8199893684966987883_n.jpg"><img src="https://knadmin.beoblood.kz/uploads/435716472_722081626779751_8045537097507481992_n_8fd4a9d831.jpg" alt="435716472_722081626779751_8045537097507481992_n.jpg"><img src="https://knadmin.beoblood.kz/uploads/436001678_722081700113077_7322882035188170456_n_161f9e821c.jpg" alt="436001678_722081700113077_7322882035188170456_n.jpg"><img src="https://knadmin.beoblood.kz/uploads/434822745_722081610113086_1025289923338406317_n_ab67692bfd.jpg" alt="434822745_722081610113086_1025289923338406317_n.jpg">

Аралдың құрғаған ұлтанына 12,2 млн түп сексеуіл егілді

Қойнауы құтқа толы Қазалы ауданындағы Майдакөл ауылдық округіне қарасты Бекарыстан би ауылы береке мен табыстың бастауы саналады. Бұл Қазалы ауданындағы ең алғаш құрылған ауыл. Қанатының астынан Үрмәш Түктібаев, Майдакөл, Ажар, Жаңақұрылыс, Жалпақ сияқты іргелі бес ауылдың еншісін беріп, бөлек шығарған қасиетті қарашаңырақ. Көзкөргендер Бекарыстан би ауылын қарашаңырақ деп айтатыны да сондықтан.Майдакөл ауылдық округі биыл бір ғасырлық ғұмырын атап өтпек. Сырдария өзенінің сол жағалауындағы (күн-батыс беті) орналасқан «Ақжона» жерінің маңынан алты шаруашылық серіктестіктері – Шәуілдір, Қараарық, Ақжона, Палуан, Үлгі бол, Жаңа еңбек, оның ішінде: Ақжона қазіргі Бекарыстан би ауылы құрылған. Олар үш шаруашылық – Октябрь, Қараарық, Жаңатұрмыс артеліне, кейін екі колхозға – Октябрь, Жаңатұрмыс біріктірілген. Сонау қиын-қыстау кезеңде «Октябрь» колхозы 100-130 отбасынан құрылған елді мекен болды.&nbsp;Осылайша Октябрь колхозы, Карл Маркс атындағы күріш совхозы болған ауыл егемендікке қол жеткізген уақытта Қазақстан Республикасы Үкіметінің қаулысымен «Бекарыстан би» ауылы болып қайта құрылды.&nbsp;Абдрахман Мәлік, Жаңабергенова Лиза, Ұзақ&nbsp; Оралбаев, Дәуірхан Айдаров «Еңбек Қызыл Ту»,&nbsp; Елеу Көшербаев «Ленин», Ешниязов Жетес «Халықтар Достығы» Жанкеев Қуанышбай, Ұзақ Оралбай, Нармағамбетов Сақыбай, Байзақ Жібекәлі, Дәуірхан Айдаров «Құрмет белгісі» ордендерімен марапатталған.&nbsp;Бүгінде Бекарыстан би аулында 2865 адам тұрады. Ауыл қазынасының кірістері де жаман емес. Мәселен, жылдық жоспары 5617 мың теңге болса, нақты 7699,8 мың теңгенің түсімі түсіп, жылдық жоспар артығымен орындалды.Әлеуметтік қолдау, жұмыспен қамту шаралары ұдайы назарда ұсталады. Бұл ретте аз қамтамасыз етілген 3 отбасына атаулы әлеуметтік көмек төленді. Округ бойынша 22 адам тұрақты жұмысқа, маусымдық жұмысқа 12 адам, 31 адам ақылы қоғамдық жұмысқа, 11 адам жастар тәжірибесіне, 1 адам «Алғашқы жұмыс орны» жобасымен, 11 адам әлеуметтік жұмысқа жіберілді.&nbsp;Білім – шыңға жетелер шамшырағың&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Кеңес Одағының Батыры Үрмәш Түктібаев атындағы №24 мектепте 488 оқушы білім алуда. Қасиетті білім ордасында 90 педагогикалық қызметкер бар. Оның ішінде педагог-зерттеуші - 12, педагог - сарапшы - 41, педагог - модератор - 10, І-санатты - 4, ІІ-санатты - 8 мұғалім жұмыс істейді.2022-2023 оқу жылында 11 сыныпты 28 оқушы бітірді. 2 оқушы "Алтын белгі" иеленді. 28 оқушының 23-і ҰБТ-ге қатысып, 17 оқушы жоғары оқу орнына оқуға түсті. 11 оқушы арнаулы оқу орнына оқуға жолдама алды.Жыл басында бекітілген жоспарға сәйкес, 52 мәдени-көпшілік шаралар өткізіліп, 7353 көрермен қамтылды. Жыл көлемінде ұлттық спорт түрлерінен, волейбол, футбол, түрлерінен жарыстар өткізілді.Қуанышты жағдай, Қазалы аудандық Llf әуесқой футбол лигасында ауыл жастарынан құралған "Бекарыстан би" шағын футбол құрамасы 14 команда бақ сынаған додада екінші орында аяқтады. Мектеп ауласындағы ауыл азаматтарының демеушілігімен салынған спорт алаңына ағымдағы жөндеу жұмыстары жүргізілді. Қоршауы 2 метрге биіктетілді.2024 жылға Бекарыстан би ауылынан спорт кешенінің құрылысын бастауға 50,0 миллион теңге бөлінді. Округ бойынша 135 жеке кәсіпкер тіркелген, оның ішінде 10 заңды тұлға, 24 шаруа қожалық, 101 жеке кәсіпкер бар. Жаңадан 47 кәсіпкерлік субъектісі ретінде тіркелді.Кәсіп берекенің бастауыБылтыр жеке кәсіпкер Ертай Тоқболатов "Сыр Сұлтан" шағын маркетінің құрылысын салып пайдалануға берді. Сонымен қатар, Болатбек Айжігіт "Кілем және көлік жуу" орталығын салып, жұмысын бастады. Сонымен бірге,&nbsp; мемлекеттік бағдарламалар арқылы құны 69,6 миллион теңге болатын 15 жоба қаржыландырылды.&nbsp;"Ауыл аманаты" жобасы арқылы 6 адам 27,6 миллион теңге; "Бизнестің жол картасы –2025" арқылы 2 адам&nbsp; 4,7 миллион теңге; Атамекен арқылы 1 адам 2,7 миллион теңге; «Сырдария-1» жауапкершілігі шектеулі серіктестігі арқылы 3 адам, 16,9 миллион теңге.«Кең дала» жауапкершілігі шектеулі серіктестігі арқылы 1 адам, 15 миллион теңге; Грант (400 айлық есептік көрсеткіш) 2 адам, 2,7 миллион теңге.Кәсіпкерлік саласындағы өткен жылдың басты жаңалығы – "Ауыл аманаты" жобасының жүзеге асып, 2,5 пайызбен халыққа несие беруді бастады. Бұл жобамен 6 тұрғын несие алып, кәсібін бастады.Округ бойынша 2593 бас мүйізді ірі қара, 3513 бас жылқы, 74 бас түйе, 5055 бас уақ мал есепке алынды. Халық иелігіндегі барлық мал басы бірдейлендіріліп, компьютерлік базаға енгізілген.&nbsp;Егін шаруашылығында "РЗА Агро" жауапкершілігі шектеулі серіктестігі 750 гектар жерге күріш, 150 гектар жерге жаңа жоңышқа екті. 100 гектар көне жоңышқа күтімге алынған. Ауыл тұрғындары 60 гектар жерге бақша дақылдарын екті.Инфрақұрылым игілігі – халыққаӨткен жылы аудандық бюджеттен М.Күзембаев, М.Ізмағамбетова, Жетес Ешниязов көшелері толықтай, Ғ.Мұратбаев, Қ.Мәкенов көшелерінің қалған бөлігінің электр желілерін қайта жаңғырту мен жарықтандыру және 4 жаңадан трансформатор қондырғысын орнатуға жоба-сметалық құжаттамасы әзірленіп, сараптамадан өткізілді.2024 жылға Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына магистральды газ құбырын жүргізуге республикалық бюджеттен қаржы бөлінді.Былтыр ауылға кіре-беріске ауылдың бас қақпасы жасалды. Аркамен ауылға дейінгі аралыққа түнгі жарықтандыру жұмысы жүргізілді.&nbsp;Көркейту-көгалдандыру және абаттандыру, санитарлық тазалық жіті назарда. Ауылдық округте санитарлық тазарту жұмыстары жүйелі түрде жүргізіліп келеді. 27 дана қоқыс жәшігіне жиналған тұрмыстық қатты қалдықтар арнайы орынға шығарылуда. Ағымдағы жылы 3 дана қоқыс жәшігі жаңадан алынды. Апта сайын жиналған қоқыстар тиісті орынға шығарылуда.Округ көлеміндегі 15,7 гектар жерге егілген көлеңкелі ағаш күтімге алынған. Аяқ су арықтары тазартылды. Жаңақұрылыс ауылына шығар жол жиегіне 400 метр жерге жасыл белдеу орналастырылды.&nbsp;Тапсырмалар мен міндеттерАуылдағы №24 мектептің құрылысын салуға жұмыс жүргізу; Ауыл орталығындағы "Тәуелсіздік" алаңын абаттандырып, көркейту-көгалдандыру жұмыстарын тұрақты жүргізу; Жетес Ешниязов, М.Күзембаев, Е.Тілеубаев көшелеріне орташа жөндеу жұмыстарын жүргізу; Мемлекеттік бағдарламалар шеңберінде мал тұқымын асылдандыруға, мал басын көбейтуге қол жеткізу; Егін шаруашылығын дамыту, оның ішінде бақша егуге тұрғындарға қолайлы жағдай жасауды қолға алмақ. Сонымен қатар, шағын және орта кәсіпкерлікті дамыту арқылы бюджеттің кіріс бөлігін ұлғайту, жаңа жұмыс орындарын ашуды көздеп отыр. Ауылдық округте салық салу базасын ұлғайту бағытында жұмыстар да алдағы уақытта ұйымдастырылады.

Қазалы: Кәсіпкерлер мемлекеттік бағдарламаның игілігін көруде

<a href="https://kyzylorda-news.kz/">Kyzylorda-news.kz</a>&nbsp; Дәрігер мамандығы – ең асыл да, мәнді мамандықтардың бірі. Олар адам өмірін сақтап, әр адамның өмір сүру сапасын жақсартуға қолдан келгеннің бәрін жасау арқылы ұлт денсаулығын сақтауға үлес қосуда.Сол себепті, қай кезде де медицина қызметкерлеріне деген сұраныс жоғары. Адам жанын арашалауда дәрігерлердің рөлі зор. Олар жан-жақты ізденіп, науқастардың диагнозын дәл тауып, ем-дом жасауға барын салады. Қазалы теміржол ауруханасы мен емханасында қызмет ететіндер қатары қалың. Әрбірі өз ісінің маманы. Солардың ішінде, Күмісай Қамысбайқызы жалпы аймақтық дәрігер ретінде 1720 адамға қызмет көрсетеді. Оның 0-15 жас аралығындағы бала саны 706. Туылған нәрестеден қарт адамға дейін қарайтын отбасылық дәрігер мамандығын меңгеріп шыққан Күмісай жұмыс өтілінің бес жылында халықтың алғысына бөленіп, басшылықтан бірнеше мәрте алғыс хат алған.<blockquote>– Дәрігер болу процесі жоғары медициналық білім алудан басталады. Оқыту бірнеше жылға созылады. Бұл болашақ мамандарға адам анатомиясын, физиологиясын, әртүрлі ауруды диагностикалау және емдеу әдістерін терең меңгеруге мүмкіндік береді. Ақхалаттылар жұмысының бір ерекшелігі – науқастармен үнемі қарым-қатынаста болу. Дәрігер адамдардың мәселелерін жақсы түсініп, оңтайлы шешімін табуы үшін эмпатия, шыдамдылық және оларды тыңдай білуі керек. Отбасы мүшелерін толығымен танып, ауру тарихтарын біліп, туысқандай болып араласамын. Дәрігерлік мамандықты таңдау үлкен жауапкершілікті жүктейді. Себебі, дәрігер адам кез келген жағдайға дайын болу керек және қаннан қорықпайтын, адам тағдырына немқұрайлы қарамайтын, күйзеліске төзімді, жүйкесі мықты, сана сезімі жақсы дамыған барлық ауырлықты, қиындықты жене білетің жан болуы керек. Дәрігер болу көп адамның қолынан келе бермейді. Мықты дәрігер болу үшін жақсы оқу керек білмегеніңді үйреніп, алға қарай қадам басу керек. Сондықтан, &nbsp;барлық адамдарға қолымнан келгенше жәрдемдесіп, ол адамның тезірек сауығып кетуіне көмек көрсетуден жалыққан емеспін, – дейді жас маман Күмісай Рахат.</blockquote>Оның пайымынша, кіршіксіз ақ халатты кию тамаша қарым-қатынас дағдыларын талап етеді. Өйткені дәрігерлер пациенттерге күрделі медициналық терминдерді түсіндіріп, олардың денсаулығына қатысты дұрыс шешім қабылдау үшін барлық қажетті ақпаратты беруі керек. Алдына балтыры сыздап, басы ауырып келгендерге бар білген көмегін жасап, күнделікті тәжірибесін жетілдіріп отыру мамандығына деген сүйіспеншілігін арттырады. Өзіне жүктелген қызметін аса ыждағаттылықпен орындауға бар күш-жігерін жұмсауға ұмтылады.<blockquote>– Қазіргі күні елдегі ақхалатты жандардың біліктілігін медицинасы дамыған елдердің мамандарының қабілетімен теңестіруге әбден болады. Себебі күн өткен сайын алдына көмек сұрап келген адамның сырқатын жазып, көңілін көншітіп жіберетін дәрігерлердің саны артып келеді. Қазалы ауданындағы Құбыл Ршымбетов басшылық ететін теміржол ауруханасының қызметкерлері де бүгінде сапалы қызмет көрсету жағынан көш бастап тұр, – дейді Маулен Құратаев.</blockquote>Дәрігер – адам жанының арашасы, адам жанының зерттеушісі, бағдаршамы, қорғаны екен. Адам өміріне араша түсетін дәрігерлік мамандықты таңдау үлкен жауапкершілікті жүктейді.<blockquote>– Бүгінде Күмісай Қамысбайқызы Қазалы теміржол жауапкершілігі шектеулі серіктестігінің емханасындағы жалпы аймақтық дәрігерлік қызметін мұнтаздай атқарады. Алғашқы күннен бастап, берілген тапсырмаларды дер кезінде тиянақты орындап, өз ісіне жауапкершілігі мен ұқыптылығын көрсетті. Жұмыс барысында өзін сауатты, тыңғылықты орындаушы және білікті дәрігер ретінде көрсетті. Өзінің кәсіптік деңгейін үнемі жетілдіріп отырады. Өзін ұқыпты ұстайды. Ұжымда құрметке ие, мінезі ақжарқын және тез тілтабысқыш. Күнделікті қызметте қарапайым, моральдық жағынан ұстамды.Барлық жұмыста біліктілік, мақсатқа талпынушылық, тәртіптілік пен бастамашылық байқатады. Жоғары еңбек ету қабілеттілігімен ерекшеленеді. Қол жеткізген нақты нәтижелері ескеріліп, әркез алғысқа ие болуда. Келешекте де жетістікке жетіп, білікті дәрігер болады деген сенімдеміз, – дейді Ана мен бала меңгерушісі Жаңагүл Сарқытқызы. &nbsp;</blockquote>Білікті дәрігер С.Сейфуллин атындағы №165 мектепте білім алған. Ол жайлы ұстаздары да оң пікірде.<blockquote>– Рахат Күмісай мектепте өте ізденімпаз, алғыр оқушы болды. Бірнеше білім бәйгелерінің жеңімпазы атанды. Сол ізденімпаз, алғырлығының нәтижесінде ҰБТ-дан жоғары балл жинап, мектепті "Үздік аттестатқа" бітірді. Жоғарғы оқу орнының мемлекеттік грантын жеңіп алды. Қазір өзі таңдаған мамандығының майталманы, – дейді Сағынтай Бәлкенбай.</blockquote>Салауатты әрі бақытты өмірді дәрігердің көмегінсіз елестету мүмкін емес деуге болады. Қазақтың “Бірінші байлық – денсаулық” деген тәмсілі де осыны меңзесе керек

Қазалыда: Жалпы аймақтық дәрігер 1720 адамға қызмет көрсетеді

<a href="https://kyzylorda-news.kz/">Kyzylorda-news.kz</a> &nbsp;Туған жерді көркейтіп, жасыл желекке айналдыру баршаның міндеті. Қазақта «Бір тал кессең, он тал ек» деген тәмсіл бар. Ал қасиетті Рамазан айында туған жердің гүлденуіне, ауасының тазаруына үлес қосу мың жылға бергісіз сауапты іс. Олай дейтініміз, жерге шаншылған әрбір тал күтімі болса, жапырағы жайқалған дараққа айналып, аптап ыстықта саялар көлеңке, қыстыгүні суық боранға қамсау болары сөзсіз.«Атаңнан мал қалғанша, тал қалсын» деген халқымыздыңжақсы даналық сөзі бар. Көктем шыға айналаны абаттандырып, шыбық шаншып, тал егу – игі іс. Қармақшы аудандық емхана және аурухана еріктілері өз мекемелері аясына жаппай сенбілікке шығып, ағаш көшеттерін отырғызды. Олар арнайы 70 түп терек көшетін Қызылорда қаласынан арнайы тапсырыспен алдырып, кенттің көркеюіне үлес қосуда.<blockquote>– Бір күндік шарада көшеттерді егіп қана қоймай, әрбір отырғызылған шыбықты күтімге аламыз. Көркейту мен тазалық жұмыстарын тек маусымдық дүние деп емес, үнемі әдетке айналдырып, жауапкершілікпен қарасақ, ұтарымыз мол, – дейді Қармақшы аудандық емхананың ұйымдастырушы ерікті жас ер-азаматтары.</blockquote>Олардың айтуынша, ауданымыздағы санитарлық тазалық пен көркейту-көгалдандыру бағытындағы жұмыстар алдағы уақытта да өз жалғасын таппақ. Осындай ерікті жас ер-азаматардың қатары көп болса, аудан ажарланып, кент келбеті жарқырай бермек.Фото: jibekjoly.kz

Қармақшылық ақ халаттылар ағаш көшеттерін екті

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудындық кәсіпкерлік бөлімінің ұйымдастыруымен ауданда орналасқан елді мекендерде өткізілген мемлекеттік қолдау бағдарламаларына арналған&nbsp;түсіндірме жұмыстары аяқталды.Түсіндірме жұмыстарына Қалжан ахун, С.Сейфуллин, А.Тоқмағанбетов ауылдық округтері мен Тереңөзек кентінің тұрғындары, жеке кәсіпкерлер, кәсіпкерлік ынтасы бар азаматтар және қаржы ұйымдарының, облыстық «Атамекен» кәсіпкерлер палатасының, облыстық «Мансап» орталығының Сырдария ауданындағы филиалының, аудандық кәсіпкерлік, өнеркәсіп және туризм бөлімі (әрі қарай - бөлім) мен кент, ауылдық округтері әкімдері аппараттарының сала бойынша мамандары қатысты.Мемлекеттік қолдау бағдарламаларының талаптары, кепіл мүлік саясаты, қайтарымсыз гранттарға қатысу шарттары мен мүмкіндіктері, қолдау бағдарламаларына қатысушылардың санаттары, қаржы ұйымдары беретін несиелердің пайыздық мөлшерлемелері, т.б. сауалдарға қатысты мәселелер жөнінде айтылды.«Ауыл Аманаты» бағдарламасының аясында алынатын жобалардың арасында өнеркәсіптік жобаларға қаржы ұйымы тарапынан басымдық берілетіні нақтыланды.Іс-шара барысында жоғарыда аталған мәселерге байланысты қатысушы кәсіпкерлер мен кәсіпкерлік ынтасы бар азаматтар тарапынан салаға қатысты түрлі сауалдар қойылып, мамандар тақырыптарды ашып, жауаптар берді.Соңында аудандық кәсіпкерлік, өнеркәсіп және туризм бөлімінің бас маманы Л.Смағұлова бүгінгі түсіндірме жұмыстарына қатысқан қаржылай және қаржылай емес қолдау түрлерін көрсетіп жүрген ұйымдардың өкілдеріне және елді мекендерден қатысып отырған кәсіпкерлер мен кәсіпкерлік ынтасы бар азаматтарға бөлімнің атынан алғыс білдірді.

Сырдария ауданында мемлекеттік қолдау бағдарламаларына түсіндірме жұмыстары ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Сырдария ауданы&nbsp;№36 Ә.Тәжібаев атындағы мектеп-лицей базасында «ProEco» экологиялық жобалар республикалық байқауының аудандық кезеңі өткізілді. Республикалық байқауға ауданымыздың барлық жалпы білім беру ұйымынан 28 оқушы қатысты.&nbsp; &nbsp; &nbsp;Конкурсты ұйымдастырудағы мақсат – оқушыларды әлеуметтік жауапкершілікке тәрбиелеу және экологиялық сауаттылықты арттыру, экологиялық мәдениет қалыптастыру, оқушыларды әлеуметтік жауапкершілікке тәрбиелеу және экологиялық мәдениетке баулу, табиғатты қорғау қызметіне бейімдеу, экологиялық мәдениет пен туған өлке табиғатына оң экологиялық көзқарас қалыптастыру және мектеп оқушыларының интеллектуалдық- шығармашылық әлеуетін ынталандыру болып табылады.&nbsp;&nbsp; &nbsp; &nbsp;Аудандық конкурс «Таза қала сізден басталады», «Үздік экологиялық бастама», «Мені қоршаған әлем- ғажайып әлем», «Туған өлке табиғаты» сынды&nbsp; 4 бағыт бойынша өткізілді.&nbsp;Конкурс нәтижесі бойынша «Таза қала сізден басталады» номинациясы бойынша:&nbsp;II орын- №131 орта мектептің оқушысы Берікова Альбина,&nbsp;II орын - №137 орта мектептің оқушысы Кенжебекқызы Кәусар иеленді. Ал «Үздік экологиялық бастама» номинациясы бойынша: I орын- №210 орта мектептің оқушылары Бектауов Мейірбек, Қанжарбаев Нұрдәулет, II орын- №37 мектеп-лицейінің оқушылары Айбекұлы Бекзатқан, Сақтағанова Айару, II орын - №131 орта мектептің оқушылары Есенгелді Айару, Серікбаева Аяжан лайық деп танылды.&nbsp; «Мені қоршаған әлем- ғажайып әлем» номинациясы бойынша: I орын- №139 орта мектептің оқушысы Ыбыраш Қарақат, II орын- №147 орта мектептің оқушысы Қорғанбаева Әсел , II орын- №132 орта мектептің оқушысы Төлеби Бибінұр, III орын- №210 орта мектептің оқушысы Амангелдиева Томирис, III орын- №135 орта мектептің оқушысы Бердіхан Мәди марапатталды. Сондай-ақ «Туған өлке табиғаты» номинациясы бойынша: II орын- №35 мектеп-лицейінің оқушысы Ғафурқызы Дильназ, III орын- №139 орта мектептің оқушысы Қадырберді Нұрислам, III орын- №44 орта мектептің оқушысы Қуаныш Інжу лайық деп танылды.&nbsp;

Байқау жеңімпаздары анықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Олжас Бектенов Ақтөбе облысындағы су тасқыны жағдайын тексеріп, қауіпті аймақтағы ауыл тұрғындарын эвакуациялау жұмыстарын жеделдетуді тапсырды, деп хабарлайды BAQ.KZ.</h4>Премьер-министр, Су тасқынына қарсы іс-шараларды үйлестіру және су тасқыны зардаптарын жою жөніндегі республикалық штабтың басшысы Олжас Бектенов Ақтөбе облысындағы су тасқынына байланысты жағдайды тексеріп, Мемлекет басшысының тапсырмаларының жергілікті жерлерде орындалу барысымен танысты. Атап айтқанда, бірқатар су қоймаларын тікұшақпен аралап, су тасқынынан зардап шеккен үйлерге барды, сондай-ақ ахуалдық орталықтың жұмысымен танысып, республикалық штабтың отырысын өткізді.Сол жерде Олжас Бектенов су басқан үйлердің жай-күйін қарап, тұрғындардың баспаналарын қалпына келтіру және басқа да қосымша қолдау шараларын көрсетуге қатысты сұрақтарына жауап берді. Мәселен, әкімдік тізімдері бойынша су тасқынынан зардап шеккендер санатына жатқызылған барлық азаматқа несиелер бойынша жылдың маусым айының соңына дейін 3 айға несие төлемдерін автоматты түрде кейінге шегеру мүмкіндігі беріледі, сонымен қатар төлемдерді кешіктіргені үшін айыппұлдар мен өсімпұлдар салынбайды.Жалпы облыста тасқын қаупі әлі сейілмеген. Қазір өзендердің көпшілігінде су арнасынан асып кеткелі тұр. Өңірде 772 үй су астында қалды. Облыстың 5 ауданында (Қобда, Мұғалжар, Темір, Әйтеке би, Ойыл) және Ақтөбе қаласында жергілікті ауқымдағы табиғи сипаттағы төтенше жағдай жарияланды. Су тасқынына қарсы іс-шараларға жеке құрамнан 3140 адам, 664 техника жұмылдырылды. Барлығы 8 763 адам қауіпсіз жерге көшірілді.Олжас Бектенов көлемі 15,8 млн м3 болатын Мағаджан бөгетін аралап көрді, онда қарғын су ағыны салдарынан Мағаджан су қоймасының бөгеті бұзылды. 1985 жылы пайдалануға берілген. Гидротехникалық құрылыс жекеменшік «Тұлпар» ЖШС компаниясының иелігінде. Қызылту ауылынан 25 адам, Табантал қыстағынан 11 адам эвакуацияланды.Сонымен қатар болжамдарға сәйкес, 5-11 сәуір аралығында облыстың барлық аумағында ауа температурасы айтарлықтай жылынуы мүмкін, қатты жауын-шашын күтілмейді. Осыған байланысты су тасқынынан зардап шеккен ауылдармен қатар, қайта су алып кету қаупі жоқ аймақтардағы елді мекендердің тыныс-тіршілігін де қалпына келтіруге назар аударылды.Мәселен, қазірдің өзінде 26 елді мекенде электр қуатымен жабдықтау қалпына келтірілді. «Энергожүйе» ЖШС-нің барлық бөлімшелері күшейтілген режимде жұмыс істеуде. Республикалық маңызы бар 9, облыстық маңызы бар – 3 жолда және 9 аудандық маңызы бар жолда судың тоқтауына байланысты көлік қозғалысына қойылған шектеулер алынып тасталды. Өңірде шығынды өтеу комиссиясы жұмыс істейді. Үш күн ішінде комиссияға материалдық шығындарды өтеу туралы 1623 өтініш түскен. Алгоритмге сәйкес, ТЖ орын алған күннен бастап күнтізбелік 30 күн ішінде келтірілген шығынды өтеу туралы жергілікті әкімдіктерге өтініш беріледі. Сонымен қатар Ақтөбе облысында су тасқынынан зардап шеккен және қиын жағдайға тап болған тұрғындар әкімдікке тиісті өтінішпен жүгіну арқылы бір реттік төлем ала алады.Олжас Бектенов облыс әкімдігінің ахуалдық орталығында болды. Ахуалдық орталықтың операторлары «109» қысқа нөмірі бойынша тәулік бойы жұмыс істейтін Call-орталық арқылы халықпен байланыста болады. Су тасқынына қарсы іс-шаралар басталғаннан бері 109 ахуалдық орталығына 15 мыңнан астам қоңырау түскен. 12 293 өтінім тіркелді. Ахуалдық орталық күшейтілген режимде жұмыс істеуде, оған ТЖ және су тасқынына қарсы штаб қызметтері қосылған.Қорытынды бойынша Үкімет басшысы Олжас Бектенов су тасқыны салдарын жойғаннан кейін коммуналдық және жеке меншіктегі гидротехникалық құрылыстарда жан-жақты тексерулер жүргізуді тапсырды. Ақтөбе облысында барлығы 206 гидротехникалық құрылыс бар.Фото: primeminister.kz

Қазақстан және Қызылорда облысының жаңалықтары