<a href="https://kyzylorda-news.kz/">Kyzylorda-news.kz.</a>&nbsp;Сырдарияның бойын жағалай орын тепкен Сарыкөл ауылдық округінің құрамына Абай ауылы мен Жұбан елді мекені кіреді. Бұнда 1419 адам тұрады. Жаз мезгілінде жасыл желекке оранып, анадайдан менмұндалап көзтартатын ауылдың кіреберісіне төлқұжат қойылып, шығыс беткейдегі 1 гектар жерге 230 дана жеміс ағашы, 200 терек отырғызылып, қоршауға алынған. Тұрғындар кәсіптің несібе көзі екендігін ескеріп, айтылған салаға бет бұрған. Шағын ауылдан азық-түлік, сүт өнімдері дүкені, шаштараз, наубайхана қызметін пайдалана аласыз.Келешек –кәсіпкерліктеШөбі шұрайлы шырайлы мекенде шаруа қожалығы, қолөнер шебері, тігінші, мал шаруашылығымен айналысып отырған жандар қатары да уақыт өте артып келеді. Тұрғындардың күніне екі рет аудан орталығына қоғамдық көлікпен қатынауына мүмкіндік жасалған. Бұдан бөлек жолаушылар тасымалымен айналысатын кәсіпкерлер де табылады. Ауыл тұрғындарының асарлатуымен «Ыбырайым қари» мешіті жанынан салынған асхана ел игілігіне берілген. Жастардың ұйытқы болуымен мешіт ауласы қоршалған. Білім, денсаулық сақтау, мәдениет салаларындағы жұмыстар жақсы жолға қойылған.Округ бойынша осы жылдың 1 тоқсанында жалпы кәсіпкерлер саны 82-ге жеткен. Ауыл әкімі Байназар Ерқосаев ауылдағы ахуалды былай деп баяндады:«Бастау Бизнес» жобасы бойынша 6 адам оқуға ниет білдіріп отыр, «Еңбек kz» порталы арқылы электронды тіркелуге құжаттары дайындалды. Тіркелу уақытын күтуде. Аграрлы несие корпарациясы арқылы құны 15 миллион теңге болатын 2 жоба ұсынылды, қазіргі уақытта қаржыландырылуын күтуде. 6 адам ақылы қоғамдық жұмыспен қамтылған және жастар практикасы бойынша 1 маманға өтінім берілді. Алдағы уақытта жұмысқа жіберілетін болады.Округ бойынша 5 бұлақ құжаттандырылып, оның ішінде ауыл халқының тіршілігіне қажетті Абай орталығы, Коровник – 2 және Жұбан елдімекеніндегі бұлақтарды қазу жұмыстарын жүргізуге жобалық-зерттеу жұмыстары құжаттары дайындалып, аудандық ауылшаруашылығы бөліміне өтінім берілді. Көркейту-көгалдандыру, абаттандыру жұмыстарына 2175,0 мың теңге, елді мекеннің санитариясын қамтамасыз етуге 546 мың теңге бөлінді. Елдімекеннің санитарлық тазалығына, көркейту-көгалдандыру жұмыстарына жұмсалып мақсатты игеріледі.Сарыкөл ауылдық округі, Жұбан елді мекенінде «Медициналық бекет» құрылысын салу үшін 51,6 миллион теңге қаражат облыстық бюджеттен бөлініп, құрылыс жұмыстары аяқталды. Қазіргі таңда ел игілігін көріп отыр. Бұндағы білім ордасында 12 сынып комплектісі бар. Мектепте 242 оқушы білім алды. Абай ауылдық дәрігерлік амбулатория бөлімшесінде дәрігер, фельдшер, 6 мейіркеш жұмыс жасайды. Бөлімше жедел-жәрдем автокөлігімен және 2 орындық күндізгі стационар бөлімімен қамтамасыз етілген. Халыққа медициналық көмек уақытылы әрі жүйелі түрде көрсетіліп келеді. №23 «Қарлығаш» балабақшасында 50 бала тәрбиеленуде. Онда 8 жоғары білімді педагог-қызметкер жұмыс жасайды.Ауылдық кітапханада 22237 кітап қоры бар. 2022 жылдың 1 тоқсанында оқырмандар саны 164-ке жеткен. Оның 92-сі мектеп оқушылары. Клубта әрбір мереке атап өтіледі. Жыл басында жоспарланған мәдени іс-шаралардың барлығы ауыл тұрғындарының қатысуымен өтеді. Бұл ауылда сервистік ауыз су жүйесі толығымен тартылған. Оған «Арал-Сарыбұлақ» топтық су құбыры бөлімшесі қызмет көрсетеді.Жайқалған жасыл желегі Ауылға барған сапарымызда әкімдік қызметкерінің жол сілтеуімен ауласы жасыл желекпен көмкерілген екі отбасына бас сұқтық. Оның бірі – Нұркелді Сахидың шаңырағы. Жеміс-жидектің түр-түрі тізіліп тұр. Кезінде колхозда еңбек еткен азамат қазір көктем шығысымен жер аударып, жеміс ағаштарының түбін әктеп, шыбын-шіркейден қорғайтын дәрі-дәрмектерді даярлайды. Таң атысымен үйін қоршай егілген бағына кіріп, жасыл желектің жай-күйімен танысады.<blockquote>«1985 жылы алғашқы жеміс ағашын отырғыздым. Қазір шие, сары өрік, қара өрік, алма, алмұрт, жүзім бар. Қызанақ, асқабақ, қияр, басқа да көкөністер кіші бақшада. Жыл сайын өнім береді. Оны сатып, азық-түлік, үйге қажетті дүниелерге жаратамыз. «Баптай білсе, жер жомарт». Еңбек етуіңе қарай, берекетінде көресің» – дейді Нұркелді Сахи.</blockquote>Бұдан соң өнімі де, көлемі де өзгелердікінен ерекше Әбутәліп ағаның бақшасына бардық. Бұнда жеміс-жидек атаулының бәрі бар. Тіпті құрма мен анар да өнім беріпті. Бағбандық кәсіптің қыр-сырына әбден қаныққан тұрғын алма мен алмұрт ағашын будандастырып, бір ағаштың бойына қос жемісті қатар шығарғанын көріп, таңдандық. 300-ге жуық жеміс ағашы жайқалған бақтан бір ғана өріктің бірнеше сортын, алма, алмұрт, шие, шабдалы және жүзімнің бес түрін таба аласыз.<blockquote>«Екі ұлым бар. Балаларымның жасы шамамен 5-6-да кезі. Біздің аулада бірде-бір ағаш, не жеміс болмаған. Көрші үйден өрікті сатып алып жеп жүретін. Бір күні балаларыма «Ертең, есіктен кіргеннен жұлып алып жей беретіндей қылып, бақ жасап беремін» деп уәде еттім. Сөйтіп 2005 жылы қолға алдым. Нәтижесін көздеріңіз көріп тұр. Жер деген тұрғанымен береке ғой. Шүкір, ащы тердің тәтті жемісін жеп отырмыз. Үйді қаладан арнайы іздеп келіп, өнім алатындар бар. Ұлым Әбдуали көтерме бағада базарға апарып өткізіп келеді», – дейді Әбутәліп Бердіқұлов.</blockquote>Жүрген жерінде жеміс ағаштарын жинап жүретін бағбан Орал, Қостанай, Ақтөбе, Алматы, Шымкентке барған сапарларында да құр қол қайтпай, көшеттер ала келеді. Бақшаның бабын жасай білген ол тыңайтқыштарды уақытылы сеуіп, зиянкестерден ағаштарды арашалап отырудың маңыздылығын айрықша атады. Жеміс-жидекке қырғидай тиіп, ең тәттісін «тесіп» кететін торғайларға да бағбанның ойластырған айласы бар екен.Еңбек етуге еті үйреніп кеткен азамат бақшадан бөлек, төрт-түліктің барлық түрін асырайды. Заанен тұқымды ешкісін арнайы алдырып, сүтін сатумен де айналысып отыр.<img src="https://knadmin.beoblood.kz/uploads/Whats_App_Image_2023_06_08_at_13_24_29_1ce624ebd0.jpeg" alt="WhatsApp Image 2023-06-08 at 13.24.29.jpeg">

Шұрайлы мекеннің шырайлы келбеті

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданына жұмыс сапарымен келген партияның облыстық филиалының төрағасы Наурызбай Байқадамов бүгін де бірқатар нысандардың құрылыс барысымен танысты. Ең алдымен аманаттықтармен бірге аудан орталығы Әйтеке би кентінде бой көтеріп жатқан 250 орындық мектептің құрылысын көрді.Білім ошағын биыл жаңа оқу жылына орай пайдалануға беру жоспарлануда. Бұл жөнінде мердігер мекеменің өкілі баяндады. Ал мектептің қазіргі ішкі және сыртқы жағдайымен жіті танысқан партия филиалының төрағасы кемшіл тұстарын айтып, жұмыстың баяулағанын, бәсеңдегеніне мердігер мен техникалық қадағалаушының осалдығынан екенін атап көрсетті. Сондай-ақ нысан басында жергілікті тұрғындардың да талап-тілектері тыңдалды.Бұдан соң, Наурызбай Байқадамов құрылысы 2019 жылы басталған 600 орындық Мәдениет үйінің жұмысымен танысты. Бүгінгі күнге құрылыс-монтаж жұмыстарының 90% жасалған. Ендігі кезекте ДЭС қондырғысы және сахна жабдықтарын орнату кезектілікте тұр.Сондай-ақ осы күні «Әйтеке би-Қазалы» автомобиль жолын қайта жаңғырту жұмыстарына да бақылау жүргізілді. Бақылау барысында Наурызбай Сейітқалиұлы құрылыс сапасын, бөлінген қаражаттың тиімді игерілуін назарда болу қажеттігін айтып, жұмыстың бәсеңдігін сынға алды.&nbsp;Бүгінде аталған құрылысты қайта жаңғырту жұмыстарымен «Стандарт Ойл КЗО» ЖШС айналысуда. Мердігер мекеме автомобиль жолының негізгі қабатын 4 жолаққа дейін кеңейту және түнгі жарық шамдарды орнату жұмыстарын атқаруда. Нысан ағымдағы жылы пайдалануға беріледі деп жоспарлануда.Айта кетейік, партияның облыстық филиалы төрағасының ауданға сапары барасында бірге аудан әкімінің міндетін уақытша атқарушы Күнтілес Назымбеков, аудан әкімінің орынбасары Жалғас Сүйеубаев, аудандық партия филиалының төрағасы Бақытжан Жарылқап, аудандық партия филиалының Атқарушы хатшысы, аудандық мәслихат депутаты Нұрғиса Жалғасбаев, облыстық мәслихат депутаты Нұрлан Имандосов, облыстық Партиялық бақылау комиссиясының төрағасы Нұркен Бақытбекұлы мен аудандық Партиялық бақылау комиссиясының төрағасы, аудандық мәслихат депутаты Әділбек Сарабеков болды.<img src="https://knadmin.beoblood.kz/uploads/Whats_App_Image_2023_06_08_at_13_17_49_8d459e400a.jpeg" alt="WhatsApp Image 2023-06-08 at 13.17.49.jpeg">

Наурызбай Байқадамов Қазалыдағы бірқатар нысандардың құрылыс барысымен танысты

<a href="https://kyzylorda-news.kz/">Kyzylorda-news.kz.</a>&nbsp;Бекарыстан би ауылдық Мәдениет үйінде жаз маусымында су айдынындағы қауіпсіздік шаралары сақтау және жол-көлік оқиғаларының алдын-алу бойынша түсіндірме жұмыстарын жүргізуге байланысты жиналыс &nbsp;өткізілді. Жиынға ауыл әкімі, ардагерлер кеңесінің төрағасы, мекеме басшылары, ауыл тұрғындары мен жастары қатысты.&nbsp;Жиынды ауыл әкімі Қ.Құрманбаев ашып, күн тәртібіндегі мәселелерге тоқталды.&nbsp;Майдакөл ауылдық округі әкімі аппараты коммуналдық мемлекеттік мекемесінің әдіскері Т.Жасыбаев &nbsp;жазғы суға шомылу маусымына байланысты атқарылып жатқан жұмыстарға тоқталып, қауіпсіздік ережелері жөніндегі үнпарақтар таратты.Ауылдық учаскелік инспекторы, полиция капитаны Қ.Разақов су айдындарындағы қауіпсіздік шараларын қатаң сақтау және жол-көлік оқиғаларының алдын алу &nbsp;жұмыстары бойынша түсіндірме жұмыстарын жүргізді.&nbsp;Ауылдық амбулаторияның бас дәрігері Ә.Досбергенов – су айдындарында адамдарды құтқару бойынша көрсетілетін алғашқы көмектің түрлері, сақтану шаралары жөнінде түсіндірді.&nbsp;Аманбай ахун мешітінің имамы Е.Қалиев – шариғаттағы адамның өмірі мен қауіпсіздігіне байланысты &nbsp;пікірін айтты.&nbsp;№24 Ү.Түктібаев атындағы орта мектебінің директоры А.Садиров – жазғы каникул кезінде ата-аналар балалардың қауіпсіздігін басты назарға алу керектігін жеткізді.Ауылдық ардагерлер кеңесінің төрағасы Д.Қапар - суға шомылу маусымында балалардың қауіпсіздігін бақылауға алу және жол-көлік оқиғаларының алдын алу мәселелері бойынша өз пікірін айтты. Ауыл әкімі Қ.Құрманбаев жиналысты қорытындылап, рахметін айтты.

Жаз маусымында су айдынындағы қауіпсіздік шараларын сақтау жұмыстары жүргізілді

<a href="https://kyzylorda-news.kz/">Kyzylorda-news.kz.</a>&nbsp;«Сыр өңірі – жыр өңірі» деп талай ақын жырлаған сырдың бойы расымен талант пен өнерге бай өлке. Бұл жерден ежелден өнер мен қасиет қонған Қорқыт бабамыз, қазақтың атын асқақтатқан жарық жұлдыздар – Роза Бағланова, жезтаңдай әнші Мәдина Ералиева, дарынды композитор Кеңес Дүйсекеев сынды мәдениет көгіндегі темірқазығы саналған перзенттердің өмірге келуі оған айқын дәлел болса керек. Солардың бірі – өнерімен өнеге өрбіткен, аудан абыройын асқақтатып, талай биік мінберлерден көрінген Махамбет Әуезов пен оның "Әуезовтер" отбасылық ансамблі.Өнеге өрбітер өмірМәдениет майталманы Махамбет Әуезов 1926 жылы Сарыкөл ауылында дүниеге келген. 1931 жылы ашаршылық, қуғын-сүргін кезінде әкесі Әуез Қарақалпақстанның Тақтакөпір ауданына көшеді. Кейін білім ошағын тәмамдап, ер жеткен Махамбет 1947-1952 жылдарда Нөкіс қаласындағы педагогикалық институтын тарих-филология факультетіне түседі. Жоғары оқу қабырғасында жүріп, Москва қаласындағы Чайковский атындағы мемлекеттік консерватория түлегі Александр Павлович Закаринкодан қосымша дәріс алып, институтты сәтті тәмамдайды. Сонан соң Тақтакөпір ауданында орта мектепте ұстаздық етеді.&nbsp;Араға біршама уақыт салып, 1957 жылы елге оралып, Қазалы ауданы, Лақалы елді мекенінде сегіз жылдық мектепте сурет, сызу және музыка пәндерінен сабақ берді. Одан кейін 1961 жылдан өмірінің соңына дейін №87 орта мектепте сурет, өнерден балаларға дәріс беріп, сауатты, адал оқытушы болды.Бір жылдан соң ауданның мәдениеті мен өнеріне тығыз араласып, скрипка, домбырада ойнап, аудан халқына таныла бастады. Сегіз оқушыдан «Скрипачтар» ансамбльін құрып, облыста бірінші орынды алды.1967-1969 жылдары Махамбет Әуезов Қазалы ауданының ұлт аспаптары оркестрін басқарып, бірнеше мәрте облыс жүлдегері атанған. Жары Жеңіс екеуі 3 қыз, 4 ұл тәрбиелеп өсіріп, олардың әрқайсысын музыка өнеріне баулиды. Содан 1975 жылы Махамбет Әуезов өзінің ұл-қыздарынан алғаш отбасылық ансамбль ұйымдастырып, халық арасында құрметке ие бола бастады. Облыста, республикада отбасылық ансамбльдердің байқауларына қатысып, бірнеше рет лауреат атанды.Содан бері өнерімен өркендеген әулет – өнеге өрбітер өмір иесі Махамбет Әуезовтың жолын жалғап, Әуезовтер отбасылық ансамблі болып елге танылып, аудан абыройын асқақтатып келе жатқандарына бүгінде 45 жыл толып отыр. Базар жырау айтқандай "Жақсыдан жақсы туар жарқылдаған" демекші, балаларының алды ҚР «Мәдениет саласының үздігі» болып, нағыз мәдениет майталманы атағын арқалап жүр.&nbsp;Сәрсенбіде аудандық Р.Бағланова атындағы мәдениет орталығында күйші, қобызшы, майталман музыкант Махамбет және Романқұл Әуезовтер атындағы "Қастерлеп жүрсін өнеріңді ұрпағың" атты республикалық дәстүрлі отбасылық ансамбльдер байқауы өтті.Байқауға Тараз, Атырау, Ақтөбе қалалары мен Арал, Шиелі, Сырдария аудандарынан келген халықтық отбасылық ансамбльдер қатысты. Келген қонақтар ең алдымен «Әуезовтер» халықтық отбасылық ансамблінің 45 жылдығына арналған көрмемен танысты. Мұнан соң байқаудың ашылу салтанаты өтіп, көпшілікке қатысушы ансамбльдер таныстырылды. Жиынды аудан әкімінің міндетін атқарушы Күнтілес Назымбеков ашып, қатысушыларға сәттілік тіледі.<blockquote>«Баршаңызды күйші, қобызшы Махамбет және Романқұл Әуезовтер атындағы дәстүрлі республикалық халықтық отбасылық ансамбльдер байқауының ашылуымен шын жүректен құттықтаймын! Өздеріңізге мәлім, Сыр өңірі – талант пен өнерге бай өлке. Ел арасында «жыр елі» аталып кеткен мекеннен талай шайырлар мен жыр дүлдүлдері түлеп ұшты. Қазалы ауданының мәдениетінің тарихы да салмақты, өткені мен келешегі де кемел. Осы қасиетті топырақта дүниеге келген өнерлі жандардың арасында күйші, қобызшы Махамбет және Романқұл Әуезовтердің шоқтығы биік. Киелі өнерді дәріптеп, қастерлей білген Әуезовтер отбасы – ауданымыздың мақтанышы. Өмірлерін өнер жолымен байланыстырған бұл тұлғалар өз замандарында ел мәдениетін дамуына зор үлес қосты. Бүгінде ата мұрасын өнерлі ұл-қыздары жалғастырып келеді. Өздері негізін қалаған отбасылық ансамбль әлі күнге халыққа қызмет етуде. Ансамбль құрамы әулеттегі өнерлі немерелермен толыққан. Төл өнердің дамуына үлес қосар осындай отбасыларды насихаттау, олардың қатарын көбейту, ансамбльдер арасындағы шығармашылық байланысты дамыту мақсатында бүгінгідей ерекше байқау ұйымдастырылып отыр. Осы бір айтулы күні өңіріміздің мәдениеті мен өнерін өркендетудегі қызметтеріңіз үшін Сіздерге шынайы алғысымды білдіремін. Ел мәдениетінің одан әрі гүлденуіне, өнеріміздің асқақтауына қызмет етіп, халқымызды шығармашылық табыстарыңызбен қуанта беріңіздер», – деді Күнтілес Айдарбекұлы.</blockquote>Сонымен қатар «Әуезовтер» отбасына облыс әкімінің орынбасары Н.Амановтың пен аудан әкімі Мұхтар Оразбаевтың «Құттықтауын» табыстады.&nbsp;Бұдан кейін көпшілік ансамбльдің 45 жылдығына орай жарық көрген «Өнерімен өркендеген әулет» атты кітаптың тұсаукесерінің куәгері болып, ансамбльдердің өнерін тамашалады.&nbsp;Дарынды отбасылардың өнеріне ҚР «Мәдениет саласының үздігі» төсбелгісінің иегері, күйші-қобызшы Арман Әуез, Қазақстан Композиторлар Одағының мүшесі, ҚР «Мәдениет қайраткері», «Мәдениет саласының үздігі» төсбелгісінің иегері Сәукен Әліш, Қазанғап атындағы жоғары музыкалық колледжінің оқытушысы Төлеген Каденов, «Мәдениет саласының үздігі» төсбелгісінің иегері, Шымкент Саз колледжінің ұстазы, филармония ұлттық оркестрінің, опера театрының симфониялық оркестрінің концертмейстері Космонавт Аюбаев және Қазалы ауданының білім саласының ардагері, «Атамұра» халықтық ардагерлер ансамблінің сүйемелдеушісі, дирижер, қобызшы Ерпазыл Жүсіп қазылық етті.&nbsp;Нәтижесінде республикалық байқаудың бас жүлдесі Ақтөбе қаласынан келген «Шашу» халықтық отбасылық ансамбліне бұйырды. Сол секілді бірінші орын сырдариялық «Сәдуақасовтар», екінші орын Атырау қаласынан «Қарабалиндер» және үшінші орынды Тараз қаласынан қатысқан «Жаңабаевтар» халықтық отбасылық ансамблі иеленді. Ал арнайы жүлдеге Арал ауданынан келген «Қадырқұловтар» отбасы қол жеткізді.

Өнерімен өркендеген қазалылық әулет

<a href="https://kyzylorda-news.kz/">Kyzylorda-news.kz.</a>&nbsp;Қарабайыр десек, қадірін кетіргендей болармыз... Қарапайым ғана қоңыр тірлік кешіп, сүттей аппақ көңілімен, айрандай ұйыған, берекесі өзіне ынтықтырып тұратын қазақы ауылды сағынасың, кейде. Сондай сәтте ұшқан құстың қанатына жармасып, сары даладан әрі асып, дархандығы даладай, аңғалдығы баладай ағайынның төріне топ ете түскің келеді. Бүгінгі басылымда сондай асыл мақсатты арқалап Еңбекші ауылына аялдамақпыз.Еңбекші ауылдық округі – ымыра-бірлігі жарасқан мекен. Құт дарыған құйқалы қоныс Еңбекші және Қосүйекі елді мекендерінен тұрады. Қос ауыл береке мен бірліктің арқасында өсіп-өніп, бүгінде дәулетіне сәулеті сай болып, жаңғырып отыр. Тарихы бай, тірлігі мен бірлігі жарасқан берекелі мекенде мектеп, балабақша, мешіт, мәдениеті үйі, спорт кешені, пошта бөлімшесі мен дәрігерлік амбулатория қызмет көрсетеді. Қазанатын баптаған, қазақы дәстүрді сақтаған ауылдағы негізгі кәсіп – егін және мал шаруашылығы. Нарық заманына бейімделген ауыл халқы нәпақасын әр саладан тауып жүр. Мұнда жұрт кәсіпкерліктің де көзін табуға бейілді. Қазіргі таңда ауылдық округ бойынша 117 кәсіпкерлік субъектісі бар. Оның ішінде 14-і заңды тұлға, 64-і шаруа қожалық, 40 жеке кәсіпкер және 1 ауыл шаруашылығы кооперативі тіркелген.<blockquote>«Қазіргі таңда ауыл тұрғындарының негізгі кәсібі мал шаруашылығы. Осы жылы мал басы едәуір артты. Атап айтар болсам, мүйізді ірі қара – 5230 (3905 бас), уақ мал – 27776 (22587 бас), жылқы малы 1219 (1058 бас), түйе – 434 бас. Осы жылы 2 кәсіпкеріміз «Наурыз-Дем» кредиттік ұйымы арқылы құны 115 млн теңге болатын жоба ұсынып, оң шешімін тапты. 1 кәсіпкеріміз «Қызылорда ӨИО» микроқаржылық ұйымы арқылы құны 4 млн теңге және 3 кәсіпкеріміз аргарлық корпорациясы арқылы 80 млн 150 мың теңге несие алып, жұмыстарын жандандыруда. Бүгінге күнге барлығы 200 млн 375 мың теңге көлемінде несие және грант алынып, жұмыстар жасауда», – дейді ауыл әкімі Бағдат Серікбайұлы</blockquote>Ауыл әкімінің сөзінен аңғарғанымыздай, Еңбекші ауылы жатып қалып бір тоқты, жайылып мың қой болатын ырысты өлке. Сары далада отар-отар қой, табын-табын сиыр, үйір-үйір жылқы, келе-келе түйенің саны артқан. Ауылдың берекесін кіргізіп отырған да күйірсіген қи иісі. Ауыл халқы төрт түліктің тұяғын тең ұстап, пайдасын көруде. Осы тұста ойымызға ұлы Абайдың төмендегі жыр-шумағы оралды: Жаңа пұлмен жамырап саудагерлер, Диқаншылар жер жыртып, егін егер. Шаруаның бір малы екеу болып, Жаңа төлмен көбейіп, дәулет өнер. Ақын жыры ауыл өмірін айғақтап тұр емес пе?!Қарт Қаратаудың қойнауында қоныс тепкен Еңбекші ауылдық округі жылдан-жылға өсіп, өркендеп жатыр. Ауыл жұрт болып жұмылып, тізе қосып тірлік етуді ерте бастаған. Содан болса керек, елді мекеннің бүгінгі тұрмысы жайлы, қазаны майлы. Жыл өткен сайын жасарып, жайнап келе жатқан ауылда 1832 тұрғын бар. 302 отбасының шаңырақтарынан шыққан түтін үзілмей, қайта тіктеліп-ақ келеді. Бір ерекшелігі Еңбекші ауылын көргенде көз сүйсінеді. Ауылдағы тұрғын үйлер мен мәдени көпшілік ғимараттар жаңа үлгімен жарыса бой көтеруде. Бұл ауыл демографиялық өсім бойынша да жақсы көрсеткіш көрсетуде. Жылына орта есеппен 40-қа жуық нәресте жарық дүние есігін ашады. Сондықтан да болар бұл ауылда алтын алқа (29), күміс алқа (33) тағынған батыр аналардың саны басым. Қазір ауыл тұрғындарының шаруасы ортаймаған. Тұрғындардың бірлігі мен тірлігінің және жастар ұйымшылдығының арқасында ауыл ажарлана түскен. Ынта болса, ырыстың молаятынын, берекесі болса, беделдің артатынын еңбекшіліктер жақсы біледі. Ауылдық округте ұзындығы 10 617 метрді құрайтын 10 көше бар бар. Оның алтауы асфальтталса, 4 көшесіне тас төселген. Тек С.Төрениязов көшесі ғана жарық шамдарды қажет етіп тұр.<blockquote>«Ауылда соңғы жылдың бедерінде ауыз су барлық тұрғын үйлердің ауласына кіргізілген. Тәулік бойы тұрғындарды ауыз сумен қамтып отыр. Ауыл ішілік су құбырларының ұзындығы 11 км болады, су жинау мұнарасы 1, су тарату мұнарасының көлемі 50 м3. Аудандық мәслихаттың кезекті сессиясының шешімімен Еңбекші ауылдық М.Мәметова, Е.Бектұрсынұлы көшелеріне орташа жөндеу жұмыстарына 20 млн 771 мың теңге қаралып, орташа жөндеу жұмыстарын аяқталды. Қосүйеңкі елді мекенінде балалар ойын алаңын орнатуға 7 млн теңге бөлініп, қазіргі күні құрылыс жұмыстары аяқталып, пайдалануға берілді», – дейді ауыл әкімі.</blockquote>Айта кету керек, ауылға жаңадан 1 трансформатор орнатуға 2,700 000 теңге қаржы да қаралыпты. Ауыл әкімінің сөзіне сенсек, табиғи газбен қамтамасыз ету бойынша жоба-сметалық құжаттары дайын. Мемлекеттік сараптамадан өткізіліп, оң қорытынды алынып, бюджеттік өтінім берілген. 2023 жылы елді мекен толықтай газбен қамтылады деп күтілуде.&nbsp;<blockquote>«Қосүйеңкі елді-мекенінің ауыз су мәселесі бойынша мемлекеттік сараптама жұмыстары жүргізіліп, бюджеттік өтінім берілді. Сондай-ақ аталған ауылға аяқ су баратын 2х2х2 каналын қазып-тазалауға жоба-сметалық құжаттары әзірленді. Жұмыстың сметалық құны 95 050 565 теңгені құрап отыр. 2022 жылғы 12 қазан күні облыс әкімінің орынбасары С.Қожаниязов жеке қабылдау барысында биылғы жылға үнемделген қаржы есебінен 27 млн теңге қаралатындығын жеткізді. Қазіргі уақытта «Табиғат» мекемесі тарапынан «2×2×2» каналының 37 шақырымы қазылу үстінде», – дейді ауыл әкімі.</blockquote>Қиналған жанға қол ұшын беріп, қайырымдылық жасаудан да ауыл халқы кемде емес.&nbsp;<blockquote>«Мәселен, наурыз айында ауыл тұрғындарының демеушілігімен тұрмысы төмен 12 отбасыға ірі қара малының еті таратылып, мектеп мұғалімдерінің демеушілігімен 7 отбасыға азық-түлік берілген болатын. «1 – мамыр Қазақстан халықтарының бірлігі күніне» орай халықтың әлеуметтік қолдауға мұқтаж топтарына қайырымдылық көрсету жұмыстарын ұйымдастыру барысында тұрғындар тарапынан ауылдық округтегі 10 отбасыға қажетті азық-түлікпен көмек көрсетілді. Ауылдағы №159 «Еңбекші» қазақ орта мектебін 1982 жылы бітіруші түлектердің демеушілігімен Б.Оразов және Е.Бектұрсынұлы көшелерінің арасындағы жаяу жүргіншілер жолы тегістеліп, тас төселді. «Мектепке жол» акциясы аясында ауыл тұрғындары есебінен құрылған қаржылай қордан 20 оқушыға 25 мың теңге көлемінде көмек көрсетілді. Жылу маусымы қарсаңында жеке кәсіпкер Р.Төрениязов ауылдағы 5 отбасыға қатты отынмен демеушілік жасады. 2020 жылы Еңбекші ауылдық «Баба ата» мешітіне ауылдан шыққан кәсіпкердің көмегімен есік-терезесін жаңалап, еденін жылы еденге ауыстырып, бөлек жуынатын бөлме қосып, қабырғаларын бояп, күрделі жөндеу жұмыстары жасалды. Биылғы жылы да демеушілердің көмегімен мешіт айналасына көркейту-көгалдандыру жұмыстары бойынша біршама жұмыстар істелді. Атап айтқанда, мешіт айналасына газон төселіп, шырша ағаштары егілді, мешіт айналасына кісі отыратын орындықтар әкелінді. Мешітке бақылау камералары орнатылған. Түнгі жарыққа қосылған. Мұндай көпке үлгі болар қайырымдылық шаралары алдағы уақытта жалғасын табатындығына зор сенім білдіреміз», – дейді Б.Серікбайұлы.&nbsp;</blockquote>Аядай ғана ауылдың бірлікке ұйысып, қоңыр тіршілік кешіп, берекелі өмір сүріп жатқаны тәнті етті. Қариясы қариялығын жасап, жастар тіршілігі мен құлшылығын қатар атқарып жүрген барлық ауылдың тыныс-тіршілігі «осындай болса шіркін-ай!» деген ойға шомдық.

Еңбекпенен еңсесін тік Еңбекші

<a href="https://kyzylorda-news.kz/">Kyzylorda-news.kz.</a> Ел Президенті Қасым-Жомарт Кемелұлы Тоқаевтың бастамасымен қолға алынған қоғамда экологиялық құндылықтарды орнықтыруға үндейтін «Birge: Taza Qazaqstan» акциясы аясында Сыр өңірінде үздік елді мекендер мен үлгілі шағын аудандар анықталып, бағалы сыйлықтармен марапатталмақ. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Конкурс елді мекендерде адам өмiрi мен денсаулығы үшiн қолайлы орта қалыптастыру, жұртшылықтың қоршаған ортаны қорғау мен орнықты даму мәселелерiн шешуге жан-жақты қатысуын қамтамасыз ету, тазалық пен көгалдандыру шараларына ынталандыру үшін өткізілуде. Жеңімпаздарды «Үлгілі ауыл», «Үлгілі аудан орталығы», «Қызылорда қаласының үлгілі шағын ауданы» номинациялары бойынша тәуелсіз сарапшы комиссия анықтайды», – деп хабарлады аймақ басшысы.</blockquote>Айта кетейік, конкурс шарттары бойынша «Үздік аудан орталығы»,«Үздік ауыл» және қаладағы «Үздік шағын аудан» анықталып, жеңімпаздарды қоғамдық ұйым өкілдері, экобелсенділер мен еріктілерден құралған тәуелсіз комиссия таңдайтын болады."Үздік аудан орталығы" номинациясы бойынша І орынға арнайы жол тазалағыш КАМАЗ және қалдық тасымалдаушы МАЗ автокөлігі, ассенизатор мен кран-манипулятор берілмек. Ал ІІ орынға қалдық тасымалдаушы көлік, ассенизатор және жол тазалаушы трактор тағайындалған. ІІІ орынға ассенизатор мен жол тазалаушы трактор сыйға берілмек."Үздік ауыл" номинациясын иеленген үш ауылға да бағалы сыйлықтар табысталады. І орын алған ауылға жер қазатын трактор мен самосвал ЗИЛ автокөлігі, ІІ орынға жер қазатын трактор мен тіркеме, ал ІІІ орынға жер қазатын трактор беріледі."Үздік шағын аудан" номинациясы бойынша І орын алған шағын ауданға сквер, спорт алаңы салынады. ІІ орынға абаттандыру мен спорттық ойын алаңы сыйға берілсе, ІІІ орынға абаттандыру жобалары тарту етіледі.Конкурс нәтижесімен жеңімпаздарға 14 техника табысталады.Бұдан бөлек, озық шыққан елді мекенге скверлер мен спорттық алаңдар салынып, көше-аулалары жарықтандырылады. Алдағы уақытта бұл конкурс дәстүрлі түрде жыл сайын өткізіледі деп жоспарланған.<img src="https://knadmin.beoblood.kz/uploads/352378448_226355533508449_8143667215491379079_n_6ef39a3133.jpg" alt="352378448_226355533508449_8143667215491379079_n.jpg">

«Үлгілі елді мекен» конкурсы үздіктер үшін

<a href="https://kyzylorda-news.kz/">Kyzylorda-news.kz.</a> Аймақ жастарының баспаналы болуын қолдау үшін облыс әкімінің тапсырмасымен арнайы қабылданған «Сыр жастары» бағдарламасы аясында алғаш рет 100-ден астам жас отбасыға жеңілдетілген ипотекалық несие берілмек. Ол үшін жергілікті бюджеттен 1,2 млрд.теңге, «Отбасы» банкі арқылы 500 млн.теңге, барлығы 1,7 млрд.теңге қаражат бөлінді. Бағдарлама бойынша қызылордалық жастардың төмендетілген пайыздық мөлшерлемемен қолжетімді тұрғын үй сатып алуға мүмкіндігі бар.Айта кетейік, бағдарламаға 18-35 жас аралығындағы облыс жастары қатыса алады. Жеңілдетілген несие 19 жылға 5% үстемемен «Отбасы банк» арқылы беріледі, қатысушының банкте үй бағасының 10%-ын құрайтын салымы болса жеткілікті.Бағдарламаға білім, денсаулық сақтау, спорт, мәдениет, журналистика саласының мамандары, мемлекеттік және азаматтық қызметшілер, ғылыми қызметкерлер, ұлттық холдингтердің жергілікті филиалдарының, екінші деңгейлі банктердің, құрылыс, қоғамдық тамақтану және басқа да қызмет көрсету саласының қызметкерлері мен әлеуметтік қызметкерлер қатыса алады. Жолдама беру балдық жүйемен жүзеге асырылады.Еске салсақ, желтоқсан айында өткен «Жасампаз шақ – жастық шақ» атты облыстық жастар форумында облыс әкімі Нұрлыбек Нәлібаев аймақта атқарылған игілікті шаралардың барлығында өңір жастарының өзіндік үлесі барын айтқан болатын. Аймақ басшысы осыған дейін жинақталған ой-пікір, ұсыныстарды саралап, сала жетекшілері мен қала, аудан әкімдеріне арнайы тапсырмалар берді.

Қызылордада «Сыр жастары» жобасы аясында 100-ден астам отбасы баспаналы болмақ

<a href="https://kyzylorda-news.kz/">Kyzylorda-news.kz.</a> Ел Президенті мен Үкіметтің ерекше қолдауымен өңірімізде тың жобалар жүзеге асуда. 2023 жылдың 4 айында облысымызда әлеуметтік-экономикалық дамудың оң динамикасына қол жеткізілді.&nbsp;Тұрғын үй саласын, инженерлік-инфрақұрылымды дамытуда да оң нәтижелер бар. Айталық, биыл Сыр өңірінде 130 мың шаршы метр болатын 1 924 пәтерлік 36 көпқабатты тұрғын үйдің құрылысы салынуда. Бұл туралы облыс әкімі Нұрлыбек Нәлібаев Астана қаласында Орталық коммуникациялар қызметінде өткен брифингте хабарлады.<blockquote>«Халықтың өмір сүру сапасын арттыру үшін қолайлы орта құру мәселесі басты назарда. Өңірімізде биыл 1430 пәтерлік 30 тұрғын үй халық игілігіне беріледі», – деді аймақ басшысы.</blockquote>Тұрғын үй салудан бөлек, өңірде тұрғын үй-коммуналдық инфрақұрылым жүйелерін дамыту жобалары да қарқынды жүзеге асуда. Облыс халқының 98,1 пайызы орталықтандырылған су жүйесіне қосылған. Бұл көрсеткішті 100 пайызға жеткізуге жұмыстар жасалуда. 2023-2026 жылдар аралығында «Байқоңыр қаласындағы сумен жабдықтау және су бұру жүйелерін реконструкциялау» жобасына 12 млрд. теңге қарастырылуда.Өткен жылы 6 ауыл «көгілдір отынға» қосылып, халықты газдандыру деңгейі 70 пайызға жеткен. Биыл 12 елді мекенді газдандырған соң бұл көрсеткішті 75 пайызға жеткізу жоспарланған.

Қызылорда облысында биыл 2 мыңға жуық отбасы қоныс тойын тойлайды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың шетелден инвестиция тарту жөніндегі тапсырмасын орындау үшін 22-24 мамыр аралығында облыс әкімі Нұрлыбек Нәлібаев бастаған делегация Корея Республикасының Сеул қаласына барды. Іссапардың басты мақсаты – өңірге, өндіріс саласына шетелдік инвестиция тарту, жаңа өндіріс орындарын ашу. Аймаққа озық технологиялар әкелу және тәжірибе алмасу бағытында өзара ынтымақтастық орнату.Делегация мүшелері бірқатар іскерлік кездесулерге қатысты, өңірдің инвестициялық мүмкіндіктерін таныстырды. Кореяның білім және ғылым, биотехнология, медицина, жасанды интеллект салаларындағы жетістіктері әлемге танымал болғандықтан, білім және ғылым салаларында бірлескен жобаларға баса мән берілді.Шинхан университетінің президенті Канг Сонг Чонг мырзамен кездесуде Қызылордада университет филиалын ашу ұсынысы талқыланды. Шілде айында Шинхан университетінің президенті Қызылордаға іссапармен келіп, университет филиалының қандай мамандықтар бойынша ашылатыны нақтыланады.Облыс әкім бастаған делегация Сеул Ұлттық ғылыми-техникалық университетінің президенті Ли Донг Хун мырзамен кездесті. Кездесуде Сеултех пен Қорқыт Ата университеті меморандумға қол қойды. Корея мен Қазақстан арасында жоғары білім саласындағы екіжақты ынтымақтастықты дамыту үшін биыл Халықаралық ынтымақтастық жөніндегі жетекші университеттік жоба әзірленді. Жоба Корея Республикасының Үкіметінде мақұлданып, Білім министрлігінен гранттық жоба ретінде 1 млрд теңгедей қаржы бөлінеді. Оның аясында Қорқыт Ата университетінде жасанды интеллект мектебі құрылады.Осы сапарда Тэджон қаласының мэрі Ли Чан Ву мырзамен өңірлер арасындағы байланысты өркендету үшін бауырластық қатынастар орнату туралы Меморандумға қол қойылды. Чоллабук-до провинциясының губернаторы Ким Гван Ён мырзамен кездесуде озық инновациялық технологияларды зерттеуге, «Ақылды фермалар» құруға, ауыл шаруашылығы өнімдерін терең өңдеуге қатысты нақты ұсыныстар айтылды. Бастамалардың барлығын жүйелі іске асыру үшін Қызылорда облысының ауыл шаруашылығы және жер қатынастары басқармасы мен Чоллабук-до провинциясының Халықаралық ынтымақтастық орталығы арасында Меморандумға қол қойылды.Осы провинцияда орналасқан ауылдық аймақтарды дамыту агенттігінде күріш өсірудегі инновациялық әдістерді, технологияларды қолдану, суды үнемдеу мен мониторингілеудің озық тәжірибелерін енгізу бойынша бірлесіп жұмыс істеу туралы келісім жасалды.

Корея сапары: Жаңа технологиялар. Жарқын бастамалар

<a href="https://kyzylorda-news.kz/">Kyzylorda-news.kz.</a> Мемлекет басшысы туған жеріне жанашыр кәсіпкерлерді елдің экономикасын дамытуға үлес қосуға шақырғаны белгілі. Сыр өңірінде жергілікті кәсіпкерлер бұл істе белсенділік танытып, қайырымдылық шараларына, туған жерін түлетіп, көркейтуге барынша атсалысуда.Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Мемлекет басшысы Қасым-Жомарт Кемелұлы туған жеріне жанашырлықпен қарайтын кәсіпкерлерді патриотизм мен әлеуметтік жауапкершіліктің үлгісін көрсетіп, елдің экономикасын дамытуға үлес қосуға шақырған болатын. Осы жұмыстарға Сыр өңіріндегі жергілікті кәсіпкерлер, облыстан шыққан меценаттар белсенді араласып, қайырымдылық шараларына, туған жерін түлетіп, көркейтуге бар күш-жігерлерін салуда. Атап айтқанда, Болат Өтемұратовтың демеушілігімен 15 млрд.теңгеге «Қорқыт ата» әуежайының жаңа терминалы салынуда. Қызылорда қаласында белгілі кәсіпкер, меценант Марат Дүйсенбаевтың демеушілігімен құны 1,5 млрд. теңгені құрайтын «Анаға тағзым» орталығының құрылысы жүруде. Жерлесіміз, белгілі кәсіпкер Асқар Әубәкіровтің қолдауымен 1,5 млрд.теңгеге орталық алаң жаңғыртылады», – деді аймақ басшысы.</blockquote>Өткен жылы Жаңақорған ауданында құны 790 млн. теңге болатын заманауи демалыс паркі, Сырдария ауданы Нағи Ілиясов ауылында құны 450 млн. теңге болатын «Еңбекшілер паркі» бой көтерді.Ал Арал ауданының Тоқабай ауылында жеке инвестор есебінен апатты мектептің орнына жаңасы салынуда. Құны 500 млн. теңге болатын жаңа мектеп тамыз айында пайдалануға берілмек.Сәуір айында Қызылорданың Түркістан облысымен шектесетін тұсынан демеушілік есебінен құны 230 млн. теңге болатын облыстың кіреберіс қақпасы ашылды.Мұнан бөлек, 7 мың адамға арналған «Қайсар» футбол командасының жаңа стадионы бой көтереді.«Қазгермұнай» ұлттық компаниясымен келісім нәтижесінде Қызылорда қаласында 2 млрд. 500 млн.теңгеге заманауи үлгідегі «Оқушылар сарайының» жобасы басталады.Мемлекет басшысы жариялаған «Балалар жылында» аймағымыздың демеушілері 1,6 млрд. теңгеге 80 спорт-ойын алаңын салып, балдырғандардың игілігіне пайдалануға берді.Өткен айдан бері демеушілердің қолдауымен 1 млрд. 100 млн. теңгеге облыс орталығындағы 50 үйдің қасбеттері заманауи панелдермен қапталуда. Сондай-ақ, демеушілер 1 млрд. теңгеге 20 көпқабатты тұрғын үйдің аулаларын абаттандыруда, яғни заманауи спорт алаңдары, тротуарлары, жарық бағаналары жаңартылуда.<blockquote>«Аймақ халқы атынан осы игі бастамаларға қолдау білдірген демеушілерге алғысымыз шексіз!», – деп тұжырымдады өз сөзін Қызылорда облысының әкімі.</blockquote>

Сыр елінде меценаттар есебінен көптеген нысандар салынуда

<a href="https://kyzylorda-news.kz/">Kyzylorda-news.kz.</a>&nbsp; Қызылордада жұмыссыздық мәселесі оң шешімін тауып жатыр. Сыр өңіріндегі жұмыссыздық деңгейі 4,9 пайыз болды. Бұл туралы Қызылорда облысының әкімі Нұрлыбек Машбекұлы Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Халықты жұмыспен қамту, жаңа жұмыс орындарын ашу – басты міндеттеріміздің бірі. Президенттің 10 мың адамға 100 жаңа жұмыс орнын құру тапсырмасына сәйкес былтыр өңірде 12 мыңнан астам жұмыс орны құрылып, жылдық жоспар 263 пайызға орындалды. Осының нәтижесінде, жалпы жұмыссыздық деңгейі 4,9 пайыз, жастар арасындағы жұмыссыздық 4 пайызға төмендеді», – деді аймақ басшысы.</blockquote>Айта кетейік, биыл Қызылорда облысында «Өңірлік жұмыспен қамту жол картасы» бекітіліп, көрсеткішті 4,8 пайызға дейін төмендету көзделген.<blockquote>«Бүгінгі күнге Өңірлік картадағы жоспардың 43,3 пайызға орындалуына қол жеткіздік, яғни 19 мың жұмыс орны құрылды. Оның ішінде тұрақтысы – 6952 немесе 36,6%, уақытшасы – 12055 немесе 63,4%, 16 мыңға жуығы – жаңа жұмыс орындары», – деді Нұрлыбек Машбекұлы.</blockquote>Айта кету керек, қазіргі таңда Қызылорда облысындағы жұмыссыздық деңгейі республикалық көрсеткіштен төмен.

Сыр өңірінде жыл басынан бері 19 мың жұмыс орны құрылды

<a href="https://kyzylorda-news.kz/">Kyzylorda-news.kz.</a> «Облыс орталығындағы жолаушылар тасымалдау қызметін жақсарту үшін өткен жылы 150 жаңа автобус алынды». Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Облыс орталығындағы жолаушылар тасымалдау қызметін жақсарту мақсатында өткен жылы 150 жаңа автобус алдық. Биылғы қыркүйекке дейін тағы 150 автобус маршрутқа қосылады. Осылайша, біз аймақтың бас шаһарындағы қоғамдық көлік мәселесін түбегейлі шешеміз», – деді аймақ басшысы.</blockquote>Мұнан бөлек, өңірде жол инфрақұрылымын жақсарту бойынша ауқымды жобалар жүзеге асуда. Жергілікті маңызы бар 366 шақырым автомобиль жолдарын жөндеу арқылы жақсы жағдайдағы жол үлесі өткен жылы82 пайыз құрады , биыл бұл көрсеткіш 87 пайызға жеткізілмек.Аймақ үшін өзекті жобалардың бірі – Президенттің тікелей бақылауындағы, халық ұзақ күткен «Қызылорда-Жезқазған» автожолының құрылысы. Жолдың ұзындығы 216 шақырым, биыл 140 шақырымнан астамы аяқталады деп күтілуде. Қалған бөлігі 2025 жылдың аяғына дейін толық аяқталып, халық игілігіне берілмек.«Қазақстан теміржолы» компаниясымен бірлесіп, Қызылорда теміржол вокзалының ғимаратын қайта жаңғырту жұмыстары жүргізілуде.

Қазақстан және Қызылорда облысының жаңалықтары