<a href="https://kyzylorda-news.kz/">Kyzylorda-news.kz</a> Үкімет отырысының күн тәртібінде тұрғын үй құрылысын дамыту және проблемалық жобаларды аяқтау мәселесі қаралды.&nbsp;Үкімет отырысынан кейінгі арнайы мәжілісте облыс әкімі Нұрлыбек Нәлібаев бірқатар тапсырма берді.&nbsp;«Күн тәртібіндегі екінші мәселе тұрғын үй құрылысын дамыту және проблемалық жобаларды аяқтау туралы болды. Осы жылы бюджет қаражаты есебінен 13,3 млрд. теңгеге 1269 пәтерлік 67 тұрғын үй салынады. Халықтың әлеуметтік жағынан осал топтары үшін 296 жаңа пәтер сатып алуға республикалық бюджеттен 3,8 млрд. теңге қаржы бөлінген.&nbsp;Жақында Үкімет 2024 жылы экономикалық өсімді қамтамасыз етудің бірінші кезектегі іс-қимыл жоспарын бекітті. Онда құрылыстың нақты көлемінің индексін 2023 жылға қарағанда кемінде 110 пайыз деңгейінде қамтамсыз ету үшін тұрғын үй құрылысы көлемін 2,5 млн. шаршы метрден 18 млн. шаршы метрге дейін ұлғайту шаралары қабылданған. Аталған мәселе бойынша 26 наурыздағы мәжілісте кезек күттірмейтін бірқатар тапсырма берілді», – деді аймақ басшысы.Айта кетейік, бүгінгі күнге қала және аудандарда 1 816 пәтер салынуы жоспарланып, оның 1 316-ның құрылысы басталған. Барлық ауданда мердігерлер анықталған. Нұрлыбек Машбекұлы қала және аудан әкімдеріне сатып алынуы жоспарланған тұрғын үйлердің жерін рәсімдеуді, инженерлік инфрақұрылыммен қамтуды және оларды сатып алу конкурстарын ұйымдастыруды бүгіннен бастау керектігін ескертті. Құрылыс жұмыстарының мерзімінде әрі сапалы жүргізілуі қатаң бақылауға алынуы тиіс. Үкімет қаулысында Еуропалық даму банкінің 300 млрд. теңге нарықтық қаражатын тартып, «Отбасы банкі» арқылы жаңа ипотекалық бағдарламаны 2024 жылдың мамырында іске қосу тапсырылған.Фото:&nbsp;Қызылорда облысы әкімінің баспасөз қызметі

Баспана салу мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы бойынша білім бөлімінің әдістемелік кабинетінің жоспарына сәйкес, 19 сәуір күні Елеу Көшербаев атындағы №279 мектеп-лицейінде Елеу Көшербаев атындағы дәстүрлі ІІ аудандық ауыл мектептерінің 9-10 сынып оқушылары арасындағы «Ел есінде Елеу аға, Ел-аға» тақырыбында ғылыми-зерттеу жұмысы конкурсы болып өтті.&nbsp;Конкурстың мақсаты – ауыл мектептірінің 9-10 сынып оқушылары арасындағы зерттеу қызметінің дағдыларын дамыту, жоғары жастағы мектеп оқушыларының интеллектуалдық-шығармашылық әлеуетін қалыптастыруға ықпал ету.&nbsp;Конкурсқа қатысушыларды мектептің домбырашылар ансамблі күмбірлеген күйімен , өнерпаздар өлең -жырларымен қарсы алды. Келген қонақтарды мектеп ғимаратындағы мемлекет және қоғам қайраткері Елеу Көшербаев атындағы музеймен таныстырылым жұмыстары жүргізілді.&nbsp;Іс-шараға Қармақшы аудандық білім бөлімінің әдістемелік кабинет меңгерушісі Ш.Наукебаева, Ақай ауылдық ақсақалдар алқасының төрағасы Ж.Қыпшақбаев, ардагер ұстаздар Д.Маханбетов, Р.Жандыбаевалар және Елеу Көшербаев атамыздың ұрпағы қатысты.Ауыл мектептерінің 9-10 сынып оқушылары арасындағы зерттеу жұмысында «Ауылым – алтын бесігім» бағытында туған ауылының тарихын зерттеу, «Ел есінде Елеу аға, Ел – аға» бағытында мемлекет және қоғам қайраткері Елеу Көшербаевтың өмір жолынан ізденіс, «Ұлы ерлік – ұрпаққа үлгі!» бағытында ауылындағы соғыс ардагерлерін зерттеу жұмыстары қамтылды.&nbsp;Ғылыми-зерттеу конкурсының қорытындысы бойынша қатысушылар Қармақшы аудандық білім бөлімінің басшысы Гүлзира Абдазиеваның дипломдарымен марапаттталып, Елеу атаның ұрпақтары конкурсқа қатысқан оқушыларды сыйлықтармен марапаттап, демеушілік жасады. &nbsp;

Қармақшыда мектеп оқушылары арасында ғылыми-зерттеу конкурсы өтті

<a href="https://kyzylorda-news.kz/">Kyzylorda-news.kz</a> &nbsp;Сыр елі өнердің мөлдір бұлағы болса, оның ішінде Қармақшы – ұлттық салт-дәстүрін, ән-күйі мен жыр-термесін қайнар бұлағына сақтап қана қоймай, дамытып келе жатқан аудан. Бауыржан Момышұлы айтқандай, өнер – адамның рухани азығы, халықтың бүгіні мен келешегі, арманы мен қиялы, жалпы болмысы. Жас жеткіншектерді өнерге баулып, үлкен өмірге қанат қағуына Қармақшы аудандық Тұрымбет Салқынбайұлы атындағы өнер мектебінің қосқан үлесі зор. Талай жастың талабын ұштап жүрген өнерлі орданың бүгінде бағындырған белесі көп.Оқушылардың дарынын ұштап, бос уақытын тиімді пайдаланып, шы¬ғармашылық қабілетін арттыруда &nbsp;өнер мектебі 1972 жылдан бастап жұмыс жасап келе жатыр. Сырт көзге шағын мектеп болып көрінгенімен, ішкі қызу жұмыстары ондағы ұстаздар мен оқушыларға ғана мәлім. Жақында осы өнер мектебінің ІІІ Интернационал ауылындағы бөлімшесі жолымыз түскен болатын.&nbsp;Өнер ұжымында қазіргі таңда 4 арнайы класс бойынша 6 мұғалім жұмыс жасайды. Олар домбыра, қобыз, фортепиано, баян кластары бойынша 64 оқушыны өнерге баулиды. Өмірін өнермен байланыстырған өрендер мұнда өзі қалаған аспабы бойынша 5 жыл білім алып, таңдауы бойынша аспап, теориялық пәндер қатарындағы сабақтарға да қатыса алады.Бір қызығы мұндағы ұстаздардың тең жартысы осы шаңырақтың түлектері. Осында музыкалық алғашқы білімді игеріп, оны жоғары біліммен жалғап, енді өздері де өнерге ғашық өрендерді тәрбиелеу үстінде.&nbsp;<blockquote>Баланы заманына қарай икемдеп, ұлттық салт-дәстүрді қастерлеп, құрметтеуге үйрету, патриоттық, шығармашылық бағытта жан-жақты дамыту, ұлттық өнерге баулу біздің мекеменің басты бағыты. Ұрпақ тәрбиесі – адамзат баласының асыл мұрасы. Біздің міндет – өмірге икемделген, жан-жақты мәдениетті жеке тұлға тәрбиелеу. Ұстаздар осы міндетті атқаруда орасан зор үлес қосуда. Жеке сабақтар арқылы әр оқушыны жеке зерттеп, нақты жұмыс жүргізеді. Түрлі кештер, тақырыптық сабақтар, кездесулер, аудандық, қалалық, республикалық, халықаралық көлемдегі түрлі байқаудан жоғары нәтиже көрсетуі – шығармашылық ұжымның жемісі. Сонымен қатар мектеп ұжымының алға қойған негізгі міндеті – оқушылардың музыкалық қабілеттері, ести білу, есте сақтау, ырғақтық сезімдерімен қатар, танымдық, талғамдық қасиеттерін, музыкалық есту, эстетикалық талғамын дамыту, ұлттық музыкаға деген сүйіспеншілігін арттыру күннен-күнге өз нәтижесін беруде, – дейді бөлімше меңгерушісі Роза Жаханова.</blockquote>Меңгерушінің айтуынша өткен оқу жылдары табыс¬ты бол¬ған. Себебі жарысқа барған балалар жүлдесіз қайтпапты. Олар облыстық «Бозторғай» балалар шығармашылығының халықаралық конкурсында, «Күй табиғаты» байқауында, Қазақстан Халқы Ассаблеясының «Мың бала» мәдени-ағартушылық жобасының «Өнерлі өрге жүзер» байқауында, БММ мен балалар өнер мектептері оқушылары арасында ұйымдастырылған облыстық додада үздіктер қатарынан көрінген. Мұнан бөлек те, ауыз толтырып айтарлықтай жетістіктер жеткілікті. Түлектер арасында болашағына бағдар алып, колледж, консерваторияда музыкалық білімді жалғап, түрлі биікті бағындырып жүрген &nbsp;студенттер де жетерлік.<blockquote>Негізінен қазақ халқы өнерді әрқашан даналық пен ақыл-парасатты оятар тәңірдің ерекше сыйы деп білді. Өнерге тояттаған әр тіршілік иесінің бойынан азаматтық пен адамгершілік қасиеттері әркез табылады. Музыка – бұл адам жанын тыныштандыратын да, сергектік беретін де жеке әлем. Біз уақытпен санаспай жұмыс жасаймыз. Себебі жақсы нәтиже алғымыз келеді. Әрі мұндағы әрбір маман өз ісіне берілген, мамандығын сүйетін жандар. Соңғы жылдары оқушылардың аспаптарға қызығушылығы артып келеді. Әсіресе өзге ұлт өкілдерінің арасынан домбыра аспабын үйренгісі келетіндердің қатары артуда. Біз үйренемін деушілерге үйретуге әрқашан дайынбыз, – дейді бөлімше меңгерушісі.</blockquote>«Өнер – өмір¬шең» демекші, майталман мамандардан білім алып, іргетасы мықтап қаланған шәкірттен түбінде таудай талант шығатыны бәрімізге белгілі. Мұнда таланты мен талабын ұштастырып, өнерін өмір өзеніне айналдырған өрендердің көзінен үлкен жеңіске деген құлшынысты көрдік. Өнер ордасында болған аздаған уақыттың ішінде балалар бізді бойындағы дарыны мен талантына, ұстаздар өз ісіне деген махаббатына тәнті етті. &nbsp;Фото: Толқын&nbsp;

Жастардың талабын ұштаған ауылдағы өнер мектебі

<a href="https://kyzylorda-news.kz/">Kyzylorda-news.kz</a> Тіл тұғырынан түспеуі үшін тіршілік қамытында жүретін бөлімнің бірі – «Шиелі аудандық мәдениет және тілдерді дамыту» бөлімі десек, жаңылыспаймыз. Мемлекеттік тілдің өркен жайып, әр саладағы қолданысында тілдік нормалардың орындалуын, көрнекі ақпараттардың мемлекеттік тілде жазылуын жоспарлы түрде қадағалап жүрген сол бөлімнің жетекші маманы Нұршат Бағдатұлы мен Шиелі аудандық кәсіпкерлік палатасының директоры Бекзатхан Бауыржанұлының кәсіпкерлермен байланысы үзілген емес. Олар белгілі бір нысанның сыртқы маңдайша жазуы, ішкі-сыртқы көрнекілік ақпараттық тақталардың стандарттық нормаға сай орналасуы, жазылуы сынды жұмыстарды күн тәртібінен түсірмейді. Ал бүгінгі әңгімеміздің кейіпкерлері қазақ тілінің жанашырына айналған қос кәсіпкер – Дінмұхамед Дәуренбеков пен Ержан Ақбергенов.Қазақ тілінің заңнамада бекітілген стандарттар кеңістігінде қанат жая алмауының негізгі себебі – қоғамның келбетіне айналған көпшілік қызмет көрсету орталықтарының, тұтас бизнес секторының мемлекеттік тілге немқұрайлы қарауынан дейді мамандар. Оған дәлел-дәйек те жетерлік. Күн сайын сәні мен салтанаты келіскен тамақтану орталықтары бой көтеруде. Десек те, маңдайшадағы атауына келгенде бірыңғай қазақ тілді мән-мағынасы бар сөзді табу қиын-ақ. Кәсіпкерлерден қазақ тілі неліктен қағажу көреді деп сұрасаң, айтар уәжі «Бізге ешкім айтқан жоқ», «Билік ескерткен жоқ». Билік ескертпесе де барлық ақпаратын орыс, тіпті ағылшын, қытай тілінде ұсынуға даяр кәсіпкерлер мемлекеттік тілге келгенде неліктен шабыты сарқыла қалады екен дерсіз. Міне, сондай кәсіп иелеріне еш қымсынбастан насихаттауға болатын «Дәмді» отбасылық асханалар желісінің қос қожайынын айтуға болады.&nbsp;<blockquote>– Әрине, біз де кәсібімізге атау қойып, маңдайша ілгенде бір сынға ұшырадық. Бастапқыда кәсіпті шағын ғана асханадан бастаған жандармыз. Сондықтан үлкен тамақтану орталығын тұрғызғанда «Grand damdi» деген атауды заман талабына сай көрдік. Маңдайшаға ілдік. Бір күні түрік ағайындар ауқаттануға біздің асханаға бас сұқты. Сонда асханадағы атаудың мағынасын сұрады. Біз «Grand» үлкен деген мағынаны береді деп түсіндіргендей болдық. Әлгі меймандар «соны неліктен өз тіліңде жазбадыңдар?» деп сұрағанда намыстан жерге қарадым. Әп-сәтте ойланбастан асхана атауын кириллицамен таңбалап, «Дәмді» деп өзгертуге шешім қабылдадым. Бұл менің өмірімдегі ең үлкен сабақ болды, – деді Д.Дәуренбеков.&nbsp;</blockquote>Расында, мәдениетің, әдебиетіңді, дінің мен діліңді көрсеткің келсе, ең әуелі тіліңді сөйлет. Бұл еш жерде жазылмаған заңдылық. Оны бүгінгі кейіпкеріміздің бір ғана әттең-айы тағы да айшықтап берді. Өмірден алған сол сабақ Дінмұхамед пен Ержанның ісін өрге домалата түсті. Аудан орталығынан еңсе көтерген үлкен отбасылық асханалар желісінің тағы бір ерекшелігі ас мәзірі қазақ тілінде ұсынылады. Ал даяршылар қазақтың ұлттық киімдерін киіп, қызмет көрсетеді.&nbsp;<blockquote>– Бүгінгі таңда 50 адамды жұмыспен қамтып отырмыз. Ұлдар қазақы оюланған жакет пен тақия кисе, қыздарымыз да ұлттық киім үлгісімен меймандарға жайлылық сыйлайды. Бастапқыда қазақ тіліндегі талапқа сай ас мәзірін табу қиынға түсті. Көбісі тікелей аудармалармен қате жазылған. Сондықтан орыс тілі аралас мәзірді ұсынып жүрдік. Алайда ­ауданда ағылшын тілі пәнінен сабақ беретін Махамбетәлі Әбдіхамитұлы ұстаз бізге ас мәзірін толық қазақ тілінде тегін өзгертіп беретінін айтып, қолқа салды. Бұл сәтте біз тағы да қазақ тіліне деген құрметтің биік екенін сезіндік әрі қуандық! Өйткені, осындай тілге деген жанашыр ұстаздан қазақ тілінің мерейін арттыратын мыңдаған шәкірттердің өсеріне сендік, – деді Е.Ақбергенов.&nbsp;</blockquote>Мемлекет басшысы Қасым-Жомарт Тоқаев «Өз тілің – бірлік үшін, өзге тілдер – тірлік үшін» деген еді биік мінберде. Расында, қос азаматты бір істің басында біріктірген бірлік болса, тірлігінің тоқтамауы ана тіліне деген сүйіспеншілігінен болар деп топшыладық. Себебі Ержан мен Дінмұхамедті аудан халқы тек кәсіпкер ретінде емес, атымтай жомарт жандардың қатарынан көреді. Қысылғанға көмек қолын созу қазақты қазақ ететін ерекше қасиеті емес пе? Бүгінге дейін 2 отбасына баспана сыйлап, әр жыл сайын 30 үйге азық-түлік таситын да осы екі азамат. Жыл сайын Рамазан айының алғашқы күнінде ауызашар беріп, жақсы істің қасынан қара көрсететін қос азамат осы.&nbsp;<blockquote>– Мен қазақпын. Бұл – қазақ елі. Сондықтан қазақ тілінде сөйлеп, қазақша мәзір ұсынайық. Барша қазақстандық кәсіпкерлерді қазақ тілінде бренд қалыптастыруға шақырамын. Бұл жолда жоспарымыз да, мақсатымыз да айқын. Тілің үшін тірлік етсең, бүкіл ел сенің тілеуіңді тілейтініне көзіміз анық жетті. Мемлекеттік тілдің тынысын тарылтпай, мерейін арттырайық! – дейді, тілдің жанашырына айналған кәсіпкерлер!</blockquote>&nbsp;Гүлнәр ДҮЙСЕБАЙ

Шиелі: Мәзірінің мәні, кәсібінің сәні келісті

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Кемелұлы Тоқаев: "Жыл сайын Қазақстанда орташа есеппен 2 мыңнан астам жемқорлыққа қатысы қылмыстық іс тіркеледі. Мыңнан аса адам жауапқа тартылады. Бұл – батпандап кіріп, мысқылдап шығатын кесел. Осы ауруды шұғыл түрде емдемесек, ертең кеш болуы мүмкін. Мен Конституцияға сәйкес ұлтына, дініне, мүлік жағдайына қарамастан барлық азаматтар тең деген ережені басшылыққа аламын. Ешкім де заңнан биік емес. Қол астындағы қызметкерлердің жемқорлыққа қатысы болса, орталықта да, өңірлерде де бірінші басшылар тікелей жауап береді. Сондықтан, кешенді алдын алу шараларын қолға алу қажет" деген еді. Осы бағытта көптеген жұмыстар істеліп, түсіндірме жұмыстары әлі күнге дейін үздіксіз, үзіліссіз жүргізіліп келеді. Осындай шараның бірі жуырда Арал ауданында ұйымдастырылды.Аудан басшысы Аманжол Оңғарбаевтың төрағалығымен аудан әкімі жанындағы Сыбайлас жемқорлыққа қарсы іс-қимыл мәселелері жөніндегі кеңейтілген комиссия отырысы өтті. Онда денсаулық сақтау және білім саласында сыбайлас жемқорлық тәуекелдерін болдырмау және алдын алу мәселелері қаралды.&nbsp;Жиынға комиссия мүшелері, ардагерлер, аудандық мәслихаттың депутаттары, үкіметтік емес ұйымдардың басшылары, қала, кент, ауылдық округ әкімдері, дербес бөлім және білім беру, денсаулық сақтау ұйымдарының басшылары мен сала қызметкерлері, есепшілері, жеке кәсіпкерлер қатысты. Комиссия отырысының күн тәртібінде 2 мәселе қаралды.&nbsp;Аудан басшысы халыққа қызмет көрсететін мемлекеттік орган қызметкерлері міндетін адал атқаруы керектігін атап өтті.&nbsp;<blockquote>– Мемлекет басшысы Қасым-Жомарт Кемелұлы Тоқаев Сыбайлас жемқорлыққа қарсы іс-қимыл мәселелері жөніндегі кеңесте сөйлеген сөзінде, «Қоғамның басты талабының бірі – әділдік пен заң үстемдігін орнату. Бұл жолдағы ең үлкен кедергі сыбайлас жемқорлық екені сөзсіз. Жемқорлықты жою үшін оған бүкіл ел болып қарсы тұруымыз керек. «Жемқорлық – індет, онымен күресу – міндет» деген қағиданы жұрт санасына орнықтыру – барлық мемлекеттік органның ортақ жұмысы. Бұған бір реттік науқан ретінде қарамау керек. Сонда ғана жемқорлықпен табанды түрде күресе аламыз. Біздің түпкі мақсатымыз – сыбайлас жемқорлықтан таза қоғам қалыптастыру» екендігін айтқан болатын. Мемлекеттік сатып алу, мемлекет қаржысын талан-тараж етіп, ысырап қылу, жымқыру, жер телімін заңсыз беру, дүниемүлкін, ақша капиталын салық декларациясынан жасырып қалу секілді мемлекет ұстанымына қауіп төндіретін жат қылықтар әлі де баршылық. Сондықтан сыбайлас жемқорлыққа қарсы мәдениетті насихаттау, оларды іске асыру қоғамның барлық салаларын да қамтуы тиіс, әсіресе білім беру мен денсаулық сақтау саласы мекемелеріне жүктелетін жауапкершілік аса жоғары. Әлеуметтік салаларда сыбайлас жемқорлық тәуекелдерінің алдын алып, өрескел заң бұзушылықтарға жол бермеуіміз керек. Шын мәнінде, денсаулық сақтау мен білім беру саласы – ең ауқымды салалар. Жыл сайын білім, денсаулық салаларына әлеуметтік блок ретінде едәуір қаржы бөлінеді. Дегенмен қоғамда білім беру саласында және медициналық қызмет алуға қатысты сын-ескертпелер аз емес. Екі салада да сыбайлас жемқорлық тәуекелі жоғары болғандықтан, заң бұзушылықтарға жол бермеу тұрақты қадағалануы тиіс – деді А.Сақыпұлы.&nbsp;</blockquote>Аудандық көп бейінді орталық ауруханасының бас дәрігері Б.Қуанышбаев аудандық медициналық мекемелерге жүргізген ішкі талдау нәтижелерін таныстырып, сыбайлас жемқорлықпен күресу және тәуекелдерге жол бермеу мақсатында жүргізілген шараларға тоқталды. Келесі кезекте аудан бойынша білім бөлімінің басшысы С.Жанназарова аудан бойынша білім беру саласындағы сыбайлас жемқорлыққа қарсы іс-қимыл бойынша атқарылған жұмыстарын баяндады.&nbsp;Жиын барысында анықталған кемшіліктер талқыланып, оларды жою қадамдары белгіленді.&nbsp;Комиссия отырысын қорытындылай келе аудан басшысы әрбір тұрғын сапалы медициналық көмек алып, мемлекет ұсынған игілікті пайдалануы керек екенін атап өтті. Сонымен бірге денсаулық сақтау ұйымдарының жұмыс сапасын арттыру мақсатында талдау жасап, заңға сәйкес бірінші басшыларды ротациялау, кадр тапшылығын шешу мақсатында еліміздегі жоғары оқу орындарын тәмамдаған білімді студенттерді ауданға қызметке шақыруды үйлестіру және еңбек тәртібінің қатаң сақталуын қадағалау тапсырылды.&nbsp;Сондай-ақ білім бөліміне қарасты барлық мекемелерде қаржылық бұзушылықтарды анықтау және оларды болдырмау үшін қажетті шаралар қабылдау, бюджеттен бөлінген әрбір қаражаттың мақсатты, тиімді жұмсалуы және уақытылы игерілуі, мемлекеттік көрсетілетін қызметтердің мерзімінде орындалуын қатаң бақылауға алынуын тапсырды.

Аралда сыбайлас жемқорлықпен күрес тұрақты жүргізілуде

<a href="https://kyzylorda-news.kz/">Kyzylorda-news.kz</a>&nbsp; Қазір Сырдың бойындағы елді мекендерде далалық жұмыс қызулы. Көктем кіріп, жер жіпсігеннен диқандар қауымы білек түріп жер ризығын дайындаудың қамында жүр. Күн райы өзгермесе сәуірдің соңы мен мамырдың бас кезінде жерге дән себу басталады. Жалпы шыбық шаншысаң мәуелі ағаш болатын Сыр аймағы дән сепкенге аса қолайлы өңір екені баршаға мәлім. Соның ішінде Қармақшы ауданына қарасты Дүр Оңғар ауылының егіс көлемі ауқымды.Ерте көктемнен ақ егіс бастаған дүроңғарлықтар 300 гектар жерге бидай, 650 гектарға жоңышқа, 50 гектарға судандық шөбін еккен. Биылғы дала жұмысындағы жаңалықты «Жаңажол» жауапкершілігі шектеулі серіктестігінің бас агрономы Төлеу Ералиев осылай бастады. Жылда мол өнімге қол жеткізетін шаруашылықтың осы жылы қарқыны өзгеше.&nbsp;<blockquote>– Көктемгі егіс жұмыстарын жүргізуге шаруашылық биыл ерте кірісті. Дәнді дақылдарды жерге орналастырып, енді күріш егуге жұмыс бастап жатырмыз. Биыл 3000 гектар жерге Сыр салысын орналастыру жоспарда бар. Қазір 500 гектар жер жыртылып, дайын тұр. Тыңайтқыштарымызды да жеткілікті әкеліп жатырмыз. Жерді лазерлік тегістеу үшін Ресейден 5 техника алдырттық. Сонымен қатар қосымша 5 ХТЗ техникасын жаңаладық. Ендігі судың келгенін күтіп отырмыз. Биыл тағы су тапшылығы болады деген болжам айтылуда. Бір жаңалығымыз тамшылату әдісімен бақша дақылдарын өсіруді қолға алып жатырмыз. Одан бөлек ауылдың кіре берісіне 5 гектар алма бағымыз бар. Тамшылату әдісі арқылы оның 80 пайызы шығып тұр. Биыл шықпай қалған жемістің орнын толтыру үшін 2300 түп алма ағашы отырғызылды, – дейді серіктестіктің бас агроном Төлеу Ералиев.</blockquote>Мемлекет басшысы Қасым-Жомарт Тоқаев ауыл шаруашылығы өнім көлемін алдағы 5 жылда 2 есеге арттыру жөнінде тапсырма берген-ді. Осы орайда облысымызда 187 мың гектар жерге дақылдар егілетін болса, оның ішінде күріш көлемі 83,9 мың гектарға егу жоспарланып отыр. Бұл көрсеткіш өткен жылмен салыстырғанда егіс көлемі 6,4 мың гектарға, күріш 5 мың гектарға азайтылған. Оның орнына суды аз қажетететін дақылдар егісін көбейтіп отыр. Аймақ басшысы Нұрлыбек Нәлібаев Үкімет отырысының биылғы жылдың көктемгі дала жұмысына дайындық мәселесі қаралаған жиында егінге әзірлік барысын баяндады.<blockquote>– Сырдария өзеніндегі су шаруашылығы жағдайы күрделі болғандықтан, су лимиті әлі белгіленбеген. Мемлекетаралық Су шаруашылығы үйлестіру комиссиясының 86-шы отырысында вегетация кезеңіне су лимиті белгіленгеннен кейін егіс көлемі қайта нақтыланатын болады. Бөлінген лимитке сәйкес күріш егісі әлі де қысқаруы мүмкін. Өңірде көктемгі егін егі жұмыстары наурыз айының бірінші онкүндігінде басталса, мамырда аяқталады. Күріш сәуір айының үшінші онкүндігінде себіле бастайды. Ерте егілетін дақылдар – жаңа жоңышқа, жаздық бидай, арпа, мақсары, қант құмайы жерге орналастырылуда, – деді облыс әкімі Нұрлыбек Нәлібаев.</blockquote>Күріш мелиоративтік дақыл болғандықтан, атыздарда су үнемдеудің бірден-бір жолы – лазерлік тегістеу. Биыл күріш алқаптарының 70 пайызы лазермен тегістелмек. Бұл суды 20 пайызға дейін үнемдеуге және өнімділікті 30 пайызға дейін арттыруға мүмкіндік береді. Жалпы елімізде су тапшылығының алдын алуда күріштік көлемін азайту керек деген пікір жиі айтылуда. Бұл тұрғыда суды үнемдеу де маңызды. Дегенмен мамандар күрішсіз аймағымыздың экологиялық ахуалы нашарлап, топырақ тұзданып жарамсыз болатынын айтады. Себебі Сыр топырағының қатты тұздануын күріш егу арқылы шаймаса, аса тұзды топырақта басқа дақылдардан өнім алу мүмкіндігі өте төмен болады. Сондай-ақ топырақтың үздіксіз тұздану салдарынан ауыспалы егіс жүйесі де айналымнан шығып қалмақ.Фото: Нұрболат Нұржаубай

Қармақшыда көктемгі дала жұмысы қарқынды

<a href="https://kyzylorda-news.kz/ru">Kyzylorda-news.kz</a> &nbsp;«Еркін елдің ертеңі – кемел білім мен ана тілінде» апталығы аясында Әбділдә Тәжібаев атындағы облыстық әмбебап &nbsp;ғылыми кітапхана және Орда колледжінің бірлесуімен&nbsp;«Көркем сөз – көңіл кілті» атты &nbsp;мектеп оқушылары арасында интеллектуалдық сайыс өтті.Кітап оқу – адамзат ойлап тапқан ең ғажайып құбылыстардың бірі. Рухани жан дүниеге демеу беріп, адамның адами қасиетін арттыратын да осы кітап. Тәрбиенің бастауы ертегі, жыр-дастандары да бүгінгі ұрпаққа кітап болып жетті. Баланы әдеби кітаптарды оқуға тарту – білімнің қайнар көзі болып табылады. Ол оның рухын сақтайды, жүрегі мен миын азықтандырады, өзін-өзі тану сезімін оятады, өз ісінің дұрыс, бұрыстығына қорытынды жасап, дәлелдей алатын, өмірдің ащысы мен тұщысынан дәм татып, өмір сүруге дайын, тірлікке бейім болуды үйретеді.&nbsp;Мектептегі оқу үрдісі бастауыш сынып оқушыларынан оқудағы дербестікті талап етеді. Осыған орай, оқу еңбегінің барысында оларды ең алдымен кітаппен жұмыс істеуге үйретуден бастаған жөн. Көптеген бастауыш сынып оқушылары кітап оқуды ұнатады. Сондықтан да балалардың оқуы үшін кітап таңдап алуын&nbsp; ата-аналар, ұстаздар, кітапханашылар қадағалап отыруы тиіс.Кітаппен жұмыс жасау – оқушының білім сапасын көтерудегі қажетті жағдай. Баланың жалпы дамуы мектептегі оқу мен оның өздігінен ізденуімен тығыз байланысты.Оқушыларды өз ана тілінде таза сөйлеуге үйретуді шешендік өнерге баулуды және кәсіптік бағдар беруді жоспарлаған сайыс 4 кезеңнен тұрды.Сайысқа:Әбділдә Тәжібаев атындағы облыстық әмбебап &nbsp;ғылыми кітапханасының балалар әдебиеті &nbsp;бөлімінің меңгерушісі – Айгисинова Маржанкуль Тургунбаевна;Әбділдә Тәжібаев атындағы облыстық әмбебап &nbsp;ғылыми кітапханасының өлкетану &nbsp;библиографиясы &nbsp;секторының &nbsp;меңгерушісі – Кушербаева Айгуль Айдашқызы;Қорқыт ата атындағы Қызылорда университеті, филология ғылымдарының кандидаты, доцент – Сара Бахтиярова төрелік етті.Әділ қазылар шешімімен:І орын – &nbsp;Абылай хан атындағы №140 мектептің &nbsp;9 сынып оқушысы &nbsp; Жасұлан Бағдатұлы, жетекшісі &nbsp;Жұлдызай Музарапшина;2 орын – &nbsp;Сақтапберген Әлжіков атындағы №144 орта мектебінің &nbsp;9-сынып оқушысы &nbsp;Бахытжанова &nbsp;Жанель Ерланқызы, жетекшісі Мұратова Айгерим Бегалиқызы;Үш тілде оқытатын мамандандырылған сыныптары бар Абай атындағы ДБА мектептің 9 сынып оқушысы &nbsp; Мерей Ұсайын, жетекшісі Түменбаева Нұрила Нұрғисақызы;ІІІ орын – А.Байтұрсынов атындағы №211 орта мектебінің &nbsp;9 сынып оқушысы &nbsp;Рахмузова Гүлім Мейірбекқызы, жетекшісі &nbsp;Жайылханова Алтын Базарбайқызы;И.В Панфилов атындағы №5 мектеп-лицейдің 9 сынып оқушысы &nbsp;Бахытбекова Ағжан, жетекшісі Ақбергенова Жанар марапатталды.&nbsp;Ұйымдастырушы: А.Е. АлибаеваСондай-ақ сәуір айында мектеп балаларын кітап оқуға ынталандыру үшін «Тез оқуды үйреніңіз» атты жылдам оқу сайысы &nbsp;11сәуір күні облыстық кітапханада балалардың оқу сауаттылығын дамыту мақсатында «Тез оқуды үйреніңіз» атты жылдам оқу сайысы ұйымдастырылды. Жылдам оқу сайысына &nbsp;Ә.Тыныбаев атындағы №11 мектеп-лицейінің, Абылайхан атындағы №140 &nbsp;қазақ орта мектебінің, &nbsp;Т.Есетов &nbsp;атындағы №264 мектеп-лицейінің, &nbsp;І.Қабылов атындағы №12 ІТ-мектеп-лицейінің, Қ.Мұхамеджанов атындағы &nbsp; №1мектеп-гимназиясының, &nbsp; С.Сейфуллин атындағы &nbsp;№4 ІТ мектеп-лицейінің оқушылары мен ұстаздары &nbsp;қатысты.Сайыс барысында қатысушылар жазушы Мейіржан Жылқыбайдың «Тауға саяхат кітабы» бойынша жылдам оқып сайысты.Балалар өздерінің оқу техникасының жоғары деңгейде екендігін көрсете білді. &nbsp;Сайыс қорытындысы бойынша бас жүлдені - А.Жамбыл, І орынды - А.Күнтөре, ІІ орынды - К.Балғабай және А.Абдіғали, ІІІ орынды - А.Амантай, Д.Ерболсын, К.Тұрдалы иеленді, &nbsp;ал қалған қатысушылар алғыс хаттармен марапатталды.Оқырмандармен тығыз байланыстағы облыстық кітапхана мектеп оқушыларын кітап оқуға ынталандыруды мығым қолға алып, «Мені таңқалдырған кітап» атты оқырмандар конференциясында өткізді.&nbsp;5 сәуір күні облыстық кітапханада &nbsp;балалардың &nbsp;көркем әдебиетке деген қызығушылықтарын арттыру және оқу мәдениетін қалыптастыру мақсатында «Мені таңқалдырған кітап» атты оқырмандар конференциясы өтті.Шараға қаламыздағы Ә.Тыныбаев атындағы №11 мектеп-лицейінің, Ә.Мүсілімов атындағы №101 мектеп-лицейінің, І.Қабылов атындағы №12 ІТ мектеп-лицейінің, Ы.Алтынсарин атындағы №10 мектеп-лицейінің, Абылайхан атындағы №140 қазақ орта мектебінің, &nbsp;С.Әлжіков атындағы №144 орта мектебінің, Ж.Махамбетов атындағы №43 орта мектебінің оқушылары қатысты.Қатысушылар өздерінің оқыған әлем және қазақ халқының озық шығармаларына тоқталып, алған әсерлері жайлы ой бөлісіп, пікір алмасты. Сонымен қатар оқушылар &nbsp;бір-біріне &nbsp;сұрақтар қойып, нақты жауаптарын алды. Шара соңында «Жақсы кітап – жан азығы» атты кітап көрмесін тамашалады.

«Еркін елдің ертеңі – кемел білім мен ана тілінде»

<a href="https://kyzylorda-news.kz/">Kyzylorda-news.kz</a>&nbsp; Әлеуметтік медициналық сақтандыру қорында халыққа медициналық көмек көрсету үшін медициналық ұйымдарға берілетін алдын ала төлемді алғаш рет 70%-ға дейін көтергендерін мәлімдеді. Мұндай шаралар медициналық ақпараттық жүйелерді жаңарту кезеңінде емханалардың қаржылық тұрақтылығын қолдау үшін қабылданды.Қазір ҚР Денсаулық сақтау министрлігінің медициналық қызметтердің мониторингі мен сараптамасы үшін ақпараттық жүйелері пысықталып, Қордың «SAQTANDYRY» ақпараттық жүйесінің төлем бөлігі әзірлену үстінде. Осыған байланысты нақты көрсетілген жұмыстардың аяқталу қорытындысы бойынша медициналық қызметтер қаржыландырылатын болады.<blockquote>Жағдайды ескере отырып, алдын ала төлем көлемін стандартты 30%-дан 70%-ға дейін, ал медициналық қызметтерді жаңа жеткізушілер үшін 30%-ға дейін (олар бойынша осыған дейін алдын ала төлем берілмеді, төлем жасау мүмкіндігі үшін заңнамаға тиісті өзгерістер енгізілді) арттыру жөнінде шаралар қабылданды.22 сәуірдегі көрсеткіш бойынша 191 медициналық қызметті жеткізуші 1,6 млрд теңгеден астам сомаға алдын ала төлем алды, – деп хабарлады Әлеуметтік медициналық сақтандыру қорының басқарма төрағасының орынбасары Индира Саркенова.</blockquote>Сонымен қатар 16 сәуірден 22 сәуірге дейінгі аралықта БСМК, әлеуметтік маңызы бар аурулар, паллиативтік көмек, гемодиализ, жедел медициналық көмек сияқты басым бағыттар бойынша 40%-ға дейін қосымша алдын ала төлем берілді. Барлығы 765 медициналық ұйым шамамен 159,5 млрд теңге алды.Жалпы алғанда 956 медициналық ұйымға 161,1 млрд теңге қосымша алдын ала төлем төленді.Осылайша, Қордың 1960 жеткізушісінің 1859-ы немесе 95%-ы алдын ала төлем алды. Қалған 101 медициналық ұйым жаңа жеткізушілер болып табылады және медициналық қызмет көрсетпеулеріне байланысты алдын ала төлем алудан жазбаша бас тартты. Ал төртеуімен келісімшартты бұзу рәсімі басталды.Медициналық ұйымдарға алдын ала төлемдерді төлеу жұмыстары жалғасуда.Фото: Нұрболат Нұржаубай&nbsp;

Медициналық ұйымдарға алдын ала төлем жасау мөлшері 70%-ға артты

Фото: Өңірлік коммуникациялар қызметі&nbsp;<a href="https://kyzylorda-news.kz/">Kyzylorda-news.kz</a> Археология – көне дәуір мен орта ғасырдағы адамзат қоғамының даму заңдылықтары мен негізгі кезеңдерін зерттейтін ерекше сала. Ал, тарихи мұралардың хронологиясын зерттеп, тануда археолог мамандардың еңбегі орасан. Бүгін Өңірлік коммуникациялар қызметінің ақпарат алаңында археология саласында жемісті еңбек ететін мамандар қонақта болып, өз жұмыстарының ерекшеліктеріне тоқталды.<blockquote>Археология – тарихы тереңге жайылған, қызығы мен қиындығы қатар жүретін ерекше мамандық. Біз белгілі бір уақыт аралығында өз жоспарымызды бекітіп, сол бойынша жұмыс істейміз. Жалпы, Сыр өлкесі тарихи қалашықтар мен киелі орындарға бай аймақ. Соның ішінде Жанкент қалашығының тарихы тым тереңде. Ол кейінгі 20 жылдан бері зерттеліп келе жатыр. Сондай-ақ, Қазақстандағы ең ұзақ әрі көп зерттелген ескерткіштердің бірі болып есептеледі. Алғашқы зерттеулер ХІХ ғасырдың ортасында басталса, заманауи түрдегі археологиялық қазба жұмыстары 1867 жылы осы Жанкентте қолға алынды. Бүгінде 150 жылдан астам уақыт тарихы бар көне ескерткіш. Сонымен қатар, қазір археология жаратылыстану ғылымдарының әдіс-тәсілдеірнсіз зерттеу жүргізу мүмкін емес. Осы бағытта біздің үлкен екі жобамыз бар. Оның бірі мамыр айында Англиядағы археолог ғалымдардың көмегімен жүргізіледі. Ал, екіншісі Жапония елінен келетін археолог ғалыммен тығыз байланысты. Ол тамыз айында облысымызға келіп, қола дәуірі мен темір дәуірінде тіршілік еткен ескерткіштердің керамикалық материалдарына зерттеу жасайды. Бұл жоба алдағы үш жылға жоспарланған, - деді Қорқыт ата атындағы Қызылорда университетінің Археология және этнография ғылыми орталығының жетекшісі, археолог Сейдалы Билалов.</blockquote>Сыр өңірінде археологиялық ескерткіштер өте көп. Оның арасында Жанкент, Сұлутөбе, Қосасар секілді Оғыз дәуіріне жататын жалпы отызға жуық қала бар.&nbsp;<blockquote>Олардың барлығын зерттеу барысында біз көптеген жәдігерлерді тауып алып жатырмыз. Арасындағы ең көп әрі маңыздысы – керамикалық бұйымдар. Осы керамикалық бұйымдарды зерттеп, хронологиясын анықтаймыз. Біздің алда орындайтын жоспарымыз өте көп. Соның ішіндегі ең маңыздысы – керамиканы зерттеп, әрі қарай рестоврациясын жасап, мұражайларға орналастыру. Біздің бұл ісімізді жүзеге асыруға Қорқыт ата атындағы Қызылорда университетінің оқытушылары ғана емес, біздің студенттер, магистранттар да көмектеседі, - деді Ғылыми қызметкер және археолог Гүлмира Амиргалина.</blockquote>

Шетелдік ғалымдар аймақтағы ескерткіштердің керамикалық материалдарына зерттеу жасайды

<a href="https://kyzylorda-news.kz/">Kyzylorda-news.kz</a> Бүгінде ұлықтауға лайық ұлттық спорт түрлері қайта серпін алып келеді. Әсіресе, кең далада еркін өскен ержүрек қазақтың бүкіл болмысымен біте қайнасқан белбеу күресінен оң нәтижелер көп. Әрі ұлттық спортпен шұғылданатын Шиелі ауданы жастарының да қатары едәуір толыққан. Олар қазірде түрлі жарыстар мен белді бәсекелерде топ жарып, жүлделі орындарды қанжығасына байлап жүр. Сондай жеңістердің бірімен бөліспекпіз.Таяуда Павлодар қаласында өткен ел біріншілігінде №10 балалар-жасөспірімдер спорт мектебінің оқушылары жағымды жаңалықпен оралды. Республикалық жарыста бақ сынаған Шиелі ауданының 8 спортшысы белбеу күресіне түсіп, 7 спортшы жүлделі болды. Қоржында 2 алтын, 2 күміс, 3 қола медаль бар.&nbsp;Дүбірлі додада дараланып, жеңіс тұғырынан көрінгендердің қатарында I орын, 65 кг салмақта ­Ердаулет Абдумүтәләпов (жаттықтырушысы – Қуаныш Нұрғали), I орын, 71 кг салмақта ­Наурызбай Сәдібеков (жаттықтырушысы – ­Рахат Советов), II орын, 50 кг салмақта Бағдәулет Төлепов (жаттықтырушысы – Рахат Советов), II орын, 65 кг салмақта Мырзабек Мұстафаев (жаттықтырушысы – Рахат Советов), III орын, 45 кг салмақта Иманғали ­Хамитбеков (жаттықтырушысы – Жомарт Қожахметов), III орын, 45 кг салмақта Нұржігіт Алмағанбетов (жаттықтырушысы – Мағжан Сейітхан), III орын, 85 кг салмақта Сабыржан Рәнтай (жаттықтырушысы – Қайрат Жолмырзаев) бар.&nbsp;Жасөспірімдердің жетістікке жету жолында жаттықтырушыларымен қатар әдіскерлерінің де еңбегі зор. Сондай-ақ спорт мектеп директоры Ардақ Айтуаровқа айтар алғыстары көп.&nbsp;Жастығын спортқа арнап, шымырлыққа шыңдалып жүрген спортшылардың арасынан 4 жасөсіпірім (алтын, күміс) ендігіде Ташкентте өтетін Әлем чемпионатында додаға түсетін болады. Осындай спортқа ынтық жастар барда ұлттық спортымыздың көсегесі көгеретініне тағы бір мәрте көз жеткізіп отырмыз.

Шиелі: Қоржында 2 алтын, 2 күміс, 3 қола

<a href="https://kyzylorda-news.kz/">Kyzylorda-news.kz</a> &nbsp;Кітапхана – мемлекеттің, ұлттың негізгі жады. Еліміз үшін құнды тарихи деректер мен материалдардың дені кітапханада сақталады. Сондықтан кітапхана ісін дамытуға бей-жай қарауға болмайды, – деп Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты Атырау қаласында өткен үшінші отырысында айтқандай, Кітапхана – ғылым, білім және мәдениет орталығы, ал кітап оқу – тұлға биігіне баспалдақ.23 сәуір - Дүниежүзілік кітап және авторлық құқық күніне орай Қармақшы аудандық кітапхананың ұйымдастыруымен «KITAПшоу – 2024» фестивалі болып өтті. Kitap Fest – республикалық ауқымдағы алғашқы кітап фестивалі және бұл іс-шара 2014 жылдан бастап жыл сайын өткізіліп келеді.Фестивальдің мақсаты – кітапты насихаттау, кітап пен оқуға деген қызығушылықты қолдау, қоғамның интеллектуалды әлеуеті мен мәдени құндылықтарын арттыру, кітап оқуға тарту, өскелең ұрпақтың рухани-адамгершілік білімін арттыру, жастардың кітап оқуға, көркем әдебиетке деген құштарлығын ояту.&nbsp;Фестивальде кітап инсталлияциясы, кітапханалар жанынан ашылған үйірме жұмыстары, ІІ республикалық «Шәкірім оқулары» байқауының аудандық, облыстық жеңімпазы Жақсылық Жанеркемен «Оқырман бенефисі», «Көркем әдебиеттегі аналар бейнесінің дефилесі» бойынша Тұмар ханым, Домалақ ана, Зере әже, Ұлпан ана, Қамар сұлу, Шұғаның бейнесін сомдаған кітапханашылар шеруі, «Бір ел – бір кітап» республикалық акциясы аясында жазушы Бердібек Соқпақбаевтың «Менің атым Қожа» шығармасынан көрініс және балабақша бүлдіршіндеріне арналған «Үйшік» ертегісінен қойылым көрсетілді.&nbsp;Фестивальге зиялы қауым өкілдері мен кітап сүйер оқырмандар қатысты. Сонымен қатар кітапхананың үздік және белсенді оқырмандары аудан әкімі орынбасары Самат Смағұловтың Алғыс хатымен марапатталды. &nbsp;

Қармақшылықтар кітап күнін атап өтті

<a href="https://kyzylorda-news.kz/">Kyzylorda-news.kz</a> 23 сәуір – Дүниежүзілік кітап және авторлық құқықты қорғау күні. Осыған орай Қызылорда қаласындағы Назарбаев Зияткерлік мектебінде «Тосын сыйға кітап» атты дәстүрлі кітап сыйлау акциясы өтті. &nbsp;Мектеп кітапханасының ұйымдастыруымен өткен шарада оқушылар мен қызметкерлер бір-біріне сүйікті туындыларын сыйға тартты.<blockquote>– Бала кезімде жаңа жыл қарсаңында маған әдемі иллюстрацияға толы «Алиса в стране чудес» кітабын сыйлады. Одан бас алмай лезде &nbsp;толық оқып шықтым. Сол кезден кітап менің жолсілтер серігіме айналды, – деп естеліктерімен бөлісті орыс тілі пәнінің мұғалімі Жанар Омарова.&nbsp;</blockquote>«Кітап – алтын сандық, іші толған қазына, құт», – дейді дана халқымыз. &nbsp;Әрбір шығарманың оқырманға берер рухани құндылығы зор. Бүгінгі әлем әдебиеті үшін символикалық &nbsp;дата жас зияткерлер мен ұстаздар қауымын жақындастырып, &nbsp;кітап оқуға деген қызығушылықтарын арттыра түсті. &nbsp;<blockquote>– Кітаппен дос болған жандар өте зерек, алғыр болады. Олардың ой-өрісі кең, тілдік байлығы артады. Жылдан жылға мектебімізде оқырмандардың қатары кеңейіп, мектеп қауымдастығының оқуға деген құштарлығы арта берсін. Бүгінгі сыйға алған ғажайып туындылар алдағы уақытта сіздерге рухани азық беретініне сенімдімін, – деп тілегін жеткізді мектеп директоры Жаңбыржан Бекболатов.</blockquote>

Қазақстан және Қызылорда облысының жаңалықтары