Kyzylorda-news.kz Сырдария аудандық спорт клубында аудандық қоғамдық даму бөлімінің қолдауымен " Алғыр ой" коммерциялық емес жеке қорының ұйымдастыруымен мүмкіндігі шектеулі жастар арасында дойбы және шахмат сайыстарынан тартысты бәсеке өтті.
Жарысқа қатысушылар – тірек-қимыл қозғалысы бұзылған және көру қабілеті төмен жандар болды. Ұйымдастырушылар ақыл-ой мен сананы дамытатын мұндай ойын түрлеріне мүмкіндіші шектеулі жандар қызыға қатысатынын айтады. Оларды мүмкіндігі шектеулі жандар ретінде емес, қоғамның бір мүшесі ретінде қарауымыз қажет. Бүгінгі таңда мүмкіндігі шектеулі жандарға арналған түрлі іс-шаралар ұйымдастырылуда және алдағы уақытта да жалғасын табатын болады.
Тартысты бәсекеге кент орталығынан мүмкіндігі шектеулі жастар қатысты. Сайыс өте тартысты өтті. Сайыс қорытындысы бойынша "Дойбы" сайысында: Жүлделі III орынды Шырынханұлы Нұрсұлтан, Жүлделі II орынды Қаратаев Нұржан, Жүлделі I орынды Мейрамбек Ерболат еншілесе; "Шахмат" сайысы бойынша: Жүлделі ІІІ орынды Қазтаева Ақнұр, Жүлделі ІІ орынды Мұсағұлов Жандос,Жүлделі І орынды Кәрібаев Сәулебек иеленді.
Жеңімпаздарға арнайы дипломдар мен қаржылай сыйлықтар табысталды. Ал қатысушылардың барлығына алғыс хат пен ынталандыру қаржылай сыйлықтары берілді.