<a href="https://kyzylorda-news.kz/">Kyzylorda-news.kz.</a> Сырдария өзенінде қалыптасқан су тапшылығына байланысты биік жерлерде орналасатын күріш егісінің көлемін қысқартып, әртараптандыру бағытындағы дақылдардың егіс көлемін ұлғайтуға ерекше мән берілді.&nbsp;Нақтыласам, әртараптандыру бағыты бойынша жаздық бидай 81 га, арпа 52 га, картоп 15 га, көкөніс 50 га, бақша 65 га, сүрлемдік жүгері 15 га артық орналасты.Cу тапшылығының алдын алу үшін осы жылы 3 дана көтерме насос сатып алынды. Шаруашылықтар ауылдық округ әкімдерінің теңгерімінде 25 дана су сорғылары (су насосы) жұмыс жасауда.&nbsp;Айта кетейік, бүгін Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифинг өткізген болатын. &nbsp;

Брифинг: Су тапшылығының алдын алу үшін 3 дана көтерме насос сатып алынды

<a href="https://kyzylorda-news.kz/">Kyzylorda-news.kz.</a> Қазалы ауданындағы ауыл шаруашылығына келетін болсақ, өнімінің жалпы көлемі 5,7 млрд. теңгені құрап, өткен жылдың тиісті кезеңімен салыстырғанда 2 пайызға артық орындалған. Бұл туралы Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингте айтты.&nbsp;Жыл басынан 3 326 тонна ет, 8 748 тонна сүт және 804 мың дана жұмыртқа өндірілді. Осылайша, ет өндірісі 102,3 пайызға,&nbsp; сүт 101,3 пайызға және жұмыртқа өндірісі 92,5 пайызға орындалып отыр. Аудан бойынша биыл барлығы 17 377 га ауыл шаруашылығы дақылдары орналастырылды. Негізгі дақыл күріш – 6450 га, бақша – 1115 га, көкөніс – 950, картоп – 315 га, мал азықтық дақылдары – 6876 га.&nbsp; &nbsp;

Биыл 17 377 га жерге ауыл шаруашылығы дақылдары орналастырылған

<a href="https://kyzylorda-news.kz/">Kyzylorda-news.kz.</a> Биыл Мемлекет басшысының тапсырмасына сәйкес, облыс әкімінің қолдауымен «Қазалы ауданының орман және жануарлар дүниесін қорғау» мемлекеттік мекемесінің орманшы инспекторлар орман қоры жерлерін күзету, қорғау және өсімін молайту жұмыстарын сапалы жүргізу мақсатында 10 дана арнайы қызметтік мотоцикл және борттық КАМАЗ бен вахталық КАМАЗ көліктерінің кілтін иеленді. Бұл өз кезегінде орманшыларға жүктелген міндетті жоғары дәрежеде орындау үшін берілген мол мүмкіндік болмақ. &nbsp;

Қазалы орманшыларына 10 мотоцикл табыс етілді

<a href="https://kyzylorda-news.kz/">Kyzylorda-news.kz.</a> Биыл Қазалы ауданы орталығындағы 4 көп қабатты тұрғын үй күрделі жөндеуден өтіп, пайдалануға берілді. Бұдан бөлек, аудандық бюджеттен тағы 3 тұрғын үй жөнделеді. Бұл туралы баспасөз алаңда Қазалы ауданының әкімі Мұхтар Оразбаев мәлімдеді.&nbsp;Өткен жылы басталған 18 пәтерлі 6 жалдамалы үйдің аумағын абаттандыру жұмыстары да биыл толық аяқталды.&nbsp;Сонымен қатар, аудан орталығы – Әйтеке би кентінің шет аймағындағы үйлерді электр желісімен қамтамасыз ету жұмыстарына – 319 млн.теңге. Ал осы жылға бөлінген қаржы – 187,0 млн теңгені құрайды. &nbsp; &nbsp;

Брифинг: Қазалы ауданында 3 тұрғын үй жөндеуден өтеді

<a href="https://kyzylorda-news.kz/">Kyzylorda-news.kz.</a> Өнеркәсіп өнімінің көлемі 11,1 миллиард теңгені құрап, өткен жылдың тиісті кезеңімен салыстырғанда 100,3 пайызға орындалды. Саланың басым бөлігін құрайтын өңдеу өнеркәсібінің көлемі 9,9 миллиард теңге болып, нақты көлем индексі 100,1 пайызды құрады. Бұл туралы Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингте мәлімдеді.&nbsp;Кәсіпкерлік саласы Қазалы ауданы бойынша да жақсы көрсеткіштерге жетіп келеді. Ал шағын және орта кәсіпкерлік саласында 6 760 кәсіпкер тіркеліп, 1 461 кәсіпкерге немесе 27,6 пайызға көбейді. Нақты жұмыс жасап тұрғаны 6 522 бірлік, яғни, белсенділік көрсеткіші – 96,5 пайыз болды.&nbsp;Аудан кәсіпкерлері тарапынан 4 млрд. теңгенің өнімі өндіріліп, өнім көлемі 10,8 пайызға өсті. Жыл басынан бері ауданда жаңадан 8 кәсіпкерлік нысан бой көтеріп, 28 адамды тұрақты жұмыспен қамтамасыз етті.&nbsp; Кәсіпкерлікті қолдау шараларына келсек, қаржы ұйымдары тарапынан 247 жоба бойынша аудан кәсіпкерлеріне 2,2 миллиард теңге несие берілді. Бөлшек сауда айналымы 5,4 миллиард теңге болып, 2,6 пайызға көбейді. &nbsp;

Қазалыда жыл басынан бері 6 760 кәсіпкер тіркелген

<a href="https://kyzylorda-news.kz/">Kyzylorda-news.kz.</a> Жаңақорған ауданының Азаматтық қорғау органының қызметкерлері аудан тұрғындарына өрт қауіпті маусымындағы қауіпсіздік ережелері бойынша, көлік құралдарындағы өрттердің негізі себептерін түсіндіру мақсатында рейдтік жұмыстар жүргізді.Іс-шара барысында Жаңақорған ауданының ірі сауда орындары және “НҰР” базары мен адамдар көп шоғырланатын дүкендер қамтылды. Сондай-ақ аудан тұрғындарына өрт немесе төтенше жағдай орын алған жағдайда хабарласу үшін «101» және «112» нөмірлері жазылған нұсқаулықтар, автокөлік иелеріне автокөліктердегі өрт қауіпсіздігі қағидалары туралы жадынамалар таратылды.

Жаңақорғанда өрт қауіпті маусымдағы үгіт-насихат жұмысы жүргізілді

<a href="https://kyzylorda-news.kz/">Kyzylorda-news.kz.</a> Елімізде әлеуметтік желілер арқылы 14 мыңнан астам адам радикалды діни топтардан шығарылды.«Министрліктің дін саласындағы жұмысының негізгі стратегиялық бағыттары мемлекет дамуының зайырлы қағидаттарын нығайтуға, үйлесімді мемлекеттік-конфессиялық қатынастарды қамтамасыз етуге және қоғамда радикалды идеологияның таралуына жол бермеуге бағытталған. Аталған стратегиялық бағыттардың негізіндегі дін саласындағы жұмыс атаулы ақпараттық-түсіндіру, интернет кеңістікте діни экстремизмге қарсы насихаттау, сондай-ақ оңалту және дерадикализациялау жұмыстары негізінде іске асырылуда», - деп атап өтеді Ақпарат және қоғамдық даму министрлігінен агенттіктің ресми сауалына берген жауабында.Ведомство халықтың дінтанулық сауаттылығын арттыру, дін саласындағы мемлекеттік саясаттың басымдықтарын түсіндіру, діни экстремизмнің алдын алу және радикалды діни идеологияларға қарсы иммунитетті қалыптастыру мақсатында іс-шаралар қабылданғанын атап өтеді. Бүгінде бұл жұмыстар құрамында 3 028 адам бар дін мәселелері бойынша 228 өңірлік ақпараттық-түсіндіру топтарының күшімен ұйымдастырылады.«2023 жылдың бірінші жартыжылдығында 700 мыңға жуық адамды қамти отырып, 17 500 ақпараттық-түсіндіру іс-шара ұйымдастырылды. Радикалды діни ағымдар идеологиясы негізінен интернет ресурстар арқылы таралатыны белгілі. Министрлік интернет кеңістікте діни экстремизмге қарсы насихат жүргізу бойынша жұмыстар жүргізуде. 2023 жылы радикалды бағыттағы 11 мыңнан астам заңсыз материал жойылды және бұғатталды. Радикалды діни топтардың ішінен әлеуметтік желілер арқылы 14 мыңнан астам адам шығарылды», - деп нақтылайды ведомстводан.Министрліктің дерегінше, оңалту жұмысына деструктивті діни ағым идеологияларын насихаттауға қарсы тұра алатын және азаматтарды дәстүрлі ислам принциптеріне және қазақстандық қоғамның құндылықтарына бейімдейтін жоғары білікті теологтары мен психологтар, сондай-ақ Қазақстан мұсылмандар діни басқармасының ресурстары тартылған. Жалпы, түсіндіру жұмыстарының нәтижелері бойынша діни экстремизм идеологиясын ұстанатын адамдар санының азаюы байқалады. Елімізде радикалды және экстремистік көзқарастар мен идеяларды қабылдамау ахуалы қалыптасқан.<a href="https://www.inform.kz/kz/biyl-internetten-radikaldy-bagyttagy-11-mynnan-astam-zansyz-material-zhoyyldy_a4097081">ҚазАқпарат</a>

Биыл интернеттен радикалды бағыттағы 11 мыңнан астам заңсыз материал жойылды

<a href="https://kyzylorda-news.kz/">Kyzylorda-news.kz.</a> «Қожакент» ауылдық округіне қарасты «Жақсылық И» шаруа қожалығы әртараптандыру бағытындағы суды аз қажет ететін картоп, көкөніс дақылына басымдық беріп отыр.Қожалық төрағасы Ерғали Исматуллаевтың айтуынша, 20-30 жылдық тәжірибесі бар агрономдармен бірлесе қарқынды жұмыс жасап келеді.Биыл қожалық форвордтық келісім шарт арқылы «Байқоңыр» ӘӘК-ы арқылы 10 млн 200 мың теңге жеңілдетілген несие алып, әрекет етіп отыр. Қожалық 3 га жерге картоп, 3 га сәбіз егіп отыр. Мұнан бөлек, 5 га қарбыз, 1 га қауын, 33 га күріш еккен.

Қожакентте әртараптандыруға басымдық берген шаруашылық бар

<a href="https://kyzylorda-news.kz/">Kyzylorda-news.kz.</a> Мемлекеттік бағдарламалар арқылы несие, грант алып, кәсібін дөңгелетіп отырған шағын кәсіпкерлердің жұмысы барысымен бірқатар БАҚ өкілдері танысып қайтты.Алғашқы кезекте пресс-тур бойынша "Sanzhar Mebel" Жихаз өндірісіне соқты. Кәсіп иесі Шайын Әбдішайых Ислам 2019 жылдан жұмысын бастаған. Онда 4 адамды жұмыспен қамтып отыр.Үстіміздегі жылы 2021-2025 жылдарға арналған Ұлттық жоба бойынша мемлекеттік грант иегері.Онан кейін Полистиролбетон блоктарын өндіру цехында болдық.Кәсіпкер Ляззат Сыздыкова &nbsp;2022 жылы «Микробизнес - Қызылорда» бағдарламасы аясында «Өңірлік инвестициялық орталығы» МҚҰ-ы арқылы төмендетілген пайызбен 14,0 млн. теңге несие алған. Бүгінде қуаттылығы айына 35 000 дана полистиролбетон блоктарын өндіреді. 4 адамды жұмыспен қамтып отыр. Әрі қарай ДК «Мейрамбек» дәретхана қағаздарын шығару жұмысымен таныстық.Кәсіп иесі Шолпан Жәдігерқызы өзінің қызметімен қатар 2015 жылдан бері отбасылық бизнесті де жандандырып отырған көп балалы ана. Бүгінгі таңда қияр егіп, өнім алып отырған жылыжайлары, сонымен қатар, кружкаларды, фудболкаларды түрлі бейнелермен безендіретін өнерлері және азық-түлік сататын 2 дүкендері тағы бар. 2019 жылы «Нәтижелі жұмыспен қамту және кәсіпкерлікті дамыту бағдарламасы бойынша мемлекеттік қайтарымсыз грантты иеленді. 2021 жылы дәретхана қағаздарын шығаратын аппарат алып, соны іске қосып жұмыс жасауда.

Жаңақорғандық тұрғын жиһаз өндірісін қолға алған

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжановтың төрағалығымен төтенше жағдайлардың алдын алу және оларды жою жөніндегі комиссия отырысы өтті.Комиссия отырысында күн тәртібіне сәйкес екі мәселе қаралды.Бірінші мәселе бойынша аудан аумағында жеке тұрғын үй секторларындағы өрт қауіпсіздігі ереже талаптарын сақтау мен көмір қышқыл газынан улану фактілерінің алдын алу және Төтенше жағдайлар қаупі туындаған уақытта аудан халқын құлақтандыру мақсатында азаматтық қорғаудың құлақтандыру жүйесінің жай-күйі тыңдалды. Екінші мәселеге сәйкес аудан көлеміндегі егін жинау науқаны кезіндегі өрт қауіпсіздігін қамтамасыз ету мақсатындағы жұмыстар талқыланды.&nbsp;Күн тәртібіндегі мәселелер бойынша аудан әкімі бірқатар тапсырмалар берді.Жалағаш ауданының Төтенше жағдайлар бөліміне жергілікті атқарушы орган қызметкерлерімен бірлесіп аудан аумағында орналасқан барлық тұрғын үйлерді аралап өрт қауіпсіздігі бойынша түсіндірме жұмыстарын сапалы түрде жүргізу тапсырылды. Өрт қауіпсіздігі тақырыптарындағы арнайы үн парақтар әзірлеп осы кезден бастап жүйелі түрде түсіндірме жұмыстарын жасау қажеттігі айтылды. Әлеуметтік жағдайы төмен отбасылар ішінен жөндеуді қажет ететін зақымдалған жылыту пештері мен электр сымдарын ауыстыруға немесе қалпына келтіру бағытында тиісті мекемелермен бірлескен жұмыстар атқару ұсынылды.Екінші мәселе бойынша аудан әкімі егін жинау басталғанға дейін шаруа қожалықтарға өрттің алдын алу бағытында үгіт-насихат жұмыстарын күшейтіп, техникаларына қарау, қадағалау жұмыстарын жіргізу қажеттігін айтты. Егін қалдықтарын кезең-кезеңімен өртеу кестесін әзірлеп, шамадан тыс өртеу жағдайларына жол берілмеуін қадағалау керектігі ескертілді. Орман қорымен шекаралас егістік алқаптарына мониторинг жүргізіп, анықталған орындарды өрттің таралу қаупінің алдын алу мақсатында тиісті шаралар қабылдау жауапты сала басшыларына тапсырылды.

Жалағашта төтенше жағдайлардың алдын алу жайында комиссия отырысы өтті

<a href="https://kyzylorda-news.kz/">Kyzylorda-news.kz.</a> 3 тамыз күні атмосфералық фронталды бөліктердің өтуімен еліміздің басым бөлігінде жаңбыр жауып, найзағай ойнайды. Оңтүстікте – жауын-шашынсыз, солтүстікте түнде және таңертең тұман күтіледі, шығыста күндіз бұршақ жаууы ықтимал. Республика бойынша екпінді жел тұрады, деп хабарлайды «Қазгидромет» РМК.Атап айтқанда, күндіз Алматы, Жамбыл, Түркістан, Атырау, Маңғыстау, Батыс Қазақстан, Жетісу, Ұлытау облыстарында, Абай, Ақтөбе, Қарағанды облыстарының оңтүстігінде 35-40°С қатты ыстық күтіледі.Күндіз Алматы облысында 40-42°С өтте қатты ыстық болады.Ақмола, Солтүстік Қазақстан облыстарында, Батыс Қазақстан облысының оңтүстігі мен орталығында, Атырау облысының солтүстігінде өрт тұтанудың жоғары қаупі сақталады.Маңғыстау, Түркістан, Алматы, Жамбыл, Шығыс Қазақстан, Қарағанды, Қызылорда, Ұлытау, Жетісу, Абай облыстарында, Қостанай, Ақтобе облыстарының оңтүстігінде, Атырау облысының батысы мен шығысында, Павлодар облысының онтүстігі мен шығысында, Ақмола облысының оңтүстігі мен батысында, Батыс Қазақстан облысының батысында, солтүстік-батысы мен солтүстік-шығысында өрт тұтанудың аса жоғары қаупі күтіледі.

Бүгін кей өңірлерде 42 градусқа дейін ыстық болады

<a href="https://kyzylorda-news.kz/">Kyzylorda-news.kz.</a> 2028 жылға қарай машина жасау саласында өнім өндіру көлемі 2,2 есеге ұлғайтылады. Бұл туралы бүгін Үкімет отырысында Индустрия және инфрақұрылымдық даму министрі Марат Қарабаев айтты.«Саланы одан әрі сапалы дамыту мақсатында Мемлекет басшысының тапсырмасына сәйкес, Машина жасауды дамытудың 2024-2028 жылдарға арналған кешенді жоспарының жобасы әзірленді. Құжат аясында келесі міндеттер айқындалды. Біріншіден - өндірушілерді бастапқы материалдармен қамтамасыз ету, кадрлық әлеуетті, сондай-ақ ғылыми-зерттеу және тәжірибелік құрастырымдық жұмыстарды дамыту арқылы базалық жағдайларды жақсарту. Екіншіден - машина жасау өнімдерін өткізуді ынталандыру және техникалық реттеу жүйесін жетілдіру арқылы отандық өнімді ілгерілету. Үшіншіден - машина жасаудың басым секторларын әр секторға бағыттала отырып дамыту», - деді министр.Оның атап өтуінше, кешенді жоспарды іске асыру 2028 жылға қарай өнім өндіру көлемін 2,2 есеге ұлғайту, еңбек өнімділігінің 1,9 есе өсуі, экспорттық жеткізілім көлемін 5 млрд 700 млн АҚШ долларға дейін ұлғайту, салаға инвестициялардың өсуін 1,5 есеге арттыру сынды нысаналы индикаторларға қол жеткізуге мүмкіндік береді.<blockquote>«Кешенді жоспар саланың әлеуетін толық көлемде іске асыруға және оның ұзақ мерзімді дамуын қамтамасыз етеді», - деді Марат Қарабаев.</blockquote><a href="https://www.inform.kz/kz/2028-zhylga-karay-mashina-zhasau-salasynda-onim-ondiru-kolemi-2-2-esege-ulgaytylady_a4096222">ҚазАқпарат</a>

Қазақстан және Қызылорда облысының жаңалықтары