Фото: pravda.com<a href="https://kyzylorda-news.kz/">&nbsp;Kyzylorda-news.kz.</a> &nbsp;Қызылша – жедел жұқпалы ауру. Оның негізгі белгілері адамның қызуы көтеріліп, қызылшаға тән теріде бөртпелер пайда болады. Тіпті адамның көзі қызарып, тыныс алу ағзалары зақымдануы мүмкін. Осыған орай Өңірлік коммуникациялар қызметінің баспасөз алаңында облыстық денсаулық сақтау басқармасы басшысының орынбасары Мая Мирзанова дертпен күресудің жолдарын айтып, тұрғындарды аурудан сақтануға шақырды.<blockquote>«Қызылшамен ауырған адам ең алдымен оқшауланып, қоғамдық ортада жүрмеуі керек. Аурудың жасырын кезеңі 9-11 күн, егер иммундалған жағдайда жасырын кезеңі 15-21 күнге созылуы мүмкін. Аурудың алғашқы белгілері: әлсіздік, тәбеттің болмауы, дене қызуының көтерілуі, жөтелдің пайда болуы. Одан кейін жұмсақ және қатқыл таңдайда бөртпелер пайда болады. Егер адам дәл осындай белгілерді өзінен байқаса дереу медициналық көмекке жүгінуі керек. Қызылша ауруының алдын алудың негізгі жолы – екпе алу. Осы арқылы ғана аурудың өршуін тоқтатуға мүмкіндік болады», - деді Мая Миранбайқызы.</blockquote>Қызылша ауруына шалдыққандардың 80 пайызы бұрын ауруға қарсы екпе алмаған азаматтар. Бүгінгі таңда тиісті контингенттер арасында жаппай иммундау шаралары жүргізілуде. 6 қарашадан бастау алған екпе алу науқанында 18 мыңнан астам адам қызылшаға қарсы вакцина қабылдады. Иммундау шарасы әлі де жалғасуда.<blockquote>«Бұл ауру адамнан адамға ауа тамшылары арқылы жөтелгенде, түшкіргенде, сөйлескенде жұғады. Қызылшамен ауыратын адаммен қысқа уақытта қарым-қатынаста болған жағдайда екпе алмаған адамдардың қызылшаны жұқтыруы әбден мүмкін. Әсіресе 1-4 жас аралығындағы балалар арасында бұл ауру көп кездеседі. Сондықтан балалар арасында қызылшаға қарсы вакцинациялау жұмыстары қарқынды жүргізілуде. Аталмыш ауру пневмония, бронхит, энцефалит сияқты асқынулармен өте қауіпті. Қызылша ауруы бастапқы кезеңде суық тию сияқты көрінуі мүмкін, сондықтан дәрігерге уақтылы барған жөн», - деді облыстық санитариялық-эпидемиологиялық бақылау департаменті басшысының орынбасары Әлия Әбдіқайымова.</blockquote>Айта кетейік, жыл басынан бері қызылша ауруының 1 161 жағдайы тіркелді. Оның ішінде 14 жасқа дейінгі балалар арасында 1017 жағдай анықталды.

 Қызылордада 18 мыңнан астам адам қызылшаға қарсы екпе алды

<a href="https://kyzylorda-news.kz/">Kyzylorda-news.kz.</a> Мал шаруашылығымен айналысқан қазақ халқы ертеде балық аулауды арнайы кәсіпке айналдырмағанымен, үлкен дария мен теңіз, көл жағасындағылар қарапайым тәсілдермен балық аулаған. Әртүрлі құрал түрлерімен, шанышқымен, қармақ сапу, найзамен түйреу, ілме салу, тоспа, сүзу сияқты тәсілдерді пайдаланған. Сонымен қатар ұзын таяққа аттың құйрық қылын бекітіп жасаған ілмені суға салып, балық түсуін асықпай күтіп, ілме қозғалғанда оны тартып алып ұстайтын болған. Қармақтың түрі көп, соған орай құраушы бөлшектері де сан алуан: ине қармақ, әттік, жебе, темелек, жұтпа, шортан қармақ, жалтырауық, топтап салған бір етек қармақ, шаппа қармақ, салма қармақ.&nbsp;Балық аулауға сәуір мен маусым аралығы және қыркүйек пен қазан айының бірінші жартысы ыңғайлы деп есептеледі. Балықтың уылдырық шашар кезі су жылып, өзен тасыған маусым-шілде айларында болады. Өзендер тасып арнасынан асқан кезде, жайылма суларға да уылдырық шашады. Бұл кезде балық ауланбайды.Балық аулаудың күрделі түрі желі қармақпен балық аулау әдісі. Желі қармақ ұзындығы 50-60 м кендір арқанның бойына 2 м сайын 20-30 қармақ, бір жерге 40- 60 желі қатарынан жалғастырылып құрылатын құрылғы. Жүз елудей қармақ байланған алты кішкене желінің қосындысын балықшылар «сүре» деп атайды. Сүрелердің аралығына байлап, су түбіне тасталатын салмағы 20 кг-дай ауыртпалық желілерді бір орында қозғалтпай ұстап тұрады. Су бетінде жиырма шақты қалтқыдан тұратын көтергі оны батырмай көтеріп тұрады. Ертедегі қарапайым желінің ұзындығы 11-13 құлаш, желі аралары 18 см етіп байланған, бауы қысқалау бір қарыс қана кендірден жасалған. Бекіре, шоқыр, қорытпа аулаудың бір әдісі - қарашағырмаққа кендірден желі жасап, жіптің бойына 8-10 см сайын қара қармақтар байлау.Жалпы, балық аулау қызықты шаруа болғанымен, оның өзіндік қыр-сырлары мен қиындықтары да жоқ емес. Ең бастысы балық ауларда қауіпсіздік шараларын естен шығармаған абзал. &nbsp;Шынжырхан Сүлейменов,«Қызылорда Fish» Қызылорда облысы бойынша спорттық және әуесқой балық аулаушылар қоғамы» қоғамдық бірлестігінің атқарушы директоры

Балық аулауға сәуір мен маусым аралығы ыңғайлы

<a href="https://kyzylorda-news.kz/">&nbsp;Kyzylorda-news.kz.</a> Синоптиктер 6 желтоқсанға арналған ауа райы болжамын жариялады.&nbsp;<blockquote>«Күндіз желтоқсанның 6-нан 7-не Қызылорда облысында ауа температурасы 1-6 градус жылы, облыстың солтүстігінде 3 градус аяздан 7-12, облыстың солтүстігінде 15 градус аязға дейін күрт төмендейді», - делінген хабарламада.&nbsp;</blockquote>

Сәрсенбіге арналған ауа райы болжамы

<a href="https://kyzylorda-news.kz/">&nbsp;Kyzylorda-news.kz.</a> Облыс әкімі Нұрлыбек Нәлібаев «Үлгілі елді мекен» конкурсының жеңімпаздарына, «Қызылорда электр тарату тораптары» АҚ мен «Қызылорда тазалығы» ЖШС-на автокөліктер табыстады.<blockquote>«Президент бастамасымен жыл сайын елімізде «Бірге:Таза Қазақстан» экологиялық акциясы өтуде. Биыл акцияға облыстың 11 мыңнан астам тұрғыны ерікті түрде қатысып, туған жердің тазалығына үлес қосты. Осы ретте ауыл-аймақты көркейтуге, көгалдандыруға белсенді қатысатын елді мекендерді ынталандыруды қолға алдық. Бұл мақсатқа облыстық бюджеттен 1 млрд теңгеге жуық қаржы бағыттап, «Үлгілі елді мекен» конкурсын ұйымдастырдық. Биылғы бірінші жартыжылдықта өткен конкурсқа аймақ халқы белсенді қатысып, жеңімпаз 6 елді мекенге күнделікті тұрмысқа ең қажетті деген заманауи үлгідегі 14 арнайы техника берілді. Қызылордалықтардың белсенділігін ескере келе конкурсты күзде екінші мәрте ұйымдастырдық. Ауыл-аймақтың ажарын айшықтап, келбетін көркем етуге бағытталған «Үлгілі елді мекен» конкурсы аудан орталықтары мен ауылдар арасында дәстүрлі түрде жалғасады. Бүгін тапсырылған техникалар мен автокөліктер тұрғындардың қызметіне жарасын», – деді құттықтау сөзінде аймақ басшысы.</blockquote>Азаматтық қоғам өкілдерінен құралған комиссия мүшелері «Үлгілі ауыл» номинациясы бойынша үшінші орынға Жаңақорған ауданы Жаманбай батыр ауылдық округіне қарасты Бесарық ауылын, екінші орынға Қармақшы ауданы Жаңажол ауылдық округіне қарасты Дүр Оңғар ауылын, ал бірінші орынға Сырдария ауданы, Бесарық ауылын лайық деп тапты. «Үлгілі аудан орталығы» номинациясы бойынша үшінші орын Арал қаласына бұйырды. Екінші орынға Қазалы ауданының орталығы Әйтеке би кенті орналасты. Бұл номинацияда Шиелі кенті үздік танылып, бірінші орын алды. Жеңімпаздарға 15 техника табысталды.Мұнан бөлек, іс-шарада «Қызылорда электр тарату тораптары» мекемесіне құны 200 млн теңге болатын 16 автокөлік және «Қызылорда тазалығы» ЖШС-на 434,5 млн. теңгенің 7 аралас жол көлігінің сертификаты табысталды.Қоғам қайраткері, Қызылорда қаласының және Қазалы, Арал аудандарының Құрметті азаматы Айтбай Көшербаев жерлестерін құттықтап, игі тілек білдірді.Еске салсақ, бұған дейін облыс орталығындағы қоғамдық көлік мәселесін шешу үшін 300 автобус сатып алуға келісім-шарт жасалды. Мұнан бөлек, мектеп оқушыларына 30 автобус, денсаулық сақтау саласына 45 жедел жәрдем көлігі, орманшыларға 95 техника, құқық қорғау органдарына 92 және ветеринария мамандарына 30 қызметтік автокөлік берілді. Облыстық бюджеттен «Қызылорда электр тарату тораптары» компаниясы мен жылу-электр орталығына 943 млн. теңгеге арнайы техникалар сатып алынбақ.<figure class="image"><img src="https://knadmin.beoblood.kz/uploads/408106326_653395583648356_225938297391992159_n_21f1730e75.jpg" alt="408106326_653395583648356_225938297391992159_n.jpg"></figure>&nbsp;<figure class="image"><img src="https://knadmin.beoblood.kz/uploads/408079576_653395406981707_1933982284082704566_n_8d256b7219.jpg" alt="408079576_653395406981707_1933982284082704566_n.jpg"></figure>&nbsp;<figure class="image"><img src="https://knadmin.beoblood.kz/uploads/408096141_653395530315028_7119239383465115925_n_a6feffe6cc.jpg" alt="408096141_653395530315028_7119239383465115925_n.jpg"></figure>

Үлгілі елді мекендер мен коммуналдық мекемелерге жаңа техника табысталды

<a href="https://kyzylorda-news.kz/">&nbsp;Kyzylorda-news.kz.</a>&nbsp; Бүгін Қорқыт ата атындағы Қызылорда университетінде облыстық қоғамдық даму басқармасының «Қоғамдық келісім» КММ ұйымдастыруымен «Жастар жаһандану жолында» тақырыбындағы «Ассамблея жастары» ұйымының қорытынды кездесу өтті.Іс-шараға облыстық қоғамдық даму басқармасының басшысының орынбасары Уәлихан Ибраев, «Қоғамдық келісім» КММ қызметкерлері, облыстық ҚХА «Ассамблея жастары» ұйымының белсенділері, Қызылорда қаласының жоғары оқу орындарының және колледждерінің студенттері, БАҚ өкілдері қатысты.<figure class="image"><img src="https://knadmin.beoblood.kz/uploads/406685439_3627591417560012_5845040365648612467_n_be48b4c889.jpg" alt="406685439_3627591417560012_5845040365648612467_n.jpg"></figure>Кездесудің модераторы облыстық Қазақстан халқы Ассамблеясы жанындағы «Абай қазынасына саяхат» клубының жетекшісі Елена Пак болды. Алғы сөзі облыстық қоғамдық даму басқармасының басшысының орынбасары Уәлихан Ибраев айтты.<blockquote>«Мемлекет басшысы бекіткен Қазақстан халқы Ассамблеясының 2022-2026 жылдарға арналған даму тұжырымдамасын іске асыру жөніндегі іс-қимыл жоспарына сәйкес Қазақстан халқы Ассамблеясының этномәдени бірлестіктерін тарта отырып, жастар ортасында қоғамдық келісім мен жалпыұлттық бірлікті нығайту бойынша «Ассамблея жастары» РҚБ жастар қозғалысын дамыту тапсырмасы берілді.Бұл дегеніміз республикалық деңгейде Ассамблея жастарының қызметіне ерекше мән беру және оны жүзеге асыратын жастар үшін үлкен жауапкершілік», - деді У. Ибраев.</blockquote>Жиын барысында «Ассамблея жастары» республикалық қоғамдық бірлестігінің Қызылорда облысы бойынша өкілдігінің төрайымы Елизавета Есмаева, «Ассамблея жастары» ұйымының белсендісі, жас кәсіпкер Дильшат Ибрагимов, облыстық «Ассамблея жастары» ұйымының белсендісі Айдана Еділбекқызы сөз сөйледі. Одан кейін қатысушылар жастар пікір білдіріп, ұсыныс айтты.<figure class="image"><img src="https://knadmin.beoblood.kz/uploads/406685525_3627591327560021_7768523171701753026_n_260e558df7.jpg" alt="406685525_3627591327560021_7768523171701753026_n.jpg"></figure>Мазмұнды кездесуде Сыр өңірінің жастар саясатына, этносаралық бірлік пен қоғамдық келісімнің сақталуына үлес қосқан бірқатар азаматтар марапатталды.Іс-шара «Ассамблея жастары» ұйымының белсенділерінің орындауында «Бірлігіміз жарасқан» әнімен қорытындылады.<figure class="image"><img src="https://knadmin.beoblood.kz/uploads/406684042_3627591290893358_2233751286930243512_n_c24caec164.jpg" alt="406684042_3627591290893358_2233751286930243512_n.jpg"></figure>

«Ассамблея жастары» ұйымының қорытынды кездесуі өтті

<a href="https://kyzylorda-news.kz/">&nbsp;Kyzylorda-news.kz.</a> &nbsp;Бүгін облыс әкімі Нұрлыбек Нәлібаев Қызылорда қаласында 350 орындық Оқушылар cарайының іргетасын қалау рәсіміне қатысты.Аймақ басшысы жерлестерін заманауи қосымша білім беру орталығының құрылысы басталуымен құттықтады.<blockquote>«Мемлекет басшысы Қасым-Жомарт Кемелұлы «Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз» деп, балаларға терең әрі тағылымды тәрбие беру қажет екенін атап өтті. Өздеріңіз жақсы білесіздер, Президентіміздің және Үкімет деңгейіндегі жан-жақты қолдаудың нәтижесінде Сыр өңірінде тың жобалар жүзеге асуда. Жарасымды істің жалғасы ретінде бүгін, міне, шаһардың сол жағалауынан «ҚазГерМұнай» компаниясының демеушілігімен 2,3 млрд теңге болатын заманауи үлгідегі Оқушылар сарайының іргетасы қалануда. Жаңа нысан білім мен тәрбие ордасына айналып, онда жеткіншектердің бос уақытын тиімді өткізуіне оңтайлы мүмкіндік жасалады. Балаларға көл-көсір қуаныш сыйлаған компания ұжымына Сыр жұртшылығы атынан шынайы алғысымызды білдіреміз», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/408106340_653386766982571_4455092880473355935_n_419132f1ec.jpg" alt="408106340_653386766982571_4455092880473355935_n.jpg"></figure>Іс-шарада Қызылорда облысының Құрметті азаматы Әлима Әбдіхалықова да ізгі тілек білдірді.Айта кетейік, өңірдің білім саласына 278 млрд теңге бөлініп, ауқымды жобалар сәтті жүзеге асырылуда. Қазан айында Қызылорда қаласында 600 орындық, қараша айында Шиелі ауданы Байсын ауылында 250 орындық мектептің жаңа ғимараты ел игілігіне табысталды. Бұдан бөлек, Қызылорда қаласындағы 4 мектепке1850 орындық қосымша ғимарат салынды. Жыл соңына дейін Қазалы ауданындағы 250 орындық, Жаңақорған ауданындағы 300 орындық жаңа мектептер пайдалануға берілмек.<figure class="image"><img src="https://knadmin.beoblood.kz/uploads/408149305_653386856982562_5537040784761865778_n_96dd4ed4d8.jpg" alt="408149305_653386856982562_5537040784761865778_n.jpg"></figure>Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орындық 21 мектеп салынады. Биыл 10 мектептің құрылысы басталды. Оның бесеуі облыс орталығынан бой көтеруде. Ал қалған 11-інің құрылысы келер жылы қолға алынады.«Білімді қолдау қоры» есебінен құны 7 млрд. 900 млн теңгені құрайтын дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүруде. Жыл соңына дейін «Саутс Ойл» компаниясының демеушілігімен сол жағалаудан 4 млрд. 800 млн теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/408145956_653386950315886_2126575747656765003_n_b3c9c16895.jpg" alt="408145956_653386950315886_2126575747656765003_n.jpg"><figure class="image"><img src="https://knadmin.beoblood.kz/uploads/408091383_653387083649206_3798454276771443263_n_8b06abff1f.jpg" alt="408091383_653387083649206_3798454276771443263_n.jpg"></figure>&nbsp;&nbsp;&nbsp;&nbsp;

Қызылордада оқушылар сарайының іргетасы қаланды

<a href="https://kyzylorda-news.kz/">&nbsp;Kyzylorda-news.kz.</a>&nbsp; Қызылордалық азаматты бопсалаған Шымкент қаласының үш тұрғыны ұсталды.&nbsp;2 желтоқсан күні Қызылорда қалалық полиция басқармасының “102” арнасына 21 жастағы азамат хабарласып, бейтаныс азаматтар ұрып соғып, өзін масқаралайтын мәліметтерді (бейнежазба мен суреттерін) жария етемін деп қорқытып, ақша талап еткендігін айтқан.Жәбірленуші азамат талап етілген 250 мың теңге ақшаны несие арқылы рәсімдеп, күдіктілерге берген. Кейін олар ақшаны өз пайдаларына жаратқандығы белгілі болды.&nbsp;Күдіктілердің іс-әрекетінде қылмыстық құқық бұзушылық белгілерінің болуына байланысты басқарманың криминалдық полиция бөлімінің қызметкерлері жедел іздестіру жұмыстарын жүргізді. Нәтижесінде ақша бопсалады деген күдікпен Шымкент қаласының 18 және 21 жастағы үш тұрғыны ұсталды.&nbsp;Қазіргі таңда ҚР ҚК-нің 194-бабы 2-бөлігінің 2- тармағымен (Қорқытып алу, адамдар тобының алдын ала сөз байласуымен) сотқа дейінгі тергеп-тексеру әрекеттері жүргізіліп жатыр. Күдіктілер басқарманың уақытша ұстау изоляторына қамалды.<figure class="media"><div data-oembed-url="https://www.youtube.com/watch?v=x_XUb7Jlq_w&amp;embeds_referring_euri=https%3A%2F%2Fpolisia.kz%2F&amp;source_ve_path=Mjg2NjY&amp;feature=emb_logo"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/x_XUb7Jlq_w" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордалық азаматты бопсалаған Шымкенттіктер ұсталды 

<a href="https://kyzylorda-news.kz/">&nbsp;Kyzylorda-news.kz.</a> Байқоңырда үш көшеге қазақ батырларының есімі берілді, деп хабарлайды <a href="https://sputnik.kz/?_ga=2.86711837.401563665.1701680795-138522855.1629862799">Sputnik Қазақстан</a>.<blockquote>"Осылайша, қонақ үй жолы Әлия Молдағұлова атындағы көшеге, Авиационная көшесінің Гвардейскаядан Қалмырза Жарманов көшесіне дейінгі бір бөлігі Бауыржан Момышұлы атындағы көше болып өзгертілді, қаланың алтыншы шағын ауданындағы орамішілік жол енді Мәншүк Мәметова көшесі деп аталады", - деп хабарлады қала әкімдігі.</blockquote>Жалпы Байқоңырда көшелердің аты сирек өзгертіледі. Бірақ соңғы жылдары мұнда Абай даңғылы пайда болды. Ал жергілікті Жағалау көшесі енді Сырдарияны мекендеген түркі музыкасының бабасы Қорқыт атаның есімімен аталады.Байқоңыр тұрғындары Ұлы Отан соғысының ардагері, қаланың құрметті азаматы Қалмырза Жармановты танитын, көпшілік оны Қалмырза ата деп атайтын.<blockquote>"Қалада Қалмырза Жарманов атындағы көше осыдан төрт жыл бұрын пайда болған", – дейді жергілікті тұрғын, зейнеткер Виталий Лапин.</blockquote>Ол барша байқоңырлықтарға үлгі болған майдангер, Ұлы Отан соғысына қатысушы ардагердің құрметіне аталғанын, қария 97 жасында дүниеден өткенін айтты.Қарапайым еңбек адамы болған Жарманов Ұлы Отан соғысын бастан-аяқ өткерген: Сталинград, Курск жотасындағы шайқастарға қатысып, Балтық маңы елдерін фашистік басқыншылардан азат етті, бірнеше рет жараланды.<blockquote>"2016 жылы Қалмырза Жармановқа "Байқоңыр қаласының құрметті азаматы" атағы берілді. Мұны біз, қала тұрғындары мақтан тұттық", - дейді қария.</blockquote>Қазіргі таңда "Байқоңыр" ғарыш айлағының құрамында Ресей Федерациясы жалға алған Қазақстанның Байқоңыр қаласында Ленин алаңы, Ленин көшесі, Владимир Ильичтің ескерткіші әлі бар.Қаланың бұл ерекше көрікті жерлеріне шетелдік туристердің көпшілігі қызығып, пролетариат көсемінің ескерткіші жанындағы алаңда суретке түседі.

Байқоңырда үш көшеге қазақ батырларының есімі берілді

<a href="https://kyzylorda-news.kz/">&nbsp;Kyzylorda-news.kz.</a> Елімізде келер жылы «Келешек» бағдарламасы жұмыс істей бастайды. Бұл туралы Ғылым және жоғары білім министрі Саясат Нұрбек мәлім етті, деп хабарлайды <a href="https://kaz.inform.kz/news/2024-zhili-keleshek-bagdarlamasi-ske-kosiladi-b038cf/Kazinform">Kazinform</a>.<blockquote>«Бүгінде «Келешек» бағдарламасына заңнамалық өзгерістер енгізіліп жатыр. Білім туралы, жинақтаушы жүйе және басқа да заңдарға өзгерістер енгізу қажет. Банктер әлі анықталған жоқ, олар бағдарламаның серіктесі болады. Жоғары қаржылық тұрақтылыққа ие банктер болатыны түсінікті. Сонымен қатар Қаржы нарығын реттеу және дамыту агенттігі мен Ұлттық банктің өз талаптары болады», — деді Саясат Нұрбек Үкімет үйінде өткен баспасөз мәслихатында.</blockquote>Министр 6-7 банк аталған бағдарлама серіктесі болады деп болжап отыр.&nbsp;Сондай-ақ, С.&nbsp;Нұрбек Мемлекет басшысы Қасым-Жомарт Тоқаев келер жылы 1 қыркүйекте балаларға арналған арнайы жинақтау жүйесін енгізуді тапсырғанын айтты.

2024 жылы «Келешек» бағдарламасы іске қосылады

<a href="https://kyzylorda-news.kz/">&nbsp;Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен мәжілісте Қызылорда облысының кәсіпкерлік және өнеркәсіп басқармасының жаңа басшысы таныстырылды.Облыстық бірыңғай конкурстық комиссиясының шешімі және облыс әкімінің өкімімен Қызылорда облысының кәсіпкерлік және өнеркәсіп басқармасының басшысы лауазымына Әбсаттаров Дінмұхамед Болатұлы тағайындалды.<blockquote>«Дінмұхамед Болатұлы – аймақтың кәсіпкерлік саласымен етене таныс, квазимемлекеттік сектормен қатар мемлекеттік қызметтің барлық сатысынан өткен, мол тәжірибе жинаған әлеуеті жоғары кадр. Өңір экономикасын өркендетуде, негізгі көрсеткіштерге қол жеткізуде кәсіпкерлік және өнеркәсіп саласы аса маңызды рөл атқарады. Мемлекет басшысы жүктеген және Үкімет бекіткен көрсеткіштерге қол жеткізу жолында ауқымды міндеттер бар. Таяуда өңірімізге жұмыс сапарымен келген Мемлекет басшысы отандық өнім өндірушілерді қолдау арқылы өңірдің экспорттық әлеуетін одан әрі жетілдіру қажеттігін атап өткен болатын. Бұл ретте экономиканы әртараптандыру арқылы кәсіпкерлік субьектілерінің экономикадағы үлесін арттыру, халықты жұмыспен қамту мақсатында мемлекеттік қолдау шараларын тиімді пайдалану – басты міндетіміз», – деді аймақ басшысы.</blockquote>Дінмұхамед Болатұлы 1978 жылы Қызылорда облысында дүниеге келген. М.Тынышбаев атындағы Қазақ көлік және коммуникациялар академиясын «Теміржол көлігіндегі экономика және менеджмент», Қорқыт Ата атындағы Қызылорда мемлекеттік университетін «Мұнайшы-инженер» мамандықтары бойынша бітірген.Еңбек жолын 2000 жылы «Ақтөбе хром қосындылары зауыты» акционерлік қоғамының экономисі ретінде бастаған. 2002-2006 жылдары Жалағаш, Қызылорда облысы әкімі аппараттарында түрлі деңгейдегі лауазымдарда қызмет атқарған. 2006-2010 жылдары Қызылорда облысының кәсіпкерлік және өнеркәсіп басқармасы басшысының орынбасары, басқарма басшысы, 2010-2012 жылдары ҚР Көлік және коммуникация министрлігі Көлік жолдары комитетінің Қызылорда облысы бойынша департаменті директорының орынбасары, Оңтүстік Қазақстан облысының кәсіпкерлік және өнеркәсіп басқармасының басшысы болған.2012-2020 жылдары «Атамекен Одағы» Ұлттық экономикалық палатасының басқарушы директоры, Алматы қаласы мен Қызылорда, Түркістан облыстарының кәсіпкерлер палатасын басқарған. 2020-2021 жылдары «Қорғас» шекара маңы ынтымақтастығы халықаралық орталығы арнайы экономикалық аймағының басқарушы компаниясы» акционерлік қоғамының басқарма төрағасы болған. 2021-2023 жылдары «QazExpoCongress» Ұлттық компаниясы» акционерлік қоғамы басқарма төрағасының орынбасары қызметін абыроймен атқарған. 2023 жылдың наурыз айынан бастап «Yevniy Consulting Group» компаниясының басқарушы серіктесі қызметін атқарып келді.

Қызылорда облысының кәсіпкерлік және өнеркәсіп басқармасының басшысы тағайындалды

<a href="https://kyzylorda-news.kz/">&nbsp;Kyzylorda-news.kz.</a>&nbsp; Бұл туралы облыс әкімі Нұрлыбек Нәлібаев ҚР Премьер-министрі Әлихан Смайыловтың төрағалығымен өткен Үкімет отырысында баяндады.Жиында жүк тасымалын және транзитті дамыту, педагогикалық кадр даярлау мәселелері қаралды.Ведомство басшылары мен өңір әкімдері атқарылған жұмыстар, алдағы міндеттер жайлы хабарлама жасады.Нұрлыбек Машбекұлы «Батыс Еуропа-Батыс Қытай» халықаралық автомобиль дәлізінің бойында орналасқан сервистік нысандардың 88,6 пайызы ұлттық стандартқа сәйкес келетінін айтты.<blockquote>«Батыс Еуропа-Батыс Қытай» халықаралық автомобиль дәлізінің Қызылорда облысына тиесілі аумағы – 810,5 шақырым. Оның бойындағы 53 жол бойы сервистік нысанында 1050 адам жұмыспен қамтылған. Бүгінде 47 нысан, яғни 88,6 пайызы ұлттық стандартқа сәйкестендірілген. Осы көрсеткіш бойынша Қызылорда облысы алғашқы үштікке кіреді. Нысандар интернетке қосылған және «Google maps», «Яндекс.Карта» жүйелеріне енгізілген.Стандартқа сай емес 6 кешен бойынша тиісті жұмыстар жасалуда. Оның ішінде 2004 жылы салынған 2 нысан жыл соңына дейін, қалған 4-еуі алдағы жылдың бірінші жартыжылдығында ретке келтіріледі. Алдағы уақытта салынатын жол сервистік объектілер ұлттық стандартқа сәйкес болуын қамтамасыз ету үшін тиісті жұмыстар атқарылады. Бұдан бөлек, жол бойы кешендерін күтіп-ұстау шығындарының бір бөлігі ай сайын өтелуде. Қызылорда облысындағы жол бойы сервистік нысандарының сапалы әрі үздіксіз жұмыс жасауы қатаң бақылауда болады», – деді аймақ басшысы.</blockquote>Үкімет жиынынан кейін облыс әкімі арнайы мәжіліс өткізіп, талқыланған мәселелер бойынша негізгі жұмыс бағыттарын белгіледі. Қызылорда қаласы және аудан әкімдеріне облыстық кәсіпкерлік және өнеркәсіп басқармасымен бірлесіп, жеке жүк тасымалдаушылардың статистикалық ақпаратын жергілікті статистика органдарына мерзімінде ұсыну тапсырылды. Қызылорда облысы бойынша көліктік бақылау инспекциясы мен «ҚазАвтоЖол» акционерлік қоғамының Қызылорда облысы филиалына жол желісінің сақталуын тұрақты бақылау міндеттелді.Күн тәртібіндегі екінші мәселе бойынша өңірлік жоғары оқу орындарының басшыларына педагогикалық мамандықтар бойынша оқуын аяқтаған түлектердің тұрақты жұмысқа тұруын қамтамасыз ету тапсырылды. Ал, облыстық білім басқармасы техникалық және кәсіптік білім беру ұйымдарына педагогикалық кадр даярлауға бөлінетін грант санын арттыру бағытындағы жұмыстарды жүргізуге жауапты.<figure class="image"><img src="https://knadmin.beoblood.kz/uploads/408118290_653282416993006_47204114881661558_n_c8178b85c1.jpg" alt="408118290_653282416993006_47204114881661558_n.jpg"></figure>&nbsp;<figure class="image"><img src="https://knadmin.beoblood.kz/uploads/408138344_653282386993009_6412514929188237646_n_c5e8b2213d.jpg" alt="408138344_653282386993009_6412514929188237646_n.jpg"></figure>&nbsp;<figure class="image"><img src="https://knadmin.beoblood.kz/uploads/408096750_653282373659677_811361999133786766_n_b880d158c0.jpg" alt="408096750_653282373659677_811361999133786766_n.jpg"></figure>

Қызылорда облысы сервистік нысандарды цифрландыру бойынша алғашқы үштікте

<a href="https://kyzylorda-news.kz/">&nbsp;Kyzylorda-news.kz.</a>&nbsp; Қызылорда облысы бойынша &nbsp;қылмыстық-атқару жүйесі департаментіне қарасты №60 мемлекеттік мекемесінде 800-ден астам адам жазасын өтеуде. Бұл жаза мерзімін өтеушілерді күніне үш мезгіл тамақтандыру да оңай шаруа емес. Мекеменің асханасында 20 жазасын өтеуші келісім шарт бойынша жұмыс істейді. Арасында кәсіби аспаз да бар.&nbsp;<blockquote>Биыл бас бостандығымнан айырылып, мекемеде жұмыс істеуге өтініш жаздым. Өтінішім қанағаттандырылып, қазір 800-ден астам &nbsp;жазасын өтеушіге күніне үш мезгіл ас мәзіріне сәйкес ыстық тамақ дайындаймыз. Сотталғанға дейін түрлі мейрамханада аспаз болып жұмыс істегендіктен, бұл жерде тамақ дайындау әдеттегі іс. Әрине, мейрамханадағыдай стейк пісірмесем де, әзірлеген борщ, ботқаларым бәріне ұнайды. Әрбірімізге түрлі сәлем-сауқат келіп жатса да, барлығы біз дайындайтын ыстық тағамды күтеді. Ас мәзірінде ет тағамдары да, құс тағамдары да бар. Таңғы асты дайындап, таратып болғаннан соң, түскі асты дайындауға кірісеміз. Одан кейін кешкі асты әзірлейміз. Осылайша күніміз тез өтіп, бостандыққа шығатын уақытымыз да жақындап жатыр, - дейді жазасын өтеуші.&nbsp;</blockquote>Мекеме бастығы Мақсұт Өтегенұлының айтуынша, мекеменің асханасында санитарлық талаптар қатаң сақталып, аспаздар үнемі медициналық тексерістен өтіп тұрады.<blockquote>Дайын болған асты мекеме дәрігері мен кезекші тексеріп, сынама алады. Содан кейін ғана тамақ жазасын өтеп отырған жандарға таратылады. Денсаулығы нашар азаматтар үшін де ыстық тағам дәрігерлер тағайындаған тізімге сай беріледі. Олардың асы бөлек дайындалады. Ас мәзірінде жеміс-жидек, балық және сүт өнімдері бар, - дейді мекеме бастығы Мақсұт Өтегенұлы.&nbsp;</blockquote>Жалақы жұмысшыларға уақытылы төленеді. Ол ақшаны жақындарына жіберуге, мекеме дүкенінен қажеттіліктерін алуға және сот үкіміне сәйкес шығындарын өтеуге жұмсайды.

Қазақстан және Қызылорда облысының жаңалықтары