Қызылорда облысында қаржы пирамидасының құрылымдық бөлімшесін ұйымдастырған ағайынды екі азамат сотталды.Ағайынды жігіттер 2020-2021 жылдар аралығында облыс аумағында «Qnet» құрылымдық бөлімшесін құрған.Желілік маркетинг өнімдерін тарату бойынша бұл бағытта еліміздегі маркетинг бойынша қалыптасқан жағдайды меңгеруге көңіл бөлген.<blockquote>«Еліміздің аумағында тыйым салынған қаржылық пирамида бойынша заңсыз қызмет пен ұйым туралы анық дәйекті түрде білгенімен аса ірі көлемде азаматтардың ақшалай қаражатын тартуға бағытталған әрекеттер жасаған. Осы активтерді қайта бөлу және басқа қатысушылардың жарнасы есебінен кейбір қатысушыларды байыту жолымен ұйымдастырып отырған. Аталған қаржы пирамидасынан 40 салымшы зардап шеккен. Шығын көлемі - 53 млн теңге. Сотқа дейінгі тергеп-тексеру барысында келтірілген шығын салымшыларға толық қайтарылды», - деп мәлім етті Қызылорда облыстық экономикалық тергеп-тексеру департаментінен.</blockquote>Фото: &nbsp;fingramota.kz

Қызылордада қаржы пирамидасын ұйымдастырғандар сотталды

Kyzylorda-news.kz. Ұлттық заңнамада орын алып жатқан өзгерістер, қалыптасып жатқан тергеу мен сот тәжірибесі, заң нормаларын қолдануда туындап жатқан мәселелерді талқылау 2019 жылдан бері ұдайы өткізіліп келеді.Дәстүрлі жиынға облыстағы құқық қорғау органдарының бірінші басшылары, облыстық сот төрағасы және сот өкілдері қатысып, пікір алмасты.&nbsp;Жиында электрондық форматта тергеліп, сотқа жолданған қылмыстық істерді қарау барысында туындаған мәселелер, кемшіліктер және істерді сотта қарауда орын алған заң бұзушылықтар барысы айтылды. &nbsp;Басқосуда алдымен сөз алған облыс прокуроры Ризабек Ожаров «2022 жылы электрондық форматта тергелген 1108 қылмыстық іс сотқа жолданса, өткен 2023 жылы оның саны 1516 жетті.Осы жылдың 4 айында сотқа 468 іс жолданып, былтырғы жылмен салыстырғанда олардың саны 27%-ға өскен.<blockquote>Прокуратура органдарымен қабылданып жатқан шараларға қарамастан қылмыстық ізге түсу органдарымен электрондық форматта қылмыстық іс жүргізу барысында процессуалдық кемшіліктер мен заң бұзушылықтарға әлі де жол беріліп жатыр» - деп жаңа формат бойынша атқарылған жұмыстарды саралап өтті.</blockquote>Өз кезегінде аймақтағы құқық қорғау, сот және тергеу саласының өкілдері &nbsp;электрондық форматта тергелетін істердегі кемшіліктер мен заң бұзушылықтар және тағы да басқа қиындықтар бойынша баяндама жасап, пікір алмасты. Сондай-ақ жаңа форматқа көшуде бірлесе жұмыс жасау үшін ортақ шешімге келді.&nbsp;Айта кетейік, қылмыстық іс жүргізу процесі қағаз күйінен электрондық форматқа көшірілді. Қазіргі уақытта тергеушілер, прокурорлар, судьялар тиісті техникалық құралдармен қамтамасыз етіліп, жұмысы оңтайландырылды.Барлық тексеру мен тергеу әрекеттері тек электрондық форматта жүргізіледі. Бұл өз кезегінде уақытты үнемдеуге, процестің ашықтығын, қол жетімділігін қамтамасыз етіп, азаматтардың негізсіз қудалауына жол бермеудің жаңа тәсілі. &nbsp;Сондай-ақ нәтижесімен тергеу мен қадағалау, сот актілердің сапасы жақсаруда. Осы атқарылып жатқан жұмыстар бойынша бүгінгі күні облысымызда электронды форматта іс жүргізу 98%-ды құрап Қызылорда облысы республикада алдыңғы қатарда.<img src="https://knadmin.beoblood.kz/uploads/FB_IMG_1716003392964_43f8482c32.jpg" alt="FB_IMG_1716003392964.jpg"><img src="https://knadmin.beoblood.kz/uploads/FB_IMG_1716003388897_7bbd821960.jpg" alt="FB_IMG_1716003388897.jpg">

Қызылорда электронды іс жүргізу бойынша алдыңғы қатарда 

<a href="https://kyzylorda-news.kz/">Kyzylorda-news.kz</a> Елдің арасында өмірден алған өнегесін бере білген ақсақалдың бірі, Төретам кентінің тұрғыны «Милиция үздігі», &nbsp;«Еңбек ардагері» медальдары және КСРО Ішкі істер министрлігінің Құрмет грамотасының иегері Әмидулла Нағыметұлы. Ол Қазалы ауданына қарасты Бекарыстан би ауылында 1942 жылы дүниеге келген. 1958 жылы орта мектепті бітірген соң келесі жылы әскер қатарына алынып, Иран мемлекеті мен Әзірбайжан маңы ортасындағы шекара қызметінде борышын өтейді. 3 жыл міндетін атқарғасын, ішкі істер органына жұмысқа тұрады. Сондай-ақ, Алматыдағы жоғары милиция академиясына оқуға түсіп, оны «Заңгер» мамандығы бойынша «Қызыл дипломға» тәмамдайды. Темір тәртіп пен адалдықты жанына серік еткен жас сарбаздың мінез қалыбын байқаған рота командирі «Сен келешекте заңгер бол, біз саған оқуға жолдама берейік. Табиғатың келіп тұр» деп жиі айтатын болса керек. Бірақ ол туған жеріне қайтуды жөн санап, жолдас жігіттермен ауылға оралады.<blockquote>– Жаспын. Оқуды бітіріп ауылға келдім. Басында қалада теміржолдың милициясында жұмыс істедім, одан соң Қазалыда қазіргіше айтқанда онда да теміржолдың қаржы полициясында қызмет еттім. Еңбектегі өмірімнің бәрі теміржолда өтті. 1965-жылдары Төретам стансасы теміржол милициясына басшылық қызметке келіп, ол жерде 9 жыл жұмыс істедім. Сол жерден майор шенінде отставкаға шықтым, – дейді ардагер екеуара сөз арасында.</blockquote>Зейнеткерлікке шыққан соң да бос қарап отырмаған. Әскери мекемелерде маман, бас маман, заңгер болған. Әмидулла ақсақал жасы 80-нен асса да қоғамдық жұмыстардың бел ортасында жүреді. Атап айтар болсақ, Төретам кенті бойынша ардагерлер және қоғамдық кеңесінің белсенді мүшесі. Елдің ішінде орын алған жағдайларға қарай құқықтық жағынан кеңесін беретін тәуелсіз медиаторлық қызмет те отставкадағы милиция майорының құзырында.Оның қызмет барысында түскен фотосуреттері Мәскеу, Байқоңыр қалаларында өлкетану мұражайына қойылған. Ол туралы мақала Ресейдің «На страже Байконура» атты мемориалды кітабына енген. 1965 жылы бірнеше әріптесімен суретке түскен ағамыздың сол фотосы Байқоңырдың архивінде ұзақ жыл жатады ғой. Оны тауып алған архив қызметкерлері сол суретті қаланың 60 жылдық мерейтойында көпке жариялайды. Бір қызығы олар Әмидулла Нағыметұлына осы сурет үшін 3 жыл іздеу салыпты. &nbsp;«Ол кезде далада түсуге болмайды. Фото &nbsp;кабинетте түсірілді. Ортамызда полковник Шипунов бар. Бәріміз бірге түскенбіз. Оның тарихқа айналып кетерін кім білген?!» дейді ағамыз.Бүгінде ол қоғам белсендісі ретінде көптеген іс-шараға шақырылады. Ресейлік жақтың да ішкі істер органы ардагермен жиі ақылдасып тұрады. Кеңес беруден жалықпайтын атамыз кездесу, басқосуларда жастардың ортасынан табылады. Төл мерекесінде, Қарттар күнінде құрмет төрінен көрінеді.Әрбір еңбек адамының өмір жолы бізді қызықтырады. Оның ішінде олардың басынан өткен әңгімелеріне де құлақ түреміз. Орган оңай сала емес. Мықты мінез бен жүйке керек. Бұл жолы да ақсақалдан осы әдетімізді алға тартып, қызмет барысындағы оқиғалардың бірді-екісімен бөлісуін өтінген едік.<blockquote>– Біздің қарасты аумақ Түркістан қаласы мен Сексеуіл стансасының аралығы болатын. Осы аралықта орын алған қылмыстарға мені жіберетін. Бірде вагон депосында кісі өлімі болып, сонда жіберді. Бір күннен соң оқиға орнына келдік. Бізге дейін анализ, талдау жұмыстары жүргізілген. Бірақ ешқандай ізге түсе алмаған. Өзімізге қайтадан тексеру жұмыстарын жүргізуге тура келді. Соның нәтижесінде бір бүктелген газетті тауып алдым да ондағы жазылған мекенжайға көзім түсті. Онда Оренбург қаласы дей келе, әрі қарай үйдің көшесі, нөмірі&nbsp;жазылыпты. Қасымда Александров деген майормен бірге барғанбыз. Дереу ол сол адреске хабарласты. Ертесіне білгеніміздей, шыныменде жаңағы адрестегі адам сол үйдің тұрғыны болып шықты. Орынбордағы әріптестеріміз үйіне іздеп барғанда таба алмады. Бірақ көп ұзамай оны қолға түсіріп, тергеу жүргізгенде ол қылмысын мойындады. Бұл сөйтсек, оның үшінші кісіні бақилық етіп тұрғаны екен. Танысады, бірге отырады, ішімдік ішеді, соңында осындай жағдай болатын болған.Жұмыс барысында тағы бір мынадай жағдай болды. Мысалы, алда-жалда адам қайтыс болса, экспертиза жасауда қиындық тумайды. Себебін анықтау жеңілірек. Ал пойыз қағып болмаса басып кеткен жағдайда қылмыстың себебін анықтау күрделірек. Бірде түн ортасында хабар түсті. Белтақыр разъезінде пойыз адам басып кеткен. Сол жерден қасыма екі теміржолшыны ертіп алып (қолымызда қол жарық шамы бар), рельсті жағалап келеміз. Адамның дене мүшелері 120 метрге дейін шашылып қалған. Сау тамтығы қалмаған. Қасымдағылар жүрексініп, алға жүруге тартынды. Болмағасын беттерін бүркеп, тұмшаланып алды. Мен сол дене мүшелерін түгелімен жинап алып, Жосалыдағы моркке әкеп өткіздім. Ал енді адамның кім екені белгісіз? Соны табу керек? Жан-жаққа іздеу салдық. Белгілі болғандай, Қазалының азаматы болып шықты. Ол уақытта той-томалақ, құдажолыға арнайы шақырушы жіберілетін уақыт еді ғой. Бұл кісі де сондай шаруамен жүрген. Қармақшы жаққа жолға шыққан. Ағайындарының шақыру жұмысымен үйін аралаған. Дастарқанға арақ қойылған. Қайтарда масаң күйде жүк пойызының тамборына жайғасқан ол көзі ұйқыға кетіп, жаңағыдай қайғылы жағдай болған. Дәл осындай оқиға Бекбауыл стансасында да қайталанды. Ол жерде ұрлыққа түсу фактісі кезінде пойыздың астына түсіп қалған, – дейді өткенді еске алған ішкі істер саласының ардагері.</blockquote>Әмидулла ағамыздың өмір тарихында полковник Құсайыновтың орны бір бөлек. Қазақстан бойынша теміржол милициясының бастығы болған ол бұлар жаңадан милиция жоғары оқу орнын бітіріп тұрғандарында: «Ал, жігіттер, сендерді ең қиын, ең ауыр қылмыстың болатын жеріне жіберемін. Өкпелемеңдер. Қазір органда Ұлы Отан соғысының қатысушылары еңбек етуде. Олардың орнын ертең сендер басасыңдар» деген сөзі оның жадында әлі күнге жаңғырып тұр десек, қателік емес. Солай болды да. Қай жерде еңбек етсе де ағамыз абыроймен қызмет етті. Ауыр қылмыстардың ашылуына септігін тигізді. Ізінен жас мамандар тәрбиеледі.Көргені мен көкейге түйгені мол азамат отбасында Райхандай анамыздың адал жары, балаларына асқар тау әке, биік қорған бола білді. Жанұясында өсіп-өнген 4 ұл мен 2 қыздан тараған ұрпағының құрметті де қадірлісі атанды. Балаларының барлығы да өмірден өз орындарын тапты. 17 немере мен 6-7 шөбере көзінің қуанышы болып отыр. Қарашаңырақта немересі Мирас пен немере келіні Сәния аталарының жайын жасап, қолын жылы суға малуда.Сөз соңында атамыз «Айналамыздың бәрі құбылып тұр. Соғыстар жүріп жатыр. Оның бетін әрі қылсын. Елімізді кім қорғайды? Балалар әскерге бару керек. Менің оларға берер батам да, тілегім де – осы» деп қысқа қайырды.&nbsp;

Еңбек адамы - Әмидулла Нағыметұлы

<a href="https://kyzylorda-news.kz/">Kyzylorda-news.kz.</a> Әрбір отбасы – шағын мемлекет. Оның өзіне тән ұстанатын қағидасы, заңдылығы мен құндылығы бар. Сайып келгенде, оны берекелі де мерекелі ететін сол жанұяның бірлігі мен қатар жүзген тірлігі. Осындай жарасым тапқан жанұя Төретам кентінде тұрады. Олар – Қожақовтар отбасы.Отанасы Айша Дәкібай 6 баланың анасы, "Күміс алқа" иегері. Ол Қазалы қаласындағы №170 мектептің түлегі. 11 жылдық білім алған соң Қызылордадағы Қорқыт ата атындағы университеттің "Тарих, құқық және экономика негіздері" мамандығы бітіріп шыққан. Бүгінде Жанқожа батыр атындағы №269 &nbsp;орта мектептің тарих пәнінің мұғалімі болып ұстаздық етеді. Отағасы Жасұлан Қожақов "Байқоңырэнергия" мекемесінде ағаш ұстасы болып жұмыс істейді.<blockquote>"2001 жылы отбасын құрдық. Жолдасым 12 ағайынды болса, соның ең кенжесіне тұрмысқа шықтым. Қарашаңыраққа ие болып отырмыз. "Қарты бар үй – қазыналы үй" дегендей, анамыз 85 жасқа келді. "Келін қайын ененің топырағынан" дейді. Артық әңгіме-сөзбен шаруамыз жоқ. Енем – көпшіл, салмақты, сабырлы кісі. Ашуланбайды. Соның үлгісін мен де алып келе жатырмын. Ең басында келін болып түскенімде үйде қарасиыр болған. Соның сауып үйрендім. Ешкіміз бар. Балалардың бәрі ешкінің сүтін ішеді, қаймағын жейді. Одан қалды сол сүтті жинап, жаздай құрт жасаймыз. Былтыр өте керемет өнім болды. Ірімшік қайнатамыз. Келген қонаққа ауыз тиюге ұсынамыз. Тауық, қоянды да ұстадық кешеге дейін. Қолдың жұмыртқасын, қоянның етін тұтындық. Әжелерінің туған күнінде немере-шөберелері шүйіркелесіп, бас қосады. Әліге дейін 20-дан асқан немересіне дейін әжесінің қасынан шықпай, әңгімесін тыңдайды, әжелеріне таласады. Ол кісі де басынан өткен оқиғаларын айтып, өнегесін беріп отырады" дейді Айша Жүсіпбекқызы.</blockquote>Бір қызығы, Айшаның есімінің өз тарихы бар болып шықты. &nbsp; &nbsp;<blockquote>– Атымның шыныменде өз тарихы бар. Анам математика пәнінің мұғалімі болып, білім саласында ұзақ жылдар қызмет етті. Қазір сала ардагері. Мені босанатында университеттің студенті екен. Тараз қаласында оқыған. Дүниеге келген жерім – Тараз. Облыстық аурухананың перзентхана бөлімінде туылғанмын. Сол жақта анамның нағашы ағасы мен жеңгесі тұрған. Олар да мектепте физика, математика пәндерінен сабақ берген ұстаздар. Мемлекеттік емтихан тапсырып жатқанда толғатып, мені сонда өмірге әкелген. Нағашыларының ауылы қазіргі Айшабибі ауылы болатын. Соның құрметіне есімімді Айша деп қойған. Сонда әкеміз келіп, анамның дипломымен қоса, мені де бірге қуанып ауылға алып қайтқан жайы бар екен.Жолдасыммен өзімнің әпкемнің күйеуі, жездем арқылы танысқанбыз. Олар бір-бірімен жақсы жолдастар болған, бір сыныпта оқыған. Сол таныстырды бізді. Алып қашатын уақыт. Бірақ, келісіп үйлендік. Менен 8 жас үлкендігі бар. Бүгінде ақ некемізден 6 ұл-қыз тәрбиеленуде. Үлкеніміз Еркебұлан 20 жастан асты. Жақында Отан алдындағы борышын өтеп, аман-есен келді. Жұмыс істейді. Әмит баламыз "Болашақ" жоғарғы колледжінде "Электрик" мамандығында оқыса, одан кейінгі Аружанымыз да осы оқу орнының медицина бөлімінде білім алуда. Меруертіміз 8 сыныптың үздік оқушысы. Араға 8 жыл салып, Раянаны дүниеге әкелдік. Биыл мектеп табалдырығын аттап, 1 сыныпқа барды. Кішкентай Інжуімді 41 жасымда босандым. Қазір ол 2-де, – дейді сіңліміз ашық-жарқын мінезбен.</blockquote>Айша бала кезінен өнерге жақын өскен. 3 сыныптан бастап сахнаға шығып, мектеп бітіргенше домбырада ән салған. Негізінен ол көптеген аспапта ойнайды. Табиғи талант иесі десек те болғандай. "Маған қолыма аспап беріп қойса, 2 күнде-ақ үйреніп аламын. Үйде домбыра, баян, гитара аспаптары бар. Отбасылық мерекелерде, қонаққа барғанда, баланы ұйықтатқанда осы аспаптарда ән айтамын" дейді ол сөз арасында қосыла кетіп. Ұлттық аспабымыз домбыраны төріне іліп қойған. Балаларының ұлттық сезімде өскенін қалайтын көпбалалы ана оларға домбыра шертіп үйретіп, қалай ойнау керегін үнемі көрсетіп отырады.Кез келген отбасының ұстанатын құндылықтары мен қағидасы болатыны секілді, Қожақовтар жанұясының да өз ерекшеліктері бар.<blockquote>– Отбасындағы ұстанатын басты қағидамыз – сол анамызбен арадағы &nbsp;сыйластығымыз жақсы болуы керек. Барлық іс-әрекетіміз балалардың көзінше болғандықтан, бізден үлгі алады деп ойлаймын. Енеме құрметім шексіз. Ас ішерде қолтығынан демеп, дастарқанға сүйемелдеп алып келемін. Оны көріп отырған балаларға бұл да бір &nbsp;тәрбиенің көзі деп есептеймін. Біз де ертең қартаямыз. Сол кезде бұлар да соны қайталайды деген үміттемін. Сіз деп сөйлесеміз. Әкесіне де балалардың көзінше дауыс көтермейміз, бала сескенсін, сыйласын деген мақсатпен. "Әкеңнен рұқсат сұра", "Әкең келе жатыр", "Әкең ұрысады" деген сөздермен ескерту жасап отырамын. Әкесі оларға ұрыспайды да ұрмайды да. Бірақ сыртынан мысы басып тұрады. Тамақ ішерде де дастарқанға әкесі келмей, асқа қасық салмаймыз. "Еркек үйдің иесі, әйел үйдің шегесі" дейді ғой. Көбіне, отбасын сақтап қалатын да, ер адамның басын төрге сүйрейтін де осы әйел адамдар. Үй болып кетеміз дегенше, енемнің көп көмегі тиді. Сол үшін де барлық жағынан енеммен кеңес қыламын, пікірін қадірлеймін.Жолдасым да шығармашылықтың адамы. Ол сурет салуды жақсы көрсе, мен аспапта ойнағанды ұнатамын. Балаларымыз да құр жаяу емес. Арасында сурет салуға ерекше ықыластылары бар. Өз басым гүл өсіру десе, ішкен асымды жерге қоямын. Балаларымыз да солай. Күтімін бірге жасаймыз. Отбасында бөлме гүлдері көп, бақшалық та ұстаймыз. Жеміс талдары жайқалып өсіп тұр. Соның бабын отбасымызбен атқарамыз. Ұлдарымыз жерді қарықтап, жыртып берсе, қыздар жағы болып егеміз, суарамыз, отағын жұламыз. Әжемізде берге жүреді. Күзгі уақытта еккен өнімдерімізді жинап аламыз. Қысқа отынға дейін жарып, жинап, қамданып қойдық. Мақтағаным емес, қыздардың да қолынан біраз нәрсе келеді. Тәттілер пісіреді, қолөнермен айналысады, үй жинайды, бөпе қарайды, үлкендерге жәрдем береді. Қысқасын айтқанда, біздің үйде бос жүретін адам жоқ. Осының бәрі әжеміздің бізге берген бақыт-бағдарының арқасында жүзеге асып жатқан татымды тірліктер, – дейді Айша Жүсіпбекқызы риза көңілде.</blockquote>&nbsp;

Мерейлі отбасы: Көпке үлгі Қожақовтар әулеті

<a href="https://kyzylorda-news.kz/">Kyzylorda-news.kz</a> &nbsp;Арал ауданында атқарылып жатқан жұмыстар ауқымды және жүйелі атқарылып келеді. Қай салада болсын табысты нәтижеге қол жеткізіп келе жатқан Аралдағы өзге маңызды жаңалықтар жайында аудан әкімі Аманжол Оңғарбаевтың кешегі Өңірлік коммуникациялар қызметінің ақпарат алаңында БАҚ өкілдеріне өткізген брифингі барысында таныстық.&nbsp;Арал ауданы басшысы А.Оңғарбаев «Мемлекет басшысының тапсырмасына сай «Халық үніне құлақ асатын мемлекет» тұжырымдамасын іске асыру мақсатында өңірімізде жүйелі жұмыстар жасалынып жатқанынан өздеріңіз жақсы хабардарсыздар. Елдіктің бесігіне айналған, еңбегінен берекелі несібесін тауып, ынтымағы мен ырысы артқан – Арал ауданының бүгінгі тынысымен таныстырып, келешегінен хабардар етуге рұқсат етіңіздер. Ауданның экономикалық дамуында оң тенденция қалыптасып, 7 макроэкономикалық көрсеткіштер бойынша өсім орын алды» дей келе «Жыл басынан бері ауданға 4,1 млрд теңгеге жуық инвестиция тартылып, өсім 16,4 процентті құрады. Оның 36,6 %-і, яғни 1,5 млрд теңгесі ауылдық жерлерге, қалған 2,6 млрд теңгесі Арал қаласына тиесілі. Атап айтқанда, 1346,7 млн. теңге білім беру саласына, 951,5 млн. теңге көлік және қоймалау саласына, 895,3 млн. теңге жылжымайтын мүліктермен операциялар саласына, 685,1 млн. теңге өнеркәсіпке тартылды» деп инвестиция тарту бағытындағы біршама жұмыстарға атап тоқталды.Иә, былтыр 24,4 млрд теңге инвестиция тартылса, биылғы жылға 25-28 млрд теңгені құрайтын инвестиция тарту жоспарда бар. Ал, жеке сектор қаражаты есебінен 9 млрд теңгеге жуық қаржыға 13 жобаны іске асыру көзделуде. Демек алдағы уақытта да аралдықтар тың жобалардың игілігін көріп, ауданның дамуы жеделдей түседі.&nbsp;Мұнан бөлек қаржы-салық саясаты, кәсіпкерлік, өнеркәсіп, индустрияландыру, мемлекеттік бағдарламалар негізіндегі шаралар мен ауылшаруашылық, құрылыс, көлік инфрақұрылымы бағытындағы жұмыстарды БАҚ өкілдеріне жеткізіп, әлеуметтік саладағы оң өзгерістер мен «моно және шағын қалаларды дамыту» бағдарламасы аясында ауқымды 2 жоба жайында сөз етті.&nbsp;Баспасөз конференциясы барысында бірнеше жылдан бері айтылып, қазірде құрылысы жүргізіліп жатқан темір жолдың үстінен өтетін көпір төңірегінде де жағымды жаңалық жеткізілді. Бұл жұмыс 2024 жылдың аяғына дейін толықтай аяқтап, ел игілігіне пайдалануға береледі деп күтілуде.&nbsp;Тағы бір айта кетерлік дүние Мемлекет басшысының бастамасымен қолға алынған «Жайлы мектеп» ұлттық жобасы аясында ауданда салынып жатқан 300 орындық 4 білім ошағы жайында. Оның ішінде қаладағы «Арай» ықшам ауданы мен Сексеуіл кентінде бой көтеріп жатқан мектеп биыл аяқталады. Яғни қос мектеп алдағы жаңа оқу жылында оқушы қабылдауға толықтай дайын болады.&nbsp;Брифинг соңында бизнеске бет бұрған жандардың негізгі бағыты, ата-бабалардың өшпес рухына тағзым мақсатындағы аудан басшысы бастамашы болған «Арыстан баб» кесенесін қайта жаңғырту жұмыстары мен осы тұрғыда алдағы жоспарлар жайындағы журналистердің сұрағына тиісті жауап берді.

Аралда «Халық үніне құлақ асатын мемлекет» тұжырымдамасы оң нәтиже беруде

<a href="https://kyzylorda-news.kz/">Kyzylorda-news.kz.</a> Атырау облысы Мақат ауданының әкімі Ринат Ибрагимов экс-әйелінің айыптауларына жауап беріп, өзіне жала жабылды деп санайды. Бұл туралы Stan.kz ақпарат агенттігі жазды.Шенеунік Ринат Ибрагимов бұрынғы әйелінің айтқан пікірін орынсыз деп отыр.&nbsp;<blockquote>“Бұрынғы әйелімнің тарапынан маған тағылған айып БАҚ-та тарап кетті. Жеке өміріме қатысты пікір білдіру орынсыз деп санаймын. Ал бұрынғы әйеліме сана берсін деймін. Ол соңғы жайттарға байланысты түрлі видеоны қарап алып, менің жұрт алдында жүргенімді біліп, осындай мәлімдеме жасаған болуы керек. Ортақ балаларымыз – екі қызымыз менімен тұрады. Бұл қыздарымның және соттың шешімі. Ұрып-соғуға қатысты – қазір сот процесі жүріп жатыр, БАҚ өкілдерінен асығыс шешім қабылдамауды сұраймын”, –&nbsp;дейді аудан әкімі.&nbsp;</blockquote>Ал Атырау облысының әкімдігі аудан әкіміне қатысты қызметтік тексеріс жүргізілетінін хабарлады.&nbsp;Еске салайық, Атырау тұрғыны Ақмарал Үмбетқалиева бұрынғы күйеуі, оған қоса қазір Атырау облысы Мақат ауданының әкімі қызметін атқарып жүрген Ринат Ибрагимовқа қатысты мәлімдеме жасаған еді. Оның айтуынша, бұрынғы күйеуі 11 жыл бойы ұрып-соққан, балаларын тартып алған.Фото: Нұрболат Нұржаубай

Әкім Ринат Ибрагимов жұбайының азаптағаны туралы айыптауларға қатысты пікір білдірді 

<a href="https://kyzylorda-news.kz/">Kyzylorda-news.kz</a> "Бақытты әрі берік шаңырақ – берекелі қоғамның және мемлекеттің мызғымас тірегі.&nbsp;Отаншылдық пен жауапкершілік, парасаттылық пен ізеттілік, еңбекқорлық пен жасампаздық сияқты асыл қасиеттер ең жақын жандардың үлгі-өнегесі мен ықпалының арқасында қалыптасады. Ізгілік идеалдары мен қағидаларына негізделген тұлға дүниетанымы ата-ана тәрбиесінен бастау алады.&nbsp;Халқымыз қашанда шыққан тегіңді білуге және отбасы құндылықтарын ұлықтауға айрықша мән берген. Бүгінде бұл қасиеттер ұлттың жаңа сапасын қалыптастыру ісінде маңызды рөл атқарады"-деген болатын Мемлекет басшысы Қасым-Жомарт Тоқаев.Кез келген ұлттың ең басты тұғыры, ең басты іргетасы – отбасы. «Отан отбасынан басталады» деген сөздің де төркіні осы. Ұлттың салт-дәстүрін, әдет-ғұрпын, тұтастай алғанда ұлт болмысын сақтайтын ең басты «қойма», оны ұрпақтан ұрпаққа жеткізіп, уақыт пен кеңістіктен аман сақтап, келешекке аманаттап тапсыратын әлеуметтік орта да – отбасы. Олай болса, отбасы – біздің бүгініміз бен болашағымыздың бүтіндігінің кепілі.Қазақ отбасы құндылығына ертеден-ақ ерекше мән берген. «Отбасының өнегесі – Отан өнегесі», «ата көрген оқ жонар, шеше көрген тон пішер», «ұяда не көрсең,&nbsp;ұшқанда соны ілерсің», «әкеге қарап ұл өсер, шешеге қарап қыз өсер» деген сияқты мақал-мәтелдер соның айғағы. Яғни ұлтты өзгеден ерекшелеп, оның болмысын сақтауында отбасы рөлі бірінші орында екенінің дәлелі. Біздің де бүгінгі тақырыбымызға арқау болатын Арал ауданындағы Аманөткел елдімекенінің мерейлі, жарасымды жанұясы Шымановтар отбасы болмақ.Бүгінде Аманөткел ауылында мерейлі отбасы ретінде танылып, көпшіліктің көзайымына айналған отбасының ардақтысы Көбеген Шыманов ауылға белгілі ұста, суретші. Он қолынан өнер тамған іскер аға ауылдық мәдениет үйінде суретші, музыкалық мектепте қызметкер болып жұмыс істеді. Кейіннен ауыл ішінде жеке ұсталық кәсіп ашып, жақын ауыл-аймақ халқына да танылды. Бүгінде зейнет жасындағы Көбеген Шыманов 1981 жылы Мереке Шымановамен отау құрып, отбасылық өмірде 4 бала, 15 немере сүйіп отырған бақытты жан.<blockquote>– Өзім 21 жасымда осындай үлкен, текті әулеттің келіні атандым. Өзім де осы ауылданмын. Жолдасым екеуміз бір-бірімізді жақсы танып өстік. Ол кезде марқұм ата-енем бар еді. Атам ауылға белгілі қазыналы қарт, ағаш ұстасы болса, енем алғаш рет «Батыр Ана» төсбелгісін алған алтын құрсақты ана болды. Жарым Көбеген 13 ағайынды. Мен алғаш босаға аттағанда үлкен қайынағам-абысындарым да бар, ең кіші қайынінім 1 сынып оқушысы болған. Бүгінде бәрі бір-бір отбасының отағасы. Өзім де 7 құрсақ көтеріп, 4 баланың анасымын. Олардан тараған немерелеріміздің қызығын көріп отырған жандармыз, – дейді Мереке Төлеуқызы.&nbsp;</blockquote>Иә, жас та болса әулеттің қарашаңырағында қалып, ата-ененің тәлімін көрген Мереке апа бүгінде ардақты әже. Балалары мен немерелерінің жеткен жетістіктеріне бірге қуанып, қызықтаған олардың балалары да өмірден өз орнын тапқан азаматтар.Балаларының үлкені Бақытбек Шыманов Аманөткел ауылындағы белгілі халық театрының суретшісі және жанынан құрылған «Алдаспан» әзіл-сықақ отауының белді актері. Бүгінде көптеген қалаларға барып, өз өнерлерін көрсетіп жүр. Одан кейінгі Нұрбек Шыманов та жоғарғы оқу орнын бітірген мұғалім. Ауылдағы №73 орта мектебінде көркем еңбек пәнінен сабақ береді. Үшінші баласы Бауыржан Шыманов ата кәсібін жалғастырған ұста. Бүгінде Ақтөбе облысында ұсталық цех ашып, бірнеше жанды жұмыспен қамтып отыр. Баланың кенжесі Нұрболат Шыманов информатика пәнінің мұғалімі. Қазіргі таңда Қызылорда қаласында абыройлы еңбек етуде. Немерелерінің үлкені Шынар-ай Шыманова да ата жолын қуып, суретшілік өнерімен Қызылорда облысында білім алуда.Қазір ауылдағы сыйлы отбасының бірі болған Шымановтар әулеті өткен жылы «15 Мамыр – Отбасы күні» мерекесіне орай, ауылдық мәдениет үйі ұйымдастырған «Қазына» кездесу кешінің қонағы болып, өмірін өнермен ұштастырып, рухани-мәдени дәстүрді сақтаушы, кемел ұрпақтың тәрбиешісі болғаны үшін марапат төрінен көрінген еді.&nbsp;Иә, отбасы – жеке құндылықтарды қалыптастырудың қайнар көзі, тәрбиенің бастауы. Әр үйде балалар санасына ұлттық құндылықтарға деген көзқарастарды, салт-дәстүрлер мен әдет-ғұрыптарды, даналық сөздерді, тәрбиенің жоғарғы үлгілерін сіңіретін де отбасы. Осы негізде құндылықтар негіздерін ұмыт қалдырмай, жаңғыртып, рухани болмысымызды жоғалтпай жүрген мерейлі отбасылар көп болсын демекпіз.&nbsp;

Мерейлі отбасының өнегесі

<a href="https://kyzylorda-news.kz/">Kyzylorda-news.kz.</a> Қызылорда қаласында «Халыққа қолайлы инфрақұрылым. Жайлы шаһар жасау бастамалары» тақырыбында өтіп жатырған семинар-кеңес жұмысы жалғасын табуда. Қызылорда қаласы әкімінің орынбасарлары Д.Тұрсынбаев, А.Кентуғаев «Қызылорда қаласының әлеуметтік-экономикалық даму бағыттары туралы», Қызылорда қаласының сәулеттік келбетін жаңғырту, «Дизайн код» жобасы туралы және Қызылорда облыстық мәслихаттың тұрақты комиссия төрағасы Б.Шәменова «Бюджетті жоспарлау, орындалуын бақылау» мәселесі бойынша хабарлама жасады, семинар-кеңеске қатысушылардың сауалдарына жауаптар берді.&nbsp;Балжан Мөрәліқызы семинар-кеңес барысында облыс әкімінің тапсырмасымен бюджетті арттыру, тиімді игеру мәселелері бойынша қолға алынған тиімді жұмыстарды атап өтті.&nbsp;Соңғы үш жылда Қызылорда облысының бюджетінде айтарлықтай үлкен өсім бар. 2023 жылы облыс бюджеті 601,3 миллиард теңгеден асты. Бұл 2022 жылғы бюджет көлемімен салыстырғанда (208,9 миллиард теңгеге) 55,3 процентке артық.&nbsp;Бұл ретте, Қызылорда облысының әкімі Нұрлыбек Машбекұлының табанды еңбегі мен іскерлігін атап өткен жөн.&nbsp;Облыс басшысының тапсырмасымен аймақ бойынша өзекті мәселелер жинақталып, жоба сметалық құжаттары әзірленіп, тиісті Министрліктермен жүйелі жұмыстар жүргізілді. Нәтижесімен республикалық бюджеттен қаржыландырылған жобалардың үлесі артты. Бюджеттің ұлғаюына қызылордалық Парламент депутаттары мен сала басшылары да өзіндік үлестерін қосуда.&nbsp;Сонымен қатар, бюджет қаржысының тиімділігін арттыру үшін облыстық мәслихаттың экономика, әлеуметтік және құқықтық мәселелер жөніндегі тұрақты комиссиясы төрағасының басшылығымен құрамына мүдделі облыстық басқармалар өкілдері енген жұмыс тобы құрылып, салалар бойынша бөлінген бюджет қаржысына зерделеу жұмыстарын жүргізді.&nbsp;Қорытындысында ауқымды қаржы үнемдеуге мүмкіндік туды. Атап айтқанда, облыстың білім беру ұйымдарына бөлінген қаржының бюджеттік заңнама нормаларына сәйкестігі зерделеніп, нәтижесінде жоспардан тыс қаралған қаржы, яғни, 12,9 миллиард теңге, спорт саласы бойынша 3,8 миллиард теңге бюджетке кері қайтарылған.&nbsp;Үнемделген қаржы аймақтың бірінші кезектегі мәселелерін шешуге жұмсалуда.&nbsp;Семинар-кеңеске қатысқан еліміздің сегіз өңірінен келген қалалық мәслихат төрағалары мен депутаттары өз ойларымен бөлісіп, сұрақтарға жауаптар алды.&nbsp;Сонымен қатар, қала әкімінің орынбасары Айдос Зейнуллаұлы өз сөзінде «Дизайн код қаламыздың көп жылдар бойы қалыптасқан ғимарттардың сыртқы қасбетінің үлгісі қандай болу керектігі, оның түсі, құрылыс жұмыстарына қолданылатын материалдар, оның ішінде ғимараттардың қасбетіндегі әртүрлі үлгіде жасалған жарнаманың бір биіктікте, бір деңгей мен көлемде орналастыру, қасбеттерді біркелкілендіру сондай-ақ, көшелердің сәулеті бірыңғай үлгіде (жарық шамдары, брусчатка, қоқыс жәшігі) тәртіптелетін құжаты болады» - деді.&nbsp;Семинар жұмысы Қызылорда қаласындағы әлеуметтік-экономикалық маңызды нысандарды аралау бағытында жалғасып тапты. Семинар-кеңес жұмысына Қызылорда қалалық мәслихат төрағасы Ибадулла Құттықожаев төрағалық етуде.

Қызылордада бюджетті арттыру, тиімді игеру мәселелері кеңінен талқылануда

<a href="https://kyzylorda-news.kz/">Kyzylorda-news.kz.</a> Бүгін өңірлік коммуникациялар қызметінде Арал ауданының әкімі Аманжол Оңғарбаев БАҚ өкілдеріне арнап брифинг өткізді. Онда биылғы жылдың бірінші тоқсанында ауданда атқарылған жұмыстар, алдағы міндеттер айтылды.Аудан әкімі экономикалық дамуда оң тенденция қалыптасып, жеті макроэкономикалық көрсеткіш бойынша өсім орын алғанын атап өтті. Мысалы, инвестиция саласында 16,4 пайыз өсім бар. Жыл басынан бері ауданға 4,1 млрд теңгеге жуық инвестиция тартылған. Оның 1,5 млрд теңгесі ауылдық жерлерге, 2,6 млрд теңгесі Арал қаласына тиесілі. Аудан бюджеті биыл 15,2 млрд теңгемен бекітіліп, өткен жылғыдан 105,3 пайызға жоғарылаған. Есепті мерзімде өңірдің барлық кірістері 3 млрд теңгені құрап, 107,5 пайызға өскен. Оның ішінде, ауданның өз түсімдері 1 млрд теңгені құрап, 25,4 пайызға артық орындалған.<blockquote>– Жыл басынан бері өнеркәсіп орындары 9,1 миллиард теңгенің өнімін өндіріп, өсім 17,4 пайызға жетті. Атап айтсақ, 148,1 мың тонна тұз, 49,4 мың текше метр табиғи құм қазылып, 84,8 мың тонна йодталған тұз, 1494 тонна балық және балық өнімдері өндірілді. Аудан көлемінде 2024-2028 жылдар аралығында бірыңғай индустрияландыру картасы, жалпыұлттық жобалар пулы және өңдеу өнеркәсібі жобаларының пулында іске асырылуы жоспарланған құны 174,8 миллиард теңгені құрайтын 13 инвестициялық жоба бар. Биыл өңірлік үйлестіру кеңесіне инвестициялық жобалар тізіміне қосымша 3,4 миллиард теңге болатын үш жоба ұсынылды, – деді Аманжол Оңғарбаев.</blockquote>Аталған үш жоба биыл іске қосылмақ. Олар – «CamelPro» шаруа қожалығының заманауи су сақтау технологияларды пайдалана отырып жоғары калориялық жоңышқа өсіру жобасы, «Арал Проф Н» ЖШС-ның темірден дайын өнімдерді өндіру жобасы және «Аманжолов Жұбаныш» дара кәсіпкерлігінің ылғал майлықтар өндіру цехы.Сонымен қатар, Арал қаласының индустриялық аймағындағы жер телімдері толық игеріліп, қосымша 10 гектар жер табысталған. Жалпы көлемі 16 гектарды құрайды. Бұдан бөлек, ауданда шағын және орта кәсіпкерлік субъектілерінің саны 5204-ке жеткен. Оның 95,7 пайызы тұрақты жұмыс істеп тұр. Шағын және орта кәсіпкерлік саласында 8397 адам жұмыспен қамтылып, салада өндірілген өнім 21,1 млрд теңгені құраған. Өсім – 147,3 пайыз.Сондай-ақ, аудан әкімі мемлекеттік бағдарламалар мен жалпы қаржы институттары арқылы 954,3 млн теңгенің 35 жобасы несиелендірілгенін атап өтті. Ауданда туризм саласына 2,4 млрд теңге тартылып, 3 мейрамхана, қонақ үй және «Арал» қонақ үйі жанынан бассейн, «Батыс Еуропа – Батыс Қытай» автомобиль жол бойы сервисі мен метангаз құю бекетінің құрылыс жүргізілуде.Ауданда 2022-2024 жылдарға арналған «Ауыл шаруашылығы саласын дамытудың Жол картасы» мал, егін, балық шаруашылығы бағыттары бойынша іске асырылуда. Бұл бағытта жыл басынан бері 2,3 млрд теңгенің өнімі өңделген.<blockquote>– Бекітілген жол картасы аясында 792 миллион теңгені құрайтын 30 жобаны жүзеге асыру жоспарланса, бүгінге 298,4 миллион теңгенің 24 жобасы іске қосылды. Оларда 99 адам тұрақты жұмыспен қамтылды. Атап өту керек, биыл жол картасына өзгеріс енгізіліп, қосымша 12 жоба қосылды, – деді аудан әкімі.</blockquote>Мал шаруашылығы да тұрақты дамуда. Ауданда кейінгі үш жылда төрт түлік мал басы 30 мыңнан астам өскен. Құрылыс саласы да қарқынды. Жыл басынан бері 1,1 млрд теңгенің құрылыс жұмыстары жүргізілген.Атқарылып жатқан тағы бір ауқымды жұмыс – биыл Сексеуіл кенті көгілдір отынға қосылмақ. Құны 3,5 млрд теңгені құрайтын жоба жыл соңында аяқталады. Сондай-ақ, «Нұрлы жер» тұрғын үй құрылысы мемлекеттік бағдарламасы шеңберінде Арал қаласындағы №4, №5, №6 шағын аудандарында газ желілерінің, №1 шағын ауданда электр желісінің құрылысы жүруде. Алдағы уақытта «Ауыл – ел бесігі» жобасы аясында Аманөткел ауылында 150 орындық клуб, Шижағада заманауи спорт кешені салынып, Шижаға елді мекені мен Арал қаласында 0,4 және 10кВа әуе желілері жүргізіледі.Биылғы жылдың басты жаңалықтарының бірі – Арал қаласында жалпы ұзындығы 12 шақырым кәріз желісі салынады. Оған 15 әлеуметтік нысан қосылады. Бұдан бөлек, биыл көлік инфрақұрылымын дамытуға барлығы 3 939,9 млн теңге жоспарланған.Аудан әкімі бірнеше жылдан бері қордаланып келген мәселе – Арал қаласындағы темір жол &nbsp;үстінен өтетін көпір құрылысы жыл соңына дейін толық аяқталатынын айтты. Айта кетсек, «Жайлы мектеп» жобасы аясында ауданда төрт 300 орындық білім ордасы бой көтереді. Оның екеуі – аудан орталығы мен Сексеуіл кентінде салынып жатқан мектептер биылғы оқу жылында пайдалануға берілмек.Жалпы, аудан бойынша алдағы жоспарлар ауқымды. Мысалы, 2024-2026 жылдары республикалық және облыстық бюджеттен қаржыландыру мақсатында тиісті министірліктерге жалпы құны 18 млрд 676,6 млн теңгеге 27 жоба ұсынылып, нәтижесі күтілуде.Әлеуметтік салада да оң серпін бар. Брифингте аудан әкімі мектеп бітіруші түлектер үшін қуанышты жаңалықпен бөлісті.<blockquote>– Бұған дейін мектеп бітіруші түлектер ұлттық бірыңғай тестілеуді Қазалы, Қызылорда қалаларына барып тапсыратын. Биыл бұл мәселе оң шешімін тапты. Енді аралдық талапкерлер ҰБТ-ны аудан орталағында тапсыратын болады. ҰБТ пункті болып Ұзақбай Қараманов атындағы № 262 мектеп-гимназиясы таңдалды, – деді Аманжол Сақыпұлы.</blockquote>Ауданда денсаулық сақтау нысандары, олардың техникалық жағдайына байланысты мәселелер де түбегейлі шешім табуда. Былтыр Қызылжар, Бөген ауылдарында жаңадан дәрігерлік амбулаториялар, Жалғызағым, Тастүбек, Көктем елді мекендерінде медициналық бекеттер пайдалануға берілген. Биыл Сексеуіл кентінде 40 орындық аурухана пайдалануға беріліп, Тоқабай елді мекенінде дәрігерлік амбулатория салынады. Оған қоса, аудандық аурухана жанынан жапсаржай, Арал қаласының Шанхай мөлтек ауданынан аусымына 250 адамды қабылдай алатын емхана құрылыстары да биыл басталады.Аудандық ауруханада 54 орынды кардиология және инсульттық бөлімшелер ашылған. Бұдан бөлек, биыл аурухана МРТ, ангиограф қондырғыларымен жабдықталады. Аудан халқы үшін тағы бір жағымды жаңалық – «Қамқорлық» ерте оңалту орталығын ашу үшін реконструкция &nbsp;жасауға 360,0 млн теңге бөлініп, жұмыстар басталған. Орталық 2-17 жас аралығындағы мүгедектігі бар балалар мен жасөспірімдерге арналған. Ашылған соң мекеме «Қазақстан халқына» қорынан 1,2 млрд теңгеге медициналық құрал-жабдықтармен қамтылады.Сондай-ақ, биыл ауданда «Руханият» орталығының құрылысы басталады.Биболат СәтжанФото: &nbsp;freepik.com

Инвестиция: Арал ауданында ылғал майлық өндіретін цех іске қосылады

Табиғат талан-таражға көнбейді

<a href="https://kyzylorda-news.kz/">Kyzylorda-news.kz.</a> &nbsp; «AMANAT»партиясының «Кедергісіз келешек» жобасы аясында мүмкіндігі шектеулі азамаматтарға жайлы орта қалыптастыру бастамасымен әлеуметтік нысандарға мониторинг жұмыстары жүргізілуде.Мониторинг тобы құрамына депутаттық фракция мүшелері, қоғам белсенділері және партия өкілдері жұмылдырылып, шаһарымыздағы әлеуметтік ғимараттардың пандустары, шақыру қоңыраулары және сары жолақтарына зерделеу жұмыстары жалғасуда.Жұмыс барысында мониторинг тобы мүмкіндігі шектеулі азаматтарға жасалған &nbsp;инфрақұрылым жағдайымен танысып, олқылық анықталған жағдайда түсіндірме жұмыстарын жүргізіп келеді.Аталған жоба аясында бүгін мониторинг топ мүшелері «Қорқыт ата» атындағы Қызылорда университетінің Студенттерді сарайы, №7 оқу ғимараты, «Зерде» &nbsp;интелектуалды мектебі &nbsp;және «Зияткер» инновациялық лицейінде болды.Мониторинг барысында ғимаратқа кіре берістегі арнайы қоңыраулардың дұрыс жұмыс жасамауы немесе &nbsp;мүлдем болмауы, мүгедектігі азаматтар кіретін арнайы жолдар құлыпталынып қойылғаны анықталып, түсіндірме жұмыстары жүргізілді.<img src="https://knadmin.beoblood.kz/uploads/20b44f75_9245_445e_8e6f_c5481e8942ba_9104b1beec.jpg" alt="20b44f75-9245-445e-8e6f-c5481e8942ba.jpg">

Қазақстан және Қызылорда облысының жаңалықтары