<a href="https://kyzylorda-news.kz/">Kyzylorda-news.kz.</a> Бедеулік дертіне шалдыққан отбасылық жұптарға көмек көрсету мақсатында 2022 жылы Ләйлә Сұлтанқызы Instagram әлеуметтік желісінде «Тегін ЭКО» атты бастама көтерген болатын.Бұл бастамаға «Аңсаған сәби» мемлекеттік квотасына белгілі себептерге байланысты іліне алмаған, бірнеше мәрте өз қаражаттарына ЭКО жасауға талпынған, генетикалық дертке байланысты сәбилі бола алмаған отбасыларды таңдап алған болатын.Елімізде ЭКО бағдарламасын жасатудың орташа құны 2 млн тг. құрайды. Бұндай көлемдегі қаражатты жинауға Ләйлә Сұлтанқызының оқырмандары мен қайырымды жандар көмек көрсеткен еді. Одан бөлек ең үлкен қолдау көрсеткен жандардың қатарында елімізге ең алғашқылардың бірі болып ЭКО бағдарламаны қалыптастырған эмбриолог-репродуктолог Салтанат Берденқызы Байқошқарова және “Ecomed” ұжымын атап өтпесе болмас.Игі бастама нәтижесінде әр өңірден бес жұп ЭКО бағдарламадан өтті. Олардың төртеуінде бірінші реттен жасалған эмбрион тасымалынан кейін жүктілік анықталып, айы-күні жеткен шақта ұл-қыздарын бауырына басты. Қызылордалық Айнұр есімді бесінші пациент тек үшінші реттен жүкті болып 10 тамыз күні Мирас есімді ұл баланы дүниеге әкелді. Айнұр бізге хат жолдаған болатын: «Отбасы құрғанымызға 12 жыл болды. Табиғи жолмен 2 рет көтердім 2012 жылы 8 апта замерщий деп алдырып тастадық, 2014 жылы екінші жүктілік 7-8 апта замерщий деп тағы алып тастады. 2016 да Шымкентте "Брак и семья" клиникасында өз қаражатыммен ЭКО жасаттым сәтсіз болды. Квотаға очередьте тұрғаныма 4 жыл болды. Қазір жасым 41 де, 2022 жылдың май айында 42-ге толам жолдасым үйдің жалғыз баласы ұрпақсыз қалама деп қорқам, өзімнің де ана атанғым келеді көмектесіздерме, өтініп сұраймын. Өйткені екі рет сәтсіз экодан кейін үмітім үзіліп қатты стресс алдым, жұмысқа шықпай үйде жатып қалдым. 10 миллиондай ақшамыз кетті осы уақытқа шейін, жұмыс істейміз болницаға қараламыз анализ тапсырып емделеміз, сөйтіп арасында жоғарыда айтқандай өміріміз өтті. Отбасымызда сәбидің иісі мен үні естіліп бақытты шаңыраққа айналсақ екен. Отбасымды сақтауға көмек беріңздерші. Ұйқысыз түндерім мен жылаған күндерімді ұмытқым келеді».Осындай шарасыз күйде хат жолдаған Айнұр біраз сынақтан өтіп, бүгінде жолдасы Мейрамбек екеуі ата-ана атанды. Айнұр мен баланың жағдайы қалыпты болғаннан кейін дәрігерлердің рұқсатымен күні кеше 23 тамыз Қызылорда қаласының Ана мен бала орталығынан үйге шыққан болатын. Осылайша, жай ғана Instagram желісінде бастау алған қайырымдылық көпшіліктен қолдау тауып, биыл «Жібек жолы» телеарнасынан Ләйлә Сұлтанқызының авторлық бағдарламасы ретінде «Ана болғым келеді» деген атаумен көрерменге жол тартты. Алғашқы маусымда тағы да қайырымды жандардыдың көмегімен алты пациент таңдап алынды. Араға біраз уақыт өткен соң Ләйлә Сұлтанқызы «MARIYAM» деген атаумен қайырымдылық қор ашып, нәтижесінде тағы бес жұп ЭКО бағдарламадан өтуге мүмкіндік алды.Бүгінде жалпы саны 11 жұп ЭКО бағдарламадан өтуде. Жыл соңына дейін бұл көрсеткішті 20-ға дейін жеткізу жоспарда бар. Осы уақытқа дейін 12 эмбрион тасымалы жасалды. Әзірге 3 жүктілік анықталды. ЭКО бағдарламаны жүргізіп, пациенттерге медициналық-моральдік тұрғыда көмек көрсетіп жатқан білікті репродуктолог-дәрігер Алмаз Құрманәліұлының және әріптестері Ботагөз Серікбайқызын, Ислам Дәуренұлының есімдерін атап өтпесе болмас.Осы уақытқа дейін «MARIYAM» қайырымдылық қорының сайтына көмек сұраған жандардан 1000-нан астам хат келіп түсті. Әр хатты біздің дәрігерлер мұқият қарап, хаттың мазмұнын, диагнозын талқылайды. Нәтижесінде диагнозы ауыр, жасы үлкен, бала көтеру мүмкіндігі төмендеу деген қиын жағдайларды таңдайды. Қордың және дәрігерлердің мақсаты – сөніп бара жатқан үмітті қайта жалғау, мүмкін емес деген нәрсені ең әуелі Құдайдың және медицинаның көмегімен мүмкін ету. Қоғамда жиі кездесетін өзекті проблемалардың бірі бедеуліктің санын азайту жолында аудиторияны сауатты ақпараттандыру, осы диагнозға душар болған жұптарға көмек көрсету – «MARIYAM» қайырымдылық қорының басты миссиясы.

«Тегін ЭКО»: Қызылордадағы қуаныш

<a href="https://kyzylorda-news.kz/">Kyzylorda-news.kz.</a> Биыл шілдеден бастап Қызылорда облысындағы барлық балабақша иелері балаларды бақшаға «фейс-бақылау» арқылы кіргізіп жатыр. Жоба пилот режимінде жүзеге асырылуда. Қыркүйектен ресми енгізілмек. Аталған жүйе өз мақсатын орындай ала ма? Бұл сұрақ Қызылорда облысының кәсіпкерлер палатасында жеке балабақша иелерінің қатысуымен өткен кездесуде талқыланды.Шараға Палата директоры Пірмұхаммед Сыздықов, Қазақстанның үздіксіз білім беру Қауымдастығының төрайымы Лейла Куленова, облыстық мәслихат депутаты Балжан Шәменова, облыстық білім басқармасының, қалалық білім бөлімінің өкілдері мен балабақша құрылтайшылары қатысты.Маусымда облыс әкімінің орынбасары Нұрымбет Сақтағановтың төрағалығымен мектепке дейінгі білім беру ұйымдарында бюджет қаражатының мақсатты жұмсалу мен сыбайлас жемқорлық тәуекелдерінің алдын алуға арналған мәжіліс өтеді.&nbsp;Шарада балабақшаларға зерделеу жұмысын жүргізу барысында оған баратын бала санына қатысты кемшіліктердің анықталғаны айтылды. Мәселенің шешімі ретінде балабақшаларға «фейс-бақылау» жүйесін енгізу таңдалады. Осылайша сол шарада қабылданған хаттамамен шілде-тамыз айларында барлық балабақшаға «фейс-бақылау» жүйесі енгізілді.Кәсіпкерлер палатасында өткен кездесуде балабақша иелері пилот жобаның проблемаларын жеткізді.Балабақша иелерінің бірі Салтанат Балжанова тәрбиешілердің негізгі міндетіне зиянын тигізбес үшін «фейс-бақылауды» күнделікті өзі жүргізетінін жеткізді. Ол пилотқа ұсынылған механизмнің ыңғайсыз тұстарына тоқталды.<blockquote>«Бұл жобаны енгізген жағдайдың өзінде жетілдіру керек. Біріншіден, әр баланы «фейс-бақылаудан» өткізу үшін телефонмен суретке түсіріп отыру керек. Оның үстіне кей бала суретке түскісі келмей жылап, қарсылық білдіреді. Менде бір бала басын жаралап, енді бірі кіші дәретін жіберіп қойған жағдай болды. Жақында мобильді қосымша жаңартылды. Міне содан бастап самсунг маркалы телефонмен кіре алмай қалдым. Айфон болуы керек екен. Бұны қалай түсінеміз? Екіншіден, облыстық, қалалық білім басқармасы, бөлімінен нақты құжатпен берсеңіздер тапсырманы. Біз келісімшартқа енгізіп, ата-аналардан ресми рұқсат сұрайық», – деді Салтанат Балжанова.</blockquote>Шараға мобильді қосымшаны құрастырушы «Jsoft» ЖШС өкілі шақыртылған еді, бірақ келмеді.Қазақстанның үздіксіз білім беру Қауымдастығының төрайымы Лейла Куленова бұл қадам балабақшаның жұмысына кедергі келтіріп, балаға қолайсыз болса өзге жол іздеу керек екенін жеткізді.<blockquote>«Фейс-бақылау» болмағанның өзінде балалардың бақшаға нақты баратынын көрсететін өзге де бақылау түрін енгізу керек. Онсыз болмайтынын көріп отырмыз. Бірақ мына пилот жобада қолданған тәсілге өзге альтернатива іздеу керек. Себебі қандай бақылау түрі енгізілсе де ол балабақшаның оқу-тәрбие бағдарламасына зиянын тигізбеуі тиіс. Баланы айтпағанда, үлкендер – біздің өзімізге егов, банк қосымшаларында face id-дің «оңға, солға қара» деген сұраныстары жайсыздық тудырады. Онсыз да таңертең ұйқысы шала баланың көңіл-күйіне әсер етпей қоймайды. Ал ол тәрбиешілердің жұмысына да кедергі болады», – деді Қауымдастық төрайымы.</blockquote>Лейла Куленова бағдарлама құрастырушылары пилот жобаның нәтижелі жүзеге асырылуына мүдделі болуы керек екенін атап өтті.<blockquote>«Ол үшін балабақшаларда көмектесуге әзір. Тек ол тәрбиешілерге де балаларға да ыңғайлы болуы керек», – деді Лейла Куленова.</blockquote>Облыстық білім басқармасының өкілі Зарипа Матжанова өңірде балабақшалардың 95 пайызы осы пилот жоба аясында жұмыс істеп жатқанын айтса, қалалық білім бөлімінің әдіскері Жанат Сәрсенбай облыс орталығындағы 249 балабақшаға түгел пилот жоба енгізілгенін жеткізді.Облыстық білім басқармасының жоспары бойынша қыркүйектен бастап «фейс-бақылау» жүйесі балабақшаларға толық енгізіледі. Оған биылға бюджеттен 97 млн теңге қарастырылған.Облыстық мәслихат депутаты Балжан Шәменова бағдарлама құрастырушыларымен келісімшарт жасау барысында осы жағын ескеруді ұсынды.<blockquote>«Техникалық тұрғыдан бұл жұмыс қалай ұйымдастырылады? Қандай жүйеге кіреді? Оны облыстық білім басқармасы айту керек. Ертең келісімшартқа қалалық, аудандық білім бөлімдері қол қояды. Басқарма оған құзырет берген. Қазіргі келісімшартта «мониторинг жүргізеді» деп қана көрсетілген. Бірақ ол қалай жасалады? Оны көрсетпеген. Мәселе бар», – деді Балжан Шәменова.</blockquote>Кездесу қорытындысымен облыстық білім басқармасына пилот жобаға қатысты айтылған ұсыныс-пікірлер мен кемшіліктерге талдау жасап, нәтижесімен бағдарлама құрастырушыларына жүктелетін техникалық сипаттамада нақты механизмдерін көрсету ұсынылды. &nbsp;

Қызылордада балабақшаларға енгізілген «фейс-бақылау» жүйесі өз мақсатын орындай ала ма?

<a href="https://egemen.kz/article/287552-egin-alqaptarynynh-50-payyzgha-dguyghy-dginaldy">ФОТО</a><a href="https://kyzylorda-news.kz/">Kyzylorda-news.kz.</a> Сыр өңірі басқа аймақтарға қарағанда ауыл шаруашылық саласына халқы мен табиғаты бейім болып келетіні ақиқат. Биыл аймақ басшысының ерекше қолдауымен егісті тұрақты суаруға бөлінген 3,8 миллиард м3 су пайдалану лимитіне сәйкес, барлығы 193,4 мың гектарға ауыл шаруашылығы дақылдары орналастырылған.&nbsp;Өткен жылмен салыстырғанда 4,8 мың гектарға артық егілді. Жалпы, егін жинау науқанына қатысты ақпаратты Өңірлік коммуникациялар қызметінің баспасөз алаңында облыстық ауыл шаруашылығы және жер қатынастары басқармасының басшысы Талғат Дүйсебаев айтты.<blockquote>«Осы жылы облыс бойынша 193,4 мың гектарға ауыл шаруашылығы дақылдары орналастырылды. Оның ішінде, дәнді дақылдар 99,9 мың га, майлы дақылдар 4,5 мың га, мал азықтық дақылдар 69,2 мың га, картоп, көкөніс, бақша 19,8 мың га егілді. Негізгі дақыл күріштің көлемі 89 мың гектарды құрады. Егіс көлемдерін әртараптандыру бағытында 1192 гектарға дән жүгері, 1447 гектарға сүрлем жүгері, 179 гектарға күнбағыс, 64 гектарға соя дақылы, 5 гектарға қант қызылшасы, 195 гектарға қант құмайы егілсе, су үнемдеу технологиясын қолдану арқылы 872,5 гектар жерге ауыл шаруашылығы дақылдары орналастырылды. Сонымен қатар, 4239 бірлік ауыл шаруашылығы техникасы 100%-ға жөндеуден өткізіліп, күзгі егін жинау жұмыстарына қатысуда» деді Талғат Тұрсынұлы.</blockquote>Былтыр күзгі егін жинау жұмыстарын жүргізуге 9,1 мың тонна мемлекет тарапынан арзандатылған дизель отыны бөлінді.Айта кету керек, қазіргі күні облыс шаруашылықтары егін жинау науқаны бойынша ерте егілген дақылдарды жинау жұмыстарын толық аяқтады. Бүгінде 4,3 мың га күздік бидайдан 7 мың тн өнім жиналса, 4,4 мың га жаздық бидайдан 3,2 мың тн өнім жиналған. Ал, 365 га арпадан 209 тн өнім алынды. Ал, аудандармен бірлесіп алдын ала жасалынған кестеге сәйкес, 25 тамызынан күріш жинау басталса, 10 қазанда аяқтау жоспарлануда.

Сыр елі егін жинау науқанына дайын

<a href="https://kyzylorda-news.kz/">Kyzylorda-news.kz.</a> Жаңақорған ауданына қарасты Әбдіғаппар ауылы тұрғындар тарапынан көтерілген мәселелердің бірі елді мекен ішіндегі ыза су деңгейінің көтерілуі болса, биылғы жылы аталған мәселенің шешімі табылды деседе болады.&nbsp;Әбдіғаппар елді мекені аумағында ыза су деңгейін төмендету мақсатында облыстық бюджеттен 50 млн теңге жобасында қаржы бөлініп, қазіргі таңда ШЖҚ «Табиғат» МКК-теңгеріміндегі ұзындығы 13 шақырым болатын «ОК-1-3» ауыл ішілік су қашыртқысына тазалау жұмыстары жүргізіліп жатыр.

Ыза су мәселесі оң шешімін табуда

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев 15-ші БРИКС саммиті аясында өтіп жатқан мемлекеттер басшыларының «БРИКС Плюс» диалогы отырысында сөз сөйледі. Бұл жайында Ақорданың баспасөз қызметі хабарлады.<blockquote>«Бүгінгі саммит БРИКС-тің рөлін елеулі түрде күшейтіп, ашық диалог пен өзара түсіністік негізінде жаһандағы көптеген өзекті мәселені шешуге көмектесе алады. Бұл саммит халықаралық аренадағы жағдай шиеленіскен кезеңде өтіп жатыр. Оның сипаттары саяси қысым жасаудан, конфронтациядан және жаппай санкция салудан көрінеді. Сондықтан мен Шанхай ынтымақтастық ұйымының қазіргі төрағасы ретінде өңіраралық ынтымақтастықтың перспективасы мен ортақ мүдделері туралы көзқарасымызды жеткізгім келеді», деді Қ.Тоқаев.</blockquote>Бұдант соң ол Үндістанның Премьер-министрі Модиді Айдың Оңтүстік полюсіне таяу жерге үндістандық ғарыш аппаратының сәтті қонуымен&nbsp;шын жүректен құттықтады.&nbsp;

Президент әлем елдері басшылары қатысып жатқан саммитте сөз сөйледі

<a href="https://kyzylorda-news.kz/">Kyzylorda-news.kz.</a> Облыс әкімі Н.Нәлібаевтың тапсырмасына сәйкес, бүгін аудан әкімінің өкімімен құрылған арнайы мониторингтік топ Арал қаласындағы әлеуметтік нысандардың жылыту маусымы мен жаңа оқу жылына дайындығын тағы бір мәрте пысықтады.Жұмысшы топтың жетекшісі, аудан әкімінің орынбасары Б. Жұмағұлов, аудандық мәслихат төрағасы Б. Төрахметов, қоғамдық кеңес төрағасы А. Жоланов пен әр салаға жауапты мекеменің басшылары және орынбасарларымен бірге балабақшалар мен мектептерді және колледжді аралады.Ғимараттардың кіре-берісінен бастап, бу қазандықтарына дейін зерделеген жұмысшы топ кейбір нысандардың өртке қарсы дабыл қондырғыларында ақау барын анықтаса, кейбірінің бу қазандығы орналасқан ғимаратта өзге де тұрмыстық тұтыну заттары қойылғандығын сынға алды.Сондай-ақ, нысандардағы жылу жүйесіне жүргізілген ағымдағы жөндеу жұмыстары, отын қорының көлемі мен олардың алдағы жылыту маусымына жеткізілуі де пысықталды.Зерделеуден кейін топ мүшелері міндетті оқу қорынан бөлінетін қаражаттардың мақсатты жұмсалуы мен аз қамтылған және көп балалы отбасылардан шыққан оқушыларға материалдық қолдау көрсету мақсатында ұйымдастырылатын "Мектепке жол" республикалық дәстүрлі қайырымдылық акциясының орындалу барысын нақтылады.Қорытындысымен аралау барысында кемшіліктер анықталған мекеменің басшыларына 2 күн мерзімде ретке келтіру тапсырылды.Әлеуметтік нысандардың әзірлігін зерделеу алдағы күндері де жалғасатын болады.

Арал ауданында жылыту маусымына дайындық пысықталды

<a href="https://kyzylorda-news.kz/">Kyzylorda-news.kz.</a> Қазақта ілгеріден бері қоңыр әңгіме деген тағылымға толы ерекше дәстүрі болған. Бүгінде мұндай кеш аймақта қолға алынды. Себебі қазақтың сөзіндегі қоңырлық – тыңдаған адам тағылым аларлық көрінісі. Мұндай үрдісті Қызылорда облыстық мәдениет және спорт басқармасы жандандырды.&nbsp;Кезекті рухани кештің қонағы Қазақстанның еңбек сіңірген қайраткері, «Парасат» орденінің иегері Алмас Алматов болды. Ал, «қоңыр әңгіме» кешінің тұрақты модераторы айтыскер ақын Мұхтар Ниязов.«Алтынның қымбаты – аздығында» демекші, қара сөзді биік санаған халық «Достық» үйінде бас қосты. Жүз жырау шыққан мекеннің перзенті Алмас Алматов қоңыр әңгімені тыңдауға келген халықты рухани тоқ қылды. «Қазына» атты дастанын дүйім жұртқа әңгімелеп, әзіл аралас мағыналы кешті өрбітті.&nbsp;Бұған қоса, халықаралық дәрежедегі спорт шебері Тимур Сыпатаев қатысып, кез келген ер-азаматтың қолынан келе бермейтін өнерін паш етті. Сондай-ақ, сырбойылық саңлақтар да қоңыр әңгімемен бірге, қоңыр үнмен әнді әуелетіп, сахнада өнер көрсетті.

«Қоңыр әңгіме» барша қазаққа керек

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев Н.Ілиясов және Шаған ауылында тұрғындармен кездесіп, ұсыныс-пікірлерін тыңдады. ІІІ тоқсандағы есепті кездесулерге облыстық мәслихат депутаты Ж.Ембергенов, аудандық ардагерлер кеңесінің төрағасы М.Келдібаев, аудандық Қоғамдық кеңес төрағасы М.Еспенбетов, құқық қорғау қызметкерлері, бөлім және мекеме басшылары қатысты.Аудан басшысы биылғы алғашқы жартыжылдықта ауданда кәсіпкерлік саласы тиісті деңгейде дамып келе жатқанын атады.<blockquote>«Мемлекет басшысының бастамасымен елімізде кәсіпкерлікті дамытуда көптеген мемлекеттік бағдарламалар іске асуда. Соның негізінде, аймақ басшысы ауданға зор қолдау көрсетіп, кәсіппен айналысатын жандарға мол мүмкіндік жасалуда. Жалпы, 2023 жылдың 6 айында мемлекеттік және өңірлік бағдарламалар аясында құны 1,4 млрд теңгені құрайтын 184 жобаға қаржылай қолдау көрсетілді. Биылғы жылдың соңына дейін құны 1,9 млрд теңгені құрайтын 10 инвестициялық жобаны жүзеге асыру жоспарланды. Мемлекет басшысының тапсырмасына сәйкес, халықтың табысын арттыру мақсатындағы «Ауыл аманаты» бағдарламасына қатысуға аудан халқы белсенділік танытуда. Бүгінде бағдарлама аясында 3 млрд теңгені құрайтын 489 жобаның құжаты анықталып, «Байқоңыр» әлеуметтік кәсіпкерлік корпорациясына ұсынылуда. Аймақ басшысының қолдауымен егінге су жеткізіліп, бап-күтімі жасалды. Жақын арада науқандық жұмыстар басталады, – деді Берік Әбдіғаппарұлы.</blockquote>Ауданға қарасты Н.Ілиясов ауылын газдандыруға демеушілік есебінен жоба жасалып, бюджеттік өтінім ұсынылған. Облыс әкімінің бастамасымен өткізілген «Үздік елді мекендер» байқауында іргелі ауыл бірінші орынды жеңіп алды.Ал аудандағы үлкен ауыл – Шағанда А.Атақаев көшесі орташа жөндеуден өтті. Сондай-ақ, ауылдағы 5 көшенің ауыз су құбырлары жаңартылуда. Одан бөлек, биыл елді мекенде электр бағаналарын жаңарту жұмыстары басталмақ.Кездесулерде тұрғындар ұсыныс-пікірлерін жеткізді. Атап айтқанда, елді мекендер халқы инфрақұрылымдық жұмыстар, қоғамдық тәртіп, әлеуметтік салаға қатысты өздерінің мәселелерін айтты. Аудан басшысы ұсыныс-пікірлер негізінде жұмыс жүргізілетінін, мәселелер тұрақты бақылауда болатынын атап өтті.<img src="https://knadmin.beoblood.kz/uploads/370011368_1408368826392672_9154100026775675349_n_abd5642314.jpg" alt="370011368_1408368826392672_9154100026775675349_n.jpg">

Н.Ілиясов пен Шаған ауылында есепті кездесулер өтті

<a href="https://kyzylorda-news.kz/">Kyzylorda-news.kz.</a> Жол жүрісі қауіпсіздігін қамтамасыз ету және жол-көлік оқиғаларының алдын алу бойынша бақылауды күшейту мақсатында ІІМ Автомобиль жолдары комитетімен және «ҚазАвтоЖол» ҰК» АҚ-мен бірлесіп, белгіленген жылдамдық режимін асырған автокөліктерді тіркеу үшін қала сыртындағы жолдарда камераларды пайдалану жөніндегі жүйені іске асырды.&nbsp;«ZEREK-2» бағдарламалық-аппараттық кешені әкімшілік өндірістердің бірыңғай тізілімі жүйесімен интеграцияланған, яғни нұсқамаларды құқықбұзушыларға жіберу автоматты режимде жүзеге асырылатын болады.&nbsp;Бүгінгі таңда «ZEREK-2» Шымкент – Қызылорда автожолдарында, «Самара - Шымкент» &nbsp;жолының 1826/440 шақырымындағы қаланың оңтүстікке шыға берісінде, «Самара - Шымкент» &nbsp;жолының 1913/353 шақырымындағы Бәйгеқұм ауылының тұсында, «Самара - Шымкент» тас жолының 1958/308 шақырымындағы Сунақ ата ауылының тұсына қойылды.&nbsp;Биылғы жылдың жеті айында облыс көлемінде 261жол-көлік оқиғасы тіркелді, онда 58 адам қаза тауып, 330 адам түрлі дәрежедегі жарақат алды.&nbsp;Жоғарыда аталған жолдарда 25 тамыз сағат 00:00-ден бастап «ZEREK-2» кешені штаттық режимде жұмыс атқаратын болады.&nbsp;Осы мүмкіндікті пайдалана отырып, барлық жүргізушілерден жылдамдық режимін және автокөліктер арасындағы қашықтықты қатаң сақтауды сұраймыз.

Қызылордада «ZEREK-2» бағдарламалық-аппараттық кешені іске қосылуда

<a href="https://kyzylorda-news.kz/">Kyzylorda-news.kz.</a> Қармақшы ауданы әкімдігі жанындағы терроризмге қарсы комиссияның ағымдағы жылға арналған жұмыс жоспарына сәйкес аудан әкімі Жандос Еркінбекұлының төрағалығымен кезекті комиссия отырысы өтті.Комиссия отырысына ауданның мекеме басшылары мен комиссия мүшелері қатысты. Күн тәртібіндегі бірінші мәселе бойынша жастар, маргинал жастар және өз бетінше еңбекпен қамтылған жастар арасындағы діни экстремизм мен терроризм профилактикасы туралы және діни экстремизм мен терроризм профилактикасы бағытындағы әлеуметтік жобалардың іске асырылуы туралы тиісті мекеме басшысы баяндама жасап, жұмысты жетілдіру бағытындағы ұсыныстарын жеткізді.Жиын қорытындысымен айтылған ұсыныс-пікірлер талқыланып, жауапты мекеме басшыларына тапсырмалар берілді.

Қармақшыда терроризмге қарсы комиссия отырысы өтті

<a href="https://kyzylorda-news.kz/">Kyzylorda-news.kz.</a> Ақжар ауылдық С.Бөртебайұлы атындағы клуб үйінде К.Рүстембеков атындағы Жыраулар үйінің «Рүстембек жырау» үйірмесінің жетекшісі, дәстүрлі жыраулық өнерді насихаттаушы, жыршы- ұстаз Балтабай Бедебаевтың шығармашылық жыр концерті жоғары деңгейде ұйымдастырылды.&nbsp;Шығармашылық жыр концертті Ақжар ауылының әкімі Нұржамал Бектайқызы салтанатты түрде ашып, лебізін білдірді. Өнер мен мәдениеттің мәртебесін көтеріп, бабалардың жыр мұрасын дәріптеген Балтабай жырау Сыр сүлейлері Базар Оңдасұлының, Омар Шораяқұлының, Тұрмағамбет Ізтілеуұлының тағы басқа өнер өкілдерінің жырларын Сыр мақамдарында нақышына келтіре орындап, жырдан шашу шашты. Балапан кезінен соңынан ерген талантты, дарынды шәкірттері Балтабай Талант, Шалқарова Іңкәр, Сағатова Нұрсезім, Тұрабаева Аружан, Бекжалғас Ұлбосындар, қазіргі таңда Алматы қаласындағы Құрманғазы атындағы Қазақ Ұлттық консерваторияның студенті Хасенова Фаризалар да көрермендер көзаймына айналды. Өнер иесінің жыр концертіне арнайылап келген ұжымдастары Дінислам Тоқсанбаев, Әлішер Мырзағалиев, Алмат Азаматовтар да Сырдың сұлу мақам саздарымен Ақжар аспанын жырмен әуелетті.«Ауылына қарап азаматын таны» дегендей өнер иесінің шығармашылық жыр кешіне мектеп ұжымы, емхана ұжымы, «Ораз ЛТД» шаруашылық ұжымдары тағы басқа ел азаматтары белсене атсалысты.Сонымен қатар Қармақшы аудандық мәдениет және спорт бөлімінің басшсы Ержанов Дәурен Дауылбекұлы «Сыр елі- жыр елі» атты киелі өлкенің дәстүрлі жыраулық өнерінің дамуы мен насихаттаулын абыроймен атқарып, ауданымыздың, облысымыздың қоғамдық- саяси, мәдени рухани өміріне белсене араласып, жас ұрпақты дәстүрлі жыраулық өнерге тәрбиелеуде жемісті еңбек етіп жүрген Бедебаев Балтабай Хасенұлына арнайы алғысын білдірді.

Ақжар ауылында шығармашылық жыр концерт өтті

<a href="https://kyzylorda-news.kz/">Kyzylorda-news.kz.</a> Жаңадан салынатын мектептердің барлығында лифті болады. Бұл туралы Оқу-ағарту министрлігі Қаржы және бюджеттік жоспарлау департаментінің директоры Ғалымжан Молдаш айтты.<blockquote>«Денсаулық сақтау министрлігінің мәліметінше, өкінішке орай соңғы жылдары оқушылар арасында сколиоз 2 есеге артты. Оның себебінің бірі - оқушылардың бойы мен жас ерекшеліктерін ескермей мектеп жиһазына отырғызу. Сондықтан мектеп жиһаздары жылжымалы және оқу процесінің нақты мақсаттары мен міндеттеріне бейімделуі тиіс. «Жайлы мектеп» ұлттық жобасы аясында жиһаздарға басты назар аударылды. Сонымен қатар балаларға физикалық жүктемені азайту және ыңғайлы болуы үшін оқу құралдары ауыстырылып, киім сақтауға арналған жеке шкафтар барлық мектепте қарастырылатын болады. Жайлы мектептің әрбір қабатында ауыз су бұрқақтары орнатылады» деді ол Білім саласы қызметкерлерінің республикалық тамыз кеңесінде.</blockquote>Сонымен қатар ол ерекше қажеттілігі бар балаларға жағдай жасау үшін әрбір мектеп пандус және көтергіштермен, лифтілермен, санитарлық тораптармен жабдықталатынын айтады.<blockquote>«Қазіргі уақытта мектептердің бірде-бірінде лифті жоқ. Сондықтан енді салынатын барлық мектеп балаларға жағдай жасау үшін лифтілермен, құрылғылармен міндетті түрде жабдықталады. Ұлттық жобаны іске асыруға 30-дан астам мемлекеттік орган мен ұйымдар жұмылдырылған. Олардың әрқайсысының рөлі мен жауапкершілігі айқындалған. Оқу-ағарту министрлігінің рөлі – ұлттық жобаны сапалы іске асыруда әдіснамалық сүйемелдеу және бақылау. Мектептерді сапалы салу және оларды уақытында пайдалануға беру жауапкершілігі «Samruk-Kazyna Construction» мен өңір әкімдіктеріне жүктелген» деді Ғалымжан Молдаш.</blockquote>

Қазақстан және Қызылорда облысының жаңалықтары