<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен актив отырысында әріптестері ҚР Ақпарат саласының үздігі, облыстық «QYZYLORDA» телеарнасының директоры Жағыппар Қарабаланы зейнетке шығарып салды.Аймақ басшысы Жағыппар Аманжолұлын құттықтап, Сыр елінің телевизия саласына қосқан сүбелі үлесі үшін алғыс білдірді.<blockquote>«Құрметті Жағыппар Аманжолұлы, сіз басшылық жасаған жылдар ішінде облыстық телеарна бәсекеге қабілетті, қаржылық жағдайы тұрақты, телевизиядағы соңғы тенденцияларды батыл меңгерген арналар санатына қосылды. 2005 жылы небәрі 8 сағат эфирге шыққан телеарна бүгінде тәулігіне 14,5 сағат үзіліссіз хабар таратады. Жағыппар Аманжолұлы, сіз білікті мамандар тәрбиелеп шығарған мықты ұстазсыз. Телеарна қабырғасынан түлеген Дана Рысмұхамедова, Ғалымжан Бәйімбет, Құрманәлі Қалмахан, Бағдат Әбдіқожаева, Нұрбек Әмиша, Рауан Мыңбаев секілді 50-ден астам журналистер мен телеоператорлар шетелдерден жаңалық таратып, республиканың беделді БАҚ-тарында абыройлы қызмет етуде. Сіздің шәкірттеріңіз тек БАҚ саласында емес. «Сыр жұлдыздары», «Таңшолпан» тележобалары арқылы бүгінде халықтың сүйікті әншісіне айналған жұлдыздардың өнердегі тұсауын да өзіңіз кестіңіз. Қазіргі қазақ эстрадасының көрнекті өкілдері Гүлнұр Оразымбетова, Мәдина Сәдуақасова, Өмірқұл Айниязов, Бибігүл Жанұзақ, Алмас Кішкенбаев және өзге де өнер жұлдыздары – сіздің продюсерлік қызметіңіздің жемісі», – деді Нұрлыбек Машбекұлы.</blockquote>Сыр бойындағы руханият саласының дамуына қосқан ерекше үлесі үшін Жағыппар Аманжолұлына Қызылорда облысының «Құрмет» грамотасы табысталды.Жиында Астанадан арнайы келген «Qazaqstan» республикалық телерадиокорпорациясы басқарма төрайымының орынбасары Азамат Кеңесұлы Жағыппар Қарабаланы марапаттап, телеарнаның жаңа директорын таныстырды.«Qyzylorda» телеарнасының басшылығына «Болашақ» бағдарламасының түлегі, осыған дейін ҚР Мәдениет және ақпарат министрінің баспасөз қызметін басқарған Нұрбек Әмиша тағайындалды.Нұрбек Шынтемірұлы 1982 жылы 5 маусымда Қызылорда облысында дүниеге келді. 2004 жылы Қорқыт Ата атындағы Қызылорда мемлекеттік университетін бітірген. 2017-2018 жылдары Ұлыбританияның Лидс университетінде магистратурада оқып, «Саяси қатынастар магистрі» атағын алған.Еңбек жолын «Халық», «Сыр бойы», «Айқын» газеттерінде тілші қызметінен бастады. «Қазақстан-Қызылорда» телеарнасында редактор, «Qazaqstan» Ұлттық телеарнасында сарапшы, «Хабар» телеарнасында бас редактор, «Bilim Media Group» компаниясы және Ұлттық аударма бюросында әдеби редактор қызметтерін атқарды. «Болашақ» Халықаралық бағдарламалар орталығы» АҚ баспасөз хатшылығының басшысы, «Сан-Ай пресс» ЖШС-да бас директордың орынбасары, ҚР Ақпарат және қоғамдық даму министрлігінің баспасөз хатшысы болып еңбек етті.Іс-шара соңында ақын, журналист, «Қызылорда қоғамдық телерадиокомпаниясының» құрылтайшысы Шәкизада Әбдікәрімов, Қазақстан Журналистер одағы облыстық филиалының төрағасы, «Сыр медиа» ЖШС бас директоры Аманжол Оңғарбаев, ардагер журналист Айткүл Шалғынбаева Жағыппар Аманжолұлын құрметті демалысқа шығуымен құттықтап, телеарнаның жаңа директорына сәттілік тіледі.<figure class="image"><img src="https://knadmin.beoblood.kz/uploads/391705060_624683716519543_5668978948896187153_n_bc6767350e.jpg" alt="391705060_624683716519543_5668978948896187153_n.jpg"></figure>&nbsp;<figure class="image"><img src="https://knadmin.beoblood.kz/uploads/391728236_624683563186225_4300991964241251557_n_25e425a358.jpg" alt="391728236_624683563186225_4300991964241251557_n.jpg"></figure>&nbsp;<figure class="image"><img src="https://knadmin.beoblood.kz/uploads/391710710_624683779852870_8912434475147142201_n_11cc7b5276.jpg" alt="391710710_624683779852870_8912434475147142201_n.jpg"></figure>&nbsp;<figure class="image"><img src="https://knadmin.beoblood.kz/uploads/391732667_624685606519354_533857582555016571_n_07e1fe68d2.jpg" alt="391732667_624685606519354_533857582555016571_n.jpg"></figure>&nbsp;<figure class="image"><img src="https://knadmin.beoblood.kz/uploads/391686652_624683459852902_6780470424040201844_n_6eea4687f2.jpg" alt="391686652_624683459852902_6780470424040201844_n.jpg"></figure>&nbsp;<figure class="image"><img src="https://knadmin.beoblood.kz/uploads/391714607_624683356519579_7974594510089128423_n_66f05ca906.jpg" alt="391714607_624683356519579_7974594510089128423_n.jpg"></figure>&nbsp;<figure class="image"><img src="https://knadmin.beoblood.kz/uploads/391655848_624683593186222_2953582588318640394_n_f92e71e502.jpg" alt="391655848_624683593186222_2953582588318640394_n.jpg"></figure>

 Облыстық «Qyzylorda» телеарнасының жаңа директоры тағайындалды

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда қалалық филиалының Қоғамдық қабылдау бөлмесінде «Ауыл аманаты» жобасы аясында ашық есік күні өтті.Жобаның негізгі мақсаты – ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу.&nbsp;Ашық есік күні аясында партияның қалалық филиалының Атқарушы хатшысы Гүлшат Мұсаева және қалалық ауылшаруашылығы мен жер қатынастары бөлімінің сектор меңгерушісі Есмағамбетова Жадыра тұрғындардың өзекті сауалдарына түсіндірме жұмыстарын жүргізді.Айта кетейік, «Ауыл аманаты» жобасы бойынша ауыл тұрғындары өз бизнесін дамытуға немесе кооператив құрамында жеңілдетілген несие ала алады, сондай-ақ техниканы лизингке рәсімдеуге болады. Қарыз алу шарттары да өте тиімді, себебі ондағы пайыздық мөлшерлеме әлдеқайда төмен.- несие/микронесие мерзімі – 5 жыл, ал мал шаруашылығы және ауыл шаруашылығы кооперативтерін құру саласындағы жобалар бойынша 7 жылға дейін;- шағын несиенің ең жоғарғы сомасы - 8.6 млн теңге, ауыл шаруашылығы кооперативтері үшін 27.6 млн теңгеге дейін;- сыйақы мөлшері жылына 2.5 пайыздан аспайды.

«Ауыл аманаты» жобасы аясында ашық есік күні өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында мемлекет және қоғам қайраткері, Социалистік Еңбек Ері Исатай Әбдікәрімовтің 100 жылдығына арналған іс-шаралар өтуде. Еске алу іс-шаралары облыс әкімдігіндегі «Исатай Әбдікәрімов: Азамат. Тұлға. Қайраткер» атты ғылыми-танымдық конференциядан басталды.Ұлт қайраткерін ұлықтауға арналған конференцияға құрметті қонақ ретінде ҚР Ұлттық Ғылым академиясының академигі Мұрат Жұрынов, ҚР Инженерлік академиясының академигі Тұрлыбек Искаков, боксшы, КСРО еңбек сіңірген спорт шебері Серік Қонақбаев, ҚР Ұлттық Қауіпсіздік комитетінің генерал-лейтенанты Олег Бижанов, еліміздегі қаржы институтының дамуына үлес қосқан қайраткер Ерлан Татишев, мемлекет және қоғам қайраткерлері, зиялы қауым өкілдері, Исатай Әбдікәрімұлының ұрпақтары, туған-туыстары мен үзеңгілес інілері қатысты.&nbsp;Облыс әкімі Нұрлыбек Нәлібаев аймақтың 85 жыл мерейтойын атап өтуде ғылыми-танымдық, мәдени-көпшілік шараларға негізгі басымдық берілгенін айтты. Оның ішінде, облыстың дамуында өзіндік қолтаңбасы бар азаматтар есімін ұлықтауға арналған тағылымды шаралардың орны ерекше.&nbsp;<blockquote>«Исатай ағамыз Қызылорда облысын басқарған тұста елге сіңірген еңбегі үшін жұртшылықтың ерекше сүйіспеншілігіне ие болды. Қызылорда облысы &nbsp;Кеңес Одағы бойынша күріштің 25 пайызын өндіріп, ырысты, күрішті Сыр еліне айналды. Исатай Әбдікәрімұлының тұсында шаруашылық басшылары, күрішшілер, малшылар, механизаторлар, жалпы саны 6 адам Социалистік Еңбек Ері атағын алды. Ағамыз Қазақ ССР Жоғарғы Кеңесі Президумының Төрағасы қызметінде де абыройлы болды. Қай қызметте жүрсе де қайраткерлік қабілетін көрсетті. Облысымыздың шежіресіндегі даму үрдістері бүгін де жалғасуда. Күні кеше Мемлекет басшысы Қасым-Жомарт Кемелұлы Тоқаев арнайы жұмыс сапарымен келіп, өңірдің әлеуметтік-экономикалық дамуымен танысты. Зиялы қауым қатысқан конференцияны пайдаланып, Президентіміздің өңір халқына деген ыстық ықыласын, бірлесіп атқарған жұмысымызға берген жоғары бағасын өздеріңізге жеткізгім келеді. Бұл баға – елдің бірлігі мен тату тірлігінің нәтижесі және ағаларымыз салып берген сара жолдың сабақтастығы деп білемін», – деді аймақ басшысы.</blockquote>Жиында ҚР Парламенті Сенатының Төрағасы Мәулен Әшімбаев пен ҚР Парламенті Мәжілісінің Төрағасы Ерлан Қошановтың, &nbsp;Өзбекстан Республикасының мемлекеттік және саяси қайраткері Мұрат Камаловтың арнайы құттықтау хаттары оқылды.Конференцияда академиктер Мұрат Жұрынов, Тұрлыбек Искаков, облыстық мәслихат төрағасы Наурызбай Байқадамов, Қорқыт Ата атындағы Қызылорда университетінің проректоры Жандос Базартай, қоғам қайраткері Ибрагим Әбибуллаев баяндама жасады. Іс-шара соңында Исатай Әбдікәрімовтің қолжазбаларынан жинақталған жаңа кітаптың &nbsp;тұсаукесері ұйымдастырылды.Айта кетейік, қайраткердің ғасырлық тойын атап өту аясында И.Әбдікәрімов атындағы Қызылорда аграрлық-техникалық жоғары колледжіндегі ескерткішке гүл шоқтарын қою рәсімі өтті. Мұнан әрі &nbsp;арнайы ас беріледі.<figure class="image"><img src="https://knadmin.beoblood.kz/uploads/384201982_624632746524640_3116967002110851100_n_e00a0e75c1.jpg" alt="384201982_624632746524640_3116967002110851100_n.jpg"></figure>&nbsp;<figure class="image"><img src="https://knadmin.beoblood.kz/uploads/384201969_624632933191288_1110286736754142562_n_2d99fa8202.jpg" alt="384201969_624632933191288_1110286736754142562_n.jpg"></figure>&nbsp;<figure class="image"><img src="https://knadmin.beoblood.kz/uploads/387828685_624633013191280_6975795141036641231_n_c359834b57.jpg" alt="387828685_624633013191280_6975795141036641231_n.jpg"></figure>&nbsp;<figure class="image"><img src="https://knadmin.beoblood.kz/uploads/387785944_624632899857958_6921535215382380215_n_adef5ded8c.jpg" alt="387785944_624632899857958_6921535215382380215_n.jpg"></figure>

Сыр елінде Исатай Әбдікәрімовті еске алу шарасы өтті

<a href="https://kyzylorda-news.kz/">Kyzylorda-news.kz.</a> Қармақшы ауданы орталығында «Кәусар» балалар ойын-сауық орталығы ашылды. Жеке кәсіпкер Талғат Пернебаев ойын орталығын өз қаражат есебінен ашты.Орталық “Керемет” сауда үйінің екінші қабатында орналасқан. Ойын-сауық орталығында балалардың уақытын қызықты да көңілді өткізуіне арналған батутты аймақ, лабиринттер, ойын комплекстері мен әткеншектер, сырғанақ, өрмелеуіш сынды заманауи үлгідегі ойын құрылғыларымен жабдықталған және тамақтану (фаст фуд) қызметі де ұсынылады.&nbsp;<img src="https://knadmin.beoblood.kz/uploads/391684557_1513014852796448_8682953970308115832_n_7edf7c6f0f.jpg" alt="391684557_1513014852796448_8682953970308115832_n.jpg">

Ойын-сауық орталығы ашылды

<a href="https://kyzylorda-news.kz/">Kyzylorda-news.kz.</a> Қызылорда облысында үшем дүниеге келді.Қызылордалық 30 жастағы тұрғын Алтынай Байназарова перинаталдық орталықта үшемді дүниеге әкелді. Жүктіліктің 34-аптасында өмiрге келген нәрестелердің салмағы - 1 390, 2 090, 2 180 грамм. Олардың үшеуі де қыз бала. Ата-әжелері үшемге Әмина, Медина, Ясина деп ат қойды. Нәрестелер 1 ай бойы перинаталдық орталықтың нәрестелер жансақтау, нәрестелер патологиясы бөлімшесінде ем қабылдады. Қазіргі кезде анасымен бірге үйіне шығарылды.<blockquote>«Дәрігерлерге зор алғысымды білдіремін. Орталықта ана мен бала үшін қолайлы жағдай жасалған. Перзентхана заманауи жабдықтармен қамтамасыз етiлген» деді Алтынай Байназарова.&nbsp;</blockquote>

Қызылордада үшем дүниеге келді

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде «Мен таңдаған мамандық» байқауы ұйымдастырылды. Білім алушылар «Таныстыру», «Сұрақ-жауап», «Үй жұмысы» және «Тағамдар көрмесі» кезеңдері бойынша сынға түсті.Байқау студенттердің «Азық-түлік өнімдерінің технологиясы» мамандығына деген қызығушылығын арттыру, саланың маңыздылығын түсіндіру мақсатында ұйымдастырылды.Сайысқа «I steak», «Milkshake» &nbsp;және «Vanil Life» топтары қатысып, сынға түсті. Нәтижесінде ұмыт қалған ұлттық тағамдарды әзірлеуімен ерекшеленген «Milkshake» тобы жеңіске жетті.<blockquote>«Сапалы тамақ – ел тұрғындары денсаулығының кепілі. Сондықтан тамақ өнеркәсібі технологы мамандығы әрдайым сұраныста. «Азық-түлік өнімдерінің технологиясы» білім беру бағдарламасының мақсаты – еңбек нарығының қазіргі заманғы талаптарына сәйкес инновациялық өнімдерге бағытталған, бәсекеге қабілетті мамандарды даярлау», – деді университеттің ғылыми жұмыстар және халықаралық байланыстар жөніндегі проректоры Майнұр Бөрібаева.</blockquote>Ауқымды шараға студенттер, өндіріс өкілдері, жұмыс берушілер және мектеп оқушылары қатысты. Бүгінде университетте 10 мыңнан астам білім алушы болса, оның ішінде «Азық-түлік өнімдерінің технологиясы» мамандығы бойынша 234 студент оқуда. Биыл осы мамандықты таңдағандар саны 100-ден асты. &nbsp;<figure class="image"><img src="https://knadmin.beoblood.kz/uploads/P2444691_995ad72856.jpg" alt="P2444691.jpg"></figure>&nbsp;<figure class="image"><img src="https://knadmin.beoblood.kz/uploads/P2444315_4ebe2786e7.jpg" alt="P2444315.jpg"></figure>

«Мен таңдаған мамандық» байқауының жеңімпаздары анықталды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы аудан әкімдігінің мәжіліс залында халықаралық жарыстарда жүлделі орындарды иеленген аудан спортшыларын қабылдап, марапаттады.<blockquote>«Байрақты бәсекелерде көк туымызды көкке көтеріп, Әнұранымыздың асқақ шырқалуы мына отырған сіздердің талмай жаттығып, мақсатқа жету жолындағы маңдай терлеріңізбен келеді. Мен аудан әкімі ретінде де, әкімдік тарапынан да әрдайым қолдау білдіреміз. Біз сіздердің жеңісті жолдарыңызға жол ашамыз және сіздердің жеңіс жолдарын жаңғыртып, аудан абыройын асқақтата беретіндеріңізге сенемін. Еліміздің мерейін асырып, абыройын тасытатын өздеріңізге мұқалмас жігер мен қажымас рух тілеймін» дейді &nbsp;аудан әкімі.</blockquote>Естеріңізге сала кетсек, ағымдағы жылдың 25 тамыз-1 қыркүйек күндері аралығында Алматы қаласында пара армрестлингтен спорт түрінен өткен әлем чемпионатында жерлесіміз Мұхамедияров Азамат 65 кг салмақта жеңімпаз атанса, 2023 жылдың 28-31 тамыз күндері аралығында Босния және Герцеговина мемлекетінің астанасы Сараево қаласында өткен жасөспірімдер арасында таеквондодан 42 кг салмақта Толыбай Дінмұхаммед әлем чемпионатының қола жүлдегері, Ливан мемлекетінің астанасы Бейрут қаласында өткен Азия чемпионатында ІІ-орынды иеленген. 2023 жылдың 4-6 қазан күндері Қырғызстан мемлекетінің Бішкек қаласында өткен жастар арасында самбодан Әлем чемпионатында 65 кг салмақ дәрежесінде Рүстемова Әсемай қола жүлдегері атанды. Сонымен қатар, Өзбекстан Республикасының Хиуа қаласында жасөспірімдер арасындағы гір спортынан өткен әлем чемпионатында Еркебұлан Кәжденбек және Саят Әміртай қола жүлдегерлері болды. 2023 жылдың 23 қыркүйек күні қазақ күресінен 2-ші рет өткізілген облыстық «Бала барысы-2023» турнирінде Алиасқаров Алихан екінші рет жеңімпаз атанған болатын.

Қармақшы ауданының әкімі чемпиондарды қабылдады

<a href="https://kyzylorda-news.kz/">Kyzylorda-news.kz.</a> Сыр өңіріне жұмыс сапарымен келген «Help Today» қоғамдық қорының төрағасы, «Қазақстан халқына» қоғамдық қорының құрылтайшысы, Қамқоршылық кеңесінің мүшесi Алиева Эльмира Айташқызына аудан әкімі Мұрат Жолкелдіұлы Тілеуімбетов жаңадан құрылысы басталып жатқан «Қамқорлық» оңалту орталығының жұмысымен таныстырды.Орталықта 3 жастан 18 жасқа дейінгі балалардың сауығып кетуіне барлық жағдай жасалады. Атап айтқанда емдік дене шынықтыру бөлмесі, массаж жасау, ойын бөлмелері мен оңалту құралдары секілді керек жарақпен толық қамтамасыз етіледі.Одан бөлек монтессори педагогикасы науқастардың үй жағдайына бейімделуіне көмектеспек.Сондай-ақ орталықта музыка, ойын терапиялары, асханасы да заманауи жабдықталады.Айта кетейік, қазіргі таңда Жаңақорған ауданында 500-ге жуық бала неврологиялық және туа бітті сал аурумен арнайы есепте тұрады.

Жаңақорғанда балаларды оңалтуға арналған қамқорлық орталығы ашылмақ

<a href="https://kyzylorda-news.kz/">Kyzylorda-news.kz. </a><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет»</a> РМК-сы бүгінгі күнге арналған ауа райы болжамын жариялады.ҚР басым бөлігінде күн құбылмалы болады, осыған байланысты жауын-шашын (жаңбыр, қар) жауады. Елдің солтүстік-батысында, оңтүстік-шығысында күн жауын-шашынсыз. Республика бойынша екпінді жел тұрып, түнгі және таңертеңгі сағаттарда тұман түседі.

12 қазанға арналған ауа райы болжамы

Kyzylorda-news.kz. Бүгін Жалағаш ауданында облыс әкімі Нұрлыбек Нәлібаевтың төрағалығымен өткен актив отырысында &nbsp;ауданның жаңа басшысы таныстырылды.Облыс әкімінің өкімімен, Қазақстан Республикасы Президенті Әкімшілігі және Жалағаш аудандық мәслихатының келісімдері бойынша Жалағаш ауданының әкімі лауазымына Ибраимов Ардақ Әбдіғаппарұлы тағайындалды.Аймақ басшысы &nbsp;ауданның бұрынғы әкімі Асқарбек Есжановқа алғыс білдіріп, жаңа әкімнің қызметіне сәттілік тіледі.<blockquote>«Ардақ Әбдіғаппарұлы &nbsp;Мемлекет басшысының тапсырмалары мен алға қойған міндеттерді жоғарғы деңгейде жүзеге асырып, &nbsp;нәтижелі жұмыстар мен игі бастамаларды одан әрі дамытуда аянбай жұмыс жасайды деп сенемін. Биылғы жылдың қорытындысымен дамудың барлық макроэкономикалық көрсеткіштері бойынша оң параметрлерге қол жеткізуді тапсырамын. Инвестиция тарту, салық базасын ұлғайту, қоғамдық-саяси тұрақтылықты сақтау, жаңа жұмыс орындарын ашу және кәсіпкерлікті дамыту бойынша нақты жұмыстар жүргізу қажет. Кезінде бұл аудан «Күріш фабрикасы» атанған. Қазір де сол деңгейді жоғалтпай, ауыл шаруашылығы саласын дамыту жағынан алдыңғы қатардан көрініп келеді. Аймақтың әлеуметтік-экономикалық ахуалын жетік меңгерген маман ретінде ауданның осы ерекше потенциалын пайдалану керек», - деді Нұрлыбек Машбекұлы.</blockquote>Жиында ел ағалары Ардақ Ибраимов пен Асқарбек Есжановты жаңа қызметтерімен құттықтап, ізгі тілектерін білдірді. Ардақ Әбдіғаппарұлы 1986 жылы Қызылорда қаласында дүниеге келген. Қорқыт Ата атындағы Қызылорда мемлекеттік университетін «Мұнай мен газ кен орындарын игеру», «Болашақ» университетін «Құқықтану», «Мемлекеттік және жергілікті басқару», &nbsp;Қызылорда гуманитарлық университетін «Қаржы» мамандықтары бойынша бітірген.&nbsp; Еңбек жолын 2006 жылы «Казгермұнай» жауапкершілігі шектеулі серіктестігінде инженердің көмекшісі болып бастаған. Әр жылдары мұнай және құрылыс компанияларында қарапайым жұмысшыдан басшылық лауазымдарға дейін қызметтерде болған. 2019-2020 жылдары Қызылорда қаласы әкімі аппаратының персоналды басқару қызметінің басшысы, Қызылорда қаласы әкімінің кеңесшісі лауазымдарында қызмет атқарған. 2020-2022 жылдары Қызылорда қаласына қарасты Белкөл кентінің әкімі ретінде тұрғындардың өзекті мәселелерін шешу жолында аянбай еңбек етті. 2022-2023 жылдары Қызылорда облысы әкімдігінің&nbsp; іс басқармасының директоры қызметінде нәтижелі жұмыс көрсетті.2023 жылдың ақпан айынан бастап Қызылорда облысы әкімі аппараты басшысының орынбасары қызметін атқарып келді.&nbsp;

Жалағаш ауданының әкімі тағайындалды 

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты актив отырысында облыстық білім басқармасының жаңа басшысы таныстырылды.ҚР Оқу-ағарту министрлігі мен ҚР Мемлекеттік қызмет істері агенттігінің келісімдері және облыс әкімінің өкіміне сәйкес Қызылорда облысының білім басқармасының басшысы лауазымына Есжанов Асқарбек Темірбекұлы тағайындалды. Облыс әкімі жаңа басшыны құттықтап, алдағы міндеттерін атап өтті.<blockquote>«Мемлекет басшысының Жолдауларынан білім саласына қатысты туындайтын міндеттер мен «Білімді ұлт» ұлттық жобасы аясында белгіленген индикаторларға мерзімінде әрі сапалы қол жеткізу қажет. Баршаңызға белгілі, білім саласына жұмсалған қаржы – ертеңгі күнге салынған ең құнды инвестиция. Осы ретте Асқарбек Темірбекұлына бөлінген қаржының әрбір тиынының тиімді жұмсалуына қатаң бақылау орнатуды тапсырамын.&nbsp;Асқарбек Темірбекұлы барлығыңызға жақсы таныс. Мемлекеттік қызметтің барлық сатысынан өткен, білім-білігі жоғары, әлеуеті зор кадр. Түрлі салаларда жинаған мол тәжірибесімен, ұйымдастырушылық қабілетімен ел дамуы жолында аянбай еңбек ететін мықты маман, тегеурінді басшы ретінде өзін көрсете білді. &nbsp;Бұған дейін де осы салада еңбек етіп, мол тәжірибе жинаған маман ретінде сізге күрделі де жауапты жұмыста жоғары нәтижелер мен көрсеткіштерге қол жеткізеді деп сенім білдіреміз», – деді Нұрлыбек Машбекұлы.</blockquote>Актив отырысында облыстық ардагерлер кеңесінің төрағасы Серік Дүйсенбаев Асқарбек Есжановқа жаңа қызметінде сәттілік тіледі. Асқарбек Темірбекұлы 1978 жылы Жалағаш ауданында дүниеге келген. Еңбек жолын 1999 жылы Қызылорда экология және құқық колледжінің оқытушысы болып бастаған. Әр жылдары облыстық мәдениет басқармасында, облыстық білім департаменті мен соттар әкімшісінде түрлі жауапты лауазымдарда қызмет атқарған.2007-2010 жылдары Қызылорда қалалық білім беру бөлімі бастығының орынбасары, Қызылорда қаласы әкімі аппаратының ұйымдастыру-бақылау және кадр жұмыстары бөлімінің бастығы болған. 2010-2015 жылдары Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім меңгерушісі, Қызылорда қаласы әкімі аппаратының басшысы лауазымдарында қызмет атқарған. 2015-2020 жылдары Қызылорда қалалық білім бөлімінің, Қызылорда қалалық мәслихат аппаратының, Қызылорда қаласының мәдениет және тілдерді дамыту бөлімінің басшысы қызметтерінде жемісті еңбек етті. 2020-2022 жылдары Қызылорда қаласы әкімінің орынбасары, Қызылорда облысының мәдениет, архивтер және құжаттама басқармасының басшысы ретінде нәтижелі жұмыс көрсетті.2022 жылдың сәуір айынан бастап Жалағаш ауданының әкімі қызметін атқарып келді. &nbsp;

Қызылорда облысының білім басқармасының басшысы тағайындалды

<a href="https://vecher.kz/dlya-chego-nuzhna-fortifikatsiya-muki">ФОТО</a><a href="https://kyzylorda-news.kz/">Kyzylorda-news.kz.</a> Қызылорда облысында &nbsp;бірінші сортты наубайханалық ұн 35,2%-ға қымбаттады, деп хабарлайды <a href="https://kaz.inform.kz/">Kazinform.</a>&nbsp;Сыр өңірінде табиғи-климаттық ерекшілігіне сәйкес азықтық астық өндірілмейді. Сол себепті ұн еліміздің бидай өндіруші өңірлерінен тасымалданады.&nbsp;<blockquote>«Облыс тұрғындарының сұранысын қанағаттандыру мақсатында ұн Қостанай, Ақмола, Қарағанды, Солтүстік Қазақстан облыстарынан жеткізіледі. Қыркүйек айының екінші онкүндігінде елімізде ұн бағасының өсуі байқалады. Мұндай жағдай Қызылорда облысында да көрініс берді. Облыста көтерме ұн жеткізушілердің қоймасында І сортты наубайханалық ұн 170 теңгеден сатылған еді. Енді ол 35,2%-ға қымбаттап, 230 теңгеге жетті», - деп мәлім етті облыстық ауыл шаруашылығы басқармасынан.</blockquote>Облыста бірінші сортты бидай ұны мен әлеуметтік нан бағасын тұрақтандыру мақсатында тұрақтандыру қорына Қостанай облысының «Қазақ ұны» ЖШС-мен келісі 128 теңгеден 4 760 тонна ұнға келісімшарт жасалған.&nbsp;<blockquote>«Бүгінде осы көлемнен 1 451,7 тоннасы жеткізіліп, наубайханаларға 128 теңгеден таратылып жатыр. Тұрақтандыру қорына әлі де жеткізілетін 3 308,3 тонна ұн бар. Бұл өз кезегінде нан бағасын тұрақты ұстауға мүмкіндік береді деп жоспарлануда. Облыстың 7 ауданы және қаланың қоймаларында наубайханалық ұн 618 тоннаны құрап отыр.&nbsp; Қазіргі уақытта ҚР Ауыл шаруашылығы министрлігі мен «Азық-түлік келісімшарт корпорациясы» ҰК» АҚ және облыс әкімдігі тарапынан өңірге 3 631,8 тонна астық көлемін бөлу жөнінде меморандумға қол қойылды. Облыс нарығында бірінші сортты бидай ұнына тапшылық байқалмайды», - деп атап өтті басқармадан.&nbsp;</blockquote>

Қазақстан және Қызылорда облысының жаңалықтары