<a href="https://kyzylorda-news.kz/">Kyzylorda-news.kz.</a>&nbsp; 25 қазан - Республика күні мерекесі қарсаңында партия белсенділері «AMANAT» партиясының «Белсенді қызметі үшін» төсбелгісі және партия Төрағасы, Ерлан Жақанұлы Қошановтың «Құрмет» грамотасымен марапатталды.«Белсенді қызметі үшін» төсбелгісімен марапатталғандар қатарында партия ардагері, «AMANAT» партиясы Шиелі аудандық филиалына қарасты «РУ-6» бастауыш партия ұйымының хатшысы Серік Мүліков, партия белсендісі, «Жігер» Қызылорда облысы мүгедектері қоғамдық бірлестігінің төрағасы Мұрат Жұмаділлаев, сонымен қатар мәдениет, білім, теміржол саласының өкілдері мен шаруашылық иелері бар.Салтанатты шарада сөз алған партияның облыстық филиалының төрағасы Наурызбай Байқадамов - Республика күні біртұтас Қазақстанның берекесі мен бірлігінің, баршамыздың туған елімізге деген шексіз сүйіспеншілігіміз бен адал ниетіміздің нәтижелі нышаны екенін атап өтіп, марапат иелерін құттықтады.<blockquote>Мемлекет басшысы Қасым-Жомарт Кемелұлы Тоқаевтың бастамасымен 25 қазан - Республика күніне ұлттық мереке мәртебесі беріліп, соңғы жылдары кең көлемде тойлануда. Президентіміздің саяси шешімі егемендікке арқау болған Декларацияны қабылдау туралы тарихи құжаттың маңызын арттырып, Тәуелсіздігіміздің тұғырын бекіткені анық. Өз кезегінде тарихи және идеологиялық мәні мен мазмұны терең айтулы күннің еліміздің бүгіні мен ертеңіне адал қызмет жасайтын, елеулі істер мен ізгі бастамаларды жалғастыратын барша жерлестеріміздің отаншыл рухын оятып, сенім мен жауапкершілік сезімін қалыптастыратыны да сөзсіз. Ендеше еліміз бен киелі құтты мекен Сыр өңірінің өсіп, өркендеуіне әрбіріңіздің лайықты үлес қосатындарыңызға сенім мол», -деді филиал төрағасы.</blockquote>Өз кезегінде сөз алған «Белсенді қызметі үшін» төсбелгісінің иегері Жалағаш аудандық филиалына қарасты «Аққұм» бастауыш партия ұйымының төрағасы Гүлжайна Айтжанова «бұл бізге емес, бастауыш ұйымның ортақ жұмысына берілген баға»,- деп атап өтті.<blockquote>«Мен өте қуаныштымын. Қай қоғамда болмасын таза, адал жұмыс елеусіз қалмайды. Бүгінгі төсбелгі менің ғана емес, бастауыш ұйым мүшелерінің ортақ жұмысының игілігі. Бастауыш ұйым –партия тірегі. Сондықтан бұл бізге үлкен жауапкершілік жүктейді. Алдағы уақытта да партияның алға қойған міндеттерін, соның ішінде сайлауалды бағдарламамыздың орындалуына бар күш жігерімізді жұмсайтын боламыз», - деді Гүлжайна Айтжанова.</blockquote>Салтанатты шара барысында 10 партия белсендісі «Белсенді қызметі үшін» төсбелгісімен марапатталса, 12 азаматқа «Құрмет» грамоталары табысталды.

Партия белсенділері марапатталды 

Kyzylorda-news.kz. Республика күні қарсаңында Байқоңыр қаласындағы үш көшеге ұлт рухын асқақтатқан ұлылардың есімі берілді.&nbsp;Бұл туралы облыс әкімі Нұрлыбек Нәлібаев Н.Бекежанов атындағы облыстық қазақ музыкалық академиялық драма театрында өткен ұлттық мерекеге арналған салтанатты іс-шарада хабарлады.<blockquote>«Республика күні – бірлігімізді бекемдеп, ынтымағымызды арттыратын, халқымыздың рухын көтеріп, елдігімізді нығайтатын ең ұлық мереке. Мемлекет басшысы Қасым-Жомарт Кемелұлы өткен жылы қайта жаңғырған Республика күнінде: «Бұл – қазақтың сан ғасырлық мемлекеттілік дәстүрі жаңғырған күн. Бұл – бостандық үшін күрескен бабалар арманы ақиқатқа айналған күн. 1990 жылы 25 қазанда Қазақстанның Егемендігі туралы декларация қабылданды. Бұл құжат Тәуелсіздігіміздің саяси-құқықтық негізін қалыптастырды. &nbsp;Бір сөзбен айтсақ, Декларация – еліміздің Тәуелсіздік алуына жол ашқан ақжолтай құжат», – деп атап өткен болатын. Мереке қарсаңында атаулы күннің саяси мәнін айшықтайтын ауқымды жұмыстар жасалды. Енді Байқоңыр қаласындағы Авиационный көшесі даңқты әскери қолбасшы, Кеңес Одағының батыры, жазушы Бауыржан Момышұлының, Гостиничный проезд көшесі Кеңес Одағының батыры Әлия Молдағұлованың, Внутриквартальный проезд көшесі қазақтың қаһарман қызы, Кеңес Одағының батыры Мәншүк Мәметованың атымен аталады. Баршаңызды жағымды жаңалықпен құттықтаймын», – деді аймақ басшысы.</blockquote>Нұрлыбек Машбекұлы күні кеше елорда төрінде өткен салтанатты жиында еліміздегі ең жоғары мемлекеттік награда – «Қазақстанның Еңбек Ері» атағын алған «Таң» шаруа қожалығының төрағасы Шағыртаев Имамзада Қуанышбайұлын &nbsp;құттықтады. Бұл марапаттың бір азаматқа ғана емес, аймақтағы барша еңбек адамдарына, Сыр еліндегі жасампаз істерге берілген жоғары баға екенін атап өтті.Жиында Қазақстанның Еңбек Ері Имамзада Шағыртаев пен «Парасат» орденімен наградталған ҚР Парламенті Сенатының депутаты Ақмарал Әлназарова, ҚР Президенті жанындағы Ұлттық құрылтай мүшесі Қылышбай Бисенов жерлестерін Республика күнімен құттықтады.Салтанатты іс-шарада Қазақстан Республикасының әлеуметтік-гуманитарлық дамуындағы аса үздік жетістіктері, белсенді қоғамдық қызметі, мемлекеттік және қоғамдық қызметтегі сіңірген еңбегі, халықтар арасындағы достық пен ынтымақтастықты нығайтуға қосқан елеулі үлесі үшін бірқатар азаматқа мемлекеттік орден, медаль және Қазақстан Халқы Ассамблеясының марапаттары табысталды.Мерекелік кеш концерттік бағдарламаға ұласты.Айта кетейік, Республика күнін атап өту аясында өңірде маңызды, мазмұнды іс-шаралар ұйымдастырылуда. Бүгін Қызылорда қаласының Рәміздер алаңында Мемлекеттік Ту көтеру рәсімі өтті, күні кеше облыс орталығында «Жайлы мектеп» ұлттық жобасымен салынатын 900 орындық білім ошағының, жаңа жылу электр орталығының іргетасы қаланды.<img src="https://knadmin.beoblood.kz/uploads/IMG_20231025_WA_0011_6ddb32413f.jpg" alt="IMG-20231025-WA0011.jpg"><img src="https://knadmin.beoblood.kz/uploads/IMG_20231025_WA_0009_a7541e4693.jpg" alt="IMG-20231025-WA0009.jpg"><img src="https://knadmin.beoblood.kz/uploads/IMG_20231025_WA_0018_da26a8f643.jpg" alt="IMG-20231025-WA0018.jpg"><img src="https://knadmin.beoblood.kz/uploads/IMG_20231025_WA_0015_467931124d.jpg" alt="IMG-20231025-WA0015.jpg"><img src="https://knadmin.beoblood.kz/uploads/IMG_20231025_WA_0016_898d47be64.jpg" alt="IMG-20231025-WA0016.jpg"><img src="https://knadmin.beoblood.kz/uploads/IMG_20231025_WA_0017_bb4959bad6.jpg" alt="IMG-20231025-WA0017.jpg"><img src="https://knadmin.beoblood.kz/uploads/IMG_20231025_WA_0013_e7ca7a0709.jpg" alt="IMG-20231025-WA0013.jpg"><img src="https://knadmin.beoblood.kz/uploads/IMG_20231025_WA_0014_fc059126ef.jpg" alt="IMG-20231025-WA0014.jpg"><img src="https://knadmin.beoblood.kz/uploads/IMG_20231025_WA_0010_cb36220e4f.jpg" alt="IMG-20231025-WA0010.jpg">

Елдің бірлігін бекемдеп, рухын көтерген мереке

Kyzylorda-news.kz. Қазақстан Президенті Республика күніне арналған Мемлекеттік ту көтеру салтанатты рәсіміне қатысты. Шара «Ақорда» резиденциясының алдында өтті.Қасым-Жомарт Тоқаевқа Құрмет қарауылының бастығы рапорт берді. Содан кейін Президенттің бұйрығымен Мемлекеттік ту көтеріліп, еліміздің Әнұраны орындалды.Ұлттық мереке – Республика күнін ресми түрде атап өту осы салтанатты шарадан басталды. Еліміздің барлық өңірінде Мемлекеттік ту көтеру рәсімі өтеді.<img src="https://knadmin.beoblood.kz/uploads/IMG_20231025_WA_0007_19bf869dba.jpg" alt="IMG-20231025-WA0007.jpg"><img src="https://knadmin.beoblood.kz/uploads/IMG_20231025_WA_0008_616693d1fb.jpg" alt="IMG-20231025-WA0008.jpg"><img src="https://knadmin.beoblood.kz/uploads/IMG_20231025_WA_0004_85f6477c07.jpg" alt="IMG-20231025-WA0004.jpg"><img src="https://knadmin.beoblood.kz/uploads/IMG_20231025_WA_0006_eee1a5b941.jpg" alt="IMG-20231025-WA0006.jpg">

Қасым-Жомарт Тоқаев Мемлекеттік ту көтеру рәсіміне қатысты

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Республика күніне орай ұйымдастырылған мемлекеттік наградалар мен сыйлықтар тапсыруға арналған салтанатты рәсімде тарихқа шегініс жасап, Қазақстанның Мемлекеттік егемендігі туралы декларация қалай қабылданғаны жөнінде сөз қозғады, деп хабарлайды Zakon.kz.Мемлекет басшысы сөзін еліміздің ең басты мейрамы – Республика күніне құтты болсын айтумен бастап, бұл күннің маңызына тоқталды.<blockquote>"Бұл – қазақтың мемлекеттілік дәстүрі қайта жаңғырған тарихи күн. Көк түріктер дәуірінен, Алтын Орда, Қазақ хандығы заманынан келе жатқан елдігіміз тамырын тапқан күн. Бұл – Алаш арыстарының азаттық жолындағы арпалысы ақталған күн. Халқымызда "Егемен болмай, ел болмас" деген сөз бар. Осыдан 33 жыл бұрын тарихи әділдік орнады. Қазақстанның Мемлекеттік егемендігі туралы декларация қабылданды. Осы маңызды құжат жұртымыздың азаттық алуына жол ашты".Қасым-Жомарт Тоқаев</blockquote>&nbsp;<blockquote>"Еліміздің ұлттық құрамы біркелкі емес еді. Сол кездегі Парламентте, яғни Жоғарғы Кеңесте және бүкіл қоғамымызда ұзақ пікірталас, қызу талқылау болды. Құжаттың әр сөзін, әр бабын қорғауға тура келді".Қасым-Жомарт Тоқаев</blockquote>Қасым-Жомарт Тоқаев Әлихан Бөкейханның "Бостандыққа апаратын жалғыз жол – ұлттық ынтымақ қана" деген сөзін келтіре отырып, ел ағалары халқымыздың ардақты ұлының бұл өсиетіне адал болғанын атап өтті.<blockquote>"Олар жауапты сәтте ұйымшылдықпен ұлт мүддесін қорғай білді. Ақжолтай құжат жұртымыздың талап-тілегіне сай жазылды, отаншыл азаматтардың ақыл-парасатының арқасында қабылданды. Олардың сын сағаттағы батылдығын нағыз ерлік деп бағалауға болады".Қасым-Жомарт Тоқаев</blockquote>Президент жиында сөйлеген сөзінде әділетті Қазақстан құрылып жатқанын, сондықтан өткен заманның қайраткерлеріне, олардың еңбегіне лайықты, әділетті баға беріп отыру қажет екенін баса айтты.

Президент Қазақстанның Мемлекеттік егемендігі туралы декларация қалай қабылданғанын айтты

<a href="https://kyzylorda-news.kz/">Kyzylorda-news.kz.</a> Бүгін, 25 қазан елдің түкпір-түкпірінде барша халық ұлттық мейрамды тойлап жатыр. Мерекелер күнтізбесіне енген 25 қазан кездейсоқ таңдалған жоқ. Дәл сол күні 1990 жылы "Қазақ КСР-нің мемлекеттік егемендігі туралы" декларация қабылданды. Бұл еліміздің тәуелсіздік алуына жол ашқан құжат болатын.Декларацияда Қазақстанның тәуелсіз мемлекет ретіндегі саяси-құқықтық негіздері жарияланды. Сонымен қатар алғаш рет ел аумағының тұтастығы, қазақ халқының және басқа да ұлт өкілдерінің мәдениетін, дәстүрін, тілін қайта түлету, ұлттық болмысты қалыптастыру әрі нығайту сияқты мемлекеттік қағидаттар бекітілді.Осы декларацияның арқасында ҚазКСР өз ішкі әскерін, мемлекеттік қауіпсіздік пен ішкі істер органдарын құру құқығын алды. Ал президент елдің басшысына айналды.Республика күні "ұлттық мереке" болып алғаш рет 1995 жылы 18 қазанда жарияланған еді. Алайда ғұмыры ұзаққа бармады: алты жылдан кейін бұл мәртебеден айырылып, "мемлекеттік мереке" санатына өтті.Ал 2009 жылы сәуірде "Мерекелер туралы" заңға өзгерістер енгізілді. Оған сәйкес, Қазақстанда Республика күні аталып өтпейтін болды. 2022 жылы маусым айында Президент Қасым-Жомарт Тоқаев 25 қазан – Республика күнін қайтаруды ұсынды. Мемлекет басшысы оған "ұлттық мейрам" мәртебесін беру қажет екенін мәлімдеді.<blockquote>"Республика күні елдің мемлекет құру жолындағы тарихи қадамының символы болуы керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ, тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек", - деген болатын Тоқаев Ұлытауда өткен Ұлттық құрылтайдың алғашқы отырысында.</blockquote>Президенттің тапсырмасы көп ұзамай орындалды. Парламент заң қабылдап, Тоқаев оған қол қойды. Осылайша 25 қазан ұлттық мереке – Республика күні болып белгіленді. Ал 16 желтоқсан – Тәуелсіздік күні мемлекеттік мереке болып өзгерді.Айта кетері, заңға енгізілген соңғы өзгерістерге сәйкес, Республика күні – елдегі жалғыз ұлттық мейрам. &nbsp;

25 қазан - Республика күні

<a href="https://kyzylorda-news.kz/">Kyzylorda-news.kz.</a> Республика күніне және тарихы мен тағылымы терең облыстың 85 жылдығына орай Қызылорда қаласының сол жағалауында «Жайлы мектеп» ұлттық жобасымен салынатын 900 орындық білім ошағының құрылысы басталды.Облыс әкімі Нұрлыбек Нәлібаев мектептің іргетасын қалау рәсіміне қатысып, жерлестерін қос мерекемен құттықтады.<blockquote>«Мемлекет басшысының бастамасымен өткен жылдан бері Республика күнін ұлттық мереке ретінде жаңа мазмұнда атап өтудеміз. Мерейлі күн қарсаңында бірқатар ауқымды жобалар бастау алды. Президент бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Соның бірінің іргетасын бүгін &nbsp;ұлық мереке қарсаңында өздеріңізбен бірге қалаймыз. 900 орындық білім ордасында ұстаздар талапты, талантты, зейінді шәкірттерді тәрбиелеп, елге қызмет ететін түлектердің қанатын қатайтып ұшыратынына сенемін», – деді аймақ басшысы.</blockquote>Бүгінде «Білімді қолдау қоры» есебінен Қызылорда қаласында 7,9 млрд теңгеге физика-математика бағытындағы мектеп-интернат құрылысы қарқынды жүргізілуде. «ҚазГерМұнай» компаниясының демеушілігімен &nbsp;2,5 млрд. теңгеге &nbsp;350 орындық заманауи үлгідегі «Оқушылар сарайының» құрылысы басталды. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге &nbsp;музыкалық колледждің жаңа &nbsp;ғимараты салынады. Ауыл балалары үшін 900 орындық 4 мектеп осы жылы ел игілігіне табысталмақ. ​Қала мектептеріндегі орын тапшылығы мәселесі қосымша құрылыс салу арқылы шешімін тапты. Облыс орталығындағы 4 мектептің қосымша ғимараты жаңа оқу жылында пайдалануға берілді. Мұғалімдер күнінде «Бәйтерек» шағын ауданынан 600 орындық жаңа мектеп ашылып, қала орталығына қатынап оқитын оқушылар &nbsp;өз үйіне жақын білім ошағына баратын болды.<img src="https://knadmin.beoblood.kz/uploads/394759889_1882990175429819_5107225164362591969_n_a67f297107.jpg" alt="394759889_1882990175429819_5107225164362591969_n.jpg">

«Жайлы мектеп» ұлттық жобасымен салынатын білім ошағының іргетасы қаланды

<a href="https://kyzylorda-news.kz/">Kyzylorda-news.kz.</a>&nbsp; Республика күні қарсаңында облыс әкімі Нұрлыбек Нәлібаев жеңіл атлетикадан балалар мен жасөспірімдердің олимпиадалық резерв мектебінің теннисшілерімен кездесті. Мемлекет басшысы өңірге сапары кезінде потенциалы зор жас спортшыларды қолдау жөнінде тапсырма берген болатын. Осыған орай теннисшілерге жаңа кәсіби ракеткалар табысталды.<blockquote>«Сіздерді 25 қазан – Республика күнімен және Қызылорда облысының 85 жылдығымен шын жүректен құттықтаймын! Бүгінгі жас ұрпақ – ертеңгі болашағымыз. Сіздер спортпен айналысып, салауатты өмір салтын насихаттап қана қоймай, дені сау ұлт болашағын қалыптастырып келесіздер. Өздеріңізге белгілі, Мемлекет басшысы Қасым-Жомарт Кемелұлы сіздермен кездесуде бойларыңыздан жеңіске деген жігерді байқап, қолдау білдіруді тапсырды. Осыған орай, сіздерге аса құрметпен Мемлекет басшысының аманаты – кәсіби ракеткаларды табыстауға рұқсат етіңіздер. Өзі кішкентай болса да, Президентіміздің зор жанашырлығымен берілген бұл сыйлық сіздердің спортқа, оның ішінде үстел теннисіне деген ынталарыңызды арттырып, болашаққа нық сеніммен қадам басуларыңызға септігін тигізеріне сенімдімін. Ал біз өз кезегімізде әрқашан қолдау білдіруге дайынбыз», – деді аймақ басшысы.</blockquote>Еске салсақ, Мемлекет басшысы Қасым-Жомарт Кемелұлы Нағи Ілиясов ауылындағы спорт кешенінде жас спортшылармен кездесіп, ілтипат білдірген болатын.Облыста үстел теннисімен 12 908 спортшы шұғылданады. Қызылордада теннис түрлері бойынша балалар-жасөспірімдер спорт мектебі ашылып, онда 300-ден аса жеткіншек тәрбиеленуде.<figure class="image"><img src="https://knadmin.beoblood.kz/uploads/395747565_631422279179020_631530772762718963_n_0bfb50d728.jpg" alt="395747565_631422279179020_631530772762718963_n.jpg"></figure>&nbsp;<figure class="image"><img src="https://knadmin.beoblood.kz/uploads/395729821_631422389179009_1294461401813670317_n_e1a74468d2.jpg" alt="395729821_631422389179009_1294461401813670317_n.jpg"></figure>

Теннисшілерге Президент атынан ракеткалар табысталды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде Республика күніне орай «Республика күні: Дербестікке жол салған декларация» тақырыбында дөңгелек үстел өтті.Мемлекет басшысы Қасым-Жомарт Тоқаевтың бастамасымен еліміздің атаулы күні ұлттық мереке қатарына қайта қосылды. Көпшілік білетіндей, 1990 жылғы 25 қазанда «Егемендік туралы» декларация қабылданды, еліміз тәуелсіздікке бет бұрды, азат болудың алғышарты жасалды. Сондықтан еліміз үшін бұл күннің маңызы ерекше.Жиында Қорқыт ата атындағы Қызылорда университетінің Басқарма төрағасы – Ректоры, филология ғылымдарының кандидаты Бейбіткүл Кәрімова мерекенің маңыздылығына тоқталды. Өз сөзінде Республика күні мерекесінің күнтізбеге қайта оралуы - ұрпақтар сабақтастығының, тарихқа құрмет көрсетудің және халқымыздың тәуелсіздікке ұмтылысының айшықты белгісі екенін атап өтті.&nbsp;Конференцияда оқу орнындағы «Философия және әлеуметтік-гуманитарлық пәндер секциясы» білім беру бағдарламасының аға оқытушысы, саясаттану ғылымдарының кандидаты Сәулет Сахиев бұл мерекенің әлем елдерінде қалай тойланатынына тоқталды.&nbsp;<blockquote>– Заңға енгізілген соңғы өзгерістерге сәйкес, Республика күні – елдегі жалғыз ұлттық мейрам. Республика күні әлемнің көптеген елдерінде ұлттық мереке ретінде тойланады. Ал күнтізбеде ерекшеленген &nbsp;бұл күндердің тарихы әр елде әртүрлі, – деді Сәулет Сахиев.&nbsp;</blockquote>Сонымен қатар, &nbsp;шарада «Қазақ тілі мен әдебиеті және журналистика» білім беру бағдарламасының қауымдастырылған профессоры, филология ғылымдарының кандидаты Аман Абасилов, университеттің Ғылыми жұмыстар және халықаралық байланыстар жөніндегі проректоры, филология ғылымдарының кандидаты Майнұр Бөрібаева, «Философия және әлеуметтік-гуманитарлық пәндер секциясы» білім беру бағдарламасының қауымдастырылған профессоры, саясаттану ғылымдарының кандидаты Мұрат Насимов баяндама жасады. Конференция барысында еліміздегі тіл саясаты, өңірлік ғылымды дамыту мәселелері талқыланып, мемлекеттілікті қалыптастырған Декларацияның маңызы туралы кеңінен айтылды.&nbsp;Жиында шетелдік профессор-оқытушылар – Финляндиядағы Хельсинки университетінің &nbsp;профессоры Владимир Асеев, Венгриядағы Паннония университетінің докторы Миклош Хегедус (Miklos Hegedus), Фулбрайт бағдарламасының стипендиаты, АҚШ азаматы Анна Кубас (Anna Kubas), Корея Республикасының Халықаралық білім беру ұлттық институтының «Корей тілі» бағдарламасы бойынша Алматыдағы Корея елшілігінің білім беру орталығының жолдамасымен келген волонтер Ким Джикен (Kim Jinkyung) сөз сөйлеп, Республика күнімен құттықтады.Ұлттық мерекеге орай университеттің бірқатар профессор-оқытушылары мен қызметкерлері марапат төрінен көрінді. Атап айтқанда, ҚР Ғылым және жоғары білім министрлігінің «Ана тілін дамытуға қосқан үлесі үшін», «Ғылымды дамытуға сіңірген еңбегі үшін» төсбелгісімен, «Құрмет Грамотасымен», «Алғыс хатымен», университеттің «Қорқыт Ата атындағы Алтын медалі», «Үздік түлек» медалі, «Құрмет Грамотасымен», ректордың «Алғыс хатымен» марапатталды. &nbsp;<figure class="image"><img src="https://knadmin.beoblood.kz/uploads/IMGL_0787_647796e92e.jpg" alt="IMGL0787.jpg"></figure>&nbsp;<figure class="image"><img src="https://knadmin.beoblood.kz/uploads/IMGL_0376_bf8981966e.jpg" alt="IMGL0376.jpg"></figure>

Сәулет Сахиев: Республика күні – елдегі жалғыз ұлттық мейрам

<a href="https://kyzylorda-news.kz/">Kyzylorda-news.kz.</a>&nbsp; Республика күні қарсаңында және Сыр өңірінің 85 жылдығына орай Қызылорда қаласында жаңа жылу электр орталығының құрылысы басталды.Облыс әкімі Нұрлыбек Нәлібаев жаңа нысанның іргетасын қалау рәсіміне қатысып, қызылордалықтарды қос мерекемен құттықтады.<blockquote>«Мемлекет басшысы 25 қазан – Республика күнін «қазақтың сан ғасырлық мемлекеттілік дәстүрі жаңғырған, бостандық үшін күрескен бабалар арманы ақиқатқа айналған күн» деп атап өтіп, өткен жылдан бері ұлттық мереке ерекше мәнге ие болды. Ұлтымыздың еркін өмірге және дербес дамуға ұмтылысын паш ететін мереке қарсаңында Сыр өңірінде көптеген игілікті істер атқарылуда. Бүгін Қызылорда қаласындағы жаңа жылу электр орталығының іргетасы қаланады.Өткен жылдың тамыз айында «Акса Энерджи» компаниясы мен Энергетика министрлігі Қызылордада қуаттылығы 240 мегаватт, құны 215 млрд. теңге болатын жаңа жылу электр орталығын салу туралы келісім-шартқа қол қойып, қыркүйек айында капсула салу рәсімі өткенінен барлығыңыз хабардарсыздар. Бұл салада мол тәжірибе жинақтаған «Акса Энерджи» компаниясы Америка, Еуропаның «Дженерал Электрик», «Сименс» және басқа да ірі компанияларына соңғы үлгідегі заманауи қондырғыларды дайындауға алдын ала төлем жасады.Бүгінгі күнге дейін «Акса Энерджи» компаниясы 76 млрд.теңгеден астам инвестиция салып, қазақстандық «ИНТЕРТАСКО» компаниясын бас мердігер ретінде тандады. Жаңа станцияны «көгілдір отынмен» қамтамасыз ететін жобаның мердігері 16 қарашада анықталып, жыл соңына дейін құрылыс жұмыстарын бастау жоспарлануда.Еліміз тәуелсіздік алғалы бері республика аумағындағы жылу электр өндіретін алғашқы ірі нысан біздің аймақта салынады! Бұл Сыр елінің инфрақұрылымдық дамуына жасалған айрықша мүмкіндік әрі ақжолтай жаңалық! Жаңа жылу электр станциясы тәуелсіздік жылдарындағы инвестор қаржысына салынатын ең ауқымды, теңдессіз жоба екенін айтуға тиіспіз.Жобаның іске асуына ұйытқы болған Энергетика министрлігіне және мүдделік танытқан «Акса Энерджи» компаниясының басшылығына барша Сыр жұртшылығының атынан шынайы алғысымызды жеткіземіз!», – деді Нұрлыбек Машбекұлы.</blockquote>Орталық 2025 жылдың тамыз айында ел игілігіне табысталмақ.Бас мердігер «Самұрық-Қазына» ұлттық компаниясының тапсырысы бойынша 2016-2019 жылдары Атырау облысында қуаттылығы 310 МВт газ электр станциясының құрылысын жүргізді. Сонымен қатар, «Тенгизшевройл», «Шеврон», «Норд Каспиан Оперейтинг» компанияларында жұмыс атқаруда.<figure class="image"><img src="https://knadmin.beoblood.kz/uploads/395420077_631392495848665_5906709715611598388_n_7bc8c954de.jpg" alt="395420077_631392495848665_5906709715611598388_n.jpg"></figure>&nbsp;<figure class="image"><img src="https://knadmin.beoblood.kz/uploads/395425501_631392452515336_660152518370055408_n_716cb9384a.jpg" alt="395425501_631392452515336_660152518370055408_n.jpg"></figure>&nbsp;<figure class="image"><img src="https://knadmin.beoblood.kz/uploads/395410311_631392622515319_4099975914369244856_n_86d6e8da04.jpg" alt="395410311_631392622515319_4099975914369244856_n.jpg"></figure>

Қызылордада жаңа жылу электр орталығының іргетасы қаланды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев Республика күні қарсаңында Ақордада бір топ азаматқа мемлекеттік наградалар мен сыйлықтар тапсырды.Президент, ең алдымен, салтанатты жиынға қатысушыларды еліміздің ең басты мейрамы – Республика күнімен құттықтады.<blockquote>– Бұл – қазақтың мемлекеттілік дәстүрі қайта жаңғырған тарихи күн. Көк түріктер дәуірінен, Алтын Орда, Қазақ хандығы заманынан келе жатқан елдігіміз тамырын тапқан күн. Бұл – Алаш арыстарының азаттық жолындағы арпалысы ақталған күн. Халқымызда «Егемен болмай, ел болмас» деген сөз бар. Осыдан 33 жыл бұрын тарихи әділдік орнады. Қазақстанның Мемлекеттік егемендігі туралы декларация қабылданды. Осы маңызды құжат жұртымыздың азаттық алуына жол ашты. Ақжолтай құжат жұртымыздың талап-тілегіне сай жазылды, отаншыл азаматтардың ақыл-парасатының арқасында қабылданды. Олардың сын сағаттағы батылдығын нағыз ерлік деп бағалауға болады. Біз қазір Әділетті Қазақстанды құрып жатырмыз. Сондықтан өткен заманның қайраткерлеріне, олардың еңбегіне лайықты, әділетті баға беріп отыруымыз керек, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135888_KZ2_0191_2.jpg">Қасым-Жомарт Тоқаев еліміздің жетістіктері туралы айта келе, адам капиталын жақсартуға бағытталған оң өзгерістерге назар аударды.<blockquote>– Көп ұзамай халқымыздың саны 20 миллионға жетеді. Бұл еліміздің тұрақты дамуының айқын көрінісі деуге болады. Бір сөзбен айтқанда, азаматтарымыз өз ұрпағының жарқын болашағына және еліміздің ертеңіне сеніммен қарайды. «Ұлттық қор – балаларға» бастамасын жүзеге асыру үшін тиісті заң қабылданды. Небәрі екі айдан кейін балаларымыздың есеп-шотына қаржы түсе бастайды, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135906_KZ2_0342_2.jpg">Президент аймақтарды жан-жақты дамыту мәселесін мемлекеттік саясаттағы маңызды бағыттың бірі ретінде атап өтті.<blockquote>– «Қуатты аймақтар – қуатты мемлекет» дегеніміз – жалаң ұран емес. Бұл – Әділетті Қазақстанды құруға қажетті ең басты қағидат. Біз былтыр еліміздің әкімшілік-аумақтық құрылымына бірқатар өзгеріс енгіздік. Сол арқылы кейбір облыстың дамуына тың серпін бердік. Менің тапсырмаммен ауыл-аймақты дамыту тұжырымдамасы қабылданды. Бұл құжаттың мән-маңызы зор. Аймақтарда әлеуметтік, инженерлік және көлік инфрақұрылымын құру – басты міндет. «Ауылда денсаулық сақтауды жаңғырту» ұлттық жобасы басталды. Осы жобаның аясында 655 амбулатория және фельдшерлік-акушерлік нысан салынады, құрал-жабдықпен толық қамтамасыз етіледі. Бұған қоса 20 ауданаралық көпбейінді емхана ашылады, ал 12 емхана заман талабына сай жаңарады. Яғни, төрт миллионнан астам ауыл азаматына сапалы дәрігерлік қызмет көрсетіледі. Елімізде «Жайлы мектеп» жобасы қолға алынды. 2026 жылға дейін барлық аймақта жүздеген жаңа мектеп бой көтереді. Ауылдарда 100 спорт орталығы ашылады. Сондай-ақ 650 мәдениет ошағы салынады және жөнделеді, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135919_KZ2_0279_2.jpg">Президент Қазақстанның «елдің ішінде де, айналасында да бейбітшілік», «әралуандық арқылы – бірлікке» деген қағидаттарды әрдайым берік ұстанатынын мәлімдеді. Оның айтуынша, Қазақстанның алдында бұрын-соңды болмаған жаңа сын-қатерлер тұр. Осы күрделі кезеңде мемлекетіміздің орнықты дамуы өте маңызды. Біз болашаққа сеніммен қараған біртұтас Қазақ елін күллі әлемге танытуымыз керек.<blockquote>– Егемендікке қол жеткізу оңай емес, ал оны сақтап тұру тіпті қиын. Шын мәнінде, Тәуелсіздік – бәрінен қымбат. Тәуелсіздікті сақтау, бұл – ең алдымен, тұтас ұлттың жауапкершілігі. Біз егемендікті тынымсыз еңбекпен, мызғымас бірлікпен күн сайын қорғауымыз керек. Ең бастысы, еліміздегі тұрақтылықты сақтауымыз қажет. Себебі тыныштық болмаса, басқаның бәрі бекер. Әлемдегі ахуалдың қандай күрделі екенін көріп отырсыздар. Беделді халықаралық сарапшылар Қазақстанды бейбітшіліктің бесігі деп атайды. Қазір біз аймақтың мәдени-рухани орталығына айналдық. Биыл шетелдің өнер ұжымдары елімізде 200-ден астам мәдени іс-шара өткізді. Бұл – тұрақтылықтың, тыныштықтың айқын көрінісі. Мұны басқаларға үлгі-өнеге деуге болады. Ал тұрақсыздық жайлаған елге ешкім ұмтыла қоймасы анық. Бейбітшілік – біздің басты байлығымыз. Оның қадіріне жетіп, бағалай білу – бәрімізге ортақ парыз. Мұны еліміздің әрбір азаматы, әсіресе, өскелең ұрпақ терең түсінуі қажет, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135943_KZ4_2766_2.jpg">Президент «Адал азамат» ұғымына айрықша тоқталып, жастарға арнайы үндеу жолдады.<blockquote>– Елімізде жүзеге асырылып жатқан әрбір бастама, ең алдымен, сіздерге арналады. Қазіргі реформалардың игілігін көретін де, елдік істерді жалғастыратын да – сіздер. Бүгінгі жастарды Қазақстанның келбеті деуге болады. Шын мәнінде, кез келген мемлекетті тұрғындарына қарап бағалайды. Яғни, біздің қандай ел боларымыз өскелең ұрпаққа байланысты. Сондықтан жастарымыз отаншыл, білімпаз, еңбекқор, үнемшіл, әділ әрі жанашыр болуы қажет. Жастар спортпен, дене шынықтырумен айналысуы керек. Мен мұны үнемі айтып жүрмін. Осы құндылықтарды барынша насихаттап, тарату қажет. Сонда жеке адамның қасиеті тұтас ұлттың қасиетіне айналады. Жастар кез келген өзгеріске бейім болады. Әр нәрсені бойына тез сіңіреді. Мен сіздерді жақсыдан үйренуге, жаманнан жиренуге шақырамын. Ұлы Абай айтқан бес нәрседен қашық, бес нәрсеге асық болыңыздар. Сіздер дәріптеген құндылықтар қоғамда тез орнығады. Сіздер қолдаған өзгерістер жылдам жүзеге асады. Бәріміздің тілегіміз – бір, бұл – қоғамымызда жаппай әділеттік орнату. Ендеше, мақсатымызға бірге жетейік, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135976_KZ2_0446_2.jpg">Президент мемлекеттілік тұғырын нығайта түсу үшін заң үстемдігін орнықтыру өте маңызды деп санайды. Мемлекет басшысының айтуынша, Әділетті Қазақстанды құру үшін құқықтық мәдениетті дамыту қажет.<blockquote>– Заңсыздық, тәртіпсіздік, мәдениетсіздік елді жарға жығады. Мұндай жағымсыз үрдістерге бүкіл қоғам болып қарсы тұруымыз керек. Ал тәртіпке бағынған қоғам өркениетті болады. Бұл – заңдылық. Әр азамат еліміздің заңын құрметтесе, береке-бірлік те, бақуатты тұрмыс та болады. Яғни, Заң толығымен орындалса, төрт құбыламыз түгел болмақ, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135995_KZ4_2815_2.jpg">Президент сөзін қорытындылай келе, еліміздің дамуына елеулі үлес қосқан бір топ азаматқа жоғары мемлекеттік наградалар, сыйлықтар мен атақтар табыс етті.Мемлекет басшысы Қасым-Жомарт Тоқаевтың сөйлеген сөзінің толық мәтінімен <a href="https://akorda.kz/kz/prezident-kasym-zhomart-tokaevtyn-respublika-kunine-oray-memlekettik-nagradalar-men-syylyktardy-saltanatty-turde-tapsyru-rasiminde-soylegen-sozi-2492927">мына сілтеме </a>арқылы танысуға болады.&nbsp;<img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0483_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0505_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0591_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0600_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0641_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0665_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0726_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0851_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0900_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_0954_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_1002_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_1143_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1172_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1396_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1631_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1744_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1798_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_2311_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_2785_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_3142_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135712_KZ1_1968_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ3_1938_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ3_1997_12.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2060_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2095_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2433_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2463_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2482_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2529_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2600_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2570_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2599_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2613_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2629_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2634_2.jpg">

Президент Республика күніне орай мемлекеттік наградалар мен сыйлықтар табыстады

<a href="https://kyzylorda-news.kz/">Kyzylorda-news.kz.</a>&nbsp; Елімізде 24 қазан – Кітапханашылар күні кәсіби мереке ретінде атап өтілуде. Қазіргі таңда облыста 209 мемлекеттік кітапхана бар болса, онда 4,5 млн-нан астам кітап қоры жасақталған. Жалпы өңірдегі кітапханалар жылына 250 мыңға жуық оқырманға қызмет көрсетеді. Бұл аймақтағы оқуға қабілетті тұрғындардың 30 пайызын құрайды. Бұл туралы Өңірлік коммуникациялар қызметінде өткен брифингте Ә.Тәжібаев атындағы Қызылорда облыстық әмбебап-ғылыми кітапханасының директоры Нұрлыбек Мыңжас хабарлады.<blockquote>- Әбділда Тәжібаев атындағы Қызылорда облыстық әмбебап ғылыми кітапханасы – өңірдегі ең ірі ақпараттық мәдени орталық болып саналады. Облыстағы кітапханаларды заманауи бағыттағы 78 коворкинг орталығы жұмыс істеуде. Аймағымыздағы 209 кітапхананың 170-і интернет жүйесіне қосылған. Облыс кітапханаларында кітап оқуды насихаттау және азаматтардың қызығушылығын арттыру мақсатында «Kitap Fest» фестивалі, «Kitap Timе», республикалық «Бір ел - бір кітап» акциясы, «Үздік оқырман» бенефисі, «Оқитын өлке» акциясы, «Кітаппен бірге өсеміз» сынды жобалар ұйымдастырылады. Сыр өңірінің 85 жылдық мерейтойы аясында облыс кітапханаларында көптеген шаралар өткізілмек. Негізгі шараларға тоқталып өтсем, жыр кештері, кітап көрмелері, фестивальдар, мүшәйралар бірқатар мемлекет және қоғам қайраткерлері мен жазушылардың өмірі мен қызметіне арналған танымдық конференциялар ұйымдастырылады. Кітапханада 7 бөлім мен 8 сектор оқырмандарға қызмет көрсетеді. Кітапхананың кітап қоры 4255606 дананы құрайды. Қордың құрамына кітаптар, мерзімді басылымдар, аудиокітаптар, электронды басылымдар, ноталық басылымдар кіреді. Сонымен қатар кітапханада жұмыссыз жастарды, мүмкіндігі шектеулі азаматтар мен әлеуметтік жағынан аз қамтамасыз етілген азаматтарды компьютерлік сауаттылыққа үйрету мақсатында «Шаңырақ» интеллект-орталығы да жасақталған, - деді Нұрлыбек Кәрібозұлы.</blockquote>Брифинг барысында Қорқыт ата атындағы Қызылорда университетінің Ғылыми кітапхана жетекшісі Гүлмира Сәтбаева білім алушыларға көрсетіліп жатқан қызметтерге тоқталып, жаңа бағыттағы жұмыстарды баяндады.<blockquote>-Ғылыми кітапхана – университеттің оқу және ғылыми процестеріне, ақпараттық-кітапханалық қызмет көрсетудің сапасы мен оның нәтижелілігін арттыруға бағытталған. Кітапхана қызметін пайдаланушылардың басым бөлігі - университтің білім алушылары, профессорлық-оқытушылық құрам және университет қызметкерлері құрайды. Жыл сайын білім беру бағдарламаларын заманауи талаптарға сай жасақталуы үшін оқу құралдарымен, мерзімді басылымдармен және электрондық ресурстармен толықтырып келеміз. Бүгінде кітапхананың жалпы қоры – 1 956 324 дананы құрайды, - деді Гүлмира Әлібайқызы.</blockquote><figure class="image"><img src="https://knadmin.beoblood.kz/uploads/395221723_1882487965480040_2107177938329999586_n_95f6b5054e.jpg" alt="395221723_1882487965480040_2107177938329999586_n.jpg"></figure>

24 қазан – Кітапханашылар күні

<a href="https://kyzylorda-news.kz/">Kyzylorda-news.kz.</a>&nbsp; Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды. Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар, деп хабарлайды Ақорданың ресми сайты.&nbsp;«Қазақстанның Еңбек Ері» атағы Қазақстан Республикасының мұнай-газ саласын дамытудағы айрықша жетістіктері, сондай-ақ қоғамдық-саяси қызметтегі аса үздік еңбегі үшін мемлекет және қоғам қайраткері, Парламент Мәжілісінің депутаты Б.Ізмұхамбетовке, еліміздің әлеуметтік-гуманитарлық дамуындағы аса үздік жетістіктері үшін Семей қаласы «№ 7 жалпы білім беретін орта мектеп-лицейінің мұғалімі А.Шүкежановаға және өндірістік қызметтегі ерекше еңбегі үшін Қызылорда облысы «Таң ЛТД» жауапкершілігі шектеулі серіктестігінің директоры И.Шағыртаевқа берілді.«Отан» орденімен суретші А.Ақанаев, белгілі ақын, айтыс өнерінің дамуына ерекше еңбек сіңген қайраткер Ж.Ерманов марапатталды. І&nbsp;дәрежелі «Барыс» ордені еңбек ардагерлері М.Айымбетова мен С.Тиесовке, Қонаев қаласы А.Жұбанов атындағы №5 орта мектеп мұғалімі Н.Лиге, телевизия ардагері Л.Сейітовке, ІІ&nbsp;дәрежелі «Барыс» ордені қоғам және мемлекет қайраткері Ә.Бектаевқа, «KAZGOR» жобалау академиясының бірінші вице-президенті Т.Ералиевке, еңбек ардагері О.Рахманбердиевке, ІІІ дәрежелі «Барыс» ордені Абай облысы қоғамдық кеңесінің төрағасы М.Айнабековке, Ш.Уәлиханов атындағы Көкшетау университетінің кафедра меңгерушісі С.Аяғановқа, еркін күрестен еңбек сіңірген спорт шебері И.Байрамуковке, «Қазақстан халқына» қоғамдық әлеуметтік қорының төрағасы Б.Жәмішевке, қоғам қайраткері Ә.Жолшыбековке және еңбек ардагері С.Қырымқұловқа табысталды.Сонымен қатар белгілі ғалымдарға, мәдениет және білім қайраткерлеріне, өндірістік сала өкілдеріне «Парасат» ордені берілді. Олардың қатарында Талдықорған қаласы «Қайнар-АКБ» ЖШС директорлар кеңесінің төрағасы Қ.Әжмағанбетов, «Қазақ тілі» халықаралық қоғамының вице-президенті Ғ.Әнес, М.Оспанов атындағы Батыс Қазақстан медицина университетінің профессоры Б.Жолдин, Нысана көздеуден ұлттық құраманың бас жаттықтырушысы О.Довгун, Теміртау қаласының Көпбейінді ана мен бала орталығының директоры С.Лохвицкий, Атырау облыстық ардагерлер кеңесінің төралқа мүшесі М.Ғабдісәлімова және Ғ.&nbsp;Мүсірепов атындағы балалар мен жасөспірімдерге арналған мемлекеттік академиялық қазақ театрының актері Ұ.Нүсіпәлі секілді азаматтар бар.Мемлекет басшысының тапсырмасымен биылдан бастап ұлт бірлігін нығайту және қоғамдық татулықты қамтамасыз ету жолындағы жемісті еңбегі үшін «Ел бірлігі» ордені тағайындалды. «Ел бірлігі» ордені алғаш рет Қазақстан Республикасының Президенті жанындағы Мемлекеттік басқару академиясының профессоры А.Башмаковқа, Республикалық дүнген этномәдени орталығы бақылау кеңесінің төрағасы Л.Буларовқа, Республикалық тәжік этномәдени орталығының төрағасы А.Исмаиловқа, Қазақстан корейлері қауымдастығы қамқоршылық кеңесінің мүшесі Р.Кимге, «Deutsche Allgemeine Zeitung» республикалық неміс газетінің бас редакторы О.Клименкоға, «Қазақстан шешендері мен ингуштарының «Вайнах» қауымдастығы» заңды тұлғалар бірлестігінің тең төрағасы А.Мұрадовқа, «Дустлик» Қазақстан Республикасы өзбек этномәдени қоғамдық бірлестіктерінің қауымдастығы» заңды тұлғалар бірлестігі төрағасының орынбасары Т.Нишанбаевқа табысталды.Сонымен қатар биылдан бастап құрметті марапаттар қатарына «Қазақстанның халық жазушысы» және «Қазақстанның халық әртісі» атақтары қосылды. Т.Әбдікұлы, С.Елубаев, Б.Нұржекеев, С.Сматаев, А.Аширов және Л.Шашкова «Қазақстанның халық жазушысы» атағын иеленді. «Қазақстанның халық әртісі» құрметті атағы еліміздің көрнекті мәдениет қайраткерлері, театр және кино актерлері Д.Ахимовқа, М.Токарев пен Д.Ақмолдаға, опера әншілері Ш.Әбілов пен Т.Күзенбаевқа, атақты әншілер Р.Стамғазиевке, Д.Құдайбергенге және күйші А.Үлкенбаеваға берілді.Сондай-ақ «Ұлттық ғылыми кардиохирургия орталығы» КеАҚ дәрігері С.Андосова, «М.Қозыбаев атындағы Солтүстік Қазақстан университеті» КеАҚ профессоры А.Плешаков, «Шыңға өрлеу» ҚҚ директоры Р.Сыпабекова, «Маңғыстау облыстық мүгедектік спорт клубы» КММ аға бапкері Н.Құлышов және басқа да азаматтар «Құрмет» орденімен марапатталды. Өнеркәсіп, транспорт, құрылыс, ауыл шаруашылығы және басқа да материалдық өндіріс салаларының 94 жұмысшысы мен еңбеккері ІІІ&nbsp;дәрежелі «Еңбек Даңқы» орденін иеленді.ІІ дәрежелі «Достық» ордені «Алға, Петербург» интернет жобасының авторы Иван Червинскийге берілді.Ал футболдан Қазақстан ұлттық құрамасының ойыншылары Асхат Тағыберген, Бахтиёр Зайнутдинов және Максим Самородов «Ерен еңбегі үшін» медаліне лайық деп танылды.«Ерлігі үшін» медалімен Мұрат Есенқабылов пен Талғатбек Төлеубаев наградталды. Мұрат Есенқабылов өртеніп жатқан көлік ішінен 3 әйел мен 5 баланы аман алып қалса, Талғатбек Төлеубаев тілсіз жауды ауыздықтауда үлкен ерлік көрсеткен.Пара жеңіл атлетика спортшысы, бірнеше республикалық сайыстардың жеңімпазы Айсұлу Сүлейменоваға «Шапағат» медалі табысталды. &nbsp;«Қазақстанның еңбек сіңірген қайраткері» құрметті атағы ғылым және мәдениет салаларының 31 көрнекті өкіліне және «Қазақстанның еңбек сіңірген ұстазы» құрметті атағы Ақмола облысы «№4 «Болашақ» облыстық мамандандырылған мектеп-лицей-интернатының мұғалімі Ү.Еңсебаеваға берілді. Қазақстан Республикасының Құрмет грамотасымен 143 адам наградталды.Әскери және қызметтік борышын үлгілі атқарғаны, заңдылық пен құқықтық тәртіпті қамтамасыз етуде, елдің ұлттық қауіпсіздігі мен қорғаныс қабілетін нығайту кезінде көрсеткен ерлігі мен қажыр-қайраты үшін әскери қызметшілер мен құқық қорғау органдарының өкілдері І және ІІ&nbsp;дәрежелі «Даңқ» ордендерімен, ІІ және ІІІ дәрежелі «Айбын» ордендерімен, «Ерлігі үшін» және «Жауынгерлік ерлігі үшін» медальдарымен марапатталды.Жалпы биылғы мемлекеттік наградаларды тағайындауда қарапайым азаматтарға басымдық берілді. Атап айтқанда, марапатталғандар арасында 298 ұстаз бен денсаулық сақтау саласының қызметкерлері, 259 ауыл шаруашылығы маманы, 119 еңбек ардагері, өндіріс саласының 88 жұмысшысы бар. Бұл – қарапайым еңбеккерлердің мәртебесін асыруға, қоғамдағы қадірін арттыруға бағытталған нақты қадам.Наградталғандардың тізімі баспасөзде жарияланады.

Қазақстан және Қызылорда облысының жаңалықтары