<a href="https://kyzylorda-news.kz/">Kyzylorda-news.kz</a> Кент және ауылдық округ әкімдерін тікелей сайлау – Президент реформаларының бірі.Қызылорда облысындағы сайлау процестері әрбір сайлаушының Конституциялық құқығын сақтай отырып заңға сәйкес ашықтық және алқалылық қағидатына сай өткізілуде. Бұл туралы Қызылорда облысының аумақтық сайлау комиссиясы хабарлады.– Өткен жылы аймақта 38 ауыл әкімі сайланды. Олардың басым бөлігі – өзін-өзі ұсыну жолымен саяси науқанда бақ сынады.Биыл өңірде 25 кент және ауылдық округ әкімдерінің өкілеттілік мерзімі аяқталады. Осы кезге дейін 8 ауыл әкімі сайланды. Атап айтқанда 25 ақпан күні Жосалы, Иіркөл, Қармақшы ауылдық округінде, 17 наурыз күні Жаңақорған Қыраш ауылдық округінде, 21 сәуір күні Сарыкөл ауылдық округінде, 19 мамыр Жосалы кенті, ІІІ Интернационал, Ақжар ауылдық округтерінде әкім сайлауы өткізілді, –&nbsp;дейді Қызылорда облысының аумақтық сайлау комиссиясының төрағасы Әділбек Ерсұлтанов.Еске салайық, 19 мамырда өткен Жосалы кенті, ІІІ Интернационал, Ақжар ауылдық округ әкімінің сайлауында 10 мыңға жуық сайлаушы дауыс беруге қатысып, өз таңдауларын жасады.Ал, 16 маусымда Шиелі ауданының Еңбекші, Қарғалы, Жаңатұрмыс ауылдық округтер әкімінің сайлауы өтеді. Мұнда 2500-ге жуық сайлаушы дауыс беру құқығына ие.ҚР Мемлекеттік жергілікті басқару және өзін-өзі басқару туралы заңға сәйкес әкімдер 4 жыл мерзімге сайланады.Дегенмен, әкімдердің басқа қызметке ауысуы немесе өзге де себептеріне орай өкілеттілігі мерзімінен бұрын тоқтауына байланысты жаңадан сайлау ұйымдастырылады.Қазіргі таңда Шиелідегі Ақмая, Тұран және Сырдария ауданындағы Аманкелді ауылдық округі әкімінің өкілеттілігі мерзімінен бұрын тоқтатылды. Енді осы ауылдарда әкім сайлауы өткізіледі.Айта кету керек, аймақта 146 кент және ауылдық округ әкімі бар. Олардың 143-і ер, 3-і әйел азаматша.

Биыл Қызылорда өңірінде қай ауылдардың әкімі сайланады?

<a href="https://kyzylorda-news.kz/">Kyzylorda-news.kz</a> &nbsp;Отандық шоу-бизнес өкілі, актриса, продюсер Баян Алагөзованың бір күндік образын блогер Жансая Махабаева есептеп көрді. Бұл туралы <a href="https://stan.kz/sagatinin-kyni-23-million-tenge-bayan-maksatkizinin-bir-400908/">Stan.kz</a> ақпарат агенттігі хабарлайды.Танымал актриса тек әлемдік брендтен ғана киінетінін жасырмай айтып жүр.“Баян Алагөзованың мына образы қанша тұрады деп ойлайсыздар? Әдеттегідей киімінен бастайық, мына күртесі Prada брендінен –&nbsp;925 мың теңге тұрады. Көйлегі де осы брендтен –&nbsp;425 мың теңге. Туфлиі Баян Мақсатқызының ең сүйікті Jimmy Choo брендінен –&nbsp;800 мың теңге. Сөмкесі Сhanel брендінен –&nbsp;2 миллион 800 мың теңге. Көзілдірігі Louis Vuitto брендінен –&nbsp;280 мың теңге. Әшекейлеріне көшейік. Алқалары Van Cleef брендінің Alhambra топтамасынан. Әрине, алтын мен гауһар тастармен апталған, бір мотивімен –&nbsp;4 миллион 600 мың теңге. Ал 16 мотивімен –&nbsp;18 миллион 700 теңге тұрады. Білезігі Cartier брендінің Juste un Clou топтамасынан –&nbsp;7 миллион 350 мың теңге. &nbsp;Сағаты Cartier брендінен - 23 миллион 350 мың теңге. Сақинасы Bulgari брендінің Serpenti топтамасынан, 3 рет оралған жылан пішінінде, толық гауһар тастармен көмкерілген –&nbsp;9 миллион теңге. Сонымен, барлығы –&nbsp;68 миллион 230 мың теңге", –&nbsp;дейді блогер.Желі қолданушылары түрлі пікір білдіріп, блогер есептеген айтарлықтай суммаға киім кигенше, армандарын орындап алатынын жарыса жазып жатыр.“68 миллион теңгеге үй алып, жер алып, несие жауып алатын едім”, “20 жылдан бері Баян тек брендтен киінеді, аспаннан жаңа түскендей болмаңдаршы”, “Өте еңбекқор адам, қымбат киімге лайық”, “8 отбасыны баспанамен қуантуға болады”, “Екі коттедж жүр үстінде”, – деп жазып жатыр оқырман қауым.&nbsp;Фото:&nbsp;instagram.com/bayanmaxatkyzy

"Сағатының құны – 23 миллион теңге": Баян Мақсатқызының бір күндік образы қанша тұрады

<a href="https://kyzylorda-news.kz/">Kyzylorda-news.kz</a> Ақмола облысында әскери сот подполковникті есірткі таратқаны үшін 9 жылға бас бостандығынан айырды.&nbsp;Бұл туралы&nbsp;<a href="https://stan.kz/akmola-oblisinda-podpolkovnik-esirtki-taratkani-ushin-s-400915/">Stan.kz&nbsp;</a>ақпарат агенттігі хабарлайды.Оны есірткі көнбесін жасап&nbsp;жатқанда ұстап алған екен.<blockquote>"Сотталушы полиция подполковнигі М. тұрғын үйдің терезелерінің темір торларына &nbsp;"гашиш майы" оралған есірткі көнбесін магнитпен&nbsp;бекітіп жатқан кезде&nbsp;полиция қызметкерлеріне ұсталған", –&nbsp;делінген әскери соттың хабарламасында.</blockquote>Одан жалпы салмағы 23,62 грамм "гашиш майы" есірткі заты бар 34 колба мен жеті шприц тәркіленді.<blockquote>"Сот үкімімен сотталушы&nbsp;Қылмыстық кодексінің 297 бабы “Есірткі құралдарын заңсыз өндіру, қайта өңдеу, иемдену, сақтау, өткізу” бойынша 9 жылға бас бостандығынан айырылды", –&nbsp;деді сот.</blockquote>Подполковник әскери атағынан айырылып, жәбірленушілерге өтемақы қорына 69 мың теңге&nbsp;төлеуге міндеттелді.Фото: Pixabay.com

Ақмола облысында подполковник есірткі таратқаны үшін сотталды

<a href="https://kyzylorda-news.kz/">Kyzylorda-news.kz</a>&nbsp; Ертеректе алғашқы кітапханашылар ер-азаматтар болған екен. Жазу тасқа қашалып жазылғандықтан, оны көтеріп жүру ерлерге тапсырылған деседі. Ал бүгінде атқарар жүгі ауыр мамандықтың тізгінін ұстап, тірлігін дөңгелетіп жүргендер – нәзік жандылар. Өмірінің ширек ғасырын кітапханаға арнап, басты мақсатын – білімді ұрпақ тәрбиелеуге арнаған жанның бірі – Гүлназ Ешниязова.Ол Қармақшы ауданына қарасты Ақтөбе ауылында дүниеге келген. Орта мектепті тәмамдаған соң, өзін жетілдіру мақсатында аспаз, іс жүргізуші, бухгалтер мамандықтарын меңгерген. Өмір ағыны кітап жолымен байланысқан соң Жетісай қаласындағы Г.Мұратбаев атындағы колледжде «Кітапхана ісі» мамандығы бойынша кәсіби білім алған. 1995 жылдан бері Ақтөбе ауылындағы №109 мектепте кітапханашы қызметін атқаратын Гүлназ Асарбайқызының еңбегі елеуге тұрарлық.&nbsp;Рухани өміріміздің өзегі іспеттес ғылымды көпшілік оқырманға, ертеңгі ел тізгінін ұстар жас жеткіншекке таныстырушы, табыстаушы – кітапханашы екені мәлім. Кітапханашының еңбегі көзге көрінбейтін, қолға ұсталмайтын сәуле секілді. Атқарған істерінің барлығы бала санасында білім шырағын егу, оны рухани әлемге жақын етуге бағытталады.&nbsp;<blockquote>– Рас, технология дамыған сайын, кітап, газет оқушылардың қарасы азайып бара жатқандығы жасырын емес. Ұялы телефон мен планшеттен-ақ баспасөз беттерін шолып шығуды жөн санайтындардың қатары көбеюде. &nbsp;Алайда мен оны құп көрмеймін. Газетті &nbsp;қолға алып, оның әр бетін парақтай оқудың әсері мүлде бөлек. Ал кітап – өткеннің рухы ғана емес, келешектің кілті екендігін де естен шығармауымыз керек. Біздің сан ғасырлық тарихымыз бен тыныс-тіршілігіміздің құнды жәдігерлерін бізге жеткізген алтын сандығымыз да кітап екендігі көпшілікке аян. Жастарды «кітап оқымайды» деп бекерге кінәлай бергенше, олар қызығып оқитын көркем әдебиеттер мен кітаптарды көптеп шығарып, кітапханалардағы кітап қорын молайту керек,– дейді кітапханашы.</blockquote>Елімізде де жыл сайын кітап оқушыларға арналған жаңа жобалар қолға алынып, оқушылардың білім көкжиегін кеңейтуге жағдай жасалуда. Осы орайда Мемлекет басшысы Қасым-Жомарт Тоқаевтың тапсырмасы аясында Қазақстан Республикасы Білім және ғылым министрлігі орта білім саласында «Оқуға құштар мектеп» жобасы. Бұл жоба білім саласын дамытудың Жол картасы аясында қолға алынып, еліміздегі мектеп қасындағы кітапханалардың жұмысын дамыту арқылы жүзеге асыру жоспарланып отыр. Осы бағдарлама іске асқан жағдайда еліміздегі мектеп кітапханаларының қоры жыл сайын 20 процентке жаңарып отырады деген болжам бар. Бұдан бөлек мектеп кітапханаларының материалдық техникалық жағдайын жақсарту жолға қойылып, мектеп кітапханаларында оқушылардың кітап оқуына қолайлы оқу залдары ашылып, атаулы даталарға арналған көрмелер, «Коворкинг» орталықтары мен «Парасат бұрыштары» ашылуда. Аталған жобалардың барлығы кітапханашылардың жұмысын екі еселегені рас. Десе де өмірінің ширек ғасырын кітапханаға арнаған Гүлназ апайға бұл істер қиындық тудырмайды. Мамандығын сүйетін білікті маман әрбір ісін зор ықыласпен, шынайы жауапкершілікпен атқарады.Мектеп ұстаздарымен бірлесе түрлі іс-шара, онан бөлек танымдық сабақтар мен кітап оқушылар арналған конференциялар мен дөңгелек үстел отырыстары, кездесу кештерін өткізудің шебері барлық жұмысын мектептің әлеуметтік желідегі парақшасында бөлісіп отырады. Атқарылған жұмыстың ауқымды екенін осыдан аңғардық. Ол дайындаған кітапсүйер оқырмандары аудандық додада топ жарып, жүлделі орындар иеленуде. Мәселен Ақерке Нұрғалиева есімді оқырман аудандық кітап оқушылар сайысында ІІ орынды қанжығасына байлаған. Мұнан бөлек, оқушылар мен кітапханашының жеткен жетістігі мол.&nbsp;<blockquote>– Кітапхана – баршаға ортақ қазына. Сондықтан да біз ауылымыздағы Молдахмет Дабылұлы атындағы кітапханамен де тығыз байланыста жұмыс істейміз. Өзге ауылдардағы кітапханашылармен де әріптестік байланыс орнатқанбыз. Семинарлар өткізіп, іс-тәжірибе алмасып отырамыз. Олжас Сүлейменовтің «Кітап барда адамзаттың мәдениеті мен білімі бар» деген сөзі бар. Міне, осы сөздің астарында көп мағына жатыр, сондықтан барша қалың оқырманды кітапханамен байланыс жасауға, кітап оқып, баспасөз бетін парақтап күнделікті ақпарат көзімен жақынырақ танысып өзін рухани жағынан өсуге шақырамын, – дейді Гүлназ Асарбайқызы.&nbsp; &nbsp;</blockquote>

Гүлназ Ешниязова: Кітап барда адамзаттың мәдениеті жоғалмайды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының Полиция департаменті Экстремизмге қарсы іс-қимыл басқармасы қызметкерлерімен жүргізілген жедел іздестіру іс-шаралары барысында деструктивті діни ағым ұстанушысы, қала тұрғыны 31 жастағы әйел азаматша «телеграмм» месенджері арқылы &nbsp;экстремистік материалдарды таратқаны анықталды.&nbsp;Оған қатысты ҚР ҚК-нің 174-бабы 1-бөлігімен тергеп-тексеру амалдары басталып, тиісті сараптамалар тағайындалды.&nbsp;Нәтижесінде Қызылорда қалалық сотының үкімімен азаматша &nbsp;кінәлі деп танылып, оған 3 (үш) жыл мерзімге бас бостандығын шектеу жазасы тағайындалып, пробациялық бақылауға алынған.Фото:kazislam.kz

Қызылорда облысында алауыздықты тудыратын жазба таратқан тұрғынға қатысты сот үкімі шықты

<a href="https://kyzylorda-news.kz/">Kyzylorda-news.kz</a>&nbsp;&nbsp; Дәрігер - жүректілікті, шыдамдылықты, тәуекелділікті, табандылықты талап ететін аса жауапты мамандық. Ал осындай қиындығы мен қызығы мол мамандықты ұрпағы жалғап, әулетімен жауапкершілік міндетін арқалау абыройлы іс. &nbsp;Біздің өңірдегі осындай өнегелі отбасының бірі қармақшылық – Әлиевтердің шаңырағы.&nbsp;Әулет тірегі Хамит Әлиев Алматы мемлекеттік медицина институтында &nbsp;«фтизиатр» мамандығы бойынша білім алса, жары Пәрида Сарыбаева «педиатр» саласын бітірген.Институт қабырғасында танысқан жастар бір мамандық, бір салада жүргеннен соң өмір жолдарын да бірге таңдауды жөн көріпті. 1992 жылы оқуды аяқтаған екі жас, үлкен өмірге аяқ басады. Оңтүстік Қазақстан облысындағы &nbsp;Келес ауданының &nbsp;тумасы Пәриданы мамандыққа, сүйген жарына деген махаббаты Сырдың келіні атандырған. Отыз жылға жуық уақыт аралығында түрлі қызметтік сатылардан өткен оларды бүгінде аудан тұрғындары жақсы таниды. Отағасы Хамит емханада фтизиатр болса, отанасы Пәрида бас дәрігердің ана мен бала мәселесі жөніндегі орынбасары.&nbsp;Кәсібіне мығым, ісіне адал, бақытты отбасының үш перзенті бар. Отбасының тұңғышы Ақтоты Ибадуллаева С.Асфендияров атындағы ұлттық медициналық университетті қызыл дипломмен аяқтап, 2018 жылдан бері аудандық емханада жалпы тәжірибелік дәрігер болып қызмет атқарады. Ал екінші перзенттері Асқар Ибадуллаев әл-Фараби атындағы Қазақ Ұлттық университетін тәмәмдап, бүгінде облыс әкімдігінде экономист. Кенжелері Нұрсауле Ибадулла биыл Әл-Фараби атындағы Қазақ Ұлттық университетін қызыл дипломмен аяқтап, ағылшын тілі маманы атануда. Перзенттінің барлығы Ү.Томанов атындағы &nbsp;№183 орта мектептің үздік оқушылары. Қызметпен қатар бала тәрбиесін қоса алып, саналы ұрпақ өсіруде де бұл отбасы көпке үлгі.&nbsp;<blockquote>– Дәрігер – &nbsp;жан-жақты әрі қызықты жұмыс. «Адам жанының арашашысы» атанып, бұл қызметті алып жүру де абыройлы іс. Жас мамандарға көп жылдан бері жинаған тәжірибемді үйретіп келемін. Заман талабына орай медициналық көмек көрсетудің сапасын арттыруға барынша үлесімді қосып жүрмін. Дәрігерге ең басты қажет нәрсе – ол жүректің мейірімділігі, – дейді дәрігерлер отбасының тірегі Хамит Әлиев.</blockquote>Дәрігерлер туралы түрлі пікірді қоғам арасынан құлағымыз шалатыны рас. Дегенмен індетпен күрескен &nbsp;соңғы жылдар адам өміріндегі дәрігердің орнын айқындап берді. Қажет кезде күн-түн демей, отбасынан жырақта жүріп, қызметіне деген адалдығын танытқан абзал жандар қандай құрметке де лайық.<blockquote>– Өзімнің осы мамандықты таңдауыма балаларға деген сүйіспеншілігім әсер етті. Себебі мен олардың дені сау болып өсулеріне өз үлесімді қосқым келді. Адам үнемі ізденісте, жан-жақты даму үстінде жүргенде ғана бірнәрсені толық меңгеруге ұмтылыс жасайды. «Болдым, толдым» деу жарты жолда қалып қоюмен тең. Біздің мамандығымыз біліктілікті әрдайым арттырып отыруды талап етеді. Алматы, Ақтөбе, Қызылорда қалаларында бірнеше рет білімімді жетілдірдім. Ол үшін ең бірінші ата-енеме, жолдасыма, &nbsp;емхана басшыларына алғысым шексіз. Өйткені мұндай білім жетілдіру курстары кәсіби мамандардың жұмысқа деген ынтасын одан әрі жоғарылатып, олардың заманауи әдістерді тәжірибе жүзінде қолдануына, жаңашылдыққа бетбұрыс жасауына үлкен мүмкіндік туғызады. Перзенттеріміздің арасында тұңғышымыз Ақтоты ізімізді қуып, дәрігер болды. Оған науқасты жылы қабылдап, ем-домын шын жүрекпен жасауды, өзгеге пайдалы болуды үнемі айтып отырамыз, – дейді отанасы.&nbsp;</blockquote>Ата-анадан алған тәлім, көрген өнеге Ақтоты Ибадуллаеваны осы салаға әкелді. Отбасындағы жылулық жұмыс орнында да жағымды атмосфера орнатса керек, ол жас маман болса да жұмысына тиянақты, көптің алғысын алып білікті маманға айналуда.&nbsp;Әрдайым үздіктер қатарынан табылатын бұл әулет мүшелерінің айтулы даталарға орай алған алғыс, Құрмет грамоталары да өте көп. Бұл да болса бірнеше жылғы адал еңбектің өтемі.&nbsp;Негізі мамандық игеру адамның ең басты құндылығы, болашақтың бағдары екені сөзсіз. Сол құндылықты ұрпақтан-ұрпаққа жеткізіп, сақтай алудың өзі – абырой. Ендігі кезекте тек ұрпақтар сабақтастығы жалғасқан жанұяның ұлтқа қызмет етуі әрі қарай да өз жалғасын тапса дейміз. &nbsp;

Қармақшыдағы дәрігерлер династиясы

<a href="https://kyzylorda-news.kz/">Kyzylorda-news.kz</a>&nbsp; Үкіметтік емес ұйымдар, қоғамдық бірлестіктер баршылық. Бірақ біз білетін, қандай қиындық болса да жұмысын тоқтатпаған, жетістігі мен жемісі мол, халықтың алғысын арқалаған бір ұйым бар. Ол заңды түрде құрылғанына 13 жыл болған Қармақшыдағы «Аңсаған» мүмкіндігі шектеулі балалар қоғамдық бірлестігі. Жетекшісі Бақыткүл Райымбаеваның қасынан қай кезде көрсең де бала арылған күн жоқ. Әсіресе бойжеткендерді жанына жинап әжелік ақылын, өнегесін көрсетіп келеді.&nbsp;Киіз басу, ши тоқу сынды өнер кенжелеп кеткенін жасырмаймыз. Он саусағынан өнер тамған жанның кілем тоқуы бір бөлек. Жалпы іс тігу қыз баланы сабырлыққа, төзімділікке, шыдамдылыққа тәрбиелейді. Сол игі дәстүрді өзінің ғана емес, елдің балаларына үйретуден жалықпаған апайымызбен әңгімелессек мейірім деген құндылықтың лебі сезіледі.&nbsp; Бірлестік жетекшісі Бақыткүл Сейіткәрімқызының Аңсаған есімді қызы табанын басып жүре алмайтын науқас еді. Мектепке өздігінен бара алмайтын болған соң 2007 жылдары үйден оқитын. Кішкентайынан шығармашылық жұмыспен айналысқан ол бірде қағаз бен қалам алып өлең жазса, бірде кесте тоқиды. Бірде көйлек тігеді. Ата-анасы, аға-жеңгесі жұмыста. Үйде жалғыз отырып зеріккен бала анасына:&nbsp;<blockquote>– Өзім секілді 2-3 қыз тауып беріңізші. Мен қыздарға өзім білетін бисер, кесте тоқуды үйреткім келеді, – деп өтініпті.</blockquote>Бала тілегін орындамайтын ана бар ма? Дереу кент ішінен ерекше балалар іздеп, мән-жайды баяндайды. Үйде төрт қабырғаға телміріп отырған бала ауруынан ешқашан айықпайды. Олардың басын қосатын орта керек. Осылай шырылдап жүріп 2-3 қыз табады. Олардың аналарымен ақылдасып, үйіне шақырады.&nbsp;<blockquote>– Меруерт пен Айгерім есімді қыздарды аналары үйге алып келді. Біз өзімізше отырып әңгімелестік, шай іштік. Үш қыз күні бойы алаңсыз ойнады. Бұрыннан таныстардай бір-бірін жібергісі келмей, бір жасап қалды. Мұны көрген мен қуаныштан жарыла жаздай боп үйге шақыра бердім, шақыра бердім. Үш қыз үйде отырып қолөнер шеберханасын ашты. Түрлі бұйымдарға тапсырыс қабылдай бастады. Екі бөлмелі аядай үйімізге 1 жылдың ішінде бала сыймай кетті. Үлкені, кішісі, құндақтаулысы бар көптеген бала келетін болды. Мектепте аспазшы болып жұмыс істейтінмін. Тәуекел етіп, қызымның денсаулығы үшін жұмыстан шығуыма тура келді. Аудан әкіміне барып, жағдайды айтып, көмек сұрадым. №27 орта мектептен бос тұрған бір сынып берді. Біраз жыл сонда отырып, кейін қайтадан үйге көштік. Аудан кәсіпкерлерінен демеуші тартып, түрлі оқу құралын, кесте тігетін саймандар сатып алатынмын. Сол жылдары «Бота» қорының еріктісі болып жұмыс істедім. Көпбалалы, тұрмысы төмен отбасыларға ай сайын қор ақша беретін. Көшеде көрген адамдарға тоқтатып қойып осы жеңілдіктің барын айтып жүретінмін. Содан көпбалалы аналардың біразы мені танып қалған. Солай 2011 жылы заңды түрде кәсіпкерлік ашып, «Аңсаған» мүміндігі шектеулі қоғамдық бірлестігін құрдым, – дейді бірлестіктің қалай пайда болғанын айтқан апайымыз.&nbsp;</blockquote>Осындай игі іс басталысымен Аңсағанның денсаулығы түзеліп, аяғынан тік тұрып кеткен. 2010-2011 жылдары сабақты мектепте оқиды. Университетке түсіп, оны қызыл дипломмен бітірген. &nbsp;Қазір тұрмыста. 2 баланың анасы. Бірлестіктің жұмысын өзі қолға алмаса да қолдауын көрсетеді. Жарысқа баратын жастарға демеуші болып, жаңа идеяларын бөлісіп отырады.Ал Бақыткүл апай тәрбиелеген Айгерім есімді ару жоғары оқу орнының, Айбек атты шәкірті медициналық университет студенті. &nbsp;Бірлестікте тәрбиеленушілерден ақы сұрамайды. 2020 жылы бастамаларды қолдау орталығымен 500 мың теңге грант ұтып алған.&nbsp;<blockquote>– Іс-шараларды өткізуге жұмсалатын қаржыдан ауысқанына жіп, мата, бисер, тастар алуға тырысамын. Жасаған қолөнерді сатамыз. Бір бұйым жасау үшін бірнеше құрал керек. Өзімнің зейнетақымды осында жұмсаймын. Өзім білгенді қыздарға үйретсем деген арманым орындалып жатқанына қуанамын. «Дәстүр» қолөнер орталығының мүшесімін. Альбина Әбдірахманова, Іңкәр Боранбай, Айжан Жақсыбайлар қазір кілемді жақсы тоқиды. Азаннан кешке дейін үзіліссіз, демалыссыз жұмыс істейміз. Балаларға тәттісін, суын алып беріп қуантып қоямын. Ерекше балалармен жұмыс істеу өте күрделі әрі қызық. Сауабы да мол. Бастысы – ерекше балалар қайда барам деп қарап отырмаса екен, – &nbsp;дейді ағынан жарылған бірлестік жетекшісі.</blockquote>«Аңсаған» мүмкіндігі шектеулі қоғамдық бірлестігіне 2019 жылы Абай көшесінің бойында орналасқан бұрынғы кітапхананың ғимараты берілді. Қазір мұнда 25 оқушы тәрбиленуде. Жазғы демалыста бала саны тіпті көбейеді. Себебі келгеннің бәріне құшақ жаятын апамыз ешкімді жат санамайды. Бисер, кесте, кілем тоқытады, ойнатады, билетеді. Уақыттарын тиімді әрі қызықты өткізеді.&nbsp;Аудан ардагерлерінің, кент әкімі бастамасымен 2021 жылы аталған бірлестіктің 10 жылдығын атап өтті. Кент әкімі өнерлі балаларды жүлделі орындармен марапаттаса, ауданға белгілі кәсіпкерлер Рабиға Балғабаеава, Балахан Балмаханов, Алмат Сүлейменов, Ибрагим Бертілеуовтер демеушілік жасап, сый-сияпат ұсыныпты. Иә, Бақыткүл Сейіткәрімқызының ауданда ерекше балалардың шығармашылығын шыңдау бағытында атқарған еселі.&nbsp;Қазірде бұл бірлестіктің жаңа ғимаратқа да көшті. Талай республикалы додаларда топ жарып жүрген өрендеріде де бар. Иә, ерекше балалардың өнеріне жұрт таңдана, сүйсіне қарайды.&nbsp; &nbsp;

Қармақшыда балаға бақыт сыйлайтын бірлестік жұмыс істейді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен «Жайлы мектеп» ұлттық жобасының, шағын және орта кәсіпкерлікті дамытудың 2030 жылға дейінгі тұжырымдамасының іске асуы, «Таза Қазақстан» республикалық экологиялық акциясының қорытындысы талқыланған мәжіліс өтті.Жиынға ҚР Президенті Әкімшілігінің мемлекеттік инспекторы Рауан Рақымбеков, орталық атқарушы органдардың өкілдері, облыс әкімінің орынбасарлары мен құқық қорғау органдары, басқарма, департамент, инспекция басшылары қатысты. Аймақ басшысы күн тәртібіндегі мәселелер бойынша атқарылған жұмыстарға тоқталып, нақты міндеттер жүктеді.<blockquote>«Мемлекет басшысының тапсырмасына сәйкес «Жайлы мектеп» ұлттық жобасы аясында 2025 жылға дейін өңірімізде жаңа құрылыс стандарттары бойынша 21 мектеп салу көзделген. Биыл 10 мектептің құрылысы аяқталып, келесі жылы қалған 11 мектепті ел игілігіне беру межесі қойылған. Бұл құрылыстарға отандық тауар өндірушілердің жергілікті өнімдерін қолдану тапсырылды. Қазір барлық мектепке жер телімдері беріліп, 10-ының құрылысы жүргізілуде. Сыртқы инженерлік инфрақұрылым тартуды шілде айының соңына дейін аяқтаңыздар, 1 тамызға дейін жол-көлік желілерін, жарықтандыру, абаттандыру, жаяу жүргінші жолдарын және аялдамаларын салыңыздар.Облыста шағын және орта бизнесті жан-жақты қолдау шаралары қалыптасты. «Бизнестің жол картасы-2025», «Қарапайым заттар экономикасы» бағдарламаларына жыл сайын бюджеттен қомақты қаржы бөлінеді. Қаражаттың тиімді, мақсатты жұмсалуын қамтамасыз етіңіздер. Кәсіпкерлікті дамыту бюджет қаражатын таратумен шектелмейді. Әрбір тиыны нысаналы және тиімді жұмсалуы тиіс. Қала және аудан әкімдеріне қаржы ұйымдарымен бірлесіп, жаңа инвестициялық жобаларды сүйемелдеп, жүзеге асыруды тапсырамын. «Қызылорда» өңірлік инвестициялық орталығының басым бағыттарын анықтап, жұмысын одан әрі жалғастыру жолдарын пысықтау керек. Облыста шағын және орта кәсіпкерлікті дамыту, бизнес ахуалды жақсарту мәселесі күнделікті бақылауда болуы тиіс.Қызылорда қаласы және аудан әкімдері, өз аумақтарыңыздағы көше-жол желісінің, аулалардың, жасыл желек аймақтарының, ғимараттардың қасбетінің тазалығын қадағалаңыздар. Облыстық басқарма басшылары, салаларыңызға қатысты нысандарда тазалық, абаттандыру, көркейту жұмыстарының тұрақты жүргізілуіне жеке жауаптысыздар. Облыстық кәсіпкерлік және өнеркәсіп басқармасы Қызылорда қаласы және аудан әкімдерімен бірлесіп, шағын және орта бизнес субъектілерінің, халық көп шоғырланатын сауда базарлары аумағының тазалығын тұрақты бақылауда ұстаңыздар, – деді Нұрлыбек Нәлібаев.</blockquote>«Жайлы мектеп» ұлттық жобасы аясында инфрақұрылым жүргізуге облыстық бюджеттен қаржы бөлініп, құрылыс-монтаж жұмыстары басталды. Көше-жол, жаяу жүргінші жолдары, аялдама, жарықтандыру бойынша бүгінгі күнге 5 нысанның жоба-сметалық құжаттамалары әзірленген. Қалған 5 нысанға мамыр айының соңында сараптама қорытындысын алу жоспарланып, тамыз айында құрылыс-монтаж жұмыстары аяқталмақ.Соңғы 5 жылда шағын және орта кәсіпкерлік субъектілерінің жалпы саны 45,1%, ондағы жұмыспен қамтылғандар саны 26,7%, өндірілген өнім көлемі мен салық түсімі 1,8 есе ұлғайды. Шағын және орта кәсіпкерліктің жалпы өңірлік өнімдегі үлесі 1,1% өсіп, 18,9%-ға жетті. «Бизнестің жол картасы-2025» және «Қарапайым заттар экономикасы» бағдарламалары аясында 5,5 мыңнан аса жоба субсидияланды, 3,9 мыңға жуық жобаға кепілдік берілді. Ауылдық елді мекенде кәсіпкерлікті дамыту үшін мемлекеттің 100% қатысу үлесімен құрылған «Қызылорда» өңірлік инвестициялық орталығы 1500-ға жуық жобаны қаржыландырды. Шағын және орта бизнестің жаңа жобаларын орналастыруға мүмкіндік беретін 6 индустриялық аймақ бар. Қала және аудандардың әлеуеті мен мүмкіндігіне қарай 8 өңірлік инвестициялық бағдарлама әзірленіп, әкімдіктерге ұсынылды.«Таза Қазақстан» республикалық экологиялық акциясын қорытындыласақ, аймақта ұйымдастырылған шараларға барлығы 116 мыңнан аса ерікті, қоғам қайраткерлері, бюджет саласы мен кәсіпорын қызметкерлері қатысты. Акция кезінде 6 жарым мың тоннадан астам қоқыс қалдығы шығарылып, елді мекендердегі 505 сквер мен парк, 208 тарихи-мәдени ескерткіш, 791 әлеуметтік нысан, 848 өнеркәсіп және бизнес нысаны, 258 су объектісі, 13 883 аула мен көше бойы тазартылды. Оған 900-ге жуық техника жұмылдырылды. Сыр жұртшылығы «Таза Қазақстан» экологиялық акциясына белсене қатысып, өңіріміздің тазалығына өз үлесін қосуда.<img src="https://knadmin.beoblood.kz/uploads/444212993_754429223544991_1854285901434734645_n_235b104dd8.jpg" alt="444212993_754429223544991_1854285901434734645_n.jpg"><img src="https://knadmin.beoblood.kz/uploads/445713246_754429386878308_2049431686640380543_n_c0dfaf1d12.jpg" alt="445713246_754429386878308_2049431686640380543_n.jpg"> Фото: Қызылорда облысы әкімінің баспасөз қызметі

Аймақ басшысы бірқатар маңызды мәселеге қатысты нақты тапсырмалар жүктеді

<a href="https://kyzylorda-news.kz/">Kyzylorda-news.kz</a> &nbsp;Жастардың арасында белең алған қасіретті қатердің бірі – құмар ойынға әуестік. Әлемді елеңдетіп отырған бұл проблемадан айрандай ұйып отырған қаншама отбасының жапа шеккені бәрімізге мәлім.&nbsp;Елімізде 10 жұптың 7-еуі құнықтырған құмар ойыны ажырасуға себеп болады. Отандық блогерлердің көбісі букмекерлік кеңселерді жарнамалау арқылы пайда тауып отыр. Ал медиа тұлғалардан үлгі алатын қаншама жастың бар екенін бірі елесе, бірі біле бермейді. Ол хоббиге байланысты психикалық бұзылыс ретінде жіктеледі. Оның әлемде таралуын халықтың 0,12%-дан 5,8%-ға дейін бағалайды. Бұл ретте ересек халықтың шамамен 12,5%-ы үнемі ойнайтындығынан хабар береді.Осы тақырып аясында «ORDA» жоғары колледжінде Ақ-13г оқу тобында өткен «Лудомания – қоғам дерті» тақырыбындағы тәрбие сағатында осы мәселе жастар назарына ұсынылды.Қазақстанда лудомандардың, психиатриялық ауруы бар адамдардың нақты саны белгісіз. Десек те өзінің лудоман екенін сезінетіндердің саны белгілі болды. 18 наурыздан бастап ҚР-да пилоттық режимде құмар ойындар мен бәс тігуге қатысуды өз бетінше шектеу бойынша онлайн-қызмет жұмыс істейді. Оны eGov mobile мобильді қосымшасы арқылы оңай қосуға болады. ҚР Туризм және спорт министрлігінің мәліметінше, сәуір айының басында 7 мыңнан астам қазақстандық өз-өзіне тыйым салған. Тағы 3 мың адам қағаз түрінде ставкаларды қабылдауды шектеу туралы өтініш жазды. Барлығы екі апта ішінде проблемаларды мойындаған ойыншы саны 10 мың адамнан асты.Құмар ойындарының іргетасы, оған деген қызығушылық мектеп кезден қаланады. Яғни, оңы мен солын ажырата білмейтін, ненің дұрыс, ненің бұрыс екенін аңғармайтын балалардың оңай ақша табамын деген пікірінен туындайды. Алғашқы сәтте жай ұялы телефондағы ойындарға донат жасап жүреді. Жайлап ережесіз жекпе-жек, футбол іспеттес спорт ойындарына бәс тіге бастайды. Адам ойынға тәуелді болған кезде интернет-казинодағы слоттарға бармаса, ойындарға қатыспаса, психологиялық тұрғыда ашушаң, жүйке жүйесі жұқара бастайды. Алғашқы кезеңде сіз үшін ойын өте жеңіл, әрі еш күмән тудырмайтындай-ақ болып көрінеді. Бірақ уақыт өте жеңіліс табасыз, жалған намыспен өзге нәрсені дәлелдегіңіз келгенмен, ақыр соңы тақырға отыруға тіреледі.Жастардың бұл дертіне дауа таппаған дүниежүзілік психологтар дабыл қағуда. Қазақстанда статистика мәліметтері бойынша соңғы жылы 170 мыңнан астам жас 36 миллиард теңгені заңсыз ойын бизнесіне тіккен. 350 мыңнан астам қазақстандық лудоман есебінде. Өткен жылдан бері 2 мың сайт бұғатталып, онлайн-казино аккаунттары жұмысын тоқтатқан.Президент Қасым-Жомарт Тоқаев салалық министрліктерге заңсыз ойын түрлеріне деген шектеуді арттыруды тапсырды. Сонымен қатар арнайы органдардың осы проблеманы қолға алуын міндеттеп, лудоманияға қарсы күресте тәрбие мен түсіндіру жұмыстарының маңызды рөл атқаратынын атап өтті. Әуестіктен арылу үшін көп күш-жігер қажет. Егер мақсат қоя білсеңіз және бұл проблеманың сіз үшін әкелетін қатері мен қасіретін ұғыну арқылы ғана ауруды тез арада жеңіп шығуға болады. Құмар ойындарға кеткен қаражытты рухани дамуға, ілім-білімге, пайдалы қызығушылықтарға пайдалану – дұрыс өмір сүру ережесін қалыптастыруға ықпал етеді.&nbsp;Топ жетекшісі Г.Абдибаттаева жаһандық дертке айналған мәселе оңай жолмен ақша тауып, қомақты қаражатқа кенелем деген ой мен іс-әрекеттен басталып, нәтижесінде адамды материалдық шығынға ұшыратып, аяғы қайғылы оқиғамен аяқталуы мүмкін екендігін айтып, жастарға ескертті.Білім алушылар лудоманияның пайда болу факторлары мен зияны, виртуалды тәуелділіктің зардабы жайлы өздерінің ізденіс жұмыстарын ортаға салып, пікір алмасты.&nbsp;Қорлан САРЫ Фото: ulysmedia.kz

"Лудомания – ХХІ ғасыр дерті" тақырыбында жиын өтті

<a href="https://kyzylorda-news.kz/">Kyzylorda-news.kz</a> &nbsp;Кеше Достық үйінде Қызылорда облыстық Қазақстан халқы ассамблеясы Ақсақалдар кеңесінің екінші отырысы өтті.Шараға облыстық Қазақстан халқы ассамблеясының Ақсақалдар кеңесінің мүшелері, белсенді жастар және «Қоғамдық келісім» мекемесінің қызметкерлері қатысты.Кеңес отырысында суицид және оның көріністерін алдын алу мәселесі қаралды. Бірінші сөз облыстық білім басқармасы басшысының орынбасары Бағдат Бердәулетовке берілді.&nbsp;– Кәмелетке толмағандар арасында өзіне қол жұмсау фактілері бойынша 2024 жылы 5 аяқталған суицид орын алды. Суицидке қадам жасауға үш негізгі фактор әсер етеді. Бірінші психологиялық, екінші әлеуметтік, үшінші биологиялық. Әр орын алған оқиға арнайы жұмысшы топпен зерделеніп, талдау нәтижесінде 4 жағдай психологиялық, 1 жағдай әлеуметтік мәселеден туындағаны белгілі болды, – &nbsp;деп, басқарма тарапынан бұл кеселмен күресу бағытында жүргізіліп жатқан ауқымды жұмыстарға тоқталып, психологиялық қолдау тобына алынған 346 балаға мектеп психологымен қатар денсаулық сақтау саласының мамандары сүйемелдеу жүргізетіндігін айтып өтті.Күн тәртібіндегі мәселе бойынша келесі баяндаманы жергілікті полиция қызметкері Еркебұлан Жанұзақов жасады.– Криминагендік статистикалық мәліметтерге сәйкес облыс аймағында жасөспірімдер арасында өз-өзіне қол жұмсау фактілері тиылмай келеді. Жыл сайын суицидтің алдын-алу мақсатында профилактикалық іс-шаралар ұйымдастырылады. Жастар мен жасөспірімдер арасында суицидтің неге орын алғанын зерделеу олардың жақын туыстары мен ата-аналары үшін өте ауыр тиеді. Статистикалық мәліметтерге сәйкес, өңірде 2024 жылы орын алған 5 жағдайға қылмыстық кодекстің 5-ші бабымен сотқа дейін тергеп-тексеру жүргізілді. Талдау нәтижесі бойынша өзіне қол жұмсап, қайтыс болғандардың төртеуі орта мектептің оқушылары, біреуі колледж студенті, – деді Еркебұлан Жанұзақов.Ал облыстық денсаулық сақтау басқармасының бөлім басшысы Мира Мырзаханованың айтуынша, «Жалпы облыс көлемінде 2023 жылы 8 аяқталған жағдай, 2024 жылдың 5 жағдай орын алды.&nbsp;<blockquote>– Бізде мобильді топ осы бағытта ішкі істер департаментімен бірге жұмыс жасайды. Өкінішке орай, суицид бойынша Қызылорда облысы 6 орында тұр. Біз жас ерекшелігіне қарамастан, суицидке барған азаматтармен тығыз жұмыс жасаймыз. Олардың көбі отбасылық, денсаулық жағдайларына байланысты өз-өздеріне қол жұмсауға әрекет жасайды. Бұл тұрғыда басқарма тарапынан арнайы мамандар психологиялық жағынан қолдау көрсетеді. Айта кететіні, облыстық Жастар денсаулық орталығында Жедел желі телефоны 24/7 қосулы. Мәселен,орталықта бірінші тоқсан бойынша 15298 қызмет көрсетілген. Емдеу-сауықтыру, кеңес беру бөліміне 5442 адам жүгінген», – &nbsp;деді Мира Мырзаханова.</blockquote>Іс-шара аясында Ақсақалдар кеңесінің мүшелері баяндамашыларға сұрақ қойып, өз ұсыныстарын ортаға салды.Кеңес төрағасы Нұрмұрат Ерманов отырысты қорытындылай келе, баяндамашылардың берген ақпараттары бойынша тиісті орындарға ресми түрде ұсынымдар жолданып, осы мәселе бойынша алдағы уақытта қосымша ақпараттарға жауап беру сұралатындығын айтты.Фото: egemen.kz

Кеңесте суицид және оның көріністерін алдын алу мәселесі қаралды

Қымыз – қазақ халқының ұлттық сусындарының ішіндегі ең құрметтісі. Ол тек қана бие сүтімен ашытылады. Бие сүтінің осындай ерекше қасиеттерінің арқасында қышқыл да дәмді, адам ағзасына шипалы сусын пайда болады. Баршамызға белгілі қазақ халқы өзін қымыздың ең мықты сарапшысы деп санайды. Сондықтан болар, біз де ауылға барып тұрған соң жылқы байлап, саумал сауған кәсіпкердің шаңырағына соғып, жұмысының тынысымен танысуды жөн көрдік.«Сары қымыз сүйегіңе сіңсе, сан ауруды кеседі» деп атам қазақ бекер айтпаған ғой. Қымыз, оның ішінде саумал барлық дертке шипа, ағзаға күш береді. Бүгінде адамдар, әсіресе балалар тәтті суларға үйір болған. Соның орнына сары алтындай үйірілген қымыздан ішсе, өзінің денсаулығына пайда, шөлі де қанар еді. Бірақ біздің ауылда саумалға деген сұраныс артып келеді. Бие сауып отырған соң жақсы білемін. Шүкір, бүгінде 5-6 тұрақты тұтынушым бар, күнде келіп, саумал ішіп кетеді, – деп бастады әңгімесін бие байлаған Жалағаш ауданына қарасты Мырзабай ауылының кәсіпкері Айгүл Омарова.Айгүл Омарова ауладағы қорасына 2 биені байлап қойыпты. Жылқының шөбі, су-жемі алдында, одан мәселе жоқ көрінеді. Жолдасы Сағдат Ілиясов жаз түссе, көпке бармай-ақ ауыл маңайынан мал азығын, яғни жоңышқасын дайындап алады. Ауылда тұрып, атакәсіппен айналыспай, жұмыс жоқ дегенді сылтау санаған Айгүл апай осыдан 1 жыл бұрын мемлекеттен қайтарымсыз грант алып, 2 биені сатып алады. «Үш бие – бұлақ, екі бие – ел асы, бір бие – жоқтың қасы» демекші, бүгінде ол ауыл тұрғындарын саумал мен қымызбен қамтып отыр. Тіпті аудан орталығынан келіп, саумал ішуге ниет білдіргендер де бар екен.&nbsp;Иә, тірлік бастасаң, тынысың да кеңейтіні тағы бар, келешекте кәсіпкер мем-лекеттен қаржылай қолдау көріп жатса, кәсібін кеңейтіп, өнімін аудан орталығына, тіпті Қызылорда қаласына да өткізу ойында бар. Әрине «Қолы қимылдаған адам кедейліктің дәмін татпайды» деген сөз бар емес пе?. Біз де Айгүл апайдың жоспарын құптап, сәттілік тіледік. Ал ауыл әкімдігінің қызметкері Роза Жоламанова да бұл мәселе бойынша көмек беретінін жеткізді.&nbsp;Бие сауып, қымыз пісу машақаты көп, уақыт алатын күрделі жұмыс екені белгілі, десе де ауылға да заманауи үдерістің бір ұшы келіпті. Айгүл апай биені арнайы сауын құрылғысы арқылы күніне 5 рет 3 сағат сайын сауады екен. Бір сауым сүт жарты немесе бір литрге дейін жетеді. Түсте қорада тұрған жылқыларды екі сағаттай кездіреді. Кешке таман жылқышылар малды тағы да серуендетіп, көрші жайылымдағы жоңышқаға апарады. Бір қызығы, биелерді әрі кетсе 1 минутта тез сауып болу керек. Өйткені төрт түлік малдың ішіндегі жылқы – өте кірпияз, таза, кінәмшіл, судың тазасын ғана ішетін мінезді жануар.&nbsp;Кәсіпкер негізінен өнімін саумал түрінде өткізеді, ал артылғанынан қымыз піседі. Саумалдың 1 литрін 1000 теңгеден сатады. Қымызға су құйып, қымыздың дәмі мен сапасын кетіргенше, бағасын 100 теңгеге көтерген тиімді деген қағиданы ұстанатын кәсіпкердің өніміне сұраныстың жоғары болуының сыры осы шығар.«Саумалға қай кезде де сұраныс көп. Жылдың қай мезгілі болсын саумалды емге пайдаланатындар бар. Қымызға да сұраныс жоқ емес. Бірақ қымызды ашыту – машақаты көп жұмыс. Оған жақсылап дайындалу керек. Биені бие көнекке немесе ағаштан жасалып, ысталған шелекке сауады. Оның алғашқы ашытқысын «қымыздың қоры» деп атайды. Жаңа сүтпен қорды араластырып, ірімтігін жазады, ашуын басып отырады. Біріншіден, бие сүті ағаш күбіде ашытылуы қажет, өйткені темір ыдыста сүттің құрамы өзгеріп, пайдалы заттар жойылады және дәмі де өзгереді. Болмаса, жылтыр сырлы кәстрөлде дайындауға да болады. Бірақ бұл әдіс те онша емес. Екіншіден, сүтті біркелкі сапырып отыру керек. Қымызды көп сапырғанда оған оттегі көп сіңеді. Дәмі таңдай қақтырар қымызды дайындау үшін оны күріш немесе тары суымен, айранның сарысуымен, сиыр мен ешкі сүтімен сұйылтуға болмайды. Оған қоса су құйсаңыз, құрттым деп санаңыз», – дейді Айгүл Омарова.Бір қызығы, қымызды дұрыс дайындап қана қоймай, оны дұрыс іше білу де қажет екен. Айгүл апай бізге үйге кіріп, қымыздан дәм татуды ұсынды. Әрине бірден келісе кеттік. Үлкен тостағандағы қымызды алып, ожауымен сапыра бастады. Сары алтындай үйірілген қымызды көріп, тәбетіміз ашыла кетті. Әріптесім Кенжетай екеуміз 2 қайтара балдай тәтті қымыздан сіміріп алдық. Жасыратыны жоқ, таңдайымызды кептірген кешегі ыстықта шөліміз бірден қанды.&nbsp;қосылып ашытылған қымыз. Ол сырқат адамға, балаларға, жас босанған әйелдерге беріледі. Сірге жияр қымыз – күздігүні бие ағытарда бірнеше күн жиналған қымыз, салт бойынша сірге жияр қымызға ел ша¬қырып, бөліп ішкен. Уыз қымыз – бие сүтінің уыз дәмі тарамаған кезде ашытылған қою қымыз. Май қымызы деп те аталады. Сары қымыз – жаздың ортасында, шөп әбден піскен, буыны қатқан кездегі қымыз. Тіпті қысқы қымызды тек хандар, байлар мен ауқатты адамдар, ал жазғы қымызды бүкіл халық болып ішкен деседі. Отағасының айтуынша, қымыздың өзі түр-түрге бөлінеді екен. Атап айтар болсақ, бал қымыз – бал, қант, өрік-мейізИә, мемлекет кәсіп бастаймын деген ауыл тұрғындарына мол мүмкіндік беріп отыр. Тек жұмыс істеймін, табыс табамын деген ынта-ықыласың болса, жеткілікті. Соны түсінген мырзабайлық ағайындар да жаппай кәсіпкерлікке бет бұра бастаған. Өйткені сүйікті ісін табыс көзіне айналдыруға ниетті азаматтар ауыл әкімдігі қызметкерлеріне жол сұрап, жиі жолығады екен.«Бүгінде кәсіптің түр-түрі бар. Әр істің өзінің ерекшелігі мен қыр-сыры тағы бар. Бірақ мемлекет кәсіп ашқысы келетін азаматтарды оқытуға, жаңа іске үйретуге, тіпті қаржылай көмек беруге әрдайым дайын. Біз оны күнде айтып та жүрміз. Мемлекеттік бағдарламалар да көп. Мәселен, «Ауыл аманаты» бағдарламасы кәсіп ашамын деген ауыл тұрғындарына үлкен демеу болары сөзсіз. Жаман емес, бүгінде ауыл тұрғындарының кәсіпке деген көзқарасы оңды. Нақтырақ айтсам, ауылда қазіргі таңда 80 жеке кәсіпкер жұмыс жасап тұр. Былтырдың өзінде 6 ауыл тұрғыны пайыздық үстемақысы төмен несиеге қол жеткізіп, мал шаруашылығында кәсібін ширатып отыр. Оларға мемлекет тарапынан жалпы құны 20 млн 862 мың теңге үлестірілді. Мұнан бөлек биыл тағы 6 азамат грант жеңіп алды. Олардың әрқайсысы 1 млн 225 мың теңге қайтарымсыз қаржылай қолдауға ие болды», – дейді әкімдік қызметкері Роза Жоламанова.Жалпы, Жалағаш ауданының тіректі ауылына айналған елдегі тыныс-тіршілік осындай. Ең бастысы, ауызбіршілігі мығым, ісі тиянақты ағайынның тату-тәтті тір-лігіне сүйсіне қарадық. Осылайша ауыл маңында бір терең тыныс алып, аудан орталығына қарай беттедік...

Бие баптаған кәсіпкер 

<a href="https://kyzylorda-news.kz/">Kyzylorda-news.kz</a> Қызылорданың Қызылжарма ауылында болған оқыс оқиғадан зардап шеккен мектеп оқушысының жағдайы белгілі болды, деп хабарлайды <a href="https://qaz.ulysmedia.kz/">Ulysmedia.kz</a>.Бұған дейін иттің шабуылана ұшыраған мектеп оқушысының видеосын <a href="https://qaz.ulysmedia.kz/news/15767-kyzylordada-it-mektep-okushysyn-talap-birneshe-adamga-shapty-video/">жариялаған едік. </a>Алабайдың аузынан баланы сол маңдағы азаматтар аман алып қалған. &nbsp;Зардап шеккен баланың ата-анасың айтуынша оның арқасын сызаттар бар.&nbsp;Қызылорда облысының ветеринария басқармасынан осы оқиға бойынша түсініктеме алу мүмкін болмады. Ведомствоның баспасөз қызметі қызметкерлерінің айтуынша, басқарманың басшысы мен оның орынбасары түстен кейін және кешке дейін кеңесте болған.&nbsp;ІІМ баспасөз қызметі осы факт бойынша ақпарат кейін жолданатынын хабарлады.&nbsp;Заң не дейді«Жануарларға жауапкершілікпен қарау туралы» заңға сүйенсек, егер сіз кез келген итке зақым келтіріп немесе қару пайдалану арқылы атсаңыз, Қылмыстық кодекстің 316-бабы 1-тармағы (жануарларға қатыгездікпен қарау) бойынша әкімшілік жаза арқалайсыз. Бұл дегеніңіз – 120 АЕК-ке дейінгі мөлшерде айыппұл, сол мөлшерге пара-пар түзеу жұмыстарына, 120 сағатқа дейінгі мерзімге қоғамдық жұмыстарға тарту, не 30 тәулікке дейінгі мерзімге қамалу түріндегі жаза. Ал ветеринарларға оларды атуға, ұйықтатуға мүлде тыйым салынды. Төрт аяқтылардың азап шегуін тоқтату үшін немесе халықтың өмірі мен денсаулығына қауіп төнгенде ғана өлтіруге рұқсат. Сонымен қатар бұқаралық ақпарат құралдарында жануарларға қатыгездікпен қарауды насихаттауға тыйым салынғаны тағы мәлім. Жануарды қорғаушы қоғамдық ұйымдар ұлардай шулап жүріп шығартқан заң қаңғып жүрген итке тас лақтыруға да тыйым салады. Оған сүйенсек, қоғам онсыз да «бұралқы» болуға «мәжбүрленген» иттердің басына пана беруге, алдына ас қоюға тиіс.Фото: видеодан скрин&nbsp;

Қазақстан және Қызылорда облысының жаңалықтары