<a href="https://kyzylorda-news.kz/">Kyzylorda-news.kz</a> Бүгінде шетелде жұмыс істеуді армандап қана қоймай, оны алдына мақсат етіп қойған жастардың қатары көбейді. Бірі өзге елдің жақсы жалақысына қызықса, енді бірі тәжірибе жинақтап, еліміздің әлеуметтік-экономикалық ахуалына үлес қоссам деп талпынады. Солардың бірі – қазалылық Нұртас Бақтияр. Мол қаражат, ілім мен білім іздеген ол қазіргі таңда Германия елінде жұмыс жасауда. Талапшыл жаспен байланысып, шетелде жұмыс жасаймын деген қазақ баласын қандай қиындық немесе мол несібе күтіп тұрғанын және сонда қызмет етудің тиімділігі жайында әңгімелескен едік.– Нұртас, жалпы өзіңіз жайлы толыққанды айта өтсеңіз...– Мен қазыналы Қазалыдан туып, балалық-шағым, жиырма жылдан аса өмірім сонда өтті. №249 мектеп-лицейден түлеп ұшып, арман қуып бас қаламыз Астанаға келдім. Осында отбасын құрып, қазіргі таңда жұбайым, бір баламмен осында тұрып жатырмыз.– Шыны керек, бүгінде елімізде жастардың дені шетелде жұмыс жасауды мақсат қылған. Мұның сыры неде? Тиімділігі һәм тиімсіздігі қайсы?– Әрине, мұндағы тиімділіктің бірі – жалақының жоғарылығы. Барлық елдегідей бір күнде сегіз сағат жұмыс жасайсыз. Ал сенбі-жексенбі күндері демалыс. Бірақ осы күндері де жұмыс жасаймын десеңіз қосымша сағаттар жазылады. Тиісінше жалақы да жоғарырақ болады. Басқа да тиімділіктерін атап өтсем, үш мезгіл сапалы өнімнен жасалған тағамдар, жатын орныңызды жұмысқа орналастырушы компания төлейді. Бұдан бөлек, таза ауа, еуропа елдерінде қызмет етсең визаға сай бос уақытыңызда жақын маңдағы басқа да елдерге барып көрсеңіз болады. Осы тектес басқа да тиімді тұстары жетерлік. Ал тиімсіздігі көбіміз білетіндей медицина, дәрі-дәрмек қымбат.– Қазіргі таңда Германия елінде жұмыс жасап жатырсыз. Онда қандай маман болып қызмет етудесіз?– Иә, қазір Германия елінде жұмыстамын. Өз мамандығым энергетик маман. Мұнда кеме құрастыратын компанияда осы мамандық бойынша қызмет етудемін. Жалақым елдегіден бірнеше есе жоғары. Жанымда басқа да қазақстандықтар бар.Негізі көпшілік шетелге жұмыс десе, құлпынай теру, қоймаларда жүк тасушы немесе ауылшаруашылықтарында қара күшті жұмсау деп түсінеді. Білмесеңіздер, шетелде де өз мамандығыңыз бойынша қызмет етуге болады. Мүмкіндік көп.– Бұған дейін елде қандай қызмет атқардыңыз? Екі елмен салыстырмалы түрде көрсек...– Қазақстанда көптеген компанияларда жұмыс жасадым. Павлодарда аймақтық электр мекемесінде, Астанада қосалқы станция басшысының орынбасары сынды көптеген қызметте болдым. Жоғарыда айтқанымдай оқыған мамандығым электр-энергетика. Бұл – елде аса бағалана бермейтін мамандықтың бірі. Сол үшін Қазақстандағы жалақым тым төмен болды. Мен шетелге жұмысқа аттануымның басты себебі баспана алу үшін қаражат жинау болды. Экономист мамандармен ақылдасып, есептеп көрсек, елімізде баспана алу үшін несие алу қажет немесе несиеге алып, оны 15-20 бойы төлеп өту керек. Салыстырмалы түрде қарасақ, менің Қазақстанда төрт жыл бойы еңбек етіп, тапқан жалақымды шетелде бір жылда табады екенмін.– Көбіне осылай шетел асып, нәпақасын молынан тапқысы келген қазақ жастары көбіне алаяқтарға тап болып жатады. Сондай жандарға жолығып қалмасы үшін қандай кеңес бересіз?– Қазір алаяқтықты да өз алдына жұмыс қылып, кәсіби түрде кіріскендер көп. Олар ақша қайда мол сонда жүреді. Елімізде шетелмен байланысып, жұмыс тауып, онда орналастырушы делдал компаниялар баршылық. Оны әшейін әлеужелі не ғаламтордан тауып, бара саламын деген далбаса. Олай етемін деп әуре болмаңыз, алаяққа жем боласыз. Өзім де алғашқыда алданып қалғанмын. Әдетте құжатына, басқасына бір миллион теңгеге жуық қаражат жинап баруыңыз керек елге 50 пайыз жеңілдікпен шығарып саламыз деген сынды жарнамаларда баршылық. Мұның барлығына сенбей, мұқият тексеріп шығуыңыз қажет. Ал сенімді өкіл іздер болсаңыз, "Tabystap.kz" сынды осы саладағы тәжірибесі мол компаниялар бар. Соған жүгінгеніңіз абзал.– Нұртас, турасны айтқанда шетелде жұмыс жасаудың артықшылығы басым болмаса кемшілігі азы бәрімізге мәлім. Шетелдердегі жоғары жалақы, жақсы жағдайды естіген жастың көбі елден бір жола безіп кеткісі келмейді ме? Сіздің ойыңыз қалай? Жоспарыңыз ше?– Әрине, шетелде қоғам үшін қолайлы орта, жақсы жағдай жасалған, рас. Бірақ сол қолайлылық сырт елден келген мигранттарға, қызметтік не туристік визамен келген жандарға толыққанды жасалмайды. Олай болмаса да, менің мұндағы мақсатым жоғарыда айтқандай молырақ қаражат тауып, Отан-анаға қайта оралу. Сондағы жай-күйімді реттеп, Астана қаласындағы қызметімді қайта жалғастыру. Жастарға, кейінгі буынға айтарым, шетелге шығыңыздар көз қарасыңыз, ойлау өрісіңіз кеңейеді. Бірақ елге қайта оралуды ұмытпаңыздар. Шетелдегі қажетті қаражатты, ресурстарды, білімді алып, Отан-анаға беріңіздер, адал қызмет етіп борышыңызды, міндетіңізді орындаңыздар дегім келеді. Әсте, ата-бабамыз "Өзге елде сұлтан болғанша, өз еліңде ұлтан бол" деп бекер айтпаса керек!– Сұхбатыңыз үшін көп рахмет, ісіңізге сәттілік тілейміз!ӘңгімелескенСерік АҚМЫРЗА

Қазалылық жас Германияда қызмет етеді

<a href="https://kyzylorda-news.kz/">Kyzylorda-news.kz</a> Жуырда Қазалы ауданына қарасты Бекарыстан би ауылында үлкен той болды. Дәлірек айтсақ, пейілі кең, көңілі дархан, қойнауы құтқа толы, береке-базары үзілмеген Бекарыстан би ауылының ғасыр тойымен қатар ауылдың мәдениет ордасына 50 және №24 білім ұясына 90 жыл толуына орай "Ауылым – алтын бесігім" атты облыстық драма үйірмелері арасында байқау өтті.Ауылдың ғасыр тойын тойлау мақсатында өткен ауқымды шараның өтуіне мұрындық болған аудандық Мәдениет және тілдерді дамыту орталығы, ауыл әкімдігі және Бекарыстан би мәдениет үйі ұжымы.Алдымен, мәдениет бөлімінің басшысы Болат Әбенұлы бастаған кеш қонақтары ауылдық мәдениет үйі, кітапхана мамандары клуб кіреберісіне ұйымдастырған ауылдың тыныс-тіршілігі һәм тарихы бейнеленген көрмемен танысты. Сонымен қатар жиналған жұртқа арнайы даярлаған бейнеролик көрсетілді. Мұнан соң сахна төрінен сөз алған Болат Жолтаев, Бекарыстан би ауылының тұрғындарын 100 жылдық тойымен құттықтап, барша қатысушыларға сәттілік тілесті.<blockquote>– Қашанда халқымыз үшін ауыл – руханиятымыздың темірқазығы, қазақтың күретамыры, ұлттық құндылықтарымыздың алтын бесігі, береке мен байлығымыздың бастауы екені даусыз. Ауылдың таза ауасын жұтып, тұнық суын ішіп, көркем табиғатынан қуат алып өскен әрбір азамат өзі туған топырағын барынша қадірлеп-қастерлеуге тиіс. Төрт түлігін түлетіп, егістігін жайқалтып, шаруасын өрге сүйреп отырған ауыл – бүтін бір елдің асыраушысы, қайнаған еңбектің және ұлттық руханияттың қайнар көзі іспетті. Ұлт руханияты да ауылдан бастау алады. Салт-дәстүр, мәдениеттің сарқылмас мол қоры ауылдарымызда сақталып келеді. Көпті көрген көнекөз қарттарымыз ауылда жатып-ақ, ұлт болашағы үшін ұрпақ тәрбиесіне үлес қосуда. Атасы мен әжесінің тәрбиесін көрген қарадомалақтар ұлт мәдениетінің мөлдір тұмасынан сусындайды.</blockquote>Бір ғасыр – адам ғұмыры үшін тұтас бір дәуір. Ал тұтас бір ауыл үшін бұл уақыт дәуір белесі десек, қате болмас. Құрметті, Бекарыстан би ауылының тұрғындары! Сіздерді шын жүректен ауылдың жүз жылдық мерейтойымен құттықтаймын! Байқауға қатысушы барша үйірме мүшелеріне сәттілік тілеймін, – деді ол.Мұнан соң Майдакөл ауылдық округі әкімі Қ.Құрманбаев, ауыл ақсақалы, Қазалы ауданының құрметті азаматы Б.Садуов және ауылдық әйелдер кеңесі төрайымы &nbsp;Құралай Бекжановаларда ақжарма тілегін айтты.Аудандық мәдениет үйі орталығының суретшісі Әбілқайыр Өмірбекұлы және орталық өнерпазы Гүлбану Досан сынды азаматтар аталмыш байқауда қазылық етті.Байқау нәтижесі бойынша бас жүлдені Ү.Түктібаев ауылдық клубы жеңді. Бірінші орынды Қызылорда қаласы, Қызылжарма ауылдық мәдениет үйі иеленді. Ал екінші орынға Бекарыстан би ауылы мен Жалаңтөс батыр ауылдық мәдениет үйлері жайғасты. Үшінші орынды Жалағаш ауданы, Жаңадария ауылы мен Қармақшы ауданы, Ақай ауылы және Қазалы ауданы, Қ.Пірімов ауылдық клубы тең бөлді.Сонымен қатар, байқауда бақ сынаған барлық жүлдегерлерге қаржылай сый-сияпат пен алғыс хаттар табысталды. Кеш соңында ауылдық мәдениет үйі ұжымы облыстық деңгейдегі байқаудың жоғары дәрежеде өтуіне демеушілік жасаған, жеке кәсіпкер Ертай Тоқболатовқа жәна басқа да азаматтарға алғысын айтты.

Қазалыда "Ауылым – алтын бесігім" атты облыстық байқау өтті

<a href="https://kyzylorda-news.kz/">Kyzylorda-news.kz</a> Жақында Қазалы ауданы әкімі Мейрамбек Шермағанбеттің төрағалығымен ауыл шаруашылығы саласындағы бірқатар өзекті мәселелерге қатысты мәжіліс өтті.Мәжілісте көктемгі егіс науқанының жүргізілу барысы, мал басын бірдейлендіру, әлеуметтік маңызы бар азық-түлік тауарларының бағасын тұрақтандыру, игерілмеген жерлерді мемлекетке қайтару, жайылымдық жерге жүктеме түсірмеу үшін малдарды елді мекендерден тысқары жерге шығару сынды өзекті мәселелер қаралды.Мәжілісте аудандық ауыл шаруашылығы мен жер қатынастары бөлімінің басшысы Еркін Сейтов сала бойынша атқарылып жатқан жұмыстар жайында баяндама жасады.Биыл ауданымыз бойынша барлығы – 17377 гектарға ауыл шаруашылығы дақылдарын орналастыру жоспарланса, оның ішінде, негізгі дақыл – күріш 6 200 гектар жерге егу жоспарланған. Бүгінгі таңда күріш егу жұмыстары 4388 гектарға егілсе, 3279 гектары суға бастырылған.Аудан басшысы көктемгі егіс науқаны – күзгі орақтың алғашқы жауапты кезеңі болғандықтан, науқанға аса жауапкершілікпен қарап, тиісті жұмыстарды жоғары деңгейде ұйымдастыру қажеттігін айтты. Сонымен қатар, күріш егу жұмыстарын шұғыл түрде аяқтау қажеттігін ескертті. Ал, егінді сумен қамтамасыз ету мәселесі бойынша тиісті сала басшыларына нақты тапсырмалар жүктеп, суға қарыз серіктестіктердің қарызын өндіру бойынша жұмыстарды жүргізу керектігін айтты.Мәжілісте аудан әкімі ауыл әкімдеріне ауыл шаруашылығы жануарларын бірдейлендіру мен елді мекендердегі жайылымдық жерлерге жүктеме түсірмеу үшін малдарды тысқары жерлерге шығару жұмыстары өте баяу жүргізіліп жатқандығын айтып, бұл жұмыстарды да үйлестіруді тапсырды.Сонымен қатар, жауапты сала басшыларына аудан аумағындағы тұрғын үй құрылысына, кәсіпкерлік мақсатта және ауыл шаруашылығы саласын дамыту мақсатында берілген жер учаскелеріне талдау жұмыстарын жүргізіп, белгіленген мерзімде игерілмеген жерлерді мемлекетке қайтару бойынша шұғыл жұмыс жасау жөнінде тапсырмалар берілді.

Мәжілісте көктемгі егіс науқаны талқыланды 

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы, Тасарық ауылындағы №238 орта мектепте 2022 жылы «Учебный мир» компаниясы есебінен заманауи үлгіде химия кабинеті жабдықталып, пайдалануға берілді. Химия кабинеті «Жаратылыстану» бағытында лабораториялық құралдармен және сенсорлық экранмен оқушыларға сабақ өткізу мүмкіндігі жасалған. Лаборатория бөлмесінде зертханалық жұмыстар жүргізіліп келеді, зертханалық жұмыстар жүргізуге барлық құрал жабдықтармен қамтылған. Жалпы, бұл кабинетті оқушы партасы, оқушы үстелі және зертханалық&nbsp;құрал жабдықтармен қамтыған.1970 жылдың қыркүйек айында ауылдан алғашқы төрт класстық бастауыш мектеп ашылған. Алғашқы ұстаз Шобдар Ержанов болған, мектепте отыздан астам бала білім алған. 1973 жылы сол кездегі ауыл басшысы Жалғасбай Аханов атамыздың мұрындық болуымен ауылдан мектеп құрылысы салынып, осы жылдың қазан айынан бастап, бұрынғы бастауыш мектеп сегіз жылдық мектепке айналған, бірақ сегізінші сыныпта бала саны жетіспеуіне байланысты алғашқы жылы жеті сынып болған. Мектепке №238 «Коммунизм» сегіз жылдық мектебі деген атау берілген. Мектептің алғашқы директоры Ерғали Кәрібаев, оқу тәрбие ісі меңгерушісі болып, Жұмағали Ниязымбетов тағайындалған. Мектепте алғашқы жылдарда ұстаздық еткен мұғалімдер: Шобдар Ержанов, Патима Кәрібаева бастауыш сынып мұғалімдері: Айнагүл Биманова география, Жұмағали Ниязымбетов қазақ тілі, Набатбай Сәдуақасов орыс тілі, Жанымкүл Мылтықбаева тарих, Ерғали Кәрібаев математика, Әнуәрбек Әбдімұратов дене тәрбиесі, Мұсабек Каримов еңбек пәндерінен дәріс берген. Келер оқу жылында бұл құрамда Құттыбай Аханов математика, Набат Өтепбергенова бастауыш сынып тағыи басқа жас кадрлармен толыққан. Ерғали Кәрібаев бұл білім ордасын 1981 жылға дейін басқарған бұл жылдарда мектептің техникалық базасы нобайын мектеп жанынан шопан балаларына арналған 50 балалық интернат ашылған. Бұрынғы мектеп басшыларына интернат үйі осы жылдары мектеп интернаты облыстық үйіне айналдырылған. Бір айта кетерлігі соцалистік жарыстың жеңімпазы ауыспалы қызыл ғимарат әлі күнге дейін пайдалануға бірнеше рет жеңіп алды. Жарамды, қазіргі әкімшілік үйі осы ғимаратты пайдаланып отыр. Сол кезеңдерде мектептегі бала саны – 150-ге жеткен мектеп жанына интернат үйіне арнап, қосымша құрылыс салынған. Мектеп жаңа жас кадрлармен толыққан. 1981 жылдың қыркүйек айынан 1983 жылдың тамыз айына дейін мектеп директоры қызметін Сәрсен Сейілов атқарды. Оқу тәрбие ісі жөніндегі орынбасар Құттыбай Аханов болды.1983 жылдың қыркүйек айынан 1988 жылдың наурыз айына дейін мектеп директоры қызметін Бақытжан Шаханов атқарды. 1988 жылдың сәуір айынан 1989 жылдың қыркүйек айына дейін Жетібай Тақманбетов 1989 жылдың қыркүйегінен 2005 жылдың қыркүйегіне дейін Аманбай Есетов директор қызметін атқарды. Бұл аралықта мектепте бірнеше кадрлық өзгерістер болды. 2000 жылдың қыркүйегінен бастап, мектеп орта мекемеге айналды. Қоғамдағы өзгерістерге байланысты мектеп жанындағы интернат жабылды. 2005 жылдың қыркүйек айынан 2007 жылдың қараша айына дейін мектеп директоры қызметін қайтадан Жетібай Тақмамбетов атқарды. 2007 жылдың желтоқсан айынан 2009 жылдың ақпан айына дейін Жарқынбай Қалымбетов 2009 жылдың наурызынан 2014 жылдың сәуір айына дейін Құттыбай Аханов, 2014 жылдың қыркүйегінен 2018 жылдың тамыз айына дейін Нұрсұлтан Құламетов 2018 жылдың қаңтар айынан &nbsp;2020 жылдың қыркүйегіне дейін Айдос Имановтар мектеп директоры қызметін атқарды. 2020 жылдың қыркүйегінен 2021 жылдың қыркүйегіне дейін мектеп директоры міндетін уақытша атқарушы Тойбазар Бөлебаев атқарды. 2021 жылдың қыркүйегінен бастап, бұл қызметті Әлия Талғатбекқызы Кеулімжай атқарып келеді.Қазіргі таңда №238 мектепке қарасты «Тасөткел» бастауыш сыныбын және МАД тобын қоса алғанда – 112 бала білім алады. Мектепте – 37 мұғалім, 30 кіші қызметкер және мектеп жанынан құрылған «Қуаныш» шағын орталығында – 10 қызметкер жұмыс жасайды.Сонымен қатар, 2022-2023 оқу жылында, (11.04.2022ж. күнгі №5 педагогикалық кеңестің шешімімен) атаулы үш бөлме ауылдағы еңбектері елге белгілі, ауыл ақсақалдарының атына беріліп, ұрпақтары жабдықтап пайдалануға берілген. Атап айтар болсақ, 2022 жылдың 11 сәуірі күнгі №5 педагогикалық кеңестің шешіміне сәйкес,Тасарық ауылындағы тарихы ғасырлармен үндескен киелі қара шаңырақ №238 орта мектебінде көп жылдар бойы осы білім ордасының жарқыраған маңдайшасына айнала білген үлгілі ұстаз, білікті басшы Кәрібай Ерғали Биманұлы атындағы ұстаздар бөлмесі ашылып, пайдалануға берілді. Тарих – бұл Сіз бен Біз: өскен ортаң, оқытқан ұстазың, ұшқан ұяң, айтылған сөзің, қалдырған ізің, қолтаңбаң, елің үшін жасаған игілі істерің болмақ. Тарих осынысымен қымбат. Ардақты азамат, абыройлы ұстаз Кәрібай Ерғали Биманұлы осынау киелі қара шаңырақта ұзақ жылдар бойы аянбай еңбек етіп, ұрпақ тәрбиесіне сүбелі үлес қосып, ұлағатты ұстаздық қолтаңбасын қалдыра білді. Абзал азаматтың ұрпақтары аталған бөлмені талапқа сай заманауи үлгіде жабдықтап, бала жанының бағбандары ұстаздарды зор қуанышқа бөледі. Еңбек ардагерлері, ұрпақтары және аудандық білім бөлімінің өкілі А.Бейсенбай, аудандық кәсіподақ ұйымының төрағасы Әбілқасым Раман ұстазға берілген арнайы тақтаның ашылу рәсімін жасап, лентасын қиды. Шара барысында Ерғали ұстаздың бойындағы қадір-қасиеті, сіңірген еңбегі, өмір жолы насихатталып, оқушылармен өткен тәрбие сағатында ата-ана қадірі, ұрпақтар сабақтастығы, адамгершілік мінез-қылықтар үлгі етілді. 1973 жылы №238 &nbsp;«Коммунизм» сегіз жылдық мектебі деген атау беріліп, ашылғаннан &nbsp;осы мектептің алғашқы директоры Ерғали Кәрібаев атындағы «Мұғалімдер бөлмесі» ашылды. Ерғали Кәрібаев бұл білім ордасын 1981 жылға дейін басқарған бұл жылдарда мектептің техникалық базасы нобайын мектеп жанынан шопан балаларына арналған 50 балалық интернат ашылған.Қазіргі таңда, аталған мұғалімдер бөлмесінде мұғалімдерге арналған оқу-әдістемелік құралдар, көрнекіліктер, заманауи АКТ орналастырылған. Бұл кабинетте мұғалімдер жаңаша сабаққа дайындалу іс-тәжірибемен бөлісу мүмкіндіктері қаралған.Екінші, Бекқожа Бөлебаев атындағы «Мектеп мұражайы» №238 орта мектебінде де, өскелең ұрпаққа рухани азық беретін, «Ер есімі – ел есінде» атты еңбек ардагері Бекқожа Бөлейбайұлы Бөлебаев атындағы тарихи-өлкетану мұражайы ашылды. Мұражайды ашудағы мақсатымыз – осы ауылда туып-өскен, мақтан тұтуға лайықты қасиетті тұлғалардың тағылымды өмірі жайлы қысқаша дерек беріп, өскелең ұрпаққа рухани азық бере отырып, отансүйгіштікке тәрбиелеу мақсатында мұражайдың ашылуына байланысты мектепте салтанатты іс-шара өтті. Іс-шараға ауданнан, ауылдан арнайы қонақтар шақырылды.Бірінші бөлімінде арнайы құрылған бағдарлама бойынша мұражайдың салтанатты түрде лентасын қию рәсімі болды. Бұл рәсімді арнайы қонақ болып отырған аудан әкімінің орынбасары Дәурен Оңғарбайұлы Тілеуімбетов пен облыстық маслихатының депутаты, жерлесіміз Ібайдулла Тілеп ағамыз қиды.Бұдан кейін, мектептің тарих пәнінің мұғалімі Бақыткүл Бөлебаева мұражайдың ішіндегі орналасқан әрбір бұрыштың құрылымымен қатысушыларды таныстырды.Жалпы, мұражайдың ішіндегі мәліметтер екі бағытта жинастырылған: Ауыл тарихы мен мектеп тарихы. Сонымен қатар, мұражайдың ерекшелігі – барлық жиналған құжаттар мен жәдігерлерне QR код жасалып, электронды форматта жасақталған.Құнды жәдігерлерді, танымдық фото-суреттерді, аудан, облыс көлемінде кітаптарда басылып шыққан мәліметтерді жинақтауға №238 орта мектебінің ұжымы мен ауылымыздың азаматтары атсалысты.Үшінші, Құттыбай Аханов атындағы «Ардагерлер бөлмесі» "Ер есімі – ел есінде" атты ерін ұлықтаған ұрпақ,ардагер ұстаз Аханов Құттыбай Жалғасбайұлы атындағы Ардагерлер мен мектеп ұстаздарына арналған демалыс бөлмесіДемалыс бөлмесінің ашылуына арнайы қонақтар мен ауыл тұрғындары шақырылды.Ардагер ұстаз, Аханов Құттыбай ағай демалыс бөлмесінің ескерткіш тақтайшасын өз қолымен ашты. Ғұмырын балалардың жарқын болашағына арнаған мұғалімдердің еңбегі өлшеусіз. Мектепте мұғалім мәртебесінің жоғары болуы қашанда маңызды, қолдау жоғары.Айта кету керек, педагогтарға арналған арнайы бөлме барлық керек жабдықтармен қамтылған. Сондай-ақ, «Қалдырған ізің мәңгілік» атты арнайы ардагер ұстаздың өмірбаянынан стенд ілінген.Сонымен қатар, №238 орта мектептің гимні ретінде "Тасарықтың мектебі" атты әнінің тұсаукесері болып өтті. Өлеңнің сөзін ардагер ұстазымыз Алмат Сұлтамұратов, әнін отыз беске тарта хит әндердің иесі Жарасхан Төлебай жазды. Бұл ән болашақта мектебіміздің гимні ретінде орындалады. Барлық ұстаздар қауымы қандай құрметке де лайық. Ардагер ұстаздар мен бүгінгі буын жас мамандар арасындағы сабақтастық жалғасын таба берсін! – деген тілегімізді білдіреміз.2023-2024 оқу жылында республикалық мың мектеп жобасына №238 орта мектеп яғни (біздің мектеп) еніп, облыстық семинар өткізді. Осы оқу жылында бірқатар оқушыларымыз бен ұстаздарымыз пәндік олимпиада, ғылыми жоба, әртүрлі байқауларға қатысып, жүлделі орындарға ие болды. «Оқуға құштар мектеп» жобасы аясында аудандық байқау, театрланған қойылым, көркем сөз оқу байқауларынан да, жүлделі орындар алды.Фото: bilimainasy.kz

Жаңашылдыққа баулитын мектеп

<a href="https://kyzylorda-news.kz/">Kyzylorda-news.kz</a> Өмірге бағдаршамдай жол сілтеп тұратын, тәлім-тәрбие кілтін ұстаған, саналы ғұмырын білім беруге арнаған ұлағатты ұстаз Дариха Әмзебекова биыл 70 жасқа толды.Ардагер ұстаз Қармақшы ауданындағы Тұрмағамбет ақын атымен аталатын ауылда дүниеге келді. Н.Гоголь атындағы Қызылорда педагогикалық институтынан физика-математика пәнінің мұғалімі мамандығын алған.Атасы Байғұлы, өз әкесі Әмзебек, анасы Қойқын түйгені мол, айтары бар ел құрметіне бөленген ақжарқын кісілер еді. Атақты Жиенбай жыраудың бел баласы Үрістембек жырау Байғұлы ақсақалдың қарындасымен шаңырақ көтереді. Кешегі күміс көмей Көшеней мен Бидас жырау Байғұлыға жиен болып келетіні тарихтан тағылым беріп тұрған тәрізді. Ұстаздардың ұстазы атанған кейіпкеріміздің негізгі тәрбие өзегі осында болса керек.Ол еңбек жолын Қармақшы ауданы Жаңажол ауылындағы №107 орта мектепте ұстаздықтан бастайды да, туған жері Тұрмағамбет ауылындағы №29 орта мектепке ауысып, осында қызметін жалғастырды. Кейін мектеп директоры, ұйымдастырушылық қабілетінің арқасында көптеген істің көшбасшысы болды. 1990 жылдан 2012 жылға дейін мектеп директоры қызметін абыроймен атқарып, зейнет демалысына шықты.Мектеп басшылығында жүрген жылдары пән кабинеттерінің талапқа сай жабдықталуына күш салды. Ондағы мақсат – оқушыға тәжірибе арқылы салауатты сана қалыптастыру. Өзіне де, өзгеге де талап қоя білетін және сол үдеден шығуға жұмыс жасайтын. Нәтижесінде мектеп оқушылары аудандық, облыстық тіпті республикалық байқаулардың жеңімпазы атанып жүрді.Мектеп басшылығының бастамасымен 1996 жылы Қызылорда қаласында мұғалімдердің республикалық ғылыми конференциясына ұсынған «Халықтық педагогика – ұлттық тәрбие негізі» тақырыбындағы іс-шарасы үздік деп танылып, республика аумағына әдістемелік құрал ретінде таратылды. 1999-2003 жылдар аралығында білім гранттарын жеңіп алуда үздік көрсеткіштерге жеткені үшін №29 орта мектебі Қазақстанның үздік 100 мектебінің қатарына енгізілді. Бұл ұжым жетістігінің жарқын көрінісі болатын.Дариха апайдың тағы бір қайраткерлік қыры – үнемі ізденіс үстінде жүретіні. Соның бірі – оқушыларға бабалар мұрасын насихаттау, өнер туындысымен таныстыру үшін ашылған мектепішілік музейдің жандануы.«Сыр елі – жыр елі» деп аталатын бұрыш 1973 жылы Қазақ КСР Оқу ісінің үздігі Қаражан Қожабаевтың бастамасымен қазақ тілі мен әдебиеті пәні кабинетінен ашылған болатын. Мұғалімдер мен оқушылардың ізденісі арқылы ең алғаш жергілікті ақын-жыршылар шығармалары, өмірдеректері жинақталып толықтырыла түсті. Оған әйгілі Тұрмағамбет шайырдың тақиясы мен тұтынған заттары қойылды. Ақынның ұлы Әбдірауық ақсақал пышақ пен оның қынын, көзәйнегін табыстаған болатын. Бес бөлімнен тұратын мектеп музейіне Ешнияз салдан бастап шежіреші Үбісұлтан Аяпов, Әлиакбар Жұматаев, Запа Дәулетбаевқа арналған бөлімдер топтастырылды. Сонымен қатар Кеңес Одағының батыры Тәйімбет Көмекбаев, Социалистік Еңбек Ері, Батыр ана Сәлима Жұмабекова жайлы деректер де осында жинақталды. Өлке тарихы қатталған музей бүгінге дейін көпшілік қазынасына айналып отыр.Ұстaз – өзен секiлді, айналасына нәр беріп, жанындағыларды жайқалтып жіберетін күш иесі. Шәкірттеріне шуақ төккен күн тәрізді. Ғибратты ғұмыр иесі осы үдеден шыға білген майталман маман.<blockquote>– Оқушы озат болу үшін мұғалім, ата-ана үнемі байланыста болуы керек. Сабақ беру тек сыныппен шектелмеу қажет. Сонда ғана елге тұтқа боларлық тұлға тәрбиеленеді. Қыздарға шаш қидырған жоқпын, ер балаларға шашын өсіруге үзілді-кесілді қарсы болдым. Мектеп формасын киюін міндеттедім. Оқушы екенін өзі де, өзге де сезінуі керек. Сабақтан тыс уақытта балаларды еңбекке баулитынбыз. Ал оқу мен еңбек – өмірдің даңғыл әрі дұрыс жолы.</blockquote>Сырттай қарапайым болғанымен, тарихтағы ұлы істі атқарып жүргендер – ұстаздар екені даусыз. Жас ұрпақтың санасына сыналай енгізетін тәлім-тәрбие, үлгі-өнегесі өлшеусіз. Білімге баулып, биікке ұшыратын оқушыларының оқуда озат, өмірде патриот болуы мұғалім ұстанымына байланысты, – дейді ардагер бізбен әңгімесінде.Дариха апайдан дәріс алып, бүгінде еліміздің әр саласында абыройлы қызмет атқарып жүрген шәкірттері жүздеп, тіпті мыңдап саналады. Олардың «жүз жыраудың отаны» атанған киелі Тұрмағамбет ауылынан түлеп ұшып, қоғамнан өз орнын табуында ұстаз қолтаңбасы жатыр.Ұлы Абай: «Адамның адамшылығы – жақсы ұстаздан» деп мұғалім тәрбиесі мен өнегесі оқушы болашағының түп қайнары екеніне көңіл аударды емес пе?!Д.Әмзебекова «Білім беру ісінің үздігі» атанды, Білім министрлігінің «Құрмет грамотасымен» марапатталды. «Үздік мектеп директоры – 2008» номинациясын иеленді. Бұл – ұзақ жылғы еңбектің жемісі.Әр адамның өмір жолы – бір тарих. Алайда дара жолын тауып, өз қолтаңбасын қалдыру әркімнің өз еншісінде. Бұл тұрғыдан алғанда Дариха Әмзебекқызы ізгі мұратына жетті деуге болады. Өйткені, бар болмысымен бала бағбаны атанған ардақты тұлға хакім Абай айтпақшы, дүние кетігіне &nbsp;кірпіш болып қаланды.Жетпістің белесіне шыққан ардагер әлі де білім саласының беталысынан күнделікті хабар алып, әлеуметтік мәселелерді жиі зерделеп, өз пайымын білдіріп отырады. Мекен-жайы да мектепке етене екен. Ондағысы зейнетке шықса да, білім ордасымен көңіл үндесіп тұрсын дегені болар.&nbsp;Тұрар Бекмырзаев

Ұлағатты ұстаздың өнегелі өмірі

Ғылым жолы көп күш-жігер мен асқан ыждағатты, зор ықылас пен ұстамдылықты қажет ететіні белгілі. Ал осындай үлкен жолды таңдау әйелдер қауымына артылатын жауапкершілік жүгін екі есе ауырлатқанмен тең. Біздің бүгінгі шиелілік кейіпкеріміз ауыл шаруашылығы саласында көпшілікке пайдалы болар іргелі еңбектер жазып, шәкірттерін бар білгеніне баулып, ұстаздық жолында ұлтқа қызмет етіп жүрген жан – Айжан Маханбетова.​&nbsp;Мемлекет басшысы Қасым-Жомарт Тоқаев өз сөзінде: "Егер әлемдік дамуда көш соңында қалмаймыз десек, ең алдымен, ғылымды дамытуымыз керек. Сондықтан ұлттық ғылымды жаңа деңгейге көтеретін мезгіл жетті. Жасыратыны жоқ, қазір ғылыми атағы бар, бірақ ілім-білімге мүлде қатысы жоқ адамдар көбейіп кетті. Елімізге өмір жолын ғылымға арнаған, нақты ғылыми жетістігі бар адамдар керек", – деп, бүгінгі ғылыми ахуалға жіті көңіл бөлуді тапсырған болатын. Расында, білмегенін білуге бекінген адамның мүмкіндіктері үнемі кеңейіп отырады. Айжан Бекболатқызы 2002 жылы "Мал шаруашылығы өнімдерін өндіру технологиясы" мамандығын меңгеріп, 2006 жылы "Ауыл шаруашылық ғылымдары" бойынша магистратура, 2019 жылы өз мамандығына сәйкес докторантурада білім алып, үздік дипломмен тәмамдаған. Таяуда жерлесіміз "Мал шаруашылығы өнімдерін өндіру технологиясы" бойынша PhD "Философия докторы" (ескі үлгіде ауыл шаруашылық ғылымдарының кандидаты) дәрежесіне ие болды. Бұл – ғылым жолында жасалған үлкен табандылық, тәуекелдің толағай жемісі.​&nbsp;Көпке құмар ізденушінің аталған бағытта жарыққа шығарған жұмыстары аз емес. Айжан Бекболатқызының ауыл шаруашылығы саласында жазған жалпы 47 ғылыми еңбегі бар. Соның ішінде диссертация тақырыбы бойынша 21 ғылыми еңбегі ашық басылымдарда, атап айтсақ, Қазақстан Республикасы Ғылым және жоғары білім саласындағы сапаны қамтамасыз ету комитеті ұсынған ғылыми журналдарда – 5, Scopus компаниясының дерекқорына енетін халықаралық ғылыми журналдарда – 3, халықаралық және республикалық конференция материалында – 3 мақала жарияланып, өзіндік өтімділігін тапқан. Қазіргі таңда Қазақстан Республикасы Ғылым және жоғары білім министрлігі, Ауыл шаруашылығы министрлігі ұсынған гранттық және бағдарламалық-мақсатты қаржыландыру бағытындағы ғылыми жұмыстармен айналысуда.​&nbsp;Белгіленген бағыт бойынша салмақты сараптамалар жасап, татымды талдаулар жүргізу арқылы күтпеген жаңалық ашып, межелі нәтиже жемісті болу үшін барын салатын білімпаздардың еңбек жолында төгетін тері де аз емес. Кейіпкеріміз көптеген тәжірибелерде тәуекелге бел буып, нысананы халық игілігіне бағыттауды көздейді. Ол Қазақ ұлттық аграрлық университетін үздік бітіргеннен кейін, 2002 жылдан бастап сол жерде оқытушы, аға оқытушы, 2014 жылдан бастап "Асыл түлік" Республикалық мал шаруашылығы асылдандыру орталығы" АҚ-да лаборатория меңгерушісі қызметтерін атқарған. 2022 жылдан бері Астана қаласындағы Қазақ агротехникалық зерттеу университетінде "Мал шаруашылығының өнімдерін өндіру және өңдеу технологиясы" кафедрасында аға оқытушы ретінде еңбек етіп келеді. Заман талабының биігінде болу үшін ұрпақтың ұғымтал боп жетілуіне жағдай жасап, оларға білгенін үйретіп, мал шаруашылығы саласына өзіндік үлес қосуды мақсат тұтқан.​&nbsp;– Ауыл шаруашылығы саласы – мемлекетті дамытушы саланың бірі. Бұл бағытта ғылыми жұмыстармен айналысу көңіліме медет сыйлайды. Әрі аталған тақырып аясын ғылым жолында кеңейтуді қалаймын.​Мақсатым – ауыл шаруашылығының, сондай-ақ оның маңызды әрі жетекші бөлімі – мал шаруашылығы саласының, асылдандыру жұмыстарының дамуына жағдай жасау. Студенттерді де ата кәсіптің қыр-сырына баулып, алған біліміммен бөлісугет тырысудамын, – дейді ол.​&nbsp;Асылында, нағыз ынталы адам ғана өзін ғылымға толық арнай алады. Айжан Маханбетованың қол жеткізген нәтижелері мен бүгінгі жетістіктерінің барлығы – сарп еткен күш-жігерінің, шымыр шығармашылығының көрсеткіші. Ол өткен жылы "Ауыл шаруашылығы саласының үздігі" төсбелгісімен марапатталды. Бұдан бөлек II және III дәрежелі "Еңбек даңқы" төсбелгісінің, Ауыл шаруашылығы министрлігінің алғыс хаттары мен құрмет грамоталарының иегері атанған.​&nbsp;Ол өзінің дамуында білімнің ұзақ әрі қиын жолынан өтті. Таңдаған тарауына үлкен дайындықпен келіп, жауапкершіліктің жүгін сезінді. Адам өміріне ең қажет әрі маңызды нәрсе – ғылымның көзін тапты. Нәзік болмысының ішіне қайсар қалпын сақтап, жауапты жолда елеулі еңбек сіңірген Айжан Бекболатқызы отандық ғылымның дамуына әлі де қанатымен су себе бермек.

Айжан Маханбетова: Ауыл шаруашылығы саласы – мемлекетті дамытушы саланың бірі

<a href="https://kyzylorda-news.kz/">Kyzylorda-news.kz</a> Жазғы каникул кезеңінде балалар мен жасөспірімдердің демалысын, сауықтырылуын және жұмыспен қамтылуын ұйымдастыру үшін қажетті жағдайлар жасау, балалардың қадағалаусыз қалуының, құқықбұзушылығы мен қылмыс жасауының алдын-алу, жазғы каникул кезеңінде балалардың денсаулығын нығайту, қауіпсіздігі мен шығармашылығын дамыту мақсатында оқушыларды лагерьмен қамтамасыз етеді. Лагерьге аз қамтылған, көпбалалы, жетім және ата-ана қамқорлығынсыз қалған патронаттық тәрбиедегі отбасы балаларын қамтуға басымдық беріледі.Көптеген лагерьлердің басты мақсаты – білім беру, спорттық немесе мәдени дамуды қолға алу. Әсіресе, балаларға арналған жазғы лагерь адамдарға қауіпсіз және тәрбиелі ортада жаңа дағдыларды игеруге мүмкіндік беруі мүмкін. Жазғы лагерьдегі тәжірибе баланың дамуына тұрақты психологиялық әсер береді.Қазалы ауданында соңғы қоңырау соғылып, кезекті оқу жылы да аяқталды. Енді балалар мен жасөспірімдердің жазғы демалысын ұйымдастыру қолға алынуда. Жалпы, Қазалы ауданы бойынша 1-10 сыныптар аралығында 15960 оқушы жазғы демалыс шараларына қамтылуға тиісті.Облыс әкімдігінің «2024-2026 жылдардағы жазғы демалыс кезінде балалардың сауықтырылуын, демалысын, бос уақытын өткізуге бағытталған іс-шаралар жоспары» басшылыққа алынған. Балалар мен жасөспірімдердің жазғы демалысына сыртқы лагерь жұмыстарын ұйымдастыру мен облыс көлемiнде және облыстан тыс лагерьге балаларды жіберу қамтылмақ. Сонымен бірге, туристік саяхат, тарихи-танымдық экскурциялар ұйымдастыру және мектеп жанындағы күндізгі тынығу лагерлерін ашу бағыттары жүзеге асырылатын болады. Жазғы демалыс шараларын ұйымдастыру көздері – міндетті оқу қоры мен демеушілер арқылы және ата-аналар есебінен жүргізіледі.Сыртқы лагерь жұмыстарын ұйымдастыру бойынша «Шағала» балаларды сауықтыру демалыс орны биыл 1 маусымынан бастап, өз қызметін бастайды. Жаз бойы 7 ауысымда 875 баланы міндетті оқу қорынан демалдыру жоспарлануда. Жолдама құны 1 балаға – 30 мың теңгені құрайды. Ауысым ұзақтығы – 10 күн, балалар 5 мезгіл тамақпен қамтылатын болады. Онда тұрақты түрде – 13 үйірме жұмыс істейді. Мұнда оқушылардың уақытын тиімді, әрі қызықты өткізу мақсатында ән, өрнек бишілер, қылқалам, жас дизайнер, көркем сөз, шебер қолдар өнеріне баулиды. Денсаулықты ширату бағытында баскетбол, волейбол, футбол ойнатылып, аққайың үйірмесінде ойлау қабілетін дамыту үшін шахмат, шашка үйретіледі. Сонымен қатар, суда жүзу үйірмесінде сымбатты болуға қалыптастырады. Ал, роботехника мен өлкетану бойынша балаларды ғылыми жобаларға бейімдейді.«Шағала» демалыс орталығы 1957 жылы салынған. Осы кезге дейін күрделі жөндеу жұмыстары жүргізілмеген. 2020 жылы «Жол картасы» аясында ағымдағы жөндеу жұмыстары жүргізілген, ондада екі жатын ғимаратының, асхана ғимаратының шатырлары, есік-терезелері ауыстырылып, сырты қапталған. Осы жылы бюджеттен лагерьге – 55 миллион 131 мың теңге қаржы бөлінді. Оның ішінде, ағымдағы жөндеу жұмыстары мен шаруашылық шығындарға және кеңсе тауарларына – 761 мың теңге қаралған. Былтыр «Шағала» балаларды сауықтыру демалыс орнына бюджеттен лагерьге – 49 миллион 308 мың теңге ақша аударылған. Ағымдағы жөндеу жұмыстары мен шаруашылық шығындарға және кеңсе тауарларына – 723 мың теңге тағы қарастырылды.<blockquote>– Диеталық тамақтармен сауықтырылады. Еңбекке баулынады. Ұялы телефоннан ажыратылады. Тек ғана, кешкісін сөйлесуге мүмкіндік беріледі. Қозғалмалы ойындар ұзақтау ұйымдастырылады. Қазір сегіз тәрбиеші қызмет көрсетуге әзірміз. Оның ішінде – жүзуге үйрететін жетекші, денешынықтыру мұғалімі мен музыкант және аға тәлімгер бар. Қалғаны тәрбиеші тәлімгер. Осы қызметкерлердің әрқайсысына өз үйірмелері бекітілген. Тағы қосымша жастар практикасымен төрт тәлімгер алынады деп күтілуде.</blockquote>«Балдырған», «Жас ұлан» мен «Достық» және «Болашақ» топтары бойынша балалар жас шамаларына сай бөлінеді, – дейді «Шағала» балаларды сауықтыру демалыс орнының аға тәлімгері Айнұр Сыдық.Мектеп жанындағы және қосымша білім беру ұйымдары жанынан күндізгі тынығу лагерлерін ашу бойынша биыл 27 мамыр – 18 маусым аралығында 40 мектепте – 6358 оқушы қамтылады деп күтілуде. Мектеп жанындағы тынығу лагерьлері «Шатырлы», «Киіз үй» (ұлттық құндылықтар), «Туристік», «Еңбекке баулу», «Шығармашылық», «Зияткерлік» бағыттары бойынша жұмыс атқарады.Барлық үлгідегі лагерлерде «Jas Qazag», «Ауыл laif» жобалары (шатырлы лагерлерде), «Kieli Qazagstan» жобасы (танымдық экскурция лагерлерінде), «жазғы кинотайм», «дәстүрлі қоржын», «Ауылым – алтын қазығым» жобасы (ұлттық құндылықтар лагерлерінде), «Қазыналы Қазалы», «Сыр-CAMP» жобалары (танымдық археологиялық лагерлерде), «Tarbie», «Fitness Camp» жобалары (спорттық лагерлерде) жобалар жүзеге асатын болады.Тамақпен ұйымдастырлатын лагерге – 1347 оқушы, тамақсыз ұйымдастырылатын лагерге – 5011 оқушы қатысады. Шатырлы лагерлер: №93, №225, №238 мектептерде ұйымдастырылады. Ал, №98, №88, №134, №78, №94 білім ордаларында киіз үй лагерлері қарастырылады. Еңбек лагерлері: №190, №24, №25, №226, №276, танымдық археологиялық лагерлер: №102, №104, №97, №96, спорттық лагерлер: №103, №92, №182 мектептерге берілді. Зияткерлік бойынша Әйтеке би кенті мен Қазалы қаласындағы мектептері құзырына алды. Шығармашылыққа баулу мүмкіндігіне Оқушылар үйі және Қорқыт ата атындағы өнер мектебі ие болды. Олар 350 оқушыны қамтуы тиіс.Биылғы маусымда Шымкент қаласындағы "Таңнұры" және Алматы қаласындағы "Арман дала", "Праус", "Тау-Жаңашар" лагерлеріне ата-аналар мен демеушілер және инвесторлар есебінен аз қамтамасыз етілген отбасынан шыққан 60 бала демалатын болады. Білім саласы кәсіподақ ұйымы арқылы педгогтардың 100 баласын жіберу жоспарлануда.Сондай-ақ, «Қазақстан қоры» арқылы Түркістан облысы, Төле би ауданы, «Қуаныш» лагеріне – 100 оқушыны жіберу көзделуде. Танымдық экскурсияларға – 1973 бала, тарихи экскурсияларға аудандық, облыстық музейге – 987, «Қорқыт ата» кешеніне – 468, Түркістан қаласына – 146, жабық бассейндермен тағы басқа да жерлерге – 372 бала апару жұмыстары жүргізілмек. Көркейту-көгалдандыруға байланысты, яғни, гүл егу мен талдардың түбін әктеу және тазалық жұмыстарына – 1800 оқушы, тұрғын үй ауласындағы ойын алаңдарына – 4694 бала тартылады. Жалпы алғанда, 1-10 сынып аралығындағы – 15960 баланың барлығы жазғы демалыс шараларына қамтылады деп жоспарлануда.

Балалардың уақытын тиімді қолдану назарға алынды

<a href="https://kyzylorda-news.kz/">Kyzylorda-news.kz</a>&nbsp; Алматыда 2 маусым күні таңғы сағат 07:00 шамасында Гоголь мен Нұрмақов көшелерінің қиылысында Mitsubishi Outlander көлігі жолдан шығып кетіп, бағанаға соғылып, арыққа құлап кетті. Бұл туралы <a href="https://stan.kz/almatida-zhanturshigerlik-zhol-apatinan-4-adam-zardap-shekti-401099/">Stan.kz </a>ақпарат агенттігі хабарлайды.Полицияның мәліметінше, Гоголь көшесімен шығысқа қарай келе жатқан Mitsubishi Outlander жүргізушісі рөлге ие бола алмай, жарықтандыру бағанасына соқтығысқан.Оқиға салдарынан жүргізуші мен оның үш жолаушысы зардап шекті. Олар медициналық көмекке жүгінді.Полиция қызметкерлері жол-көлік оқиғасының мән-жайын анықтап жатыр.&nbsp;Егер жолаушылардың ешқайсысы ауыр жарақат алмаса, жүргізуші&nbsp;40 тәулікке дейін қамауға алынады.Фото: Алматы полиция департаменті&nbsp;

Алматыда жантүршігерлік жол апатынан 4 адам зардап шекті

<a href="https://kyzylorda-news.kz/">Kyzylorda-news.kz</a>&nbsp; Ақмола облысындағы ауылдық округі әкімдігінің есепшісі 20 млн теңге бюджет қаражатын жымқырған. Бұл туралы <a href="https://stan.kz/akmola-oblisinda-akimdik-esepshisi-ozine-20-mln-tenge-z-401072/">Stan.kz </a>ақпарат агенттігі хабарлайды.&nbsp;Целиноград аудандық сотының мәліметінше, айыпталушысы С.&nbsp;қызметтік бабын пайдалана отырып, аса ірі мөлшерде бюджет қаражатын ысырап еткен. Ол 2018 жылдың&nbsp;қаңтары мен&nbsp;2023 жылдың&nbsp;қазаны аралығында әкімдердің ЭЦҚ-сын пайдалана отырып,&nbsp;штат кестесінде белгіленген мөлшерден асыра өзінің жалақысына жалған мәліметтер енгізіп отырған.Сот-экономикалық сараптаманың қорытындысына сәйкес, көрсетілген кезеңде сотталушы өзінің банктік шотына 20 млн теңгеден астам жалақы аударған.Мемлекетке келтірілген залалды С.&nbsp;қылмыстық істі тергеу сатысында толық көлемде өтеді.“Жаза тағайындауда сот, сотталушының жеңілдететін мән-жайлары ретінде жас балалардың болуын және залалды ерікті түрде өтелгенін есепке алды. Сот үкімімен айыпталушы С. мемлекеттік қызметте жұмыс істеу&nbsp;құқығынан өмір бойына айырыла&nbsp;отырып, 7 жылға бас бостандығынан айырылды”, –&nbsp;делінген сот хабарламасында.&nbsp;Үкім заңды күшіне енген жоқ.Фото: freepik.com

Ақмола облысында әкімдік есепшісі өзіне 20 млн теңге жалақы аударған

Мына жалпақ дүниеге әлі бейімделіп үлгермеген, айналасын танып-түсіне бермейтін ерекше балалар туралы сөз қозғау кімнің болсын жанына батары анық. Қоршаған ортаның қолдауына, түсіністік пен мейірімге мұқтаж жандардың қалауын қанағаттандырып, қатарынан тысқары қалмай тәрбиеленіп, білім алуына, денсаулықтарының жақсаруына жан-жақты қолдау көрсету – қазіргі қоғам алдында тұрған үлкен жауапкершілік.&nbsp;Мүмкіндігі шектеулі жандардың сұраныстарын елеп, талай отбасы үшін ізгі амал жасап жүрген&nbsp;орталықтың Шиелі ауданында да бар екенін білетін бе едіңіз? Ендеше, біз дәл қазір Шиелі аудандық жұмыспен қамту және әлеуметтік бағдарламалар бөлімі, балаларға және 18 жастан асқан адамдарға үйден әлеуметтік қызмет көрсету бөлімшесінің, кент орталығына табан тіреген «Тең қоғам» орталығының жұмысын сөз етпекпіз.2022 жылдың қазан айында Шиелі ауданы әкімінің қолдауымен ашылған орын өңірдегі мүмкіндігі шектеулі азаматтар мен балалардың қоғам өміріне белсене араласуына мүмкіндік жасауды мақсат етеді. Ясауи көшесінің бойына жайғасқан орталықтың ата басылым – «Өскен өңір» газетінің байырғы ғимараты екенін бірі білсе, бірі білмес. Мемлекет ұсынысына сай қызмет бағытын өзгертіп, күрделі жөндеуден өткен бұл жердің енді әлеуметтік нысан ретінде қызмет атқаруы көңілге қуаныш сыйлайды.Балаларға және 18 жастан асқан адамдарға үйден әлеуметтік қызмет көрсету бөлімшесінде бүгінде 116 бала тәрбиеленуде. Мұнда оларға 8 бағытта, атап айтсақ,&nbsp;әлеуметтік-тұрмыстық, әлеуметтік-медициналық, әлеуметтік-психологиялық, әлеуметтік-еңбек, әлеуметтік-педагогикалық, әлеуметтік-мәдени, әлеуметтік-экономикалық және әлеуметтік-құқықтық қызметтер көрсетіледі. Ал арнайы орталықта мүмкіндігі шектеулі балалар мен азаматтардың бос уақытын тиімді пайдаланып, олардың шығармашылық, интеллектуалдық қабілеттерін дамытуға, спортпен шұғылданып, бойындағы өнерлерін шыңдауға барлық мүмкіндіктер жасалған. Жаттығу құралдарымен, смарт теледидармен, кеңсе жиһаздарымен жабдықталған.Үйден арнаулы әлеуметтік қызмет көрсету бағытында мұнда 31 әлеуметтік қызметкер, 2 кеңесші, 1 айқындаушы, 1 бөлімше меңгерушісі қызмет етеді. Көп жылдық тәжірибесі бар жандардың сөзінен бұл жұмыстың қызығы мен қиындығы қатар жүретінін байқадық. Десе де, бала жанының бағбанына баланған олар бүлдіршіндер мен жасөспірімдерді қоғамдық ортаға бейімдеуде өз ісінің маманына айналған. Бөлімше меңгерушісі Сара Көшкінбаеваның сөзінше, әлеуметтік қызметкерлер балалармен бірге түрлі шаралар өткізеді, үстел ойындарымен қатар, дене жаттығуларын жасап, шығармашылықпен де айналысады. Балалардың қатарында түрлі сайыстарда топ жарып, үлкен жетістіктерге жетіп жүрген, арнайы әлеуметтік қызметтен шығып, қазіргі таңда өмірден өз орнын тауып үлгергендері де аз емес.Шынында, тәлім алушыны нәтижеге жетелейтін тәлімгері екені рас. Ұжым қызметкерлерінің пікірінен олардың өз ісіне деген махаббатын, шәкірттеріне деген үлкен сүйіспеншілігін байқадық. Сондай жандардың бірі – Бақтыгүл Ілияс. Жасөспірім шағында оң-солын жіті танымаса да,&nbsp;ерекше қабілетті жандарға, жетімдер мен қараусыз қалған балаларға қамқор болуды армандаған ол&nbsp;адам тағдырының бір бөлігі таңдаған мамандығымен ұштасып жататынын тілге тиек етті. Бала бойына білім ұялатып, керек көмек көрсетуден бөлек, оны өмірдің кез келген сынағына қарсы тұруға үйретіп, қолдау білдіру&nbsp;– әр істі махаббатпен атқаруға сеп болады деген пікірде.&nbsp;– Қазақ – жетімін жылатпаған халық. Қолдауға мұқтаж жандарға пана болып, анасынан көрмеген жылулықты сыйлау – менің үлкен арманым еді. Қазір сол қалауым&nbsp;орындалды деп толық айта аламын.Бұл салада 8 жылдан астам уақыт қызмет етіп келемін. Балалармен өткен әр жылым мені одан әрі шыңдап, өз мамандығыма деген махаббатымды арттыра түсті. Еңбек жолымды 9 оқушымен бастадым. Қазір солардың әрқайсысы қоғамнан өз орнын тауып кетсе де, менің жүрегіме әлі күнге дейін қуаныш сыйлап, үміт беріп отырады,&nbsp;– деді&nbsp;Бақтыгүл Сапарәліқызы.Арнаулы әлеуметтік қызмет көрсету стандарттарын енгізу бағытындағы жұмыстарды жетілдіру және жандандыру мақсатында қызмет алушылар арасында мерекелік, мәдени және спорттық іс-шаралар жиі өткізіледі. Балалардың бойындағы қабілетіне, өнері мен талабына біз де бірнеше мәрте куә болдық. Осы тұста әлеуметтік қызметкерлердің үлесі зор екенін айтпай кетуге болмас. Тәлімгерлер баланың бойындағы дарынын байқаса, онымен әрі қарай жұмыс істеп, қабілетін шыңдауға тырысады. Соның себебінен тәлім алушылар да шығармашылық тұрғыда жақсы серпін алған. Мұны олардың сахнада өзін еркін ұстауынан, мың бұрала билеп, әуелете ән шырқауынан, тіпті өрнекті өлең оқуынан байқауға болады. Ерекше тұлғаларға ерекше қызмет жасап келе жатқан нәзік жандар бұл жолда тек махаббат деген алпауыт күш қана адамды биікке жетелеп, ісінен нәтиже шығаруға дем беретінін айтады. Әрине, әрқайсысының көкірегінде бауыр етіндей болып кеткен бала жүректердің өзіндік жолы қалыптасып, өмірге деген құштарлығы артып, қанаттары қатая түссе деген тілегі бар.&nbsp;Тиянақты жұмысқа ата-аналар да алғаусыз алғыс айтады. Расында, ерекше бала тәрбиелеп отырған әрбір жанның арманы&nbsp;– ұрпағын оңалтып, өмірге бейімдеу болса керек. Оларды шарасыздық шыңырауына құлатпай, жігеріне жігер қосып жүрген –&nbsp;балаларға және 18 жастан асқан адамдарға үйден әлеуметтік қызмет көрсету бөлімшесі, бала тағдырын бәрінен биік қойған ұжым қызметкерлері. Ендеше, ерекше балаларды елеусіз қалдырмаған үлкен жүрек пен табанды тірлік те ескерусіз болмауы керек. Бұл тұрғыда балалардың ерекше болуын тағдыры деп түсініп, олардың шынайы бақыты үшін қоғам болып қолдау білдірсек игі.

Шиелі: "Тең қоғам" тамсануға тұрарлық

Технологиялық жетістіктердің тиімділігі зор

<a href="https://kyzylorda-news.kz/">Kyzylorda-news.kz</a> Жуырда Қазақстан халқы ассамблеясы жанындағы аудандық аналар кеңесі 1 маусым – Халықаралық балаларды қорғау күні қарсаңында «Бар мейірім балаларға» деген атаумен арнайы шара ұйымдастырды. Ерекше қолдауды қажет ететін балаларға қуаныш сыйлауға бағытталған бұл шара «Ассалам» мейрамханасында өтті.Мерекелік басқосу барысында аудандық аналар кеңесінің төрайымы Шәкизада Асқарова балаларды құттықтап, оларға жылы лебізін білдірді.<blockquote>– 1 маусым – мейірімге толы мереке. Себебі баланың қуанғанынан, оның шат күлкісінен артық ештеңе жоқ. Біз үшін балаларымыздың болашағы маңызды. Өйткені олар – ертеңгі ел тізгінін ұстайтын нағыз кемел ұрпақ. Сондықтан оларға сапалы білім, жақсы тәрбие беру, сондай-ақ оларға керемет көңіл күй сыйлау – бізге міндет. Балалар күні құтты болсын, басты байлығымыз – балаларымыз әрқашан аман болсын! – деді Шәкизада Келімбетқызы.</blockquote>Аналар кеңесінің ұйымшыл ұжымы балаларға көтеріңкі көңіл күй сыйлап, басқосуға келгендерге концерттік бағдарлама ұсынды. Бірі әннен шашу шашса, ал ендібірі өлеңнен өрнек өрді. Одан соң жиналғандар «Жүректен жүрекке» сергіту сәтінде бір-біріне жүрек жарды сөздерін айтып, ойын ойнады. Балалардың көзіндегі қуанышты көріп, әдемі кештің керемет әсер сыйлағаны анық аңғарылды. Ата-аналар да балаларының мәз-мейрам болғанына дән риза.Басқосу аясында ата-аналар балаларына арналған мерекелік шаралардың алдағы уақытта да жібі үзілмей жалғасын сұрады. «Бұл балалардың көңіл күйлерінің серпілуіне, сондай-ақ олардың оңалуына оң септігін тигізеді» дейді олар.Шара соңында ерекше қолдауды қажет ететін 10 балаға арнайы сыйлық табысталды. Концерттік бағдарлама тәмамдалған соң, Шәкизада Келімбетқызы кешті қорытындылап, игі іске ұйытқы болған жеке кәсіпкер, «Ассалам» мейрамханасының иесі Жадыра Берікқызына аудандық алғаусыз алғысын білдірді. Сондай-ақ қамкөңіл балалардың көңілін аулауға атсалысқан барша жанға ризашылығын жеткізді.

Қазақстан және Қызылорда облысының жаңалықтары