<a href="https://kyzylorda-news.kz/ru">Kyzylorda-news.kz.</a>&nbsp; Қызылорда қаласында орналасқан білім ордаларының студенттік жатақханаларында есірткі қолданып, таратуға бейім жастарды анықтау мақсатында рейдтік іс-шаралар ұйымдастырылды.Қызылорда облысы Полиция департаментінің есірткі қылмысына қарсы іс-қимыл басқармасы мен ювеналды полиция қызметкерлері бірлесіп, М.Маметова атындағы Қызылорда жоғары гуманитарлық және И.Әбдікаримов атындағы Қызылорда аграрлық &nbsp;техникалық жоғары колледждерінің жатақханаларында рейдттік іс-шаралар ұйымдастырып, студенттер қауымымен кездесті. &nbsp;Оларға &nbsp;есірткі заттары, оларды тарату жайлы ақпарат беріп, сақ болуға шақырды.Қатысушыларға ақпарат парақтары, Қызылорда ОПД ЕҚҚІҚБ-ның және ортақ анонимді жедел қызметінің «Сенім» телефондары көрсетілген флаерлер таратылды.Алдағы уақытта облыс орталығындағы жатақханалардың барлығында мұндай іс –шаралар өткізілмек.<figure class="image"><img src="https://knadmin.beoblood.kz/uploads/e1840c0a_93b8_412e_acaa_e754140088e8_b5a704c0fa.jpg" alt="e1840c0a-93b8-412e-acaa-e754140088e8.jpg"></figure>

Есірткіге еліткендер: Жатақханаларда рейд жүріп жатыр 

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Қазақстанның Бас Прокуроры Берік Асылов Қытай Халық Республикасының Сиань қаласында өткен Шанхай Ынтымақтастық Ұйымына мүше мемлекеттер бас прокурорларының 21-ші отырысына қатысты. Отырыс ашылғанға дейін қадағалау ведомстволары басшыларын Қытай Коммунистік партиясы Орталық Комитетінің Саяси бюро мүшесі, Саяси-заң комиссиясының хатшысы Чэнь Вэньцин қарсы алды.Қазақстанның Бас Прокуроры өз сөзінде Қазақстан мен Қытай прокуратура органдарының ынтымақтастығының артып келе жатқанын және екі ел көшбасшыларының арасындағы қарым-қатынасты үндестіретінін атап өтті. ШЫҰ отырысында прокуратуралардың (Үндістан, Иран, Қазақстан, Қырғыз Республикасы, Қытай, РФ, Пәкістан, Тәжікстан, Өзбекстан, Беларусь, Моңғолия) басшылары мемлекеттік жаңғырту, өңірлік қауіпсіздік, ұйымдасқан қылмысқа қарсы күрес және прокурорлардың біліктілігін арттыру мәселелерін талқылады.Осы тектес ШЫҰ-ға мүше мемлекеттердің қадағалау органдарының басшылары қатысушы елдердің даму процесінде халықаралық қауіпсіздік пен құқықтық кепілдіктерді қамтамасыз ету мақсатында осы ұйымның ықпалын кеңейту, қаржы-экономикалық саладағы қылмыстарға, терроризм мен экстремизмге байланысты есірткі мен киберқылмысқа қарсы іс-қимыл жөніндегі ынтымақтастықты арттыру, прокурорлық білім беру ұйымдары арасындағы өзара іс-қимылды дамыту мақсатында келісімге келді.Кездесу қорытындысы бойынша прокуратура басшылары бұдан әрі өзара ынтымақтастықтың басым бағыттары мен тетіктерін айқындайтын хаттамаға қол қойды. Сонымен қатар, ШЫҰ алаңында Қазақстанның Бас Прокуроры ҚХР Жоғарғы Халық прокуратурасының Бас прокуроры Ин Юнмен екіжақты кездесу өткізді, онда қылмыстық істер бойынша өзара құқықтық көмек көрсетудің, сотталғандарды берудің, сондай-ақ заңсыз шығарылған активтерді қайтарудың өзекті мәселелерін талқылады.<figure class="image"><img src="https://knadmin.beoblood.kz/uploads/bd1770c9_3810_4f98_b7de_7137a9b596e9_1841ec66ff.jpg" alt="bd1770c9-3810-4f98-b7de-7137a9b596e9.jpg"></figure>&nbsp;<figure class="image"><img src="https://knadmin.beoblood.kz/uploads/d329d680_5cf6_48ae_9ab1_61feeabe21ad_ff756cdbdf.jpg" alt="d329d680-5cf6-48ae-9ab1-61feeabe21ad.jpg"></figure>

Бас Прокурор Қытайдағы ШЫҰ-на мүше мемлекеттердің бас прокурорларының отырысына қатысты

<a href="https://kyzylorda-news.kz/ru">Kyzylorda-news.kz.</a>&nbsp;20 қазан мен 19 қараша күндері облыс көлемінде «Браконьер» жедел-профилактикалық іс-шарасы өтуде. &nbsp;Іс-шараның басты мақсаты - табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған. &nbsp;&nbsp;Жүргізілген рейдтік шаралардың барысында полицейлермен 17 &nbsp;күнде табиғат қорғау заңнамаларын бұзушылықтың барлығы 76 дерегі анықталған, 2 қылмыстық іс және 74 әкімшілік құқық бұзушылық.Оның ішінде заңсыз балық аулау (ҚР ӘҚБтК-нің 382-бабы)-48, ҚР ӘҚБтК-нің 383-бабы бойынша 16 әкімшілік хаттама толтырылып, айыппұлдар салынды.Мәселен, 5 қараша күні полицейлер Телікөл каналының тұсында аудан тұрғыны басқаруындағы «Лада» автокөлігін тоқтатқан. Тексеру барысында көліктің жүк салғышынан резіңке қайығы, аккумулятор, тоқ ұрғыш құралы, қапқа салынған балық алынды. Оқиға орнында екі аудан тұрғыны ұсталды. Тиісті сот-сараптама тағайындалды.Аталған дерек бойынша &nbsp;Қазақстан Республикасы Қылмыстық кодексінің 335-бабының 3-бөлігімен &nbsp;(заңсыз балық аулау) сотқа дейінгі тергеп-тексеру әрекеттері жүргізілуде. &nbsp;

 «Браконьер»: Қызылордада 76 құқық бұзушылық анықталды

<a href="https://kyzylorda-news.kz/ru">Kyzylorda-news.kz.</a> Энергетика министрі Алмасадам Сәтқалиев көлікті газға ауыстырумен айналысатын әуесқойлардың жұмысына шектеу қойылуы мүмкін екенін айтты, деп хабарлайды <a href="https://kaz.inform.kz/">Kazinform.</a><blockquote>«Сұйытылған мұнай газы сұйытылған көмірсутек газына жататын білесіздер. Бұл адам үшін қауіпсіздігі 4-класқа жататын қосылыс деген сөз. Ауамен араласқан кезде жарылып, өрт туындататын заттың бірі болып есептеледі. Яғни, осы өнімді қолданушыларға мұны да ескеру керек. Біз бірқатар шара қабылдауды жоспарлап отырмыз. Қазірдің өзінде сұйытылған мұнай газының экспортына тыйым салдық. Қазір көлік иелеріне машинасын газға ауыстырмауға кеңес береміз деп айтып жүрміз. Кейін осындай әуесқой тәсілмен көлікті газға ауыстыру амалдарын толық тыйым салуға дейін баратын шектеу шараларын қабылдауымыз мүмкін», - деді ведомство басшысы.</blockquote>Сондай-ақ министр сұйытылған газды жанармай ретінде пайдаланғаннан да мұнай-химия өндірісінде шикізат ретінде қолдану әлдеқайда тиімді екенін еске салды.

Көлікті газға ауыстыру шараларына шектеу қойылуы мүмкін

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Сыр өңірінде облыстық онкология орталығына «Қазақстан халқына» қоғамдық қоры арқылы алынған жылжымалы медициналық кешенді табыстау рәсімі өтті.Облыс әкімі Нұрлыбек Нәлібаев мұндай медициналық кешен республика бойынша 3 өңірде ғана іске қосылғанын атап өтіп, «Қазақстан халқына» қорына алғыс білдірді.<blockquote>«Біз былтырдан бері «Қазақстан халқына» қоғамдық қорымен әріптестік байланыстамыз. Қор екі жылда аймақтың денсаулық сақтау саласына 2 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» оңалту орталығы ашылып, аса қымбат дәрі-дәрмектер алынды. Бүгін қор онкология орталығын республика бойынша 3 ғана облыста бар, 1,1 млрд. теңгенің скрининг жүргізуге арналған жылжымалы медициналық кешенімен қамтамасыз етуде. Жылжымалы кешен табысталатын 3 өңірдің бірі ретінде Қызылорда облысын таңдаған «Қазақстан халқына» қорына Сыр жұртшылығы атынан шынайы ризашылығымызды білдіріп, алғысымызды айтамыз! Кешен Арал мен Жаңақорған аралығындағы халықтың денсаулығындағы кінәратты ерте анықтаудың мүмкіндігін ұлғайта түспек», – деді аймақ басшысы.</blockquote>Іс-шарада «Қазақстан халқына» қоғамдық қоры директорының орынбасары Ләззат Шыңғысбаева облыстық онкология орталығының бас дәрігеріне жылжымалы медициналық кешеннің кілтін табыстады. Бұл өз кезегінде, шалғай елді мекендердегі тұрғындардың жоғары мамандандырылған медициналық көмекке қолжетімділігін арттыруға, орташа өмір сүру жасын ұзартуға мүмкіндік береді. Айта кетейік, 2 көліктен тұратын жылжымалы медициналық кешен томосинтез функциясы бар сандық маммографиялық жабдықпен, сарапшылық деңгейдегі ультрадыбыстық жүйемен және жоғары дәлдікпен зерттейтін компьютерлік томографпен жабдықталған. Екі құрал да Жапонияда жасалған. Мұндай кластағы және конфигурациядағы медициналық жабдық Қазақстанда алғаш рет қолданысқа берілуде.Қазақстан Республикасы бойынша пилоттық өңірлер ретінде таңдалған Алматы, Қызылорда және Ақтөбе облыстарында «QH Денсаулық жолы» жобасының іске асырылуы онкологиялық ауруға шалдыққандарды ерте сатыда анықтауға мүмкіндік береді. Халықты онкологиялық скринингпен қамту бойынша қазіргі жоспар 60%-ды құрайды. Жобаны енгізу арқылы пилоттық өңірлер бойынша тексерумен қамтуды 70%-ға дейін ұлғайту көзделуде.<figure class="image"><img src="https://knadmin.beoblood.kz/uploads/398961727_639462651708316_6806426225892017003_n_9ca16f762a.jpg" alt="398961727_639462651708316_6806426225892017003_n.jpg"></figure>&nbsp;<figure class="image"><img src="https://knadmin.beoblood.kz/uploads/398964273_639462711708310_3049985913826395462_n_07e9ac7e3b.jpg" alt="398964273_639462711708310_3049985913826395462_n.jpg"></figure>&nbsp;<figure class="image"><img src="https://knadmin.beoblood.kz/uploads/398936357_639462691708312_6409647155725188822_n_db500f524a.jpg" alt="398936357_639462691708312_6409647155725188822_n.jpg"></figure>&nbsp;<figure class="image"><img src="https://knadmin.beoblood.kz/uploads/398951522_639462731708308_8982709538191810160_n_121964d200.jpg" alt="398951522_639462731708308_8982709538191810160_n.jpg"></figure>

Қызылордада онкология орталығына жылжымалы медициналық кешен табысталды

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Сыр өңірінде танымал дәрігер, Қызылорда облысының Құрметті азаматы Ернияз Омаровтың бюсті ашылды.Облыс әкімі Нұрлыбек Нәлібаев медицина майталманының денсаулық сақтау ісіне қосқан үлесін атап өтіп, бүгінгі бюст-ескерткіш Сыр өңіріндегі медицина саласында еңбек ететін барша мамандарға деген құрметтің белгісі екенін айтты.<blockquote>«Антына адал болған Ернияз Омарұлы аймақтың денсаулық сақтау саласының атасы атанды. Еңбек жолын Тереңөзектегі «Арысқұм» жайлауындағы малшылар қонысында фельдшер болып бастап, медициналық бекет меңгерушісі, облыстық ауруханада хирург, емхана меңгерушісі, қалалық, облыстық денсаулық сақтау бөлімінің, басқарманың меңгерушісі қызметтерін абыроймен атқарды. Ауласына бюсті қойылған осы қалалық көпбейінді аурухананың, 5 аудандық, 7 ауылдық аурухана мен 20-дан астам ауылдық дәрігерлік емхананың ашылуына еңбек сіңірді. Қызметтің қай сатысында жүрсе де, дәрігерлік міндетін мүлтіксіз орындады. Елу жылдық еңбек жолында он мыңға жуық ота жасап, талай науқасты ажалдан арашалап қалған. Әсіресе балаларды емдеуге баса мән берген. Көп жылғы тәжірибесін ғылыммен ұштастырып, медицина ғылымдарының кандидаты атанған. Зейнетке шықса да, дәрігерлік қызметін жалғастырып, жас мамандарға білгенін үйретіп, тәрбиеледі», – деді аймақ басшысы.</blockquote>Абзал азаматтың медицина саласындағы еңбегі лайықты бағаланып «Қазақ ССР-іне еңбегі сіңген дәрігер» құрметті атағымен, «Еңбек Қызыл Ту», «Халықтар Достығы» және «Құрмет белгісі» ордендерімен марапатталған. Сырдария ауданының, Қызылорда қаласының және Қызылорда облысының Құрметті азаматы атақтары берілген. «Өмір белестері», «Ажалға араша», «Сыр медицинасы» кітаптарының авторы.Салтанатты шарада ҚР Еңбек сіңірген қайраткері Тұрғанбай Маханов, ҚР Парламенті Сенатының депутаты Ақмарал Әлназарова, Ернияз Омарұлының жұбайы Хадиша Омарова жерлестерін құттықтап, игі тілектерін арнады.<img src="https://knadmin.beoblood.kz/uploads/398967351_639452905042624_8870941536477536999_n_cf959a4665.jpg" alt="398967351_639452905042624_8870941536477536999_n.jpg"><img src="https://knadmin.beoblood.kz/uploads/398951879_639453018375946_2712790069501767090_n_7113258034.jpg" alt="398951879_639453018375946_2712790069501767090_n.jpg"><img src="https://knadmin.beoblood.kz/uploads/398985725_639452931709288_3045040683677755991_n_bed44f7002.jpg" alt="398985725_639452931709288_3045040683677755991_n.jpg">

Қызылордада Ернияз Омаровтың бюсті ашылды

<a href="https://kyzylorda-news.kz/ru">Kyzylorda-news.kz.</a>&nbsp; Веб-коммуникацияның дамуымен көптеген кәсіпкерлер өз тауарлары мен қызметтерін онлайн жарнама арқылы өткізеді. Алаяқтар да уақытпен қатар жүріп, алаяқтықтың жаңа түрлерін ойлап табуда. Мысалы, кликфрод, оны кликтеу деп те атайды.Алаяқтықтың бұл түрі және одан қорғану жолдары туралы толығырақ Fingramota.kz-пен бірге қарастырайық.Кликфрод (ағыл. сlick fraud – алаяқтық клик) – бұл жарнама берушінің шығындарын ұлғайту үшін арнайы адамдар немесе боттар қандай да бір жарнамалық сілтемені басатын іс-шаралар кешені. Кликфродтан жарнама, маркетинг агенттіктері, интернет кеңістікте тауарлар мен қызметтерді сататын кәсіпкерлер зардап шегуі мүмкін.Алаяқтар кликфродты Pay per click, яғни әр клик үшін ақы қағидаты бойынша контекстік жарнамада пайдаланады. Алаяқтық схемасы мынадай: алаяқ жарнама берілген баннерді бірнеше рет басады, содан кейін жарнама берушінің веб-сайтынан жылдам шығып кетеді. Кликфрод үшін алаяқтар жарнамалар үшін пайдаланушының клик басқанын білдіретін автоматтандырылған скриптерді немесе бағдарламаларды пайдаланады. Нәтижесінде компанияның жарнамалық бюджеті немесе сайт иесінің табысы таусылып, алаяқ сайттарға трафикті енгізу арқылы ақша алады, бұл жарнаманы басу санынан жинақталған табыс әкеледі.Жыл сайын жарнама агенттіктері, брендтер мен жарнама берушілер кликфродтан шығынға ұшырауда. Ірі интернет-порталдар мен іздеу жүйелері де кликфродтан зардап шегіп, шығындануда. Себебі олардың қызметтеріне деген сенім азаяды.Кликфродтың негізгі белгілері:бір IP-мекенжайдан және бәсекелестердің сайттарынан ауысу санының көп болуы; сайттан тез – 1-2 секундтан кейін кететін келушілер санының күрт ұлғаюы; сайтқа кірушілер саны сатып алушылардың өсу қарқынынан арта бастайды; жарнамаға арналған бюджеттің жылдам жұмсалуы және трафиктің күрт өсуі; трафиктің нақты көзі геотаргетинг өлшемдерімен сәйкес келуін тоқтатады - жарнамалар пайдаланушыларға, мысалы Алматыдағы пайдаланушыларға арналса да, кликтер шет елдерден болуы мүмкін.Кликфрод тың түрлері1. Клик фермалар&nbsp;– алаяқтар арзан құрылғыларда (көбінесе смартфондарда) жарнаманы қолмен басып отыратын адамдарды жалдайды. «Клик фермалардың» қызметін бірдей деректермен өзара іс-әрекетті айқындау арқылы анықтауға болады. Мысалы, бірдей ІР-мекенжайлар, браузерлердің нұсқалары, желілік провайдерлер, деректер тарату жылдамдығы және тағы басқа.2. Боттар&nbsp;– жарнама арқылы ауысатын және пайдаланушының тінтуірді қозғап, батырманы басқансу сияқты әрекеттерін қайталайтын зиянды бағдарламалық қамтылым. Сол себепті жарнама жүйелері пайдаланушымен емес, ботпен жұмыс істеп отырғандарын анықтай алмай жатады.3. Бот-желілер&nbsp;– кликфродтың алдыңғы түрінен ауқымы жағынан ұлғайтылған түрі. Мұнда зиянды бағдарламалық қамтылым компьютерлердің желісіне орнатылады және кликтерді жасанды түрде ұлғайтады. Бот-желілер белгісіз сайтқа кездейсоқ кірген пайдаланушының смартфонына мобильді құрылғы орната алады. Ал әрі қарай бағдарламалық қамтылым адам интернет-дүкенге белгілі бір тауар сатып алғысы кеп кірген сияқты көрініс қалыптастырады.4. Кликджекинг немесе көзге көрінбейтін жарнама&nbsp;– пайдаланушылар өздері аңғармастан, кликтерді санын ұлғайтады, себебі баннерлердің, видеолардың немесе батырмалардың үстінде орналастырылған жарнаманы көрмей қалады. Бұл көлемі бір пиксель болатын түссіз баннерлер болуы мүмкін.5. Клоакинг-сілтемелер&nbsp;– бұл жағдайда алаяқтар сілтемені ауыстырып, пайдаланушы өзіне қажет парақшаның орнына өзіне трафик ұрлайтын басқа сайтқа кіріп кетеді.Толығырақ "<a href="https://fingramota.kz/kk/post/klikfrod-zhne-klik-fermalar-alayatyty-zha-tri">Абайлаңыз, алаяқтар</a>" бөлімінен оқыңыздар&nbsp;

Кликфрод және клик фермалар – алаяқтықтың жаңа түрі 

<a href="https://kyzylorda-news.kz/">Kyzylorda-news.kz.</a> Елімізде қоғамдық бірлестік құруға қажетті бастамашыл азаматтардың саны үш есе қысқартылмақ. Мәжіліс депутаттарына Қазақстан заңдарына қоғамдық бірлестіктер бағытында өзгерістер мен толықтырулар енгізуді көздейтін заң жобасын таныстырған Мәдениет және ақпарат министрі Аида Балаева осындай мәлімет айтты, деп хабарлайды <a href="https://kaz.inform.kz/">Kazinform.&nbsp;</a>Оның сөзінше, қоғамдық бірлестіктердің жұмысын реттейтін заңның алғаш рет қабылданғанына 27 жыл болған. Яғни, оны заман талабына сай жетілдіру уақыт талабынан туындап отыр.<blockquote>«Бұл өзгерістердің ең басты жаңалығы – ендігі жерде қоғамдық ұйымды тіркеу үшін бастамашыл азаматтардың санын 3 есе, яғни 10 адамнан 3 адамға дейін қысқарту болмақ. Дегенмен қоғамдық ұйымдарға қатысты мұндай еркіндік әлемнің озық тәжірибесіне сүйеніп жасалғанын ерекше атап өту керек. Біз өз кезегінде Бельгия, Чехия, Литва елдерінде бар жүйеге жүгініп, бастамашыл 3 адамдық принципті қабылдап отырмыз», - деді министр.</blockquote>Аида Балаеваның пайымынша, бұл қадам Қазақстанның халықаралық беделін бекіте түседі.<blockquote>«Оның үстіне бұл заң жобасы еліміздегі соңғы кездегі құрылған жаңа өңірлер туралы заңнамалық өзгерістерді ескере отырып, коммерциялық емес ұйымдар туралы қолданыстағы заңның нормаларын қайталамайтынын атап өту керек. Жалпы заңды қабылдау қосымша қаражатты қажет етпейді», - деді Мәдениет және ақпарат министрі.</blockquote>

Қоғамдық бірлестік құру үшін 3 адамның бастамасы жеткілікті болмақ

<a href="https://kyzylorda-news.kz/">Kyzylorda-news.kz.</a>&nbsp; Полиция қызметкерлері терроризм актісі туралы көрінеу жалған хабарлаған күдіктілерді “ізін суытпай” ұстады.5 қараша кешкі уақытта Қызылорда облысы полиция департаментінің 102 пультіне ұялы телефоннан белгісіз адам қоңырау шалып, кенттердің біріндегі үйлер арасында жарылғыш зат жасырылғанын хабарлады.&nbsp;Оқиға орнына арнаулы және құқық қорғау органдарының мамандары жұмылдырылды. Техниктер мен кинолог мамандар жүргізген тексеру кезінде жарылғыш заттың жоқ екендігі анықталды.&nbsp;Жедел-іздестіру іс-шараларын жүргізген полицейлер &nbsp;39 жастағы жергілікті тұрғынды анықтап, ұстады.&nbsp;Белгілі болғандай, ер адам анасымен жанжалдасып, анасы үйінен кетіп қалған. Оны қайтару үшін күдікті мас күйде полицияға қоңырау шалып, бомба туралы жалған хабар берген.&nbsp;

«Үйлердің арасында жарылғыш зат бар»: Қызылордада террорист ұсталды  

<a href="https://kyzylorda-news.kz/">Kyzylorda-news.kz.</a> Аймақта IT жобаларға қолдау өте көп. Мәселен, жыл сайын «SMART CITY KYZYLORDA HACKATHON» облыстық IT жобалар хакатоны өткізіліп келеді. Биыл да бұл байқау 3 бағытта өткізіледі. Байқаудың жай-жапсарын Өңірлік коммуникациялар қызметінің баспасөз алаңында Қызылорда облысы әкімі аппаратының Цифрлық технологиялар бөлімінің басшысы Сабит Ибадулла айтты.<blockquote>Облыс көлемінде ұйымдастырылып жатқан аталмыш байқау 3 бағыт бойынша өтеді. Сайт, мобильді қосымша, бот және ойындар әзірлеу бойынша жобалар «Әзірлеу» бағытына қатысады. «Әзірлеу» бағытында «SMART CITY» концепциясы аясында тұрғындардың ақылды қалада тұруын оңтайландыратын жобалар бағаланады. Келесі бағыт – «Модельдеу» бағыты. Бұл бағытта 3D модельдеу, робототехника, жасанды интеллект, ақылды заттар және BIM технологиялар аясындағы жобалар қабылданады. Адамдардың өмір сүру дағдысын оңтайландыру мен жаңашыл заттар, қызметтерді қолданысқа енгізуді мақсат ететін «Модельдеу» бағытында жобалар өнімнің қолайлығы, прототипі, қаржылық тиімділігі мен өнімнің эргономикаға сай жасалуы бағаланады. Келесі бағыт шығармашылыққа бағытталған, қатысушыларға жаңа леп беретін «Медиа және Білім» бағыты. Мұнда LMS, онлайн оқыту, анимация тақырыбындағы жобалар қабылданады, - деді Сабит Ибадуллаұлы.</blockquote>Осы жылы хакатон байқауында жүлде қоры бірнеше есе өсті. Үздік атанған жобаларға қаржылай 900 мың теңге бөлінді. Сондай-ақ 3 білім гранты табысталады. Бұл жөнінде Қорқыт ата атындағы Қызылорда университеті кәсіпкерлік орталығының басшысы Жанарыс Түбекбаев.<blockquote>&nbsp;«SMART CITY KYZYLORDA HACKATHON 2023» байқауына қатысып, 1 орын алғандарға 150 000 теңге, 2 орынға 100 000 теңге және 3 орын иегерлеріне – 50 000 теңге табысталады. Ал, жас қатысушыларға, яғни мектеп оқушыларына Қорқыт ата атындағы Қызылорда университетінің атынан 3 білім гранты бөлінуде, - деді Жанарыс Алтынбекұлы.</blockquote>

«Smart city Kyzylorda hackathon» байқауы басталды

<a href="https://kyzylorda-news.kz/">Kyzylorda-news.kz.</a> Аймақ басшысы мен Сыр бойының перзенттерінің демеушілігімен облыста біршама құрылыс нысаны бой көтеруде. Осы жылы облыс бойынша 163 жобаның құрылысы жүргізілуде. Құрылысқа мемлекеттік бюжеттен де қолдау аз емес. Биыл барлығы 80.9 миллиард теңге қаржы бөлінді.&nbsp;Облыстық құрылыс, сәулет және қала құрылысы басқармасының басшысы Ерлан Төреалиев 2023 жылдың 9 айында атқарылған жұмыстары туралы Өңірлік коммуникациялар қызметінің баспасөз алаңында баяндады.<blockquote>Құрылыс саласында негізгі екі көрсеткіш белгіленген. Олар құрылыс жұмыстарының көлемі және пайдалануға берілген тұрғын үй көлемі. Осыған сәйкес, 2023 жылдың 9 ай қорытындысымен құрылыс жұмыстарының көлемі көрсеткіші 116,9 миллиард теңгеге жетті. Ұлттық жоба аясында 1 346 пәтерді құрайтын 26 тұрғын үйдің құрылысы жүргізілуде. Сонымен қатар, әлеуметтік жағынан осал топтар үшін 1000 пәтер сатып алу жоспарланып отыр. «Жайлы мектеп» ұлттық жобасы аясында 3 жыл ішінде облыста 21 білім нысаны салынатын болады, биыл 10 жайлы мектептің мектептің құрылысы басталды. Білім саласынан бөлек, денсаулық, мәдениет, спорт саласында біршама құрылыс нысандары бой көтеріп, ел игілгіне жұмсалуда, - деді Ерлан Кәрімбекұлы.</blockquote>

Қызылорда облысы бойынша 163 жобаның құрылысы жүргізілуде

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің қызметкерлері «Болашақ»&nbsp;колледжінің&nbsp;студенттерімен кездесті.300-ден астам студент қатысқан кездесу&nbsp;«Құқық бұзушылық және қылмыс, интернет қауіпсіздігі мен кибербуллинг, лудомания, нашақорлықтың алдын-алу, зорлық-зомбылық, суицид және ерте жүктіліктің алдын-алу» &nbsp;тақырыбында&nbsp;өтті.Сала мамандарымен&nbsp;бірлесіп ұйымдастырылған бұл&nbsp;кездесудің&nbsp;мақсаты - жастардың адам тәрбиесі мен қоғам тәрбиесіне байланысты көзқарастарын дұрыс қалыптастыра отырып, болашақта ұрпақ қамын, ұлт тағдырын ойлайтын қоғамның мүшесі болуларына жағдай жасау.Жиынға Қызылорда ОПД Ювеналды полиция тобының аға инспекторы, полиция майоры Абдразақова Раушан Есенжолқызы, Жастар Денсаулық орталығының валеолог маманы Мазқожа Гүлназ Рысбекқызы және психолог маманы Әбсамат Еркебұлан Әділбекұлы, Облыстық Жастар ресурстық орталығының «Жас отбасы және әлеуметтік мәселелер» бөлімінің кеңесші маманы Сұлтан Нұрбол Балтабайұлы&nbsp;қатысты.Кездесу барысында студенттер қызықтырған сұрақтарын қойып, оларға нақты жауаптар алды. &nbsp;&nbsp;<figure class="image"><img src="https://knadmin.beoblood.kz/uploads/image_07_11_23_04_57_1_556754e6bf.jpeg" alt="image-07-11-23-04-57-1.jpeg"></figure>

Қазақстан және Қызылорда облысының жаңалықтары