<a href="https://kyzylorda-news.kz/ru">Kyzylorda-news.kz.</a> 18 қарашада Қазақстан Республикасы Экология және табиғи ресурстар министрі Е.Н. Нысанбаев жұмыс сапарымен Қызылорда облысына келеді.&nbsp;Осы орйда Қызылорда қаласы, Қазыбек би көшесі, №21 үйде орналасқан А.Тоқмағанбетов атындағы қалалық мәдениет үйінде қызылордалық тұрғындармен кездесу ұйымдастырылмақ. Қабылдау уақыты сағат 09:00.Сіздер сұрақтарыңыз бен ұсыныстарыңызды Министрмен кездесуде қоя аласыздар немесе келесі байланыс арналарын қолдана отырып жібере аласыздар: WhatsApp нөмірі: 8(701)100-44-66 және электрондық мекен-жайға: s.koblashov@ecogeo.gov.kz.Жеке қабылдауға жазылу 2023 жылдың 14 қарашасына дейін (қоса алғанда) жүргізіледі.Кездесуге жазылу үшін ұялы тел. 8(701)100-44-66.

Экология және табиғи ресурстар министрі облыс тұрғындарымен кездеседі

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда қаласының прокуратурасы мемлекеттік сатып алу саласында заңдылықтың сақталуына талдау жүргізді. Нәтижесінде бұрын соңды орташа жөндеу жүргізілген көшелерге қаражат бөлінгені белгілі болды.Қалалық прокуратураның араласуынан кейін мемлекеттік сатып алудың күші жойылып, 1,7 млрд теңге бюджет қаражатының негізсіз жұмсалуына жол берілмеді.Атап айтқанда, 2020 жылы Қызылорда қаласы, Қызылжарма ауылдық округі, Батырбаев көшесіне 49 млн теңгеге орташа жөндеу жұмыстары жүргізілген.<blockquote>«Автомобиль жолдарының құрылымдық элементтерінің, оның ішінде салу, реконструкциялау, күрделі, орташа және ағымдағы жөндеуден кейінгі жол жағдайының жөндеуаралық мерзімдерін белгілеу жөніндегі ұсынымдар туралы» Бұйрықтың 4.1. тармағына сәйкес автокөлік жолдарына күрделі жөндеуаралық мерзімі 6-9 жылды құрайды. &nbsp;Аталған талаптарға қарамастан, Қызылжарма ауылдық округінің әкімдігімен ағымдағы жылы Батырбаев көшесіне күрделі жөндеу жұмыстарын жүргізуге қаражат бөліп, 653,9 млн теңгеге мемлекеттік сатып алу жариялаған.Осыған ұқсас заң бұзушылықтар Әбенов, Досхожин және Сексенбаев көшелеріне күрделі жөндеуге 1 млрд теңге қаражат бөлу кезінде анықталды», &nbsp;делінген Қызылорда облысы прокуратурасының таратқан&nbsp;хабарламасында.&nbsp;</blockquote>Қабылданған шаралардың нәтижесінде жалпы сомасы 1,7 млрд теңгені құрайтын 4 сатып алу конкурсының күші жойылған..&nbsp;&nbsp;

Қызылордада шенеуніктер жөнделген жолды тағы жөндеуге 1,7 млрд жұмсамақ болған

<a href="https://kyzylorda-news.kz/ru">Kyzylorda-news.kz.</a> Аймақ әйелдеріне құшағын ашқан «Анаға Тағзымда» қазыналы Қазалының делегациясы қонақ болды. Ашық есік күні аясында ұлттық құндылықтарымыз ұлықталып, отандық өнімдердің көрме-жәрмеңкесі ұйымдастырылды.&nbsp;&nbsp;«Ұлықты әйел -ұлт ұйытқысы» тақырыбында өткен тағылымға толы шараға аудан әкімінің орынбасары Дәурен Тлеумбетов арнайы барып, нәзік жандылардан құралған делегацияның жұмысына сәттілік тіледі.Делегацияны аудандық Әйелдер кеңесінің төрайымы Роза Асанова бастап барды.Рухани құндылықтарға толы шара барысында Қазалы ауданының 95 жылдық мерейтойына арналған ұлттық қолөнер бұйымдарынан көрме ұйымдастырылып, «Өнеге» әжелер ансамблі ән мен жырдан шашу шашып, шараға қатысушыларға көтеріңкі көңіл күй сыйлады. Мұнан бөлек аудан аналары ұлттық тағам түрлерінен ас мәзірін дайындап, келген қонақтарға концерттік бағдарламаларын да ұсынды.Сонымен қатар «Мирас» әжелер клубы, «Бойтұмар» және «Жас отау» қыздар клубтары қазақтың салт дәстүрі мен ұлттық құндылықтары жайында ой қозғап, бір-бірімен тәжірибе алмасты.Тағылымды шара соңында нәзік жандылар қауымы Сыр аналарының басын қосып жас ұрпақ үшін тағылымға толы шараны ұйымдастыруға қолдау білдірген аймақ басшысы Нұрлыбек Нәлібаевқа өз ризашылықтарын жеткізді.Айта кетейік, алдағы уақытта руханиятқа толы «Анаға тағзым» орталығында дәл осындай ашық есік күні басқа аудандардың әйел-аналарының қатысуымен жалғасын табатын болады.<figure class="image"><img src="https://knadmin.beoblood.kz/uploads/398920128_3779844025569850_8876009478349510172_n_436b9f0033.jpg" alt="398920128_3779844025569850_8876009478349510172_n.jpg"></figure>&nbsp;<figure class="image"><img src="https://knadmin.beoblood.kz/uploads/398999401_3779843958903190_8710412924982507321_n_a314da23c6.jpg" alt="398999401_3779843958903190_8710412924982507321_n.jpg"></figure>&nbsp;<figure class="image"><img src="https://knadmin.beoblood.kz/uploads/398964642_3779843978903188_5620243195265361312_n_03f336ab71.jpg" alt="398964642_3779843978903188_5620243195265361312_n.jpg"></figure>

 «Анаға тағзым» орталығында аймақ әйелдерінің қатысуымен ашық есік күні өтіп жатыр 

<a href="https://kyzylorda-news.kz/ru">Kyzylorda-news.kz.</a>&nbsp; XIX Өңіраралық ынтымақтастық форумының пленарлық отырысынан кейін Қазақстан мен Ресей президенттері шағын форматта келіссөз жүргізді, деп хабарлайды Ақорданың ресми сайты.Қасым-Жомарт Тоқаев Владимир Путиннің сапары екіжақты қатынастар жылнамасындағы маңызды оқиға екенін атап өтті.<blockquote>– Сіз Қазақстанға ХХІ ғасырдағы тату көршілік және одақтастық туралы шарттың 10 жылдығы қарсаңында келіп отырсыз. Құжатқа 2013 жылы 11 қараша күні Екатеринбургте қол қойылғанын еске салғым келеді. Бұл – Қазақстан мен Ресей ынтымақтастығының маңызды құқықтық негізі саналатын әрі көпжақты байланыстарымызды одан әрі нығайтуға жол ашатын жан-жақты құжат. Сізді осы айтулы күнмен құттықтаймын. Сапарыңыздың аталған датамен тұспа-тұс келгені өте жақсы болды. Жалпы, бүгін айтқанымдай, Сіздің сапарыңыздың саяси және тарихи мәні зор, – деді Президент.</blockquote>Мемлекет басшысы екі халық арасындағы берік достық байланыстарға, ортақ тарих пен тату көршілік қатынастарға мән бере отырып, Қазақстан мен Ресейдің барлық бағыттағы ықпалдастығының табысты дамып келе жатқанын мәлімдеді.<blockquote>– Форумның ашылуында нақты цифрларды атап көрсеттік. Соңғы 3 жылда тауар айналымының көлемі 30 пайыздан астам өсті және бұл оң үрдіс жалғасуда. Биылғы 8 айдың қорытындысы бойынша өзара сауда-саттық 17 миллиард долларды құрады. Бұл да – рекордтық көрсеткіш. Өнеркәсіптік кооперация қарқынды дамып жатыр. Осы орайда ауыз толтырып айтарлықтай цифрлар бар. Атап айтқанда, жалпы сомасы 33 миллиард доллардан асатын 143 жоба жүзеге асырылуда. Оның 140 жобасы Қазақстан аумағында орналасқан. Ресей Қазақстандағы шетелдік капиталы бар кәсіпорындар саны бойынша көшбасшы екені сөзсіз. Елімізде 20 мыңнан астам ресейлік компания тіркелген. Ресей Федерациясынан тартылған тікелей инвестиция, біздің бағалауымыз бойынша, 20 миллиард доллардан асты. Соңғы екі жылда шамамен 3,5 миллиард доллар инвестиция салынды. Өз кезегінде Қазақстанның Ресейге құйған инвестиция көлемі 6 миллиард долларға жетті. Мұның екіжақты процесс екені қуантады. Мұнай-газ саласындағы ынтымақтастық белсенді түрде ілгерілеп келеді. Еліміздің аумағы арқылы Ресей мұнайын Қытайға, сондай-ақ газын Өзбекстанға тасымалдау жөніндегі уағдаластықтар энергетика саласындағы ықпалдастықты мүлде жаңа деңгейге көтерді, – деді Қасым-Жомарт Тоқаев.</blockquote>Мемлекет басшысы Қостанай қаласында өтіп жатқан XIX Өңіраралық ынтымақтастық форумы шеңберінде қол қойылатын келісімдер мен бизнес келісімшарттары облыстарда ғана емес, екі ел экономикасының көптеген салаларында да мол әлеует бар екенін көрсететініне сенім білдірді.<img class="image_resized" style="width:730px;" src="https://akorda.kz/public/assets/media/uploadMedia/1699525809_KZ1_4819_2.jpg">Өз кезегінде Ресей Президенті Владимир Путин Қазақстан астанасындағы бүгінгі кездесу екіжақты қатынастардың жай-күйі жөнінде пікір алмасып, келешекті бағамдауға жақсы мүмкіндік беретінін атап өтті.&nbsp;<blockquote>&nbsp;– Елдеріміз арасындағы стратегиялық серіктестік пен одақтастық қатынастар сенімді түрде әрі табысты дамып келеді. Оны, әлбетте, цифрлар әйгілеп тұр. Біз жаңа ғана XIX Өңіраралық ынтымақтастық форумының пленарлық отырысына қатыстық. Бұл – өте жақсы формат. Адамдар бір-бірімен тікелей қарым-қатынас жасап, жұмыс істейді, араласады әрі бұл әрдайым елеулі нәтиже береді. Осы жолы да солай боларына сенімдімін. Бұған қоса өте маңызды тақырып таңдалып отыр. Азық-түлік –&nbsp; кез келген қоғамның, мемлекеттің тыныс-тіршілігінің негізі. Елдеріміздің әлеуеті зор. Өз қажеттіліктерімізді ғана қамтамасыз етіп қана қоймай, жаһандық нарықтардағы көптеген серіктестерімізге де көмектесуге мүмкіндігіміз бар. Мәселе ынтымақтамастығымыздың барлық артықшылығын пайдаланып, келешекте осы мүмкіндіктерді арттыруда ғана болып тұр. Арғы күні Ресей мен Қазақстан арасында ХХІ ғасырдағы тату көршілік және одақтастық туралы шартқа қол қойылғанына 10 жыл толады. Бұл біздің көпжақты достық қарым-қатынасымызды дамытудың берік негізіне айналды, – деді Владимир Путин.</blockquote><img class="image_resized" style="width:730px;" src="https://akorda.kz/public/assets/media/uploadMedia/1699525821_KZ2_9160_2.jpg">Ресей Президенті екі мемлекеттің халықаралық аренадағы конструктивті ықпалдастығын, ЕАЭО, ҰҚШҰ, ТМД, БҰҰ және ШЫҰ аясындағы үйлесімді қарым-қатынасын жоғары бағалады. Сондай-ақ ол 2024 жылы Ресейдің БРИКС пен ТМД-ға, ал Қазақстанның ҰҚШҰ-ға төрағалығы шеңберінде өзара қолдау көрсетуге дайын екенін растады.Келіссөз барысында мемлекеттер басшылары стратегиялық әріптестікті нығайтуға деген өзара ұмтылысын нақтылады. Өңіраралық және шекара маңындағы елді мекендер арасындағы ынтымақтастықты одан әрі дамытуға ерекше назар аударылды. Сондай-ақ тараптар мұнай-газ өнеркәсібі, машина жасау, энергетика, көлік-логистика, денсаулық сақтау және мәдени-гуманитарлық байланыс салаларындағы ықпалдастықтың негізгі аспектілерін талқылады.Бұдан бөлек, Қазақстан мен Ресей президенттері халықаралық ахуалдың қазіргі жағдайы мен даму перспективалары жөнінде пікір алмасты.<img class="image_resized" style="width:730px;" src="https://akorda.kz/public/assets/media/uploadMedia/1699525833_KZ2_9132_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1699525865_KZ2_9167_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1699525873_KZ2_9189_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1699525880_KZ2_9196_2.jpg">

Қасым-Жомарт Тоқаев пен Владимир Путин шағын құрамда келіссөз жүргізді

<a href="https://www.lrt.lt/ru/novosti/17/1990068/russkii-iazyk-bol-she-ne-v-top-10-samykh-izuchaemykh-iazykov-na-platforme-duolingo">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; Қазақстан мен Ресей Қазақстанның оңтүстігінде орыс тілінде оқытатын бірнеше мектеп салу мәселесін талқылап жатыр. Бұл туралы Ресей Федерациясы премьер-министрінің орынбасары Алексей Оверчук екі ел арасындағы XIX өңіраралық ынтымақтастық форумы барысында мәлімдеді. Бұл жөнінде Stan.kz ақпарат агенттігі хабарлайды.<blockquote>“Біз қазір Қазақстанның оңтүстігінде орыс тілінде оқытатын үш мектептің құрылысын жан-жақты талқылауды бастадық”, – деді Оверчук кездесу барысында.</blockquote>Ол сондай-ақ Ресейде Қазақстан президентіне орыс тілі бойынша халықаралық ұйым құру бастамасы үшін алғыс білдіретінін жеткізді.Ресей президенті бұл идеяның іс жүзінде жүзеге асу кезеңіне өткенін айтып, Тоқаевқа рахметін айтты.<blockquote>“Құрметті Қасым-Жомарт Кемелұлы, біз сіздің бастамаңыздың маңыздылығын бағалай аламыз және ол үшін сізге алғыс айтамыз”, – деді Владимир Путин.</blockquote>Қазақстан президенті энергетика саласындағы ынтымақтастық деңгейінің артып келе жатқанын атап өтті. Мемлекет басшысының айтуынша, жақында Ресей газының Қазақстан аумағы арқылы Өзбекстанға транзитінің басталуы ел үшін маңызды оқиға болды.&nbsp;

Қазақстанның оңтүстігінде орыс тілінде оқытатын үш мектеп салу жоспарлануда

<a href="https://kyzylorda-news.kz/ru">Kyzylorda-news.kz.</a>&nbsp; Құмар ойын нарығы жылжымайтын мүлік нарығынан екі есе асып түсті. 350 мыңнан астам қазақстандық азамат осындай ойындарға тәуелді. Лудоманияға қарсы іс-қимыл жүргізудің әдіс-тәсілі мен букмекерлік кеңселердің қызметін реттеу мәселелері бүгін Мәжілістегі «AMANAT» фракциясының кеңейтілген жиынында талқыланды.Сөз басында Мәжіліс Спикері, «AMANAT» Төрағасы Ерлан Қошанов лудомания адам тағдырына балта шабатын қауіпті құбылысқа айналып бара жатқанын атап өтті. Осыған байланысты, партия ойын бизнесі, букмекерлік кеңселер мен лотерея қызметтері бойынша заң жобасын дайындауға бастамашы болды.<blockquote>«Қазіргі таңда Қазақстанда ойынқұмарлық індеттей өршіп, ұлттық қауіпсіздікке қатер төндіре бастады. Лудомания – ХХІ ғасырдың дерті. Миллиондаған адам құмар ойындардан зардап шегеді. Бүгінде бәс тігу мектеп қабырғасынан басталып жатыр. Барлық ойын онлайн, жұртшылыққа оңай қолжетімді. Сондықтан Мемлекет басшысы бұл тақырыпты Қауіпсіздік Кеңесінің отырысында көтеріп, құмар ойындарды шектеуге қатысты міндет қойды. Енді депутаттар мұны заң жүзінде бекітуі керек», – деді ол.</blockquote>Өз кезегінде, Туризм және спорт министрі Ермек Маржықпаев түсіндіру жұмысының нәтижесінде 2021 жылдан бері 17 букмекерлік кеңсе өз еркімен лицензиясын қайтарғанын, ал ойын бизнесі субъектілерінің саны 2 есеге, 71-ден 28-ге дейін қысқарғанын мәлімдеді.<blockquote>«Биыл интернет-казинолардың қызметі мен жарнамасын шектеу мақсатында «Кибернадзор» ақпараттық жүйесі арқылы 7 мыңға жуық интернет-ресурс пен заңсыз материалдардың сілтемесі бұғатталды. Бүгінде ел аумағында ойын бизнесімен айналысуға рұқсат ететін 28 лицензия берілген. Оның ішінде, 5 казино, 8 ойын автоматтары залы, 13 букмекерлік кеңсе және 2 тотализатор бар», – деді министр.</blockquote>Жиын барысында депутаттар мемлекеттік органдардың лудоманиямен және заңсыз ойын бизнесімен күрес жөніндегі жұмысын сынға алды. Мәселен, құмар ойынның кесірінен 10 ерлі-зайыптының 7-еуі ажырасып жатыр. Былтыр Қазақстанда 3676 адам өз-өзіне қол жұмсаған, оның әрбір бесіншісінің себебі – лудомания.<blockquote>«Үкімет ойын бизнесін ұйымдастырушылар мен олардың лоббистеріне қатысты қандай да бір нақты шешім қабылдап жатқанын көрмей отырмыз. Букмекерлік кеңселер интернеттегі және БАҚ-тағы жарнамаға миллиардтаған теңге қаражат құяды. Әлеуметтік желі букмекерлік кеңселердің жарнамасына толы. Одан қалса, қоғам белсенділері мен пікір көшбасшылары бұл саланы дамытуға дайын. Сондықтан «AMANAT» партиясы бастамашылық еткен заң жобасын барынша тезірек қабылдауымыз керек», – деді депутат Еділ Жаңбыршин.</blockquote><figure class="image"><img src="https://knadmin.beoblood.kz/uploads/4e078738_73a5_4c57_bed2_4293848484c1_4bd0a80c8e.jpg" alt="4e078738-73a5-4c57-bed2-4293848484c1.jpg"></figure>Бұдан соң, «AMANAT» фракциясының жетекшісі Елнұр Бейсенбаев депутаттарға жаңа заң жобасының аса маңызды нормалары туралы ақпарат берді. 2 кодекске және 7 заңға 50-ден астам түзетулер дайындалды.Атап айтқанда, алимент, салық және несие бойынша борышкерлер тізілімінде тұрған жеке тұлғалардың құмар ойын ойнауына тыйым салу ұсынылады. Заңды тұлғалар рұқсат етілген жасқа толмаған адамдарды құмар ойынға тартқаны үшін әкімшілік жауапкершілікке, сондай-ақ онлайн-казино ұйымдастырғаны үшін қылмыстық жазаға тартылады. Көшелерде, интернетте және бұқаралық ақпарат құралдарында букмекерлік кеңселер мен тотализаторлардың жарнамасы шектеледі.Сонымен қатар, лотоматикалық машиналарды елге әкелуге және тұрғын үйлерде, дүкендерде, медициналық және білім беру мекемелерінде орнатуға тыйым салу ұсынылады. Құмар ойын ойнауға болатын жас шегі 25 жасқа дейін артады. Ойын бизнесін ұйымдастырушылар өз ақпараттық-қаржылық жүйелерін мемлекеттік кірістер органдарының аппараттық кешенімен біріктіруі керек. Осылайша, мемлекет барлық қаржылық операцияны бақылап отырады.Фракция жиынын қорытындылай келе, Мәжіліс Спикері Ерлан Қошанов заң жобасын жұртшылықпен және мүдделі мемлекеттік құрылымдармен кеңінен талқылау қажет екенін ескере отырып, оны тезірек қабылдаудың маңызын атап өтті. Негізгі мақсат – азаматтарды ойынға тәуелділіктен және отбасыларды оның теріс салдарынан қорғау.«AMANAT» фракциясының депутаттары ұсынылған заң жобасын бірауыздан қолдады. &nbsp;

AMANAT 25 жасқа толмаған адамдардың құмар ойын ойнауына тыйым салуды ұсынады

<a href="https://kyzylorda-news.kz/ru">Kyzylorda-news.kz.</a>&nbsp; «QS Asia University Rankings – 2024» рейтингінің нәтижесі бойынша Қорқыт ата атындағы Қызылорда университеті ТОП-601-650 Азияның үздік жоғары оқу орындарының қатарына енді. Рейтингті Quacquarelli Symonds (QS) британдық компаниясы өткізді, деп хабарлайды университеттің баспасөз қызметі.&nbsp;2024 жылғы Asia Rankings осы кезге дейін өткен рейтнигтердің ішіндегі ең ауқымдысы болып саналады. Оған 25 елдің 857 университет енді. Атап айтсақ, Қытай, Жапония, Оңтүстік Корея, Тайвань, Гонконг АӘА, Сингапур, Пәкістан, Иран, Үндістан, Малайзия, Вьетнам, Қазақстан, Өзбекстан, Қырғызстан, Тәжікстан және Түрікменстан және т. б. елдердің ЖОО-лары бар.Рейтинг нәтижесі бойынша Азиядағы ең үздік 100 университет қатарына еліміздің екі университеті кіріп, Қазақстан Орталық Азиядағы жетекші жоғары білім беру жүйесіне айналды. Сонымен қатар, Қазақстан – Орталық Азияның басқа елдері арасында университеті ең көп ұсынылған ел. Рейтингке еліміз бойынша 34 ЖОО енді.Биыл рейтингте университеттердің академиялық беделі, жұмыс берушілер арасындағы беделі, ғылыми педагогикалық құрам мен студенттердің арақатынасы, бір қызметкерге шаққандағы жарияланымдар саны, халықаралық ғылыми байланыстар, университеттің интернеттегі әсері, PhD дәрежесі бар қызметкерлердің үлесі, бір мақаладағы дәйексөздер саны, шетелдік қызметкерлер және шетелдік студенттер үлесі негізгі көрсеткіш болып саналды.Қорқыт ата атындағы Қызылорда университетінің Asia Rankings әлемдік рейтингіне енуі қазақстандық жоғары оқу орындары арасында да, әлемдік білім беру кеңістігінде де университеттің бәсекеге қабілеттілігі мен имиджін нығайтады.

Қорқыт ата атындағы Қызылорда университеті Азияның үздік университеттері қатарында

<a href="https://kyzylorda-news.kz/ru">Kyzylorda-news.kz.</a> Сенатор Геннадий Шиповских Қазақстанға Ресей президенті Владимир Путин ресми сапармен келуіне қатыстыты пікір білдірді, деп хабарлайды <a href="https://kaz.inform.kz/">Kazinform.&nbsp;</a><blockquote>«Қазір Астана барша әлем үшін дипломатиялық орталықтың алаңына айналғаны сөзсіз. Мұны тек Қазақстан халқы ғана емес, күллі әлем жұртшылығы көріп отыр. Жақында ғана елімізге Франция президенті Эмманюэль Макрон, Түркия президенті Режеп Тайип Ердоған, сондай-ақ Орталық Азиядағы көршілес елдердің басшылары келсе, бүгін Ресей президенті Владимир Путин ресми сапармен келіп жатыр. Атап айтқанда, осының бәрі Қазақстанның халықаралық қатынастар бағытында іс-қимылы жан-жақты әрі әлемдік деңгейде нығайып жатқанын білдіріп отыр. Біріншіден, осы бойынша бізді ешкім мәжбүрлеп жатқан жоқ. Мұның бәрі біздің дипломатиялық жетістігіміз», - деді Геннадий Шиповских.</blockquote>Сенатордың айтуынша, Мемлекет басшысы Қасым-Жомарт Тоқаев еліміздің мүддесіне қатысты, яғни экономикалық әрі инвестициялық ахуалын нығайтуға бағытталған қадамдарды жасап жатыр.<blockquote>«Сондықтан бүгінгі жоғары деңгейде өтетін кездесулерде түрлі саладағы тақырыптар қозғалатыны анық. Осының барлығы еліміздің мүддесін одан әрі нығайтуға, сондай-ақ халықаралық аренадағы деңгейімізді күшейтуге оң ықпал етеді», - деді депутат.</blockquote>Бүгін Қазақстанға ресми сапармен Ресей президенті Владимир Путин келгенін айта кетейік. Сапар барысында екі ел басшылары келіссөз жүргізіп, Қазақстан мен Ресей арасындағы стратегиялық серіктестіктің өзекті мәселелерін талқылайды деп жоспарланған.

Геннадий Шиповских: Қазақстанның халықаралық қатынастарда іс-қимылы жан-жақты нығайып жатыр

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда қаласындағы №3 емхананың бас дәрігері Жанат Қожарипова емханада қандай медициналық көмекті тегін алуға болатынын айтып берді.Егер пациенттің мәртебесі «сақтандырылмаған» болса, онда медициналық көмек тегін медициналық көмектің кепілдік берілген көлемі (бұдан әрі – ТМККК) шеңберінде ғана қолжетімді болады. Бұл жедел медициналық көмек, бастапқы медициналық-санитарлық көмек, мамандандырылған медициналық көмек: амбулаториялық жағдайда, стационарды алмастыратын жағдайда және стационарлық жағдайда. Яғни, емханалар дәрігерді үйге шақыру, балалар мен жүкті әйелдерді патронаждау, 4 санаттағы жедел жәрдем шақыру, жалпы практика дәрігерінің (ЖПД), педиатрдың немесе терапевттің бақылауы және т. б. қызметтерді тегін көрсетеді. Барлық қалған медициналық көмекті міндетті әлеуметтік медициналық сақтандыру (бұдан әрі – МӘМС) шеңберінде ғана алуға болады.<blockquote>«МӘМС пакетіне ТМККК-да бар қызметтен тыс медициналық қызметтер кіреді. Атап айтқанда, бұл жоспарлы медициналық көмек: стационарлық, стационарды алмастыратын, қымбат тұратын консультациялық-диагностикалық қызметтердің барлық түрлері, соның ішінде КТ, МРТ, оңалту және қалпына келтіру емі. Сондықтан бұл қызметтерге қол жеткізу үшін жүйеде болу маңызды», - деп атап өтті Жанат Қожарипова.</blockquote>Бас дәрігер түсіндіргендей, кепілдендірілген медициналық көмек ҚР-ның азаматтарына, оралмандарға, Қазақстанда тұрақты тұратын, тұруға ықтиярхаты бар шетелдіктерге қолжетімді. Елімізде уақытша тұратын шетелдіктер ТМККК шеңберінде медициналық көмек ала алмайды, тек ақылы алады.МӘМС жүйесінің қазақстандық моделі әлеуметтік бағдарланған болып табылады. Халықтың 15 жеңілдетілген санаты үшін мемлекет жарна төлейді (https://fms.kz/kz/o-medstrakhovanii/infografika/65219/). Бұдан басқа, «МӘМС туралы» Заңға сәйкес әскери қызметшілер, арнаулы мемлекеттік органдарының, құқық қорғау органдарының қызметкерлері Қорға жарналар төлеуден босатылады.Егер сіздің қосымша сұрақтарыңыз болса, өз емханаңыздағы «Пациенттерді қолдау қызметіне» жүгіне аласыз. Сондай ақ, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, Qoldau 24/7 мобильді қосымшасы, Telegram-дағы @SaqtandyrýBot, 1414 Бірыңғай байланыс орталығы.Азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы. • Екінші деңгейдегі банктердің мобильді қосымшалары – Kaspi.kz, Halyk, Bcc.kz.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp; &nbsp;

 МӘМС: Емханада қандай медициналық қызметтер тегін көрсетіледі?

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев Жалағаш ауданындағы «Таң» ауылдық округіне жұмыс сапарымен барып, жүзеге асырылатын әлеуметтік жобалармен танысты.Алдымен аймақ басшысы ауылдық мәдениет үйінде мәжіліс өткізіп, облыстық басқармалардың елді мекенді дамыту бойынша ұсыныстарын тыңдады. Облыстық денсаулық сақтау, мәдениет және спорт, білім, кәсіпкерлік, құрылыс, жолаушылар көлігі және автомобиль жолдары басқармалары «Таң» ауылын көркейту, абаттандыру үшін қолға алынатын жобаларды таныстырды.<blockquote>«Мемлекет басшысы Қасым-Жомарт Тоқаев өңірге сапары кезінде Нағи Ілиясов ауылын аралап көрген соң «Осындай ауылдарды көбейтуіміз керек. Оған шамамыз да, қаражатымыз да жетеді. Кәсіпкерлермен кездескенімде елді мекендерге қаржы салып, көмектесу керек деп үнемі айтып келемін. Нағи Ілиясов басқа ауылдарға да үлгі болуы қажет. Сондықтан өзге облыстар да ауылдарды осылай дамытады деп ойлаймын»,– деген болатын. «Таң» ауылының да алдыңғы қатарлы елді мекеннің бірі болуға әлеуеті жетеді», – деді аймақ басшысы.</blockquote>Әрі қарай Нұрлыбек Машбекұлы осындағы әлеуметтік нысандардың жай-күйімен танысты. Жақында күрделі жөндеуден өткен №118 орта мектебіне, «Таң бөбегі» балабақшасына, өткен жылы пайдалануға берілген дәрігерлік амбулаторияға барды.Мұнан бөлек, мемлекеттік-жекеменшік әріптестік аясында «Таң LTD» ЖШС-ның жеке қаражатына салынған спорт кешенін көрді. Нысан 2018 жылы пайдалануға берілген, жалпы құны 56 млн. теңгені құрайды. Мұнда 11 қызметкер жұмыспен қамтылған, кешенде дзюдо және таэквондо үйірмелері бар.Сондай-ақ «Диқан ата» күріш ақтау зауыты 5 жыл бұрын іске қосылған, тәулігіне 100 тонна күріш өңдеуге қауқарлы, мұнда 15 адам тұрақты жұмыспен қамтылған. Ал 2019 жылы ауылдық округке қарасты «Жаңақоныс» елді мекенінде «Агролидер Таң» ЖШС-ның ет өңдеу цехы ашылған. Кәсіпорын тәулігіне 0,5 тонна ет өндіріп, 15 түрлі (түшпара, манты, қазы, әсіп, бір асым ет және т.б.) өнім шығаруда. Мұнда 8 адам жұмыс істейді.Әрі қарай Нұрлыбек Машбекұлы ауылды көркейту, абаттандыру жұмыстарымен танысты. Еске салсақ, «Таң LTD» ЖШС демеушілігімен ауылда балалар ойын алаңы мен кіші футбол алаңы салынып, түнгі жарықтандыру жүргізілді. Сондай-ақ, Ұлы Отан соғысында қаза тапқан боздақтардың құрметіне «Тағзым алаңы» салынып, қазір жаңа спорт кешенінің құрылысы жүргізілуде. Биыл 1924 жылы салынған «Әбжәли» мешітінің ғимараты жөнделді.Аймақ басшысы барлық құрылыс жұмыстарын тиянақты орындап, мерзімінде пайдалануға беруді тапсырды.<img src="https://knadmin.beoblood.kz/uploads/398423388_639879194999995_3666775895973784400_n_23a39924ef.jpg" alt="398423388_639879194999995_3666775895973784400_n.jpg"><img src="https://knadmin.beoblood.kz/uploads/398534433_639879228333325_884754698070673117_n_ac8f32f2d4.jpg" alt="398534433_639879228333325_884754698070673117_n.jpg"><img src="https://knadmin.beoblood.kz/uploads/398427219_639879351666646_4346736475664389634_n_1047c75cda.jpg" alt="398427219_639879351666646_4346736475664389634_n.jpg">

Облыс әкімі «Таң» ауылындағы жобалармен танысты

<a href="https://kyzylorda-news.kz/ru">Kyzylorda-news.kz.</a> Сыр елінде Темірбек Жүргеновтің 125 жылдығына арналған Қазақ ұлттық өнер академиясының «Темірқазық» атты мерейтойлық концерті өтті.Шара барысында Қызылорда облысы әкімі аппаратының басшысы Шахмардан Байманов сөз сөйлеп, Т.Жүргенов атындағы Ұлттық Өнер академиясының өнерпаздарына аймақ басшысының арнайы құттықтауын табыс етсе, Т.Жүргенов атындағы Қазақ ұлттық өнер академиясы ректорының уақытша міндетін атқарушы Шыңғыс Ергөбек мерейтойлық кештің маңызына тоқталды және Т.Жүргенов атындағы қоғамдық қорының төрағасы Сәби Аңсат ұлт қайраткерінің еңбегі мен артында қалған мәңгі мұрасын жас ұрпаққа кеңінен насихаттау керектігін айтты.<blockquote>«Мемлекет және қоғам қайраткері Темірбек Жүргеновтің 125 жылдық мерейтойын ТҮРКСОЙ деңгейінде атап өту аясында елімізде және шет елдерде ауқымды шаралар өткізілуде. Ұлт қайраткерінің мерейтойы туған жері - Сыр елінде де кең көлемде тойлануда. Сыр халқы егемен елдің мәдениеті мен руханиятына сүбелі үлес қосқан Өздеріңізді кәсіби өнер шеберлерін дайындайтын оқу ордасы ретінде бағалап, құрметтейді. Темірбек Жүргенов есімін иеленген Академия ұжымы алдағы уақытта да қазақ өнерін асқақтатып, тәуелсіз еліміздің ұлттық құндылықтарын насихаттай береді деп сенемін», - деді Шахмардан Байманов.</blockquote>Аталмыш шарада Академияның талантты жастарымен бірге елімізге танымал белгілі өнер иелері Сәкен Майғазиев, жерлесіміз Алмас Алматов және өзге де өнерпаздармен сахнада ән-жырлары орындалды және Темірбек Жүргеновтің тарихи еңбектері жайлы арнайы сахналық қойылымдар көрсетілді.Шара барысында Қазақ Ұлттық Өнер академиясы өнерпаздарының ерекше өнерлеріне алғыс ретінде аймақ басшысының атынан «Ықылас гүлі» табыс етіліп, көрермендер өнер ұжымына өз ризашылықтарын білдірді.

Т.Жүргенов атындағы Қазақ ұлттық өнер академиясының шығармашылық кеші өтті

<a href="https://kyzylorda-news.kz/ru">Kyzylorda-news.kz.</a>&nbsp; Ш.Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен өткен республикалық конкурста Қызылорда қаласындағы Назарбаев Зияткерлік мектебінің мұғалімі Гүлзат Шынтасова бас жүлде жеңіп алды. Сонымен қатар ол «Өрлеу» біліктілікті арттыру ұлттық орталығы мұрындық болған «Педагогикалық идеялар панорамасы – 2023» байқауының облыстық кезеңінде де топ жарып, республикаға жолдама алды.Тағамтану саласының терминдеріне жалпылық сипат беру мақсатында өткізілген «Қазақша мәзір» додасына еліміздің түкпір-түкпірінен 31 тіл жанашыры қатысып, мемлекеттік тілде ас мәзірін қалыптастыру бағытында 4 кезеңде бақ сынасты. Университтердің профессорлары мен түрлі мекеме басшылары, магистранттар, мектеп мұғалімдері мен журналистер арасынан озып шыққан Гүлзат Бұрабайқызы 250 мың теңге көлемінде қаржылай сыйақыға ие болды.Үнемі ізденісте жүріп, кәсіби дамуына ерекше мән беретін жас ұстаз «Педагогикалық идеялар панорамасы-2023» байқауында да тәжірибесімен бөлісіп, үздіктердің қатарынан көрінді. 164 педагогтің тәжірибесі таныстырылған сайыстың аймақтық кезеңінде Гүлзат Шынтасова «Оқу сауаттылығы» аталымы бойынша видеосабағын ұсынып, республикалық кезеңге қатысуға жолдама алды.<blockquote>«Бұл сайыстарға қатысу барысында мектебімнің маған берген мүмкіндіктері өз септігін тигізгені анық. Осы тұрғыда жеңісімді құтты мекенімнің 10 жылдығына арнағым келеді. Болашақта тіл жанашыры ретінде де, ұстаз ретінде де жүйелі, нәтижелі жұмыс атқара беретін боламын», - дейді жеңімпаз.</blockquote><figure class="image"><img src="https://knadmin.beoblood.kz/uploads/400642321_122116876448048518_3126953994889520282_n_7cd615fcdb.jpg" alt="400642321_122116876448048518_3126953994889520282_n.jpg"></figure>

Қазақстан және Қызылорда облысының жаңалықтары