<a href="https://kyzylorda-news.kz/">Kyzylorda-news.kz. </a>2023 жылғы желтоқсанда қазақстандықтар 11 күн демалады, - деп хабарлайды Tengrinews.kz тілшісі Almaty.tv сайтына сілтеме жасап.Қазақстан желтоқсанда дәстүрлі түрде Тәуелсіздік күнін атап өтеді. Биыл Тәуелсіздік күні, яғни 16 желтоқсан сенбіге сәйкес келеді, сондықтан қазақстандықтар дүйсенбі күні де демалады.Тәуелсіздік күні:аптасына бес күн жұмыс істейтіндер: 16, 17, 18 желтоқсан күндері; аптасына алты күн жұмыс істейтіндер: 16 және 17 желтоқсан күндері демалады. Желтоқсанда барлығы 11 демалыс және 20 жұмыс күні бар. &nbsp;

Қазақстандықтар желтоқсанда қанша күн демалады? 

&nbsp;<a href="https://kyzylorda-news.kz/">Kyzylorda-news.kz.</a> Елімізде қызылшаға байланысты эпидемиологиялық жағдай күрделі. Сол себепті мектептер карантинге жабылуы мүмкін бе?ДСМ Санитариялық-эпидемиологиялық бақылау комитетінің Вакцинамен басқарылатын инфекцияларды бақылау басқармасының басшысы Нұршай Әзімбаева жауап берді, деп хабарлайды BAQ.kz.Қызылша вакцинамен басқарылатын ауру болғандықтан адамдардың басым көпшілігі вакцина алған. Сол себепті карантинге жабылмайды, деп жауап берді Әзімова ОКҚ-да.<blockquote>"2023 жылдың басынан бастап республикамызда қызылшаның 13 103 жағдайы тіркелді, оның ішінде 83% - 14 жасқа дейінгі балалар арасында, 2,9% - жасөспірімдер, 14,1% (1854) - ересектер. Қызылшаны жұқтыру жағдайлары барлық өңірде тіркелді. Шымкентте жоғары деңгей байқалды - 2 283, Алматы қаласында - 2 217 жағдай, Жамбыл - 1 605 жағдай, Алматы – 1215 жағдай және Атырау облыстары – 940 жағдай", - деді Нұршай Әзімбаева. &nbsp;</blockquote>

Мектептер карантинге жабыла ма?

Kyzylorda-news.kz. Қызылорда қаласында бой көтерген “Хазірет Осман” атындағы мешіт ашылды.Қасиетті жұма күні өткен салтанатты рәсімге Қызылорда облысының бас имамы Болатбек Ұласқанұлы бастаған қала мешіттерінің имамдары, өңірге сыйлы азаматтар мен жергілікті тұрғындар қатысты.Ашылу құрметіне ұйымдастырылған шара Құран аяттарымен басталып, жанашыр жандардың жүрекжарды лебіздерімен жалғасты. Мешіттің құрылысына атсалысқан азаматтар ҚМДБ төрағасы, Бас мүфти Наурызбай қажы Тағанұлының алғыс хатымен марапатталды. Лентасы қиылып, жиылған жамағат алғашқы жұма намазын оқыды.Айта кетейік, 2021 жылы Әл-Фараби тұрғын ауданында құрылысы басталған жаңа құтхана кәсіпкер Ербол Османбекұлының демеушілігімен жүргізілді. Сыйымдылығы 1200 адамға арналған.<img src="https://knadmin.beoblood.kz/uploads/IMG_20231111_WA_0012_e680ef7d21.jpg" alt="IMG-20231111-WA0012.jpg"><img src="https://knadmin.beoblood.kz/uploads/IMG_20231111_WA_0011_9785d15d05.jpg" alt="IMG-20231111-WA0011.jpg"><img src="https://knadmin.beoblood.kz/uploads/IMG_20231111_WA_0014_8ac2dca9e3.jpg" alt="IMG-20231111-WA0014.jpg">

Қызылордада “Хазірет Осман” атындағы мешіт ашылды

Kyzylorda-news.kz. Қасиетке тұнған киелі мекен Қазалы ауданының құрылғанына 95 жыл толуына орай «Тамыры терең, тарихы кенен - Қазалы» атты республикалық ақындар айтысы өтті.Айтыс аламанының ашылуында сөз алған аудан әкімі Мұхтар Әуесұлы 95 жылдық тарихы бар ауданның өткені мен бүгініне тоқталып, алдағы мақсаттарымыз бен биік мұраттарымызды бағамдады.Сонымен қатар еліміздің өсіп-өркендеуіне зор үлес қосып, бүгінгі таңда елдің әр аймағында тұратын жерлестерімізге Қазалы ауданының 95 жылдығына арналған мерейтойлық медалін табыстады.Дүбірлі додаға Қызылорда облысының Құрметті азаматы, ақын, режиссер Оңталап Нұрмаханов, айтыскер ақын, «Серпер» жастар сыйлығының иегері Нұрмат Мансұр, мәдениет саласының ардагері, ақын Толағай Дүңкеев қазылық етсе, үш дүркін «Алтын домбыра» иегері, айтыскер ақын Мұхтар Ниязов айтыс тізгінін ұстады.Киелі сөз өнерінің сайыпқырандарын аудан әкімінің орынбасары Дәурен Тлеумбетовпен қазылар алқасының мүшелері және демеушілер &nbsp;сахна төріне шығып марапаттады.Аудан халқын серпілтіп, дем берген аламанда қазылар алқасының шешімі бойынша бас жүлдені Аралдық жас ақын Бексұлтан Орынбасар, І орынды Арқалық қаласынан келген Тоба Өтепбай, ІІ орынды Қызылорда қаласынан Ержеңіс Әбді иеленсе, ал жүлделі үшінші орындарды Сырдария ауданынан Ерасыл Байментай мен Түркістан қаласынан келген Нұрлыбек Мейірман өзара бөлісті.Қызылорда облысының 85 жылдығы мен Қазалы ауданының 95 жылдығына орай өткізілген айтыс аламанының барлық қатысушы ақындар қаржылай сыйлықтармен марапатталды.<img src="https://knadmin.beoblood.kz/uploads/FB_IMG_1699723183472_cffd2c2e9f.jpg" alt="FB_IMG_1699723183472.jpg">

Мерейтой аясында республикалық ақындар айтысы өтті

Kyzylorda-news.kz. Бүгінде ақпараттық ағым тоқтаусыз толқып жатқанда дер кезінде жедел әрі шынайы жаңалықты жұртшылыққа жеткізу аса маңызды. Осыған орай, облыстық қоғамдық даму басқармасының ұйымдастыруымен «Медиа саласындағы өзекті тақырыптар» бойынша арнайы семинар-тренинг өтті.&nbsp;Жиынға аудан әкімінің орынбасарлары, қалалық, аудандық қоғамдық даму бөлімінің басшылары және аудан әкімдіктері мен басқарма, аумақтық департамент, инспекциялардың жауапты баспасөз хатшылары қатысты.&nbsp;Жиынға облыс әкімі аппараты басшысының орынбасары Жанмұрат Сейілов арнайы келіп, қазіргі медиа саласының даму қарқынын тілге тиек етті.&nbsp;<blockquote>&nbsp;Қазіргі уақытта заманауи медианың тәсілдері мен құралдары өзгеше өзгерді. Бүгінде интернет ресурстар мен әлеуметтік желілердің даму қарқыны тек дәстүрлі БАҚ-тың ғана емес, кез келген азаматтың мүмкіндігін ашып берді. Осылайша әрбір ақпарат қоғамда көз ілеспес жылдамдықпен таралуда. Бұл ретте ақпарат саласында қызмет ететін әрбір маманның кәсіби біліктілігін арттыру аса маңызды. Әсіресе, мемлекеттік органдардың ақпарат таратуы тиісті деңгейде жүргізілуі керек. Бүгінгі жиында қатысушылар өзара тәжірибе алмасып, пайдалы дәріс алады деген сенемдемін, - деді Жанмұрат Сейілов.</blockquote>Семинар-тренингте PR-коуч/медиа-тренер Ақерке Берлібай қатысушыларға «Коммуникация саласындағы дағдырыс» тақырыбында 2 сағаттық дәріс өткізді. Дәрісте қазіргі медианың өзекті мәселелері талқыланып, өз тәжірбиесімен бөлісті. Одан әрі облыс әкімінің баспасөз хатшысы Салтанат Шаханова, «Qyzylorda» телеарнасының бас редакторы Айнұр Тұңғышбаева, «Өңірлік коммуникациялар қызметі» КММ-нің директоры Гүлнұр Бүркітбаева бекітілген тақырыптар аясында &nbsp;сабақ жүргізді. Семинар-тренинг соңында қатысушылар өздерінің толғандырып жүрген сауалдарын қойып, аталмыш сала бойынша мәселелерді талқылады.<img src="https://knadmin.beoblood.kz/uploads/IMG_20231111_WA_0018_4e3dd922e6.jpg" alt="IMG-20231111-WA0018.jpg"><img src="https://knadmin.beoblood.kz/uploads/IMG_20231111_WA_0019_937689fc41.jpg" alt="IMG-20231111-WA0019.jpg"><img src="https://knadmin.beoblood.kz/uploads/IMG_20231111_WA_0017_ea9300a94e.jpg" alt="IMG-20231111-WA0017.jpg">

Медиа саласындағы өзекті тақырыптар бойынша арнайы семинар-тренинг өтті

Kyzylorda-news.kz. "Қазгидромет" РМК ұсынған мәлімет бойынша, атлантикалық циклонның әсерінен алдағы күндері Қазақстанның басым бөлігінде жауын-шашын болады. Синоптиктердің айтуынша, алдыңғы қараша айларына қарағанда, күн айтарлықтай жылы болады.<blockquote>"Батыстан шығысқа ауысатын циклон өз жолында қатты жауын-шашын әкеледі: жауын-шашын түнде жаңбыр мен қар түрінде, күндіз &nbsp;негізінен жаңбыр түрінде жауады. 11 қарашада солтүстік-батыста, 12 қарашада оңтүстікте, 13 қарашада оңтүстік-шығыста, республиканың оңтүстігі мен оңтүстік-шығысындағы таулы аймақтарда қатты жауын-шашын (жаңбыр мен қар) жауады деп болжанды. 12 қарашадан бастап антициклон сілемі батысқа қарай тарай бастайды, осыған байланысты жауын-шашын тоқтап, күндіз ауа температурасы +8+18°С дейін көтеріледі", делінген "Қазгидромет" РМК хабарламасында.</blockquote>Синоптиктердің айтуынша, түнде және таңертең республика бойынша жел күшейіп, тұман түседі.

Жексенбіге арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Биыл 21 жасқа дейінгі жастарға энергетикалық сусын сатуға тыйым салу ұсынылдыДенсаулық сақтау министрі Ажар Ғиният мәліметінше:Елімізде ересек тұрғындардың 21 пайызы темекі тартады, балалардың 20 пайызында артық дене салмағы бар, соның ішінде 6 пайызы семіздіктен зардап шегеді. 11-15 жастағы жасөспірімдердің 10 пайызы вейпты тұрақты түрде шегеді. Энергетикалық және тәтті сусындарды ішуі - 17,5 пайыз, – деді ведомство басшысы.Ол министрлік 21 жасқа дейінгі азаматтарға энергетикалық сусындарды сатуға тыйым салу қаралып жатқанын атап өткен еді.Елімізде шенеуніктер мен әскерилерге казиноға баруға тыйым салынуы мүмкінҚұжатта азаматтарға "Ойын бизнесі туралы" ҚР Заңында көзделген анықтамаға жататын ойын мекемесіне барудан бас тарту ұсынылған.Заңға өзгерістер енгізуге арналған құжат 28 тамызға дейін талқыланады.<blockquote>"Іскерлік әдеп пен ресми мінез-құлық қағидаларын сақтау, азаматтардың көз алдында өздері өкілі болып табылатын мемлекеттік органдардың абыройы мен беделіне айқын нұқсан келтіретін әрекеттер жасауға жол бермеу, оның ішінде қызметтік қажеттілікке байланысты баруды қоспағанда, "Ойын бизнесі туралы" Қазақстан Республикасының Заңында көзделген анықтамаға жататын ойын мекемесіне барудан тартыну ұсынылған", - делінген құжатта.</blockquote>Елімізде мемлекеттік орман аумағындағы ағаштарды кесуге тыйым салындыҚұжат биыл 7 тамызға дейін көпшілік талқылауында болды.Ашық НҚА порталында жарияланған Мәдениет және спорт министрінің бұйрық-жобасында туристік орындардың тізімін толықтыру жоспарланып отырғаны жазылған.Ағаштардың қурау және құрып кету қатерiн болдырмау мақсатында 2033 жылғы 31 желтоқсанға дейін Қазақстанның мемлекеттік орман қоры учаскелеріндегі қылқан жапырақтылар ағаштарды басты қажеттілік үшін кесуге тыйым салынсын, - делінген Ашық НҚА портылында жарияланған Орман шаруашылығы және жануарлар дүниесі комитеті төрағасының бұйрық-жобасында.Вейпке тыйым салынадыМәжіліс депутаты Нұргүл Тау елде вейп сатуға толық тыйым салуды ұсынды.<blockquote>"Олар барлық сауда нүктелерінде, сондай-ақ әлеуметтік желілерде де төмен бағамен сатылып жатыр. Орташа бағасы - 2000 теңге. Қаржы министрлігінің мәліметінше, никотинді тұтынуға арналған электрон құрылғылар нарығы 2020 жылдан 2022 жылға дейін 300 есеге өсті. Бұл өнімнің әкелу заңдылығы да күмән тудырады", - деді депутат.</blockquote>Қазақстанда вейпке толық тыйым салу туралы шешім қабылданғанын тамызда үкімет отырысында Премьер-Министрдің орынбасары – Қаржы министрі Ерұлан Жамаубаев былай түсіндірді.Заң жобасын Денсаулық сақтау министрлігі әзірлеп жатыр, олар оны ведомствоаралық комиссияға берді, біз оны қарадық. вейптерге толығымен тыйым салу туралы шешім сөзсіз қабылданды, – деп мәлімдеді Жамаубаев.Қазақстанда "паранжа" мен "ниқаб" киюге тыйым салынуы мүмкінМәдениет және ақпарат министрі Аида Балаева Мәжілістің кулуарында никабқа қатысыт заң нормасы жоқ екенін айтып,мәселенің әлі реттелмегенін айтады.Біздің заңнамада никабқа тыйым салу нормасы жоқ. Заң аясында бұл мәселе әлі реттелмеді. Бетін тұмшалайтындар жайлы мәселені енді қараймыз. Себебі депутаттар осыны сауал ретінде жолдады, - деп айтты ведомство басшысы журналистерге.Балаеваның айтуынша, бұл - ең алдымен ұлттық қауіпсіздік мәселесі.<blockquote>"Бұл тұрғыдан алып қарағанда никабтарға тыйым салған дұрыс", -деді Балаева.</blockquote>Оқу-ағарту министрлігі заң тұрғысынан мектеп формасының мәселесін былай шешпек.Заңдағы үш тармаққа өзгерістер енгізілген:9-тармақ: "Қыздардың мектеп формасы: пиджак, жилет, белдемше, шалбар, түймелері немесе бекіткіші бар трикотаж кардиган (бомбер), классикалық жейде (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады". 14-тармақ: "Мектеп формасына орта білім беру ұйымының ерекшелік белгілерін (белгілер, тігіспелер, шеврон және т.б.) орналастыруға рұқсат етіледі". 19-тармақ: "Мектеп формасының түсін, фасонын таңдауды және юбканың ұзындығын орта білім беру ұйымы мен кеңес (мектеп кеңесі, қамқоршылық кеңес, ата-аналар кеңесі) айқындайды, жалпымектептік ата-аналар жиналысының хаттамасымен бекітіледі".ҰБТ-ға қаламсап алып кіруге тыйым салынадыҰлттық тестілеу орталығы 2024 жылы ұлттық бірыңғай тестілеуде болатын тағы бір жаңашылдықты жария еткен болатын.Келесі жылдан бастап ҰБТ-да ереже бұзудың алдын алу мақсатында талапкерлерге тестілеуге қаламсап әкелуге рұқсат етілмейді.Тестілеуге тек жеке куәлікпен кіргізеді. Сондай-ақ өзіңізбен су және шоколад алып кірсеңіз болады. Айта кетейік, қалам мен қағазды тек тестілеу әкімшілері (кезекшілер) береді.&nbsp;Алматыда 2024 жылы дизельді автобустарды сатып алуға тыйым салынады2023 жылы 1 430 бірлік экологиялық көлік жеткізіледі, оның ішінде жергілікті бюджет есебінен 600 автобус пен 100 троллейбус. Жеке тасымалдаушылар 730 автобус, оның ішінде 30 электробус сатып алатын болады. Келесі жылдан бастап дизельді автобустарды сатып алуға тыйым салынады, - деді Алматы әкімі Ерболат Досаев.&nbsp;Аталған шаралар қоғамдық көлікті экологияландыру деңгейін осы жылдың өзінде-ақ 60 пайызға және 2025 жылға қарай 100 пайызға дейін жеткізуге мүмкіндік береді.Ақпарат дереккөзі: <a href="https://massaget.kz/basty-zhaalytar-438/94337/">Massaget.kz&nbsp;</a>

2024 жылы Қазақстанда неге тыйым салынады?

Kyzylorda-news.kz. &nbsp;Қазалы ауданының 95 жылдығына арналған мерекелік іс-шаралар басталды.Р.Бағланова атындағы мәдениет орталығында аудан әкімі Мұхтар Оразбаевтың төрағалығымен «Кеше. Бүгін. Болашақ» атты ғылыми-танымдық конференция өтті.Жиынға қоғам қайраткерлері, зиялы қауым өкілдері, Қорқыт ата атындағы Қызылорда университетінің профессор-ғалымдары, аудандардан делегациялар, мәслихат депутаттары, қоғамдық ұйымдар мен БАҚ өкілдері, &nbsp;тұрғындар қатысты.Баяндамашылар тамыры терең, тарихы кенен Қазалы ауданының құрылу тарихы мен бүгінгі тынысы, әлеуметтік-экономикалық даму жолындағы жетістіктері жайында сөз қозғады.Мерейтойға арналған мәдени-көпшілік шаралар Жалаңтөс баһадүр атындағы орталық саябақта ағаш отырғызумен жалғасты. Көгалдандыру Қызылорда облысының 85 жылдығы мен Қазалы ауданының 95 жылдығына орайластырылғандықтан, 95 түп ағаш көшеті отырғызылды. Орталық саябаққа облыс әкімінің орынбасары Мейрамбек Шермағанбет, аудан әкімі Мұхтар Оразбаев және Астана, Алматы, Шымкент, Қызылорда, Батыс Қазақстан облыстарынан келген меймандар, ардагерлер, қоғам қайраткерлері мен мәслихат депутаттары ағаш екті.Мұнан бөлек, осы күні жаңа спорт алаңы пайдалануға берілді. Тұрғындардың өмір сапасын арттыруға, жастардың бос уақытын тиімді өткізуіне арналған алаң Қазалы қаласында бой көтерді. Жаңа спорт алаңының ашылу салтанатында облыс әкімінің орынбасары Мейрамбек Шермағанбет аймақ басшысының аудан халқына арнаған құттықтауын жеткізді.Қазалы ауданының Құрметті азаматы Болатбек Пұсырманов сөз сөйлеп, жиналғандарды мерекемен құттықтады.<img src="https://knadmin.beoblood.kz/uploads/IMG_20231111_WA_0004_b6501b1ce8.jpg" alt="IMG-20231111-WA0004.jpg"><img src="https://knadmin.beoblood.kz/uploads/IMG_20231111_WA_0000_ad4ec00100.jpg" alt="IMG-20231111-WA0000.jpg"><img src="https://knadmin.beoblood.kz/uploads/IMG_20231111_WA_0001_8329c578e4.jpg" alt="IMG-20231111-WA0001.jpg"><img src="https://knadmin.beoblood.kz/uploads/IMG_20231111_WA_0002_3f0b715829.jpg" alt="IMG-20231111-WA0002.jpg">

Қазалы ауданының 95 жылдығына арналған іс-шаралар өтуде

Kyzylorda-news.kz. Биыл облыстың энергия тиімділігін арттыру мақсатында арнайы Жол картасы бекітіліп, 4 жобаға қаржы бөлінді. Нәтижесінде, көше жарықтары шамдарын ауыстыруға және энергия үнемдегіш шамдар орнатуға қаржы қарастырылды. Бұл жөнінде Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасының басшысы Болатбек Ысмағұлов хабарлады.<blockquote>-«Ауыл – Ел бесігі» бағдарламасы аясында Жаңақорған кентіндегі электр желілерін жаңғырту жобасы қолға алынды. Осыған сәйкес, 165,4 шақырымға жуық электр желісінің құрылысы жүргізіліп, 1 дана тарату пункті және 55 дана қосалқы трансформаторлық қондырғылар орнатылды. Сонымен қатар, Сырдария ауданына қарасты елді мекендер, Шиелі кенті, Қазалы ауданы Әйтеке би кентінің электр желілерін қайта жаңғырту бойынша жұмыстар жүргізілуде. Келер жылы «Нұрлы Жер» мемлекеттік бағдарламасы аясында 7 ауданға арнайы қаржы бөлініп, тұрғын үй секторларының инженерлік коммуникациялық инфрақұрылым құрылысын жүргізу жоспарлануда, - деді басқарма басшысы Болатбек Ысмағұлов.</blockquote>Брифинг барысында «Қызылорда электр тарату тораптары» АҚ-ның басқарма төрағасы Батыржан Қаракөзов жыл басынан бері атқарылып жатқан жұмыстарға тоқталды.<blockquote>Мемлекет басшысы жыл сайын энергия үнемдеуге және энергия тиімділігін арттыруға баса назар аудару керектігін айтқан болатын. Осыған сәйкес, біздің мекеме алдағы 6 жылда орындалатын іс-шаралар жоспарын сапалы орындауда. Соның бірі – облыстағы электр желілерінің тозу деңгейі 66 пайызға, ал апаттық ағытулар 30 пайызға &nbsp;төмендеді, - деді Батыржан Көмекбайұлы.</blockquote>

«Ауыл – Ел бесігі»: Жаңақорған кентіндегі электр желілерін жаңғырту жобасы қолға алынды

<a href="https://kyzylorda-news.kz/">Kyzylorda-news.kz.&nbsp;</a> Қазалы ауданының 95 жылдық мерейтойына орай Абай ауылында орталық саябақтың ашылу рәсімі өтті.Саябақтың ашылу рәсіміне облыс әкімінің орынбасары Мейрамбек Шермағанбет арнайы қатысып, абайлықтардың қуанышымен бөлісті.<blockquote>- Бүгінгі ашылып жатқан ауылға ерекше көрік беретін саябақ, мерейтойға орай ауыл тұрғындары үшін керемет тарту, жаңа бастама болды деп ойлаймын. Саябақта орналасқан жабдықтардың барлығы жоғары сапалы. Енді бұл жерде ауыл тұрғындары бос уақыттарын тиімді өткізіп, серуендейтін болады. Мерейлі мереке қарсаңында құрылысты сапалы әрі уақытылы аяқтап, пайдалануға беріп жатқан «Данияр» ЖШС-нің қызметкерлеріне алғысымды білдіремін, - деді Мейрамбек Зинабдинұлы.</blockquote>Мұнан соң Қазалы ауданының Құрметті азаматы Нәжмадин Шамұратов сөз алып, жиылғандарды Қазалы ауданның 95 жылдығы мерейтойымен құттықтады. Сонымен қатар ауыл ақсақалы Алпамыс Түрікпеналиев Абай ауылында тұрғындарының игілігі үшін жасалып жатқан жұмыстардың барлығына ауыл тұрғындары атынан ризашылығын жеткізді.Айта кетейік, бүгінгі таңда Абай ауылына газ жүргізіліп, ауыл кіреберісінде жаңа дәрігерлік амбулаторияның құрылысы қарқынды жүргізілуде.<img src="https://knadmin.beoblood.kz/uploads/399301520_3781441262076793_8233627150443587715_n_27c7c1435c.jpg" alt="399301520_3781441262076793_8233627150443587715_n.jpg"><img src="https://knadmin.beoblood.kz/uploads/399017912_3781441398743446_3927385355720412156_n_3276dde65e.jpg" alt="399017912_3781441398743446_3927385355720412156_n.jpg">

Қазалыда мерейтой қарсаңында жаңа саябақ ашылды

Kyzylorda-news.kz. 2022 жылдан бастап 10 қараша ҚР &nbsp;«Цифрландыру және ақпараттық технологиялар қызметкерлерінің» кәсіби мерекесі болып бекітілді. Биыл екінші жыл сала мамандары айтулы датаны атап өтуде.Мереке қарсаңында Өңірлік коммуникациялар қызметінің баспасөз алаңына Қызылорда облысы әкімі аппаратының Цифрлық технологиялар бөлімінің басшысы Сәбит Ибадулла атқарылып жатқан жұмыстарды тілге тиек етіп, жүйелі жоспарлармен бөлісті.Қазіргі таңда осы салаға бағытталған бірнеше жобалар сәтті жүзеге асуда. Соның бірі - Astana Hub Халықаралық стартаптар технопаркінің тәжірибесін өңірлерде тарату қолға алынды. Осы ретті Қорқыт Ата атындағы Қызылорда университеті және өңірлік IT парк базасында Kyzylorda Hub өңірлік хабы жұмысын бастады. Бүгінде республикада хабтардың жұмысы бойынша 1-ші орында. Бұл - саланың қарқынды дамуының көрінісі.<blockquote>- Жастардың инновациялық идеяларын, стартаптарды қолдау мақсатында жыл сайын облыс әкімінің қолдауымен Pecha Kucha кездесулері, Hackathon IT жобалар байқауы және жыл қорытындысымен InnoFest Qyzylorda ауқымды инновациялық жобалар фестивалі тұрақты түрде өткізілуде. Осы уақытқа дейін аталған шараларға қатысушылар саны 8000-нан асады – деді Сәбит Ибадуллаұлы.</blockquote>Білім алушыларға құлаққағыс! 11 қараша &nbsp;күні «Smart City Kyzylorda Hackathon» идеялар байқауы өтеді. Байқаудың басты мақсаты – Start-Up жобаларды, цифрлы шешімдер мен талантты мамандарды іздеу. &nbsp;Байқау жеңімпаздары мен үздік қатысушыларға 900 мың теңге жүлде қоры және Қорқыт ата атындағы Қызылорда университетінің 3 оқу гранты табысталады деп күтілуде.

10 қараша ҚР  «Цифрландыру және ақпараттық технологиялар қызметкерлерінің» күні

Kyzylorda-news.kz. 10 қараша – Цифрландыру және ақпараттық технологиялар қызметкерлерінің күніне орай салтанатты шара өтті. Алқалы жиынға Қызылорда облысы әкімі аппаратының басшысы Шахмардан Байманов қатысып, сала мамандарының еңбегіне оң баға беріп, кәсіби мерекемен құттықтады.– ІТ мамандар – халықтың өмір сүру сапасын жақсартуға және жеңілдетуге үлес қосатын ерекше мамандық иелері. Шын мәнінде, цифрландыру әлем экономикасының басты драйверіне айналды. Мемлекет басшысы таяуда өткен Digital Bridge халықаралық форумында «Жасанды интеллект қалаларымызды өмір сүруге және жұмыс істеуге қолайлы әрі толыққанды «ақылды қалаға» айналдыру процесін айтарлықтай дәрежеде оңтайландыра алады» деп атап өткен болатын.Президент тапсырмасын сапалы әрі уақытылы орындауда жасанды интеллект бағытында елеулі қадамдар жасауды Қызылорда өңірі алғашқылардың бірі болып бастауда. Осы ретте сала мамандарын айтулы мерекемен шын жүректен құттықтаймын! –деді Шахмардан Асқарұлы. Мерекелік шарада цифрландыру саласында табысты еңбек етіп жүрген бірқатар мамандар облыс әкімінің Алғыс хатымен марапатталды. Іс-шара соңында мереке иелерінің құрметіне өнерпаздар әннен шашу шашты.

Қазақстан және Қызылорда облысының жаңалықтары