<a href="https://kyzylorda-news.kz/">Kyzylorda-news.kz</a> &nbsp;Тіл туралы жазу, ол туралы айтудан қашпау да, жалықпау да керек. Себебі тіл – бүкіл бір халықтың жүрегі. Оның бойында ұлттық болмыс, ұлттық рух, дәстүр мен салт жатыр. Сондықтан әр халық өз тілінде мақтанып қана қоймай, оны дамытып, жұмыс жасауы керек. Осы ретте тіл мәртебесі үшін талмай еңбектеніп жүрген халықаралық «Қазақ тілі» қоғамын атауға болады. Жыл сайын тілдің абыройын асқақтату үшін түрлі іс-шара, дөңгелек үстел, байқау ұйымдастырып қана қоймай, өз саласында мемлекеттік тілді дамытуда күш салып жүрген қызметкерлерді елеп-ескеруді де ұмытқан емес. Мерейлі мерекелерінде түрлі сала мамандарын арнайы құттықтауды әдетке айналдырған.Бейсенбі күні халықаралық «Қазақ тілі» қоғамының Қармақшы аудандық филиалында келелі кездесу болды. Онда ұрпағымыздың алғашқы білім баспалдағында еңбек ететін балабақша мамандары арнайы шақырылған. Кездесуге «Қазақ тілі» қоғамы аудандық филиалының төрағасы Гүлжауһар Раева, осы қоғамның алқа мүшелері Әбдірахман Құлдүйсенов пен Бауыржан Қайырбаевтар қатысты.&nbsp; Алғы сөз берілген ауданның белгілі азаматы Әбдірахман Құлдүйсенов тіл тақырыбында тағылымды дүниелер айтып, ұрпақ тәрбиелеуде ерекше үлес қосып жүрген мамандарға алғысын жеткізді. Ал осы қоғамның аудандық филиалының төрағасы ГүлжауҺар Төлегенқызы бұл жиынның басты мақсатына тоқталып, тіл төңірегінде толымды ой айтты.<blockquote>– Қазақ тілі – Қазақстан Республикасының мемлекеттік тілі. Ол – әлемдегі тілдердің ішіндегі ең бай, қолданыс аясы кең тілдердің бірі. Қазақ тілі қазақ халқының – ана тілі. Тіл қай елде, ұлтта болсын қастерлі, қасиетті, құдіретті. Тіл әрбір азаматқа ана сүтімен беріледі. Ана сүтімен бойға енген қасиет туған тілдің құдіретімен дамиды. Туған тілге деген құрмет пен сүйіспеншілік бала кезден басталуы керек. Айналада адамдарға, өзіңнің өскен ортаңа, Отанға деген ерекше сезім мен көзқарас туған тіліңді білуден басталады.&nbsp;Соған &nbsp;байланысты &nbsp;балаларды қорғау күніне орай балабақшада &nbsp;қызмет атқарып тілімізге құрметпен қарап белсенділік танытқан, &nbsp; нақты істерімен үлес қосқан сала қызметкерлерімен кездесіп, пікір алмасу мақсатында өткізіп отырмыз. «Ұлтқа тілінен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс-тіршілігі, мінезі айқын көрініп тұрады.&nbsp;Ата-аналар баланы тәрбиелегенде дәл өзіңдей етіп тәрбиелеуге тырыспау керек, олар баланы өзінен күшті етіп тәрбиелеуі тиіс. Өйткені олардың заманы ата-аналарының &nbsp;өмір сүріп отырған заманына қарағанда анағұрлым күрделі, талабы жоғары болатынын ұмытпау керек»&nbsp;деген еді біртуар ақын&nbsp;Мағжан Жұмабаев. &nbsp;Болашақ ұрпағын ой тереңдігіне, сезімталдыққа, қиял ұшқырлығына баули тәрбиелеуді мақсат ететін ата-ана педагог-тәрбиешіден қажымас жігер, талмас талап, шексіз төзімділік пен әдісті талап етеді. Жас жеткіншектерді ана тілінің сөз мәйегінің інжу-маржанын ұрпаққа дарытып, өз шығармашылықтары арқылы түйген-білгенін, оқыған-үйренгенін уақыт талабымен үйлестіріп, жаңашалап бала бойына сіңіру – сіздерге артылған міндет. Осы парызды арқалап, жауапкершілігі жоғары еңбекті атқарып жүргендеріңіз үшін мың алғыс. Себебі халықтың болмысы, өркениеттілігі, саналылығы және сауаттылығы оның тіл мәдениетімен, сол тілдің қолданыс ауқымының кеңдігімен, оралымдылығымен және ұтымдылығымен өлшенеді. Сіздердің тынымсыз еңбектеріңіз арқылы тілдің ауқымы кеңейіп, ұрпақ жадында сақтала бермек, – деген Гүлжауһар Раева біршама қызметкерге алғыс хат табыстап, сый-сияпат ұсынды.</blockquote>&nbsp; Жиында балабақша тәрбиешілері іс-шараны ұйымдастырушыларға алғысын білдірсе, тәрбиеші Мөлдір Бекұзаққызы әдемі кездесуді тіл туралы өлеңімен қорытындылады. Тілдің деңгейі мұндай жандар тұрғанда тұғырынан түспек емес. Десе де, тіл туралы толғану баршамызға міндет.&nbsp; Бұл ретте халық қаһарманы, жазушы Бауыржан Момышұлы «Анамыздың ақ сүтімен бойымызда дарыған тілімізді ұмыту – бүкіл ата-бабамызды,тарихымызды ұмыту» деп ой түйеді. Ана тілін сүю, оны құрметтеу әрбір жас ұрпақтың міндеті. Әркім өз анасынан туа үйренген тілімен сөйлеуге тырысуы керек. Қазақ даналығында «Әр ұлттың ана тілі – білімнің кілті» деп тегін айтылмаса керек. Кез келген халықтың мәңгілік сара жолы,өркендеу жолы ана тілінде.&nbsp;Ана тілі – халқымыздың рухани байлығы, баға жетпес асыл мұрасы. Оның қасиеті туралы қанша айтсақ та таусылмайды. Азаматтың қолындағы барлық асыл заты тозады, жоғалады, ал тіл тозбайтын ең қымбатымыз. Қынжылтатыны, қазір туған тілімізді шұбарлап, аралас сөйлейтіндер көп. Басқа халықты айтпағанда, өз ішіміздегі шала қазақтарды таза қазақ қылатын кез болды. Бүгінде кейбір адамның қазақ тілін білмеуі, білсе де сөйлемеуі – қазақ тіліне зиян шектіруде.&nbsp; Тіл – ұлттың жаны. Ал ұлттың болашағы – оның ана тілі. Ал ана тілін жақсы білмейінше сауатты сөйлеп, сауатты жазбайынша, шын мәніндегі мәдениетті адам болмайсыз. Тіл тағдыры – елдің тағдыры. Әр адам ана тілін біліп, оны құрметтеуі парыз.

Қармақшыда балабақша мамандары марапатталды

Kyzylorda-news.kz. Синоптиктердің болжамынша, көптеген облыстарда температура 27-35 градусқа дейін, ал оңтүстікте 35-42 градусқа дейін көтеріледі.Қазгидромет алдағы күндері елміздің басым бөлігінде ауа райының тұрақсыз болатынын мәлімдеді. Республиканың кей аймақтарында қатты жаңбыр, найзағай, жел мен бұршақтың жаууы болжанған.Қызылорда облысында – 40-43 градус қатты ыстық болады деп болжануда. Облыстың батысында, солтүстігінде өрт қаупі жоғары. Оңтүстігінде, солтүстік-шығысында, облыстың орталығында төтенше өрт қаупі сақталады.

Қызылордада 43 градусқа дейін қатты ыстық болады

<img class="image_resized" style="width:0px;" src="https://kyn.kz/img/eXAHMicJtZAU3SlvSbBZZw0j50JpYv.png" alt="https://kyn.kz/Kyn.kz | Күн жаңалықтары. Бүгінгі жаңалықтар. Қазақстан және әлем жаңалықтары"><img class="image_resized" style="width:0px;" src="https://kyn.kz/uploads/resized-images/2024/06/1717925347.webp" alt="The final spritzer">Көптен бері жүрегін жаулаған ер азаматты көрсетпей жүрген Айжұлдыз желі оқырмандарын таңғалдырды. Ол сүйіктісімен бірге түскен бірнеше видеоны жүктеп, ғашығын жұртпен таныстырғандай болды.&nbsp;"Енді жасырудың қажеті жоқ", - деп жазды актриса.Айта кетейік, блогердің таңдауы Сәкен Қағаров есімді экстрим-блогерге түскенін желі қолданушылары осыған дейін-ақ біліп қойған. Олар Айжұлдыз Адайбекова жариялаған видеолардан жігіттің тыртығын байқап, өз бетінше топшылаған. Ал қазір көпшіліктің күмәні сейіліп, жастарға бақыт тілеп жатыр. "Қасиеттерін қуаттар, қанат берер бақытты жұп болыңдар", "Біз білдік", "Сендер үшін қуаныштымын", "Бақыт тілейміз", "Сәкен, бағың бар екен", - деп жазды жұрт.&nbsp;

"Ресми таныстырайын": Айжұлдыз Адайбекова сүйіктісін көрсетті

<a href="https://kyzylorda-news.kz/">Kyzylorda-news.kz</a>&nbsp; Қашанда ақжарқын, жайдарлы мінезімен емделушінің есінде қалатын Гүлжамал Ізтаева білімі мен біліктілігі толысқан мамандар қатарында. Соңғы 15 жылда Сырдария аудандық ауруханасында қызмет етіп келе жатқан дәрігер басшылықтан жүктелген жұмысты ыждағатылықпен орындап келеді.Бүгінде Гүлжамал Қалдыбекқызы аудандық ауруханада профилактика және алдын алу бөлімшесінің дәрігері ретінде жұмыс жасауда. Күрделі саланың қыр-сырына қаныққан білікті маман №36 Ә.Тәжібаев атындағы мектеп-лицейде білім алған. Сонымен қатар Алматы қаласындағы Ж.Асфендияров атындағы Қазақ ұлттық университетінде «Жалпы тәжірибелік дәрігер» мамандығын меңгерген.&nbsp;<blockquote>– Қазіргі уақытта жергілікті тұрғындардың жас айырмашылығы бойынша скринингтен өтуге тиісті санаттарға байланысты біршама жұмыс жүргіземіз. Түсіндірме жұмысы барысында жергілікті халық өз денсаулығына қатысты көптеген ақпаратқа қанығады. Әрине, денсаулықты ұдайы бақылауда ұстап, скринингтен өту – маңыздылығын жоймайды, – дейді жалпы тәжірибелік дәрігер.&nbsp;</blockquote>Көпшіліктің ойындағасын дөп басатын Гүлжамал Қалдыбекқызы отбасында 2 перзенттің анасы. Ол – әр жылдары көптеген жоғарғы марапатқа қол жеткізіп, абырой биігінен көрінуде.&nbsp;

Білікті де, білімді дәрігер

Қазалы тарихи орындарға бай қала. Сырлы мекенде сыны кетпеген талай ғимарат әлі де сақтаулы. Әрбірінің бойына бүккен сыры бар. Көненің көзі, тарихтың өзі болып тұрған нысаннын бірі – Ғани оқыған ғимарат.&nbsp;Ғани Мұратбаев Орталық Азия мен Қазақстан жастар қозғалысын ұйымдастырушылардың бірі, БЛКЖО мен Коммунистік Жастар Интернационалының қайраткері. Ол Қазалыдағы орыс-қазақ мектебін, жоғары бастауыш училищесін, Ташкенттегі орта білім беретінқазақ-қырғыз педагогикалық училищесі жанындағы ауылдық мектептер үшін нұсқаушы-лекторлар курсын, Ташкенттегі мемлекеттік үлгі-тәжірибелік мектебін және Орта Азия мемлекеттік университетінің қоғамдық ғылымдар факультетін бітірген. 1919 жылы Коммунистік Жастар ұйымына мүше болып қабылданып, бірер жыл қалалық, уездіккомитетте жұмыс істеген. 1924-1925 жылдары Ресей Лениншіл Коммунистік Жастародағы ОК-нің бюро мүшесі, Коммунистік Жастар Интернационалы атқару комитетінің Шығыс елдері жастар арасындағы жұмыс бөлімінің меңгерушісі болды. Ол Коммунистік Жастар Интернационалының 3-4-конгрестерінің, Коминтерннің 4-конгресінің делегаты болып сайланды. Өкпе ауруынан қайтыс болып, Мәскеудегі «Ваганьков» қорымына жерленді. Ғ.Мұратбаев Хорезм республикасының Еңбек Қызыл Ту орденімен марапатталған. Қазалы қаласында мемориалдық мұражайы ашылды. «Біздің Ғани» атты көркем фильм, «Осындай қысқа ғұмыр» атты деректі фильм түсірілді. 1914-1917 жылдары Ғани Мұратбаев Қазалы қаласындағы Жамбыл Жабаев көшесі №41 мекенжайында орналасқан №16 мектепте білім алған.Ғани оқыған бастауыш мектеп ғимараты Қазалыдағы архитектуралық ескерткіштердің қатарында. 1984 жылы Казреставрация институты есепке алып, құжаттарын дайындаған.Мектептің алғашқы ғимараты қоғамдық бастамамен 1860 жылы бой көтерген. 1912 жылы жаңа ғимараты салынып, пайдалануға беріледі. Ол кезде жергілікті-орыс мектебі деп аталған. Дәл осы мектепте 1914 жылдан 1917 жылға дейін осы мектептің оқушыларынан құралған Қазақстанның комсомол ұйымының бірінші жетекшісі, Шығыс шамшырағы атанған орта Азия мен Қазақстанжастарының жетекшісі Ғани Мұратбаев білім алды. Бұл жөнінде мектепте мрамордан ескерткіш тақта қойған. Ғани отырған партасы да сақталуы. Мектеп бірқабатты, Г-бейнеліпішінді, салтанатты сыртқы қасбеті бар. Беткі жағының шығып тұрған бөлігі бағана түріндегі сәнді кірпішті қалаумен безендірілген. Оған екі ірі фронтон тіреліп тұр. Бағаналардың арасындағы кеңістікті маңдайшалармен жиектелген биіктерезелер алып жатыр.Ғимараттың екі ірі шатыры бар, ол темір жабылғымен жабылған. Ғимараттың фризі сыртқы жағынан да, аула жақтан да, сәнді кірпішті қалаумен безендірілген.Ғимараттың ішкі кеңістігі қапталды түрде ұйымдастырылған. Ұзын дәліз ені – 6 метр, ұзындығы – 7,5 метрден 9 метрге дейін жететін сынып бөлмелерін біріктіреді. Дәліздің бүйір жағынан әкімшілік бөлмелер ретінде пайдаланылған кішірек бөлмелер жалғанып соғылған. Оңтүстігіндегі жалғанған құрылыстардың бөлек кіреберісі бар, және сәйкесінше, екі және бес бөлмені жалғайды. Бөлмелер мен дәліз шойын пешпен жылытылған. Мектеп ғимараты қаланың орталық көшелерінің бірінде орналасқан. Құрылыс ХХ ғасырдың басына жататын үй салудың сәулеттік дәстүріне жатады.Сондай-ақ, бұл мектепте 1941 жылғы күзде 75-ші теңіз атқыштар бригадасы (кейінірек Новобугтік Қызылтулы Богдан Хмельницкий орденді 27-ші гвардиялық атқыштар дивизиясы) жасақталған. Отан соғысының қатысушысы, ұлы татар ақыны Мұса Жәлилдің жансерігі Фуат Сәйфелмөлеов оқыған. Ол 1944 жылы 25 тамызда Берлин қаласында жау тылындағы астыртын қызметі үшін өлім жазасына кесілген. 1990 жылы Жеңіс мерекесі қарсаңында Отан соғысы орденімен марапатталған. Тарихи орын бүгінде қалалық кітапхана деп аталады.

Қазалы: Сыны кетпеген сырлы мекен

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Халқымызда «Еңбек ер атандырады» деген даналық сөз бар. Шындығында алдына табанды мақсат қойып, талмай еңбек етсе, адам баласының алмайтын асуы жоқ. Ақын А.Тоқмағамбетов атамыз айтқандай, атақ та, даңқ та, ерлік те, жеңіс те, барлығы адал еңбекпен келеді. Сонау соғыс жылдарында тың дала төсіндегі қажырлы еңбегімен қайраткерлік деңгейге көтеріліп, халықтың құрметіне бөленген Социалистік Еңбек Ері Көлжан Оразалиеваның туғанына биыл 100 жыл толып отыр.</h4>Ол 1924 жылы Қазалы ауданындағы бұрынғы Калинин, қазіргі Ғ.Мұратбаев атындағы ауылда дүниеге келген. Ауылдағы жетіжылдық мектепте білім алып, еңбекке ерте араласты. 1945 жылдан бері күріш өсірушілер звеносының жетекшісі болып, жастарды диқаншылыққа үйретті. Соғыс аяқталып, ел ішіне тыныштық орнады. Әйтсе де тылдағы тіршілік бір сәт те толастаған жоқ. Еселі еңбектің нәтижесінде диқан қауым ауыл ғана емес, аудан, облыстың экономикалық ахуалын көтеруге атсалысты.Ауыл шаруашылығын өркендетуге қосқан еңбегі ерекше бағаланып, 1948 жылы КСРО Жоғарғы Советі Президиумының Жарлығымен Көлжан Оразалиеваға «Социалистік Еңбек Ері» атағы беріліп, «Ленин» ордені қоса тапсырылды. Атақты диқан 1951-1955 жылдары Қазақ ССР Жоғарғы Кеңесінің депутаты, одан кейін &nbsp;бірнеше рет Қазалы аудандық кеңесінің, Калинин ауылдық кеңесінің депутаты болып сайланды. Осы жылдары қоғамдағы өзекті мәселелерді шешуге өз деңгейінде үлесін қосты.1966 жылы «Қазақ ССР Ауыл шаруашылығына қосқан үлесі үшін» медалімен, 1970 жылы «В.И.Лениннің туғанына-100 жыл» мерекелік медалімен марапатталса, 1972 жылы «Қазақ ССР Ауыл шаруашылығының үздігі» атағы берілді. 1974 жылы зейнет жасына келіп, дербес зейнеткер атанып, «Ардагер» медалімен марапатталды.Елге жасаған еңбегі бағаланып, өзі туып-өскен Ғ.Мұратбаев ауылындағы бір көшеге оның есімі берілді. Отбасында 3 ұл, 2 қыз тәрбиелеп өсіріп, олардан немере-шөбере сүйді. Аяулы ана, ардақты жан К.Оразалиева 1995 жылы дүниеден өтті. Қазір Қызылорда қаласындағы «Мәңгілік алау» алаңында орнатылған ескерткіш тақтадағы Еңбек Ерлерінің қатарында Көлжан Оразалиеваның да есімі тұр. Сонымен қатар, Әйтеке би кентіндегі «Жеңіс» саябағында ескерткіші қойылған. Осы ескерткіш алдына келгенде әжесінің ерек болмысын үлгі тұтып, тағзым еткен немересі Айнұр Оразалы тебіреністен туған жыр шумақтарында былайша ойын түйіндеген екен:– Ерлерше суды кешіп, балақ түрдің,Елге батыр атанып, санат құрдың.Қолыңнан ұстап жүр ем кеше ғана,Ал бүгін мүсініңе қарап тұрмын.Ақ әжем, ісін нұрлар әдіппенен,Жұлдызың еңбегіңмен жаныпты ерен.Мәңгілік атың қалды «Батыр» &nbsp;деген,Жаңғырып, жазулы алтын әріппенен.<blockquote>– Апамды (енем Көлжан Оразалиева) алғаш көргенім дәл бүгінгідей есімде, 1983 жылдың қараша айы болатын. Кешке қалыңдығым Бибіжан жұмыстан шыққан соң «Қызылордадағы санаторийден Қазалыға қайтуға жиналған анамды поезға отырғызуға барамыз» деді.</blockquote>Түнгі 12-нің шамасында үшеуміз вокзалдың күту залында отырмыз. Ол кісі сөзге сараң ба, әлде қызына сенімді ме, мені сөзге тарта қойған жоқ. Мен «қай жақтансың?», «руың не?», «ата-анаң қайда?», «өзің не жұмыс істейсің?» деген сұрақтарды күткенмін. Алайда, ондай «жауап алу» болған жоқ, жаймен әртүрлі тақырыптарда әңгіме айтып отырдық.Үйлену тойымызды өткізгеннен соң, бес айдан &nbsp;кейін бір топ ағайынымызбен, анам бастап, сәлем беріп енеміздің қолынан дәм таттық. Менің ата-анам және енем замандас, құрдас болғандықтан әңгімелері жарасып, тату-тәтті сыйластықта өмір сүрді. Сол уақыттан бастап &nbsp;1995 жылы дүниеден өткенінше анамызды құрметтеп өттік. Әрбір жетістік, жақсы істерімізбен ата-аналарымызды қуантуға тырыстық.Өмірдің ащы-тұщысын көп &nbsp;көргеннен бе екен, өте қарапайым болатын. «Мен – Социалистік Еңбек Ерімін» деп, ешбір партия, совет органдарының есігін қағып, өтініш айтпаған. Осындайда «Қайран біздің аналар арды ойлаған» деген қазақтың асыл сөздері еске түседі, – дейді күйеу баласы, ауыл шаруашылығы ғылымдарының докторы Ибадулла Таутенов.Шәкірті Базаркүл Таңжарықованың естелігінде қажырлы еңбегінің арқасында ел құрметіне бөленген қайраткерді ұстаз тұтқаны айтылады.<blockquote>– Көлжан апаймен бірге алпысыншы жылдары колхоздың егін шаруашылығында, &nbsp;күріш, бидай, арпа, жүгері өсіруде қатар жүріп, &nbsp;көп нәрсені үйрендім. Социалистік Еңбек Ері болса да қатардағы колхозшымен бірдей еңбек ететін. Ол кезде ауыл шаруашылығында техниканың аз &nbsp;кезі, егіске су әкелу үшін арық-арналар қолдап кетпен, күрекпен қазылатын. Колхоз аумағындағы «Дәуқазған», «Ақарық», «Алтай», «Құрманайарық», «Қырғызарықты» жұмысшылар қолмен қазып, егін өсірді. Осы жұмыстарда ол кісі ер азаматтармен бірдей ерен еңбек үлгісін көрсетті. Сол еңбегінің арқасында Қазақ ССР Жоғарғы Кеңесінің депутаты болды. Социалистік Еңбек Ері атанды. Әлі күнге дейін Көлжан апайдың суреті Мәскеуде Бүкілодақтық Халық шаруашылығы көрмесінде тұр, – дейді ол.</blockquote>Тағы бір шәкірті &nbsp;Күнділда Төлегенұлы бүгінде Ғ.Мұратбаев ауылы Көлжан ана еңбегін үлгі тұтатынын айтады.<blockquote>– Ауылда ел басына қиын-қыстау күн туып, ер азаматтар майданға аттанғанда, жас кезінен еңбекке ерте араласқан аналарымыз көп болған. Солардың бірі де бірегейі – Социалистік Еңбек Ері Көлжан анамыз. Ол кісі өте қажырлы, қайратты еңбек адамы болғанын бүгінде құрметпен еске аламын.Ол – еңбек жолындағы ұстазым. 1973 жылы мектеп бітіріп, колхоз жұмысына араластым. Сонда егіншіліктің қыр-сырын, еңбек адамдарымен қарым-қатынасты үйрендім.Ол кісі үлкен отбасының құрметті анасы бола білді. Бала тәрбиесіне ерекше мән берген, ұл-қыздары жоғары білімді, әр салада еңбек етіп келеді. Сондай-ақ, ауылда ол кісінің шәкірттері өте көп, Орынкүл Ержанова, Бердібай Елешов, Көбейсін Ескендіров, Оңалбай Дүзелбаев сынды ауыл шаруашылығы саласының еңбеккерлері елге абыройлы қызмет етті.Ауылда К.Оразалиеваның үлгілі болмысын жастар тәрбиесінде кеңінен қолданып келеді. Қарапайым колхозшы, еңбегімен ер атанған &nbsp;Көлжан ана туралы әлі талай естеліктер, еңбектер &nbsp;жазылатынына сенімдімін, – дейді К.Төлегенұлы.</blockquote>Расында, Көлжан апаның ізінен еріп, еңбегінің абыройына бөленген, облыстық, аудандық кеңеске депутат болғандар бар. Олардың қатарында Орынкүл Ержанова, Бақыт Әуесбаева сынды еңбек майталмандары Қазақ ССР Жоғарғы Кеңесіне депутат болып, ел аманатын арқалады.Еңбек майталманы, абыз ананың ұл-қыздары да өмірден өз орнын тапқан. Айталық, қызы Рысты Оразалиева – Қазақ ССР-нің Еңбек сіңірген мұғалімі, ұлы Қоянбай Оразалиев Қазалы ауданының статистика саласын ширек ғасырдай басқарған, ауылдық кеңесте, партия саласында абыройлы қызмет еткен. Басқалары мемлекеттік қызметтің әр саласында еңбек етіп келеді.Ғазиза Әбділда

Еңбек Ері  Көлжан Оразаливаның туғанына 100 жыл

Ұлытау облысында «Қызылорда-Жезқазған» республикалық маңызы бар автожолының құрылысы бойынша жиналыс өтті, деп хабарлайды ҚазАвтоЖол баспасөз қызметі.Жезқазған қаласында өткен жиынға «ҚазАвтоЖол» ҰК» АҚ басқарма төрағасы Дархан Иманашев, облысы әкімі Берік Әбдіғалиұлы және мердігер мекемелердің өкілдері қатысты. Мемлекет басшысы Қасым-Жомарт Тоқаевтың тапсырмасын орындау мақсатында «ҚазАвтоЖол» ұлттық компаниясы ұзындығы 208 шақырымды құрайтын «Қызылорда-Жезқазған» жобасын орындауға кірісті.<blockquote>«Жалпы ұзындығы 426 шақырымды құрайтын «Қызылорда-Жезқазған» автожолының қайта жаңарту жобасы Ұлытау және Қызылорда облыстары арқылы өтеді. Ұлытау облысы бойынша қайта жаңарту жұмыстары аясында жолды ІІІ техникалық санаттан ІІ техникалық санатқа ауыстыруды жоспарлап отырмыз. Азия даму банкімен келісімшартқа қол қойғанға дейін жер телімдерімен және карьерлерді рәсімдеу үшін алдын ала мердігер мекемелер анықталды», - деп хабарлады «ҚазАвтоЖол» басшысы.</blockquote>Естеріңізге сала кетейік, Қызылорда облысында «Қызылорда-Жезқазған» автожолының 12-216 шақырымында қайта жаңарту жұмыстары жүріп жатыр. Ол учаскелердің жалпы ұзындығы 192 шақырымды құрайды, оның 80 шақырымына 2023 жылы асфальтбетон жабыны төселді. Құрылыс нысандарында қуаттылығы 1,3 мың тонна/сағ асатын 7 асфальтбетон зауыт, 824 жұмысшы мен 428 жол техникасы жұмылдырылды.&nbsp; Бүгінгі күні Қызылорда облысында жобаның 43% жұмысы орындалды (113 шақырым астыңғы қабат, 100 шақырым негізгі қабат, 75 шақырым жол жабынының төменгі қабаты және 43 суөткізгіш құбыр салынды). 2024 жылдың соңына дейін көрсетілген 192 шақырымның 140 шақырымында жол қозғалысын ашу және 2025-2026 жылдар аралығында учаскелерде жұмыстарды кезең-кезеңмен аяқтау жоспарланып отыр.Ұлытау облысы бойынша «Қызылорда-Жезқазған» автожолының 216-424 шақырымы аралығындағы учаскені 2026 жылдың соңынан қарай аяқтау жоспарлануда.Фото: «ҚазАвтоЖол» ҰК» АҚ

«Қызылорда-Жезқазған» автожолын жаңарту жұмысы қашан аяқталады?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> &nbsp;Ұстаздық ұлы жолды таңдап, мамандық ету бар да, сол құрметті қызметті жан-дүниесімен сезініп, ұлтқа адал қызмет ету бар. Қарап тұрсаңыз, екеуі екі бөлек нәрсе. Мамандығына шын беріліп, "ұлтқа қызмет қылсам, ел болашағын тәрбиелесем" деп ұлы жолға өмірін арнап келе жатқан білікті ұстаз Айгүл Төреханқызы – бүгінгі ой-толғауымыздың басты кейіпкері.</h4>Айгүл апайды қызметіне шын берілген жан деп айтуға негіз бар. Бұл сөзді Айгүл мұғалімнің 20 жылға жуық қызмет етіп келе жатқан аудан орталығындағы білімнің қара шаңырағы №210 Оспан Әбілпаттаев атындағы мектептің түлегі ретінде айта аламыз. Ұстаздың тәлімін, тәрбиесін алып өстік.Ең алдымен Айгүл Жаңабергенованың адами қасиеттері оқушының бойында, ойында өмірлік сабақ қалыптастырады. Шынайы, адал, үлкеннің де, кішінің де тілін таба білетін нағыз педагогке тән қасиеттерге ие. Бұл тұста біз апайды мақтап, сөзді көбейтуді мақсат етпейміз. "Жақсының жақсылығын айт, нұры тасысын" дейді халық даналығы. Сол айтпақшы, талай жыл тәлім мен тәрбие беріп, қаншама шәкірт тәрбиелеп келе жатқан ұстаз жайлы қалам тербемеуге болмайды.Ұстаздың және бір қасиеті – турашылдық. Бұл қазіргі кезде екінің бірінің бойынан табыла бермейтін қасиет, сірә. Мектепте қандай іс-шара болса, Айгүл апай басы-қасынан, ұйымдастырушылар қатарынан табылады. Қандай білім сайысы болса, Айгүл апайдың дайындаған оқушылары жеңістің тұғырына қарсыластарына дес бермей жететін. Бұл әлі күнге солай.Айгүл апай қаншалықты тік, турашыл болса, соншалықты жүрегі нәзік, көңілі баладай. Тек өзінің оқушылары емес, бүкіл мектеп оқушыларын ойлап, жаны ашып жүретін қасиеті және бар. Үлкенмен үлкенше кеңессе, баламен баладай тіл табыса алады. Бұл – педагог бойынан табылуы қажет ең маңызды қасиет болса керек.Айгүл апай – айдынды Арал өлкесінің қызы. Арал ауданындағы Қарақұм кеңшарында дүниеге келген. Балалық шағы осы өңірде өтіп, кейін арман қуып, білім іздеп Қызылорда қаласында Н.В.Гоголь атындағы педагогикалық институтқа оқуға түскен. Небір азулы ұстаз, білікті мамандарды тәрбиелеп шығарған білім ордасында білім алып, ұстаздықтың қыр-сырын меңгерген. "Ұстазы жақсының ұстанымы жақсы" деген, Айгүл апай өзінің білім һәм өмір жолында тәлім берген ұстаздарын ұмытқан емес. Бүгінгі келбетінің қалыптасып, өмірден өз орнын табуға үлескер болған өмірлік ұстаздарына әркез ризашылығын білдіріп отырады.Бүгінде жоғары санатты мұғалім Тереңөзек кентіндегі №210 орта мектеп директорының оқу ісі жөніндегі орынбасары қызметін абыроймен атқарып келеді. Негізгі мамандығы – тарихшы. Тарих демекші, Айгүл Төреханқызының дәрісін тыңдаған адамның бойында ерекше патриоттық сезім орнайтын еді. Сөзімізді ұстаздың әр жылдардағы шәкірттері де қуаттай түседі.<blockquote>– Айгүл Жаңабергенова менің әрі ұстазым, әрі сынып жетекшім болды. Ол кісі тарих пәнінен сабақ беретін. Айгүл апай сабаққа кіргенде сыныпта ұйықтап, ойы далада отыратын бала қалмаушы еді. Апайдың жарқын-жарқын даусы оқушы біткенді селт еткізіп, ойын сабаққа бұрып қоятын. Одан бұрын апай тақырыпты түсіндіргенде миыңды ашып, білімді құйып жібергендей әсер ететін. 11 сыныпқа келгенде барлық түлектің бір-ақ мақсаты болады ғой өзі. "Ұлттық бірыңғай тестілеуден жоғары балл жинап, жоғарғы оқу орнына түсу" деген. Міне, біз де сол арманмен 11 сыныпқа көшкенде Айгүл апай тарих пәнінен дайындады. "Дым білмеді" деп келген оқушының өзі бір жылдың ішінде тарихқа сонша қызығып, жоғары ұпайға қол жеткізіп жататын. Мысалы біз мектеп бітірген жылы ҰБТ-да бірде-бір бала төрттік баға алмай, барлығы жоғары ұпай жинаған болатын. Ең бастысы ұстаз баланың жанын түсініп, оның қызығушылығын оятып, өзіне елітіп әкете алатын. Мектеп бітіргенімізге бірнеше жыл өтті. Қазір өзіміз де ұстаздық жолды таңдап, мұғалім атандық. Осы жолда Айгүл Жаңабергенова апайымыздан алған үлгі-тәрбиеміз әлі күнге азық болып келеді, – деп пікір білдірді бізге мектеп түлегі А.Мұқанова.</blockquote>Айгүл Төреханқызы отыз жылдан астам&nbsp;уақытын ұстаздық қызметке арнап келеді. Жоғары санатты педагог зерттеуші, тарих пәнінің мұғалімі шығармашылық пен жаңа заман талабына сай жұмысты қатар, жүйелі ұйымдастырып келеді. Ұлағатты ұстаздың ұзақ жылдан бергі елеулі еңбегі, ұрпақ тәрбиелеу ісіндегі өлшеусіз қызметі лайықты құрмет алып келеді. Атап айтар болсақ, бұған дейін облыстық білім басқармасының Құрмет грамотасымен, НЗМ директорының арнайы алғыс хатымен, сондай-ақ "Аманат" партиясы облыстық филиалының төрағасының, іргелі жоғарғы оқу ордаларының ректорларының дипломымен марапатталған. 2019, 2023 жылдары "Үздік оқу ісі жөніндегі орынбасар" байқауының жүлдегері атанған. "Сырдария ауданының 90 жылдығы" мерекелік медалі кеудесінде жарқырайды. ҚР Білім және ғылым министрлігінің, облыстық білім басқармасының "Алғыс хаттары" ұстаздың бүгінгі күнге дейін жеткен жетістіктерінің бір парасы.<blockquote>– Ұстаздық – ұлы жол деп жатамыз. Себебі ұстаз бір ғана буынды емес, тұтас ұлтты тәрбиелейді. Мен кішкентай кезімде құқық қорғау саласына қатты қызығатынмын. Бірақ есейе келе мұғалімдік жолға қызығушылығым басым болды. Солай бала күнгі армандарымды қорытып, тарих, құқық пәндері бойынша мұғалімдік саланы таңдадым. Үлкендердің айтуынша, бала күнімде желмен аспанға ұшқан қағаздарды отқа жаққызбай, аула ішіне қапқа салып жинатқызып қояды екенмін. Жинаулы тұрған қағаздан біреу бір парағын алып, отқа жақса, қиғылық салады екем. Қызылдың қиясындағы шалғай ауылда мұғалім болған марқұм Боран ағай "бұл бала ғалым болады" деп болжапты. Қазір, міне, ғалым болмасам да, білім саласында елеулі еңбек етіп, ғалымдарды тәрбиелеп келемін. Бұл балалық арманның ақиқатқа айналуы болса керек.</blockquote>Бүгінгі күні ғана емес, бұрнағыдан ұстазға артылар жүк жеңіл емес. Қазіргі күннің талабы тіпті күшті. Өмір өзендей ағып жатыр. Осы салада жүргеніме отыз жылдан асқан екен. Қаншабір буын, қанша оқушы түлеп ұшты. Мақсатымыз – ел ертеңіне айналар шәкіртке тәлімді тәрбие бере алу. Қазіргі таңда үлкен қызметке араласып, өмірден өз орнын тапқан шәкірттеріміз жетерлік. Мұғалім алдынан өткен оқушыны ешқашан ұмытпайды, әркез тілекші болып отырады. Ұстаз үшін өзі тәрбиелеген шәкіртінің жетістігін көруден асқан бақыт жоқ, – деді ұлағатты ұстаз бізбен әңгімесін қорытындылап.Аружан МҰХАНБЕТҚАЛИ

Мұғалім – халықтың шамшырағы

&nbsp;<a href="https://kyzylorda-news.kz/">Kyzylorda-news.kz</a> Жұма күні Қ.Қазантаев атындағы аудандық мәдениет үйінде Жалағаш ауданы әкімінің жүлдесіне арналған республикалық жайдарман сайысы өтті.Республикалық жайдарман ойынында еліміздің түкпір-түкпірінен келген 13 команда бақ сынады. Жайдарман ойынын елімізге белгілі жайдарманшы Әліби Басаров жүргізді. Жарысқа қатысушылар қоғамның өзекті мәселелерін көтеріп, оны астарлы әзіл арқылы көрермендерге жеткізді. Әр әзілдің астында шындықтың, ақиқаттың жатқанын сезіндіру арқылы, тыңдаушыға үлкен ой сала білді.Жайдарман сайысына аудан әкімінің орынбасары Ғани Сүлейменов қатысып, көрермендердің көңіл төрінен орын алған жайдарманшыларға аудан әкімінің алғысын жеткізіп, үздіктерді марапаттады.Тартысты сайыс нәтижесінде І орынды Орал қаласының «Талант» командасы жеңіп алып, 200 000 теңге қаржылай сыйлықпен марапатталды. ІІ орынды Астана қаласының «Ақпен бірге» құрамасы иеленіп, 150 000 теңгелік сертификат табысталды. Ал ІІІ орынды жеңіп алған Қарақалпақстаннан келген «Алмаз» құрамасына 100 000 теңге қаржылай сыйлық табысталса, Түркістан облысы «Ақбұлақ» құрамасының ойыншысы Бекұлы Ерман жайдарманның «Үздік ойыншысы» атанып, 50 000 теңге қаржылай номинациямен мапаратталды.

Жалағашта Жайдарманшылар сайысы өтті

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жастар – ол елдің ертеңі, кемел келешектің бүгінгі бастауы. Білімге құштар, ізденімпаз жанға қоғамда төрден орын бар. Айдынды өлкенің жастарын да елдің ертеңі деп мақтанышпен айта аламыз.</h4>Арал ауданының сәулетті орнына айналған «Балықшылар» аллеясында аудан әкімі Аманжол Оңғарбаев өңіріміздің белсенді жастарымен еркін форматта жүздесті.Кездесуге қатысушылар алдымен қолөнер бұйымдары, құрылыс материалдары, сүт, шұжық және жартылай фабрикат өнімдері қойылған аудандағы тауар өндіруші жас кәсіпкерлердің көрмесін тамашалады.<blockquote>Ашық аспан астында өткен келелі кездесуде алғы сөз сөйлеген аудан басшысы: «Өздеріңізбен кездесіп, ұсыныс-пікірлеріңізді тыңдап, соны бірлесіп жүзеге асыру мақсатында жүздесіп отырмыз. Теңізді өлкеде талай таланттар дүниеге келген. Солардың бүгінгі жалғасы - Сіздерсіздер. Мемлекет басшысы Қасым-Жомарт Тоқаевтың жастарға деген жанашырлығының арқасында елімізде барлық бастамаларға қолдау жасалып келеді. «Талапты ерге нұр жауар» дейді халқымыз. Ортамызда сан саланың шылбырын қаққан жастарымыз отыр. Мемлекетіміздің оның ішінде ауданымыздың кемелденуі, болашағының баянды болуы Өздеріңіздей жігерлі жастардың қолында. Сондықтан да мен білімді де білікті, ұтқыр ойлы жастарға әрдайым зор үміт артамын» - деп, өз өмір жолында жеткен белестер мен жастардың қоғамдағы рөліне айрықша тоқталды.</blockquote>Мұнан соң, жиынға арнайы келген облыстық жастар ресурстық орталығының директоры Талғат Тілес аймақтағы жастар саясатын жандандыру бағытында атқарылып жатқан жұмыстарды айтып, жаңа жобалар жөнінде сөз қозғады.Жүздесу барысында жастар аудан әкіміне өздерін қызықтырған әрі толғандырған сұрақтарын, ұсыныс-пікірлерін ортаға салып, ойларымен бөлісті.Шара соңында ВИА «Арал» тобы аудан жастарымен бірге жанды дауыста ән шырқап, қатысушыларға көтеріңкі көңіл-күй сыйлады.<img src="https://knadmin.beoblood.kz/uploads/445046806_3813188905676134_4907773630047750552_n_1034707a03.jpg" alt="445046806_3813188905676134_4907773630047750552_n.jpg"><img src="https://knadmin.beoblood.kz/uploads/447962511_3813185002343191_7097423090659361077_n_4487ebd12f.jpg" alt="447962511_3813185002343191_7097423090659361077_n.jpg"><img src="https://knadmin.beoblood.kz/uploads/444501751_3813188845676140_2363366135758721773_n_2356e31cd8.jpg" alt="444501751_3813188845676140_2363366135758721773_n.jpg"><img src="https://knadmin.beoblood.kz/uploads/445003858_3813188889009469_3898565413238879035_n_57ce33af0e.jpg" alt="445003858_3813188889009469_3898565413238879035_n.jpg">

Арал ауданының әкімі белсенді жастарымен жүздесті

Фото: santerramed.ru<a href="https://kyzylorda-news.kz/">Kyzylorda-news.kz</a>&nbsp; Бүгінде екінің бірі ашуланшақ, ауыр сөз көтере алмайтын хәлге жеткен. Қит етсе, «жүйкемді тоздырма», «ашуыма тимеші» деп бір-бірін жағасынан алуға құмар. Бұл тіпті бесіктен белі шықпаған балаларға тән ауруға айналды.Жасы үлкендерді түсінуге тұрарлық, ал, жасөспірімдерге не жорық? Болмашы нәрсеге қабағымыз кіржиіп, агрессияға беріліп жатамыз. Бұның себебі неде? Тарқартып көрелік…Адамның бәрі асығыс. Жұмыстың бәрі қарбалас. Нәпақа табамыз деп сабылған жұрттың отбасына бөлер уақыты аз. Тіптен жұмыс бабымен айлап, жылдап үй бетін көрмейтіндер қаншама.&nbsp;Ата-ана баланың, баласы ата-ананың қалауын таппай, түсініксіздік &nbsp;әуес. &nbsp;Баршамыздың досымыз сырласымыз – телефон. Одан пайдалы нәрсені көріп, жақсысын бойына сіңірсе бөлек әңгіме. Интернетте өріп жүрген жас түгіл, жасамыстың жанын түршіктірер сорақылықтарды көрсе, уланған сананы қайта қалпына келтіру оңайға соқпасы анық.Осындай жағдайлар адам жүйкесіне жүк түсірері анық. Жүйке жүйесі – адам ағзасының қоршаған ортаға бейімделуін реттейтін жүйе. Кез-келген бұзылулар, тамақтанудың жетіспеушілігі, созылмалы улану, күнделікті стресс жағдайларында жүйке ұлпалары нашарлайды. Жүйке жүйесінің әртүрлі аурулары туындайды. Неврологиялық бұзылыстар жас талғамайды, тіптен жатыр ішінде де дамуы ықтимал. Бұл әлемде ең көп таралған аурулардың бірі. Жүйке жүйесіне әсер ететін бұзылулар мен аурулардың саны өте көп. &nbsp;Оларға: эпилепсия, ісіктер, көптеген склероз, &nbsp;диабеттік нейропатиялар және басқа метаболикалық бұзылулар, инфекциялар және т.б ауру жатады.Жүйкенің әлсіреуіне ересектерде және балаларда не себеп екенін дәрігер-невропатолог Жанна Искендировадан сұрадық.<blockquote>– Бүгінгідей алмағайып уақытта әлеуметтік-экономикалық жағдай, экология, бас ауруы және көбіне әйел адамдардағы &nbsp;қан аздығы жүйке жүйесінің әлсіреуіне әкеліп жатады. Өзім &nbsp;жүйке жүйесі сыр берген жандар күн санап көбейді. Осы салада жұмыс жасап келе жатқаныма он бес жыл болды. Психикалық бұзылу адамның өзіндік жай-күйінің ауытқуынан ғана емес, ол негізінде экологиялық фактор мен психологиялық титықтауға жататын «психосоматикалық аурулар» деп аталатын жағдаяттар есебінен де көбейіп келеді. Жұмыссыздық, халық тұрмысының төмендеуі, жетіспеушілік, тағы басқа себептер. Депрессия жас талғамайды. Азаматтарымыз үйде жұмыссыз отырып қалды, оған үйрену оңай шаруа емес. Ал мұндай жағдай кез келген адамның психикасына әсер етпей қоймайды. Жүйке дертіне шалдыққандардың жүрек ауруына ұшырау қаупі сау адамдарға қарағанда екі есе жоғары. Жүйке ауруларының тағы бір жиілеп кетуінің себебі – сырт көзге дені сау көрінетін көптеген адамдар қоғамдағы, отбасындағы түрлі қарама-қайшылыққа толы жағдайларды ойлап, жан күйзелісінде жүреді. Адамдардың әлеуметтік жағдайы жақсы мемлекеттерде мұндай дерттер аз кездеседі. Азаматтары қалыпты өмір сүретін кейбір елдердегі жүйке ауруының көрсеткіші бізге қарағанда көп төмен. Іштей сарыуайымға бой алдырып, жан күйзелісінде жүретін адамның ағзасында кінәрат бар екенін сырт адам байқай қоймайды. Оны тек компьютерлік құралдар арқылы ғана зерттеп анықтауға болады. Егер жүйке ауруының бастапқы сатысында ем алмай асқындырып алса, кеселдің психиатриялық сырқатқа ұласып кетуі әбден мүмкін. Бастан жарақат алу, дене қимылын жасамай бір орында тапжылмай отыру да жүйкенің ырғақты жұмысын әлсіретіп, жон арқаның ауруы, жұрт арасына кеңінен тараған остеохондроз сияқты ауруларға ұшыратады. Мұндай аурудың асқынған түрінің алдымен инсульт алдыртып, соңы өлімге душар етуі мүмкін. Оған мидағы кейбір қан тамырларының жіңішкеріп, ағзаға тарайтын қан ағысына бөгет жасауы түрткі болады. Медицинада қанның қоюланып, ұйыған түйіршегінің тамырды бекітуін тромб деп атайды. Бұл өте қауіпті. Егер ондай адамға дәрігерлер дер кезінде көмек көрсетпесе, ондай адамның ажал тырнағында кетуі ықтимал. Неврологиялық ауруға кез-келген адам шалдығуы мүмкін,– дейді невропотолог маман.</blockquote>2022 жылы дәрігер невропатологтың алдына Жаңақорған кенті бойынша ересектер мен балаларды қосқанда 8219 адам барса, 2023 жылдың қараша айына дейінгі мәлімет бойынша 13362 адам маман көмегіне жүгініпті. Учетта тұратындар саны 713 адамды құрайды. Бұл дегеніміз, жүйкесі шаршаған адамдар жыл өткен сайын көбейіп келе жатыр. Невропатолог маманға жолығушылардың дені мұғалімдер екен. Баламен жұмыс оңай емес. Ұстаз болған жалықпас үйретуден балаға демекші, балаға барын беретін ардақты ұстаздардың да жүйкесі темірден емес. Ұстаз мәртебесін заңдық тұрғыда бекітіп, педагогтердің ортақ қоғамдық жұмыстан босатқанымен, ата-анаолардың көзқарасы өзгерді ме? Көп жағдайда баланың сөзін сөйлейтін ата-аналдар мұғалімдерді қадағалауға дайын тұрады. Бұдан бөлек, барлық сала мамандары да невропотолог маманның алдынан өтеді. Таз ашуын тырнадан алады дегендей, олардың көбі сыртқа, жұмыс барысында шаршағандарын байқатпағанымен, отбасына барғанда ашу шығаруы мүмкін.&nbsp; Психолог Аида Айнақожаевамен де тілдесіп оған шағым айтып келетін кімдер және себептері қанадай екенін сұрадық.&nbsp;<blockquote>– Адам дүниеге келгеннен бастап, қартайғанға дейін біздің ағзаға сыртқы ортаның факторлары өз әсерін береді. Адамдардың бәрінің басында жағдайаттар болады. Мысалы, бірінде денсаулығы нашар, бірінің материалдық жағдайы төмен және отбасылық мәселелер болады. Осы аталғандардың бәрі жиналып адамның жүкесінің әлсіреуіне әкеліп соғады. Көбінесе бізге келген емделушілер бас ауруы, бастың айналуы, құлақтың шуылдауы секілді шағымдармен жиі жүгініп жатады. Қазіргі таңда қимыл қозғалыстың аз болуы салдарынан омыртқа бойларында ауырсыну кездеседі. Осылайша, салауатты өмір салтын ұстанбау, стресс, және қоршаған орта бұның барлығы айналып келгенде адамға тек зиянын келтіреді. Ал, жүйке жүйесі бұған әсер етіп, жағымсыз әсердің орнын толтыруға тырысады. Статистикалық мәліметтерге сүйенсек қазақстандықтардың 7%-ы түрлі неврологиялық ауруларға шалдыққан. «Ал жүйке жүйесі әлсіреген адамда мына белгілер пайда болады. Сөздегі өктемділік, агрессия, депрессия, стресс жағдайлары диструктивті мінез-құлықты тудырады. Ата-аналар баласына шағым айтса тыңдамайды деп, бала қатарммен бірдей киіне алмадым, қымбат гаджет ұстай алмадым, көп шектеу қояды деп ата-анаға шағым айтады. Осындай адамдармен сырласып, сауалнамалар алып кеңес береміз. Барлық мәселені сөйлесіп, ортақ шешім шығарып, ашуға бой алдырмай, ұрыс-жанжалсыз шешуге шақырамыз. Мектеп аралап, оқушыларға семинар өткіземіз. Адамдарды қандай жағдайда да &nbsp;барынша сабырлы болып, өтпелі нәрселерге жүйкені жұқартып, денсаулықтарын құртпаса екен дейміз, – дейді ол.</blockquote>Ұялы телефонмен ұзақ сөйлесетін балалардың жүйкесі жұқарып, депрессиялық синдромға ұрынуы жиілейтін көрінеді. Адамдар пойызда, лифт ішінде телефонмен сөйлесіп жатады. Ең зияны да осы екен. Әсіресе, жастар қазір алаңсыз қалта телефонына таңылған, қолдарынан бір тастамайды, құлақтарынан түспейді. Түнде құшақтап ұйықтайды. Әйтеуір тыным жоқ. Бұл адамға білінбегенмен, жүйкесіне үлкен салмақ түсіріп жатыр. «Бүгінгінің балалары ашушаң» дегеннің себебін тек осыдан көрсек болады. «Ауруды емдегеннен гөрі, алдын алған оңай». Денсаулықтың барында қадірін білейік. Егер әрдайым көңіл күйіңіз жабырқаулы болып жүрсе, өміріңізде бірдеңені өзгерту керек. Жұмыстан көбірек демалуға тырысыңыз, таза ауада табиғат аясында серуендеңіз, ұйқыңызды реттеп, өзіңізді уақытылы ұйықтауға қалыптастырыңыз. Ойыңызды басқа жаққа бұрып, көңіліңізге жағатын істермен айналысып көріңіз.Әсел РЗАЕВА

Жүйке дерті дендеп барады

Жаңақорған ауданы Полиция бөлімінің жеке құрам қызметкерлері орталық алаңға қызметтік автокөліктерімен бірге &nbsp;қаз-қатар сапқа тұрғызылды.Нұсқаулық жиынды &nbsp;Жаңақорған ауданы Полиция бөлімінің бастығының бірінші орынбасары полиция подполковнигі Қордабаев Нұрлыбек Құрбанәліұлы өткізіп, қызметкерлерге аудан көлемінде қылмыс пен құқық бұзушылықтың, жол-көлік оқиғаларының алдын алу, қоғамдық тәртіпті сақтап,азаматтардың қауіпсіздігін қамтамасыз ету жайында тиісті тапсырмасын берді. Сонымен қатар, “Құқықтық тәртіп” “Заңсыз келуші-2024” ”Қарасора” жедел- профилактикалық іс-шарасы барысында көшеде, қоғамдық орындарда, жол қауіпсіздігін және жасөспірімдермен жасалатын құқық бұзушылықтың алдын-алу, заңдылықты қамтамасыз ету бойынша нақты тапсырмаларды жеткізді.Нұсқаулық жиынға Жаңақорған &nbsp;аудандық қоғамдық даму бөлімінің басшысы Төлегенов Әбілғазы Берденұлы, Аманат партиясы аудандық филиалы өкілдері, Білім бөлімінің қызметкерлері, Жастар ресурстық орталығының қызметкерлері қатысты. Нұсқаулық жиында сөз алған аудандық қоғамдық даму бөлімінің басшысы Ә.Төлегенов, ауданның тыныштығын сақтап, қоғамдық тәртіпті қамтамасыз етіп жүрген полиция қызметкерлерінің қызметі оңай емес екенін, оларға зор міндеттер жүктелгеніне тоқталып, мектеп демалысына шыққан кәмелетке толмағандар &nbsp;арасында топтасқан төбелестің алдын алу қажет екенін қаперге салып, қызметтеріне сәттілік тіледі.

Қазақстан және Қызылорда облысының жаңалықтары