<a href="https://kyzylorda-news.kz/">Kyzylorda-news.kz</a> Қызылорда қаласындағы 3 IT мектеп-лицейінің 10 «Б» сынып оқушысы Темірбек Нұрдәулет «Ілияс Жансүгіров оқулары» байқауының қалалық кезеңінде «Заманның заңғар тұлғасы» номинациясы (буктрейлер жасау) бойынша ІІ орынға ие болды. Жетекшісі&nbsp; қазақ тілі мен әдебиеті пәнінің мұғалімі Әсия Бекенова.Облыстық халық шығармашылығын дамыту және мәдени-продюсерлік орталығының ұйымдастыруымен «Маржан сөз, қоңыр үн» атты концерт жүргізушілерінің облыстық байқауында 11- сынып оқушысы Жұматай Азат жүлделі ІІ орынды иеленді. Жетекшісі — қазақ тілі мен әдебиеті пәні мұғалімі Серікбаева Бибісара.Сонымен қатар, «Табиғатты аяла» жас экологтардың байкауының калалық кезеңінен 6-сынып окушысы Сарсенбаева Ұлжан ІІ орын (жетекшісі Жанаберген Меруерт) және 7-сынып оқушысы Құрманғазы Томирис ІІІ орын (жетекшісі Жылкаев Аскар) иеленді. «Табиғатты аяла» жас өлкетанушылар, экологтар мен табиғат зерттеушілерінің республикалық форумының облыстық кезеңін өткізу ережелері оның мақсатын, міндеттерін, ұйымдастыру форматын, өткізу тәртібін анықтайды. Форумның мақсаты: білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу, балаларды қосымша біліммен қамту. Форумның міндеттері: қоршаған ортаны қорғау міндеттерін шешуде олардың кәсіби өзін-өзі анықтауына ықпал ету, білім алушыларды практикалық қатысуға тарту үшін жағдай жасау; білім алушылардың табиғи және жасанды экожүйелерді зерттеу мен сақтау бойынша қызметіне қызығушылықтарын қолдау; білім алушылар мен педагог қызметкерлер арасында шығармашылық байланысты орнату және жұмыс тәжірибесімен алмасу; еліміздің жас тұрғындарында экологиялық мәдениетті және адамзат алдында тұрған ғаламдық мәселелер тарапынан белсенді өмірлік ұстанымды қалыптастыру; балаларды іс-шараларға араластыру арқылы қосымша білім беру жүйесіндегі қамтылуын көтеруге жағдай жасау.

Қызылордалық оқушылардың жетістіктері

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудандық білім бөлімінің ұйымдастыруымен Ә.Тәжібаев атындағы №36 Әбділдә Тәжібаев атындағы мектеп-лицей базасында «Айбын – 2024» әскери-патриоттық жастар жиыны өткізілген болатын. Аудандық жастар жиынына барлық білім беру ұйымдарынан 75- тен астам оқушы қатысты. Жастар жиынын облыстық білім басқармасының тәрбие,спорт және қосымша білім беру орталығының әдіскері Н.Маханбетов және «Жас сарбаз» әскери-патироттық қозғалысының ҚОФ-ның жетекшісі Ж.Жаңабай сөз сөйлеп, ашып берді.– Бейбіт күнде мектеп оқушыларына әскери әдіс-тәсілді меңгерту – маңызды рөл ойнайды. Жыл сайын өткізілетін «Айбын – 2024» әскери-патриоттық жастар жиыны Сырдария ауданында жалғасын тапқанына бек қуаныштымыз. Жиын барысын мектеп оқушылары әскери әдіс-тәсілдерді орындаудан жарысқа түсіп, жеңімпаздар қатарынан көрінетіндігіне сенім білдіреміз, – деді облыстық білім басқармасының тәрбие,спорт және қосымша білім беру орталығының әдіскері Н.Маханбетов.Жарыс қорытындысы бойынша жүлделі І орынды № 37,130,191 мектептердің құрама командасы, ІІ орынды № 42,139,147,174 мектептердің құрама командасы, ІІІ орынды № 126,131,137 мектептердің құрама командасы жеңіп алды. &nbsp;Жеңімпаз командалар І,ІІ,ІІІ орын дипломдары, медаль және арнайы кубоктармен марапатталды.

Мектеп оқушылары «Айбын – 2024» әскери-патриоттық жастар жиынында топ жарды 

<a href="https://kyzylorda-news.kz/">Kyzylorda-news.kz</a>&nbsp; &nbsp;Ақжарма ауылының білімге құштар озат оқушылары ағылшын тілінде мүдірмей сөйлейтінін көзімізбен көріп, таңқалдық. Оларға ауылдың білімді жасы Ернар Темірбаев бірнеше жылдан бері ағылшын тілін үйретіп жүргенін көпшілік жақсы біледі. Қосымша курсқа жиырмаға жуық оқушы тұрақты түрде қатыса екен.Ернар жақында АҚШ-тың Қазақ­стан­дағы елшілігінің қызмет­кер­лері­мен әріптестік байланыс орнатып, олар­ды ауылға шақырған болатын. Мақсат – атқарылып жатқан жұмысты таныс­тыру және оқу процесін жетілдіру бағы­тындағы жұмысты жандандыру болып табылады. Айтуынша, АҚШ-тың Алматы қала­сындағы бас консулы Мишель Еркін бастаған Чад Киннир, Жанна Тоқтарова есімді құрметті меймандар Ақжар­маға келеді екен. Бұл хабарды ести сала аудандық білім бөлімінің басшысы Берік Жәнібековпен бірге жол­ға шықтық.Құрметті меймандарды ауылдағы Болат Нұрсейітов атындағы орталық алаң­нан күтіп алған ауыл әкімі Е.Ешмұратов ауданның, ауылдың жетістік­терімен таныстырған болатын. Тіректі елді мекен статусын иеленіп, даму­дың жаңа кезеңіне қадам басқан ауыл­дың тарихынан, тұлғаларының еңбегі­нен сыр шер­тетін көрмені аудандық тарихи-өлке­тану музейі ұйым­дастырды. Музей­дің қызмет­кері Болат Махамбетов пен ауыл­дық клубтың директоры Айтмағанбет Темірханов АҚШ-тың Алматыдағы Бас консул­дығының қызметкерлеріне өңір­­дің өнері мен мәдениеті, құнды­лықтары жөнінде хабардар етсе, «Ақ әжелер» ансамблі әннен шашу шашты. Өз кезегінде ағылшын тілін мең­гер­ген ауыл тұрғыны Ә.Қаратаева мей­­­мандарға бауырсақ пен құрт, айран ұсынып, қонақжайлық танытты.Мұнан кейін АҚШ-тың Алматы қала­сындағы бас консулы Мишель Еркін, консулдың қоғаммен байланыс жөніндегі маманы Чад Киннир мен Жанна Тоқтарова ақжармалық оқу­шы­лармен кездесті. Әуелі Ернар Темірбаев атқарылып жатқан жұмыс­тармен таныстырған еді.<blockquote>– Ауыл балаларына ағылшын тілін үйрету бастамасын ойдағыдай жүзе­ге асыруға ауыл азаматтарының, ал­дың­­ғы буын ағаларымыздың үлесі зор болды. Қайрат Нұрсейітов, Арман Қойшыбаев, Мақсат Заммадинов, Ернұр Асылбеков секілді азаматтар қол­дау көрсетіп, қаржылай көмек берді. Сондай-ақ ауыл әкімдігі мен ауыл­­­дық мәдениет үйі қызметкерлері де балалардың сапалы білім алуына жағ­дай жасап отыр. Негізінен бала оқы­ту ісімен айналысып жүргеніме бес жылдай болды. Бастапқыда қосымша сабақтар өткізіп жүрдік. Кейін бір ата-ананың ұсынысы бойынша осы істі бастап кеттік. Нәтижесі жаман емес. Балалардың ағылшын тілін меңгеруге талпынысы, қызығушылығы артып келеді. Біздің алға қойған мақсатымыз да осы еді, – деді Ернар Темірбаев.</blockquote>Кездесуде оқушылар құрметті мей­мандарға көкейде жүрген сұрақтарын қойып, жауап алды. Балаларға көп тіл мең­геру­дің артықшылығы туралы айтып өткен консулдық қызметкерлері оқу­шылардың талабын жоғары баға­лады. Мұнан бөлек АҚШ-тың Алматы қаласындағы бас консулы Мишель Еркін кітаптар мен естелік сыйлықтар табыстады.&nbsp;А.ҚҰРМАНАЙТЕГІ

АҚШ-тың Қазақстандағы елшілігінің қызметкерлері Ақжармаға іс-сапармен келді 

<a href="https://kyzylorda-news.kz/">Kyzylorda-news.kz</a> &nbsp;Сөз бен бейненің құдіреті шексіз әлемде инклюзивті білім беру және әлеуметтік теңсіздікпен күресуге бағытталған жобалар көбеюде. Қызылордалық оқушылар ерекше білімді қажет ететін баларға арналған инновациялық жоба ұсынды.<h2 style="text-align:justify;">Ерекше білім беру қажеттіліктері бар балаларға арналған жоба</h2>«Байтерек School» дарынды балаларға арналған мектеп интернатының 9-10 сынып оқушылары Нұрсана Серікқызы, Гүлдерайым Тәжібай, Назгүл Жұмағалиева ерекше білімді қажет ететін баларға арналған инновациялық жоба ұсынды. Жоба атауы&nbsp; «Literabot: жарқын болашаққа үміт». Мақсаты&nbsp; жасанды интеллектінің көмегімен жазылған комикстер арқылы Қазақстанда әлеуметтік жетімдік, тенсіздік пен буллингті түбегейлі жою. Осы мәселелердің статистикасын азайту мақсатында «АНА ҮЙІ» қоғамдық қоры мен Inclusive.people демеушілік жасауға дайын екенін жеткізді жоба жетекшісі әрі орыс тілі мен әдебиет пәні мұғалімі Гүлнар Серікболова.Комикстер&nbsp; өзіңізді білдірудің және идеяларды жүзеге асырудың өзгеше құралы. Ерекше білім беру қажеттіліктері бар балалар бұл жанр арқылы жаңа оқу тәсілін меңгереді. Комикс жасау жобаға қатысушылардың шығармашылық ойлауы мен өзін-өзі көрсетуіне ықпал етеді. Комикстерді әлеуметтік медиа арқылы жариялау оларға кең аудиторияға қол жеткізуге мүмкіндік береді. Бұл жоба қатысушыларына қарапайым аудиториядан асып, өз идеялары мен тәжірибелерін бөлісуге көмектеседі. Жасанды интеллектінің көмегімен жазылатын комикстер арқылы Қазақстанда әлеуметтік жетімдік, тенсіздік пен буллинг туралы әңгімелейтін комикстер жасау арқылы әдебиеттер жобасы әлеуметтік теңсіздікті жоюға және қорқытуға қарсы тұруға бағытталған.Айта кетейік, осыған дейін қызылордалық стартапердің алғаш рет комикс кітабын жарыққа шығарғанын хабарладық.&nbsp;«Innofest-2022» конкурсының жеңімпазы атанған София Темірболат тұңғыш рет комикс форматында кітап шығарды. Облыс әкімінің қолдауымен өткен идеялар байқауында қызылордалық өрен үздік атанып, конкурстан ұтып алған 500 мың теңге қаржысына өз идеясын іске асырып, виртуалды ортамен қауіпсіз байланыс дағдыларын дамытатын кітап жазып шықты. «Cyber City» хикаялары атауындағы жаңа кітап арқылы оқушылар цифрлық қауіпсіздікті қызықты қысқа комикс əңгімелер арқылы меңгерте отырып, олардың технологиялық жəне дүниетанымдық салалар бойынша білімін қалыптастырады.«Комикс кітабы балаларды интернеттегі қауіпсіздік ережелерімен, жаңа терминдерден хабардар болуына, ақпараттық мəдениетті жетілдіруге көмектеседі. Басқа да бөлімдерін жазамын. Келешекте кітапты әрі қарай дамытатын боламын», деді София Темірболат.Таяуда Қорқыт Ата атындағы Қызылорда университеті «Информатика» мамандығының 2-курс магистранты София Темірболаттың «Cyber city хикаялары» комикс кітабының екінші бөлімі жарық көрді. «Cyber City» хикаялары атауындағы жаңа кітап арқылы оқушылар цифрлық қауіпсіздікті қызықты қысқа комикс əңгімелер арқылы меңгерте отырып, олардың технологиялық жəне дүниетанымдық салалар бойынша білімін қалыптастырады. Комикс кітабы балаларды интернеттегі қауіпсіздік ережелерімен, жаңа терминдерден хабардар болуына, ақпараттық мəдениетті жетілдіруге көмектеседі. Жоба – Біріккен Ұлттар Ұйымының Балалар қорының арнайы «Қауіпсіз интернет», «Кибербуллинг – ол не және оны қалай тоқтату қажет?» кибербуллингке қарсы бағдарламасы мен зерттеулері аясында жасалған. Кітап арқылы балалар қауіпсіз киберкеңістікті оқып, цифрлық иллюстрациялар мен комикстерді кәсіби оқуға мүмкіндік алады. Автор өз еңбегінде шетелдік мамандардың пікірі мен зерттеулерін негізге ала отырып, 10 бөлімнен тұратын кітаптар сериясын әзірледі. Комиксті құрастыру үшін Жапон, Корей, Еуропа елдерінің суретшілерінен дәріс алып, шеберлігін шыңдаған. Кітап білім беру ұйымдарында киберқауіпсіздік білімін ілгерілету үшін педагогтар пайдалана алатын стратегияларды ұсынады. Комикс авторлық құқықпен қорғалған.

«Literabot: жарқын болашаққа үміт»

Қызылордадағы қалалық кітапхана сандық форматта қызмет көрсетеді

Тарихы терең білім ордасы

<a href="https://kyzylorda-news.kz/">Kyzylorda-news.kz</a> Сырдария ауданына қарасты Қалжан Ахун ауылында орналасқан №126 орта мектепке&nbsp;оқу жылын аяқтау шаралары мен ҰБТ-ға дайындығын тексеру мақсатында Сырдария аудандық білім бөлімінің басшысы Берік Жәнібеков іс-сапарға барды.&nbsp; &nbsp; &nbsp; Іс-сапар барысында &nbsp;бөлім басшысы мектеп бітіруші түлектермен арнайы кездесті. Сынама тест нәтижелерін оқушылармен бірлесе отыра талдап, мектеп бітіруші түлектердің ұсыныстары мен пікірлерін тыңдады. Пән мұғалімдерінің ҰБТ дайындығы бойынша бірнеше мәселелер қаралып, пысықталды.&nbsp; &nbsp; &nbsp; – Білім сапасын көтеру басты міндетіміз. Осы тұста білім сапасын арттыру аясында әркез жүйелі жұмыстар атқарылып, бірқатар мәселелер міндетті түрде қаралып отырады. Осыған байланысты кеңейтілген алқа мәжілісінде 5 мәселе қаралған болатын. Атап айтқанда:1. Білім сапасы, мемлекеттік аттестаттау барысында өткізілген кешенді тестілеу нәтижелері;2. Білім алушылардың білім жетістіктеріне мониторингке дайындық барысы;3. Пәндік олимпиадалар қорытындысы ;4. ҰБТ-ның ақылы кезеңдерінің қорытындысы;5. Kundelik.kz электронды журналының жүргізілуі.&nbsp; &nbsp; &nbsp; &nbsp;Аталған мәселелер бойынша жан-жақты терең талдаулар жасалып, мектеп директорларына нақты тапсырмалар берілді. Білім сапасын арттыру мақсатындағы жұмыстар әркез білім бөлімінің бақылауында болады.&nbsp; &nbsp; &nbsp; Биылғы &nbsp;оқу жылында 442 оқушы мектеп табалдырығынан түлеп ұшқалы отыр. Оның 404-і немесе 91 пайызы Ұлттық бірыңғай тестілеуге қатысуға ниет білдірген болатын. Жалпы саны 28 түлек "Алтын белгі" белгісіне үміткер. 2024 жылдың &nbsp;наурыз айында өткізілген ақылы ҰБТ-де ауданның орташа көрсеткіші 77 балды құрады. ҰБТ-ге дайындық жұмыстары жоспарға сәйкес жүйелі түрде жүргізілуде. Аталған мәселе білім бөлімі басшысының басты назарында.

ҰБТ дайындық жұмыстары басты назарда

<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық орталықтандырылған кітапханалар жүйесіне қарасты №18 кітапханада батыр Жанқожа Нұрмұхамедұлының туғанына 250 жылдығына орай №197 мектеп оқушыларының қатысуымен «Халқын азаттыққа бастаған Жанқожа батыр» атты ерлік сағаты өткізілді.17-19 ғасырларда Сыр мен Арал теңізі жағалауларындағы, Қарақұм мен Жайық бойындағы қазақ жерлерін отарлап, басқыншылық саясат жүргізген Хиуа, Қоқан хандықтарына, патшалық Россияға қарсы ұлт-азаттық күрестің тізгінін ұстаған Жанқожа Нұрмұхамедұлы - дала батыры. Ол- саналы өмірінің жетпіс жылға жуығын халық азаттығы жолына арнаған, кедей-шаруалардың қолбасшысы, осы жолда ешқандай сый-сияпатқа сатылмаған батыр.Ерлік сағаты барысында балаларға Жанқожа батырдың ерлігі мен күрескерлігі туралы кеңінен айтылды. Жас оқушылар Жанқожа батыр және оның қолбасшылық шеберлігі, жанарынан от шашқан батырлығы, адалдығы, қара қылды қақ жарған әділдігі туралы ойларын ортаға салып, батыр бабаның бойындағы асыл қасиеттерін бүгінгі ұрпақтың бойындағы мінез – құлықтарымен ұштастыра отырып пікірлерін білдірді. Ерлік сағатының қонағы №43 мектептің қазақ тілі мен әдебиеті пәнінің мұғалімі Жұмағалиева Гүлзия балаларға Жанқожа батыр туралы жазылған шығармалардан мағлұмат беріп, бабамызға арналып өткізіліп отырған ерлік сағатының бүгінгі ұрпаққа берер мәні мен мағынасы туралы кеңінен әңгімеледі. Балалар ерлік сағатынан жақсы әсер алды.

Қызылордалық оқушыларға Жанқожа батыр ерлігі ұлықталды

<a href="https://kyzylorda-news.kz/">Kyzylorda-news.kz</a>&nbsp; Ержігіт Бозғұлов атындағы №249 мектеп-лицейде Қазалы аудандық білім бөлімі ұйымдастыруымен мектеп оқушылары арасында «Жас Ұлан» әскери – қолданбалы спорт түрлері бойынша жарыс өтті.&nbsp; Мектеп оқушылары арасында сайыс екі кезеңге жоспарланған. Бірінші кезең – аймақтық іріктеу кезеңі алты аймақта 12 сәуір күні өткізіліп, оған отыз мектептен 260-қа жуық оқушы қатысты. Аудандық кезеңге алты аймақтақтан жасақталған командалар бағдарламаға сәйкес спорттың алты түрі бойынша қатысты. Саптық және әндер байқауы, тарихи-іздеу зерттеу жобасын қорғау, атыс даярлығы АК-74 оқу қаруын толық емес бөлшектеу және жинау мен әскери кросс пен белтемірге тартылу және арқамен жатып денені жерден көтеріп түсіру жарыстың шарттары бойынша әскери-қолданбалы спорт түрлеріне байланысты өтізілді. Жарыстын қорытындысымен саптық және әндер байқауы сайысы бойынша жүлделі бірінші орын бесінші аймақтан (№24,94,98,88,190 мектептерден) жасақталған командасы, екінші орын үшінші аймақтан (№№16,17 мектептерден) жасақталған командасы және үшінші орын төртінші аймақтан (№103 мектептен) жасақталған команда иеленді. Тарихи-іздеу зерттеу жобасын қорғау сайысы бойынша жүлделі бірінші орын №225 мектептің оқушысы Даулетбай Бекарыс, екінші орын №103 мектептің оқушысы Мақсұт Еркебұлан және үшінші орын №94 мектептің оқушысы Нұралы Мадияр иеленді. Атыс даярлығы АК-74 оқу қаруын толық емес бөлшектеу және жинау (ер балалар) арасында өткен сайысы бойынша жүлделі бірінші орын №225 мектептің оқушысы Даулетбай Бекарыс, №16 мектеп-лицейдің оқушысы Нұрсұлтан Нұрдаулет және үшінші орын №249 мектеп-лицейдің оқушысы Әміре Айсұлтан иеленді. Атыс даярлығы АК-74 оқу қаруын толық емес бөлшектеу және жинау (қыз балалар) арасында өткен сайысы бойынша жүлделі бірінші орын №70 мектептің оқушысы Өмірбекқызы Мәншүк, екінші орын №25 мектептің оқушысы Қуантаева Нұрдина және үшінші орын №16 мектеп-лицейдің оқушысы Вольнова Марина иеленді. Белтемірге тартылу сайысы бойынша жүлделі бірінші орын төртінші аймақтан (№№96,225,238 мектептерден) жасақталған командасы екінші орын бесінші аймақтан (№№24,94,98,88,190 мектептерден) жасақталған командасы және үшінші орын екінші аймақтан (№№70,204,266 мектептерден) жасақталған командасы иеленді. Арқамен жатып денені жерден көтеріп түсіру сайысы бойынша жүлделі бірінші орын №25,225 мектеп командасы, екінші орын №249 мектеп-лицей командасы және үшінші орын №70 мектеп командасы иеленіп, Қазалы ауданы бойынша білім бөлімінің арнайы Мақтау қағаздарымен марапаттады және жеңімпаз оқушылар облыстық білім басқармасының «Дарын» қосымша білім беру орталығының ұйымдастыруымен өтетін облыстық «Жас Ұлан» әскери – қолданбалы сайысына жолдама алды.

«Жас ұландық» жастар жарысты

<a href="https://kyzylorda-news.kz/">Kyzylorda-news.kz</a> &nbsp;«Qosyl» қалалық жастар ресурстық орталығының тапсырысы аясында «Бізбен Бірге» қоғамдық қорының ұйымдастыруымен «Қала жастары арасында патриоттық сананы қалыптастыру және отбасы құндылықтарын насихаттау бағытындағы іс-шараларды іске асыру» әлеуметтік қызметі бойынша «Оқытудың психологиялық және педагогикалық негіздері» тақырыбында психолог мамандарға арналған 3 күндік семинар-тренинг өтті.Тренер ретінде Қорқыт ата атындағы Қызылорда университетінің психологиялық қолдау орталығының жетекшісі Иманалиева Құралай Ерланқызы мамандармен жұмыс жасады.Тренингке қала аймағындағы мектеп және ТжКБ мекемелерінен 69 психолог, соның ішінде 12 ТжКБ, 57 мектеп мамандары қатысты. Семинар барысында студент және оқушылармен жұмыс істеу, бала психологиясына байланысты мәселелерді шешуге бағытталған жаңа техникалар үйретілді. Қатысушылар арнайы сертификатпен марапатталды.Психологиялық семинар-тренингтің мақсаты студенттер мен оқушылардың жеке және зияткерлік даму ерекшеліктерін, оқыту мен тәрбиелеудегі мәселелердің психологиялық себептерін диагностикалауға ғана емес, ең алдымен мұндай мәселелердің алдын алуға және жоюға бағытталған. Жастардың оң өмір салтын қалыптастыруға, оқуға оң мотивация жасауға, шығармашылық қабілеттерін дамытуға, сондай-ақ жеке және әлеуметтік дамудың бұзылуына психологиялық түзету жүргізуге, психологиялық денсаулық жағдайларының алдын алуға жәрдемдеседі.Айта кетейік, Қорқыт ата атындағы Қызылорда университетінде Психологиялық қолдау орталығы жұмыс істейді. Психологиялық орталықтың қызметі студенттердің жеке және зияткерлік даму ерекшеліктерін, оқыту мен тәрбиелеудегі мәселелердің психологиялық себептерін диагностикалауға ғана емес, ең алдымен мұндай мәселелердің алдын алуға және жоюға бағытталған. Студенттердің оң өмір салтын қалыптастыруға, оқуға оң мотивация жасауға, шығармашылық қабілеттерін дамытуға, сондай-ақ жеке және әлеуметтік дамудың бұзылуына психологиялық түзету жүргізуге, психологиялық денсаулық жағдайларының алдын алуға жәрдемдеседі.

Қызылордада психологтарға арналған семинар-тренинг өтті

<a href="https://kyzylorda-news.kz/">Kyzylorda-news.kz</a> &nbsp;«Таза Қазақстан – таза аймақ» экологиялық акциясы аясында «Жалын» сауықтыру лагерінде арнайы іс-шара ұйымдастырылды. Іс-шараға аудандық мәслихат төрағасы Ержан Әжікенов, білім саласының ардагері, «Сырдария ауданының Құрметті азаматы» Ұлмекен Жаналиева және білім беру ұйымдарының басшылары мен жас педагогтары қатысты. Жиналғандарға тазалық айлығының басталғанын, облыс аумағында ауқымды жұмыстар қолға алынған айтқан аудандық мәслихат төрағасы Ержан Әжікенов тазалық пен тәртіп – тұрғындардың мәдениеттілігінің өлшемі екенін жеткізді. – Қазақылықтың қаймағы бұзылмаған, тату тірлік пен береке-бірліктің бесігі – Сыр өңірінде республикалық «Таза Қазақстан» акциясы аясында «Таза Қазақстан – таза аймақ» экологиялық науқаны бастау алғанын жақсы білесіздер. Мемлекет басшысы Қасым-Жомарт Кемелұлы «Қалалар мен ауылдардың сәулетті, саябақтар мен ауланың таза болуы, ең алдымен, басқа біреуге емес, өзімізге керек. Азаматтарымыз қоғамдық орындар мен қоршаған ортаға жанашыр көзбен қарауға тиіс» деген болатын. Біздің айналамыздағы игіліктер адамдар үшін жасалған дейтін болсақ, тазалық – біз үшін ең басты құндылық. «Ауылына қарап, азаматын таны» дегендей, әр елді мекеннің тазалығы, сәулетті көркі тұрғындардың жанашырлығына байланысты. Себебі әр көшенің, әр үйдің, әр ауланың тазалығы – тұтас қала мен ауылдың айнасы. Сондықтан осындай жақсы іс-шараларға белсене атсалысып, қоршаған ортаның тазалығына, жасыл желекке айналуына барынша үлес қосуымыз қажет, – деді Ержан Ертарғынұлы. Өз кезегінде білім саласының ардагері, «Сырдария ауданының Құрметті азаматы» Ұлмекен Жаналиева тазалық айлығы аясында облыс халқымен бірге сырдариялықтардың да туған жерді түлетуге атсалысып жатқанын айтты. Ал аудандық мәслихаттың депутаты, білім және ғылым қызметкерлері аудандық кәсіподақ комитетінің төрағасы Алмас Есназар әріптестерін, еңбек ұжымдары мен кәсіпкерлерді игі бастаманы өз үйінен бастап, жақсы істерге дәнекер болуға шақырды. Тазалық акциясы аясында «Жалын» сауықтыру лагерінің ауласына 200-ден астам жеміс ағаштары, 70 түп терек, сыр талы, қаратал ағаштарының көшеті отырғызылды. &nbsp;

«Жалын» сауықтыру лагерінде арнайы іс-шара ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық колледжінде «Кибербуллингке жол жоқ..»&nbsp; тақырыбында тәрбиелік шара өтті.&nbsp;Мақсаты - студенттердің буллинг, кибербуллинг туралы жалпы түсінігін қалыптастыру арқылы жауапкершіліктерін арттыру, өзара сыйластық қарым-қатынасын орнату. Жасөспірімдер арасындағы қорлау, мазақтау, намысқа тию жағдайларын алдын алу. Топ ұжымын сыйластыққа, бір-біріне қолдау көрсете білуге тәрбиелеу.&nbsp;Шараға облыстық жастар денсаулық орталығының психолог маманы Бексултанова&nbsp; Макпал, колледж психологы Уалибекқызы Жанат, “Мектепке дейінгі тәрбие” бөлімінің меңгерушісі Жұмаділдаева Бота және топ жетекшісі Есмаханова Ұлжан қатысты.Жиын аясында студенттер қоғамда белең алып тұрған ең көкейкесті мәселе буллинг, кибербулингтің зардаптары туралы «Құпия дос», «Бөлектену», «Синий кит»&nbsp; деп аталатын қауіпті ойындарды сахналап және зерттеген жұмыстарын презентациямен көрсете білді. Сонымен қатар осы мәселеге қатысты басқа оқытушылар мен студенттерден алған сұхбаттарынан бейнеролик көрсетті.Сала мамандары дүниежүзілік интернет желісінің мүмкіндіктері дәстүрлі қорлауға тән психологиялық қысымның формаларына қосылып, соның арқасында Кибербуллинг (моббер) жәбірленушіге тәулік бойы техникалық құралдар арқылы тікелей қол жеткізе алатыны, ұялы телефон немесе әлеуметтік желідегі профиль, электрондық пошта арқылы шығатыны жөнінде көптеген мәліметтер берді. Студенттер келген мамандарға көкейлерінде жүрген сұрақтарын қойып, қызу пікір алмасу жүрді.&nbsp;Қорытындылай келе, колледж психологы Уалибекқызы Жанат студенттермен кез келген қиындықтан, тығырықтан шығудың жолын көрсететін «Түйінді шеш» атты тренинг ұйымдастырды.Айта кету керек, буллингг – қорқыту, келемеждеу, агрессивті қарым-қатынас. ЮНИСЕФ жариялаған деректерде мектеп жасындағы 150 мың оқушы сыныптастарынан зәбір көреді екен. Ал ҚР ДСМ Қоғамдық денсаулық сақтау ұлттық орталығы өткізген зерттеулерге сүйенсек, Қазақстанда 11-15 жастағы жасөспірімдердің 17%-ы мектепте айына бір немесе бірнеше рет буллинг құрбаны болған.Жалпы буллингтің 4 түрі бар. Физикалық буллинг – ұрып-соғу, құлату, итеру, зәбірленушінің физикалық жарақаттар алуы. Осындай жағдайда балалар көбіне «жәй байқамай соғып алдым» деп ақталуы мүмкін.Әлеуметтік буллинг – басқалардың зәбірленушіні өз орталарына қоспауы, алшақтатуы. Мәселен: оны әдейі естімейтінде күй кешіп, елемеу, барлығы бірге отырысқа жиналғанда, дәл сол бір адамды шақырмау.Кибербуллинг – бұл әлеуметтік желі, мессенджерлер арқылы жаман пікір жазып, келемеждеу немесе қолданушыны қорқыту.&nbsp;Вебральді буллинг – мазақ ету, ар-намысқа тиетін ауыр сөздер айту.

Қазақстан және Қызылорда облысының жаңалықтары: Білім