<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы прокуратурасының қадағалау актілері негізінде мемлекеттік қызметке кір келтіретін тәртіптік теріс қылық жасау фактілерімен лауазымды тұлғалар жауаптылыққа тартылды. Бұл туралы&nbsp;Қызылорда қаласының прокуратурасы&nbsp;хабарлады.Нақтылағанда, жауапты органның дерегінше &nbsp;Қызылорда қаласы білім бөлімінің басшысымен лауазымдық өкілеттіктерін асыра пайдалану арқылы 2022-2023 жылдар аралығында 5 қызметкерді конкурссыз білім беру ұйымдарына педагог ретінде жұмысқа қабылдау туралы заңсыз бұйрық қабылданған.<blockquote>«Қызылорда қаласы тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының орынбасарымен қала аумағында 40 жаяу жүргіншілер проекторларын орнату бойынша орындалмаған жұмыстар қабылданып, 27 миллион &nbsp;қаражат негізсіз аударылған.Қадағалау актілерін қарау нәтижесінде білім бөлімінің басшысы лауазымынан босатылса, бөлім басшысының орынбасары «қызметке толық сәйкес еместігі туралы ескерту» түріндегі тәртіптік жауаптылыққа тартылды», - делінген Қызылорда қаласы прокуратурасының хабарламасында.&nbsp;&nbsp;</blockquote>Фото: Нұрболат Нұржаубай

 Қызылорда қаласы білім бөлімінің басшысы қызметінен босатылды 

<a href="https://kyzylorda-news.kz/">Kyzylorda-news.kz</a> Бүгін кент әкімі Айдын Маратұлы өнерлі жастардың бірі, Сәбира Майқанова атындағы мәдениет Үйінің «Дарын» ән үйірмесінің шәкірті Жанерке Қалмағанбетті &nbsp;қабылдап, Әзербайжан астанасы Бакуде өткен өнер сайысынан жеңісті оралуымен құттықтады. Кездесу барысында кент әкімі Сыр елінің, тіпті түгелдей Қазақ елінің даңқын асырып, өнерімізді шет ел төрінде танытып жүрген талант иесіне ерекше ризашылығын білдірді. Сондай-ақ Жанеркеге білім мен өнерді қатар үйретіп отырған №11 мектеп-лицейінің және С.Майқанова атындағы мәдениет Үйінің басшылығына, оның өнер жолындағы ұстазы Асхат Таңатаровқа және өнерлі жұлдыздың ең басты жанкүйері, осындай дарын иесін тәрбиелеп отырған анасы Нұргүл Үсеноваға алғысын жеткізді. Еске сала кетейік, наурыз айының 28-жұлдызында бауырлас Әзербайжан елінде өткен өнер додасында Жанерке эстрада жұлдызы Жанар Дұғалованың репертуарындағы «Ізін көрем» атты өлеңін шырқап, дүйім жұртты таң қалдырған болатын.<img src="https://knadmin.beoblood.kz/uploads/433926324_3583867068544178_2860911115833008532_n_b426d3332d.jpg" alt="433926324_3583867068544178_2860911115833008532_n.jpg">

Қызылордалық өнерпаз Бакуде өткен өнер сайысынан жеңіспен оралды

&nbsp;<a href="https://kyzylorda-news.kz/">Kyzylorda-news.kz</a> &nbsp; Су тасқынынан зардап шеккен аймақтардағы мектептер онлайн форматқа көшеді. Бұл туралы <a href=" Kyzylorda-news.kz ">Stan.kz </a>ақпарат агенттігі хабарлайды.Бұл жөнінде оқу-ағарту министрлігінің баспасөз қызметі мәлімдеді.Су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штаб жұмысының аясында 88 білім беру ұйымы төртінші тоқсанды қашықтықтан оқыту форматында бастайды деп хабарлайды ҚР Оқу-ағарту министрлігінің баспасөз қызметі.Қашықтықтан оқыту су тасқыны қаупі сақталған аумақтардағы 56 мектепте, сондай-ақ эвакуациялық пункттер ретінде айқындалған 32 мектепте ұйымдастырылуда.<blockquote>"Осы дүйсенбіден бастап 3 миллионнан астам қазақстандық оқушы үшін 2023-2024 оқу жылының төртінші тоқсаны басталады. Бұл ретте су тасқыны жағдайы сақталған өңірлердегі оқушылар қашықтықтан оқуға көшіріледі. Жергілікті жерлерде Оқу-ағарту министрлігінің аумақтық білім беру саласында сапаны қамтамасыз ету департаменттері мен өңірлік білім басқармалары жұмыс жасауда. Эвакуациялық пункттердегі балаларға қажетті көмек көрсету үшін психологиялық қызметтер іске қосылды. Балалар қашықтықтан оқу үшін қажетті оқу құралдарымен, киім-кешекпен және техникалық құралдармен қамтамасыз етілді. Эвакуацияланған 1-4 сынып оқушыларын тамақтанумен қамту мәселесі бойынша жұмыстар жүргізілуде”, - деп атап өтті ведомствоның ресми өкілі – баспасөз хатшысы Мереке Амангелдіқызы.</blockquote>Оқу-тәрбие процесі мемлекеттік жалпыға бірдей білім беру стандарттарына сәйкес ұйымдастырылады. Сондай-ақ, тәуекелдерді азайту және төтенше жағдайда білім беру процесін жалғастыруды қамтамасыз ету үшін Ақтөбе облысындағы колледждер қашықтықтан оқыту форматына ауыстырылды.Фото: Нұрболат Нұржаубай

Қазақстанда 100-ге жуық мектеп қашықтан оқуға көшеді

&nbsp;<a href="https://kyzylorda-news.kz/">Kyzylorda-news.kz</a> &nbsp; Сондай-ақ міндетті зейнетақы жарналары мен міндетті әлеуметтік медициналық сақтандыруға аудармалар жасаған.Павлодарда 63 млн теңге жымқырғаны үшін балабақша директоры мен бас есепшісі сотталды, деп хабарлайды Skifnews.kz ақпарат порталы.Polisia.kz&nbsp;мәліметінше,&nbsp;Павлодар қаласының 62 жастағы тұрғыны балабақша директоры лауазымында жұмыс істеп, есепшісімен бірге өзіне сеніп тапсырылған мүлікті аса ірі мөлшерде жымқыру жолымен ұрлап кеткен.Директор мен есепші жеті жыл ішінде заңсыз бірнеше штаттық бірліктерді белгілеп және белгіленген бірліктерден тыс қосымша төлемдерді өз пайдасына заңсыз есептеп отырған. Сондай-ақ міндетті зейнетақы жарналары мен міндетті әлеуметтік медициналық сақтандыруға аудармалар жасаған.Осылайша, қаскөйлер мемлекетке жалпы сомасы 63 млн теңгеге жуық материалдық шығын келтірді. Сот оларды ҚР ҚК-нің 189 бабында (Сенiп тапсырылған бөтен мүлiктi иемденiп алу немесе талан-таражға салу) көзделген қылмыс жасағаны үшін кінәлі деп тауып, жеті жыл мерзімге бас бостандығынан айыру жазасын тағайындады.Бұрынғы балабақша директоры бүгінде Абай облысы ҚАЖД-ға қарасты № 23 мекеменің карантин бөлімшесінде жазасын өтеуді бастады. Мекеме қызметкерлері онымен тәрбиелік-психологиялық сипатта жұмыстар жүргізіп жатыр. Сотталған азамат өз кінәсін мойындады, мемлекет пайдасына және жәбірленушілерге келтірілген борыштың бір бөлігін төледі. Қалған борышты төлеу үшін жазасын өтеу барысында жұмысқа орналасып төлеуге де дайын.«Ал&nbsp;бұрынғы&nbsp;есепшіге&nbsp;қатысты,&nbsp;сот&nbsp;сотталушының&nbsp;бес&nbsp;жасар&nbsp;қызы&nbsp;бар&nbsp;екенің&nbsp;ескеріп,&nbsp;оған&nbsp;бес&nbsp;жыл&nbsp;мерзімге&nbsp;бас&nbsp;бостандығынан&nbsp;айыру&nbsp;жазасын&nbsp;өтеуді&nbsp;кейінге&nbsp;қалдырды», –&nbsp;дейді&nbsp;мекеме&nbsp;бастығының&nbsp;орынбасары&nbsp;Анар&nbsp;Сабиева.Фото: Нұрболат Нұржаубай

Павлодарда балабақша директоры мен бас есепшісі 63 млн теңге жымқырған

<a href="https://kyzylorda-news.kz/">Kyzylorda-news.kz</a> Шыны керек, қоғамда болып жатқан елеулі өзгерістер еліміздің білім беру саласына әсер етіп, нақтырақ айтқанда, мектепке дейінгі білім беру ұйымдарының уақыт талабына сай болуын талап етіп отыр. Осындай талаптардың үдесінен шығып жүрген балабақшалар біздің ауданда да жоқ емес. Солардың бірі – №4 "Шұғыла" бөбекжай-балабақшасы десек жарасады.Бәсекеге қабілеттілікті басты меже етіп ұстанып, елдің білімді де, білікті ұрпағын қалыптастыруды мақсат тұтқан бөбекжай-балабақшаның тарихы 1967 жылдан бастау алады. Орыс тілінде тәлім-тәрбие беретін 140 орындық, екі қабаттық типтік жобада салынған балабақша алғашында "Солнышко" деген атаумен ашылған. Онда оқу-тәрбие процесі орыс тілінде жүргізілді. Екі кіші, төрт жоғары топ болған. 1989 жылы балабақшадағы оқу-тәрбие процесі қазақ тіліне ауыстырылып, №4 "Солнышко" балалар комбинаты №4 "Шұғыла" балабақшасы болып өзгертілді.1997-1998 оқу жылы аралығындағы оңтайландыру саясаты кезінде балабақша жабылып, 1998-1999 оқу жылынан бастап қайта ашылды. Елу жеті жылдық тарихы бар балабақша бүгінге дейін қаншама ұрпақты тәрбиелеп, ел мерейін өсіріп, мәртебесін биіктетер жасампаз жандарды шыңдап, баулып келеді.Бүгінде аталмыш мекеме дамудың даңғыл жолынан өтіп келеді. Өрендердің зердесін ашып, өмірге деген қадамына арқау болған киелі мекенде қазіргі таңда 6 топ жұмыс жасап, 140 бүлдіршін тәрбиеленуде. Мұнда балғындар бес күндік оқу жүйесі бойынша тәлім алады. Бөбекжай-балабақшаны біраз жылдан бері білім беру саласында еңбек етіп келе жатқан білікті басшы Айгүл Ерішова басқарады. Дәл осы ұжымға 2022 жылдан бастап, тағайындалған ол қызметкерлерінің арасында ерекше құрметке ие. Жұмыс барысында талапшыл басшы барлығымен тең тіл табысып, ұжымды алға жетелеп жүрген жайы бар.Бөбекжай-балабақшаның 6 тобында 20-25-тен бала тәрбиеленіп жатыр. Нақтырақ айтсақ, "Балауса", "Айгөлек" сынды екі ересек топта – 25, "Ақбота", "Ертөстік" ортаңғы топтарында – 25, "Қызғалдақ", "Құлыншақ" кіші топтарында – 20 бала балабақшада білім алып, тәрбиешілердің тәлімін санасына сіңіруде. Айтқандай, бөбекжайдың тәрбиешілері тәжірибелі әрі білімді мамандар. Бәрі де, өз ісінің білгірлері. Білім беру ұйымындағы 24 педагог уақытпен санаспай, санаулы ұрпақ тәрбиелеуде тынымсыз еңбек етіп келеді. Олардың 21-інің білімі жоғары, ал, 3-еуі арнаулы орта білімі бар мамандар. №4 "Шұғыла" бөбекжай-балабақшасының басшысы Айгүл Ерішованың айтуынша, мұндағы мамандар балалардың ой-өрісін дамытуда, күнделікті түрлі шара мен бағдарламаларды ұйымдастыруда өте белсенді. Сондай-ақ, ата-аналармен де бірлесе жұмыс жасауға да әбден машықтанған.– Егемен еліміздің талабына сай мектепке дейінгі тәрбие мен білім беру – білімді әрі білікті тәрбиешілердің еншісінде. Заман өзгерген сайын әдіс-тәсілдер көбейіп, жаңарып, толығып жатыр. Бұл ретте біздің мамандар өздерінің біліктілігін жыл сайын жетілдіріп жүр деп айта аламын. Мысалы, біздің ортада 1 басшы-менеджер, 1 педагог зерттеуші, 4 педагог сарапшы, 12 педагог-модератор бар. Санаты жоқ 5, екінші санатты 1 маман да өзгелерден қалыс қалмай қызмет етуде. Олар да, өз кезектілігімен білімін жетілдіруді жоспарлап жүр. Біздегі мамандар балалардың тілін дамытуда, жаңа әдістер мен технологияларды өз тәжірибесінде қолдану үшін үнемі ізденіс үстінде жүреді. Өйткені, &nbsp;жаңа технологияны, әдіс-тәсілдерді тиімді қолданудың үздіксіз тәрбие беру мен білім сапасын арттыруда үлкен септігі бар, – дейді бөбекжай-балабақша меңгерушісі Айгүл Қайыржанқызы.Әрбір топ жеке ойын, жатын бөлмелермен, жұмсақ және қатты жиһаздармен жабдықталған. Топтарда бала өмірін ұйымдастыруды қамтамасыз ететін пәндік дамытушы орталықтар ұйымдастырылған. Санитарлық-гигиеналық талаптар сақталған. Тазарту, жуу залалсыздандыруға қажетті құралдармен де қамтамасыз етілген. Мұнда баланың жас ерекшелігіне сай топтарда ұйымдастырылған іс-әрекетке арналған көрнекілік құралдардың бәрі бар. Балабақша топтарында заттық-кеңістікті дамытушы орталықтар, мектепке дейінгі тәрбие мен оқытудың үлгілік оқу бағдарламасы негізінде баланың жас ерекшеліктеріне байланысты мақсатты бағыттары бар тараулардан тұратын "Физикалық қасиеттерді дамыту", "Коммуникативтік дағдыларды қамту", "Танымдық және зияткерлік дағдыларды дамыту", "Шығармашылық дағдыларын, зерттеу іс-әрекетін дамыту", "Әлеуметтік-эмоционалды дағдыларды қалыптастыру" кіріктіру арқылы жүргізіледі. Заттық-кеңістік дамытушы орта техникалық құрылғылармен, тәжірибелі-іздеу жұмыстарына арналған құралдармен, ізденуге арналған түрлі материалдар, эксперименттеу, коллекция жинақтау жұмыстарына арналған заттармен, көрнекті, дидактикалық материалдармен, ойыншықтармен қамтамасыз етілген. Тәрбиешілердің айтуынша, педагогтардың кәсіби шеберлігін арттыру үшін әдістемелік тұрғыдан жинақталған жабдықтар жұмысты әлдеқайда жеңілдетуде. Электронды көрнекі-әдістемелік құралдар, мультимедиялық, қажетті техникалық құралдар, музыка орталығы, компьютер, ноутбук, планшет, принтер, сканер сынды жабдықтар жұмысты жүйелі етуде көмекке келеді. Тәрбиеленушілердің сұраныстарын ескере отырып, ойыншықтар мен дамытушы ойын түрлері, спорттық жаңа жабдықтар пайдалануға берілді. Сонымен қатар, әр топта көгілдір экранды теледидар бар.Балабақшаның спорттық залы батут, балаларға арналған матрас, кегли, массажға арналған төсеніш, арналған гантель, кольцеброс, скакалка, гимнастикалық таяқшалар, обруч, доп және балаларға арналған заманауи спорттық құрал жабдықтармен жасақталған. Ал, балалардың шығармашылығын шыңдап, ән мен күйге баулитын ән-әуез залында домбыра, жетіген, басқа да ұлттық аспаптар және қазіргі заманауи дыбыс күшейткіш, синтезатор, микрофон, дауыс ұлғайтқыш 3/1, ноутбук, түсті музыка құрылғыларымен жабдықталған.Бөбекжай-балабақшада балалардың жеке дара қабілеттерін қалыптастыруға да жақсы жағдай қарастырылған. Яғни, баланың шығармашылық әлеуетін, танымдық, эстетикалық қабілеттерін дамытуға арналған "Логика" танымдық ойындар, "Жетіген" ән үйірмесі, "Сымбат" би үйірмесі, "Қуыршақ" театры, "Сиқырлы қалам" дәстүрден тыс сурет салу, "Алтын асық" ұлттық ойын, "Тілашар", "Шебер қолдар" атты үйірмелер балаларды үздіксіз шығармашылыққа шыңдап келеді.Бөбекжай-балабақшаға бас сұққанымызда балаларға арналған «Кітаппен жарқын әлемге» атты кітапхана ашылғанын білдік. Онда халық ертегілері, ақын-жазушыларының ертегі-аңыздары, танымдық кітаптар, электронды кітап қоры бар. Сондай-ақ, тәрбиешілерге арналған әдістемелік құралдар, бағдарламалар, міндетті білім беру стандарты мен балабақшадағы топтардың жас ерекшелігіне сәйкес келетін кітаптармен де қамтамасыз етілген.– Жоғарыда айтып өткеніміздей, балабақшаның бір күні екіншісіне мүлдем ұқсамайды. Әсерлі ертеңгіліктер мен көңілді кештер жиі ұйымдастырылады. Оған балалармен қатар, ата-аналар да белсене қатысады. Бұл арқылы балабақша мен ата-аналар арасында байланыстың жақсы жолға қойылғандығы аңғарсақ болады. Бөбекжай-балабақша меңгерушісінің айтуынша, мұнда ата-аналармен бірлесе түрлі кездесу кештері, пікір-сайыстар, дөңгелек үстел жанындағы кеңес, тренингтер, конференция жиі өткізілетін көрінеді. Топтық жиналыстарда ата-аналарға тәрбиеші, психолог, әдіскер, логопед мамандар мен медбикелер кеңес те береді.№4 "Шұғыла" бөбекжай-балабақшасы қауіпсіздігін сақтайтын 22 бейнебақылаумен жабдықталған. Топ бөлмелерінің ауданы тәрбиешілерге және балаларға арналған жұмыс аумағы, оқу көрнекі құралдары және оқытуға арналған техникалық құралдары мемлекеттік санитарлық-эпидемиологиялық қадағалау басқармасының талаптарына сай орналастырылған.– Балабақшада арнайы құрал-жабдықтармен жасақталған логопункт кабинеті бар. Онда 11 ерекше білім беру қажеттіліктері бар балалар оқытылуда. Арнайы логопед маман жұмыс жасайды. Сонымен бірге, мектепке дейінгі тәрбиемен және оқытумен қамтылмаған балалардың ата-аналарына арналған консультациялық пункт те жұмыс жасайды. Мектепке дейінгі жастағы балаларын үйде тәрбиелейтін ата-аналарға балаларды тәрбиелеу, оқыту, дамыту және денсаулығын қорғау бойынша ақпараттық, диагностикалық, консультативтік, үйлестіру-ұйымдастырушылық және әдістемелік көмек көрсетіледі, – дейді бөбекжай-балабақша меңгерушісі Айгүл Ерішова.Балабақша педагогтары өз білімдерін жетілдіріп, түрлі біліктілік арттыру курстарына қатысып жүр. 2023-2024 оқу жылына арналған оқу-тәрбие жұмыстары жоспар бойынша жоғары деңгейде жүргізіліп, нәтижесінде, балабақша педагогтары мен тәрбиеленушілері бүгінге дейін біршама жетістіктерге жетіп үлгерген.Кез келген ел өзінің келешегін өскелең ұрпақпен байланыстыратыны даусыз. Осы мақсат пен мүддеге қызмет етіп, жауапкершілік жүгін арқалаған №4 "Шұғыла" бөбекжай-балабақшасы сенім үдесінен шығуға одан әрі де күш салса, жан-жақты дамыған жас ұрпақ тәуелсіз еліміздің тұғырын биіктерден түсірмесі анық.

Балабақша кезегін қалай бақылауға болады?

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімі «Орта білім беретін үздік ұйым» грантын беруге арналған конкурстың қалалық кезеңіне құжаттарды қабылдау 2024 жылдың 19-сәуіріне дейін жүргізілетіндігін хабарлайды. Аталған&nbsp;байқау 26 сәуір күні қалалық білім бөлімінде өткізілетіндігін хабарлайды.Байқауға қатысушылар комиссияға конкурсқа қатысуға өтінім беруі керек. Сонымен қатар конкурстық комиссияның қарауына қабылдаудың белгіленген мерзімінде тапсырылған құжаттар «Гранттар конкурсы» деген белгі қойылған конвертте қабылданады.Осы қағидалардың 11-тармағында көрсетілген өлшемдерге сәйкес тиісті материалдарды (бұл туралы қосымша барлық білім беру ұйымдарына жолданды) тапсырады.Құжаттарын құжаттар қабылдаудың белгіленген мерзімінен кеш ұсынған білім беру ұйымдары конкурсқа қатысуға жіберілмейді;Тиісті деңгейдің конкурстық комиссиясы ұсынылған құжаттар негізінде конкурсқа қатысушыларды тіркеуді жүргізеді;Конкурстық комиссия ұсынылған материалдарды қарау негізінде жеңімпазды анықтайды және облыстық кезеңге жіберу туралы шешім қабылдайды.Фото: Нұрболат Нұржаубай

«Орта білім беретін үздік ұйым» грантын беруге арналған конкурстың қалалық кезеңі өтеді

<a href="https://kyzylorda-news.kz/">Kyzylorda-news.kz</a> Бүгінде ұстаздың балаға тек қана бағдарламамен сабақ беруі аздық етеді. Алдындағы шәкіртінің сабаққа деген қызығушылығын ояту үшін шығармашылықпен жұмыс істеу керек. Осындай білікті ұстаздың бірі – Серік Ниязов.Ол Қармақшы ауданы, Төретам кентіндегі №80 мектеп-гимназиясында география пәні бойынша ұстаздық етеді. Ұстаздық еңбек өтілі 15 жылды ғана құраса да, жеткен жетістігі біршама. Бұл оның еңбексүйгіштігі мен қызметіне деген адалдығының көрінісі. Серік Ұзақбайұлы өз пәні бойынша сабақ беріп қана қоймай, қоғамдық, ғылыми жұмыстарға да белсенді араласады. Оның әдістемелік құралы мен іс-тәжірибесі республика, облыс, аудан көлемінде таратылған. Түрлі тақырыпты қозғаған 40-тан астам мақаласы мен сабақтары бұқаралық ақпарат құралдарында жарияланған. Өз білімін жетілдіру мақсатында республикадан бөлек, Өзбекстан, Қырғызстан елдеріндегі ғылыми-практикалық семинарға қатысқан. Білікті ұстаз Қазақстан Ресупбликасы Білім және ғылым министрлігінің, Ыбырай Алтынсарин атындағы ұлттық білім академиясының құрмет грамотасын, республикалық деңгейде «Үздік ауыл мұғалімі – 2019» номинациясын иеленген. Онан бөлек, жетістіктер қатарын республикадағы белді жоғары оқу орнының сертификаттары толықтырған. Жаңашыл әрі талапшыл ұстаздың оқушылары да биік белесті бағындырып, топ жарып жүрген озаттар. Ұлттық бірыңғай тестілеу бойынша оқушылары алтын белгі, үздік аттестат иеленсе, таңдау пәні бойынша толық 40 ұпай жинаған шәкірттері де бар. Сондай-ақ озат мұғалімнің оқушылары республикалық, облыстық, аудандық деңгейдегі түрлі байқау, ғылыми жобаны қорғау, олимпиадаларда жүлдегер атануда.Өткен жылы білікті мұғалім мемлекеттерді танып-білудің инновациялық бағдарламасын жасап шығарды. Бұл мемлекеттік тілдегі бірден-бір платформа. Ол барлық заманауи талаптарға сәйкес жасалған. Жалпы платформаның аталуының өзі де ерекше. Ол «Әлемді таны. Серік ағаймен бірге оқы» деп аталады. Қазіргі жеке брендті дамыту деген түсінікпен де тура келіп тұр. Осылайша білікті маман ұстаз деген ұғымның ауқымын кеңейтіп, мәртебесін асқақтатуда айрықша еңбек сіңіруде.&nbsp;<blockquote>– Заман талабы шарықтаған сайын цифрланған білім беру платформалары мен бағдарламаларын талап ету де жоғарылап келеді. Сабақ өтілу барысында білім беруші жаңа сабақ мазмұны ашылатындай көптеген әртүрлі саладағы ақпараттарды пайдалана отырып, ресурстарды жүйелеп әдістемеге қосу қажет. Әрине, бұл көптеген уақыт пен күшті талап етеді, бірақ білім беру саласындағы жетістіктерге жету талабы осы болғандықтан, жаңашылдықпен педагогикалық идеяны &nbsp;орындау керек. География пәні елтану бөлімі бойынша заман талабына сай елдерді, мемлекет туларын, елтаңбаларын, астаналарын, валюталарын танытатын ресурстарға Settera.com., Страны мира, Флаги всех стран, StudyGe.com, тағы басқа платформалар жетерлік. Бұл ресурстар қарапайым әдіс-тәсілдерге қарағанда мультимедиалық, қызығушылық білдіретін білім алушыға тапсырмалар орындау, іздену барысында көмекші құрал бола алады, алайда, қазақ тіліндегі платформалардың болмауы оқушыларға қиындық туғызады. Оқушыларға қолайлылық жасау мақсатында «Әлемді таны, Серік ағаймен бірге оқы» платформасын құрастырып шығардым, – дейді білікті ұстаз.</blockquote>Мақаланы жазу барысында өзіміз де жаңа платформамен танысып шықтық. Расында да өте қызықты. Алар ақпарат көп-ақ. Қызығына батып, біраз уақыттың қалай өткенін де байқамай қалыппыз. Платформаның басты бетіндегі іздеу батырмасы арқылы кез келген елді іздеп, ол туралы ақпарат алуға болады. Сондай-ақ «ойындар» батырмасын басып географиялық білімін толықтыру мақсатында жұмыс жасауға болады.Бұл платформаның басты ерекшелігі кез келген мессенджер арқылы оқушыға жіберіп, оқушы &nbsp;тіркеусіз-ақ қолдана алады. «Әлемді таны, Серік ағаймен бірге оқы» платформасында оқушы елдердің астаналарын, мемлекеттердің басқару формасын, валюталарын, жер көлемін, халық санын анықтауды онай үйрене алады. Сабақ барысында спринт түрінде платформаны телефоннан, интерактивті тақтадан ашып сайыс ұйымдастырып жіберуге қолайлы. Бұл бағдарлама білім алушыларға визуалды ойлауға, есте сақтау қабілетін арттыра отырып, географиялық нысандардың орналасуын оңай әрі тез табуына көмектеседі. Платформаны пайдаланудың оқушыларға пәндік олимпиадаға, ұлттық бірыңғай тестілеуге дайындалуға көмегі көп. Қазіргі кезде жаңартылған мазмұндағы Ұлттық бірыңғай тестілеу сұрақтарына елтану мәліметтері енуде.Бізге тағы бір ұнаған тұсы – бұл платформа тек оқушылар үшін ғана &nbsp;емес, халықаралық қатынаста, саяхаттауда, білім ізденуде, іскерлік байланыста алыс-жақын шет елдерге сапар шегушілерге қажет дүние. – Жалпы платформа қызығушылық танытқандар үшін қолайлы, оны Goоgle Play market жүйесіне орналастырып, бас-аяғы 1 айда 2500-ге жуық адам жүктеп алып жұмыс жасауда. Бұл еліміздегі және шетелдегі қандас бауырларымыздың оқушы балаларына қолжетімді болады деп санаймын. Интерактивті тақтадан пайдаланатын жұмыс нұсқасын шығарып сабақ барысында пайдалануда. Бұл құралдың көмегімен оқу процессін қолдауға, ойын-сайыс өткізуге, сабақ барысында алған білімдерін &nbsp;бекіту жұмыстарын құрастыруға, әрбір білім алушының нәтижелерін қадағалауға болады. Мұнда әр білім алушыға автоматты түрде кері байланыс беру жұмыстары орындалады. Жалпы сабақтың табысты болуы оның құрамдас бөліктерінің мазмұнына, сапасына және білім берушінің осы сабақты қандай жаңашылдықпен, қандай ресурстармен «толтыратындығына» байланысты. Заманауи маман қазіргі болмысына, жұмысына, ахуалына, жетістіктеріне қанағаттанбай, оларды үнемі жақсартуға кемелдендіруге ұмтылуы тиіс. Ізденуден, жаңаны үйренуден, заман талабына сай өзіңді дамытудан тоқтамау қажет, – дейді платформа авторы.Иә, қарап отырсақ, қазір қалтафонсыз тірлігіміз өнбейді. Бар қажетімізге жарап-ақ тұр. Ал оқушыларға қанша тыйым салғанымызбен, олар да оны қолданудан бас тартып жатқан жоқ. Осындайда заман талабына қарай бейімделген де жөн бе дейміз, кейде. Қазақ тіліндегі платформалар көбейсе, оны оқушы емін-еркін тұтынып, білімін арттырып жатса қарсылық білдірмей қолдаған жөн. Ал ондай дүниені ортамызда жүрген білікті ұстаз жасап тұрса нұр үстіне нұр емес пе? Қазақстанда жоқ мұндай платформаны жерлес ұстаздың қолданысқа енгізуі біз үшін зор мақтаныш.

Қармақшылық мұғалім инновациялық бағдарлама ойлап тапты 

&nbsp;<a href="https://kyzylorda-news.kz/">Kyzylorda-news.kz</a>&nbsp; Ұстаз деген ұлы мамандықтың арқалар жүгі тым ауыр. Алайда осы мамандықты игеріп, саналы ғұмырын өзгенің перзентіне білім берумен өткізетін асыл жанның дені нәзікжандылар. Қай білім ордасына бас сұқсақ та, ұстаз қауымының басым бөлігі әйел адам екенін байқаймыз. Ал бала тәрбиесінде ер адамның да орны ерек. Жоғары сыныпқа сабақ беретін ұстаздардың арасында ер азаматтардың бары рас. Ал бастауыш сыныптағы мұғалімдер ортасынан оларды кездестіру қиын. Бірақ, жас өскінге қалам ұстатып, партаға қалай отырудан бастап үйрететін ер ұстаздар да бар екен. Қармақшы ауданында бастауыш сыныпқа жетекшілік ететін жалғыз ер адам бар. Ол Жосалы кенті орталығындағы &nbsp;№121 мектептің мұғалімі Мейрамбек Қанатов.<blockquote>– Бүгінде мұғалім болып жүргенім – бала күндегі арманымның орындалғаны. 1989 жылы 8 сыныпты үздік бітіріп, Мәншүк Мәметова атындағы педагогикалық колледжде білім алдым. 1993 жылы осы мектепке жұмысқа орналастым. Бала арманыма қол жеткізгендегі қуаныш сезімі жауапкершілікпен астасып, қайнаған қазанға қойып кеттік. Міне, биыл осы қызметте табан аудармай жұмыс істеп жүргеніме 30 жыл толыпты. Осы уақыт аралығында өзге пәндер бойынша 2 жоғары оқу орнын бітірдім. Бірақ бастауыш сыныптан басқасына ауысқым келмеді. Бала кезімнен балаларды қатты жақсы көрдім. Бастауыш сынып мұғалімі немесе балалар дәрігері боламын дейтінмін. Сол арман мені осы мамандыққа әкелді, – дейді білікті ұстаз.</blockquote>Айтуынша, ата-аналар бастауыштағы ер мұғалімді көргенде, баласының сынып жетекшісі екенін білгенде таң қалатын да, қуанатын да кездері болады екен. Кейде «жоқ, апай болғаны дұрыс» деп өзге ұстазға ауыстыратын ата-аналар да ара-тұра кездеседі дейді. Расында қоғам бастауыштағы ер мұғалімді қабылдауға дайын емес секілді. Ал тәжірибелі ағай өзінің тәжірибесінде сыныбында ер балалардың көп болатынын алға тартты. Соған қарағанда ұл тәрбиелеп отырған ата-аналар ұстаздың да ер адам болғанын ұнататын секілді.<blockquote>– Бастауыш білім – бәріміз білетіндей, мектеп өміріндегі және онан кейінгі білімнің негізін қалыптастыратын маңызды кезең. Бала осы кезде қалай қалыптасты, кейін сол бағытпен кетеді. Жалпы жауапкершілігі ерекшелеу саналатын білім берудің бұл сатысына ер мұғалімдерді тарту үшін алдымен қоғам қажеттілік тудыруы керек. Атааналар кеудеден итермей, керісінше ер мұғалімге мүдделі болуы керек. Бұл тұрғыда заңдық жағынан да қолдау қажет. Бір ақсақалдан «Сонау соғыс жылдарында бір адамды жай ғана мұғалімдік мамандығы болғаны үшін қан майданнан елге қайтарды. Осыдан 50 жыл бұрын ауылдағы екі-ақ адамда соңғы үлгідегі көлік болатын, оның бірі – мұғалім. Мен үшін мұғалім мәртебесі деген – осы» дегенді естіп едім. Бұдан артық айта алмаймын. Бір қызығы, қандай жағдай болсын оқушыларымсыз, осы қызметімсіз бақытым толыспайтындай көрінеді де тұрады, – дейді кейіпкеріміз.</blockquote>Мейрамбек Қазтайұлы осы жылдар ішінде 7 сыныпқа жетекшілік еткен. Қазір 2-сыныптың сынып жетекшісі. Шәкірттері арасынан «Алтын белгі», «Елбасы медалін» алғандары да бар. «Ауданда барлық мекемеде оқушыларым бар. Барсаң алдымнан құшақ жая қарсы алады. Кез келген жерде мәртебең жоғары. Міне, нағыз ұстаз бақыты деген осы. Жолдасым екеуміз оқуды бірге бітіргенбіз. Ол да 30 жылдан бері балабақшада тәрбиеші. Көпбалалы отбасымыз. Үлкен ұлым мен қызым, келінім мен күйеубалам – ақ халатты абзал жандар. Ал үшінші перзентім менің жолымды таңдап, бастауыш сынып мұғалімі мамандығына жоғары білім алуда. Кішкентайларымыз мектеп оқушысы. Қазір жасым елуден асты. Ендігі арманым – осы мамандығыммен зейнет демалысына шығу» деген ұстаз оқушыларының арқасында демалып келгенін де мақтанышпен жеткізді.Оқушылары «Алтын белгі» алғаны үшін «Бурабай», «Біркөлік» шипажайларына тегін жолдама беріліпті. Бұл да еселі еңбектің нәтижесі. Аудан, облыс көлеміне сабақтар өткізіп, әріптестерімен тәжірибе алмасудың шебері бірнеше түрлі мадақтамамен құрмет төрінен де көрінген. Республикалық газет, журналдарға үздік сабақтары мен айтары бар мақалаларын жариялап тұратын білікті маманнан жас ұстаздардың үйренері көп-ақ.<blockquote>– Бастауыш сынып мұғалімі болу ерекше жауапкершілік. Ол – балалар мен үлкендер әлемінің арасындағы сарапшы. Мұғалімнің еңбегін өзгемен салыстыруға тіпті келмейді, себебі бұл еңбектің жемісі – жан-жақты білімді, рухани тұрғыда жетілген жеке тұлға қалыптастырумен өлшенбек. Мұғалімге отбасы мен қоғам ең қымбаттысын, өз елінің азаматының болашағын, оның тағдырын табыс етеді. Бүгінгі мұғалім қандай болса, ертеңгі болашағымыз да сондай болмақ. Сол үшін үнемі ізденісте, жаңаны игеруге құмар болуымыз шарт. Осыдан 10-15 жылғы мектеп табалдырығын аттаған бүлдіршіндермен салыстырғанда соңғы жылдардағы балалардың ойөрісі мүлде бөлек. Қазіргі балалар заманауи технологияларды жетік білгендіктен бе, танымы бөлек. Қойылған сұраққа нақты жауап бере алады, ойындағысын ашық жеткізеді. Өздерін еркін ұстайды, – дейді Мейрамбек Қазтайұлы.</blockquote>Иә, әріп танымай, қолға қалам ұстамай келген бүлдіршінді үлкен әлемге жетелеу оңай дүние емес. Қарапайым қағидалармен қатар, білім мен тәрбиені қатар меңгерту нағыз шеберлікті талап етеді. Бастауыш сынып оқушылары үшін мұғалім олар еліктейтін, үлгі ететін абыройлы жан. Олар ұстазының бүкіл іс-қимылына, жүріс-тұрысына, сөйлеу мәнеріне, адаммен қарым-қатынасына еліктейді. Сондықтан да жауапкершілігі мол, адал да мейірімді, әділ де парасатты, рухани дүниесі бай педагогтар ғана балаға білім мен тәрбие беріп, оның жан дүниесіне әсер ете алады. Бүгінгі ұстаз шәкіртіне мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеу керек. Ол нағыз ұстаздың ғана қолынан келеді.

Қармақшыда бастауыш сыныпқа жетекшілік ететін жалғыз ер мұғалім бар

<a href="https://kyzylorda-news.kz/">Kyzylorda-news.kz</a> Мектеп табалдырығын кеше ғана бітірген студенттердің жатақхана жайы оқу жылының бас жағында үлкен мәселеге айналған еді. Ауылдағы мектепті тәмамдап, қалаға келгендердің дайын тұрған пәтері жоқ екені сөзсіз. Ал ақысына пәтер жалдап тұрудың өзі табысы жоқ студент үшін оңай тимесі анық. Алыстан келген студенттер пәтер жалдап тұруға ниеттенгені мен пәтер бағасының да шарықтауы жұртшылықтың жағасын ұстатты. Солай әр жерді пана тұтқан студенттердің жайы алаңдаусыз, ескерусіз қалды. Өткен жылы Алматыда 13 студенттің өртке оранған қазасы дүйім жұртты дүр сілкіндірді. Арман қуып үлкен шаһарға келген жандардың арманы сағымға айналды. Олар оқуға емес, құтты бір ажалға беттеп келгендей. &nbsp;Иә, студенттің алаңсыз білім алуы үшін жайлы жатақханамен қамтудың маңызы зор. Жыл сайын жатақхана жетіспеушілігі, жайлы арзан пәтер табу мәселесі студенттердің бас ауруына айналып кеткені қашан. Әсіресе, Алматы, Астана, Шымкент секілді үлкен қалаларда жатақхана жайы бас қатырар мәселеге айналған. Статистикалық деректерге сүйенсек, елімізде 1 миллионнан астам студент білім алады екен. Өткен жылы жаңа оқу жылында жатақханаға мұқтаж студенттердің саны 89 мыңнан асқан болса, биыл жатақхана тапшылығы 70 мыңға жуықтаған. Демек, осыншама студент пәтер жағалап, күн көреді деген сөз.Жатақхана жайлы министрлік не дейді?Жоғарыда айтып өткеніміздей өткен жылы елімізде 89 мың студентке жатақхана жетпеген. Оған бірден-бір себеп солтүстік көрші мемлекетте жаппай мобилизация жарияланып, елімізге келген мигранттардың аса көптігінен пәтер құны аспандап, студенттердің даладағы аулаларда, көшеде, метро, вокзалдарда түнегені туралы ақпараттар желдей ескен болатын. Осы тұста, ғылым және жоғары білім министрлігі жаңа оқу жылына жатақхана тапшылығы қаншалықты деңгейде екенін хабарлаған болатын. Ведомствоның хабарлауынша, биыл елімізде жатақхана орындарына қажеттілік 69 236 орынды құраған. Оның ішінде Алматы қаласында 30 328 орын, Астанада 13 834 орын, Ақмола облысында 3 049 орын жетіспейді. Ал қажеттілік 109 ұйымда, оның ішінде 48 жоғары оқу орнында 61 техникалық және кәсіптік білім беру ұйымында бар. Жыл соңына дейін 10 949 орындық 37 жатақхананы іске қосу жоспарланған болса, бүгінде 3 060 орындық 9 жатақхана пайдалануға берілген. Енді Алматы мен Астана қалалары студенттер мекені десек, бұл қалаларға оқуға түсіп, көкейіндегі арманын мақсатына айналдырып келетін студенттерге министрлік берген жатақхана жете ме?Шетелде барлық жағдай жасалғанЕлімізге көршілес елдерде жатақхана мәселесі әлі де өзектілігін жойған жоқ. Ал батыс мемлекеттерінде бұл мәселе түбегейлі шешімін тапқан. Мысалы, Еуропа немесе АҚШ-тағы жоғары оқу орындарында бірінші келісімшартта студенттің гранты немесе ақылы оқуы туралы анықтама көрсетілсе, екінші келісімшартта жатын орны мен тамақ келісімшарты көрсетіледі. Мәселен, Американың Маями қаласында Халықаралық қатынастар университеті бар.&nbsp; Егер сол оқу ордасына ақылы түрде оқуға түссеңіз, оқу ақысынан бөлек қосымша ақы төлеп жатақханаға орналасасыз. Сол төленген қаржыға үш мезгіл тамақ та кіреді. Яғни, онда сенің білім алуыңа барлық жағдай жасалған деген сөз. Грантқа түссең де, ақылы оқуға түссең де жатақхана бас қатырып, сүмке асынып, жалдамалы пәтер іздеу мәселе емес. Тағы бір айта кетерлігі онда әр бөлмеге жеке дәретхана мен душ бөлмелерін қоспағанда, тіпті тамақтанатын бұрыштар жасалған. Оқу күндерінен тыс арнайы демалатын коворкинг орталықтары мен демалатын, уақыт өткізетін бөлмелеріне дейін қарастырылған. Ал бізде ше? Бізде мүлдем басқа. Қазіргі уақытта біздің елдегі көп жатақаналар кеңес дәуірінен қалған. Бәрі ескі. Онда дәретхана мен душ бөлмелері ескі уақыттағы стандартпен салынған. Жалпы айтқанда жатаханалардың жайы көңіл қуантпайды. Шет елдегі жағдайға қашан жетеріміз беймәлім.<blockquote>– Мен 11 жыл мектеп қабырғасында оқыдым. Алға қойған мақсатым Алматы қаласындағы әл-Фараби ұлттық университетіне оқуға түсу болатын. Солай ұлттық бірыңғай тестілеуге дайындалып, жоғары балл жинадым. Арман қуып, алматыға келдім. Алматы шынында ғашықтар қаласы екенін сездім. Оқу ордасына табан тіреп, қажетті құжаттарымды дайындадым. Оқуға түскендер қатарынан өзімді іздедім. Тізімде бар болғанымда қатты қуандым. Солай өзім армандаған мамандыққа түстім. Бірінші келгенде жатақхана көңіл алаңдатарлық мәселе болды. Жатақхана беріле ме, жоқ па деген көңілдегі күпті ойлар маза бермеді. Бірақ бізге жатақхана берілді. Ал жақын қалалардан келген кейбір студенттер пәтер жалдауға немесе туысқандарының үйінде тұруға мәжбүр болды, – дейді Біржан Бектөреұлы.</blockquote>Шиелідегі ахуалҚазір жатақхана жайы күрделі мәселеге айналғанын айттық. Осы ретте, Шиелі индустриалды-аграрлық колледжінің жатақхана жайын білмек үшін Шиелі индустриалды-аграрлық колледжі директорының орынбасары Бақтияр Дайрақұловпен хабарласқан едік.<blockquote>– Колледж 2017 жылы оқу ғимараттары мен жатақханаға күрделі жөндеу жұмыстары жүргізіліп, білім алушыларға заманауи үлгідегі оқу кабинеттері, зертханалар және 240 орындық жатақхана сапалы білім алуға толығымен жасақталып, жұмыс жасауда. Қазіргі таңда жатақханада елді мекендерден қатынайтын 50-ге жуық білім алушы жатқызылған. Білім алушылар қыздар және ұлдар секциясына бөлініп жатқызылады. Жатақхана ғимаратында білім алушылар үшін барлық жағдай жасалған. Атап айтар болсам, әрбір жатын бөлме, ондағы төсеніш жабдықтары, едендерінде төселген кілемшелер, ас мәзірін әзірлеу үшін құрал-жабдықтарымен тоңазытқыш, газ плитасы, асхана, демалыс бөлмесі, жуынатын душпен қамтамасыз етілген. Сонымен қатар білім алушылар бос уақытында кітапхана қызметін, сауықтыру жұмыстарына арналған спорт зал қызметін пайдаланып, уақыттарын тиімді өткізуге барлық жағдайлар жасалған, – деді.</blockquote>Бүгінгі күні техникалық мамандықты игеруге ниетті әрбір түлекке мемлекет тарапынан қолдау бар. Жыл сайын мемлекеттік тапсырыс көлемі ұлғайып жатыр. Уақыт өте еңбек нарығы мен заман ағымына сәйкес колледж тынысы танымастай өзгеріп, ілгерілеп өсу сатысында дамып келеді. Алғаш ашылған кезде аграрлық бағытта ауыл шаруашылығының кең профильді тракторист-машинист мамандығы бойынша оқытылса, қазіргі таңда аудан көлемінде орналасқан өндіріс орындарынан сұранысқа ие болған 18 мамандық, 28 біліктілік бойынша мамандар дайындап, қанатын кеңге жайып үлгерді. Бүгінде колледжде 2023-2024 оқу жылына 25 оқу тобында 375 талапкер білім алуда. Оның ішінде ер балалар саны – 266 болса, қыз балалар саны – 109.&nbsp;Сөз соңы. Иә, жатақхана жайы түзелмей, бас қатырар мәселенің де түйіні шешілмейтіні белгілі. 30 жылдан астам уақыт өтсе де осы мәселе түбегейлі шешімін таппай келеді. Қиналатын – қара халық, студент пен оны күндіз-түні уайымдайтын ата-анасы. Кешегі орын алған қайғылы жағдай қайта орын алмас үшін, жатақхана жайын қайта ойланған жөн.&nbsp;

Шиеліде 375 студент бар

<a href="https://kyzylorda-news.kz/">Kyzylorda-news.kz</a> Түркістан облысында мектептегі мұғалімдер оқушылардың көзінше жаға жыртыспақ болды. Педагогтер арасындағы жанжал Мақтарал ауданындағы білім ошағында болған. Бұл туралы<a href="https://stan.kz/turkistan-oblisinda-mygalimder-okushilardin-kozinshe-zh-397562/"> Stan.kz</a> ақпарат агенттігі &nbsp;хабарлайды.Желіде тараған видеода мұғалімдер арасындағы дау-дамайдың ұл-қыздардың сабаққа ұлттық киім киіп келгенінен басталғаны айтылған.Педагогтер өз араларындағы түсініспеушілікті осылайша шәкірттерінің алдында шешпек болған. Мәселені оқушылар алдында айтқан мұғалімдер соңында бірін бірі желкелеуге көшкен.Кадрлардан педагогтардың төбелесуден тайынбай тұрғанын байқауға болады. Видеода ұстаздардың бірі оқушылардың ұлттық киіммен отыруына қарсы болды деп өзге әріптесін кінәлайды. Аталған жағдайға қатысты Түркістан облысының білім басқармасы комиссия құрып, тексерісті бастады. Әзірге білім ошағындағы дауға нақты не себеп және оқиғаны қашан болғаны белгісіз."Қазіргі таңда жан-жақты зерделеу үшін Түркістан облысының білім басқармасы мен білім сапасын қамтамасыз ету департамент өкілдерінен тұратын арнайы комиссия құрылды. Тексеру нәтижелері бойынша ҚР қолданыстағы заңнамасы аясында тиісті шаралар қабылданады. Мектеп оқушысына психологтар көмегі көрсетілді", – деді Түркістан облысы білім басқармасы басшысының орынбасары Айгүл Қасымбекова.Айта кетейік, бұған дейін&nbsp;Ақмола облысында бұрынғы мұғалім&nbsp;синтетикалық есірткінің ірі партиясымен ұсталғаны туралы жазған едік.&nbsp;Әйел Солтүстік Қазақстан облысындағы ауылдық мектептердің бірінде 10 жыл мұғалім болып жұмыс істеген, бірақ бірнеше жыл бұрын жұмысын тастап, есірткі қолдана бастаған екен.&nbsp;Фото: Видеодан алынған<figure class="media"><div data-oembed-url="https://youtu.be/Im0guiVDx30"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/Im0guiVDx30" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Мұғалім мен оқушының жанжалы киім үлгісіне байланысты туған ба?

<a href="https://kyzylorda-news.kz/">Kyzylorda-news.kz</a>&nbsp; Кітапхана – ғасырлар бойы келе жатқан биік парасаттылық пен білімділіктің киелі ордасы. Бұл жанға жайлы мекен оқырман мен кітап арасындағы алтын көпір. Ал, кітап пен кітапхананың тіршілігіне жан беретін, ұлттық құндылықтар мен оқырмандар арасын жалғастырушы кітапханашы.&nbsp;Кітапхана – білім мен ғылым ордасы. Бұл демалуға, ойлануға, білім алуға, көкейге құнды дүниелерді тоқуға арналған құтты орын. Кітапхана – ғылым отаны. Осындай, киелі мекенде жұмыс істеп, оқырманның рухани азық алуына айтарлықтай үлес қосып отырған кітапханашының еңбегі орасан зор.&nbsp;Сыр бойындағы ең алғашқы кітапханаХІХ ғасырдың екінші жартысында қазақ халқының мәдени орталығының дамуына елеулі өзгерістер ене бастады. Соның бір айғағындай Қазақстан мен Орта Азияның табиғаты мен тарихын зерттеуді мақсат тұтқан орыс саяхатшылары мен тарихшылары қазақ даласына білім нәрін себетін мәдениет ошақтарын ашуға жанашырлық танытып, ұйытқы болды. Соның жарқын үлгісі 1901 жылдың 2 желтоқсанында ескі Қазалы қаласында Сыр бойындағы ең алғашқы кітапхана өз оқырмандарына есігін айқара ашты. Осы орайда, қазақ даласында жүрген, Россиядан жер аударылып келген орыстардың социал-демократтары көмекке келді. Кітапхана қорына қолда бар әдебиеттерін беріп, қазақ жастарының ұйымдасып ойын-сауық қоюына, одан түскен қаржыға кітаптар сатып алуына мұрындық болды. Кітапхананың қазақ халқы үшін таптырмас білім көзі екенін түсінген қазақ зиялылары кітапхана қорын толықтыруға өзіндік үлестерін қоса бастады. Сөйтіп, алғашқы жылы 437 дана кітап қорымен Қазалы ауданындағы Қазалы қаласында өз оқырмандарын қабылдады. Сол жылдары кітапхананың тұрақты 113 оқырманы болды.&nbsp;Кейінгі жылдары Арал теңізін зерттеуге келген академик А.С.Берг осы кітапханаға арнайы соғып, бірнеше ғылыми әдебиет, Орта Азияға сапар шеккен атақты саяхатшы П.П.Семенов-Тянь-Шанский де Қазалы қаласында болып кітапхана жұмысын жақсарту туралы кітапханашыларға ақыл-кеңес беріп, кейін өзінің жеке кітапханасынан 200-ге тарта кітаптарды қолтаңбасымен сыйға тартқан. Бұл кітаптардың 78 данасы әлі күнге қалалық кітапхананың жанынан ұйымдастырылған «Алтын қор» мұражайында сақтаулы.&nbsp;Осылайша, Сыр бойынан ең алғаш дүниеге келген оқырмандар ордасында кітап қоры жылдан-жылға көбейе түсті.&nbsp;1905-1907 жылдардағы орыс революциясы кезінде кітапхана қызметкерлері белсенділік танытып, патша үкіметі тыйым салған әдебиеттер мен газет-журналдарды жинастырып, тығып ұстады. Кітапхана алдыңғы қатарлы жастар мен зиялы қауым өкілдерінің бас қосатын сүйікті мекеніне айналды. Сондай жастар қатарында Орта Азия мен&nbsp; Қазақстан жастарының жалынды жетекшісі Ғани Мұратбаев, большевиктер секретарларының бірі Вали Семенеев, халық ағарту ісінің үздігі Бердікен Мергенбаев, көп жылдар бойы Ташкент университетінің профессоры болған Фатых Салықұлы Бакиров және басқалар болды.&nbsp;Міне, осылайша дүниеге келген кітапхананың ұлан-ғайыр игілікті істерінің басында кітапхананың ең алғашқы кітапханашысы, 1900-1917 жылдарда еңбек еткен Надежда Николаевна Шалаева жүрді. Кітапхана алғашқы кездері орыс және татар бөлімінен тұрды.&nbsp;Кітапхананың 1917-1956 жылдардағы меңгерушісі болған Уәли Адамовтың еңбегі ерекше. Кітапты жанындай сүйген ғажайып жанның арқасында кітапхана ісі биік-биік белестерге көтеріле білді. Осы жылдар ішінде оқырман мен кітапхана арасындағы байланыс жақсарды, кітап қоры мен оқырман саны көбейіп, кітапханада өткізілетін мәдени-көпшілік жұмыстардың түрлері бой көрсете бастады. Ерінбей-жалықпай іздене отырып кітапхананы білімнің нағыз қайнар бұлағына айналдыра білді. Уәли Адамов – Қазалы ауданындағы кітапханатану ісіндегі ең алдыңғы көшбасшысы болды.&nbsp;1951-1980 жылдар аралығында кітапханада Сейілхан Төлегенов, Жәкеш Төлеповалар еңбек етсе, 1963-1970 жылдар аралығында Жәрмедет Хайруллаев халыққа кітапханалық қызметтің ең озық үлгілерін көрсете білді.&nbsp;1917-1918 жылдарда шағын кітап қорымен Жаңақазалы қыстағында өндірістік кітапхана болды. 1964 жылдан бастап 1975 дана кітап қорымен қайтадан аудандық кітапхана болып іргесі қаланды. Ал, Қазалы қаласындағы кітапхана кітапханалық дәрежесін сақтап қалды.&nbsp;Қазалы аудандық кітапхананың алғашқы меңгерушісі болып 1964-1969 жылдары Ұлбике Үсенова қызмет етсе, 1969 жылдан кітапхана меңгерушілігіне Маржан Қарабалаева келді. Осы жылдар ішінде кітапханада төрт адам халыққа кітапханалық қызмет көрсетті.&nbsp;Жаңару мен жаңғыру1980 жылы елімізде кітапханалардың орталықтандырылуына байланысты аудандық кітапхана Қазалы ауданы көлеміндегі кітапханаларды біріктіретін Қазалы аудандық орталықтандырылған кітапханалар жүйесі болып қайта құрылды. 1998-2015 жылдар аралығында аудандық орталықтандырылған кітапханалар жүйесіне басшы болып Мамық Үржанбекова сайланды. 2015 жылдан Қазалы аудандық орталықтандырылған кітапханалар жүйесінің коммуналдық мемлекеттік мекемесін Назарова Индира Әбілқасымқызы басқарып келеді.&nbsp;Бүгінгі таңда, Қазалы ауданы бойынша 26 көпшілік кітапхана халыққа рухани-мәдени кітапханалық қызмет көрсетеді.Атап айтқанда: Аудандық кітапхана, аудандық балалар кітапханасы, кенттік кітапхана, қалалық, қалалық балалар кітапханасы және 21 ауылдық кітапхана.&nbsp;Қазалы ауданы кітапханаларының әдістемелік оралығы болып табылатын аудандық орталық кітапханада әдістеме-библиографиялық, кітап қорын толықтыру және өңдеу, оқырмандарға қызмет көрсету бөлімі жұмыс жасаса, 2022 жылдың қараша айынан бастап ақпараттық-библиографиялық қамтамасыз ету бөлімі ашылып, қалың оқырманға қызмет көрсетудің мазмұны тереңдеп, тәрбиелік-тағылымдық мәні мен маңызы артып, жүйелі жұмыстар атқарылып келеді.&nbsp;Кітапхана жүйесіне 2005 жылы 2 модульден тұратын РАБИС бағдарламасы енгізіліп, 2006 жылы Интернет жүйесіне қосылды. 2015 жылдан бастап РАБИС бағдарламасы 5 модуль бойынша жұмыс атқарып келеді.&nbsp;Бүгінгі күні Қазалы ауданы кітапханашылары ұдайы ізденіс пен жаңашылдықты жандарына серік етіп, рухани құндылықты насихаттауда сүбелі үлес қосып келеді. Әдістеме – библиографиялық бөлімі жүйе кітапханаларының жұмысын үйлестіріп, жетекшілік етуге бағытталған. Кітапханалар жұмысына талдау жасау, ауылдық филиалдарға әдістемелік көмек көрсетуде жүйелі жұмыстар атқара отырып, инновациялық қызметті басты бағыттары санайды. Бөлім меңгерушісі Зоя Мұстафаева, әдіскерлер Марина Сүйегенова, Гүлсім Нысанбаева.&nbsp;Кітапханалардың кітап қорын жылдан-жылға жаңа әдебиеттермен толықтыруда, облыс орталығынан бөлініп, келіп түскен кітаптарды өңдеуден өткізіп барлық 26 кітапханаға тарату кітап қорын толықтыру бөлімінің негізгі жұмысы болып табылады. Бұл бөлімде бөлім меңгерушісі Мағырипа Елдесбай, кітапханашылар А.Жұбан, М.Ағыбергенова қызмет жасайды. Ақпараттық-библиографиялық қамтамасыз ету бөлімі анықтамалық аппаратты жетілдіре отырып, атаулы күндер күнтізбесі, әдебиеттер тізімі, реферативтік журналдар, библиографиялық көрсеткіштер мен әдістемелік құралдар әзірлейді. Аталмыш бөлімде бөлім меңгерушісі А.Орынбай, библиограф А.Назарова, редактор М.Төлеу қызмет жасайды. Қазалы аудандық орталық кітапханада оқырмандарға қызмет көрсету бөлімі жұмыс жасайды. Көпшілік оқырманның кітап қорымен танысуына, қажетті әдебиетімен сусындауына, оқырманның сұранысын зерттеп, зерделеу, жоспар бойынша оқырмандармен мәдени-рухани шараларды ұйымдастыруда, түрлі танымдық-тағылымдық кездесулер мен жаңа кітаптың тұсаукерін өткізуде жұмыстар атқарып келеді. Бұл бөлімде бөлім меңгерушісі С.Бекмамбетова, кітапханашылар А.Айтжанова, Г.Махамашова, П.Ниязымбетова, Г.Прімбетова, Н.Әжіғұлова оқырмандармен тығыз байланыста қызмет жасайды.&nbsp;Кітапханалық қызметтің бір бөлігін Қазалы аудандық балалар кітапханасы құрайды. Бөлім меңгерушісі Ж.Көмекбаева, кітапханашылары Г.Тұрғамбаева, З.Ашербекова, Д.Алдақияровалар жас балғындар үшін танымдық шаралар өткізіп, түрлі тақырыптарда кітап көрмелерін ұйымдастырып, балалардың ой- өрісінің дамуына, қажетті әдебиеттерімен сусындауына бағыт-бағдар беріп отырады. Сонымен қатар, балалардың қолымен жасалған түрлі тақырыптағы суреттері мен қолынан жасалған бұйымдарына арналған арнайы көрме ұйымдастырылған. Облыста, ауданда өткізілетін қандай да бір рухани-мәдени шараларға белсенділікпен атсалысып, өз үлестерін қосып жүрген қалалық, қалалық балалар, кенттік, ауылдық округтердегі кітапхана қызметкерлерінің әрбірінің кітапханалық қызметінің ерекше екендігін атап өтуге болады. Атап өтсек, қалалық кітапхана меңгерушісі Ж.Сейталиева, Н.Қожанова, Ж.Абдирова, Ж.Ерімбетова, қалалық балалар кітапханасының меңгерушісі Т.Мырзалиева, Э.Шәмет, Қ.Садирова, кенттік кітапханада Г.Өтеп, Э.Жолтаева көпшілік оқырманның оқуына, олармен өткізілетін түрлі шаралардың өз дәрежесінде өтуіне бір кісідей атсалысып келеді. Әрбір ауылдық кітапханашы да оқырманға кітапты насихаттауда, рухани-мәдени шаралар ұйымдастыруда жұмыстар жүргізіп келеді. Ұлттық құндылықтар мен өлке тарихының тұрақты жинақталуы, ақпараттық ортаның қалыптасуы, әрбір оқырманның сұранымының табылып, кітапхана қорының сапалы, жан-жақты ізденіспен табылып, заманауи талаптар биігінен көрінуіне Рухани орталық шырақшыларының қосып жүрген үлесі осындай.

Руханият ордасы оқу мен өнерге баулиды

<a href="https://kyzylorda-news.kz/">Kyzylorda-news.kz</a>&nbsp; Ерекше балаларды қорғау, қоғамға бейімдеу және қолдан келетін мүмкіндіктерді жасау үшін қолайлы жағдай тудыру керек. Сондықтан, оларды бала кезінен бастап, келешек өмірге бейімдеу, өздерін еркін сезіну үшін ыңғайлы орта қалыптастыру – білім беру ұйымдарының, әлеуметтік-тұрмыстық бейімдеуге бағытталған жаттықтыру орталықтарының міндеті болып табылады.&nbsp;Осыған орайда жуырда, әдістемелік кабинеттің іс-шаралар жоспары аясында Қазалы ауданы, Қожабақы ауылы, 25 орта мектепте ерекше білім беруді қажет ететін балаларды оқытуда ұлттық құндылықтар негізінде тиімді әдіс-тәсілдерді жетілдіру мақсатында «Ұлттық құндылықтар негізінде инклюзивті білім берудің тиімді әдіс-тәсілдері» тақырыбында әдістемелік семинар-практикум өтті.&nbsp;Семинар барысында «Ұлттық құндылықтар-ұлт мақтанышы» тақырыбында 25 орта мектептің дефектологы Суханова Мира, «Инклюзивті оқыту: білім баршаға ортақ» мұғаліммен жұмыс аясында 238 орта мектептің дефектологы Исатаева Бакжан, «Ұлттық дәстүрдегі отбасылық құндылықтарды дәріптеу» ата-анамен жұмыс жайында 25 орта мектептің дефектологы Шалабаева Марал тәжірибелерімен бөлісті.&nbsp;Әр көрсетілген жұмыстан кейін қатысушылар пікір білдіріп, кері байланыс жасалды.&nbsp;<img src="https://knadmin.beoblood.kz/uploads/3f76b9b1_addc_4523_87df_e2d5ace3d595_0ce50ba2db.jpg" alt="3f76b9b1-addc-4523-87df-e2d5ace3d595.jpg">

Қазақстан және Қызылорда облысының жаңалықтары: Білім