<a href="https://kyzylorda-news.kz/">Kyzylorda-news.kz</a> Қазіргі білім беру жүйесінің басты мақсаты – сапалы білім берумен қатар, оқушының тұлғалық дамуына жағдай жасау, шығармашылық және сыни ойлау қабілетін қалыптастыру, заманауи талаптарға сай бәсекеге қабілетті ұрпақ тәрбиелеу болып табылады. Осы орайда педагогтердің кәсіби шеберлігін арттыру, басқарушы кадрлардың тәжірибе алмасуын жолға қою, оқу үдерісіне инновациялық әдістерді енгізу ерекше маңызға ие. Білім сапасын арттырудың осындай тиімді тетіктерінің бірі – тәжірибелік және ашық сабақтарды жүйелі түрде ұйымдастыру.Білім басқармасының тапсырмасына сәйкес Жаңақорған ауданының білім бөліміне қарасты жалпы білім беретін мектептерде 2025 жылдың 10-25 желтоқсан аралығында мектеп директорларының қатысуымен ашық сабақтар өткізу кезеңі басталды. Аталған іс-шара YouTube платформасы арқылы тікелей эфир форматында ұйымдастырылып, бұл өз кезегінде тәжірибені кең ауқымда таратуға, педагогтер арасында ашық кәсіби байланыс орнатуға мүмкіндік берді.Іс-шараның басты ерекшелігі – ашық сабақтарды тікелей мектеп директорларының өткізуі. Бұл басқарушы кадрлардың тек әкімшілік емес, педагогикалық үдерістің де белсенді қатысушысы екенін көрсетіп, ұжымға үлгі бола білді. Сабақ барысында директорлар оқу үдерісін тиімді ұйымдастыру, сабақ құрылымын дұрыс жоспарлау, заманауи оқыту әдістерін қолдану және оқушылардың танымдық белсенділігін арттыру бағытында өздерінің жинақтаған тәжірибелерімен бөлісті.Ашық сабақтарда оқытудың инновациялық тәсілдері кеңінен қолданылды. Атап айтқанда, сын тұрғысынан ойлау технологиясы, саралап оқыту, жобалық жұмыс, топтық және жұптық жұмыс әдістері, кері байланыс пен қалыптастырушы бағалау элементтері сабақ мазмұнымен үйлесімді түрде енгізілді. Сонымен қатар, цифрлық білім беру ресурстары, интерактивті платформалар, мультимедиялық құралдар тиімді пайдаланылып, оқушылардың сабаққа қызығушылығын арттыруға басымдық берілді.Сабақтардың тағы бір маңызды қыры – оқушының жеке қабілетін дамытуға бағытталған әдістердің қолданылуы. Мұғалімдер әрбір оқушының деңгейін, қызығушылығын және оқу қарқынын ескере отырып, тапсырмаларды саралап ұсынды. Бұл тәсіл оқушылардың өз мүмкіндігін көрсетуіне, еркін ой айтуына және белсенді қатысуына жағдай жасады. Аталған ашық сабақтарға аудан мектептерінің үздік педагогтері де қатысып, сарапшылық жасады. Сабақ соңында кәсіби пікір алмасу ұйымдастырылып, тиімді әдістер, жетілдіруді қажет ететін тұстар және тәжірибеде қолдануға болатын тың идеялар ортаға салынды. Мұндай кәсіби диалог педагогтердің өзара үйренуіне, тәжірибе алмасуына және әдістемелік деңгейінің өсуіне оң ықпал етті.YouTube каналы арқылы тікелей эфирде көрсетілуі – іс-шараның қолжетімділігін арттырып, басқа мектептердегі педагогтерге де ашық сабақтарды тамашалап, өз жұмыстарына қажетті тұстарын алуға мүмкіндік берді. Бұл формат уақыт пен кеңістікке тәуелділікті азайтып, білім беру саласындағы үздік тәжірибелердің кеңінен таралуына жол ашты.Жалпы алғанда, ұйымдастырылған ашық сабақтар мектептер арасындағы ынтымақтастықты нығайтып, басқарушы кадрлардың педагогикалық шеберлігін арттыруға, оқу үдерісін жаңаша ұйымдастыруға және білім беру сапасын жаңа деңгейге көтеруге ықпал етті. Мұндай тәжірибелік сабақтар алдағы уақытта да жүйелі түрде жалғасын тауып, білім сапасын арттырудың тиімді алаңына айналады деп күтілуде.<img src="https://knadmin.beoblood.kz/uploads/Whats_App_Image_2025_12_18_at_14_11_19_2_536d8c30c2.jpeg" alt="Тәжірибелік сабақтар.jpeg">

Тәжірибелік сабақтар – тәжірибе алмасудың тиімді жолы

<a href="https://kyzylorda-news.kz/">Kyzylorda-news.kz</a> Еуропалық әрі заманауи үлгіде жасалған қоршаулар бүгінде жоғары сұранысқа ие. Жергілікті тұрғындар да аулаларын еуро қоршаулармен қоршауға ерекше мән беруде. Тереңөзек кентінің тұрғыны Шакизат Байділдаев осы бағытта жаңа кәсіп түрін игеріп, жеке бизнесін дамытып келеді. Жас кәсіпкер өз қаражаты есебінен тың жобаны іске қосып, кәсібіне серпін берді.Осы бағытта Тереңөзек кентінің тұрғыны Шакизат Байділдаев жаңа кәсіп түрін игеріп, өз ісін табысты жүргізіп келеді. Жас кәсіпкер еуро қоршаулар өндірісін жолға&nbsp;қойып, бүгінде төрт адамды тұрақты жұмыспен қамтып отыр.Кәсіп иесі тек Тереңөзек кентінің ғана емес, көршілес Жалағаш ауданы тұрғындарының да сұранысын қанағаттандыруда. Қоршау дайындауға қажетті негізгі шикізат Ақтөбе және Шымкент қалаларынан жеткізіледі. Ал арнайы химиялық қоспаларды пайдалану арқылы бетон қоршаулардың бірнеше түрі әзірленеді.Өндіріс барысында бірнеше заманауи аппарат қолданылып, нәтижесінде сапалы әрі 20 жылға дейін жарамды еуро қоршаулар дайындалады.<blockquote>– Күн сайын технология дамыған сайын қоғам өмірінде елеулі өзгерістер орын алуда. Осыдан бірнеше жыл бұрын тұрғындар аулаларына түрлі қоршаулар орната бастады. Ал бүгінгі таңда заман талабына сай, сәнді әрі сапалы қоршауларға сұраныс артты. Тұрғындар ауласының көркем әрі жинақы болғанына ерекше мән береді. Біз де осы бағытта кәсіп ашып, жұмысымызды жолға қойдық.&nbsp;Осылайша, біз еуро қоршаулар өндірісіне ден қойып, жеке кәсіпті дамытып келеміз.</blockquote>Кәсіпті алғаш бастаған кезде қажетті құрылғыларды сатып алуға 3–4 миллион теңге көлемінде қаржы жұмсалды. Қазіргі таңда бетон қоршаудың нарықтағы бағасы бір панель үшін шамамен 26 мың теңгені құрайды. Ал ұзындығы 25 метр болатын, биіктігі 2 метр еуро қоршауды орнату құны 300 мың теңгеден жоғары бағаланады. Бұл бағаға қоршауды жеткізу мен аулаға орнату қызметі де кіреді.Айта кетейік, еуро қоршау жасатуға ниетті тұрғындарға арнайы жеңілдіктер де қарастырып келеміз, – дейді жас кәсіпкер.

Тереңөзектегі тың кәсіп

<a href="https://kyzylorda-news.kz/">Kyzylorda-news.kz</a> Қоғамдағы тұрақтылық пен қауіпсіздік – ел дамуының негізгі тіректерінің бірі. Құқықбұзушылықтың алдын алу, қоғамдық тәртіпті сақтау, азаматтардың заңға деген құрметін арттыру – мемлекеттің ғана емес, тұтас қоғамның ортақ міндеті. Осы мақсатта еліміздің барлық өңірлерінде жүйелі түрде түрлі профилактикалық және түсіндіру шаралары ұйымдастырылып келеді. Соның ішінде, құқықтық мәдениетті нығайтуға бағытталған «Қылмыссыз өңір – кемел келешек кепілі» жобасының маңызы ерекше.Аталған жоба аясында Жаңақорған ауданы прокуратурасының үйлестіруімен құқықбұзушылықтың алдын алуға бағытталған бірқатар маңызды профилактикалық және түсіндіру іс-шаралары өткізілді. Шаралардың негізгі мақсаты – тұрғындар арасында заң талаптарын кеңінен түсіндіру, қоғамдық тәртіпті нығайту, тұрмыстық және өзге де құқықбұзушылықтардың алдын алу, сондай-ақ халық пен мемлекеттік органдар арасындағы өзара сенімді арттыру болды.Өткізілген кездесулерге аудан әкімінің орынбасары Бектас Балғабайұлы, ауылдық округ әкімдері, сондай-ақ жергілікті учаскелік полиция қызметкерлері қатысып, тұрғындармен тікелей байланыс орнатты. Бұл өз кезегінде халықтың көкейіндегі мәселелерді ашық айтуына, ұсыныс-пікірлерін білдіруіне мүмкіндік берді.Атап айтқанда, түсіндіру жұмыстары Жаңарық, Машбек, Көктөбе ауылдық округтерінде кең көлемде ұйымдастырылды. Әрбір елді мекенде кездесулер ашық диалог форматында өтіп, тұрғындармен еркін әңгіме жүргізілді. Кездесу барысында қоғамдық тәртіпті сақтау, ұсақ және тұрмыстық құқықбұзушылықтардың алдын алу, отбасындағы зорлық-зомбылыққа жол бермеу, жастар арасында құқықтық мәдениетті арттыру мәселелері жан-жақты талқыланды.Шара барысында сөз алған аудан әкімінің орынбасары Бектас Балғабайұлы қылмыссыз қоғам қалыптастыруда әрбір азаматтың жауапкершілігі жоғары екенін атап өтті. Ол қоғамдық тәртіпті сақтау тек құқық қорғау органдарының ғана емес, барлық тұрғындардың ортақ ісі екенін, бірлік пен өзара түсіністік болған жағдайда ғана қауіпсіз әрі тыныш орта қалыптасатынын жеткізді.Сонымен қатар ауылдық округ әкімдері мен учаскелік полиция қызметкерлері өз сөздерінде заң талаптары, әкімшілік және қылмыстық жауапкершілік мәселелері бойынша нақты түсіндірмелер берді. Тұрғындарға құқықбұзушылық жасаған жағдайда қолданылатын шаралар, азаматтардың өз құқықтары мен міндеттері туралы ақпарат ұсынылды. Бұл түсіндірулер тұрғындардың құқықтық сауаттылығын арттыруға бағытталды.Жиын аясында ауыл ақсақалдарымен және жеке кәсіпкерлермен бөлек кездесулер ұйымдастырылды. Ақсақалдар қоғамдық тәртіпті сақтауда өздерінің өмірлік тәжірибесі мен беделінің маңызын атап өтіп, жастар тәрбиесіне қатысты ой-пікірлерін ортаға салды. Ал кәсіпкерлер өз кезегінде ауылдағы әлеуметтік ахуал, жұмыс орындарын ашу, жастарды еңбекке тарту арқылы құқықбұзушылықтың алдын алу жөнінде ұсыныстарын білдірді.Тұрғындар тарапынан «ішімдіксіз ауылдар» бастамасын кеңейту мәселесі де көтерілді. Бұл бастаманың ауыл өміріне оң әсер етіп отырғаны айтылып, қоғамдық тәртіптің нығайғаны, ұсақ құқықбұзушылықтардың азайғаны атап өтілді. Көпшілік бұл бағыттағы жұмыстарды одан әрі жалғастыру қажеттігін қолдап, өз ұсыныстарын жеткізді.Жиындар барысында тұрмыстық құқықбұзушылықтың алдын алу, азаматтардың қауіпсіздігін қамтамасыз ету, құқық қорғау органдарына дер кезінде хабарласу, даулы мәселелерді заң аясында шешу жолдары бойынша нақты түсіндірулер берілді. Сонымен бірге, мемлекеттік органдар мен халық арасындағы өзара байланысты күшейтудің маңыздылығы ерекше атап өтілді.Қорытындылай келе, «Қылмыссыз өңір – кемел келешек кепілі» жобасы аясында өткізілген бұл түсіндіру жұмыстары тұрғындар үшін пайдалы әрі өзекті болды. Мұндай кездесулер қоғамда заңға деген құрметті арттырып, азаматтардың құқықтық мәдениетін қалыптастыруға, өңірде қауіпсіз әрі қолайлы орта құруға оң ықпал етеді. Алдағы уақытта да жоба аясындағы жұмыстар жүйелі түрде жалғасып, қылмыссыз қоғам құру жолындағы ортақ мақсатқа қызмет ететініне сенім мол.&nbsp;

Жаңақорған: профилактикалық және түсіндіру жұмыстары дәстүрлі түрде жүргізіліп келеді

<a href="https://kyzylorda-news.kz/">Kyzylorda-news.kz</a> Күнделікті тұтынатын тамақтардың қатарында нанның рөлі жоғары. Нансыз қазаққа ас батпайды. Нан – береке, нан – байлық. Ауданда адал кәсіп пен ерінбей еңбек етуді мақсат еткен азаматтар аз емес. Еткен еңбегі арқылы көпке пайдасы тиіп жүргендердің бірі – Айбол Бекболұлы.Ол кент орталығынан шағын наубайхана ашып, адал бейнетті серік еткеніне 10 жылға жуықтапты. Әуелі наубайханада көмекші, сонан соң таратушы, сатушы болып жұмыс істеген. Кейіннен нанды илеп, пісіру әдістерін өзбек ағайындардан үйреніп, жасай бастайды. Бұл тұрғыда Айболдың қарекетіне көз сүйсінеді. Алғашында сұраныс аз болғанымен, біршама уақыттан соң тандырда піскен қытырлақ нанға тапсырыс берушілер саны артқан. Табанды еңбектің арқасында бүгінде кент тұрғындары арасында «Айболдың тәтті тоқашы» деген әңгіме желдей есіп жүр.<blockquote>– Қазақ «Ас атасы – нан» дейді ғой. Расыменде әр қазақтың дастарханының төрінде нан тұрады. Бұл кәсіпке кездейсоқ келгенім жоқ. Ең алдымен орталық базарға тандырнан тасушы болдым. Сол кездерде өзбек ағайындардың жанында жүріп жасалу әдісін үйрендім. Қызығушылығымның арқасында, өзім де тәуекелге бел байлап, арнайы пеш дайындап жұмысқа кірістім. Аллаға шүкір, қазіргі таңда күнделікті орта есеппен 1000-ға жуық, кейде одан да жоғары нан ¬дайындаймын, – дейді іскер жігіт.</blockquote>Бұл шағын наубайхана отбасылық кәсіп десек те болады. Себебі мұнда кейіпкеріміздің жары Ұлжан да нанды ¬илеумен қатар, оның бетіне түрлі ою-өрнектер жасайды.Тұтынушылардың талғамынан шығу мақсатында өнімнің санына емес, сапасына баса мән береді. Күн-түн демей еңбек етеді.Осылайша иленген нан, таңертең сағат 4-тен бастап пешке салынады. Сонан соң таңмен таласа аудан орталығындағы және кентке жақын ауылдағы дүкендерге пештен жаңа шыққан нан ыстықтай жөнелтіледі.Байқағанымыздай, ауданда кәсіпкерлік нысандар уақыт өткен сайын көбейіп келеді. Өйткені, өлкеде жеке іс бастаймын дегендерге жағдай жасалған. Мемлекеттен де, жергілікті билік тарапынан да тиісті қолдау көрсетіледі. Тек талпыныс болса, болғаны.Алдағы уақытта Айбол Бекболұлы да осы бағдарламалар игілігін көрсем деген ниеті барын жасырмады.<blockquote>– Иә, әрине қазіргі таңда мемлекет тарапынан қолдау көп. Алдағы уақыттары сол жобаларға қатысып, кәсібімді кеңейтіп, өркендеткім келеді. Наубайхана жұмысының алға басуына да себепші – халық. Өнімімді мақтап, тұрақты тұтынушыларыма айналған тұрғындарға алғысым шексіз. Көпшілігі жұмысың ауыр ғой деп жатады. Алайда несібе өздігінен келе бермейтінін түсінсек, адал еңбек ғана табысқа жетелейді. Осы сөздер жастайымнан санама сіңгендіктен болар, бейнеттен қашпай, еңбегім ел игілігіне жарап тұрғанына қуаныштымын, – дейді кейіпкеріміз.</blockquote>Дана халқымыз «Еңбек – ерлікке жеткізеді, ерлік – елдікке жеткізеді», «Еңбегі аздың – өнбегі аз, еңбегі көптің – өнбегі көп» деген тәмсілді сөз бар. Адамның көзін ашқаннан бастап, белі бүгілгенге дейінгі аралықтағы өмірі тұтастай еңбек етуге, саналы ұрпақ тәрбиелеуге, ұрпағына тәлім-тәрбие мен жан-жағына үлгі-өнеге қалдыруға құрылады екен. «Адал еңбекпен мал іздемек – ол арлы адамның ісі» деп ойшыл Абай Құнанбайұлы өсиет еткендей, адал еңбекпен есейіп келе жатқан Айбол Бекболұның жұмысына мол табыс тілейміз.Мейіржан ИБРАГИМОВФото: автордікі

Айбол Бекболұлы: "Наубайхана жұмысының алға басуына себепші – халық"

<a href="https://kyzylorda-news.kz/">Kyzylorda-news.kz</a> Ауданда биылғы жылға жоспарланған бірнеше инфрақұрылымдық жоба сәтті жүзеге асып келеді. Бұл жобалар – халыққа қолайлы жағдай жасап, ауданның әлеуметтік-экономикалық дамуына серпін беруді көздейді. 10 айдың қорытындысы бойынша «Ауыл – ел бесігі» жобасы аясында бірқатар маңызды әлеуметтік нысан бой көтеріп, толықтай пайдалануға берілді. Бұл туралы аудандық құрылыс, сәулет және қала құрылысы бөлімі басшысының міндетін атқарушы Нұршат Бағдатұлы хабарлады.Кентте спорт кешені салынды&nbsp;Аудан орталығында салынған жаңа спорт кешені тұрғындардың салауатты өмір салтын ұстануына мүмкіндік бермек. Жобаның жалпы құны – 363,2 млн теңге. Құрылыс жұмыстары үшін бас мердігер – «Алтын Айдарлы» ЖШС-мен келісімшарт жасалды. Жобаны «Гранд Тауэр Сервис» ЖШС авторлық, ал «МунайГаз Инжиниринг» ЖШС техникалық жағынан қадағалады. Құрылыс 100% аяқталып, нысан халық игілігіне берілді.&nbsp;Бестам ауылында 150 орындық клуб пайдалануға берілмек&nbsp;Сонымен қатар Бестам ауылында 150 орындық жаңа клуб салынды. Бұл жоба да «Ауыл – ел бесігі» бағдарламасы аясында жүзеге асып, ауыл тұрғындарының мәдени өміріне серпін беретін маңызды нысанға айналмақ. Құрылыс жұмыстарының жобалық құны – 460,6 млн теңге. Бас мердігер ретінде «СК Дәнекер» ЖШС жұмыс атқарса, авторлық бақылаушы – «ПроектСервис» ЖШС, техникалық қадағалаушы – «ARTERIA» ЖШС болды. Жоба 439,8 млн теңгеге орындалып, бүгінгі таңда құрылыс жұмыстары толығымен аяқталған. Бұл нысандардың іске қосылуы ауданның әлеуметтік инфрақұрылымын дамытуға серпін беріп, жергілікті тұрғындардың өмір сүру сапасын арттыруға зор үлес қосады. Мұндай жобалар алдағы уақытта да жалғасын табатын болады.Инфрақұрылымдық жұмыстар жүйелі жүргізілудеЖалпы ауданда тұрғындарға қолайлы жағдай жасау мақсатында бірнеше маңызды инфрақұрылымдық жоба жүзеге асырылуда. Ауданның шығыс аймақтары мен Ақорда аумағында жүргізілген құрылыс жұмыстары тұрғындардың өмір сүру сапасын жақсартуға бағытталған.Сонымен қатар Шиелі кенті Т.Рысқұлов көшесіндегі No19 мекенжайға автотұрақ салынды. «Милениум Строй» ЖШС атқарған құрылыс 67,8 млн теңгеге бағаланды. Белгіленген мерзімнен кешіккені үшін мердігерден 1,5 млн теңгеден астам айыппұл өндірілді. Қазіргі таңда бұл нысан да ел игілігіне берілді. Бұдан бөлек, Шиелі кентінің шығыс аймақтарына инфрақұрылым жүргізу жұмыстарының 1-кезеңі басталды. Атап айтқанда, жол белгілеу жұмыстары «Шиелі Жолшы» ЖШС тарапынан жүзеге асырылуда. Жалпы жоба құны 312,5 млн теңге болса, 2025 жылға 124,8 млн теңге қаралған. Қараша айының өзінде 40 млн теңге игерілді.Сонымен бірге Ақорда ауданындағы тұрғын үйлердің инфрақұрылымына қатысты сметалық құжаттамаға түзету енгізіліп, құрылыс жұмыстары басталды. Мемлекеттік сатып алу нәтижесінде бас мердігер ретінде «Нур-Талап и К» ЖШС таңдалды. Жобаның авторлық қадағалаушысы – «Нур Жол Проект» ЖШС, техникалық қадағалаушы – «BSP CONSULTING» ЖШС. Жалпы құны 48,5 млн теңге болатын жоба толық аяқталып, нысан пайдалануға берілді.&nbsp;Сумен қамту – бірінші кезекте&nbsp;Шиелі кентінің шығыс аймақтарына инфрақұрылым тарту жұмыстарының бірінші кезеңі – сумен жабдықтау жүйесімен қамтамасыз ету. Аталған жоба 2025 жылдың ақпан айында басталып, мемлекеттік сатып алу жұмыстары толық аяқталды.Бас мердігер – «Ансар-сервис» ЖШС. Жобаның авторлық қадағалаушысы – «ВИБО-строй» ЖШС, ал техникалық қадағалаушы – «Flatiron Building» ЖШС. Жалпы жоба құны 210,0 млн теңге болса, аудандық бюджеттен 17,2 млн теңге бөлініп, толығымен игерілді.&nbsp;Тұрақты даму – басты мақсат&nbsp;Аталған жобалар ауданның әлеуметтік инфрақұрылымын жетілдіріп, тұрғындардың қажеттіліктерін өтеуге бағытталған. Аудан әкімдігі мен мердігер ұйымдардың тығыз қарым-қатынасы, қадағалау құрылымдарының бақылауы арқасында жұмыстар сапалы әрі уақытында атқарылып отыр. Шиелі өңірі алдағы уақытта да осындай игі істермен жаңғырып, тұрғындарға жайлы орта қалыптастыру жолында табысты қадамдар жасауда.Маңызды нысандар күрделі жөндеуден өтудеМемлекеттік кірістер департаментінің Шиелі аудандық басқармасының ғимаратына ағымдағы жөндеу жұмыстары жүргізілді. Мердігер «АК-ЮГ ҚҰРЫЛЫС» ЖШС-мен жасалған келісімшарт аясында 18,6 миллион теңге игеріліп, құрылыс толық аяқталып, нысан пайдалануға берілді. Сондай-ақ Шиелі кенті, Абай көшесі No28 үйде орналасқан спорт кешеніне күрделі жөндеу жұмыстары жүргізілуде. 2025 жылдың сәуір айында мемлекеттік сатып алу рәсімдері аяқталып, бас мердігер ретінде «СК ЛИРА» ЖШС-мен келісімшарт жасалған. Жобаның авторлық қадағалаушысы – «Проектная группа «НЕО»» ЖШС, техникалық бақылаушы – «Atlant Engineering» ЖШС. Жалпы жобаның құны 249,9 млн теңге. Аудандық бюджеттен 50 млн теңгеден астам қаражат бөлініп, қазіргі уақытта құрылыс жұмыстары белсенді жүргізілуде.&nbsp;22-бекет газбен қамтылды&nbsp;Сонымен қатар өткен жылы тамыз айында Шиелі ауданына қарасты 22-бекет елді мекенінде орамішілік газ тарату желілерін салу жұмыстары басталған болатын. Бас мердігер – «Дос Строй Проект» ЖШС, келісімшарт 10.08.2024 жылы бекітілген. Жобаның авторлық қадағалаушысы – «AES and Limited» ЖШС, техникалық қадағалаушы – «СтандартСтройСервис LTD» ЖШС. Жалпы құны 34,4 млн теңге болатын құрылысқа 2024 жылы аудандық бюджеттен 30 млн теңге, ал 2025 жылы 4,4 млн теңге бөлініп, наурыз айында барлық жұмыстар толығымен аяқталып, нысан пайдалануға берілді.&nbsp;69 заңсыз кәсіпкерлік нысан анықталды&nbsp;2025 жылғы 23 қыркүйекте Қызылорда облысының мемлекеттік сәулет-құрылыс бақылауы басқармасына Шиелі ауданы аумағында жүргізілген мониторинг нәтижесінде заңсыз салынған 69 кәсіпкерлік нысан туралы ақпарат жолданды.Анықталған бұл нысандардың ешбірі құрылыс- монтаж жұмыстарына рұқсат құжаттарынсыз салынғаны белгілі болды. Бұл — «Қазақстан Республикасындағы сәулет, қала құрылысы және құрылыс қызметі туралы» Заң талаптарына қайшы. Аталған заңсыз құрылыстар бойынша тиісті шаралар қабылдау мақсатында басқарма тарапынан тексерулер жүргізіліп, нысан иелеріне әкімшілік жауапкершілікке тарту, құжаттарды заңдастыру, жою немесе қайта жобалау сияқты талаптар қойылатын болады. Мұндай жұмыстар тұрғындар мен кәсіпкерлер арасында құрылыс саласындағы құқықтық мәдениетті арттыруға және қауіпсіздікті қамтамасыз етуге бағытталған. Бақылау шаралары алдағы уақытта да тұрақты түрде жалғасын табады.Г.ЯхияФото: автордікі

Шиелі: Құрылыс қарқыны жоғары

<a href="https://kyzylorda-news.kz/">Kyzylorda-news.kz</a> ХХ ғасырдың індеті атанған Вич/Спид, яки, адамның иммунитет тапшылығының вирусы және жұқтырылған иммунитет тапшылығының синдромы төңірегіндегі қорқыныш уақыт өткен сайын үдей түсуде. Емі табылу былай тұрсын, жыл сайын оның шырмауына миллиондар шырмалуда. Өрімдей жастар, бір тағдырлар тажал құрбанына айналу үстінде. Ендеше, атынан адам үркетін тажал тарихы қайдан басталған? Жалпы емі жоқ дерт туралы Қызылорда олыстық АИТВ инфекциясының алдын алу орталығының Шиелі ауданындағы маманы Балабек Қапанұлымен сұқбаттасқан болатынбыз.– Бүгінгі күні аймақ­та АИТВ ауруын жұқтырғандардың үлесі қандай? Жалпы ауданда қанша адам тіркеуде тұр?<blockquote>– Бүгінгі таңда Қызылорда облысында 394 АИТВ-жұқтырған ҚР-ның азаматтары тіркелген. Дауасыз дерттің 2025 жылдың 10 айындағы дерегін айтар болсақ, АИТВ-жұқтырған 54 адам тіркелсе, оның 47-сі ҚР азаматтары. Өткен жылдың 10 айында 35 адамнан ауру анықталса, биыл 12 жағдайға өсім алған. Жылдан жылға үрей сыйлаған статистикалық деректің өсуіне байланысты аудан халқы арасында да АИТВ-инфекциясын анықтап жатырмыз. Осы бағытта Шиелі мен Қазалы аудандарында ЖИТС орталығының филилалдары мен Арал, Қармақшы, Жалағаш, Сырдария, Жаңақорған аудандарында психоәлеуметтік кеңес беру кабинеттері жұмыс істеуде. 2025 жылдың 10 айында Шиелі филиалының ИФА-зертханасы бойынша 18245 қан үлгісіне талдау жасалынып, солардың 3-нен АИТВ инфекциясы анықталып отыр. Ғасыр індетімен күресті күшейтіп, осы ауруды азайту, төмендету мақсатында алдын алу жұмыстары пәрменді түрде жүргізілуде.</blockquote>– Ендігі кезекте АИТВ- ны жұқтыру көздеріне тоқталсаңыз... Аймақта тіркелген науқастардың басым бөлігі қандай жолмен жұқтырған?<blockquote>– Негізінен АИТВ-инфекциясы 3 жолмен жұғады. Жыныстық жолмен, қан арқылы (АИТВ жұқтырған адамның қанын құю барысында, ағзасын ауыстыру барысында, иньекциялық есірткі тұтынушылар арасында бір шприцті, ортақ ыдыстарды қолданғанда) және жүкті әйелден балаға – (жүктілік кезінде, босану барасында және емізу кезінде). Аудан бойынша соңғы 5 жылда жыныстық жолмен жұқтыру дерегі басым болып отыр. Өсу үрдісімен алғанда анықталған аурудың 68 пайызы жыныстық жолмен жұқтырған.</blockquote>– Бұл инфекцияны көбінесе қай жастағылар жұқтырады? Жас мөлшеріне тоқталып кетсеңіз…<blockquote>– Бұл ауру жасына, жынысына, әлеуметтік жағдайына қарамайды. Тіркелгендер жас ерекшеліктері бойынша 20-39 жас аралығын құрап отыр.</blockquote>– Жаңадан анықталған АИТВ жұқтырғандарға қандай көмек көрсетесіздер?<blockquote>– Жаңадан анықталған АИТВ жұқтырғандарға бірінші психолог дәрігер кеңесі беріледі. АИТВ-статусы айтылады. Есепке алынып, тексерулер жүргізіледі.</blockquote>– Бұл аурудың емі жоқ екенін бәріміз білеміз. Дегенмен де, алдын алу үшін арнайы екпе немесе дәрі-дәрмектер қарастырылған ба?<blockquote>– Бұл инфекцияны толық жазып жіберетін вакцина табылған жоқ. Дегенмен вирусқа қарсы анти ретровирустық препараттар, дәрілер беріледі. Дәріні уақытылы ішкен уақытта вирус организмде көбеймейді, яғни аурудың клиникалық белгілері пайда болмайды.</blockquote>– СПИД, ВИЧ жайында жиі естиміз, оқимыз, айтамыз да. Бірақ дәл осы инфекцияға шалдыққан жандар қалай өмір сүріп жатқанын тіпті ойлағымыз да келмейді. Бұл дертке шалдыққан жандар бүгінде еңбекке қабілеттілер ме? Қоғамдағы орындары қандай?<blockquote>– Есепте тұрған науқастардың басым көпшілігі 20-39 жас арасындағылар, яғни еңбекке қабілетті жандар. АИТВ инфекциясы тұрмыстық жағдайда, қол алысқанда, ортақ ыдыстарды пайдаланғанда т.б жағдайларда берілмейді, яғни кез келген жұмысқа (қанмен жұмыс істейтін жерден басқа) тұра алады. АИТВ инфекциясын жұқтырған азаматтардың құқықтары ҚР- ның заңнамаларымен қорғалған.</blockquote>– ВИЧ-тің алдын алу үшін ақпараттық-түсіндірме, насихат жұмыстары қаншалықты деңгейде жүргізілуде? Жалпы бұл дерт жайлы ақпараттарды мектеп жасындағы оқушыларға да түсіндіресіздер ме?<blockquote>– АИТВ-инфекциясының алдын алу үшін егетін вакцина болмағандықтан халық арасында санитарлық ағарту жұмыстарын жүргізу, яғни түрлі семинар, дөңгелек үстел, тренинг, кездесу кешін, акция өткізу ең басты шара болып отыр. Жыл сайын АИТВ-ның алдын алу шаралары бағытында облыстық білім басқармасы, салауатты өмір салтын қалыптастыру орталығы, жастар ресурстық орталығы және басқа да жастар ісі жөніндегі үкіметтік емес ұйымдармен бірге жоспар жасай отырып, оқу орындарында жастар мен жасөспірімдер арасында әр түрлі форматта іс-шара өткіземіз. Осы жылдың 10 қарашасы мен 10 желтоқсаны аралығында дүниежүзілік ЖИТС-ке қарсы күрес күніне орай айлық жарияланды.</blockquote>Атап айтар болсақ, АИТВ-инфекциясын емдеу, тестілеу және алдын алу үшін қызметтердің қолжетімділігі мен сапасын арттыру, АИТВ-мен өмір сүретін адамдарды, сондай-ақ халықтың осал топтарында стигмаға, кемсітуге жол бермеу, қоғамда оларға басқалардай көзқараспен қарау, АИТВ алдын алу мен емдеуге кедергі келтіретін құрылымдық теңсіздіктің нақты көріністерін атап көрсете отырып, оларды жою үшін қажетті шараларды қабылдау. Аталған бағыттар бойынша үздіксіз жұмыстар жүргізіліп, әр сала қызметкерлерімен семинар, брифинг өткізілуде. Тоқсан ауыз сөздің тобықтай түйіні «Ауырып ем іздегенше, ауырмайтын жол ізде». Ұлт үшін, ұрпақ үшін алаңдаған адам уақытылы тексеруден өтіп тұруы қажет.Жұқтырылған ауруды емдеуге қарағанда, АИТВ-ны жұқтырудан сақтану анағұрлым пайдалы және тиімді екенін баршамыздың білгеніміз жөн. Сақтансаң сақтаймын деген. Сол себептен қауіпті дерттен сақтанып жүрейік!– Сұхбатыңызға рақмет!Гүлнәр ДҮЙСЕБАЙФото: Нұрболат Нұржаубай

Шиелі: Эпидемиологиялық ахуалды тұрақты сақтау жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қазіргі қоғамда заң үстемдігін қамтамасыз ету, құқықтық мәдениетті қалыптастыру және жасөспірімдер арасындағы құқық бұзушылықтың алдын алу – мемлекет саясатының басым бағыттарының бірі болып табылады. Әсіресе, ақпараттық технологиялар кеңінен дамыған заманда жастардың интернет кеңістігіндегі қауіп-қатерлерге бей-жай қарамауы, заңды білмеуден немесе аңғалдықтан қылмыстық әрекеттерге араласып кетпеуі аса маңызды. Осыған орай, Қызылорда облыстық білім басқармасының «Заң және тәртіп» қағидаты аясындағы бекітілген жоспарына сәйкес бірқатар маңызды профилактикалық іс-шаралар ұйымдастырылуда.Аталған жоспар негізінде жасөспірімдер арасындағы қылмыстық құқық бұзушылықтың алдын алу мақсатында Жаңақорған аудандық прокуратурасының үйлестіруімен аудан аумағындағы Жаңақорған аграрлы-техникалық колледжінің білім алушыларымен кең ауқымды профилактикалық түсіндіру жұмыстары өткізілді. Кездесудің негізгі мақсаты – соңғы уақытта қоғамда жиі кездесіп жүрген дроперлік әрекеттердің қылмыстық сипатын түсіндіру, оның құқықтық салдарын жан-жақты баяндау және жастарды заңсыз әрекеттерден сақтандыру болды.Іс-шара барысында прокурорлық қадағалау органдарының өкілдері колледж студенттеріне дроперлік қылмыстың мәні мен мазмұнын егжей-тегжейлі түсіндірді. Атап айтқанда, дроперлік дегеніміз – өз банктік картасын, шотын немесе жеке деректерін үшінші тұлғаларға беріп, сол арқылы алаяқтық немесе басқа да қылмыстық схемаларға қатысу екенін нақты мысалдар арқылы жеткізді. Мұндай әрекеттердің көбіне «оңай табыс», «жылдам ақша» деген желеумен ұсынылатыны, алайда оның соңы ауыр құқықтық жауапкершілікке әкелетіні ерекше атап өтілді.Сонымен қатар кездесуде дроперлік әрекеттердің қоғам мен азаматтарға тигізетін зияны кеңінен сөз болды. Бұл қылмыстардың салдарынан қарапайым тұрғындар алаяқтардың құрбаны болып, қаржылай шығынға ұшырайтыны, ал дропер ретінде қатысқан жастардың өздері қылмыстық жауапкершілікке тартылатыны түсіндірілді. Прокуратура өкілдері Қазақстан Республикасының Қылмыстық кодексінде көзделген жауапкершілік түрлеріне тоқталып, дроперлікке қатысқаны үшін қандай баптар бойынша жаза қолданылатынын нақтылап өтті.Жастардың құқықтық сауаттылығын арттыру мақсатында аудан прокуратурасы арнайы әзірлеген тақырыптық бейнероликтер көрсетілді. Бейнематериалдарда дроперлік қылмыстардың қалай жүзеге асатыны, алаяқтардың жастарды қандай әдістермен арбайтыны, сондай-ақ заң алдында жауап беру мысалдары көрнекі түрде көрсетілді. Бұл тәсіл студенттердің тақырыпты тереңірек түсінуіне және нақты өмірлік жағдайлар арқылы ой түюіне мүмкіндік берді.Кездесу барысында құқық қорғау органдарының өкілдері студенттерге интернеттегі қауіпсіздік ережелерін сақтау, жеке деректерді бөгде адамдарға бермеу, күмәнді ұсыныстардан бас тарту, заңсыз әрекеттерге араласпау жөнінде нақты кеңестер берді. Сонымен бірге, қандай да бір күмәнді жағдай туындаған кезде құқық қорғау органдарына немесе сенімді ересектерге жүгіну қажеттігі айтылды.Бұл профилактикалық кездесу жасөспірімдер арасында құқықтық мәдениетті қалыптастыруға, олардың заң алдындағы жауапкершілігін арттыруға және қылмыстың алдын алуға бағытталған маңызды шаралардың бірі болды. Осындай түсіндіру жұмыстары жастардың санасында «заңды білу – өзіңді қорғау» деген түсінікті қалыптастырып, болашақта құқық бұзушылықтың алдын алуға зор ықпал етеді.Жалпы алғанда, «Заң және тәртіп» қағидаты аясында өткізілген бұл кездесу білім алушылар үшін пайдалы әрі тағылымды болып, олардың құқықтық сауаттылығын арттыруға, интернеттегі алаяқтық пен заңсыз әрекеттерден сақтануына оң әсерін тигізді. Алдағы уақытта да мұндай профилактикалық іс-шаралар жүйелі түрде жалғасын табады деп күтілуде.<img class="image_resized" style="width:51.87%;" src="https://knadmin.beoblood.kz/uploads/Whats_App_Image_2025_12_18_at_14_10_33_1657523f39.jpeg" alt="Заң және тәртіп.jpeg">

«Заң және тәртіп»: Бірқатар профилактикалық іс-шаралар ұйымдастырылуда

<a href="https://kyzylorda-news.kz/">Kyzylorda-news.kz</a> Мәртебелі мамандықтың майталманы айтқан оймақтай ой мен кеңесі жас қызметкерлер үшін бағыт-бағдар беретін өмірлік мектеп. ҚАЖ департаментіне қарасты №68 мекемесінің жеке құраммен жұмыс жөніндегі бөлімшесінің ұйымдастыруымен “Отбасы” орталығында сала ардагерімен кездесу өтті.Төрден орын алған құрметті қонақ – жылдар бойы жарғақ құлағы жастыққа тимей, салада табан аудармастан қызмет еткен Ахметов Талғат Шәкіұлы. Жүздесуге жиылған жас қызметкерлерге есті естелігімен бөліскені емен-жарқын әңгімені жандандырды. Дайын дәрісті емес, өзі бастан өткерген сан тарау жол жайында сөз тарқату – қызметкерлерге тәжірибе болғаны анық.Ашық алаңда абдырап қалмаған жастар көкейдегі сұрақтарын жаудырды. Яғни, Талғат Шәкіұлының кәсіби жолда қабылдаған шешімі мен “әттеген-айы”, қызметтік кезеңінде үлгі тұтқан арда азаматтардан бастап, Қылмыстық-атқару жүйесінің дамуына дейінгі салмақты сауалдар қамтылды. Ал, сала ардагерінің байыпты жауабы заңмен қатар арға сүйенетінін алға тартты.<blockquote>– Салада сабақтастық болғаны бізді қуантады. Аға буынның ақылынан азық алсақ, тәжірибеміз толыса түсетіні ақиқат. Бүгінгі басқосуда жылы жымиыс та, әдемі әңгіме де өрбіді. Түйгеніміз көп, - дейді Режим және күзет бөлімінің бақылаушысы әділет сержанты Ернұр Еркін.</blockquote>Келелі кездесудің көркі әсем әнмен ашыла түсті. Бұған Режим және күзет бөлімінің ақпарат және байланыс тобының бақылаушысы әділет сержанты Ақниет Қалмұратовтың қоңыр домбыраны күмбірлетіп, үш бірдей әнді тамылжыта орындағаны дәлел.Басқосу – &nbsp;бір сағаттық әңгіме ғана емес, жылдармен жинақталған тәжірибенің, парасатты пайымның жемісі болғаны анық. Жас қызметкерлердің түйсікке түртіп алғаны да біраз деп сенеміз.

Өнегемен өрілген өмір

<a href="https://kyzylorda-news.kz/">Kyzylorda-news.kz</a> Еліміздің тәуелсіздігі – ғасырлар бойы ата-бабамыз армандап, ұрпаққа аманат еткен ең қастерлі құндылықтардың бірі. Қазақстан Республикасының Тәуелсіздік күні – халқымыздың еркіндікке, егемендікке деген ұмтылысының, бірлігі мен табандылығының айқын көрінісі. Осы атаулы мерекеге орай аудан көлемінде бірқатар тағылымды іс-шаралар ұйымдастырылып, ел тарихындағы маңызды кезеңдер кеңінен насихатталды. Соның бірі – Руханият орталығында өткен мазмұнды әрі мағыналы дөңгелек үстел болды.2023 жылғы 16 желтоқсан – Қазақстан Республикасының Тәуелсіздік күніне орай Руханият орталығында «Тәуелсіздік тұғырым» тақырыбында тағылымды дөңгелек үстел ұйымдастырылды. Бұл жиынның негізгі мақсаты – тәуелсіздіктің қадір-қасиетін ұғындыру, Желтоқсан оқиғасының тарихи маңызын жас ұрпақ санасына сіңіру, елдің еркіндігі жолында күрескен азаматтардың ерлігін ұлықтау және қоғамда отансүйгіштік рухты нығайту болды.Тағылымы мол шараға аудан әкімінің орынбасары Бектас Нуридинов, аудандық қоғамдық даму бөлімінің басшысы Әбілғазы Төлегенов, 1986 жылғы Желтоқсан оқиғасының қатысушылары, зиялы қауым өкілдері, еңбек ардагерлері, қоғамдық ұйым мүшелері, сондай-ақ белсенді жастар қатысты. Қатысушылардың әр буын өкілі болуы кездесудің мазмұнын байытып, пікір алмасудың аясын кеңейтті.Дөңгелек үстелдің ашылуында аудан әкімінің орынбасары Бектас Нуридинов сөз сөйлеп, барша жиналған қауымды Қазақстан Республикасының Тәуелсіздік күнімен құттықтады. Ол өз сөзінде Тәуелсіздіктің еліміз үшін тарихи маңызына тоқталып, егемен ел болудың жолында құрбан болған боздақтардың ерлігі ешқашан ұмытылмайтынын атап өтті. Сонымен қатар, бүгінгі бейбіт өмір мен тұрақтылықтың қадірін білу, оны сақтау – әрбір азаматтың басты міндеті екенін жеткізді.Кездесу барысында Желтоқсан оқиғасына қатысқан азаматтарға аудан әкімінің атынан арнайы құттықтау хаттары табысталып, сый-құрмет көрсетілді. Бұл – ел тарихындағы қиын кезеңде батылдық танытып, ұлттық намысты қорғаған азаматтарға деген шынайы ризашылықтың белгісі болды. Желтоқсаншыларға көрсетілген құрмет жастарға үлгі болып, олардың ерлігі мен қайсарлығын дәріптеудің маңызын айқындай түсті.Іс-шара барысында сөз алған желтоқсан оқиғасының қатысушылары Динаш Ахметова мен Ерубай Қалдыбек сол бір тарихи кезеңдегі өз бастарынан өткен оқиғалармен, жүрек толқытарлық естеліктерімен бөлісті. Олар сол жылдардағы жастардың ерік-жігері, әділетсіздікке қарсы күресі, туған елдің болашағы үшін жасаған қадамдары туралы әсерлі әңгіме өрбітті. Бұл естеліктер қатысушыларға ерекше әсер қалдырып, тәуелсіздіктің оңайлықпен келмегенін тағы бір мәрте еске салды. Сонымен қатар Жаңақорған кенті ардагерлер кеңесінің төрағасы Серқожа Ыдырысов сөз сөйлеп, 1986 жылғы Желтоқсан оқиғасының Қазақстан тарихындағы маңызы зор кезең екенін атап өтті. Ол бұл оқиғаның тәуелсіздікке бастар жолдағы алғашқы қадамдардың бірі болғанын, желтоқсаншылардың ерлігі кейінгі ұрпақ үшін мәңгілік өнеге екенін айтты.Ардагердің тағылымды ойлары жастарды елін сүюге, тарихты құрметтеуге үндеді. Дөңгелек үстел барысында тәуелсіздік жылдарындағы жетістіктер, еліміздің әлеуметтік-экономикалық дамуы, ұлттық бірлік пен татулықтың маңызы да кеңінен сөз болды. Қатысушылар бүгінгі бейбіт өмірдің қадірін бағалау, мемлекетіміздің тұрақтылығын сақтау жолында әр азаматтың жауапкершілігі жоғары болуы керектігін атап өтті.Іс-шара аясында аудандық кітапхананың ұйымдастыруымен «Тәуелсіздік тұғырым» тақырыбында кітап көрмесі көпшілік назарына ұсынылды. Көрмеге Қазақстан тарихы, Желтоқсан оқиғасы, Тәуелсіздік жылнамасы, ел егемендігі жолындағы күрес туралы кітаптар мен деректі материалдар қойылды. Кітап көрмесі жастардың тарихи танымын арттырып, оқырмандардың қызығушылығын оятты.Жалпы Руханият орталығында өткен бұл дөңгелек үстел мазмұны терең, тағылымы мол шара ретінде жоғары деңгейде ұйымдастырылды. Мұндай кездесулер жас ұрпақтың бойында отансүйгіштік қасиетті қалыптастырып, ел тарихына деген құрметті арттырады. Тәуелсіздіктің қадірін ұғындыратын, өткен мен бүгінді сабақтастыратын осындай рухани шаралар алдағы уақытта да өз жалғасын табады деген сенім мол.<img src="https://knadmin.beoblood.kz/uploads/Whats_App_Image_2025_12_18_at_14_10_22_1_ab7d7b240c.jpeg" alt="WhatsApp Image 2025-12-18 at 14.10.22 (1).jpeg">

Жаңақорған ауданында мазмұнды іс-шара өтті

<a href="https://kyzylorda-news.kz/">Kyzylorda-news.kz</a> Қазақстан – ұлы дала. Дала – тек кеңістік емес, өзіндік өркениет. Бұл өркениет ғасырлар бойы мал шаруашылығымен ғана емес, егінменде өмір сүрген. Қазақ даласында өнген әрбір дән – табиғат пен адам еңбегінің тылсым табы. Жер мен аспан арасындағы үндестіктің көрінісі.Бидай қазақ үшін – ризықтың ғана емес, рухтың да тірегі. Алайда қазіргі заманның құбылмалы ағымы, азық-түлік нарығындағы бәсекенің күшеюі, климаттың күрт өзгеруі – осы дәстүрлі саланы жаңа сынақтарға тіреді. Бүгінгі сұрақ – қазақтың бидайы бұрынғыдай әлемге төбе болып тұра ала ма? Әлде жаһандық жүйеде ұсақ ойыншыға айналып бара ма?Дәнге толы мыңжылдықАрхеологиялық зерттеулер Қазақстан аумағында бидайдың жабайы формалары ежелгі кезеңдерден өсірілгенін анықтап отыр. Сыр бойындағы қоныстардан табылған ерте дәуір диірмен тастары, Арқа даласындағы астық сақтайтын ыдыстар – қазақ жеріндегі егін мәдениетінің тарихы мыңжылдықтар қойнауында жатқанын айқын көрсетеді. Осы деректер – тек ғылымның табысы емес, ұлттың өзін-өзі тануына көмектесетін рухани жүк. Қазақтың «Нанның киесі бар» деген ұғымы далалық тәжірибенің жинақталған философиясы. Дәнге құрмет – адамның өз ішкі тәртібіне деген құрметі.ХХ ғасырдағы тың игеру елімізді тұтас Кеңес Одағының «астық қоймасына» айналдырды. Жүздеген мың гектар жер жыртылып, миллиондаған тонна астық жиналды. Қазақдаласының аты әлемнің талай еліне мәшһүр болды. Алайда бұл кезең – тек жетістік шежіресі емес. Ғылыми негізсіз жаппай жырту, табиғи ландшафттың өзгеруі, топырақтың тозуы, жел эрозиясы – бүгінгі күні толық көрініп отырған ұзақ мерзімді салдар. Құнар азайды, ал құрғақшылық күшейген заманда су тапшылығы жаңа деңгейге шықты. Тағы бір күрделі мәселе – ауыл шаруашылығына оралуға ынталы жастардың аздығы.Егіншілікпен айналысу – тек кәсіп емес, белгілі бір мәдени әлеуетті қажет ететін өмір салты. Сол дәстүрлі мәдениеттің үзілуі бүгінгі ауылдық қоғамға үлкен сын.Тәуелсіздік жылдарыТәуелсіздік кезеңінде Қазақстан бидайының сапасы әлемдік нарықта жоғары бағаланды. Ақуыз мөлшері көп қатты бидай түрлері көптеген мемлекетке экспортталды. Бірақ бұл жетістік ішкі өндірістің құрылымдық кемшіліктерін жасырып қала алмады. Шикізат күйінде экспорттау – агроөнеркәсіптің әлсіз буыны. Астықты терең өңдеу саласы баяу дамып, қосылған құн төмен күйінде қалып отыр. Ұн, макарон, жарма өндірісі бар болғанымен, көлемі жаһандық деңгейде бәсекеге қабілетті емес. Бұл – ауыл шаруашылығы өнімдерінің экономикалық тиімділігіне ғана емес, елдің азық-түлік қауіпсіздігіне де ықпал ететін фактор.Шиелі тәжірибесіСоңғы жылдары Шиелі ауданы егіншілік құрылымын әртараптандыруға бет бұрды. Биыл аудан бойынша 30 192 гектар жерге егін егілді. Оның ішінде 1197 гектарға күздік, 694 гектарға жаздық бидай себілді. Өткен жылмен салыстырғанда бидай көлемінің 405 гектарға артуы – оң үрдістің белгісі. Аудандық ауыл шаруашылығы және жер қатынастары бөлімінің басшысы Мұрат Әшірбеков болашақта су үнемдейтін дақылдардың үлесін арттыруды жоспарлап отырғанын айтады. Бұл – климат өзгерген заманда аса қажетті қадам. Суресурстары шектеулі ел үшін дәстүрлі егіншілікті жаңа жағдайға бейімдеу – стратегиялық міндет. Өйткені Қазақстан алдағы онжылдықта судың тапшылығын бұрынғыдан да қатты сезуі мүмкін. Қазіргі таңда су үнемдейтін технологиялар – жай тренд емес, тіршіліктің шарты.&nbsp;Қазақ егіншілігін не тежеп отыр?Қазақ даласы – табиғаты қатал аймақ. Қазақстан жауын-шашын мөлшері ең аз елдердің бірі. Бұл факторды ескермей, заманауи технологиясыз жоғары өнімге қол жеткізу мүмкін емес. Содан соң техникалық жаңғыртудың баяулығы. Яғни ауылдағы техниканың ескіру деңгейі 70 пайыздан асады. Өнімділіктің төмен болуына бұл тікелей әсер етеді. Кадрлық дағдарысты да қосуға болады. Агрономия – жастар аса көп қызыға бермейтін сала. Білікті мамандардың жетіспеуі – егіншіліктің ең әлсіз жері. Терең өңдеу саласының дамымауын да бар. Қосылған құн төмендеген сайын, сала да бәсеңдейді. Дәнді экспорттау – оңай, бірақ онымен әлемдік бәсекеде алға шығу қиын. Қазақтың дастарқанындағы нан – киелі. Бұл тек ас емес, тіршілік символы. Әженің алақанында тазарған бидай, оттың жалынын- да пісіп, иісі бүкіл үйді жаулайтын таба нан – ұлттың рухын көтеретін көрініс.&nbsp;Бидайға құрмет – өткенге құрмет әрі болашаққа жауапкершілік. Егер біз дәннің қадірін жоғалтпасақ, жердің қасиетін қор етпесек, технологияны еңбекпен ұштастыра алсақ – қазақ бидайының жаңа дәуірі басталады. Дәннің тағдыры – елдің тағдыры. Ал тағдырды өзгерту – біздің қолымызда.С.МадияроваФото: freepik.com

Мұрат Әшірбеков: "Дәнді дақылдардың үлесін арттыру жоспарда бар"

Ауыл көркі – ауызбіршіліктің үлгісі

<a href="https://kyzylorda-news.kz/">Kyzylorda-news.kz</a>&nbsp; «Әлемнің әміршісі – еңбек», «Еңбек түбі – береке» деп дана халқымыз бекер айтпаған. Бүгінде адал еңбек етіп, нарық талабына сай кәсіп бастаған азаматтар саны артып келеді. Шағын және орта кәсіпкерлікті дамытуға мемлекет тарапынан қабылданған бағдарламалар ел тұрғындарына үлкен мүмкіндік беруде.Сырдария ауданының тұрғыны Айбол Смайлов – осындай мүмкіндікті тиімді пайдаланып, жеке кәсіп ашқан азаматтардың бірі. Ол 2023 жылы «2021–2025 жылдарға арналған кәсіпкерлікті дамыту жөніндегі ұлттық жоба» мемлекеттік бағдарламасы аясында 1 380 000 теңге көлемінде қайтарымсыз грант иегері атанды.Грант қаражатына кәсіпкер тұрмыстық химия өнімдерін өндіруге қажетті құрал-жабдықтар мен шикізат сатып алып, шағын өндіріс орнын іске қосты. Қазіргі таңда Айбол Смайлов кір сабын, иіс сабын және сұйық сабын өндірумен айналысып келеді. Өнімдері сапасы мен қолжетімді бағасының арқасында тұтынушылар тарапынан оң бағасын алуда.Алдағы уақытта кәсіпкер өндіріс көлемін арттырып, кәсібін кеңейтіп, жаңа жұмыс орындарын ашуды жоспарлап отыр.Жеке кәсіпкер «Ханшайым» өнімдері жоғары сапаға ие болып, тұтынушылар арасында кең сұранысқа ие. Кір сабын, иіс сабын және сұйық сабын түрлері тұрмыстық қажеттіліктерді толық қамтып, жергілікті нарықта тұрақты орын алуда.Айбол Смайлов – өз еңбегі мен табандылығының арқасында өңірдегі кәсіпкерліктің дамуына үлес қосып, ауылдағы өндірістің жаңа серпінін қалыптастыруға үлгі болып отыр.<blockquote>– 2021 жылы жұмыстан қысқарып кеттім. Отбасының негізгі асыраушысы өзім болғандықтан қарап отыруға болмайды. Содан ғаламтордан сабын өндіру кәсібі туралы көзім шалып қалды. Бұрын соңды мұндай кәсіппен айналыспаған соң, бастапқыда қорқыныш та болды. «Тұтынушылардың көңілінен шыға ма? бәсекелестерді қалай басып озамыз?» деп ойладық. Дегенмен сабын шығарудың қыр-сырын меңгеріп, өзіміздің тұрақты тұтынушыларымызды таптық. Ауылдағы «Көркем», «Шархан», «Лидер», «Жазира», «Престиж» секілді дүкендерде сатылады және үйден келіп алатындар да жоқ емес. Өйткені біздің өнімнің бағасы қолжетімді, әрі химиясыз жасалады, – дейді ол.</blockquote>Расында кәсіптен нәсіп табу оңай шаруа емес. Ол үшін ең бірінші тәуекел ете білу керек. Одан соң өнімнің сапасы мен бағасының қолжетімді болуы да маңызды. Бастысы тұтынушы көңілінен шығу қажет. Міне, осы қарапайым қағидаларды ұстанған Айбол Сағындықұлы есік алдындағы аядай бөлмені шағын цехқа айналдырып, бір отбасыны асырап отыр. Көпбалалы әке қызының құрметіне арнап өнімдерге «Ханшайым» атауын берген.Кәсіпкер өткен жылы «Ауыл аманаты» жобасы арқылы өндіріс көлемін ұлғайтуға және өнім ассортиментін кеңейтуге мүмкіндік алған. Бұрын сабынның түр-түрін шығаратын болса, енді оған ыдыс жуатын сұйықтық, сусабын қосылды. Бұл өнімдерді шығарудың аса қиындығы жоқ. Тоң май, өсімдік майларын қайнатып, арнайы қоспалар пайдаланады. Шикізатты Алматы қаласынан алдырады.<blockquote>– Алдағы уақытта кәсіпті кеңейтіп, тың бағыт бойынша жаңашылдық енгізу ойда бар, – дейді ол.</blockquote>Ерінбей еңбек етіп, табанды тірлік етіп отырған көпбалалы әке, аудандағы шағын кәсіптің дамуына үлес қосып, өндірістің жаңа серпінін қалыптастыруға үлгі болып отыр.

Архив