<a href="https://kyzylorda-news.kz/">Kyzylorda-news.kz</a> Мемлекеттік кірістер департаментінің жеке тұлғаларды әкімшілендіру бөлімінің басшысы Әсет Есенжигитов Қазақстанда мопедтерге салық енгізу жоспарланып жатқанын мәлімдеді. Бұл туралы Stan.kz ақпарат агенттігі Kolesa.kz порталына сілтеме жасап хабарлайды.Қолданыстағы заңнамаға сәйкес, бұл көлік түрі қазіргі уақытта салықтан босатылған. Егер техникалық паспортында "мопед" деп көрсетілген көлік иелеріне салық төлеу туралы хабарлама келсе, олар оны жоюды талап ете алады.Алайда Алматы қаласының Мемлекеттік кірістер департаментінің жеке тұлғаларды әкімшілендіру бөлімінің басшысы Әсет Есенжігітовтың айтуынша, бұл жеңілдікті қайта қарау қажет.<blockquote>"Біз салық кодексін қайта қарап, мопедтер үшін де салық мөлшерлемесін енгізу керек деп санаймыз. Біздің ойымызша, оларға салық төлеу әділетті болады. Өйткені мопедтер де жол қозғалысына қатысушылар. Қазіргі уақытта бұл мәселені Мемлекеттік кірістер комитетімен бірге қарастырып жатырмыз", – деді Есенжігітов.&nbsp;</blockquote>Ол салық есептелуіне қатысты шағымдардың көбіне "мопед емес" көлік иелерінен түсетінін атап өтті. Мысалы, техникалық паспортта А1 санаты көрсетілгенімен, "мопед" деген белгі болмайды. Ал қуаты 45 кВт деп көрсетілген, яғни көлік 80 км/сағ дейін жылдамдық ала алады. Бұл салық салуға жататын санатқа кіреді.Фото: pixabay.com

Қазақстанда мопедтерге де салық енгізу жоспарлануда

<a href="https://kyzylorda-news.kz/">Kyzylorda-news.kz</a> Қазақстан Республикасының мемлекеттік қызметі туралы заңнаманың негізгі қағидаттарының бірі мемлекеттік қызметшілердің құқықтық және әлеуметтік қорғалуы болып табылады.Мемлекеттік қызметші өзінің еңбегінің қорғалуына, тиімді жұмыс істеу үшін қажетті еңбек жағдайларына, құқықтық және әлеуметтік қамтамасыз етілуіне, жеке басының қадiр-қасиетiнiң құрметтелуiне құқығы бар.Мемлекеттік қызметшілердің мәртебесі мен олардың құқықтары 2015 жылғы 23 қарашадағы Қазақстан Республикасының мемлекеттік қызметі туралы Заңында нақтыланған. Аталған Заңның 9-бабында мемлекеттiк қызметшiлердiң негізгі құқықтары көрсетілсе, Заңның 9-тарауында мемлекеттік қызметшілердің, олардың отбасы мүшелерінің әлеуметтік кепілдіктері қарастырылған.Бүгінгі таңда, Қызылорда облысында 3300-ден астам мемлекеттік қызметші ел дамуына өз үлестерін қосуда. Оның ішінде, 1700-ден астамы жергілікті атқарушы органдарда қызмет етуде.Ал мемлекеттік органдардағы әдеп жөніндегі уәкілдердің қызметтік бағыттарының бірі - мемлекеттік қызметшілердің құқықтарының қорғалуына және әлеуметтік кепілдіктерінің сақталуына мониторинг жүргізу. Осы ретте, жыл басынан бері мемлекеттік қызметшілердің міндеттері, әдептілік нормалары, мемлекеттік қызметшілердің құқықтары мен әлеуметтік кепілдіктері туралы облыс әкімі аппаратының әдеп жөніндегі уәкілімен мемлекеттік органдарда құқықтық оқытулар өткізілуде.Құқықтық оқытулар барысында мемлекеттік қызметшілерге қойылатын талаптары мен сыбайлас жемқорлыққа қарсы шектеулері түсіндіріліп, олардың негізгі құқықтары бойынша ақпарат берілуде. Әдеп жөніндегі уәкілдер институтымен алдағы уақытта да мемлекеттік қызметшілердің құқықтық сауаттылығын арттыру бағытындағы жұмыстар жалғасын табады.Қоғамның тұрақтылығы мен дамуы ең алдымен заңды құрметтеп, өз міндетін адал атқаратын мемлекеттік қызметшілердің кәсібилігіне тікелей байланысты. Бүгінгі күннің талабы – әрбір мемлекеттік қызметшінің құқықтары мен әлеуметтік кепілдіктерінің нақты сақталуы ғана емес, сонымен бірге олардың беделі мен жауапкершілігін арттыру. Бұл – тек мемлекеттік аппараттың емес, тұтас елдің өркендеу кепілі. Мемлекеттік қызметкердің абыройы – мемлекеттің айнасы.Бағдат Әбдіқадыр,Қызылорда облысы әкімі аппаратының әдеп жөніндегі уәкілі

Қызылорда облысында 3300-ден астам мемлекеттік қызметші ел дамуына үлесін қосуда

<a href="https://kyzylorda-news.kz/">Kyzylorda-news.kz</a> Мемлекет басшысы Түркия президентін "Қожа Ахмет Ясауи" орденімен марапаттады, деп хабарлайды <a href="https://kaz.nur.kz/politics/universe/2376593-toqaev-erdogandy-zhanga-ordenmen-marapattady/">KAZ.NUR.KZ</a> Ақордаға сілтеме жасап.Қасым-Жомарт Тоқаев Режеп Тайип Ердоғанды өз халқын алға бастап келе жатқан әлемдік деңгейдегі салиқалы басшы және саясаткер ретінде ерекше құрметтейтінін атап өтті.<blockquote>"Өзіңіздің көреген бастамаңызбен қолға алынған тиімді реформалардың нәтижесінде Түркия тұрақты өсіп-өркендеу жолына түсті, зор табысқа жетті, ықпалды және қуатты держава атанды. Біз түрік ағайынға әрдайым тілекшіміз, бауырлас елдің әр жетістігіне қуанамыз. Президент Ердоған – жаһандық саясатта әділдік пен жауапкершілік қағидатын табанды түрде қорғап жүрген аса көрнекті қайраткер. Сіздің "Әлем бестен үлкен" атты тұжырымдамаңыз баршаға белгілі. Бұл халықаралық қатынастар жүйесіндегі теңсіздікке қарсы айтылған батыл үндеу екені сөзсіз. Сонымен қатар Режеп мырза түркі және ислам өркениетінің ынтымақтастығын нығайту ісінде айрықша рөл атқарып келеді. Өзіңізді түркі әлемі мойындаған беделді көшбасшы десек, артық болмайды. Сіз туыстас елдердің рухани және саяси тұтастығын бекемдеу жолында аянбай еңбек етіп жүрсіз. Қадірлі Режеп Тайип Ердоғанның тікелей қолдауының арқасында Түркі мемлекеттері ұйымы қысқа мерзім ішінде ықпалды құрылым ретінде қалыптасты. Сондай-ақ ТҮРКСОЙ, Түркі мемлекеттерінің Парламенттік ассамблеясы, Түркі академиясы, Түркі мәдениеті және мұрасы қоры, Түркі инвестициялық қоры секілді маңызды институттардың жұмысы жандана түсті. Біз мұны жоғары бағалаймыз", – деді Қазақстан президенті.</blockquote>Қасым-Жомарт Тоқаев Қазақстан мен Түркияның арасында сан ғасырлық тарихи сабақтастық бар екеніне тоқталды.<blockquote>"Тегіміз бен дініміз – бір, діліміз – ұқсас. Қазақ пен түрік жұртының тереңнен тамыр тартатын бауырластығы бүгінде стратегиялық серіктестікке ұласты. Сіз достық қарым-қатынасымызды нығайтуға, ортақ құндылықтарымызды дәріптеуге өлшеусіз үлес қосып келесіз. Сол үшін өз атымнан және барша Қазақ елі атынан Сізге зор алғыс айтамын. Ұлы дала – түбі бір түркі халықтарының атажұрты, ал, Түркістан – оның қастерлі қазынасы, рухани астанасы. Киелі шаһар тұтастығымыздың нышаны, төл өркениетіміздің алтын бесігі саналады. Сондықтан біз ертең өз жұмысын бастайтын Түркі мемлекеттері ұйымының бейресми саммитін Түркістан төрінде өткізуді жөн көрдік. Алқалы жиын ағайын елдердің арасын жақындатып, ықпалдастығын күшейте түседі деп сенемін", – деді мемлекет басшысы.</blockquote>Президенттің пікірінше, Түркістан туралы айтқанда күллі түркінің рухани темірқазығы – Қожа Ахмет Ясауи тұлғасына тоқталмау мүмкін емес<blockquote>"Әзірет Сұлтан түркілік рух пен ислам өркениетін үйлестіре білді. Оның мәдени мұрасы Ұлы далада ғана емес, Анадолы жерінде де өшпес із қалдырды. Түркі әлеміне ортақ көптеген ғұламалар Әзірет Сұлтанның ізбасары саналады. Осы тұста әйгілі Юнус Эмрені ерекше атап өткеніміз жөн. Тұғырлы тұлғаның туындыларынан Ясауи ілімінің ықпалын анық көруге болады. Осындай үндестік қазақтың бас ақыны – хакім Абайдың шығармаларынан да байқалады. Түптеп келгенде, ұлы ғұламаның ғибратты жолы ұлтқа бағдар, ұрпаққа өнеге екені сөзсіз. Мен Ұлыстың ұлы күнінде киелі Түркістанға арнайы барып, Әзірет Сұлтан рухына құран бағыштадым. Сол сапарымда мемлекеттік наградалар қатарына Қожа Ахмет Ясауи орденін енгізу туралы маңызды бастама көтердім. Бұл марапатты Қазақстанның дамуына айрықша еңбек сіңірген еліміздің және шетелдің белгілі ғалымдарына, мемлекет және қоғам қайраткерлеріне табыстау қажеттігі жөнінде айттым. Соған сәйкес тиісті Заң қабылданды, арнайы Жарлыққа қол қойдым. Бұл – шын мәнінде, беделі биік, бағасы жоғары марапат. Біз бұл орденді әзірлеген кезде ашық жасыл түске басымдық бердік. Асыл дінімізде осы түстің орны ерекше. Ал оның құрамындағы күміс – тазалықтың нышаны. Бір сөзбен, бұл – Әзірет Сұлтанның ұлағаты мен тағылымын дәріптейтін марапат. Жалпы, біз өз елімізде Қожа Ахмет Ясауидің бай мұрасын жүйелі түрде және кең ауқымда зерттеу жұмысын белсенді түрде жүргіземіз", – деді Қасым-Жомарт Тоқаев.</blockquote>️Мемлекет басшысы Түркия президентін Қожа Ахмет Ясауи атындағы мәртебелі орденмен марапаттау туралы шешім қабылдағанын, Режеп Тайип Ердоған – бұл орденнің тұңғыш иегері екенін атап өтті.<blockquote>"Мұның символдық мәні өте зор. Бұл марапат – ұлы бабамыз салған рухани бауырластық пен тарихи әділдік жолының жарқын үлгісі. Қадірлі Президент мырза, Сіздің Қазақ еліндегі беделіңіз өте жоғары. Халқымыз Сізді сыйлайды, жақсы көреді, қолдайды. Қадірлі досым, осы жоғары марапатты Сіздің түркі әлеміндегі көшбасшылық рөліңізге берілген лайықты баға деп қабылдаңыз. Сондай-ақ еліміздің Сізге және түрік жұртына деген шынайы құрметі, зор ризашылығы деп біліңіз. Өзіңізге зор денсаулық, ал барша түрік халқына амандық пен бақ-береке тілеймін! Қазақ-түрік достығы мәңгі болсын!", – деді президент.</blockquote>Режеп Тайип Ердоған Түркістанның пірі Қожа Ахмет Ясауи атындағы ерекше орденнің алғаш рет өзіне берілгеніне қуанышты екенін жеткізді<blockquote>"Бұл орденді Түркия Республикасы және түрік ұлтына деген ілтипатыңыздың белгісі деп қабылдаймын. Осы орайда елдеріміз арасындағы бауырластықты бекемдеу бағытындағы көреген саясатыңыз үшін Сізге, құрметті бауырым, алғыс айтамын. Бауырластығымыз, достығымыз лайым мәңгі болсын!", – деді Түркия президенті.</blockquote>Фото: Ақорда

Тоқаев Ердоғанды жаңа орденмен марапаттады

<a href="https://kyzylorda-news.kz/">Kyzylorda-news.kz</a> Кеше өңірде «AMANAT» партиясы Саяси менеджмент академиясының ұйымдастыруымен оқу семинары басталған болатын. Жергілікті жерлерде кәсіби әрі тиімді басқарушы буынды қалыптастыруға бағытталған модульдік оқудың бүгін екінші күні.&nbsp;Бағдарлама аясында қатысушылар төмендегі 6 модуль бойынша заманауи саяси және басқарушылық үдерістің негізгі бағыттарын меңгеруде.&nbsp;Модульдер атауы мен лекторлар:&nbsp;<ul><li style="text-align:justify;">1-модуль. «Жеке көшбасшылық және құндылық бағдары» бойынша. Лектор - «Тұран-Астана» университетінің доценті, PhD-докторы Жумабекова Гаухар Айтпекқызы;</li><li style="text-align:justify;">2-модуль. «Өңірлер мен жергілікті қауымдастықтардың дамуын басқару» бойынша. Лектор - Өңірлік зерттеулер және өмір сапасы орталығының директоры Нұрболат Құрметұлы;&nbsp;</li><li style="text-align:justify;">3-модуль. «Даму үшін салықтар: түсім базасынан жергілікті нәтижеге дейін». Лектор - «AMANAT» партиясы жанындағы Саяси менеджмент академиясының штаттан тыс тренері Дулатов Нұрлан Дулатұлы;&nbsp;</li><li style="text-align:justify;">4-модуль. «Бюджет вертикаль: республикадан ауылға дейін». Лектор - облыстық мәслихаттағы тұрақты комиссияның төрайымы Шәменова Балжан Мөрәліқызы;&nbsp;</li><li style="text-align:justify;">5-модуль. «Халықпен және командамен тиімді коммуникациялар»тақырыбында. Лектор - AlmaU университетінің штаттан тыс тренері, танымал журналист Оңғар Салтанат;&nbsp;</li><li style="text-align:justify;">6-модуль. «Саяси науқандар: позициялаудан сенім мен қолдауға дейін». Лектор - «AMANAT» партиясы Саяси жұмыс департаменті директорының орынбасары Нұрахметханова Гүлнар Сейтказықызы.</li></ul>Аталған білім беру бағдарламасы көшбасшылық қасиеттерді дамытуға, стратегиялық ойлау, басқару және халықпен тиімді өзара іс-қимыл жасау дағдыларын жетілдіруге бағытталған.Оқуға облыстық, қалалық және аудандық мәслихат депутаттары, ауылдық округ әкімдері, партияның аймақтық және аумақтық филиалдары қызметкерлері, сондай-ақ бастауыш партия ұйымдарының жетекшілері мен мүшелері қатысуда.&nbsp;

«AMANAT»: Тиімді басқару мен көшбасшылықты дамытуға арналған оқу семинары жалғасуда

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев пен Режеп Тайип Ердоған бейнебайланыс режимі арқылы Түркияда бой көтерген Қожа Ахмет Ясауи атындағы мектептің ашылу салтанатына қатысты.Газиантеп провинциясының Нурдагы қаласында орналасқан заманауи білім ошағында 32 бастауыш және 4 мектепке дейінгі сынып қарастырылған. Ғимараттың жалпы ауданы – 6 мың шаршы метр.&nbsp;Білім беру кешені мамандандырылған оқу кабинеттерімен, зертханалармен, мәжіліс залымен, кітапханамен жабдықталған.Мектеп аумағында амфитеатр, спорт және балалар ойын алаңдары мен қазақтың ұлттық киіз үйі стилінде жасалған шатырлар бар.Құрылыс барысында жоба Түркияның қауіпсіздік талаптары мен қазіргі нормаларына сай жетілдіріліп отырды. &nbsp;Өңірдің ерекшелігіне бейімделген инженерлік шешімдер арқылы сейсмикалық қауіпсіздік, ылғалдан сақтау және жылу үнемдеу жүйелері қолданылды.2023 жылдың 6 ақпанындағы жойқын зілзаладан зардап шеккен өңірге арналған жаңа мектеп салу бастамасын Қазақстан Президенті Қасым-Жомарт Тоқаев көтергені белгілі.<img src="https://knadmin.beoblood.kz/uploads/aza_stan_T_rkiya_prezidentteri_8d2b9b0a10.jpg" alt="Қазақстан-Түркия президенттері.jpg">Фото: Ақорда&nbsp;

Қазақстан мен Түркия президенттері Қожа Ахмет Ясауи атындағы мектептің ашылу рәсіміне қатысты

<a href="https://kyzylorda-news.kz/">Kyzylorda-news.kz</a> Цифрландыру – мемлекеттіксаясаттыңбасымбағыттарыныңбірі. Осыған сәйкесс, мемлекет басшысы Қасым-Жомарт Кемелұлы Тоқаев «2026 жыл – Цифрландыру және жасанды интеллект жылы» деп жариялап, Қазақстан толыққанды цифрлық мемлекетке айналуы тиіс деген стратегиялық мақсат қойды.&nbsp;Экономиканың дамуына серпін беретін цифрландыру барлық салада негізгі рөл атқарады. Осы ретте, азаматтар мен бизнес үшін қолжетімді әрі ашық жүйе қалыптастыру мақсатында мемлекеттік қызметтерді цифрлық форматқа көшіру бағытындағы жұмыстар статистика саласында да кеңінен жүргізіліп келеді.Қазақстан Республикасы Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментіде осы бағытта қоғаммен өзара іс-қимылды жеңілдетуге және статистикалық деректердің сапалы болуына байланысты жүйелі жұмыстарды дамыту &nbsp;негізгі мақсаты.&nbsp;Осыған сәйкес бүгінде Департаменттің «Бір терезе»қағидасымен жұмыс жасайтын жүйесі жаңғыртылды. Бұл жаңа технологияларды енгізу арқылы еңбек өнімділігін арттыру, сыбайлас жемқорлықты болдырмау, респонденттермен арада әділдік, ашықтық, сыпайылық және респонденттерге бағдар беру мақсатын қамтиды. Жаңғырту аясында «Бір терезе» кабинетінде электрондық табло, бейне бақылау орнатылып, электронды кезек енгізілді. Бұл өз кезегінде респонденттер ағынын реттеуге және жұмыстың ашықтығын арттыруға мүмкіндік берді.Электрондық табло тек кезекті реттеп қоймай, әр респондентке дұрыс бағыт-бағдар беретін тиімді құралға айналды.&nbsp;Атап айтқанда, ол келушілерге:<ul><li style="text-align:justify;">статистикалық есептілікті тапсыруға;</li><li style="text-align:justify;">өзіне-өзі қызмет көрсету аймағында жұмыс істеуге;</li><li style="text-align:justify;">статистикалық есептілік бойынша түсіндірме алуға бағыт береді.</li></ul>Сонымен қатар, «Бір терезе» кабинеттерінде респонденттерге статистикалық есептілікті электрондық жүйе арқылы ғана емес, қажет болған жағдайда қағаз түрінде де өз бетінше тапсыруға мүмкіндік жасалған.<img src="https://knadmin.beoblood.kz/uploads/Whats_App_Image_2026_05_14_at_16_17_37_5edf55faed.jpeg" alt="WhatsApp Image 2026-05-14 at 16.17.37.jpeg">Ұлттық статистика бюросының Қызылорда &nbsp;облысы бойынша Департаменті елімізде алғашқылардың бірі болып статистика саласындағы жаңартылған цифрландыру жүйесінжүзеге асырған бірден-бір өңір болып табылады.«Бір терезе» жүйесін жаңартудағы негізгі мақсат - қоғамның мемлекеттік органдарға деген сенім деңгейін қалыптастыру, халықпен кері байланыс орнату, респонденттерге жүктемені азайтып әрі уақытты тиімді пайдалануларын қамтамасыз ету.Қазіргі таңда респонденттер 91 статистикалық нысан бойынша есеп жүргізеді. Бүгінде респонденттердің басым бөлігі бастапқы статистикалық деректерді жұмыс орындарында, үй жағдайларында онлайн форматта тапсырады. Соның нәтижесінде «Респондент кабинеті» арқылы электрондық түрде ұсынған респонденттердің үлесі &nbsp;96,4 пайызға жетті.&nbsp;Мемлекеттік статистика – қоғам дамуының айқын көрсеткіші және стратегиялық шешімдердің сенімді негізі. Нақты әрі сапалы деректер арқылы экономиканың, әлеуметтік саланың және өңірлердің даму бағыты айқындалады. Дерекке сүйенген басқару – елдің тұрақты өсімі мен болашағының кепілі болып табылады.Статистика – өңір экономикасын тиімді жоспарлаудың негізгі құралы. Ол нақты деректер арқылы салалардың даму деңгейін бағалап, басым бағыттарды айқындауға мүмкіндік береді. Сенімді статистикалық мәліметтер негізінде қабылданған шешімдер өңірдің тұрақты экономикалық өсімін қамтамасыз етеді.Алдағы уақытта бұл бағыттағы жұмыс жалғасып, цифрлық құралдарды дамыту мен респонденттер үшін қолайлы жағдай жасау ұдайы басты назарда. Пайдаланушылар және респонденттермен әрдайым кері байланысты қолдау мақсатында Ұлттық статистика бюросының Фронт-офисі құрылды. Статистикалық нысандарға, соның ішінде электронды түрде тапсыруға қатысты туындаған сұрақтар бойынша «1446» бірыңғай байланыс орталығына жұмыс күндері 09:00-18:00 аралығында хабарласуға болады. Статистикалық есептілік нысандарын жетілдіру бойынша ұсыныстар үшінТелеграмм бот https://t.me/statgovkz_botжұмыс жасайды.<img src="https://knadmin.beoblood.kz/uploads/Whats_App_Image_2026_05_14_at_15_45_42_1_a0587cc5f1.jpeg" alt="WhatsApp Image 2026-05-14 at 15.45.42 (1).jpeg">Қайрат Әбсұлтанов,Қазақстан РеспубликасыСтратегиялық жоспарлау және&nbsp;реформалар агенттігі Ұлттық&nbsp;статистика бюросының Қызылорда&nbsp;облысы бойынша департамент басшысы

Цифрлық дәуірдегі заманауи статистика

<a href="https://kyzylorda-news.kz/">Kyzylorda-news.kz</a> Арал ауданына қарасты Аманөткел елді мекенінде «Ауыл – ел бесігі» бағдарламасы аясында 150 орындық заманауи ауылдық клубтың құрылысы жоспарға сәйкес жүзеге асырылуда. Ауыл тұрғындарының мәдени-рухани тыныс-тіршілігін дамытуға бағытталған маңызды нысанның құрылысы 2024 жылдың мамыр айында бастау алған.Бүгінде нысанның негізгі құрылыс жұмыстары толық аяқталып, ішкі бетон еден төсеніштері мен қабатаралық бетон бөлгіштерін құю жұмыстары сапалы орындалды. Сондай-ақ ғимаратқа сыртқы ауыз су, кәріз және әуе электр желілері жүргізіліп, инженерлік инфрақұрылым толық қамтамасыз етілген.Қазіргі таңда ішкі әрлеу, сырлау және кафель төсеу жұмыстары толық аяқталып, сыртқы қоршаулар орнату, асфальт және брусчатка төсеу секілді абаттандыру жұмыстары жалғасуда. Бас мердігер мекеме – «Жабдықтау» ЖШС.Ел игілігіне берілетін жаңа ауылдық клуб алдағы уақытта мәдени-көпшілік шаралар орталығына айналып, ауыл тұрғындарының бос уақытын тиімді ұйымдастыруға зор мүмкіндік бермек.Тұрғындардың жағдайын жақсартуға арналған мұндай игі бастамалар өз жалғасын тауып, халық игілігіне жұмыс жасайтын болады. Аталған нысанда мәдени іс-шаралар ұйымдастырылып, ауыл тұрғындарына жайлы орта қалыптастыруға септігін тигізеді.

Арал: Жаңа ауылдық клуб халық игілігіне берілмек

<a href="https://kyzylorda-news.kz/">Kyzylorda-news.kz</a> Жаңақорған ауданының әкімі Мажит Самитов шалғайдағы елді мекендерді аралады. Өткен жылы Көктөбе ауылының тұрғындары егін егу үшін жер бөлу жөніндегі өтініштеріне сәйкес аудан әкімдігінің қолдауымен ауылдық округ аумағынан отбасылық егіс үшін 250 гектар жер бөлінді.Егістік алқапты сумен қамтамасыз ету мақсатында Келінтөбе магистральды каналына дейін электр желісі тартылып, трансформатор мен электр насосы орнатылды. Қазіргі таңда 37 отбасы 60 гектар жерді игеріп, оның 30 гектарын лазерлік тегістеуден өткізіп, тары мен жоңышқа егуге дайындық жұмыстарын жүргізуде.Ауыл тұрғындары өз өтініштерінің қолдау тапқанына ризашылық білдіріп, көрсетілген көмекке алғыстарын жеткізді. Бұдан кейін аудан басшысы елді мекендердегі әлеуметтік нысандар мен ауылішілік көшелердің санитарлық тазалығы мен абаттандыру жұмыстарын аралап көрді.Мемлекет басшысының тапсырмасымен жүзеге асырылып жатқан «Таза Қазақстан» экологиялық акциясының маңыздылығына тоқталған аудан әкімі ауыл әкімдері мен мекеме басшыларына тазалық жұмыстарын жүйелі түрде жүргізіп, анықталған кемшіліктерді уақытылы жоюды тапсырды.Алдағы уақытта барлық кент және ауылдық округтерде санитарлық тазалық пен абаттандыру жұмыстарына мониторинг жүргізу жалғасатын болады.<img src="https://knadmin.beoblood.kz/uploads/Zha_a_or_an_kimi_eldi_mekenderdi_aralau_2_d6f924ab5b.jpg" alt="Жаңақорған әкімі елді мекендерді аралау 2.jpg">

Шалғайдағы елді мекендерді аралап, бірқатар мәселелерді бақылауға алды

<a href="https://kyzylorda-news.kz/">Kyzylorda-news.kz</a> Бүгін шаһар басшысының тапсырмасына сәйкес, қала әкімінің орынбасары Арнұр Нұрмағанбетов бастаған жұмысшы топ «Қызылорда су жүйесі» кәсіпорнына қарасты кәріз насос станцияларының жай-күйіне зерделеу&nbsp;жұмыстарын&nbsp;жүргізді.&nbsp;Тұрғындарға коммуналдық қызмет көрсетуде және халықтың өмір сүру сапасын қамтамасыз етуде маңызды салалардың бірі саналатын кәріз жүйесі тоқтаусыз жұмыс жасау қажет.&nbsp;Бұл бағытта жұмысшы топ&nbsp;қала ішіндегі&nbsp;№6 «Южный», №101 орта мектеп жанындағы кәріз насос станциясы, Саяхат тұрғын ауданындағы шағын КНС, натрий гипохлоридін өндіру қондырғысы нысандарын аралады. Кәріз жүйелерін тексеру барысында олардың қазіргі уақытқа бейімдеу, жүйені жаңғырту жұмыстарын аралап көрді, сонымен қатар атқарылуы тиіс жұмыстар пысықталып, тиісті тапсырмалар берілді.Сондай-ақ, Тасбөгет кентінің тұрғындарының шағымына байланысты осындағы модульді биологиялық тазарту станциясында ассенизаторлық автокөліктерден қабылданатын сарқынды сулар жолы тоқтатылды.Айта кетейік, қазіргі таңда Саяхат тұрғын ауданында аталған қызмет түріне есептелген шағын кәріз насос станциясының құрылысы жүргізілуде.<img src="https://knadmin.beoblood.kz/uploads/K_riz_zh_jelerin_zha_sartudy_zholdary_pysy_taldy_0d02bd89c8.jpg" alt="Кәріз жүйелерін жақсартудың жолдары пысықталды.jpg">

Кәріз жүйелерін жақсартудың жолдары пысықталды

<a href="https://kyzylorda-news.kz/">Kyzylorda-news.kz</a> Бірнеше жыл бұрын интернет-алаяқтық негізінен белгісіз туыстарының атынан жазылған мұрагерлік туралы хаттармен байланысты болды. Бүгінгі таңда схемалар әлдеқайда жетіле түсті. Алаяқтар банктердің интерфейстерін көшіруді, белгілі қызметтердің сайттарын өздеріне ыңғайлап жасап алуды және ең бастысы - адамның көңіл-күйін өз пайдасына пайдалану үшін оларға қысым жасауды үйренді.Онлайн арқылы көңіл-күйге әсер етуКейбір жағдайларда алаяқтар адамдарды деректердің жоғалып кетуі және аккаунттың бұғатталуы мүмкін деп қорқытады. Сонымен қатар, жеңіл ақша табу жолын көрсетемін немесе қымбат сыйлықтар аласыз деп уәде береді. Алаяқтар кейбір жағдайларда олардың жақын достары мен таныстарын алға тарту арқылы өз ойларын іске асырады.Қазақстанның Бас прокуратурасы ескерткен бірінші схема аккаунттың, деректердің немесе тіпті смартфондағы бүкіл деректердің жоғалып кету қорқынышына негізделген. Алаяқтар iPhone иелеріне олардың iCloud толып кеткендігі туралы хабарламалар жібереді. Пайдаланушыны асықтырады: егер сіз шұғыл түрде деректерді жаңартпасаңыз, фотосуреттер мен құжаттар жоқ болып кетеді және аккаунт бұғатталады. Кейбір жағдайларда ықтимал зардап шеккендерге аккаунтсыз құрылғының өзі де мағынасын жоғалтатынын еске салады, себебі &nbsp;аккаунт сол құрылғыға тіркелген деп келтіреді.Жәбірленуші сілтеме бойынша өтіп, жалған Apple ID немесе электрондық пошта сайтына кіріп, алаяқтарға логин, құпиясөз және кейде банктік деректерді өзі жібереді. Осыған ұқсас шабуылдар Google Drive, Mail.ru және Яндекс Диск атынан таралуда.Қазіргі заманғы схемалардың ерекшелігі - олар ешқашан тек технологияға негізделмейді. iCloud жағдайында алаяқтар жеке деректердің жоғалып кету жағдайынан қорқады. Көптеген адамдар бұлт сервисінде барлық цифрлық өмірді сақтайды: балалардың фотосуреттері, жұмыс құжаттары, хат-хабарлар, байланыстар.Бірақ қорқыныш бұл жалғыз құрал болып табылмайды.«Құттықтаймыз! Сіз iPhone ұтып алдыңыз»Егер iCloud арқылы жасалған схема мазасыздық тудырса, онда тағы бір көңіл-күйге әсер ету жұмыс істейді, адамға WhatsApp, Telegram, SMS немесе поштаға: «Құттықтаймыз! Сіз iPhone / 1 000 000 теңге / автомобиль ұтысының жеңімпазы болдыңыз» деген сияқты хабарлама келеді, бұл өз кезегінде адамның ашкөздігі мен қызығушылығын тудырады.Кейде алаяқтар танымал брендтердің, банктердің немесе маркетплейстердің аттарын жамылады. Әсіресе, адамдар сенуге дағдыланған ірі экожүйелер. Мысалы, Қазақстанда еліміздің бес жетекші банкінің және басқа да танымал сервистердің атынан берілетін жалған «ұтыс ойындары» тіркелген, мысалы, тауарларды жеткізу мен сатып алу.Бұдан әрі сценарий бірдей дамиды:пайдаланушыдан сілтеме бойынша өтуді сұрайды;ЖСН немесе карта деректерін енгізу;«жүлде алғаны үшін комиссия» төлеңіз;жеке басын SMS-кодпен растау.Осы кезде ақша мен деректер алаяқтарда болады.Сома әдетте аз - 500, 1000 немесе 2000 теңге. Сондықтан көптеген адамдар операцияны қауіпті деп санамайды. Бірақ деректерді енгізгеннен кейін алаяқтар картаға қол жеткізе алады немесе ақшаны қайта есептен шығара бастайды.Кейде схема қиындай түседі. Пайдаланушыға «жеңімпаздар кестесі», «бағы жанғандардың» пікірлері мен қалған жүлделердің есебі берілген жасанды сайт көрсетеді. Мұның бәрі болып жатқан нәрселердің шынайы көрінісін бейнелейді. &nbsp;Мұндай схемалардың қарама-қайшылығы мынада: адам көбінесе болып жатқан нәрсенің қисынсыз екенін түсінеді, бірақ «сыйлық» алуға деген ниеті оны дұрыс ойынан тайдырып жібереді. Міне, сондықтан алаяқтық ұтыс ойындары интернеттің ең ұзақ қолданылатын схемаларының бірі болып қалып отыр.«Туысыма дауыс беріңізші»WhatsApp пен Telegram арқылы жаппай таратылатын тағы бір схема мүлдем қауіпсіз болып көрінеді.Хабар таныс адамнан келген сияқты болады. Онда «Сәлем! Өтінемін, туысыма дауыс беріңізші. Ол байқауға қатысып жатыр еді, жеңісек жетуіне аз ғана қалды» деген мәтін көрсетіледі.Хабарға қоса «дауыс беру» сілтемесі болады. Сайт ресми сайт тәрізді көрінеді: балалардың фотосуреттері, дауыстар есебі, байқау логотиптері. Бірақ дауыс беру үшін пайдаланушыға телефон нөмірі мен SMS арқылы келген кодты енгізу ұсынылады.Іс жүзінде бұл - WhatsApp немесе Telegram аккаунтына кіру коды. Оны бергеннен кейін алаяқтар өз құрбанының мессенджерін толық бақылай алады.Әрі қарай схема вирус тәрізді тарала бастайды:аккаунт иесінің атынан оның достарына жаңа сілтемелер жіберіледі;таныстарынан шұғыл түрде қарыз сұрайды;алаяқтар хат-хабарлар мен байланысатын адамдарға қолжетімділік алады.Қазақстанда мұндай жағдайлар әлеуметтік желілерде көп рет талқыланды: адамдар бір рет «дауыс бергеннен» кейін бірнеше минут ішінде қалай мессенджерге кіре алмай қалғандарын айтқан.Барынша көп ақпарат алғаннан кейін алаяқтар хабарларды жаппай таратып қана қоймай, ұзақ уақыт бойы «құрбанын өңдеу» арқылы жеке-жеке хабар жібере алады.Мысалы, бір танымал коллекционердің шотын бұзғаннан кейін алаяқтар оның таныстарына ерекше экспонаттарды сатып алу үшін белгілі бір сома қарыз сұрап жазған. Оның немен айналысатыны жөнінде «хабардар» адамдар оның расында сирек кездесетін дүниеге қол жеткізуіне көмектесіп жатырмыз деп ойлап, &nbsp;бірнеше адам ақша жіберген. Олар аударым жасауға ұсынылған банк картасының стандартқа сай емес екеніне де мән бермеген. &nbsp;Сондықтан мұндай шабуылдар әсіресе қауіпті: адам келген хабарға сенеді, өйткені ол бейтаныс адамнан емес, нақты өзі білетін адамнан келеді.«Сізге сәлемдеме келді»Соңғы айларда жиі қолданылып жүрген танымал схема жеткізу қызметімен байланысты. «Сіздің сәлемдемеңіз кешіктірілді», «Жеткізу мекенжайын растаңыз», «Кедендік алымды төлеңіз» деген хабар келеді. Әсіресе алаяқтар танымал маркетплейстар мен курьерлік қызметтердің аттарын жиі пайдаланады. Онлайн сатып алу дамып тұрған уақытта мұндай хабарлар шын сияқты көрінеді, сөйтіп көп адамдар жеткізілімді күтеді.Сілтемені басқаннан кейін пайдаланушыдан:авторизациядан өтуді;банк деректерін көрсетуді;шағын «комиссия» төлеуді сұрайды.Кейбір жағдайларда сілтеме зиянды қосымшаны орнату бетіне апарады, ол SMS және банктік хабарламаларға қол жеткізеді.«Мына фотодағы сіз бе?»Мессенджерлерде қайтадан танымал болып келе жатқан ескі схема. Пайдаланушыға «Фотодағы сен бе?» немесе «Сен туралы не жазғанын көр» деген хабар келеді. Ішінде - сілтеме немесе файл. Ашылғаннан кейін құрылғы зиянды БҚ жұқтыруы мүмкін, алаяқтар аккаунттарға кіре алады немесе байланыстағы адамдар арқылы автоматты түрде тарату басталады. Кейде сілтеме Telegram немесе Instagram фишингтік кіру бетіне апарады.Басты міндет - қатты эмоциялық реакция тудыру: қызығушылық, алаңдаушылық немесе қорқыныш.Адамдар неліктен ұрына бередіКөп адамдар: «Мен мұндайға тап болмаймын» деген сенімде болады. Бірақ қазіргі заманғы алаяқтық схемалар техникалық дайындығы жоқ пайдаланушыларға емес, қарапайым адамдарға арналған.Сондықтан да киберқауіпсіздік жөніндегі мамандар мынаны үнемі қайталап отырады: бүгінгі күннің басты қорғанысы - антивирус емес, банктің немесе қосымшаның қауіпсіздік жүйесі емес, тоқтап, ақпаратты қайта тексеру әдеті.Осындай схемалардан өзіңізді қалай қорғауға болады:1) Хабарлардағы сілтемелер бойынша өтпеңіз. Хат немесе SMS ресми болып көрінсе де.2) Ақпаратты тек ресми қосымшалар мен сайттар арқылы тексеріңіз. iCloud немесе банк аккаунтын тексергіңіз келсе, онда ол жерге өзіңіз кіріңіз.3) SMS кодтарын ешкімге айтпаңыз. Тіпті достарыңыз бен туыстарыңызға да.4) «Тым жақсы» ұтыстарға сенбеңіз.&nbsp;Егер сіз ұтысқа қатыспасаңыз, сіз ештеңе ұтып алмадыңыз.5) Таныстарыңыздың өтініштерін әрдайым қайта тексеріңіз.&nbsp;Дұрысы адамға тікелей қоңырау шалу керек.6) Екі факторлы аутентификацияны қосыңыз.&nbsp;Бұл аккаунттарды бұзу қаупін айтарлықтай төмендетеді.Егер аккаунт ұрланған болса, бірден әрекет етіңіз. Құпия сөзді ауыстырыңыз, белсенді сессияларды аяқтаңыз және бұзу әрекеттері туралы ескертіңіз.<img src="https://knadmin.beoblood.kz/uploads/Foto_fingramota_kz_ae18e8d8b9.png" alt="Фото fingramota.kz.png">Бүгінде алаяқтар құрылғыларды ғана емес, адамдардың эмоцияларын да бұзады. Цифрлық схемалар неғұрлым сенімді болса, хабарларға автоматты түрде жауап бермеу әдетін сақтау соғұрлым маңызды - тіпті олар шұғыл, пайдалы немесе өте «адами» болып көрінсе де.Фото: fingramota.kz

«Сіздің аккаунтыңызға қауіп төніп тұр»: алаяқтар пайдаланушылардың көңіл-күйін қалай пайдаланады?

<a href="https://kyzylorda-news.kz/">Kyzylorda-news.kz</a> Кеше Жаңақорған ауданындағы Алпамыс батыр атындағы дене шынықтыру сауықтыру спорт кешенінде еркін және әйелдер күресінен спорт жанашырлары Ғалымжан Бердиев пен Анарбек Омаровты еске алуға арналған еркін күрестен 2013-2014 жылы туылған жасөспірім ұлдар және 2012-2013 жылы туылған жасөспірім қыздар арасындағы республикалық турнир басталды. 13-ші мамыр күні бастау алған&nbsp;еркін күрестен республикалық&nbsp;жарыс 16-шы мамыр күні қорытындыланады.Жарыстың ашылу салтанатында Жаңақорған&nbsp;аудандық дене тәрбиесі, спорт және туризм бөлімінің басшысы Махмут Рахымжанов, еркін күрестен ұлағатты ұстаз, бапкер Орынбек Жолшиев, Ғалымжан Бердиевтің бауыры Жомар Бердиев қатысып, жас балуандарға ақжарма тілектерін білдіріп, қатысушыларға сәттілік тіледі.Биыл аталған турнир 10-шы мәрте ұйымдастырылып, өткізілуде.Айта кетейік, байрақты бәсекеге Қырғызстан Республикасынан, сондай-ақ Ақтөбе, Алматы, Қызылорда, Түркістан, Жамбыл облыстары мен Алматы және Шымкент қалаларынан келген 8 команда құрамындағы 250-ге жуық спортшы қатысып, бақ сынауда.Алдағы уақытта турнир нәтижесін жариялайтын боламыз.

Қызылорда: Еркін күрестен республикалық турнир басталды

<a href="https://kyzylorda-news.kz/">Kyzylorda-news.kz</a>&nbsp; Премьер-министр Олжас Бектенов Мемлекет басшысының ұлттық жүк әуе компаниясын дамыту, сондай-ақ теңіз және теміржол тасымалдарын ұлғайту бойынша тапсырмаларын орындау мәселелері жөнінде кеңес өткізді.Жиында Көлік министрлігінің, «Самұрық-Қазына» ҰӘҚ, «Қазақстан темір жолы» ҰК» және Turlov Private Holding жүк әуе компаниясының жұмысын ұйымдастыру және оның тұрақты дамуын қамтамасыз ету жөніндегі тәсілдері тыңдалды.Транзиттік жүк хабы ретінде Қытай – Қазақстан – Батыс Еуропа бағыты бойынша қолайлы жағдай жасау үшін әуе кемелерін кезең-кезеңімен шығаруды, бәсекелестік құны бойынша авиаотынмен қамтамасыз етуді қоса алғанда, операциялық қызметті жедел іске қосу мәселелері қаралды. Ілеспе инфрақұрылымды дамытуға, оның ішінде әуежай қуатын, жүк терминалдарын, қойма логистикасына назар аударылды.Сонымен қатар Орталық Азия өңірінен Кавказға және Батыс Еуропа елдеріне тасымалдау көлемін ұлғайту үшін қазақстандық «Ақтау» және «Құрық» теңіз порттарын тиеу шаралары талқыланды.Теміржол саласы бойынша өткізу қабілетін арттыру, сондай-ақ тарифтік саясатты жетілдіру үшін инфрақұрылымды одан әрі жаңғырту және қазақстандық теміржол желісін дамыту жоспарлары айтылды.Кеңес қорытындысы бойынша Премьер-министр бірқатар тапсырма берді.

Архив