<a href="https://kyzylorda-news.kz/">Kyzylorda-news.kz</a> Қазақстандық мектептерде бірінші тоқсан аяқталуға жақын. Күзгі каникул кезеңі биыл 27 қазанда басталып, 2 қарашаны қоса алғанда жеті күнге созылады. Бұл туралы <a href="https://stan.kz/kazakstandik-okushilar-kuzgi-kanikulda-kansha-kun-demal-425074/">Stan.kz</a> ақпарат агенттігі хабарлайды.Оқу-ағарту министрлігінің мәліметінше, мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында "Адал азамат" біртұтас тәрбие бағдарламасы аясында іс-шаралар жоспары ұсынылады.Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:<ul><li style="text-align:justify;">"Балалар кітапханасы" жобасын іске асыру шеңберінде "Демалыста кітап оқимыз" іс-шарасы;</li><li style="text-align:justify;">"Буллингтен қорған!" қауіпсіздік сабағы;</li><li style="text-align:justify;">"Мектеп театрының" жұмысын ұйымдастыру ұсынылады.</li></ul><blockquote>"Ең бастысы, балалардың қауіпсіздігін қамтамасыз ету болып отыр. Осы мақсатта ата-аналармен бірге жол-көлік жарақаттарының алдын алу іс-шараларына, мектептің ішкі тәртібін сақтау, балалардың көшеде қауіпсіздігі, үйдегі өрт қауіпсіздігі және киберқауіпсіздік шараларына ерекше назар аудару қажет", – делінген министрлік хабарламасында.</blockquote>Фото: freepik.com

Қазақстандық оқушылар күзгі каникулда қанша күн демалады?

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен "Руханият" орталығында мәжіліс өтіп, онда бірқатар азаматтар марапатталды. Атап айтқанда, аудан басшысы қазан айының 17-18 күндері облыс орталығында өткен «Алтын күз – 2025» салтанатты іс-шарасы аясында ауданның ауыл шаруашылығы өнімдерінің жәрмеңкесін жоғары деңгейде ұйымдастыруға атсалысқан сала мамандарын облыс және аудан әкімінің Алғыс хатымен марапаттады.<img src="https://knadmin.beoblood.kz/uploads/Marapat_Syrdariya_3_cf316650a0.jpg" alt="Марапат Сырдария 3.jpg"><blockquote>– Өздеріңіз білесіздер, қазан айының 17-18 күндері Қызылорда қаласының астана болғанына 100 жыл толуына орай және «Алтын күз» мерекесі аясында ауқымды &nbsp;іс-шаралар өткізілді. Айтулы іс-шараларға Абай облысының делегаттары арнайы қатысып, Сыр өңірінің дамуына жоғары бағаларын берді. Облыс әкімі Нұрлыбек Машбекұлы Нәлібаев «Өнер» орталығында өткен «Алтын күз» салтанатты іс-шарасында жыл бойына ауыл шаруашылығында атқарылған жұмыстарға, агросаланың алдағы бағыт-бағдарына тоқталып, қамбаны толтырып, береке мен бірліктің үлгісін көрсеткен еңбек адамдарын құттықтады. Аудан диқандарының жылдағы дәстүрмен еңбектің үлгісін көрсеткенінің нәтижесінде Сырдария ауданы «Егін шаруашылығы бойынша Озат аудан» атанып, аймақ басшысы арнайы марапаттады. Бұл – барлығымыздың жетістігіміз, бірлесе атқарған жұмыстардың нәтижесі. «Алтын күз» салтанатты іс-шарасы аясында Қызылорда қаласында ауыл шаруашылығы өнімдерінің жәрмеңкесі ұйымдастырылды. Облыс орталығындағы «Мәңгілік алау» жанында өткізілген аудан жәрмеңкесі жоғары дәрежеде ұйымдастырылып, сол аумақтағы қала тұрғындары ризашылығын білдірді. Бұл осы жиынға қатысып отырған барлығымыздың бірлесе атқарған жұмыстарға берілген баға деп есептеймін. Ауыл шаруашылығы жәрмеңкесін жоғары деңгейде ұйымдастыруда жауапкершілік танытып, атсалысқан баршаңызға шынайы алғысымды білдіремін, – деді Берік Әбдіғаппарұлы.</blockquote>Марапаттау рәсімінен соң аудан әкімі алдағы ауданда өткізілетін «Алтын күз – 2025» іс-шарасын да жоғары деңгейде өткізу жөнінде тапсырмалар жүктеді.<img src="https://knadmin.beoblood.kz/uploads/Marapat_Syrdariya_2_b4145c1124.jpg" alt="Марапат Сырдария 2.jpg">

"Алтын күз-2025" іс-шарасын өткізуге атсалысқан сала мамандары марапатталды

<a href="https://kyzylorda-news.kz/">Kyzylorda-news.kz</a> Алматының Орталық стадионында ертең «Қайрат» пен «Пафос» командалары арасында матч өтеді, – деп хабарлайды <a href="https://kaz.inform.kz/news/kayrat-pafos-250-minnan-30-minga-deyng-biletter-kalay-satilip-zhatir-ea369c/">Қазақпарат.</a>УЕФА Чемпиондар лигасының аясында өтетін ойынға билеттер бір апта бұрын сатылымға шықса да, жартысынан азы сатылды. Іріктеу кезеңіндегі «Селтик» пен топтық кезеңдегі «Реал Мадридке» қарсы ойында билеттер санаулы сағаттарда сатылған еді.«Реал Мадрид» командасымен ойында билеттердің бағасы 250 мыңнан 30 мыңға дейін болды. «Пафосқа» қарсы матч алдында да билеттер бағасы осы аралықта қалған. Тек 30 мыңдық және 75 мыңдық сектор мен орындар саны көбейген. Бірақ мұндай баға отандық жанкүйерлер арасында наразылық тудырды. Әлеуметтік желіде адамдар Кипр командасы келетін ойын үшін билет тым қымбат екенін жазып жатыр. Тіпті, алматылық клубтың бұл әрекетіне наразылық білдіру үшін аталған ойынға байкот жариялауды ұсынғандар да болды.Қазір Орталық стадионның 11, 52, 42 және қонақ команданың жанкүйерлеріне арналған секторларда билет жоқ.<img src="https://knadmin.beoblood.kz/uploads/Skrin_d619b52a32.jpg" alt="Скрин.jpg">Қалған секторлардың ешқайсысында билеттер толық сатылмаған. Тек әр тұстан 30 мыңдық орындар, біршама 75 мыңдық орындар және санаулы 150-250 мыңдық орындар бүгінге дейін өткен.Бүгін матч алдындағы баспасөз мәслихатында «Қайрат» ойыншысы Еркін Тапалов «билеттердің сатылмауына байланысты бос трибуналар ойыншыларға қалай әсер етеді» деген сұраққа жауап берді.<img src="https://knadmin.beoblood.kz/uploads/Skrin_2_68acd33323.jpg" alt="Скрин 2.jpg"><blockquote>—&nbsp;Бұл біздің ойынымызға еш&nbsp;әсер етпейді. Біз қолдау қандай болса да, жеңуге тырысамыз. Чемпиондар лигасында жеңіске жетіп, тарих жасағымыз келеді. Барымызды саламыз. Бізді қолдайтын нағыз жанкүйерлер келеді деп үміттенеміз,&nbsp;— деді ол.</blockquote>Фото: Penalty.kz

«Қайрат» — «Пафос»: 250 мыңнан 30 мыңға дейінгі билеттер қалай сатылып жатыр?

<a href="https://kyzylorda-news.kz/">Kyzylorda-news.kz</a> Қытайдың Тарбағатай аймағынан атпен жолға шыққан жас жұбайлар&nbsp;— Қуанбек Түсіпханұлы мен Жайна Еркінқызын Астана халқы ыстық ықыласпен күтіп алды.Олар Тарбағатай аймағына қарасты Сауан ауданынан 8 тамыз күні жолға шыққан болатын. 74 күнін ат&nbsp;үстінде өткізген жолаушылар қазақтың ұлан-ғайыр даласын ат&nbsp;тұяғымен дүбірлетіп, Сарыарқаға жетті. Сапардың жалпы аралығы&nbsp;— 2 500 шақырымнан асады.<blockquote>—&nbsp;Ойға алған үлкен арманымыз орындалды. Ерекше қуаныштымын! Әсерімді айтып жеткізе алмаймын. Бұл сапар&nbsp;— өмірімізде өшпестей орын алған ерекше естелік болып қалады,&nbsp;— дейді Қуанбек Түсіпханұлы.</blockquote>Саяхатшылар ат жалындағы алыс сапардың қиындығын жол бойындағы ыстық ықыласпен қарсы алып, көмек көрсеткен ақпейіл жандардың ізгі ниеті ұмыттырып жібергенін айтады.<blockquote>— Шекарадан өткелі жолдағы елдің ыстық ықыласы, пейілі, мейірі бізге тілекші болып, барын беріп, жоғымызды толықтап, жүгіріп жүрген ізгі ниеті бізді ерекше тебірентті. Тіпті орыс, түрік секілді өзге ұлт өкілдері де бізді естіп, алыстан іздеп келіп, азық-түлік беріп, көмектесіп жатыр. Жол бойы тілеулес болып, қолдау көрсеткен барша ағайынға алғысымыз шексіз. Бұл — бір отбасының емес, тұтас ұлтымыздың сапары болғандай. Сапардан алған әсеріміз өте керемет: әсем табиғат, қонақжай ел, жолдағы көрікті жерлерді көріп, білгенімізді түсіріп, әлеуметтік желіге жариялап отырдық. Артта қалған алыстағы ағайын да хабарласып, елдің ықыласына риза болып сәлем жолдап жатыр, — дейді жұбайлар.</blockquote>Күтіп алу шарасы аясында Дүниежүзі қазақтары қауымдастығының өкілдері жолаушыларды арнайы төсбелгімен марапаттап, алғыс хат табыс етті.Алыс жолды атпен бағындырып, Астанаға жеткен қандастарымызды күтіп алуға келген Мәжіліс депутаты Ерлан Саиров жастардың ісі елді береке-бірлікке шақырғанын атап өтті.<blockquote>— Бүгін қазақ әлемі үшін өте айтулы күн деп айтуға болады. Өйткені сонау арғы беттен Қуанбек пен Жайна қарындасымыз қазақтың қарашаңырағына ат терлетіп, елімізге деген сағынышын алып келіп отыр. Бізді бір қуантатыны — ат үстіндегі жұбайлар қазақ еліне кіргеннен бастап халқымыз бұл азаматтарға шын ықыласын, ізгі ниетін көрсетті. Бұл — ұлтымыздың ынтымағы мен бірлігінің жоғары деңгейде екенін көрсетеді. Сондықтан бұл ұзақ сапарды қазақ халқының ынтымағы мен достығының сапары болды деп айтуға толық негіз бар. Осындай игі шараны қолға алған жолаушы жұбайларға үлкен алғыс білдіреміз. Астанаға келген қадамдарыңыз құтты болсын! Әлемнің әр түкпіріндегі қандастарымыз қазақ еліне жинала берсін, — деді Ерлан Саиров.</blockquote>Фото: Ағыбай Аяпбергенов/ Kazinform

Атажұртқа атпен сапар шеккен қандастар Астанаға жетті

<a href="https://kyzylorda-news.kz/">Kyzylorda-news.kz</a> Бүгін ҚР Президенті Әкімшілігінің басшысы Айбек Дәдебайдың төрағалығымен қылмыстық атқару жүйесінің мәселелері талқыланған кеңес отырысы өтті.&nbsp;Оған облыс әкімі Нұрлыбек Нәлібаев селекторлық режим арқылы қатысты. Өңірде бас бостандығынан айыру орындарынан босатылғандарды қоғамға қайта бейімдеу, еңбекке тарту, пробация қызметін күшейту бағытында тиісті жұмыс атқарылуда.<img src="https://knadmin.beoblood.kz/uploads/Selektorly_otyrys_3_9067993e7a.jpg" alt="Селекторлық отырыс 3.jpg">Биылға жұмыспен қамту үшін бекітілген 92 квота түгел игерілді. Үкіметтік емес ұйымдар арқылы қайта әлеуметтендіруге қаржы бөлініп, жобалар іске асты. Жұмыссыз ретінде тіркелген 325 адамның 213-і тұрақты, 49-ы уақытша жұмысқа орналасты.«Бастау Бизнес» жобасымен 31 азаматқа 48,6 млн. теңге қайтарымсыз мемлекеттік грант берілді, 23 отбасы атаулы әлеуметтік көмек алып, 124 азаматқа қайырымдылық көмек көрсетілді. Жергілікті бюджеттен 184 азаматқа біржолғы әлеуметтік көмек төленді, басқа да қолдау көрсету жолға қойылған.<img src="https://knadmin.beoblood.kz/uploads/Selektorly_otyrys_2_844f4f350e.jpg" alt="Селекторлық отырыс 2.jpg">

Қылмыстық атқару жүйесінің мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Қорғаныс министрлігінде әскери қызметшілерді баспанамен қамтамасыз ету және «Әскери баспана» жеңілдетілген ипотекалық несиелеу бағдарламасын қайта жандандыру мәселесіне арналған жиын өтті. Оған ведомство басшысы авиация генерал-лейтенанты Дәурен Қосанов пен «Отбасы банк» басқарма төрағасы Ләззат Ибрагимова қатысты. Бұл туралы ведомствоның <a href="https://kaz.inform.kz/news/askeri-baspana-zhenldetlgen-ipotekasi-kayta-zhandanadi-4af32a/">баспасөз қызметі</a> мәлім етті.Министр жеке құрамның әлеуметтік әл-ауқаты Қорғаныс министрлігі жұмысының басым бағыттарының бірі екенін атап өтті.Сондай-ақ, ол «Отбасы банк» мобильді қосымшасының жұмысына қатысты мәселелерді жедел шешкені үшін Ләззат Ибрагимоваға алғысын білдіріп, оның қызметін тезірек қалпына келтіруге үміт артты.Кездесу барысында министр «Баспана.кз» сайтында жарияланған жаңа талаптарға да назар аударды. Олар әскери қызметшілер үшін жалдамалы тұрғын үй рәсімдеуде қосымша қиындықтар туғызып отыр.&nbsp;Кездесудің негізгі тақырыптарының бірі «Әскери баспана» бағдарламасын қайта іске қосу болды. Дәурен Қосанов бастапқы жарна мен несие бойынша пайыздық мөлшерлемені төмендету мүмкіндігін қарастыруды ұсынды.– Әскери қызметшілер үшін жеңілдетілген ипотекалық несиелерге нақты қолжетімділік маңызды. Қазіргі уақытта ондай мүмкіндік жоқ, ал тұрғын үй бағасының өсуінен бастапқы жарна жинау іс жүзінде мүмкін емес, – деп атап өтті Қорғаныс министрі.Министрдің айтуынша, 15 мыңнан астам әскери қызметші отбасы тұрғын үй төлемдері жүйесі мен ипотекалық бағдарламалар, соның ішінде «Әскери баспана» арқылы тұрғын үй жағдайын жақсартқан.Сондай-ақ, ол бұрынғыдай екінші деңгейлі нарықтан баспана сатып алу мүмкіндігін қайтаруды ұсынды. Себебі көптеген әскери қызметшілер жөндеуден өткен, инфрақұрылымы дамыған, қызмет орнына жақын орналасқан пәтерлерді қалайды.Кездесу қорытындысы бойынша тараптар әскери қызметшілер үшін өзекті тұрғын үй мәселелерін бірлесе шешуге дайын екендігін растады.Еске сала кетейік, Премьер-министр Мемлекет басшысының азаматтар мүддесі үшін экономикалық реформалар бағдарламасын жүзеге асыруды ретке келтіру жөніндегі тапсырмаларын орындау мәселелері бойынша кеңес өткізгенде сұранысқа ие «Әскери баспана» бағдарламасы қайта іске қосылатынын, ол жыл сайын кемінде жеті мың әскери қызметшінің отбасына жаңа үйден бөлек, қайталама нарықтан да пәтер сатып алуға мүмкіндік беретінін айтқан болатын.Фото: Қорғаныс министрлігі

«Әскери баспана» жеңілдетілген ипотекасы қайта жанданады

Жақында Ғылым және жоғары білім министрі Саясат Нұрбек Ұлттық бірыңғай тестілеудің елеулі өзгерістерге ұшырайтынын айтты. Осы орайда <a href="http://stan.kz/">Stan.kz</a> ведомстводан тестілеудің форматы қалай болатынын, қандай өзгерістер енгізілетінін сұрап көрді.&nbsp;Министрлік мәліметінше, Ұлттық бірыңғай тестілеуді өзгерту жұмыстары кезең-кезеңімен және жүйелі түрде жүзеге асырылады.<blockquote>"Ұлттық бірыңғай тестілеуді үздік әдіснамасы мен сапасы бар халықаралық тестілеу жүйесіне айналдыру үшін ETS (Educational Testing Service) ұйымының әлемдік деңгейдегі үздік мамандарын тартамыз. Осылайша арнайы жұмыс тобы құрылады. ҰБТ жаңғырту жұмыстары кезең-кезеңімен және жүйелі түрде жүзеге асырылады, яғни 5 жылдық кезеңдік жоспар әзірлейміз", – делінген хабарламада.</blockquote>Сондай-ақ министрлік келер жылы Ұлттық бірыңғай тестілеуге ешқандай өзгеріс енгізілмейтінін айтты.&nbsp;<blockquote>"2026 жылы тестілеу форматына өзгерістер енгізу жоспарланбаған. Барлық өзгерістер ғылыми тұрғыдан зерделеніп, шетелдік және отандық тәжірибелі маман-сарапшыларымен мұқият талқыланады. Білім бағалау жүйесіндегі өзгерістер және олардың маңыздылығы мен күтілетін нәтижелері бойынша түсіндірме жұмыстары жүргізіледі", – делінген хабарламада.&nbsp;</blockquote>Фото: Нұрболат Нұржаубай&nbsp;

ҰБТ түбегейлі өзгереді: Министрлік тестілеуге қандай өзгерістер енгізілетінін айтты

<a href="https://kyzylorda-news.kz/ru">Kyzylorda-news.kz</a> Педагогикалық шеберлік орталығының ұйымдастыруымен Қызылорда қаласындағы Назарбаев Зияткерлік мектебінде жалпы білім беретін мектептердің жас педагогтеріне арналған дәстүрлі «Жас ұстаз: табысқа апарар жол» IV аймақтық форумы өтті. Шараға аймақтағы 150-ге жуық ауыл мұғалімдері қатысып, кәсіби білімдерін арттырды.Форум ашылу салтанатында Қызылорда облысының білім басқармасы басшысының орынбасары Асхат Қанатов пен Педагогикалық шеберлік орталығының филиал директоры София Камалова сөз сөйлеп, жас педагогтердің білім беру жүйесіндегі белсенді рөлін атап өтті.<blockquote>«Биылғы форумды жасанды интеллект тақырыбына арнадық. Шараларды барынша заманауи бағытта өткізіп, жас педагогтердің тәжірибе алмасуына жағдай жасадық. Мұндай басқосулар ұстаздардың кәсіби дамуына, шығармашылық әлеуетін арттыруға және білім беру саласында жаңа идеялардың қалыптасуына жол ашады», – деді София Камалова.</blockquote>Форумның мотивациялық алаңында өңір мен елдің танымал тұлғалары өз табысты &nbsp;тарихтарымен бөлісті. Олардың қатарында өңірдегі Назарбаев Зияткерлік мектебінің директоры Акбар Тусупбаев, ғалым Нұрбол Аппазов, ақын және аудармашы Абай Қалшабек, Жасанды интеллект институтының директоры Нұрлан Құлмырзаев және жас ұстаз Балдырған Қожатай болды.«Педагогикалық тәжірибелер кеңістігі» тәжірибелік бөлімі түрлі бағыттағы шеберлік сабақтарымен ерекшеленді. Мұнда мұғалімдер сабақ үрдісінде жасанды интеллект құралдарын қолдану, геймификация енгізу және пәнаралық интеграция әдістерімен танысты.<figure class="image"><img src="https://knadmin.beoblood.kz/uploads/Nish_0923a86bde.jpg" alt="Ниш.jpg"></figure>Сырдария ауданындағы №210 мектептің математика пәні мұғалімі Заманбек Аманбеков «Gamification in Math» атты шеберлік сыныбын өткізіп, математика сабағын ойын арқылы түрлендірудің тиімділігін көрсетті.<blockquote>«Қазіргі таңда оқушылардың пәнге қызығушылығын арттырудың маңызды тетігі – геймификация. Мен әзірлеген «MathBox» жиынтығында математикалық UNO карточкалары, комикс QR-кодтары мен шағын тақтайшалар бар. Бұл құралдар сабақты ойын элементтерімен және жасанды интеллект мүмкіндіктерімен толықтыруға мүмкіндік береді. Соның нәтижесінде соңғы үш жылда оқушылардың үлгерімі 63 пайызға артты», – дейді жас педагог.</blockquote>«Brain Boost» және «Generation A» IDEA-марафоны сынды командалық ойындарда қатысушылар логикалық ойлау мен коммуникациялық дағдыларын дамыта алды. Ал «Жүзден жүйрік» интеллектуалды сайысында білім мен жылдамдық сынға түсті.Форум соңында «Форум барометрі» кері байланыс алаңы ұйымдастырылып, қатысушылар өз әсерлерімен бөлісті.«Жас ұстаз: табысқа апарар жол» форумы – Сыр өңірі мұғалімдерінің кәсіби ынтымақтастығын нығайтып, жас педагогтердің шығармашылық және инновациялық әлеуетін ашуға бағытталған маңызды білім алаңы болды.<figure class="image"><img src="https://knadmin.beoblood.kz/uploads/e7c0e932_0cd6_4de8_ad85_9967be8f739c_c8602a378c.jpg" alt="e7c0e932-0cd6-4de8-ad85-9967be8f739c.jpg"></figure>

Геймификация, идея және интеллект: жаңа дәуір педагогтерінің форумы

<a href="https://kyzylorda-news.kz/">Kyzylorda-news.kz</a> &nbsp;Соңғы жылдары Қазақстанда «таптырмас ұсыныс» және «жылдам табыс» дегенді алға тартып, азаматтарды алдап түсіру жағдайлары жиі тіркелуде. Қаскүнемдер адамдардың аса көп күш жұмсамай қаржылық жағдайларын &nbsp;жақсартқылары келетіндерін пайдаланып, жеңіл табыс көзіне кенелуге, кепілді инвестицияларға немесе кредит алуға көмек беруге уәде береді.Алайда, «судың сұрауы бар» демекші, мұның артында жақсы ойластырылған схемалар тұр, олар қыруар қаржылық шығындарға, тіпті қылмыстық жауапкершілікке әкелуі мүмкін.FinGramota.kz «тез баюдың» кеңінен таралған тәсілдерін қарастырып, өзіңді және өз жақындарыңызды қалайша қорғау керектігі жөнінде айтып береді.Кредит алуға көмектесетін «делдалсымақтар: көмекке уәде беріп, ақшаңызды ұрлайдыМұндай «делдалсымақтар» тіпті адамның кредиттік тарихы жаман болып, шоттары бұғатталған болса да ешбір «тексерулерсіз және бас тартусыз» кредит ресімдеп беруді ұсынады.Алайда, олар өз «қызметтері» үшін «тіркеуді», «белсендіруді» немесе «растауды» төлеуді талап етеді. Ақша қолдарына түсе сала, олар іздерін жоғалтады.Кейбір жағдайларда кредит ресімдеу сыңайымен алаяқтар дербес деректерді қолға түсіреді және оларды өздерінің қылмыстық мақсаттарына қолданады.Қаржылық көрсетілетін қызметтерге лицензиялары жоқ жалған микроқаржы ұйымдары ерекше қауіпті.Құқықтық статистика комитетінің деректері бойынша 2024 жылғы қаңтар-шілде айлары кезеңінде Қазақстандағы интернет-алаяқтықтың 15%-ға жуығы заңсыз онлайн-қарыздар ресімдеумен байланысты.«Картаны жалға беру»: соңы сотпен аяқталатын жеңіл табысЖаңа схемалардың бір түрі «картаны жалға беру» немесе «таныстарға көмек үшін» шот ашу ұсыну.Шын мәнісінде мұндай шоттар арқылы қылмыскерлер ұрланған ақшаны өткізеді, ал картаның иесі қаржылық қылмыстың сыбайласына айналады.Картаны беру &nbsp;— бұның өзі заңды бұзу болып табылады. Қазақстанда мұндай қылмыс үшін ҚР ҚК-нің 232-1-бабы қолданылады, ол банк деректерін немесе карталарын заңсыз бергені үшін мүлкі тәркіленіп, айыппұл салудан &nbsp;жеті жылға дейін бас бостандығынан айыруды көздейді.Мысал: аңғал азамат «ақша аудару үшін» картасын басқаға берген, &nbsp;ақырында қылмыстық кірістерді жылыстату ісінің қатысушысы болды.Фишинг және «сілтеме - қақпандар»Фишинг — деректер ұрлаудың кеңінен тараған тәсілі. Алаяқтар «сыйлықтар», «сауалнамалар» немесе «төлемдерге» уәде беретін жалған сайттар құрады. Картаның деректерін енгізсеңіз немесе сілтеме бойынша өтсеңіз болды, қаскүнемдер әпсәтте банктік шоттарға толығымен қол жеткізеді.Кейбір сілтемелер құрылғыға вирус орнатады, ол алаяқтарға хат алмасу үшін, байланыстарға және құжаттарға қол жеткізуге мүмкіндік беретін.Бас прокуратураның мәліметінше, 2025 жылдың сегіз айында Қазақстанда интернет-алаяқтықтың 14 000 жағдайы тіркеліп, залал 6 млрд теңгеден асқан.Инвестициялық пирамидалар: жаңа ораудағы ескі схема«Тәуекелі жоқ жоғары кіріске» уәде беру – қаржы &nbsp;пирамидасының басты белгісі. Бастапқыда оның мүшелері нақты пайдаға сену үшін шағын төлемдер алады, бірақ уақыт өте келе ұйымдастырушылар ақшамен бірге жоғалады.Соңғы мысал – Қазақстанда және көрші елдерде жұмыс істеген «Amir Capital» жалған қоры.Ол криптовалюта саудасы мен инвестициялардан айына 10%-ға дейін кіріс алуға уәде берді. Пирамидаға 40-тан астам адам тартылды, шығын шамамен 10 млн долларды құрады.Жалған мемлекеттік қызметшілер және жалған бағдарлама операторларыАлаяқтар өздерін көп жағдайда мемлекеттік органдардың өкілдері ретінде таныстырады және «төлемдер», «субсидиялар» немесе «өтемақылар» төлеуге уәде етеді. Қаражат алу үшін сілтеме бойынша өтуді, сауалнама толтыруды немесе «мемлекеттік бажды» төлеуді сұрайды.Мысалы, өткен жылы алаяқтар ҚР Еңбек министрлігінің атынан жарнама жіберіп, 100 000 теңге өтемақы төлеуге уәде берді.Азаматтар жалған сайтқа кіріп, жеке деректерін енгізіп, қаражат ұрлаудың құрбаны болды.Өзіңізді қалау қорғау қажетЕшқашан алдын ала ақы төлемеңіз: егер сізден «комиссия», «тіркеу ақысын» немесе кредит, субсидия немесе сыйлық үшін кез келген басқа жарна талап етілсе, бұл әрқашан алаяқтық.Ұйымдар мен лицензияларды тексеріңіз: микроқаржы ұйымына немесе «инвестициялық қорға» хабарласпас бұрын, олардың ресми тізімдерде, &nbsp;мысалы, Қаржы нарығын реттеу және дамыту агенттігінің тізілімінде бар екеніне көз жеткізіңіз.Ешбір жағдайда карта мен шотты жалға бермеңіз: банк картасын беру – Қазақстандағы қылмыстық құқық бұзушылық. Ол арқылы алаяқтар ұрланған ақшаны жылыстатады, ал сіз жауапкершілікке тартыласыз.Сілтемелерден сақ болыңыз: хабарламалар мен әлеуметтік желілерден «төлем сайттары» мен «конкурстар» бойынша өтпеңіз. Нағыз мемлекеттік қызметтер тек eGov.kz сайтында және eGov mobile мобильді қосымшасында қолжетімді.«Өте тиімді инвестицияларға» сенбеңіз: тәуекелі жоқ жоғары кіріс пирамиданың классикалық белгісі болып табылады. Әсіресе жаңа адамдарды әкелу керек болса.Қоңыраулар мен хабарламаларды тексеріңіз: егер «банк қызметкері» немесе «мемлекеттік қызметші» қоңырау шалып, шотқа қауіп төндірсе немесе өтемақы төлеуге уәде берсе, телефонды қойып, ресми нөмірге қайта қоңырау шалыңыз.Жеке деректерді құпия сақтаңыз: ЖСН, интернет-банкингтен құпия сөздерді, карталардың CVV-кодтарын және құжаттардың фотосуреттерін ешкімге бермеңіз.Алаяқтар туралы хабарлаңыз: егер күдікті схемаға тап болсаңыз –полицияға хабарласыңыз және орын алған жағдайлар туралы банкіңізге хабарлаңыз.<img src="https://knadmin.beoblood.kz/uploads/1205_infographics_kaz_7_debba67c61.png" alt="1205-infographics-kaz-7.png">Есіңізде болсын: ұсыныс неғұрлым тартымды болса, оның алдау ықтималдығы соғұрлым жоғары болады. Қаржылық сақтық пен ақпаратты тексеру – кез келген «жылдам табыс» схемаларынан қорғаудың ең үздік мысалы.Фото: fingramota.kz

Қаржылық қақпан: қайтарымы жоқ жылдам ақша  

<a href="https://kyzylorda-news.kz/">Kyzylorda-news.kz</a> Қызылордалықтар «Қала күні» мерекесін ерекше тойлады. Қызылорда қаласының астана мәртебесін иеленгеніне 100 жыл толуына және «Қала күні» мерекесіне орай Сыр өңірінде түрлі мәдени шаралар ұйымдастырылды.Сол жағалаудағы жаңа стадионда Қала күніне арналған ең ауқымды іс-шара – салтанатты гала-концерт ұйымдастырылды.Қалалық ипподромда облыс әкімі Нұрлыбек Нәлібаевтың қатысуымен «Алтын күз – 2025» ұлттық ат бәйгесі өтті. Қаламыздың барлық мөлтек аудандарында ауылшаруашылығы өнімдерінің жәрмеңкелері ұйымдастырылды.«Қала күні» мерекесінде облыстық Полиция департаментінің жеке құрамы өз қызметін күшейтілген тәртіпте атқарды.Халық көп жиналатын демалыс орындары мен “Qaisar Arena” стадионында патрульдік полиция жасақтары мен ҚР ІІМ Ұлттық ұланының әскери қызметшілері қоғамдық тәртіпті сақтау үшін жұмылдырылды. Жағдайды бақылау Жедел басқару орталығының бейнебақылау жүйесі арқылы тәулік бойы жүзеге асырылып, азаматтардың өтініштеріне жедел әрекет ету мүмкін болды. Мереке күндері тыныш өтіп, оқыс оқиғалар болған жоқ.Тәртіп сақшыларынның қауырт қызметін ескеріп, Қызылорда облысы әкімінің бірінші орынбасары Данияр Жаналинов облыс әкімінің атынан Полиция департаментінің қызметкерлерін Алғыс хатпен марапаттап, қызметтеріне сәттілік тіледі.«Өздеріңізге белгілі, өткен аптада халқымыздың тарихи «қазақ» атауының қайтарылғанына, Қызылорда қаласының ел астанасы болғанына 100 жыл толу мерейтойы мен Қала күні, Алтын күз мерекелері аясында өңірімізде ауқымды шаралар кең көлемде аталып өтілді.Халқымызда «Жұмыла көтерген жүк жеңіл» деген жақсы сөз бар. Мереке күндері құқық қорғау органдары мен төтенше жағдайлар, медицина саласының қызметкерлері тарапынан адам көп шоғырланатын орындар мен нысандарда кезекшіліктер ұйымдастырылып, қоғамдық тәртіптің сақталуы, медициналық жедел жәрдем көмегінің көрсетілуі, төтенше оқиғалардың алдын алуы қатаң бақылауда болды.Арнайы келген қонақтарымыз бен аймақ тұрғындарына ерекше мерекелік көңіл - күй сыйлауға және іс-шаралардың жоғары деңгейде ұйымдастырылуына Сіздердің еңбектеріңіз орасан зор.Өңіріміз үшін ең маңызды шараларды өткізуде ауызбіршілік пен ұйымшылдық көрсеткендеріңіз үшін баршаңызға аймақ басшысы Нұрлыбек Машбекұлының шынайы алғысын, ризашылығын жеткізгім келеді» деді облысы әкімінің бірінші орынбасары Данияр Жаналинов.

Қала күнінде тәртіп сақшылары тынбай еңбек етті

<a href="https://kyzylorda-news.kz/">Kyzylorda-news.kz</a> Қызылорда қаласының ғасырлық мерейтойына тамаша тарту!Елордада ҚР Парламенті Мәжілісінің ұйымдастыруымен 25 қазан – Республика күніне орай бұқаралық ақпарат құралдары өкілдері арасында шағын футболдан «Majilis Cup – 2025» республикалық турнирі өтті.Төртінші мәрте ұйымдастырылған доп додасына еліміздің барлық өңірінен келген 20-ға жуық команда қатысты. Сол командалардың ішінен ерекше ойын өрнегін көрсеткен Қызылордалық «Ақмешіт» футбол командасы жоғары нәтижеге қол жеткізіп, бас жүлдені жеңіп алды!Жарыс нәтижесі:«Ақмешіт» командасы (Қызылорда) – І орын«AsNews» командасы (Астана) – ІІ орынKFF Media командасы (Астана) – ІІІ орын<img src="https://knadmin.beoblood.kz/uploads/Kyzylordinskij_A_meshit_pobeditel_respublikanskogo_turnira_Majilis_Cup_2025_1_00518ecdc5.jpg" alt="Кызылординский «Ақмешіт» – победитель республиканского турнира «Majilis Cup – 2025» 1.jpg">Фото: Қызылорда облысының дене шынықтыру, спорт және туризм басқармасы

 Қызылордалық “Ақмешіт” футбол командасы «Majilis Cup – 2025» республикалық турнирінің жеңімпазы атанды! 

<a href="https://kyzylorda-news.kz/">Kyzylorda-news.kz</a> 20 қазан- 3 қараша аралығында «Саламатты Қазақстан» медициналық пойызы Қызылорда облысының ауылдарына келеді.Сексеуіл (Арал ауданы) 20.10.2025 ж. – 21.10.2025 ж.&nbsp;Аралқұм (Арал ауданы) 22.10.2025 ж. – 23.10.2025 ж.Бекбауыл (Арал ауданы) 24.10.2025 ж. – 25.10.2025 ж.Қызылтам (Қармақшы ауданы) 26.10.2025 ж&nbsp;Сұлутөбе (Шиелі ауданы) 27.10.2025 ж. – 28.10.2025 ж.Бәйгеқұм (Шиелі ауданы) 29.10.2025 ж. – 30.10.2025 ж.рзд. Екпінді (Жаңақорған ауданы) 31.10.2025 ж. – 01.11.2025 ж.Бесарық (Жаңақорған ауданы) 02.11.2025 ж. – 03.11.2025 ж.Қабылдау уақыты: сағат 09:00-ден 18:00-ге дейін.Барлық медициналық қызметтер ТЕГІН көрсетіледі. Қызметтер міндетті әлеуметтік медициналық сақтандыру (МӘМС) және кепілдендірілген тегін медициналық көмек (КТМК) шеңберінде жүргізіледі.Пойыз заманауи диагностикалық жабдықтармен толық қамтамасыз етілген, бұл түрлі тексерулер мен ем-шараларды орындауға мүмкіндік береді.Қабылдау жүргізетін мамандар:• терапевт,• хирург,&nbsp;• травматолог (ересектер және балалар),&nbsp;• педиатр,&nbsp;• психолог,&nbsp;• невропатолог (ересектер және балалар),&nbsp;• УЗИ маманы,&nbsp;• рентгенолог,&nbsp;• кардиолог,&nbsp;• стоматолог (ересектер және балалар),&nbsp;• офтальмолог (ересектер және балалар),&nbsp;• оториноларинголог (ересектер және балалар),&nbsp;• гинекологДиагностикалық қызметтер:электрокардиография (ЭКГ)рентген, маммография, ультрадыбыстық зерттеу (УДЗ), зертханалық талдаулар (жалпы кан анализы, жалпы зар анализы, қанның биохимиялық талдауы)Қажет болған жағдайда шағын хирургиялық операциялар жасалып, жоспарлы емдеуге жолдамалар беріледі.Үйден шыға алмайтын тұрғындарға арналған мобильді бригада жұмыс істейді.

Архив