<a href="https://kyzylorda-news.kz/">Kyzylorda-news.kz</a> 2026 жылғы 10 қаңтарында басталған ҰБТ-дан бүгінгі күнге дейін 36 мыңнан астам адам өтті. Талапкерлердің 64%-ы тестілеуді қазақ тілінде, 36%-ы орыс тілінде және 52 адам ағылшын тілінде тапсырды.Ғылым және жоғары білім министрлігі&nbsp;мәліметінше, бірінші аптаның қорытындысы бойынша талапкерлердің 60,3%-ы шекті балл жинады. Бес пән бойынша орташа балл 57 балл болды. Ең жоғары нәтиже – 131 балл.Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 156 талапкер қатысқанын айта кеткен жөн.Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы бар. Техникалық себептер бойынша апелляция тікелей тестілеу кезінде қабылданады. Нәтижелері бар сертификаттар апелляция қарастырылғаннан кейін жеке кабинеттерде қолжетімді болады.ҰБТ-ны өткізудің бірінші аптасында 94 ереже бұзушылық анықталды. 56 талапкер смартфондарды, шпаргалкаларды және басқа да тыйым салынған заттарды алып кірмек болғаны үшін тестілеуден шеттетілді. Тағы 38 адам тестілеу кезінде ережелерді бұзғаны үшін аудиториядан шығарылды, олардың нәтижелері жойылды. Өзге адамдардың орнына кіру фактілері анықталған жоқ.2026 жылғы ҰБТ аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда ҰБТ нәтижелері жойылады.Фото: gov.kz

36 мыңнан астам адам қаңтар ҰБТ-сын тапсырды

<a href="https://kyzylorda-news.kz/">Kyzylorda-news.kz</a> Қаржы нарығын реттеу және дамыту агенттігі мерзімді әскери қызметке шақырылған азаматтар туралы мәліметтермен алмасу қағидаларын бекіту жөніндегі қаулы жобасын қоғамдық талқылауға шығарды.&nbsp;Құжатта Қорғаныс министрлігі мен кредиттік бюролар арасында ақпарат алмасу тәртібі айқындалып, бұл тетік әскери қызмет өткеру кезеңінде қарыздар бойынша төлемді кейінге қалдыруды ұсыну және жеке тұлғаның кредиттік есебінде тиісті мәртебені көрсету мақсатында жүзеге асырылатыны көрсетілген.<blockquote>— Жобада банктер мен микроқаржы ұйымдарының шақыру жасындағы жеке тұлғаның кредит алу жөніндегі өтінімі түскен кезде оның кредиттік есебіндегі мәртебесін тексеру қажеттілігі көзделген. Егер кредиттік есепте жеке тұлғаның мерзімді әскери қызметті өткеруі туралы мәліметтер болса, банктер мен микроқаржы ұйымдары кредит беру туралы өтінімді қабылдамайды, — делінген қоғамдық талқылауға шығарылған қаулы жобасында.</blockquote>Әзірлеуші органның мәліметінше, аталған бастама «Қазақстан Республикасындағы банктер және банк қызметі туралы» Заң талаптарын іске асыруға бағытталған және оны қабылдау әлеуметтік-экономикалық немесе құқықтық теріс салдарларға әкелмейді.Фото: Gov.kz

Мерзімді әскери қызметтегі азаматтар енді кредит ала алмайды 

<a href="https://kyzylorda-news.kz/">Kyzylorda-news.kz</a> &nbsp;Президент алдағы конституциялық реформаны талқылау басталғалы бері жарты жылға жуық уақыт өткенін еске салды. Осы кезең ішінде қоғамда елдің жоғары заң шығарушы органын трансформациялаудың мақсаттары мен міндеттеріне қатысты дұрыс түсінік қалыптасты. Бұл туралы Қасым-Жомарт Тоқаев парламенттік реформа жөніндегі жұмыс тобының отырысында айтты.Қасым-Жомарт Тоқаев қыркүйек айындағы халыққа арнаған Жолдауынан кейін өрбіген қоғамдық пікірталастарды мұқият қадағалап отырғанын жеткізді. Мемлекет басшысы талқылау нәтижесін, сараптама қорытындыларын, ұсынылған түзетулердің жобаларын, сондай-ақ конституциялық реформаға қатысты азаматтардан келіп түскен ұсыныстарды егжей-тегжейлі зерделеуде.Саяси жүйені одан әрі реформалаудың маңызы мен мазмұнына тоқталған Президент институционалдық негізді терең жаңғырту және заң шығарушы билік тармағын жүйелі түрде қайта форматтау қажет екенін айтты<blockquote>—&nbsp;Ертең Ұлттық құрылтай отырысында мен еліміздің тағдырына қатысты бұл мәселе бойынша нақты пікірлерімді айтамын. Нақтылай айтқанда, еліміздің сапалық тұрғыдан мүлдем жаңа саяси тұрпаты қалыптасып жатыр. Парламенттік реформаны жүзеге асыру үшін Конституцияның бірден бірнеше бөлімін қайта қарау қажет болады. Сондықтан Ата заңымызға осыған дейін енгізілген өзгертулерді ескерсек, Жұмыс тобы ұсынып отырған түзетулер жобасы Қазақстанның шын мәнінде жаңа Конституциясы туралы айтуға мүмкіндік береді,&nbsp;— деді Мемлекет басшысы.</blockquote>Дереккөз: <a href="https://kaz.inform.kz/news/elmzdn-sapalik-turgidan-muldem-zhana-sayasi-turpati-kaliptasip-zhatir-memleket-basshisi-02118a/">Қазақпарат</a>Фото: Ақорда

Мемлекет басшысы билік тармағын жүйелі түрде қайта форматтау қажет екенін айтты

<a href="https://kyzylorda-news.kz/">Kyzylorda-news.kz</a> Қызылордада басталған Ұлттық құрылтайдың секция отырысында Парламент Мәжілісінің депутаты Нұртай Сабильянов кәсіпкерлікті дамытуға қандай факторлар кедергі келтіріп отырғанын айтты.Оның біріншісі — шағын және орта бизнеске несиенің жоғары үстемемен берілуі.<blockquote>- Несие жеңілдетілген мөлшерлемемен берілуі, яғни ол 8%-дан аспауы керек. Екінші деңгейлі банктер бүгінгі күні 20-25%-пен беріп жатыр. Бұлай біз кәсіпкерлікті дамыта алмаймыз. Осы мәселені шешетін болсақ, кәсіппен айналысуға ынта білдірген азаматтарға қолайлы жағдай қалыптасады, - деді депутат.</blockquote>Ол биыл ғана күшіне енген салық кодексін қайта қарауды ұсынды. Өйткені жеке кәсіпкер жеңілдетілген декларация жүйесімен жұмыс істеп, заңды тұлға оның қызметін тұтынғанымен, шығындалатын — кәсіпкер. Нұртай Сабильянов сондықтан кодекске өзгерістер мен толықтырулар енгізуге дайын екенін жеткізді.<blockquote>- Ауыл шаруашылығын дамыту бағытында «Ауыл аманаты» бағдарламасы жүзеге асырылып жатыр. Бағдарлама бойынша 5-7 жылға 2,5%-бен жеңілдетілген несие беріледі. Біз қаражат көлемін ұлғайтуды және қаражат алу кезінде кепілдік қою мәселесіне назар аударуды сұраймыз. Өйткені ауылдағы үйлердің құны төмен. Кепілге қоюға жарамайды. Осы мәселелерді шешу кезек күттірмейді, - деді Мәжіліс депутаты.</blockquote>Дереккөз: <a href="https://kaz.inform.kz/news/mazhls-deputati-kaspkerlkke-ne-kederg-ekenn-aytti-752071/">Қазақпарат</a>Фото: Нұрболат Нұржаубай

Нұртай Сабильянов: "Кәсіпкерлік саласындағы бірқатар мәселелерді шешу қажет"

<a href="https://kyzylorda-news.kz/">Kyzylorda-news.kz</a> Қызылорда облысында қоғамдық қауіпсіздікті қамтамасыз ету, қылмыстардың және экологиялық құқық бұзушылықтардың алдын алу мақсатында заманауи үлгідегі бейнебақылау камералары мен жылдамдық өлшегіш құрылғылар орнатылған.Қазіргі таңда облыс аумағында 888 бейнебақылау камерасы жұмыс істейді. 2025 жылдың 12 айында 102 арнасына облыс көлемінде 71 293 хабарлама түскен.<img src="https://knadmin.beoblood.kz/uploads/Whats_App_Image_2026_01_19_at_14_15_58_5687720fc4.jpeg" alt="ПД.jpeg">Аталған кезеңде Қызылорда облысы полиция департаментінің жедел басқару орталығы арқылы Қазақстан Республикасының Әкімшілік құқық бұзушылық туралы кодексінің баптарына сәйкес 87 173 әкімшілік құқық бұзушылық анықталды. Оның ішінде 73 141 дерек жол жүрісі ережелерін бұзуға қатысты. Сондай-ақ бейнебақылау камераларының көмегімен 195 қылмыстың ашылуына ықпал етілді.Қазақстан Республикасы Ішкі істер министрлігімен азаматтардың құқықтық сана-сезімін қалыптастыру және қоғамдық тәртіпті нығайту мақсатында «Мүлдем төзбеушілік» қағидасы аясында әкімшілік кодекстің бірқатар баптары бойынша жұмыстар жүргізілуде.&nbsp;Бейнебақылаушы инспекторлардың көмегімен:<ul><li style="text-align:justify;">ӘҚБтК-нің 434-бабы (ұсақ бұзақылық) бойынша – 4 194 дерек,</li><li style="text-align:justify;">ӘҚБтК-нің 440-бабы бойынша – 2 746 дерек,</li><li style="text-align:justify;">ӘҚБтК-нің 449-бабы бойынша – 769 дерек,</li><li style="text-align:justify;">өзге баптар бойынша – 6 323 құқық бұзушылық анықталды.</li></ul>Құқық қорғау органдары тұрғындарды заң талаптарын қатаң сақтауға, қоғамдық орындарда тәртіп бұзбауға, жол жүрісі ережелерін орындауға және кез келген құқық бұзушылыққа бейжай қарамауға шақырады.Бейнебақылау камералары тәулік бойы жұмыс істейді. Кез келген құқық бұзушылық тіркеліп, заң аясында тиісті шаралар қолданылады.<img src="https://knadmin.beoblood.kz/uploads/Whats_App_Image_2026_01_19_at_14_15_59_7f8f788340.jpeg" alt="ПД.jpeg">

Қызылордада құқық бұзушылықтардың алдын алу шаралары ұйымдастырылды

<a href="https://kyzylorda-news.kz/">Kyzylorda-news.kz</a> Құқық бұзушылықтың алдын алу, қоғамдық тәртіпті сақтау және азаматтардың құқықтық сауаттылығын арттыру мақсатында тұрғындар арасында түсіндірме жұмыстары жүргізіліп, парақшалар таратылды.Іс-шара барысында Қазақстан Республикасының қолданыстағы заңнамаларына сәйкес құқық бұзушылықтың түрлері, әкімшілік және қылмыстық жауапкершілік, сондай-ақ құқыққа қайшы әрекеттердің салдары туралы кең көлемде ақпарат берілді.Сонымен қатар, заң талаптарын сақтау, қоғамдық орындарда тәртіпті қамтамасыз ету және құқық бұзушылықтардың алдын алу жолдары түсіндірілді. Тұрғындардың сұрақтарына жауаптар беріліп, құқықтық кеңестер ұсынылды. Аталған іс-шара құқықтық мәдениетті арттыруға және құқық бұзушылықтардың алдын алуға бағытталады.

Түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Қызылордадағы V Ұлттық құрылтайдың алғашқы жұмыс күні түс ауа экономикалық даму секциясына ұласты.ҚР Премьер-министрінің орынбасары-Ұлттық экономика министрі Серік Жұманғарин еліміздің 2025 жылғы экономикалық даму қорытындылары мен биылғы жоспары туралы баяндады.<blockquote>- Өткен жылы елдің жалпы ішкі өнімі 300 млрд АҚШ долларына, ал жан басына шаққандағы жалпы ішкі өнім шамамен 15 мың АҚШ долларына жетті. Экономиканың өсу қарқыны 6,5% болды. Бұл — 2012 жылдан бергі ең жоғарғы көрсеткіш. Экономиканың барлық саласында оң динамика қалыптасты. Жалпы ішкі өнімнің өсу үлесі негізінен өңдеу өнеркәсібі, сауда, көлік қызметі, құрылыс салаларына тиесілі, - деді министр.</blockquote>Оның айтуынша, ауыл шаруашылығындағы жалпы өнім — 5,9%, ал оның жалпы ішкі өнімдегі үлесі 5%-ға жақындады. Өткен жылы дәнді дақылдардан 27,1 млн тонна өнім жиналып, екінші жыл қатарынан рекорд орнады.Фото: Нұрболат Нұржаубай

Экономика саласы жоғарғы көрсеткішке қол жеткізді – Серік Жұманғарин

<a href="https://kyzylorda-news.kz/">Kyzylorda-news.kz</a> &nbsp;Астанада президент Қасым-Жомарт Тоқаевтың қатысуымен парламенттік реформа жөніндегі Жұмыс тобының отырысы өтті, деп хабарлайды <a href="https://t.me/aqorda_resmi/30031">Ақордаға</a> сілтеме жасаған <a href="https://kaz.nur.kz/politics/kazakhstan/2332905-toqaev-zhumys-tobymen-birge-konstitutsiialyq-reformaga-qatysty-negizgi-tasilderdi-talqylady/">KAZ.NUR.KZ.</a>Жиында мемлекеттік кеңесші Ерлан Қарин президентке Жұмыс тобының атқарған қызметі туралы баяндап, парламентті трансформациялауға қатысты ұсынылып отырған конституциялық өзгерістердің көлемі ауқымды екеніне назар аударды.Мемлекеттік кеңесші Жұмыс тобы мүшелерінің ортақ пікірін жеткізіп, бұл өзгерістер саяси жүйені уақыт талабына сай жаңғыртуға ықпал ететінін айтты.Президенттің құқықтық мәселелер жөніндегі көмекшісі Ержан Жиенбаев азаматтардан келіп түскен ұсыныстар негізінде Конституциялық реформа жөніндегі жұмыс тобы мүшелері әзірлеген басты тәсілдер туралы баяндады.Атап айтқанда, былтырғы қазан айынан бері өтіп келе жатқан отырыстарда жаңа парламентке қатысты мәселелердің бәрі қаралды. Оның ішінде депутаттар саны, өкілеттік мерзімдері, сайлау тәртібі, бір палаталы парламенттің заң шығару тетіктері, сондай-ақ оның биліктің өзге институттарымен өзара іс-қимыл мәселелері қамтылды.Парламентаризм институтының директоры Наталья Пан азаматтардан, сарапшылардан, қоғамдық бірлестіктерден e-Otinish және eGov платформалары арқылы келіп түскен ұсыныстар туралы ақпарат берді.Бірнеше ай ішінде саяси партиялардың барлығы, ондаған үкіметтік емес ұйым, бизнес-қоғамдастық өкілдері, құқықтанушы ғалымдар мен сарапшылар конституциялық реформаға қатысты өз бастамаларын жолдаған.Парламенттік реформадан бөлек, Жұмыс тобына азаматтардан мемлекеттік құрылымның жалпы мәселелері мен саяси және қоғамдық институттарды жетілдіруге қатысты 1,6 мыңға жуық ұсыныс келіп түскен.Парламент мәжілісіндегі Amanat партиясы фракциясының жетекшісі Елнұр Бейсенбаев және "Ақ жол" партиясының көшбасшысы Азат Перуашев, "Жалпыұлттық социал-демократиялық партия" фракциясының басшысы Асхат Рахымжанов парламенттік реформа аясында жүзеге асырылатын конституциялық өзгерістердің ауқымды екенін мәлімдеді.Олар өңірлерде парламент депутаттарының жұмыс кездесулері барысында азаматтардың алдағы саяси реформаға айрықша қызығушылық танытып отырғанын жеткізді.Сондай-ақ жиында парламент сенатының Конституциялық заңнама, сот жүйесі және құқық қорғау органдары комитетінің төрағасы Нұрлан Бекназаров, парламент мәжілісінің депутаттары Үнзила Шапақ, Марат Бәшімов, Никита Шаталов, саясаттанушы Бөріхан Нұрмұхамедов пікірлерін білдірді.Отырысты қорытындылаған мемлекет басшысы алдағы конституциялық реформаны талқылау басталғалы бері жарты жылға жуық уақыт өткенін еске салды. Осы кезең ішінде қоғамда елдің жоғары заң шығарушы органын трансформациялаудың мақсаттары мен міндеттеріне қатысты дұрыс түсінік қалыптасты.Қасым-Жомарт Тоқаев қыркүйек айындағы халыққа арнаған жолдауынан кейін өрбіген қоғамдық пікірталастарды мұқият қадағалап отырғанын жеткізді.Мемлекет басшысы талқылау нәтижесін, сараптама қорытындыларын, ұсынылған түзетулердің жобаларын, сондай-ақ конституциялық реформаға қатысты азаматтардан келіп түскен ұсыныстарды егжей-тегжейлі зерделеп жатқанын айтты.Саяси жүйені одан әрі реформалаудың маңызы мен мазмұнына тоқталған президент институционалдық негізді терең жаңғырту және заң шығарушы билік тармағын жүйелі түрде қайта форматтау қажет екенін атап өтті.<blockquote>"Ертең Ұлттық құрылтай отырысында мен еліміздің тағдырына қатысты бұл мәселе бойынша нақты пікірлерімді айтамын. Нақтылай айтқанда, еліміздің сапалық тұрғыдан мүлдем жаңа саяси тұрпаты қалыптасып жатыр. Парламенттік реформаны жүзеге асыру үшін Конституцияның бірден бірнеше бөлімін қайта қарау қажет болады. Сондықтан Ата заңымызға осыған дейін енгізілген өзгертулерді ескерсек, жұмыс тобы ұсынып отырған түзетулер жобасы Қазақстанның шын мәнінде жаңа Конституциясы туралы айтуға мүмкіндік береді", - деді мемлекет басшысы.</blockquote>Фото: Ақорда

Президент: "Конституцияның бірден бірнеше бөлімін қайта қарау қажет болады"

<a href="https://kyzylorda-news.kz/">Kyzylorda-news.kz</a> Астанада Президент Қасым-Жомарт Тоқаевтың қатысуымен Парламенттік реформа жөніндегі жұмыс тобының отырысы өтті.Жиында Мемлекеттік кеңесші Ерлан Қарин Президентке Жұмыс тобының атқарған қызметі туралы баяндап, Парламентті трансформациялауға қатысты ұсынылып отырған конституциялық өзгерістердің көлемі ауқымды екеніне назар аударды. Мемлекеттік кеңесші Жұмыс тобы мүшелерінің ортақ пікірін жеткізіп, бұл өзгерістер саяси жүйені уақыт талабына сай жаңғыртуға ықпал ететінін айтты.Президенттің құқықтық мәселелер жөніндегі көмекшісі Ержан Жиенбаев азаматтардан келіп түскен ұсыныстар негізінде Конституциялық реформа жөніндегі жұмыс тобы мүшелері әзірлеген басты тәсілдер туралы баяндады. Атап айтқанда, былтырғы қазан айынан бері өтіп келе жатқан отырыстарда жаңа Парламентке қатысты мәселелердің бәрі қаралды. Оның ішінде депутаттар саны, өкілеттік мерзімдері, сайлау тәртібі, бір палаталы Парламенттің заң шығару тетіктері, сондай-ақ оның биліктің өзге институттарымен өзара іс-қимыл мәселелері қамтылды.Парламентаризм институтының директоры Наталья Пан азаматтардан, сарапшылардан, қоғамдық бірлестіктерден e-Otinish және eGov платформалары арқылы келіп түскен ұсыныстар туралы ақпарат берді. Бірнеше ай ішінде саяси партиялардың барлығы, ондаған үкіметтік емес ұйым, бизнес-қоғамдастық өкілдері, құқықтанушы ғалымдар мен сарапшылар конституциялық реформаға қатысты өз бастамаларын жолдаған. Парламенттік реформадан бөлек, Жұмыс тобына азаматтардан мемлекеттік құрылымның жалпы мәселелері мен саяси және қоғамдық институттарды жетілдіруге қатысты 1,6 мыңға жуық ұсыныс келіп түсті.Парламент Мәжілісіндегі «Amanat» партиясы фракциясының жетекшісі Елнұр Бейсенбаев және «Ақ жол» партиясының көшбасшысы Азат Перуашев, «Жалпыұлттық социал-демократиялық партия» фракциясының басшысы Асхат Рахымжанов парламенттік реформа аясында жүзеге асырылатын конституциялық өзгерістердің ауқымды екенін мәлімдеді. Олар өңірлерде Парламент депутаттарының жұмыс кездесулері барысында азаматтардың алдағы саяси реформаға айрықша қызығушылық танытып отырғанын жеткізді. Сондай-ақ жиында Парламент Сенатының Конституциялық заңнама, сот жүйесі және құқық қорғау органдары комитетінің төрағасы Нұрлан Бекназаров, Парламент Мәжілісінің депутаттары Үнзила Шапақ, Марат Бәшімов, Никита Шаталов, саясаттанушы Бөріхан Нұрмұхамедов пікірлерін білдірді.Отырысты қорытындылаған Мемлекет басшысы алдағы конституциялық реформаны талқылау басталғалы бері жарты жылға жуық уақыт өткенін еске салды. Осы кезең ішінде қоғамда елдің жоғары заң шығарушы органын трансформациялаудың мақсаттары мен міндеттеріне қатысты дұрыс түсінік қалыптасты.Қасым-Жомарт Тоқаев қыркүйек айындағы халыққа арнаған Жолдауынан кейін өрбіген қоғамдық пікірталастарды мұқият қадағалап отырғанын жеткізді. Мемлекет басшысы талқылау нәтижесін, сараптама қорытындыларын, ұсынылған түзетулердің жобаларын, сондай-ақ конституциялық реформаға қатысты азаматтардан келіп түскен ұсыныстарды егжей-тегжейлі зерделеуде.Саяси жүйені одан әрі реформалаудың маңызы мен мазмұнына тоқталған Президент институционалдық негізді терең жаңғырту және заң шығарушы билік тармағын жүйелі түрде қайта форматтау қажет екенін айтты.<blockquote>– Ертең Ұлттық құрылтай отырысында мен еліміздің тағдырына қатысты бұл мәселе бойынша нақты пікірлерімді айтамын. Нақтылай айтқанда, еліміздің сапалық тұрғыдан мүлдем жаңа саяси тұрпаты қалыптасып жатыр. Парламенттік реформаны жүзеге асыру үшін Конституцияның бірден бірнеше бөлімін қайта қарау қажет болады. Сондықтан Ата заңымызға осыған дейін енгізілген өзгертулерді ескерсек, Жұмыс тобы ұсынып отырған түзетулер жобасы Қазақстанның шын мәнінде жаңа Конституциясы туралы айтуға мүмкіндік береді, – деді Мемлекет басшысы.</blockquote>Фото: Акорда&nbsp;

Мемлекет басшысы Жұмыс тобымен бірге конституциялық реформаға қатысты негізгі тәсілдерді талқылады

Мемлекет басшысының баспасөз хатшысы Руслан Желдібай биыл Ұлттық құрылтайдың V отырысы Қызылорда қаласында өтетінін айтты, деп хабарлайды <a href="https://kaz.nur.kz/politics/kazakhstan/2332785-toqaev-20-qangtarda-qyzylordada-otetin-ulttyq-quryltaidyng-otyrysynda-soz-soileidi/">KAZ.NUR.KZ.</a>Руслан Желдібай Telegram желісіндегі арнасында Ұлттық құрылтайдың V отырысы 20 қаңтар күні Қызылордада өтетінін мәлім етті.<blockquote>"Сыр бойындағы жиында президент Қасым-Жомарт Тоқаев сөз сөйлеп, Қазақстанның келешек даму бағдары мен қоғамдағы өзекті мәселелер туралы ойларын ортаға салады", - делінген хабарламада.</blockquote>Фото: Ақорда

Президент Қызылордада өтетін Ұлттық құрылтайдың отырысында сөз сөйлейді

<a href="https://kyzylorda-news.kz/">Kyzylorda-news.kz</a> Ұлттық құрылтай – мемлекетіміздің дамуына өзек болар ең маңызды тақырыптар талқыланатын алқалы жиын. Бұл туралы Қызылорда қаласындағы V Ұлттық құрылтай аясында өтіп жатқан секциялық отырыс кулуарында ҚР Парламенті Мәжілісінің депутаты, Ұлттық құрылтай мүшесі Самат Нұртаза айтты.Ол, ең алдымен, Сыр өңірі туралы әсерімен бөлісті.<blockquote>— Маған қаланың тазалығы ұнады. Тұрғындардың туған жерді таза ұстауға бейімделгені көрініп-ақ тұр. Сыр өңіріне бұған дейін де келіп жүрмін. Ол уақытта қаладағы әуежай құрылысы жүріп, жаңа терминал салынып жатқан. Ал кеше ұшақтан түскен бетте жаңа келбетке енген әуежайды көріп, риза болдым. Ондағы қызмет сапасы қонақтардың барлығына ұнағандай, - деді Самат Нұртаза.</blockquote>Депутат Ұлттық құрылтайда қандай мәселе көтеретіні туралы да айтты.<blockquote>— Өз тарапымнан білім саласына қатысты бірнеше мәселе бар. Әсіресе, мектептегі психолог мамандарға қатысты айтқым келеді. Себебі бүгінге дейін мұғалімдердің жалақысы өскенімен олар бұл қолдаудан қалыс қалып жүр. Жиында мектеп оқулықтарына қатысты мәселелер де көтеріледі, - деді ол.</blockquote>Дереккөз: ҚазАқпаратФото: Самат Мұртазаның Instagram парақшасынан

Самат Нұртаза: Ұлттық құрылтай — ел дамуының маңызды алаңы

<a href="https://kyzylorda-news.kz/">Kyzylorda-news.kz</a> Қызылорда қаласында V Ұлттық құрылтай аясында өтіп жатқан секциялық отырыста Ұлттық ғылым академиясының президенті Ақылбек Күрішбаев ғылымды экономикаға бейімдеу мәселесін көтерді.Айтуынша, осыған дейінгі Ұлттық құрылтайларда көтерілген түйткілдер кезең-кезеңімен іске асып келеді.&nbsp;<blockquote>— Ендігі мәселе — ғылымды экономикаға бейімдеу. Бұл бағыттағы жұмыстарды саралағанда ғылыми тақырыптар экономика сұранысын емес, ғалымдардың мүмкіндігіне қарай қалыптасатыны байқалады. Ұлттық ғылым академиясы мұны форсайт тәсілінің тұрақты жоспарлау құралына айналдыра алды. Екі жыл ішінде өңірлік және салалық сессиялар өткізіп, 220 перспективалы міндет пен 65 ғылыми-техникалық тапсырма әзірледік. Осыған дейін жеткілікті көңіл бөлмеу салдарынан көптеген ғылыми мектептен айырылып қалдық. Осыған байланысты Ұлттық ғылым академиясы «Korea Institute of Science and Technology Information» ұйымымен бірлесіп «AI SilkNet» орталығын құрды. Бұл бізге әлемдегі жаңа технология туралы кеңінен дерек алуымызға мүмкіндік береді. Ғылымдағы озық технологиямен қатар күні өткен әдістерді де осы орталық арқылы анықтап, өзімізге тиімдісін таңдай аламыз, — деді ол.</blockquote>Ақылбек Күрішбаев секция отырысында алдағы уақытта осы бастаманы дамытып, Орталық Азиядағы қызмет ететін ақпараттық орталыққа айналдыруға болатыны жөнінде ұсыныс білдірді.&nbsp;<blockquote>— Өңірлік ғылымды дамыту да — алда тұрған үлкен мәселе. Еліміздегі ғалымдардың басым көпшілігі Астана мен Алматы қалаларында шоғырланған. Бөлінген қаржының көп бөлігі осы қалалар үлесіне тиеді. Өңірлік ғылым түрлі бағыттағы қолдаулардан да сырт қалып келеді, — деді Ұлттық ғылым академиясының президенті.</blockquote>Ол ғылымның экономиканы дамытуға әсерін арттыру үшін бұл мәселеге жете мән беру керектігін атап өтті.Айта кетейік, бүгін Қызылорда қаласында V Ұлттық құрылтай <a href="https://kyzylorda-news.kz/kogam/khyzylordada-ulttykh-khuryltaj-bastaldy-19-01-2026">бастау алды</a>.Дереккөз: ҚазАқпаратФото: Нұрболат Нұржаубай

Архив