<a href="https://kyzylorda-news.kz/">Kyzylorda-news.kz</a> &nbsp; Қармақшы аудандық прокуратурасының бастамасымен аудандық жұмыспен қамту және әлеуметтік бағдарламалар бөлімі, пробация қызметі және аудандық спорт бөлімі бірлесіп, пробация есебіндегі азаматтарға арналған спорттық іс-шара өткізді.Жарыс бағдарламасына гір тасын көтеру және кермеге тартылу спорт түрлері енгізіліп, оған барлығы 25 сотталған азамат қатысты. Қатысушылар белсенділік танытып, спорттағы шеберліктерін көрсетіп, салауатты өмір салтын насихаттады.Жарыс қорытындысы бойынша жеңімпаздар мен жүлделі орын алған азаматтарға қаржылай сыйақы табысталды.Қармақшы аудандық пробация қызметінің бастығы әділет подполковнигі Ержан Әбілдаевтың &nbsp;айтуынша, мұндай шаралар пробация есебіндегі азаматтарды қоғамға бейімдеуге, олардың бос уақытын тиімді өткізуіне, сондай-ақ спортқа қызығушылығын арттыруға бағытталған.<blockquote>– Спорт адамның денсаулығын жақсартумен қатар, ерік-жігерін нығайтады. Осындай жарыстар арқылы біз азаматтарды қателігін қайталамауға, салауатты өмір сүруге ынталандырамыз. Алдағы уақытта да спорттық шаралар жалғасын тауып, пробация есебіндегі азаматтардың әлеуметтік бейімделуіне оң ықпал жасаймыз.– деді Ержан Тасқынұлы.</blockquote>

Қармақшыда пробация есебіндегі азамат турникке тартылудан жеңімпаз атанды 

<a href="https://kyzylorda-news.kz/">Kyzylorda-news.kz</a> Бүгін «Қазақстан Барысы» турнирінің жеңімпазы, «Әлем Барысы» халықаралық турнирінің жүлдегері Мақсат Исағабылов пен ауыр атлетикадан әлем чемпионатының күміс жүлдегері Алмас Өтешов ауданға арнайы іс-сапармен келіп, жалағаштық спортшыларды қолдау және жастарға мотивация беру мақсатында кездесу өткізді.Аудан әкімі Ардақ Ибраимов чемпиондарды қабылдап, қазақ спортының абыройын асқақтатып жүрген спортшылардың жетістіктерін атап өтті. Сондай-ақ, ел намысын қорғап жүрген палуандардың иығына шапан жауып, құрмет көрсетті.<blockquote>«Әлемдік додаларда қол жеткізген чемпиондарымызға қарап, ауылдағы жас спортшылардың болашағын көреміз. Сіздердің жеңістеріңіз – жастарға шабыт, ауыл-аймаққа серпін, ел спортының дамуына зор үлес. Спорт – тек медаль емес, ол – тәрбие, салауатты өмір салты, елді біріктірер күш. Бүгінгі спорт саңлақтарының жолын жалғайтын жаңа буын өсіп келеді. Сіздер жас спортшыларды қолдап, үлкен жетістікке жетулеріне өз үлестеріңізді қосып келесіздер» – деді аудан әкімі.</blockquote>Айта кетейік, Алмас Өтешов – жасөспірімдер арасында Азия чемпионы, 2013 жылғы әлем чемпионатының күміс жүлдегері. Сол жылы Польшадағы Вроцлав қаласында жеңіске жетіп, Қазақстан Республикасының еңбек сіңірген спорт шебері атанды. Бұл мәртебелі атаққа алғаш қол жеткізген қандасымыз болды. Келесі жылы АҚШ-тың Хьюстон қаласында да осы жетістігін қайталады.Мақсат Исағабылов – Қармақшы ауданында дүниеге келген. 2002 жылы аудандық балалар мен жасөспірімдер спорт мектебінде самбо күресімен шұғылдануды бастады. Жасөспірімдер мен жастар арасында самбо, қазақ күресі және дзюдодан Қазақстан біріншіліктерінің жүлдегері әрі жеңімпазы атанды. Дзюдо және қазақ күресінен – «Қазақстан Республикасының спорт шебері», самбодан – «Халықаралық дәрежедегі спорт шебері». Сонымен қатар, бірнеше мәрте ел чемпионатында топ жарып, республикалық және халықаралық турнирлерде жеңімпаз атанды.Фото: Жалағаш ауданы әкімінің баспасөз қызметі

Аудан әкімі әлем жүлдегерлерін қабылдады

<a href="https://kyzylorda-news.kz/">Kyzylorda-news.kz</a> &nbsp;Қазақстан халқы Ассамблеясының 30 жылдығына орай «Қазақстандағы орыс қауымдастығы» Қызылорда облыстық филиалы өткізген онкүндік аясындағы шаралар жалғасуда. Достық үйінде «Нити культуры» ұлттық киім фестивалі өтті.Іс-шараға «Қазақстанның орыс қауымы» ҚБ мүшелері, этномәдени бірлестік жетекшілері мен мүшелері және әжелер ансамблі қатысты.Фестивалдің ашылуында облыстық қоғамдық даму басқармасы басшысының орынбасары – облыстық Қазақстан халқы Ассамблеясы хатшылығының меңгерушісі Артур Қамбаров сөз сөйлеп, Қазақстандағы этностардың мәдени, рухани және қоғамдық өмірдегі рөліне тоқталды.<img src="https://knadmin.beoblood.kz/uploads/niti_kultury_4806ea4f63.jpg" alt="нити культуры.jpg">Шара соңында фестивалге қатысушылар қауымдастықтың этносаралық татулықты нығайтуға, мәдени дәстүрлерді сақтауға қосқан үлесін сөз етті. Сонымен қатар, шығармашылық ұжымдар өнер көрсетіп, түрлі этностардың киімдерін көрсетіп, әндерін тыңдап, мерекелік көңіл-күйге бөленді.

«Нити культуры» ұлттық киім фестивалі өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласында ҚР Президенті жанындағы Мемлекеттік басқару академиясының облыстық филиалында мемлекеттік қызмет саласындағы жаңалықтарға арналған семинар өтті. Шараға мемлекеттік қызметтегі басшылық&nbsp;лауазымдарға тағайындалған мамандар қатысты.Семинар барысында Қазақстан Республикасының «Мемлекеттік қызмет туралы» Заңына енгізілген соңғы өзгерістер мен толықтырулар кеңінен талқыланды. Арнайы қонақ дәрісті Мемлекеттік қызмет істері агенттігі облыстық департаментінің басқарма басшысы Жасұлан Шынтасов жүргізді.Ол өз сөзінде факторлық-балдық шкала бойынша Қағиданың қолданылу тәртібі, біліктілік талаптарын бекіту кезінде жиі кездесетін қателіктер, сондай-ақ мемлекеттік қызметшілерді бағалау әдістемелері жөнінде тың ақпараттармен бөлісті.Сонымен қатар, 2025 жылдың 1 шілдесінен бастап мемлекеттік қызметке іріктеуге қатысты енгізілген жаңа ережелерге тоқталып, "Е-қызмет" жүйесі арқылы бос әкімшілік мемлекеттік лауазымдарға қатысу және конкурсты өткізу тәртібін түсіндіріп берді.Семинар соңында қатысушыларға арнайы әдістемелік құралдар таратылып, қойылған сұрақтарға толық жауаптар берілді. Шара мемлекеттік қызметшілердің біліктілігін арттырып, құқықтық сауаттылығын жетілдіруге бағытталды.Фото: freepik.com

Мемлекеттік қызметшілерге арналған семинар өтті

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласында «Архив құжаттарын беру тәртібі» тақырыбында екікүндік республикалық өңірлік семинар <a href="https://kaz.inform.kz/news/kizilorda-arhivterndeg-kuzhattardin-33-payizi-tsifrlandirildi-a1dd36/">басталды</a>.Бұл туралы облыстық мәдениет, архивтер және құжаттама басқармасының баспасөз қызметі хабарлады.&nbsp;Мәдениет және ақпарат министрлігі басқармамен бірлесіп ұйымдастырған семинарға Алматы, Шымкент қалаларының, Жамбыл, Түркістан, Қызылорда облыстарындағы архив мекемелерінің өкілдері, оны жинақтаушылар қатысты.&nbsp;Басқарма басшысы Жанмұрат Сейілов бұл архив ісін дамытудың, құжаттарды сақтау, пайдалану, цифрлық форматқа көшіру және қолжетімді ету бағытында тәжірибе алмасудың маңызды алаңы екенін атап өтті.<blockquote>— Қызылорда облысының архив қорында 811 558 сақтау бірлігіндегі құжаттар сақталған. Бүгінгі күні оның 33 пайызы цифрландырылып, «Е-Архив» ақпараттық жүйесіне 195 қордың 65 222 іс-құжаты енгізілді. «Электрондық құжат айналымының бірыңғай жүйесі» ақпараттық жүйесінен 2011-2021 жылдар аралығында қалыптасқан электрондық құжаттарды «Е-Архив» жүйесіне миграциялау жұмысы жүргізіліп келеді. Бүгінгі күні 1 606 283 құжаттың орындалу карточкасы толтырылып, 488 733 құжат ауысты, — деді ол.&nbsp;</blockquote>Басқарма басшысы атап өткендей, кейінгі 3 жылда архив саласына 1&nbsp;млрд 841,4&nbsp;млн теңге бөлінді. Жергілікті архив мекемелерінің аудандарда жаңадан ашылған Руханият орталықтарына көшірілуі нәтижесінде апатты ғимараттар мәселесі шешілді. Бұл архив қоймаларында 200 мың құжатты сақтауға мүмкіндік берді.Семинар барысында мамандар қолданыстағы нормативтік-құқықтық актілерді тәжірибеде қолдану, ведомстволық деңгейде және мемлекеттік архивтерде қоймадан архивтік құжаттарды беру бойынша тәжірибе алмасу мәселелерін ортаға салды. Республикалық іс-шара ертең де&nbsp;жалғасады.&nbsp;Айта кетейік, ертең Мәжілістің жалпы отырысында депутаттар «Қазақстан Республикасының кейбір заңнамалық актілеріне архив ісі мәселелері бойынша өзгерістер мен толықтырулар енгізу туралы» заң жобасын бірінші оқылымда талқыға салмақ.Фото: Қызылорда облыстық мәдениет, архивтер және құжаттама басқармасы

Қызылорда архивтеріндегі құжаттардың 33 пайызы цифрландырылды 

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының Полиция департаментінде қызметтік тәртіпті нығайту, заңдылықты бұзудың алдын алу, әлеуметтік өзекті мәселелерді шешуге бағытталған іс-шаралар өткізіліп, тәлімгерлік институттар кеңінен қолданылуда.Осы орайда Департаментте Полицейлер кеңесінің кезекті отырысы өтті. Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлының төрағалығымен өткен кеңесте 2 мәселе қаралды. Бірі – жеке құрам арасындағы тәртіп пен заңдылықтың сақталу мәселесі болса, екіншісі ішкі істер органдарындағы тәртіптің, заңдылықтың және сыбайлас жемқорлыққа қарсы күрестің жай-күйі туралы қабылданып жатқан ұйымдастырушылық және практикалық шаралардың шолуын жеке құрамның назарына жеткізу.<blockquote>«Ел тыныштығын сақтауда алдыңғы шепте тұрған тәртіп сақшылары үшін ең қажетті қасиет – тәртіп пен патриоттық тәрбие. Бұл ретте тәрбиелік мәні бар іс-шаралардың полиция қызметкері үшін маңызды. Сондықтан да Департамент басшылығы жеке құрам арасында тәртіпті нығайту бойынша жұмыстарын басты назарда ұстайды» – деді О.Омаров.</blockquote>Фото: Qyzylorda PD

Қызылорда облысында Полицейлер кеңесінің кезекті отырысы өтті

<a href="https://kyzylorda-news.kz/">Kyzylorda-news.kz</a> &nbsp; Бүгін облыс әкімі Нұрлыбек Нәлібаевтың қатысуымен сол жағалаудан бой көтерген, әлеуметтік осал топтағы азаматтарға арналған 280 пәтерлік 7 тұрғын үйді иелеріне табыстау рәсімі өтті. Салтанатты шараға жауапты сала басшылары, зиялы қауым өкілдері мен қала тұрғындары қатысты.Аймақ басшысы жаңа қоныс иелеріне құттықтауын жеткізді.<img src="https://knadmin.beoblood.kz/uploads/p_ter_3_c6f158d07f.jpg" alt="пәтер 3.jpg"><blockquote>«Биыл ұлтымыздың тарихи «Қазақ» атауының қайтарылғанына, Қызылорданың Қазақ елінің астанасы болғанына 100 жыл, бұл мереке кең көлемде аталып өтуде.Мемлекет басшысының қолдауымен мерейлі жыл аясында аймағымызда сәулеті келіскен, әсем де заманауи ғимараттар бой көтеріп, саябақтар мен аллеялар қайта жаңғыртылып, жолдарымыз кеңейіп келеді.Бүгін жерлестеріміздің баспаналы болу қуанышына ортақтасып, пәтер кілтін табыстау рәсіміне жиналдық.Аймағымызда халқымыздың тұрмыстық жағдайын жақсартуға бағытталған маңызды ірі инфрақұрылымдық жобалар іске асырылуда.Соңғы үш жылда қаржыландырудың барлық көзінен 2 млн. 500 мың шаршы метр тұрғын үй пайдалануға берілді.Кезекте тұрған халықтың әлеуметтік осал топтарына, жалғыз баспанасы апатты деп танылған азаматтарға 5 мыңнан астам пәтер (5148) сатып алынып, 25 мыңға жуық тұрғын қоныс тойын тойлады.Аудан орталықтарында жаңадан салынған 1500-ге жуық пәтер табысталды.Аймағымыздың ажарын айшықтап, сәулетіне сән қосатын, өңіріміздің өсіп-өркендеуіне жаңаша серпін беретін құрылыс индустриясын дамытуда құрылысшыларымыздың үлесі орасан зор. Баспаналы болу әрбір отбасыны жақсылыққа жетелейді. Қоныстарыңыз құтты болсын!», – деді Н.Нәлібаев.</blockquote><img src="https://knadmin.beoblood.kz/uploads/p_ter_2_a14d947eea.jpg" alt="пәтер 2.jpg">Салтанатты рәсімде пәтер иелеріне қуаныш сыйлап, тұрғын үйлердің құрылысын сапалы жүргізген мердігер мекеме «Мелиоратор» ЖШС-нің құрылысшыларына облыс әкімінің алғыс хаты табысталып, Қызылорда облысының құрметті азаматы Ибрагим Әбибуллаев батасын берді.Биыл тұрғын үй құрылысы мен жеке салушылардан 3 800 дайын пәтерді сатып алуға бюджеттен 58 млрд. 785 млн. теңге бөлінді. Қаржыландырудың барлық көзінен 870 мың шаршы метр тұрғын үй беріледі.Ерекше атап өту қажет, өткен жылдан бастап қаламызда заманауи жаңа дизайнмен 7, 9, 12 қабатты тұрғын үйлер бой көтеруде.<img src="https://knadmin.beoblood.kz/uploads/1_p_ter_6205354747.jpg" alt="1 пәтер.jpg">Фото: Қызылорда облысы әкімінің баспасөз қызметі

 Қызылордада 280 пәтерлік 7 тұрғын үй иелеріне табысталды

Қазақстан Президенті Әлемдік және дәстүрлі діндер көшбасшыларының VIII съезінің ашылуында сөз сөйледі

<a href="https://kyzylorda-news.kz/">Kyzylorda-news.kz</a> Қызылорда облысы бойынша Бәсекелестікті қорғау және дамыту агенттігінің департаменті мемлекеттік кәсіпорындардың қызметіне мониторинг жүргізу барысында заңнамаға қайшы әрекеттерді анықтады.Тексеру нәтижесімен «Көпбейінді облыстық аурухана» ШЖҚ КМК монополияға қарсы органның келісімінсіз, сондай-ақ өз жарғысында көзделмеген қызмет түрінен қаржы алғаны белгілі болды. Бұл әрекет Қазақстан Республикасының Кәсіпкерлік кодексі талаптарына қайшы болып табылады.Осыған байланысты Департамент тарапынан заңбұзушылықты жою жөнінде ресми нұсқама берілді. Кәсіпорынға белгіленген мерзім ішінде заңсыз қызметті тоқтатып, өз жұмысын заңнама талаптарына сәйкестендіру міндеттелді.Белгіленген уақыт аралығында «Көпбейінді облыстық аурухана» ШЖҚ КМК аталған нұсқаманы толық орындады. Нәтижесінде заңбұзушылық жойылып, кәсіпорын қызметі қолданыстағы құқықтық нормаларға сәйкестендірілді.Қызылорда облысы бойынша Бәсекелестікті қорғау және дамыту агенттігінің департаменті алдағы уақытта да мемлекеттік кәсіпорындардың қызметіне жүйелі түрде мониторинг жүргізуді жалғастырады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Бұл жұмыстардың негізгі мақсаты – нарықта әділ бәсекелестікті қамтамасыз ету, заңдылықты сақтау және тұтынушылардың құқықтарын қорғау.&nbsp;ҚР Бәсекелестікті қорғау жәнедамыту агенттігінің &nbsp;Қызылордаоблысы бойынша департаменті&nbsp;Фото: Freepik

Қызылорда Көп бейінді облыстық ауруханасы монополияға қарсы орган нұсқамасын орындады

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясының Қызылорда қалалық филиалы халықпен тығыз байланыста болып, ел дамуына бағытталған саяси бастамаларды насихаттауда жүйелі жұмыстар атқарып келеді. Осы орайда қалалық филиалдың Атқарушы хатшысы, облыстық мәслихат депутаты Гүлшат Мұсаева «Жібек жолы» бастауыш партия ұйымында болып, ҚР Президентінің Қазақстан халқына арнаған Жолдауы бойынша түсіндірме жұмыстарын жүргізді.Кездесуде Атқарушы хатшы Жолдауда айқындалған басым бағыттарға кеңінен тоқталды. Әсіресе, ел экономикасын әртараптандыру, әлеуметтік әділеттілікті қамтамасыз ету, білім мен ғылымды дамыту, денсаулық сақтау саласын жетілдіру, аймақтық инфрақұрылымды нығайту, жасанды интеллекті дамыған озық елдің қатарына кіру мәселелері жан-жақты баяндалды.Жиынға қатысқан партия мүшелері Жолдауда көрсетілген бағыттар бойынша өз ойларын ортаға салып, ұсыныстарын білдірді. Талқылау барысында бастауыш партия ұйымдарының негізгі міндеті – ел Президентінің саяси бағытын қолдау, оның мән-мағынасын тұрғындарға кеңінен түсіндіру екендігі айтылды.Өз кезегінде Гүлшат Мұсаева: «Жолдау – мемлекет дамуының стратегиялық бағдары. Әрбір партия мүшесі осы құжаттағы міндеттерді орындауға үлес қосып, халықпен тығыз қарым-қатынаста болуы тиіс. Бұл – біздің ортақ жауапкершілігіміз», – деп атап өтті.

«Жібек жолы» бастауыш ұйымында Президент Жолдауынан туындайтын міндеттер талқыланды

<a href="https://kyzylorda-news.kz/">Kyzylorda-news.kz</a> АҚШ президенті Дональд Трамп Құрама Штаттар аумағында қытайлық TikTok әлеуметтік желісін бұғаттауды 16 желтоқсанға дейін кейінге шегерді, деп <a href="https://kaz.inform.kz/news/tramp-tiktok-ti-bugattau-merzmn-16-zheltoksanga-deyn-uzartti-47f7b4/">хабарлайды</a> ТАСС.Америкалық көшбасшының атқарушы жарлығы Ақ үй сайтында жарияланды.Құжатта көрсетілгендей, аталған шегеру «2025 жылдың 16 желтоқсанына дейін ұзартылды». Осы уақыт аралығында АҚШ билігі TikTok-ты елде тыйым салынған платформаға айналдыратын заңда көзделген шараларды қабылдамауы тиіс, егер оның қытайлық бас компаниясы ByteDance оны сатпаса.Трамп сейсенбі күні бұған дейін «өте ірі компаниялар тобы» TikTok-ты сатып алғысы келетінін айтқан болатын. Оның сөзінше, қытайлық тараппен бұл жөнінде келісім жасалған. Сондай-ақ америкалық көшбасшы 19 қыркүйекке жоспарланған ҚХР төрағасы Си&nbsp;Цзиньпинмен телефон арқылы әңгімеде мәміле шарттарын түпкілікті бекітетінін атап өтті.АҚШ қаржы министрі Скотт Бессент дүйсенбі күні Мадридте қытайлық ресми тұлғалармен кеңесуден кейін, келісім аясында әлеуметтік желі америкалық бизнес иелігіне өтетінін мәлімдеді.The New York Post газетінің хабарлауынша, американдық қолданушылар үшін TikTok жұмысын қамтамасыз ететін, шамамен $50&nbsp;млрд деп бағаланатын жаңа америкалық компания құрылады. Басылым нақтылағандай, жаңа компанияның негізгі акционерлері Трампты қолдайтын миллиардер Джефф Ясс пен инвестициялық компания General Atlantic жетекшісі Билл Форд болады. Ал&nbsp;ByteDance жаңа компаниядан 19,9% үлеске ие&nbsp;болады. Келісімде Oracle компаниясының басшысы Ларри Эллисон маңызды рөл ойнайды, ол&nbsp;жаңа компанияға бұлтты қызметтерді ұсынумен айналысады.TikTok-ты сату немесе Құрама Штаттар аумағындағы қызметін тоқтатуға міндеттейтін заңды 2024 жылы АҚШ-тың 46-шы президенті Джо Байден қол қойған болатын.Трамп бұл платформаға «жылы қарайтынын», себебі оның пайдаланушыларының дауыстары президенттік сайлаудағы жеңісіне ықпал еткенін айтқан еді. 2025 жылғы 20 қаңтардағы инаугурациясынан кейін ол АҚШ-та TikTok-қа тыйымды кейінге қалдыру туралы жарлыққа қол қойды. Кейін бұл мерзімді бірнеше рет ұзартқан болатын.Фото: Нұрболат Нұржаубай

Трамп TikTok-ты бұғаттау мерзімін 16 желтоқсанға дейін ұзартты

<a href="https://kyzylorda-news.kz/">Kyzylorda-news.kz</a> &nbsp;Мемлекеттік қызмет қоғам өмірінде ерекше рөл атқарады. Ал қоғамның тыныс-тіршілігін қамтамасыз етуде мемлекеттік қызметшілердің алар орны ерекше.Қазақстан Республикасының мемлекеттік қызметі туралы заңнаманың негізгі қағидаттарының бірі мемлекеттік қызметшілердің құқықтық және әлеуметтік қорғалуы болып табылады. Мемлекеттік қызметші өзінің еңбегінің қорғалуына, тиімді жұмыс істеу үшін қажетті еңбек жағдайларына, құқықтық және әлеуметтік қамтамасыз етілуіне, жеке басының қадiр-қасиетiнiң құрметтелуiне құқығы бар.Әрбір мемлекеттік қызметші бірінші кезекте сол қоғамның мүшесі, Конституциямен, басқа да заңдармен көзделген құқықтар мен міндеттерге ие мемлекетіміздің азаматы. Мемлекеттік қызметшілердің мәртебесі мен олардың құқықтары 2015 жылғы 23 қарашадағы Қазақстан Республикасының мемлекеттік қызметі туралы Заңында нақтыланған. Аталған Заңның 9-бабында мемлекеттiк қызметшiлердiң негізгі құқықтары көрсетілсе, Заңның 9-тарауында мемлекеттік қызметшілердің, олардың отбасы мүшелерінің әлеуметтік кепілдіктері қарастырылған.Бүгінгі таңда, Қызылорда облысында 3300-ден астам мемлекеттік қызметші ел дамуына өз үлестерін қосуда. Оның ішінде, 1800-ден астамы жергілікті атқарушы органдарда қызмет етуде.Ал мемлекеттік органдардағы әдеп жөніндегі уәкілдердің қызметтік бағыттарының бірі - мемлекеттік қызметшілердің құқықтарының қорғалуына және әлеуметтік кепілдіктерінің сақталуына мониторинг жүргізу. Осы ретте, жыл басынан бері мемлекеттік қызметшілердің міндеттері, әдептілік нормалары, мемлекеттік қызметшілердің құқықтары мен әлеуметтік кепілдіктері туралы облыс әкімі аппаратының әдеп жөніндегі уәкілімен 67 рет мемлекеттік органдарда құқықтық оқытулар өткізілді.Құқықтық оқытулар барысында мемлекеттік қызметшілерге қойылатын талаптары мен сыбайлас жемқорлыққа қарсы шектеулері түсіндіріліп, олардың негізгі құқықтары бойынша ақпарат берілуде. Әдеп жөніндегі уәкілдер институтымен алдағы уақытта да мемлекеттік қызметшілердің құқықтық сауаттылығын арттыру бағытындағы жұмыстар жалғасын табады.Қоғамның тұрақтылығы мен дамуы ең алдымен заңды құрметтеп, өз міндетін адал атқаратын мемлекеттік қызметшілердің кәсібилігіне тікелей байланысты. Бүгінгі күннің талабы – әрбір мемлекеттік қызметшінің құқықтары мен әлеуметтік кепілдіктерінің нақты сақталуы ғана емес, сонымен бірге олардың беделі мен жауапкершілігін арттыру. Бұл – тек мемлекеттік аппараттың емес, тұтас елдің өркендеу кепілі. Мемлекеттік қызметкердің абыройы – мемлекеттің айнасы.&nbsp;Бағдат Әбдіқадыр,Қызылорда облысы әкімі аппаратының әдеп жөніндегі уәкілі

Архив