<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қорында халық тарапынан МӘМС жүйесіндегі медициналық көмектің сапасы мен қолжетімділігіне қатысты шағымдардың азаюына ықпал еткен шаралар туралы баяндалды.&nbsp; 2025 жылдың алғашқы бес айында Қорға барлығы 10 363 шағым түсті, олардың 5 073-і қайтарылып алынды. Бұл көрсеткіш 2024 жылдың осы кезеңімен салыстырғанда 11,7%-ға төмен. Ол кезде 11 745 шағым тіркелген еді (5 167 қайтарылған).<blockquote>«Азаматтардың шағымдарын азайту және медициналық қызмет сапасын жақсарту бағытындағы жүйелі жұмыс нәтижесінде оң нәтижеге қол жеткізілді. Осы мақсатта Қор медициналық ұйымдар базасындағы пациенттерді қолдау қызметтерімен бірлесіп жұмыс істейді. Қор бұл қызметтердің мамандарының кәсіби деңгейін арттыру үшін ай сайын оқыту сессияларын ұйымдастырады», – деді Әлеуметтік медициналық сақтандыру қоры басқарма төрағасының орынбасары Индира Саркенова.</blockquote>Оқытулар негізгі бағыттарды қамтиды – беделді басқару (репутациялық менеджмент), этика және деонтология, ҚР медицина қызметкерлерінің ар-намыс кодексі. Сессия барысында нақты келіп түскен шағымдар талданып, қаралады. Бұл теориялық білімді тәжірибеде қолдануға, сондай-ақ халық тарапынан сенімді арттыруға мүмкіндік береді.Халықпен кері байланысты күшейту және еліміздегі медициналық көмектің сапа стандарттарын арттыру жұмыстары жалғасуда.Еске саламыз: Егер сіз медициналық көмек алу кезінде мәселе туындаса, дәрігердің ем тактикасына қатысты шешімімен келіспесеңіз немесе МӘМС жүйесіндегі мәртебеңізге қатысты сұрақтарыңыз болса, Пациенттерді қолдау және ішкі сараптама қызметіне жүгіне аласыз. Аталған қызмет әрбір медициналық ұйымда жұмыс істейді. Оның жұмысы Қазақстан Республикасының «Халық денсаулығы және денсаулық сақтау жүйесі туралы» Кодексімен, сондай-ақ ҚР Денсаулық сақтау министрінің 2020 жылғы 3 желтоқсандағы № ҚР ДСМ-230/2020 бұйрығымен реттеледі («Медициналық қызметтердің (көмектің) сапасына ішкі және сыртқы сараптама жүргізу қағидаларын бекіту туралы»).

Пациенттердің шағымдары 11,7%-ға азайды

<a href="https://kyzylorda-news.kz/">Kyzylorda-news.kz</a> Азаматтарға арналған үкімет мемлекеттік корпорациясының облыстық филиалы директорының орынбасарлары Еркін Дәуренұлы мен Жанар Абдрайханқызы, сондай-ақ Фронт-офистерді үйлестіру басқармасының басшысы Гүлназ Бадрақова Шиелі ауданына іс-сапармен барды.Сапар барысында аудандық ХҚКО мен АХАТ бөлімінің жұмысы тексеріліп, көрсетілетін қызметтердің сапасына баса назар аударылды. ХҚКО ғимаратындағы бірқатар техникалық мәселелер мен келушілерге арналған суретке түсіру аумағын қалпына келтіру қажеттігі атап өтілді.Халықтың сын-пікірі әрдайым ескеріліп, қызмет сапасын жақсартуға ықпал етеді.АХАТ бөлімі қазіргі таңда Руханият орталығында орналасқан. Мұнда күнделікті туу туралы, зейнеткерлік және неке қию куәліктері тұрғындарға салтанатты жағдайда табысталып жатыр.Іс-сапардың негізгі мақсаты – халыққа көрсетілетін қызметтердің сапасын жақсарту және қолайлы жағдай жасау.

Халыққа көрсетілетін қызметтің сапасы тексерілді

<a href="https://kyzylorda-news.kz/">Kyzylorda-news.kz</a> Отбасы құндылықтарын дәріптеп, жанұя мүшелерінің қарым-қатынасын нығайту, зияткерлік әлеуетін арттыру мақсатында «Анаға тағзым» орталығының ұйымдастыруымен «Алтын Ұя» отбасылық квесті өтті. Қызылорда қаласының астана болғаны әрі «Қазақ» атауы ресми бекуінің 100 жылдығына орай квест Отбасы орталығынан бастау алып, қалада жаңадан бой көтерген облыстық тарихи-өлкетану музейі, Теннис орталығы, «Сыр жұлдыздары» шығармашылық-инновациялық академиясында өрбіді.Шарада облыстық мәдениет, архивтер және құжаттама басқармасының басшысы Жанмұрат Сейілов сөз сөйлеп, қатысушыларға сәттілік тіледі.Білімді, коммуникативті, ізденімпаз әрі тапқыр отбасыларды даралайтын топтық квест ойынға облыс бойынша 10 жанұядан құралған 40 адам қатысты. Командалар әр локацияда аймақ және ел тарихы, мәдениет және спорт, білім салаларына қатысты жасырылған 45 сұраққа QR код арқылы жауап берді. Сайыс барысында қатысушылар өзара бақ сынаумен қатар, қаланың көрікті орындарында болып, әрбір ғимараттың тыныс-тіршілігі, жұмыс бағытымен танысты.Зияткерлік ойын «Отбасы» орталығында қорытындыланып, жеңімпаздарға облыстық мәдениет, архивтер және құжаттама басқармасының басшысының алғыс хаттары және бағалы сыйлықтары табысталды. Атап айтқанда, жүлделі 3 орын Сайлауовтар отбасына бұйырса, Базарбаевтар отбасы 2 орынды қанжығалады. Қармақшылық Қозыбақовтар жанұясы 1 орынды жеңіп алса, бас жүлдеге Қашқынбаевтар отбасы лайық деп танылды. Айта кетейік, барлық қатысушылар бағалы сыйлықтармен марапатталды.

«Алтын ұя» отбасылық квесті өтті

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының Қызылорда облысы бойынша филиалының мамандары кең көлемде ақпараттық-түсіндіру жұмыстарын жүргізуде.Онлайн/офлайн форматта өңірдегі жүйелік маңызы бар кәсіпорындар мен екінші деңгейлі банктер, «Қазпошта» АҚоблыстық филиалының ұжымдарымен өткен кездесулерде сарапшылар міндетті әлеуметтік медициналық сақтандыру жүйесінің бағыттары, қағидаттары мен артықшылықтары туралы түсініктеме береді.Атап айтқанда: &nbsp;<ul><li style="text-align:justify;">ТМККК (тегін медициналық кепілдендірілген көмек) және МӘМС медициналық пакеттері туралы;&nbsp;</li><li style="text-align:justify;">МӘМС жарналары мен аударымдарын қалай дұрыс төлеу және қате төленген қаражатты қайтару тәртібі туралы;&nbsp;</li><li style="text-align:justify;">МӘМС жүйесінде сақтандырылу мәртебесін қалай тексеруге болады;&nbsp;</li><li style="text-align:justify;">МӘМС жарналарын және аударымдарын қалай төлеуге болады;&nbsp;</li><li style="text-align:justify;">МӘМС мәселелері бойынша кері байланыс арналары жөнінде мәліметтер беріп отырды;</li><li style="text-align:justify;">Кездесулер барысында Қор филиалының мамандары қызметкерлердің сұрақтарына толыққанды жауап берді.</li></ul>Айта кетейік, МӘМС жүйесі туралы толығырақ ақпаратты Қордың ресми сайты – msqory.kz және Қор филиалының ресми парақшасы – msqory_kzo арқылы білуге болатынын хабарлап отырады.

МӘМС жүйесі әр қызметкер үшін маңызды

<a href="https://kyzylorda-news.kz/">Kyzylorda-news.kz</a> Кеше «AMANAT» партиясы Қызылорда облыстық филиалының мобильді көшпелі қабылдау тобы Арал қаласы мен Жақсықылыш кентінде болып, тұрғындарды толғандырған сауалдарына жауап берді.Мобильді қабылдауға партияның облыстық филиалының төрағасы Алмасбек Есмаханов, облыстық мәслихаттағы депутаттық фракция жетекшісінің орынбасары Мақсұт Налібаев, фракция мүшесі Ибадулла Тлеп және бірқатар басқарма өкілдері қатысты.Мобильді қоғамдық қабылдау шарасын партияның облыстық филиалының төрағасы Алмасбек Есмаханов ашып, республика және облыс орталығынан арнайы келген мобильді топ өкілдерін таныстырды. Сондай-ақ «AMANAT» партиясының мобильді қоғамдық қабылдаудың негізгі мақсатына тоқталып, түсіндірме беріп өтті.«AMANAT» партиясы мобильді қабылдау жұмысын бірнеше жылдан бері жүзеге асырып келеді. Мұндағы негізгі мақсат облыс орталығынан шалғай орналасқан елді мекендерді аралап, ондағы тұрғындардың өтініш – тілектерін тыңдап, ауылдағы қордаланған мәселелердің шешімін табуға ықпал ету, елдегі заңнамалық өзгерістерден хабардар етіп, нақты ақпарат ұсыну», – деді Алмасбек Есмаханов.Атап өту керек, мобильді топ өкілдері алдымен Жақсықылыш кентінде болды. Кент тұрғындары мүмкіндікті пайдаланып, «Аралтұз» АҚ қызметшілерінің жалақысын көтеру сондай ақ, кәсіпорынға қарасты мәдениет үйін қолжетімді ету қажет екенін жеткізді. Онан бөлек, кентке кіре беріс жолды жөндеу бойынша бірқатар ұсыныстарын ортаға салды.Арал қаласында ұйымдастырылған көшпелі мобильді қабылдау барысында да аудан тұрғындары, қала ішіндегі бірқатар көшелерді жөндеу, мемлекеттік тұрғын үйді жекеменшікке айналдыру сынды мәселелерді алға тартты.Мобильді топ мүшелері әрбір тұрғынның мәселесімен жеке жұмыс жасап, заңнамалық кеңестер берді. Жолдарды жөндеу, мәдениет үйіне қатысты көтерілген мәселелердің «AMANAT»партиясының сайлауалды бағдарламасында қамтылғанын жеткізіп, бұл бағытта жасалып жатқан жұмыстарды жеткізді. Мәселен, аралдықтардың көптен бергі арманы болып, ел игілігіне берілген темір жол үстінен өтетін аспалы көпір де партияның сайлауалды бағдарламасы негізінде жүзеге асты. Сондықтан көтерілген мәселелер қараусыз қалмай кезең - кезеңімен жүзеге асырылатындығы түсіндірілді.Жалпы ауданда ұйымдастырылған мобильді қабылдауға 40-қа жуық тұрғын келіп, өз өтініштерін білдірді. Олар осындай көшпелі қабылдаулардың көтерілген ұсыныстардың шешімін табуына оң ықпал етеді дейді.&nbsp;

«AMANAT»: Арал ауданында мобильді қабылдау ұйымдастырылды

<a href="https://kyzylorda-news.kz/">Kyzylorda-news.kz</a> Қызылордалық кәсіпкер Ботагөз&nbsp;Арқашбаева асыл тұқымды ешкі өсіру жобасын жолға қойып, бүгінде сұранысқа ие табиғи өнімдер шығаруда.Ботагөз кәсіби биші. Мамандығы бойынша Шиелі ауданы Ыбырай Жақаев ауылындағы балабақшада музыка жетекшісі болып жұмыс істейді. Жеке кәсіпті қолға алғанына 7 жылдан асты.<blockquote>«Халқымызда «Әке көрген – оқ жонар, ана көрген – тон пішер» деген жақсы мақал бар ғой. Кәсіпке келуіме анамның көрсеткен үлгісі себепші болды. Анам ешкі өсіргенді ұнатады. Сол қызығушылығын кәсіпке айналдырса қалай болар екен деп ойлана келе осы істі қолға алдым. Оның үстіне өзге үй жануарларына қарағанда ешкіге азық аздау кетеді», - дейді Ботагөз Арқашбаева.</blockquote>Алғашында ол кәсібін жергілікті 10 ешкімен бастаған. Кейін саланы зерттей келе сүт бағытын таңдап, асылдандыруға көшеді.&nbsp;<blockquote>«Кәсіпті қолға алған жеті жылдың үш жылын асылдандыруға арнадым. Мал басын 100-ге жеткіздім. Нәтижесінде өнімділік артты. Әр ешкі күніне 3-6 литрден сүт береді. Нарыққа ешкі сүтін, айранын, майы мен құртын шығарып жатырмын. Халықтың табиғи өнімге басымдық беріп жатқаны қуантады. Негізі өнімдер тез өтіп кетеді. Шиелінің өзінен артылмайды. Дегенмен Алматы, Шымкент, Қызылорда қалаларына да жіберілуде. Ол жақта да тұрақты тұтынушылар қалыптасты», - дейді кәсіпкер.</blockquote>Сұраныстың көбеюі кәсіпкерден өнім көлемін арттыруды талап етуде. Сонымен бірге, Ботагөз алдағы уақытта өнімдерін сауда сөрелеріне шығаруды да көздеп отыр. Кәсібін кеңейту мақсатында шағын цех ашып, құрал-жабдықтар алу үшін кәсіп иесі жеңілдетілген несие алмақ болады.<blockquote>«Қызылорда» Өңірлік инвестициялық орталығы арқылы 6 пайызбен кәсіпке несие алуға болатынын былтыр аудандық кәсіпкерлік бөліміндегі мамандардан естідім. Құжаттарымды жылдам жинап, тапсырып, көп уақыт өтпей-ақ 17,5 млн теңге несие алдым. Бұл қаржыға қазір шағын ғимарат салып жатырмын. Сондай-ақ, сүт сауатын, май шайқайтын аппараттар, лоток, вакумдеу құралдарын алып қойдым», - дейді Ботакөз Арқашбаева.</blockquote>Кәсіпкер құрылыс жұмыстары біткен соң осы жабдықтар арқылы өнім көлемін арттыруды жоспарлап отыр. Шағын цех өнімін сертификаттауға мүмкіндік береді. Осыдан кейін дайын тауарды сауда орындарына шығаруға мүмкіндік алады. Ботагөздің шағын кәсібінде әзірге 3 адам тұрақты жұмыс істейді. Алдағы уақытта жұмысшылар санын арттырмақ.Ерекше атап өткен жөн, жақында Қызылорда қаласының сол жағалауынан шағын өндірістік аймақ іске қосылады. Бұл аумаққа азық-түлік өнімдерін шығаратын кәсіпкерлер орналасуда. Оларға кәсібіне қажет құрал-жабдықтар алу үшін «Қызылорда» Өңірлік инвестициялық орталығы арқылы 3 пайызбен жеңілдетілген несие берілуде.<img src="https://knadmin.beoblood.kz/uploads/yzylordaly_k_sipkerdi_eshki_s_tinen_ndirgen_tabi_i_nimderi_zho_ary_s_ranys_a_ie_6b309acc66.jpg" alt="Қызылордалық кәсіпкердің ешкі сүтінен өндірген табиғи өнімдері жоғары сұранысқа ие.jpg">Фото: «Қызылорда» Өңірлік инвестициялық орталығының баспасөз қызметі

Қызылордалық кәсіпкердің өнімдері жоғары сұранысқа ие

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «AMANAT» партиясы облыстық филиалының қоғамдық қабылдау кестесіне сәйкес кезектілік тәртібімен жазылған азаматтарды қабылдады. Тұрғындар емделу, тұрғын үй алу және жұмысқа орналасу мәселелерін қозғады.Қабылдауға келіп ұсыныс-пікірін, өтінішін жеткізушілердің сауалдары назардан тыс қалмайды. Әрқайсысы толық зерттеліп, заң аясында шешілу жолдары қарастырылады. Кейбір сұрақтар бойынша түсіндірмені мамандар сол жерде берді. Бірқатарының шешілу жолдары көрсетілді.Бүгінгі қабылдауда болған зейнеткер қамқорлығындағы баласын облыс әкімінің грантымен оқуға түсуіне көмек көрсетуді, қала тұрғыны облыс орталығынан жер беруді сұрады.Аймақ басшысы биылға грант бөлінген жағдайда арнайы комиссияға ҰБТ қортындысымен құжат тапсыруға болатынын айтты. Сондай-ақ тұрғын үй, жер учаскесі тек заң аясында, белгіленген кезекке сәйкес берілетіні түсіндірілді. Басқа да көтерілген мәселелер бойынша жауапты сала басшыларына тапсырмалар жүктелді. Жұмысқа орналасу мәселесі де заң аясында, конкурс арқылы шешіледі.Еске салайық, тұрғындар облыс әкімінің, орынбасарларының, жауапты сала басшыларының қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Қызылорда облысы әкімінің баспасөз қызметі

Тұрғындардың жеке мәселелері тыңдалды

<a href="https://kyzylorda-news.kz/">Kyzylorda-news.kz</a> Жуырда Қытайдың Ханчжоу қаласында волейболды отырып ойнаудан өткен Азия чемпионатында Қазақстан ұлттық құрамасы алғаш рет жеңімпаз атанған болатын. Бұл жетістік – еліміздің спорт саласы үшін тарихи оқиға болды. Себебі ұлттық құрама өкілдері алғаш рет Азия чемпионатында ел намысын абыроймен қорғап, көк туымызды көкке көтерді.Осыған орай, бүгін облыстық дене шынықтыру, спорт және туризм басқармасының басшысы Бахтияр Ғарифоллаұлы ұлттық құрама сапындағы Сыр өңірінің мақтаныштары Эрик Қасқабаев, Шыңғыс Медеуов, Ерасыл Әбдібек және Асылхан Амидолланы арнайы қабылдады. Бұл туралы&nbsp;Қызылорда облысының дене шынықтыру, спорт және туризм басқармасы хабарлады.Кездесу барысында басқарма басшысы чемпиондарға өз ризашылығын білдіріп, жеңіске жету жолындағы табанды еңбектеріне жоғары бағасын берді.Сондай-ақ, жиында Бахтияр Ғарифоллаұлы сырбойылық спортшылардың әлемдік жарыстарда жоғары нәтиже көрсетуі үшін жүйелі жұмыс жасалып жатқандығын жеткізді.Өз кезегінде басқарма басшысы спортшыларымызға қаржылай сертификат табыстап, алдағы халықаралық жарыстарға сәттілік тіледі.Фото: Сыр спорты

Басқарма басшысы пара волейболдан өткен Азия чемпионатының жеңімпаздарын қабылдады

<a href="https://kyzylorda-news.kz/">Kyzylorda-news.kz</a> 23 маусым - еліміздегі құқық қорғау саласында еңбек етіп жүрген тәртіп сақшылары үшін айрықша маңызы бар күн. 1992 жылы дәл осы күні «Қазақстан Республикасының Ішкі істер органдары туралы» Заң қабылданып, 2007 жылы бұл күн ресми түрде Полиция күні болып бекітілді.Мереке қарсаңында Өңірлік коммуникациялар қызметінің ақпарат алаңында өткен брифингте облыстық ПД бастығының орынбасары, полиция полковнигі Оралбек Омаров бұл күннің маңызына тоқталып, ол - ел тыныштығын күзеткен тәртіп сақшыларына алғыс білдіретін әрі ерлікпен қаза тапқан әріптестерді еске алатын тағылымды күн екенін атап өтті.<blockquote>- 23 маусым - ел ішіндегі тәртіп пен қауіпсіздікті қамтамасыз етуде аянбай еңбек етіп жүрген барлық полиция қызметкерлері үшін айрықша маңызы бар күн. Бұл - халықтың тыныштығын күзетіп, қоғам қауіпсіздігін қамтамасыз ету жолында жанқиярлықпен қызмет атқарып жүрген тәртіп сақшыларына алғыс пен құрмет білдіретін күн. Сонымен қатар, бұл - қызметтік борышын атқару кезінде қаза тапқан әріптестерімізді еске алатын тағылымды, қастерлі күн. Олардың ерліктері мен есімдері жадымызда мәңгі сақталады. Болашақ ұрпақ үшін бұл - нағыз ерлік пен Отанға адалдықтың үлгісі. Бүгінде өңірімізде ардагерлер ұйымына тіркелген 2 500-ден астам зейнеткер бар. Ал қызмет бабында ер-азаматтармен қатар 274 әйел маман да қоғамдық тәртіп пен азаматтардың қауіпсіздігі жолында қажырлы еңбек етіп келеді. Бұл - ерекше жауапкершілікті қажет ететін салада кәсібіне адал жандардың қатарын көрсетеді. Мемлекет басшысының бастамасымен жүзеге асырылып жатқан «Жұртқа жақын полиция» тұжырымдамасы аясында құқық қорғау жүйесінде халықпен ашық әрі сенімді байланыс орнатуға бағытталған реформалар жүргізілуде. Полиция қызметі - күнмен емес, ел алдындағы адалдықпен өлшенетін абыройлы міндет. Қоғамдағы тұрақтылық пен тәртіптің сақшысы ретінде сіздердің еңбектеріңіз әрдайым ел алдында биік бағаланады. Қиындығы мен жауапкершілігі мол осы салада табандылықпен еңбек етіп жүрген баршаңызды кәсіби мерекемен құттықтай отырып, мықты денсаулық, отбасылық амандық және қызметтік табыс тілеймін,-деді Оралбек Тәубәқабылұлы.</blockquote><img src="https://knadmin.beoblood.kz/uploads/Policziya_k_ni_erlik_pen_adaldy_ty_d_riptejtin_mereke_39108d0e6a.jpg" alt="Полиция күні - ерлік пен адалдықты дәріптейтін мереке.jpg">Фото: Нұрболат Нұржаубай

Архив