Жақында Димаш Құдайберген «Тау ішінде» әніне бейнебаян түсіріп, арнайы челлендж жариялаған<a href="https://kaz.inform.kz/news/tau-shnde-chellendzh-mektep-direktori-golden-ticket-zhenp-aldi-12e65a/"> еді.</a>Күні кеше Алматыда өткен фан-кездесуде дәл осы байқаудың жеңімпазы анықталды.Челленджді жас түлектермен бірге «Тау ішінде» әнінің биін қайталаған ұстаз ұтып алды. Астана қаласы № 58 мектеп-гимназиясының директорына әншінің анасы өз қолымен «Golden Ticket» табыстады.– Мен өте қуаныштымын. Бұл № 58 мектеп оқушыларымен бірге түсірілген челлендж. Бірлескен жұмыстың нәтижесі. Алла қалап, Еуропаға жолдама ұтып алдық. Бұл&nbsp;– Еуропаның кез келген қаласында өтетін Димаштың концертіне жолдама. Бұл тек 1 адамға берілді ме, әлде оқушыларға да&nbsp;жолдама беріле ме&nbsp;–оны ұйымдастырушылар қосымша байланысып, хабарлаймыз деп айтты. Әзірге қалай болары нақты белгісіз. Әзірге Димаштың Лондонда өтетін концертіне барамыз деп жоспарлап отырмыз. Әлі де&nbsp;ақылдасамыз,&nbsp;– дейді «Бүгін LIVE» бағдарламасына онлайн байланысқа шығып, сұхбат берген Ақмоншақ Нұртаза.Мектеп директоры үздік атанған бейнематериалдың қалай түсірілгенін айтып берді.–&nbsp;24 мамыр күні кешке жас түлектер іс-шарасынан кейін оқушылар үйлеріне қайтып бара жатқан жерінен аяқ астынан түсірдік. Негізі алдын ала балаларды дайындаған жоқпыз. Бірақ 2 күннің ішінде Instagram-да 3,5 миллиондай қаралым жиналды. Ал&nbsp;TikTok-тағы қаралым саны 3 миллионнан асты. Әртүрлі парақшаларда жиналған жалпы қаралым саны 10 миллионнан асады,&nbsp;– дейді жеңімпаз.Ұстаз Димаш Құдайбергеннің анасынан «Алтын билетті» алған кездегі әсерімен бөлісті.–Димаштың анасының қолынан «Алтын билетті» алғандағы әсерім керемет. Бірақ Димаштың өзімен кездесе алмадым. Есесіне, Димаштың анасының батасын алдық. Біздің мектебімізге деген жылы лебізін білдірді. Осындай алып, батыр анадан осындай жүлде алу&nbsp;– мен үшін үлкен мәртебе,&nbsp;– дейді ол.Фото: Ақмоншақ Нұртазаның жеке мұрағатынан

Димаштың челленджі: Мектеп директоры «Golden Ticket» жеңіп алды 

<a href="https://kyzylorda-news.kz/">Kyzylorda-news.kz</a>&nbsp; Тұрғындардың өрт қауіпсіздігіне салғырт қарауының салдарынан өңірдегі өрт оқиғаларының саны азаймай тұр. Тіркелген өрттің басым бөлігі тұрғын үй секторларында, автокөліктер мен орман қоры аумағында орын алуда. Бүгін Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының бастығы Асхат Оразбеков өрт қауіпті кезеңде қауіпсіздік қағидаларын сақтау туралы айтып, сақтық шараларына ерекше назар аударуға шақырды.<blockquote>– Өрт оқиғаларының басты себептерінің бірі – адамдардың немқұрайлы қарауынан туындап жатады. Нақтырақ айтқанда, қоқыстарды өртеу кезінде бақылаусыз қалдыруынан, ақаулы тұрмыстық электр жабдықтарын қолдануынан, автокөліктерге уақытылы күтім жасамауынан, тұрмыстық газ қондырғыларының және газ баллондардың ақаулығынан, балалардың оттықпен ойнауы себептерінен пайда болуда, – дейді Асхат Оразбеков.</blockquote>&nbsp; Адамдар сақтық шараларын толық түсінген уақытта ғанакүнделікті өмірде сақтанып жүре алатын болады. Сол үшін ТЖД тарапынан тұрғындарға түсіндірме жұмыстарын жүргізу маңызды.<blockquote>– Осы себепті департамент тарапынан халық арасында күнделікті профилактикалық шаралар мен әртүрлі акциялар, рейдтер мен түсіндірме жұмыстары жүргізілуде. Одан бөлек өрттің алдын алу және жою алгоритмдер мен іс-қимыл жоспарлары бойынша жұмыстар атқарылып жатыр. Жыл басынан бері мобильді топтармен 134 рет рейдтік шара жүргізілді. Шара барысында әкімшілік құқық бұзушылық кодексінің 336,367,410-баптарына сәйкес 35 тұлғаға 1 553 410 теңге айыппұл салынды. Облыс аумағындағы өрт қауіпті кезеңі тұрақты бақылауда, – деді өрт бақырау басқармасының бастығы.</blockquote> Көркем ТӨЛЕБАЙ Қорқыт ата атындағы Қызылорда университеті 1-курс&nbsp;

Өрт қауіпсіздігі тұрақты бақылауда

<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қорының ұйымдастыруымен «Aray city mall», «Ажар», «Жібек жолы» сауда орталықтарында «Денсаулық аралы» акциясы өтті.Іс-шара барысында №3 қалалық емхананың мамандары тұрғындарға медициналық қызметтер көрсетіп, аурулардың ерте белгілерін және қауіп факторларын анықтауға бағытталған тексерулер жүргізді.Тегін экспресс-скрининг кезінде дәрігерлер қан қысымын, бой мен &nbsp;салмақты, қандағы қант пен холестерин деңгейін өлшеп, кеңес берді.Көптеген қала тұрғындары өз денсаулығының жай-күйін біліп, аурулардың алдын алу жолдары туралы ақпарат алды.Әлеуметтік медициналық сақтандыру қоры филиалының мамандары сұрақтарға жауап беріп, сақтандыру мәртебесін қалай алуға болады, міндетті әлеуметтік медициналық сақтандырудың қандай артықшылықтары бар, жарналар мен аударымдарды қалай дұрыс төлеу керек, МӘМС мәселелері бойынша сұрақтар қайда жүгіну керектігін түсіндірді. Сондай-ақ тұрғындарға ақпараттық буклеттер таратылды.Қор&nbsp;филиалының&nbsp;сарапшысы&nbsp;Әлия&nbsp;Убисултанованың&nbsp;айтуынша,&nbsp;МӘМС&nbsp;жүйесі&nbsp;аясында&nbsp;медициналық&nbsp;қызметтердің&nbsp;кең&nbsp;ауқымы қолжетімді. Сақтандырылған&nbsp;азаматтар үшін медициналық&nbsp;көмекті&nbsp;тең дәрежеде алу мүмкіндігі&nbsp;қамтамасыз етілген. Медициналық&nbsp;сақтандыру&nbsp;қаражаты есебінен&nbsp;қымбат&nbsp;оталар жасалады.&nbsp;МӘМС&nbsp;жүйесінде сақтандырылған&nbsp;болу –&nbsp;маңызды!

«Денсаулық аралы» акциясы өтті

<a href="https://kyzylorda-news.kz/">Kyzylorda-news.kz</a> Бүгін Достық үйінде «Елдесу және татуласу» жобасының аясында этномедиация бағыты бойынша кезекті оқыту семинары өз жалғасын тапты. Семинар этномедиаторлардың кәсіби құзыреттіліктерін арттыруға бағытталып, дау-жанжалды тиімді реттеу мен шешу дағдыларын тереңдетуге арналды.Күн тәртібі бойынша алғашқы бөлім үй тапсырмасын талқылаудан басталды. Қатысушылар алдыңғы сабақтарда алған білімдері мен практикалық тәжірибелерімен бөлісіп, өзара пікір алмасты.Ал теориялық және практикалық бөлім «Этномедиаторлардың дау-жанжалды реттеу және шешу бойынша медиативтік құзыреттілігі» тақырыбына арналды. Бұл сессияда тараптардың мүдделері мен қарсылықтарымен жұмыс істеу, қайшылықтар аймағын анықтап, түйісу нүктелерін табу, сондай-ақ тараптардың ұстанымдары мен қағидаларын нақтылау тәсілдері қарастырылды. Іскерлік ойын форматында ұйымдастырылған тәжірибелік тапсырмалар қатысушылардың нақты жағдайларда әрекет ету шеберлігін арттыруға бағытталды.Семинардың келесі бөлімі жағымды атмосфера құру мен медиативті байланыс орнату тақырыбын қамтыды. Раппорт орнату, айна тәсілін қолдану, белсенді тыңдау және дұрыс сұрақ қою секілді маңызды дағдылар талқыланды. Қатысушылар аталған әдістерді тәжірибеде қолдану арқылы этномедиация үдерісін тиімді жүргізудің жолдарын меңгерді.Семинар барлық қатысушылар үшін пайдалы тәжірибе мен білім көзі болды. Жоба аясындағы оқыту сабақтары алдағы уақытта да жалғасын табатын болады.Фото: Ассамблея Қызылорда

«Елдесу және татуласу» жобасы аясындағы этномедиация бойынша оқыту жалғасуда

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында алғаш рет «Үздік шекарашы – 2025» республикалық турнирі өтіп жатыр.Бүгін Өңірлік коммуникациялар қызметінің алаңында турнирдің мазмұны мен маңызы таныстырылды. Спикерлер қатарында ҚР ҰҚК Шекара қызметі Қызылорда облысы бойынша департаменті бастығының орынбасары, полковник Серік Есенжолұлымен жауынгерлік даярлық бөлімінің консультанты, подполковник Ерболат Тоқтасынұлы болды.Турнир 27-29 мамыр күндері аралығында өтуде. Мақсаты – шекарашы сарбаздардың атыс дайындығы мен тактикалық шеберлігін шыңдап, олардың кәсіби деңгейін көтеру. Сонымен қатар бұл сайыс – әскери қызметкерлердің бойындағы отансүйгіштік, жауапкершілік пен рухани беріктік секілді қасиеттерді дәріптеуге арналған.<blockquote>– Бұл турнир – шекарашы жауынгерлердің кәсіби шеберлігін шыңдау, атыс мергендігін арттыру және патриоттық рухты дәріптеу мақсатында дәстүрлі түрде өтетін беделді дода. Турнирге еліміздің әр аймағынанарнайы іріктеуден өткен 15 үздік әскери қызметкер қатысуда. Сондай-ақ турнирде нағыз шекарашыға тән батылдық, шапшаңдық пен зеректік сынға түседі. Мұндай жарыстар жауынгерді жаңа биікке көтеріп, шекара қауіпсіздігін қамтамасыз етудегі дайындығын нығайтады, – деді полковник Серік Есенжолұлы</blockquote>&nbsp; &nbsp; &nbsp; &nbsp; &nbsp;Бұл турнир шекарашы болып қызмет етіп жүрген мамандар арасында үлкен беделге ие. Сайыс барысында қатысушылар дәлдік пен ептілікті қажет ететін тапсырмалар бойынша өзара мықтыны анықтайды.<blockquote>– Қатысушылар түрлі әскери жаттығулардан өтеді. Жарыс 5 кезеңнен тұрады. Бірінші сайыс – 10 шақырымға жүгіру болса, қалған сайыстар атыс алаңында жүргізіледі. Сайыстың әр кезеңі нақты шеберлікті қажет етеді. Бұл – тәжірибе алмасудың және жауынгерлік рухты арттырудың таптырмас алаңы, – деді Ерболат Тоқтасынұлы.</blockquote>Айта кетейік, бұл сайыс – жай ғана жарыс емес,ол еліміздің шекара қауіпсіздігін қамтамасыз етіп жүрген нағыз сарбаздардың өз ісіне деген адалдығы мен кәсібилігін шыңдайтыналаң.&nbsp;Көркем ТӨЛЕБАЙҚорқыт Ата атындағыҚызылорда университеті 1-курс

   Қызылордада шекарашылар сынға түсуде

<a href="https://kyzylorda-news.kz/">Kyzylorda-news.kz</a>&nbsp; Орал қаласында 24-26 мамыр аралығында Асқар Шайхиевты еске алуға арналған дзюдодан ерлер мен әйелдер арасында республикалық турнир өтті.Жарыс нәтижесі бойынша спортшыларымыз бір алтын, бір күміс, жеті қола медаль жеңіп алды.Қыздар арасында:78 кг салмақта Абатова Шынар – І орын70 кг салмақта Қожасова Сәуле – ІІ орын48 кг салмақта Асқарова Жанерке – ІІІ орын63 кг салмақта Ұлықбекова Нұрбибі – ІІІ орын78 кг салмақта Қыдырбаева Талшын – ІІІ орынҰлдар арасында:66 кг салмақта Берікұлы Әділбек – ІІІ орын73 кг салмақта Жақсылық Нұрислам – ІІІ орын+100 кг салмақта Мейрамбекұлы Дәурен – ІІІ орын+100 кг салмақта Нысанбай Дінмұхаммед – ІІІ орынСпортшыларымызды жүлделі орындарымен құттықтаймыз!Фото: Қызылорда облысының дене шынықтыру, спорт және туризм басқармасы

Дзюдо: Бір алтын, бір күміс, жеті қола қоржында

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен жылу беру маусымының қорытындылары мен алдағы маусымға дайындық мәселесі талқыланған Үкімет отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Өткен жылу беру маусымында облыстағы кәсіпорындар штаттық режимде жұмыс істеді, апатты жағдайлар тіркелген жоқ. Жауапты маусым сәуір айында аяқталды. Қазіргі уақытта алдағы жылу беру маусымына дайындық жұмыстары бекітілген іс-шаралар жоспарына сәйкес жүргізілуде.Биыл жылумен қамту нысандарын жаңғыртуға 13 млрд 500 млн теңге қаржы жоспарланған. Атап айтқанда, Оңтүстік қазандықтағы «Воно энерджи» маркалы үш бу қазандығын жаңғыртуға Үкімет резервінен 2 млрд 524 млн теңге, жергілікті бюджеттен 1 млрд 329 млн теңге бөлінді. Қайта жаңғырту жұмыстары қыркүйек айында толық аяқталады.Сондай-ақ жергілікті бюджет және кәсіпорын қаражаты есебінен 1 генератор, 10 бу және 21 автономды қазандық жөнделуде. Бүгінде жұмыстың 30 пайызы орындалды. Желілерді жаңғыртудың 6 жобасын іске асыруға бюджеттен 7 млрд 403 млн теңге қаралған. Мердігерлер анықталып, құрылыс-монтаж жұмыстары жүргізілуде.Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау мақсатында Қызылордада қуаттылығы 240 мегаваттық жаңа жылу-электр орталығы бой көтерді. Инвесторы «Акса Энерджи» түрік компаниясы құрылысқа 137 млрд теңгеден астам инвестиция құйып, негізгі қондырғылар толық жеткізіліп, орнатылуда. Қазіргі уақытта жұмыстың 70 пайызы атқарылған. Орталық IV тоқсанда іске қосылады.Фото: Қызылорда облысы әкімінің баспасөз қызметі

Жылу беру маусымының қорытындылары талқыланды

<a href="https://kyzylorda-news.kz/">Kyzylorda-news.kz</a>&nbsp; «26 маусым – Халықаралық нашақорлыққа қарсы күрес күнін» мерекелеуге орай және өскелең ұрпақтың бос уақытын тиімді пайдалануға баулу мақсатында, Қызылорда облысының Полиция департаменті Есірткі қылмысына қарсы іс-қимыл басқармасының ұйымдастыруымен капстекингтен жарыс ұйымдастырылды.Капстекинг немесе спидстекинг – ол жақсы ептілікті және қозғалысты үйлестіруді талап ететін қызықты және өте әсерлі спорт түрі.Осы спорт түрімен айналысатын спортшы алдымен пластикалық шыныаяқтардан импровизацияланған пирамиданың қандай да бір түрін құрастыруы керек, содан кейін қысқа уақыт ішінде барлық шыныаяқтарды дестеге қосу керек.Шыныаяқтарды жинау жарысы үш комбинациядан тұрды: 3-3-3, 3-6-3 және 10, мұнда стақандар пирамидаларға белгіленген санға сәйкес жиналып, содан кейін қадаларға бөлінді. Барлық үш комбинацияны құрастыруға және бөлшектеуге жұмсалған ең аз уақыт ішінде комбинацияларды жинаған жеңімпаз болды.Бұл жарыс өңірімізде алғаш рет өткізілсе де, балалар жақсы дайындалып, өз мүмкіндіктерін көрсете білді. Үздік атанғандар: Шиелі ауданы, No50 орта мектептің оқушысы Якубжан Қазбек, Қазалы ауданының No204, 226 орта мектептерінің оқушылары Аймағамбетова Аяжан мен Жарылқасын Нұрай.

Қызылордада алғаш рет капстекингтен жарыс өтті

<a href="https://kyzylorda-news.kz/">Kyzylorda-news.kz</a>&nbsp; Оқу-ағарту министрлігі Назарбаев зияткерлік мектебінен&nbsp;оқу жылының аяқталуына екі күн қалғанда&nbsp;шығып қалған&nbsp;11-сынып оқушысының жағдайына қатысты пікір білдірді.&nbsp;Бұл туралы&nbsp;<a href="https://stan.kz/news-418454/">Stan.kz</a>&nbsp;ақпарат агенттігі хабарлады.Министрлік ресми мәлімдеме жасап, Қазақстанда мұғалім мәртебесі заңмен бекітілгенін және оның қоғамдағы ерекше рөлін&nbsp;атап өтті.<blockquote>"Ата-аналар мен оқушылар ұстаздарды құрметтеуге&nbsp;тиіс, өйткені білім беру жүйесіне деген сенім ұстаздарға деген сенімнен басталады. Оқу-ағарту министрлігі олардың мәртебесіне нұқсан келтіретін кез келген әрекетті айыптайды. НЗМ тек ішкі тәртіп ережелеріне емес, адамгершілік пен кәсібилік қағидаттарына негізделген шешім қабылдайды деп сенеміз", – делінген хабарламада.</blockquote>Фото: Нұрболат Нұржаубай

"Ұстаздарды құрметтеу керек": Оқу-ағарту министрлігі Назарбаев мектебінен шығып қалған оқушының дауына қатысты пікір білдірді

<a href="https://kyzylorda-news.kz/">Kyzylorda-news.kz</a> Қазіргі заманғы білім беру жүйесінде ғылыми-техникалық прогресс пен еңбек нарығының қажеттіліктеріне бейімделген жоғары оқу орындарының рөлі артып келеді. Қазақстанның инновациялық даму стратегиясына сәйкес, жоғары білім беру саласын жаңғыртуда ғылыми-зерттеу жұмыстары мен халықаралық серіктестікті кеңейтудің маңызы зор. Осы тұрғыдан алғанда, Халықаралық инженерлік-технологиялық университеті (МИТУ) еліміздегі техникалық және экономикалық мамандарды даярлайтын жетекші жоғары оқу орындарының бірі болып табылады.МИТУ 2001 жылы "Қазақстан инженерлік-технологиялық университеті" ретінде құрылып, бүгінгі таңда білім беру бағдарламаларының кең ауқымын қамтиды. Университет төмендегі бағыттар бойынша жоғары білікті мамандар даярлайды:<ul style="list-style-type:disc;"><li style="text-align:justify;">Инженерлік-техникалық мамандықтар: ақпараттық-коммуникациялық технологиялар, бағдарламалық қамтамасыз ету, радиотехника және электроника, энергетика, технологиялық машиналар мен жабдықтар, стандарттау және сертификаттау, тіршілік қауіпсіздігі.</li><li style="text-align:justify;">Биотехнология және ауыл шаруашылығы: биоинформатика, биотехнология, бау-бақша және агроөнеркәсіптік кешен, топырақтану, химиялық технологиялар.</li><li style="text-align:justify;">Экономика және бизнес: қаржы, есеп және аудит, маркетинг, туризм, экономикадағы инновациялық технологиялар.</li></ul>Университет бакалавриат, магистратура және PhD докторантура бағдарламалары аясында мемлекеттік гранттар негізінде және ақылы бөлімдерде білім беру қызметін жүзеге асырады. Білім беру бағдарламалары халықаралық аккредитация агенттіктерімен сертификатталған, бұл олардың сапа стандарттарына сәйкестігін дәлелдейді.МИТУ ғылыми-зерттеу қызметіне ерекше назар аударады. Университет қабырғасында заманауи технологияларды дамытуға бағытталған бірқатар зерттеу жобалары жүзеге асырылып келеді. Ғылыми зерттеулердің нәтижелері Қазақстанның әлеуметтік-экономикалық дамуына үлес қосып, ұлттық және халықаралық деңгейде мойындалуда. Университет жас ғалымдарды қолдау мақсатында ғылыми-зерттеу гранттарын ұсынуда, бұл студенттер мен докторанттар үшін үлкен мүмкіндік.Университет халықаралық байланыстарды дамытуға белсенді қатысады. Қазақстан мен Қытай арасында өнеркәсіп пен білім беруді интеграциялау мақсатында Цзинши институты ашылды. Бұл жоба HUATEC өнеркәсіптік компаниясының және Шыңжаң қолданбалы технология институтының қатысуымен жүзеге асырылуда. Мұндағы негізгі мақсат – Қытай мен Қазақстан арасындағы академиялық және технологиялық алмасуды дамыту. Цзинши институты "Мұнай-химиялық технология" бағыты бойынша мамандар даярлайды. Институт студенттері Қытай мен Қазақстан университеттерінің ресурстарын пайдалана отырып, заманауи технологиялар мен өндірістік процестер туралы жан-жақты білім алады. Бағдарлама халықаралық деңгейдегі стандарттарға сәйкес әзірленген және студенттерге екі елдің жетекші сарапшыларынан білім алуға мүмкіндік береді.Сонымен қатар, университетте шетелдік сарапшылардың қатысуымен арнайы дәрістер өткізіледі. Глазго университетінің (Ұлыбритания) Adam Smith Business School жоғары оқу орнының аға оқытушысы Ramona Blanes студенттерге "Қаржы технологиялары және олардың саланы дамытуға әсері" тақырыбында дәріс оқыды. Бұл дәріс қаржы технологияларының қазіргі даму тенденцияларын талқылауға мүмкіндік берді. Ramona Blanes дәріс барысында FinTech индустриясының эволюциясын, қаржылық технологияларды енгізудің қиындықтарын, олардың бизнес модельдері мен тиімділігін егжей-тегжейлі қарастырды. Студенттер FinTech-тің болашағы мен оның экономикалық даму үдерісіне ықпалы туралы құнды ақпарат алып, өздерінің сұрақтарын қою мүмкіндігіне ие болды. Сондай ақ, студенттерге қаржылық технологиялар мен олардың бизнеске ықпалы туралы жан-жақты білім алуға мүмкіндік берді.Сонымен бірге, Suleyman Demirel University (Түркия) профессоры Omer Faruk Acar бизнес және кәсіпкерлік саласы бойынша маңызды дәрістер циклын өтті. Оның алғашқы "Бизнеске кіріспе" тақырыбындағы дәрісі студенттерді кәсіпкерліктің негізгі қағидалары мен тұжырымдамаларымен таныстырды. Дәріс барысында ол бизнес ортасының дамуы, басқару стратегиялары, экономикалық үрдістер және кәсіпкерлік қызметтің ерекшеліктері туралы кеңінен баяндады. Сонымен қатар, дәріс интерактивті форматта өтіп, студенттерге нақты бизнес-кейстерді талқылауға және кәсіпкерлік дағдыларын дамытуға мүмкіндік берді. Omer Faruk Acar-дың дәрістері студенттердің халықаралық тәжірибемен танысуына және заманауи бизнес-үрдістерді түсінуге зор ықпал етеді.МИТУ сонымен қатар Еуропа, Азия және АҚШ-тың жетекші университеттерімен академиялық серіктестік орнатқан. Оқу орны Erasmus+ бағдарламасы аясында студенттерге шетелде білім алу мүмкіндігін ұсынып, екі дипломдық бағдарламаларды іске асыруда. Бұл білім алушыларға халықаралық деңгейде бәсекеге қабілетті маман атануға жол ашады.МИТУ студенттік өзін-өзі басқаруды дамытуға және ғылыми іс-шараларды ұйымдастыруға ерекше көңіл бөледі. Университет қабырғасында келесі маңызды ғылыми-тәжірибелік шаралар өткізілді:2025 жыл университетте "Өзін-өзі басқару жылы" деп жарияланып, студенттердің бастамаларына қолдау көрсетуге бағытталған жаңа жобалар іске қосылды. Бұл бастама Қазақстан Президенті Қасым-Жомарт Тоқаевтың 2025 жылды "Жұмысшы мамандықтары жылы" деп жариялауын қолдауға бағытталған.&nbsp;Осы бағытта университетте еңбек адамдарын қолдау және студенттердің бастамасына демеу көрсету мақсатында, "Жаһандық студенттік көшбасшылық: дамуы, әсері, әрекеті" халықаралық форумы, онда студенттердің көшбасшылық қабілеттерін жетілдіруге арналған пікірталастар ұйымдастырылды. Форум әртүрлі елдерден келген белсенділерді, жас көшбасшыларды және студенттік ұйым өкілдерін бір алаңға жинады. Форум қонақтары АҚШ, Ұлыбритания, Түркия, Қытай, Ресей мемлекеттерінен қатысуда. Сонымен қатар METU-де Египет, Монғолия, Қытай, Түркия, Ресей, Марокко, Өзбекстан, Қырғызстан және т.б., әлемнің он бес елінен келіп білім алып жатқан шетел студенттері де Студенттік өзін-өзі басқару жылына арналған халықаралық форумға қатысты. Форумда жаһандық білім, рухани құндылықтар және технологиялардың дамуы мен экологияның сақталуы арасындағы баланс мәселелеріне ерекше назар аударылды. Пленарлық сессияларда «Болашақ біліміндегі жаһандық лидерлік», «Бәсекеге қабілетті түлектің атрибуттары» және ғылым мен технологиядағы инновациялық тәсілдер сияқты тақырыптар талқыланды.Университет студенттерінің белсенділігі нәтижесінде бірқатар әлеуметтік жобалар жүзеге асырылуда, олардың ішінде кәсіпкерлік бастамаларды дамыту және жастарды еңбек нарығына бейімдеу шаралары ерекше орын алады.Іс-шара барысында қатысушылар студенттік өзін-өзі басқарудың дамуы, тәжірибе алмасу және жастар көшбасшылығы саласындағы табысты бастамалар тақырыптарын талқылады."Қазіргі заманның әлеуметтік-экономикалық мәселелері: теория және практика" ғылыми-тәжірибелік конференциясы, бұл іс-шара экономикалық даму мәселелері бойынша ғылыми пікір алмасудың маңызды алаңына айналды."Инженерлік-технологиялық инновациялар" халықаралық конференциясы, онда жетекші ғалымдар мен сарапшылар инженерлік ғылымдағы заманауи жетістіктерді талқылады."Жас ғалымдар және болашақ технологиялар" халықаралық симпозиумы, бұл форум аясында студенттер мен жас зерттеушілер өздерінің ғылыми жаңалықтарын ұсынды.МИТУ студенттеріне сапалы білім алумен қатар, қолайлы инфрақұрылым ұсынады. 2019 жылы жаңа заманауи студенттер үйі (жатақхана) пайдалануға берілді. Онда студенттердің жайлы өмір сүруі үшін барлық қажетті жағдайлар жасалған: тегін Wi-Fi, фуршет алаңы, конференц-зал, кір жуу орны және тәулік бойы қауіпсіздік жүйесі.МИТУ студенттік ұйымдары белсенді жұмыс істейді. Олардың қатарына ғылыми-зерттеу клубтары, кәсіпкерлік үйірмелер, шығармашылық студиялар және спорт секциялары кіреді. Университет талантты студенттерді қолдау мақсатында жыл сайын стартап-жобалар конкурстарын өткізіп, инновациялық идеяларды қаржыландырады.Халықаралық инженерлік-технологиялық университеті Қазақстандағы жоғары білім беру саласында көшбасшылық орынға ие. Ол тек техникалық білім беріп қана қоймай, сонымен қатар ғылыми-зерттеу қызметін дамытуға, халықаралық серіктестікті кеңейтуге және білім алушылардың кәсіби және тұлғалық дамуына жағдай жасауға ерекше мән береді. Университет түлектері Қазақстан мен әлемнің әртүрлі салаларында жоғары сұранысқа ие мамандар ретінде танылып, ел экономикасының дамуына айтарлықтай үлес қосуда. Болашақта МИТУ өзінің ғылыми-инновациялық әлеуетін одан әрі арттырып, жаһандық білім беру кеңістігінде беделін нығайтуға ұмтылады.&nbsp;Дильдебаева Жулдуз Турсуновна,&nbsp;«Экономика және бизнес»кафедрасының меңгерушісі,экономика ғылымдарының кандидаты,қауымдастырылған профессор&nbsp; &nbsp; &nbsp; &nbsp; &nbsp;Бердімұратова Құралай Қадырқұлқызы,&nbsp;«Экономика және бизнес»кафедрасының аға оқытушысы

Халықаралық инженерлік-технологиялық университет: Инновациялар мен білімнің тоғысуы

<a href="https://kyzylorda-news.kz/">Kyzylorda-news.kz</a>&nbsp; Стримдермен онлайн-ойындар балалар мен жасөспірімдер өмірінің ажырамас бөлігіне айналды. Өкінішке орай, оны алаяқтар белсенді қолданады: олар ойын аккаунттарын сату, ойын құрылғысын жалға беру және әлеуметтік желілердегі «сыйлықтар» деген сылтаумен балалардан ақша тартады. Жыл сайын Қазақстанда осындай жағдайлар тіркеледі және залалдың жалпы сомасы миллиондаған теңгені құрайды.Қаскүнемдер қандай нақты схемаларды қолданатыны және баланы интернеттегі алаяқтықтан қалай қорғауға болатыны жөнінде &nbsp;Fingramota.kz-пен қарастырып көрелік.Ойын кезінде аккаунт сатып алуАлаяқтар Free Fire мобильді ойынында «керемет мықты» аккаунт сатамыз &nbsp;деген сылтаумен оқушылардан үлкен мөлшерде ақша тартады. Мысалы, Шымкентте алтыншы сынып оқушысы алаяқтың басшылығымен әжесінің банктік картасын суретке түсіріп, барлық конфиденциалды деректерді, соның ішінде CVV/CVC-ді жайып берген. Немересінің аңғалдығына байланысты әйел екі миллион теңгеден астам шығынға ұшырады. Алаяқ ұсталды.Ойын аккаунтын «тегін» беруАлаяқтар жасөспірімдерді TikTok-тағы стримдер &nbsp;арқылы іздейді және өзінің ойын аккаунтын тегін беруді ұсынады. Оның орнына олар ересектердің біреуінің банктік картасының деректерін айтуды, сондай-ақ ставкалар қабылдайтын сайттарға ақша аударуды сұрайды. Осындай алаяқтық арқылы Ақмола облысында алаяқ аңғал жасөспірімнен 1,1 млн теңге алып, &nbsp;содан кейін байланысқа шығуды тоқтатқан.Steam платформасындағы алаяқтықАлдаудың бұл түрі жөнінде Қазақстандықтарды Алматы қаласының полициясы ескертті. Алаяқтар Steam ойын жабдықтарының сатылымы жөнінде хабарландырулар тауып, виртуалды алмасу туралы келіссөздер жүргізгені, содан кейін заттарды алып алғаннан кейін ақшаны аудармай сатушыны бұғаттайтындары белгілі болды.Ойын құрылғысын «жалға беру»Ойын құрылғысы құнының қымбат болуына байланысты мұндай қымбат затты бәрі бірдей сатып ала бермейді, сондықтан оны жалға беру қызметі кеңнен қолданыла бастады. Өкінішке орай, бұл мүмкіндікті алаяқтар тез пайдаланып қалды: мәселен, Түркістанда алаяқ жарнамалар сайты арқылы жас жігіттен PlayStation-ды жалға алып, оны қайтармаған. Құрылғының құны 350 мың теңгені құрады. Полиция алаяқты қолға түсірді, құрылғы иесіне қайтарылды.Алаяқтықтың тағы бір әдісі бар, онда қаскүнемдер ойын құрылғыларын өздері ұсынады, бірақ жалдау ақысын алған бойда ізін суытады. Нәтижесінде жасөспірімдер ақшасыз әрі құрылғысыз қалады.Жалған сайттар арқылы фишингАлаяқтар ойынға арналған цифрлық заттарды төмен бағамен сатып алу туралы ұсыныстармен жалған сайттар жасайды. Ойындағы «достарға» сенетін балалар сілтемелерге өтіп, ата-аналарының банктік карталарының деректерін енгізеді, содан кейін шоттардағы қаражат жоқ болады.Ата-аналарға арналған кеңестер: баланы онлайн-алаяқтықтан қалай қорғауға боладыҚауіптер туралы айтыңыз: алаяқтар ойында немесе әлеуметтік желіде дос болып көрінгенмен, интернетте жасырынуы мүмкін екенін түсіндіріңіз. Нақты жағдайлар туралы міндетті түрде айтыңыз, себебі бұл балаларға қауіпті жақсы түсінуге көмектеседі.Жеке ақпаратты бермеуге үйретіңіз: ешкімге және ешқашан, тіпті ойындағы «таныстардың» өзіне банктік карта деректерін, құпиясөздерді, SMS-кодтарды, сондай-ақ фотоқұжаттарды немесе карталарды жібермеуге үйретіңіз.Бала қолданатын&nbsp;банк карталарына шектеулер қойыңыз.&nbsp;Операциялар туралы хабарламаларды қосу артық болмайды - осылайша сіз ақша аударылып жатқанын бірден білесіз.Баланың қандай сайттарға кіретінін тексеріңіз: оған ресми сайттарды жалған сайттардан ажыратуды үйрету маңызды - сайттардың мекенжайларын бірге тексеруді ұсыныңыз. Сонымен бірге браузерде ата-ана бақылауын немесе қауіпсіз режимді орнатыңыз.Баланың цифрлық өміріне қатысыңыз:&nbsp;оның интернетте не ойнайтынын және кіммен сөйлесетінін біліңіз.Алдау әрекеті болса, не істеу керектігін: хат-хабарлар мен скриншоттарды сақтау, ересектерге дереу айтып беру және полиция мен қолдау қызметіне бірге хабарлау қажеттіңіз үйретіңіз.<img src="https://knadmin.beoblood.kz/uploads/Foto_fingramota_kz_d3655e7796.png" alt="Фото fingramota.kz.png">Өзіңізге, балаларыңызға қамқор болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Интернетте балаларды алдау: онлайн-ойындар арқылы алаяқтық түрлері 

<a href="https://kyzylorda-news.kz/">Kyzylorda-news.kz</a> 2025 жылғы мамырдан бастап OpenAI компаниясы Қазақстанда шартты түрде тіркеліп, қосылған құн салығын (ҚҚС) төлей бастады. Енді ChatGPT Қазақстан азаматтарына қызмет көрсеткені үшін еліміздің салық заңнамасына сай ресми түрде төлем жүргізеді, деп хабарлайды <a href="https://baq.kz/chatgpt-qazaqstanda-salyq-toley-bastady-200014281/">BAQ.KZ.</a>Бұл туралы Қаржы министрлігінің Мемлекеттік кірістер комитеті мәлімдеді. Комитет өкілдерінің айтуынша, OpenAI Қазақстандағы цифрлық қызметтер көрсетушілерінің қатарына қосылып, заң бойынша ҚҚС төлеуші мәртебесін алды. Бұл шешім қазақстандық пайдаланушылар үшін қызметтердің заңды және ашық ұсынылуына жол ашады.ChatGPT – жасанды интеллектке негізделген әлемдегі ең танымал чат-боттардың бірі. Ол виртуалды көмекші, кеңесші, мәтін жазу құралы, сұхбаттасушы ретінде кеңінен қолданылады. Қазақстанда бұл сервис әсіресе студенттер, журналистер, кәсіпкерлер мен ІТ мамандар арасында сұранысқа ие.Мемлекеттік кірістер комитеті OpenAI-дің салық төлеуге келісім беруін оң қадам деп бағалап отыр. Өйткені бұл ел бюджетіне қосымша түсімдер алып келеді және цифрлық нарықтағы әділ бәсекелестікті қамтамасыз етеді.Фото: pexels

Архив