<a href="https://kyzylorda-news.kz/">Kyzylorda-news.kz</a> Қазақстандық «Руың кім» комедиясы жарық көргеніне бір апта өтпей жатып, елдегі барлық кинотеатрдан алып тасталды. Бұл туралы картинаны түсірген Tiger Films продюсерлік орталығы ресми түрде жариялады,&nbsp;деп хабарлады&nbsp;<a href="https://qaz365.kz/show-business/16228-ruyn-kim-komediiasy-prokattan-alyp-tastaldy/">Qaz365.kz.</a><blockquote>«18 желтоқсаннан бастап “Руың кім” фильмі еліміздің кинотеатрларында көрсетілмейді. Көрермендерге қолдау білдіргені үшін алғыс айтамыз», – деп жазылған компанияның мәлімдемесінде.</blockquote>Фильмнің басты кейіпкері Қайрат Әділгерейдің айтуынша, картинаның көрсетілімін тоқтатуға рулық араздық тудыруы мүмкін деген пікірлер әсер еткен.<blockquote>«Кейбір адам тизерге қарап, фильмнің мағынасын бұрмалап қабылдап жатыр. Негізінде бұл туынды руға бөлінуді емес, бірлікті дәріптейтін комедия. Фильмді соңына дейін көрмей, оның астарлы ойын түсіну қиын», – деді актер әлеуметтік желідегі мәлімдемесінде.</blockquote>10 желтоқсанда прокатқа шыққан картина қысқа мерзім ішінде үлкен қызығушылық тудырып, бір аптада 208 миллион теңгеден астам табыс жинаған.Комедияны Tiger Films түсірген. Бас продюсері – Ерлан Бұхарбаев, сценарий авторлары – Нұржан Еркінұлы мен Жалғас Елеусінов, режиссері – Жұмақан Асет.Фильмге қатысты пікір екіге бөлінді: көрермендердің бір бөлігі оны қоғамдағы бірлікті дәріптейтін сатиралық шығарма деп бағаласа, енді бірі жекелеген руларға қатысты әзілдер орынсыз деп сын айтты.Әлеуметтік желіде: «Қай рудың намысына тиді екен?», «Жалайыр мен шапырашты туралы емес шығар» деген пікірлер жазылды.Фото: фильм постері

«Руың кім» комедиясы прокаттан алып тасталды

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаев қазіргі уақытта Жапонияда білім алып, түрлі салада қызмет етіп жүрген Қазақстан азаматтарымен кездесті.Мемлекет басшысы Жапония сияқты дамыған елдің тәжірибесін зерделеу маңызды екенін айтты.<blockquote>– Бұл сапар екі ел арасындағы қарым-қатынасқа тың серпін береді деп ойлаймыз. Жапон тарапы да үлкен мән беріп отыр. Бүгін Премьер-министрмен кездесемін. Ынтымақтастығымыздың келешегі зор болатынына ешқандай күмән жоқ. Өздеріңізге белгілі, Қазақстан өз дамуында жаңа кезеңге қадам басты. Биыл ел экономикасының өсімі 6 пайыздан асты. Бұл – өте жақсы көрсеткіш. Дегенмен мұнымен тоқтап қалуға болмайды. Инфляцияны төмендету, инфрақұрылымды жаңарту қажет. Қазақстан келешекте цифрлық елге айналуы керек. Алдымызда осындай үлкен мақсаттар тұр, – деді Қасым-Жомарт Тоқаев.</blockquote>Отандастарымыз арасынан Ritsumeikan Азия – Тынық мұхиты университетінің вице-президенті, профессор Серік Мейірманов, ARIA Consulting негізін қалаушы Арайлым Хасан, Showa және Juntendo медицина университеттерінің доценті Әбдібек Қалибек, Ailia компаниясында жасанды интеллект технологиясымен айналысатын инженер Эльдар Төлеубай сөз сөйлеп, өздерінің Күншығыс еліндегі жетістіктерімен бөлісті.Президент Жапонияда тұрып жатқан қазақстандықтарға табыс тіледі.

Мемлекет басшысы Жапонияда тұрып жатқан қазақстандықтармен кездесті

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаев Тошиаки Эндо бастаған Жапония Парламентінің Қазақстанмен достық лигасы мүшелерімен кездесу өткізді.Мемлекет басшысы Достық лигасының қызметіне жоғары баға беріп, оны екіжақты ынтымақтастықты нығайтудың маңызды тетігі ретінде қарастыратынын атап өтті.<blockquote>– Еліміз Токиомен жан-жақты ықпалдастықты одан әрі арттыруға баса мән береді. Парламентаралық диалог тереңдей түсті. Түрлі деңгейдегі байланыстар тұрақты түрде жалғасуда. Сауда-экономика және инвестиция саласындағы екіжақты қатынастарымыз тың серпінмен дамып келеді. Жапония Қазақстандағы ірі инвестордың қатарына кіреді. Былтыр тауар айналымы 2 миллиард долларға жетті. Бұл – Жапонияның Орталық Азия мемлекеттерімен жалпы сауда көлемінің 70 пайызынан астамы деген сөз. Сондай-ақ көлік-логистика, энергетика, ауыл шаруашылығы және басқа да салаларда нақты жобалар бар. Біз бүгін Император Нарухитомен кездесуде медицина саласы, су мәселесі бойынша пікір алмастық. Шын мәнінде екіжақты ынтымақтастықтың келешегі зор. Мәдени-гуманитарлық байланысымыз тереңнен тамыр тартады. Екі ел білім және ғылым, мәдениет пен өнер, спорт және туризм салаларында өзара тығыз ықпалдастық орнатты. Биыл Осакада өткен Дүниежүзілік көрме аясында қазақтың ұлы ақыны, ғұлама ойшылы Абай Құнанбайұлының туғанына 180 жыл толуын атап өттік, – деді Қазақстан Президенті.</blockquote>Мемлекет басшысы жаһандық өзекті мәселелерге қатысты Қазақстан мен Жапонияның ұстанымдары ортақ екеніне тоқталды.<blockquote>– Біз Біріккен Ұлттар Ұйымы және басқа да халықаралық құрылымдар аясында бейбітшілікті қамтамасыз ету, ядролық қарусыздану мәселелері бойынша бір-бірімізді үнемі қолдап келеміз. Қазақстан аймақаралық ынтымақтастығымыздың маңызды тетігі саналатын «Орталық Азия + Жапония» саммитіне айрықша мән береді. Премьер-министр Санаэ Такаичи ханыммен өтетін кездесуде бірқатар мәселені талқылаймыз. Бұл келіссөздер саяси диалогты тереңдетіп, экономикалық және гуманитарлық алыс-берісті жандандыруға жол ашады. Халықтарымыз өсіп-өркендеп, өзара тиімді қарым-қатынасымыз нығая береді деп сенемін, – деді Қасым-Жомарт Тоқаев.</blockquote>

Мемлекет басшысы Жапония Парламентінің Қазақстанмен достық лигасы мүшелерімен кездесті

<a href="https://kyzylorda-news.kz/">Kyzylorda-news.kz</a>&nbsp; Президент Қазақстан делегациясына қонақжайлық көрсеткен Санаэ Такаичиге ризашылығын білдірді.<blockquote>– Бұл сапар, шын мәнінде, екі ел арасындағы қарым-қатынастың жаңа кезеңі. Біз Жапонияны әрқашан Азиядағы уақыт тезінен өткен сенімді серіктесіміз деп санаймыз. Бүгінгі Жапония – ғасырлар бойы қалыптасқан даналық пен бірегей дәстүрді заманауи инновациямен үйлесімді жарастырған, дамыған мемлекет. Сіздің парасатты әрі мықты басшылығыңызбен еліңіздің халықаралық аренадағы рөлін одан әрі нығайтатын ауқымды реформалар жүргізіліп жатыр. Біз Жапонияны алыстағы көршіміз, дегенмен жақын әрі сенімді досымыз деп жиі айтамыз. Өзара байланыстарымыздың тарихы тереңде. Бұған дейін Сіздің еліңізге төрт рет келген едім. Бұл – менің Президент ретіндегі алғашқы сапарым. Қазақ-жапон қарым-қатынасының берік институционалдық негізі қалыптасқан. Өзіңіз айтқандай, 2004 жылы Жапонияның сол кездегі Сыртқы істер министрі Кавагучи ханыммен бірге «Орталық Азия + Жапония» форматына бастамашы болдық. Сыртқы істер министрлері деңгейіндегі алғашқы кездесу Астанада өтті. Бүгінде мұндай кездесулердің кеңінен танылғаны соншалық, ірі мемлекеттердің көбі «Орталық Азия плюс» платформасын құптайды. Бірақ Жапония бұл диалог алаңының алғашқы бастамашысы және негізін қалаушы болып қала береді, – деді Қасым-Жомарт Тоқаев.</blockquote>

Мемлекет басшысы Жапонияның Премьер-министрі Санаэ Такаичимен келіссөз жүргізді

<a href="https://kyzylorda-news.kz/">Kyzylorda-news.kz</a>&nbsp; Жапония Премьер-министрі Қазақстан Президентінің ресми сапары екі елдің өзара тиімді ынтымақтастығына тың серпін беретініне сенім білдірді.<blockquote>– Сізбен жүздескеніме қуаныштымын. Осыдан 21 жыл бұрын Сыртқы істер министрлерінің «Орталық Азия + Жапония» форматындағы алғашқы жиыны өткен еді. Оған Өзіңіз төрағалық еттіңіз. Бүгін, міне, «Орталық Азия + Жапония» форматындағы мемлекет басшыларының кездесуіне Президент лауазымында қатысқалы отырсыз. Қазақстанды заң үстемдігіне негізделген еркін әрі ашық әлемдік тәртіпті нығайту ісінде стратегиялық серіктес ретінде қарастырамыз. Өзара тиімді қарым-қатынасты одан әрі дамыту үшін Сізбен тығыз ынтымақтастықты жалғастыруға ниеттіміз, – деді Санаэ Такаичи.</blockquote>Келіссөздер барысында сауда-экономикалық, инвестициялық, көлік-логистикалық, энергетикалық және мәдени-гуманитарлық салалардағы екіжақты байланыстарды дамыту перспективасы егжей-тегжейлі талқыланды.

Жапония Премьер-министрі Қазақстан Президентінің ресми сапары екі елдің өзара тиімді ынтымақтастығына тың серпін беретініне сенім білдірді

<a href="https://kyzylorda-news.kz/">Kyzylorda-news.kz</a> Сенат құқық бұзушылықтардың алдын алу туралы заңды қабылдап, оған бірқатар өзгерістер енгізді, деп хабарлайды BAQ.KZ тілшісі.Атап айтқанда, «Құқық бұзушылық профилактикасы туралы» заңды және оған ілеспе 2 құжатты екі оқылымда қарап, мақұлдады.Құжат Мемлекет басшысының қол қоюына жолданды. Бұл жүйелі қауіпсіздікті қамтамасыз етуге, уәкілетті органдар мен мамандар аясын кеңейтуге, ведомствоаралық үйлестіруді күшейтуге және мемлекеттік қауіпсіздік бойынша ұлттық баяндама дайындауға мүмкіндік береді.Алдын алу шаралары құқық бұзушылықтардың себептері мен жағдайларын шектеуден бастап, ескерту тетіктерін, қорғау талаптарын енгізуге және айыппұл салуға дейінгі кешенді тәсілге негізделеді. Алғаш рет виктимологиялық профилактика ұғымы енгізіліп, азаматтардың ерікті қатысу мүмкіндігі қарастырылған.Жеке бөлім балаларды қорғауға, тұрмыстық зорлық-зомбылықтың алдын алуға, қайталанатын қылмыстар мен көзге көрінетін құқық бұзушылықтарды болдырмауға арналған. Әкімдерге балалардың құқықтарын қорғау жөніндегі өңірлік органдар құру құқығы берілді.Сонымен қатар құжат электр самокаттарын пайдалануға қатысты жаңа талаптарды айқындайды: иелері мен жалға беру қызметтері сақтандыру жауапкершілігін көтеруі тиіс, құрылғыларға тіркеу нөмірлері беріледі және пайдаланушыларды есепке алу міндеті енгізіледі.Заңның міндеттері:<ul><li style="text-align:justify;">адамның және азаматтың құқықтарын, бостандықтары мен заңды мүдделерін құқыққа қайшы қол сұғушылықтардан қорғауды қамтамасыз ету;</li><li style="text-align:justify;">құқық бұзушылық деңгейін төмендету;</li><li style="text-align:justify;">құқықтық мәдениет деңгейін арттыру және заңға мойынсынатын мінез-құлықты қалыптастыру</li><li style="text-align:justify;">жәбірленушілер мен құқық бұзушылық жасауға бейім адамдарды әлеуметтік оңалту және бейімдеу бойынша мақсатты жұмыс жүргізуді қамтамасыз ету;</li><li style="text-align:justify;">қоғамдық тәртіпті қамтамасыз етуге және құқық бұзушылық профилактикасына азаматтардың белсенді қатысуын арттыру.</li></ul>Еске салайық, бұған дейін Мәжілісте электросамокатқа нөмір мен сақтандыру міндеттеу туралы жаңа нормалар бекітілген болатын.

Электросамокаттарға тәртіп, балаларға қорған: Сенат жаңа заң қабылдады

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрінің кеңесшісі Ералы Тоғжановтың, облыс әкімі Нұрлыбек Нәлібаевтың қатысуымен «Ауыл аманаты» жобасының өңірде жүзеге асырылу барысы талқыланған мәжіліс өтті.Оған «AMANAT» партиясы өкілдері, облыстық басқармалар мен департамент басшылары, қала, аудан, ауылдық округ әкімдері және бизнес өкілдері қатысты.​Аймақ басшысы өңірдегі ауқымды жұмыстарға, бастамалар мен алдағы міндеттерге тоқталды.«Президентіміз Қасым-Жомарт Кемелұлының 2022 жылы қараша айында Қазақстан Республикасы Президенті лауазымына кіріскеннен кейін ең алғашқы қол қойған Жарлығы «Ауылдық аумақтарды дамытудың 2023-2027 жылдарға арналған тұжырымдамасы» болды.Ауылдарды дамыту – мемлекеттік саясаттың маңызды стратегиялық мақсаттарының бірі. Бүгінде өңіріміздің 447 мың тұрғыны (облыс халқының саны 845 мың адам) немесе 53 пайызы ауылда тұрады.Агробизнес өкілдері бизнестің әлеуметтік жауапкершілігі аясында ауылдардың жағдайын жақсарту үшін ауқымды жұмыс атқаруда. Бүгінгі жиынның басты мақсаты – «Ауыл аманаты» жобасын іске асырудағы негізгі мәселелерді талқылау, ұсыныс-пікірлерді бөлісу»,– деді Н.Нәлібаев.Мәжілісте Ералы Тоғжанов «Ауыл аманаты» жобасының негізгі бағыттарына тоқталып, осы жоба шеңберінде Қызылорда облысында атқарылған жұмыстарға оң баға берді. Облыстық экономика және қаржы басқармасының басшысы Сәкен Мырзабек, ауыл шаруашылығы және жер қатынастары басқармасының басшысы Талғат Дүйсебаев және бизнес өкілдері баяндама жасады.Айта кетейік, соңғы екі жылда (2023, 2024 жж.) «Ауыл аманаты» жобасы аясында 5 млрд. 500 млн. теңгеге 782 жоба іске қосылып, 1 110 жаңа жұмыс орны ашылды. Биылға 5,5 млрд. теңге бөлініп, 443 жоба жоспарланған. Алдағы жылға 5,6 млрд. теңгеге 305 жоба көзделген. Жалпы 2,2 млрд. теңгеге 65 кооператив қаржыландырылмақ. Бүгінгі күнге 23 кооперативтік жобалар пулы жасалып пысықталуда.Фото: Қызылорда облысы әкімінің баспасөз қызметі

«Ауыл аманаты» жобасының өңірде жүзеге асырылу барысы талқыланды

<a href="https://kyzylorda-news.kz/">Kyzylorda-news.kz</a> &nbsp;Сенат депутаттары архив ісі және құқыққа қайшы контенттің таралуын шектеу мәселелері бойынша «Қазақстан Республикасының кейбір заңнамалық актілеріне архив ісі және құқыққа қайшы контенттің таралуын шектеу мәселелері бойынша өзгерістер мен толықтырулар енгізу туралы» заң жобасын бірінші оқылымда қабылдады. Құжатта ЛГБТ-ны насихаттауға тыйым салуға қатысты нормалар бар, деп хабарлайды<a href="https://baq.kz/lgbt-nasihatyna-tyyym-senat-zandy-birinshi-oqylymda-maquldady-200027633/"> BAQ.KZ</a>.Айта кетейік, заң бұған дейін Мәжіліс қабылдаған.Бұл құжат цифрлық архивті қалыптастырудың құқықтық негіздерін айқындап, Ұлттық архив қорының құрамын және ұғымдық аппаратын заман талабына, оның ішінде цифрландыру үдерістеріне сәйкес кеңейтеді. Сондай-ақ ауылдық елді мекендерде еңбек ететін архив қызметкерлеріне қосымша ақы төлеу тәртібінің заңдылығын бекітеді. Бұған қоса архивтерге «Ұлттық» мәртебе беру құқығы айқындалып, өскелең ұрпақты дәстүрлі емес сексуалды қатынастарды насихаттаудан қорғау тетіктері енгізілді, – деп атап өтті сенатор Амангелді Есбай.Сонымен қатар депутат заң бірыңғай электрондық архивті қалыптастыруға, құжаттарды электрондық форматқа көшіруге және салалық ұғымдарды кеңейтуге мүмкіндік береді деп отыр.Заңдағы негізгі жаңашылдықтардың бірі – мемлекеттік архивтерге «Ұлттық» мәртебенің берілуі. Бұл қадам тарихи әрі мәдени құндылықтарды сақтау тетіктерін жетілдіруге, архив мекемелерінің материалдық-техникалық әлеуетін күшейтуге, сондай-ақ олардың қоғамдағы рөлі мен салмағын арттыруға мүмкіндік береді.Дәстүрлі емес жыныстық бағдарды насихаттауды шектеуге бағытталған нормалар жас ұрпақты қоғамға жат құбылыстардан қорғауға, отбасы институтын нығайтуға, ұлттық құндылықтарды құрметтеуге және адамгершілік-рухани тәрбиені қамтамасыз етуге жағдай жасайды, – дейді депутат.Жалпылай алғанда, енгізіліп отырған түзетулер архив саласы мен құжат айналымын басқарудың қолданыстағы жүйесін жаңартуға, азаматтардың әлеуметтік құқықтарын қорғауды күшейтуге әрі халықаралық стандарттарға бейімдеуге бағытталып отыр.Фото: BAQ.KZ

ЛГБТ насихатына тыйым: Сенат заңды бірінші оқылымда мақұлдады

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы” КЕ АҚ Қызылорда облысы бойынша филиалы ұлтымыздың ұлық мерекесі – Тәуелсіздік мерекесіне орай мерекелік шара өткізді. Шараға Қызылорда қаласы әкімінің орынбасары Ділмұхаммед Әбизов, облыстық Әділет департаменті басшысының міндетін атқарушы Ұзақбай Оразгелдіұлы және мемлекеттік қызметтер жүйесінің қалыптасуы мен дамуына елеулі үлес қосқан сала ардагерлері қатысты.Жиын барысында мемлекеттік қызметтер жүйесін дамытуға елеулі үлес қосып жүрген сала қызметкерлері мен ардагерлер марапатталды. Атап айтқанда, 65 қызметкерге халыққа қызмет көрсету орталықтарының құрылғанына 20 жыл толуына орай арнайы мерейтойлық медальдар табысталса, 12 қызметкер мемлекеттік корпорацияның Басқарма төрағасы Арман Шоқанұлы Кенжеғалиевтің алғыс хаттарымен марапатталды.Сонымен қатар, басқа да қызметкерлерге облыс және қала әкімінің және «Amanat» партиясының төрағасының алғыс хаттары табысталды. Осылайша айтулы мереке қарасаңында жалпы барлығы 80 адам құрмет төрінен көрінді.Мерекелік шарада облыстық филиал директоры Аида Әбибуллаева өз сөзінде қызметкерлердің кәсібилігі мен жанқиярлық еңбегінің арқасында мемлекеттік қызметтер жүйесі қол жетімді және азаматтардың қажеттіліктеріне бағдарлана отырып, дәйекті түрде дамып келе жатқанын ерекше атап өтіп, барша ұжымдастарына абыройлы еңбектері үшін алғысын білдірді.Салтанатты шара аймағымыздың шығармашылық ұжымдарының қатысуымен дайындалған концерттік бағдарламамен жалғасты.

Тәуелсіздік мерекесіне орай салтанатты шара өтті

<a href="https://kyzylorda-news.kz/">Kyzylorda-news.kz</a> &nbsp;1000 респондент қатысқан әлеуметтанулық зерттеу 2025 жылға тек эмоциялық тұрғыдан ғана емес, адамдардың күнделікті өмірінде сезіне алатын нақты өзгерістер тұрғысынан да қарауға мүмкіндік береді. Деректер көрсеткендей, негізгі салалардағы реформалар көпшіліктің назарында болды.Цифрландыру – жылдың басты жетістігіСоңғы жылдары мемлекеттік цифрлық қызметтер барған сайын қолжетімді бола түсті, ал 2025 жылы азаматтар олардың әсерін өте жоғары бағалады:Респонденттердің 81%-ы цифрландырудың арқасында «күнделікті мәселелерді шешу әлдеқайда ыңғайлы болды» деген пікірмен келіседі немесе ішінара келіседі.Бұл тек технологиялардың тиімділігін көрсететін көрсеткіш ғана емес, сонымен қатар цифрлық қызметтердің күнделікті өмірдің ажырамас бөлігіне айналғанын білдіреді.Инфрақұрылымдағы оң өзгерістер тұрғындардың назарындаМаңызды көрсеткіштердің тағы бірі – инфрақұрылымды жаңғыртуға қатысты қоғамның көзқарасы. Қазақстандықтар дәстүрлі түрде жылу, су және коммуналдық қызметтер мәселелеріне сезімтал келеді, ал зерттеу деректері бұл бағытта оң өзгерістер бар екенін көрсетеді:Респонденттердің 75%-ы 2025 жылы ескірген желілерді қалпына келтіру үшін нақты шаралар қабылданды деп санайды.Бұл нәтиже кең аудиторияның көзіне көріне бермейтін инфрақұрылымдық жұмыстардың күнделікті өмірде де айқын байқала бастағанын көрсетеді.Әлеуметтік әділеттілік: қайтарылған активтер халық игілігіне қызмет етудеРеспонденттер мемлекеттік саясаттың негізгі бағыттарының бірі – қайтарылған активтерді әлеуметтік нысандар салуға пайдалану өз әсерін тигізіп отырғанын да атап өтті.Қазақстандықтардың 57%-ы мұндай әлеуметтік нысандар саны артып келе жатқанына келіседі немесе көбіне келіседі.Адамдар өз маңайында салынған мектептерді, ауруханаларды және басқа да әлеуметтік нысандарды көрген кезде, әділеттілік саясатының әлеуметтік әсері айқынырақ байқалады. Алайда жауап беруге қиналғандардың едәуір үлесі (15%) бұл тақырыптың қоғамға қосымша түсіндіруді қажет ететінін көрсетеді: көпшілік активтерді қайтару саясатының бар екенін біледі, бірақ нақты нысандардың осы қаржыландыру көзімен салынғанын әрдайым байланыстыра бермейді.

Көзге көрінетін өзгерістер: цифрландыру, инфрақұрылым және активтердің қайтарылуына азаматтардың көзқарасы

<a href="https://kyzylorda-news.kz/">Kyzylorda-news.kz</a> Мемлекеттік қызметтердің цифрландырылуын дамыту және азаматтар үшін қолжетімділігін арттыру мақсатында «Азаматтарға арналған үкімет» мемлекеттік корпорациясы «ЦОН» мобильді қосымшасына «Сенімхат рәсімдеу» жаңа цифрлық сервисін енгізді.Аталған сервис мамандандырылған ХҚКО-ларда мемлекеттік қызмет алу үшін электронды сенімхаттарды азаматтарға онлайн форматта рәсімдеуге мүмкіндік береді. Атап айтқанда, дайын құжаттарды алу, көлік құралдарын тіркеу және есептен шығару, көлік құралының техникалық паспорты мен мемлекеттік тіркеу нөмірлік белгісін ауыстыру немесе олардың телнұсқасын алу қызметтері. Қызмет көрсету үдерісі толықтай онлайн жүзеге асырылады және бар болғаны бірнеше минутты алады. Сенімхат электрондық цифрлық қолтаңба арқылы куәландырылады, бұл құжаттың заңды күшін қамтамасыз етіп, дербес деректердің қауіпсіздігін сақтауды қамтамасыз етеді.«Бұл сервистің іске қосылуы мемлекеттік қызметтердің цифрлық экожүйесін дамытудағы маңызды қадам болды. Азаматтар үшін қажетті құжаттарды алу процесін жылдам, қауіпсіз әрі ыңғайлы етіп, алаяқтық әрекеттер мен үшінші тұлғалардың араласу қаупін төмендетеді», – деп атап өтті «Азаматтарға арналған үкімет» мемлекеттік корпорациясының Басқарма төрағасы Арман Кенжеғалиев.Электронды сенімхатты қолдану үшінші тұлғаларға құжаттарды беру қажеттілігін жояды және заңсыз әрекеттердің алдын алуға ықпал етеді. Мемлекеттік ақпараттық жүйелермен тікелей өзара байланыс деректердің дұрыстығын, өзектілігін және автоматты түрде тексерілуін қамтамасыз етеді.Сервисті пайдалану үшін «ЦОН» мобильді қосымшасында ЖСН және телефон нөмірі арқылы авторизациядан өту қажет. Қосымша App Store және Google Play платформаларында қолжетімді.Қызмет құны – бір сенімхатты рәсімдеу үшін 500 теңге.Аталған цифрлық сервистің енгізілуі Қазақстан Республикасы азаматтары үшін мемлекеттік қызметтердің қолайлылығы мен қауіпсіздігін одан әрі арттырады.

Мобильді «ЦОН» қосымшасында жаңа сервис іске қосылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте өңірдің құрылыс нысандарындағы жұмыс барысы және коммуналдық қызмет көрсету мәселелері сараланды. Оған қала, аудан әкімдері мен жауапты сала басшылары қатысты.Аймақ басшысы бірінші кезекте құрылыс сапасын қатаң бақылауда ұстап, нысандарды уақытылы пайдалануға беруді тапсырды.«Жаңа ғимараттардың өңіріміз үшін маңызы зор. Әлеуметтік нысандар мен тұрғын үйлердің сапасына, мерзіміне қатысты ешқандай мәселе туындамауы тиіс. Құрал-жабдықтары, жан-жағының абаттандырылуы межелі уақытта толық дайын болуы керек», -деді Н.Нәлібаев.Жиында жыл соңына дейін ашылатын жаңа нысандардың дайындығы пысықталды. Жақын күндері аймақ басшысының қатысуымен Арал ауданы, Мергенсай ауылдық округінде салынған 150 орындық мектеп пайдалануға беріледі. Мұнан бөлек, аудан орталығында 60 пәтерлік 30 тұрғын үйдің кілттері табысталады. Қамыстыбас ауылдық округіндегі автоматтандырылған газ тарату стансасы ашылады.Сонымен қатар, Қазалы ауданында да 80 пәтерлік 40 үй пайдалануға беріліп, Сарбұлақ елдімекенін таза ауыз суға қосу рәсімі өтеді.Сондай-ақ, жиын қорытындысымен өңір басшысы қыс мезгілінде коммуналдық қызметтер үздіксіз әрі сапалы көрсетілуі тиіс екенін ескертті.Фото: Қызылорда облысы әкімінің баспасөз қызметі

Архив