<a href="https://kyzylorda-news.kz/">Kyzylorda-news.kz</a>&nbsp; Бүгін "Наурызнама" онкүндігі аясында елімізде Шаңырақ күні тойлануда. Айтулы күні қаламызда бірнеше отбасы қуанышқа кенелді.Шаңырақ күні Аружан Махмутова шекесі торсықтай ұлды дүниеге әкелді. Әжесі немересінің есімін Аян деп қойғысы келеді. Аружан Шайхислам төртінші сәбиін қолына алып, көпбалалы ана атанды. Ардақ Лекерованың отбасы қызына Ақзер деп есім берген. Мөлдір Жұмамұрат ұлына қандай ат қоятынын ойластырып жатыр.Қалалық қоғамдық даму бөлімінің басшысы Айдын Қайруллаев пен қалалық әйелдер кеңесінің төрайымы Гүлнәр Хамзақызы аналарды арнайы құттықтап, қала әкімінің сый-құрметін жеткізді және сәбилердің денсаулығы мықты, ғұмыры ұзақ болуын тіледі.Нәрестелерге мықты денсаулық, отбастарына бақ-береке тілейміз!

Шаңырақ шаттығы

<a href="https://kyzylorda-news.kz/">Kyzylorda-news.kz</a>&nbsp; «Наурызнама» онкүндігі бойынша 16 наурыз – Шаңырақ күні. Елдік тұрғыда жаңару мен жаңа құндылықтарды қалыптастыру ісінің аясында Наурызды бірлік, бауырластық пен ынтымақ мерекесі ретінде қарастыратын жаңа тұжырымдамаға сәйкес бұл күні отбасы құндылықтарын дәріптеу ұсынылады. &nbsp;Айтулы күн аясында бүгін Отбасы орталығында «Берекелі шаңырақ – ел бірлігі» атты мерекелік шара өтті. Ұмыт бола бастаған әдет-ғұрыптарды қайта жаңғыртып, жас буынға өнегелеу, отбасы құндылықтарын дәріптеуді діттеген шара аясында көрермендер назарына «Наурыз жыры», «Саумалық», «Аластау», «Неке қию» рәсімдері секілді 7 түрлі дәстүр көрсетіліп, әрқайсының мән-мағынасы түсіндірілді. Тағылымға толы жеті басқұр биіктеліп, «Қара шаңырақ» құндылығы, киесі дәріптелді. «Алтын той» иелері және «Мерейлі отбасы» ұлттық байқауының қатысушылары Алиевтер отбасымен сұхбат өрбіп, тәлімі терең отбасының негізін қалаған адал адамдар насихатталды. Отау құрғандарына 50 жыл толған қазыналы жұпқа облыс әкімінің орынбасары Ш.Баймановтың құттықтау хаты табысталды.Мерекелік жиында шаңырақ көтеруге ниетті жастардың некесі қиылды. АХАЖ бөлімінің мамандары қалыңдық пен күйеу жігітке куәлік табыстап, «Алтын той» иелері ақ батасын берді. Шара соңында қатысушыларға орталық атынан Наурыз сыйы тарту етіліп, ізгі тілектер айтылды.

Берекелі шаңырақ - ел бірлігі

<a href="https://kyzylorda-news.kz/">Kyzylorda-news.kz</a>&nbsp; Жаңару айында өтіп жатқан сайлау науқандары наурыз нышандарымен айшықталуда.Жаңақорған жұрты бүгін Жайылма және Қыркеңсе ауылдық округтерінің әкімдерін сайлауға белсене қатысуда. Сондай-ақ, бүгін Жалағаш ауданындағы Аққыр ауылының тұрғындары жаңа әкім сайлауға дайын.Маңызды күнде комиссия мүшелері сайлаушыларды ұлттық киіммен қарсы алып, қызмет көрсетіп, наурыз мерекесін сезіндіруде.Өз таңдауын жасап, дауыс беруге келген сайлаушылар да учаскелерге ұлттық киім барып, Әз-Наурызға мерекелік әр берді.&nbsp;Ал, Аққыр ауылының Аналар кеңесінің әжелері дауыс беріп, маңызды күнде бірліктің үлгісін көрсетті. Сондай-ақ, Қостанбай би көшесінің тұрғындары топтасып келіп, өз таңдауларын жасады. Олар туған жердің дамуы жолында ауыл әкімі болуға үмітті азаматқа дұрыс таңдау жасау қажетпіз деген ойды алға тартты.Дауыс беру күні сайлаушылардың көңіл-күйін көтеру мақсатында учаске алдында ұлттық спорт түрлерінен жарыс өткізілді. &nbsp; Жайылма ауылдық округінде 774 сайлаушы, Қыркеңсе ауылдық округінде 1050 сайлаушы, Аққыр ауылдық округінде 537 сайлаушы тіркелген. &nbsp; &nbsp;Айта кетейік, учаскеге келіп дауыс беруге мүмкіндігі жоқ азаматтар өтініш беру арқылы тасымалданатын жәшік арқыл таңдау жасай алады.&nbsp; Дауыс беру кешкі 20.00-ге дейін жалғасады.&nbsp;&nbsp;Еске салайық, әкімдер 4 жыл мерзімге сайланады.

Сайлаушылар мен комиссия мүшелері сайлауға ұлттық киіммен келді

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық Қазақстан халқы Ассамблеясы жанындағы Этномедиация кеңесінің мүшелері “Болашақ” университетінің студенттерімен еркін форматта кездесу өткізді.&nbsp;Шара барысында қоғамдық медиатор Жақсыбай Жәкеев, отставкідегі судья, ҚР Сот жүйесінің үздігі, заң ғылымдарының кандидаты, құрметті профессор Молдабек Ахметов, облыстық Қазақстан халқы Ассамблеясы жанындағы ғылыми-сарапшылық тобының мүшесі, аға оқытушы, заң ғылымдарының магистрі Қуаныш Жарекеев және облыстық қоғамдық даму басқармасының «Қоғамдық келісім» КММ бөлім басшысы, Этномедиация кабинетінің үйлестірушісі Шахизат Абдраманова студенттерге Этномедиация институты және оның Қазақстан халқы Ассамблеясының 30 жылдығы аясында жүзеге асырылатын жұмыстар туралы мағлұмат берді.Спикерлер медиация тәсілінің құқықтық салада тиімді қолданылуы, оның сот өндірісінен айырмашылығы мен қоғамдағы келісім орнатуға қосатын үлесі жөнінде кеңінен айтып өтті.Этномедиация институты этностар арасындағы тіл мен мәдениет кедергілерін жою, әлеуметтік тұрақтылықты қамтамасыз ету мақсатында маңызды рөл атқарады. Оқу орнының студенттері бұл институттың болашақта Қазақстанның түрлі этникалық топтары арасындағы бейбітшілік пен келісімді нығайтудағы орны туралы құнды ақпарат алды.Шараның соңында қатысушылар студенттермен сұхбаттасып, олардың сұрақтарына жауап берді, медиацияның қоғам үшін маңызы мен оның тиімділігін түсіндіру бағытында қосымша кеңестер берді.Фото: облыстық ҚХА

Студенттермен еркін форматта кездесу өтті

<a href="https://kyzylorda-news.kz/">Kyzylorda-news.kz</a>&nbsp; Наурыз мерекесі қарсаңында айналаны қоқыстан тазарту, бұлақ көзін ашу, көшет отырғызу дәстүрі қалыптасқан.Бүгін "Таза Қазақстан" республикалық экологиялық бағдарламасы аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілуде.«KazStroyCapital LTD Kyzylorda» компаниясы «Қызылорда қаласын көгалдандыру» және «Қызылорда қаласының жасыл белдеуі» жобаларын мемлекеттік-жекеменшік әріптестік аясында іске асыруға кірісті. Кызылорда қаласындағы өндірістік базаға 15 техника әкелінді. Қосымша 38 техника жолда, олар алдағы екі апта ішінде жеткізіледі.Аймақ басшысы Нұрлыбек Нәлібаев сенбілік барысында жаңа техникаларды көріп шықты.Екі апта ішінде қалада көгалдандыру жұмыстары басталады, яғни ағаш отырғызу, суару жүйесін салу және тиісті инфрақұрылым жеткізу жоспарланған. Аймақ басшысы жұмыс сапасын қатаң қадағалауды тапсырды.Бүгінгі сенбілікке Қызылорда қаласы және аудандардағы 954 мекемеден 10 610 адам, 198 арнайы техника жұмылдырылды. Полигондарға 219,5 тонна қоқыс шығарылды.Облыс әкімінің тапсырмасына сәйкес елді мекендер аумағының санитарлық тазалығы қатаң бақылауға алынып, жұмыс үздіксіз жалғасуы қажет.Қала аумағында ұйымдастырылған сенбілікке 128 мекемеден 1872 адам қатысып, 81 техника іске қосылды. Жұмысқа "Қызылорда тазалығы", "Жасыл Қызылорда", құрылыс мекемелерінің, орман шаруашылығының техникалары жұмылдырылды. Орталық полигонға 300 текше метр қоқыс шығарылды.Фото: Қызылорда облысы әкімінің баспасөз қызметі

"Таза Қазақстан": Облыс тұрғындары жаппай сенбілікке қатысты

<a href="https://kyzylorda-news.kz/">Kyzylorda-news.kz</a> Сауда және интеграция вице-министрі Қайра Төребаев елде қант тапшылығы орын алмайтынын мәлімдеді. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлайды.&nbsp;Вице-министр қант тапшылығына қатысты мәселе жақында ғана болғанын айтады.&nbsp;<blockquote>«Сондай-ақ елдегі қант зауыттарына көмек көрсетіліп келеді. Олар қызылшаны өңдеп, импорттық шикізаттарды пайдаданады. Сәйкесінше жұмыс жүріп жатыр, сондықтан мұндай мәселе болады деп ойламаймын. Қант апшылығы орын алмайды», – деді Қайрат Төребаев.&nbsp;</blockquote>Еске салайық, бұған дейін Қайрат Төребаев елде&nbsp;сиыр еті бағасының өсуіне қатысты мәлімдеме &nbsp;жасаған еді.&nbsp;«Жыл сайын Өзбекстанға біз 20 мың тонна сиыр етін экспорттаймыз. Ал бағаға келсек, ресми статистикаға сәйкес 2025 жылдың басынан бері баға индексі 8,4% өсті. Бір аптадағы баға өсімі 0,6%. Қазір елдегі 20 аймақта да баға өсімі байқалады. Әр аймақта әртүрлі. Біз айтып отырған Түркістан облысында баға өсімі 3%. Ресми статистикаға сәйкес орташа бағасы 2800 теңге», – деді вице-министр.Фото: pixabay.com

Елімізде қант тапшылығы болмайды – Сауда министрлігі

<a href="https://kyzylorda-news.kz/">Kyzylorda-news.kz</a> Экономист Бауыржан Ысқақ еліміздегі ең төменгі жалақыны көтеру керек деп есептейді, деп хабарлайды&nbsp;<a href="http://skifnews.kz/">Skifnews.kz</a>&nbsp;ақпарат порталы.Тілшіміз сарапшыдан “Елімізде ең төменгі жалақыны көбейту керек пе?” деп сұрады.<blockquote>«Көбейту керек. Оны үнемі айтып жүрмін. Қазір еліміздегі ең төменгі жалақы халықтың төлем қабілетіне жауап бере алмайды. Ең төменгі жалақы – 85 000 теңге. Ал орташа жалақы – 400 000 теңге. Әлемдік тәжірибеде орташа жалақының үштен бір бөлігі ең төменгі жалақы болуы керек. Сонда жаңағы 400 000 теңгенің үштен бір бөлігі 130 000-140 000 теңге болады. Ал біздегі 85 мың тіпті әлемдік стандарттың өзіне сәйкес келмей отыр», – деп айтты Бауыржан Ысқақ.</blockquote>Сарапшының пікірінше, еліміз ең төменгі жалақыны 85 000 теңгеден кем дегенде 130 000-140 000 теңгеге дейін көтерсе, ол 3,5-4 млн азаматтың жалақысының қазіргіден жоғары болуына әсер етеді. Ол азаматтардың төлем қабілетіне әсер етіп, айлық шығындарының жартысын жалақымен жаба алатындай жағдайға жеткізеді.<blockquote>«Ал бізде жалақының 85-90%-ы біздің бір айлық шығындарымыздан асып кетіп жатыр. Яғни коммуналдық шығын, несие, киім-кешек, тамақ, азық-түлікке жұмсалады. Тіпті кей жағдайда тапқанымыз шайлығымыздан да асып кетеді. Сол себепті орташа жалақыны есептей отырып, төменгі жалақыны көтерсек, кем дегенде 3 млн-ға жуық азаматтың төлем қабілетін арттыруға мүмкіндік алар едік. Ал ол үлкен әлеуметтік сұрақ. Ал оған Қазақстандағы кәсіпорындардың санын көбейту, салық салынатын базаны арттыру, отандық тауар өндірушілерді көбейту арқылы ғана қол жеткізе аламыз», – деп санайды экономист Бауыржан Ысқақ.</blockquote>Фото: pixabay.com

Экономист ең төменгі жалақыны 140 мың теңгеге дейін өсіруді ұсынды

<a href="https://kyzylorda-news.kz/">Kyzylorda-news.kz</a> Қызылорда облысындағы алкогольден бас тартқан елді мекендерде қылмыс та тоқтаған. Соның бірі – Өзгент ауылы. Бұл ауылдық округте ішімдік сатылмағалы 10 жылға жуықтапты, деп хабарлайды<a href="https://baq.kz/qyzylorda-oblysyndagy-18-auylda-ishimdik-satylmaydy-200009282/">&nbsp;BAQ.KZ</a>&nbsp;«Хабар» телеарнасына сілтеме жасап.Зияда Ядыгарованың дүкен ашқанына 20 жыл болған. Кейінгі 10 жыл көлемінде ауыл ақсақалдарының ұсынысы бойынша ішімдік сатуды тоқтатқан.<blockquote>Бұл бастамадан кейін табысым азайып қалған жоқ. Керісінше кәсібім өрге басып, шағын дүкенім кеңейді, – дейді ол.</blockquote>Өзгент ауылының негізгі тіршілік көзі – егін және мал шаруашылығы. Сондықтан мұндағы дүкендерде арақ-шарап емес, ағарған көбірек сатылады. Жалпы ішімдік сатуды мұндағы дүкендердің барлығы осыдан 10 жыл бұрын тоқтатқан. Содан бері бұл елді мекен аудандағы ең үздік ауылдардың қатарына еніп отыр.1800-ден аса тұрғыны бар ауылдың көшелеріне түгел жол төселген. Екі жыл бұрын жаңа мәдениет үйі пайдалануға берілген. Спорттық ойын алаңдары да жеткілікті.<blockquote>Ауылдық округтен кейінгі 5 жыл көлемінде қылмыс тіркелмеген. Мал ұрлығы және басқа да бөтеннің мүлкін ұрлау бойынша қылмыс та тіркелмеді, – деді учаскелік полиция инспекторы Сүйіндік Асылбаев.</blockquote>Облыстық прокуратураның мәліметі бойынша 49 ауылдық округте кейінгі екі жыл бойы қылмыс тіркелмеген. Ал 18 елді мекендегі дүкендер алкогольдік сусын сатудан біржола бас тартқан.Фото: freepik.com

Қызылорда облысындағы 18 ауылда ішімдік сатылмайды

<a href="https://kyzylorda-news.kz/">Kyzylorda-news.kz</a> &nbsp;Себебі «Болашақ» бағдарламасының ақпараттық жүйесі мен шекара қызметінің «Бүркіт» атты базасы ұштастырылды. Бұл туралы Ғылым және жоғары білім министрі Саясат Нұрбек айтты деп хабарлайды &nbsp;<a href="https://t.me/atamekenbusiness_qaz">atamekenbusiness_qaz</a> телеграм арнасы.<blockquote>«Болашақпен» оқыған бүкіл стипендия иегерлеріне бұл талаптар сақталады. Олардың тізімін шекара қызметіне береміз. Шекараға кіргенде не шыққанда бізге бірден сигнал түседі. Бүкіл стипендия иегерлеріне ашық ескертіп қояйын. Біліп жүрсін. Енді біз кім шықты, кім келді, кім қайтқан жоқ – бәрін біліп отырамыз», – деді министр.</blockquote>Сөзінше, шетелде оқып, борышын өтемей жүрген 200-300-дей адам айқындалды. Осы уақытқа дейін түлектер түрлі қулыққа барған, деді Саясат Нұрбек.<blockquote>«Түлектер ауылдық жерлерге барады. Себебі ауылдарда жұмыс өтілі – бес жыл емес, үш жыл. Ауылдық жерлердегі бір мекемеде тіркеледі, алайда өзі қалада жұмыс істейді. Енді біз тек қана бірінші жұмысында тіркелген салықтарды ғана қабылдайтын болдық», – деді министр.</blockquote>Фото: видео скриншот

Енді «Болашақпен» оқығандардың елге кіріп-шыққаны бақылауға алынады

<a href="https://kyzylorda-news.kz/">Kyzylorda-news.kz</a> Дағыстан Республикасының Цифрлық даму министрі Юрий Гамзатов мессенджерді теріс пиғылды адамдар жиі қолданатынын баса айтты. Бұған Махачкала әуежайындағы тәртіпсіздіктерді мысал етіп <a href="https://kaz.inform.kz/news/dagistan-men-sheshenstanda-telegram-bugattaldi-c6c0a1/">көрсетті</a>, деп хабарлайды ТАСС ақпарат агенттігі.Дағыстан Республикасының Цифрлық даму министрі Юрий Гамзатовтың журналистерге айтуынша, Telegram мессенджері құқық қорғау органдарының сұрауы бойынша Дағыстан мен Шешенстанда (Солтүстік Кавказ федералды округі) бұғатталған.<blockquote>– Telegram-ды Солтүстік Кавказ федералды округінің екі аймағында – Шешенстан мен Дағыстанда бұғаттау туралы шешім федералдық деңгейде құқық қорғау органдарының ұсынысы негізінде қабылданды. Оны теріс пиғылды адамдар жиі қолданады, соның бір мысалы ретінде Махачкала әуежайындағы тәртіпсіздіктерді келтіруге болады. Болашақта Telegram қайта қосылуы мүмкін, – деді ол.&nbsp;</blockquote>2024 жылдан бері Солтүстік Кавказдың бірқатар аймағында Telegram мессенджерінің жұмысында ақаулар байқалған. Гамзатов танымал мессенджердің аналогтарын пайдалануды ұсынды.<blockquote>– Әзірге жақсы аналогтар бар, мысалы «ВК», – деді министр.</blockquote>2023 жылдың қазан айында Таяу Шығыстағы жағдай шиеленіскен сәтте Тель-Авивтен рейстер келгенде Махачкала әуежайында жаппай тәртіпсіздіктер болды. Тәртіпсіздікке қатысушылар «Ұйташ» халықаралық әуежайында құны 24 миллион рубльден асатын мүлікті қиратып, бүлдірген. 30 мемлекеттік қызметкерге қатысты заңсыз әрекеттер жасалып, оның 23-і әртүрлі дәрежедегі дене жарақаттарын алған.Фото: &nbsp;freepik.com

Дағыстан мен Шешенстанда Telegram бұғатталды

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасына жергілікті тұрғын арызданып, белгісіз біреу үйінің ауласына заңсыз кіріп, есігі ашық тұрған көлігінің ішінен аккумулятор ұрлап кеткенін хабарлады.&nbsp;&nbsp;&nbsp;Жедел-іздестіру шараларының нәтижесінде полиция қызметкерлері қылмыс жасады деген күдікпен облыс орталығының 19 жастағы &nbsp;тұрғынын ұстады. Күдікті ұрлаған затты &nbsp;сатып, ақшасын өз бас пайдасына жаратқан.&nbsp;Тексеру барысында күдіктінің басқа да осы тектес қылмыстарға қатыстылығы анықталды. Ол 1 ай бойы қала орталығында автокөліктердің&nbsp;есігі ашықтығын&nbsp;пайдаланып, сонымен қатар&nbsp;дабыл орнатылмаған көліктерден&nbsp;магнитофон, аккумулятор және тағы да басқа құнды заттарды ұрлап&nbsp;&nbsp;келген. Полицейлер оның 10 ұрлық эпизодына қатыстылығын дәлелдеді.&nbsp;&nbsp;&nbsp; Ұрланған 5 аккумулятор,&nbsp;магнитофон және тағы да басқа көлік заттары сатып алушылардан, қалғаны күдіктінің үйінен тәркіленді. Жәбірленушілерге келтірілген залал шамамен 1 млн теңгені құрады.&nbsp;&nbsp;Қазіргі таңда сотқа дейінгі тергеп – тексеру әрекеттері жүргізілуде. Ұрлық қылмысына күдіктелген азамат уақытша ұстау изоляторына қамаққа алынды.&nbsp;&nbsp;Қызылорда облысының полицейлері өз мүліктеріңізге барынша сақ болыңыздар деп ескертеді. Мүмкіндігінше аулаларыңызға бейнебақылау камераларын, ал көліктеріңізге дабылқаққыш орнатуға кеңес береді.Фото: Қызылорда облысының Полиция департаменті

Архив