<a href="https://kyzylorda-news.kz/">Kyzylorda-news.kz</a> Бүгін Қызылорда қаласында «Сыр жұлдыздары» балалар мен жасөспірімдерге арналған шығармашылық- инновациялық академиясының ашылу рәсімі өтті. Салтанатты шараға ҚР Оқу-ағарту министрі Ғани Бейсембаев, Парламент Мәжілісінің депутаттары Мұрат Әбенов, Мұрат Ергешбаев, Мархабат Жайымбетов және зиялы қауым өкілдері, ел ағалары арнайы қатысты. Аймақ басшысы Нұрлыбек Машбекұлы жұртшылықты жаңа нысанның ашылуымен құттықтап, білім саласында атқарылған жұмыстарға тоқталды.<img src="https://knadmin.beoblood.kz/uploads/Shy_armashyly_ortaly_5_5696e88a41.jpg" alt="Шығармашылық орталық 5.jpg"><blockquote>«Президентіміз Қасым-Жомарт Кемелұлы «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті» - деген болатын. Еліміздің болашағы - жастарымызға сапалы білім, саналы тәрбие беруде жүйелі жұмыс атқарылуда. Аймағымызда соңғы үш жылда білім беру саласына бөлінген қаржы көлемі 304 млрд. 600 млн. теңге болып, 32 пайызға артты. Бұл - жалпы облыс бюджетінің 43 пайызы. Біздің ең бірінші міндетіміз - балалардың білім алуына қолайлы жағдай жасап, жайлы орта қалыптастыру. 2023 жылы Қызылорда қаласындағы 4 мектепке 1 850 орындық қосымша құрылыс салу есебінен үш ауысымдық оқу мәселесі түбегейлі шешімін тапты. Жаңа нысандардың ашылуы – бұл жәй ғана ғимараттардың салынуы емес, жаңа дәуірде бәсекеге қабілетті ұландарымызға жаңа мүмкіндіктер сыйлау. Егемен елімізді өркендетудегі, өскелең ұрпақты тәрбиелеудегі өрелі бастамаларымыз табысты болсын! Ел іргесі биік, Тәуелсіздігіміз тұғырлы болғай!», -деді Нұрлыбек Машбекұлы.</blockquote><img src="https://knadmin.beoblood.kz/uploads/Shy_armashyly_ortaly_2_90020b11bb.jpg" alt="Шығармашылық орталық 2.jpg">Рәсімде ҚР Оқу-ағарту министрі Ғани Бектайұлы, Парламент Мәжілісінің депутаты Мұрат Абдуламитұлы құттықтау сөз сөйледі. Ғимаратты салған «BI Global» ЖШС құрылысшылары облыс әкімінің Алғыс хатымен марапатталды.Шығармашылық-инновациялық академия бір мезетте 500 оқушы, тәулігіне 3 мың оқушыға дейін қабылдайды.Мұнда бассейн, топтық жаттығу бөлмесі, көркем гимнастика және фитнес залы орналасқан. Сондай-ақ үстел ойындарына арналған кабинет, жекпе-жек, үстел теннисі залдары бар. Барлық залда ұлдар мен қыздарға арналған жеке-жеке киім ауыстыру бөлмелері қарастырылған. Көркемдік-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.<img src="https://knadmin.beoblood.kz/uploads/Shy_armashyly_ortaly_3_e76bc5f863.jpg" alt="Шығармашылық орталық 3.jpg">Айта кету керек, өткен жылы өңірде білім беру инфрақұрылымын дамытуда 13 ғимарат пайдалануға берілді. «Жайлы мектеп» ұлттық жобасы аясында 10 мектептің құрылысы жоспарланып, бүгінде 3 мың орындық 6 мектеп ашылды. Қалған 4-еуі жыл соңына дейін пайдалануға беріледі. Сонымен қатар, физика-математика мектеп-интернаты және «Саутс Ойл» компаниясының демеушілігімен музыкалық колледждің жаңа ғимараты салынуда. Соңғы үш жылда 3 оқушылар сарайы мен 2 өнер мектебі іске қосылды. Бүгінде Шиелі ауданында 200 орындық оқушылар сарайы мен 50 орындық өнер мектебінің құрылысы жүргізілуде.<img src="https://knadmin.beoblood.kz/uploads/Shy_armashyly_ortaly_806bda15bb.jpg" alt="Шығармашылық орталық.jpg">Фото: Қызылорда облысы әкімінің баспасөз қызметі

Қызылордада балалар мен жасөспірімдерге арналған шығармашылық-инновациялық академиясы ашылды

<a href="https://kyzylorda-news.kz/">Kyzylorda-news.kz</a> Жеңіс күнінің 80 жылдығы қарсаңында ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті тыл ардагерін келе жатқан мерекемен құттықтады.Кездесудің кейіпкері — 90 жастағы &nbsp;ардагер, соғыс жылдарындағы ауыр еңбектің куәгері және тарихтың тірі шежіресі.Ардагерге құрмет белгісі ретінде Сыбайлас жемқорлыққа қарсы қызмет өкілдері оған естелік сыйлықтар табыстап, Жеңіске адалдығы мен қосқан үлесі үшін алғыс білдірді.Іс-шараның салтанатты атмосферасын Ұлттық ұланның взводы әскери марштар орындау арқылы қолдады.Ерлік, борыш және ар-намыс – ардагердің соғыс жылдарындағы ауыр сынақтардан өткен құндылықтары. Ол бүгінде мызғымас рух пен Отанға адалдықтың тірі символы болып қала береді.

Жеңіске адал қызмет: Қызылордада тыл ардагері құрметке бөленді

<a href="https://kyzylorda-news.kz/">Kyzylorda-news.kz</a> ҚР ҚМ Мемлекеттік кірістер комитеті кедендік рәсімдерді цифрландырып, оңтайландыруға бағытталған Keden ақпарат жүйесін кезең-кезеңмен енгізуді жалғастырып келеді.Аталған жүйе «Ашық және басқарылатын кеден» тұжырымдамасын іске асыру арқылы қолданыстағы «АСТАНА-1» және «Экспорт-импорт операциялар жөніндегі бірыңғай терезе» платформаларын алмастыруға арналған.Цифрлы өзара байланыс және Keden интеграциясы кеден органдары мен сыртқы экономикалық қызмет қатысушылары арасындағы толық цифрлы өзара іс-қимылды қамтамасыз етіп, бұл әкімшілік кедергілерді азайту мен тиісті рәсімдердің ашықтығын арттырады және тауарлар қозғалысының бақылауын күшейтеді. Қағаз құжат айналымын азайту үшін басқа мемлекеттік әрі коммерциялық жүйелерімен 30 интеграция жүргізіліп, бұл кеден операцияларын жүргізу кезінде қажетті деректерді автоматты түрде алуға жол ашты.Жүйені енгізудің негізгі кезеңдері<ul><li style="text-align:justify;">Жоба іске қосылған сәттен бастап келесі функционалды модульдер іске асырылды:</li><li style="text-align:justify;">2024 жыл сәуір - экспресс-жүктерді электронды кедендік декларациялау (ЭЖКЖД және ЭЖТД).</li><li style="text-align:justify;">2024 жыл қыркүйек - жеке пайдалануға арналған тауарларды есепке алу модулі («Қорғас» ХШЫО).</li><li style="text-align:justify;">2024 жыл қараша - алдын ала операциялар, транзиттік декларация, уақытша сақтау, тәуекелдерді басқару жүйесі, КТжС төлеуді қамтамасыз ету сертификаттарын тіркеу, кедендік тексеру, резидент емес тұлғаларды тіркеу бойынша модульдерді іске қосу.</li><li style="text-align:justify;">2025 жыл қаңтар-сәуір - көлік құралына арналған кедендік декларация бойынша модульдер, 9 кедендік мемлекеттік қызмет, халықаралық почта жөнелтілімдерін кедендік декларациялау.</li><li style="text-align:justify;">2025 жыллың 22 сәуірінен бастап — жолаушылардың кеден декларациясының модулі енгізілді.</li></ul>Қазіргі нәтижелерБүгінде Keden жүйесі арқылы келесі көрсеткіштер тіркеліп отыр:<ul><li style="text-align:justify;">837 мыңнан астам алдын ала ақпарат берілді.</li><li style="text-align:justify;">539 мың транзит декларациясы шығарылды.</li><li style="text-align:justify;">87 мың тауарды сақтау құжаты рәсімделді.</li><li style="text-align:justify;">КТжС төлеуді қамтамасыз етудің 28 мың сертификаты тіркелді.</li><li style="text-align:justify;">Көлік құралдарына 119 мыңнан кедендік декларация шығарылды.</li><li style="text-align:justify;">1 млн-нан астам халықаралық пошта жөнелтілімі декларацияда көрсетілді.</li><li style="text-align:justify;">53 мыңнан астам жолаушы кедендік декларациясы декларациялары тіркелді.</li></ul>Келесі жоспар2025 жылдың соңына дейін жүйенің барлық функциясын, соның ішінде:Кедендік операциялардың барлық кезеңін бақылау.Кемшіліктерді тіркеу мүмкіндігімен процестерді автоматтандыру.Кеден декларацияларын алдын ала толтыру және рәсімдеу мәртебесін нақты уақыт режімінде қадағалау.Keden жүйесі "бір терезе" қағидаттарын жүзеге асырып, пайдаланушыларға автотолтыру арқылы қажетті кеңестермен және форматты-логикалық бақылаумен ыңғайлы интерфейсті ұсынады, бұл рәсімдеу процесін айтарлықтай жеңілдетеді.Пайдаланушыларды қолдауСыртқы экономикалық қызмет қатысушылары мен лауазымды тұлғаларға әдіснамалық және техникалық көмек көрсету үшін тәулік бойы жұмыс істейтін қолдау қызметі құрылды.Keden АЖ қолдау қызметінің байланыстары:Тел.: +7 (7172) 73 55 19 | +7 (705) 956 53 89Email: <a href="mailto:keden_support@kgd.minfin.gov.kz">keden_support@kgd.minfin.gov.kz</a>Telegram: https://t.me/kedenkgdgovkz

Keden ақпарат жүйесін іске қосудың аралық қорытындылары

<a href="https://kyzylorda-news.kz/">Kyzylorda-news.kz</a> Мемлекет басшысы Ұлы Жеңістің 80 жылдығына орай елордадағы «Отан Ана» монументіне гүл шоғын қойып, қазақстандық майдангерлердің рухына тағзым етті. Бұл туралы Ақорда мәлім етті.&nbsp;Президенттік оркестр Мемлекеттік әнұранды орындап, Құрмет қарауылының ротасы іс-шараға қатысушылар алдынан сап түзеп өтті.Фото: Ақорда

Қасым-Жомарт Тоқаев «Отан Ана» монументіне гүл шоғын қойды 

<a href="https://kyzylorda-news.kz/">Kyzylorda-news.kz</a> Шиелі ауданында «Ауыл аманаты» жобасы аясында жаңадан ашылған кәсіпкерлік нысанның салтанатты ашылу рәсімі өтті.Шараға аудан әкімі Айтбай Жандарбеков қатысып, жоба аясында жүзеге асырылып жатқан жұмыстардың маңыздылығына тоқталды.<blockquote>«Бұл жобаның арқасында аудан тұрғындары өз кәсібін ашып, табысын арттыруда. Мемлекет басшысының тапсырмасымен жүзеге асырылып жатқан бұл бастама аудан экономикасын дамытуға үлкен серпін беруде, – деді Айтбай Жандарбеков.</blockquote><img src="https://knadmin.beoblood.kz/uploads/K_sipkerlik_ashylu_saltanaty_3_dd660e2b5c.jpg" alt="Кәсіпкерлік ашылу салтанаты 3.jpg">Мемлекет басшысы Қасым-Жомарт Кемелұлы Тоқаевтың бастамасымен қолға алынған «Ауыл аманаты» жобасы ауыл тұрғындарының табысын арттыруға, жаңа жұмыс орындарын құруға және кәсіпкерлікті дамытуға бағытталған.«Ауыл аманаты» жобасы аясында соңғы үш жылда Шиелі ауданы бойынша жалпы құны 968,1 миллион теңгені құрайтын 135 жоба қаржыландырылып, нәтижесінде ауданымызда жаңа жұмыс орындары ашылып, кәсіпкерлік саласы дамып келеді.Жаңадан ашылған кәсіпкерлік нысанның ашылуы аудан тұрғындары үшін жаңа мүмкіндіктердің бастауы болмақ.<img src="https://knadmin.beoblood.kz/uploads/K_sipkerlik_ashylu_saltanaty_2_12c1252b66.jpg" alt="Кәсіпкерлік ашылу салтанаты 2.jpg">

"Ауыл аманаты": Жоба аясында жаңа кәсіпкерлік нысан ашылды

<a href="https://kyzylorda-news.kz/">Kyzylorda-news.kz</a> Қазақстанда отандық өндірушілерді қолдаудың маңызды құралдарының бірі ретінде мемлекеттік сатып алулар жүйесі қалыптасқан. Бұл тәсіл химия өнеркәсібінде бірқатар оң нәтижелерге әкелді. Мемлекеттік тапсырыстарды орналастыру кезінде қазақстандық компанияларға басымдық берілуі ішкі өндіріс көлемін арттыруға, импортқа тәуелділікті азайтуға және өндірістік қуаттарды жаңғыртуға мүмкіндік берді.Өнеркәсіп саласында іске асырылған заңнамалық бастамалардан басқа, химия саласына оң әсер еткен бірқатар нақты нормалар қабылданған.<ul><li style="text-align:justify;">- &nbsp;мемлекеттік сатып алу кезінде ұлттық режимнен алу нәтижесінде өткен жылы лак бояу материалдары, тұрмыстық химия және жағар майлар өндірісінің көлемі 30%-ға өсті.</li><li style="text-align:justify;">- сонымен бірге субсидияланған тыңайтқыштарды елден заңсыз шығарылуын тоқтату үшін аммофос, селитра сияқты маңызды тыңайтқыштардың (ҚазАзот, Қазфосфат) экспорты лицензия беру арқылы реттелді. Бұл шара бағаны тұрақтандыруға және жергілікті фермерлерге тыңайтқыш жеткізуді арттыруға ықпал етті.</li></ul>Алғашқы тоқсан қорытындысы бойынша өнім көлемі 12,5% пайызға өсіп, 406 миллиард теңгені құрады. Өсім полипропилен және уран қосылыстары өндірісінің ұлғаюымен байланысты.Бүгінде химия саласында 49 жоба іске асырылуда. &nbsp;Олардың негізгілері мұнай және металлургия саласына қажет химиялық өнімдерді шығаруға бағытталған.<img class="image_resized" style="width:98.9%;" src="https://knadmin.beoblood.kz/uploads/Whats_App_Image_2025_05_08_at_11_38_03_9c1427c574.jpeg" alt="Отандық өндірушілер.jpeg">

Отандық өндірушілерді қолдау: Қазақстанның химия саласы үшін оң нәтижелер

<a href="https://kyzylorda-news.kz/">Kyzylorda-news.kz</a> Бір замандарда қаз дауысты Қазыбек би бабамыз: «Біз қазақ деген мал баққан елміз, бірақ ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп найзаға үкі таққан елміз; ешбір дұшпан басынбаған елміз, басымыздан сөзді асырмаған елміз. Досымызды сақтай білген елміз, дәмі-тұзын ақтай білген елміз...» деп қазақ қанша жерден момын болса да елі мен жерін қорғай алатын айбынды жұрт екенін айтып кеткен.&nbsp;Президент пәрменіЕгемен еліміздің айбыны, шекарамызды қорғаушы, мемлекетіміздің тірегі әскеріміз екені әмбеге аян. Тәуелсіздіктің алғашқы жылдарында құрылған Қазақстан Қарулы Күштері бүгінде мемлекетіміздің шын мәніндегі қорғанына айналды.&nbsp; Ал мемлекетті қорғап тұрған әскердің ахуалы қалай? Мән-жайға бойлап көрейік. Мемлекет басшысы Қасым-Жомарт Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауына еліміздегі әскери әлеуетті дамытуға мән беру керегін қаперге салған еді.<blockquote>– Біздің армиямыз жоғары технологиялы қару-жарақпен және әскери техникамен, соның ішінде бронды техникамен, ұшқышсыз басқарылатын ұшу аппараттарымен, қазіргі заманғы атыс қаруларымен жабдықталуға тиіс. Техниканы шұғыл жөндейтін өндіріс орындарының қуатын арттырып, отандық кәсіпорындарға барынша қолдау көрсеткен жөн, – деді Қазақстан Президенті.</blockquote>Республика президенті пәрмен бергеннен кейін Үкімет те тиісті тапсырманы орындауға кірісті.Аbai.kz порталында 2024 жылдың 29 тамызында «Әлемдік рейтинг жарияланды: Қалың қалай, қазақ әскері?» тақырыбында жарияланған мақаладағы деректерге көз жүгіртсек…Онда қарулы күштерді қару-жарақ пен әскери техниканың, оның ішінде отандық өндірістің заманауи үлгілерімен қайта жарақтандырудың кезең-кезеңдік процесі жүріп жатқаны айтылған.Қарулы күштер 500-ден астам жаңа техника алды, 50 техника күрделі жөндеуден өтті деген дерек келтірілген. Сонымен қатар беренді және автомобиль техникасын, әскери әуе шабуылына қарсы қорғаныс, танкке қарсы жүйелерді, артиллерия мен атыс қаруын жөндеу цехтары іске қосылғаны, сонымен қатар әскерлерде өз күштерімен 1500-ден астам әскери техникаға ағымдағы және орташа жөндеу жүргізілгені негізге алынған.Бұл деректің өткен жылдың тамыз айына тиесілі екенін ескерсек, одан кейін де атқарылған біраз дүние бар екені сөзсіз. Өйткені Отан қорғаушылар күніне арналған Ақордада өткен биылғы салтанатта Мемлекет басшысы әскерді дамыту үшін барлық жағдай жасалып жатқанын тілге тиек етті.&nbsp;<blockquote>– Әскеріміз ең озық қарумен және техникамен жарақтандырылып жатыр. Қорғаныс өнеркәсібі кешені дамып келеді. Жаңа гарнизондар, әскери қалашықтар мен заставалар салынуда. Сарбаздардың әзірлігі мен жауынгерлік машығы әрдайым шыңдалады. Әскеріміздің арнаулы халықаралық жарыстардан жүлдемен оралуы – олардың дайындығы жоғары екеніне дәлел, – деді Қ.Тоқаев.</blockquote>Қайсар рухты бабаларТарихқа үңілсек, қазақтан шыққан батырлар аз емес. Қазақ-жоңғар соғысында батырлығымен дараланған Бөгенбаймен Қабанбайды, сұлтан біткен аяқ тартқан Исатай мен Махамбетті, немістің қоршауын сан мәрте бұзып шыққан Бауыржанды, қайсарлығымен ерекшеленген Қасымды, Рейгстахқа ту тіккен Рақымжанды, жауды әуеден тойтарған Талғатты, «Еркек тоқты құрбандық» деп тәуелсіздік жолында жанын қиған Қайратты бар қазақ қадір тұтады. Өйткені олар қазақтың қайсар рухты ұлдары деген атқа әбден лайық. Ел шебін ерлермен бірдей қорғаған қыздар да жеткілікті. Сонау Тұмар патшайымнан бастап Әлия мен Мәншүкке дейінгі аралықта қайсарлығымен елдің даңқын асырған арулар қашанда ұрпақ жадында сақталатын болады.Бұл батырлардың аттарын тектен-текке айтып отырғанымыз жоқ. Ат жалын тартып мінген азамат үшін Отан қорғаудан қасиетті міндет жоқ. Қастерлі тудың түбінде тұрып, ант беріп, аманат арқалаған азаматтарымыз ел сенімін ақтап, тәуелсіз ел шекарасын кірпік &nbsp;қақпай күзетіп келеді.&nbsp;Халық даналығында «Отаны бірдің тілегі бір, тілегі бірдің жүрегі бір» деген қанатты сөз бар. Елімізді мекен етіп, осы дархан даладан бақыт тапқан барша ұлттың жалғыз-ақ тілегі бар. Ол – Отанымыздың амандығы, тәу етер тәуелсіздігіміздің тұғырлылығы мен еліміздің тұтастығы. Шынында да, адамзат баласы үшін ата-анасымен, отбасымен тең тұратын ең қымбат құндылық – Отан. Елін сүйетін әрбір азамат үшін бұл сөз ең қастерлі ұғымның бірі болуы тиіс. Елімізді бір шаңырақтың астына біріктіріп, Қазақ елі деп аталатын қастерлі атауға ұйытып отырған ұлы ұғым да – осы Отан. Ал оны қорғау, оған қызмет ету – әрбір Қазақстан азаматының ардақты борышы, перзенттік парызы.Бүгінгі ахуалБүгінде Қазақстан әскерінің қуаты жыл санап артып келеді. Қарулы Күштер қажетті техникамен жабдықталып, сарбаздарды дайындауда озық әдістер мен тәсілдер енгізілуде. Мемлекет Отан қорғаушыларды барынша қолдап, қамқорлық көрсетуін тоқтатқан емес. Әскердің тәртібі қатаң екені рас. Бірақ бұл ауыр болса да аса абыройлы Отан қорғау міндетінің жүгі. Сондықтан дені сау, Отанын қорғауға қабілетті әр азамат әскер қатарында болуы тиіс. Өйткені еліміздің Қарулы Күштері – егемендігіміздің берік қалқаны. Бір сөзбен айтқанда, әскер – мемлекет тәуелсіздігінің, Қазақстандағы әрбір шаңырақтың тыныштығы мен алаңсыз өмірінің кепілі.Аудандық «Жалағаш жаршысы» газетінің сайтына әлем елдерінің әскери әлеуетін бағамдайтын Global Firepower рейтингіне байланысты мақала жарияланыпты. Онда 2024 жылы 145 елдің ішінде қай мемлекеттердің армиясы нығайғаны көрсетілген. Қазақстан бұл көрсеткіште 5 сатыға көтерілген.«Global Firepower рейтинг реттілігін белгілеуде елдің әскер саны, әскери техникасы, экономикалық тұрақтылығы, ресурстарға қолжетімділігі мен стратегиялық географиялық орналасуы сияқты 60-тан аса көрсеткішке көңіл бөлген. Биылғы Global Firepower көшін АҚШ армиясы бастаған. АҚШ әскерінің құра­масында 92 эскадралық минатасушы, 11 авиатасымалдағыш бар. Ал жалпы бюджеті 886 миллиард долларды құраған.Екінші орынға Ресей Федерациясы тұрақтаса, әскер қуаты тұрғысынан үштікті Қытай Халық Республикасы түйіндеген. Төртінші орынға арнайы бағдарлама аясында әс­кери техникаларын жаңғыртқан Үндістан жайғасқан. Үздік бестікке дамыған әскери-теңіз флоты мен заманауи авиациясы қауқарлы Оңтүстік Корея іліккен.Қазақстан жалпы көрсеткіш бойынша 58-ші орынға табан тіреген. Бұл былтырғы рейтингтен 5 сатыға жоғары. Рейтингте жоғары көтерілуімізге қарулы күштеріміз қатарында дүркіндетіп ататын реактивті жүйелер мен өздігінен жүретін артиллерияны көбейтіп, әскери техникамызды белсенді түрде жаңғыртып жатқанымыз себеп болған. Осындай жетістіктерімен мемлекетіміз Орталық Азияда армиясы ең мықты ел ретінде танылды. Орталық Азияда бізден кейінгі екінші орында Өзбекстанның қарулы күштері тұр, жалпы сатыдан оңтүстіктегі көршіміз 65 орыннан көрінген.Түрікменстан халықаралық әскери альянстардан оқшауланған мемлекет болғандықтан аталған рейтингте 145 елдің ішінен 86 орын иеленген. Орталық Азияның экономикалық даму тұрғысынан соңғы 4 және 5 орындарда тұрған Қырғызстан мен Тәжікстан GFP рейтингінде сәйкесінше 94 және 107 орында тұр», – деп жазылған сайтта. Бұл мәлімет Аbai.kz-те де жарияланғанын айта кетейік.Қазақ жауынгерлерінің халықаралық аренада да зор абыройға ие екенін айта кеткен жөн. Біздің әскер әлемдегі тұрақтылық пен келісімді сақтауға үлес қосып келеді. Сөзімізді айғақтау үшін Мемлекет басшысының 7 мамыр күні жеңістің 80 жылдығына арналған әскери парадта сөйлеген сөзінен дәйек келтірейік.<blockquote>– Қазақ халқы – бейбіт халық. «Жаным – арымның садағасы» деген өр намысты, айбарлы ел. Жұртымыздың ерлік дәстүрі ғасырлар бойы ұрпақтан ұрпаққа мирас болып келеді. Алтын Орда, Қазақ хандығы кезіндегі баһадүр бабаларымыз кең байтақ жерімізді қорғап, кейінгі буынға аманат етті. Олардың бүгінгі ізбасарлары қазақтың мемлекеттілігін қас қақпай күзетіп тұр. Айбынды армия – тәуелсіздігіміздің қорғаны. Сарбаздарымыз елдің бейбіт өмірін, тұтастығы мен тыныштығын қорғауда. Қарулы Күштеріміз әлемдегі тұрақтылық пен келісімді сақтауға үлес қосып келеді. Жауынгерлеріміз Біріккен Ұлттар Ұйымының бітімгерлік миссиясына ойдағыдай қатысуда. Бұл – бүкіл әлемдегі Қазақстан армиясына деген зор сенім. Еліміздің қорғаныс қабілетін арттыру – аса маңызды міндет. Біз Қарулы Күштерімізді жаңғырта бастадық, армиямызды күшейту үшін нақты жұмыс жүргізіп жатырмыз. Осы өте маңызды мәселе бойынша Парламент заң қабылдады. Мемлекет әскери қызметшілерге, арнаулы мекемелер мен азаматтық қорғаныс саласының қызметкерлеріне әрдайым қолдау көрсетеді, – Қазақстан президенті.</blockquote>Түйін:&nbsp;Туған елі мен жерін қорғау – әрбір азаматтың парызы. Қазақ баласын осылай тәрбиелеп өсіргендігінің арқасында осынау ұлан-ғайыр атырапқа ие болдық. Бабаларамыз білектің күшімен, найзаның ұшымен әлемдегі жер көлемі жағынан тоғызыншы орынды иеленетін территорияны бізге аманат етті. Енді біз Алтай мен Атыраудың арасын жайлап жатқан байтақ жерімізді қорғап, тәуелсіздігімізді көзіміздің қарашығындай сақтап, Қазақстанымызды Мәңгілік Ел ету жолында аянбай еңбектенуіміз қажет. Өскелең ұрпаққа беретін тәрбиемізді де осы бағытқа негіздеп, туған жердің қасиеті мен киесін ұғындырғанымыз абзал.Әзиз ЖҰМАДІЛДӘҰЛЫФото: gov.kz.

Ахуалың қалай, қазақ әскері?

<a href="https://kyzylorda-news.kz/">Kyzylorda-news.kz</a> Қызылорда облыстық Татар этномәдени бірлестігінің онкүндігі аясында татар этносының ұлттық тағамы – ет пәрәмәче дайындауға арналған шеберлік сабағы өтті.Шараны бірлестік жетекшісі Галия Камилевна ашып, жылы лебізін білдірді. Іс-шара Достық үйінің хореография залында ұйымдастырылып, ұлттық тағамның қыр-сыры егжей-тегжейлі көрсетілді. Қамыр илеуден бастап, дәмді фарш әзірлеу, пәрәмәче қалыптау мен қуыруға дейінгі бүкіл процесс қатысушылардың өз қолымен жасалды.Шеберлік сабағына облыстық этномәдени бірлестік жетекшілері мен татар орталығының белсенді өкілдері қатысып, ерекше көңіл күйде өзара тәжірибе алмасты.Шара соңында бәрі өз қолдарымен дайындаған пәрәмәчтен дәм татып, ұлттық тағам арқылы халық достығы мен мәдени үндестіктің маңыздылығын тағы бір сезінді.

Онкүндік аясында шеберлік сабағын өтті

<a href="https://kyzylorda-news.kz/">Kyzylorda-news.kz</a> Жыл басынан бері су заңнамасын бұзған тұлғалардан жалпы сомасы 2,9 млн теңгеге 18 әкімшілік айыппұл өндірілді.Ал 2025 жылдың басынан бері суды заңсыз пайдалану фактілері бойынша жалпы сомасы 6,4 млн теңгеге 35 әкімшілік айыппұл салынды. Оның ішінде жоспардан тыс тексеру нәтижелері бойынша 1,4 млн теңге сомасына 12 әкімшілік айыппұл салынды, ал құқық қорғау және мемлекеттік органдардан түскен материалдар бойынша 5 млн теңгеге 23 әкімшілік айыппұл салынды.Су ресурстары және ирригация министрлігінің бассейндік инспекциялары 2025 жылдың басынан бастап 13 тексеру жүргізіп, нәтижесінде 8 заңбұзушылық анықталды. Бұл заңбұзушылықтарды жою үшін 7 ұйғарым берілді.2024 жылы су заңнамасын бұзғандардан жалпы сомасы 44,5 млн теңге болатын 556 әкімшілік айыппұл өндірілгенін айта кетейік. Сондай-ақ бассейндік инспекциялар 439 тексеру жүргізіп, оның барысында 1855 заң бұзушылық анықталды.<blockquote>«Судың «көлеңкелі нарығымен» күресу мақсатында былтыр министрлік жанынан Су ресурстарын реттеу, қорғау және пайдалану комитеті құрылды. Сондай-ақ су инспекторларының саны 98 адамнан 210-ға дейін артты. Оған қоса, заңнамаға да өзгерістер енгізілді. Жаңа Су кодексінде бассейндік инспекцияларға бақылау жүргізу құзыреті берілді. Құжат күшіне енгеннен кейін олар шұғыл әрекет ету шараларын қабылдай алады. Сонымен қатар Әкімшілік құқық бұзушылықтар туралы кодекске де өзгерістер енгізіліп, су саласындағы заңбұзушылықтар үшін жауапкершілік күшейтілді, – деді Су ресурстары және ирригация вице-министрі Нұрлан Алдамжаров.</blockquote>Фото: Су ресурстары және ирригация министрлігі

Су ресурстары қатаң бақылауда: көлеңкелі нарықпен күрес алғашқы нәтижесін берді

<a href="https://kyzylorda-news.kz/">Kyzylorda-news.kz</a> Ұлы Жеңістің 80 жылдығына орай Сырдария ауданының әкімі Берік Сәрменбаев тыл ардагерлерінің үйлеріне арнайы барып, мерекемен құттықтады. Аудан басшысымен аудандық ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов және облыстық мәслихат депутаты Жұмабек Ембергенов бірге барып, мерекелік лебіздерін жеткізді.Аудан басшысы ардагерлерге жеке барып, Мемлекет басшысы Қасым-Жомарт Кемелұлының арнайы жарлығымен берілген «Ұлы Отан соғысындағы Жеңіске 80 жыл» мерекелік медалі мен Алғыс хат табыс етіп, сый-құрмет көрсетті. Сондай-ақ, тыл ардагерлерінің табанды еңбектері мен ерен ерліктерін айрықша атап өтіп, олардың өнегелі өмір жолы – өскелең ұрпаққа үлгі екенін жеткізді.Тыл еңбеккерлері аудан әкімінің ыстық ықыласына ризашылықтарын білдіріп, елге амандық пен тыныштық тілеп, ақ баталарын берді.Сондай-ақ, аудан әкімінің орынбасарлары мен аппарат басшысы тыл ардагерлеріне мерекелік медальді үйлеріне барып табыстап, мерекемен құттықтады.<img src="https://knadmin.beoblood.kz/uploads/Tyl_ardagerleri_8b99c462dc.jpg" alt="Тыл ардагерлері.jpg">

Тыл ардагерлеріне құрмет көрсетті

<a href="https://kyzylorda-news.kz/">Kyzylorda-news.kz</a> Арал ауданында Жеңістің 80 жылдығына орай аудан әкімдігінің жүлдесі үшін облыстық ат бәйгесі өтті.Қала сыртындағы ипподромға таңмен таласып ағылған көлікте есеп жоқ. Барлығы да ат бәйгесін тамашалауға асық. Жылқы десе делебесі қозатын халықтың жал-құйрығы таралып, тынысы ашылған сәйгүліктерге көрсеткен қошеметі ерекше. Кіл үздіктер бұл жолы да еліміздің әр өңірінен келді.Ат бәйгесіне барлығы 90-ға жуық аса сәйгүлік қосылды. Қатарында тай, құнан, топ және аламанның апайтөс арғымақтары бар.Бәйге тай жарысынан басталды. Онда ауыздығымен алысқан 18 сәйгүлік жарыс жолына шықты. Нәтижесінде Қазалы ауданының шабандоздары бірінші, екінші орындарды еншіледі. Бекарыстан би ауылының тұрғыны О.Смағұловтың «Хан» күреңі бірінші келсе, Жанкент ауылының тұрғыны С.Орынбасаровтың «Ниет» торысы мәре сызығын екінші болып кесті. Ал ауданға қарасты Қызылжар ауылынан келген С.Қарауымбетовтың «Адият» қара қасқасы мәреге үшінші келді.Көпшілік көз тіккен жүйріктер сайысы мұнан соң құнан бәйгесіне ұласты. Бұл сында 21 тұлпар сөреден серпіле ұмтылды. 10 шақырым қашықтықты ең бірінші болып Аралқұмнан келген «Шулат» торы еңсеріп өтті. Екінші орын қармақшылық Ғ.Ұзақбаевтың «Тастұяқ» торысына бұйырса, үшінші орынды Аралқұмнан келген «Жұлдызай» торы олжалады.<img src="https://knadmin.beoblood.kz/uploads/Aral_at_b_jgesi_3_80b6cd1972.jpg" alt="Арал ат бәйгесі 3.jpg">15 шықырымға созылған топ бәйге бойынша жарыс жолына 26 жүйрік шығып, ішінен Жалғаш ауданы, Аққыр ауылынан келген «Ханторы» алдына қара салмай келді. Екінші орынды Қазалының Құмжиек ауылынан келген «Алагөз» күреңі еншіледі. Ал жүлделі үштік ауданға қарасты Бөген ауылынан келген «Ақ желең» торысына бұйырды.Қай бәйгеде болмасын көрермен аламаннан айрықша әсер алады емес пе?! Бұл жолы да солай болды. Дүбірлі додаға 22 сәйгүлік шықты. Үміт пен сенім ұштасқан үлкен бәйгеде арғымақтар 20 шақырымдық қашықтыққа шапты. Жарыс жолының соңына қарай кіл мықты сәйгүліктер суырылып алға ұмтыла бастады.&nbsp;Бақ пен бап қатар шапқан бұл жарыста бас жүлде шөмішкөлдік Анапияевтер әулетінің «Самалтау» торысына бұйырды. Ал екінші орынды Жалағаш ауданы, Жаңаталап ауылынан келген «Құлагер» атты қаракер еншілесе, үшінші орын Құмбазар ауылынан қатысқан «Қозы» күреңге бұйырды.Жүлдеге іліккен барша арғымақтарға аудан бюджеті және демеушілер есебінен тағайындалған қаржылай сыйлықтар табысталды.&nbsp;<img src="https://knadmin.beoblood.kz/uploads/Aral_at_b_jgesi_2_9ab2722d52.jpg" alt="Арал ат бәйгесі 2.jpg">

Аралда облыстық ат бәйгесі өтті

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаменті Есірткі қылмысына қарсы іс-қимыл басқармасы тарапынан оқу орындары арасында «Есірткіден аулақ бол!» тақырыбында билбордтар байқауы ұйымдастырылды.<img src="https://knadmin.beoblood.kz/uploads/V_uchebnyh_zavedeniyah_razmestili_antinarkoticheskie_bilbordy_965be9b705.jpg" alt="В учебных заведениях разместили антинаркотические билборды.jpg">Байқаудың негізгі мақсаты – кәмелетке толмағандар арасындағы нашақорлық мәселесін түсіндіру ақпаратты қолжетімді түрде ұсыну.Финалдық байқауға сайысқа қатысушы оқу орындары 20 үздік билборд шығарды. Байқауға қатысушылар өз ойларын ортаға салуға шығармашылық көзқараспен қарап, нашақорлық проблемаларын билбордтары арқылы көрсете білді. Сонымен қатар, ең маңыздысы «ескерту» билбордтары үнемі оқушылардың, өтіп бара жатқан азаматтардың және жүргізушілердің назарында үнемі болып, тиісті әсерін беретіндігі анық.<img src="https://knadmin.beoblood.kz/uploads/V_uchebnyh_zavedeniyah_razmestili_antinarkoticheskie_bilbordy_1_b7e151507c.jpg" alt="В учебных заведениях разместили антинаркотические билборды 1.jpg">Сайыс қорытындысы бойынша Қазалы ауданының №103 және 16 орта мектебі мен мектеп-лицейі, Жалағаш ауданының №202 орта мектебі және Сырдария ауданының №42 мектеп-лицейі үздік деп танылып, жеңімпаз атанды.

Архив