<a href="https://kyzylorda-news.kz/">Kyzylorda-news.kz</a> Көрнекті мемлекет және қоғам қайраткері, экономика ғылымдарының докторы, профессор, «Отан», «Парасат», «Құрмет», І дәрежелі «Барыс» ордендерінің және Ресей Федерациясының «Достық» орденінің иегері, Қызылорда, Ақтөбе, Оңтүстік Қазақстан және Шығыс Қазақстан облыстарының Құрметті азаматы Сапарбаев Бердібек Машбекұлын еске алуға арналған жасөспірімдер арасындағы үстел теннисінен республикалық турнир өз мәресіне жетті.Жарысқа Түркістан, Қызылорда облысынан және Шымкент қаласынан 15 команда, барлығы 182 спортшы қатысты.Турнир қорытындысы бойынша төмендегі спортшылар жеңімпаз атанды.2010 – 2012 жылы туған ұлдар арасында өткен жарыста түркістандық Ермаханұлы Абылайхан жеңімпаз атанды. II орын шымкенттік Хавазметов Бекзод, III орын Бакуов Азиз (Қызылорда қаласы) және Балымбек Бағдаулет бұйырды.2010 – 2012 жылы туған қыздар арасындағы жарыста Шымкенттік Қосар Томирис жеңімпаз атанса, II орын Камилжанова Ойдын (Шымкент қаласы), III орын Әлжанова Хадиша (Қызылорда қаласы) мен Аязбаева Айаруға (Қармақшы ауданы) бұйырды.2013 жылы туған ұлдар арасындағы жарыста қызылордалық Айдарбек Әлемби жеңімпаз атанса, II орынды Маратұлы Даниял (Қызылорда қаласы), III орынды Сейілбек Мейрамбек (Түркістан) және жаңақорғандық Шанжарханұлы Нұрдаулет жеңіп алды.Ал 2013 жылы туған қыздар арасындағы жарыста жаңақорғандық Есенбек Гүлсезім жеңімпаз атанса, II орынды Құрбанбаева Гүлназ (Шымкент қаласы), III орынды Манаева Нұрай (Шымкент қаласы) және Әлжанова Аделя (Қызылорда қаласы) жүлдегер атанды.Барлық жеңімпаздар мен жүлдегерлерге демеушілердің арнайы тағайындалған медаль, кубок және бағалы сыйлықтары табыс етілді.Фото: Жаңақорған ауданының әкімдігі

Жасөспірімдер арасындағы үстел теннисінен республикалық турнир өтті

<a href="https://kyzylorda-news.kz/">Kyzylorda-news.kz</a>&nbsp; Бүгін Арал ауданының әкімі А.Оңғарбаев 24 қазан – Кітапханашылар күні мерекесіне орай бір топ сала мамандарын қабылдап, құрмет көрсетті.Аудан басшысы кездесуде кітап пен кітапхананың маңыздылығына тоқталып, қос құндылықтың қадірлі мамандарына, олардың еңбегіне ерекше тоқталып өтті.<blockquote>– Қадірлі кітапханашылар, құрметті руханият жанашырлары! Біріншіден біз бұл мерекені тек кәсіби кітапханашылардың ғана емес, ең алдымен кітаптарды жақсы көретін, кітапханашының мәдени және қоғамдық өміріндегі орасан зор рөлін түсінетін адамдардың мерекесі ретінде бағалауымыз керек. Кітап пен кітапхана бір-бірінен бөле-жарып қарауға келмейтін егіз ұғым. Кітап адамзат өркениеті үшін айнымас азыққа айналса, кітапхана ғасырлар бойы келе жатқан биік парасаттылық пен білімділіктің киелі ордасы. Сол киелі орданың қадірлісіне айналған Сіздердің орындарыңыз біз үшін бөлек. Қасиетті қазынамызды көздің қарашығындай сақтап, насихаттап, ел игілігіне жаратып жүрген Сіздерге ерекше Алғысымды білдіремін, – деді аудан әкімі.</blockquote>Сондай-ақ, бұл саладағы кейбір өзекті мәселелерді тілге тиек етіп, оны алдағы уақытта шешу жолдарын қарастыратынын жеткізді.Мерекелік басқосуда осы салада еңбек етіп келе жатқан бір топ кітапханашыларға аудан әкімінің Алғысы табысталып, арнайы сый-құрмет көрсетілді.Кітапханашылар атынан Қызылжар ауылдық кітапханасының кітапханашысы Мөлдір Айымбетова әріптестерін мерекемен құттықтап, айтулы күнді ескерусіз қалдырмай құрмет білдіріп жатқан аудан әкіміне ризашылығын білдірді.Фото: Арал ауданы

Аудан әкімі кітапханашыларды қабылдады

<a href="https://kyzylorda-news.kz/">Kyzylorda-news.kz</a> Қалалық № 20 кітапхананың ұйымдастыруымен &nbsp;Абай атындағы үш тілді дарынды баларға арналған мектеп оқушыларының қатысуымен қазақ халықына шешендігімен аты қалған &nbsp;Әйтеке би Байбекұлының – 380 жылдығына арналған «Әйтеке бидің ақ жолы» атты тарихи кеш өтті.Іс-шара барысында журналист, ақын, Қазақстан жазушылар одағы Қызылорда обылыстық филиалының төрағасы Қаршыға Есімсейітова &nbsp;Өзбекстан жеріне барып Әйтеке бабамыздың Нұрата тауының етегінде мәңгілік мекен тапқаны жайында өзінің журналтстік жолында атқарған үлкен еңбегі туралы өскелең ұрпаққа мол мағлұмат берді.Сонымен бірге Қазақстан журналистер одағының мүшесі, филология ғылымдарының кандидаты, «Ұстаз мәртебесі» &nbsp;газетінің бас редакторы Нұрлан Көбегенұлы, Әйтеке би Байбекұлының 380 жылдығына байланысты жыл басынан бері өтіп жатқан іс-шаралардың маңызы және Әйтеке бабамыздың өмірі мен шешендік сөздері болашақ жастарға үлгі өнеге болып үлкен рухани байлық беретіні жайлы айтып өтті.Шараға Қызылорда обылыстық &nbsp;филормониясы, Жыраулар үйінің дәстүрлі орындаушысы, республикалық, халықаралық байқаулардың лауреаты Әділхан Қуаңбаев, Абай атындағы ДБА мектебінің тарих пәнінің мұғалімі &nbsp;Асқар Шарманов қатысып, Әйтеке бидің еңбегі мен өмірі ұдайы өскелең ұрпаққа тереңдетіліп оқылуы керек деді.Тарихи кеште жастар да өз білген-түйгендерін ортаға салып, Әйтеке би Байбекұлы туралы тың ақпараттарды білді.<img src="https://knadmin.beoblood.kz/uploads/d9d94f4c_f053_4b27_b629_251c4c9f8d0d_045cecd45f.jpg" alt="d9d94f4c-f053-4b27-b629-251c4c9f8d0d.jpg">

«Әйтеке бидің ақ жолы» атты тарихи кеш өтті

<a href="https://kyzylorda-news.kz/">Kyzylorda-news.kz</a>&nbsp; 100 жыл&nbsp;бұрын (1924-2022) әйгілі қазақ жазушысы, публицист, қоғам қайраткері, Қазақстанның Халық жазушысы, Қазақстан Жазушылар одағының мүшесі&nbsp;Әбдіжәміл Кәрімұлы НҰРПЕЙІСОВ&nbsp;дүниеге <a href="https://sn.kz/sn-akparat-agyny/117328-bugin-kazak-debietinin-klassigi-bdizh-mil-nurpeiisovti-tugan-kuni">келді.</a>Қызылорда облысы Арал ауданында туған. Екінші дүниежүзілік соғысқа қатысқан. Мәскеудегі М.Горький атындағы әдебиет институтын бітірген.1962-1964 жылдары «Жұлдыз» журналының бас редакторы болған. 1992-2000 жылдары Қазақ ПЕН-клубының президенті, 2000 жылдан «Таң-Шолпан» журналы редакторлар кеңесінің төрағасы қызметін атқарған.Тұңғыш шығармасы – Екінші дүниежүзілік соғыс тақырыбына арналған «Курляндия» романы 1950 жылы жарық көрді. Бұл шығармасы үшін жазушыға Жамбыл атындағы республикалық сыйлық берілді. «Курляндия» романы кейіннен өңделіп, толықтырып, 1958 жылы «Күткен күн» деген атпен қайта жарияланды. «Қан мен тер» трилогиясы және «Сең», «Соңғы парыз» романдары дүниежүзі халықтарының көптеген тілдеріне аударылған. «Қан мен тер» трилогиясы орыс, француз, испан, чех, румын және түрік тілдеріне аударылған. Осы роман бойынша жасалған инсценировкасы М. Әуезов атындағы академиялық қазақ драма театрының репертуарынан тұрақты орын алып, экранға шығарылған. Таңдамалы әдеби-сын мақалалары «Толғау» (кейіннен «Жүрегі толы жыр еді») деген атпен қазақ және орыс тілдерінде жеке кітап болып шыққан. 1985 жылы «Ақбидай туралы аңыз» атты очерктер жинағы жарық көрген. А. Чеховтың, М. Горькийдің, Назым Хикметтің, испан жазушысы А. Кэсоның шығармаларын қазақ тіліне аударған.1974 жылы КСРО мемлекеттік сыйлығының лауреаты, 2001 жылы Мәскеудегі Халықаралық Әдеби қордың «За честь и достойнство», 2003 жылы Халықаралық М.Шолохов атындағы сыйлықтардың лауреаты атанған. Қызыл Жұлдыз, Еңбек Қызыл Ту, «Құрмет Белгісі» ордендерімен және медальдармен марапатталған.Фото: wikipedia.org

Бүгін – қазақ әдебиетінің классигі Әбдіжәміл Нұрпейісовтің туған күні

<a href="https://kyzylorda-news.kz/">Kyzylorda-news.kz</a> Жаңалықтардан «алаяқтар&nbsp;қазақстандықтардың&nbsp;дербес &nbsp;деректерін&nbsp;қолға&nbsp;түсірді»&nbsp;дегенді&nbsp;жиі&nbsp;естіп, көріп жатамыз,&nbsp;алайда&nbsp;«дербес&nbsp;деректер»&nbsp;дегеннің&nbsp;нақты&nbsp;не&nbsp;екенін&nbsp;екінің&nbsp;бірі&nbsp;біле&nbsp;бермейді.&nbsp;Fingramota.kz осы&nbsp;жайлы&nbsp;толығырақ&nbsp;айтып&nbsp;береді&nbsp;және&nbsp;сізді&nbsp;және сіздің&nbsp;ақшаңызды&nbsp;алаяқтардан&nbsp;қорғау&nbsp;үшін&nbsp;пайдалы&nbsp;кеңестер&nbsp;ұсынады.Дербес деректер – бұл адамның жеке басын сәйкестендіретін ақпарат және олар түрлі тасымалдағыштарда, мысалы, қағазда немесе электрондық тасымалдағыштарда тіркелген. Дербес деректерге біздің «сауалнамалық» деректеріміз жатады: тегі, аты, әкесінің аты (бар болса), туған күні мен жері, тұрғылықты жері мен тіркеу мекен-жайлары, телефон нөмірлері, ЖСН, сондай-ақ төлқұжаттағы, жеке куәліктегі, жүргізуші куәлігіндегі ақпараттар. Одан бөлек – банк деректемелері мен карта деректері, оның ішінде картаның нөмірі, қолданыс мерзімі, сыртқы жағындағы код, сақтандыру полисінің, зейнетақы шартының деректері және тағы басқалары жатады. Қысқаша айтқанда, бізді анықтап, сипаттайтын және бізге тікелей немесе жанама түрде байланысы бар кез келген мәліметтер – бұл біздің дербес деректеріміз. Мұндай деректерді мемлекеттік ұйымдар, мысалы, ауруханалар, полиция, салық қызметі және т.б., сондай-ақ жеке ұйымдар – банктер, микроқаржы ұйымдары, туристік агенттіктер, қонақ үйлер және өзге компаниялар мен адамдар жинауы мүмкін.Алайда, мұнда ескеретін маңызды жәйт: дербес деректердің кейбірі жалпыға қолжетімді болуы мүмкін, яғни олар интернетте, баспасөзде, қағаз анықтамалықтарда және т.б. ашық түрде болады. Ал кейбір деректерге қол жеткізу шектеулі болады, заңға сәйкес мұндай дербес деректерге конфиденциалдылық талаптары қойылады. Оларды алу үшін адамның келісімі қажет. Конфиденциалды ақпарат – бұл құпия сипаттағы мәліметтер, оларды қорғап, бөгде адамдарға айтуға болмайды. Алаяқтардың «арманына» айналған қол жеткізу шектеулі деректерге картаның, банк шотының деректемелері, қаржы мобильдік қосымшаларға арналған пин-кодтар мен құпиясөздер, қаржы операцияларын растау үшін SMS немесе push-хабарламалармен келетін кодтар.Дербес деректердің маңыздылығын ескере отырып, оларды қорғау сіздің басты міндетіңіз болып табылатыны таңқалатын нәрсе емес. Егер оған немқұрайды қарайтын болсаңыз, онда сіз күн сайын жетілдіріліп отыратын әр түрлі алаяқтық схемалардың құрбаны боласыз. Гүл шоқтарын, сәлемдемелерді жеткіземіз деген желеумен, сондай-ақ өздерін қаржы ұйымдарының, Ұлттық Банктің, БЖЗҚ-ның, ҰҚК-нің, ХҚКО қызметкерлері, салық қызметкерлері, коммуналдық қызмет қызметкерлері және т.б. ретінде таныстыра отырып, алаяқтар азаматтармен байланысып, өз нөмірлерін, тіпті «1414» қысқа нөмірін де қолдан жасап, жалған құжаттарды ұсына отырып, әлеуетті құрбандардың құпия дербес деректерін біліп алуға тырысады.Алаяқтар адамдардың&nbsp;дербес &nbsp;деректерін қалай пайдаланады&nbsp;Біріншіден, шабуылдаушылар ұрланған дербес деректерді сіздің атыңыздан банктік қарыздарды, микрокредиттерді рәсімдеу үшін пайдалана алады.Екіншіден, алаяқтар дроп карталарға ақша аудару, онлайн сатып алу немесе шоттардан қолма-қол ақша алу жолын табу арқылы банк шоттарына қол жеткізе алады.Үшіншіден, қылмыскерлер зиянды бағдарламалар немесе фишингтік сілтемелер арқылы құрылғыларды бұзып, пайдаланушы туралы барлық ақпаратты қолды етеді, мысалы, танымал мессенджерлер немесе электрондық пошта арқылы сіздің атыңыздан жақын адамдарға спам жіберуі мүмкін.Төртіншіден, ұрланған дербес деректерді әлеуметтік желілерде жалған профильдер жасау үшін де пайдаланады. Алаяқтар сіздің атыңыздан достарыңыз бен жақындарыңыздан ақша алуға тырысады.Бесіншіден, алаяқтар сіздің дербес деректеріңіз сіз үшін аса құнды болып табылатынын және олардың көпшілікке жария етілуін қаламайтыныңызды білсе, бопсалау мен қоқан-лоққы көрсету тәсілін қолдануға тырысады. Қаскүнемдер сізден ақша талап етеді, тіпті сіз оларға қажетті соманы берсеңіз немесе олардың басқа нұсқауларын орындасаңыз да, олар мұнымен тоқтап қалмайды және ақшаны қайта-қайта төлеуді талап етеді.Дербес&nbsp;деректерді қалай қорғауға боладыБірінші және ең басты ереже – қол жеткізуі шектеулі дербес деректерді телефон немесе мессенджерлер арқылы бермеңіз, әсіресе, әлеуметтік желілерде жарияламаңыз. Төлқұжатыңыздың деректерін, картаңыздың толық деректемелерін немесе SMS-пен келген кодтарды бейтаныс адамдарға айтпаңыз. Тағы да естеріңізге саламыз: банктер мен басқа да қаржы ұйымдарының, құқық қорғау органдарының қызметкерлері және басқа да адал компаниялар мұндай ақпаратты бірінші болып сұрамайды және ақшаны «қауіпсіз» шотқа аударуды талап етпейді немесе құрылғыға кіруге мүмкіндік беретін мобильдік қосымшаны шұғыл жүктеп алуды сұрамайды.Егер сіз жөнелтілімдерге, гүл шоқтарына тапсырыс бермесеңіз, сыйлықтар ұтысына қатыспасаңыз, тауарды алу үшін SMS-пен келген кодты сұрайтын жалған курьерлерге сенбеңіз. Егер сіздің картаңызға белгісіз адамдардан ақша түскен болса, оны шешіп, пайдалануға асықпаңыз. Мұндай&nbsp;қателік сізге қымбатқа түсуі мүмкін, банкке өтінішпен жүгінген жөн.Қаржы институттарының қосымшаларындағы, eGov платформасындағы, маркетплейстердегі және әлеуметтік желілердегі аккаунттарыңызды қорғаңыз. Әрбір сервиске бірегей, күрделі құпиясөз орнатып, оларды үнемі өзгертіп отырыңыз. Сондай-ақ, екі факторлы аутентификаттауды қосыңыз – бұл аккаунттарыңызға кіру кезінде қосымша қорғау деңгейін қамтамасыз етеді.<img src="https://knadmin.beoblood.kz/uploads/Whats_App_Image_2024_10_21_at_17_03_14_4fbb15c8dc.jpeg" alt="WhatsApp Image 2024-10-21 at 17.03.14.jpeg">Дербес деректерді шифрланбаған күйде, әсіресе мессенджерлерде сақтамаңыз.Бейтаныс адамдардан келген сілтемелер мен файлдарды ашпаңыз. Тіпті жақындарыңыздан келген хаттарды да антивирус арқылы тексеріңіз – мүмкін олардың құрылғылары бұзылған шығар. Алаяқтар жиі фишингті пайдаланып, жалған сайттар немесе зиянды бағдарламалар арқылы дербес деректерді ұрлайды, олар осындай хаттар немесе SMS-хабарлар, сондай-ақ куар-кодтар арқылы таралады. Вирусқа қарсы бағдарламаларды үнемі жаңартып тұруды ұмытпаңыз.Сайттарда немесе қосымшаларда тіркелу кезінде дербес деректерді пайдалану талаптарын мұқият оқыңыз, олар сіз туралы ақпаратты қай жерде және қалай қолданатынын түсініңіз. Кейбір шетелдік фастфуд мейрамханаларының қосымшалары тапсырыс беру кезінде экранды жазып алған жағдайлар анықталған. Қосымшаларды орнатпас бұрын пікірлерді мұқият оқып, оларды тек ресми дүкендерден жүктеп алыңыз.Сіздің атыңыздан жалған қарыз алынбағанын тексеру үшін кредиттік бюролардан: Мемлекеттік кредиттік бюро немесе Бірінші кредиттік бюро немесе «электрондық үкімет» порталынан өзіңіздің кредиттік есебіңізді үнемі тексеріп отырыңыз.Алаяқтар сіздің төлем деректеріңізді қолға түсірсе, не істеу керекАлаяқтар жеке деректерді алған жағдайда, мына қадамдарды орындаңыз:Дереу банкке хабарласып, картаны немесе шотты бұғаттаңыз;Полицияға өтініш жазыңыз, әсіресе егер сіздің деректеріңіз кредиттерді немесе басқа қаржылық операцияларды ресімдеу үшін пайдаланылса;Банк қосымшаларыңыздағы, мемлекеттік қызметтердегі есептік жазбаңызды және басқа да аккаунттарыңызды тексеріңіз, олар бұзылмағанына көз жеткізіңіз. Қауіпсіздік үшін барлық құпиясөздерді өзгертіп, екі факторлы аутентификацияны қосыңыз;Егер сіздің деректеріңіз маркетплейстен немесе банктен тарап кеткеніне сенімді болсаңыз, олардың қолдау қызметіне хабарласып, деректерді қорғау үшін қандай шаралар қолданылып жатқанын сұраңыз. Полицияға өтініш бергенде деректердің тараған көзі туралы хабарлауды ұмытпаңыз. Сақ болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Неге бейтаныс адамдарға «барлық картаны ашуға» болмайды?  

<a href="https://kyzylorda-news.kz/">Kyzylorda-news.kz</a> 24 қазан – Кітапханашылар күні. Бүгінде облыс бойынша 209 мемлекеттік кітапхана бар. Ондағы барлық кітаптар саны 4 561 006 дананы құраса, облыс кітапханалары жыл басынан бері 196 865 оқырманға қызмет көрсеткен. Айтулы күнге орай Ә.Тәжібаев атындағы облыстық әмбебап ғылыми кітапханасында «Кітап және қаламгер» атты республикалық семинар өтті.&nbsp;Семинар жұмыстарына ҚР Ұлттық академиялық кітапханасының мамандары арнайы келіп, облыс кітапханашылары үшін шеберлік сабағын өткізді. Бұл туралы Өңірлік коммуникациялар қызметі ұйымдастырған көшпелі брифингте Ә.Тәжібаев атындағы облыстық әмбебап-ғылыми кітапханасының директоры Нұрлыбек Мыңжас мәлімдеді.<blockquote>– Бүгінгі семинар драматург, филология ғылымдарының докторы, Қазақстанның халық жазушысы Әбділда Тәжібаевтың 115 жылдығымен қатар, 24 қазан – Кітапханашылар күні мерекесіне орай ұйымдастырылды. Семинарда облыс кітапханашылары «Өрелінің өрісі кең» тақырыбында ұйымдастырылған интеллектуалды ойынға қатысты. Жалпы, бүгінде облыс кітапханаларының қорында 9 411 дана жаңа кітап алынып, 148 422 құжат цифрлық форматқа көшірілді. Сонымен қатар, кітап оқуды насихаттау және халықтың кітап оқуға деген қызығушылығын арттыру мақсатында "Кітапшоу", "Kitap Time" фестивальдері, республикалық "Бір ел - бір кітап" акциясы, "Үздік оқырман" бенефисі, "Оқитын өлке" акциясы, "Кітаппен бірге өсеміз" жобалары мен оқу марафондары, акциялар ұйымдастырылды.</blockquote><blockquote>Өңірдегі кітапхана ісін дамыту мақсатында жаңа бастама да қолға алынды. Ә.Тәжібаев атындағы облыстық әмбебап ғылыми кітапханасы мен аудандардағы орталық кітапханалардың жұмыс режимі 9.00-ден 00.00-ге дейін ұзартылды. Қазіргі таңда біздің кітапханада 1 003 дана сирек және құнды басылым болса, оның 72-сі қазақ тілінде. Одан бөлек, "Адал адам" мәдени-тәрбиелік орталық жанынан "Әлем BOOK" оқырмандар клубы құрылып, жоспар бойынша мәдени шаралар тұрақты түрде ұйымдастырылып келеді,- деді Нұрлыбек Кәрібозұлы.</blockquote><img src="https://knadmin.beoblood.kz/uploads/kitaphanashylar_k_ni_4b5cf7ae78.jpg" alt="кітапханашылар күні.jpg">Фото: egemen.kz

«Кітап және қаламгер» атты республикалық семинар өтті

<a href="https://kyzylorda-news.kz/">Kyzylorda-news.kz</a> Ақпарат Telegram-дағы "Письма президента" арнасында жарияланды.Алматы облысында зорлық жасады деген күдікті изолятордан қашып кетті, – деп хабарлайды <a href="https://aikyn.kz/">Aikyn.kz</a>.Ақпарат Telegram-дағы "Письма президента" арнасында жарияланды. Онда қашып кеткен адам бірінші өзіне қол жұмсамақ болғаны айтылған. Кейін облыстық ПД өкілдері ақпаратты растады.<blockquote>"Уақытша ұстау изоляторынан зорлау жасады деген күдікпен қамауда отырған азамат К. қашып кетті. Осыған байланысты "Сирена" жоспары енгізілді. Негізгі жолдарға блокбекеттер қойылып, қашқынды іздеп табу және ұстау үшін барлық күш пен құралдар жұмылдырылды", – делінген полиция ақпаратында.</blockquote>Қашу фактісін анықтау үшін қызметтік тексеру тағайындалды. Жағдай облыстық Полиция департаменті басшылығының бақылауында екені айтылды.&nbsp;Фото: istockphoto.com

"Блокбекеттер қойылды": Талғарда зорлық жасаған күдікті изолятордан қашып кетті

<a href="https://kyzylorda-news.kz/">Kyzylorda-news.kz</a> Отбасы - тәрбие институты. Бала балалық шағында отбасынан не алса, оны кейін өмір бойы есінде сақтайды. Бірде бір тәрбие орталығы шаңырақтағы тәрбиемен салыстыруға келмейді. Өйткені үйде бала ең алдымен өзінің мінез-құлық нормаларын қалыптастырып, ортамен қарым-қатынасты игереді. Жасөспірімдер кезеңінде ата-аналар қандай қателіктер жібереді?&nbsp;Баланың психологиялық дамуына ата-ананың мінез-құлқы қаншалықты ықпал етеді? Осы және өзге де сұрақтар баспасөз алаңында талқыланды. «Бала тәрбиесіндегі ата-ана жауапкершілігі» тақырыбында Өңірлік коммуникациялар қызметінің жанынан құрылған сарапшылар тобы ойын ортаға салып, журналистердің сұрақтарына жауап берді.&nbsp;<blockquote>«Балаға қазақы тәрбиені сіңіргіміз келсе ата-әжені үйге қайтаруымыз керек. Абайды да Шоқанды да тәрбиелеген әжелері. «Ұяда не көрсең, ұшқанда соны ілесің» дегендей бала үйінде көрген тәрбиесі өмір бойына оның әдетіне айналады. Қазақ баланы «ұят болады, обал болады, сауап болады» деген үш қағидамен тәрбиелеген. Қандай жағдай да осы үш қағидамен баланы тоқтата білді, балаға демеу болды, алға қарай жылжуына жәрдем берді», - деді Қорқыт ата Қызылорда университетінің сыбайлас жемқорлыққа қарсы комплеанс-офицері, сарапшы Әлібек Жаппасбаев.</blockquote>Бала тәрбиесінде алғашқы ұстаз, басты тұлға ол өзінің ата-анасы. Сондықтан әке де, шеше де балаларының жан дүниесіне үңіліп, мінез-құлқындағы ерекшеліктерді жете білгені жөн. Балалармен әңгімелескенде олардың пікірімен де санасып отырған орынды. Бұл туралы Қызылорда қаласындағы №257 мектептің ата-аналар комитетінің өкілі &nbsp;Жанат Қараманова тарқатып айтып берді.&nbsp;<blockquote>«Өз баласымен ашық сөйлесе алмай, сырласа білмейтін ата-аналар "Екеуміз де жұмыстамыз, кешкісін үй шаруасынан қол тимейді, баламен сөйлесуге уақыт жоқ" дегенді айтады. Бұл дұрыс емес. Баламен сөйлесуге тіпті арнайы уақыт бөлудің қажеті жоқ. Әке мен шеше ұл-қыздарымен үй шаруасында жүріп-ақ әңгімелесіп, ой бөлісуге неге болмасқа?! "Әкеге қарап ұл өсер, анаға қарап қыз өсер" дейді халық даналығы. Отбасындағы басты мәселелердің бірі – баланың бойына барлық жақсы қасиеттерді дарытып, жанында жүрген жолдастарына дейін мән беруі керек. Сондай-ақ, табиғат сыйлаған дарыны болса соны дамытып, дұрыс білім алуына жағдай жасау да ата-ананың өмірлік парызы,-деді Жанат Тұяқбайқызы.&nbsp;</blockquote>Жақсы ата-ана жақсы балаларды тәрбиелейді. Болашақ ата-аналар арнайы әдебиеттерді оқу немесе тәрбиенің арнайы әдістерін меңгеру арқылы жақсы ата-ана боламын деп ойлайды. Бірақ тек білім алу жеткіліксіз. Сарапшылар баланы тәрбиелегісі келген ата-ана алдымен өз бойын түзеу керегін айтты.&nbsp;<blockquote>«Балалы әр бір ата-ана еш себепке қарамастан бала тәрбиесіндегі жауапкершілікті естен шығармауы керек. Бала үшін алғашқы ұстаз – ата-ана. Одан кейін білім беру ұйымдарындағы мұғалімдері. Кез келген бала жасаған тәртіпсіздігі мен басына түскен қиындығын ата-анасына қорықпай жеткізе білуі керек. Ата-анасы баланың мінсіз болғанын қалап, дауыс көтеріп ұрыса беретін болса, бала ешқашан ата-анаға ашылып әңгімесін айтпайды. Өйткені олар жазаланудан қорғады. Сондықтан жасөспірім шақта баламен дұрыс қарым-қатынас орнату маңызды», - деді Қызылорда облысы «Орда» жоғары колледжінің әдіскері, сарапшы Айнұр Бекенова.&nbsp;</blockquote><img src="https://knadmin.beoblood.kz/uploads/464244022_2125888194473348_4749369575442273421_n_47442baea4.jpg" alt="464244022_2125888194473348_4749369575442273421_n.jpg">Фото: anabol.kz

Бала тәрбиесіндегі ата-ананың жауапкершілігі тең болуы керек

<a href="https://kyzylorda-news.kz/">Kyzylorda-news.kz</a> Медициналық көмек көрсетуге үміткер медициналық ұйымдардың базасын жаңарту сатып алу науқаны басталғанға дейін жүргізіледі. Жыл сайын 1 қазаннан 31 қазанға дейін Қордың базасына жеткізуші ретінде енген денсаулық сақтау субъектілері веб-портал арқылы базадағы ақпараттарды жаңарту үшін өтінім береді.Биыл Қор мамандары алғаш рет медициналық ұйымдардың деректер базасын жаңарту аясында медициналық ұйымдарды тексеруге кірісті. Алғашқы кезеңде облыс орталықтарында орналасқан медициналық нысандар тексеріледі.Қор сарапшылары жұмыс барысында медициналық қызмет жеткізушілерінің өндірістік базаларын тексереді, олардың ішінде:- медициналық және фармацевтикалық қызметті жүзеге асыруға арналған лицензиялар;- халықтың санитарлық-эпидемиологиялық әл-ауқатын қамтамасыз ету саласындағы рұқсат құжаттары;- ионды сәулелену шығаратын құралдар мен құрылғылармен жұмыс істеуге лицензиялар (қажет болған жағдайда);- есірткі құралдары, психотроптық заттар мен прекурсорларды айналымға енгізу саласындағы қызметті жүзеге асыруға лицензиялар (қажет болған жағдайда);- медициналық қызмет түрлері бойынша лицензияға қосымшалар, сондай-ақ қажетті инфрақұрылымның (қарау кабинеті, екпе кабинеті және т.б.) болуы;- қызмет көрсету үшін қажетті жабдықтардың болуы, стационардағы төсектердің санының денсаулық сақтау басқармасының бұйрығына және санитарлық-эпидемиологиялық қызмет қорытындысына сәйкестігі;- дәріханалар мен есірткі заттарын сақтау бөлмелері нормативтік құқықтық акт талаптарына сәйкес болуы.Медициналық көмек көрсету түрлері немесе шарттары бойынша базалық деректерді қосу немесе жаңарту үшін өтініш берген медициналық ұйымдарды тексеру нәтижесінде Қор деректерді жаңартады, ал сәйкессіздіктер анықталған жағдайда, жеткізушіге бұзушылықтарды көрсететін қорытынды жібереді.Медициналық ұйымдар өз кезегінде бұзушылықтарды жоюға құқылы және деректер базасын жаңарту үшін өтінішті қайтадан береді. Анықталған бұзушылықтар бойынша материалдар медициналық қызмет көрсету саласындағы мемлекеттік органға әкімшілік шаралар қабылдау үшін жіберіледі.

Архив