&nbsp;&nbsp;&nbsp; <a href="https://kyzylorda-news.kz/">Kyzylorda-news.kz.</a>&nbsp; Бүгінде Қызылорда қаласы бойынша тұрғын үйге мұқтаж адамдардың 6 дара тізімі бойынша 26762 отбасы кезекке тіркелген. Тұрғын үйге мұқтаж азаматтарды есепке алу және кезекке қою «Kezekte.kz» ақпараттық жүйелер платформасындағы «Shanyraq» ақпараттық қызметінде жүзеге асырылады.&nbsp; Баспана мәселесі қашанда өзекті. Тұрғындарды үй-жаймен қамтамасыз етуде түрлі мемлекеттік бағдарламалар іске асырылып, әлеуметтік осал топ санатындағы азаматтарды тұрғын үймен қамтамасыз етуде мемлекет тарапынан жеңілдіктер қарастырылған. Сонымен қатар қазіргі таңда тұрғын үй кезектілігін реттеу жұмыстары жүргізілуде. Осы орайда қалалық тұрғын үй инспекциясы бөлімінің басшысы Абзал Рысбек Өткен жылы тұрғын үй кезек реттілігіне түгендеу жұмыстары жүргізіліп, нәтижесінде 2 681 азамат тұрғын үй кезегінен шығарылғанын айтады. &nbsp;<blockquote>– Олардың бірқатары басқа қалаға мекенжайы ауысуына байланысты болса, бірқатар азаматтың меншігінде тұрғын үй болуына және азаматтың статусының жойылуына байланысты кезектен шығарылды, - деді бөлім басшысы.</blockquote> Бүгінде елімізде азаматтарды баспанамен қамтамасыз етуде «Нұрлы жер» мемлекеттік тұрғын үй бағдарламасы тұрақты жүзеге асырылып келеді. Бағдарламаның басты артықшылығы 2-5 пайызбен жеңілдетілген несие беру. Ал, бұл бағытта өткен жылы қаланың СПМК-70 тұрғын ауданынан 500 пәтерлік 10 үй ипотекалық тұрғын үй төлем қабілеті бар азаматтарға берілді. Конкурсқа қатысуға өтініштер әдеттегідей «Отбасы банк» АҚ арқылы қабылданған.<blockquote> – Қазіргі таңда, тұрғын үй алу кезегіне апаттық үйлер санаты бойынша 635 отбасы тіркелген. Жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтарға 2021 жылы Сол жағалау шағын ауданында салынған көппәтерлі тұрғын үйлерден 93 отбасыға, 2022 жылы 60 отбасыға, 2023 жылдың наурызында 40 отбасыға жаңа пәтер табысталды. Ал биыл мемлекеттік тұрғын үй қорынан 2007-2008 жылдары кезекте тұрған халықтың әлеуметтік осал топтары мен жетім және ата-анасының қамқорлығынсыз қалған балалар санатына арендалық пәтерлер беру жоспарланып отыр. Айта кету керек, ҚР «Тұрғын үй қатынастары туралы» заңына сәйкес, азаматтарға пәтерлер тек кезек реттілігіне сәйкес беріледі, – деді бөлім басшысы.</blockquote> Сондай-ақ, баспанамен қамту жұмыстары аясында тұрғынжайды жалдау ақысы субсидиялау бағдарламасы да жүзеге асырылуда. Бағдарлама &nbsp;шарттарына сәйкес келетін азаматтар «otbasybank.kz» платформасы арқылы өтінім бере алады. Жалдау төлемдері бойынша субсидия алуға төрт санат бойынша, яғни І және ІІ топтағы мүгедектігі бар азаматтар, мүгедектігі бар балалары бар немесе оларды тәрбиелеп отырған отбасылар, жетім және ата-анасының қамқорлығынан айырылған балалар, көп балалы отбасылар үміткер бола алады. Бағдарламаның ерекшелігі, жалдамалы баспананы азаматтар өздері таңдайды және 50 проценті мемлекеттік субсидиялармен қамтылатын болады, ал қалған 50 процентін алушы өзі төлейді.

Абзал Рысбек: Қызылордада 2 мыңнан аса азамат тұрғын үй кезегінен шығарылды

«Су кодексі» жаңадан қабылдануы тиіс 

&nbsp; <a href="https://kyzylorda-news.kz/">Kyzylorda-news.kz</a>. Жеке тұлғалардан 86 мың өтініш келіп түскен. Банкрот деп танылған 10 мыңға жуық азаматтың несиесі кешірілді. Бұл шамамен 20 миллиард теңгедей қаржы, деп хабарлайды&nbsp;<a href="https://sputnik.kz/20240301/elimizde-10-mynga-zhuyq-azamattyn-nesiesi-keshirilgen-42600846.html"> Sputnik.&nbsp;</a>&nbsp;Жеке тұлғалардан 86 мың өтініш келіп түскен. Оның жартысынан көбі мақұлданбаған. Себебі, бұл азаматтардың берешегін кешіктіріп төлеу мерзімі 12 айдан аспаған.Банкпен несие рәсімдеген құжатын да жоғалтып сергелдеңге түскендері бар. Ал енді не өзінде, не отбасы мүшелерінде тіркеуде мүлкі барларының өтініші мақұлданбаған.Айта кетейік, "Жеке тұлғаларды банкрот деп тану туралы" заң былтырдан бастап күшіне енген. Бұл санатқа кіргендер бес жылға дейін банктен кредит ала алмайды. Сондай-ақ оның қаржы ахуалына үш жыл бойы бақылау жүргізіледі. Жеті жыл ішінде өзін қайтадан банкрот деп жариялай алмайды."9871 қазақстандықтың несиесі кешірілді. Соның ішінде, 944 адамға атаулы әлеуметтік көмек тағайындалған. Бұл азаматтардың енді қаржы сауатын арттыру үшін жұмыс істейміз", – деді мемлекеттік кірістер комитеті төрағасының орынбасары Қайрат Миятов.Photo: <a href="https://pixabay.com/ru/photos/%D0%BF%D1%80%D0%B0%D0%B2%D0%BE-4703922/">Рixabay</a>

Елімізде 10 мыңға жуық азаматтың несиесі кешірілді

&nbsp; <a href="https://kyzylorda-news.kz/">Kyzylorda-news.kz</a>. Қызылорда облысы жеке сот орындаушылар Өңірлік палатасының жеке сот орындаушыларымен және Қызылорда қаласының Полиция басқармасының қызметкерлерімен бірлесіп алимент санатындағы атқару құжаттары бойынша берешегі қалыптасқан борышкерлердің автокөліктерін айып алаңына қамау жұмыстары жүргізілуде. Аталған рейдтік іс-шара облыс аумағында өткізіледі және 1 (бір) ай мерзімге жалғасады. &nbsp;Бұл туралы Қызылорда облысының Әділет департаментінің баспасөз қызметі хабарлады.&nbsp;Қызылорда облысының Әділет департаменті, Прокуратура, Полиция, Жергілікті атқарушы орган өкілдерінің қатысуымен өткен дөңгелек үстелде қасақана алимент төлеуден жалтарып жүргендерді әкімшілік және қылмыстық жауапкершілікке тарту алгоритмі бекітілді. Сонымен қатар, облыстық еңбек және халықты әлеуметтік қорғау басқармасымен жұмыссыз жүрген борышкерлерді жұмысқа тарту үшін бірлескен меморандумға қол қойылды.Қызылорда облысында берілуі тиіс алимент мөлшері 128 млн. теңгеден асады. Ал, жеке сот орындаушылары болса, қарыздан жалтарып жүргендермен жанталасып келеді. Жалпы алимент санаты бойынша 12 137 атқару өндірісі бар, оның ішінде 4 678 атқару өндірісі мерзімдік орындалуда, 6 090 атқару өндірісі бойынша борышкерлер ағымдағы алименттерді өз бетінше төлеп отыр. 3 айдан астам төлемеген 1045 борышкердің Қазақстан Республикасы аумағынан шығуына шектеу қойылды.Фото: Қызылорда облысының Әділет департаментінің баспасөз қызметі

1045 борышкердің Қазақстан Республикасы аумағынан шығуына шектеу қойылды

<a href="https://kyzylorda-news.kz/">Kyzylorda-news.kz.</a> «Елінің болашағын білгің келсе, жастарына қара» деген Президенттің бастамасымен қазақстандық жастарға қамқорлық көрсету, оларды түрлі теріс жолдан қорғау, таланттарына қолдау көрсету, жастардың озық идеяларын жүзеге асыру мақсатында бірнеше мемлекеттік бағдарламалар қабылданып, нақты істер жасалуда. Жастардың сапалы білім алып, спортпен, өнермен шұғылданып, кәсіби маман атанып, мүмкіндіктерді мүлт жібермеуге дағдылануы жоспарлы жұмыстардың сапалы жүзеге асуына тікелей байланысты. Себебі елдің ертеңгі тізгінін ұстайтын жастарға артылар міндет ауқымды, жүктелетін жұмыс жеткілікті.Осы бағытта аудан көлемінде «Даму бала» бағдарламасы аясында арнайы секциялар ашылған болатын. Сол үйірме оқушылары жасалған жұмыстың нәтижесінде аудан мерейін тағы да үстем етіп отыр.&nbsp;Демалыс күндері «7 Өнер» шығармашылық орталығының ұйымдастыруымен Арал, Қазалы аудандарында өткен «Аққу» республикалық би чемпионатына ауданымыздағы «GN» өнер академиясы және аудандық «Өнер мектебінің» оқушылары қатысты.&nbsp;Заманауи, дәстүрлі ән айту, хореография, бейнелеу өнері, аспапта ойнау мен көркем сөз оқу және сән өнері бойынша ұйымдастырылатын байқау педагог-ұстаздардың, конкурсанттардың байқау барысында өзара достасуына жол ашу, білім беру саласының педагогикалық қызметкерлерінің шығармашылық қызметіне дем беру және &nbsp;балалар мен жастарға көркем эстетикалық тәрбие беру, дарынды жастарға шығармашылық тұрғыдан қолдау көрсету мақсатында ұйымдастырылады.&nbsp;Конкурста «Даму бала» платформасы негізінде құрылған Арал қаласындағы «GN» өнер академиясының оқушысы Жеткерген Іңкәр екі бірдей марапат алды. Бейнелеу өнері бойынша Мұратбаев Бақбосын жетекшілік ететін топ бас жүлде жеңіп, Алматы қаласындағы республикалық жарысқа жолдама алса, ән салу шеберлігімен де қазылар алқасының көңілінен шығып, марапат төрінен көрінген ол Алматыдағы конкурспен қатар Өзбекстандағы «Одаренные Дети» халықаралық сайысына жолдама жеңіп алды.Жетекшісі Тұрғанбай Бекұлан.Би өнерінен ауданымызда танылып жүрген Ержанов Абзалдың шәкірттері бұл жолы да өз қатарластарынан оқ бойы оза шапты. Абзалдың «Baby monster», «BubbleGum» би топтары үздік деп танылып, еліміздің Астана, Алматы сынды үлкен қалаларындағы және Өзбекстандағы «Одаренные Дети» халықаралық сайысына би өнерінен жолдама алды. Сонымен қатар «Deep N Dap» тобы І орын, «GN» би тобы ІІІ орын алып, академия абыройын асқақтатты.Ауданымыздағы алғашқы гимнастика үйірмесі де сайыстан құр қайтпады. Қазалы ауданындағы сайысқа қатысқан «GN» гимнастика үйірмесінің оқушылары бас жүлде иеленіп, Алматы қаласы мен Өзбекстан еліне жолдама алды. Жетекшісі Жақсылықова Гүлбаршын.Аудандық Өнер мектебіндегі жетекшілері Исмагулова Райлә және Бисенбаева Жансая ханымдардың «Шаттық» би тобының өнерлі жастары да бас жүлдені қанжығасына байлап, Ташкент қаласына жолдама алды. «Шаттық» кіші би топтары да жүлделі І, ІІ орын алып, ұстаз мерейін өсірді.Сонымен қатар «Даму бала» бағдарламасы аясында құрылған «Айсәуле» жоғарғы би тобының және жас ерекшеліктеріне байланысты «Айсәуле» орта би тобының қыздары бас жүлдені жеңіп, қазылар көңілінен шықты. Қазалы ауданынан кіші би тобының өнерпаздары І орынмен оралды.Сайыс барысында ұстаздар еңбегі де жоғары бағаланды. Шәкірттерін өнерге баулып, олардың шығармашылық дара жол салып, жеке дамуына үлесін қосқан аудандық Өнер мектебінің ұстазы Исмагулова Райлә ханым «Үздік жетекші» төсбелгісімен және «Үздік хореограф» мадақтамасымен марапатталса, «GN» өнер академиясының жетекшілері Мұратбаев Бақбосын және Тұрғанбай Бекұлан жастардың рухани кемелденуіне, тұлға ретінде қалыптасуына үлес қосқаны және оқушылары өнер додасында дараланғаны үшін «Үздік жетекші», Жақсылықова Гүлбаршын, Ержанов Абзал «Үздік хореограф» дипломдарымен марапатталды.&nbsp;Сонымен бірге Ержанов Абзал «Үздік көшбасшы хореграф» төсбелгісіне лайықты деп танылды. Ал осындай өнерпаз жастарға қолдау көрсетіп, олардың жаңа қырын ашуға себеп болған «GN» өнер академиясының негізін қалаушы Айтеке Назерке Әлиқызы арнайы Алғыс хат алып, ұйымдастырушылармен арада жемісті ынтымақтастықтың дара жолы салынды.

Аралдық бишілер республикалық байқауда топ жарды

<a href="https://kyzylorda-news.kz/">Kyzylorda-news.kz.</a> Аудан әкімі осы аптада жұмыс сапарымен Жақсықылыш кентінде болып, әлеуметтік нысандардың жұмыс барысын бағамдады.&nbsp;Алдымен аудан басшысы кенттегі дәрігерлік амбулаторияның қызметімен танысты. Емдеу мекемесінің жұмысын көріп, медицина қызметкерлерімен тілдесті. Кентте орналасқан бұрынғы аурухананың бос тұрған бөлігін алдағы уақытта мемлекеттік мекемелердің шоғырланған орталығы ету көзделуде. Ол үшін «Аралтұз» АҚ-ы демеушілік танытып, жөндеу жұмыстарын жүргізуді өз міндеттеріне алатынын жеткізді. Айта кетейік бұл нысанның бу қазандығына табиғи газ қосылған.&nbsp;Арал ауданында бой көтеретін 300 орындық 4 «Жайлы мектептің» біреуі осы тұзшылар кентіне тиесілі. Аудан басшысы жаңа білім ұясы бой көтеретін жердің учаскесін көріп, құрылыс сапасын бақылауды жауапты бөлімге жүктеді.&nbsp;Мұнан соң елді мекендегі «Асылым» мен «Күншуақ» жеке бөбекжай-бақшасында болып, бала тәрбиесімен айналысып жатқан мекемелердің жұмыс барысымен танысты.&nbsp;№19 орта мектебіне барған аудан әкімі ғимарат жағдайымен мұқият танысты. Нысандағы спорт зал, асхана және сынып бөлмелерін аралап, білім ошағындағы білім беру процесін көрді.Кентте №20 Арал ауданының балалар және жасөспірімдер спорт мектебінің бөлімшесі жұмыс жасайды. Онда спорттың жеке дара түрлерінен 100-ден аса бала тәлім алады. Алдағы уақытта іске қосылатын дене шынықтыру-сауықтыру кешені іске қосылғанда командалық спорт түрлерімен шұғылданатын жастар саны артатын болады.&nbsp;Аудан әкімінің жұмыс сапары «Аралтұз» АҚ-да жалғасты. Жаңадан тағайындалған зауыт директоры Айдос Жиенбаев өндіріс орнымен таныстырып, өндірісті арттыру бағытында жасалынып жатқан жобаларын ортаға салды.&nbsp;Мұнан кейін ауылдық клуб ғимаратында тұрғындардың ұсынысын тыңдады. Ауыл ардагерлері мен тұрғындар өңірдегі шешімін табуды қажет ететін мәселелерді аудан басшысының назарына ұсынды. Жақсылыштықтар өз кезегінде жол мәселесін, Аралтұз мекемесінің қызметкерлерінің әлеуметтік мәселесін көтерді.&nbsp;Аудан әкімі биылғы жылы кентте «Ауыл – ел бесігі» бағдарламасы аясында жалпы ұзындығы 5 шақырымды құрайтын 12 көшені асфальттау жұмыстарының жүргізілетіндігін жеткізді. Ал Аралтұз мекмесіне қатысты жергілікті әкімдік мекеме басшылығымен келісе отырып қызметкерлерді қолдау шараларын қолға алатындығын айтты.&nbsp;Сондай-ақ кент тұрғындарын жеке мәселелері бойынша қабылдап, жауапты сала басшыларына тұрғындар өтінішін аяқсыз қалдырмай, заң аясында шешуде мүмкіндіктерді қарастыруды міндеттеді.

Жақсықылышта жайлы мектептің құрылысы басталды

<a href="https://kyzylorda-news.kz/">Kyzylorda-news.kz</a>.&nbsp; Күдіктілер ұсталды, соттың санкциясымен оларға қатысты "қамауда ұстау" бұлтартпау шарасы таңдалды.Батыс Қазақстан облысында күйеуімен мүлікті бөліскісі келмеген әйел оны киллер жалдап өлтірмек болған, - деп хабарлайды <a href="https://dalanews.kz/">Dalanews.kz</a>.Полиция мәліметінше, қылмысты ұйымдастырды деген күдікпен БҚО-ның екі тұрғыны ұсталды. Қылмысқа тапсырыс беруші күйеуімен мүлікті бөліскісі келмейтін әйел екені анықталды.​Күдіктілерден олардың кінәсін растайтын заттай дәлелдемелер тәркіленді. Тергеу мәліметтері бойынша, қаруды сатып алу және кісі өлтіруді орындау үшін тапсырыс беруші ұйымдастырушыға 1,3 млн теңге берген.Күдіктілер ұсталды, соттың санкциясымен оларға қатысты "қамауда ұстау" бұлтартпау шарасы таңдалды. Қылмыстық іс кісі өлтіруге оқталу фактісі бойынша тергеліп жатыр. Күдіктілер 20 жылға дейін бас бостандығынан айырылуы мүмкін. Қазір жәбірленушінің өміріне ешқандай қауіп жоқ. Тергеу мүддесі үшін өзге мәліметтер жария етілмейді.<figure class="media"><div data-oembed-url="https://www.youtube.com/watch?v=ys4eMPXQlXs&amp;t=1s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/ys4eMPXQlXs?start=1" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Күйеуімен мүлікті бөліскісі келмеген әйел киллер жалдаған (Видео)

Қармақшыда 35 қызметкер қауіпке қарсы жұмыс істейді

&nbsp; <a href="https://kyzylorda-news.kz/">Kyzylorda-news.kz</a>.&nbsp;Қызылорда қаласы мен барлық аудандарда 2 наурыз күні сағат 10:00-ден бастап бір мезетте, бір уақытта, бірдей бағада азық-түлік өнімдерінің жәрмеңкесі өтеді.«Байқоңыр» әлеуметтік-кәсіпкерлік корпорациясы» акционерлік қоғамының ұйымдастыруымен өткізілетін «Әлеуметтік керуен» жәрмеңкесінде тұрақтандыру қорының әлеуметтік маңызы бар 19 түрлі азық-түлік өнімдері төмен бағада халыққа ұсынылады.Атап айтқанда, картоп 110, сәбіз 100, пияз 50, қырыққабат 115 теңгеден, күріш 400, ұн 135, сиыр етінің келісін 2000 теңгеден сатып алуға болады.Айта кетейік, ертеңгі жәрмеңке Қызылорда қаласында Тасбөгет кенті мен Титов қыстағында өткізілсе, аудандардағы жәрмеңке орталық алаңдарда ұйымдастырылады. Облыста алғаш рет кең көлемде өткелі жатқан «Әлеуметтік керуен» жәрмеңкесіне жалпы көлемі 160 тоннаны құрайтын өнім ұсынылмақ.

Қызылордада бір уақытта, бірдей бағада әлеуметтік жәрмеңке өтеді

<a href="https://kyzylorda-news.kz/">Kyzylorda-news.kz</a>. Уақыт жылжыған сайын өткен күннің барлығы тарихқа айналады. Оның ішінде мәні мен маңызына қарай бірі жылдан-жылға қанат сермесе, енді бір оқиға бірден ұмыт болады. Осы секілді сан мыңдаған оқиғаның бірі ретінде "1 наурыз – Алғыс айту күнін" тілге тиек етпекпіз.Айтулы мереке тойлана бастағанына тура жеті жылға аяқ басты. Яғни, 2016 жылдан бері бұл күн ел ішіндегі маңызды дата ретінде есте қалды. Содан бері "Алғыс айту" арнаулы мереке ретінде жыл сайын тойланып келеді. Соның бір парасы қарт Қаратау етегіндегі №159 Еңбекші орта мектебінен көрініс тапты. Бұл күнді аталған мектептің 2-сынып оқушылары ерекше атап өтті. Талай шәкірттің жүрегіне жол таба білген сынып жетекшісі Эльмира Жарқынбекова өз оқушыларымен тағылымды шара ұйымдастырып, мектеп ұстаздарына алғаусыз алғыстарын айтты.Онда мейірімділік тақырыбы талқыға түсіп, оқушылар осы тұрғыда өз ойларын білдірді. Кейін оқушылар себет толы тәттілерін, ашық хаттарын алып, мектептің жүрегі болған ұстаздарға сыйға тартты. Жүрекжарды лебіздерін жеткізді. Осыдан-ақ, кішкентай шәкірттердің алғашқы рақмет айту мерекесіне тыңғылықты дайындалғанын аңғаруға болады.Мұндай тосынсыйды мектеп мұғалімдері күтпесе керек. Барлығының жүзіне күлкі үйіріліп, олар да оқушыларға өз алғастарын айтып, мәз-мейрам болды.&nbsp;Иә, осындай ізгі мерекенің өтуіне ұйытқы болған ұстаз Эльмира Жарқынбекованың орны ерек. Мұғалім әркез ізденіс үстінде жүретін маман иесі болғандықтан, Эльмира да ұстаздық жолда тың дүниелер енгізуімен ерекшеленеді.&nbsp;Жаңашылдыққа жаны құмар, жаңалық енгізуді жаны сүйетін Эльмира ұдайы жаңа технологияларды меңгеріп, ұстаздар қауымын да жаңашыл болуға, оқу үрдісіндегі жаңа оқыту әдіс-тәсілдерін меңгеруге шақырып, ол жолда өзі үнемі оларға қолдау көрсетіп отырады. Өзі үйренген жаңа тәсілдерді қолдаудағы оның басты мақсаты – оқушыларды өз бетімен жұмыс жасауға машықтандыру, олардың логикалық ойлау қабілеттерін дамытуға кең өріс ашу, бірлесе отырып жаттығуларды талдау, өзін-өзі бағалау және ой қорыту дағдыларын қалыптастыру. Ол өз сабақтарында шәкірттерін жарыстыруға, іскерлік ойындарын, проблемалық жағдайларды талдауды пайдалануға толық мүмкіндік береді. Жаңартылған білім беру негізінде шәкірттің өз бетімен жұмыс жасауына жағдай жасайды. Осы тұста&nbsp;«Ұстаздық етпес жалықпас үйретуден балаға» деген ұлы Абай бабамыздың орамды сөзі ойға оралады. Расында, ұлағатты ұстаздардың жас ұрпақтың санасына сыналай енгізетін тәлім-тәрбие, үлгі-өнеге өлшеусіз.

Еңбекшіде алғыс айту күні тойланды

<a href="https://kyzylorda-news.kz/">Kyzylorda-news.kz.</a> Жуырда ғана Президент Қасым-Жомарт Тоқаев халыққа арнаған Жолдауында жастарға ұдайы қолдау көрсетілетіндігін ерекше атап өтті. Соның ішінде жастар арасындағы ең өзекті мәселе &nbsp;– жұмыссыздық. Бұл да мемлекет назарынан тыс қалған емес. Ал мақалаға тірліктің көзін тапқан жандар арқау болмақ.&nbsp;Айдар Төребаев 1996 жылы Арал ауданы, &nbsp;Жақсықылыш кентінде туған. Мамандығы – технолог. Отбасылы. Қазіргі таңда Жақсықылыш кентінде тұрады. Мамандығы бойынша жұмыс жасамаған. Ютубер, YouTubе платформасындағы 3 каналы арқылы тәуір табыс тауып отыр.&nbsp;«Ең алғаш студент кезімде YouTube-тан «Ақиқат» деген канал аштым. Ол канал діни бағытта болды. Дінтанушылардың, имамдардың айтқан уағыздарын насихаттап жүрдім. Бұл кезде табыс табу мақсатында емес, қызығушылықтан туындаған сүйікті ісім болды. Кейіннен сан тірлікпен мұны назардан тыс қалдырғанмын. Араға 3 жылдай уақыт салып "неге қайта айналыспасқа" деген ой келді. Бұл жолғы мақсатым табыс табу болатын. Өйткені ол кезде диплом алып, ауылдан мамандығым бойынша жұмыс таппай, әр тірліктің бір басын шалып жүрген кезім еді. Осылайша «Ақиқат» каналын қайта дамыта бастадым. Менің каналымды қарайтындар, пікір білдіріп отыратындар көбейді. Қазір әлеуметтік желінің дамыған заманы ғой. Желі арқылы каналымды насихаттап отырдым. Бір жағынан жастарға тәрбиелік мәні бар тәуір дүние болды. Бір күні поштаға YouTube компаниясынан хат келді. Ол менің табысқа шыққандығымды анықтайтын арнайы құпия сөздер болатын. Солай менің алғашқы 300 мыңым есепшотыма түсті. Бұл маған таптырмас табыс көзі болды. Жанымды қинамай, қалаған уақытымда үйден шықпай табыс таба бастадым. Мұнан соң «Киношоу» каналын аштым. Бұл каналда қызықты киноларға шолу жасап, сюжетін түсіндіріп беріп отырамын. Мұның қаралымы бәрінен жоғары. Табысы да тәуір. Жақында «Шипагер» каналын аштым. Түрлі аурулардан емделудің жолдарын түсіндіріп беремін.&nbsp;Жалпы айтқанда, манитезациядан өткен каналдарым ай сайын 500 мыңнын жобасында табыс әкеледі. Бір ескеретіні, мұнда табыс тұрақты емес. Және компания тарапынан авторлық құқыққа байланысты кез келген уақытта каналды бұғаттап тастауы мүмкін. Сондықтан мұның да өзіне тән қиыншылығы бар.&nbsp;Марат Темірбайұлы 1998 жылы Арал ауданы, Шижаға елді мекенінде туған. Мамандығы – өрт қауіпсіздігін сақтау. Қазіргі таңда туған ауылында ата-анасымен тұрады. Мамандығы бойынша жұмыс жасамаған. Бірақ бос жатпайтын еңбекқор жігіт. Мал сойып, жіліктейтін қасапшылық қабілеті бар.&nbsp;&nbsp;Бала болып ес білгелі төр түлік малдың сырына қанық болып өстік. Әкем Темірбайдың жеке шаруа қожалығы бар. Кішкентайымыздан әкемізге қолғабыс бола жүріп үйренгеніміз көп болды. Бала болсақ та әкеміз бізбен ойласып, малдың жайын ақылдасып отыратын. Есейген соң тіпті бір жағында шаруасын ширатып жүретін болдық. Мектеп бітіріп, оқуға кеттік. Бірақ мені қаланың қызыл-жасыл өмірі қызықтырған жоқ. Ауылға асығатынмын. Диплом алдық. Тәуір мамандық бар. Дегенмен ол бойынша жұмыс жасау бұйырмады. Қабілетсіздіктен немесе қаламағаннан емес, әкеме қолғабыс болғым келді. Мал ауылдан мал әкеліп, аудандағы кафелерге сатамын. Оны жіліктеп сойып беремін. Мұндай іс қазір көптің қолынан келе бермейді. Тіпті ауылдың өзінде үлкендер жағы болмаса, жастардың жілікті ажырата білуі былай тұрсын, мал сойып, терісін сыпыруға да қабілеттісі сирек-ау. Сондықтан бұл менің кәсібіме айналып отыр. Табысым да тәп-тәуір. Дәстүрлі отбасылық шаралар мен мерекелерде тіпті телефоныма дамыл болмай кетеді. &nbsp;Мен ойлаймын, қаным қазақ деген әрбір ер бала ұлттық ұғымдарды санасына сіңірумен қатар ердің атқаруы тиіс тірлігін білуі керек. Ұлттық құндылықтар жойылмас үшін ұрпақтар сабақтастығы орнауы тиіс. Қазақ еріне «сегіз қырлы, бір сырлы» деген теңеуді бекер айтпаса керек-ті.Айбек Ізәтов &nbsp;1991 жылы Арал қаласында туған. Мамандығы – механик. Төрт бала тәрбиелеп отырған көпбалалы отбасы. Дипломды мамандығынан бөлек &nbsp;сан кәсіпті меңгерген.&nbsp;Әкем Аманкелді – ауданға белгілі механик. Бала кезімізден көлік құралдарын жөндеген әкеміздің жанында қолғабыс болып өстік. Содан болар, бұл іс біздің бойымызға әбден сіңіп кетті. Ақырында мектеп қабырғасында жүргенде-ақ машинаның тілі жақсы білетін болдым. Мектеп бітірген соң Қызылорда қаласындағы политехникалық колледжге механик мамандығына оқуға түсіп, диплом алдым. 2019 жылы кәсіпкерлерді даярлау курсынан өтіп, мемлекеттен 555 мың 600 теңгенің грантын жеңіп алдым. Солай кәсіпкер болып көлік құралдарын жөндеумен айналысып келемін. Кейін гаражымды кеңітіп, кәсібімді ұлғайттым. Бұдан бөлек қаладағы «Спорт клубында» күзетші болып жұмыс істеймін. Алла берген төрт балам бар. Қазіргі заманда бір жұмысқа қарап өмір сүру мүмкін емес. Балаларды өмірге әкелген соң жетілдіріп, жеткізу ата-ананың міндеті. Сондықтан екі жұмысты қатар алып жүрген жайым бар. Менің кәсібім көлік құралдарын жөндеу болса, негізгі жұмысым – күзетшілік. Осылай уақытты бос өткізбей тіршілік етіп жатырмыз.&nbsp;Жаңагүл Саматқызы 1993 жылы Ақтөбе қаласында өмірге келген. Қазіргі таңда Арал қаласында тұрады. Мамандығы – эколог. Бірақ өзінің той ұйымдастыру орталығы арқылы танымал. Блогерлік қабілеті де бар. Қолынан біраз іс келетін еңбекқор жан.&nbsp;Арал қаласы менің бақыт мекенім деп айтсам да болады. 2020 жылы Аралға келіп «Той думан» той ұйымдастыру орталығын аштым. Алғаш болып бастаған кәсібім көп өтпей-ақ дөңгелеп алға басты. Қазақ деген қай кезде де тойшыл халық ғой. Ерекше сән-салтанатпен өткенін қалайды. Сондайда біздің орталық барлық қызметті көрсетуге арналған. Тойда өнер көрсететін қызметкерлердің ұлттық нақыштағы киімдерді өзім тігемін. Кейде тойға арналған кәде-сыйларды қолдан жасаймын. Ал блогерлік қызығушылықтан туған. Өзім өткізген тойларды, көрген қызықтарды видеоға түсіріп, инстаграмм желісінде достарыммен бөлісіп отырамын. Жалпы, менің өмірімдегі хоббиім болған нәрсе маған нан болды. Ал дипломды мамандығым шеттеп қала берді. Кім біледі, бір күні ол да кәдеге асар. Бәрі уақыт еншісінде.&nbsp;Қарап отырсам, бүгінгі тақырыпқа арқау болған жандардың бәрі жұмыс жоқ деп қол қусырып отырмай, өздерінше нәпақа тауып жүрген жандар. Олар бір ғана істі емес, бірнеше шаруаны ширатып, өзі қалаған әдемі өмірін сүріп, балаларын да өзгеден кем қылмай өсіруде. Осындайда ұлы Абайдың: «Еңбек етсең ерінбей, тояды қарның тіленбей» деген мақалы еріксіз еске түседі. Шынымен де қазір еңбек еткен адамға жұмыс көп, ал еріншекке жұмыс жоқ. Сондықтан жақсы өмір сүру үшін жұмыс талғамай, жастық жігерді жақсылыққа жұмсайық.

Аралда бірнеше кәсіпті меңгерген жастар артып келеді

&nbsp; <a href="https://kyzylorda-news.kz/">Kyzylorda-news.kz</a>.&nbsp; Облыс әкімі Н.Нәлібаев қызылордалықтарды Алғыс айту күнімен құттықтады.&nbsp;"Сіздерді Алғыс айту күнімен құттықтаймын!Соңғы жылдар бедерінде ғана атаулы күндер қатарына қосылған Алғыс айту күнін жұртшылықтың жылы қабылдауында терең мән бар деп ойлаймын. Өйткені сан ғасырдан бері біздің Ұлы далада үлкенге құрмет, кішіге ізет көрсету, бауырмалдық, сыйластық сияқты ізгі дәстүрлер орныққан.Сол дәстүрді ұстанған ата-әжелеріміз қуғын көріп, туған жерінен жыраққа жер аударылған неміс, поляк, корей, шешен, тағы басқа ұлттардың өкілдерін бауырына тартты, қамқорлық көрсетті. Осы ізгі ниетті таныған өзге ұлт өкілдері, олардың ұрпақтары әлі күнге дейін қазақтың кең пейіліне ризашылығын айтып келеді.Алғыс айту күнінің көктемнің алғашқы күнімен, Қазақстан халқы ассамблеясының құрылған күнімен орайластырылуы да тегін емес. Жалпы ризашылық білдіру жұртшылықты жақындастырады, қоғамдағы түсіністікті қалыптастырады, адамдар арасындағы сыйластық пен татулықты одан әрі нығайта түседі. Сондықтан бұл мереке бүгінде жалпыхалықтық сипат алды, үлкен-кіші бір-біріне алғыс айту арқылы құрмет пен мейірім арнасын кеңейтті.Бүгінгі мерекеде баршаңызға мықты денсаулық, отбасыларыңызға береке тілеймін! Қастерлі Отанымыздың іргесі берік, еңсесі биік болғай!”, –&nbsp;деді аймақ басшысы құттықтауында.&nbsp;

Архив