<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облыстық тарихи-өлкетану музейі филиалы С.Айтбаев атындағы көркемсурет галереясының ұйымдастыруымен, Байқоңыр қаласының қала күніне арналған «Суреттегі сырлы әлем» және «Сыр өңірінің зергерлік өнері» атты жылжымалы көрмесі қалалық мәдениет үйінде ұйымдастырылды.Көрменің мақсаты – ұлтаралық татулық пен келісімді, Қазақстанды мекен еткен ұлт өкілдері арасындағы достық қарым-қатынасты нығайту, Қазақстан мен Ресей мемлекеттері ынтымақтастығының көрінісі – Байқоңыр ғарыш айлағын, туған жер тарихын, еліміздің ұлы тұлғаларын көрмеге қойылған ғажайып туындылар арқылы насихаттау. Сыр мәдениеті мен өнерін кеңінен көрсету, суретшілердің кәсіби мәнері, көпқырлы өмір құбылыстарын көркем бейнелеудегі шеберлігін таныту. Көрерменнің көз алдына бүтін бір тіршілікті, өткен тарихты, қазақы болмысты елестету.&nbsp;Көрмеге туған жер, еліміздің ұлы тұлғалары, жердің алғашқы жасанды серігі сынды тарихи оқиғалармен байланысты суретшілер шығармаларынан орын алған 30ға тарта туындылар және музей қорындағы Сыр өңіріне тән зергерлік бұйымдар қойылды. Көрме экспозициясынан тіршіліктің мың сан бояуларының ішкі дүниемен үндестігін, бейнелеу өнеріне тән әдемі иірімді, ұлттық болмысымыз бен тарих тағылымымызды көрсететін туындылар орын алды.Суретшілердің шығармашылық керуенінен Байқоңыр ғарыш айлағы, ғарыш кеңістігі, ғылымның жетістіктері, туған жерге деген махаббат, қоршаған орта табиғаты сынды ой толғауларды көре отырып, өткен ғасырға сапар шегіп, сырласуға болады.&nbsp;Еліміздің түкпір-түкпірінен осы тақырыпқа шығармаларын арнаған суретшілер Ұлы даланың қанық бояуларын танытып, Сырдың көрікті келбетін ашып, ғарышқа көз тіккен қазақ халқының өрлігін сездіре білді. Көрмеге қойылатын суретшілер шығармаларының ішінде «Ғарыш кемесі» атты суретінің авторы Бекназаров Дәуренбек табиғаттың бір сәттілік бейнесін әсерлі де көркем беруге ұмтылған. Бұл шығармасы айқын да күрделі түсімен, шиыршық атқан бояуымен, белсенді кеңістік ортасымен, бейнелердің әсемдігімен және сырлылығымен ерекше көзге түседі. Картина мазмұны Байқоңыр ұшу айлағынан ғарыш кемесінің аспан кеңістігіне бет алған кезі.&nbsp;Суретші Берік Бөкешовтің «95 – ұшу айлағында» – картинасында Байқоңырға жақын жердегі ауылдың бір шетінің көрінісі түйе жануарына мініп отырған ауыл адамдарының ұшып бара жатқан ракетаға қарап тұрғаны ит жануарының бейнесі ұзыннан ұзақ созылып жатқан электр желімдері бейнеленген.Алпысбай Қазығұловтың картиналарының бояуларының байлығымен еркін сусындауға болады. Негізгі және қарама-қарсы түстердің бір-біріне әсерін еркін меңгерген. Кеңістікке көбірек орын беру, кейіпкерлерді керісінше шағын өлшемде келтіру арқылы мәңгілік дүниенің кеңдігін, тылсымдығы туралы ойландырады. Қазығұлов Алпысбай туындыларында романтикалық-символдық және сезімдік бастаулар көрініс тапты. Бұл суретшінің шығармалары айқын да күрделі түсімен, шиыршық атқан бояуымен, белсенді кеңістік ортасымен, бейнелердің әсемдігімен және сырлылығымен ерекше көзге түседі. Картина мазмұнында алыстан созылған көш көрінеді.&nbsp; Көрмені Байқоңыр қаласының зиялы қауым өкілдері, өнер иелері, қала қонақтары мен тұрғындары тамашалады.

Байқоңырда өткен жылжымалы көрме

<a href="https://kyzylorda-news.kz/">Kyzylorda-news.kz.</a>&nbsp;Үлкенге құрмет, кішіден ізет тапқан өнегелі өркенді өңірде қарттарын төрге шығарып, көңілдерін көкке көтерер шаралардың қоғамдағы орны ерекше. Жаныңда жүрген жақсы жандардың қадір-қасиетін тани біліп, оның мәртебесін көтеріп, марқайтқанға не жетсін? Қазыналы қарттардың өткен өмірі, тұла бойы шежіреге толы. Олардан алатын дүние толассыз екенін пайымдай білу – тарихты білу.Қай кезде де ардагерлердің мерейін үстеп, олардың ақыл-кеңестерін тыңдау халқымыздың бойындағы таптырмайтын қасиет. Бүгінде белең алған отбасынан басталатын түрлі шаралардың ұрпақ тәрбиесіне қосар үлесі орасан. Соның ішінде қоғамдық ұйымдардың белсенділігі аға буындарға дем бергендей. Оған аудандағы әйелдер кеңесінің жұмысының соңғы жылдары жанданып, түрлі тақырыпта ой қозғауын қосыңыз. Сонымен қатар 22 ауылдық мекеніндегі әйелдер кеңесінің белсенділігі ел ішіндегі келеңсіздікті жоюға бірден-бір себепші.Таяуда ақын Ә.Тәжібаев ауылында елге сыйлы ұстаз, анаға деген ыстық ықылас, айтар алғыстың куәсі болдық. Ауылына қарап, азаматын таныса, табалдырықтан ене бергендегі көріністен ішінің қандай екенін жазбай тануға болады. Өзі ескі әрі кішкентай ауылдық клуб үйінің айналасы мұнтаздай таза. Гүлдер, ағаштар жайқалып ерекше өң беріп тұр. Көлденең жатқан бір шөп жоқ. Ішіне енгендегі сезім тіптен бөлек. Заманауи үлгіде безендерілген сахнада үш адам қатар сыйса да, көзге үлкен сахнаны елестетуге болады. Сахнаның жоғарғы жағына «Аналардың анасы , рухы биік дарасы» деген жазудан бір кең дүниені аралағандай күй кешесің. Бұл сол ауылда көп жыл ұстаздық еткен, бейнетінің зейнетін көріп, 13 жылдай әйелдер кеңесінің төрайымы қызметін атқарған Айсара Әбілдаеваға арналған жиын еді.Алдымен дана әрі дара жанның ғұмыр жолына шолу жасасақ. Айсара Әбілдаева 1951 жылы 15 қаңтарда Қызылорда облысы, Шиелі ауданы, Ақмая ауылында дүниеге келген. 1967 жылы №49 қазақ орыс мектебін бітіріп, сол жылы Н.В.Гоголь атындағы пединституттың «шет тілдері» факультетіне оқуға түсіп 1971 жылы «ағылшын тілі» пәні мұғалімі мамандығын алып шығады. Сол жылы ұстаздық жолын туған ауылынан бастайды. Отбасын құруына байланысты Бәйгеқұм ауылының №401 М.Әуезов атындағы мектепке ¬ауысады. 1976 оқу жылынан бастап №214 орта мектебіне ауысып, ағылшын тілінен ұзақ жыл сабақ береді. Өлшеусіз еңбегінің арқасында 1984 жылы «Қазақ ССР-і халық ағарту ісінің озық қызметкері» төсбелгісін кеудесіне тағады. 1989 жылы «КСРО халық ағарту ісінің үздігі», 2009 жылы Ы.Алтынсарин атындағы медальдің иегері атанады. Көптеген шәкірттері облыстық, республикалық олимпиадалардың жүлдегерлері атанып, көптеген жетістіктерге жетті. 2009 жылы мұсылмандық парызын өтеу мақсатында Меккеге барып, қажы атанып қайтты. Жолдасы Төлебаймен екі ұл, үш қыз тәрбиелеп, өсіреді.Тағылымға толы шараны ауыл әкімі Әлібек Сәрсенбаев ашып, Айсараға зор ризашылығын білдіреді. Сонымен қатар ардагерлер кеңесінің төрағасы Халықберген Тұрсынбеков, №214 мектептің директоры Бақытжамал Қалдыбекова, клуб үйінің меңгерушісі Ғалым Мақановтар да ақжарма тілектерді лег-легімен жолдады. 22 ауылдық әйелдер кеңесінің төрайымдарының ұсынысымен, Шиелі аудандық ардагерлер кеңесінің шешімімен Айсара Әбілдаеваның кеудесінен «Ел Құрметі» қоғамдық қорының «Құрметті ардагер» медалі орын алды. Аудандық әйелдер кеңесінің алғыс хатын аудандық кеңестің депутаты Н.Шалекеева табыстаса, құттықтау сөзді Ы.Жақаев атындағы музейдің директоры Қ.Ыханова жеткізді. Бұл игі шараға Бидайкөл ауылының әйелдер кеңесінің төрайымы Ұлмекен Назарбекова, Нартай ауылынан Разия Ысқаққызы, Досбол ауылынан Баян Нәлібаевалар қатысып, әріптесіне жүрекжарды тілектерін жолдады. Досбол ауылдық клуб үйінің аккомпонияторы Жайна Жақыпова:Қайтпай кейін сіз жасаған көп іс бар, Абыройлы елден апа бата алдың. Кеңесінде әйелдердің 13 жыл, Данасындай елдің дара атандың, – деген жыр жолдарын арнады.Одан кейін Айсараның ауылдастары, достары, ағайындары, көршілері келіп тілектерін айтып, сый-сияпаттарын тарту етті. Сөз соңында А.Әбілдаева елге деген ақниетімен алғысын айтып, орнына сол ауылда ұстаздық еткен зейнеткер Гаухар Бегмановаға ұсыныс жасады.Шарада басынан соңына дейін аудандық мәдениет үйінің өнерпаздары қалтқысыз қызмет етті. Әнші Ерсұлтанның құйқылжыта салған 16 қыз әні есте қаларлықтай әсер етіп, соңы жаппай биге ұласты. Бұл Айсараға көрсеткен кеңпейілділік ашық аспанның астындағы ризашылықты меңзеп тұрғандай.Жарық дүниеде туған жердің қара топырағында есейіп, қарттықтың төріне беттегенде көрген қызық, естіген жақсы сөзбен ардақталғанның орны әрине бөлек. Осы орайда көптің көңілінде жүрген бір жайт туралы хабардар етуді ойладым. Ауданымыздың дамуына, ел болып қалыптасуына бүкіл саналы ғұмырын арнаған өздері өмірден озғанмен артында өшпестей із қалдырған қаншама жандар бар. Сондай қаһармандардың атаулы жасқа толған шақтарында атап айтсақ, қоғам қайраткерлері Феруза Жүсіпова, Әзімхан Исмаиловты да жүз жыл толғанын ел есіне салып отырса, кейінгі буын кімнің кім екендігінен, олардың өткен жолдарынан үлгі алар еді. Сөзімнің соңында бойларында қуаты, жүздеріне шуақ ұялаған, бірлігі мен ынтымағы жарасқан, күн санап көркейіп келе жатқан Ә.Тәжібаев ауылына бір үлкен мәдениет үйі керек-ақ.

Аналардың анасы, рухы биік дарасы

<a href="https://kyzylorda-news.kz/">Kyzylorda-news.kz.</a>&nbsp; Сырдария аудандық мәслихат депутаты Марат Бакуов Қалжан ахун ауылындағы бірқатар сауда нысандарындағы, азық-түлік дүкендеріндегі бағаға мониторинг жасады. Мониторинг жұмыстары барысында Қалжан ахун ауылындағы сауда дүкендеріндегі бағалар тұрақты және шекті бағадан аспағаны анықталды. Сонымен қатар, Тереңөзек кенті орталығындағы дәріханалар мен жанар-жағармай бекеттеріндегі бағалар да тұрақты және қоры жеткілікті.&nbsp;<blockquote>– Бүгінде азық-түлік дүкендеріндегі бағаның тұрақтылығының сақталуы – маңызды рөл ойнайды. Осы күні ауыл шаруашылығы және жер қатынастары бөлімдерінің мамандарымен бірлесіп, азық-түлік бағасын бақылаудамыз. Әрине, халық ішінде азық-түлік бағасының тұрақсыз болуына байланысты біршама мәселе көтерілді. Мәселенің алдын алу мақсатында жеке кәсіпкерлерге түсіндірме жұмыстары жүргізіліп, әлеуметтік маңызы бар азық-түлік бағасын төмендетуге ұсыныс айтылды. Шын мәнінде, нарық бағасы тақымнан қысқан кезде жергілікті тұрғындарға қиындық соғуы мүмкін. Бұл ретте, жеке кәсіпкердің мүддесін де, тұрғындардың жағдайын ойлауымыз керек, – аудандық мәслихат депутаты. &nbsp;</blockquote>Өз кезегінде азық-түлік дүкендеріндегі бағаға мониторинг жұмыстары алдағы уақытта тұрақты жүргізіліп тұрады.&nbsp; &nbsp;

Халық қалаулысы азық-түлік бағасына мониторинг жүргізді

<a href="https://kyzylorda-news.kz/">Kyzylorda-news.kz.</a>&nbsp;Қазалы аудан әкімі аппаратының басшысы, Әдеп жөніндегі уәкіл Ринад Тілептің төрағалығымен құқықтық оқыту өткізілді. Аталған жиында күн тәртібіндегі үш мәселе қаралды.&nbsp;Ең алдымен қосымша жер учаскелерін табыстаудың жүргізілу тәртібі туралы аудандық ауыл шаруашылығы мен жер қатынастары бөлімінің бас маманы М.Ысқақ баяндады. Сол секілді аталған жағдай бойынша облыстық ауыл шаруашылығы және жер қатынастары басқармасының сектор меңгерушісі Нұрсұлтан Ақылбеков “Zoom” платформасы арқылы түсіндірме жасады.Мұнан соң спорттық атақтарды, разрядтарды және біліктілік &nbsp;санаттарын беру &nbsp;нормалары мен талаптарын бекіту туралы аудандық мәдениет және спорт бөлімі &nbsp;басшысының міндетін атқарушы Орысбек Жамшейтов айтты.&nbsp;Сонымен қатар Қазалы ауданы әкімі аппаратымен кент, қала және ауылдық округ әкімі аппараттарының қызметкерлеріне &nbsp;әдістемелік көмек көрсету бойынша атқарылған жұмыстар жайында аудан әкімі аппаратының персоналды басқару бөлімінің басшысы Абай Дидаров, аудан әкімі аппаратының құжаттамалық &nbsp;қамтамасыз ету және бақылау бөлімінің басшысы Ардақ Жанұзақ және аудан әкімі аппаратының мемлекеттік-құқықтық жұмыстар бөлімінің бас маманы Дидар Сәдуақас тоқталып өтті. &nbsp;Семинарға қатысушылар хабарламашыларға күн тәртібіндегі мәселелерге байланысты өз сауалдарын жолдап, тұщымды жауаптарын алды. Жиын соңында қатысушылардың ұсыныс-пікірлері тыңдалып, жауапты мамандарға тиісті тапсырмалар жүктелді.

Қазалыда кезекті құқықтық оқыту өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданындағы А.Тоқмағамбетов ауылында тұрғындар тарапынан фельдшерлік-акушерлік пуктіне күрделі жөндеу жұмыстары жүргізілсе деген талап-тілегінің негізінде биыл қажетті қаржы бөлінді. Осы күні мердігер мекеме «АХАТ – ГС» ЖШС күрделі жөндеу жұмыстарын бастап кетті.Тозығы жеткен фельдшерлік акушерлік пункті күрделі жөндеуден өткізу жұмысы осы жылдың аяғында аяқталып, пайдалануға берілмек. Осы орайда ауыл халқына медициналық қызмет көрсетіп келе жатқан дәрігерлік амбулаторияның бас дәрігері Гүлжан Орысбайқызы:<blockquote>&nbsp;Ауыл дәрігері ретінде 27 жылдан бері қызмет етіп келемін. Соңғы 21 жылдан бері Асқар ауылында жалпы тәжірибелік дәрігермін. Негізнен осы ғимаратта ауылдың 1415 тұрғынына медициналық көмек көрсетеміз. Ауылдағы бір ғана дәрігер болған соң кейде тәулік бойы жұмыс істеуге тура келеді. Медбикелермен бірге ауыл тұрғындарының денсаулығын қадағалап, қызметімізді аса жауапкершілікпен атқарып келеміз. Сондықтан көнерген ғимараттың жағдайында сапалы медициналық қызмет көрсету қиынның қиыны. Дегенмен бұл мәселе де оң шешімін тауып, биыл күрделі жөндеу басталды. Мердігер мекеме басшылығының айтуынша жыл соңына дейін жұмысы аяқталады, – дейді бас дәрігер.</blockquote>Ауылдағы басталған күрделі жөндеу жұмыстарының барысы жайын көзімен көріп, білу үшін жақында аудандық мәслихат депутаты Еркебұлан Жақып арнайы барып, жұмысымен танысты. Мердігер мекеменің өкілі атқарылатын жұмыстың жәй-жапсарымен таныстырып, құрылыстың уақытылы, әрі сапалы жүргізілетінін айтты. Өз кезегінде халық қалаулысы ел игілігіне жасалып жатқан жұмыста ешқандай ақау немесе кемшіліктің болмауы тиіс екенін ескертті. &nbsp;

Асқар Тоқмағамбетов ауылындағы дәрігерлік амбулаторияға күрделі жөндеу жүргізілуде

<a href="https://kyzylorda-news.kz/">Kyzylorda-news.kz.</a>&nbsp; Елдің сенім жүгін арқалаған аудандық мәслихаттың депутаты Азаматтарға арналған электронды үкімет порталының Қызылорда облыстық филиалы, Арал аудандық бөлімінің басшысы Лаура Қолғанатқызы Ибраимовамен депутаттық мандат пен ел алдындағы міндет төңірегінде сұхбат жүргізген болатынбыз.&nbsp;– Лаура Қолғанатқызы, әңгімені сіздің өскен, өнген ортаңыздан бастасақ, ата-анаңыз туралы айтып берсеңіз.– Мен 1971 жылы балықшы отбасында дүниеге келдім. Әкем Қолғанат өмірінің соңына дейін «Арал балық өңдеу зауытында» бас экономист болып еңбек етті. Анам Зәру Ақшатау ауылының тумасы. Нағашы атам Ералы Қожа ауылдық кеңестің төрағасы қызметін атқарған, әулиелік қасиеті бар ишан болған кісі. Анам ағылшын тілінің мұғалімі болған. Кейін &nbsp;бала тәрбиесімен айналысып, қызметтен қол үзді. Бар уақытын бізге арнады десем де болады. &nbsp;Көпбалалы отбасында өстім. Аллаға шүкір, жеті ағайындымыз.&nbsp;– Бала, бойжеткен Лаура қандай болды? Жастық шаққа саяхат жасап қайтсақ...&nbsp;– Мен өте ерке өстім. Марқұм әкем менің жақсы оқығанымды қалады. Әкемнің арманы мені Мәскеуде оқыту еді. «Қызым, менің орысшам сенің 4 сыныбыңа ғана жетеді. Соған дейін көмектесемін. Әрі қарай өз біліміңді жетілдіруің керек» деп сабағымды қатты қадағалады. Бір өкініштісі, әкем мен 7 сыныпта оқып жүргенде өмірден өтіп кетті. Сонан соң мен "қалайда әкемнің арманын орындауым керек" деген алдыма мақсат қойдым. Бар ынтамды білім алуға аудардым. Қаладағы №14 мектепті өте жақсы оқып, арнайы медальға бітірдім. Мектеп қабырғасында жүргенде белсенді оқушылардың бірі болдым. Оқушылардың комсомол ұйымының хатшысы, пионерлер ұйымының төрайымы болдым. Сол кезде бізге білім берген Гүлсім Сағымбайқызы деген білікті ұстазымыз болды. Сол кісінің арқасында мен ағылшын тілін ерекше сүйіп оқыдым. Мектеп бітірген соң Алматы қаласындағы шет тілдері университетіне оқуға түстім. Менің бірінші мамандығым – ағылшын-қазақ тілінің мұғалімі. Кейін Орта Азиялық университетін заңгер мамандығы бойынша тәмамдадым.&nbsp;– Ал енді еңбек жолыңыз туралы айтып берсеңіз…– 1993 жылдан бастап 2003 жылға дейін Арал қаласындағы №64 орта мектепте ағылшын тілі мұғалімі болып еңбек жолын бастадым. 2003-2004 жылдары аудандық білім бөлімінде әдіскер, №14, 260 мектептерде психолог болып білім беру саласында еңбек еттім. Кейін өзімді жаңа қырымнан сынап көргім келді. Осылай ел «Халыққа қызмет көрсету орталығы» атап кеткен мекемеге 2007 жылы кеңесші болып орналастым. Кейін орынбасар болды. Ал 2009 жылдан бастап аталған мекеменің басшысымын.&nbsp;– Ең бірінші өткен шақырылымда облыстық мәслихат депутаты болдыңыз. Сол кезде аудандағы қандай мәселенің шешілуіне мұрындық бола алдыңыз?– Дұрыс айтасыз, 2021-2022 жылдар аралығында облыстық мәслихатқа аудан атынан депутат болып сайландым. Жалпы мен көбіне әлеуметтік мәселені көтеріп отырамын. Соның ішінде көпбалалы отбасыларға қолдау, ерекше балалардың оңалту орталығын ашу, оларға арнап балабақша ашу деген сынды. Және ауданнан жайлы мектеп салу, орталықтандырылған кітапхана салу, ерекше күтімді қажет ететін балаларға оңалту орталығын салу сынды бірқатар мәселені облыстық мәслихат отырыстарында алға тарттым. Енді біздің қолымызда тұрған қаржы жоқ. Бірақ халықтың талап- тілегін тиісті сала басшыларына жеткізіп, оң шешілуіне ықпал етіп отырамыз. «Қазақстан Халқына» қоры арқылы қаржы бөлініп, қазіргі таңда аудандағы көптеген мәселелер оң шешімін тауып жатқандығы қуантады. Ал сол қолға алынып жатқан жұмыстарды аудан атынан сайланған депутаттар кезінде мәселе етіп көтерген болатынбыз.&nbsp;– Көбіне әйелдер ісімен айналысасыз, мүмкіндігі шектеулі балаларды назардан тыс қалдырмайсыз. Нәзік жандылардың қоғамдағы мәселесі оң шешім тауып жатыр ма?– 2021 жылдан бастап аудандағы әйелдер ісін қолға алдым. Арал аудандық «Аналар кеңесіне» төрайым болдым. Шыны керек, бұл кезде біздің аудандағы әйелдер мәселесі біршама шеттетіліп қалған. Көмекке мұқтаж әйелдер қайда барарын білмей сандалып жүрген. Аудандағы әр салада озық еңбегімен танылған, отбасында берекелі тұрмыс кешіп отырған белсенді аналардың басын біріктіріп, аудан әйелдерінің моральдық, рухани, кейде тіпті материалдық тұрғыда көмек көрсетуді өзімізге ерікті түрде міндеттеп алдық. Ауыл әйелдері арасында түрлі басқосулар өтті. Өткен жылы ауданда облыстық деңгейдегі аналар форумын өткіздік. Қайырымдық шараларын да жиі ұйымдастырып тұрамыз. Қайбір жылы Тұңғыш Президент қорынан өзімнің «Арал Ару-ана» қоғамдық бірлестігім арқылы қаржылай грант ұтып алып, ерекше балаларға арнап өзімнің оңалту орталығымды аштым. Онда арнайы логопед, психолог мамандар балаларды қарап, сабақтар, сауықтыру шараларын ұйымдастырды.&nbsp;– Жуырда балалар мерекесіне орай біршама отбасының балаларына сыйлық жасапсыз. Бұл депутаттық мандатқа адалдықтан туындаған қайырлы іс пе?– Шынымды айтсам, жасаған жақсылығымды жария еткім келмейді. Бірақ қазір бәрі әлеуметтік желімен шырмалған заман ғой. Көрсетпесең тап бір сен ештеңе істемей жатқандай боласың, көрсетсең тағы мақтанғандай болып қаласың. Бұл жолы өзімнің аумағымдағы көпбалалы отбасыларға арнайы барып, балаларды мерекемен құттықтап, сыйлықтар табыстауды жөн көрдім. Және оны желіге өзгелерге үлгі болсын деген мақсатта салдым. Жалпы істеліп жатқан жұмыстар, қолға алынған бастамалар көп-ақ, бірақ оның бәрін жария етуді жарата бермеймін.&nbsp;– Сіз қайырымдылықты көп жасайсыз, қалай ойлайсыз халық шынымен мұқтаж ба? Әлде бұл масылдық көзқарас па?– Шынымен мұқтаж адамдар бар. Бірақ олар ешқашан алдыңа алақан жайып келмейді. Біз оларды өзіміз сұрастырып тауып аламыз. Ал кейбір адамдар бар он екі мүшесі сау, бірақ оңай олжаны құп көреді. Біз жалқаулық қамытынан құтыла алмай жүрміз. Мәселені өзіміз жасап аламыз. Бірақ оның шешу тетіктерін қарастырмаймыз. Сосын барып жомарт жандардың алдында мүсәпір бола қаламыз. Мұндай пиғылдан арылу керек. Қазір ХХІ ғасыр. Еңбек дәуірі. Кім тынымсыз еңбек етсе ырысы еселене түседі. Ата-ана осы кезден бастап балаға адал еңбекпен нан табудың үлгісін көрсетсе, есейгенде бейнетінің зейнетін көретін болады.&nbsp;– Депутат, басшы Лаура Қолғанатқызын алдағы уақытта басқа лауазымды қызметтен көре алуымыз мүмкін бе?– Мен қандай іспен айланыссам да сол нәрсені шын жүрекпен қалап, сүюім керек. Өзімді мансапқұмарлар қатарына жатқыза алмаймын. Маған қандай жоғары қызметті ұсынса да, ол істі жақсы көрмесем бірден бас тартқан болар едім. Өйткені қандай адам болмасын жақсы көріп істемеген ісіне немқұрайлы қарайды. Ол істен ешқандай рахат ала алмайды. Ал мұндай қызметкер әлбетте абыройсыз басшы болып шыға келеді. Маған қазіргі жұмысым ұнайды. Ондай жоспарым жоқ. Бірақ болашақта кім біледі, бәлкім, маған ұнайтын қызмет кездесіп жатса ойланарымын. Әзірге ондай жұмыс кездестірген жоқпын.&nbsp;– Қызығушылық туралы айтып қалдыңыз? Хоббиіңіз бар ма?– Мен керемет бағбанмын ғой (күлді). Расында бау-бақша өсіргенді жақсы көремін. Үйімнің ауласын жеміс ағаштарына, көкөністерге жайқалтып қойғам. Күн жылынса бар ермегім солар. Бөлме гүлдерін жақсы көремін. Олардың көп болғанын қалаймын. Және бос уақытымды кітап оқуға арнаймын. Арманым – әлем елдерін аралап, саяхат жасау. Әр елдің мәдениетімен танысып, сол ұлттың ұтымды менталитетін бойыма сіңіргім келеді.&nbsp;– Адамның қандай қасиеттерін жоғары бағалайсыз?– Есейген сайын, түрлі ортамен танысып жатырмыз. Сол сияқты сан мыңдаған адамдармен таныс-біліс, жора-жолдас болдық. Сонда ұққаным, адамның бойында ең бірінші қарапайымдылық болуы керек. Сен қанша басшы болсаң да аспандайтын болсаң, ел алдында қадір-қасиетің қалмайды. Қызмет бір күндік. Қызметтен түскенде сені амалсыз құрметтеген адамдар да жоқ болады. Қазақ сол үшін «Ұлық болсаң, кішік бол» деп айтып кеткен. Ал &nbsp;жауапкершілік пен еңбекқорлық қасиет әркімнің бойында бола бермейтін ерекше құндылық деп ойлаймын.&nbsp;– Депутаттық мандат сізге не берді? Сіз депутат ретінде халыққа не бере аласыз?– Депутаттық мандат мені халыққа одан сайын жақындастыра түсті. Елмен етене араласа жүріп адамдарды таныдым. Ал мен елдің үнін жоғарыға жеткізуге ылғи ықпал етемін. Бұрыннан ойда жүрген мақсатым бар еді соны биыл қолға алдым. Ол – ауданнан ерекше балаларға арнап 140 орындық балабақша салу. Қазір құрылыс жұмыстары басталды. Және өзімнің «Арал- Ару-ана» қоғамдық бірлестігім арқылы әйелдер ісін жүргізуді қолға ала беретін боламын. Жалпы халықтың пайдасына жарар қызы болғым келеді.&nbsp; – Әңгімеңізге рақмет!

Лаура Қолғанатқызы: Халқымның пайдасына жарағым келеді

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгінде Сырдария ауданына қарасты &nbsp;Шіркейлі ауылдық округінде 525 отбасында 2790 халық тұратыны баршаға мәлім. Оның ішінде, 278 зейнеткер, 104 мүгедек, «Алтын алқа» иегері – 33, &nbsp;«Күміс алқа» иегері – 52, 7 батыр ана бар. Тұрғындардың 1158-і экономикалық тұрғыдан белсенді болып саналады. &nbsp;&nbsp;Өткен жылдың &nbsp;12 айында 106 млн 452 мың теңге қаржы игерілген. Бюджет 99,7 пайызға орындалды. Өз кезегінде 2022 жылы жеке тұлғалардан алынатын жер және мүлік салығы &nbsp;185527,6 &nbsp;теңге болып, 123,7 пайызға, жеке тұлға көлік құралдары салығы &nbsp;3 млн 849 мың 987 теңге болып 110 пайызға, орындалды. Заңды тұлғалар көлік салығы 262 мың 725,5 теңге 130,1 пайыз орындалды.Қазіргі уақытта даңқты күрішшілерімен аты шыққан ауылда кәсіпкерлік саласы өркендеу үстінде. Мәселен, ауыл тұрғындары &nbsp;«Іскер» Аграрлық несие корпорациясы арқылы 8 азамат құны 27 млн теңге көлемінде қаржы алды. Ал, &nbsp;«Бизнес Бастау» жобасы арқылы 1 млн 225 мың 200 теңге грант тетігі бойынша 34 азамат ұтып, 41 млн 656 мың 800 теңге бойынша қаржы түсірді. Сонымен қатар, &nbsp;«Бизнес бастау» жобасы бойынша оқығандар азаматтарға қолдау көрсетілді.&nbsp;<blockquote>Жұмыспен қамту және әлеуметтік қорғау мәселесі ауылымызда жолға қойылған. Осы күні ауылдық округ бойынша 2022 жылы экономикалық белсенді халық саны 1158, оның ішінде жалдамалы жұмыс жасайтындар 836, өзін өзі жұмыспен қамтығандар 181 адам болып табылды. &nbsp;Қоғамдық жұмысқа 60 адам тартылып, 18 адам жастар тәжірибесіне жіберілген болатын. &nbsp;Ауылымызда 136 - кәсіпкерлік субъектілері тіркелген. Қазіргі уақытта жұмыс істеп тұрғаны - 131 оның ішінде: жеке кәсіпкерлер - 100, шаруа қожалықтары - 30 және жауапкершілігішектеулі серіктестігі – 1 бар. Жұмыс жасап тұрған кәсіпкерлік субъектілердің үлесі – 96 пайызды құрайды. &nbsp;Елді мекенде ауыл шаруашылығы саласы жолға қойылған. Сонымен біге мал шаруашылығы саласын ілгерілетуге мүдделіміз. &nbsp;Елді мекен бойынша мал саны сиыр – 3265, уақ мал – 245, жылқы – 2236 және 1338 бас құс бар. "Ауылшаруашылығы жануарларын бірдейлендіру" дерекқор базасына тіркелмеген мал бастарын тіркеу үшін "Жасыл дәліз-3" бағдарламасы іске қосылып, &nbsp;жасыл дәліз бойынша &nbsp;тұрғындардан МІҚ-152 бас, уақ мал-5 бас, 180- бас жылқы, малы дерекқор базасына &nbsp;тіркелді. Елді мекендегі ірі шаруашылықтар мен шағын кәсіпкерлер мүмкіндігі шектеулі және тұрмысы төмен, көп балалы отбасыларына, мектепке, спорттық жарыстарға, мәдени іс-шараларға тұрақты түрде &nbsp;демеушілік жасап, қайырымдылық &nbsp;акцияларын өткізіп келеді, – деді ауыл әкімі Талғат Құламқадіров. &nbsp;&nbsp;</blockquote>Шын мәнінде, әрбір азамат Отан алдыңғы борышын өтеуге міндетті. Өз кезегінде аталған ауылда әскерге шақырушылардың уақытылы көктемгі және күзгі медициналық комиссиядан өтуі қадағаланып, 95 азамат зерделеуден өтті. Жоспар бойынша 8 азаматтың &nbsp;8-і &nbsp;әскер қатарына алынды.&nbsp;Шіркейлі ауылындағы іргелі шаруашылықтың бірі – «Мәді Қажы» ЖШС-і ауыл халқына тұрақты түрде қолдау көрсетіп келеді. Қашанда ауыл әлеуетін көтеруге барын салатын шаруашылық тарапынан әр отбасының экономикасын көтеру және еңбекке баулу мақсатында, ауыл тұрғындарының картоп, сәбіз жалпы бау-бақша дақылдарын егуге айдау, қарықтау және тыңайтқыш алу үшін қажы бөлінді. Бұдан өзге ауыл тұрғындарына әлеуметтік көмек жасау – тұрақты түрде жүзеге асады.<blockquote>&nbsp;Өткен жылы бірнеше бағытта жұмыс жасады. Мәселен, ауылға аяқ су келетін «Байділда» каналына техникалық тазарту жұмыстары жүргізілді. &nbsp; &nbsp;Сонымен бірге &nbsp;Б.Мұстапаева көшесі, С.Жүзбаев көшесі, &nbsp;Қ.Қожамжаров &nbsp;тұйығы көшесі және Ә.Құлымбетов тұйығы көшесіне жарық шамдар орнатылды. Ал &nbsp;Құмжарған көшесі, Ә.Сарбасов &nbsp;көшесі және &nbsp;Ә.Құлымбетов көшелеріне жаңадан диотты жарықшамға ауыстырылды. &nbsp;1 дана СНП -500/10 дизелді насос алынды. Шіркейлі дәрігерлік амбулаториясына күрделі жөндеу жұмыстары жүргізілді. Биыл &nbsp;біршама жұмыстарды қолға алуды көздеп отырмыз. Анығын айтқанда, Қ.Қожамжаров тұйығы көшесін, «Бейбітшілік» көшесін, Қ.Қожамжаров тұйығы 2 көшесін, &nbsp;Ә.Тоққожаев көшесіне орташа жөндеуге жобалық &nbsp;сметалық құжаты дайындалды. Бір айта кетерлігі, Б.Жақыпов Ғарышкер Д.Рахметов және Б.Сидекеев көшелеріне жарық шамдар орнату, &nbsp;Ә.Құлымбетов көшесі, Ә.Сарбасов көшесі, С.Жүзбаев көшесі және Қ.Қожамжаров көшелерінің ой-шұқырын бекіту жұмыстары жүргізіледі. Ауылішілік газ тарату құрылғыларын &nbsp;орнату бойынша Мади Қажы ЖШС директоры Сейткамал Сұлтановтың демеушілігімен жобалық сметалық құжаттары дайындалып жатыр. &nbsp;Ауылішілік электр желілерін және тозығы жеткен транспорматорларды ауыстыру &nbsp;бойынша демеушілік есебінен &nbsp;жобалық сметалық құжаттары дайындалу үстінде. Техникалық шарттары тиісті мекемелерден алынды. &nbsp; Ж.Нұрсейітов көшесінің бойына абаттандыру жұмыстары жүргізіледе. Атап айтқанда, футбол алаңы, жаттығу алаңы, саябақ және автотұрақ орнатылады. Көркейту-көгалдандыру жұмыстары бойынша ауылдың кіре берісі жол екі жағына ағаш отырғызу жұмыстарын жүргізу – күн тәртібінен түспейді. &nbsp;Шіркейлі ауылдық округінің қатты қалдықтарды орналастыру жұмыстары бойынша құрылыс заттарын алып, демеушілік есебінен тиісті жұмыстарды ұйымдастырымыз. Шіркейлі &nbsp;ауылдық округінің жасыл белдеу орналастыру жұмыстары бойынша құрылыс заттарын алып, демеушілік есебінен тиісті жұмыстарды үйлестіреміз. «Микробизнес-Қызылорда бағдарламасы бойынша 2023 жылы 2 азамат құны 14,5 млн теңгеге қаржыландырылды. «Ұлттық жоба» аясында жаңа бизнес идеялар конкурсы арқылы 1 азамат құны – 1млн 380 мың теңгеге қаржыландырылды. &nbsp;«Кең дала» бағдарламасы бойынша; &nbsp;2 адам құны 26 млн теңгеге қаржыландырылды. Жастарға арналған 2,5 % несие &nbsp;бағдарламасы бойынша 5 азамат құны 20 млн теңгеге құжаттарын тапсырып қаржысын күтуде «Ауыл аманаты» бағдарламасы бойынша 15 жоба &nbsp;құны &nbsp;43 млн тенге құрайды, – дейді ауыл әкімі. &nbsp;&nbsp; &nbsp;</blockquote>

Шіркейлі ауылында кәсіпкерлер қаржыландырылды

<a href="https://kyzylorda-news.kz/">Kyzylorda-news.kz.</a> Атақ пен марапат азамат абыройына өлшем емес. Кейде «Құрметті азамат» атағының беделін осы марапатты иеленген азаматтар биіктетіп тұрады. Мәселен, белгілі хирург, травматолог-ортопед, рентгенолог дәрігер Қарасай Нұровты жұртшылық денсаулық сақтау саласының майталманы ретінде ерекше құрметтейді. Ол – Байқоңыр қаласының тарихында дәрігерлер арасынан «Байқоңыр қаласының құрметті азаматы» атағын алған тұңғыш қазақ.Осындай еңбек адамдарының жеткен жетістіктері – қашанда ел мерейі, ертеңгі ұрпақ үшін үлгі-өнеге. Жарты ғасырға жуық ғұмырын адам өмірі үшін арпалыспен өткізген хирург 1956 жылы Арал ауданы Ақшатау ауылында дүниеге келген. 1976 жылы Қызылорда ауылшаруашылық техникумының ветеринария бөлімін, 1986 жылы Целиноград мемлекеттік медицина институтының емдеу факультетін бітірген. 1987 жылы Қызылорда облыстық ауруханасында хирург, ортопед-травматолог мамандығы бойынша интернатураны аяқтаған. Қарасай Нұров дәрігерлік еңбек жолын 1987 жылы Ленинск, қазіргі Байқоңыр қалалық ауруханасында дәрігер-ординатор болып бастады.Кейін сонда хирургия бөлімінің меңгерушісі, Ресей Федералдық медициналық-биологиялық агенттігінің №1 медициналық бөлімшесінің хирургия және травматология бөлімінің меңгерушісі, Қармақшы ауданы Төретам ауылындағы емханада хирург дәрігер қызметтерін абыроймен атқарды.Антына адал, міндетіне жауапты маман 2016 жылдан облыстық медицина орталығының Байқоңыр қаласындағы филиалын басқарып, 2019 жылы зейнетке шықты. Құрметті еңбек демалысына шыққан соң да Байқоңыр қаласындағы көпсалалы аурухананың жалпы хирургия бөлімінің меңгерушісі болды. Қазіргі таңда Байқоңыр қаласы көпсалалы ауруханасының консультативтік-диагностикалық бөлімінің меңгерушісі. Сондай-ақ, қоғамдық жұмыстарға белсене қатысып, атсалысып, жастарға үлгі болып белсенділігін қай ортада болсын көрсетіп жүрген жан. Бүгінде Байқоңыр қаласындағы медицина қызметкерлері ардагерлер кеңесінің төрағасы. Сондай-ақ, қалалық көпсалалы аурухана жанындағы «Денсаулық» бастауыш партия ұйымын ашып, өзі басшылық етті.Қарасай Нұров – өзінің дәрігерлік еңбек жолында мыңдаған жанды ажал аузынан арашалап, халықтың құрметіне бөленіп жүрген майталман маман. Алматы, Астана, Шымкент, Мәскеу, Курган, Волгоград, Киев және Минск қалаларының жетекші клиникаларында бірнеше рет біліктілігін арттырып, хирургиялық және травматологиялық операциялардың жоғары технологиялық әдістерін меңгерген. Салада 43 жылдай еңбек еткен ол өз мансабында 7 мыңнан астам ота жасады.Халыққа қалтқысыз қызмет көрсетіп келе жатқан білікті дәрігердің еңбегі бағаланып, әр жылдары Байқоңыр қаласындағы медицина саласына қосқан үлесі үшін Құрмет грамоталарымен, Ресей Федералдық медициналық-биологиялық агенттігінің Құрмет грамотасымен, сондай-ақ Қазақстан Республикасы Денсаулық сақтау министрлігінің Құрмет грамотасымен, «Қазақстан Республикасы денсаулық сақтау ісінің үздігі» төсбелгісімен, басқа да көптеген мерекелік медальдармен марапатталған. Қазақстан Республикасының құрметті азаматы.Мамандығына мансап деп қарамай, адамгершілік парызым деп білген ол 20-дан астам жас хирургты оқытты. Бүгінде шәкірттері Қазақстанда және шетелдерде табысты еңбек етуде. Байқоңыр қаласының медицина саласына зор үлес қосып, қалада тұңғыш қазақ медициналық мекемесінің ашылуына тікелей ықпал еткен ол әріптестерінен бөлек, аймақ халқының да құрметіне бөленіп келеді.&nbsp;

Дәрігер мерейі әрдайым жоғары

Сырдарияда мүмкіндігі шектеулі жандарға кедергісіз орта қалыптасқан

<a href="https://kyzylorda-news.kz/">Kyzylorda-news.kz.</a>&nbsp;Аймақта суға кету, оқыс оқиғалардың алдын алу және орман өрттерін болдырмау мақсатында үздіксіз рейд жұмыстары жүргізілуде. Бұған қоса, облыс тұрғындарына суға түсу ережесін қатаң сақтауға байланысты түсіндірме жұмыстары басталды. Бұл туралы Өңірлік коммуникациялар қызметінің ақпарат алаңында өткен баспасөз конференциясында Облыстық ТЖД «Өрт сөндіру және авариялық-құтқару &nbsp;жұмыстары қызметі» ММ Жедел құтқару жасағы басшысының міндетін атқарушы Мейрамбек Доспанбетов мәлімдеді.&nbsp;<blockquote>«Бүгінде төтенше жағдайлар департаменті қызметкерлерімен өңірдегі су айдындары мен демалыс орындарында жиі рейд өткізіп, азаматтарға түсіндірме жұмыстарын жүргізудеміз. Алайда суға түсу ережесін білмегендіктен су айдындарында қайғылы оқиғалар орын алуда. Осыған сәйкес, жедел құтқару жасағының техникалары мен құрал-жабдықтары күн сайын дайындықтан өткізілуде. Барлық тұрғындардан &nbsp;суға түсу маусымында қауіпсіздікті қатаң сақтап, кішкентай балаларды қараусыз қалдырмауларыңызды сұраймыз», - деді Мейрамбек Мұхамедқалиұлы.</blockquote>Облыста орман және дала өрттерінің алдын алу және жою жұмыстарын ұйымдастыру бойынша 2023 жылға арналған іс-шаралар жоспары бекітілді. Осыған сәйкес, арнайы мобильді топтар құрылып, рейдтік іс-шаралар ұйымдастырылады деп күтілуде.<blockquote>«Бүгінде өңірде өрт қауіптілігі жоғары учаскелерде кезекшілік ұйымдастырылып, билбордтар мен ескертпе тақтайшалар орнатылды. Мұнан өзге, атқарушы органдармен мобильді топтар құрылып рейдтік шаралар жүргізілуде. Теміржол және автожолмен шектесетін орманды жерлерге өртке қарсы минералды жолақтар қойылды», - деді облыстық ТЖД Мемлекеттік өрт бақылау басқармасының бас маманы Тимур Еркебаев.</blockquote><blockquote>«Қазіргі таңда Қазалы ауданында орманды өрттен қорғау мақсатында 1030 шақырым жердің көне минералды жолақтары жаңартылды. Одан бөлек, 65 шақырым жерге жаңа минералды жолақтар жүргізді. Ал Қарақұм орманшылығына 2 бақылау мұнарасы орнатылды. Сонымен қатар, орман және дала алқабында өртке қарсы қызметі орман шаруашылығы жұмысшыларымен бірлесіп оқу-жаттығулар жүргізілуде», - деді Қазалы ауданының Төтенше жағдайлар бөлімінің бастығы, азаматтық қорғау подполковнигі Алтынбек Қалиев.</blockquote>

Су және орман қауіпсіздігі қатаң бақылауда

<a href="https://kyzylorda-news.kz/">Kyzylorda-news.kz.</a>&nbsp; Еліміздің экономикалық әлеуетін көтеретін негізгі күретамыр – ауыл шаруашылығы.&nbsp;Асыраушы саланың егіншілік, жеміс-жидек, көкөніс, төрт түлікті түлету, тағы басқа да толып жатқан бағыттары бар. Бүгінде күнкөрісіміздің басым бөлігін құрайтын саланы дамытуға қандай басымдық берілуде? Үкімет тарапынан қолға алынған бағдарламалардың нәтижесі қалай? Жалпы істің көзін табуға ынта білдіргендер үшін қандай қолдау бар?Өткен жылы Президент Қасым-Жомарт Тоқаев Қазақстан халқының 40 пайызға жуығы ауылда тұратынын мәлімдеп, Үкіметке ауылды дамытудың 5 жылға арналған жоспарын әзірлеуді тапсырған болатын. Мемлекет басшысы «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы»&nbsp; Жарлыққа да қол қойды. Ал оның бастамасы қалай жүзеге асуда? Жергілікті кәсіпкерлер ауыл шаруашылығының қай бағытын дамытуға ниетті?Рас, ең әуелі қай кәсіпті бастасаң да оған қаражат керек. Ол үшін несие алмасаң, тіршілігің алға баспайды. Бұл ретте ауыл шаруашылығын дамытамын деген кәсіпкерлерге арналған түрлі бағдарламалар бар. «Аграрлық несие корпорациясы» АҚ басқарма төрағасының орынбасары Айдын Досқараевтың айтуынша, 2001 жылы құрылған корпорацияның қазіргі активтері 1 триллион теңгеден асады. Еліміз бойынша 79 мыңға жуық кәсіпкерге&nbsp; қаржылай қолдау көрсетеді. Ауыл шаруашылығы үшін берілетін несиенің 80 пайыз мөлшерін қамтып отырған мекеме. Облыс бойынша 1,5 мың кәсіпкер аталған корпорациядан қаржылай&nbsp;&nbsp; несие алып, ісін дөңгелентуде. Ал «Қазагро» АҚ арқылы 200-дей&nbsp; кәсіпорын несие алған. Бұл компания лизингтік операциялар бойынша жұмыс жасайды. «Аграрлық несие корпорациясы» АҚ&nbsp; «Агробизнес», «Кеңдала», «Іскер», «Жастар несиесі» бағдарламалары бойынша несиелендіреді. Бұл мекеме арқылы қалай несие алуға болады деген ой келетіні&nbsp; анық.<blockquote>– Біріншіден, тікелей несие береміз, одан кейін екінші деңгейлі банктер арқылы да несие беру жолдары бар. Мәселен, биылдан бастап «Кеңдала» бағдарламасы «Халық банк» және «БанкЦентркредит»&nbsp; арқылы жүзеге асырылуда. Сонымен бірге несиелік серіктестіктерімен бірге жұмыс жасаймыз. Қызылорда өңірінде 8 несие серіктестігі бар. Барлығында несиелік желі ашылған. Бұл серіктестіктер «Агро несие корпорациясы» арқылы 12 млрд теңге несие берген. Сонымен бірге, жекеменшік несиелік компаниялармен, микроқаржы ұйымдарымен де бірлесе жұмыс жасаймыз. Биылға облысқа 9 млрд теңге қаржы қарастырылған. Қазіргі кезде оның 5 млрд теңгесі берілді. Қалғаны жыл соңына дейін беріледі. Осы уақытқа дейін өңірдің 311 кәсіпкері несие алды, – дейді басқарма төрағасының орынбасары.</blockquote>Саланы дамытуға беріліп жатқан несиені алу үшін банктер әлбетте, қоятын кепіл сұрайды. Ал өзіңіз білетіндей банк ауылдағы үйлерді кепілге арзанға бағалайды. Мамандардың мәліметінше, бұл мәселе де шешімін тауып, реттелетін күн жақын. Енді ауылдық жерлердегі үйлер мен құрылыс нысандары орта есеппен алғанда 30-40 пайызға жоғары бағаланады. Ол үшін автоматтандырылған арнайы платформа жасалуда. Платформада еліміздегі барлық елді мекенде орналасқан жер учаскелері, үйлер, әртүрлі құрылыстар тіркеліп, бағаланып, нарықтағымен сәйкестендіріледі.Корпорация арқылы қандай бағдарламалармен несие алуға болады және оны кімдердің алуына мүмкіндігі бар? Айталық, «Кеңдала» бағдарламасы арқылы көктемгі егіс және жинау жұмыстарына жылдық 5 пайызбен қаржы беріледі. Жылда бұл бағдарламаға 1,5-2 млрд теңге қаражат қарастырылса, биыл 2 млрд теңгедей қаржы игеріліп, көктемгі егін жұмыстары толықтай қаржыландырылған. «Агробизнес» бағдарламасы бойынша ауыл шаруашылығындағы кез келген&nbsp; жобалар қаржыландырылады. Оның ішінде егіншілік, мал және өңдеу шаруашылығына беріледі. Бұл бағытта кәсіпкер 6 пайызбен несие алуына болады. Биылға бөлінген 5 млрд теңге қаржы игерілуде. «Іскер» бағдарламасы арқылы микроқаржылар кәсібін жаңа бастап жатқандарға беріледі. Несие 6 пайызбен 7 жыл мерзімге дейін қарастырылған. «Жастар несиесі» аты айтып тұрғандай, 21-35&nbsp; жас аралығындағы кәсіпкерлерге 2,5 пайызбен 5 млн теңгеге дейін қаржыландырылады.Облыс бойынша несие алуға өтініш білдіргендердің басым бөлігі мал шаруашылығын, оның өнімін өңдеуге қаржыландыруды сұраған. Ал қыс бойы және ерте көктемде көкөніс пен жеміс-жидектің барлығы Иран, Түркіменстан, Қытай, Өзбекстан, Аргентина, Пәкістаннан келеді. Өзімізде жергілікті жерде бұл бағытты дамытуға мүкіндіктер жоқ па? Оған не кедергі? Сауалымызға корпорацияның облыстағы филиал директоры Маханбет Тұрмаханов былайша жауап берді.<blockquote>–&nbsp;&nbsp;&nbsp; Өңірдің ауа райының қолайсыздығы, жердің құнарсыздығы көкөніс пен жеміс-жидек бағытын өркендетуге кедергі болып тұр. Ал жайылымдық жер көп болғандықтан кәсіпкерлердің басым бөлігі мал шаруашылығы мен оның етін өңдеуге көңіл бөлуде. Ауыл шаруашылығын әртараптандыруға, жылыжай өндірісін дамытуға қаржылай қолдау көрсетуге дайынбыз,&nbsp;– деді ол.</blockquote>Ауыл шаруашылығын, оның әр саласын өркендетуге бағытталған бағдарламаларға биыл басымдық берілуде. Өңірде жылыжай шаруашылығын өркендетуге мүмкіндік бар. Алайда бізде оны өзге елден әкеліп, үстіне пайызын қосып сатқан әлдеқайда тиімді. Бұл жағынан алыпсатарлардың айы оңынан туып тұр. Оңай қаржы тауып, тез байығанды жақсы көреміз. Бірақ, маңдайымыз терлеп, беліміз бүгіліп, Жер ананың берген несібесін теруге келгенде құлықсыздық танытамыз? Еңбектенгеннен гөрі бізге анда-санда такси болып, бес-он теңге тапқан олжа. Бір күн кезекшілікте тұрып, екінші күні демалатын күзетшілік жұмысты да қолайлы санаймыз. Сөйте тұра, «қазақ неге байымайды, ауыл неге өркендемейді, сала неге дамымайды?» деп ұрандаймыз.&nbsp; Өкінішке орай, бүгінгі шындықтың бірі – осы. Әлде тіршілік ауанын өзгертуге&nbsp; кедергі келтіретін&nbsp; себеп бар ма? Ой қоссаңыз болады!

Ауыл шаруашылық саласы қарқынды дамуда

<a href="https://kyzylorda-news.kz/">Kyzylorda-news.kz.</a>&nbsp; Аслан Айтмұхамед – ұлттық өнерді дәріптеп, оның қадір-қасиетін бойына сіңіріп жүрген жеткіншек. Ол облыс орталығындағы «Orda school» жеке мектебінде оқиды. Кішкентайынан домбыраға деген қызығушылығы жас өнерпазды өзі білім алатын мектептегі домбыра және халық аспаптар үйірмесіне қатысуға жетеледі. Ұстаздарының айтуынша, Аслан ән-күй, жыр-термелерге жаны құмар. Өнермен қатар сабағын да жақсы оқиды.12 жастағы өнерпаз бірқатар қалалық, облыстық, республикалық байқауларға, сайыстарға қатысып, жеңіс тұғырынан көрініп жүр. Мәселен, дәулескер күйші Д.Нұрпейісованың 160 жылдық мерейтойына орай ұйымдастырылған шараға белсене қатысқаны үшін мектеп директорынан алғыс хат алса, ҚР Тәуелсіздігінің 30 жылдығына арнап өткізілген «Ұлы Дала дауысы» ІІІ республикалық балалар мен жасөспірімдер шығармашылық байқауының аспапта орындау номинациясы бойынша ІІ орын лауреаты атанды. «Жас жұлдыз» республикалық балалар мен жасөспірімдер арасындағы өнер байқауында жүзден жүйрек шығып, аспапта орындау жанры бойынша бас жүлдені жеңіп алды. Сонымен қатар республикалық «Тәуелсіздік – жыр, әнім» атты өнер байқауында да аспапта ойнау жанры бойынша бас жүлдені иеленді. Ал «Жұлдыз – АРТ» халықаралық байқауында аспаптық өнер номинациясы бойынша ІІ дәрежелі лауреат атанды.Асланның бойындағы домбыра тарту өнерін дамытуда білім ұясының рөлі айрықша. Мұндағы домбыра және халық аспаптары үйірмесі талабы бар балғындарға халқымыздың күйлерін, жыр-термелерін&nbsp; таныстырып, оларды аспапта ойнауды үйретеді. Шәкірт бойынан өнерге деген қабілетті тап басып танып, оны әрі қарай дамытуға күш салып жүрген білім ұясынан талай дәулескер күйшілер мен дүлділ домбырашылар шығары сөзсіз. Ал халқымыздың қасиетті қара домбырасының киесін түйсінген өнерлі өрен – Асыланға талабыңа нұр жаусын дейміз.

Архив