Қызылорда көкпар құрамасының жайы қандай?

<a href="https://kyzylorda-news.kz/">Kyzylorda-news.kz.</a>&nbsp; Қай кезден де ақындықтың жалауын жықпай, арда өнердің абыройын асқақтатқан адырна ауыз, орақ тілді ақындардың ордасында аудандық мәдениет және спорт бөлімінің ұйымдастыруымен ақын, сатирик, аудармашы, сыншы Жарасқан Әбдірашевтың 75 жылдығына орай республикалық жазба ақындар мүшәйрасы өтті.Ақынның ғибратты ғұмырынан сыр шертетін бейнекөрсетілім мен өлеңі оқылған сахналық қойылыммен бастау алған жыр мүшәйрасына аудан әкімінің орынбасары К.Бержанов қатысып:<blockquote>&nbsp;Бүгін Аралдың атын әлемдік сахнада айшықтап көрсеткен, арда туған азаматымыздың бірі әрі бірегейі, ақиық ақын Жарасқан Әбдірашевты еске алуға арналған республикалық жазба ақындар мүшәйрасы шымылдығын түргелі тұр. Бұл өлеңге деген құрметі шексіз аралдықтар үшін тағы бір рухани серпіліс. Халқымыздың заңғар жазушыларының лайықты ізін жалғаған Жарасқан Әбдірашев ағамыз құт қонған мекен Арал топырағында дүниеге келіп, бала кезден-ақ жырды жанына тұмар етті. Шалқар шабытымен жақұт өлең өрді. Туған халқына, еліне, жеріне арнап 20-дан астам кітап жазып, өскелең ұрпаққа рухани азық қалдырды. Өлең – өмірдің үзіліп түскен бір тамшысы болса, сол тамшыны теңізге айналдырған ақын қаламынан туған шығарманың қайсыбірін алсақ та тұщымды ой, өнегелі тәрбие айқын көрінеді. Қазақтың көрнекті ақыны Қадір Мырза Әли: «Талант – халық қазынасы. Талантты қадірлемеу халықтың намысына тиеді» – дегендей ақындар мүшәйрасына келген барша сөз жақұтын терген ақындарымызға ыстық ықыласы мен шынайы ниеттеріне алғысымды білдіремін. Ұшқыр ойларыңыз бен шалқар шабыттарыңыз таси берсін! – деп барша қатысушыларға сәттілік тіледі.</blockquote>Жыр мүшәйрасына Қонаев қаласынан Үмітбек Бағдат, Қостанай облысынан Дәулет Жадырасын, ақтөбелік Исламғали Аманжол мен Дәурен Тілеухан, түркістандық Арқалық Әмәлият пен Азамат Әлібек және Сыр елінің ақындары Бекжан Ержігіт, Жасұлан Серік, Жанғазы Данабек, Тұрар Бекмырзаев, Аружан Оралбай, Әли Асқармен қатар аралдық Алтынбек Қыстаубаев, Айда Мырзабековалар қатысты.&nbsp;Жарасқан ақынның топырағында ерекше шабыттанған 14 ақын тыңдарманның көңілінен шығып, бірінен-бірі оза шапты. «Дала, сенің ұлыңмын!» атты осы мүшәйрада ақындар алғашқы тақырып бойынша Жарасқан Әбдірашевке өлең арнаса, «Сүйінші, теңіз анам келе жатыр» тақырыбы аясында теңізді өлкені жырға қосты.Тартысты жыр бәйгесінде ақын, Қазақстан Жазушылар одағының мүшесі, Ж.Әбдірашев атындағы әдеби сыйлықтың лауреаты, Қызылорда облысының құрметті ардагері, Арал ауданының құрметті азаматы, қазылар алқасының төрағасы Толыбай Абылаев, ақын, Қазақстан Журналистер одағының мүшесі, «Арал әлемі» газетінің редакторы Ерғали Абдулла, ақын, Қазақстан Журналистер одағының мүшесі Оңталап Базаралиевтердің шешімімен жүлделі ІІІ орынды Ж.Серік, А.Оралбай өзара бөліссе, ІІ орын А.Әмәлияттың еншісіне тиді. Қостанайлық Дәулет Жадырасын І орын иегері болса, арылдық Аида Мырзабек бас жүлдені еншілеп, мүшәйра жеңімпазы атанды.&nbsp; Жүлдегерлерге арнайы марапатпен қоса, қаржылай сыйлықтар табысталды.

Аралда республикалық жазба ақындар мүшәйрасы өтті

<a href="https://kyzylorda-news.kz/ru">Kyzylorda-news.kz.</a>&nbsp; 2016 жылы Қызылордада қала әкімінің қолдауымен А.Тоқмағанбетов атындағы мәдениет үйі жанынан «Жастар театры» құрылды. Театрдың көркемдік жетекшісі – Оңталап Нұрмаханов. Бүгінде бірнеше сахналық қойылымдар арқылы көрермен көзайымына айналған талантты жастар театр қабырғасында шыңдалуда. Шығармашылық ұжым аз уақыт ішінде облыстық, республикалық және халықаралық байқауларға қатысып, биіктен көрініп келеді.Театр ашылған жылы алғашқылардың бірі болып жас артист Айша Әбдірахманова қабылданды.&nbsp;Қазір ол ұжымның белді мүшесі.Кейіпкеріміз 1993 жылы 10 қарашада Шымкент қаласында дүниеге келген. №213 мектептің табалдырығын аттап, №8 П.Осипенко &nbsp;атындағы қазақ-орыс мектебін бітірген. Одан кейін М.Мәметова атындағы Қызылорда гуманитарлық жоғары колледжіне оқуға түсіп, актер өнері мамандығында білім алды. Сондай-ақ Қорқыт ата атындағы Қызылорда университетінде журналистика мамандығында оқыды. Университет қабырғасында білім алып жүріп, «Жастар театрында» өнер көрсетті. Бүгінде аталған театрда өзіндік орны бар талантты актрисаға айналды.<blockquote>– Менің театрға деген қызығушылығым мектеп бітіргеннен кейін оянды. Анам басқа қалада оқуыма қарсы болды. 2011 жылы педагогикалық колледжде Әлима Жақыпқызы мен Хұсейн Әмір-Темір ағайдың жетекшілігімен актер өнері мамандығы ашылды. Бағымды сынап, сол мамандыққа оқуға тапсырдым. Бағыма орай аталған мамандықтың студенті атандым. Осылайша театрға деген қызығушылығым өнер әлеміне алып келді. Одан қалды әдеби кітаптарды жиі оқыдым. Ізденісті де көбейттім. Нағыз маман болуға талпындым. Нәтижесінде өзім секілді жастармен бірге өнер сахнасында қызмет етіп жүрмін, – дейді Айша Қайратқызы.</blockquote>Айша – көпқырлы жан. Ол ізденуден жалықпайды. Әркез өнерін ұштап, шеберлігін шыңдауды әдетке айналдырған. Теориялық білімін тәжірибемен ұштастырып, сахнадан алуан қырлы адамдардың &nbsp;бейнесін жасаудың хас шебері. Оның өнеріндегі ерекшеліктің бірі – әрбір кейіпкердің жай-күйін айнытпай бере білетінінде. Актриса сахнада драмалық, комедиялық, трагедиялық кейіпкерлердің бейнесін айнытпай ойнайды. Әр кейіпкердің жан-дүниесіне үңіліп, сөздің ырғағы мен екпінін құбылта өзгертуі актриса шеберлігінің айғағы деуге болады. Артист үнінің тазалығы, әр сөздің мағынасын тура жеткізе білетін шеберлігі – әңгімеге арқау болатындай дүние.<blockquote>– Театр табалдырығын аттаған сәтім әлі есімде. Қатты қуандым, бірақ іштей бойымды қорқыныш биледі. Сахнаның киелі екенін сол кезде түсіндім. Алғашында түрлі шеберлік сағаттарына қатысып, шыңдалдық. Елімізге белгілі мәдениет майталмандары дәріс беріп, &nbsp;жас артистерді сахнаның қыр-сырын меңгеруге &nbsp;үйретті, – дейді ол.</blockquote>Айша театр сахнасында ең алғаш Қанат Жүнісовтің «Алғашқы махаббатындағы» мектеп директорының рөлін сомдады. Мұнан кейін де түрлі қойылымда басты кейіпкерді бейнеледі. Мәселен, «Қызылорданың қыздарында» – Мәрия, «Қыз қасқырда» – Құртқа, «Қалың елім, қазағым, қайран жұртым» қойылымында – бас шайтан, «Неге?» қойылымында – Әлима рөлдерін сомдады. Одан бөлек, театр саласы бойынша «Үздік әйел адам» номинациясын иеленіп, «ТТТ» халықаралық театрлар фестивалінің лауреаты атанды.<blockquote>– Біздің театр ұжымының сыйластығы ерекше. Қыздар мен жігіттердің барлығы өнерлі. Биге де, көркемсөз оқуға да талапты, қандай рөл берсе де жауапкершілікпен орындап шығуға барын салады. Бізге ізденіс керек, көп уақытымыз кітапханада өтетінін жасырмаймын. Шығарманы бастан-аяқ оқып, әр сөйлеміне мән беріп, өзімізше талдау жасаймыз. Бұл біздің қойылымды ойдағыдай алып шығуға үлкен септігін тигізеді, – деді Айша.</blockquote>Сахна төрінде жасындай жарқыраған өнер иесінің табиғи талантының ұшталып, &nbsp;қайталанбас бейнелер жасауында театр ұжымының ықпалы зор. Олардың бәрі талапты артистің өнерін бағалап, халыққа танылуына себепкер болды. Әркез өзін жаңа қырынан танытатын &nbsp;өрелі өнерпазға әріптестері үлкен ризашылық білдіреді.<blockquote>– Айша – ақылына көркі сай, ақжарқын жан. Ол мамандық таңдаудан мүлде қателеспеген. Нағыз сахнаның адамы. Театрға деген ықыласы ерекше. Әрбір қойылымға жауапкершілікпен қарайды. Қазір театр жанынан ашылған «Бастау» театр үйірмесіне жетекшілік етеді. Менің ойымша Айшадан тәлім алатын жандар өмірде өз орнын қалыптастыратын тұлға боларына сенемін, – дейді театр артисі Ілияс Өтетілеу.</blockquote>Адамның жан дүниесін тыныштандырып, керемет сезімге бөлейтін театр ұжымының жұмысы ерен. Жас артистерден құралған өнер ордасы бүгінде біршама табысқа жетті. Қанша спектакль көрерменге жол тартты. Оның бір парасын кейіпкеріміздің сомдаған қойылымдарынан байқауға болады. Аққұба жүзді, сұңғақ бойлы актриса ақылына көркі сай нәзік қалпымен көрерменінің ыстық ықыласына бөленіп, әлі де биік белестерді бағындырады деп сенеміз.

Өнерімен көпке танылған актриса

<a href="https://kyzylorda-news.kz/">Kyzylorda-news.kz.</a>&nbsp;&nbsp; Сырдария ауданында жүйелі түрде спортпен айналысатын жандар қатары жетерлік. Тұрақты түрде спорт саласын дамытуға мемлекеттен, атқарушы биліктен қолдау көрсетіліп отырады. Қазіргі уақытта мәдениет және спорт бөлімі біріктіріліп, &nbsp;дербес бөлімнің жұмысы 2 есеге арта түсті. Спорт саласындағы өткен жылы атқарылған жұмыстар ауқымы кең. Орталық стадион қайта жаңғыртудан өтіп, жергілікті тұрғындарға қолайлы орта қалыптасты. Өз кезегінде өткен жылы сала бойынша атқарылған жұмыстар жөнінде аудандық мәдениет және спорт бөлі¬мінің басшысы Жігер Айекешовпен сұқбаттасқан едік. &nbsp;– Жігер Оңдасынұлы, ауданның спорт саласын бірнеше жылдан бері басқарып келесіз. Өткен жылы өзіңіз жетекшілік ететін салада қандай жұмыстар атқарылды.– Сырдария ауданында дене шынықтыру мен спортты дамытудың негізгі көрсеткіші ол – тұрақты дене шынықтыру және спортпен шұғылданушылар санын ұлғайту болып табылады. Бұқаралық спортты дамытудың негізгі жолы – спорттық жарыстарды көптеп өткізіп, халықты спортқа тарту екенін жақсы білесіз. &nbsp;Жалпы, аудан бойынша оқушылар және тұрғындарды қоса есептегенде 14702 спортшы, яғни халықтың 38 пайызы жүйелі түрде спортпен айналысуда. 2021 жылмен салыстырғанда 4 пайызға көбейіп, 1576 адамға артқан. Аудандық мәдениет және спорт бөлімінің жалпы халықты дене шынықтыру және спортқа тарту жолындағы мекемелері 1 спорт клубы, 2 спорт мектебі, 17 жалпы білім беретін мектеп, &nbsp;1-аграрлы техникалық колледжі, 1 балалар жасөспірімдер клубы жұмыс жасайды. Жастарға спортты жанына серік ету арқылы &nbsp;дені сау ұрпақ ретінде қалыптастырып қана қоймай, тәрбиелі әрі саналы жастардың қатарын арттыруға септігін тигізеді.&nbsp; Жастарымыз спортпен шұғылдануы үшін ең бірінші кезекте спорт нысандары да, халыққа қолжетімді деңгейде болуға тиісті. Мәселен, қазіргі таңда ауданымызда &nbsp;2 стадион, 5 спорт кешен, 30 спорт зал, 22 жапсарлас спорт зал, 1 тир бар. &nbsp;Сонымен бірге &nbsp;жазықтық құрылғылар 74. &nbsp;Оның ішінде 2 спорттық ядро, 40 қарапайым спорт алаңы, 22 шағын жасанды синтетикалық төсеніштен жасалған спорт алаңдары және басқа да 10 алаң жұмыс жасауда. Барлық дене шынықтыру және спорт нысандары саны – 134-ті құрайды. Аталған спорт нысандар тегін негізде қызмет көрсетеді. Мемлекеттік спорттық тапсырыс аясында «Мансұр» спорт клубында балалар мен жасөспірімдерге арналған ақысыз түрде спорт секциялары жұмыс жасап келеді. Онда 5-15 жас аралығында балалар жаттығуда. Және 2022 жылы каратэ, таеквондо, үстел теннисі спорт түрлерінен секциялар ашылды. 2009 жылдан бастап облыста бұқаралық спортты дамыту мақсатында мемлекеттік әлеуметтік тапсырыс арқылы спорт нұсқаушыларын қаржыландыру тәжірибесі енгізілген болатын. Нәтижесінде, жалпы білім беру және спорт мектептерінің спорт залдарында оқу үдерісінен тыс уақытта елді мекен тұрғындары, бекітілген спорт нұсқаушылары арқылы дене шынықтырумен және спортпен шұғылданады. 2022 жылдың қорытындысымен 22 спорт нұсқаушы жұмыс жасап, 4000 ада.мды спортқа тартты. &nbsp;– Аудан спортшыларының толағай жетістіктеріне тоқталып өтсеңіз.– Жалпы, ауданның барлық спортшылары осы уақытқа дейін облыстық, республикалық, халықаралық жарыстарға қатысып, бірнеше нәтижелерге қол жеткізді. Мәселен, &nbsp; &nbsp; &nbsp;ҚР чемпионатынан 56 медаль, Азия чемпионаты 6 медаль, Әлем чемпионатынан &nbsp;4 медал еншіледі еншіледі.Сонымен бірге спортшыларымыз спорттық атақтарға ие болды. &nbsp;Анығын айтқанда, І разряд 96 спортшы, спорт шеберіне үміткер 267 спортшы, &nbsp;спорт шебері – 25 спортшы, &nbsp;халықаралық дәрежедегі спорт шебер &nbsp;9 спортшы бар. &nbsp;Ақтөбе қаласында гір көтеру спортынан ҚР чемпионатында жерлесіміз Сейітбай Нұртаза жүлделі 3 орынды жеңіп алды. Нұр-Сұлтан қаласында тоғызқұмалақтан ҚР чемпионатында Дамир Ахметов жүлделі І орынды қанжығасына байлады. &nbsp;Асық ату мен бес асықтан облыс біріншілігі және ережесіз жекпе-жекте облыс чемпионатында спортшыларымыз жүлделі орындарды жеңіп алды. Ақтөбе қаласында тоғызқұмалақтан әлем чемпионатында Бексұлтан Бостандықов &nbsp;ІІ орынды еншіледі. &nbsp;&nbsp;– Өткен жылы қанша спорттық іс-шара өткізілді?&nbsp;2022 жылдың 12 айы бойынша өткізілген спорттық жарыстар саны 130-ды құрап отыр. Аталған жарыстарға &nbsp;13643 адам қатысты. Аудандық және аудандық ашық деңгейде 107 жарыс, облыстық және облыстық ашық деңгейде 19 жарыс, Республикалық деңгейде 3 жарыс және Халықаралық деңгейде 1 жарыс өткізілді. Бесарық ауылында дзюдодан «Абай Дәулет» ЖШС-нің жүлдесіне арналған республикалық турнир және Панкратионнан облыстық турнир жүзеге асты. &nbsp;Волейболдан жасөспірімдер арасында облыстық біріншілік өз дәрежесінде өткізілді. «Нашақорлыққа жол жоқ» «Бәріңде жарысқа» ұранымен жалпы білім беретін мектеп оқушылары арасында аудандық эстафеталық сайыс өткізілді. &nbsp;Спорт ардагері Тұрғанбай Болғанбайұлын еске алуға арналған тоғызқұмалақтан облыстық турнир, асық атудан жасөспірім ұлдар арасында облыстық біріншілік, дзюдодан облыстық біріншілік, футболдан жасөспірімдер арасында жарыс ұйымдастырылды. Сонымен бірге &nbsp;«Отбасы» күніне орай отбасылық эстафеталық сайыс және мүмкіндігі шектеулі жандар арасында аудандық жарыс болды. «Алтын балық-2022» әуесқой балық аулаушылар арасында облыстық жарыс және Мемлекет және Қоғам қайраткері Елеу Көшербаевты еске алуға арналған волейболдан ХХІІ халықаралық турнирі ұйымдастырылды. Ережесіз жекпе-жектен облыстық турнир жалауын көтерді. Және аудандық әуесқойлар футбол лигасы ашылды. ҚР Тәуелсіздігі мерекесіне орай бокстан жасөспірімдер арасында КСРО спорт шебері, білікті бапкер, ұлағатты ұстаз Асылбек Шәріпбайұлы Матиковты еске алуға арналған облыстық турнир ұйымдастырылды.– Спорт нысандарына жөндеу жұмысы жүргізілді ме?– «Ауыл ел бесігі» бағдарламасы арқылы 2021 жылы орталық стадионға күрделі жөндеу жұмыстары жүргізілді. &nbsp;Орталық стадионнан жаттығу және стритбол алаңы салынып, халық игілігіне пайдалануға берілді. &nbsp;Демеушілер есебінен 2 елді мекенде орналасқан спорт алаңдар күрделі жөндеуден өтіп, халықтың пайдалануына берілді. Қалған спорт алаңдар рет-ретімен жөндеуден өтетін болады. Аудан әкімінің бастамасымен, демеушілердің қолдауымен Тереңөзек кентінің орталық саябағында, Б.Момышұлы және Қазақ көшелерінде, сонымен қатар Шаған ауылында балаларға арналған ойын алаңдары бой көтерді.– Осы жылы дербес бөлімнің атқаратын жұмыс межесі қалай жүзеге аспақ? &nbsp;– 2023 жылы алдымызға қоған мақсат-міндеттеріміз жеткілікті. &nbsp;Елді-мекендерде, кенттегі шағын жасанды жамылғысы бар спорт алаңдарын қалыпқа келтіруді қамтамасыз ету, Бұқаралық спортты дамытумен қатар, бәсекеге қабілетті біліктілігі жоғары спортшыларды әзірлеу жұмыстарын жүргізу, облыстық ауыл спортшыларының «Алтын күз» спартакиадасында жүлделі орыннан көріну, ауданымызда бұқаралық спортты дамыту мақсатында мемлекеттік әлеуметтік тапсырыс шенберінде атқарылатын жұмыстарды жандандыру – негізгі мақсатымыз. Сонымен бірге мектепте оқитын балалар мен жасөспірімдер арасында ұлттық мектеп лигасын жоғары деңгейде ұйымдастырып өткізу және облыстық іріктеуге қатысу, Мемлекет және қоғам қайраткері Елеу Көшербаевты еске алуға арналған Халықаралық жарысты жоғары деңгейде өткізу, облысымыздың спорт жұлдыздарының қатысуымен аудан жас спортшыларымен мотивациялық кездесу өткізу, футболдан әуесқойлар лигасының жеңімпазын Республикалық ақтық ойынға қатыстыру, аудан орталығы Тереңөзек кентінде облыстық деңгейде жарыс яғни турнирлерді көптеп ұйымдастыру міндеті тұр.&nbsp;

Сырдария ауданында 14702 спортшы бар

<a href="https://kyzylorda-news.kz/ru">Kyzylorda-news.kz.</a>&nbsp; Қазақ театрының тарихына бойласақ, өмірін өнермен өрнектеп, &nbsp; қайталанбас бейнелер қалдырған Сәбира Майқанова, Бикен Римова, Әмина Өмірзақова, Хадиша Бөкеева, Фарида Шәріпованың есімдері сақталған. Қазір де сол театр тарландарының ізін жалғастырып, &nbsp;қазақ сахнасының саңлағына айналған актрисалардың есімдерін аса құрметпен &nbsp;айтуымызға болады. Олардың қайсысын алсаңыз да, театр тарихынан таусылмас сыр шертеді. Солардың бірі – ҚР еңбек сіңірген қайраткері Залипа Төлепова. Бала күнінен сахнаны армандаған өнер иесі бүгінде талантымен төрге озған.Сұлутөбеде дүниеге келген Залипа Тұрғанбайқызы бойындағы өнерге деген ынтызарлық бала кезден басталғанын айтады.<blockquote>– 1968 жылы 1-сыныпта оқып жүргенімде ауылымызға «Қозы Көрпеш-Баян сұлу» спектаклімен артистер келді. Баянның тілерсегіне түскен бұрымына, сөйлеген сөзіне, жүріс-тұрысына қызығып, осындай актриса боламын деген ой қалыптасты. Сол ой арманға, арманым мақсатыма айналды. Осылайша өнер жолына қадам бастым, ̶ &nbsp;дейді.</blockquote>Алғашқыда өнер жолына келуіне ата-анасы қарсылық білдіргендіктен, медицина училищесіне құжат тапсыруға мәжбүр болған. Кейін Жамбылдағы өнер мектебіне оқуға түсіп, оны аяқтаған соң Н.Бекежанов атындағы қазақ музыкалық драма театрына жұмысқа орналасып, бүгінге дейін осы театрда қызмет етіп келеді.<blockquote>– Маған әсер еткен, көңілімді оятып, өнер жолына алып келген Ақбаянды 1990 жылы сомдадым. Оған дейін «Еңлік-Кебек» спектаклінде рөл ойнадым. Театрға келген күннен бастап бірыңғай басты рөлдерді сомдап жүрмін. Алғашқыда А.Чеховтың «Апалы-сіңлілі үш қыз» спектаклін қойып жатыр екен. Бас режиссері Хұсейін Әмір-Темір шығармадағы Наташа рөлін маған берді. Мінекей содан бері осы театрдың ыстығы мен суығына төзіп, айлап гастрольге шығып, жұмыс жасап келеміз, ̶ &nbsp;дейді ол.</blockquote>Н.Бекежанов атындағы қазақ академиялық музыкалық драма театры сахналаған әрбір қойылымда көрермендер Залипа Төлепованы қол соғып қарсы алады. Жуырда Сыр сахнасында И.Сапарбайдың «Сыған серенадасы» спектаклі қойылды. Аталған қойылымда сыған қызының рөлін сомдаған кейіпкеріміз көрермендердің ыстық ықыласына бөленді.<blockquote>– И.Сапарбайдың бұл шығармасы – театр сахнасындағы шоқтығы биік туындылардың бірі. Оның өресі кең, құпиясы ашылмаған. Әйгілі Шәмші рухына бағышталған бұл туынды оның тағдырын бейнелейді. Атақты композитордың әндері ешқашан өлмейді. Қайта жыл өткен сайын жаңғырып, айтқан сайын жаңара түседі. Оның әрбір әні тұла бойдың толқынын, сол кездің сағынышын жеткізеді. Оның жарыққа шығарған әрбір туындысы жеке бір тарих десем қателеспеймін, ̶ &nbsp;деп пікір білдірді.</blockquote>Жалпы, кез келген халықтың театр тарихында сахнаға шығысымен-ақ ешкімге ұқсамайтын даралығымен бірден ерекшеленетіндер өте аз. Ал, Залипа Төлепова – көп қырлы, терең сырлы артист. Ол ізденуден жалықпай, өнерін ұштап, шеберлігін шыңдауды әдетке айналдырған. Теориялық білімін тәжірибемен ұштастырып, сахнадан алуан қырлы адамдардың толыққанды &nbsp;бейнесін жасаудың хас шебері. Оның өнеріндегі басты ерекшелік – кейіпкердің психологиялық тебіреністегі жан-күйін айнытпай бере білетінінде. Актриса өзінің қиял көкжиегінің тереңдігімен драмалық, комедиялық, трагедиялық кейіпкерлердің кескін-келбетін бір-біріне ұқсастырмай даралай ойнайды. Олардың әрқайсысының ішкі сезім дүниесіне сыртқы әрекетті орайымен жымдастырып, сөздің ырғағы мен екпінін құбылта өзгертуі – актриса шеберлігінің айғағы. Артист үнінің тазалығы, дикциясының анықтығы, әр сөздің астарына мұқият үңіліп мағынасын тура жеткізе білетін шеберлігі – бөлек әңгімеге арқау болатындай дүние.Сахна мәдениетіне жетік, зерделі актриса бір спектакльде бірнеше жылдар бойы үздіксіз ойнаса да, жаңа бір серпін мен тың бояулар тауып, уақыттың талабына сай жаңғыртып көрермендердің эстетикалық талап-тілегіне лайық үн қата біледі. Қырық жылдан астам уақыттың ішінде көптеген үлкенді-кішілі рөлдерде ойнап, театр өнеріне өлшеусіз үлес қосты. Сахна төрінде жасындай жарқыраған өнер иесінің табиғи талантының ұшталып, &nbsp;қайталанбас бейнелер жасауына театр режиссерларының ықпалы зор. Олардың барлығы да актриса мүмкіндігін дұрыс танып, талантының халыққа жетуіне себепкер болды. Өнердегі ұлағатты өмірімен халқының қошеметіне бөленген Залипа Тұрғанбайқызы өзінің сүйікті театрының жаңа белестерден көрінуіне &nbsp;әлі күнге дейін аянбай еңбек етіп келеді. Сахнада сергек қимылдап, тез ойланатын өрелі өнерпазға әріптестері үлкен ризашылық білдіреді.<blockquote>– Залипа – мамандығын дұрыс тапқан жан. Көркіне ақылы сай, өз ісінің шебері әрі өте білікті ұстаз. Оның шәкірттері – үлкен сахнаға жол тапқан талантты жандар. Залипа кез келген сәтте басқаларға қол ұшын созуға дайын тұрады. Театрға деген ықыласы ерекше. Әрбір қойылымға жауапкершілікпен қарайды. Ал мұның барлығы үлкен тәжірибені талап етеді. Өмірдегі орны тіптен бөлек. Оның тәрбиесін алған жандар өмірден өз орындарын табатынына кәміл сенемін, ̶ &nbsp;дейді театр артисі Ұғым Баймаханов.</blockquote>Артистің сахнада бейнелеген сан алуан кейіпкерлерінің барлығы дерлік театр шығармашылығының белді-белді асуларының белгісіндей көзге түседі. Аққұба жүзді, сұңғақ бойлы актриса ақылына көркі сай нәзікжандылардың рөлін керемет сомдайды. Содан болар З.Төлепованың кейіпкерлері көрермендерді алға жетелеп, олардың кеудесінде оптимистік оттың шоғын маздатып жібереді. Залипа Тұрғанбайқызы – талантты артист ғана емес, аяулы жар, ардақты ана. Бүгінде жолдасымен бірге төрт ұл-қыз тәрбиелеп, жеті немере сүйіп отыр. Өнердегі өмір жолы бүгінгі жас ұрпаққа үлгі.&nbsp;

Залипа Төлепова: Өнерге деген қызығушылығым бала кезден басталды

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласындағы Ә.Мүслімов атындағы №101 мектеп-лицейінде «Жасыл мектеп» жобасының жылдық қорытынды шарасы «ECOFEST-2023» фестивалі өтті.Жыл сайын дәстүрлі түрде өткізілетін фестивальге облыстық білім басқармасының басшысы Мейрамбек Шермағанбет, Қорқыт Ата атындағы Қызылорда университетінің эколог-ғалымы, биология ғылымдарының кандидаты, қауымдастырылған профессор Рахат Құрманбаев пен «Астана ботаникалық бағы» филиал &nbsp;директорының орынбасары Мархабат Қайырова және қала, аудан мектептерінің басшылары қатысты.Фестивальдің ашылу салтанатында басқарма басшысы №101 мектеп-лицейі «Жасыл мектеп» жобасын өңірімізде алғаш жүзеге асырған мектеп екендігін айтып, бүгінде бұл білім ордасы жобаның ауқымын кеңейтіп, республикалық, халықаралық деңгейде ынтымақтастық орнатып жатқандығын атап өтті.Шара барысында қатысушылар мектеп ауласында ұйымдастырылған көрмелермен танысты. Көрмеде «Жасыл мектеп» жобасы аясында 7 бағыттағы жобалар таныстырылды. Жобалар аллеясында жасыл мектептің жаңа өнімдері, жас ғалымдардың жаңалығы, шығармашылық алаңдағы жас суретшілер, қолөнершілер, жұмысы, шебер балалардың лайфхактары, мектеп жылыжайы таныстырылды.<blockquote>«Соңғы кездері «Жасыл мектеп» жобасынан туындаған идеялар көптеген жаңа жобаларға жол ашты. Оқушылардың жобаларға қызығушылығы, өзгерген көзқарастары, бойларында қалыптасқан жақсы қасиеттер олардың ізгілік қасиетін дамытуға күш салып, мұғалімдермен тығыз байланысын нығайтты. Соның арқасында оқушылардың мұғалім мамандығына қызығушылығы арта бастағандай. Балалар әсемдік пен әдемілікке, тазалық пен тәртіпке, жанашырлық пен ізгілікке бағыт ала бастады. Оқушылардың бұл қасиеті «Педагогикалық сынып» жобасының тууына негіз болып отыр. Айтулы жоба аясында, 50-ге жуық шәкірт мұғалімдіктің қыр-сырын үйренуде», - деді №101 мектеп-лицейінің директоры Айгүл Алтынбекқызы.</blockquote>Айта кетейік, «Жасыл мектеп» тірек мектебінің бұл тәжірибелері облыстағы барлық білім беру ұйымдарына таратылып, жоба тиімді түрде жүзеге асырылатын болады.

Қызылордада «Жасыл мектеп» эко-фестивалі өтті

<a href="https://kyzylorda-news.kz/ru">Kyzylorda-news.kz.</a> Жастар саясаты қашан да өзекті. Себебі жастарға, оларды қолдауға салынған инвестиция мемлекет болашағына көрсетілген қолдаумен тең. Жыл басындағы статистикалық мәліметке сәйкес, Қызылорда қаласында 321 мың халық орналасқан болса, оның ішінде 94 мыңы – 14 пен 35 жас аралығындағы жастар. Бұл қала халқының 29,4 пайызын құрайды.Облыс орталығы – Қызылорда қаласындағы жастардың қаншай пайызы жұмыссыз? Жұмыссыздықпен күрес бағытында қандай шаралар қолға алынуда? Бұл сұрағымызға қалалық «Жастар ресурстық орталығының» директоры Әліби Басаров жауап берді.&nbsp;<blockquote>«Жұмыссыз жастардың үлесін төмендету мақсатында @jumys.bar жобасы іске асырылып келеді. Инстаграм әлеуметтік желісінде өзекті әрі соңғы бос жұмыс орындары тұрақты түрде жарияланып отырады. Қазіргі таңда парақшаның оқырмандар саны 2 мыңнан асып, жыл басынан бастап 64 бос жұмыс орны жарияланды. Жұмыс жасауға ниетті кез келген жас, парақшада орналасқан вакансиялар бойынша жұмысқа орналасуға мүмкіндік алады.Сонымен қатар «Мүмкіндіктер керуені» жобасы аясында бос жұмыс орындарының жәрмеңкесі тұрақты түрде өткізіліп келеді. Жыл басынан бастап 3 мәрте бос жұмыс орындар жәрмеңкесі ұйымдастырылып, 107 мекемеден 1632 бос жұмыс орны ұсынылды», – дейді қала жастарының көшбасшысы.</blockquote>Айта кету керек, «Qosyl kenes» жобасы арқылы жастарға үздіксіз кеңес берілуде. Жоба аясында жастарға мемлекеттік бағдарламалармен жобаларды кеңінен насихаттау, кеңес беру мақсатында, қалаға қарасты 2 кент және 7 ауылдық округте «Көшпелі кеңес» шарасы ұйымдастырылды. Шараға арнайы сала мамандары қатысып, жастарды қолдауға бағытталған жобалар мен мемлекеттік бағдарламаларға енгізілген өзгерістер туралы және орталық тарапынан ұсынылатын қызметтер жайында ақпараттар берілді. Титов қыстағы, Гагарин, Шанхай және Ақмешіт мөлтек ауданы секілді қаланың шет аймақтарында «көшпелі кеңес» өз жалғасын тауып, жастарға мемлекет тарапынан берілген мүмкіндіктер жайында кеңінен насихатталды.&nbsp;Түлектерге дұрыс мамандық пен оқу орнын таңдау бойынша кеңес беру мақсатында «1.2.3. Старт» жобасы ұйымдастырылып келеді. Жоба бойынша, Республикамызда танымал университеттерімен тікелей эфирлер өткізілді. Атап айтар болсақ, Евразия Ұлттық университеті және ҚР ІІМ Б. Бейсенов атындағы Қарағанды академиясымен жасалған тікелей эфирді 1277 оқырман тамашалап, 1248 қаралым жинаған.&nbsp;Жастар болашақтың тұтқасы екені айқын. Ал отбасы шағын мемлекет деп танысақ, әрбір шағын мемлекеттің іргетасын қалайтын да – жастар. 15 мамыр – Халықаралық отбасы күні қарсаңында «Бала мен ата-ананың арасындағы қарым-қатынас» тақырыбында жас отбасыларға арналған тікелей эфир жүргізілді. Эфир қонағы «Сеніммен болашаққа» Республикалық ата-аналар қоғамдық бірлестігінің атқарушы директоры Шерхан Жұмабекұлы болды. Тікелей эфирді 233-тен астам оқырман қараған.«Жастардың психологиялық денсаулығы және суицидтің алдын алу» әлеуметтік жобасы аясында ЖОО және ОАОО-ның студенттері арасында &nbsp;«Жастар арасындағы суицидтік әрекеттерден қорғау» тақырыбында семинар-тренингтер және «Жасөспірімдер мен жастар арасында психикалық денсаулықты нығайту» тақырыбы бойынша Қызылорда облысы ТЖД «Өрт сөндіру және авариялық құтқару жұмыстары қызметі» ММ-нің қызметкерлері арасында кездесу ұйымдастырылды.&nbsp;Сондай-ақ «Жастардың психикалық денсаулығы» және «Суицидтің алдын-алу профилактикасы» тақырыбында 2000 дана әдістемелік құрал әзірленді. Әдістемелік құрал жастармен жұмыс жасайтын психолог мамандарға ұсынылатын болады. Айта кетейік, жастарға тәулік бойы анонимді түрде психологиялық кеңес беру желісі іске қосылып, әлеуметтік желілерде кеңінен ақпараттандырылуда.&nbsp;Қазір ақпарат пен технология ғасыры. Заман ағымына сәйкес қалалық жастар орталығының жоспарлы жұмысына бейресми білім беру арқылы жастардың өмірлік маңызды дағдыларын, құзыретін және дербестігін дамыту да кіріп отыр.&nbsp;<blockquote>– «Target intensive» 10 қаңтар күні қала жастарына арналған таргеттік жарнама бойынша 1 күндік тегін интенсив курсы ұйымдастырылды. Курсқа 13 жас тіркеліп, оқытылды. Интенсивті орталықтың SMM-маманы, таргетолог А.Сахи жүргізіп, таргет жарнамасының қыр-сырын үйретті.«Жастар бастамаларын қолдау» әлеуметтік жобасы аясында қала жастарының арасынан бастамашыл топ құрылып, «Жоба менеджменті» тақырыбында жоба жазу бойынша семинар-тренинг өткізілді. Бастамашыл топтар ұсынған жобалар арасында конкурс ұйымдастырылып, үздік жоба анықталуда. «Аула клубтары» әлеуметтік жобасы бойынша 2022 жылы Титов қыстағы және Тасбөгет кентінде жастардың бос уақытын тиімді ұйымдастыру, қажеттіліктерін қанағаттандырумен қызығушылығын анықтау мақсатында аула клубтары құрылып, жастар қолданысына берілді. Аталған жоба аясында Шанхай мөлтек ауданымен Белкөл кентінде аула клубын құру жоспарлануда.&nbsp;Шығармашыл жастар да назардан тыс қалған емес. Оларға қолдау білдіру, қолайлы орта қалыптастыру және жастардың бос уақытын тиімді ұйымдастыру – ортақ міндет. «Qosyl acoustic» шығармашыл жастар жобасы қала жастары арасында аса танымалдылыққа ие болып, 2 жылдан бері ай сайын тұрақты өткізіліп келеді. Қазіргі уақытта жобаның 25-тен аса резиденті мен 150-ден аса тұрақты көрермені бар, – дейді Әліби Басаров.</blockquote>Жайдарман ойындары да қала орталығында тұрақты ұйымдастырылып келе жатқан шараның бірі. Жыл басынан бері 1 республикалық және 2 облыстық деңгейдегі жайдарман ойындары өткізілді. Жастардың бос уақытын ұйымдастыруда спорт саласы да назарда. «Qosyl Sport» спортшы жастар жобасы аясында үстел теннисінен турнирлер тұрақты ұйымдастырылып, жаз айларында волейбол сайыстарын өткізу жоспарлануда.&nbsp;Орталыққа үстел теннисіне келуші жастар саны орталық қызметін пайдаланушы жастар санының 34 %-ын құрап отыр. Әрине, сан түрлі саланы қамтыған қалалық жастар орталығының жұмысы жастармен тікелей байланыс, диалог болмаса, іске аспайды. Ақпараттандыру, олардың үніне құлақ түріп, пікірін назарға алу да бір мақсат. Жыл басынан бері орталық шаралары мен жобалары бойынша БАҚ-та 22 материал жарық көрсе, @qosyl.mrc инстаграм парақшасында 124 пост жарияланған. Онда тұрақты 5110 оқырман бар. Демек жастар орталығы мемлекет саясатының бір бөлігін, қоғамның бір толқынын басқарып келеді деген сөз. Жастарға қолдау білдіруді материалдық жағынан ғана өлшемей, рухани, психологиялық, физикалық тұрғыдан да қарастыра білетін орталық мамандарының еңбегі елеулі.

Қызылордалық жастардың мәселесі – қоғамға ортақ міндет

<a href="https://kyzylorda-news.kz/ru">Kyzylorda-news.kz.</a> Әлемнің әр торабында турист тарту ісі үлкен тенденцияға айналған. Сарапшылардың пікірінше, қазіргі кезде әлемдік экономикада қарқыны төмендемейтін саланың бірі – туризм.Бұл сала Қазақстанда да кең қанат жайып, ел экономикасының өсіп-өркендеуіне үлес қосуда. Десе де, туризм саласының қарқынын тежеп тұрған түрлі факторлар бар. Мәселен, туристік аймаққа апаратын жолдың сапасының нашарлығы, туристер тұрақтайтын орынның аздығы, қонақ үйлердің қызмет көрсету құнының қымбаттығы туризмнің дамуын тұсаулап тұр. Соған қарамастан, саяхатшылар мен туристер елдегі табиғатты, тарихи және көрікті жерлерді тамашалауға, демалыстан ләззат алуға әлемнің түкпір-түкпірінен туристер көптеп келеді. Ішкі туризмді қолдау мақсатында мен де Қазақстанның тарихи және көрікті жерлеріне жиі барып тұрамын. Әйтсе де, елдегі туристік нысандарда демалу қалтаны қағады. Есептеуім бойынша, ел ішінде кеткен қып-қызыл ақшаға шетел аралап қайтуға болады.Хош. «Табысты бизнестің бірі саналатын туризм саласы Қызылорда облысында қарқыны қалай? Облыс экономикасының күре тамыры күрішке байланған Сыр елі туризм саласына қаншалықты көңіл бөлуде?» деген туризм саласына қатысты сауалдарымызды облыстық кәсіпкерлік және туризм басқармасына жолдадық.Сыр елінде туристер арнайы келетін тұмса табиғат болмаса да, талай тарихты ішіне бүккен көне қалалар, тәу ететін киелі орындар мен тарихи-мәдени ескерткіш-нысандарға бай өңір. Саяхатшылар үшін олардың қай-қайсысының да маңызы ерекше. Атап айтатын болсақ, бүкіл түркі әлеміне әйгілі Қорқыт ата мемориалдық кешені, әлемдегі теңдесi жоқ ең үлкен ғарыш айлағы болып табылатын Байқоныр кешенi, тарихы тереңде жатқан Сығанақ қалашығы мен «Сауысқандық» петроглифтерi, медициналық бағытты алатын болсақ, «Жаңақорған» шипажайлар кешені, «Қамбаш» көлi секiлдi туристiк дестинациялар жетерлік.Өңiрiмiзде бүгінгі күні басым туристік аумақтар Арал, Қармақшы, Жаңақорған аудандары. Оның iшiнде Арал ауданынан Барсакелмес қорығы, «Ыстык су» шипалы бұлағы, құмды шөл төбелері, Қамыстыбас демалыс аймағын айта кеткен жөн.Сала мамандарының берген ақпаратына сүйенсек, 2021 жылы өңiрiмiзге 94346 турист келген. Бұл көрсеткiш 2020 жылмен салыстырғанда 1,5 есеге артқан көрінеді. Сондай-ақ, туристер өңірдегі Байқоңыр кешенi, Қорқыт ата мемориалдық кешенi, Қамбаш демалыс аймағы, Ханқожа көлiне, және «Жаңақорған» шипажайына көптеп барған.&nbsp;Жалпы, туризмді дамытуда атқарылып жатқан жұмыстар жоқ емес. Десе де, Сыр еліне арнайылап ат басын бұрып, тарихи жерлерге тамсанып жүрген туристер бірлі-жарым болмаса, ағылып келіп жатқан адам жоқтың қасы. Ал, алысқа бармай-ақ, көрші жатқан Түркістан облысын мысалға алсақ, Қожа-Ахмет Яссауи кесенесіне, Арыстан баб кесенесіне, Орта Азияда ең үлкен үңгір саналатын Ақмешіт үңігіріне, Гаухар ана мен Домалақ ана кесенелеріне күнделікті туристер үздіксіз барады. Тарихына қызығып арнайы баратын туристердің саны күнде мыңнан асып жығылады. Ал, сенбі-жексенбі күндері келушілер саны екі есеге артады.Біздің облыста тарихи қалалар мен орындардан кенде емес. Сыр елінде де көпшілік тәу етер қасиетті орындар да жетерлік. Одан қалды, Дүниежүзiлiк ЮНЕСКО ұйымының тарихи-мәдени нысандар тiзiмiне енгiзiлген «Сығанақ» калашығының тарихы әр жанды қызықтыратыны анық. Тек барды ұқсатып, туризмнің тамырына қан жүгірте алмай отырған өзіміз секілді.<blockquote>– Сығанақ қалашығын мәдени-тарихи орын ретiнде ұстап тұру үшiн арнайы мекеме теңгерiмiнде болуы қажет. Осыған орай, Сығанақ калашығының туристік аймақ ретiнде калыптастыру мақсатында Түркістан облысындағы «Отырар», «Сауран» қалашықтары секiлдi республикалық мемлекеттік кәсіпорын деңгейiнде мекеме ашып, теңгерімге алу мәселесі пысықталуда.Ал, Жанкент қалашығына 2005 жылдан бастау алған зерттеу жұмыстарымен қоса 2014 жылдан бастап бүгiнгi күнге дейiн облыстық бюджеттен каржы бөлiнiп, Қызылорда облыстық тарихи және мәдени ескерткіштерді қорғау мекемесі мен Қорқыт ата атындағы Қызылорда мемлекеттiк университетiнiң арасындағы келiсiм-шарт негiзiнде археологиялық қазба жұмыстары жүргiзiлуде. 2019 жылы республикалык бюджет есебiнен, қорғанның оңтүстiк-шығыс қабырғаларына қайта жаңғырту (реставрация) жұмыстары жүргiзiлiп, қалашықтың кіре беріс аузына 12 метрлік «Жанкент» стеласы орнатылды, – дейді Фердоуси Әбілқасымұлы.</blockquote>Мұнан бөлек, сала басшысының айтуынша, өңірдегі туризм саласын дамыту мақсатында 2021 жылы имидждiк iс-шаралар өткiзiлген.&nbsp;<blockquote>«Қолөнер – асыл қазына» атты қолөнершiлер фестивалі мен отандық туристік фирма және БАҚ өкілдеріне арналған Қызылорда облысы бойынша ақпараттық тур ұйымдастырлды. Сонымен қатар, қонақ үй және мейрамхана бизнесі персоналдарына менеджмент бойынша семинар-тренинг өткізілді»,– дейді Ф.Қожабергенов.</blockquote>Туризмнің дамуына тікелей жауаптының бірі үкімет болса, екіншісі – кәсіпкерлер. Сол себепті, биылдан бастап туризм саласындағы кәсіпкерлерге мемлекет тарапынан қолдау көрсетіліп келеді.<blockquote>– Атап айтқанда, кәсiпкерлiк субъектiлерiнiн санитариялық-гигиеналық тораптарды күтіп-ұстауға арналған шығындарының бiр бөлiгiн субсидиялау үшiн, яғни санитарлы-гигиеналық тораптарды кутiп ұстауға айына 83300 теңге көлемiндегi қолдау, кәсiпкерлiк субъектiлерiнiң жол бойындағы сервис объектiлерiн салу бойынша шығындарының бiр бөлiгiн өтеу, туристік қызметті жүзеге асыратын кәсіпкерлік субъектiлерiне сыйымдылығы жургiзушiнiң орнын қоспағанда, сегiзден астам отыратын орны бар автокөлік құралдарын сатып алу бойынша шығындардың бір бөлігін өтеу, туристік қызмет объектiлерiн салу, реконструкциялау кезiнде кәсiпкерлiк субъектiлерi шығындарының бiр бөлiгiн өтеу арқылы мемлекет кәсіпкерлерге қолдау көрсетуде. Бұның негізгі мақсаты – елдегі туризм саласын дамыту, алға ілгерлету,– дейді облыстық кәсіпкерлік және туризм басқармасы басшысы Ф.Қожабергенов.</blockquote>Біз қалаға жақын маңдағы және Бәйгеқұмдағы тынығу орындарының бір күндік демалыс құнын сұрағанымызда еселеп өсіп кеткенін білдік. Содан болар, қызылордалықтар Түркістан облысына, қазақстандықтар шетелге жазғы демалысын арнайды. Не істеу керек? Сыр өңірінің туризм әлеуетін дамыту үшін жанашырлық пен жүйелі жоспар керегі байқалады. Осыдан кейін аймақ экономикасының дамуына ықпалы зор туризм саласы Сыр елін өркендетіп, өсіре ала ма әлде біздегі сала мамандары туризм саласының өрісін тарылтып, өшіріп ала ма? Анығын алдағы уақытта көрерміз. Біздікі жергілікті билік пен сала мамандарына ой тастау.

Аймақтағы туризм саласының даму деңгейі қандай? 

<a href="https://kyzylorda-news.kz/">Kyzylorda-news.kz.</a> 2022 жылдың 1 қыркүйегіне дейін әкелінген және ҚР заңнамасына сәйкес мемлекеттік тіркеуден өтпеген шетелдік автокөліктерді тіркеу жұмыстары жүргізілуде.&nbsp;Тіркеу жұмыстары басталғалы шетелдік автокөліктерді заңдастыру үшін барлығы 9506 өтініш қабылданып, оң шешімін тапқан өтініштер бойынша 8434 көлік құралдары заңдастырылып, тіркелді.Ағымдағы жылдың 22 мамырынан бастап «конструктор» ретінде шет мемлекеттен алып келінген автокөліктерді тіркеу үшін азаматтардан өтініштер қабылдануда. Қазіргі таңда иеліктен шығару құқығынсыз 20 автокөлік тіркелді. Олардың 16-ы Армения Республикасы, 3-і Ресей Федерациясы, 1 Қырғызстан Республикасының мемлекеттік тіркеу куәлігімен өтініш білдірген автокөліктер.&nbsp;Естеріңізге сала кетейік, заңдастыруға өтінімді е-gov.kz электрондық үкімет порталы, екінші деңгейлі банктердің қосымшалары, Халыққа қызмет көрсету орталықтары арқылы беруге болады.Автоконструкторларды зандастыру туралы қатысты қосымша &nbsp;ақпаратты көрсетілген Call-орталығының &nbsp;нөмерлері арқылы алуға болады:8-705-102-68-41;8-7242-21-20-93.

Қызылорда облысында 20 автоконструктор заңдастырылды

<a href="https://kyzylorda-news.kz/">Kyzylorda-news.kz.</a>&nbsp; Кез келген бала ойын-сауық орталығына барып, көңіл көтергісі келетіні жасырын емес. Балалар ойын-сауық пен аттракциондарды жақсы көреді. &nbsp;1 маусым -балаларды қорғау күніне орай «AMANAT» партиясы Теміржол филиалына қарасты «Магистральдық желі бөлімшесі» &nbsp;бастауыш партия ұйымы «Бақытты &nbsp;отбасы», «Кедергісіз келешек» &nbsp;партиялық жобалары аясында қаламызда орналасқан &nbsp;«Пумбо» &nbsp;ойын-сауық орталығында көп балалы және әлеуметтік аз қамтамасыз етілген теміржолшы отбасылардың балаларына демалыс ұйымдастырды.&nbsp;<blockquote>Бұл шара балаларды қорғау күніне арналып отыр. 7-12 жас аралығындағы 40-қа жуық &nbsp;теміржолшылардың балалары қатысуда. Бұл әріптестердің балаларына қолдау білдіру мақсатында ұйымдастырылып отырғандықтан қаладан тыс станса мен разъездерде тұрып жұмыс істейтін теміржолшылардың 10 баласына оның ішінде мүмкіндігі шектеулі балаларды да назардан тыс қалдырмай &nbsp;қаржылай көмек бердік» - дейді «Магистральдық желі бөлімшесі» бастауыш ұйым төрағасы, қалалық мәслихаттағы &nbsp;«AMANAT» партиясы депутаттық фракциясының мүшесі Ибраким Басықараев.</blockquote>Тәжірибелі аниматорлар балаларға әр түрлі конкурстар мен шоу ұйымдастырды. Балаларға &nbsp;ұйымдастырылған отбасылық демалыс &nbsp;әрбіріне жағымды эмоция және ұмытылмас әсер қалдыруда. Ата–аналарда дән риза.Балалар алған сый сияпаттарына &nbsp;қуанышты екендерін жасыра алмай тұр. Балалар бақыты аманат. Бүгінгі өтіп жатқан «АМАНАТ» партиясының &nbsp;«Бақытты отбасы» &nbsp;жобасы &nbsp;өте орынды деп санаймын. Мен көп балалы анамын. Бүгін мекемеміздегі &nbsp;жұмыс жасап жатқан қызметкерлердің &nbsp;баларының басын қосып, оларға жақсы &nbsp;жағдай жасалып, &nbsp;көңіл бөліп, &nbsp;жан-жақты қолдап жатыр. Біздей ата-аналарға &nbsp;ең қажеттісі де осы. Жақсы, жүректен шыққан жылы сөз &nbsp;кімге &nbsp;болса артықтық етпейді. Мекеме басшылықтарының партиялық &nbsp;жоба аясында &nbsp;балаларға көңіл бөліп, қолдап жатқандығы &nbsp;біздерге де &nbsp; қуат бергендей. Ұйымдастырушыларға алғыстан басқа айтарымыз жоқ»,- дейді көп балалы ана Мөлдір Ақышева.

Балалар бақыты аманат  

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы облыстық филиалы білім беру ұйымдарын &nbsp;бітіргелі жатқан жас мамандарды жұмыспен қамту &nbsp;және &nbsp;жеке кәсібін ашу үшін мемлекет тарапынан беріліп жатқан жеңілдіктер мен &nbsp;мүмкіндіктер &nbsp;жайлы ақпараттар беру үшін «Ашық есік» күнін ұйымдастырылды.Ақпараттық шараға партия филиалының Атқарушы хатшысының орынбасары А.Жарылқасынов, қалалық жұмыспен қамту орталығының бөлім басшысы А.Самыратов, «Қызылорда өңірлік инвестициялық орталығы» ЖШС-нің маманы Е.Нұрахметов және «Аграрлық несие корпорациясы» аймақтағы филиалының кредиттеу бөлімі &nbsp;басшысы Қ.Садақбаев қатысып, жас мамандарды еңбекке баулу, &nbsp;кәсіппен айналысуына мемлекет тарапынан беріліп жатқан жеңілдіктер жайлы мәліметтер берді.<blockquote>«АМАNАТ» партиясының халықтың сұранысы негізінде 2023-2027 жылдарға жоспарланған «Халықпен бірге» атты сайлауалды бағдарламасында айқындалған басым бағыттардың бірі жастарға жан-жақты жағдай жасау. Яғни олардың жұмыспен қамтылуына, өмір сүру жағдайын жақсартуына басымдықтар көзделген. Осы бағытта ұйымдастырылып отырған бүгінгі ашық есік күнінің мақсаты оларға дұрыс бағыт - бағдар беру, жұмысқа орналасуына ықпал ету және мемлекет тарапынан жасалып жатқан жеңілдіктер мен мүмкіндіктер жайлы кеңінен ақпарат беру», -деді &nbsp;алғаш сөз алған партияның облыстық филиалы Атқарушы хатшысының орынбасары А.Жарылқасынов.</blockquote>Қызылорда қаласы бойынша биыл 11624 жаңа жұмыс орындарын құру жоспарланса, бүгінгі күні 5948 жұмыс орны ашылған. Оларға «Электронды еңбек биржасы» порталы арқылы 232 жас тұрақты жұмысқа орналасып отыр. Мұнан бөлек жыл көлемінде ұйымдастырылған 6 бос жұмыс орындары жәрмеңкесі нәтижесінде 27 жас тұрақты жұмыспен қамтылған. Шара барысында «Қызылорда қалалық жұмыспен қамту орталығы" КММ-нің бөлім басшысы А. Самыратов сөз алып, жастарды жұмыспен қамту аясында жүргізіліп отырған жұмыстар бойынша &nbsp;кеңінен ақпарат беріп өтті.<blockquote>«Жыл басынан жастар практикасын бойынша 232 мекемемен келісім шарт жасалып, 358 жас маман жұмыс жасап жатыр. Әлеуметтік жұмыс орындарын ұйымдастыру арқылы 165 азамат жұмысқа жолданды, оның 50 жастар санатына кіретін азаматтар. Қоғамдық жұмыс орындарында уақытша 569 жас жұмыс жасауда. Алғашқы жұмыс орны бойынша 29 жас жұмыс орынмен қамтамасыз етілді. Бұл жұмыстар алдағы уақытта да жалғасын табады», - деді ол.</blockquote>«Ашық есік» шарасына жоғарғы, арнаулы орта, кәсіптік оқу орындарын бітіргелі жатқан түлектер қатысып, сала мамандарының таныстырған хабарламаларына сәйкес сұрақтар қойып, тиісінше жауаптар алды.<figure class="image"><img src="https://knadmin.beoblood.kz/uploads/53dcf381_d356_41e0_9c31_16a1ca727729_6f93277ac0.jpg" alt="53dcf381-d356-41e0-9c31-16a1ca727729.jpg"></figure>&nbsp;<figure class="image"><img src="https://knadmin.beoblood.kz/uploads/4fc9a15b_bcf1_4637_b4e8_ccb62101f3b0_d43a759ee8.jpg" alt="4fc9a15b-bcf1-4637-b4e8-ccb62101f3b0.jpg"></figure>

Архив