<a href="https://kyzylorda-news.kz/ru">Kyzylorda-news.kz.</a> Астанада мектепте теракт ұйымдастыру туралы қағаз таратқан оқушының ата-анасы жазаланды, – деп хабарлайды Aikyn.kz.Полицияға педагог хабарласқан. Ол 9-сынып оқушысы қоңырау кезінде басқа оқушыларға мектепте теракт ұйымдастыру туралы қағаз таратып жүргені туралы айтқан. Оқиға орнына жедел-тергеу қызметкерлері келген. &nbsp;Оқушы әзіл ретінде компьютермен жазып, қағаздарды таратқанын мойындаған. Полиция соталды тергеу бастады, қажет сараптама тағайындалған.Баланың ресми өкілдері – ата-анасына әкімшілік шара қолданылған. Астана қаласының кәмелетке толмағандардың істері жөніндегі мамандандырылған ауданаралық сотының шешімімен кәмелетке толмаған баланың анасына айыппұл салынды.Фото: Нұрболат Нұржаубай

Астанада 9-сынып оқушысы теракт ұйымдастыру туралы қағаз таратқан

<a href="https://kyzylorda-news.kz/ru">Kyzylorda-news.kz.</a>&nbsp; Қазақстанда мемлекеттік медициналық сақтандырудың ең жоғары жарнасын бес есе арттыру қарастырылып жатыр. Бірақ ол жалақысы 850 000 теңгеден асатын қызметкерлерге ғана қатысты. Бұл туралы Stan.kz ақпарат агенттігі хабарлайды.&nbsp;Денсаулық сақтау министрлігі міндетті әлеуметтік медициналық сақтандыру жүйесіне (МӘМС) жарна мен аударымдарды есептеу үшін ең төменгі жалақыны (ЕТЖ) 10-нан 50-ге дейін ұлғайту ұсынылған заң жобасын жариялады.Егер ол қабылданса, онда МӘМС-ке ең жоғарғы аударым жұмыс берушілер үшін 2024 жылы 25 500 теңгеден 127 500 теңгеге дейін, ал жалдамалы қызметкерлер үшін жарна 17 000 теңгеден 85 000 теңгеге дейін өседі. Сәйкесінше сома бес есе артады.Кейбір сарапшылар жарнаның бұлай күрт өсуі қазақстандық салық төлеушілерге салмақ салуы мүмкін деп санайды. Дегенмен мемлекеттік әлеуметтік медициналық сақтандыру қоры өкілдерінің (МӘМС) айтуынша, бұл ұсыныс халықаралық тәжірибені ескере отырып жасалған және азаматтардың әл-ауқатына айтарлықтай әсер етпейді.МӘМС есептеуі бойынша мөлшерлемені көтеру барлығына әсер етпейді. Себебі азаматтардың көбі (91%) ең жоғары мөлшерлемені қолданатындай үлкен жалақы алмайды. Қазір еліміздегі қызметкерлердің тек 9%-ы 10 ЕЖЖ немесе 850 000 теңге алады.Қор өкілдерінің пікірінше, бұл шара медициналық көмектің қолжетімдігін арттыруға, оның сапасын жақсартуға ғана емес, сонымен қатар әлеуметтік медициналық сақтандыру жүйесінің ортақ жауапкершілік қағидатын сақтауға мүмкіндік береді.Фото: Нұрболат Нұржаубай

Елімізде медициналық сақтандыру жарнасы бес есе артады: Өзгеріс кімдерге қатысты болады?

<a href="https://kyzylorda-news.kz/ru">Kyzylorda-news.kz.</a> Қазақстандықтар жалақы түскенге дейін берілетін микронесиені жиі ала бастады. Бір жыл ішінде 13 миллионға жуық азамат жалақы түскенге дейін несие алуға өтініш берген. Несие алушылар микроқаржы ұйымдарының алдында қанша қарыз?&nbsp;Онлайн микрокредит, яғни жалақы түскенге дейін алынатын шағын несие 45 күнге дейінгі мерзімге, 50 АЕК-тен аспайтын сомада (2024 жылы бұл көрсеткіш – 184 600 теңге) беріледі. Бұл несие түрін көбіне ақшасын айдың соңына дейін жеткізе алмаған қазақстандықтар қолданады.2023 жылы онлайн микрокредит алған қарыз алушылардың саны артқан болатын. Бірінші кредиттік бюро ұсынған Data Hub Telegram-арнасындағы ақпаратқа сәйкес, берілген несиелердің жалпы саны 72,5 пайызға артып, 13 миллионға жеткен.&nbsp;Берілген несиелер мөлшері де бірден 102,6 пайызға өсіп, бір жыл ішінде 790 млрд теңгеге жеткен. Қазақстандықтарға берілген онлайн микрокредиттің орташа сомасы 60,8 мың теңгеге тең, ал медиана әдісі бойынша есептелген несие мөлшері небәрі 50 мың теңге болған, яғни қолжетімді ең жоғарғы сомадан айтарлықтай аз.&nbsp;Онлайн микрокредиттерді көбіне 40 жасқа дейінгі (несие алғандардың 72 пайызы) азаматтар рәсімдеген.&nbsp;2023 жылдың соңында Қазақстандағы қарыз алушылардың микрокредит бойынша өтелмеген қарыздарының жалпы сомасы 18,7 пайызға өсіп, 140 млрд теңгеге жеткен.&nbsp;Бұл несиелер бойынша төлемді 90 күннен аса кешіктіргендер саны (NPL90+) 16,8 пайызға тең болды, бірақ бүгінде бұл көрсеткіш бірте-бірте азайып келе жатыр.&nbsp;Айта кетейік, елімізде бір жыл ішінде қарыз алушылардың саны мен алған қарыздарының жалпы сомасы ғана емес, жалақыға дейін онлайн қарыз беретін микроқаржы ұйымдарының (МҚҰ) саны да артқан. Мәселен, 2021 жылдың басында елімізде МҚҰ саны 44 болса, 2024 жылғы 1 қаңтардағы жағдай бойынша олардың саны 79-ға дейін артқан.&nbsp;&nbsp;Дереккөз: <a href="https://kaz.nur.kz/nurfin/2057958-qazaqstandyqtar-zalaqydan-zalaqyga-zete-almai-mikronesie-aludy-ziiletken/?utm_source=facebook&amp;utm_medium=kaz&amp;fbclid=IwAR1iiI3nk6sNn79CsuO1JKSijPAuCXlt7YM_JymnFEo5NdJWpxwsBBQGPng">KAZ.NUR.KZ&nbsp;</a>Фото: Нұрболат Нұржаубай

Қазақстандықтар жалақыдан жалақыға жете алмай, микронесие алуды жиілеткен 

Фото: облыстық кәсіпкерлік және өнеркәсіп басқармасы<a href="https://kyzylorda-news.kz/ru">Kyzylorda-news.kz.</a> Қызылордалық жас кесіпкер бірнеше рет пайдаланатын жөргек шығара бастады. Ол осылайша қоршаған ортаны ластайтын қоқысты да азайтуды мақсат еткен. Мәселен, орташа есеппен бір бала үш жасқа толғанға дейін 5000-нан астам бір реттік жаялықтарды пайдаланады. Жөргек отқа жанбайды, оңайлықпен шірімейді. Жас кәсіпкер Айдана Исраилова осының бәрін ескеріп, көп реттік жөргек жасауды қолға алған.Кәсіпкер алдымен мемлекеттік бағдарлама аясында 5 млн теңге көлемінде қайтарымсыз грант ұтып алды. Осы қаражатқа ол «eco_hanym» брендімен қайта пайдалануға болатын жөргектер (подгузник) шығару инновациялық жобасын жүзеге асыруда.Қайта пайдалануға болатын жөргектің сырты су өткізбейтін материалдан, іші мақтадан тігілген. Өлшем түймелердің көмегімен ені мен ұзындығы бойынша оңай реттеледі.<blockquote>Қайта пайдалануға болатын матадан жасалған жөргектерді пайдалану полигонға жіберілетін қалдықтарды азайтады. Бұл қоршаған ортаның ластануына әкелуі мүмкін қалдықтардың үлкен мөлшері. Қазіргі таңда 5 адамды жұмыспен қамтып отырмын. Жөргектердің эскизін өзіміз саламыз, содан кейін арнайы жабдықпен тігеміз. Өнімнің бағасы - 3300 теңге, - деп түсіндірді кәсіпкер.</blockquote>

Қызылордалық кәсіпкер бірнеше рет пайдаланатын жөргек шығаруда

Фото: облыс әкімінің баспасөз қызметі<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев білім беру ұйымдарының жай-күйі туралы кеңейтілген мәжілісте жауапты басшыларға балалардың қауіпсіздігін қамтамасыз ету, әлімжеттіктің алдын алу туралы тапсырма берді.<blockquote>«Өкінішке қарай, кейбір мектептерде жасөспірімдердің бір-біріне әлімжеттік, зорлық көрсетуі, суицидке баруы тіркелуде. Буллинг балалар мен жасөспірімдердің денсаулығына, жан дүниесіне орны толмас зиянын тигізіп, оқу үдерісіне кері әсер етеді. Олардың әлеуметтік ортадан шеттеп қалуына, ой-санасының бұзылуына әкеп соқтыратын кез келген жағдайға тосқауыл қоюымыз қажет.Мемлекет басшысы Қасым-Жомарт Кемелұлы Ұлттық құрылтайдың екінші отырысында сөйлеген сөзінде бұл мәселеге тоқталып, «Біз ұрпақ тәрбиесіне баса мән беріп, жастарды жақсылыққа жетелеуіміз керек. Бүгінгі интернет дәуірінде бұл оңай шаруа емес. Ашығын айтсақ, қазір жас ұрпақ әлеуметтік желі арқылы тәрбие алып жатыр. Баланы дұрыс бағытқа бұрып, жол көрсетіп отырмасақ, бұл – өте қауіпті үрдіс. Ғаламтор арқылы жат діни ағымдардың құрығына түскен жастар да бар. Ұрпақтың бойында жаман әдет болса, бұл – ең алдымен, үлкендердің кінәсі.Біз жастарды жаһанданудың қатерлі ықпалынан барынша сақтауға міндеттіміз. Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Кейбір мектептегі тәрбие жұмысы ақсап тұр. Соңғы кезде кейбір мектепте оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Оны, тіпті, бейнетаспаға түсіріп, әлеуметтік желіге салу «сәнге» айналды. Кейде балалардың қатыгездігі жан түршіктіреді» – деп алаңдаушылық білдірген болатын.Өткен жылы қыркүйек айында «Тәрбие, спорт және қосымша білім беру орталығы» құрылды. Биыл облыс орталығынан Психологиялық қолдау орталығы өз жұмысын бастайды. Жаңа орталықтар жұмысы балалардың ой-танымын арттыруға, спорттық қабілетін шыңдауға, жасөспірімдер арасындағы түрлі келеңсіздіктердің алдын алуға бағытталуы тиіс», – деді облыс әкімі.</blockquote><figure class="image"><img src="https://knadmin.beoblood.kz/uploads/417413052_684413070546607_5003870257637805685_n_5a79b65e14.jpg" alt="417413052_684413070546607_5003870257637805685_n.jpg"></figure>Биыл өңірдегі 57 мектеп, 6 балабақшадағы бейнебақылау жүйесін талапқа сәйкестендіруге бюджеттен 456 млн. теңге қаржы бөлінді. Балаларды жайлы және қауіпсіз тасымалмен қамтамасыз ету үшін 30 автобус жаңаланды.Өткен жылы көрші Ақтөбе облысында аудан орталығындағы олимпиадаға оқушыларды тасымалдаған автокөлік апатқа ұшырап, екі бала қайтыс болған еді. Осы жағдайды еске салған Нұрлыбек Машбекұлы қауіпсіздік шараларын қатаң сақтауды міндеттеді.

Қызылордада оқушыларға психологиялық қолдау көрсету орталығы ашылмақ

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев облыстағы білім беру ұйымдарының жай-күйі туралы кеңейтілген мәжілісте ҰБТ тапсыруға сапалы дайындықтың ерекше маңызын, бұл бағытта жүйелі жұмыс қажет екенін баса айтты.<blockquote>«Білім сапасының басты көрсеткіштерінің бірі – Ұлттық бірыңғай тестілеу. Соңғы жылдары білім сапасын арттыруда айтарлықтай нәтижелерге қол жетті. ҰБТ-ның орташа көрсеткішінің және қатысушылар санының жыл сайынғы өсімі байқалуда. Дегенмен, 2023 жылғы тестілеу қорытындысына қарасақ, оған қатысуы мен орташа балл көрсеткіші төмен мектептер бар.Мысалы, Қызылорда қаласындағы №267 мектепте 8 бітіруші түлектің 8-і де, яғни 100 %-ы тестілеуге қатысқан, орта балл – 61,6. Арал ауданындағы №60 мектепте бітіруші саны – 7, тестке қатысқаны – 4 немесе 57,1 %, орташа балл – 64,2. Жаңақорған ауданындағы №224 мектепте бітіруші – 13, ҰБТ-ға қатысқаны – 10 немесе 77 %, орташа балл – 63,8. Қазалы ауданындағы №134 мектепте бітіруші саны – 4, барлығы қатысқан, орташа балл – 60. Аталған мектептердің көрсеткішіне қатысты жан-жақты талдау жасап, мектеп басшыларының жауапкершілігін қатаң түрде қарауды тапсырамын», – деді Нұрлыбек Машбекұлы.</blockquote>Айта кетейік, Қызылорда облысы бойынша 2021 жылы бітірушілер саны – 7 004, ҰБТ-ға қатысушы – 5 730 (82 %), орташа балл – 82,5, 2022 жылы бітірушілер саны – 7 506, қатысушы – 6 308 (84 %), орташа балл – 85, 2023 жылы бітірушілер саны – 8 051, қатысушы – 7 219 (89,6 %), орташа балл – 87.Облыс әкімі өткен жылғы межеден төмен түспеу үшін білім басқармасына биылғы Ұлттық бірыңғай тестілеуге дайындық жұмыстарын жоғары деңгейде ұйымдастыруды тапсырды. Арал ауданының тұрғындарынан тестілеу пунктін ашуға қатысты көптеген ұсыныс түскенін айтып, қажет болған жағдайда Ғылым және жоғары білім министрлігімен мәселенің шешімін қарастыру міндеттелді.«Мектеп бітіруші түлектердің әрі қарай өмірде өз жолын тауып, жоғары оқу орындары мен колледждерге оқуға түсіп, маман болып шығуы аса маңызды. Орта есеппен бір грантты 800 мың теңге деп алсақ, 2023 жылы 4 973 бала мемлекеттік грант иеленген, яғни, осы балалардың отбасына 3 млрд. 978 млн. 400 мың теңге инвестиция келген. Бұл дегеніміз – тұрғындар үшін айтарлықтай жеңілдік», – деді аймақ басшысы.<figure class="image"><img src="https://knadmin.beoblood.kz/uploads/417486419_684405977213983_8582316006304406217_n_716337b775.jpg" alt="417486419_684405977213983_8582316006304406217_n.jpg"></figure>

Облыс әкімі мектеп басшыларының жауапкершілігін қатаң түрде қарауды тапсырды

Фото: gov.kz<a href="https://kyzylorda-news.kz/ru">Kyzylorda-news.kz.</a> Күн сайын дерлік біз әртүрлі тауарларды (жұмыстарды, қызметтерді) сатып аламыз, бірақ олар әрдайым сапалы бола бермейді. Кейде сатып алушының құқықтары сатып алудан бұрын, сатушылар тауардың техникалық сипаттамалары туралы дұрыс емес ақпарат берген кезде бұзылады.Осыған байланысты тұтынушыны нарықтық қатынастарда барынша қорғау мақсатында тұтынушылардың құқықтарын қорғау туралы заңнамаға үнемі өзгерістер мен толықтырулар енгізіліп отырылады. Осы ретте уәкілетті орган заң жобасын әзірледі, ол бүгінгі таңда Мәжілісте қаралуда.Қазақстан Республикасы Сауда және интеграция министрлігінің Қызылорда облысы бойынша сауда және тұтынушылардың құқықтарын қорғау департаментінің дерегіне сәйкес тұтынушылардың құқықтарын қорғау туралы заң жобасына тұтынушылардың құқықтарын қорғау жөніндегі Омбудсмен институтын енгізу және заңнамалық бекіту есебінен тұтынушылардың құқықтарын қорғау жүйесін институционалдық күшейту.Тұтынушылардың құқықтарын қорғау мәселелері жөніндегі Омбудсмен институтының міндеті барлық тұтынушының әрқайсысын тыңдау, қызмет барысында тұтынушылардың құқықтарын қорғау саласының жүйелік проблемаларын зерделеу және анықтау, сондай-ақ тұтынушылардың дауысы ретінде қызмет атқару, бұл туралы мемлекеттік биліктің ең жоғарғы эшелондарына мезгіл-мезгіл тікелей баяндау, осы проблемаларды шешу жөніндегі ұсыныстар енгізу болып табылады. Омбудсмен институтының функцияларына кәсіпкермен туындаған тұтынушы құқықтары мәселелері бойынша сотқа дейінгі реттеу, әйтпесе - тұтынушылардың мүдделері мен құқықтарын қорғау үшін талап қоюмен сот органдарына жүгіну, егерде тұтынушылардың құқықтарына нұсқан келтіруі мүмкін болса немесе олардың мүдделерді қозғалса, әзірлеуші мемлекеттік органдардың нормативтік құқықтық актілерінің салалық жобаларын әзірлеуге белсенді қатысу, азаматтарды тұтынушылардың құқықтары мәселелері бойынша құқықтық сауаттылықты арттыру &nbsp;және ағарту болып табылады.2020 жылы "Тұтынушылардың құқықтарын қорғау туралы" Заңға түзетулер қабылданып, олар үкіметтік емес ұйымдар мен бизнесті тарта отырып, тұтынушылардың құқықтарын қорғаудың біртұтас жүйесін құруға ықпал етті, оның ішінде тұтынушылардың шағымдарын қараудың төрт сатылы алгоритмі енгізілді. Бұл ретте сондай-ақ азаматтың сотпен кедергісіз қорғалуына конституциялық құқығын ескере отырып, тұтынушылардың шағымдарын &nbsp;қараудың қолданыстағы алгоритмін, екі сатылы алгоритміне, &nbsp;тұтынушылық даудың тараптары арасындағы дауларды тек қана сотқа дейінгі реттеу мүмкіндігін сақтай отырып, құқықтары бұзылған тұтынушыны сотқа талап қою алдында мемлекеттік органға жүгінуге міндеттемеу ұсынылды.Қолданыстағы Заң салалық заңдармен реттелген қаржылық, әлеуметтік, медициналық, туристік және өзге де қызметтер салаларындағы тұтынушылардың құқықтарын қорғауда қолданылмайды. Осыған сәйкес, адам өмірінің барлық салаларында тұтынушылардың құқықтарын қорғау мақсатында тұтынушылардың құқықтарын қорғау қағидаларын тұрғын үй-коммуналдық тұтыну, байланыс, туризм, мәдениет, сауда, көлік және тұтыну үшін көрсетілетін қызметтердің өзге де салаларында қолдану ұсынылды.Онлайн саудаға қатысты тұтынушылардың электрондық сауда сегментіне шағымдарының саны өсті. Осыны ескере отырып, заң жобасымен шарттарда тұтынушылардың құқықтары мен заңды мүдделерін бұзатын және оларға қысым жасайтын талаптаға жол бермеуді бекіту, сондай-ақ құқықтық олқылықтарды жою, атап айтқанда, тауарларды сату мақсатында пайдаланылатын интернет-ресурстарды «сауда объектілеріне» теңестіру ұсынылды.Тұтастай алғанда, тұтынушылардың құқықтарын қорғау туралы заңға ұсынылатын түзетулер тұтынушының қанағаттанушылығын қамтамасыз етіп, әлеуметтік тепе теңдікті қалыптастыруда оң нәтиже береді. Әзірленген жаңашылықтарды заңнамалық тұрғыдан бекіту тұтынушылардың құқықтарын қорғау жүйесін неғұрлым жоғары сапалы деңгейге көтереді және қазақстандықтардың өмірінде жағымды өзгерістерге әкеледі.Сонымен қатар, тұтынушылардың құқықтарын қорғаудың бірыңғай ақпараттық жүйесіне, яғни e-tutynushy.kz сайтында ұялы телефон немесе компьютер арқылы әр тұрғын өзінің бұзылған құқықтары туралы мәлімдей алады және кәсіпкерлерге Smart QR қосылуға болады.

Тұтынушылар құқығы бұзылған жағдайда қайда жүгіну керек?

Фото: fingramota.kz<a href="https://kyzylorda-news.kz/ru">Kyzylorda-news.kz.</a>&nbsp; Қаржы пирамидаларын құрушылар қысқа уақыт аралығында кепілдік берілген, &nbsp;аса жоғары табысқа қол жеткізетіндерін уәде етіп, азаматтарды өздеріне тартады. Алайда, белгілі бір мөлшерде қатысушылар мен тиісінше салымдар жинала салысымен ұйымдастырушылар барлық ақшамен бірге жоқ болып кетеді.&nbsp;Fingramota.kz қаржы пирамидаларының негізгі түрлері, белгілері мен сатылары туралы еске салады.&nbsp;Қаржы пирамидаларының классикалық схемаларыҚазіргі уақыттағы қаржы пирамидалары (инвестициялық пирамидалар) қатысушылардың табыс табуының жалғыз әдісін пайдаланып келеді, ол – пирамиданың жаңа мүшелерінің ақшалай қаражатын тарту. Табысқа қол жеткізудің мұндай қағидаты қаржы пирамидасы мен нақты қаржы жобасының арасындағы түбегейлі ерекшелікті көрсетеді. Пирамиданың алғашқы қатысушыларына дивидендтер кейінгі қатысушылардың салымдары есебінен төленеді. &nbsp;Әдетте барынша сендіру үшін пирамидалар жалған құжаттарды, күмәнді цифрлық есептер, диаграммалар мен схемаларды пайдаланады, сондай-ақ алдау немесе қомақты табыс табатыны туралы уәде беру арқылы жарнама ретінде қоғамда белгілі адамды тартады.Қазіргі уақытта алаяқтар мен қаржы пирамидаларын ұйымдастырушылардың жетік білімі бар, олар ІТ-технологиялар бойынша білікті мамандар, адамдардың эмоцияларымен айла-шарғы жасай алатын жақсы психологтар мен сөзге шешен адамдар болып табылады. Бүгінгі күні қаржы пирамидаларын құруда әлеуметтік желілер мен мессенджерлер маңызды рөл атқарады.Бірақ аталған компаниялардың қызметін желілік маркетингпен шатастырмау керек. Желілік маркетингте де тартылған адамдар үшін белгілі бір пайыздар төлейді, бірақ оның негізінде өнім болады, соны сатқаны үшін дистрибьютерлік желінің қатысушылары нақты табыс табады, ал қаржы пирамидасының негізін салымшылардың ақшасы құрайды. &nbsp;Қазақстандағы қаржы пирамидаларының кеңінен тараған схемалары&nbsp;Букмекерлік кеңселер арқылы қойылатын ставкалар:&nbsp;бұл белгілі бір оқиғалардың, көбінесе спорттық ойындардың нәтижелеріне, оның ішінде онлайн режимінде қойылатын ставкаларды қабылдайтын ұйымдар. Олар ойындардың аяқталу ықтималдығын бағалайды және әрбір &nbsp;ықтимал нәтижеге өз коэффициенттерін қояды. Бұл ұйымдардың қызметі «Ойын бизнесі туралы» ҚР Заңымен реттеледі.Заманауи қаржы пирамидалары букмекерлік кеңселердің атын бүркемеленулері мүмкін, олар клиенттерді «міндетті түрде» жеңіске жеткізетін ставкалар қоюға шақырады. Егер ресми букмекерде өз қызметін жүзеге асыруға үнемі лицензиясы болып, ставкаларды жүзеге асыру кезінде ставкаларды растау туралы кассалық немесе электрондық чек және купон беретін болса, алаяқ ұйымдардың ресми лицензиясы болмайды және олар көп жағдайда мессенджерлер арқылы «жалған» чектер жібереді.Қаржы пирамидасын ұйымдастырушылар сонымен қатар әртүрлі «серіктестік бағдарламаларды» пайдаланады, олар бағдарламаға &nbsp;қатысушыларға спорттық іс-шаралардың нәтижелерінен емес, нақты сіз ертіп әкеліп, ставка жасаған адамдардың санына байланысты жоғары кіріс көзін &nbsp;ұсынады. Мәселен, сіз белгілі бір соманы салуыңыз және олар үшін белгілі бір дивидендтер алатын кем дегенде екі белсенді клиентті қосымша тартуыңыз қажет. Нәтижесінде пирамида жаңа «инвесторлардың» ақшасы есебінен белсенді дами түседі.&nbsp;Инвестициялар және күмәнді жобалар:&nbsp;бұл 2024 жылдағы &nbsp;пирамиданың өзекті түрі. Оның схемасы мынадай – Желіде олар сізге жоғары кірісті онлайн-жобаға инвестиция салуды ұсынады. Оның жай схемадан айырмашылығы – сізге жаңа қатысушыларды тарту міндет емес. Сізге тек белгілі бір соманы салуды сұрайды &nbsp;және жоба іске қосылғаннан кейін аса жоғары кіріске кенелуге уәде береді. Алайда, мұндай пирамиданы ұйымдастырушылар қомақты сома жинағаннан кейін жобаларын жабады да жоғалып кетеді. Біраз уақыт өткеннен кейін көпшілікке жаңа жобаны &nbsp;жарнамалауды бастайды және аталған схема қайталана береді.Қаржы пирамидалары жұмыс істеуінің бес сатысы&nbsp;I-кезең – пайда болу (құру) сатысы. Мынадай белгілерін атап өтеміз:жоғары кірістілікке және салынған қаражаттың жылдам қайтуына (бірнеше айда), ең төмен тәуекелдерді жария етуге уәде бере отырып, қатысушыларды белсенді түрде тарту. Мұндай схемаларда пирамидаға кіру үшін ашық немесе жасырын нысандағы ақы төлеу және нарықтық деңгейден жоғары кепілдік берілген төлемдерге уәде бере отырып белсенді жарнамалық науқан жүргізу. Компания ресми түрде тіркелмеген және қызметі нақты айқындалмаған. Ақша төлемдерін қабылдау қаржылық іздің тіркелуінсіз жүзеге асырылады, қасақана мақсаттармен қаржылық тізбектің үзілуі орын алады, қаржылай қаражатты алушы шарт жасалған адамнан өзгеше болады; нақтылайтын және растайтын ақпаратсыз жобаның бірегейлігі туралы мәлімдеу; түрлі инвесторларды жаппай тарту; «фьючерстер», «P2P», «трейдинг», «опциондар» сияқты арнайы қаржылық терминологияны түсініктеме бермей және қажеттіліксіз пайдалану, оны кәсіби емес инвесторлар түсіне алмайды және түсінгісі де келмейді; желілік маркетинг қағидаттарын пайдалана отырып схемалар құру; инвестицияларды сақтандыру туралы шындыққа сәйкес келмейтін мәлімдеме; компанияда қолжетімді офистің, жарғының, құрылтай құжаттарының, компания сайтының болмауы, шетелдік юрисдикциядағы хостингте сайтты орналастыру.II-кезең&nbsp;–&nbsp;өркендеу сатысы.&nbsp;Пирамида үшін мыналар тән:түрлі бонустық бағдарламалар мен корпоративтік іс-шаралар арқылы ойластырылған және негізді болып көрінетін қызмет негізінде жаңа қатысушыларды барынша көп және жылдам тарту. Оған заңды бизнесте де пайдаланылатын желілік маркетинг тәсілдері ықпал етеді. қатысушыларға пайыздық төлемдер жаңа салымшылардың ақшасы есебінен жүзеге асырылады және ол сату көлеміне немесе кәсіпкерліктің өзге де нәтижелеріне байланысты емес. акциялардың өзіндік баға белгілеуі (акциялардың бағасын ұйым нарықтық құнға байланыстырмай белгілейді) және сату мен сатып алуға тұрақты өсіп отыратын екі жақты баға белгілеу; салымшылар қаражатының қамтамасыз етілмеуі және қайтаруға кепілдік беру сенімін еш жерде тіркелмеген құжатпен қалыптастыру. Шарт көбінесе болмайды немесе азаматтық құқық нормала бұзылады, ақша қаражаты түбіртектерсіз немесе басқа растайтын құжаттарсыз қабылданады; &nbsp; салымшылардың ақшалай қаражаты инвестицияланған жобалар туралы ақпараттың болмауы.III кезең – маңызды кезең. Мұнда:ақша қаражатын қайтармау тәуекелін арттыру. Уәде берілмеген кірістерді төлеу мүмкіндігі төмендейді, ал қаржылық міндеттемелер арта түседі, салымшыларда тәуекелді күту арта түседі. Ұйымдастырушылар тәуекелдер мен жағымсыз жаңалықтарды елемейді немесе оларды жақсы деп қабылдайды, қауіпті сигналдарды елемейді, төленген кірістерді қайта инвестициялауды ұсынады; әлеуметтік желілерде, мессенджерлерде, сайттардағы жеке кабинеттерде технологияларды пайдалана отырып, қаржы компаниясының қызметін белсенді жарнамалау, оқыту семинарларын өткізу; компанияның қаржылық жағдайы түсініксіз (сайтта құжаттар жоқ, инвесторлар үшін ақпаратты ашатын бөлім жоқ). Бұл белгілер қаржы пирамидасының болуы мүмкін екенін көрсетуі мүмкін, бірақ қызмет тарихы жоқ көптеген жаңа ұйымдар ұқсас жағдайда болуы мүмкін. &nbsp;IV кезең – қаржы пирамидасын бұзу.&nbsp;жағымсыз ақпарат түсуінің өсуі және салымшылар арасында дүрбелеңнің туындауы, салынған қаражатты қайтаруға жаппай талап қою, ұйымның банкроттығы. Бұл күйзеліс жағдайындағы кез келген қаржы ұйымына тән; меншікті активтері, компаниядан және қашып кеткен ұйымдастырушылардан ресми ақпарат болмаған жағдайда, салынған қаражаттың кем дегенде бір бөлігін қайтарып алуға мүмкіндік болмайды, қылмыстық істер мен сот талаптары қозғалады; V&nbsp;кезең&nbsp;– қаржы пирамидасының жандануы (ребрендингі).&nbsp;салымшылардың бұрынғы ортақтығын, бұрынғы аңызды қолдану;&nbsp; пирамиданы жандандыру, жаңа салымды көбейте түсу және салынған қкаражатты қайтару үмітін ынталандыру; бұрынғы міндеттемелерді қабылдау. Аталған белгілердің кәсіпкерлік қызмет үшін де тән болуы мүмкін екенін атап өткен жөн. Осыған байланысты қаржы пирамидасының барлық белгілері &nbsp;негізгі және қосымша болып жіктеледі. Негізгі белгілері ретінде қаржы пирамидасын айқындайтын маңызды сипаттарды түсінеміз, оларсыз схеманы осы ұйым түріне жатқызу күмән тудырады. Қосымша белгілері ретінде қаржы пирамидасына және кәсіпкерлік қызметке, оның ішінде қаржы нарығында тән болатын сипаттарды түсінеміз. Бұл сипаттары қаржы пирамидасының белгілерінің бар екендігі туралы белгі беруі мүмкін, бірақ бір жақты қаржы пирамидасы ретінде түсіндіріле алмайды.&nbsp;Қаржы пирамидасын құрғаны үшін ҚР ҚК 217-бабы бойынша мүлікті тәркілеумен 12 жылға дейін бас бостандығынан айыруға, сондай-ақ белгілі бір лауазымдар бойынша қызмет ету немесе белгілі бір қызметпен айналысу құқығынан айыруға дейінгі қылмыстық жауаптылық көзделгенін еске саламыз.Сізді қаржы пирамидасына тартқан жағдайда, абай болыңыз. Оны мына белгілері арқылы танып-білуге болады:&nbsp;Кіріс жарнасын енгізуді ұсынады; Нарықтық деңгейден бірнеше есе артық жоғары пайда табатыныңызға кепілдік береді; Интернетте, оның ішінде әлеуметтік желілердегі жарнама кампаниясы арқылы салымшыларды белсенді түрде тартады; Басқа клиенттерді тартқаны үшін сыйақы беруді уәде етеді; Компанияның қаржылық жағдайы туралы нақты ақпарат болмайды; ҚР Қаржы нарығын реттеу және дамыту агенттігі берген халықтың ақшалай салымдарын тартуға арналған лицензия немесе бағалы қағаздар нарығында қызметін жүзеге асыруға арналған лицензиясы болмайды.&nbsp;Өзіңізді, өз ақшаңызды сақтаңыз және Fingramota.kz-пен бірге қаржылық сауаттылығыңызды арттырыңыз!&nbsp;

Қазіргі кездегі қаржы пирамидалары: олардың ұйымдастырушылары не ойлап табуда 

Фото: freepik<a href="https://kyzylorda-news.kz/ru">Kyzylorda-news.kz.</a> Үкімет қаулысымен бақылауға жататын есірткі құралдары, психотроптық заттар мен прекурсорлар тізбесіне өзгерістер енгізілді.• Фентанил — синтетикалық, күшті анальгетик. Препарат физикалық тәуелділікке алып келеді;• Брофин — халық арасында «күлгін героин» деген атпен белгілі. Теріс мақсатта пайдаланса тәуелділік тудырады;• Метонитазен — күшті синтетикалық опиоид. Ол героин мен фентанилге ұқсас әсер етеді;• Фенциклидин — көктамырішілік анестезияға арналған синтетикалық фармакологиялық препарат;• Эутилон — синтетикалық психостимулятор.Қаулы 6 ақпанда күшіне енеді.

Елімізде бес дәріні пайдалануға тыйым салынды

<a href="https://kyzylorda-news.kz/ru">Kyzylorda-news.kz.</a> С1 санатындағы жұмырт­қаның бағасын тұрақтандыру мақсатында «Байқоңыр» әлеуметтік - кәсіпкерлік корпорациясы мен ТОО «Береке-Трейд» мекемесі арасында қарыз шарты жасалды.<blockquote>“Бұл келісім маусым­­­­дық қымбаттау кезеңінде жұмыртқаның бағасын тұрақтандыруға мүмкіндік береді. Аталған қарыз шарты негізінде ТОО «Береке-Трейд» мекемесі қаламыздағы 35 әлеуметтік дүкен мен 10 ірі сауда үйіндегі әлеуметтік бұрыштарға 1 млн дана С1 санаттағы жұмыртқасын жеткізетін болады”, - делінген «Байқоңыр» ӘКК-ның хабарламасында.&nbsp;</blockquote>Осы орайда тұрғындарға жұмыртқа әлеуметтік дүкендерде - 50 теңгеден, ал ірі сауда үйлеріндегі әлеуметтік бұрыштарда 55 теңгеден сатылатын болады.Фото: Нұрболат Нұржаубай

Қызылордалықтар енді жұмыртқаны арзан бағада ала алады

<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаев білім беру ұйымдарының жай-күйі туралы кеңейтілген мәжілісте биылдан бастап өңірдің барлық елді мекеніндегі клубтар мен мәдениет үйлерінен жас ұрпақты отаншылдық және мемлекетшілдікке, патриоттыққа тәрбиелейтін үйірмелері бар «Адал адам» рухани-мәдени орталықтары ашылатынын айтты. Бұл орталықтарда балалардың қабілеті шыңдалады, сырдариялық жас өнертапқыш Асылжан Абдуллаев, батыр жеткіншек Арман Аманжоловтай патриоттардың үлгісі насихатталады.<blockquote>«Күні кеше республикалық телеарналардан Сырдария ауданының 11-сынып оқушысы Асылжан Абдуллаевтың жасанды интеллектті алғаш болып қазақша сөйлеткені туралы ақпарат жарияланды. Ауыл баласының ұшы-қиыры жоқ ғаламтор кеңістігіне жаңашылдық әкелгені көпті таң қалдырды. Мектепті биыл тәмамдайтын жас технократқа қазірдің өзінде еліміздегі 3 жоғары оқу орны – Астана ІТ университеті, СеулТех университетінің Қызылорда қаласындағы филиалы, Қорқыт Ата атындағы Қызылорда университеті грант ұсынуда.Бүгінгідей мүмкіндіктер дәуірінде біздің жеткіншектеріміздің жарқырай көрінетініне, биіктерге ұмтылатынына ұстаздар да, ата-аналар да, бәріміз сенім артамыз, қолдау көрсетеміз.Барлық бала Асылжандай жас өнертапқышқа, Қызылорда қаласында құдыққа түскен екі жасар сәбиді құтқарып қалған Арман Аманжоловтай патриот ұлдарымызға қарап, бой түзеуі керек», – деді Нұрлыбек Машбекұлы.</blockquote>Облыс әкімі жасөспірімдер тәртібі мәселесіне тоқталып, қылмыстың алдын алу және болдырмауға қатысты іс-шараларды жандандыруды талап етті.<blockquote>«Білім ошақтарында қылмыстық психологияның таралуын, кәмелетке толмағандардың қатысуымен жасалатын келеңсіздіктерді түбірімен жоюымыз қажет. Сондықтан осы жиынға облыстық полиция департаменті арнайы шақырылды. Мемлекет басшысы: «Балалар арасында жалпыадамзаттық және ұлттық құндылықтарды дәріптеген абзал. Оқушылар мектеп бітіргенде, ең алдымен, Адал азамат болып шығуы керек», – деді.Бүгінгі мәжіліске әр ауданнан ардагерлер, қоғамдық кеңес, әйелдер кеңесі төрағалары мен өкілдері арнайы шақырылды. Бала тәрбиесіне тек ата-ана, мұғалім ғана емес, қоғам болып атсалысуымыз керек. Оқушылар мен жастарымызға зиялы қауымның, ақсақал-абыздарымыздың сөзі өтімді болуы тиіс. Бұрынғыдан бізге жеткен «жастай берген тәрбие – жас шыбықты игендей» деген сөз бар. Бұзақылықтың себебінің бірі – бос уақыттың көп болуында. Ювеналды полиция бөлімшесі жұмысының тиімділігіне жан-жақты талдау жасалу керек», – деді Н.Нәлібаев.</blockquote>Еске салсақ, өткен жылдың ақпан айында «Отбасы – тәрбие бесігі» тақырыбында облыстық ата-аналар кеңесі өткізілді. Бұл жұмыстар қала, аудан, ауылдарда жалғасын тапты. Дегенмен, әзірге нәтиже көңіл көншітпейтінін атап өткен аймақ басшысы осы бағытта әрі қарай да шаралар қабылдау қажеттігін қаперге салды.

Сыр өңірінде «Адал адам» рухани-мәдени орталықтары ашылмақ

<a href="https://kyzylorda-news.kz/ru">Kyzylorda-news.kz.</a> &nbsp; Облыс әкімі Нұрлыбек Нәлібаевтың төрағалығымен өткен білім беру ұйымдарының жай-күйі туралы кеңейтілген мәжілісте өзекті мәселелер талқыланып, алдағы міндеттер белгіленді.Аймақ басшысы білімді дамыту, ұстаздарды қолдау, оқушылар мен түлектерге барынша жағдай жасау, бала өмірі мен қауіпсіздігі қашанда маңызды екеніне тоқталды.Саланың биылғы бюджеті 291 млрд. теңгені құрап, екі жылда 67 %-ға артты. Бюджет 2021 жылы 174 млрд. теңге, 2022 жылы 206 млрд.теңге, 2023 жылы 278 млрд. теңге немесе облыс бюджетінің 44,8 пайызын құрады.Жыл көлемінде білім саласына бөлінетін қаржы көлемі едәуір ұлғаяды. Мемлекет басшысы Қасым-Жомарт Кемелұлының бастамасымен «Педагог мәртебесі туралы» арнайы Заң қабылданды. Соңғы төрт жылда ұстаздардың жалақысы 2 есе өсті. 2020 жылы сала қызметкерлерінің табысы орта есеппен 215 мың теңге, 2024 жылы 430 мың теңге болды. 2023 жылғы қыркүйек айынан балабақша тәрбиешілерінің айлығы 30 пайызға көбейді. Бұл – ұстаздарға деген айрықша құрмет, білім саласына жасаған ерекше қамқорлық.Облыстық білім басқармасының басшысы Асқарбек Есжанов білім мен тәрбие беру, педагог кадрлардың біліктілігі, тағы басқа мәселелер қамтылған баяндама жасады.Мәжіліс барысында ҰБТ тапсыруға дайындық, оқушыларды сапалы білім, толыққанды демалыспен қамтамасыз ету, жаңа мектеп, шығармашылық орталықтарын салу, кадрлық мәселелер талқыланып, тиісті тапсырмалар берілді.<img src="https://knadmin.beoblood.kz/uploads/417492393_684322063889041_1725279717009696163_n_7093eb76e3.jpg" alt="417492393_684322063889041_1725279717009696163_n.jpg"><img src="https://knadmin.beoblood.kz/uploads/417432183_684322103889037_7799676918935617650_n_a4198a9a28.jpg" alt="417432183_684322103889037_7799676918935617650_n.jpg">

Қазақстан және Қызылорда облысының жаңалықтары