&nbsp;<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp;&nbsp; 15 маусымнан бастап Қазақстан азаматтарының жеке куәлігі жаңа үлгіде беріле бастайды. Жаңа үлгідегі құжатта жеке куәлік иесінің азаматтығы мен жынысы туралы деректер көрсетілетін болады. Бұрын бұл мәліметтер жеке куәлікке салынған чипте орналасқан еді. Дегемен, жаңа үлгідегі жеке құжатты жаппай ауыстыру міндеттелмейді. Азаматтар жеке куәліктің жарамдылық мерзімі өткеннен кейін жаңа үлгідегі куәлікке ие болмақ. Бұл туралы Өңірлік коммуникациялар қызметінің ақпарат алаңында облыстық Көші-қон қызметі басқармасы басшысының орынбасары Сағындық Камитбеков хабаралады.-ҚР Ішкі істер министрінің осы жылдың 13 маусымда құжат үлгісін бекіту туралы бұйрығына өзгерістер енгізілді. Осыған сәйкес, ҚР азаматының жеке куәлігінің беткі жағында құжат иесінің фотобейнесі, қолы және дербес деректері, тегі, аты, әкесінің аты, туған күні, жынысы және жеке сәйкестендіру номері орналасады, Ал жеке куәліктің артқы бетінде туған жері, ұлты, азаматтығы, берілген күні, қолдану мерзімі және тиісті органның аты көрсетіледі. Жеке куәлікке өзгеріс енгізілгенімен, жаңа үлгідегі құжатты тек жарамдылық мерзімі аяқталған кейін алуға болады. Халықтың жаппай құжаттарын ауыстыруына міндетті емес, - деді Сағындық Убайдуллаұлы.Брифинг барысында «Азаматтарға арналған үкімет» КЕАҚ облыстық филиалының директорының орынбасары Айдос Серекеев жеке куәлік алудағы басты талаптарды атап өтті.-ҚР азаматына жеке куәлікті рәсімдеу 16 жасқа толғаннан кейін беріледі. Статистикалық мәліметке сүйенсек, 2023 жылы 90 806 , ал 2024 жылы жылдың 5 айында 43 412 жеке куәлік ҚР азаматтарына табысталды. 16 жасқа толғаннан кейін жеке куәлік алу үшін заңды өкілі барып, баланың туу туралы куәлігін апаруы қажет. Жеке куәлік 10 жыл мерзімге беріледі, - деді Айдос Алмасұлы.Фото: Қызылорда облысының Өңірлік коммуникациялар қызметі

 Жеке куәлікке өзгеріс енгізілді

<a href="https://kyzylorda-news.kz/">Kyzylorda-news.kz</a> «AMANAT»&nbsp; партиясы жанындағы қоғамдық қабылдау бөлмелерінің ең негізгі жұмысы тұрғындардың өтініштерін қарау, олардың оңтайлы шешілуіне қолдау көрсету. Сонымен қатар, партия төрағасы алға қойған негізгі міндеттер мен ел игілігіне бағытталған жобаларды түсіндіру, насихаттау болып табылады.&nbsp;«AMANAT» партиясы өткен жылы мамыр айында азаматтарға құқықтық көмек көрсту мен құқықтық сауаттылығын арттыруға бағытталған «Құқықтық көмек» партиялық жобасын іске қосқан болатын. Бүгінгі күні партия алаңдарында білікті мамандармен азаматтарға, әлеуметтік осал топтағы жандарға тегін заңгерлік кеңестер беріліп, сотта, қылмысты қудалау органдарында және тағы басқа жағдайда азаматтарға өкілеттік етіп, өзін қорғауға көмек көрсету жұмыстарын жүргізіп келеді.&nbsp;Бүгін партия алыңында жоба аясында тақырыптық қабылдау ұйымдастырылып, облыстық кірістер департаменті өкілдерімен азаматтарға жалпыға бірдей декларациялаудың міндеттілігі мен тапсыру кезеңдері және жеке тұлғалардың банкроттығы туралы мәселелер бойынша түсіндірме жұмыстары жүргізіліп, оларды толғандырған сауалдарға жауап берілді.&nbsp;Жалпы партияның Орталық аппараты Республикалық нотариаттық палатамен, Республикалық адвокаттар алқасымен, Республикалық заң консультанттары алқасымен және «International Mediation Centre» РҚБ-мен жасасқан меморандум негізінде өңіріде аталмыш ұйымдардың құрылымдарымен тығыз байланыста жұмыс істеуде. Мәселен, партияның облыстық филиалында аптасына бір рет, ал қала, аудандардағы филиалдарда айына 2 мәрте жоба аясында қабылдаулар өткізіліп, қоғамда құқықтық мәдениетті арттыру жұмысына ден қойылып жатқанында дейді шара барысында сөз алған партияның облыстық филиалының Атқарушы хатшысы Ләйлә Төрешова.Атқарушы хатшысы сондай-ақ жоба аясында өткен қабылдаулардың нәтижесіне де тоқталып өтті.«Облыс бойынша өткен жылы «Құқықтық көмек» жобасы аясында қоғамдық қабылдау бөлмедерінде 134 қабылдау өткізіліп, 367 мәселе қаралды. 244 тұрғынға құқықтық кеңес берілсе, 104 тұрғынның құқығын қорғау бойынша сүйемелдеу шаралары жүргізілді.<blockquote>"Негізінен, қабылдаулар барысында жер дауы, мүліктік, қаржылық, отбасы-неке тақырыбы және еңбек даулары бойынша өтініштер көптеп кездеседі. Қазір жоба ауқымын кеңейтіп, өзге форматтардағы іс-шаралар жоспары жасалып, жұмыс жүргізілуде»,- деді Ләйлә Төрешова.&nbsp;</blockquote>Жалпы тақырыптық қабылдау барысында азаматтар салық заңдылықтарына қатысты өздерін толғандырған сауалдарын қойып, сала мамандарынан нақты жауаптарын алды.&nbsp;Атап өтейік, шараға Қызылорда облысы бойынша мемлекеттік кіріс департаменті басшысының орынбасары Еркін Елшібеков және департаментке қарасты жауапты басқарма басшылары және ZOOM платформасы арқылы партияның аумақтық филиалдары алаңдарынан аудан тұрғындары қатысты.&nbsp;

«Құқықтық көмек» партиялық жоба аясында тақырыптық қабылдау ұйымдастырылды

<a href="https://kyzylorda-news.kz/ru">Kyzylorda-news.kz</a> Қандай мемлекеттің өркендеуі мен өрістеуі озық көрсеткіші мен экономикалық ахуалына байланысты екенін ескерсек, оларды қадағалап, нақты әрекеттер белгілеп, құрылымдық жоспарлар түзетін статистика саласының қызметі қашан да құнды.Қазақстан статистикасының тамыры тереңде жатыр. Бірінші, Қазақ мемлекеті – &nbsp;Қазақ хандығы Шу мен Талас өзендерінің аңғарында қазіргі Жамбыл облысының аумағында алғаш құрылғанда 1459 жылы халқының саны 200 мың адамды құраған, ал, ХV ғасырдың аяғында 1 миллион адамға жеткендігі туралы статистикалық мәліметтердің тарихи дәлелдері бар.Қазақстан аумағында тұрақты және орталықтандырылған статистикалық қызметтің пайда болуы ХVШ ғасырдың екінші жартысына, Қазақстанның Ресей империясының құрамына кірген кезеңіне жатады. РСФСР құрамында Қазақ Автономиялық Советтік Социалистік Республикасы құрылғаннан кейін, Қазақ АССР-нің Үкіметі 1920 жылғы 8 қарашадағы өзінің қаулысымен Қазақ АССР – нің Статистикалық басқармасын құрды.Қазалы ауданының Статистика басқармасы Қазақстан Республикасы Ұлттық экономика министрлігінің Статистика комитеті Қызылорда облысының Статистика департаментінің құрылымдық бөлімшесі ретінде қызмет етеді. Статистика басқармасы мемлекеттік органдарды, іскер топтарды, өңір қоғамын және Республиканы Қызылорда облысының әлеуметтік – экономикалық дамуы туралы обьективті статистикалық ақпараттармен қамтамасыз ету, статистикалық қызмет саласында мемлекеттік саясатты қадағалау және бақылау бойынша басқа да қызметтерді жүзеге асырады.Қазалы ауданының Статистика &nbsp;басқармасының тарихы бізге 1947 жылдан бері ғана белгілі. 1954 – 1959 жылдары аудандық статистика бөлімі (ол кезеңдерде &nbsp;аудандық есеп – қисап &nbsp;мекемесі атанған) болған.1976&nbsp;жылы &nbsp;ауданда &nbsp;13 совхоз, 2 колхоз болатын. Бұл егемендік алып &nbsp;тәуелсіз мемлекет болғаннан кейін құрылым басталып колхоз – совхоз тарап, акционерлік қоғам, жауапкершілігі шектеулі серіктестіктер және шаруа қожалықтар болып құрылып, Кеңестік даму системасын түбегейлі өзгертіліп, жаңа экономикалық даму жолын таңдады. Сол жылы аудандық басқармаға Германияның озық үлгідегі 5 - Аскота, 8 - перфарациялық машиналар, 18 - Зоемтрон, 3 - табулятор берілді. Онда білікті мамандар жұмыс істеді. Аудандық статистика басқармасының қызметкерлері бұл саланы жетік меңгеріп, 3 - рет республика жеңімпазы, 1- рет Одақтық дәрежедегі жеңімпаз атанды.1988 жылы статистика жөніндегі мемлекеттік комитет болып қайта құрылды. 1998 жылы желтоқсан айында мемлекеттік статистика комитеті тарады. 1999 жылдан бастап, Қазақстан Республикасы Статистика Агенттігінің ақпараттық статистикалық орталығының құрамдас бөлігі болды. Аудандар ақпараттық статистикалық орталыққа, облыс Агенттікке қарады. Мұнда тек мемлекеттік статистикалық мәліметтерді жинап облысқа дер кезінде беру міндеті жүктелді. Ал, 2005 жылы рейтингтік баға көрсеткіштері бойынша аудандар арасында алдыңғы қатардан көрінген мекеме 2006-2007 жылдары да үздіктер үдесінен көрінген.Жинақталған мәлімет кітапша болып шығатын да, олар басшы органдарға &nbsp;таратылып &nbsp;берілетін. 2004 жылы ақпараттық статистикалық орталығы таратылып, Қазақстан Республикасы Үкіметінің басқару органдарының оңтайландыру әрі жетілдіру бағдарламасына сай Қазалы аудандық статистика бөлімі болып қайта құрылды. &nbsp; &nbsp; &nbsp; &nbsp; &nbsp; &nbsp; &nbsp;2005 жылы Қазақстан Республиксы Үкіметінің қаулысына сай, статистика органы Қазақстан Республикасы Статистика Агенттігі болып қайта құрылды. Облыстық басқарма Қызылорда облысының статистика департаменті болып, аудандар департаменттің бөлімі болды. Төрт жылдан кейін қараша айынан бастап, Қазалы аудандық статистика басқармасы болып қайта аталды. Бұдан соң, Қазақстан Республикасы Ұлттық экономика министрлігінің Статистика комитеті Қызылорда облысының Статистика департаментінің Қазалы ауданының Статистика басқармасы болып қайта аталды.1999 жылы 24 ақпан – 6 наурыз аралығында Бірінші Ұлттық халық санағы өткізілді. Оған 300 - ден астам адам қосымша тартылып ойдағыдай өтті. Ол санақтың қорытындысы бойынша ауданда – 68900 адам болды.2005 жылы Қазақстан мемлекеттік статистикасының 85 жылдығы, 2010 жылы &nbsp;Қазақстан мемлекеттік статистикасының 90 жылдығы мерейтойы болды. Осы&nbsp;кезеңдерде аудандық Статистика басқармасы рейтингілік баға &nbsp;көрсеткіштері&nbsp;бойынша &nbsp;берілетін орындардан аудандардың ішінде алдыңғы қатарды иеленіп келді.2006 – 2007 жылы Елімізде тұңғыш рет ауыл шаруашылығы санағы 2 кезеңде &nbsp;өткізіліп, оның қорытынды мәліметі шығарылып, кітапша болып тиісті органдарға &nbsp;таратылды. Облыс өз кезегінде шыққан кітаптың мәліметіне Қазалы ауданын үлгі етті.&nbsp;Бірінші кезең 2006 жылы шілде айында жерге байланысты, екінші кезеңі 2007 жылдың қаңтар айында өткізілді. Қорытынды мәлімет жоғары органдарға берілді.2009 жылы ақпан – наурыз айы аралығында екінші Ұлттық санақ өткізілді. Онда &nbsp;қалалық жерде 4 санақ бөлімі, ауылдық жерде 3 санақ бөлімі құрылып, бұл саяси &nbsp;маңызы бар күрделі жұмыс ойдағыдай өтті. Бұл 2009 жылғы санақ бойынша ауданда – 74730 адам болды.Әр жылдары мекеме басшылары болып, Өтеулі Қазанқапов, Жүндібай Баянбаев, Орда Матаев, Сахи Бекетов, Жаппарберген Жалғасбаев, Қоянбай Оразалыұлы басқарды. 2011 жылдың маусым айынан Әлімбай Бақытжан Қасқырбайұлы басшылық жасайды.Статистика тарихына көз жүгіртіп қарасаңыз, осында кезінде еңбек етіп, кейін &nbsp;басқа жұмысқа ауысып, басқару органдарында, сондай-ақ, халық шаруашылығының &nbsp;қай саласы болмасын лауазымды қызмет атқарып, халықтың құрметіне бөленіп жүрген азаматтар көп. Қазалы аудандық статистика органының тарихын сөз еткенде ауданның әлеуметтік – экономикалық &nbsp;дамуын айтпай кетуге болмайды.Жыл сайын ауданның әлеуметтік – экономикалық &nbsp;көрсеткіштері жақсарып, халықтың әл-ауқаты өсуде. Тәуелсіздік &nbsp;алғалы &nbsp;елімізде&nbsp;көп &nbsp;өзгерістер &nbsp;болды, Мал&nbsp;басы &nbsp;өсіп, құрылыс, инвестиция, ауыл шаруашылық, сауда демографиялық салаларда күрделі &nbsp;өзгерістер&nbsp;болғаны көрінеді.Түрлі атаулармен өзгеріп отырса да, уақыт талабы, заман ағымына ілесіп, экономика, әлеуметтік және демографиялық индикатор, ауыл шаруашылығы мен халық тұрмысы, әлеуметтік жағдай секілді түрлі салалар бойынша мәлімет жиып, талдамалар жасау ісімен тұрақты айналысып келеді.Кез келген статистика мемлекеттің әлеуметтік-экономикалық даму бағытын белгілеуде, саяси және бәсекелістік ортада маңызды рөл атқарады. Аудандағы басқарма мемлекеттік басқару органдары, түрлі ұйымдар, халықты еңбекпен қамту және жұмыссыздық, баға тұрақтылығы жөнінде сапалы және жедел статистикалық ақпараттарды алып отырады. Олар өз жұмыстары арқылы ведомстволардың дамуын бақылап, бюджет бөлінісін реттеуге септігін тигізеді.Нақтылық пен талдау дұрыстығын талап ететін органда болған бір күнімізде статистердің әлеуметтік-экономикалық құбылыстарды бағамдауда арнайы заң талаптары аясында өзіндік әдіс-тәсіл, ережелер жиынтығы арқылы жұмыс істейтінін байқадық. Осыдан 10 жыл бұрынғыдай, қалың қағазды қолтықтап, олардың есебін беруде кезек күткен мекеме мен ұйым өкілдері, жеке кәсіпкерлерді де кездестірмедік. Мұның сырын Дәуірхан Тәжмағамбет жаңғырған жүйенің жаңалығымен түсіндірді. Сапалы санақ жасау ісін оңтайландыру мақсатында қолданысқа енген заманауи технологиялардың жұмыстары бұл мекемеде оңтайлы жүзеге асырылған. Басқарма жұмысы елдегі бүкіл статистикалық қызметті ұйымдастырып отыратын ақпаратты жинау мен өңдеудің орталықтандырған жүйесіне қосылған. Енді есеп беруші бұрынғыдай уақытын өткізіп, сабылмайды, онлайн жүйеде отырған жерінен жөнелте алады. Ал, жұмысын алғаш бастағандардың үйренуіне көмек көрсету жолға қойылған. Сондай-ақ, техникалық ақаулар орын алған жағдайда есеп тапсырушы басқарма ғимаратына келіп, «Бір терезе» қағидасы бойынша өз-өзіне қызмет көрсете алады. Түрлі тақырыптағы зерттеулер планшеттер арқылы жүргізіледі.Жалпы алғанда, статистика Үкімет үшін ғана емес, қоғам үшін де маңызды. Себебі кез келген аймақтық, ұлттық және әлемдік деңгейдегі статистика саяси және бизнес шешім қабылдауда маңызды рөл атқарады. Сонымен қатар мемлекеттің әлеуметтік-экономикалық даму стратегиясын белгілеуде де аталған саланың рөлі зор.Қазалы ауданының Статистика басқармасы мемлекеттік органдарды, іскер топтарды, өңір қоғамын және Республиканы Қызылорда облысының әлеуметтік-экономикалық дамуы туралы объективті статистикалық ақпараттармен қамтамасыз ету, статистикалық қызмет саласында мемлекеттік саясатты қадағалау және бақылау бойынша басқа да қызметтерді жүзеге асырады. Бүгінде басқарма қызмектерлері өздеріне жүктелген міндетті мінсіз атқарып, жұмысты жүйелі ұйымдастыру жолында аянбай еңбек етіп келеді.Қазалы аудандық статистика бөлімінде дені тәжірибелі мамандар. Мұнда қиыс кетуге, бүгінгіні ертеңге қалдыруға, дерексіз болжам жасауға жол жоқ. Дәлдік, туралық, жауапкершілік. Бұл біз көрген статистердің ұстанған бағыты ғана емес, бұлжытпас қағидасы. Халық айтқан «Есеп білген ұтылмас» деген қанатты сөзді еске салатын әр күнгі тынымсыз тірлік, тәжірибе мен білімдерін ауданның тұрақты дамуына ойыстырған сала еңбеккерлерінің ынтымақты ісі елдің алдағы бағыт-бағдарын айқындауға мол мүмкіндік беріп, дұрыс шешім қабылдауға негіз болары сөзсіз.Фото: kaz.inform.kz

Статистика саласының қоғамға берері мол

<a href="https://kyzylorda-news.kz/">Kyzylorda-news.kz</a> <span style="background-color:rgb(255,255,255);color:rgb(34,34,34);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Елімізде табиғатты аялау, қоршаған ортаны қорғауға бағытталған «Таза Қазақстан» республикалық акциясы <span style="background-color:rgb(255,255,255);color:rgb(34,34,34);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">өтуде. Экологиялық науқанға 17 облыс пен 3 қаланың тұрғындары жаппай қатысып, туған жерін, тұрған аумағын таза ұстауға үлес қосуда.&nbsp;<figure class="media"><div data-oembed-url="https://www.youtube.com/watch?v=8Hy0eZyqVHM"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/8Hy0eZyqVHM" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

«Таза Қазақстан» экологиялық акциясына өз үлесіңді қос

<a href="https://kyzylorda-news.kz/">Kyzylorda-news.kz</a>&nbsp; Қазалы аудандық полиция бөлімі Жергілікті полиция қызметі бөлімшесімен тұрмыстық зорлық-зомбылықтың алдын алу мақсатында біршама жұмыстар атқарылды.Отбасы-тұрмыстық қатынастар саласында қылмыстық құқық бұзушылықтар және қылмыс орын алмаған. Бұл жөнінде Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев мәлімдеді.Оның айтуынша, Қазалы аудандық полиция бөліміне ағымдағы жыл басынан отбасы тұрмыстық қатынастар аясында – 89 хабарлама тіркеліп, 78 хабарлама бойынша әкімшілік хаттама рәсімделіп, 89 азаматқа қатысты қорғау нұсқамасы (қазіргі таңда есепте тұрғаны – 16) шығарылған. Отбасы тұрмыстық қатынастар саласында орын алған әкімшілік құқық бұзушылықтар бойынша: Қазақстан Республикасы Әкімшілік құқық бұзушылық туралы кодексінің 73 бабымен (отбасы тұрмыстық қатынастар аясындағы құқыққа қарсы әрекеттер) – 32 дерек орын алған, 11 азаматқа – әкімшілік ескерту, 9 азаматқа – әкімшілік қамау, 1 әкімшілік айыппұл, 11 азамат жәбірленушімен татуласуына байланысты әкімшілік іс өндірістен тоқтатылды.Қазақстан Республикасы Әкімшілік құқық бұзушылық туралы кодексінің 73-1 бабының 1-1 бөлігімен (денсаулыққа қасақана жеңіл зиян келтіру) – 16 дерек орын алған, 4 азаматқа – әкімшілік ескерту, 11 татуласуына байланысты іс тоқтатылған.Қазақстан Республикасы Әкімшілік құқық бұзушылық туралы кодексінің 73-2 бабының 1-1 бөлігімен (ұрып-соғу) – 26 дерек орын алған, 5 азаматқа – әкімшілік ескерту, 4 азаматқа – әкімшілік қамау, 17 татуласуына байланысты іс тоқтатылған.Қазақстан Республикасы Әкімшілік құқық бұзушылық туралы кодексінің 461 бабымен (қорғау нұсқамасын бұзу) – 4 дерек орын алған. Аталған тұлғаларға әкімшілік қамау жазасы қолданылды.<blockquote>– Ағымдағы жыл басынан 7 азамат 2 рет отбасы тұрмыстық қатынастар аясында құқық бұзушылық жасағаны үшін, қайталанған «жасыл» санатқа енгізілді.</blockquote>Ағымдағы жыл басынан – 11 азаматқа (қазіргі &nbsp;таңда есепте тұрғаны – 8) қатысты «ерекше талап» орнатылды, оның ішінде: 1 азаматқа атыс қаруын, қаруды, пышақты сақтауға, алып жүруге және пайдалануға тыйым салынған. Ал, 8 азаматқа алкогольдік ішімдіктер ішуге; 2 азаматқа жәбірленушінің отбасының кәмелетке толмаған және (немесе) әрекетке қабілетсіз мүшелерін қоса алғанда, жәбірленушінің еркіне қарамастан, оны іздестіруге, оның ізіне түсуге, оған баруға, онымен ауызша, телефон арқылы сөйлесуге және өзге де, тәсілдермен байланыс жасауға тыйым салуды міндеттейтін тыйым салынған.«Қорғау нұсқамасы» санатымен профилактикалық есепке алынған – 89 тұлғаның сегізі бөлімнің «маскүнем» санатымен тізімдік есепте және аудандық наркологияның есебінде тұрады. Қазіргі таңда бөлімнің «маскүнем» санатымен 251 тұлға БДБ есебінде тұрады. Аудандық наркологиямен тізім теңестіріліп, ай сайын салыстыру актісі жасалып отыр, – дейді Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев.Тұрмыстық зорлық-зомбылық орын алған отбасыларға қолдау көрсету мақсатында аудандық прокуратураның бастамасымен қорғау нұсқамасы тізіміне алынған – 45 жұмыссыз тұлғаларға қатысты аудандық жұмыспен қамту бөлімінің ұйымдастыруымен «бос жұмыс орындары жәрмеңкесі» өткізілді.Отбасында тұрмыстық қатынастар аясында орын алған жанжал негізінде жәбірленушілерге уақытша баспана ұсыну үшін құрылған Отбасын қолдау орталығына (мекен жайы Қ.Сансызбаев №2) жеткізілген азаматшалар туралы деректер тіркелмеген.Тұрмыстық зорлық-зомбылықтың алдын алу, болдырмау, отбасы құндылықтарын насихаттау мақсатында аудандық әйелдер кеңесінің төрайымы, Жастар ресурстық орталығы маманының қатысуымен Бірлік, Жанкент ауылдарында ауыл тұрғындарымен кездесу, №234 Ж.Жабаев атындағы мектепте, Жанқожа батыр, Ақтан батыр ауылының мектептерінде, Қазалы&nbsp;аграрлық техникалық колледжінде жиналыстар өткізілді.Кәмелетке толмағандардың арасында зорлық-зомбылықтың алдын алу болдырмау бойынша мектеп оқушыларына кездесу ұйымдастырылып, түсіндірме жұмыстары жүргізілді.<blockquote>– Ағымдағы жылдың 15-26 қаңтар аралығында «Тұрмыс» жедел-профилактикалық іс-шарасы ұйымдастырылып өткізілді. Іс-шара барысында әйелдерді зорлық-зомбылықтан қорғау тобы және учаскелік полиция инспекторларымен бірге, профилактикалық есепке алынған тұлғалар тұрғылықты мекен-жайы бойынша тексерілді.</blockquote>Отбасы тұрмыстық құқық бұзушылықтар жасап, есепке алынған тұлғалар учаскелік полиция және әйелдерді зорлық-зомбылықтан қорғау тобымен тұрақты бақылау жұмысы жүргізілуде, – дейді Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев.Қазақстан Республикасы Ішкі істер министрлігінің 29.12.2015 жылғы №1097 бұйрығының талаптарын орындау мақсатында аудан көлемінде Қазалы аудандық полиция бөлімінінің ӘЗЗҚ тобымен зорлық-зомбылық проблемалары жөніндегі ақпараттық-ағарту жұмыстары үнемі ұйымдастырылып жүргізілуде. Жыл басынан бері отбасы тұрмыстық саласындағы қылмыстардың алдын-алу мақсатында әлеуметтік желілерде және газетте 43&nbsp;мақала жарияланды.Тұрмыстық зорлық-зомбылықтың алдын алу мақсатында білім беру ұйымдарында кездесулер өткізіліп, халық көп шоғырланатын жерлерде зорлық-зомбылықтың алдын алу алгоритмі көрсетілген ескертпе жадынамалар таратылды. Прокуратура және аудандық ардагерлер кеңесі және әйелдер кеңесі төрағаларының қатысуымен отбасылық жанжал шығарған құқық бұзушы және жәбірленушімен кездесу өткізіліп, 1 бейнеролик түсірілді.Халыққа психологиялық құқықтық көмек көрсету бойынша әйелдерді зорлық-зомбылықтан қорғау тобымен психологиялық кеңес берілді.Фото: zhasalash.kz

Зорлық-зомбылықтың алдын алу – басты мақсат

<a href="https://kyzylorda-news.kz/">Kyzylorda-news.kz</a>&nbsp; &nbsp; "Қызылорда облысы бойынша әйелдер күштерінің Альянсы" қоғамдық бірлестігі және облыстық Қазақстан халқы ассамблеясымен әріптестік меморандумның аясында жаңа жоба бастау алды.Жобаның атауы – «Жас көшбасшылар мектебі». Ал мақсаты – жастарды тұлға ретінде қалыптастыруға, олардың азаматтық белсенділігін арттыруға, қоғамда өз орнын табуға көмектесу. Сондай-ақ, эмоционалдық білімділікке, көпшілікпен тіл табысуға, стресстік жағдайларды басқаруға үйрету.Жоба өңірлік «Ассамблея жастары» ұйымымен бірлесіп іске асырылмақ.&nbsp;Достық үйінде жоба аясында алғашқы басқосу өтті. Басқосуда «Қызылорда облысы бойынша әйелдер күштерінің Альянсы» қоғамдық бірлестігінің төрағасы Рахима Ахметова бұл мектепте жастардың көшбасшылық қасиетін шыңдаумен қатар, бәсекеге қабілетті ұлт қалыптастыру жолында бағыт-бағдар берілетінін атап өтті.<blockquote>– Мектептің міндеті – әрбір жас тұлғаны қабілеті мен шығармашылық мүмкіндігін ашуға, өзін-өзі тәрбиелеуге мүмкіндік беру. Жастар түрлі саладағы адамдармен конструктивті қатынас орнатып, көшбасшылықтың нақты технологиясын меңгереді, – деді.</blockquote>«Қоғамдық келісім» КММ директоры Бақытжан Камалов жастардың әлеуметтік белсенділігін дамыту проблемасына тоқталып өтті. Ол жастарды азаматтық жауапкершілікке, біліктілік қабілеттерін, денсаулық сақтау ортасын, жан-жақты дамыған интеллектуалды құзыретті тұлға болып қалыптасу жолында жұмыс істеуге шақырды.Ал «Ассамблея жастары» ұйымының көшбасшысы Елена Пак жастар тарапынан гуманитарлық және әлеуметтік бағыттағы атқарылған жұмыстарға тоқталып, жаңа жобаның жұмысына сәттілік тіледі.Өз кезегінде жастар сұрақтар қойып, алдағы бірлескен іс-шараларды талқыға салды.Облыс әкімдігінде Қазақстан халқы ассамблеясының «Бірлік. Жасампаздық. Өрлеу» атты ХХХІІІ сессиясында берілген тапсырмаларды жүзеге асыру жайы талқыланған, алдағы мақсат-міндеттерді белгілеуге арналған облыстық ассамблеяның XXVІ сессиясы өткен болатын.&nbsp;Аймақ басшысы өз баяндамасында Қазақстан халқы ассамблеясы XXХІІІ сессиясының тапсырмаларынан туындайтын міндеттер туралы айтты.<blockquote>- Мемлекет басшысы Қасым-Жомарт Кемелұлы XXХІІІ сессияда «Мемлекеттік саясаттың басты өзегі және жалпыұлттық бірегейлікті нығайтатын негізгі фактор – бірлік» деп атап өтті. Бүгінде елімізде 100-ден астам, Сыр өңірінде 30-дан астам этнос өкілдері бір шаңырақ астында тату-тәтті өмір сүреді. Олар мемлекетіміздің өсіп-өркендеуіне зор үлес қосуда. Қазіргі кезде ассамблея институты қоғамның барлық салаларында белсенді жұмыс атқарады. Мәселен, отбасын сақтау, мәдениетаралық байланысты нығайту, рухани-адамгершілік құндылықтарға тәрбиелеу, жастар арасында құқықбұзушылықтың алдын алу бағытында ассамблея жанындағы ақсақалдар, аналар кеңестерінің рөлін ерекше атап өтуге болады. Облысымыздағы 11 этномәдени бірлестік пен ассамблея жанындағы қоғамдық құрылымдар жалпыға ортақ құндылықтарды, бірегейлікті, «Адал адам – Адал еңбек – Адал табыс» қағидаттарын кеңінен насихаттауда. Аймақта «Сыр өңірі – бейбітшілік пен келісім мекені» жобасы жүзеге асуда. Оның аясында ассамблея жанындағы ақсақалдар, аналар, медиация кеңестері, ғалымдар, белсенді жастар елді мекендерде кездесулер мен кеңес берулер ұйымдастыруда, – деді Нұрлыбек Машбекұлы.</blockquote>Облыстық ассамблеяның қолға алған қарқынды жобалары мұнымен тоқтап қалмақ емес. Өткен жылдарға шолу жасап өтек. Облыстық Қазақстан халқы ассамблеясының ХХІV сессиясында берілген бірқатар нақты тапсырмалар жүзеге асырылып, толымды нәтижелерге қол жетті. Қызылордада «Анаға тағзым» орталығының ғимараты бой көтеріп, «Халық достығы» аллеясы салынды.Сол жағалаудағы «Рухани жаңғыру» орталығы Үкіметтік емес ұйымдар үйі болып ашылды. «Достық үйінің» базасында Қазақстанның саяси реформаларының іске асырылу барысын түсіндіру мақсатында сарапшылар даярлау жөніндегі әдістемелік орталық құрылды. Сарапшы топ мамандары екі әдістемелік құрал әзірледі. Этномедиация бағытын дамытуға арналған жобалар жүзеге асырылып, кәсіби және қоғамдық негіздегі медиаторлар арнайы курстардан өтті.Сыр өңіріндегі аналар кеңесінің «Мәдениетті ана – мәдениетті ұлт» жобасы үздік деп танылып, өзге өңірлерге тәжірибе ретінде таратылды. Журналистер мен сарапшылар клубының мүшесі, «Хабар 24» телеарнасының меншікті тілшісі Нұрлан Жақыпбеков республикалық «Шаңырақ» байқауында этножурналистика саласының үздігі атанды. Облыстық ассамблея жастары әлемдік тренд «Ел бірлігі. Tik-tok Хаус» республикалық жобасында 1 орынды иеленді.Этномәдени бірлестіктердің атаулы мерекелері де назардан тыс қалмады. Осы уақыт ішінде «Славяне» этномәдени бірлестігінің 25 жылдығы, татар этномәдени бірлестігінің 30 жылдығы, «Алекс» би өнері мектебінің 25 жылдығы, республикалық «Корё ильбо» газетінің 100 жылдығы аталып өтті. Облыстық ассамблея жанынан ақсақалдар кеңесі құрылды. «Өз еліңді таны!» жобасы аясында олар тарихи қалалар мен киелі орындарға саяхаттауда.&nbsp;Қорлан САРЫ

«Жас көшбасшылар мектебі» жобасы іске асырылмақ

<a href="https://kyzylorda-news.kz/">Kyzylorda-news.kz</a>&nbsp; &nbsp; Қазалы аграрлы-техникалық колледжінде жаз мезгіліндегі қауіпсіздік ережелерін сақтау, бала тәрбиесіндегі ата-аналардың жауапкершіліктерін күшейту, құқықтық білім беруде білім саласы мамандары мен ата-аналардың рөлдерін үйлестіру мақсатында «Саналы ұрпақ – жарпқын болашақ» тақырыбында колледжішілік ата-аналар жиналысы өткізілді.Жиналысты колледж директоры Мусаев Арман Қонысбайұлы жүргізіп, күн тәртібіндегі мәселелермен таныстырды.&nbsp;Қазалы АПб-і ЖПҚб-нің ЮПт-ның аға инспекторы, полиция майоры Бегалиева Махаббат Төлепбергенқызы Қазалы ауданы бойынша жасөспірімдер арасында орын алған қылмыстар мен құқық бұзушылықтар туралы баяндама жасап, құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық – зомбылықтың алдын алу, жол қауіпсіздігін сақтау бағытында дәріс оқып, түсіндірме жұмыстарын жүргізді. Осы бағытта атқарылып жатқан жұмыстарға тоқталып, балаларды қатаң бақылауда ұстау керектігін ата-аналарға ескертті.&nbsp;Мұнан кейін директордың оқу жұмыстары жөніндегі орынбасары Шарбану Толыбайқызы мен директордың оқу-өндірістік жұмыстары жөніндегі орынбасары Арзақынов Қаршыға Меңдіқұлұлы 2023-2024 оқу жылындағы білім алушылардың мемлекеттік емтихандарының ұйымдастырылуы мен өткізілу барысына, атап айтқанда, ағымдық және қорытынды аттестаттаудан өткізу, диплом жұмыстарын қорғау туралы хабарлама жасады.Қазалы ауданы төтенше жағдай бөлімінің маманы азаматтық қорғаныс аға лейтенанты Бүркіт Сұлтанай Серікқалиұлы жаз мезгілінде су айдындарында білім алушылардың қауіпсіздігін қамтамасыз ету шараларын ұйымдастыру мақсатында төтенше жағдайлар департаментімен су айдындарындағы қауіпсіздікті қамтамасыз ету және жаз мезгіліндегі білім алушылар мен жасөспірімдер арасында келеңсіз жағдай орын алатын суға шомылу, өрт, тоқ көздерін қолдану кезіндегі қауіпсіздіктің алдын алу шаралары бойынша ата-аналарға түсіндірме жұмыстарын жүргізді.&nbsp;Тақырыпқа сәйкес бейнероликтер көрсетіліп, жадынамалар таратты.&nbsp;Колледж директорының тәрбие жұмыстары жөніндегі орынбасары Жаңылова Гүлазат Инабатқызы ата – аналарға балаларды бақылауда ұстап, жаз бойы топ кураторы, шеберлерімен және колледжбен байланыс жасап, бос уақыттарын тиімді пайдалану мақсатында «Жасыл ел» бағдарламасына қатыстыруға болатындығы туралы ескертті.&nbsp;Еске сала кетейік, Қызылорда облысында «Жасыл ел» еңбек жасағының жаңа маусымы басталған болатын. Сырбойылық жастар жаз бойы «Таза Қазақстан» эко-науқанына атсалысып, қоршаған ортаны көркейтіп, көгалдандыруға өз үлесін қосатын болады.&nbsp;Биыл жастар Президенттің эко бастамасын қолдап, «Таза Қазақстан» науқанына белсенді атсалысып жатыр. Жаздың үш айында облыс бойынша 1800-ден аса белсенді жас, жасыл елдің құрамында еңбек етіп, қала мен ауыл-аймақтың тазалығы мен гүлденуіне сүбелі үлесін қоспақ.Еңбек жасағына 16 мен 35 жас аралығындағы қыз-жігіттер ерікті түрде қабылданады. Және де жастар игі бастамаға қолдау көрсетіп қана қоймай, жасыл ел жобасы аясында еңбек ақы алатын болады.&nbsp;Қорлан САРЫФото:tilmedia.kz

«Саналы ұрпақ – жарқын болашақ» шарасы өтті

Фото: freepik.com<a href="https://kyzylorda-news.kz/">Kyzylorda-news.kz</a>&nbsp; Ауа-райының күрт ысуына байланысты электр желілеріне және қосалқы станцияларға жүктеме екі есе артуда. Соның салдарынан электр қуатына күш түсіп жатыр.&nbsp;<blockquote>Электр қуатының жетіспеушілігінен кернеу төмендеу салдарынан тұрғындардан арыз-шағымдар толастар емес. &nbsp;«Қызылорда электр тарату тораптары компаниясы» АҚ кернеуді көтеру мақсатында барлық шараларды жүргізіп жатыр. Осыған орай тұрғындардан электр қондырғыларын үнемді &nbsp;пайдалану үшін артық қосылып тұрған қондырғыларды, желдеткіштерді уақытылы ажыратуға шақырамыз», - делінген «Қызылорда электр тарату тораптары компаниясы» АҚ мекемесінің таратқан хабарламасында.&nbsp;</blockquote>

Ыстықта электр қуатына қатысты келеңсіздік орын алып жатыр 

<a href="https://kyzylorda-news.kz/">Kyzylorda-news.kz</a> Әне-міне дегенше берекелі, мерекелі күз мезгілінің келуіне екі ай қалды. Бұл ала жаздай арқасын күн жеп, бел жазбай бейнет қылатын диқаншы қауымның тоқшылыққа кенелер күні. Иә, дәл осындай межелі мерзімде өсірген өнімді шашпай-төкпей қамбаға құйып, оны ысырапсыз толық мақсат тұтқан диқандардың серпінді тірлігі бізге таңсық емес Д.Жұмбеков төрағалық жасайтын «Ақмая» шаруа қожалығының №3 өндірістік бригадасындағы дала еңбеккерлері өткен жылы сарғайған сары алтынның дәнін жерде қалдырмай, уақытылы қамбаға жинап алды.&nbsp;Шиелідегі Ақмая ауылы бұрыннан күрішімен танымал. Мұқым елге белгілі, тәуелсіздік жылдары осы ауылдағы шаруашылық қана талан-таражға түспей, қабырғасы сөгілмей, өзінің біртұтастығын сақтап қалған. Енді міне, арада сан жылдар өтсе де, ауылдың адуынды өмірі тоқтаусыз тың серпінмен жалғасуда. Шиелі ауданының оңтүстік шығыс бетінде орналасып, ауыл мен аудан тұрғындарының әлеуетін арттыруда үлкен үлес қосып келе жатқан шаруашылық қызметкерлері мен жұмысшылары ұжымдық еңбектің үлгісін көрсетіп келеді. &nbsp;Ерлан Сұлтанов – ауылдағы аталған шаруашылықта еңбек жолын 2009 жылы есепші болып бастайды. 2013 жылдан бері №3 бригаданың басшысы қызметін атқаруда. Иә, «Баптай білгенге жер жомарт» деген. 2021 жылы бұл бригада 587 гектар алқапқа негізгі дақыл күріштің тек «Лидер» сұрпын егіп, &nbsp;250-300 гектар жерге ескі жоңышқа орналастырылған. &nbsp;Мәселен, «Лидер» 120-125 күннен кейін ораққа ілінсе, «Янтарды» 110 күннен кейін жинай беруге әбден болады. Ал салмақ жағына келгенде бәрібір «Лидердің» маңызы жоғары. Бұл бригаданың биыл тек күріштің осы сұрпын егуі де сондықтан.&nbsp;– Қай жұмыстың да өзіне тән қиындығы, талабы, жауапкершілігі болады. Соның ішінде мен диқан қауымының еңбегін жоғары бағалаймын. Өйткені, олар ерте көктемнен қара күзге дейін егіс басында жүреді. Жаз бойы уақытын аптап ыстықтың астында, аңызақ желдің өтінде, атыз басында өткізу оңай емес. Бірақ, оны осы жұмыстың бейнетін көріп жүрген адам болмаса, былайғы жұрт түсініп, сезіне бермейді. Диқан жердің тынысын сезіп, барлық жағдайын жасау керек. Сонда ғана жер жомарттық танытып, мол өнімге қол жеткізеді, еңбегінің жемісін жейді. Ол үшін жұмысты тиянақты үйлестіріп, оңтайлы ұйымдастыра білу керек, – дейді Ерлан Сұлтанов.Иә, осы сөзінен-ақ Ерланның «Еңбек еткен адам ғана нан жейді, абыройға кенеледі» деген қағиданы ұстанатын азамат екенін аңғарамыз.Қыс бойы дайындалып, әбден құнарландырылған жерге егілген өнім де мол өнім беріп, шаруалардың шаттығын еселеген. Атап айтар болсақ, әр гектардан 50-60 центнер өнім жинаған диқандар мол астықты қамбаға құйылады. Бұл – жұмысшылардың маңдай тері мен адал еңбегінің нәтижесі. Сондай-ақ, қазіргі заман – техника мен технологияның дәуірі. Шаруашылық жыл сайын жаңа техникалармен толығып келеді. Осы ретте, «Ақмая» шаруа қожалығының үшінші бригадасына биыл бір «МТЗ-80», бір қуатты шетелдік техника, жер жыртатын соқамен толықтырылған. Жаңаның аты жаңа, техника шаруалардың қол еңбегін азайтып, жұмысты жылдам жүргізуге ықпал еткен.Бригадада бүгінде 13 күрішші бар. Ерлан Сұлтанов бірнеше жылдан бері аталған бригадаға басшылық етіп келеді. Бригадирдің батылдығы мен іскерлігінің арқасында ақ күріштен тау тұрғызған шаруашылық жыл сайын абырой биігінен көрініп, өнім мен табыс көлемін арттыруда. Тәжірибелі маман өз әкесінің жолын қуып, осы салаға бет бұрған.– Бұл – ортақ абырой, ортақ еңбек. Барлық қызметкер шаруашылықты алға жылжытуға өз үлестерін қосып келеді. Шаруашылықта он күрішші бар. Олардың ішінде, Қуанышбек Асқаров, Зинабдин Есмұратов, Алтынбек Қыдырбаев, Нұрбол Байжановтардың есімін ерекше атап айтсақ болады. Қуанышбек – ең тәжірибелі күрішші. Ол жиырма бес жылдан бері күріш егіп келеді. &nbsp;Мәселен, 2021 жылы 75 гектар күріш егіп, әр гектардан 60 центнер өнім алды. Зинабдин болса, ұзақ жылдан бері осы салада еңбек етіп, майын ішкен маман. Соңынан ерген жастарға да үлгі-өнеге болып жүр. Ол осыдан үш жыл 100 гектардың әр гектарынан 54 центнер өнім алып, алдыңғы қатардан көрінді. Ал, Нұрбол Байжановтың еңбек майданында жүргеніне 32 жыл. Ол да 85 гектарға күріш егіп, 55 центнерден өнім алды. Алтынбек Қыдырбаев қиындығы мен күрмеуі мол саланың нағыз маманына айналып үлгірді. Алтынбек те 72 гектарға күріш егіп, 56 &nbsp;центнер өнім алды, – дейді өндіріс бригадирі Е.Сұлтанов.Күрішті егіп, одан кейін бітік шыққан егінді ору науқаны басталады. Шетелдік «MacDon» техникасымен 2021 жылы Төрехан Әлтаев 1000 гектар жерді орса, ал &nbsp;Бақытжан Сандыбаев 600 гектар жердің бәрін орып шыққан. &nbsp;Бұл жерде тасымалдаушылардың еңбегі орасан зор. &nbsp;Атап айтар болсақ, Талғат Төлегенов, Қыдырбай Жұмбеков, Мұхтар Жұмбековтердің арқасында қамбаға 7500 тонна астық тасыған кездері болған-ды. Науқанда еңбектің үлкен үлесін орындаған шаруашылық инженері Болат Орынбаев, &nbsp;су маманы Серік Дәріпбаев, дәнекерлеуші Сейілбай Сенбеков, шаруашылық механигі Құрманай Рахимов пен Серік Кемеловтердің еңбегі ерекше.&nbsp;&nbsp;Еңбек майданының ортасында жүрген диқандар «Еңбек адамды қашан да бақытқа бөлейді» деген сөз бекер еместігін ұғындырғандай. Адал еңбектің арқасында әр адам өз бақытын табады. Өзіне ғана тиесілі, өзіне ғана лайық жолмен жүріп, тірлік жасайды. Илеуіне дән тасыған құмырсқадай қыж-быж қайнаған тіршілікте даналықтың, даралықтың негізін қарапайым ғана адамдық парасаттан іздеп, өзі мұрат еткен ісін абыроймен атқарып келе жатқан ұжымның ауызбіршілігі осылай ыдырамасын деп тіледік.

Ерлан Сұлтанов: Диқан жердің тынысын сезіп, барлық жағдайын жасау керек

<a href="https://kyzylorda-news.kz/">Kyzylorda-news.kz</a> Адам өмірге келген соң саналы азамат ретінде артында өнегелі із қалдырсам деген үмітті арқалайды. Оның бірінші жолы ұрпақ өрбіту болса, екіншісі істеген ісі. Осы сәтте «Бабаның тал қондырғаны, өзіне ат қалдырғаны» деген мәтел есімізге сап ете қалды. Бар ғұмырын бау-бақшаға арнаған, ағаш отырғызудың қыр-сырын меңгерген шиелілік Қайырбек Абдуллаев жайлы қалам тербегенді жөн көрдік.Еңбек ердің атын шығарып қана қоймайды, елдің экономикалық әлеуетін жақсартады. Сондай еңбек иесінің бірі Қайырбек Абдуллаев Шиелі ауданы, қазіргі Жақаев ауылының тумасы. Ол 1961-1966 жылдары Алматыдағы Қазақ мемлекеттік ауылшаруашылық институтының жеміс-жидек, көкөніс, жүзім және өсімдіктерді қорғау факультетінде білім алып, агроном мамандығын иеленеді. Сол жылдары жаңадан құрылып жатқан Шиелі «Жеміс-жидек» совхозында (қазіргі Алмалы ауылы) агроном, бас агроном және бас экономист, бастауыш партия ұйымының хатшысы қызметтерін абыройлы атқарады. Сондай-ақ, 1977-1982 жылдары Сырдария ауданындағы «Талды-Арал» жеміс-жидек, орман шаруашылығының директоры қызметін атқарса, 1983-1987 жылдар аралығында Алматыдағы Қазақ жеміс және жүзім шаруашылығының ғылыми-зерттеу мекемесінің меңгерушісі болып біршама істің басын қайырады.Тынымсыз тірлік жасап, қолы қалт ете қалса есік алдына көшет отырғызатын Қайырбек ағаның еңбекқорлығы бау-бақшасынан-ақ байқалып тұрады. Кеңес үкіметі ыдырап, совхоз бірнеше майда шаруашылыққа бөлініп, ұсақталып кеткен кезде, ОҚО-нан жеміс және жүзім көшеттерінің әр түрін әкеліп, есігінің алдына жерсіндіру жұмыстарымен де айналысқан екен. Өз ісіне адал әрі ерекше ықыласпен кірісетін бағбанның қолы тиген жер гүлдеп, көктеп, жайқалып шыға келеді. Оның бір ғана дәлелі деп, Қызылорда қаласы, Құмкөл көлік қызметі жабық акционер қоғамына қарасты «Шопан-Ата» денсаулық орталығындағы санаторияда кеңесші агроном бола жүріп, алма мен алмұрт, жүзім, өрік, шие және түрлі-түсті гүлдер мен газондар, саялы ағаштар егіп, 3-4 жылдың ішінде қараусыз қалған санаториді көркейтіп, көріктендіруін айтуға болады.Қазақ «Атадан мал қалғанша, тал қалсын» дейді. Тіпті ағаш өсіруді бала тәрбиелегенмен пара-пар дегенді де айтады. Ендеше, баланы туылғанынан өмірдің ызғарлы желіне төтеп беретін бекем, берік қылып өсіруді мақсат тұтатындай ағашты да табиғаттың алапат күшінен аман қалдырып, тамырын қаққан қазықтай мығым ету үшін күтімі күпті, бабы мықты болу керек. Бұл жайында да ағамыз бізді біраз сырдан қанық етті.Бейнеттің зейнетін көрер жасқа жеткен Қайырбек Яхияұлы қазіргі таңда көп жылдық тәжірибесін жұбайы Алмаш екеуі туған-туыстарына, балалары мен немерелеріне үйретіп, жеміс ағашын баптап күту туралы ақыл-кеңестерін көпшілікпен бөлісіп жүр. Оның «Победитель социалистического соревнования 1974 года», облыстық атқару комитетінің «Ударник девятой пятилетки» төсбелгісімен және Шиелі ауданының дамуына үлес қосқаны үшін «Шиелі ауданына-80 жыл» медалімен марапатталғанын да айта кеткенді жөн көрдік. Сондай-ақ, аудан тұрғындарын 1000 түп жүзім, 100 түп алма, 100 түп өрік көшетімен қамтамасыз етіп, көркейту-көгалдандыруға қосқан үлесі үшін «Озат бағбан» номинациясын иеленуінің өзі бір төбе.Өтпелі өмірін Шиелі ауданын жасыл-желекке, иран баққа айналдыру мақсатындағы жұмыстармен өрнектеген Қайырбек ағаның еңбегі еш кетпеді. Осы кісінің арқасында қаншама үйде жеміс ағашы егіліп, жүзім көшеттері отырғызылды. Басқа өңірлерден жыл сайын мыңдаған жеміс көшеттерін, біздің жерге төзімді жаңа сорттарын әкеліп жерсіндірген бағбанның қолы алтын десе де болады.

Шиелі: Бауды баптаған ғұмыр иесі

<a href="https://kyzylorda-news.kz/">Kyzylorda-news.kz</a>&nbsp; Америкалық танымал әнші Джастин Тимберлейк мас күйінде көлік жүргізгені үшін қамауға алынды. Бұл туралы ақпаратты АҚШ құқық қорғау органдарындағы дереккөздерге сілтеме жасап ABC News жазды, – деп хабарлайды&nbsp;<a href="https://massaget.kz/basty-zhaalytar-438/109757/">Massaget.kz.</a>Әнші дүйсенбі күні кешке Нью-Йорктегі Саг-Харборда қамауға алынған. Оның сейсенбі күні соты өтеді.Басылым басқа мәліметтерді жария етпеді. 43 жастағы Тимберлейктің Чикаго мен Нью-Йоркте бірнеше концерті жоспарланған.Джастин Тимберлейк – әйгілі әнші, «Эмми» сыйлығының төрт дүркін және «Грэмми» сыйлығының тоғыз дүркін иегері.<img src="https://knadmin.beoblood.kz/uploads/dzhastin_b56f15cfc0.webp" alt="dzhastin.webp">Сурет: gagarin.mos.ru

Танымал әнші қамауға алынды

<a href="https://kyzylorda-news.kz/">Kyzylorda-news.kz</a>&nbsp; Бұрынғы әйелін "11 жыл бойы ұрып-соқты" деп айыпталған әкім Ринат Ибрагимов сотталды, - деп хабарлайды <a href="https://massaget.kz/basty-zhaalytar-438/109807/">Massaget.kz</a>.Атырау қаласының No2 сотында ауданның бұрынғы әкімі И.Р.-ға қатысты кінәліге материалдық немесе өзге де тәуелділікте болған адамға қатысты денсаулыққа қасақана ауырлығы орташа зиян келтіру фактісі бойынша қылмыстық іс қаралды (ҚК-нің 107-бабы 2-бөлігінің 3-тармағы).Сотпен анықталғаны2023 жылғы 31 мамырда Атырау қаласында пәтерде И.Р. және оның әйелі У.А. арасында жанжал болған.Жанжал кезінде И.Р., жәбірленушінің өзіне материалдық тәуелділігін пайдаланып, осы негізде жанжал шығарып, әйелі У.А-ны оң иығынан ұстап, есікті жауып, бөлмеге кіргізген.Ешкімнің кедергі жасамайтынына көз жеткізіп, денсаулығына қасақана зиян келтіру мақсатында У.А.-ны еденге құлатқан және сол жақ санынан бірнеше рет тепкілеген, соның салдарынан жәбірленуші У.А.5-ші омыртқасының сынуы түрінде, ығысусыз орташа ауырлықтағы зақым алған.Сотталушының кінәсі жәбірленушінің айғақтарымен, сараптама қорытындысымен және басқа да дәлелдемелермен дәлелденді.Соттың шешіміҚылмыс жасалған кезде қолданыста болған ҚК-нің 107-бабы 2-бөлігі 3-тармағының санкциясы 2000 АЕК-ке дейінгі мөлшерде айыппұл салу немесе түзеу жұмыстары түріндегі жазаны сол мөлшерде, не 800 сағатқа дейінгі мерзімге қоғамдық жұмыстарға тарту, не 3 жылға дейінгі мерзімге бас бостандығын шектеу, не сол мерзімге бас бостандығынан айыру жазасын қарастырады.Бұл қылмыс заң бойынша орташа ауырлық дәрежесіне жатқызылады.Сотпен жаза түрін таңдау кезінде И.Р.-ның бұрын соттылығы жоқтығы, мінезі оң сипатталғаны ескерілді.Сот үкімімен И.Р.-ға 2 жылға бас бостандығын шектеу жазасы тағайындалды.Жәбірленушінің 20 млн теңге моральдық шығын өндіру туралы азаматтық талап қоюы ішінара қанағаттандырылып, И.Р. жәбірленуші У.А-ның пайдасына 2 млн теңге моральдық зиянды өтейтін болды.Соттың үкімі заңды күшіне енген жоқ.Фото: Massaget.kz

Қазақстан және Қызылорда облысының жаңалықтары