<a href="https://kyzylorda-news.kz/">Kyzylorda-news.kz</a>. Танымал блогер, қайырымдылық іс-шараларының ұйымдастырушысы Ырысбала Икрамбай салық комитетін сынады. Бұл туралы Stan.kz ақпарат агенттігі хабарлайды.Блогер ерікті жандармен бірігіп, халықтан ақша жинап мұқтаж жандарға баспана сыйлап жүр.<blockquote>“Заңды жеке кәсіпкер болып тіркелдім. Дәл қазір ауа жұтқанымыз бен табиғи әжетімізге ғана салық төлемейміз. Қалғандарының бәріне салық төлеп келеміз. Төлеуден жалтарып отырған жоқпын, заңды тұлға болғаннан кейін төлейсің. Енді адам сияқты жұмыс істеуге мүмкіндік берсеңіздерші. Әбден халықты басынды”, – деп ашуланды блогер.</blockquote>Сонымен қатар, блогер&nbsp;оқырман қауымға отбасылық қандай кәсіптері барын да жариялады. Ай сайын төлейтін салығын да көрсетті.<blockquote>“Өткен айда 5 миллион теңге салық төледік. Одан кейін 6 миллион теңге төледік. Төлеген ақшаларымды міндетсінбеймін. Осы елдің азаматы ретінде жауапкершілікті сезінеміз. Бірақ соған сай жұмыс істесін. Күйеуімнің атына ЖШС-ні тіркедім. Өзім кеше ғана жеке кәсіпкер болып тіркелдім. Тұзы жеңіл қатын болдым”, – деді блогер.&nbsp;</blockquote>&nbsp;Фото:&nbsp;<a href="https://www.instagram.com/irisbala__ikrambai_official/">https://www.instagram.com/irisbala__ikrambai_official/</a>&nbsp;

 Ырысбала Икрамбай: Айына 6 миллион теңге салық төлеймін

&nbsp;<a href="https://kyzylorda-news.kz/">Kyzylorda-news.kz</a>. 28 ақпан күні Шиелі аудандық «Дене шынықтыру және спорт» кешенінде Кеңес әскерінің Ауған жерінен шығарылғанына 35 жыл толуына орай аудандық білім бөлімі және қоғамдық даму бөлімінің «Жастар ресурстық орталығы» КММ-нің ұйымдастыруымен мектеп оқушылары арасында «Мерген ару – 2024» облыстық сайысы өтті. Жастарды отансүйгіштікке, патриоттыққа тәрбиелеп, достыққа шақыру мақсатында жүзеге асқан байрақты бәсекеде оқушылар «Интернационалист жауынгер» кубогы үшін әскери-қолданбалы спорт түрлерінен бақ сынасты.&nbsp;Аталған спорт түрлері бойынша облыстық сайысқа Арал, Қазалы, Қармақшы, Жалағаш, Сырдария, Шиелі, Жаңақорған ауданынан және Қызылорда қаласынан барлығы 40 оқушы қатысты. Жыл сайын көгілдір көктемнің нәзік жандарға арналған мерекесінде ұйымдастырылып, дәстүрлі түрде жалғасын тауып келе жатқан бұл жоба биыл Кеңес әскерінің Ауған жерінен шығарылғанына 35 жыл толуына орай ақпан айында өткізіліп отыр. Отан үшін кеудесін оққа тосқан жанкештілерді ұлықтауға құрылған жарыс алаңында қаракөздер аянып қалған жоқ.Мерген арулар додасының маңызы жөнінде:<blockquote>– Сайыстың негізгі мақсаты – жастарға әскери-патриоттық тәрбие беру. Қарындастарымыз Кеңес Одағының батыры, қазақтың мерген қызы Әлия Молдағұлова секілді қайсар аналардың ерлігін дәріптеп, жолын жалғаса екен дейміз. Бұл жерде қыздар тек нысанаға оқты дөп тигізуден ғана емес, автоматты бөлшектеп, оқжатарды уақытқа жарақтау, алғашқы дәрігерлік көмек көрсету сияқты тапсырмалармен сыналады. Жалпы, ер балалардың қолынан келетін жұмыстың бәрін осы мерген аруларымыз да атқара алатынын көрсеткіміз келеді, – деді әскери жетекші Пазылбек Оспанов.</blockquote>Облыстық сайыстың алғы сөзін Тәрбие, спорт және қосымша білім беру орталығының директоры Фархат Досаев алып, жарыс ұйымдастырушыларына алғысын жолдап, қатысушыларға сәттілік тіледі.&nbsp;Сондай-ақ Шиелі аудандық «Дене шынықтыру және спорт» кешенінің директоры&nbsp;Ғабит&nbsp;Тажбановқа&nbsp;алғыс білдірілді.&nbsp;Мерген аруларға аудан өнерпаздары патриоттық әндермен рух беріп, өз кезегінде Шиелі&nbsp;индустриалды-аграрлық&nbsp;колледжі жанынан құрылған «Жас сарбаз» әскери-патриоттық клубы өнер көрсетті.Сайыс барысында қатысушы командалар АК-74 оқу қаруын толық емес бөлшектеу және жинақтау, Пневматикалық винтовкадан нысанаға ату, Пневматикалық винтовкадан жылдамдыққа нысана ату, АК-74 оқу қаруының оқжатарын патрондармен жарақтау, Жалпы әскери қорғаныс жинағын плащ түрінде кию, Командирлер сайысы, Алғашқы медициналық көмек көрсету кезеңдері бойынша сынға түсті.Жарыс қорытындысында жалпыкомандалық есепте ІІІ орынды Қызылорда қаласының, ІІ орынды Шиелі ауданының командасы иеленді. Ал І орын Арал ауданының аруларына бұйырып, республикалық кезеңге жолдама алды.&nbsp;

Шиеліде мерген арулар сайысқа түсті

&nbsp;<a href="https://kyzylorda-news.kz/">Kyzylorda-news.kz.</a>&nbsp; Әйтеке би кенттік Мәдениет үйінде ядролық апатқа қарсы халықаралық «Невада-Семей» антиядролық қозғалысының құрылғанына – 35 жыл толуына орай салтанатты шара өтті. Алдымен мерекелік басқосуға қатысушылар «Жеңіс» саябағындағы «Невада-Семей» халықаралық қозғалысына арналған ескерткіш белгіге гүл шоқтарын қойып, Семей сынақ алаңында әскери борышын өтеуде қаза тапқан ардагерлерге құрметпен тағзым етіп, құран бағыштады. Салтанатты шарада аудан әкімінің орынбасары Дәурен Тлеумбетов сөз сөйлеп, «Невада-Семей» халықаралық қозғалысының құрылғанына – 35 жыл толу мерейтойымен құттықтады.&nbsp; Сонымен қатар, сынақ алаңында әскери борышын өтеген ардагерлерді «Невада-Семей» антиядролық жарылысқа қарсы халықаралық қозғалысының 35 жылдығы» медалімен марапаттады. Марапаттау рәсімінен кейін «Невада-Семей» қоғамдық бірлестігінің Қазалы ауданындағы өкілі, ардагер Өмірбек Күлімбетов ел тарихындағы жасалған бұл қадамның маңызына тоқталды.&nbsp; Сондай-ақ, Семей полигонының ардагерлеріне үнемі қолдау білдіріп жүрген азаматтарға шынайы алғысын жеткізді. Шара соңы концерттік бағдарламаға ұласып, Қазалы ауданының өнерпаздары ардагерлерге арнап, патриоттық тақырыптағы әндер орындады.

Сынақ алаңында әскери борышын өтеген ардагерлер құрметтелді

<a href="https://kyzylorda-news.kz/">Kyzylorda-news.kz</a>. &nbsp;Екінші деңгейдегі банктер (ЕДБ) 2024 жылы қаңтарда 2023 жылғы желтоқсанмен салыстырғанда халыққа берген теңгедегі несиелер бойынша сыйақы мөлшерлемесі жалпы алғанда 2,8%-ға өсіп, 20,7% болды. Бұл туралы <a href="https://stan.kz/kazakstanda-karapayim-halikka-beriletin-banktik-nesiele-396259/">Stan.kz</a> ақпарат агенттігі хабарлайды.Құжатқа сәйкес, теңгедегі ең арзаны халыққа үш айдан бір жылға дейінгі мерзімге берілген несиелер – 18,7%, ең қымбаты – бір айға дейінгі мерзімге 33,2%.Заңды тұлғаларға теңгемен берілген несиелер бойынша сыйақы мөлшерлемесі 0,2%-ға, яғни 18,5%-ға дейін төмендеді. Шетел валютасындағы несиелер бойынша мөлшерлеме өзгерген жоқ, ол 5,7% болды. Қаңтар айында бизнес үшін теңгедегі ең қымбаты ұзақ мерзімді несиелер болды – бес жылдан астам мерзімге – 19,6%, ең арзаны – бір айдан үш айға дейінгі мерзімге – 18,2%.Айта кетейік, бұған дейін&nbsp;Қазақстанда аз қамтылған азаматтарға несие беруге тыйым салу ұсынылғаны туралы жазған едік.&nbsp;Фото:&nbsp; freepik.com&nbsp;

Несиенің пайыздық мөлшері артты

<a href="https://kyzylorda-news.kz/">Kyzylorda-news.kz</a> Жасанды интелект Қызылорда қаласы туралы қызықты деректер бөлісті деп хабарлайды Kyzylorda news ақпарат агенттігі.Соңғы ғасырдың жартысынан бері түрлі елдің ғалымдары адамның санасы сияқты әртүрлі функцияларды басқара алатын күрделі механизмді жасанды жолмен жасауға тырысып келеді. Әзірге адам санасының аналогы жасалған жоқ. Оны ғылымда "жасанды интеллект" дейді.&nbsp;Бүгінде елімізде жасанды интеллектпен түрлі бағдарлама, ақпараттар дайындалуда.Жасанды интелект бағдарламасына Қызылорда жайында қызықты ақпараттар айтуды сұрадық. Нәтижесінде, мынадай ақпараттарды ұсынды.1. Қызылорда қаласы Қазақстанның орталық бөлігінде Сырдария өзенінің жағасында орналасқан. 2. Қала атауы «қызыл көлдер» немесе «қызыл сулар» деп аударылады, бұл аймақтағы кейбір көлдердегі судың қызыл реңктерін білдіреді. 3. Қызылорда — 19 ғасырдың аяғында іргесі қаланған Қазақстанның ең көне қалаларының бірі. 4. Қала облыстың ірі темір жол торабы және көлік орталығы болып табылады. 5. Қызылордада көптеген тарихи және мәдени көрікті жерлер бар, соның ішінде мұражайлар, ескерткіштер мен сәулет құрылымдары. 6. Қызылорда кілем, тоқыма және керамика сияқты дәстүрлі қолөнер бұйымдарымен танымал. 7. Қала облыстағы ауыл шаруашылығы мен азық-түлік өндірісін дамытудың маңызды орталығы болып табылады. 8. Қызылорда қаласының маңында көлдер, қорықтар, шөлдер сияқты табиғи көрікті жерлер көп.

Жасанды интелект Қызылорда туралы не айтты?

&nbsp;<a href="https://kyzylorda-news.kz/">Kyzylorda-news.kz</a>. Жарты ғасырдан астам еріксіз үзілістен соң халық алдына қайта шыққан тұлғаларымыздың бірі – Шәкәрімнің қазақ халқының рухани мәдениетінің тарихында алатын орны ерекше. Шәкәрім – қазақ әдебиетін жаңа белеске көтерген, қазақ халқының көркемдік ойының үздік үлгілерін туғызған, қазақ өлеңін түрлендіре түскен кемеңгер ақын. Мемлекет басшысы Қасым-Жомарт Тоқаев әр жылғы жолдауында өскелең ұрпақтың тәрбиесіне ерекше тоқталып кетеді.&nbsp;Президент жүктеген міндеттер мен тапсырмасына сәйкес халықтың мәдениет нысандарына қолжетімділігін арттыру мақсатында «Адал адам – мәдени-тәрбие беру орталығы» Тұжырымдамасы бойынша «Әлем бук» оқырмандар клубын құру аясында қазақ поэзиясының асқар шыңы Абай қалдырған шығармашылық дәстүрді жалғастыра отырып, өз жаңалықтарымен байытып өрнектеген Шәкәрім Құдайбердіұлының шығармаларын насихаттау мақсатында «Шәкәрім оқулары» атты аудандық байқауына аудан көлеміндегі мектептерден 5-8 сынып оқушыларынан 36 үміткер қатысты. Аудандық білім бөлімінен Индира Оралбекқызы, аудандық қоғамдық даму бөлімінің әдіскері Айнұр Молдахметқызы, аудандық мәдениет үйінің халық театрының режисері Досхан Ерболатұлы және аудандық орталықтандырылған кітапхана жүйесінің директоры Гүлдана Көпболсынқызы қатысушылардың оқу шеберлігіне төрелік жасады.&nbsp;3 кезеңнен тұратын байқаудан ерекше көзге түсіп, Жансейіт ауылдық кітапханасының оқырманы №133 негізгі орта мектебінің 8-сынып оқушысы Гүлсезім Абуова бас жүлдені иеленіп, облыстық байқауда бақ сынайтын болады.І дәрежелі орынды Береке кітапханасының оқырманы №48 мектеп 8-сынып оқушысы Кәусар Қайсарқызы, Балалар кітапханасының оқырманы №46 А.С.Пушкин атындағы мектеп-лицейінің 8-сынып оқушысы Жанерке Махамбет, ІІ дәрежелі орынды Балалар кітапханасының оқырманы №244 Ы.Жақаев атындағы мекеп-лицейінің 7-сынып оқушысы Айерке Алтай, Балалар кітапханасының оқырманы №219 Ы.Алтынсарин атындағы мекеп-лицейінің 6-сынып оқушысы Мерей Сұлтанова, Балалар кітапханасының оқырманы №244 Ы.Жақаев атындағы мектеп-лицейінің 7-сынып оқушысы Гүлназ Есенбек, ІІІ дәрежелі орынды №1 қалалық кітапханасының оқырманы №47 М.В.Ломоносов атындағы мектеп-лицейінің 7-сынып оқушысы Айымжан Жұмабек, Бәйгеқұм ауылдық кітапханасының оқырмандары №251 М.Әуезов атындағы орта мектебінің 6-сынып оқушысы Дидар Өмірбеков, Алғабас ауылдық кітапханасының оқырманы №157 Б.Пәрімбетов атындағы орта мектебінің 6-сынып оқушысы Жібек Егенбердиева, Қодаманов ауылдық кітапханасының оқырманы Шахназ Шағдатқызы, Ортақшыл ауылдық кітапханасының оқырманы №150 Ортақшыл орта мектебінің 8-сынып оқушысы Ерназар Сәрсенұлы иеленді.

Шиеліде Шәкәрім оқулары өткізілді

<a href="https://kyzylorda-news.kz/">Kyzylorda-news.kz</a>. Осы жылы Қазақстан елінде ең ұзақ ақпан айы болады деп хабарлайды Kyzylorda news ақпарат агенттігі.29 ақпаннан 1 наурызға қараған түні еліміздің бірнеше аймағында (Батыс пен Қызылордадан басқа) сағат 1 сағатқа шегеріледі. Осыған сәйкес, еліміздің басым бөлігіне 1 сағат қосылып, ең ұзақ ақпан айы болғалы тұр.

 Биыл Қазақстанда ең ұзақ ақпан айы болады

&nbsp; &nbsp;&nbsp;&nbsp; &nbsp;&nbsp;<a href="https://kyzylorda-news.kz/">Kyzylorda-news.kz</a>. Аманкүл Қапанова облыстық мемлекеттік архивте 2 санатты археограф.&nbsp;Ол тарихи құнды деректерді жариялауда &nbsp;еңбек етіп келеді. &nbsp;Архив саласындағы еңбек өтіл – 9 жыл. Тарихи жадыны сақтаушы археограф ретінде құжаттарды пайдалану және жариялау бөлімінде экскурсиялар, лекциялар өткізіп, ашық есік күнін ұйымдастырады. Сонымен қатар архив құжаттарын мәдени-ағарту және насихаттық мақсатта пайдалану барысында мақалалар жариялап, түрлі жобаларды іске асырады. Атап айтар болсақ, «Құжаттар сөйлейді», «Тарих толқынында» айдары, облыстың құрылғанына 85 жыл толуына орай «Туған өлке – тұнған шежіре» атты тарихи-танымдық рубрикалар көптің қызығушылығын оятты.<blockquote>&nbsp; &nbsp; &nbsp; – Қоғамның бай тарихи шежіресінен сыр шертетін архивтегі әр құжат құнды. Мұндағы әр іс, әр құжат өскелең ұрпаққа шашауы шықпаған күйде жеткізіледі. Құжаттарды сақтайтын қойма талаптарға сай болуы қажет. Қоймаларда күнделікті жинау, тазалық, температуралық режимді бақылау, жарықтан, биобүлінуден сақтау жұмыстары жүзеге асып отырады. Арнайы құралдармен (стеллаждар, шкафтар, қораптар, папкалар) қамтамасыз етіледі. Құжаттар қараңғы жерде сақталады. &nbsp;Күн сәулесі түспеу қажет. Архив қоймаларында ұзақ мерзімді сақтаудың мынадай температуралық режимі қамтамасыз етіледі: қағаз жеткізгіштердегі құжаттар үшін &nbsp;температура 17-19 ºс, ауаның салыстырмалы ылғалдылығы 50-55% болу керек. Архивке Қазақстанның өзге облыстарынан, сонымен қатар Ресей Ғылым Академиясының қалмақ ғылыми орталығынан, Кореядағы Донгук университетінен, Мэриленд штатының университетінің ғалымдары келіп зерттеу жұмыстарын жүргізді. Сонымен қатар «Архив-2025» бағдарламасы аясында шетел архивтерінен Орынбор мемлекеттік архивінен Сыр өңірінің тарихына қатысты құнды құжаттардың көшірмелері алынды, – дейді архиолог.</blockquote>Тәжірибелі маманның айтуынша құжаттарды қалпына келтіру жұмыстарына аса көңіл бөлінеді.&nbsp;Архив құжаттарын пайдалануда құжаттардың физикалық жай-күйі жоғалады, мәтін өшеді. Сондықтан оларды &nbsp;қайта қалпына келтіру жұмыстары жүргізіледі. Сонымен қатар архивтік құжат түпнұсқаларына реставрация жасалады. «Қоғамның бай тарихи шежіресінен сыр шертетін архивтегі әр құжат құнды. Мұндағы әр іс, әр құжат өскелең ұрпаққа шашауы шықпаған күйде жеткізіледі. Құжаттарды сақтайтын қойма талаптарға сай болуы қажет. Қоймаларда күнделікті жинау, тазалық, температуралық режимді бақылау, жарықтан, биобүлінуден сақтау жұмыстары жүзеге асып отырады. Арнайы құралдармен (стеллаждар, шкафтар, қораптар, папкалар) қамтамасыз етіледі. Құжаттар қараңғы жерде сақталады. &nbsp;Күн сәулесі түспеу қажет. Архив қоймаларында ұзақ мерзімді сақтаудың мынадай температуралық режимі қамтамасыз етіледі: қағаз жеткізгіштердегі құжаттар үшін &nbsp;температура 17-19 ºс, ауаның салыстырмалы ылғалдылығы 50-55 % болу керек», – дейді ол.&nbsp; &nbsp; &nbsp; &nbsp; Архив – мемлекеттің кешегі және бүгінгі тарихының сақтаушысы. Ұрпақтар ауысса да, архив құжаттары қалады. Ұлттық құндылықтарды көздің қарашығындай қорғап, сол қалпында ұстап отыру &nbsp;– архив қызметкерлерінің қасиетті борышы. «Қызылорда облысының мемлекеттік архивінің негізгі қызметтік бағыттарына жеке және заңды тұлғалардың әлеуметтік-құқықтық сипаттағы және тақырыптық сұраныстарын орындау кіреді. «Архивтік анықтамалар, архивтік құжаттардың көшірмелерін немесе архивтік үзінділер беру» Мәдениет және спорт министрінің 2020 жылғы 29 мамырдағы №159 бұйрығының 1-қосымшасына сәйкес жүргізіледі. Жеке және заңды тұлғаларға көрсетілетін бұл мемлекеттік қызметке дәстүрлі түрдегі еңбек өтілі, жалақы мөлшері, зейнетақы жарналарының аударылуы, білімі және т.б. сұраныстары жатады. Өтініштерді қабылдау және архивтік анықтамаларды беру мемлекеттік архив кеңсесі, «Азаматтарға арналған үкімет» мемлекеттік корпорациясы» коммерциялық емес акционерлік

Қызылордаға қатысты құнды құжат Орынбор архивінен табылды

<a href="https://kyzylorda-news.kz/">Kyzylorda-news.kz</a>. Жеті баланың анасы үй қамақта отырғанын айтты, деп хабарлайды EL.kz ақпарат агенттігі «Көреміз»&nbsp;бағдарламасына сілтеме жасап.Гауһар Жұмаділләның күйеуі Түркістан облысы, Темір ауылында бас имам қызметін атқарады.<blockquote>2010 жылы шаңырақ көтердік. Бір аптаның ішінде танысып, асығыс үйлендік. Екінші тұрмысым. Ажырасып, оқуда жүрдім. Бірінші некеде балам шетінеп, ажырасып кеттім, - деді ол.</blockquote>Қазір күйеуі тіпті төркінімен араластырмай, туғандарынан алыстатып жіберген.<blockquote>Мен тіпті ауруханаға өзім бара алмаймын. Өзі апарады. бала туғанда да тексерілуге баруға жібермейді, - деп шағымданды әйел.</blockquote>Аурухана қызметкерлері де оның сөзін растап отыр. Аяғы ауыр кезінде мүлде тексерістен өтпеген. Балаларын да тексеруге апармаған.Қазіргі уақытта Гауһар үйді балаларына беріп, күйеуімен ажырасқысы келетінін айтты. Үй қамақта отырған ол күйеуі аяусыз соққыға жығатынын мәлімдеді. Балалар да әкесінен оңбай таяқ жейтін көрінеді. Белдікпен, телефон қуаттағыштың шнурымен, киім ілгішпен әйелін сабайды екен. Тіпті әйелін «сенің жүрегіңе пышақ тығып өлтіремін» деп бопсалаған. Ол күйеуінің атынан арыз жазбаған, шағымданбаған.Фото: Нұрболат Нұржаубай

Имам әйелін үй қамақта ұстап, қорлық көрсеткен

<a href="https://kyzylorda-news.kz/">Kyzylorda-news.kz</a>. Нәрестені далаға тастаған күдіктілер ұсталды, деп хабарлайды EL.kz ақпарат агенттігі.Қарағандыда полиция қызметкерлері жүргізген кешенді жұмыстардың нәтижесінде нәрестені далаға тастап кеткен күдіктілер анықталды. Олар – 29 жастағы ер адам мен 22 жастағы әйел.Қарағанды облыстық Полиция департаменті бастығының орынбасары Ернат Қалиақпаров оқиғаның толық мән-жайы анықталып жатқандығын мәлімдеді.Өзге ақпараттар тергеу құпиялығына сәйкес жариялауға жатпайды.Еске салайық, бұған дейін Қарағандыда полиция тастанды нәрестенің анасын іздеп жатқаны хабарланды.Фото: Нұрболат Нұржаубай

Сәбиін үйдің дәлізіне тастап кеткендер ұсталды

<a href="https://kyzylorda-news.kz/">Kyzylorda-news.kz</a>. Бүгін, 28 ақпанда таңертең Сырдария ауданы, Бесарық ауылындағы құс фабрикасында өрт шыққан еді. Тілсіз жау бір сағат ішінде ауыздықталды. Адамдар аман, ешкім зардап шеккен жоқ. Алайда, 4 мың бөдене өртеніп кетті. Оқиға орнына Қызылорда облысы әкімінің орынбасары Ардақ Зебешев барды. Жағдайды өз көзімен көрді. Фабрика иесімен Мұрат Сарсенбаевпен кездесті. &nbsp;Бұл туралы Қызылорда облысының кәсіпкерлік және өнеркәсіп басқармасы хабарлады.&nbsp;Ардақ Зебешев кәсіпкерге тиісті қолдау көрсетілетінін және фабрика жұмысшыларын жаңа жұмыс тауып беру мәселесі қарастырылатынын айтты.<blockquote>- Құс фабрикасындағы өрт бізді қатты алаңдатты. Мұнда қаншама еңбек, қаржы жұмсалды. Өте өкінішті жағдай. Абырой болғанда адамдар зардап шеккен жоқ. Дегенмен, материалдық шығындар бар. Бұл мәселе аймақ басшысының бақылауында. Кәсіпорынға тиісті қолдау көрсетіледі. Сондай-ақ Төтенше жағдайлар департаменті өрттің неден болғанын анықтайды, -деді Ардақ Темірханұлы.</blockquote>

Ардақ Зебешев: Құс фабрикасындағы жұмысшыларға жаңа жұмыс тауып беру мәселесі қарастырылады

<a href="https://kyzylorda-news.kz/">Kyzylorda-news.kz</a>. Бүгін Семей ядролық сынақ полигонының жабылуына түрткі болған халықаралық антиядролық «Невада-Семей» қозғалысының құрылғанына 35 жыл толды. Осыған орай Қызылорда қаласы әкімдігі мен «Қызылорда-Невада-Семей» қоғамдық бірлестігінің ұйымдастыруымен «Тағзым» алаңында ядролық сынақтың зардабын жоюға қатысқан азаматтарды еске алу митингісі өтті.Еске алу шарасына Қызылорда қалалық маслихатының төрағасы И.Құттықожаев, облыстық қоғамдық даму басқармасының басшысы А.Есмаханов, облыстық ардагерлер кеңесінің төрағасы С.Дүйсенбаев, облыстық «Қызылорда-Невада-Семей» қоғамдық бірлестігінің төрағасы С.Әбіш, бірлестік мүшелері, маслихат депутаттары мен «Жас сарбаз» әскери-патриоттық қозғалысының мүшелері мен БАҚ өкілдері қатысты.Апатты аймақта азаматтық борышын өтеген ардагерлерді еске алуға бағытталған митингіде сөз алған қалалық мәслихат төрағасы Ибадулла Құттықожаев ардагерлерге ізгі лебізін білдіріп, жастарды патриоттық негізде тәрбиелеуге сіңірген еңбектеріне алғысын жеткізді. Қызылорда облыстық ардагерлер кеңесінің төрағасы бүгініміздің бейбіт, ертеңіміздің жарқын болуына тілектестік білдірді.Шара барысында қатысушылар «Невада-Семей» ядролық сынағының зардабын жоюға қатысқан ардагерлердің рухына бас иіп, 1 минут үнсіздікпен еске алды. Барша тұрғындар Сыр жұртшылығының атынан гүл шоқтарын қойып, ардагер сарбаздардың рухына құран бағыштады.Сынақ даласының зардабын жоюға қатысқан ардагерлерді еске алу шарасынан кейін облыстық «Достық үйінің» мәжіліс залында облыстық қоғамдық даму басқармасы мен «Қызылорда-Невада-Семей» қоғамдық бірлестігімен бірге, қозғалыс ардагерлерімен кездесу өтті. Салтанатты шарада қоғамдық даму басқармасының басшысы А.Есмаханов қоғамдық өмірге белсене араласып жүрген бірқатар аға буын өкілдерін облыс әкімінің «Алғыс хатымен» мапараттады.Сондай-ақ, «Қызылорда-Невада-Семей» қоғамдық бірлестігінің төрағасы С.Әбіш бірлестік мүшелеріне 35 жылдық мерекелік төсбелгі табыстады. Жиын соңы концерттік бағдарламаға ұласты.

Қазақстан және Қызылорда облысының жаңалықтары